ကမ္ဘာ့ရေနံဈေး ကျသော်လည်း ဒေါ်လာဈေး မြင့်တက်ခြင်းကြောင့် စက်သုံးဆီဈေးနှုန်း သုံးလနီးပါးအတွင်း တစ်လီတာ ကျပ် ၆၀-၇၀ ကြား ဈေးတက်ပြီး မေ ၁၈ ရက်နှင့် နှိုင်းယှဉ်ပါက ရှစ်ရာခိုင်နှုန်းကျော်မြင့်တက်

ရန်ကုန်မြို့ရှိ ပုဂ္ဂလိက စက်သုံးဆီ အရောင်းဆိုင်တစ်ဆိုင်အား တွေ့ရစဉ်

သြဂုတ်လအတွင်း ကမ္ဘာ့ရေနံဈေး ကျဆင်းသော်လည်း ဒေါ်လာဈေး မြင့်တက်ခြင်းကြောင့် ပြည်တွင်း စက်သုံးဆီဈေးနှုန်း တစ်လီတာ ကျပ် ၆၀-၇၀ ကြား ဈေးတက်ခဲ့ပြီး မေ ၁၈ ရက်ဈေးနှုန်းနှင့် နှိုင်းယှဉ်ပါက ခုနစ်ရာခိုင်နှုန်း နီးပါးမှ ရှစ်ရာခိုင်နှုန်းကျော်အထိ မြင့်တက်ခဲ့ကြောင်း စက်သုံးဆီ အရောင်းဆိုင်များထံမှ သိရသည်။

ပြည်တွင်းဈေးကွက်တွင် ၂၀၁၈ ခုနှစ် သြဂုတ် ၁၄ ရက်တွင် မြန်မာနိုင်ငံစက်သုံးဆီ တင်သွင်းရောင်းချ ဖြန့်ဖြူးရေးအသင်းမှ သတ်မှတ်ထားသော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၉၄၅ (တစ် ဂါလန် ၄၂၉၀ ကျပ်) ပရီမီယံဒီဇယ်တစ်လီတာ ကျပ် ၉၅၅ (တစ်ဂါလန် ၄၃၃၅ ကျပ်)၊ အောက်တိန်း 92 Ron တစ်လီတာ ကျပ် ၉၁၅ (တစ်ဂါလန် ၄၁၅၄ ကျပ်) အောက်တိန်း 95 Ron တစ်လီတာ ၉၆၀ ကျပ် (တစ်ဂါလန် ၄၃၅၈ ကျပ်) ဖြစ်သည်။

၂၀၁၇ ခုနှစ် အောက်တိုဘာ ဒုတိယပတ်မှစတင်၍ ကမ္ဘာ့ရေနံဈေးနှုန်း သိသိသာသာ စတင်မြင့်တက်ခဲ့ပြီး ၂၀၁၇ ခုနှစ် သြဂုတ်လဆန်းပိုင်းက ၄၉ ဒေါ်လာဝန်းကျင်ရှိသော ကမ္ဘာ့ရေနံဈေးနှုန်းသည် အောက်တိုဘာလဆန်းပိုင်းတွင် ၅၁ ဒေါ်လာ၊ နိုဝင်ဘာလဆန်းတွင် ၅၅ ဒေါ်လာ၊ ဒီဇင်ဘာလဆန်းတွင် ၅၈ ဒေါ်လာ၊ ဇန်န၀ါရီလဆန်းတွင် ၆၁ ဒေါ်လာ၊ ဖေဖော်ဝါရီလဆန်းတွင် ၆၄ ဒေါ်လာ၊ ဧပြီလကုန်ပိုင်းတွင် ၆၈ ဒေါ်လာ၊ မေ ၂၁ ရက်တွင် ၇၂ ဒေါ်လာ၊ ဇူလိုင် ၁၀ ရက် တွင် ၇၄ ဒေါ်လာအထိ ဆက်လက်မြင့်တက်ခဲ့ပြီး သြဂုတ် ၇ ရက်တွင် ၆၉ ဒေါ်လာ၊ သြဂုတ် ၁၄ ရက်တွင် ၆၇ ဒေါ်လာဝန်းကျင်အထိ ကျဆင်းခဲ့သည်။

နိုင်ငံခြားငွေလဲနှုန်းသည် ဇွန်လမှစတင်၍ သိသိသာသာ မြင့်တက်ခဲ့ပြီး ဇွန် ၁၁ ရက်တွင် ၁၃၄၆ ကျပ်ဝန်းကျင် ဖြစ်ပေါ်နေသော ဒေါ်လာဈေးသည် သြဂုတ် ၁၄ ရက်တွင် ၁၄၈၈ ကျပ်အထိ မြင့်တက်ခဲ့သည်။

ပြည်တွင်းဈေးကွက်အတွင်း ရောင်းချလျက်ရှိသော စက်သုံးဆီဈေးနှုန်းသည် ကမ္ဘာ့စက်သုံးဆီဈေးနှုန်း၊ နိုင်ငံခြားငွေလဲနှုန်းနှင့် သယ်ယူပို့ဆောင်ရေး စရိတ်အပေါ် အခြေခံပြီး ဈေးနှုန်းအပြောင်းအလဲ ဖြစ်ပေါ်ခြင်း ဖြစ်သည်ဟု စက်သုံးဆီ တင်သွင်းနေသည့် လုပ်ငန်းရှင်များက ဆိုသည်။ ပြီးခဲ့သည့် ဇူလိုင် ၁၀ ရက်ဈေးနှင့် နှိုင်းယှဉ်ပါက ကမ္ဘာ့ရေနံဈေးသည် ကိုးရာခိုင်နှုန်းကျော် ကျဆင်းခဲ့ပြီး ဒေါ်လာဈေးသည် နှစ်လကျော်အတွင်း ၁၀ ရာခိုင်နှုန်းကျော် မြင့်တက်ခဲ့ခြင်းဖြစ်သည်။

မြန်မာနိုင်ငံ စက်သုံးဆီ တင်သွင်းရောင်းချ ဖြန့်ဖြူးရေးအသင်းမှ ထုတ်ပြန်ထားသော သြဂုတ် ၁၃ ရက်တွင် ပြည်ပမှ ၀ယ်ယူရသည့် စက်သုံးဈေးနှုန်း (တစ်စည်) MOPS Price များမှာ 92 Ron ၈၁ ဒသမ ၆၇ ဒေါ်လာ၊ 95 Ron ၈၄ ဒသမ ၂၁ ဒေါ်လာ၊ ဒီဇယ် ၈၆ ဒသမ ၆၆ ဒေါ်လာ၊ ပရီမီယံဒီဇယ် ၈၇ ဒသမ ၆၇ ဒေါ်လာတို့ ဖြစ်သည်။

ပြည်တွင်းဈေးကွက်တွင် ၂၀၁၆ ခုနှစ် ဧပြီ ၁ ရက်တွင် ဖြစ်ပေါ်သော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၅၀၀ (တစ်ဂါလန် ၂၂၇၀ ကျပ်) ပရီမီယံဒီ ဇယ်တစ်လီတာ ကျပ် ၅၄၀ (တစ်ဂါလန် ၂၄၅၁ ကျပ်)၊ အောက်တိန်း 92 Ron တစ်လီတာ ကျပ် ၅၅၀ (တစ်ဂါလန် ၂၄၉၇ ကျပ်) အောက်တိန်း 95 Ron တစ်လီတာ ၆၅၀ ကျပ် (တစ် ဂါလန် ၂၉၅၁ ကျပ်) ဖြစ်ရာ ၂၀၁၈ ခုနှစ် သြဂုတ် ၁၄ ရက်ဈေးနှုန်း နှိုင်းယှဉ်ပါက ၂၈ လကျော်အတွင်း ဒီဇယ် ၈၉ ရာခိုင်နှုန်း၊ ပရီမီယံ ဒီဇယ် ၇၇ ရာခိုင်နှုန်း၊ 92 Ron ၆၆ ရာခိုင်နှုန်း၊ 95 Ron ၄၈  ရာခိုင်နှုန်း ဈေးနှုန်းမြင့်တက်ခဲ့ကြောင်း သိရသည်။

 

ရန်ကုန်ဆိပ်ကမ်းများမှ ၂၀၁၇-၂၀၁၈ ဘဏ္ဍာနှစ်၌ ဒီဇယ်၊ ဓာတ်ဆီနှင့် လေယာဉ်ဆီ အပါအ၀င် စုစုပေါင်းစက်သုံးဆီ တန်ချိန်ငါးသန်းကျော်အား သင်္ဘောစင်းရေ ၄၂၄ စင်းဖြင့် တင်သွင်းခဲ့

ရန်ကုန်မြို့ ကုန်းတွင်းဆိပ်ကမ်းတစ်ခုဖြစ်သည့် အေးရှားဝေါလ်ဆိပ်ကမ်းအား တွေ့ရစဉ်(ဓာတ်ပုံ-ကြည်နိုင်)

ရန်ကုန်ဆိပ်ကမ်းများမှ ၂၀၁၇-၂၀၁၈ ဘဏ္ဍာနှစ်၌ ဒီဇယ်၊ ဓာတ်ဆီနှင့် လေယာဉ်ဆီ အပါအ၀င် စုစုပေါင်း စက်သုံးဆီတန်ချိန် ငါးသန်းကျော်အား သင်္ဘောစင်းရေ ၄၂၄ စင်းဖြင့် တင်သွင်းခဲ့ကြောင်း မြန်မာ့ဆိပ်ကမ်းအာဏာပိုင်မှ သတင်းရရှိပါသည်။

၂၀၁၇-၂၀၁၈ ဘဏ္ဍာနှစ်၌ ရန်ကုန်ဆိပ်ကမ်းများဖြစ်သည့် သီလ၀ါနှင့် ကုန်းတွင်းဆိပ်ကမ်းများသို့ စက်သုံးဆီတင်သင်္ဘော ၄၂၄ စင်းဖြင့် ဒီဇယ်၊ ဓာတ်ဆီနှင့် လေယာဉ်ဆီ အပါအ၀င် စက်သုံးဆီတန်ချိန် ၅၆၄၂၀၂၂ တန်အား တင်သွင်းခဲ့ခြင်း ဖြစ်သည်။

စက်သုံးဆီတင်သွင်းမှုမှာ ၂၀၁၆-၂၀၁၇ ဘဏ္ဍာနှစ်၌ သင်္ဘောအစင်းရေ ၄၆၈ စင်းဖြင့် စက်သုံးဆီတန်ချိန် ၅၄၄၂၉၀၉ သန်းအား ရန်ကုန်ဆိပ်ကမ်းများမှ တင်သွင်းခဲ့ကြောင်း သိရသည်။ သို့ဖြစ်၍ ၂၀၁၇-၂၀၁၈ ဘဏ္ဍာနှစ်၌ စက်သုံးဆီတင်သွင်းမှာ တန်ချိန်နှစ်သိန်းကျော် ပိုမိုတင်သွင်းနိုင်ခဲ့ခြင်း ဖြစ်သည်။

“ဒီဇယ်၊ ဓာတ်ဆီနဲ့ လေယာဉ်ဆီ အပါအ၀င် စုစုပေါင်းစက်သုံးဆီတန်ချိန် ငါးသန်းကျော်အား သင်္ဘောစင်းရေ ၄၂၄ စင်းနဲ့ ၂၀၁၇-၂၀၁၈ ဘဏ္ဍာနှစ်မှာ တင်သွင်းခဲ့ပြီး ၂၀၁၆-၂၀၁၇ ဘဏ္ဍာနှစ်ထက် စက်သုံးဆီ တန်ချိန်နှစ်သိန်းကျော် ပိုမိုတင်သွင်းခဲ့တာ ဖြစ်ပါတယ်” ဟု မြန်မာ့ဆိပ်ကမ်းအာဏာပိုင်မှ ဒုတိယအထွေထွေမန်နေဂျာ ဒေါက်တာ မျိုးငြိမ်းအေးက ပြောကြားသည်။

၂၀၁၇ ဧပြီလ၌ သင်္ဘောအစင်းရေ ၂၉ စင်းဖြင့် ၃၄၉၂၄၄တန်၊ မေလ၌ သင်္ဘောအစင်းရေ ၄၃ စင်းဖြင့် ၅၂၇၀၁၀ တန်၊ ဇွန်လ၌ သင်္ဘောအစင်းရေ ၃၇ စင်းဖြင့် ၄၃၅၅၆၇ တန်၊ ဇူလိုင်လ၌ သင်္ဘောအစင်းရေ ၃၃ စင်းဖြင့် ၄၃၆၁၇၂တန်၊ သြဂုတ်လ၌ သင်္ဘောအစင်းရေ ၂၀ ဖြင့် ၂၄၉၄၂၁ တန်၊ စက်တင်ဘာလ၌ သင်္ဘောအစင်းရေ ၂၇ စင်းဖြင့် ၃၃၁၂၅၀ တန်၊ အောက်တိုဘာလ၌ သင်္ဘောအစင်းရေ ၃၅ စင်းဖြင့် ၅၁၀၇၃၆ တန်၊ နိုဝင်ဘာလ၌ သင်္ဘောအစင်းရေ ၃၃ စင်းဖြင့် ၄၆၉၇၃၇ တန်၊ ဒီဇင်ဘာလ၌ သင်္ဘောအစင်းရေ ၄၃ ဖြင့် ၅၈၈၁၆၆ တန်၊ ၂၀၁၈ ဇန်န၀ါရီလ၌ သင်္ဘောအစင်းရေ ၄၃ စင်းဖြင့် ၆၁၆၀၇၆ တန်၊ ၂၀၁၈ ဖေဖော်ဝါရီလ၌ ၅၆၇၁၉၅ တန်နှင့် ၂၀၁၈ မတ်လ၌ သင်္ဘောအစင်းရေ ၄၁ ဖြင့် ၅၆၁၄၄၈ တန် စုစုပေါင်း စက်သုံးဆီတန်ချိန် ၅၆၄၂၀၂၂ တန်အား တင်သွင်းခဲ့ခြင်း ဖြစ်သည်။

ရန်ကုန်နှင့် သီလ၀ါဆိပ်ကမ်းများတွင် စက်သုံးဆီတင်သင်္ဘောများ အများဆုံးဆိုက်ကပ်သည့် စက်သုံးဆီတင်ချ ဆိပ်ခံတံတားများမှာ မြတ်မေတ္တာမွန်၊ MPE၊ APEX၊ PUMA၊ Green Asia၊ OEA/NEA ဆိပ်ကမ်းများဖြစ်ကြောင်း သိရသည်။

ပြည်တွင်းစက်သုံးဆီဈေး ထိန်းညှိရန်အတွက် နိုင်ငံပိုင် စက်သုံးဆီအရောင်းဆိုင်ရှစ်ဆိုင်က သင့်လျော်သောဈေးနှုန်းဖြင့် ပိတ်ရက်မရှိ တိုက်ရိုက်လက်လီဖြန့်ဖြူးရောင်းချမည်

နိုင်ငံတကာစက်သုံးဆီဈေးနှုန်းနှင့် နိုင်ငံခြားငွေလဲနှုန်း မြင့်တက်လာခြင်းကြောင့် ပြည်တွင်းစက်သုံးဆီဈေးနှုန်းကို ထိန်းညှိနိုင်ရန်အတွက် ဇူလိုင် ၁ ရက်မှစတင်ကာ နိုင်ငံပိုင် စက်သုံးဆီအရောင်းဆိုင် ရှစ်ဆိုင်က သင့် တော်သောဈေးနှုန်းဖြင့် တိုက်ရိုက်ပိတ်ရက်မရှိ လက်လီဖြန့်ဖြူးရောင်းချသွားမည်ဖြစ်ကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရသည်။

နိုင်ငံတကာစက်သုံးဆီဈေးနှုန်းနှင့် နိုင်ငံခြားငွေလဲနှုန်း မြင့်တက်လာခြင်းကြောင့် ပြည်တွင်းစက်သုံးဆီဈေးနှုန်းကို ထိန်းညှိနိုင် ရန်ရည်ရွယ်၍ လျှပ်စစ်နှင့်စွမ်းအင်ဝန်ကြီးဌာန၊ မြန်မာ့ရေနံဓာတုဗေဒလုပ်ငန်း၊ ရေနံ ဓာတုဗေဒစက်ရုံစု (သံပုရာကန်) မှ ထုတ်လုပ်သည့် ပြည်တွင်းထုတ်ဓာတ်ဆီများအား  သင့်တော်သောဈေးနှုန်းဖြင့် ဇူလိုင် ၁ ရက်မှ စတင်၍ မြန်မာ့ရေနံထွက်ပစ္စည်း ရောင်းဝယ်ရေး လုပ်ငန်း၏ နိုင်ငံပိုင်စက်သုံးဆီအရောင်း ဆိုင် ရှစ်ဆိုင်မှတစ်ဆင့် မော်တော်ယာဉ်ငယ်များ၊ ဆိုင်ကယ်များသုံးစွဲရန် တိုက်ရိုက်ရောင်းချသွားမည်ဖြစ်ကြောင်း ထုတ်ပြန်ထားသည်။

ယင်းကဲ့သို့ ရောင်းချပေးရာတွင် နိုင်ငံပိုင် စက်သုံးဆီအရောင်းဆိုင် ရှစ်ဆိုင်ဖြစ် သည့် နေပြည်တော် (၀၃၅၄)၊ ရန်ကုန် (၀၂၇၅)၊ ရန်ကုန် (၀၂၅၄)၊ ရန်ကုန် (၀၂၄၇)၊ မန္တလေး (၀၆၁၁)၊ မန္တလေး (၀၆၁၄)၊ ပဲခူး (၀၁၉၂) နှင့် ဟင်းငုတ်ပင် (တောင်ငူ) (၀၁၆၀) နိုင်ငံပိုင်စက်သုံးဆီဆိုင်များမှ တိုက်ရိုက် ရောင်းချပေးသွားမည်ဖြစ်ကြောင်း သိရသည်။

လျှပ်စစ်နှင့် စွမ်းအင်ဝန်ကြီးဌာနအနေ ဖြင့် ပြည်တွင်းစက်သုံးဆီဈေးနှုန်း ကြီးမြင့်နေခြင်းကို လျှော့ချနိုင်ရေးအတွက် ဓာတ်ဆီ တစ်ဂါလန်ကို ကျပ် ၃၂၀၀ ဖြင့်  ဂါလန်ပေါင်းသုံးသန်းကို မြန်မာနိုင်ငံစက်သုံးဆီ တင်သွင်း ဖြန့်ဖြူးရောင်းချရေးအသင်းထံသို့ ဧပြီလအကုန်ပိုင်းမှ စတင်ဖြန့်ဖြူးရောင်းချပေးထားကြောင်း ဇွန် ၇ ရက်က လျှပ်စစ်နှင့် စွမ်းအင် ၀န်ကြီးဌာန၏ သတင်းထုတ်ပြန်ချက်အရ သိရသည်။

လျှပ်စစ်နှင့် စွမ်းအင်ဝန်ကြီးဌာနက မြန်မာနိုင်ငံစက်သုံးဆီတင်သွင်း ဖြန့်ဖြူး ရောင်းချရေးအသင်းသို့ ရောင်းချပေးထားသော စက်သုံးဆီဈေးနှုန်းသည် ဓာတ်ဆီတစ်လီတာလျှင် ကျပ် ၇၁၀ ကျော်သာ ကျသင့်မည် ဖြစ်သည်။

 

၂၀၁၉ ခုနှစ်အတွင်း PUMA စွမ်းအင်ကုမ္ပဏီ အနေဖြင့် မြန်မာနိုင်ငံတွင် စက်သုံးဆီ လက်လီအရောင်းဆိုင်များ ဖွင့်လှစ်မည်ဖြစ်ပြီး ၁၀ နှစ်အတွင်း ဆိုင်ခွဲပေါင်း ၅၀ အထိ ဖွင့်လှစ်မည်

ဇွန် ၂၁ ရက်က Union Business Centre တွင် ပြုလုပ်သည့် PUMA စွမ်းအင်ကုမ္ပဏီ၏ သတင်းစာရှင်းပွဲအား တွေ့ရစဉ် (ဓာတ်ပုံ-ဇေယျာငြိမ်း)

လာမည့် ၂၀၁၉ ခုနှစ်အတွင်း စင်ကာပူ အခြေစိုက် PUMA စွမ်းအင်ကုမ္ပဏီအနေဖြင့် မြန်မာနိုင်ငံအတွင်း စက်သုံးဆီ လက်လီအရောင်းဆိုင်များ ဖွင့်လှစ်သွားမည်ဖြစ်ပြီး ဆယ်နှစ်အတွင်း ဆိုင်ခွဲပေါင်း ငါးဆယ်အထိ တိုးချဲ့ဖွင့်လှစ်သွားမည်ဖြစ်ကြောင်း ဇွန် ၂၁ ရက်က Union Business Centre တွင် ပြုလုပ်သည့် PUMA စွမ်းအင်ကုမ္ပဏီ၏ သတင်းစာ ရှင်းလင်းပွဲမှ သိရသည်။

“လက်လီအပိုင်းကိုတော့ တိုးချဲ့ဖို့ရှိတယ်။ ဖြစ်နိုင်ရင်တော့ အမြန်ဆုံး Brand ကို Market ထဲမှာပေါက်အောင်တော့ လုပ်ဖို့ ကြိုးစားနေတယ်။ အချိန်အနေနဲ့တော့ နည်းနည်းပြောဖို့ခက်တယ်။ ဒီမှာလည်း သူ့ရဲ့စိန်ခေါ်မှုလေးတွေ ရှိတာပေါ့။ ဖြစ်နိုင်ရင်တော့ အမြန်ဆုံး ၂၀၁၉ လောက်ကိုတော့ ဖြစ်နိုင်အောင်လို့ ကျွန်တော်တို့ကြိုးစားနေတာတော့ ရှိတယ်” ဟု PUMA စွမ်းအင်ကုမ္ပဏီ၏ Commercial Manager ဦးဝေလျံမင်းက ပြောကြားသည်။

PUMA ကုမ္ပဏီအနေဖြင့် စက်သုံးဆီ လက်လီအရောင်းဆိုင် စတင်ဖွင့်လှစ်သည့် အချိန်မှစ၍ ၁၀ နှစ်အတွင်း လက်လီအရောင်းဆိုင်သုံးဆယ်မှ ငါးဆယ်အကြား တိုးချဲ့ဖွင့်လှစ်သွားမည်ဖြစ်ကြောင်း သိရသည်။

“ဆီဆိုင်အနေနဲ့ကတော့ အကယ်၍ အခွင့်အရေးရမယ်ဆိုရင် ဆီဆိုင်သုံးဆယ်၊ လေးဆယ်၊ ငါးဆယ်တစ်ခုခုပေါ့နော် ဘယ်လောက်မြန်မြန်ရမလဲဆိုတာက ငါးနှစ်ကနေ ၁၀ နှစ်အတွင်း ချဲ့ဖို့တော့ရှိပါတယ်” ဟု ဦးဝေလျံမင်းက ပြောကြားသည်။

PUMA စွမ်းအင်ကုမ္ပဏီအနေဖြင့် စက်သုံးဆီလက်လီအရောင်းဆိုင်များကို ဈေးကွက်အများဆုံးဖြစ်သည့် ရန်ကုန်နှင့် မန္တလေးတိုင်းဒေသကြီးအတွင်း၌ အများဆုံး ဖွင့်လှစ်သွားမည်ဖြစ်ကြောင်း သိရသည်။

နိုင်ငံတကာဈေးကွက်တွင် ဈေးနှုန်းတက်ပါက ပြည်တွင်း စက်သုံးဆီဈေးကွက်၌ အဆိုပါဈေးနှုန်းအတိုင်း ဈေးနှုန်းမြင့်တက် ရောင်းချသော်လည်း နိုင်ငံတကာဈေးကွက်တွင် ဈေးနှုန်းပြန်ကျသော်လည်း ဈေးလျှော့ရောင်းချခြင်း မရှိသည့်အတွက် ဈေးကွက် လက်ဝါးကြီးအုပ်ရယူထားမှုများ ရှိနေသည်ဟု သတင်းများ ထွက်ပေါ်လျက်ရှိသည်။

ထို့ကြောင့် ပြည်တွင်းလုပ်ငန်းရှင်များကိုသာ ရောင်းချခွင့်မပြုလုပ်ဘဲ နိုင်ငံတကာမှ စက်သုံးဆီအရောင်းဆိုင်ကုမ္ပဏီများ ပြည်တွင်း၌ လာရောက် ရင်းနှီးမြှုပ်နှံရန်အတွက် ခွင့်ပြုပေးခဲ့ခြင်းဖြစ်သည်။

PUMA စွမ်းအင်ကုမ္ပဏီအနေဖြင့် ၂၀၁၇ ခုနှစ် ဖေဖော်ဝါရီလဆန်းပိုင်းက လက်လီရောင်းချခွင့်ကို ရရှိခဲ့ခြင်းဖြစ်ပြီး လက်ရှိအချိန်တွင် စက်သုံးဆီအရောင်းဆိုင်များ ဖွင့်လှစ်နိုင်ရေးအတွက် ဈေးကွက်လေ့လာမှုများ ဆောင်ရွက်လျက်ရှိကြောင်း အထက်ပါ သတင်းစာရှင်းပွဲမှ သိရသည်။

လက်ရှိအချိန်အထိ မြန်မာနိုင်တွင် ဖွင့်လှစ်ထားသည့် စက်သုံးဆီအရောင်းဆိုင် စုစုပေါင်းနှစ်ထောင်ကျော်ရှိကြောင်း မြန်မာနိုင်ငံ စက်သုံးဆီ တင်သွင်းရောင်းချ ဖြန့်ဖြူးရေးအသင်းမှ သိရသည်။

PUMA စွမ်းအင်ကုမ္ပဏီအနေဖြင့် သီလ၀ါဆိပ်ကမ်းတွင် စက်သုံးဆီကုဗမီတာ ၉၁,၀၀၀ အထိ သိုလှောင်နိုင်သည့် သိုလှောင်ကန်များကိုလည်း တည်ဆောက်ထားပြီးဖြစ်ကြောင်း၊ လက်ရှိအချိန်တွင် လက်ကားဖြန့်ဖြူးရေးအပိုင်းများကို ဆောင်ရွက်နေခြင်းဖြစ်ကြောင်း သိရသည်။

ကော့မှူးမြို့နယ်တွင်အကောင်အထည်ဖော်မည့် ဘက်စုံသုံးဆိပ်ကမ်း စီမံကိန်းနှင့်ပတ်သက်၍ စီးပွားအကျိုးအမြတ်တစ်ခုတည်းကို မကြည့်ဘဲ နိုင်ငံတော်၏အချုပ်အခြာအာဏာနှင့် လုံခြုံရေးကို ရှေးရှုလေ့လာသုံးသပ်ရန် လွှတ်တော်ကိုယ်စားလှယ် ပြောကြား

ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေးကျင်းပနေပုံအား ဇွန် ၈ ရက်က တွေ့ရစဉ်

ကော့မှူးမြို့နယ်တွင် အကောင်အထည်ဖော်မည့် Multi purpose Terminal ဘက်စုံသုံး ဆိပ်ကမ်းစီမံကိန်းနှင့်ပတ်သက်၍ စီးပွား အကျိုးအမြတ်တစ်ခုတည်းကို မကြည့်ဘဲ နိုင်ငံတော်၏ အချုပ်အခြာအာဏာနှင့် လုံခြုံရေးကို ရှေးရှု လေ့လာ သုံးသပ်ရန် ပန်းဘဲတန်း မြို့နယ် မဲဆန္ဒနယ် အမှတ် (၁) လွှတ်တော် ကိုယ်စားလှယ် ဦးသန်းနိုင်ဦးက ဇွန် ၈ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန်အစည်းအဝေး (၄၂ ရက်မြောက်နေ့) တွင် ပြောကြားသည်။

ရန်ကုန်တိုင်းဒေသကြီး အစိုးရအဖွဲ့က ပေးပို့ထားသော ရန်ကုန်တိုင်းဒေသကြီး ကော့မှူးမြို့နယ် သရက်တောကျေးရွာတွင် Multi purpose Termnial ဆိပ်ကမ်းတည်ဆောက်ရန် လုပ်ငန်းစီမံကိန်း အစီရင်ခံစာ နှင့် စပ်လျဉ်း၍ ဆွေးနွေးရာတွင် လွှတ်တော် ကိုယ်စားလှယ် ဦးသန်းနိုင်ဦးက ယင်းကဲ့သို့ ထည့်သွင်းပြောကြားခဲ့ခြင်းဖြစ်သည်။

“အခု ဆိပ်ကမ်းအသစ်တွေ ဆောက်မယ့်နေရာကလည်း မြန်မာနိုင်ငံရဲ့ ပင်လယ်ထွက်ပေါက် အကြီးဆုံးနေရာလည်း ဖြစ်ပါတယ်။ ဒါကြောင့် စီးပွားအကျိုးအမြတ် တစ်ခုတည်းကိုသာ မကြည့်ဘဲနဲ့ အချုပ်အချာအာဏာကို ထိပါးနိုင်တဲ့ နိုင်ငံတော်ရဲ့ လုံခြုံရေး ကိုရှေးရှုပြီးတော့ လေ့လာသုံးသပ်ပေးဖို့ တင်ပြရင်းနဲ့ အသေးစိတ်အချက်အလက်တွေလုပ်ပြီးမှ လွှတ်တော်ကို ပြန်လည်တင်ပြသင့်ပါတယ်”  ဟု လွှတ်တော်ကိုယ်စားလှယ် ဦးသန်းနိုင်ဦးက ပြောကြားသည်။

လက်ရှိတွင် ကျောက်ဖြူစီမံကိန်းကိုပင် ပြန်လည်သုံးသပ်နေသည်ကို ကြားသိရကြောင်း၊ ကျောက်ဖြူဆိပ်ကမ်းမှာ ဒေါ်လာ ၇ ဒသမ ၅ ဘီလျံနှင့် ဆက်စပ်စီးပွားဇုန်အတွက် ဒေါ်လာနှစ်ဘီလျံဖြစ်ပြီး တရုတ်ရာခိုင်နှုန်း ၇၀၊ မြန်မာနိုင်ငံနှင့် ပြည်တွင်းကုမ္ပဏီများက ရာခိုင်နှုန်း ၃၀ဖြစ်၍ စီမံကိန်းသာ ကောင်းကောင်း အလုပ်မဖြစ်နိုင်ပါက မြန်မာဘက်က အကြွေး မဆပ်နိုင်ဘဲ တရုတ်ပိုင်ဆိပ်ကမ်းဖြစ်လာနိုင်ကြောင်း ၎င်းက ပြောကြားသည်။

“ရင်းနှီးမြှုပ်နှံမှုက နိုင်ငံခြားကုမ္ပဏီတွေရဲ့ ၁၀၀ ရာခိုင်နှုန်း ရင်းနှီးမြှုပ်နှံမှုလား။ Lone ချေးငွေနဲ့ ရင်းနှီးမြှုပ်နှံမှုလား။ အတိုးနှုန်း ဘယ်လောက်လဲ။ BOT လား၊ PPP လား ဆိုတာကို သုံးသပ်ပြီးတော့ ပွင့်လင်းမြင်သာစွာနဲ့ ပြည်တွင်းပြည်ပကုမ္ပဏီတွေကို အားလုံး ပါဝင်ဆောင်ရွက်နိုင်ဖို့ ဒီစီမံကိန်းကို ယှဉ်ပြိုင်ပြီးတော့ လုပ်ကိုင်ခွင့်ပြုရမှာဖြစ်ပါတယ်” ဟု ဦးသန်းနိုင်ဦးက ပြောကြားသည်။

ထို့ပြင် ရင်းနှီးမြှုပ်နှံသူများ ရွေးချယ်ရာတွင် ကမ္ဘာတစ်ဝန်းမှ စီးပွားရေးလုပ်ငန်း လုပ်ဆောင်နေကြသည့် လေ့လာဆန်းစစ်ချက်များအရ အဆိုးရွားဆုံး စီးပွားရေးလုပ်ငန်းများ လုပ်ကိုင်နေသော လုပ်ငန်းရှင်များမဖြစ်ရန်လိုအပ်ကြောင်း၊ ဆောင်ရွက်မည့် လုပ်ငန်းစဉ် များကိုလည်း တိတိကျကျ ဖော်ပြပေးရန်လိုကြောင်း၊ ရင်းနှီးမြှုပ်နှံသူနှင့် အကောင်အထည်ဖော်မည့်သူများမှာ သဘာဝပတ်ဝန်းကျင် ထိန်းသိမ်းရေးဆိုင်ရာ စာချုပ်စာတမ်းများ၊ နိုင်ငံတကာ လူ့အခွင့်အရေးများနှင့် ဥရောပ ပူးပေါင်း ဆောင်ရွက်ရေးဆိုင်ရာအဖွဲ့ OECD ထုတ်ပြန်ချက်ကိုလည်း လိုက်နာရမည်ဖြစ်ကြောင်း သိရသည်။

ဆက်လက်ဆွေးနွေးရာတွင် ဘက်စုံသုံးသပ် ဆိပ်ကမ်းအစား Oil Terminal သီးသန့်အဖြစ် အရင်ဦးစားပေး ဆောင်ရွက်သင့်ကြောင်း၊ စီမံကိန်းများကို ဖော်ဆောင်ရာတွင် EIA၊ SIA အလေးထားဆောင်ရွက်ပေးရန် လိုအပ်ကြောင်းနှင့် အခြေခံအဆောက်အအုံများ၊ ရေချိုရရှိမှု၊ စွမ်းအင်ရရှိရန်တို့ကို အလေးထား စဉ်းစားပေးရမည်ဖြစ်ကြောင်း လွှတ်တော်ကိုယ်စားလှယ် ဦးသန်းနိုင်ဦးက ဆိုသည်။

ကော့မှူးမြို့နယ်တွင် စက်သုံးဆီ သိုလှောင်ဖြန့်ဖြူးခြင်းနှင့် အခြားပြည်ပပို့ကုန်သွင်းကုန် ဆိပ်ကမ်းများပါဝင်သော ဘက်စုံသုံးဆိပ်ကမ်းတည်ဆောက်ရန် စီမံကိန်း အစီရင်ခံစာအား တိုင်းအစိုးရအဖွဲ့က ဇွန် ၅ ရက်ကပြုလုပ်သည့် ဒုတိယအကြိမ် ရန်ကုန်တိုင်းဒေသ ကြီးလွှတ်တော် ဆဋ္ဌမပုံမှန်အစည်းအဝေး (၄၀ ရက်မြောက်နေ့) တွင် လွှတ်တော်သို့ သွင်းခဲ့သည်။

အဆိုပါ စီမံကိန်းအစီရင်ခံစာအား ရန်ကုန်တိုင်းဒေသကြီးအစိုးရအဖွဲ့၊ ရခိုင်တိုင်းရင်းသား လူမျိုးရေးရာဝန်ကြီး ဦးဇော်အေးအောင်က ရှင်းလင်တင်ပြခဲ့ခြင်းဖြစ်သည်။

မြန်မာနိုင်ငံတွင် စက်သုံးဆီများကို ပြည်ပမှ နှစ်စဉ် ပျမ်းမျှဂါလန် သန်း ၇၀၀ ခန့် ၀ယ်ယူ တင်သွင်း သုံးစွဲနေသော်လည်း စက်သုံးဆီ သိုလှောင်နိုင်မှု ဂါလန် ၅၃ သန်းခန့်သာ ရှိသဖြင့် ပြည်တွင်းသုံးစွဲမှု လုံလောက်ရန် လိုအပ်ချက်ပမာဏ များစွာရှိနေဟု ဆို

မြန်မာနိုင်ငံတွင် စက်သုံးဆီများကို ပြည်ပမှ နှစ်စဉ် ပျမ်းမျှဂါလန် သန်း ၇၀၀ ခန့် ၀ယ်ယူ တင်သွင်း သုံးစွဲနေသော်လည်း စက်သုံးဆီ သိုလှောင်နိုင်မှု ဂါလန် ၅၃ သန်းကျော်ခန့် ရှိသဖြင့် ပြည်တွင်းသုံးစွဲမှု လုံလောက်ရန် လိုအပ်ချက်ပမာဏ များစွာရှိနေကြောင်း ရန်ကုန်တိုင်းဒေသကြီး အစိုးရအဖွဲ့၊ ရခိုင် တိုင်းရင်းသားရေးရာဝန်ကြီး ဦးဇော်အေးမောင်က ပြောကြားသည်။

ရန်ကုန်တိုင်းဒေသကြီးလွှတ်တော် အစည်းအဝေး (၄၀ ရက်မြောက်နေ့) တွင် ၀န်ကြီး ဦးဇော်အေးမောင်က ကော့မှူးမြို့နယ်တွင် စက်သုံးဆီ သိုလှောင်ဖြန့်ခြင်းနှင့် အခြား ပြည်ပပို့ကုန်သွင်းကုန် ဆိပ်ကမ်းများ ပါဝင်သော ဘက်စုံသုံးဆိပ်ကမ်း တည်ဆောက်ရန် စီမံကိန်း အစီရင်ခံစာအား တိုင်းအစိုးရအဖွဲ့ ကိုယ်စားလွှတ်တော်သို့ သွင်းရာတွင် ထည့်သွင်းပြောကြားခဲ့ခြင်း ဖြစ်သည်။

“မြန်မာနိုင်ငံ အနေနဲ့ စက်သုံးဆီများကို ပြည်ပမှ နှစ်စဉ်ပျမ်းမျှ ဂါလန် သန်း ၇၀၀ ခန့် ၀ယ်ယူ တင်သွင်း သုံးစွဲနေရပြီး စွမ်းအင်ဝန်ကြီးဌာနရဲ့စာရင်းဇယားအရ တရားဝင် စက်သုံးဆီ သိုလှောင်နိုင်မှုမှာ ဂါလန် ၅၃ ဒသမ ၆၇၁ သန်းခန့်သာ ရှိသဖြင့် စက်သုံးဆီအတွက် ပြည်တွင်းသုံးစွဲမှု လုံလောက်ရန် လိုအပ်ချက်ပမာဏ များစွာရှိနေသေးတာကို တွေ့ရှိရပါတယ်”ဟု ၀န်ကြီး ဦးဇော်အေးမောင်က ပြောကြားသည်။

ပြည်တွင်း ကုန်ဈေးနှုန်း တည်ငြိမ်မှုရှိစေရေးအတွက် သယ်ယူပို့ဆောင်ရေး အဆင်ပြေချောမွေ့စေရန်နှင့် သယ်ယူပို့ဆောင်ရေး ကဏ္ဍအတွက် ၀န်ဆောင်မှုစရိတ်စက သက်သာစေရေးအတွက် စက်သုံးဆီဈေးနှုန်း တည်ငြိမ်ရေးဟာလည်း အဓိကကျတဲ့ အခန်းကဏ္ဍမှ ပါဝင်ကြောင်း၊ ပြည်တွင်း ကုန်ထုတ်လုပ်မှုနှင့် ကုန်ထုတ်စွမ်းအား မပြည့်ဝခြင်းတို့ကြောင့် ကုန်သွယ်မှုလိုငွေ ငါးဘီလျံခန့် ရှိခဲ့ကြောင်း ၎င်းက ပြောကြားသည်။

ရန်ကုန်တိုင်းဒေသကြီး အနေဖြင့် နိုင်ငံခြား ရင်းနှီးမြှုပ်နှံမှုများ ဆွဲဆောင်နိုင်ရေး၊ Export Oriented ဖြစ်လာစေရေး၊ ကုန်ဈေးနှုန်း တည်ငြိမ်မှုရှိစေရေး၊ အလုပ်အကိုင် အခွင့်အလမ်းနှင့် ဒေသ ဖွံ့ဖြိုးတိုးတက်စေရေး စသည့် ရည်ရွယ်ချက်များနှင့်အညီ စက်သုံးဆီ အစရှိသည့် Multipurpose Terminal ဆိပ်ကမ်းတစ်ခု ဆောင်ရွက်နိုင်ရန် ကော့မှူးမြို့နယ်၊ သရက်တောကျေးရွာနှင့် ကွမ်းခြံကုန်းမြို့နယ်၊ တော်ဓလူးကျေးရွာအကြားတွင် ဆောင်ရွက်ရန် သင့်လျော်မှုရှိသည်ကို တွေ့ရှိခဲ့ကြောင်း၊ Multipurpose Terminal ဆောက်လုပ်ရန်အတွက် မြေဧရိယာ ဧက ၁၀၅၃ ဧကခန့်ကို လျာထား သတ်မှတ်ထားကြောင်း သိရသည်။

အဆိုပါ ဆိပ်ကမ်းသစ်သည် ဘက်စုံသုံး ဆိပ်ကမ်းဖြစ်ခြင်းနှင့်အညီ ပြည်တွင်းမှ ထွက်ရှိသည့် ဆန်စပါး၊ ဂျုံ၊ ပဲအမျိုးမျိုးကို တင်ပို့ ခြင်း၊ စက်မှုဇုန်များမှ ထွက်ရှိသည့် ပြည်ပပို့ကုန်များ တင်ပို့ခြင်းနှင့် ကုန်ကြမ်းများ တင်သွင်းခြင်း၊ ပြည်တွင်းလိုအပ်ချက် ရှိသည့် စားသုံးဆီ တင်သွင်းခြင်း၊ သယ်ယူပို့ဆောင်ရေးကဏ္ဍအတွက် လိုအပ်သည့် စက်သုံးဆီ တင်သွင်းခြင်း စသည့် ဆိပ်ကမ်းများ ပါဝင်မည်ဖြစ်ကြောင်း ၀န်ကြီးက ပြောကြားသည်။

လက်ရှိတွင် မြန်မာနိုင်ငံသည် ပင်လယ်ရေကြောင်းနှင့် ကမ်းရိုးတန်း တစ်လျှောက်တွင် အဓိကအားဖြင့် ဆိပ်ကမ်းကိုးခုဖြင့် ကုန်သွယ်မှု ဆောင်ရွက်လျက် ရှိကြောင်း၊ ရန်ကုန်ဆိပ်ကမ်းမှ သယ်ယူပို့ဆောင်သည့် ထုတ်ကုန်သွင်းကုန်၏ ၉၅ ရာခိုင်နှုန်း စီမံခန့်ခွဲလျက် ရှိကြောင်း၊ ရန်ကုန်ဆိပ်ကမ်းများ အနေဖြင့် လက်ရှိတွင် သင်္ဘော ၄၆ စင်း တစ်ပြိုင်နက် ၀င်ရောက် ဆိုက်ကပ်နိုင်ပြီး ရန်ကုန်ဆိပ်ကမ်းတွင် ၂၆ စီးနှင့် သီလ၀ါဆိပ်ကမ်းတွင် အစင်း ၂၀ ဆိုက်ကပ်နိုင်ကြောင်း ၀န်ကြီး ဦးဇော်အေးမောင်က ပြောကြားသည်။

အဆိုပါ ကုန်သွယ် သင်္ဘောလိုင်းပေါင်း ၂၀ မှ သင်္ဘော ၄၆ စီးသည် ရန်ကုန်ဆိပ်ကမ်းကို အသုံးပြုလျက်ရှိပြီး စင်္ကာပူ၊ မလေးရှား၊ အိန္ဒိယ၊ တရုတ်၊ သီရိလင်္ကာ၊ အင်ဒိုနီးရှား၊ ဗီယက်နမ်၊ ဘင်္ဂလားဒေ့ရှ်၊ ထိုင်းနိုင်ငံတို့နှင့် တိုက်ရိုက် ကုန်သွယ်လျက် ရှိသော်လည်း လက်ရှိ ဆိပ်ကမ်းများမှာ ဖွဲ့စည်းပုံသေးငယ်ပြီး လုပ်ငန်းငယ်များကိုသာ ဆောင်ရွက်နိုင်ကြောင်း ၀န်ကြီးက ပြောကြားသည်။

 

ပုဂ္ဂလိကစက်သုံးဆီ အရောင်းဆိုင်များတွင် သတ်မှတ်အခြင်အတွယ် ပြည့်မီမှုမရှိဟု သံသယရှိပါက ဆိုင်ရှိစံခွက်ဖြင့် အချိန်မရွေး စစ်ဆေးနိုင်ပြီး အခြင်အတွယ် မပြည့်ဝကြောင်း တိုင်ကြားပါက ထိရောက်စွာ အရေးယူသွားမည်

ရန်ကုန်မြို့ရှိ ပုဂ္ဂလိက စက်သုံးဆီ အရောင်းဆိုင်တစ်ဆိုင်အား တွေ့ရစဉ်

ပုဂ္ဂလိက စက်သုံးဆီ အရောင်းဆိုင်များတွင် သတ်မှတ်အခြင်အတွယ် ပြည့်မီမှုမရှိဟု သံသယရှိပါက ၀ယ်ယူသုံးစွဲသူ ပြည်သူလူထု အနေဖြင့် ဆိုင်ရှိစံခွက်ဖြင့် အချိန်မရွေး စစ်ဆေးနိုင်ပြီး အခြင်အတွယ် မပြည့်ဝကြောင်း တိုင်ကြားပါက ထိရောက်စွာ အရေးယူ ဆောင်ရွက်သွားမည်ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနက သတင်းထုတ်ပြန်ချက်အရ သိရသည်။

ပုဂ္ဂလိက တင်သွင်းဖြန့်ဖြူး ရောင်းချသည့် ဆက်သုံးဆီများ၏ အရည်အသွေးနှင့် အခြင်အတွယ် မှန်ကန်စေရေးအတွက် လျှပ်စစ်နှင့် စွမ်းအင်ဝန်ကြီးဌာန ရေနံနှင့်ရေနံထွက်ပစ္စည်းဆိုင်ရာ လုပ်ငန်းများ ထိန်းသိမ်းကြီးကြပ်ရေး ကော်မတီနှင့် သက်ဆိုင်ရာ ပြည်ထောင်စုနယ်မြေ၊ နေပြည်တော်နှင့် တိုင်းဒေသကြီး ပြည်နယ်များအလိုက် ဆပ်ကော်မတီများကို ဖွဲ့စည်းပြီး စစ်ဆေးကြပ်မတ် ဆောင်ရွက်လျက်ရှိကြောင်း သိရသည်။

၂၀၁၃ ခုနှစ်မှစ၍ ယနေ့အထိ စစ်ဆေးရေးအဖွဲ့များဖြင့် စစ်ဆေးမှုဆိုင်ပေါင်း ၆၀ ဆိုင်၊ Mobile Fuel Lab ဖြင့် စစ်ဆေးမှုဆိုင်ပေါင်း ၁၉၆ ဆိုင် ဆောင်ရွက်နိုင်ခဲ့ပြီး အရည်အသွေး မှန်ကန်ခြင်းမရှိကြောင်း စစ်ဆေးတွေ့ရှိရသည့် ပုဂ္ဂလိကစက်သုံးဆီ အရောင်းဆိုင် စုစုပေါင်း ၆၆ ဆိုင်အား ဖြန့်ဖြူးရောင်းချခွင့် လိုင်စင်များကို ကာလသတ်မှတ် ကန့်သတ်ပိတ်သိမ်း၍ အရေးယူ ဆောင်ရွက်ခဲ့ကြောင်း သတင်းထုတ်ပြန်ခဲ့သည်။

စက်သုံးဆီ ၀ယ်ယူသုံးစွဲသည့် ပြည်သူလူထု အနေဖြင့် စက်သုံးဆီ အခြင်အတွယ် ပြည့်မီမှန်ကန်မှု မရှိဟု သံသယရှိပါက စက်သုံးဆီ အရောင်းဆိုင်များတွင် ထားရှိရသည့် လီတာ ၂၀ စံခွက် သို့မဟုတ် လေးဂါလန်စံခွက်ဖြင့် အချိန်မရွေး စစ်ဆေးနိုင်ကြောင်း ကြေညာ ဆောင်ရွက်ခဲ့သော်လည်း ယခုအချိန်ထိ စက်သုံးဆီ အခြင်အတွယ် မှန်ကန်မှုမရှိကြောင်း စစ်ဆေးတိုင်ကြားသဖြင့် အရေးယူ ဆောင်ရွက်ခဲ့ရသည့်ဖြစ်စဉ် မရှိသေးကြောင်း ထုတ်ပြန်ချက်အရ သိရသည်။

စက်သုံးဆီ ၀ယ်ယူသုံးစွဲသူ ပြည်သူလူထုမှ စံခွက်ဖြင့် တိုက်ဆိုင်စစ်ဆေးပြီး တိုင်ကြားသဖြင့် အခြင်အတွယ် မှန်ကန်မှုမရှိကြောင်း စစ်ဆေးတွေ့ရှိပါက ရေနံနှင့်ရေနံထွက်ပစ္စည်းဆိုင်ရာ ဥပဒေနှင့်အညီ ထိရောက်စွာ အရေးယူ ဆောင်ရွက်သွားမည်ဖြစ်ကြောင်း ဇွန် ၇ ရက် လျှပ်စစ်နှင့် စွမ်းအင်ဝန်ကြီးဌာနက သတင်းထုတ်ပြန်ချက်အရ သိရသည်။

ရန်ကုန်တိုင်းဒေသကြီးတွင် လေပြင်းမုန်တိုင်းကြောင့် လျှပ်စစ်ပစ္စည်းများ ပျက်စီးဆုံးရှုံးခဲ့ရပြီး လျှပ်စစ်ပြတ်တောက်ခဲ့၍ ပြည်သူများ ဓာတ်အားပြန်လည်ရရှိရန် ကျပ်သိန်းပေါင်း ၂၇၀၀ ကျော် ကုန်ကျခံပြင်ဆင်ပေးခဲ့ကြောင်း ဇွန် ၇ ရက်က လျှပ်စစ်နှင့် စွမ်းအင်ဝန်ကြီးဌာနကပင် သတင်းထုတ်ပြန်ခဲ့သည်။

ရန်ကုန်တိုင်းဒေသကြီးတွင် မေ ၂၈၊ ၂၉ ရက်က တိုက်ခတ်ခဲ့သည့် လေပြင်းမုန်တိုင်းကြောင့် ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း၏ လျှပ်စစ်ဓာတ်အား ဖြန့်ဖြူးရေးလိုင်းများနှင့် ထရန်စဖော်မာများ ပျက်စီးဆုံးရှုံးခဲ့ရပြီး ရန်ကုန်တိုင်းဒေသကြီးအတွင်းရှိ ပြည်သူများ လျှပ်စစ်ပြတ်တောက်မှုများနှင့် ရင်ဆိုင်ခဲ့ရသည်။

ပျက်စီးဆုံးရှုံးမှုများ ပြင်ဆင်ရာတွင် ရန်ကုန်အရှေ့ပိုင်းခရိုင်အတွင်း ၂၂၈၇၂၀၀၀ ကျပ်၊ အနောက်ပိုင်းခရိုင်အတွင်း ၈၉၃၄၅၅၀ ကျပ်၊ တောင်ပိုင်းခရိုင်အတွင်း ၅၀၆၃၀၀၀၀ ကျပ်၊ မြောက်ပိုင်းခရိုင်အတွင်း ၂၆၁၇၀၀၀၀၀ ကျပ် စုစုပေါင်း ၃၄၄၂၃၆၅၅၀ ကျပ် တန်ဖိုးပျက်စီး ဆုံးရှုံးမှုများကို အမြန်ပြင်ဆင်၍ ပြည်သူများသို့ ဓာတ်အား အမြန်ဆုံး ပြန်လည်ဖြန့်ဖြူးပေးနိုင်ရန် ပြင်ဆင်စရိတ် ၂၇၂၉၇၅၅၅၀ ကျပ် အကုန်ကျခံကာ ဆောင်ရွက်ခဲ့ကြောင်း ထုတ်ပြန်ချက်အရ သိရသည်။

တိုင်းဒေသကြီး ပြည်နယ်များအတွင်း လျှပ်စစ်ဓာတ်အား ပြတ်တောက်မှုများ လျော့နည်းကျဆင်းရန်အတွက် ဆောင်ရွက်လျက်ရှိပြီး အများပြည်သူ လျှပ်စစ်ဓာတ်အား သုံးစွဲရာတွင် စိတ်ချမ်းမြေ့စွာ သုံးနိုင်ရန်နှင့် ၀န်ကြီးဌာန၏ ရည်မှန်းချက်ဖြစ်သည့် ၀န်ဆောင်မှု ကောင်းမွန်စွာဖြင့် ဓာတ်အားဖြန့်ဖြူးပေးနိုင်ရန်အတွက် ဓာတ်အားပြတ်တောက်မှု မဖြစ်ပေါ်စေရေး၊ ဖြစ်ပေါ်လာပါက အမြန်ဆုံး ဓာတ်အားပြန်လည်ပေးနိုင်ရေးကို ဆောင်ရွက်သွားမည်ဖြစ်ကြောင်း သိရသည်။

ကမ္ဘာ့ဆီဈေး မြင့်တက်တာမှန်ပေမဲ့ အစိုးရနဲ့လွှတ်တော်က လုပ်ပေးနိုင်တာရှိတယ်

ရန်ကုန်မြို့ မြို့နယ်တစ်ခုအတွင်းရှိ စက်သုံးဆီဆိုင်တစ်ဆိုင်ကို တွေ့ရစဉ် (ဓာတ်ပုံ – မျိုးထက်ပိုင်)

စက်သုံးဆီဈေးကွက်ကို လက်ဝါးကြီးအုပ်၊ အခွန်ရှောင်ခိုးသွင်းမှုတွေနဲ့ နာမည်ကျော်ခဲ့ပြီး နှစ်ပေါင်းများစွာ စက်သုံးဆီဈေးကွက်ကို ခြယ်လှယ်နေတဲ့ ခရိုနီတိုင်ကွန်းတစ်စုရဲ့ ကြီးစိုးမှုဟာ မြန်မာနိုင်ငံမှာ မပပျောက် နိုင်တော့ဘူးလားလို့ မေးခွန်းထုတ်စရာပါ။

၂၀၁၇ ခုနှစ်အတွင်းမှာ စီမံကိန်း နှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက စက်သုံးဆီကဏ္ဍမှာ ပြည်ပနိုင်ငံခြားကုမ္ပဏီတွေကို လုပ်ကိုင်ခွင့်ပေးတော့မယ်လို့ ပြောချိန်မှာ တစ်ခဲနက် ကန့်ကွက်သံညံခဲ့တာက အစိုးရဘေးမှာ လှူရင်းတန်းရင်း အကျိုးအမြတ်ရှာနေတဲ့ တိုင်ကွန်းတွေပါပဲ။

တိုင်ကွန်းညီရင် ‘ဤ’ ဟာ ‘ကျွဲ’ ဖြစ်မဖြစ် မသေချာပေမယ့် နိုင်ငံခြားကုမ္ပဏီတွေကို စက်သုံးဆီကဏ္ဍမှာ ၀င်ရောက်လုပ်ကိုင်ခွင့်ကတော့ တိုင်ကွန်းတစ်စု ကန့်ကွက်မှုအောက်မှာ အခုအချိန်အထိ အသက်မသွင်းနိုင်ဘဲ  အရင်အစိုးရတွေတုန်းကလိုပဲ တိုင်ကွန်းတစ်စုရဲ့ ကန့်ကွက်စကားတွေသာ ပန်းဝင်ခဲ့ပြီး ပြည်တွင်းစက် သုံးဆီကဏ္ဍမှာ တိုင်ကွန်းတွေသာ ဆက်လက်ကြီးစိုးခွင့်ရနေခဲ့ပါတယ်။

စက်သုံးဆီဈေးမြင့်တက်ပြီဆိုတာနဲ့ သူ့ သယ်ယူပို့ဆောင်မှုအပေါ် အရင်းခံရတဲ့ စားသောက်ကုန်စရိတ် တွေအကုန်မြင့်တက်ပါတယ်။ ဒီလိုမြင့်တက်လာတဲ့ စားသောက်ကုန်ဈေးနှုန်းတိုင်းကို ကျပ်တည်းနေတဲ့ မြန်မာ့ပြည်သူတွေဟာ ခံနိုင်ရည်မရှိပါဘူး။ ဒီလိုခံနိုင်ရည်မရှိတာ ကြောင့်လဲ ကျပ်တည်းမှုအပေါ် သည်းခံနိုင်စွမ်းမရှိတဲ့ ပြည်သူတွေက စက်သုံးဆီဈေးမြင့်တက်မှုအပေါ် ဆန္ဒဖော်ထုတ်မှုဖြစ်စဉ်တွေ ရှိခဲ့တယ် ဆိုတာ ၂၀၀၇ ခုနှစ် ရွှေဝါရောင်အရေးအခင်းက သက်သေခံပါတယ်။

စက်သုံးဆီကဏ္ဍကို နိုင်ငံခြားကုမ္ပဏီတွေ ၀င်ခွင့်ပြုဖို့ အစိုးရက လုပ်ဆောင်တိုင်း ခရိုနီတိုင်ကွန်းတွေက လက်မခံကြတာဟာ မြန်မာနိုင်ငံမှာ ထုံးစံလိုဖြစ်နေပြီး အစိုးရတိုင်းကလည်း ပြည်သူ ၅၃ သန်းမျက်နှာထက် လက်ဝါးကြီးအုပ်နေတဲ့ တိုင်ကွန်းတစ်စုအသံကိုပဲ နားထောင်တာဟာ မြန်မာနိုင်ငံသားတွေအတွက်တော့ ကံဆိုးမှုလို့ပဲ ပြောရမှာဖြစ်ပြီး ဒီနေ့အထိတော့ ကံဆိုးမှုတွေ မရပ်တန့်သေးပါဘူး။

ပိုပြီးဆိုးတာက မြန်မာနိုင်ငံက စက်သုံးဆီဈေးနှုန်းဟာ နိုင်ငံတကာမှာ ဈေးတက်ရင် လိုက်တက်ပြီး နိုင်ငံ တကာမှာ ဈေးကျရင် ပြန်မကျတာပါ။ ဒါ့အပြင် သတ်မှတ်အရည်အသွေးအတိုင်း တင်သွင်းမှုမရှိတာတွေကို ပြည်သူတွေ ကြုံခဲ့ရပါတယ်။ အခုနောက်ပိုင်းမှာ ထိန်းကျောင်းမှုရှိလာတယ်ဆိုပေမယ့် ပြည်တွင်းစက်သုံး ဆီဈေးကွက်ဟာ ပြုပြင်ပြောင်းလဲချိန် တန်နေပါပြီ။

လက်ရှိအချိန် ကမ္ဘာ့ဆီဈေးကွက်ကို ပြန်ကြည့်မယ်ဆိုရင် အရှေ့အလယ်ပိုင်းနိုင်ငံတွေက ရေနံထုတ်လုပ်မှုကို လျှော့ချလိုက်တဲ့အတွက်ကြောင့်ပါ။ ဒီလို ရေနံထုတ်လုပ်မှုကို လျှော့ချလိုက်ချိန်မှာ မြန်မာနိုင်ငံလို ပြည်ပက စက်သုံးဆီ ၉၅ ရာခိုင်နှုန်းလောက် တင်သွင်းနေရတဲ့နိုင်ငံက ဈေးတက်မှာ သဘာဝပါ။ ဒီနေရာမှာ ဦးသိန်းစိန်လက်ထက်က တစ်လီတာ ၅၀၀ ကျော်ပဲ ရှိခဲ့တယ်ဆိုတဲ့ နှိုင်းယှဉ်မှုတွေနဲ့ NLD အစိုးရလက်ထက်မှာ တစ်လီတာကို ကျပ် ၉၀၀ ကျော်နေပြီ။ အစိုးရ ဘာလုပ်နေတာလဲဆိုတဲ့ ဝေဖန်သံတွေကို ‘‘အစိုးရ ကိုင်တွယ်ပုံ ညံ့ဖျင်းလို့မဟုတ်ဘူး’’ ဆိုပြီး အားပေးထောက်ခံသူတွေက ငြင်းချက်ထုတ်နေကြမယ့် တိုင်ကွန်း တစ်စုချုပ်ကိုင်ထားတဲ့ မြန်မာ့စက်သုံးဆီကဏ္ဍကို ဘယ်လိုဖြေလျှော့မလဲဆိုတာ စဉ်းစားရမယ့် အခြေအနေပါ။

ဒီနေရာမှာ အမေရိကန်နိုင်ငံရဲ့ ဖိအားကြောင့် OPEC နဲ့ ရုရှားက ရေနံတိုးထုတ်ဖို့ ပြောဆိုတာကြောင့် စက်သုံးဆီဈေးဟာ မေ ၂၅ ရက်မှာ စတင်ကျဆင်းလာတယ်ဆိုပေမယ့် ကုန်ခန်းနိုင်တဲ့ သဘာဝသယံဇာတ တွေဖြစ်တာကြောင့် အရှေ့အလယ်ပိုင်းနိုင်ငံတွေက ရေနံထုတ်လုပ်မှုကို လျှော့ချဖို့ တွေးထားပြီးသား အခြေအနေမှာ မြန်မာနိုင်ငံအနေနဲ့လည်း တက်လိုက်ကျလိုက်ဖြစ်နေမယ့် စက်သုံးဆီဈေးကို ရင်ဆိုင်နိုင်ဖို့အတွက် မြန်မာ့စက်သုံးဆီ တင်သွင်းဖြန့်ဖြူး မှုပုံစံတွေကို ပြောင်းလဲဖို့ မဖြစ်မနေ လိုအပ်လာပြီဖြစ်ပါတယ်။

■ ဆီဈေး ရေရှည်တက်လာမယ်ဆိုရင်

ကမ္ဘာ့ရေနံဈေးနဲ့အတူ နိုင်ငံခြားငွေလဲနှုန်း လိုက်ပါမြင့်တက်နေလို့ ပြည်တွင်းစက်သုံးဆီဈေးနှုန်းဟာ နှစ်ပတ်ကျော်အတွင်း တစ်လီတာ ၃၅ ကျပ်ကနေ ကျပ် ၄၀ အကြား ဈေး တက်ခဲ့ပြီး ဧပြီ ၃၀ ရက်ဈေးနဲ့ နှိုင်း ယှဉ်မယ်ဆို မေ ၁၈ ရက်မှာ လေးရာခိုင်နှုန်းကျော် မြင့်တက်ခဲ့ပါတယ်။

၂၀၁၇ မေလနဲ့ နှိုင်းယှဉ်မယ်ဆိုရင် တစ်လီတာကို ကျပ် ၂၀၀ လောက် မြင့်တက်လာတဲ့ ပြည်တွင်းစက်သုံးဆီ ဈေးနှုန်းမြင့်တက်လာမှုမှာ ရက်ပိုင်းအတွင်း ဈေးနှုန်းအမြန်ဆုံးနဲ့ အမြင့်ဆုံးတက်လာခဲ့တာ ဖြစ်ပါတယ်။

ဒီနေရာမှာ တရားခံက ကမ္ဘာ့စက်သုံးဆီဈေးဖြစ်ပြီး ၂၀၁၇ ခုနှစ် အောက်တိုဘာ ဒုတိယပတ်ကစပြီး ကမ္ဘာ့ရေနံဈေးနှုန်း သိသိသာသာ စတင်မြင့်တက်ခဲ့ပါတယ်။ ၂၀၁၇ ခုနှစ် သြဂုတ်လဆန်းပိုင်းက ၄၉ ဒေါ် လာဝန်းကျင်ပဲရှိတဲ့ ကမ္ဘာ့ရေနံစိမ်းဈေးနှုန်းဟာ အောက်တိုဘာလဆန်းမှာ ၅၁ ဒေါ်လာ၊ နိုဝင်ဘာလဆန်းမှာ ၅၅ ဒေါ်လာ၊ ဒီဇင်ဘာလဆန်းမှာ ၅၈ ဒေါ်လာ၊ ၂၀၁၈ ခုနှစ် ဇန်န၀ါရီလဆန်းမှာ ၆၁ ဒေါ်လာ၊ ဖေဖော်ဝါရီ လဆန်းမှာ ၆၄ ဒေါ်လာ၊ ဧပြီလကုန်ပိုင်းမှာ ၆၈ ဒေါ်လာ၊ မေ ၁၀ ရက်မှာ ၇၁ ဒေါ်လာအထိ မြင့်တက်ခဲ့ပြီး ဧပြီလဆန်းပိုင်းဈေးနှုန်းနဲ့ နှိုင်းယှဉ်မယ်ဆို ၁၂ ရာခိုင်နှုန်းဝန်းကျင်မြင့်တက်ခဲ့ပါတယ်။ မေ ၂၃ ရက်မှာဆိုရင် ၇၁ ဒသမ ၈၄ ဒေါ်လာအထိ ဖြစ်ခဲ့ရာက မေ ၂၄ ရက်မှာ ၇၁ ဒသမ ၅၉ ဒေါ်လာအထိ  ကျလာခဲ့ပြီး မေ ၂၅ ရက် ဈေးကွက်ပိတ်ချိန်မှာတော့ အမေရိကန်ဖိအားကြောင့် ရေနံစိမ်းတစ်စည်ကို ၆၇ ဒသမ ၈၈ ဒေါ်လာအထိ ကျဆင်းလာခဲ့ပါတယ်။

နောက်တစ်ခုက နိုင်ငံခြားငွေလဲနှုန်းပါ။ ငွေလဲနှုန်းဟာ မေလအတွင်း  သိသိသာသာမြင့်တက်ခဲ့ပြီး ဧပြီလကုန်ပိုင်းမှာ တစ်ဒေါ်လာ ၁၃၃၁ ကျပ်ဝန်းကျင်ရှိတဲ့ ဒေါ်လာဈေးဟာ မေ ၁၈ ရက်မှာ ၁၃၄၇ ကျပ်အထိ မြင့်တက်ခဲ့ပြီး မေ ၂၅ ရက်မှာဆို ဗဟိုဘဏ်သတ်မှတ်ဈေးက တစ်ဒေါ်လာကို ၁၃၅၆ ကျပ်အထိ သတ်မှတ် ထားပါတယ်။ ပြည်တွင်းဈေးကွက်မှာ ရောင်းချနေတဲ့ စက်သုံးဆီဈေးနှုန်းဟာ ကမ္ဘာ့စက်သုံးဆီဈေးနှုန်း၊  နိုင်ငံခြားငွေလဲနှုန်း၊ သယ်ယူပို့ဆောင်ရေးစရိတ်၊ အခွန်အခတွေအပေါ် အခြေခံအမြတ်တင်ပြီး ဈေးနှုန်းအပြောင်းအလဲဖြစ်ပေါ်တာဖြစ်လို့ နိုင်ငံခြားငွေလဲနှုန်း မြင့်တက်မှုကလည်း ပြည်တွင်းစက်သုံးဆီဈေးနှုန်းအပေါ် သက်ရောက်မှုမြင့်တက်ခဲ့ပါ တယ်။ လေ့လာမှုတချို့အရ စက်သုံးဆီရောင်းချသူတွေက ဆီအပေါ်မှာ အများဆုံးရာခိုင်နှုန်း ၃၀ လောက်အထိ အမြတ်တင်ရောင်းချပါတယ်။ ဈေးကျတုန်းမှာ ကြိုဝယ်ထားတဲ့ဆီကို ဈေးတက်နေချိန်ပေါက်ဈေးနဲ့ ချိန်ပြီး ရှုံးတယ်ပြောနေတာက ကလေးဆန်ပါတယ်။

ပြည်တွင်းဈေးကွက်မှာ ၂၀၁၈ ခုနှစ် မေ ၁၈ ရက်က ဖြစ်ပေါ်တဲ့ စက်သုံးဆီ လက်လီဈေးတွေဟာ ဒီဇယ် တစ်လီတာ ကျပ် ၈၈၀  (တစ်ဂါလန် ၃၉၉၅ ကျပ်) ပရီမီယံဒီဇယ်တစ်လီတာ  ကျပ် ၈၉၅ (တစ်ဂါလန် ၄၀၆၃ ကျပ်)၊ အောက်တိန်း 92 Ron တစ်လီတာ  ကျပ် ၈၄၅  (တစ်ဂါလန် ၃၈၃၆ ကျပ်) အောက်တိန်း 95 Ron တစ်လီတာ ၈၉၅ ကျပ် (တစ်ဂါလန် ၄၀၆၃ ကျပ်) ဖြစ်ပါတယ်။

ပြီးခဲ့တဲ့ ၂၀၁၈ ခုနှစ် ဧပြီ ၃၀ ရက်မှာ ဖြစ်ပေါ်တဲ့ ဈေးနှုန်းနှင့် နှိုင်းယှဉ်မယ်ဆို ဒီဇယ်တစ်လီတာ ၃၅ ကျပ် (၄ ဒသမ ၁၄ ရာခိုင်နှုန်း)၊ ပရီမီယံ ဒီဇယ်တစ်လီတာ ၃၅ ကျပ် (၄ ဒသမ ၀၆ ရာခိုင်နှုန်း)၊ အောက်တိန်း 92 Ron တစ်လီတာ ၃၅ ကျပ် (၄ ဒသမ ၃၂ ရာ ခိုင်နှုန်း)၊ အောက်တိန်း  95 Ron တစ်လီတာ ၄၀ ကျပ် (၄ ဒသမ ၆၇ ရာခိုင်နှုန်း) ၁၈ ရက်အတွင်း မြင့်တက်ခဲ့ပါတယ်။

မေ ၂၄ ရက်မှာ ကမ္ဘာ့ရေနံစိမ်းဈေးနှုန်း ကျရိပ်ပြစပြုလာချိန်မှာ မြန်မာနိုင်ငံက စက်သုံးဆီဆိုင်တွေဟာ ဈေးနှုန်းကျဆင်းမှု မရှိသလို မေ ၂၅ ရက်မှာ ရေနံစိမ်းဈေးနှုန်း ကျဆင်းနေချိန်မှာလည်း ပြည်တွင်းဆီဆိုင် တွေက အမြင့်ဈေးမှာ ဆက်ရပ်နေပြီး ဒီဇယ်တစ်လီတာ ၉၀၅ ကျပ်၊ ပရီမီယံ ဒီဇယ် တစ်လီတာ  ကျပ် ၉၂၀၊ အောက်တိန်း 92 Ron တစ်လီတာ ကျပ် ၈၇၀၊ အောက်တိန်း 95 Ron တစ်လီတာ ကျပ် ၉၂၀ ဆိုတဲ့ အမြင့်ဈေးနဲ့ပဲ ဆက်လက်ရောင်းချနေပါတယ်။

ဒီလိုဈေးနှုန်းဟာ ရန်ကုန်ကိုပဲ အခြေခံဖော်ပြနေတာဖြစ်ပြီး သယ်ယူပို့ဆောင်ကုန်ကျစရိတ်အရ ဒေသတစ်ခုနဲ့တစ်ခု အကွာအဝေးအလိုက် တစ်လီတာကို အနည်းဆုံး ၁၀ ကျပ်ကနေ အများဆုံး ကျပ် ၁၀၀ လောက်အထိ မြင့်တက်ပြီး ရောင်းချကြတာကြောင့် နေရာဒေသအလိုက် တစ်ဂါလန်ကို ကျပ် ၅၀၀ လောက် ပိုပေး နေရတဲ့ ဒေသတွေလည်း ရှိနေပါ တယ်။ ဒါဟာ ယှဉ်ပြိုင်မှုမရှိဘဲ နိုင်ငံ ခြားကုမ္ပဏီတွေ၊ ၀င်ရောက်ခွင့်မပြု ဘဲ ခရိုနီတိုင်ကွန်းတွေ လက်ဝါးကြီးအုပ်ထားတာကိုပဲ ကြည့်နေရတဲ့ မြန်မာပြည်သူတွေရဲ့ ၀ဋ်ကြွေးပါ။

■ နိုင်ငံခြားကုမ္ပဏီတွေ ၀င်ခွင့်ပေးပါ

၂၀၁၇ ခုနှစ် မေ ၁၉ ရက်မှာ ကျင်းပခဲ့တဲ့ မြန်မာနိုင်ငံ ရင်းနှီးမြှုပ်နှံမှုကော်မရှင်ရဲ့ အစည်းအဝေး အမှတ်စဉ် ၈/၂၀၁၇ မှာ အမေရိကန်နိုင်ငံမှာ ထူထောင်ခဲ့ပြီး စင်ကာပူမှာ ရုံးချုပ်ဖွင့်ထားတဲ့ စွမ်းအင်ကုမ္ပဏီဖြစ်တဲ့ PUMA ကို မြန်မာနိုင်ငံမှာ စက်သုံးဆီဖြန့် ဖြူးရောင်းချခွင့်ပြုခဲ့ပါတယ်။

လျှပ်စစ်နဲ့ စွမ်းအင်ဝန်ကြီးဌာနနဲ့ ပူးပေါင်းပြီး အမေရိကန်ဒေါ်လာ ကိုးသန်းကျော်မြှုပ်နှံမယ့် PUMA ရဲ့ မြန်မာနိုင်ငံမှာ စက်သုံးဆီ လက်လီဖြန့်ဖြူးမယ့် စီမံကိန်းဟာ နောက်ဆုံးမှာတော့ ပျက်သွားခဲ့ပါတယ်။ ပြည်တွင်းကုမ္ပဏီတွေနဲ့ ပူးပေါင်းမယ့် နိုင်ငံခြားဖက်စပ်ကုမ္ပဏီတွေ ကို စက်သုံးဆီ လက်လီရောင်းချခွင့် ပေးထားတယ်ဆိုပေမယ့် နိုင်ငံခြား တိုက်ရိုက်ရင်းနှီးမြှုပ်နှံသူတွေအတွက် လက်လီရောင်းချခွင့်က ဒီနေ့အထိ မဖြစ်ခဲ့တာကြောင့် ခရိုနီတိုင်ကွန်းတစ်စုရဲ့ ပြည်ပကုမ္ပဏီတွေ စက်သုံးဆီကဏ္ဍမှာ ၀င်မလာရေးတိုက်ပွဲဟာ အောင်မြင်သလားလို့ ထင်စရာပါ။

မြန်မာနိုင်ငံမှာ နိုင်ငံခြားကုမ္ပဏီတွေ စက်သုံးဆီဖြန့်ဖြူးရောင်းချခွင့်နဲ့ပတ်သက်ပြီး အခုအချိန်အထိ တရားဝင်ခွင့်ပြုတာမျိုး မရှိသေးတဲ့အနေအထားပါ။

‘‘နိုင်ငံခြားသားတွေကတော့ စောစောက ခွင့်မပြုထားဘူးပေါ့ဗျာ။ ပြီးခဲ့တဲ့တစ်နှစ်လောက်အထိပေါ့။ ပြီးခဲ့တဲ့ တစ်နှစ်ကစပြီး ခွင့်ပြုထားပြီးသားပါ။ ဒါလေးကတော့ ကျွန်တော်ကတော့ မေတ္တာရပ်ခံချင်တာက စဉ်းစားပေးစေချင်တာက နိုင်ငံခြားသား မပါတာနဲ့ပဲ ဒီလုပ်ငန်းကို လက်ဝါးကြီးအုပ်ထားတယ်လို့ အဓိပ္ပာယ်ဖွင့် ဆိုလို့ရပါသလားဆိုတဲ့ မေးခွန်းလေးတော့ မေးချင်ပါတယ်။ ကျွန်တော်တို့ နိုင်ငံသားတိုင်း မည်သူမဆို လုပ်ခွင့်ရနေပြီး အဲဒါကိုမှ နိုင်ငံခြားသားကို ပေးမလာရင်တော့ မင်းတို့ဒီလုပ်ငန်းတွေ လက်ဝါးကြီးအုပ်လို့ သတ်မှတ်မှာလား။ နိုင်ငံခြားသားလာမှပဲ လက်ဝါးကြီးအုပ်မဖြစ်တော့ဘူးလား။ ကျွန်တော်ကတော့ အဲဒီလိုမထင်ပါဘူး။  တစ်ခုတော့ရှိတယ်။ ကျွန်တော်တို့ နိုင်ငံသားတွေပဲ လုပ်ခွင့်ပေးပါဆိုပြီးတော့ ပြည်သူတွေအတွက် လုံလောက်တဲ့ ၀န်ဆောင်မှုမပေးနိုင်ဘူး၊ အရည်အချင်းမရှိဘူးဆိုရင်တော့ မှန်ပါတယ်။ အစိုးရအနေနဲ့က နိုင်ငံခြားသားတွေကို ခေါ်ကိုခေါ်ရပါ မယ်။ ကိုယ့်နိုင်ငံသားတွေက လုပ်တာလည်း လက်ခံနိုင်တဲ့အနေအထား ဖြစ်နေပြီဆိုရင်တော့ ကိုယ့်မြေမှာ ဖြူပြာပွင့်ဖို့ပဲ အားပေးသင့်ပါတယ်ပေါ့’’ လို့ မြန်မာနိုင်ငံရဲ့  စက်သုံးဆီ ဈေးကွက်ကို ချုပ်ကိုင်ထားနိုင်သူတွေထဲမှာ ပါဝင်တဲ့ မြန်မာနိုင်ငံစက် သုံးဆီတင်သွင်းဖြန့်ဖြူးရောင်းချသူများအသင်း အတွင်းရေးမှူး ဒေါက်တာဝင်းမြင့်က ဆိုပါတယ်။

ဒေါက်တာဝင်းမြင့်က စက်သုံးဆီဖြန့်ဖြူးရောင်းချတဲ့ကဏ္ဍမှာ နိုင်ငံခြားကုမ္ပဏီတွေကို အစိုးရက ၀င်ရောက်ခွင့်ပြုထားပြီးပြီလို့ ပြောပေမဲ့ ဒီနေ့အထိတော့ စက်သုံးဆီ ဖြန့်ဖြူးရောင်းချမှုကဏ္ဍမှာ နိုင်ငံခြားကုမ္ပဏီတွေ ၀င်ရောက်မြှုပ်နှံမှုနဲ့ ပတ်သက်တဲ့ ရှင်းလင်းတဲ့ ညွှန်ကြားချက်၊ ခိုင်မာတဲ့ဖိတ်ခေါ်မှုတွေ မတွေ့ရပါဘူး။

ဒီလို ၀ိဝါဒကွဲပြားနေတယ်ဆိုတဲ့ အခြေအနေတွေနဲ့ PUMA ဟာ ရင်းနှီးမြှုပ်နှံခွင့်ပြုပြီးမှ ပြန်ထွက်သွားရတယ်ဆိုတဲ့အခြေအနေတွေအတွက် မြန်မာနိုင်ငံ ရင်းနှီးမြှုပ်နှံမှု  ကော်မရှင်တာဝန်ရှိသူတွေနဲ့ လျှပ်စစ်နဲ့စွမ်းအင်ဝန်ကြီးဌာနက တာဝန်ရှိသူတွေကို ဆက်သွယ်ခဲ့ပေမယ့် ထုံးစံအတိုင်း ဖုန်းပိတ်ထားတဲ့အခြေ အနေတွေနဲ့ပဲ ရင်ဆိုင်ခဲ့ရပါတယ်။

တကယ်ဆို ပြည်တွင်းမှာ နိုင်ငံခြားရင်းနှီးမြှုပ်နှံသူတွေကို စက်သုံးဆီ ဖြန့်ဖြူးရောင်းချခွင့်ကဏ္ဍမှာ ခွင့်ပြုသင့်နေတာ ကြာမြင့်နေပြီဖြစ်ပါတယ်။ ခရိုနီလူတစ်စုရဲ့ အကျိုးစီးပွားကိုပဲ ကြည့်ပေးပြီး ဆီဈေးတက်လို့ ပြည်သူလူထုက တောင့်မခံနိုင်မှ အစိုးရသိုလှောင်ထားတဲ့ စက်သုံးဆီတွေ ထုတ်ရောင်းပြီး ချွေးသိပ်ရင်း ခရိုနီလူတစ်စုကို ကာကွယ်ပေးထားတာ အဖြေမှန်မဟုတ်သလို စက်သုံးဆီ သန်းနဲ့ချီသိုလှောင်ထားနိုင်တဲ့ ကန်တွေဆောက်၊ အစိုးရက ကုမ္ပဏီထောင်ပြီး စက်သုံးဆီဈေး ကျဆင်းအောင်လုပ်မယ်ဆိုတဲ့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း ရဲ့ ကြုံးဝါးသံကလည်း မြန်မာ့စက်သုံးဆီကဏ္ဍအတွက် အဖြေမှန် မဟုတ်ပါဘူး။ စက်သုံးဆီအရည်အသွေးမှန်မှန်၊ ကမ္ဘာ့ဈေးနှုန်းအတက်အကျအတိုင်း မှန်မှန်ကန်ကန်ရောင်းချပေးမယ့်သူတွေဆီက ၀န်ဆောင်မှုတွေကပဲ ပြည်သူတွေအတွက် အဖြေမှန်ပါ။ ခရိုနီတိုင်ကွန်းတစ်စု အကျိုးစီးပွားအတွက် နိုင်ငံခြားကုမ္ပဏီတွေကို စက်သုံးဆီဖြန့်ဖြူးရောင်းချမှု ခွင့်မပြုတဲ့ဖြစ်စဉ်တွေက ဒီနေ့ခေတ်ကာလမှာ လုံးဝမရှိသင့်တော့ပါဘူး။ နှစ်ပေါင်းများစွာ ခရိုနီတိုင်ကွန်း ၁၀ ဦးလောက်ရဲ့ အကျိုးစီးပွားအတွက် မြန်မာနိုင်ငံက လူဦးရေ  ၅၃ သန်းကို စက်သုံးဆီနဲ့ ဒုက္ခပေးပြီး အကျိုးအမြတ်ရှာခဲ့တာတွေ ရပ်တန့်ချိန်တန်ပါပြီ။

‘‘တချို့က ပြောကြတယ်။ ထိုင်းနိုင်ငံလိုမျိုး အစိုးရက ၀င်စွက်ဖက်ပြီး Subsidize လုပ်တာမျိုး Intervention လုပ်ဖို့လိုတယ်လို့ ဆီဈေးတက်မှုအပေါ် ပြောကြတယ်။ ကျွန်တော် ကတော့ ထိုင်းနိုင်ငံလိုမျိုး လုပ်စရာမလိုဘူးလို့ ထင်တယ်။ ထိုင်းနိုင်ငံက ဒီမိုကရေစီအစိုးရ မဟုတ်ဘူး။ စစ်အစိုးရ။ စစ်အစိုးရဖြစ်တဲ့အတွက် ဘာပဲပြောပြော သူ့နိုင်ငံသားတွေ ဆန့်ကျင်လာမှာ၊ ကန့်ကွက်လာမှာ အများကြီးစိုးရိမ်မယ်။ သူတို့ ရွေးကောက်ပွဲ မလုပ်ပေးနိုင်သေးဘူး။ လုပ်ပေးနိုင်မယ့် အရိပ်အယောင်လည်း မတွေ့ရသေးဘူး။ အဲဒီလိုဖြစ်တဲ့အတွက် ထိုင်းနိုင်ငံလုပ်သလိုမျိုး လုပ်ပေးစရာမလိုဘူး။ ကျွန်တော်တို့ လုပ်ပေးရမှာ နိုင်ငံတကာစံချိန်စံညွှန်းမီတဲ့ ကုမ္ပဏီကြီးတွေကို လုပ်ပိုင်ခွင့်ပေးရမယ်။ အဲဒါဆို ပြည်တွင်းမှာ ကမ္ဘာ့ပေါက်ဈေးအတိုင်း မြန်မာနိုင်ငံသားတွေရမယ်။ ဘာကြောင့်လဲဆိုတော့ ကျွန်တော်တို့ကို လက်ရှိရောင်းနေတာတွေက ကမ္ဘာ့ပေါက်ဈေးကို Plus, Plus တွေနဲ့ ရောင်းနေတာပါ ပဲ။ အရှုံးခံရောင်းနေတာတစ်ယောက်မှ မရှိပါဘူး။ ပြည်ပက သွင်းနေတာဆိုတော့ သူ့ရဲ့ Marginal Cost တွေ အကုန်ပေါင်းပြီးမှ အမြတ်တင်ရောင်းနေတာပါ။ ဒီတော့ကျတော့ ဘာထူးလဲ။ ကမ္ဘာ့ပေါက်ဈေးအတိုင်း ပေးရမယ့်အတူတူ အရည်အသွေးရော၊ အချိန်အတွယ်ရော ကောင်းမွန်တဲ့ ၀န်ဆောင်မှုပေးနိုင်တဲ့ ကုမ္ပဏီကြီး တွေကို ကျွန်တော်တို့ လက်ခံရမှာပေါ့။ အဲဒါကို လက်ခံနိုင်ရမယ်။ လက်ခံသင့်တယ်’’ လို့ လက်ရှိစက်သုံးဆီ ဈေးကွက်အခြေအနေအပေါ် Renaissance Institute မှ စီးပွားရေးပညာရှင်တစ်ဦးက သုံးသပ်ပါတယ်။

■ အခွန်အခတွေ ပြန်စိစစ်ပေးပါ

မြန်မာနိုင်ငံက အသုံးပြုနေတဲ့ စက်သုံးဆီရဲ့ ၉၅ ရာခိုင်နှုန်းလောက်ကို ပြည်ပကနေ တင်သွင်းရပါတယ်။ ဒီလိုတင်သွင်းတဲ့အခါမှာ စင်ကာပူနိုင်ငံကနေ တစ်ဆင့်ခံတင်သွင်းရလို့  ရေနံတစ်တန်မှာ ၁၅ ဒေါ်လာလောက် များပါတယ်။

ဒီလို ဈေးနှုန်းများပြားတဲ့အပြင် ပြည်ပက တင်သွင်းတဲ့ စက်သုံးဆီတွေအပေါ်မှာ အစိုးရက ကြိုတင်ဝင်ငွေခွန် နှစ်ရာခိုင်နှုန်း၊  Custom Duty သုံးရာခိုင်နှုန်း၊ အထူးကုန်စည်ခွန်ငါးရာခိုင်နှုန်းနဲ့  ကုန်သွယ်လုပ်ငန်းခွန် ငါးရာခိုင်နှုန်းကောက်ခံတယ်လို့ စက်သုံးဆီတင်သွင်းတဲ့လုပ်ငန်းရှင်တွေက ဆိုပါတယ်။ ဒါ့အပြင် ကုမ္ပဏီရဲ့ ၀င်ငွေအပေါ်မှာ ၀င်ငွေခွန် ၂၅ ရာခိုင်နှုန်းကိုလည်း ကောက်ခံနေတယ်လို့ ဆိုပါတယ်။

ဒီနေရာမှာ အခွန်အထပ်ထပ် ကောက်ခံနေတဲ့ မြန်မာ့အခွန်စနစ်တစ်ရပ်လုံးဟာ ပြန်လည်သုံးသပ်ပြီး လုပ်သာကိုင်သာရှိတဲ့ အခွန်နှုန်းတစ်ရပ်အဖြစ် ပြောင်းလဲဖို့ လိုအပ်နေပြီဖြစ်ပါတယ်။

ဒီလိုပြောင်းလဲဖို့ လိုအပ်တယ်ဆိုရာမှာ ငွေမည်းခ၀ါချတဲ့ ပုဒ်မလိုမျိုး သုံးရာခိုင်နှုန်း၊ ငါးရာခိုင်နှုန်းဆီကို ၀ုန်းခနဲထိုးဆင်းပြီး ငွေမည်းတွေကို မျှော်လင့်တဲ့အခွန်နှုန်းမျိုးကို ထိုးဆင်းဖို့ ဆိုလိုတာ မဟုတ်ဘဲ အာဆီယံမှာ ဖွံ့ဖြိုးမှုအနိမ့်ဆုံး မြန်မာနိုင်ငံအတွက် လုပ်သာကိုင်သာရှိပြီး ပြည်သူဝန်မပိတဲ့ အခွန်နှစ်ထပ်၊ သုံးထပ်စည်းကြပ်နေတာမျိုးတွေကို ပြန်လည်သုံးသပ်ဖို့ ဆိုလိုတာပဲဖြစ်ပါတယ်။

လက်ရှိမှာဆိုရင် အစိုးရဘက်က စာရွက်ပေါ်က ကိန်းဂဏန်းတွေနဲ့ စီးပွားရေး တိုးတက်တယ်ဆိုပြီး အကောင်းမြင်နေတဲ့ အခြေအနေဖြစ်နေပြီး ပြည်သူတွေနဲ့ စီးပွားရေးလုပ်ငန်းရှင်တွေက အခွန်အခဖိစီးမှု၊ စီးပွားရေးကျဆင်းမှုတွေနဲ့ ရင်ဆိုင်နေရတာမို့ အစိုးရတာဝန်ရှိသူတွေ အနေနဲ့ ပြည်သူတွေနဲ့ ပိုမိုထိတွေ့ မှုပြုလုပ်သင့်ပြီဆိုတဲ့ အခြေအနေကိုလည်း မြင်နေရပါတယ်။ စာရွက်ပေါ် က တိုးတက်မှုကို ကျေနပ်နေမယ်ဆို ရင်တော့ လက်တွေ့မြေပြင်မှာ အခက်ကြုံနေတဲ့ ပြည်သူတွေရဲ့ ရှုတ်ချမှုနဲ့ပဲ ရင်ဆိုင်ရနိုင်ပါတယ်။

‘‘နိုင်ငံတော်၏အတိုင်အပင်ခံ ပုဂ္ဂိုလ် ဒေါ်ဆောင်ဆန်းစုကြည်ရဲ့  လက်ရှိစီးပွားရေးအကြံပေး ပရော်ဖက်ဆာ  Sean Turnell ပြုလုပ်တဲ့ Myanmar’s Economy: Progress, Challenges and Prospects ဆိုတဲ့ဆွေးနွေးပွဲမှာ ပြောတာက မြန်မာနိုင်ငံရဲ့ GDP ဟာ တက်လာနေပြီး ၂၀၁၆-၁၇ မှာ ၅ ဒသမ ၉ ရာခိုင်နှုန်းရှိရာက ၂၀၁၇-၁၈ မှာ ၆ ဒသမ ၄ ရာခိုင်နှုန်းအထိ တက်လာတယ်။ အခု ၂၀၁၈ နှစ်လည်မှာ ၇ ဒသမ ၂ ရာခိုင်နှုန်းအထိ တက်လာတယ်တဲ့။ နောက်ပြီး နိုင်ငံရဲ့  လိုငွေပြမှုကလည်း အရင် ငါးရာခိုင်နှုန်းရှိရာက အခု ၂ ဒသမ ၇ ရာခိုင်နှုန်း အထိ လျှော့ချလိုက်နိုင်တယ်။ သူတို့ မှန်းတာက ၂ ဒသမ ၅ ရာခိုင်နှုန်း အထိ လျှော့ချလာနိုင်တယ်တဲ့။ အဓိက အကြောင်းရင်းက အခွန်တွေ သေသေချာချာ ကောက်ခံလာနိုင်တာ ဖြစ်ပြီး ငွေကြေးစီမံမှုဟာ ရာခိုင်နှုန်း ၃၀ အထိ ၂၀၁၇-၁၈ ထဲမှာ တိုးတက်လာတယ်။ သွင်းကုန်ထုတ်ကုန်ကလည်း ရာခိုင်နှုန်း ၂၀ တိုးတက်လာတဲ့အတွက် လိုငွေပြမှုကိုလျှော့ချနိုင်တာ ဖြစ်ပါတယ်တဲ့။ ငွေကြေးဖောင်းပွမှု အရင်က ၁၀ ရာခိုင်နှုန်းကို အခုငါးရာခိုင်နှုန်းအထိ လျှော့ချလိုက်နိုင်ပြီး နိုင်ငံစီးပွားရေး အကောင်းဘက် ဦးတည်နေတယ်ဆိုပါတယ်။ မြန်မာပြည်ရဲ့  ကြိုးနီစနစ်ဟာ နှစ်ပေါင်းများစွာ အမြစ်တွယ်နေတာပါ။ သူတို့ ကြိုးစားဖြေရှင်းနေပြီး ဖြေလျှော့မှုတွေ လုပ်နေပါတယ်တဲ့။ ဒေါ်လာ ၇ ဒသမ ၅ ဘီလျံ ကျောက်ဖြူဆိပ် ကမ်းတည်ဆောက်မှုကိစ္စကိုပါ သူပြောသွားတယ်။ သူက ဆက်မလုပ်ဖို့ အဆိုပြုထားတယ်တဲ့။ အခွန်သက် သာခွင့် သုံးရာခိုင်နှုန်း၊ ငါးရာခိုင်နှုန်းကိုလည်း Sean က ဥပဒေကြမ်းကော်မတီမှာ ကန့်ကွက်ခဲ့သူတစ်ဦးပါ။

B4B မှာ ပြည်တွင်းစီးပွားရေးလုပ်ငန်းရှင် ၁၄၀၀ ကျော်ကို ကောက်ယူခဲ့တဲ့စစ်တမ်းမှာ ပြောတာကတော့ စီးပွားရေးမကောင်းဘူးလို့ ဖြေကြားခဲ့ပါတယ်။အခွန်အကောက် များနေတယ်။ စားသောက်ကုန်ဈေးနှုန်း ခုနစ်ရာခိုင်နှုန်းလောက် တက်နေတယ်။ လူတွေရဲ့ ၀ယ်လိုအား ကျနေတယ်။ လက်လီဆိုင်တွေရဲ့ရောင်းအားကျဆင်းပြီး စရိတ်တွေကြီးလာတယ်လို့ City Mart Holding က CEO ဒေါ်ဝင်းဝင်းတင့်ကလည်း တင်ပြခဲ့ပါတယ်။ ဆောက်လုပ်ရေး၊ ဘဏ်၊ စက်မှုကုန်ထုတ်၊ လယ်ယာထွက်ကုန်၊ အထည်ချုပ်၊ Services ၊ Export & Imports နဲ့  SME ကဏ္ဍတွေကလည်း စီးပွားရေးမကောင်းဘူးလို့ တစ်ညီတစ်ညွတ်တည်း ပြောဆိုကြပါတယ်။ Sean အမြင်နဲ့ လက်တွေ့လုပ်ကိုင်နေကြသူများရဲ့အသံက ဆန့်ကျင်ဘက်ပါ။ ကျွန်တော့်အမြင်ကတော့ Sean ရဲ့အပြော၊ ဒေါ်အောင်ဆန်းစုကြည်ရဲ့ မိန့်ခွန်းတွေအရ NLD အစိုးရအနေနဲ့ မြန်မာ့စီးပွားရေးအပေါ်မှာ အကောင်းမြင်နေပြီး နောင်နှစ်နှစ်ကျော် သုံးနှစ် ဒီ Flow အတိုင်း ဆက်သွားမယ်လို့ သုံးသပ်ရပါတယ်’’ လို့ စီးပွားရေးလုပ်ငန်းရှင် ဒေါက်တာစိုးထွန်းက သူ့ရဲ့ Facebook Acc မှာ သုံးသပ်ထားပါတယ်။

မြန်မာနိုင်ငံရဲ့ စီးပွားရေးဖွံ့ဖြိုး တိုးတက်မှုကို ပြန်ကြည့်မယ်ဆိုရင် ၂၀၁၂ ကနေ ၂၀၁၅ ခုနှစ်အကြားဟာ ဖွံ့ဖြိုးတိုးတက်မှုအမြန်ဆုံးနဲ့ ပြည်သူတွေအကြားမှာ စီးပွားရေးဖွံ့ဖြိုးတိုးတက်မှု အမြန်ဆုံးအချိန် ဖြစ်ပါတယ်။ ဒီလိုနှစ်အပိုင်းအခြားတွေနဲ့ ဆန့်ကျင်ဘက်အခြေအနေက ၂၀၁၆၊ ၂၀၁၇ နဲ့ ၂၀၁၈ ခုနှစ်တွေပါ။ ဒီနှစ်ပိုင်းတွေမှာ ပြည်သူတွေ၊ လုပ်ငန်းတွေအားလုံးဟာ စီးပွားရေး ကျဆင်းမှုဂယက်တွေနဲ့ စီမံခန့်ခွဲခြင်း ညံ့ဖျင်းခြင်းတွေ၊ မတည်ငြိမ်တဲ့ မူဝါဒတွေ နဲ့ တင်ဒါတွေကို လက်သိပ်ထိုး ခေါ်ပေးချင်တဲ့သူတွေကို ပေးနေတာကြောင့် ကျပ်တည်းမှုတွေနဲ့ ရင်ဆိုင်နေရတာပါ။ ဒီအခြေအနေကို မြင်နိုင်ဖို့ လိုအပ်ပါတယ်။

‘‘နံပါတ်တစ်က စက်သုံးဆီဈေး အခုတက်နေတယ်ဆိုပေမယ့် ဒီထက်တက်ဖို့ အရိပ်အယောင် မရှိဘူး။ ဘာကြောင့်လဲဆို ဆော်ဒီအာရေဗျနဲ့ ရုရှားနဲ့က ပိုမိုတိုးတက်ထုတ်မယ်ဆိုပြီး အရိပ်လက္ခဏာတွေတွေ့ နေရတယ်။ ဒီထက်ပိုတက်မယ်လို့ မထင်ဘူး။ ဒီအနေအထားလောက်မှာပဲ တက်ချင်တက်၊ မတက်ရင် တန့်နေမယ်ပေါ့။ နံပါတ်နှစ်က စက်သုံးဆီတွေမှာ နိုင်ငံတကာအဆင့်မီရောင်းနိုင်တဲ့ ကုမ္ပဏီကြီးတွေကိုခွင့်ပြုသင့်တယ်။ JV ဖြစ်ဖြစ်၊ ရာနှုန်းပြည့်ပဲ ဖြစ်ဖြစ်ပေါ့။ ခွင့်ပြုသင့်တယ်။ ဘာကြောင့်လဲဆို စက်သုံးဆီက ကျွန်တော်တို့နိုင်ငံက ထုတ်တာမဟုတ်ဘူး။ ပြည်ပက တင်သွင်းတာ။ ပြည်ပက တင်သွင်းတာဖြစ်လို့ ပြည်ပပေါက်ဈေးအတိုင်းပဲ ကျွန်တော်တို့ဝယ်ရတယ်။ တက်ရင် တက်ဈေး၊ ကျရင် ကျဈေး။ ဒီလိုဝယ်ရသော်ငြားလည်း ပြည်တွင်းစက်သုံးဆီ ၀ယ်ယူအသုံးပြုသူတွေ အဓိကလိုချင်တာက စက်သုံးဆီအရည်အသွေး မှန်မှန်ကန်ကန်ဖြစ်ဖို့ လိုချင်တယ်။ စက်သုံးဆီ ဈေးနှုန်းက ကမ္ဘာ့ဈေးနှုန်းတက်ရင် လည်း တက်ဈေးပေးနိုင်တယ်။ ကျရင်လည်း ကျဈေးပေးချင်တယ်။ ဒီနေရာမှာ ကမ္ဘာ့ရေနံဈေးတက်ရင် ဒီမှာဈေးလိုက်တက်ပေမယ့် ကမ္ဘာ့ရေနံဈေးနှုန်းကျရင် လိုက်မချတာတွေလည်း ရှိခဲ့တယ်။ အဲဒီကြောင့်မို့လို့ ကမ္ဘာ့ဈေးကွက်ပေါက်ဈေးအတိုင်း ဖြစ်နေတာက ပြည်တွင်းစားသုံးသူတွေအတွက် အဓိကမကျဘူးထင်တယ်။ သူတို့လိုချင်တာက ၀န်ဆောင်မှုပဲ။ ပြည်ပဈေးကွက်ပေါက်ဈေး၊ စက်သုံးဆီအရည်အသွေးနဲ့ အချိန်အတွယ်မှန်ဖို့ပေါ့။ နောက်တစ်ခု နံပါတ်သုံးအချက်က အခွန်ကိစ္စ။ အထွေထွေအခွန်ကတော့ လျှော့ကို လျှော့သင့်တယ်။ သုံးရာခိုင်နှုန်း၊ ငါးရာခိုင်နှုန်းကို မလျှော့နိုင်ဘူး။ မလျှော့သင့်ဘူး မှန်သော်ငြားလည်း တိုင်းပြည်ရဲ့ စီးပွားရေးအခြေအနေ အနေအထားအရ ၀င်ငွေခွန်တို့ ကုန်သွယ်လုပ်ငန်းခွန်တို့ကို ဘာပဲပြောပြော စင်ကာပူတို့ ဘာတို့ လောက်တော့ လျှော့သင့်တယ်။  Tax Amnesty လိုမျိုး သုံးရာခိုင်နှုန်း၊ ငါးရာခိုင်နှုန်းအထိ လျှော့ဖို့မလိုဘူး။ ဒါပေမဲ့ သင့်တင့်မျှတစွာ လျှော့ဖို့လိုတယ်။ နံပါတ်လေးအချက်အနေနဲ့ ပြောချင်တာက အခွန်ဆောင်တဲ့ နေရာမှာ အွန်လိုင်းက ဆောင်နိုင်ရင် ကောင်းတယ်ဗျာ။ Offline ကနေ မဟုတ်ဘူး။ လူချင်းတွေ့ပြီး အခွန်ဆောင်နေရရင် ဇယားတွေ ရှုပ်တယ်။ အခုဘာပဲလုပ်လုပ် အွန်လိုင်းက သွားနိုင်ရင် အများကြီးကောင်းလာမယ် ယူဆတယ်။ အခု အင်တာနက်သုံးစွဲမှုကလည်း ပိုတက်လာတယ်။ ဘာပဲပြောပြော အွန်လိုင်းဆိုတာ လူတိုင်းရဲ့လက်တစ်ကမ်းမှာပဲ ရှိလာတယ်။ နောက်တစ်ခု နံပါတ်ငါးအနေနဲ့ ပြောရရင် Ananda ဆိုတဲ့ လုပ်ငန်းတစ်ခု မိတ်ဆက်ပွဲ ကျွန် တော်သွားတက်တယ်။ လူတိုင်းက လွယ်လွယ်ကူကူနဲ့ Wifi သုံးနိုင်တော့မယ်လို့ ကျွန်တော်သိခဲ့ရတယ်။ လွယ်လွယ်ကူကူနဲ့ ပြည်သူကြားမှာ အဲဒီလိုဖြစ်နေပြီဆိုရင် အစိုးရအဆင့်မှာလည်း အဲဒီလို e-Government လိုမျိုး လွယ်ကူအောင်တတ်နိုင်တဲ့ အဆင့်ကနေ အွန်လိုင်းဝန်ဆောင်မှု မျိုးလုပ်သင့်တယ်။ လူချင်းတွေ့နေရတာမျိုး။ ပြုံတိုးနေရတာမျိုးတွေ လျော့သွားမယ်။ အချိန်ကုန်သက်သာမယ်။ ငွေကုန်သက်သာမယ်။ လာဘ်ပေးလာဘ်ယူတွေ လျော့သွားမယ်။ ဆီဈေးတက်တာက မကြာမကြာဖြစ် တတ်တယ်။ ဆီက ပြည်ပကသွင်းကုန်။ ပြည်ပပေါက်ဈေးနဲ့ ၀ယ်ရမှာပဲ။ အခွန်ကိုတော့ လျှော့သင့်တယ်။ ကျွန်တော်ပြောတဲ့ ဒီငါးချက်က ဖြစ်လည်း ဖြစ်နိုင်တယ်။ လုပ်လို့ရတဲ့ အချက်တွေလို့လည်း ထင်တယ် ‘‘ လို့ မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကိုက လက်ရှိ စက်သုံးဆီကဏ္ဍအပေါ် အချက်ငါးချက်နဲ့ အကြံပြုပါတယ်။

အနှစ်ချုပ်ပြောရမယ်ဆိုရင် မြန်မာ့စက်သုံးဆီကဏ္ဍကို ခရိုနီတွေ လူတစ်စုကပဲ ချုပ်ကိုင်ထားတာ အဆုံးသတ်ချိန်တန်ပါပြီ။  နှစ်ပေါင်းများစွာ ခရိုနီတွေလက်ဝါးကြီးအုပ်ထားတဲ့ စက်သုံးဆီကဏ္ဍကို NLD အစိုးရလက်ထက်မှာ တိုင်ကွန်းလို့ အမည်ပြောင်းတဲ့ လူတစ်စုကပဲ ဆက်ပြီး မချုပ်ကိုင်ဖို့ဆိုရင် အဓိကလုပ် သင့်တဲ့အချက်နှစ်ချက်က စက်သုံးဆီကဏ္ဍမှာ နိုင်ငံခြားကုမ္ပဏီတွေ လက်လီလက်ကား ရောင်းချခွင့် ရာနှုန်းပြည့်ခွင့်ပြုဖို့နဲ့ အခွန်အခတွေကို သင့်တင့်တဲ့နှုန်းထားဆီ လျှော့ချဖို့ပါ။

ဒီနေရာမှာ နိုင်ငံခြားကုမ္ပဏီတွေကိုလည်း စက်သုံးဆီကဏ္ဍမှာ ၀င်ခွင့်မပြုဘူး။ ဆီမှောင်ခိုတင်သွင်း တဲ့ ‘‘ဇ’’ ရှိတဲ့ လုပ်ငန်းရှင်တချို့ကို လည်း မစိစစ်နိုင်ဘူးဆိုရင်တော့ အခွန်လျှော့ချမှုက ဆီဈေးကျဆင်းမှုအပေါ် သက်ရောက်စေမှာ မဟုတ်ဘဲ ခရိုနီတွေပဲ ပိုအကျိုးရှိသွားမှာ ဖြစ်ပါတယ်။ ဒါကြောင့်မို့ အထူးအကြံပြုရရင် နိုင်ငံခြားကုမ္ပဏီတွေကို စက်သုံးဆီလက်လီလက်ကား ရောင်းချခွင့်မပြုဘဲနဲ့ မှောင်ခိုဆီ တင်သွင်းမှုတွေကို တားဆီးထိန်းချုပ်နိုင်မှုမရှိဘဲနဲ့ အခွန်တွေကို လျှော့ချမှု မလုပ်မိပါစေနဲ့လို့ပဲ အထူးအကြံပြုချင်ပါတယ်။

လက်ရှိ ၂၀၁၈ ဘဏ္ဍာနှစ်တိုဟာ စက်တင်ဘာလကုန်မှာ ကုန်ဆုံးမှာဖြစ်ပြီး ၂၀၁၈ -၂၀၁၉ ဘဏ္ဍာနှစ်ဟာ အောက်တိုဘာ ၁ ရက်မှာ စတင်မှာဖြစ်လို့ မကြာခင်ရက်ပိုင်းမှာ လွှတ်တော်မှာ ၂၀၁၈ -၂၀၁၉ ဘဏ္ဍာနှစ်အတွက် ဥပဒေကြမ်းဆွေးနွေးတော့မှာဖြစ်ပါတယ်။ ဒီလိုဥပဒေကြမ်းဆွေးနွေးပြီဆိုရင် အခွန်အခအ ထပ်ထပ်ကောက်နေလို့ ပြည်သူတွေ ဖိစီးနေတဲ့ ကဏ္ဍတွေကို လွှတ်တော်ကိုယ်စားလှယ်တွေက သေသေချာ ချာ မေးမြန်းဆွေးနွေးဖို့ လိုအပ်မှာ ဖြစ်ပါတယ်။ ပြည်ထောင်စုအဆင့် လွှတ်တော်မှာ စက်သုံးဆီကဏ္ဍ ပြုပြင်ပြောင်းလဲရေးနဲ့ ပတ်သက်ပြီး သေသေချာချာ လေ့လာမေးမြန်းထားတဲ့ လွှတ်တော်ကိုယ်စားလှယ်က အဆိုတင်သွင်းပြီး ခရိုနီတိုင်ကွန်းတစ်စု အုပ်စီးထားတဲ့ မြန်မာ့စက်သုံးဆီကဏ္ဍ လက်ဝါးကြီးအုပ်ခံနေရတဲ့ အခြေအနေကို ပြင်ဆင်ဖို့ ကြိုးပမ်းရပါလိမ့်မယ်။ ကမ္ဘာ့ရေနံဈေးကျနေပြီ ငါတို့နဲ့ မဆိုင်ဘူးတွေးဖို့ မသင့်တော့တဲ့အခြေအနေကို တိုင်ကွန်းတွေ လက်ဝါးကြီးအုပ်ထားတဲ့ စက်သုံးဆီကဏ္ဍက သက်သေပြနေတာ ဖြစ်ပြီး ပြည်သူတွေ စက်သုံးဆီကို အရည်အသွေးမှန်မှန်၊ ဈေးနှုန်းမှန်မှန်၊ အချိန်အတွယ်မှန်မှန်နဲ့ သုံးစွဲနိုင်ရေး ‘‘ပြောင်းလဲချိန်တန်ပြီ’’  ဖြစ်ပါတယ်။ ပြည်ထောင်စုအဆင့်က လွှတ်တော်တွေက ငါတို့နဲ့မဆိုင်ဘူး။ ငါတို့ လွှတ်တော်၊ ငါတို့အစိုးရကတောင် တိုင်ကွန်းကို မကင်းနိုင်လို့ အလှူခံပေါင်းနေရတာ လုပ်စရာမလိုပါဘူးလို့ တွေးမယ်ဆိုရင်တော့ မြန်မာ့စက်သုံးဆီကဏ္ဍဟာ တိုင်ကွန်းတစ်စုရဲ့ ထိန်းချုပ်မှုအောက်မှာပဲ ဆက်ရှိနေပြီး မြန်မာ့လူဦးရေ ၅၃ သန်းဟာ တိုင်ကွန်းတစ်စုရဲ့ ကြီးစိုးမှုအောက်မှာပဲ ဆက်ပြီးဒုက္ခခံနေရပါလိမ့်မယ်။

တစ်လအတွင်း စက်သုံးဆီ တစ်လီတာကို ကျပ် ၁၀၀ အထိ မြင့်တက်ခဲ့ပြီး ဆက်လက်ဖြစ်ပေါ်မည့် ဈေးနှုန်းအတက်အကျကို မခန့်မှန်းနိုင်ဟု ဆို

ပြည်တွင်း စက်သုံးဆီဈေးနှုန်းသည် တစ်လအတွင်း တစ်လီတာကို ကျပ် ၁၀၀ အထိ မြင့်တက်ခဲ့ပြီး ဆက်လက်ဖြစ်ပေါ်မည် ဈေးနှုန်းအတက်အကျကို မခန့်မှန်းနိုင်ကြောင်း မြန်မာနိုင်ငံ စက်သုံးဆီ တင်သွင်းဖြန့်ဖြူး ရောင်းချသူများအသင်း အတွင်းရေးမှူး ဒေါက်တာဝင်းမြင့်က ပြောကြားသည်။

“ဒီနေ့ ဈေးကိုတန်ရာတန်ဈေးအောက်ကို လျှော့ပြီးရောင်းတဲ့သူဟာ သူ့ရဲ့ Idea ဘာရှိတယ်ဆိုတာ ကျွန်တော်လည်း မသိနိုင်ဘူး။ ဒီနေ့ နိုင်ငံခြားမှာ ဈေးတွေတအားတက်နေတယ်။ အဲဒီ ဈေးတွေတက်တယ်ဆိုတာ မနက်ဖြန် ထပ်တက်ဦးမလား ပြောတဲ့သူက နံကြားထောက်ပြောတာပါ” ဟု ဒေါက်တာဝင်းမြင့်က ပြောသည်။

နိုင်ငံတကာ၌ စက်သုံးဆီဈေးနှုန်းမြင့်တက်မှုနှင့် ဒေါ်လာဈေးနှုန်းမြင့်တက်မှုများကြောင့် တစ်လအတွင်း ပြည်တွင်းစက်သုံးဆီ ဈေးနှုန်းများမှာလည်း တစ်လီတာကို ကျပ် ၁၀၀ ခန့်အထိ မြင့်တက်ခဲ့ကြောင်း စက်သုံးဆီအသင်းမှ သိရသည်။

လက်ရှိအချိန်တွင် စက်သုံးဆီအရောင်းဆိုင်များမှ နိုင်ငံတကာဈေးနှုန်းထက် လေးရာခိုင်နှုန်းကျော် အရှုံးခံရောင်းချနေသော်လည်း ယင်းအရှုံးခံရောင်းချမှုသည် စာရွက်ပေါ်၌သာ အရှုံးပေါ်နေခြင်းဖြစ်ကြောင်း ဒေါက်တာဝင်းမြင့်က ပြောကြားသည်။

ယင်းကဲ့သို့ အရှုံးခံရောင်းနိုင်ခြင်းသည် ယခင်က စက်သုံးဆီဈေးနှုန်း အနိမ့်ဖြင့်ရထားသည့်ဆီများကို လက်ရှိရောက်ရှိနေသည့် ဈေးနှုန်းအတိုင်း ဈေးနှုန်းတက်မရောင်းချဘဲ လေးရာခိုင်နှုန်းကျော် လျှော့ရောင်းခြင်း ဖြစ်သည်။ သို့သော်လည်း နိုင်ငံတကာစက်သုံးဆီဈေးနှုန်း မြင့်တက်လာသည့် ကာလတွင်တင်သွင်းကာ ရောင်းချသည့်ဆိုင်များ အနေဖြင့် ရှုံးနိုင်ကြောင်း ၎င်းကရှင်းလင်း ပြောပြသည်။

နိုင်ငံခြားငွေလဲနှုန်းသည်မေလအတွင်း သိသိသာသာမြင့်တက်ခဲ့ပြီး ဧပြီလကုန်ပိုင်းက တစ်ဒေါ်လာ ၁၃၃၁ ကျပ်ဝန်းကျင်ရှိသော  ဒေါ်လာဈေးသည် မေ ၁၈ ရက်တွင် ၁၃၄၇ ကျပ်အထိ မြင့်တက်ခဲ့သည်။ ပြည်တွင်းဈေးကွက်အတွင်း ရောင်းချလျက်ရှိသော စက်သုံးဆီဈေးနှုန်းသည် ကမ္ဘာ့စက်သုံးဆီဈေးနှုန်း၊  နိုင်ငံခြားငွေလဲနှုန်းနှင့် သယ်ယူပို့ဆောင်ရေး စရိတ်အပေါ်အခြေခံပြီး ဈေးနှုန်းအပြောင်းအလဲ ဖြစ်ပေါ်ခြင်းဖြစ်သည်။

မြန်မာနိုင်ငံ စက်သုံးဆီတင်သွင်းရောင်းချဖြန့်ဖြူးရေးအသင်းမှ ထုတ်ပြန်ထားသော မေ ၁၈ ရက်တွင် ပြည်ပမှဝယ်ယူရသည့် စက်သုံးဆီဈေးနှုန်း (တစ်စည်) များမှာ 92 Ron ၈၉ ဒသမ ၄၂ ဒေါ်လာ၊ 95 Ron ၉၂ ဒသမ ၂၅၀ ဒေါ်လာ၊ ဒီဇယ် ၉၂ ဒသမ ၀၄ ဒေါ်လာ၊ ပရီမီယံဒီဇယ် ၉၃ ဒသမ ၁၄ ဒေါ်လာတို့ဖြစ်ပြီး ဧပြီ ၃၀ ရက်ဈေးနှုန်းနှင့် နှိုင်းယှဉ်ပါက 92 Ron သည် ၈ ဒသမ ၁၈ ဒေါ်လာ၊ 95 Ron သည် ၈ ဒသမ ၀၄ ဒေါ်လာ၊ ဒီဇယ် ၅ ဒသမ ၆ ဒေါ်လာ၊ ပရီမီယံဒီဇယ် ၅ ဒသမ ၉၄ ဒေါ်လာ မြင့်တက်ခဲ့ကြောင်း သိရသည်။

လက်ရှိတွင် စက်သုံးဆီ အရောင်းဆိုင်များက နိုင်ငံတကာ ဈေးနှုန်းထက် လေးရာခိုင်နှုန်းကျော် အရှုံးခံပြီး ရောင်းချနေသော်လည်း အဆိုပါ အရှုံးခံ ရောင်းချမှုသည် စာရွက်ပေါ်၌သာ အရှုံးပေါ်နေခြင်းဖြစ်ကြောင်း မြန်မာနိုင်ငံ စက်သုံးဆီ တင်သွင်းဖြန့်ဖြူး ရောင်းချသူများအသင်း အတွင်းရေးမှူး ပြောကြား

မေ ၂၂ ရက်က မြန်မာနိုင်ငံ စက်သုံးဆီ တင်သွင်းဖြန့်ဖြူး ရောင်းချသူများအသင်း၌ ပြုလုပ်သည့် သတင်းစာ ရှင်းလင်းပွဲကို တွေ့ရစဉ်

လက်ရှိတွင် စက်သုံးဆီအရောင်းဆိုင်များက နိုင်ငံတကာဈေးနှုန်းထက် လေးရာခိုင်နှုန်းကျော် အရှုံးခံ ရောင်းချနေသော်လည်း အဆိုပါ အရှုံးခံ ရောင်းချမှုသည် စာရွက်ပေါ်၌သာ အရှုံးပေါ်နေခြင်းဖြစ်ကြောင်း မေ ၂၂ ရက်က မြန်မာနိုင်ငံ စက်သုံးဆီ တင်သွင်းဖြန့်ဖြူး ရောင်းချသူများအသင်း၌ ပြုလုပ်သည့် သတင်းစာ ရှင်းလင်းပွဲတွင် အသင်းအတွင်းရေးမှူး ဒေါက်တာဝင်းမြင့်က ပြောကြားသည်။

“ဈေးက နိုင်ငံခြားက တက်သွားတာက တစ်လီတာကို ၁၁၈ ကျပ် တက်သွားတယ်။ ကျွန်တော်တို့ ပြည်တွင်းမှာ တက်တာက ၁၀၈ ကျပ်ပဲ တက်ဖြစ်တယ်။ ၁၀ လောက်တောင် ကျွန်တော်တို့ ဈေးနှုန်းတက်တာ လျော့တယ်။ အရှုံးအမြတ် ရာခိုင်နှုန်း အနေနဲ့ကတော့ ဧပြီလတုန်းက ၃ ဒသမ ၅ ရာခိုင်နှုန်းပဲရှုံးတယ်။ အခု ၄ ဒသမ ၂၃ ရာခိုင်နှုန်း စာရွက်ပေါ်မှာ အရှုံးပေါ်ပါတယ်” ဟု ဒေါက်တာဝင်းမြင့်က ပြောကြားသည်။

ယင်းသို့ အရှုံးခံ ရောင်းနိုင်ခြင်းသည် ယခင်က စက်သုံးဆီဈေးနှုန်း အနိမ့်ဖြင့် ရရှိထားသည့် စက်သုံးဆီများကို လက်ရှိ ရောက်ရှိနေသည့် ဈေးနှုန်းအတိုင်း ဈေးနှုန်းတက် မရောင်းချဘဲ လေးရာခိုင်နှုန်းကျော် လျှော့ရောင်းခြင်း ဖြစ်သည်။ သို့သော်လည်း နိုင်ငံတကာ စက်သုံးဆီဈေးနှုန်း မြင့်တက်လာသည့်ကာလတွင် တင်သွင်းရောင်းချသည့် ဆိုင်များအနေဖြင့် ရှုံးနိုင်ကြောင်း ၎င်းကရှင်းလင်း ပြောပြသည်။

“ဒါက စောစောက ကျွန်တော်ရှင်းပြသလို ခင်ဗျားတို့ သိပ်ပိုက်ဆံပေါနေလို့လား မမေးပါနဲ့။ တကယ်ရှုံးတဲ့ လူတွေလည်း ရှိပါတယ်။ တကယ်ရှုံးတာက အဲဒီနေ့မှာ စက်သုံးဆီ ၀င်လာတဲ့သူတွေ အဲဒီသူတွေက အဲဒီဈေးနဲ့ပဲ ရောင်းရတယ်။ အဲဒီလူတွေကတော့ သေချာပေါက်ရှုံးတယ်။ ဘာလို့ အဲဒီဈေးနဲ့ ဖြစ်နေတာလဲဆိုတော့ ကျွန်တော်တို့ အလှူလုပ်နေတာလည်း မဟုတ်ပါဘူး။ ကျွန်တော်တို့ အရင်တုန်းက ဆီတွေကို ၀ယ်ထားခဲ့တဲ့သူတွေ ဈေးအနိမ့်နဲ့ ရထားတဲ့ ကုမ္ပဏီတွေ ရှိတယ်။ သူတို့က ဒီတစ်ခေါက်မှာ ဈေးသက်သာတော့ သူကဦးဆောင်ပြီးတော့ လျှော့ရောင်းနေတယ်။ ကျန်တဲ့သူတွေက ရှုံးလည်းပဲ ရောင်းရတယ်။ ဒီသဘောတရားပါ။ ကျွန်တော်တို့က အရှုံးခံရောင်းတာ မဟုတ်ဘူး။ အရှုံးခံ ရောင်းရတယ်လို့ပဲ ပြောပါရစေ။ ဘာလို့လဲဆိုတော့ ဈေးအနည်းနဲ့ ရထားတဲ့သူက မြတ်နေတယ်” ဟု ဒေါက်တာဝင်းမြင့်က ပြောကြားသည်။

မြန်မာနိုင်ငံ စက်သုံးဆီ တင်သွင်းဖြန့်ဖြူး ရောင်းချသူများအသင်း၏ တွက်ချက်ထားသည့် စာရင်းများအရ မေ ၁၇ ရက်တွင် စက်သုံးဆီ ရောင်းကုန်တန်ဖိုး (CIF+ အခွန်၊ ကုန်ကျစရိတ်) မူရင်းတန်ဖိုးသည် ဓာတ်ဆီ 95 တစ်လီတာကို ၉၀၅ ကျပ်ကျော်ကျသင့်ပြီး ပြည်တွင်း၌ လက်ကားဈေး ၈၇၅ ကျပ်နှင့် လက်လီဆိုင်များတွင် တစ်လီတာကို ၈၈၂ ကျပ်မှ ကျပ် ၈၇၀ ကြားသာ ရောင်းချနေကြောင်း သိရသည်။

ဓာတ်ဆီ 92 တစ်လီတာကို မူရင်းတန်ဖိုး ၈၇၄ ကျပ်ကျော် ကျသင့်ပြီး လက်ကားဈေးကို အမြင့်ဆုံး ကျပ် ၈၄၀ နှင့် လက်လီဈေး အမြင့်ဆုံး ၈၄၅ ကျပ်အထိသာ ရောင်းချနေကြောင်း ဖော်ပြထားသည်။

ဒီဇယ် (Premium) တစ်လီတာကို မူရင်းတန်ဖိုး ၉၁၆ ကျပ်ကျော်ကျသင့်ပြီး လက်ကားဈေးကို အမြင့်ဆုံး ကျပ် ၉၀၀ နှင့် လက်လီဈေးနှုန်းကို အမြင့်ဆုံး ၈၉၅ ကျပ်အထိသာ ရောင်းနေကြောင်း၊ ဒီဇယ် မူရင်းတန်ဖိုး ၉၀၁ ကျပ်ကျော်ကျသင့်ပြီး လက်ကားဈေးကို အမြင့်ဆုံး ၈၈၅ ကျပ်နှင့် လက်လီဈေး ဈေးနှုန်းကို အမြင့်ဆုံး ကျပ် ၈၈၀ အထိသာ ရောင်းချနေခြင်းဖြစ်ကြောင်း ဖော်ပြထားသည်။

နိုင်ငံတကာ၌ စက်သုံးဆီဈေးနှုန်း မြင့်တက်မှုနှင့် ဒေါ်လာဈေးနှုန်း မြင့်တက်မှုများကြောင့် တစ်လအတွင်း ပြည်တွင်း စက်သုံးဆီ ဈေးနှုန်းမှာလည်း တစ်လီတာ ကျပ်တစ်ရာခန့်အထိ မြင့်တက်ခဲ့ကြောင်း မြန်မာနိုင်ငံ စက်သုံးဆီ တင်သွင်းဖြန့်ဖြူး ရောင်းချသူများ အသင်းမှ သိရသည်။