ရန်ကုန်မြစ်အတွင်း သမ္ဗန်တစ်စင်း တိမ်းမှောက်ပြီးနောက် စီးနင်းသူများ အသက်အန္တရာယ် ကင်းရှင်းရေးအတွက် ရေကြောင်းရဲတပ်ဖွဲ့မှ လက်ကမ်း ကြော်ငြာစာများ ဖြန့်ဝေ

ရေကြောင်းရဲတပ်ဖွဲ့က လက်ကမ်းကြော်ငြာများ ဖြန့်ဝေနေစဉ် (ဓာတ်ပုံ-ကျော်ဇင်ဖြိုး)

ရန်ကုန်မြစ်အတွင်း သမ္ဗန်စီးနင်းသူများ အသက်အန္တရာယ် ကင်းရှင်းရေးအတွက် ရေကြောင်းရဲတပ်ဖွဲ့မှ ဇွန် ၂၇ ရက်တွင် လက်ကမ်း ကြော်ငြာများ ဖြန့်ဝေခဲ့သည်။

ရေကြောင်းရဲတပ်ဖွဲ့မှ ရဲတာဝန်ရှိသူများမှ ဇွန် ၂၇ ရက် ညနေ ၃ နာရီကျော်မှ စတင်ကာ ရန်ကုန်မြစ် တစ်လျှောက်ရှိ ဒလဘက်သို့ ကူးမည့် ဗိုလ်တထောင် သမ္ဗန်ဆိပ်ကမ်း၊ ပန်းဆိုးတန်း သမ္ဗန်ဆိပ်ကမ်း၊ စဥ့်အိုးတန်း သမ္ဗန်ဆိပ်ကမ်းနှင့် ၀ါးတန်း သမ္ဗန်ဆိပ်ကမ်းများရှိ ခရီးသည်များထံသို့ လက်ကမ်းကြော်ငြာများ လိုက်လံဝေငှခဲ့သည်။

“လှေစီးတဲ့ ခရီးသည်တွေ အသက်အန္တရာယ်နဲ့ မကြုံတွေ့ရအောင် ရေကြောင်း ရဲတပ်ဖွဲ့ဝင်တွေအနေနဲ့ အချက် ငါးချက်ပါတဲ့ အသိပညာပေး စာရွက်လေးတွေ ဖြန့်ဝေတာပါ။ ပြီးတော့ အဲဒီထဲမှာ ရေကြောင်းအတွင်း အန္တရာယ် တစ်စုံတစ်ခု ဖြစ်ပေါ်ရင် ရေကြောင်းရဲတပ်ဖွဲ့ကို ဆက်သွယ်ဖို့ ဖုန်းနံပါတ်ပါတဲ့ လိပ်စာကတ်လေးပါ ထည့်ပေးထားပါတယ်။ အချက် ငါးချက်ထဲမှာ သမ္ဗန်မောင်းသူတွေ သောက်စားမူးယစ်နေရင် ခရီးသည်တွေက တိုင်ကြားဖို့လည်း ပါဝင်ပါတယ်။ ပြီးတော့ ခရီးသည်တွေအနေနဲ့ လှေပေါ် အတက်အဆင်း ဂရုစိုက်ဖို့နဲ့ အသက်ကယ်အကျီ ၀တ်ဆင်ဖို့လည်း ပါရှိပါတယ်။ နောက်တစ်ချက်က ရာသီဥတု ဆိုးတဲ့အချိန်နဲ့ လှိုင်းကြီးချိန်တွေမှာ သွားလာဖို့ကို အလျင်မလိုစေချင်ပါဘူး။ ရာသီဥတု ကောင်းတဲ့အထိ စောင့်စေချင်ပါတယ်။နောက်ဆုံးအချက်ကတော့ ရေယာဉ်အချင်းချင်း တိုက်မိနိုင်ရင် မောင်းတဲ့သူကို သတိပေးဖို့နဲ့ အခြားရေယာဉ်တစ်စီး အန္တရာယ်ကြုံတွေ့တာကို မြင်ရင် ရေကြောင်းရဲတပ်ဖွဲ့ကို ဖုန်းဆက် သတင်းပေးစေလိုပါတယ်” ဟု ရေကြောင်းရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ဇွန် ၁၃ ရက် ညပိုင်းက ဆိပ်ကမ်းမြို့နယ် စဥ့်အိုးတန်းဆိပ်ကမ်းမှ ဒလမြို့နယ်သို့ သွားသည့် သမ္ဗန်တစ်စင်း တိမ်းမှောက်ခဲ့ပြီး လေးဦး ပျောက်ဆုံးခဲ့သည်။ နှစ်ရက်အကြာတွင် အမျိုးသမီးတစ်ဦး၏ အလောင်းအား တွေ့ရှိခဲ့သည်။

မုန်တိုင်းကြောင့် သရက်ဆိပ်ကမ်းတွင်ရပ်ထားသည့် စက်လှေ (ပဲ့ထောင်) ၂၁ စင်း နစ်မြုပ်ပျက်စီး

နစ်မြုပ်ခဲ့သည့် စက်လှေအများစုအား မေ ၃၁ ရက် နံနက်ပိုင်းက ပြန်လည်ဆယ်ယူနေစဉ်

မုန်တိုင်းကြောင့် သရက်မြို့ ဧရာဝတီမြစ် ဆိပ်ကမ်းတွင် ရပ်ထားသည့် စက်လှေ (ပဲ့ထောင်) ၂၁ စင်း နစ်မြုပ်ပျက်စီးမှု ဖြစ်ပွားခဲ့ကြောင်း သတင်းရရှိသည်။

စက်လှေ ၂၁ စင်းမှာ မိုးသည်းထန်စွာရွာသွန်းပြီး လေပြင်းတိုက်ခိုက်မှုကြောင့် ဧရာဝတီမြစ်အတွင်းသို့ နစ်မြုပ်ခဲ့ပြီး လက်ရှိတွင် စက်လှေများ ပြန်လည်ဆယ်ယူခြင်းလုပ်ငန်းများ ဆောင်ရွက်နေကြောင်း သိရသည်၊။

“အခုကတော့ စက်လှေဆယ်ယူမှုတွေ လုပ်နေပါတယ်။ တချို့စက်လှေတွေက တော်တော်ပျက်စီးသွားတာမျိုး တွေ့ရပါတယ်။ အကုန်လုံးတော့ မဆယ်နိုင်သေးပါဘူး။ စက်လှေသမားတွေတော့ နစ်နာတာပေါ့” ဟု သရက်မြို့ခံ ကိုခင်မောင်စိုးက ပြောကြားသည်။

“လေပြင်းတိုက်ခတ်မှုကြောင့် စက်လှေအစင်း ၂၀ ကျော် နစ်မြုပ်သွားတာ ဟုတ်ပါတယ်။ စက်လှေတချို့ တော်တော်ပျက်စီးသွားတယ်လို့လည်း သိရပါတယ်။ ဒီပျက်စီးမှုတွေနဲ့ ပတ်သက်ပြီး ထောက်ပံ့မှုရအောင် တိုင်းအစိုးရအဖွဲ့ကို တင်ပြတောင်းဆိုမှုတွေ လုပ်မှာပါ” ဟု သရက်မြို့နယ် တိုင်းလွှတ်တော်အမတ် ဦးဇော်မိုးအောင်က ပြောကြားသည်။

လက်ရှိတွင် မေ ၃၁ ရက် နံနက်ပိုင်းအထိ နစ်မြုပ်ခဲ့သည့် စက်လှေအများစု ပြန်လည်ဆယ်ယူနိုင်ခဲ့ပြီး စက်လှေတစ်စင်းလျှင် ပျမ်းမျှ သိန်း ၃၀ ကျော်အထိ တန်ဖိုးရှိကြောင်း သိရသည်။

မင်းကွန်းတောင်ရွာဆိပ်ကမ်းသို့ ကမ်းကပ်လာသော ခရီးသည် ၁၅ ဦး လိုက်ပါလာသည့် ကုန်တင်ရေယာဉ်တစ်စင်း ဧရာဝတီမြစ်အတွင်း နစ်မြုပ်မှုဖြစ်ပွား

မင်းကွန်းတောင် ရွာဆိပ်ကမ်းအနီး ဧရာဝတီမြစ်အတွင်း၌ နစ်မြုပ်နေသော ကုန်တင်ရေယာဉ်ကို ကူညီနေစဉ်

စစ်ကိုင်းမြို့နယ်၊ မင်းကွန်းတောင်ရွာ ဆိပ်ကမ်းသို့ ကမ်းကပ်လာသော ကုန်တင်ရေယာဉ်တစ်စင်း ဧပြီ ၂၆ မွန်းလွဲ ၁၂ နာရီခွဲခန့်က ဧရာဝတီမြစ်အတွင်း နစ်မြုပ်မှု ဖြစ်ပွားခဲ့ကြောင်း သိရသည်။

“ရာသီဥတုမကောင်းလို့ ဆိပ်ကမ်းကပ်လာတုန်း အောက်ငုတ်နဲ့ထိုးမိပြီး ကုန်တင်လှေနစ်မြုပ်ခဲ့တယ်။ ရေအတိမ်ဘက်ကျလို့ တစ်ခြမ်းပဲ နစ်မြုပ်ခဲ့တယ်။ ဆိပ်ကမ်းမှာ ကပ်ထားတဲ့ စက်လှေတစ်စင်းက ရေယာဉ်ပေါ်မှာ ပါလာတဲ့ ခရီးသည်တွေကို အမြန်သွားကယ်လို့ လူထိခိုက်မှု တစ်စုံတစ်ရာ မရှိပါဘူး” ဟု မင်းကွန်းအုပ်ချုပ်ရေးမှူး ဦးမျိုးမြတ်ထွန်းက ပြောကြားသည်။

အဆိုပါ နစ်မြုပ်ခဲ့သော ကုန်တင်ရေယာဉ်သည် မတ္တရာမြို့နယ် အေးကျွန်းရွာမှ မန္တလေးမြို့ရှိ ပဲဒိုင်သို့ ပဲသွားသွင်းစဉ် မိုးသက် လေပြင်းကျရောက်လာသောကြောင့် မင်းကွန်းဆိပ်ကမ်းသို့ကပ်စဉ် ရေအောက်ရှိ တွဲလှေအပျက်ငုတ်နှင့် ထိုးမိပြီး ရေယာဉ်ဝမ်းဗိုက်ပေါက်ကာ နစ်မြုပ်ခဲ့ခြင်းဖြစ်ကြောင်း သိရသည်။

နစ်မြုပ်ခဲ့သည့်ရေယာဉ်တွင် ပဲအိတ်မျိုးစုံ ၂၅၀ တင်ဆောင်လာကြောင်း သိရပြီး ပဲအိတ်များ ရေနစ်ပျက်စီးဆုံးရှုံးမှု မဖြစ်စေရန် ဆိပ်ကမ်းသောင်ပြင်ပေါ်သို့ မင်းကွန်းသဲ ဖြူးချောင်းရွာ ဒေသခံများမှ ၀ိုင်းဝန်းကူညီ သယ်ဆောင်ပေးခဲ့ပြီး ခရီးသည်များအား အောင်မြေမှန်ကူဘုရားဝန်းအတွင်းသို့ ရွှေ့ပြောင်းပေးခဲ့ကာ နစ်မြုပ်နေသည့် ရေယာဉ်အား ညနေငါးနာရီခန့်တွင် ဆွဲတင်နိုင်ခဲ့ကြောင်း သိရသည်။

ထားဝယ်မြို့ရှိ ကမြောကင်းတံတားတွင် ငါးဖမ်းစက်လှေတစ်စီး တံတားနှင့်ငြိနေသောကြောင့် ကယ်ဆယ်ရေးလုပ်ငန်းများ ဆောင်ရွက်နေ

တနသာင်္ရီတိုင်းဒေသကြီး ထားဝယ်မြို့ရှိ ကမြောကင်းတံတားတွင် ယနေ့ဧပြီလ ၁၈ ရက်နေ့ မွန်းတည့်ပိုင်းမှ စတင်ကာ ငါးဖမ်းစက်လှေတစ်စီး တံတားနှင့်ငြိနေသောကြောင့် ကယ်ဆယ်ရေးလုပ်ငန်းများ ဆောင်ရွက်နေကြောင်း သိရသည်။ ဧပြီလ ၁၈ ရက်နေ့ ညသန်းခေါင်အချိန်ခန့်က ‘ကောင်းကောင်းမြတ်’ အမည်ရှိ ငါးဖမ်းပိုက်လှေငယ်မှာ ကမြောကင်းတံတားအောက်ဘက်ရှိ DDPC Shopping Center အနီး ရေပြင်တွင် နစ်မြှုပ်ခဲ့ပြီး လူတစ်ဦးတစ်ယောက်မှ ထိခိုက်မှုမရှိခဲ့ကြောင်း၊ ၎င်းငါးဖမ်းပိုက်လှေငယ်ကို ဧပြီလ ၁၈ ရက်နေ့ မနက်ပိုင်းက ‘အောင်ကောင်းမြတ်ထွန်း’ အမည်ရှိ ငါးဖမ်းပိုက်လှေအကြီးက ဆယ်ယူရန် ကြိုးစားရာမှ ရေတက်ချိန်ဖြစ်သည့် မွန်းတည့် ၁၁ နာရီကျော်အချိန်ခန့်တွင် လှေကြီး၏ပန်ကာအတွင်းသို့ ကြိုးဝင်သဖြင့် မောင်းနှင်မရတော့ဘဲ ရေစီးနှင့်အတူ မျောပါလာ၍ တံတားနှင့်ငြိနေခြင်းဖြစ်ကြောင်း သိရသည်။

လက်ရှိအချိန်တွင် တံတားနှင့်ငြိနေသည့် ငါးဖမ်းစက်လှေကို တံတားနှင့်လွတ်ကင်းစေရန် ကယ်ဆယ်ရေးအဖွဲ့များဖြင့် ဆောင်ရွက်နေသော်လည်း ရေတက်ချိန်ဖြစ်ခြင်းနှင့် ရေစီးသန်နေသောကြောင့် ကယ်ဆယ်ရေးလုပ်ငန်းများ ဆောင်ရွက်ရာတွင် အခက်အခဲများ ဖြစ်နေကြောင်း၊ အခင်းဖြစ်ပွားသည့်နေရာသို့ မီးသတ်ကယ်ဆယ်ရေးအဖွဲ့နှင့် ဇမ္ဗူသီရိအဖွဲ့၊ ကြက်ခြေနီအဖွဲ့နှင့် ဒေသခံစက်လှေများဖြင့် ကယ်ဆယ်ရေး ဆောင်ရွက်နေပြီး တိုင်းဒေသကြီး အစိုးရအဖွဲ့ ဝန်ကြီးချုပ်နှင့် ဝန်ကြီးအချို့ လာရောက်ကြည့်ရှုခဲ့ကြောင်း သိရသည်။ နောက်ဆုံးအခြေအနေဖြစ်သည့် မွန်းလွဲ ၁ နာရီ ၄၅ အချိန်ထိ ၎င်းငါးဖမ်းစက်လှေမှာ တံတားနှင့်ငြိနေဆဲဖြစ်ပြီး ကယ်ဆယ်ရေးလုပ်ငန်းများ ဆက်လက်ဆောင်ရွက်နေဆဲ ဖြစ်သည်။

ပုဏ္ဏားကျွန်းမြို့နယ်တွင် စပါးတောင်း ၇၀၀ ခန့် တင်ဆောင်လာသော စက်လှေနစ်မြုပ်ရာ ငါးဦးလွတ်မြောက်ပြီး တစ်ဦးပျောက်ဆုံးလျက်ရှိ

စပါးတောင်း ၇၀၀ ခန့် တင်ဆောင်လာသော စက်လှေနစ်မြုပ်မှုကြောင့် ငါးဦးလွတ်မြောက်ခဲ့ပြီး တစ်ဦးပျောက်ဆုံးမှုတစ်ရပ် ရခိုင်ပြည်နယ် ပုဏ္ဏားကျွန်းမြို့နယ်တွင် ဇန်န၀ါရီ ၁၉ ရက်က ဖြစ်ပွားခဲ့ကြောင်းနှင့် ပျောက်ဆုံးနေသူအား ဇန်န၀ါရီ ၂၀ ရက် ညနေပိုင်းအထိ ရှာမတွေ့သေးကြောင်း သိရသည်။

အဆိုပါစက်လှေသည် မြောက်ဦးမြို့နယ်မှ စပါးများကို ၀ယ်ယူတင်ဆောင်ကာ ပုဏ္ဏားကျွန်းမြို့နယ် ဂန့်ဂါကျေးရွာသို့ မောင်းနှင်လာခြင်းဖြစ်ကာ ပုဏ္ဏားကျွန်းမြို့ မရောက်ခင် ကုလားတန်မြစ်အရှေ့ဘက် ကမ်းအနီးတွင် ရေလှိုင်းဒဏ်ကြောင့် စက်လှေ နစ်မြုပ်ခဲ့ခြင်းဖြစ်ကြောင်းနှင့် စက်လှေပေါ်တွင် ရွာသားခြောက်ဦး ပါဝင်ခဲ့ပြီး အသက် ၂၂ နှစ်အရွယ် သန်းဌေးဆိုသူမှာ ပျောက်ဆုံးခဲ့ခြင်းဖြစ်ကြောင်း သတင်းရရှိသည်။

ယင်းနှင့်ပတ်သက်ပြီး ပျောက်ဆုံးသူ ရှာဖွေနေသည့် နေရာသို့ ရောက်ရှိနေသူ ဦးအင်္ဂါအောင်က “လှိုင်းဒဏ်ကြောင့် နစ်မြုပ်သွားတာပေါ့။ အဲဒီနေရာ အနီးတစ်ဝိုက်မှာ လှိုင်းက နည်းနည်းကြမ်းတယ်။ စက်လှေကလည်း စပါးအပြည့် တင်ဆောင်လာတာဆိုတော့ လှိုင်းပုတ်ပြီး ရေ၀င်နစ်မြုပ်သွားတာ ဖြစ်ပါတယ်။ အသက် ၂၂ နှစ်အရွယ် လူငယ်တစ်ယောက် ပျောက်ဆုံးနေတယ်။ သူကတော့ ရေမကူးတတ်ဘူးလို့ သိရတယ်။ အလောင်းကို အခုထိတော့ ရှာမတွေ့သေးဘူး” ဟု ပြောကြားသည်။

အဆိုပါကိစ္စနှင့်ပတ်သက်ပြီး စက်လှေမောင်းသူအား ပုဏ္ဏားကျွန်းမြို့မရဲစခန်းမှ စုံစမ်းစစ်ဆေးမှုများ ပြုလုပ်နေကြောင်းလည်း သိရသည်။

ရခိုင်ပြည်နယ်အတွင်း ပုဏ္ဏားကျွန်းမြို့နယ်သည် စက်လှေ နစ်မြုပ်မှု အများဆုံးမြို့ နယ်တစ်ခုဖြစ်ကြောင်းနှင့် ကျောင်းသားများ စီးနင်းလိုက်ပါသည့် စက်လှေနစ်မြုပ်မှုလည်း မကြာခဏဖြစ်ပွားခဲ့ကြောင်းလည်း သိရသည်။