စစ်ကိုင်းတိုင်းဒေသကြီးလွှတ်တော်သို့ တင်သွင်းသည့် ၂၀၁၈-၂၀၁၉ ဘဏ္ဍာငွေအရအသုံးဆိုင်ရာ ဥပဒေမူကြမ်းတွင် လွှတ်တော်ကိုယ်စားလှယ်များနှင့် ညှိနှိုင်းထားခြင်းမရှိသည့် ဌာနဆိုင်ရာစီမံကိန်းများ ပါရှိနေဟု လွှတ်တော်ဥက္ကဋ္ဌ ပြောကြား

အောက်တိုဘာ ၈ ရက်က ကျင်းပသည့် ဒုတိယအကြိမ် စစ်ကိုင်းတိုင်းဒေသကြီးလွှတ်တော် (၁၆) ကြိမ်မြောက် ပုံမှန်အစည်းအဝေး ကျင်းပနေစဉ်

စစ်ကိုင်းတိုင်းဒေသကြီး လွှတ်တော်သို့ တင်သွင်းသည့် ၂၀၁၈-၂၀၁၉ ဘဏ္ဍာငွေအရ အသုံးဆိုင်ရာ ဥပဒေမူကြမ်းတွင် လွှတ်တော်ကိုယ်စားလှယ်များနှင့် ညှိနှိုင်းထားခြင်းမရှိသည့် ဌာနဆိုင်ရာစီမံကိန်းများ ပါရှိနေဟု စစ်ကိုင်းတိုင်းဒေသကြီး လွှတ်တော်ဥက္ကဋ္ဌ ဦးသန်းက ပြောကြားသည်။

အောက်တိုဘာ ၈ ရက်က ကျင်းပသည့် ဒုတိယအကြိမ် စစ်ကိုင်းတိုင်းဒေသကြီးလွှတ် တော် (၁၆) ကြိမ်မြောက် ပုံမှန်အစည်းအဝေး နောက်ဆုံးနေ့တွင် ၎င်းက အထက်ပါအတိုင်း ပြောကြားခဲ့ခြင်း ဖြစ်သည်။

“စစ်ကိုင်းတိုင်းဒေသကြီးလွှတ်တော်မှာ တင်သွင်းခဲ့တဲ့ ၂၀၁၈-၂၀၁၉ ဘဏ္ဍာရေးနှစ် ဘဏ္ဍာငွေအရသုံးဆိုင်ရာ ဥပဒေမူကြမ်းနဲ့ ပတ်သက်ပြီးတော့ ကိုယ်စားလှယ်တွေကို ဌာနဆိုင်ရာတချို့က ညှိနှိုင်းထားခြင်းမရှိတဲ့အတွက် ဌာနဆိုင်ရာစီမံကိန်းများ ပါရှိနေပါတယ်” ဟု လွှတ်တော်ဥက္ကဋ္ဌ ဦးသန်းက ပြောကြားသည်။

စစ်ကိုင်းတိုင်းဒေသကြီး ၂၀၁၈-၂၀၁၉ ဘဏ္ဍာရေးနှစ် ဘဏ္ဍာငွေအရသုံးဆိုင်ရာ ဥပဒေမူကြမ်းကို ပြီးခဲ့သည့် စက်တင်ဘာ ၂၈ ရက်က ကျင်းပသည့် ဒုတိယအကြိမ် စစ်ကိုင်းတိုင်းဒေသကြီးလွှတ်တော် (၁၆) ကြိမ်မြောက် ပုံမှန်အစည်းအဝေး စတုတ္ထမြောက်နေ့တွင် စစ်ကိုင်းတိုင်းဒေသကြီး အစိုးရအဖွဲ့ စီမံကိန်း နှင့် ဘဏ္ဍာရေးဝန်ကြီး ဦးစိုးဦးက လွှတ်တော်သို့  တင်သွင်းရာတွင် ဥပဒေကြမ်း၌ လွှတ်တော်ကိုယ်စားလှယ်များနှင့် ညှိနှိုင်းထားခြင်း မရှိသည့် ဌာနဆိုင်ရာစီမံကိန်းများ ပါရှိနေသည်ကို လွှတ်တော်ကိုယ်စားလှယ်များက ဆွေးနွေးခဲ့သည်။

ထို့ပြင် ဘတ်ဂျက်ရေးဆွဲညှိနှိုင်းဆွေးနွေးပွဲများတွင် ၀န်ကြီးဌာနများမှ အစည်းအဝေးသို့ တက်ရောက်လာသူကတစ်ဦး၊ လုပ်ငန်းအား ပြန်လည်စီမံသူက တစ်ဦးဖြစ်နေမည်ဆိုပါက  အဆင်မပြေမှုများ ဆက်လက်ဖြစ်ပွားနေမည်ဖြစ်ပြီး သက်ဆိုင်ရာ ၀န်ကြီးများအနေဖြင့် မိမိနှင့်သက်ဆိုင်သည့် ဌာနဆိုင်ရာများအား စနစ်တကျကြီးကြပ်ပေးရန် လိုအပ်ကြောင်း လွှတ်တော်ဥက္ကဋ္ဌက တိုက်တွန်းပြောကြားသည်။

ပြည်ထောင်စုလွှတ်တော်က အတည်ပြုပေးလိုက်သည့် ဘတ်ဂျက်များအား မိမိတို့ လွှတ်တော်၌ လွှတ်တော်ရေးရာကော်မတီ ကိုယ်စားလှယ်များနှင့် ဌာနဆိုင်ရာများပါဝင်သည့် ဘတ်ဂျက်ရေးဆွဲဆွေးနွေးပွဲများတွင် ဌာနဆိုင်ရာများအနေဖြင့် အဆုံးအဖြတ်ပေးနိုင်သည့် ပုဂ္ဂိုလ်များအား တက်ရောက်စေလိုကြောင်း ၎င်းက ဆိုသည်။

“ဆွေးနွေးညှိနှိုင်းထားတဲ့ လုပ်ငန်းတွေကိုလည်း ဌာနဆိုင်ရာတွေအနေနဲ့ သေချာမှတ်သားထားဖို့ လိုပါတယ်။ နောက်နောင်မှာလည်း စီမံလျာထားပေးဖို့ လိုပါတယ်။ ညှိနှိုင်းအစည်းအဝေးလာတက်တာက တစ်ယောက်။ လုပ်ငန်းကို ပြန်လည်စီမံတာက တစ်ယောက်ဆိုတော့ ဒီလိုကိစ္စမျိုးတွေဟာ ထပ်ပြီးတော့ ဖြစ်ပွားနေဦးမှာပါ။ ဒါကြောင့် နောင်ဒီလိုမျိုး ထပ်မံမဖြစ်ပေါ်ဖို့အတွက် သက်ဆိုင်ရာဝန်ကြီးများက မိမိတို့နဲ့သက်ဆိုင်တဲ့ ဌာနဆိုင်ရာတွေကို စနစ်တကျကြီးကြပ်ပေးဖို့ လိုပါတယ်” ဟု လွှတ်တော်ဥက္ကဋ္ဌက ပြောကြားသည်။

နောင်တွင်ကျင်းပမည့် လွှတ်တော်အစည်းအဝေးများ၌ လွှတ်တော်ကိုယ်စားလှယ်များအနေဖြင့် ဒေသနှင့် ပြည်သူများအတွက် အမှန်တကယ်အကျိုးရှိမည့် မေးခွန်းနှင့် အဆိုများကို လွှတ်တော်ရုံးသို့ ကြိုတင်ပေးပို့ထားစေလိုကြောင်း၊ လွှတ်တော်အတွင်း ၀န်ကြီးများသည် မိမိတို့နှင့်သက်ဆိုင်သည့် မေးခွန်းများနှင့် ပြန်လည်ဖြေကြားမှုများကို ဖြေကြားချက်ပြည့်စုံမှုမရှိခြင်းနှင့် တာဝန်ကျေလာ ရောက်ဖြေဆိုခြင်းများ မပြုလုပ်စေလိုကြောင်း၊ လွှတ်တော်နှင့်လွှတ်တော်ကိုယ်စားလှယ်များအား ၀န်ကြီးများသည် လေးစားသောအားဖြင့် မိမိတို့၏ ဖြေကြားချက်များကို စနစ်တကျ မှတ်တမ်းတင်ထားရန် လိုကြောင်း ၎င်းက ဆက်လက်ပြောကြားသည်။

“လွှတ်တော်အတွင်းမှာ မိမိတို့ဌာနဆိုင်ရာများနဲ့ သက်ဆိုင်တဲ့ မေးခွန်းဖြေကြားမှုတွေဖြစ်စေ၊ တခြားသော ၀န်ကြီးဌာနရဲ့ မေးခွန်းကို ကိုယ်စားဖြေဆိုပေးရတာဖြစ်စေ၊ ဖြေကြားချက်မပြည့်စုံခြင်း၊ တာဝန်ကျေလာရောက် ဖြေဆိုခြင်း မလုပ်ကြပါနဲ့။ လွှတ်တော်နဲ့ လွှတ်တော်ကိုယ်စားလှယ်တွေကို လေးစားတဲ့အနေနဲ့ ပြည့်ပြည့်စုံစုံ အလေးထားပြီးတော့ ဖြေကြားစေလိုပါတယ်။ မိမိတို့ရဲ့ ဖြေကြားချက်များကိုလည်း စနစ်တကျမှတ်တမ်းတင်ထားဖို့လိုကြောင်း ပြောကြားလိုပါတယ်” ဟု စစ်ကိုင်းတိုင်းဒေသကြီး လွှတ်တော်ဥက္ကဋ္ဌ ဦးသန်းက ဆိုသည်။

စစ်ကိုင်းတိုင်းဒေသကြီးတွင် မိုးသည်းထန်စွာ ရွာသွန်းမှုကြောင့် ပင်လည်ဘူးမြို့နယ်နှင့် ကျွန်းလှမြို့တို့တွင် ရေကြီးရေလျှံမှုများ ဖြစ်ပေါ်ခဲ့ပြီး တံတားပျက်စီးမှုကြောင့် ဆက်သွယ်ရေးများ ပြတ်တောက်

ကောလင်းနှင့် ပင်လည်ဘူးကြား မြေလင်းရွာရှိ တံတားကျိုးမှုဖြစ်ပွားစဉ်

စစ်ကိုင်းတိုင်းဒေသကြီးတွင် စက်တင်ဘာ ၁ ရက်က မိုးသည်းထန်စွာ ရွာသွန်းမှုကြောင့် ကသာခရိုင် ပင်လည်ဘူးမြို့နယ်နှင့် ရွှေဘိုခရိုင် ကျွန်းလှမြို့တို့တွင် ရေကြီးရေလျှံမှုများ ဖြစ်ပေါ်နေပြီး မြေလင်းကျေးရွာအနီးရှိ တံတားတစ်စင်း ပျက်စီးမှုကြောင့် လမ်းပန်းဆက်သွယ်ရေးများ ပြတ်တောက်လျက် ရှိနေသည်ဟု ဒေသခံ တိုင်းဒေသကြီး လွှတ်တော်ကိုယ်စားလှယ်များ၏ ပြောပြချက်အရ သိရသည်။

ပင်လည်ဘူးမြို့နယ်တွင် မိုးသည်းထန်စွာ ရွာသွန်းမှုကြောင့် ပင်လည်ဘူး-ကောလင်း သွား ကားလမ်းအနီးရှိ မြေလင်းကျေးရွာတွင် တိုင် ဒေသကြီး ဘတ်ဂျက်ရန်ပုံငွေဖြင့် တည်ဆောက်ထားသည့် တံတားသည် ရေမျောသွားပြီ ဖြစ်ကြောင်း ပင်လည်ဘူးမြို့နယ် မဲဆန္ဒနယ်မြေ အမှတ်(၁)တိုင်းဒေသကြီး လွှတ်တော်ကိုယ်စားလှယ် ဦးသန်းလှိုင်က ဆိုသည်။

“မိုးရွာတာ အရမ်းများတယ်။ ကျွန်တော်တို့ ပင်လည်ဘူးမြို့နယ် မြေလင်းကျေးရွာမှာ တည်ဆောက်ထားတဲ့ တံတားအသေးလေးကတော့ ဒီနေ့မနက်ပိုင်းလောက်ကပဲ ရေမျောသွားပြီ။ အခြားနေရာတွေနဲ့ အခြားကျေးရွာတွေရဲ့ အခြေအနေကတော့ လောလောဆယ်မှာ ဘာမှမပြောနိုင်သေးဘူး။ မိုးကလည်း အခုထိ ရွာနေတုန်းပဲ” ဟု ၎င်းက ပြောကြားသည်။

မြေလင်းကျေးရွာသည် ပင်လည်ဘူး- ကောလင်းလမ်းတွင် တည်ရှိပြီး မြစ်ကြီးနားကားလမ်းမှ ကျောက်တန်း၊ ကျောက်တန်းမှ ကောလင်း၊ ကောလင်းမှ ပင်လည်ဘူးလမ်းဖြစ်ပြီး ဖောင်းပြင်၊ ဟုမ္မလင်း၊ ဗန်းမောက်မြို့များသို့ သွားသောလမ်းဖြစ်ကာ အဆိုပါနေရာတွင် ခရီးသွားယာဉ်များ သွားလာ၍မရဘဲ ရပ်တန့်ထားရကြောင်း သိရသည်။

“ကောလင်းနဲ့ ပင်လည်ဘူးကြား အလယ်လောက်မှာရှိတဲ့ မြေလင်းရွာမှာ တံတားကျိုးနေလို့ ကားတွေ စောင့်နေရတယ်။ အဲဒီနေရာမှာ ရေကျော်ပုံစံ တံတားလုပ်ထားတာ။ အဲဒါက ချောင်းရေများတယ်။ ချောင်းရေက မျောလာတော့ အပင်ကြီးတွေ ပါလာတယ်။ ပိတ်ပြီး ကျိုးသွားတာ။ ချောင်းရေနဲ့ ပါတော့ မပါဘူး။ ကျိုးကျသွားတာ ကားသွားလို့ မရတော့ဘူး။ မိုးက တောက်လျှောက်ရွာနေတာ။ အခုတော့ မိုးစဲသွားပါပြီ။ ကားအစီးရေ ဟိုဘက်ဒီဘက်ဆိုရင် လောလောဆယ် အစီး ၃ လောက်တော့ရှိမယ်။ တံတားကျိုးပြီး ပိတ်သွားတာ နေ့လည် ၁၂ နာရီ ကျော်လောက်က ပိတ်သွားတာပါ။ အခုတော့ ဘက်ဟိုးစက်ကြီးတွေနဲ့ သွားလာလို့ရအောင် လုပ်ပေးနေတယ်” ဟု မြေလင်းရွာတွင် ရောက်ရှိနေသူ ကိုကျော်သူရက ပြောကြားသည်။

ရွှေဘိုခရိုင် ကျွန်းလှမြို့တွင် မိုးသည်းထန်စွာ ရွာသွန်းမှုကြောင့်မြို့ပေါ်ရှိ ရပ်ကွက်ကြီး လေးရပ်ကွက်အနက် ရပ်ကွက်ကြီးသုံးခုမှာ ရေကြီးရေလျှံနေကြောင်း၊ ယင်းမြို့နယ်သည် မိုးရွာသွန်းမှုမှာ အလွန်များပြားကြောင်း ကျွန်းလှမြို့နယ် မဲဆန္ဒနယ်မြေ မဲဆန္ဒနယ်မြေ အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးလှဖြိုးက ပြောကြားသည်။

“ကျွန်တော်တို့ ကျွန်းလှမြို့မှာတော့မိုးက အရင်မိုးရွာတာထက်ကို များသွားတယ်။ အခုလည်း မိုးရွာနေတယ်။ လျှပ်စစ်မီးတွေလည်း ပျက်နေတယ်။ ကျွန်းလှမြို့ပေါ်ရှိ သစ်ယာမြိုင်ရပ်ကွက်ရယ်၊ ပိတောက်ပြိုင်ရပ်ကွက်ရယ်၊ ပျဉ်းမမြိုင်ရပ်ကွက် ဒီရပ်ကွက်ကြီးသုံးခု အတွင်းမှာရှိတဲ့ လူနေအိမ်တွေကတော့ ရေနစ်နေပြီ။ လောလောဆယ်ကတော့ လူနဲ့ တိရစ္ဆာန်တွေ သေဆုံးတာ ပျောက်ဆုံးတာတော့ ဘာမှမကြားမိသေးပါဘူး” ဟု ဦးလှဖြိုးက ဆက်လက်ပြောကြားသည်။

ထို့ပြင် ကောလင်းမြို့နယ်နှင့် ၀န်းသိုမြို့နယ်အနီး သင်တောကျေးရွာနှင့် ကံကုန်းကျေးရွာခြားရှိ ကားလမ်းမများပေါ်တွင် ရေစတင် ကျော်နေပြီဖြစ်ပြီး စိုက်ပျိုးထားသည့် စပါးခင်းများတွင်လည်း ရေကြီးနစ်မြုပ်နေကြောင်း သိရသည်။

 

စစ်ကိုင်းတိုင်းဒေသကြီး ယင်းမာပင်ခရိုင် ကနီမြို့နယ်တွင် ချင်းတွင်းမြစ်အတွင်း တရားမ၀င်သစ်ဖောင် လိုက်လံဖမ်းဆီးသည့် ကနီမြို့နယ် လွှတ်တော်ကိုယ်စားလှယ်နှင့်အဖွဲ့ တိုက်ခိုက်ခံရ

ကနီမြို့နယ် လွှတ်တော်ကိုယ်စားလှယ် ဦးထွန်းထွန်းဝင်းအား ဝိုင်းဝန်းတိုက်ခိုက်ခဲ့သည့် အင်ဖော်မာ အုပ်စုအထဲမှ လူအချို့အား ဖမ်းဆီးရမိပြီး ခံဝန်ကတိ ထိုးခိုင်းကာ ပြန်လည်လွှတ်ပေးနေစဉ်

စစ်ကိုင်းတိုင်းဒေသကြီး ယင်းမာပင်ခရိုင် ကနီမြို့နယ်တွင် တရားမ၀င်သစ်ဖောင် လိုက်လံဖမ်းဆီးသည့် ကနီမြို့နယ် လွှတ်တော်ကိုယ်စားလှယ်နှင့် အဖွဲ့အား လူအုပ်စုက ၀ိုင်းဝန်းတိုက်ခိုက်ခဲ့ကြောင်း ကနီမြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းက ပြောကြားသည်။

ကနီမြို့နယ် မဲဆန္ဒနယ်အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းနှင့် အဖွဲ့သည် ကနီမြို့နယ် ချင်းတွင်းမြစ်အထက်မှ ချင်းတွင်းမြစ်အောက်သို့ တရားမ၀င်သစ်များ သယ်ဆောင်လာသည့် စက်လှေများကို လိုက်လံဖမ်းဆီးခဲ့ကြောင်း၊ ထိုအချိန်တွင် လူတစ်စုက ၎င်းတို့ဖမ်းဆီးနေသည့် သစ်ဖောင်နေရာသို့ ရောက်လာပြီး တရားမ၀င်သစ် သယ်ဆောင်လာသူများထံမှ ကျပ်တစ်သိန်းတောင်းရာ သစ်ပိုင်ရှင်က ကျပ်သုံးသောင်းသာ ပေးလိုက်ကြောင်း၊ ယင်းနောက် ၎င်းတို့အား လွှတ်တော်ကိုယ်စားလှယ် ဦးထွန်းထွန်းဝင်းက ၎င်းတို့ကို မည်သူက ခိုင်းသလဲဟု မေးမြန်းရာ ၎င်းတို့လူစုသည် ပြန်လည် ထွက်ခွာသွားကြောင်း သိရသည်။

“ကျွန်တော်တို့က ကြိုတင်ပြီးတော့ သတင်းရလို့ ကနီမြို့နယ် ချင်းတွင်းမြစ်ထဲမှာ သစ်ဖောင်တွေကို လိုက်ဖမ်းနေတာ။ ကနီမြို့ရဲ့ အထက်နား အရောက်မှာ သစ်ဖောင်ကို စတွေ့တယ်။ ကျွန်တော်တို့က ဖမ်းမလို့ လုပ်နေတုန်း သစ်တောအင်ဖော်မာတွေနဲ့ စရဖအင်ဖော်မာတွေ ရောက်လာတယ်။ သစ်ပိုင်ရှင်ဆီကို ပိုက်ဆံတစ်သိန်း တောင်းတယ်။ သစ်ပိုင်ရှင်ကလည်း တစ်သိန်းမပေးနိုင်ဘူး။ သုံးသောင်းပဲ ပေးမယ်ပြောတော့ သစ်တောအင်ဖော်မာတွေနဲ့ စရဖအင်ဖော်မာတွေက သူတို့တောင်းတဲ့ ပိုက်ဆံတစ်သိန်းမပေးရင် ကမ်းကိုကပ်ခိုင်းတယ်။ ဒါနဲ့သူတို့က ကျွန်တော်တို့အဖွဲ့ကို မေးတယ်။ ခင်ဗျားတို့အဖွဲ့က အဆင်ပြေပြီလားတဲ့။ ကျွန်တော်တို့အဖွဲ့ကလည်း အဆင်ပြေတယ်လို့ ပြောလိုက်တယ်။ ပြီးတော့ ကျွန်တော်က စရဖအင်ဖော်မာတွေနဲ့ သစ်တောအင်ဖော်မာတွေကို သွားပြီးမေးလိုက်တယ်။ ဒီကိစ္စကို ခင်ဗျားတို့ကို ဘယ်သူက လုပ်ခိုင်းတာလဲ။ ခင်ဗျားတို့မှာ ဘာတာဝန်ရှိလဲလို့မေးတော့ မေးတာမဖြေဘဲ သူတို့စီးလာတဲ့ စက်လှေကို ပြန်မောင်းသွားတယ်” ဟု ကနီမြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော် ကိုယ်စားလှယ် ဦးထွန်းထွန်းဝင်းက ပြောကြားသည်။

အဆိုပါလူစုသည် လွှတ်တော်ကိုယ်စားလှယ်နှင့်အဖွဲ့ ပြန်သွားပြီး ခဏအကြာတွင် စက်လှေနှစ်စင်းဖြင့် လူအပြည့် လက်နက်အပြည့်ဖြင့် ထပ်မံရောက်ရှိလာပြီး ကနီမြို့နယ် မဲဆန္ဒနယ် အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းနှင့် အဖွဲ့အား တိုက်ခိုက်ခဲ့ကြောင်း၊ ဦးထွန်းထွန်းဝင်းနှင့် အဖွဲ့ကလည်း ၎င်းတို့စီးလာသည့် စက်လှေကို အမြန်ဆုံး မောင်းထွက်ခဲ့သော်လည်း အဆိုပါအုပ်စုက လိုက်လံတိုက်ခိုက်ခဲ့ကြောင်း၊ ကနီမြို့ဆိပ်ကမ်းသို့ ကပ်မည့်အချိန်တွင် ကြိုတင်ရောက်ရှိနေသည့် လူအုပ်စုက တုတ်များ၊ ဓားများ၊ လောက်လေးခွများဖြင့် ပြေးလာပြီး ၀ိုင်းဝန်းတိုက်ခိုက်ခဲ့ပြီး ၎င်းတို့စီးလာသည့် စက်လှေနှင့်အတူ ထွက်ပြေးခဲ့ကြကြောင်း တိုင်းဒေသကြီး လွှတ်တော်ကိုယ်စားလှယ်က ပြောကြားသည်။

ကနီမြို့နယ် မဲဆန္ဒနယ် အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းက မြို့နယ်မှ တာဝန်အရှိဆုံး လူပုဂ္ဂိုလ်များအား ၎င်းထွက်ပြေးနေစဉ်အတွင်း ဖုန်းဆက်ခေါ်ကြောင်း၊ ခဏအကြာတွင် မြို့နယ်မှ တာဝန်ရှိသူများ ရောက်ရှိလာချိန်တွင် အဆိုပါအုပ်စုက ထွက်ပြေးသွားခဲ့ကြောင်း၊ ၎င်းတို့အုပ်စု ထွက်ပြေးသွားသော်လည်း လူအချို့ကို ညတွင်းချင်း ဖမ်းဆီးရမိခဲ့ကြောင်း သိရသည်။

ကနီမြို့နယ် မဲဆန္ဒနယ် အမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းနှင့် အဖွဲ့ကို ၀ိုင်းဝန်းတိုက်ခိုက်ခဲ့သည့် ထွက်ပြေးလွတ်မြောက်သွားသော လူအုပ်စုကို အမြန်ဆုံး ဖမ်းဆီးရမိရေးအတွက် သက်ဆိုင်ရာက ရှာဖွေနေကြောင်း သိရသည်။

ယခင်တိုင်းဒေသကြီးဝန်ကြီးချုပ်ဟောင်း ဦးသာအေးထံမှ ကျပ်သန်းပေါင်း ၁၇၀၀ ကို ပြန်လည်ရရှိပြီဖြစ်ကြောင်း စစ်ကိုင်းတိုင်း စီမံ/ဘဏ္ဍာ ၀န်ကြီး ပြောကြား

စစ်ကိုင်းတိုင်းဒေသကြီး ၀န်ကြီးချုပ်ဟောင်း ဦးသာအေး ဦးဆောင်သော အစိုးရအဖွဲ့ဟောင်းထံမှ ကျပ်သန်းပေါင်း ၁၇၀၀ ကို ပြန်လည်ရရှိပြီဖြစ်ကြောင်း စစ်ကိုင်းတိုင်းဒေသကြီး အစိုးရအဖွဲ့ဝင် စီမံကိန်းနှင့် ဘဏ္ဍာရေးဝန်ကြီး ဦးစိုးဦးက ပြောကြားသည်။

စစ်ကိုင်းတိုင်းဒေသကြီး အစိုးရအဖွဲ့ရုံး အစည်းအဝေး ခန်းမဆောင်တွင် ဇူလိုင် ၁၈ ရက်က ကျင်းပသည့် ဒုတိယ တစ်နှစ်တာ ကာလအတွင်း ပြုပြင်ပြောင်းလဲ တိုးတက်မှုများနှင့် ပတ်သက်၍ သတင်းစာရှင်းလင်းပွဲ အခမ်းအနားတွင် စီမံကိန်းနှင့်ဘဏ္ဍာရေးဝန်ကြီးက အထက်ပါအတိုင်း ပြောကြားခဲ့ခြင်းဖြစ်သည်။

ဒေသဖွံ့ဖြိုးရေး လုပ်ဆောင်ရန်အတွက် ယခင်တိုင်းဒေသကြီးအစိုးရအဖွဲ့မှ ကျောက္ကာ ရေနံချက်ဖိုလုပ်ငန်းရှင်များထံမှ ရန်ပုံငွေကောက်ခံခဲ့ကြောင်း၊ ဒေသဖွံ့ဖြိုးရေး ရန်ပုံငွေများမှ ရင်းနှီးမြှုပ်နှံထားသောငွေသည် ကျပ်သန်းပေါင်း ၇၀၁ ဒသမ ၂၂၃ သန်းနှင့် ပြန်လည်တောင်းခံ/လွှဲပြောင်းရန် ငွေကျပ် ၁၀၂၅ ဒသမ ၉၉၅၂၀၄ သန်း စုစုပေါင်း ကျပ်သန်း ၁၇၂၇ ဒသမ ၂၁၈၂၀၄ သန်းဖြစ်ကြောင်း သိရသည်။

အဆိုပါ ကျပ်သန်းပေါင်းများစွာကို ယခင်တိုင်းဒေသကြီးအစိုးရအဖွဲ့က ယခုလက်ရှိ တိုင်းဒေသကြီးအစိုးရအဖွဲ့သို့ လွှဲပြောင်းပေးအပ်ခြင်းမရှိဘဲ မုံရွာကျောက္ကာ ရေနံချက်လုပ်ငန်းဆောင်ရွက်သည့် စွမ်းအားဖွံ့ဖြိုးကုမ္ပဏီသို့ လွှဲပြောင်းပေးအပ်ခဲ့ကြောင်း တိုင်းဒေသကြီး စီမံ/ဘဏ္ဍာဝန်ကြီး ဦးစိုးဦးက ဆိုသည်။

ထို့ပြင် ရင်းနှီးမြှုပ်နှံထားသော ငွေများကို ဟုမ္မလင်းမြို့နယ် နောင်ပိုအောင်ကျေးရွာ ရေအားလျှပ်စစ်လုပ်ငန်း ရင်းနှီးမြှုပ်နှံမှု ကျပ် ၃၄၈ ဒသမ ၉၇၆ သန်း၊ မုံရွာမြို့နယ် သာစည်လမ်းဘေးရှိ ယာမြေ ၆၂ ဒသမ ၉၅ ဧက ၀ယ်ယူခြင်းအတွက် ကျပ်သန်း ၁၀၈ ဒသမ ၂၀၀ သန်း၊ Concrete Pump Truck တစ်စီးဝယ်ယူရန်အတွက် ကျပ် ၂၁၄ ဒသမ ၀၄၇ သန်း၊ မုံရွာမြို့ သီဟထွန်းကုမ္ပဏီတွင် အစုရှယ်ယာ ၃၀၀ စု ၀ယ်ယူခြင်းအတွက် ကျပ်သန်း ၃၀ တို့ဖြစ်ကြောင်း ၎င်းက ဆက်လက်ပြောကြားသည်။

ပြန်လည်တောင်းခံ လွှဲပြောင်းရန်ငွေများသည် ဇေယျာပဒေသာဖောင်ဒေးရှင်းသို့ ထုတ်ချေးငွေ ကျပ် ၂၄၂ သန်း၊ တိုင်းဒေသကြီး အထွေထွေအုပ်ချုပ်ရေးဦးစီးဌာနသို့ လွှဲပြောင်းပေးငွေ ကျပ် ၆ ဒသမ ၅၂၈ သန်း၊ နိုင်ငံတော်ဘတ်ဂျက်ဖြင့် အခမဲ့ဗလာစာအုပ် ထောက်ပံ့ခြင်းလုပ်ငန်းမှ ဇေယျာပဒေသာ ဖောင်ဒေးရှင်းသို့ အမြတ်ငွေနှင့် လွှဲပြောင်းပေးငွေ ကျပ် ၁၄၃ ဒသမ ၇၂၉ သန်းနှင့် ဒေသဖွံ့ဖြိုးရေးရန်ပုံငွေ ငွေစုစာအုပ်ထဲတွင် ၂၀၁၈ ခုနှစ် ခြောက်လပိုင်း ၃၀ ရက်အထိ လက်ကျန်ငွေ ၆၃၃ ဒသမ ၇၃၈၂၀၄ သန်းတို့ဖြစ်ကြောင်း ၎င်း၏ ပြောပြချက်အရ သိရသည်။

ရင်းနှီးမြှုပ်နှံထားသည့် နောင်ပိုအောင်ကျေးရွာ ရေအားလျှပ်စစ်လုပ်ငန်း၊ သာစည်လမ်းဘေးရှိ ယာမြေ ၆၂ ဒသမ ၉၅ ဧကနှင့် Concrete Pump Truck တို့ကို ပြန်လည် လွှဲပြောင်းရယူပြီးဖြစ်ကြောင်း၊ သီဟထွန်းကုမ္ပဏီ အစုရှယ်ယာဝယ်ယူခြင်း ကျပ်သန်း ၃၀ ကိုလည်း ပြန်လည်တောင်းခံခဲ့ပြီး လွှဲပြောင်းရန် ငွေကျပ် ၁၀၂၅ ဒသမ ၉၉၅ ၂၀၄၀ သန်းကို ပြန်လည်ရယူပြီးဖြစ်သည့်အတွက် စုစုပေါင်း ငွေသားအနေဖြင့် ကျပ် ၁၀၅၅ ဒသမ ၉၉၅၂၀၄ သန်း ရရှိခဲ့ပြီးဖြစ်ကြောင်းနှင့် ယခင်ဖွင့်လှစ်ထားသည့် ဒေသဖွံ့ဖြိုးရေး ရန်ပုံငွေ ငွေစုစာအုပ်ကိုလည်း ပိတ်သိမ်းထားပြီးဖြစ်ကြောင်း တိုင်းဒေသကြီး အစိုးရအဖွဲ့ဝင် စီမံကိန်းနှင့်ဘဏ္ဍာရေးဝန်ကြီး ဦးစိုးဦးက ပြောကြားသည်။

တရားမ၀င် ရွှေတူးဖော်မှုကို ဖမ်းဆီးပြီး ထိထိရောက်ရောက် ပြစ်ဒဏ်မချမှတ် နိုင်ခြင်းသည် တရားရုံးများ အနေဖြင့် တရားမ၀င် ရွှေတူးဖော်မှုများကို အားပေးရာရောက်ကြောင်း ရှမ်းတိုင်းရင်းသားရေးရာဝန်ကြီး ပြောကြား

စစ်ကိုင်းတိုင်းဒေသကြီးအတွင်း တရားမ၀င် လုပ်ကိုင်နေသည့် ရွှေတူးဖော်မှု လုပ်ငန်းခွင်တစ်ခုအား တွေ့ရစဉ်

စစ်ကိုင်းတိုင်းဒေသကြီး အတွင်းက တရားမ၀င် ရွှေတူးဖော်မှုကို ဖမ်းဆီးပြီး ထိထိရောက်ရောက် ပြစ်ဒဏ်မချမှတ်နိုင်ခြင်းသည် တရားရုံးများ အနေဖြင့် တရားမ၀င် ရွှေတူးဖော်မှုများကို အားပေးရာ ရောက်ကြောင်း ရှမ်းတိုင်းရင်းသားရေးရာ ၀န်ကြီးက ပြောကြားသည်။

စစ်ကိုင်းတိုင်းဒေသကြီး အထက်ပိုင်း ဟုမ္မလင်းမြို့နယ်တွင် တရားမ၀င် ရွှေတူးဖော်မှု အများအပြားရှိကြောင်း ၎င်းအနေဖြင့် တရားမ၀င် ရွှေတူးဖော်မှုများ ဖမ်းဆီးအရေးယူ ထိန်းချုပ်နိုင်ရေးအတွက် ဟုမ္မလင်းမြို့နယ်ကို တာဝန်ယူထားကြောင်း စစ်ကိုင်းတိုင်း ဒေသကြီး အစိုးရအဖွဲ့ဝင် ရှမ်းတိုင်းရင်းသား ရေးရာဝန်ကြီး ဒေါ်နန်းမွှေးမွှေးခင်က ဆက်လက်ပြောကြားသည်။

“တရားမ၀င် ရွှေတူးဖော်မှုတွေကို ဖမ်းတဲ့နေရာမှာ ပိုင်ရှင်မဲ့ ပိုင်ရှင်မဲ့လို့ ဖြစ်နေတာ။ လူတွေကိုမမိဘူး။ တရားမ၀င် ရွှေတူးဖော်တဲ့ စက်တွေကို ဖမ်းမိနေတော့ အဓိကတော့ ဒီလုပ်ငန်းကို ထိထိရောက်ရောက် လုပ်မယ်ဆိုလို့ရှိရင် ပိုင်ရှင်တွေကိုပါတွေ့အောင် ကျွန်မတို့က လုပ်ရမယ့် ကိစ္စဖြစ်တယ်။ နောက်တစ်ချက်ကကျတော့ အရင်တုန်းကလည်း ဖမ်းခဲ့တယ်။ ဖမ်းခဲ့ပြီးတော့ တရားရုံးကိုတင်တယ်။ ထိရောက်တဲ့ ပြစ်ဒဏ်မရှိဘူး။ ထိရောက်တဲ့ ပြစ်ဒဏ်မရှိခြင်းဟာလည်းပဲ တရားရုံးတွေအနေနဲ့ တရားမ၀င် လုပ်နေတာတွေကို အားပေးသလိုဖြစ်တယ်။ တရားမ၀င် ရွှေတူးဖော်မှုတွေကို ဖမ်းဆီးတဲ့နေရာမှာ တစ်နေရာတည်းမှာတင် ရက်သတ္တပတ်ခန့်ကြာအောင် လူအင်အားအပြည့် လုံခြုံရေးအပြည့်နဲ့ လုပ်သင့်တယ်လို့ ယူဆပါတယ်” ဟု ၎င်းကဆိုသည်။

ထို့ပြင် သတ္တုနှင့် ပတ်သက်သည့် ဥပဒေ ထွက်ရှိလာပြီဖြစ်ကြောင်း အဆိုပါ သတ္တုဥပဒေထဲတွင် တရားမ၀င် ရွှေတူးဖော်မှုလုပ်ငန်း လုပ်ကိုင်သူများအား ထောင်ဒဏ် ၁၀ နှစ်၊ ဒဏ်ငွေ ကျပ်သိန်း ၅၀ ဟု ပြဋ္ဌာန်းပါရှိကြောင်း ယင်းဥပဒေသည် အသက်မ၀င်ကြောင်း ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်က ပြောကြားသည်။

 

စစ်ကိုင်းတိုင်းတွင် ကျောင်းစာရေးစားပွဲခုံများ ပြုပြင်ရန် ပျဉ်တိုပျဉ်စပျဉ်ဟောင်းများသယ်၍ ပရိဘောဂဆိုင် သွားသူများကို မှုခင်းသတင်းထောက်ဝတ်စုံ ၀တ်ထားသူ လေးဦးက ဒဏ်ကြေးငါးသိန်း ပေးဆောင်ရန် တောင်းခံမှုဖြစ်ပွား

မူလွန်ကျောင်းရှိ စာရေးစားပွဲခုံများ ပြုပြင်ရန် ပျဉ်တိုပျဉ်စပျဉ်ဟောင်းများကို သယ်ဆောင်၍ ပရိဘောဂဆိုင် သွားသူများကို မှုခင်းသတင်းထောက်ဝတ်စုံ ၀တ်ဆင်ထားသူ လေးဦးက ရုံးအတွင်းသို့ ခေါ်ဆောင်၍ ငါးသိန်းကျပ် ပေးဆောင်ရန် တောင်းခံမှု ဖြစ်ပွားခဲ့ကြောင်း မြန်မာနိုင်ငံ ရဲတပ်ဖွဲ့က ထုတ်ပြန်သည်။

ယင်းဖြစ်စဉ်မှာ စစ်ကိုင်းတိုင်းဒေသကြီး ဗန်းမောက်မြို့နယ် အောင်သာကုန်းကျေးရွာတွင် နေထိုင်သူ ဦးအောင်ထွန်း (၃၄နှစ်)သည် အခြားသူ သုံးဦးနှင့်အတူ ဇွန် ၂၂ ရက် ည ၁၀ နာရီခန့်တွင် ဦးဖိုးဖြူ (ခ) မြင့်ချိုဦး (၃၃ နှစ်) ၏ ပရိဘောဂဆိုင်ဂိုဒေါင်ပေါက်သို့ သယ်ဆောင်ခဲ့ကြောင်း၊ ထိုသို့သယ်ဆောင်၍ ဂိုဒေါင်ပေါက်သို့ ရောက်ရှိနေစဉ် မှုခင်းသတင်းထောက်ဝတ်စုံ ၀တ်ဆင်ထားသူလေးဦး ရောက်ရှိလာပြီး ဦးအောင်ထွန်းတို့ လေးဦးကို ဗန်းမောက်မြို့ မြနန္ဒာရပ်ကွက်ရှိ အဆောက်အအုံတစ်ခုသို့ ခေါ်ဆောင်သွားခဲ့ကြောင်း မြန်မာနိုင်ငံ ရဲတပ်ဖွဲ့၏ ထုတ်ပြန်ချက်တွင် ဖော်ပြထားသည်။

အဆိုပါ အဆောက်အအုံအတွင်း၌ “ခရိုင် မှုခင်းသတင်းထောက်အဖွဲ့” ဆိုင်းဘုတ်အား တွေ့ရှိရကြောင်း၊ ယင်းနောက် ဦးအောင်ထွန်းတို့ လေးဦးအား ထိုင်ခိုင်းထားကြောင်း၊ ထို့နောက် မှုခင်းသတင်းထောက် ၀တ်စုံဝတ်ဆင်ထားသူ ဇော်လင်းထွန်းပါ လေးဦးတို့က ၎င်းတို့၏ လွယ်အိတ်များကို ရှာဖွေခဲ့ပြီး ပျဉ်တိုပျဉ်စနှင့် ပျဉ်ဟောင်းများ သယ်ဆောင်လာခြင်း အတွက် ကျပ်ငါးသိန်းပေးရန် တောင်းခံခဲ့သဖြင့် ပရိဘောဂဆိုင်ပိုင်ရှင် ဦးဖိုးဖြူထံမှ ချေးငှားပေးခဲ့ရကြောင်း၊ ယင်းကြောင့်မှုခင်း သတင်းထောက်ဝတ်စုံ ၀တ်ဆင်ထားသူ ဇော်လင်းထွန်းပါ လေးဦးတို့ကို အရေးယူပေးရန် တိုင်တန်းခဲ့ကြောင်း ထုတ်ပြန်ချက်တွင် ပါရှိသည်။

အဆိုပါအမှုနှင့် ပတ်သက်၍ ဗန်းမောက်မြို့မရဲစခန်းက (ပ)၅၆/၂၀၁၈၊ ရာဇသတ်ကြီးပုဒ်မ ၃၈၄ (ခြောက်လှန့်တောင်းယူမှု) ဖြင့် အရေးယူထားကြောင်း ရဲတပ်ဖွဲ့က ထုတ်ပြန်သည်။

နိုင်ငံတော် လုံခြုံရေး အဖွဲ့အစည်းများနှင့် အသွင်သဏ္ဌာန်တူသော ၀တ်စုံများ ၀တ်ဆင်ခြင်းနှင့် ဥပဒေမဲ့ ငွေကြေးတောင်းခံခြင်း ဥပဒေမဲ့ လုပ်ရပ်များ လုပ်ကိုင်ခြင်းတို့အပေါ် စိစစ်တွေ့ရှိပါက တည်ဆဲဥပဒေနှင့်အညီ အရေးယူ ဆောင်ရွက်သွားမည် ဖြစ်ကြောင်း ပြည်ထဲရေးဝန်ကြီးက ဇွန် ၁၇ ရက်တွင် အသိပေး ကြေညာချက် ထုတ်ပြန်ထားသည်။

 

ဟုမ္မလင်းမြို့နယ်ရှိ တရားမ၀င် ရွှေတူးဖော်နေမှုများ ပပျောက်စေရန် ယခင်နည်းလမ်းနှင့် မတူသော အစီအစဉ်သစ်များ ရေးဆွဲလုပ်ဆောင်သွားမည်ဟု သိရ

ဟုမ္မလင်းမြို့နယ် အတွင်းရှိ ရွှေတူးဖော်မှုလုပ်ငန်း အချို့ကို တွေ့ရစဉ်

စစ်ကိုင်းတိုင်းဒေသကြီး ဟုမ္မလင်းမြို့နယ်ရှိ တရားမ၀င် ရွှေတူးဖော်နေမှုများ ပပျောက်စေရန် ယခင်နည်းလမ်းနှင့် မတူသော အစီအစဉ်သစ်များ ရေးဆွဲလုပ်ဆောင် သွားမည်ဟု စစ်ကိုင်းတိုင်းဒေသကြီး ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်၏ ပြောကြားချက်အရ သိရသည်။

စစ်ကိုင်းတိုင်းဒေသကြီး အတွင်းရှိ တရားမ၀င် ရွှေတူးဖော်နေမှုများ ပပျောက်စေရန်အတွက် စစ်ကိုင်းတိုင်းဒေသကြီး ၀န်ကြီးချုပ်မှ စစ်ကိုင်းတိုင်းဒေသကြီး ၀န်ကြီးများအား တာဝန်ပေးအပ်ခဲ့ရာ ရှမ်းတိုင်းရင်းသား ရေးရာဝန်ကြီး ဒေါ်နန်းမွှေးမွှေးခင်အား ဟုမ္မလင်းမြို့နယ် အတွင်းရှိ တရားမ၀င် ရွှေတူးဖော်မှုများ ပပျောက်ရန်အတွက် လုပ်ဆောင်ရန် တာဝန်ပေးအပ်ခဲ့သည်။

ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်က ဟုမ္မလင်းမြို့နယ်ရှိ တရားမ၀င် ရွှေတူးဖော်နေမှုများ လုံးဝပပျောက်စေရန်အတွက် ယခင်လုပ်ကိုင်ခဲ့သော နည်းလမ်းများနှင့်မတူသည့် စီမံကိန်းများကို ရေးဆွဲနေပြီး တရားမ၀င် ရွှေတူးဖော်မှုများအား ဖမ်းဆီးရာတွင် လိုအပ်ချက်များ ပြင်ဆင်ဖြည့်စွက်ခြင်း၊ ဒေသခံများအား အသိပညာပေးခြင်းနှင့် တစ်ဘက်တွင်လည်း ဒေသခံများ လက်လုပ်လက်စား တူးဖော်ခွင့် ရရှိနိုင်ရန် စီစဉ်ဆောင်ရွက်ခြင်း စသည်တို့ကို တစ်ပြိုင်နက် အကောင်အထည်ဖော် လုပ်ဆောင်သွားမည်ဟု ပြောကြားသည်။

“တရားမ၀င် ရွှေမျောလုပ်နေတာတွေနဲ့ ပတ်သက်ပြီး အန်တီတို့ တိုင်းဒေသကြီး အစိုးရအဖွဲ့က ၀န်ကြီးတွေကို ဒေသတွေခွဲပြီး မေ  ၄ ရက်ကတည်းကစပြီး ဖွဲ့စည်းတာဝန်ပေးခဲ့ တယ်။ ဒါနဲ့ပတ်သက်ပြီး အန်တီတို့ဘက်က တကယ့်ကို ထိထိရောက်ရောက် လုပ်ချင်တယ်။ ဒီလိုလုပ်မယ်ဆိုတဲ့အခါ အရင်ကလုပ်ခဲ့တဲ့ နည်းတွေအကုန် ပြောင်းပစ်ရမယ်။ အရင်ကလို သွားဖမ်းတယ်။ ပြန်လာတယ် ပြန်လုပ်ကြတယ် ဆိုတာမျိုး မဖြစ်အောင်ပေါ့။ ဒါကြောင့် အန်တီတို့က Plan အသစ်တွေဆွဲနေတယ်။ သွားဖမ်းတဲ့အခါ လုံခြုံရေးကအစ ဒီရဲအင်အားနဲ့ လုံလောက်သလား ထပ်တိုးဖို့လိုသလား တပ်မတော်အင်အား လိုသလား ဒါတွေကအစပေါ့။ နောက်တချက်က မြို့နယ်အုပ်ချုပ်ရေးပိုင်း အနေနဲ့ကရော သွားဖမ်းတဲ့အခါ စက်ပစ္စည်းတွေသယ်ဖို့ ထိန်းသိမ်းဖို့ ဘတ်ဂျက်ကိစ္စအစပေါ့။ ဒီလိုထိရောက်စွာ လုပ်နိုင်ဖို့ လိုအပ်တဲ့အချက်တွေ၊ သူတို့ရဲ့ သဘောထား အမြင်တွေ တောင်းတယ်။ အန်တီကိုယ်တိုင်ကလည်း မြေပြင်ကွင်းဆင်းပြီး ကြည့်ခဲ့တယ်။ ဒီလိုလုပ်တဲ့အခါ ဒေသခံတွေရဲ့ ပူးပေါင်းပါဝင်မှုက အရေးအကြီးဆုံးပဲ။ သူတို့မပါဘဲနဲ့ မအောင်မြင်နိုင်ဘူး။ သူတို့ဒေသမှာ ဒီလိုလာလုပ် နေတာကို မကြောက်မရွံ့ ရဲရဲဝံ့ဝံ့ တားဆီးနိုင်ရမယ်။ တချို့နေရာမှာတော့ ဒေသခံတွေလည်း ၀င်လုပ်နေတာရှိတယ်။ ဒါကြောင့် ပညာပေး လုပ်ငန်းတွေလည်း တဘက်ကလုပ်မယ်။ အခုသတ္တုဥပဒေကလည်း အသစ်ထွက်လာပြီ ပြစ်ဒဏ်တွေက အများကြီး ပြင်းထန်လာပြီ။ ဒါတွေကို လူထုသိအောင် ပြောပြရမယ်။ ဒေသခံ တချို့လူနည်းစုက သတ္တုဥပဒေရှိမှန်းကို မသိကြတာတွေရှိတယ်။ တချို့ကတော့ ရှိမှန်းသိတယ်။ ပြစ်ဒဏ်ကြီးမှန်း မသိကြဘူး။ ဒီတော့ ဥပဒေနဲ့ ပတ်သက်လို့လည်း ပညာပေးရမယ်။ တစ်ဖက်ကလည်း ဒေသခံတွေ လုပ်ကိုင်စားသောက်နိုင်အောင် လက်လုပ်လက်စား ရွှေတူးဖော်ခွင့် တပိုင်တနိုင်တွေ ချပေးနိုင်အောင် လုပ်သွားမယ်” ဟု ဒေါ်နန်းမွှေးမွှေးခင်က ဆိုသည်။

ဟုမ္မလင်းမြို့နယ်အတွင်း တရားမ၀င် ရွှေတူးဖော်မှု များစွာရှိနေပြီး ဟုမ္မလင်းမြို့နယ် အတွင်းရှိ ဥရုမြစ်၏ ချောင်းလက်တက်များဖြစ်သော ချောင်းကြီးချောင်း၊ နန်ထိန်ကွန်းချောင်း၊ နားမော်ချောင်းနှင့် နန်စံကားချောင်း အစရှိသည့် ချောင်းများအတွင်းနှင့် ချင်းတွင်းမြစ်အတွင်း စီးဝင်သည့် နတ်နန်းချောင်း အတွင်း တရားမ၀င် ရွှေတူးဖော်မှုများစွာ ရှိနေပြီး စွန့်ပစ်မြေစာများနှင့် ရေဆိုးများကြောင့် အဆိုပါ ချောင်းများအတွင်း ရေစီးဆင်းမှု ပျက်စီးကာ ရေဘေးကဲ့သို့ သဘာဝဘေး အန္တရာယ်ကို ကြုံတွေ့ခံစားနေရပြီး လယ်မြေပျက်စီးမှုများလည်း ဖြစ်ပေါ်နေကြောင်း ဟုမ္မလင်းမြို့နယ် ပြည်သူ့လွှတ်တော် ကိုယ်စားလှယ် ဦးမျိုးညွန့်ကလည်း ပြောကြားသည်။

 

ဟုမ္မလင်းမြို့နယ် မင်းသာယာကျေးရွာတွင် ချင်းတွင်းမြစ်ကမ်းပါး ပြိုကျမှုကြောင့် နေအိမ် ၁၃ လုံး ပြောင်းရွှေ့ခဲ့ရပြီး ကျန်ရှိနေအိမ်များပါ စိုးရိမ်နေရ

ကမ်းပြိုမှုများ ဖြစ်ပွားနေ၍ နေအိမ်များ ရွှေ့ပြောင်းရန် ပြင်ဆင်နေစဉ်

စစ်ကိုင်းတိုင်းဒေသကြီး ဟုမ္မလင်းမြို့နယ် မင်းသာယာကျေးရွာတွင် ချင်းတွင်းမြစ်ကမ်းပါး ပြိုကျမှုကြောင့် လူနေအိမ် ၁၃ လုံး ပြောင်းရွှေ့ခဲ့ရပြီး ကျန်ရှိနေအိမ်များပါ ထပ်မံရွှေ့ပြောင်းရမည်ကို စိုးရိမ်နေရကြောင်း သိရသည်။

“ဇွန်လ ၁၀ ရက်တုန်းက ကိုးလုံးလောက် အရင်ရွှေ့ရပြီး အခု ၁၅ ရက်မှာ သုံးလုံးလောက် ဆက်ရွှေ့ရတာ။ ကမ်းပြိုတာက တစ်နှစ်ပြီးတစ်နှစ် ဆိုးလာတယ်။ ရွာရှေ့ကမ်းပါးဘေးက အခင်းမြေတွေဆိုရင် ၂၀၁၅ ခုနှစ်လောက်ကတည်း အကုန်ပါသွားတာ စိုက်စရာဘာမှမကျန်တော့ဘူး။ ရွာစာသင် ကျောင်းလည်း မြစ်ကမ်းပါးပြိုကျလို့ မနှစ် ကရွှေ့ခဲ့ရပြီးပြီ။ စာသင်ကျောင်းရွှေ့တုန်း ကလည်း သက်ဆိုင်ရာကို အကြောင်းကြား အကူအညီတောင်းပေမဲ့ ဘာမှအကြောင်း မထူးလို့ ရွာက ကိုယ့်ဟာကိုယ်ဖျက်ပြီး ရွှေ့ခဲ့ ရတာ။ ရွာက အိမ်ခြေ ၁၀၀ လောက်ရှိပေမယ့် အများစုက ရေလုပ်သားဆင်းရဲသားတွေပဲ များတော့ မတတ်နိုင်ကြဘူး။ အခုလည်း ရွှေ့တယ်ဆိုပေမယ့် ရွှေ့ပြောင်းစရာ မြေနေရာမရှိတော့ နီးစပ်ရာ ဆွေမျိုးသားချင်း နေအိမ်တွေ၊ ကုန်းမြင့်တဲ့အခင်းကွက်တို့ အဲဒီမှာပဲ ယာယီရွှေ့ပြောင်းနေရတယ်။ အခုလည်း ဒါက ပထမရေတက်တဲ့အချိန်တောင် မရောက်သေးဘူး။ ကမ်းပါးတွေဆက်တိုက် ပြိုလာတော့ ဒီအတိုင်းဆို ကျန်တဲ့အိမ်တွေပါ စိုးရိမ်နေရတယ်” ဟု ဦးသန်းဦးက ဆိုသည်။

မင်းသာယာကျေးရွာသည် ဟုမ္မလင်းမြို့မှ ၁၀ မိုင်ခန့်ကွာဝေးပြီး ချင်းတွင်းမြစ် အနောက်ဘက်ကမ်းပေါ်တွင် တည်ရှိကာ လွန်ခဲ့သော သုံးနှစ်ခန့်မှ စတင်၍ မိုးရာသီ ရေတက်ချိန်တွင် ရေနစ်မြုပ်ခြင်းကြောင့် ကယ်ဆယ်ရေး စခန်းများသို့ နှစ်စဉ်ပြောင်းရွှေ့ နေရကြောင်းနှင့် ရေလွတ်ကင်းသော ရွှေပြည်အေး မြို့သစ်တွင် နေရာချထားပေးစေလိုကြောင်း ဦးသန်းဦးက ပြောကြားသည်။

“မိုးတွင်းရေတက်ရင် နှစ်စဉ် အခုလိုပဲ ရေနစ်မြုပ်တာတို့၊ ကမ်းပါးပြိုတာတို့ကြောင့် အမြဲဒုက္ခရောက်တယ်။ မယ်ဇလီ၊ ခိုတောင် စတဲ့ တစ်ဘက်ကမ်း ကုန်းမြင့်တဲ့နေရာက ကယ်ဆယ်ရေးစခန်းကို ရွှေပြည်အေးက ကယ်ဆယ်ရေးအဖွဲ့တွေက မိသားစုတွေ၊ ကျွဲနွားတွေ နှစ်စဉ်ရွှေ့ပေးရတာ။ အဲဒီအတွက် နီးစပ်ရာ ရွှေ့ပြောင်းပြီး နေနိုင်တဲ့လူတွေကို ရွှေပြည်အေးမြို့သစ်မှာ နေရာကွက်သစ်လေး လျာထားပေးဖို့ ကျွန်တော်တို့ ပထမတော့ တင်ပြထားတာရှိတယ်။ အဲဒါကလည်း အခုထိ အကြောင်းမထူးသေးလို့ ဆက်ပြီးတင်ပြဖို့ လုပ်နေတယ်။ ရွာမှာက ရွှေ့ပြောင်းပြီး နေစရာမြေနေရာ မရှိတော့ဘူးလေ။ ကျွန်တော်တို့ ရွာတင်မကဘူး။ အနီးအနားရွာက အခင်းတွေ၊ လယ်တွေလည်း ကမ်းပါပြိုတဲ့အထဲပါလို့ ကုန်သလောက် ရှိနေပြီ။ ကျွန်တော်တို့ ရွာအထက်က ချမ်းသာကျွန်းရွာဆိုရင် တစ်ကျွန်းလုံး ကုန်သွားလို့ ရွာကိုရွှေပြည်အေး ပြောင်းပစ်ရတာ” ဟု ဦးသန်းဦးက ပြောကြားသည်။

စစ်ကိုင်းတိုင်းဒေသကြီးတွင် မိုးသည်းထန်စွာ ရွာသွန်းမှုကြောင့် သီးနှံစုံစိုက်ခင်း ဧက ၇၀၀၀၀ နီးပါး ရေကြီးနစ်မြုပ်ဟု တိုင်းလယ်/ဆည်ဝန်ကြီး ပြောကြား

မိုးသည်းထန်စွာ ရွာသွန်းမှုကြောင့် စစ်ကိုင်းတိုင်းဒေသကြီး အတွင်းရှိ ရေနစ်မြုပ်နေသော သီးနှံစိုက်ခင်း အချို့ကို တွေ့ရစဉ်

စစ်ကိုင်းတိုင်းဒေသကြီးတွင် ဇွန်လဆန်းပိုင်းမှ ဇွန် ၁၂ ရက်အထိ မိုးသည်းထန်စွာ ရွာသွန်းမှုကြောင့် သီးနှံစုံစိုက်ခင်း ဧက ၇၀၀၀၀ နီးပါး ရေကြီးနစ်မြုပ်မှု ဖြစ်ပွားခဲ့ကြောင်း စစ်ကိုင်းတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးကမ်ဇာမုံက ပြောကြားသည်။

ထို့ပြင် ရေကြီးနစ်မြုပ်မှုကြောင့် ပျက်စီးသွားသည့် သီးနှံစိုက်ခင်းများရှိကြောင်း ရွှေဘိုခရိုင် ၀က်လက်မြို့နယ် အတွင်းက သီးနှံများသည် အများဆုံး ထိခိုက်ပျက်စီးမှု ဖြစ်ပွားခဲ့ကြောင်း ၎င်းကဆိုသည်။

“အခုတစ်လော ရေမြုပ်တာက ဧကခုနစ်သောင်းနီးပါးပါ။ ရေမြုပ်တာကနေ ပြန်ပေါ်တာက ခြောက်သောင်း နီးပါးပါ။ ထိခိုက်တာကလည်း ခြောက်သောင်းကျော်ရှိတယ်။ လုံးဝပျက်စီးတာကတော့ ၉၃၇ ဧကရှိတယ်။ ထိခိုက်တဲ့ သီးနှံစုံစိုက်ခင်း တွေကတော့ နောက်ထပ်လည်း ပျက်စီးဖို့ ရှိနေတယ်။ မိုးကလည်း ဆက်တိုက်ရွာနေတယ်။ အခြေအနေကတော့ ပြောင်းလဲမယ့် သဘောရှိတယ်။ အဓိက ပျက်စီးတာကတော့ ရွှေဘိုခရိုင် ၀က်လက်မြို့နယ်ထဲက များတယ်။ အခြား မြို့နယ်တွေက ဖြစ်တော့ဖြစ်တယ်။ သိပ်ပြီးတော့ များများစားစား မရှိဘူး” ဟု ဦးကမ်ဇာမုံက ပြောကြားသည်။

စစ်ကိုင်းတိုင်းဒေသကြီး အတွင်းရှိ မြို့ နယ်အချို့တွင် ရေကြီးရေလျှံမှု အချို့ရှိကြောင်း၊ တမူးမြို့တွင် ရွှေ့ပြောင်းရသည့် လူနေအိမ် နှစ်လုံးရှိကြောင်း၊ အခြားသီးနှံစိုက်ခင်း အများအပြား ရေကြီးနစ်မြုပ်ခဲ့ကြောင်း၊ ရေကြီးမှုကြောင့် ကမ်းပြိုမှုများလည်းရှိကြောင်း စစ်ကိုင်းတိုင်းဒေသကြီး ဘေးအန္တရာယ် စီမံခန့်ခွဲမှု ဦးစီးဌာန တိုင်းညွှန်ကြားရေးမှူး ဦးစ၀ီလီဖရန့်က ပြောကြားသည်။

“တမူးမှာတော့ အရေးပေါ် လူနေအိမ်နှစ်လုံး ပြောင်းရွှေ့ရတယ်။ အခြားမြို့နယ် တွေမှာတော့ ကယ်ဆယ်ရေး လုပ်ရမယ့် အနေအထားအထိ မရှိသေးဘူး။ သီးနှံတွေကတော့ အတော်ရေကြီး နစ်မြုပ်တယ်။ မိုးက ဆက်တိုက်ရွာနေတော့ ကမ်းပါးပြိုတာတွေတော့ရှိတယ်။ ကနီမြို့နယ်မှာတော့ ဆည်ကျိုးတော့ သီးနှံတွေ ရေနစ်မြုပ်တယ်။ ဒီပဲယင်းမြို့နယ်မှာကော ၀က်လက်မြို့နယ်မှာကော သီးနှံတွေ ရေနစ်မြုပ်တာတော့ရှိတယ်။ ထူးတာကတော့ ကျွန်တော်တို့လည်း မကြားမိသေးဘူး” ဟု ၎င်းကဆက်လက် ပြောကြားသည်။

စစ်ကိုင်းတိုင်းဒေသကြီးတွင် မိုးဆက်လက် ရွာသွန်းနေမှုကြောင့် ရေကြီးပြီး သီးနှံစုံစိုက်ခင်းများ ရေနစ်မြုပ်မှု ဖြစ်ပွားနေသည့် မြို့နယ်များသည် စစ်ကိုင်းမြို့နယ်၊ ရွှေဘိုမြို့နယ်၊ ယင်းမာပင်မြို့နယ်၊ ကနီမြို့နယ်၊ ကောလင်းမြို့နယ်၊ ဒီပဲယင်းမြို့ စသည့်မြို့နယ်တို့ ဖြစ်ကြောင်း သိရသည်။

 

တရားမ၀င်​​ရွှေတူး​ဖော်​မှု​ကြောင့်​ ဟုမ္မလင်းမြို့နယ်​ ဥရုမြစ်​၏ ​ချောင်းလက်​တက်​အားလုံး ပျက်​စီး​​နေပြီး ​ဒေသခံများ ရေ​ရှားပါးမှုနှင့်​ ရေ​ဘေးအန္တရာယ်​ ကြုံတွေ့​နေရ

ဥရုမြစ်၏ အဓိက​ချောင်းလက်တက်ဖြစ်သော ​ချောင်းကြီးချောင်းအတွင်း တရားမဝင် ​ရွှေတူးဖော်သည်ကို တွေ့ရစဉ်

စစ်​ကိုင်းတိုင်း​ဒေသကြီး ဟုမ္မလင်းမြို့နယ်​အတွင်းရှိ ဥရုမြစ်​၏ ချောင်းလက်​တက်​များအားလုံး တရားမ၀င်​​ ရွှေတူးဖော်​မှု​ကြောင့် ပျက်​စီး​​နေပြီး နောက်​ဆက်​တွဲ အ​နေဖြင့်​ ​ဒေသခံများမှာ ​ရေ​ရှားပါးမှုနှင့် ရေ​ဘေးအန္တရာယ်​ ကြုံတွေ့​နေရ​ကြောင်း သိရသည်​။

ဟုမ္မလင်းမြို့နယ်​ အတွင်းရှိ ဥရုမြစ်​၏ ​ချောင်းလက်​တက်​များဖြစ်​​သော ​ချောင်းကြီး​ချောင်း၊ နန်​ထိန်​ကွန်း​ချောင်း၊ နား​မော်​​ချောင်းနှင့်​ နန်​စံကား​ချောင်း အစရှိသည့်​ ​ချောင်းများအတွင်းနှင့်​ ချင်းတွင်းမြစ်​အတွင်း စီးဝင်​သည့်​ နတ်နန်း​ချောင်းအတွင်း တရားမ၀င်​​ ရွှေတူး​ဖော်​မှု များစွာရှိ​နေပြီး စွန့်​ပစ်​​မြေစာများနှင့်​ ​ရေဆိုးများ​ကြောင့်​ အဆိုပါ​ ချောင်းများအတွင်း ​ရေစီးဆင်းမှုပျက်​စီးကာ ​​ရေ​ဘေးကဲ့သို့ သဘာဝ​ဘေးအန္တရာယ်​ကို ကြုံတွေ့ခံစားနေရပြီး လယ်​​မြေပျက်​စီးမှုများလည်း ဖြစ်​​ပေါ်​နေ​ကြောင်း ဟုမ္မလင်းမြို့နယ်​ ပြည်​သူ့လွှတ်​​တော်​ကိုယ်​စားလှယ်​ ဦးမျိုးညွန့်​၏ ​ပြောကြားချက်​အရ သိရသည်​။

“အဲဒီ​ဒေသ​တွေက ဥရုမြစ်ရဲ့​ ချောင်းလက်​​တက်​​တွေဖြစ်​သလို ​ဒေသအတွင်း အားထားမှီခို​နေရတဲ့ ​​ချောင်းတွေလည်း ဖြစ်​တယ်။ ​ဒေသခံ​တွေက အဲဒါကိုမှီခိုပြီး စိုက်​ပျိုးတယ်။ လယ်​​ယာလုပ်​ကိုင်​တယ်​။ အခုကျတော့ အဲဒီ​ချောင်း​တွေထဲမှာ ​ချောင်းထဲအထိဆင်းပြီး ​တရားမ၀င် ရွှေတူးကြတယ်​။ ​စွန့်​ပစ်​​ရေဆိုး​တွေ၊ ​မြေစာ​တွေကို ​ချောင်းထဲမှာပဲ စည်းကမ်းမဲ့ စွန့်​ပစ်​တယ်​။ အဲဒီလိုလုပ်​​တော့ ​ချောင်းရဲ့​ရေလမ်း​ကြောင်း​တွေ ပိတ်ကုန်​တယ်​။ ​ရေက ဆက်​မစီးနိုင်​​တော့ဘူး။ တချို့နေရာ​တွေမှာ ​ရေ​တွေအိုင်​​နေပြီး၊ ​ဘေးနားမှာရှိတဲ့ လယ်မြေ​တွေထဲ ​ရေ​တွေဝင်ပြီး လယ်​​တွေပျက်​တယ်​။ တချို့လယ်​​တွေအ​ပေါ် စွန့်​ပစ်​​မြေစာ​တွေဖုံးလို့ ပျက်​ကုန်တယ်​။ ​နောက်​တစ်​ခုက အရင်​တုန်းက ​သောက်ရေသုံး​ရေ အသုံးပြုခဲ့ကြတဲ့ ​​​ချောင်း​ရေ​တွေက အခုဆို မသန့်ရှင်း​တော့ဘူး။ သုံးလို့မရ​တော့ဘူး။ ရေအရင်းအမြစ်​​တွေ ထိခိုက်​ပျက်​စီး​တော့ ​နွေရာသီမှာ​ ရေနည်းလာသလို မိုးရာသီ မိုးအရမ်းများလို့ ​ရေကြီး​တဲ့ အခါလည်း ​ရေ​ဘေးကြုံတွေ့ရတယ်။ ပြီးခဲ့တဲ့ ​​မေလကုန်မှာဆိုရင်​ မိုးအရမ်းများလို့  ချောင်းကြီး​ချောင်း ရေကြီးပြီး အနီးက ရွာ​တွေ​ ရေ၀င်​တယ်​။ အိမ်တွေရေမြုပ်​တယ်။ ​နောက်​ပြီး လူသေတယ်​လို့လည်း ကြားတယ်။ အရင်​က ဒီလိုမျိုး​တွေမဖြစ်​ဘူး။ အခုဒီလိုတွေ ဖြစ်​လာပြီ။ ​ဒါ​ကြောင့်​ ဒါ​တွေကို အမြန်​ဆုံး ထိထိ​ရောက်​​ရောက်​ တားဆီးသင့်​​နေပြီ။ တားဆီးနိုင်အောင်​လည်း တတ်​နိုင်​တဲ့ဘက်​က ကြိုးစား​ဆောင်​ရွက်​​နေတယ်​” ဟု ဦးမျိုးညွန့်​က ပြောကြားသည်​။

ဟုမ္မလင်းမြို့နယ်​ အတွင်းရှိ ချောင်းများအတွင်း တရားမ၀င်​​ ရွှေတူး​ဖော်​မှုများ​ကြောင့် ချောင်းများ ပျက်စီးနေခဲ့သည်​မှာ နှစ်​အတန်​ငယ်​ ကြာမြင့်​ခဲ့ပြီဖြစ်ကြောင်း ​ဒေသခံတစ်​​ဦးက ပြောကြားသည်​။

“အရင်​က​တော့ ​ချောင်း​ဘေးမှာပဲ လုပ်​ရာက​နေ အခုဆိုချောင်းထဲမှာ ဆင်းလုပ်​ကုန်​ကြပြီ။ ​မျောမြီး (ရွှေတူး​ဖော်​ရာမှ စွန့်​ပစ်​​သော​မြေစာ)တွေကိုလည်း ​ချောင်းထဲမှာပဲ ပစ်​​တော့ ချောင်း​တွေအကုန်​ပျက်စီးသွားပြီ။ အခု ဆိုဒီဘက်​​ဒေသက ​ချောင်း​တွေအကုန်​လုံး နီးပါးပျက်​စီး​နေတာတော်​​တော်​ကြာပြီ။ ဒီ ဒေသမှာ အရင်​က ​​ချောင်းရေကိုပဲ ​သောက်​ကြသုံးကြတယ်​။ အခု​တော့ ​သောက်​ဖို့မ​ပြောနဲ့ ချိုးရေ​တောင်​ မသုံးကြ​တော့ဘူး။ ရွာတွေမှာ ကိုယ်​ပိုင်​​ရေတွင်း၊ အ၀ီစိတွင်းတူးပြီး​တော့ပဲ သုံးရတယ်​။ မိုးရာသီ​ရေကြီးပြီဆိုလည်း ​ချောင်းနံဘေးတွေ အကုန်​​ရေလျှံပြီး ရွာ​တွေထဲအထိ​ ရေ၀င်​​ရေမြုပ်​တာ နှစ်​တိုင်းလိုဖြစ်​​နေပြီ” ဟု ​​ဒေသခံတစ်ဦးက ပြောကြားသည်။

ဟုမ္မလင်းမြို့နယ်​ အတွင်းရှိ ဥရုမြစ်​၏ ​ချောင်းလက်​တက်​များအတွင်း တရားမ၀င်​​ရွှေတူး​ဖော်​မှုများ လုံးဝမရှိ​စေ​ရေး ဆောင်​ရွက်​ရန်​ အစီအစဉ်​ရှိ မရှိကို ဟုမ္မလင်းမြို့နယ်​ ပြည်​သူ့လွှတ်​​တော်​ကိုယ်​စားလှယ်​ ဦးမျိုးညွန့် က ပြည်​သူ့လွှတ်​​တော်​တွင်​ တင်​ပြ​မေးမြန်း ခဲ့ရာ ပြည်ထဲရေး ဒုတိယ၀န်ကြီး ဗိုလ်ချုပ်အောင်စိုးက တရားမ၀င် ရွှေတူးဖော်မှု မပြုလုပ်စေရေးအတွက် ကျေးရွာအုပ်စု အုပ်ချုပ် ရေးမှူးများ၊ ရာအိမ်မှူးများ၊ ဆယ်အိမ်မှူးများမှ ၀ိုင်းဝန်းထိန်းသိမ်းကြရန်နှင့်‌ ထိန်းသိမ်း ၍မရပါက သက်ဆိုင်ရာဌာနများသို့ သတင်း ပို့ကြရန် ညွှန်ကြားခြင်း၊ တရားမ၀င်ရွှေတူး ဖော်မှုကြောင့် သဘာဝပတ်ဝန်းကျင် ထိခိုက် ပျက်စီးမှု အခြေအနေများ၊ တရားမ၀င် ရွှေတူး ဖော်ပါက အရေးယူခံနိုင်သည့်‌ မြန်မာ့သတ္တု တွင်း ဥပဒေနှင့် မြန်မာ့သတ္တုတွင်း ဥပဒေကို ပြင်ဆင်သည့်‌ ဥပဒေတို့ကို ပြဋ္ဌာန်းထားရှိ သည့် ပြစ်မှု၊ ပြစ်ဒဏ်များကိုလည်း ဒေသခံ ပြည်သူများ နားလည်သဘောပေါက်အောင် အသိပညာပေး စည်းရုံးဟောပြောခြင်းများကို တိုးမြှင့်‌ဆောင်ရွက် လျက်ရှိကြောင်း၊ တရားမ၀င် ဓာတ်သတ္တုထုတ်လုပ်မှု လျော့နည်းပပျောက်စေရန် ရည်ရွယ်ပြီး ထိရောက် သောပြစ်ဒဏ် ချမှတ်နိုင်ရေးအတွက် မြန်မာ့ သတ္တုတွင်း ဥပဒေကို ပြင်ဆင်သည့် ဥပဒေ ပုဒ်မ ၃၀ (က) တွင် ထောင်ဒဏ် ခုနစ်အစား ၁၀ နှစ်၊ ငွေဒဏ် ၅၀၀၀၀ အစား သိန်း ၅၀ အထိလည်းကောင်း၊ ပုဒ်မ ၃၀ (ခ)တွင် အ နည်းဆုံး ထောင်ဒဏ်တစ်လမှ အများဆုံး ထောင်ဒဏ်သုံးလအထိ ငွေဒဏ်တစ်သိန်း အထိလည်းကောင်း၊ ပုဒ်မ ၃၁ တွင် ငွေဒဏ် ၂၀၀၀၀ အစား ကျပ်သိန်း ၂၀ အထိလည်း ကောင်း၊ ပုဒ်မ ၃၂ တွင် ငွေဒဏ် ၁၀၀၀၀ အစား ကျပ် ၁၀ သိန်းထိလည်းကောင်း၊ ပုဒ်မ ၃၃ တွင် ငွေဒဏ်  ၅၀၀၀၀ အစား ငါးသိန်းအထိ ထောင်ဒဏ်နှင့် ငွေဒဏ်များကို တိုးမြှင့်ပြင်ဆင် ပြဋ္ဌာန်းထားပြီးဖြစ်ကြောင်း၊ တရားမ၀င် ရွှေတူး​ဖော်​မှု မရှိစေရေးအတွက် မြန်မာ့သတ္တုတွင်း နည်းဥပဒေနှင့်အညီ တိုင်းဒေသကြီး၊ ပြည်နယ်လုပ်ကွက် စိစစ်ချထားရေးအဖွဲ့မှ ရွှေလုပ်ကွက်များနှင့် စပ်လျဉ်းပြီး စိစစ်ဆောင်ရွက်လျက် ရှိကြောင်းနှင့်‌ တရားမ၀င် ရွှေတူး​ဖော်​​နေသူများကို ဥပဒေနဲ့အညီ အရေးယူ ဆောင်ရွက်လျက်ရှိကြောင်း ပြန်လည်ဖြေကြားခဲ့သည်။