ရန်ကုန်တိုင်းအတွင်းရှိ စက်မှုဇုန် ၂၉ ဇုန်အား ရန်ကုန်မြို့တော် စည်ပင်သာယာရေး လက်အောက်သို့ လွှဲပြောင်းမည်

ရန်ကုန်တိုင်းဒေသကြီး အတွင်းရှိ သီလ၀ါ အထူးစီးပွားရေးဇုန်ကို တွေ့ရစဉ် (ဓာတ်ပုံ-ကျော်ဇင်ဖြိုး)

ရန်ကုန်တိုင်းအတွင်းရှိ စက်မှုဇုန် ၂၉ ဇုန်အား ရန်ကုန်မြို့တော် စည်ပင်သာယာရေး လက်အောက်သို့ လွှဲပြောင်းမည်ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

“ကျွန်တော်တို့ ရန်ကုန်မြို့မှာ စက်မှုဇုန် ၂၉ ခုရှိပါတယ်။ ဒါက မြို့တော်စည်ပင်သာယာကို လွှဲပြောင်းပြီး တိုင်းဒေသကြီးကနေ အဆင့်မြှင့်တင်ရေး ကဏ္ဍတွေကို ကျွန်တော်တို့ ကြိုးပမ်းဖို့ ဆောင်ရွက်နေပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

စက်မှုဇုန်မြေကွက်များတွင် လုပ်ငန်းလုပ်ကိုင်ခြင်း မရှိသည့် မြေကွက်လက်များနှင့် ပတ်သက်ပြီး တာ စက်ရုံအလုပ်ရုံလုပ်ငန်းများ လုပ်ဆောင်ရန်အတွက် ကွက်လပ်ဖြစ်နေသည့် မြေကွက်ပိုင်ရှင်များနှင့်လည်း တွေ့ဆုံဆွေးနွေးရန် ဆောင်ရွက်နေကြောင်း သိရသည်။

“စက်မှုဇုန်တွေမှာ မြေကွက်အလွတ် အများကြီးတော့ မရှိတော့ပါဘူး။ ကျန်ရှိနေသေးတဲ့ နေရာတွေကို ရှင်းလင်းဖို့ ဆက်လက်ဆောင်ရွက်သွားမယ်။ စက်မှုဇုန်တွေကို အဆင့်မြှင့်တင်တဲ့ နေရာမှာလည်း သင့်တင့်မျှတတဲ့ ၀န်ဆောင်မှုစရိတ်ကိုယူပြီး စက်မှုဇုန်တွေကို အဆင့်မြှင့်တင်ဆောင်ရွက်ဖို့ ကြိုးပမ်းသွားမှာ ဖြစ်ပါတယ်။ ဒီအခြေအနေအတွက်လည်း ပြင်ဆင်ဆောင်ရွက်နေပြီ ဖြစ်ပါတယ်” ဟု ၀န်ကြီးချုပ်က ပြောကြားသည်။

ထို့ပြင် ရန်ကုန်မြို့တွင် နိုင်ငံခြားရင်းနှီးမြှုပ်နှံလိုသူများ စိတ်ဝင်စားမှုရှိနေကြောင်း၊ သို့သော် နိုင်ငံခြား ရင်းနှီးမြှုပ်နှံသူများအား မြေပေးနိုင်မှုနှင့် ၀န်ဆောင်မှုပေးနိုင်သည့် အခြေအနေမျိုးကို ဖန်တီးတည်ဆောက်ရန် အတွက် စက်မှုဇုန်အသစ်နှင့် မြို့ပြစီမံကိန်းအသစ်များ တည်ဆောက်ပြီး မြေကိုသင့်တင့်မျှတသည့်နှုန်းဖြင့် ရင်းနှီးမြှုပ်နှံသူများအတွက် ပြင်ဆင်နေကြောင်း ၎င်းကပြောကြားသည်။

“ဒီအခြေအနေတွေကတော့ ဒဂုံအရှေ့ဘက်မှာ ပြင်ဆင်နေတာတွေရှိတယ်။ ကြည့်မြင်တိုင် တစ်ဖက်ကမ်းမှာ ပြင်ဆင်နေတာတွေ ရှိပါတယ်။ ဒီအပြင် ရေကြောင်းပို့ဆောင်ရေးအရ ကုန်စည်စီးဆင်းမှုတွေ လုပ်နိုင်ဖို့ Dry Port တွေလုပ်နိုင်ဖို့ Dry Port တွေတည်ဆောက်ပေးဖို့အတွက် ကြိုးစားနေပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

စက်မှုဇုန်များတွင် မြေရယူထားသူများ အနေဖြင့် ဥပဒေလုပ်ထုံးလုပ်နည်းအရ လုပ်ငန်းလုပ်ကိုင်ရန် အဆောက်အအုံများ တည်ဆောက်ရမည် ဖြစ်ကြောင်း၊ လုပ်ကိုင်ခြင်း မရှိပါက ပြန်လည်သိမ်းယူရမည်ဟု ပါရှိကြောင်း၊ သို့သော် မြေရယူထားသူ အချို့သည် လုပ်ငန်းလုပ်ကိုင်ခြင်း မရှိသူများလည်းရှိကြောင်း၊ လုပ်ငန်းလုပ်ကိုင်သူနှင့် လုပ်ငန်းလုပ်ကိုင်ခြင်း မရှိသူများကိုလည်း ပြန်လည်စိစစ်ထားကြောင်း ၀န်ကြီးချုပ် ဦးဖြိုးမင်းသိန်းက ပြောကြားသည်။

“အခုအချိန်အခါမှာ မြေကွက်လပ် တော်တော်များများမှာ ဆောက်ကြတယ်။ အနည်းငယ် ကျန်နေသေးတယ်။ အဲဒီသူတွေကို ဆက်သွယ်ဖို့ အခက်အခဲ ရှိနေတယ်။ ဒီအတွက် စက်မှုဇုန်တွေ အတွင်းမှာရှိတဲ့ မြေကွက်တွေကို၊ အမှန်အတိုင်းပြောရင်တော့ တကယ်ရင်းနှီးမြှုပ်နှံလိုသူတွေ လက်ထဲမှာ ဒီမြေကွက်တွေက ရှိမယ်ဆိုရင် ပိုအကျိုးရှိနိုင်တယ်။ မလုပ်လို့ ဥပဒေအတိုင်း ဆောင်ရွက်မယ်ဆိုရင် သိမ်းဆည်းတာတွေ လုပ်လို့ရနိုင်တယ်။ မြေကွက်ကို အကောင်အထည် ဖော်ရမှာပဲဖြစ်တယ်။ သိမ်းဖို့ဆိုတာထက် လုပ်ဖို့ကို ကျွန်တော်တို့ ဦးတည်တာဖြစ်တယ်။ လုပ်ခြင်းအားဖြင့် တိုင်းပြည်မှာ တိုးတက်မှု ပိုဖြစ်နိုင်ပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

 

အစိုးရသစ် စတင်သည့်ကာလမှ လက်ရှိအချိန်အထိ ရန်ကုန်တိုင်းအတွင်း စက်မှုလုပ်ငန်း ၇၈၀ ကျော် တိုးလာဟုဆို

မီဒီယာများနှင့် တွေ့ဆုံနေသည့် ရန်ကုန်တိုင်းဒေသကြီး အစိုးရအဖွဲ့ အလုပ်သမားနှင့် လူဝင်မှုကြီးကြပ်ရေး၊ ပြည်သူ့အင်အားဝန်ကြီး ဦးဇော်အေးမောင်က တွေ့ရစဉ်

အစိုးရသစ် စတင်သည့်ကာလမှ လက်ရှိအချိန်ထိ ရန်ကုန်တိုင်းအတွင်း စက်မှုလုပ်ငန်း ၇၈၀ ကျော် တိုးတက်လာကြောင်း ရန်ကုန်တိုင်းဒေသကြီး အစိုးရအဖွဲ့ ရခိုင်တိုင်းရင်းသား လူမျိုးရေးရာဝန်ကြီးနှင့် အလုပ်သမားနှင့် လူဝင်မှုကြီးကြပ်ရေး၊ ပြည်သူ့အင်အားဝန်ကြီး ဦးဇော်အေးမောင်က ပြောကြားသည်။

ဇူလိုင် ၂၈ ရက် ရန်ကုန်တိုင်းဒေသကြီး အစိုးရအဖွဲ့ရုံးတွင် မီဒီယာများနှင့် တွေ့ဆုံရာတွင် ၎င်းကပြောကြားခဲ့ခြင်း ဖြစ်သည်။

ရန်ကုန်တိုင်းဒေသကြီးမှာ စက်ရုံအလုပ်ရုံ အများဆုံး တည်ရှိသည့် ဒေသကြီး တစ်ခုဖြစ်ပြီး တစ်နိုင်ငံလုံးရှိ စက်ရုံအလုပ်ရုံများ၏ ၁၃ ရာခိုင်နှုန်းကျော်ကျော်ရှိကြောင်း ဦးဇော်အေးမောင်က ပြောကြားသည်။

“ရန်ကုန်တိုင်းဒေသကြီး အတွင်းမှာ ကျွန်တော်တို့အစိုးရ စတက်တဲ့ ၂၀၁၅ မတ် ၃၁ ရက် ပုဂ္ဂလိက မှတ်ပုံတင် စက်မှုလုပ်ငန်း စာရင်းက ၆၁၆၄ ခုရှိပါတယ်။ ပြီးခဲ့တဲ့ ဇွန် ၃၀ ရက်အထိ ပုဂ္ဂလိက မှတ်ပုံတင် စက်မှုလုပ်ငန်းစာရင်း ၆၈၉၅ တိုးလာတယ်။ တိုးလာတော့ ပျမ်းမျှလုပ်လိုက်ရင် ၇၃၁ ခု တိုးလာတယ်။ နောက်ထက် MIC ကို လျှောက်လို့ MIC ကခွင့်ပြုထားတဲ့ စက်မှုလုပ်ငန်း ၅၈ ခုမပါသေးဘူး။ ၅၈ ခုပါ ပေါင်းလိုက်မယ်ဆိုရင် တိုးလာမယ့် စက်မှုလုပ်ငန်းက ၇၅၈ ခု ရှိပါတယ်။ ကျွန်တော်တို့နိုင်ငံ စက်ရုံ အလုပ်ရုံ အားလုံးရဲ့ ၁၃ ဒသမ ၇၆ ရာခိုင်နှုန်းက ရန်ကုန်မှာရှိတယ်။ ဒါကြောင့် ရန်ကုန်တိုင်းဒေသကြီးက စက်ရုံအလုပ်ရုံ အများဆုံး၊ အလုပ်သမား အများဆုံးဖြစ်တယ်” ဟု ၀န်ကြီး ဦးဇော်အေးမောင်က ဆက်လက် ပြောကြားသည်။

ရန်ကုန်တိုင်းဒေသကြီး စက်မှုကြီးကြပ်ရေးနှင့် စစ်ဆေးရေး ဦးစီးဌာနမှ ဇွန် ၃၀ ရက်အထိ ပုဂ္ဂလိက မှတ်ပုံတင် စက်မှုလုပ်ငန်းများ စာရင်းသည် စားသောက်ဆိုင်ရာ လုပ်ငန်း ၁၆ ခု၊ ၀တ်ဆင်ရေးလုပ်ငန်း ၃၁၂ ခု၊ နေထိုင်ရေးလုပ်ငန်း ၁၀၃ ခု၊ လူသုံးပစ္စည်း လုပ်ငန်း ၁၃၀၊ အိမ်သုံးပစ္စည်းလုပ်ငန်း ၁၈ ခု၊ စာပေနှင့် အနုပညာဆိုင်ရာ လုပ်ငန်း ၉၃ ခု၊ ကုန်ကြမ်းပစ္စည်းလုပ်ငန်း ခုနစ်ခု၊ ဓာတ်သတ္တုပစ္စည်း ပြုပြင်ထုတ်လုပ်ငန်း ၅၂ ခု၊ စက်မှုလက်မှုသုံး ကိရိယာလုပ်ငန်း သုံးခု၊ လျှပ်စစ်ပစ္စည်း ထုတ်လုပ်ငန်းခြောက်ခု၊ အထွေထွေ စက်မှုအလုပ်ရုံများ ခြောက်ခုတို့ဖြစ်ပြီး၊ သယ်ယူပို့ဆောင်ရေးယာဉ်များထုတ် လုပ်ငန်း ၁၅ ခု ရပ်နားခဲ့ကြောင်း သိရသည်။

ရန်ကုန်မြို့ရှိ မြို့နယ်များတွင် စက်ရုံတည်ဆောက်ခွင့်ရှိသည့် နေရာများတွင် တည်ဆောက်လိုသည့် လုပ်ငန်းရှင်များ ရှိပါက နှစ်ကာလ အပိုင်းအခြားဖြင့် အခွန်ကင်းလွတ်ခွင့် ပြုထားခြင်းများရှိကြောင်း ၀န်ကြီးဦးဇော်အေးမောင်၏ ပြောကြားချက်အရ သိရသည်။

“ရန်ကုန်တိုင်းဒေသကြီးမှာ လှိုင်သာယာ၊ ရွှေပြည်သာ၊ ရန်ကုန်မြို့ထဲက မြို့နယ်တွေမှာ စက်ရုံတည်လို့ရှိရင် အခွန်ကင်းလွတ်ခွင့် သုံးနှစ်ပေးမယ်။ သန်လျင်၊ မှော်ဘီ၊ လှည်းကူး အဲဒီလိုနေရာမျိုးတွေမှာ စက်ရုံတည်မယ်ဆိုရင် အခွန်ကင်းလွတ်ခွင့် ငါးနှစ်အထိ ပေးတယ်။ အဲဒီလိုဟာတွေက မြန်မာနိုင်ငံမှာ လာရောက် ရင်းနှီးမြှုပ်နှံသူတွေအတွက် အခွင့်လမ်းကောင်းတွေ ဖြစ်ပါတယ်” ဟု ၀န်ကြီး ဦးဇော်အေးမောင်က ဆိုသည်။

စက်မှုဇုန်များတွင် စက်ရုံအချို့ ပိတ်သိမ်းသည်ဟူသည့် သတင်းများမှာ ထွက်ပေါ်လျက်ရှိပြီး ယင်းကဲ့သို့ သတင်းများ ထွက်ပေါ်နေချိန်တွင် မီဒီယာများအား ခေါ်ယူရှင်းလင်း ခဲ့ခြင်းဖြစ်သည်။

 

လှိုင်သာစက်မှုဇုန်ရှိ စက်ရုံ ၁၄ ရုံသည် အားလုံးပိတ်သိမ်းခြင်း မဟုတ်ဘဲ အနည်းငယ်သာ ပိတ်သိမ်းပြီး အခြားစက်ရုံများသည် နေရာရွှေ့ပြောင်းခြင်းနှင့် စက်ရုံပူးပေါင်းခဲ့ခြင်းများ ဖြစ်ကြောင်း ရန်ကုန်တိုင်း အစိုးရအဖွဲ့ဝန်ကြီး ရှင်းလင်း

လှိုင်သာယာစက်မှုဇုန်ရှိ စက်ရုံများကို မြင်တွေ့ရစဉ်

လှိုင်သာယာစက်မှုဇုန်ရှိ စက်ရုံ ၁၄ ရုံသည် အားလုံးပိတ်သိမ်းခြင်း မဟုတ်ဘဲ အနည်းငယ်သာ ပိတ်သိမ်းပြီး အခြားစက်ရုံများသည် နေရာရွှေ့ပြောင်းခြင်းနှင့် စက်ရုံပူးပေါင်းခဲ့ခြင်းများ ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ ရခိုင်တိုင်းရင်းသား လူမျိုးရေးရာဝန်ကြီးနှင့် အလုပ်သမားနှင့် လူဝင်မှုကြီးကြပ်ရေး၊ ပြည်သူ့အင်အား ၀န်ကြီးဌာန၀န်ကြီး ဦးဇော်အေးမောင်က ပြောကြားသည်။

“လှိုင်သာယာ စက်မှုဇုန်မှာရှိတဲ့ စက်ရုံ ၁၄ ရုံ အားလုံး ပိတ်သွားတယ်ဆိုတာ မဟုတ်ပါဘူး။ ပိတ်တယ်ဆိုတာ နည်းနည်းပါးပါးလေး ပိတ်တာပါ။ ကျန်တဲ့စက်ရုံတွေက နေရာရွှေ့တာရွှေ့တယ်။ ပေါင်းတာက ပေါင်းတယ်။ အဲဒီတော့ ဒီဟာက ရန်ကုန်တိုင်းမှာ စက်ရုံတစ်ရုံပြီးတစ်ရုံ ပိတ်တယ်ဆိုတာ မဟုတ်ပါဘူး။ လုပ်ငန်းတစ်ခုကိုလုပ်တိုင်း အောင်မြင်တဲ့သူ ရှိသလို မအောင်မြင်တဲ့သူ ရှိပါတယ်။ အောင်မြင်တဲ့သူက ဆက်လုပ်တယ်။ စီမံခန့်ခွဲမှုကောင်းတယ်၊ မိတ်ဆွေကောင်းတွေရှိရင်၊ ဖောက်သည် ကောင်းတွေရှိရင် အောင်မြင်တယ်။ တချို့က လာလုပ်တယ်။ စီမံခန့်ခွဲမှု ညံ့ဖျင်းတယ်။ တစ်ဆင့်ခံ ကန်ထရိုက်ရတဲ့ သူတွေက လုပ်ငန်းမအောင်မြင်၊ လုပ်ငန်းရပ်သွားမယ်။ ကျွန်တော်တို့ ရန်ကုန်တိုင်း တစ်ခုတည်း မဟုတ်ဘူး။ တစ်ကမ္ဘာလုံးဖြစ်တယ်။ တော်တဲ့သူလုပ်ရင် အောင်မြင်တယ်။ ခပ်ညံ့ညံ့သူလုပ်ရင် မအောင်မြင်ဘူး။ ဒါက သဘာဝ ဖြစ်ပါတယ်။ ဒီနေရာကနေ ပြောချင်တာက ရန်ကုန်တိုင်းဒေသကြီးမှာ အလုပ်အကိုင် ရှားပါးပြီးတော့ အလုပ်သမားတွေ အလုပ်ပြုတ်မယ်ဆိုတာ မဟုတ်ပါဘူး” ဟု ၀န်ကြီး ဦးဇော်အေးမောင်က ပြောကြားသည်။

အဆိုပါ စက်ရုံ ၁၄ ရုံအား လေ့လာစုံစမ်းခဲ့ကြောင်း၊ ပုလဲအထည်ချုပ်စက်ရုံသည် စက်ရုံမြေနေရာ ငှားရမ်းရန် အခက်အခဲ ရှိသည့်အတွက် ပိုင်ရှင်တူဖြစ်သည့် စက်မှုဇုန် (၄) သို့ ၂၀၁၇ အောက်တိုဘာ ၉ ရက်တွင် ပြောင်းရွှေ့ခဲ့ပြီး အလုပ်သမားများ အားလုံးကိုပေါင်းပြီး လုပ်ကိုင်နေကြောင်း၊ စက်ရုံပိတ်သိမ်းခြင်း မရှိကြောင်း၊ ၀ါးဟားဟား ရေခဲမုန့် စက်ရုံသည် ၂၀၁၈ ဇန်န၀ါရီ ၂၉ ရက်တွင် အလုပ်သမားများအား နစ်နာကြေးပေးပြီး လုပ်ငန်းရပ်ဆိုင်းခဲ့ကြောင်း၊ စက်ရုံပိတ်သိမ်းသည်ဟု တင်ပြထားခြင်း မရှိသေးကြောင်း၊ အဆိုပါ စက်ရုံသည် စက်ရုံပိတ်သိမ်းကြောင်း မပြုလုပ်ရခြင်းသည် အရှေ့ဒဂုံစက်မှုဇုန်သို့ ပြောင်းရွှေ့လုပ်ကိုင်မည် ဖြစ်ကြောင်း၊ မိကျောင်း ပီနံအိတ်စက်ရုံသည် လုပ်ငန်းလည်ပတ်ရန် အခက်အခဲ ရှိသောကြောင့် ၂၀၁၈ မေ ၃ ရက်တွင် စက်ရုံပိတ်သိမ်းခဲ့ပြီး ဖြစ်ကြောင်း၊ မြို့မဆင်ဖြူတော် ပဲသန့်စင် စက်ရုံသည် ၂၀၁၆ ခုနှစ်မှ စတင်ပြီး လုပ်ငန်းမကောင်း၍ ပိတ်သိမ်းခဲ့ကြောင်း၊ United Knitting Myanmar Co.,Ltd. ခြေအိတ်စက်ရုံသည် ပိတ်သိမ်းသည်ဟု ပြောသော်လည်း လက်ရှိအချိန်ထိ လုပ်ငန်းလုပ်ကိုင်နေကြောင်း၊ ရေခဲတောင် အအေးခန်း လုပ်ငန်းသည် ၂၀၁၈ မေ ၃၁ ရက်တွင် လုပ်ငန်းလည်ပတ်တော့ခြင်း မရှိတော့ကြောင်း၊ မြတ်ပန်းမွှေး သနပ်ခါးလုပ်ငန်းသည် လုပ်ငန်းလည်ပတ်နေခြင်း မရှိတော့ဘဲ စက်မှုဇုန် (၅) သို့ ပြောင်းရွှေ့လုပ်ကိုင်မည် ဖြစ်ကြောင်း ၀န်ကြီး ဦးဇော်အေးမောင်က ပြောကြားသည်။

“ပြောင်းရွှေ့လုပ်ကိုင်တဲ့ လုပ်ငန်းတွေက မြေနေရာငှားပြီး လုပ်ကြတာ။ ဒီမှာငှားတယ်။ ဆက်ငှားလို့ရရင် ငှားတယ်။ ငှားလို့မရရင် ပြောင်းလုပ်တယ်။ ပိတ်သွားတာတွေလည်းရှိတယ်။ ပိတ်တဲ့လုပ်ငန်းတွေကတော့ အလုပ်ကောင်းရင် လုပ်မယ်၊ မကောင်းရင် ပိတ်မယ်။ ဒါက သဘာဝပါ” ဟု ၀န်ကြီး ဦးဇော်အေးမောင်က ပြောကြားသည်။

ထို့ပြင် Cham Zon အထည်ချုပ်စက်ရုံသည် လုပ်ငန်းမကောင်းခြင်း၊ အရည်အသွေးမမီခြင်း၊ စီမံခန့်ခွဲမှု အားနည်းခြင်းကြောင့် ၂၀၁၇ နိုဝင်ဘာ ၂ ရက်တွင် စက်ရုံပိတ်သိမ်းခဲ့ပြီး အလုပ်သမားများအတွက် နစ်နာကြေး သိန်း ၉၉၀ ကျော် ပေးချေခဲ့ကြောင်း၊ Success Time ဖိနပ်စက်ရုံသည် စက်မှုဇုန် (၅) သို့ ပြောင်းရွှေ့လုပ်ကိုင်နေကြောင်း၊ Beauty Place လူသုံးကုန်စက်ရုံသည် ၂၀၁၇ စက်တင်ဘာ ၂၆ ရက်တွင် ရွှေလင်ဗန်းစက်မှုဇုန်သို့ ရွှေ့ပြောင်းလုပ်ကိုင်နေကြောင်း၊ အလုပ်ပိတ်သိမ်းသည်မှာ မဟုတ်ကြောင်း၊ Kuwahara အထည်စစ်စက်ရုံသည် လုပ်ငန်းလုပ်ကိုင်လျက်ရှိကြောင်း၊ TMP ငါးဖမ်းပိုက် စက်ရုံသည် ၂၀၁၈ မေ ၁ ရက်တွင် ရွှေလင်ဗန်းစက်မှုဇုန်သို့ ပြောင်းရွှေ့ခဲ့ကြောင်း၊ Popular အထည်ချုပ်စက်ရုံသည် လက်ရှိ လုပ်ငန်းလုပ်ကိုင်လျက်ရှိကြောင်း၊ North Shore Group အထည်ချုပ် စက်ရုံသည် ၂၀၁၈ မတ် ၃၁ ရက်တွင် မင်္ဂလာဒုံစက်မှုဇုန်သို့ အလုပ်သမားများ မလိုက်နိုင်သဖြင့် နစ်နာကြေး သိန်း ၅၄၀၀ ကျော်ပေးကာ ရွှေ့ပြောင်းခဲ့ကြောင်း ၀န်ကြီးဦးဇော်အေးမောင်က ပြောကြားခဲ့သည်။

“ကျွန်တော် တစ်ဦးတစ်ယောက်ကို ချေပတိုက်ခိုက်တာ မဟုတ်ပါဘူး။ သတင်းအမှန်ကို ရှင်းလင်းတာ ဖြစ်ပါတယ်။ လူမှုကွန်ရက် စာမျက်နှာထဲမှာ ရန်ကုန်တိုင်းဒေသကြီး လှိုင်သာယာစက်မှုဇုန်မှာ စက်ရုံ ၁၄ ရုံ ပိတ်သိမ်းတော့မယ်ဆိုပြီး တက်လာတယ်။ CTUM က ဒေါ်ခိုင်ဇာကလည်း သူ့ရဲ့အမြင်ကို လူမှုကွန်ရက် စာမျက်နှာမှာ ရေးတယ်။ အလုပ်သမားတွေက တော်တော်တုန်လှုပ် သွားကြတယ်။ ရန်ကုန်တိုင်းမှာ ဒီလိုမျိုး စက်ရုံတွေ တစ်ရုံပြီးတစ်ရုံ ပိတ်နေပြီလား။ ငါတို့အလုပ်ပြုတ်တော့မလားဆိုပြီး အလုပ်သမားတွေဘက်က စိုးရိမ်တယ်။ ရန်ကုန်တိုင်းဒေသကြီးက မြန်မာတစ်နိုင်ငံလုံးမှာ စက်ရုံအလုပ်ရုံ အများဆုံး၊ စက်မှုဇုန် အများဆုံးဖြစ်တယ်။ အဓိကအားဖြင့် တိုင်းနှင့်ပြည်နယ် ၁၄ ခုထဲက အလုပ်အကိုင်ရှားပါးတဲ့ ဒေသတွေက သူတွေက ရန်ကုန်တိုင်းကို ရွှေ့လာကြတယ်။ ဒီဂယက်က တော်တော်လေး တုန်လှုပ်သွားတယ်။ နိုင်ငံတကာက ရင်းနှီးမြှုပ်နှံဖို့ လေ့လာနေတဲ့ နိုင်ငံတကာ ကုမ္ပဏီတွေ တုန်လှုပ်သွားကြတယ်” ဟု ၀န်ကြီးဦးဇော်အေးမောင်က ပြောကြားသည်။

ဆက်လက်ရပ်တည်နိုင်စွမ်း မရှိသဖြင့် လှိုင်သာယာမြို့နယ် အတွင်းရှိ အထည်ချုပ်စက်ရုံ အပါအ၀င် စက်ရုံ ၁၄ ရုံ သုံးလအတွင်း ပိတ်သိမ်းခဲ့ဟု သတင်းများထွက်ပေါ်

ရန်ကုန်မြို့ လှိုင်သာယာမြို့နယ် အတွင်းရှိ စက်မှုဇုန်ကို ဝေဟင်မှ တွေ့ရစဉ် (ဓာတ်ပုံ-ဝေလင်းအောင်)

ဆက်လက်ရပ်တည်နိုင်စွမ်း မရှိသဖြင့် လှိုင်သာယာမြို့နယ် အတွင်းရှိ အထည်ချုပ်စက်ရုံ အပါအ၀င် စက်ရုံ ၁၄ ရုံ သုံးလအတွင်း ပိတ်သိမ်းခဲ့ရသည်ဟု သတင်းများ ထွက်ပေါ်နေခဲ့ကြောင်း သိရသည်။

“ကျွန်မတို့ဆီကို စက်မှုဇုန်ဥက္ကဋ္ဌက ပို့ ထားတာပါ။ စက်ရုံပိတ်သိမ်းတာ ဘာကြောင့် ပိတ်သိမ်းတာလဲဆိုတာ ရှိပါတယ်။ တချို့ဟာတွေက ခေတ်နဲ့မလျော်ညီတော့လို့ ပိတ်သိမ်းရတာမျိုးတွေလည်း ရှိပါတယ်။ ခေတ်နဲ့မလျော်ညီတော့ဘူး။ ပြိုင်ဘက်တွေ ရောက်လာတယ်။ ရပ်တည်နိုင်စွမ်းမရှိလို့ ပိတ်သိမ်းတာတွေ ရှိပါတယ်။ ဘာကြောင့် ပိတ်သိမ်းသလဲ ဆိုတာကို သူတို့က အကြောင်းပြချက် ရှိပါလိမ့်မယ်။ ဒီလိုမျိုး စက်ရုံတွေ ပိတ်သိမ်းတာ ဖြစ်တဲ့အတွက် ရပ်တည်နိုင်စွမ်း မရှိဘူးဆိုတာ အကြောင်းအမျိုးမျိုး ရှိပါတယ်။ အလုပ်သမားတွေက လုပ်ခလစာနည်းလို့ အခြားလုပ်ငန်းခွင်ကို ပြောင်းသွားတာလား။ သူ့အနေနဲ့ ခေတ်မမီတော့တဲ့ အတွက် ပြိုင်ဘက်တွေကို မယှဉ်ပြိုင်နိုင်တော့လို့ လုပ်ငန်းတွေ ပိတ်သိမ်းတာလား။ သူတို့ရဲ့ ထုတ်လုပ်မှုစွမ်းအားကျလို့ လုပ်ငန်းပိတ်သိမ်းတာလားဆိုတဲ့ အကြောင်းအမျိုးမျိုး ရှိပါတယ်။ ဘယ်လိုနည်းနဲ့ ဖြစ်ဖြစ် စက်ရုံပိတ်သိမ်းတဲ့အတွက် ကျွန်မ စိတ်ပူမိတာက အလုပ်သမား ၃၇၀၀ ကျော်လောက် အလုပ်အကိုင် အခွင့်အလမ်းက လျော့နည်းသွားတယ် ဆိုတာက စိုးရိမ်စရာ ဖြစ်တယ်” ဟု ရန်ကုန်တိုင်းဒေသကြီး လွှတ်တော် ဘဏ္ဍာရေး၊ စီမံကိန်းနှင့် စီးပွားရေး ကော်မတီဥက္ကဋ္ဌ ဒေါ်စန္ဒာမင်းက ပြောကြားသည်။

ထို့ပြင် အစိုးရအနေဖြင့် သတိပြုမိပါက ဆက်လက် ဆောင်ရွက်ရမည်များကို ဆုံးဖြတ်လိမ့်မည်ဖြစ်ကြောင်း၊ ယခုကိစ္စနှင့် ပတ်သက်၍ ဘဏ္ဍာရေး၊ စီမံကိန်းနှင့် စီးပွားရေး ကော်မတီက စောင့်ကြည့်နေကြောင်း၊ နောက်ထပ် တင်ပြလာမည့် ကိစ္စများကိုလည်း စောင့်ကြည့်နေကြောင်း၊ ယခုကိစ္စသည် လွှတ်တော်အတွင်း ဆွေးနွေးရမည့် ကိစ္စတစ်ခုအဖြစ် မြင်ကြောင်း ဒေါ်စန္ဒာမင်းက ပြောကြားသည်။

လက်ရှိ ပိတ်သိမ်းသွားသည့် စက်ရုံများသည် ၂၀၁၈ ခုနှစ် မေ ၇ ရက်မှ ဇူလိုင် ၁၀ ရက်အထိ စက်ရုံ ၁၄ ရုံရှိသည်ဟု သိရပြီး ၎င်းစက်ရုံများသည် မိကျောင်းပီနံအိတ်စက်ရုံ၊ ပုလဲအထည်ချုပ်စက်ရုံ၊ ၀ါးဟားဟား ရေခဲမုန့် စက်ရုံ၊ မြတ်ပန်းမွှေး သနပ်ခါးစက်ရုံ၊ ရေခဲတောင် အအေးခန်းစက်ရုံ၊ Cham Zon အထည်ချုပ် စက်ရုံ၊ Success Time ဖိနပ်စက်ရုံ၊ Beauty Place လူသုံးကုန်စက်ရုံ၊ Kuwahara အထည်စစ်စက်ရုံ၊ TMP ငါးဖမ်းပိုက် စက်ရုံ၊ မြို့မဆင်ဖြူတော် ပဲသန့်စင်စက်ရုံ၊ United Knitting Myanmar Co.,Ltd. ခြေအိတ်စက်ရုံ၊ Popular အထည်ချုပ်စက်ရုံနှင့် North Shore Group အထည်ချုပ်စက်ရုံ တို့ဖြစ်ကြောင်း ထွက်ပေါ်နေသော သတင်းများအရ သိရသည်။

အဆိုပါ မိကျောင်းပီနံအိတ် စက်ရုံတွင် အလုပ်သမား ၉၂ ဦး၊ ပုလဲအထည်ချုပ်စက်ရုံတွင် အလုပ်သမား ၉၆၃ ဦး၊ ၀ါးဟားဟား ရေခဲမုန့် စက်ရုံတွင် အလုပ်သမား ၁၇ ဦး၊ မြတ်ပန်းမွှေး သနပ်ခါးစက်ရုံတွင် အလုပ်သမား ၄၉ ဦး၊ ရေခဲတောင် အအေးခန်းစက်ရုံတွင် အလုပ်သမားကိုးဦး၊ Cham Zon အထည်ချုပ်စက်ရုံတွင် အလုပ်သမား ၃၈၀၊ Success Time ဖိနပ်စက်ရုံတွင် အလုပ်သမား ၃၆၀၊ Beauty Place လူသုံးကုန်စက်ရုံတွင် အလုပ်သမား ၁၈၅ ဦး၊ Kuwahara အထည်စစ်စက်ရုံတွင် အလုပ်သမား ၃၅ ဦး၊ TMP ငါးဖမ်းပိုက်စက်ရုံတွင် အလုပ်သမား ၅၆ ဦး၊ United Knitting Myanmar Co.,Ltd. ခြေအိတ် စက်ရုံတွင် အလုပ်သမား ၄၅၁ ဦး၊ Popular အထည်ချုပ်စက်ရုံတွင် အလုပ်သမား ၄၅၁ ဦးနှင့် North Shore Group အထည်ချုပ်စက်ရုံတွင် အလုပ်သမား ၆၈၆ ဦး စုစုပေါင်း ၃၇၃၉ ဦး အလုပ်လက်မဲ့ ဖြစ်ခဲ့ရသည်ဟု သိရသည်။

“စက်ရုံတွေ ပိတ်တယ်လို့ကြားတယ်။ ပိတ်ဖို့ရှိတယ်လို့ ကြားတယ်။ အဓိက,ကတော့ ထုတ်လုပ်မှုလုပ်ငန်း အလုပ်ပေါ့။ ထုတ်လုပ်မှုလုပ်တဲ့ အလုပ်ရုံတွေက နိုင်ငံခြား ရင်းနှီးမြှုပ်နှံတာလည်း ရှိတယ်။ ပြည်တွင်း ရင်းနှီးမြှုပ်နှံတာလည်း ရှိတယ်။ ထုတ်လုပ်မှု အပိုင်းမှာပဲ နိုင်ငံနဲ့ ပြည်တွင်း ပူးပေါင်းလို့ဖြစ်စေ၊ ပြင်ပပို့ ထုတ်လုပ်တာရှိတယ်။ ပိတ်သွားတဲ့ ရုံတွေထဲမှာ လေ့လာရသလောက် နိုင်ငံခြားပိုင်တဲ့ လူ ၈၀၀၊ ၉၀၀ လောက်ရှိတဲ့ရုံလည်း ပိတ်တယ်လို့ ကြားတယ်။ ပြည်တွင်းလုပ်ငန်းလေးတွေ ပိတ်တယ်လို့လည်း ကြားတယ်။ နောက်ဆုံး ရေခဲမုန့်ထုတ်တဲ့ ပြည်တွင်း အလုပ်ရုံ ပိတ်တာလည်း ကြားတယ်။ ထိခိုက်မှုက ဒီမှာပဲ ထိခိုက်တယ်လို့ ပြောလို့မရဘူး” ဟု ကုန်သည်စက်မှု အသင်းချုပ် (UMFCCI) မှ တွဲဖက်အတွင်းရေးမှူး ဒေါ်ခိုင်ခိုင်နွယ်က ဆိုသည်။

ထို့ပြင် စက်ရုံ၊ အလုပ်ရုံတစ်ခုအား ရင်းနှီးမြှုပ်နှံမှုသည် မလွယ်ကူကြောင်း၊ ရင်းနှီးမြှုပ်နှံရာတွင် ဥပဒေပိုင်းဆိုင်ရာများ၊ အလုပ်သမားရရှိမှုနှင့် အခြေခံအဆောက်အအုံ ပိုင်းများကို လေ့လာရကြောင်း၊ ရင်းနှီးမြှုပ်နှံရာတွင် တာဝန်ယူရသည့် အလုပ်သမားများ၊ ဆက်ဆံရသည့် ပတ်ဝန်းကျင်နှင့် ဈေးကွက် ရရှိလာသည့် အချိန်တွင် လုပ်ငန်းကို ရပ်ဆိုင်းရန် မလွယ်ကူကြောင်း၊ စက်ရုံများ ပိတ်လိုက်ခြင်းသည် ဆက်လက် လုပ်ကိုင်နိုင်ခြင်း မရှိခြင်းကြောင့် ဖြစ်ကြောင်း ၎င်းကဆက်လက် ပြောကြားသည်။

“နိုင်ငံခြားနဲ့ မြန်မာ ဘာတွေကွာလဲဆိုတော့ နိုင်ငံခြား ရင်းနှီးမြှုပ်နှံတဲ့ သူတွေက သူများနိုင်ငံကို လာလုပ်တဲ့အတွက် တွက်ချက်တဲ့အခါမှာ သူတို့ထုတ်တဲ့ ထုတ်ကုန်ရဲ့ဈေးကွက် မခိုင်မာရင် မလာဘူး။ အဲဒါကို သူတို့ အရမ်းတွက်တယ်။ ဒါပေမဲ့ မြန်မာနိုင်ငံရဲ့ ရင်းနှီးမြှုပ်နှံသူတွေက တိုင်းပြည်ကလည်း အကူးအပြောင်း တစ်ခုဆိုတော့ အချိန်က တကယ်ယူရမှာ။ ဒီလိုယူတဲ့ကာလမှာ ပြည်တွင်း လုပ်ငန်းရှင်တွေ အနေနဲ့က ဈေးကွက်တစ်ခု ခိုင်ခိုင်မာမာ ရှိတဲ့သူလည်း ရှိတယ်။ မရှိတဲ့သူ ပိုများတယ်။ အထူးသဖြင့် ထုတ်လုပ်မှု အပိုင်းမှာ။ အဲဒီမှာတင်ကို ဟိုဘက်က ခိုင်မာတဲ့ ဈေးကွက်ရှိတယ်။ ဒီဘက်က အခုမှ စ,စမ်းနေရတာရှိတယ်။ သူများကို မှီပြီးတော့ရတဲ့ ဈေးကွက်ရှိတယ်။ လွတ်လပ်မှုမရှိဘူး။ အဲဒါက ကိုယ့်မှာ အားနည်းချက်ဖြစ်တယ်” ဟု ဒေါ်ခိုင်ခိုင်နွယ်က ဆက်လက်ပြောကြားသည်။

ထို့ကြောင့် Public Private Partnership (PPP) ဖြင့် ပြုလုပ်ရမည်ဖြစ်ကြောင်း၊ အစိုးရဘက်မှလည်း ဥပဒေ အထောက်အပံ့များပေးရန် လိုအပ်ကြောင်း၊ နိုင်ငံခြား ရင်းနှီးမြှုပ်နှံသူများသည် ၎င်းတို့လုပ်ငန်း လုပ်ကိုင်ရန် ချေးယူထားသည့် Interest Rate သည် နည်းပါးကြောင်း၊ ပြည်တွင်းလုပ်ငန်းရှင်များ၏ ရင်းနှီးမြှုပ်နှံရန် အတွက် ဘဏ်များမှ ငွေချေးရာတွင် Interest Rate များနေကြောင်း ၎င်းကဆက်လက် ပြောကြားသည်။

“အရင်ထက်စာရင် ချေးငွေတွေ တော်တော်ရနေတယ်လို့ ကြားတယ်။ ဒါပေမဲ့ Interest Rate ကိုကြည့်တဲ့အခါမှာ မနိုင်ဝန် ဖြစ်နေတယ်။ ကိုယ်တိုင်ကလည်း ထုတ်လုပ်မှုမှာ လုပ်နေတဲ့သူဖြစ်တယ်။ ဘဏ်အတိုးနှုန်းဖြစ်တဲ့ တစ်နှစ်မှာ ၁၃ ရာခိုင်နှုန်း ဆိုတဲ့ဟာက မြန်မာနိုင်ငံရဲ့ ကိုယ့်လုပ်ငန်း ကိုယ်ပြောရင်တောင် အမြတ်က တစ်နှစ်မှာ ၁၀ ရာခိုင်နှုန်း ရဖို့မလွယ်ပါဘူး။ နှစ်ရာခိုင်နှုန်းတောင် ရဖို့မလွယ်တာတွေရှိတယ်။ အနုတ်ပြသွားတဲ့ ဟာတွေတောင်ရှိတယ်။ အနုတ်ပြတဲ့ လုပ်ငန်းတွေ အများကြီး ကြားနေတယ်။ အနည်းဆုံးတော့ အလုပ်သမားတွေကို အလုပ်ပေးနိုင်သေးတယ်ဆိုတဲ့ စိတ်နဲ့ လုပ်နေကြတဲ့ လုပ်ငန်းရှင်တွေ အများကြီး ရှိတယ်။ အဲဒီတော့ မြတ်ဖို့မလွယ်တဲ့ဟာကို Interest Rate ကို ၁၂ ရာခိုင်နှုန်း ၁၃ ရာခိုင်နှုန်း ပေးရတဲ့ အခါကျတော့ လုပ်ငန်းရှင်တွေမှာ ဒီဟာပေးဖို့ အတွက်ကို ၀န်ပိုပိတယ်။ အမှန်ပြောရရင် ဘယ်သူ့ကိုမှ အပြစ်တင်နေတာ မဟုတ်ဘူး။ အမှန်ကို ပြောပြတဲ့ အခြေအနေပဲရှိတယ်။ အစိုးရရဲ့ ထောက်ပံ့မှု အပိုင်းမှာတော့ လုပ်နေကြတာလည်း မြင်တယ်။ လိုအပ်မှုက နှစ်ရှည်လများ လိုအပ်တဲ့ လိုအပ်မှု ဖြစ်နေတာ။ အခုက စက်ရုံပိတ်တာက တစ်ခုတည်းကြောင့်တော့ မဟုတ်ဘူး။ ရင်းနှီးမြှုပ်နှံမှု လာတာက ခက်တယ်။ ပြန်ထွက်ဖို့က ပိုခက်တယ်။ အမြတ်အစွန်း နည်းနည်းနဲ့။ တစ်ခါတလေ အမြတ်အစွန်းတောင်မရှိဘဲ အိတ်စိုက်လုပ်နေတဲ့ လုပ်ငန်းရှင်တွေ ရှိတယ်လို့ ယုံကြည်စွာ ပြောရဲတယ်။ မြတ်ပြီးတော့ အကျိုးအမြတ် မရှိဘဲနဲ့ စက်ရုံပိတ်ပြီးတော့ ပြန်သွားတဲ့ လုပ်ငန်းရှင် မရှိဘူး ဆိုတာကို ယုံကြည်စွာ ပြောရဲတယ်။ ကောင်းနေ မြတ်နေရင် စီးပွားလုပ်ဖို့ လာတဲ့သူက ဘာကြောင့် ပြန်မှာလဲ။ အကြောင်းတစ်ခုခုကြောင့်သာ ပြန်တာဖြစ်တယ်” ဟု ဒေါ်ခိုင်ခိုင်နွယ်က ပြောကြားသည်။

ယခုကဲ့သို့ စက်ရုံများ ပိတ်သိမ်းမည်ဟု သတင်းများ ထွက်ပေါ်မှုနှင့် ပတ်သက်၍ မြန်မာနိုင်ငံဆိုင်ရာ အလုပ်သမား သမဂ္ဂများအဖွဲ့ချုပ်က ပိတ်သိမ်းမည်ဟု သတင်းထွက်ပေါ်နေသည့် စက်ရုံ ၁၄ ရုံအနက် အလုပ်သမား ၃၂၉၁ ဦးကို အလုပ်ခန့်ထားပေးသည့် စက်ရုံခြောက်ရုံကို စုံစမ်းလေ့လာခဲ့ကြောင်း အလုပ်သမားသမဂ္ဂ၏ လူမှုကွန်ရက် စာမျက်နှာတွင် ဖော်ပြထားသည်။

အဆိုပါ ဖော်ပြချက်တွင် United Knitting Myanmar Co., ခြေအိတ်စက်ရုံသည် မပိတ်သိမ်းဘဲ လက်ရှိ လည်ပတ်နေဆဲ ဖြစ်ကြောင်း၊ ပိတ်ဖို့အစီအစဉ် ရှိသည်ကိုလည်း မကြားရကြောင်း၊ Popular အထည်ချုပ် စက်ရုံသည် လက်ရှိလည်ပတ်လျက်ရှိကြောင်း၊ Success Time ဖိနပ်စက်ရုံသည် လုပ်ငန်းအပြီး ပိတ်သိမ်းပြီး ရင်းနှီးမြှုပ်နှံမှု ရပ်ဆိုင်းခြင်း မဟုတ်ဘဲ စက်ရုံမြေနေရာ ငှားရမ်းမှု စာချုပ်ပြည့်ပြီး ရွှေလင်ဗန်း စက်မှုဇုန် (၅)သို့ ပြောင်းရွှေ့ခြင်းဖြစ်ကာ အလုပ်သမားများကိုလည်း စက်ရုံနေရာသစ်သို့ လိုက်ပါရန် ခွင့်ပြုခဲ့ကြောင်း၊ North Shore  အထည်ချုပ်စက်ရုံသည် လုပ်ငန်းအပြီးပိတ်သိမ်းပြီး ရင်းနှီးမြှုပ်နှံမှု ရပ်ဆိုင်းခြင်း မဟုတ်ဘဲ မင်္ဂလာဒုံသို့ စက်ရုံပြောင်းရွှေ့ ဖွင့်လှစ်ခြင်းဖြစ်ကြောင်း၊ ပုလဲ အထည်ချုပ် စက်ရုံသည် စက်ရုံမြေနေရာ ငှားရမ်းမှု အခက်အခဲ ရှိသည့်အတွက် ပိုင်ရှင်တူ စက်ရုံဖြစ်သည့် လှိုင်သာယာ စက်မှုဇုန် (၄) ထဲမှ မြန်မာ အပရယ် အထည်ချုပ်စက်ရုံသို့ ပြောင်းရွှေ့ပြီး အလုပ်သမားများပေါင်းကာ လုပ်ကိုင်လျက်ရှိကြောင်း၊ Cham Zon အထည်ချုပ် စက်ရုံသည် အော်ဒါအရ နည်းသည့်အတွက် လွန်ခဲ့သည့် ခြောက်လခန့်မှစ၍ ပိတ်သွားခြင်း ဖြစ်ကြောင်း ပါရှိသည်။

 

လက်ရှိ ဖွံ့ဖြိုးမှု အားနည်းနေသည့် စက်မှုဇုန် ၂၈ ဇုန်ကို ပြန်လည်ပြုပြင်ပြီး ဥပဒေများ အားကောင်းမှသာ စက်မှုဇုန် ၁၁ ခုအား အကောင်အထည် ဖော်သင့်ကြောင်း တိုင်းဒေသကြီးလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီ ထောက်ပြ

လက်ရှိ ဖွံ့ဖြိုးမှုအားနည်းနေသည့် စက်မှုဇုန် ၂၈ ဇုန်ကို ပြန်လည်ပြုပြင်ပြီး ဥပဒေများ အားကောင်းမှသာ စက်မှုဇုန် ၁၁ ခုကို အကောင်အထည်ဖော် ဆောင်ရွက်သင့်ကြောင်း တိုင်းဒေသကြီးလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီဥက္ကဋ္ဌ ဆိပ်ကြီးခနောင်တိုမြို့နယ် မဲဆန္ဒနယ် (၁) မှ တိုင်းဒေသကြီး လွှတ်တော်ကိုယ်စားလှယ် ဒေါ်စန္ဒာမင်းက ဇွန် ၁၃ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး ၄၅ ရက် မြောက်နေ့တွင် ပြောကြားသည်။

အဆိုပါကိစ္စအား ရန်ကုန်တိုင်းဒေသကြီး စည်ပင်သာယာရေးအဖွဲ့ ကွပ်ကဲမှုအောက်ရှိ မြို့နယ် ၁၁ မြို့နယ်တွင် နိုင်ငံတကာ အဆင့်မီ စက်မှုဇုန်များ အကောင်အထည်ဖော် ဆောင်ရွက်မည့် အစီရင်ခံစာနှင့် ပတ်သက်၍ တိုင်းဒေသကြီး ဘဏ္ဍာရေး၊ စီမံကိန်း နှင့် စီးပွားရေးကော်မတီ ကိုယ်စားလှယ် ကော်မတီဥက္ကဋ္ဌ ဒေါ်စန္ဒာမင်းက ဆွေးနွေးရာတွင် ထည့်သွင်းပြောကြားခဲ့ခြင်း ဖြစ်သည်။

“လက်ရှိ လှိုင်သာယာ၊ ရွှေပြည်သာ၊ မင်္ဂလာဒုံ စတဲ့ စက်မှုဇုန်တွေမှာ စက်ရုံတွေက ထွက်ရှိလာတဲ့ အမှိုက်များကို သိမ်းဆည်း စွန့်ပစ်တဲ့စနစ်က အလွန်အားနည်းနေတာကို တွေ့ရှိရတယ်။ စက်ရုံတွေ ပုံမှန် လည်ပတ်နိုင်ဖို့ လက်ရှိ စက်မှုဇုန်၊ သီလ၀ါ အပါအ၀င် ၂၉ ဇုန်ဟာ ဓာတ်အား လုံလောက်စွာပေးနိုင်တဲ့ အခြေအနေ မရှိသေးတဲ့အတွက် ၎င်းစက်မှုဇုန်တွေမှာ ရင်းနှီးမြှုပ်နှံမှု လုပ်မယ့် လုပ်ငန်းရှင်တွေ ဒုက္ခရောက်နေတယ်ဆိုတာ ရန်ကုန်တိုင်းဒေသကြီး အစိုးရအဖွဲ့က သိရှိဖို့ လိုအပ်ပါတယ်။ စက်မှုဇုန်ဟောင်း ၂၈ ခုကို တိုးတက်ဖွံ့ဖြိုးမှုကို အရင်လုပ်ဆောင်သင့်ပါတယ်” ဟု ဒေါ်စန္ဒာမင်းက ပြောကြားသည်။

ထို့ပြင် စက်မှုဇုန်များအတွင်းရှိ အလုပ်ရှင် အလုပ်သမားများအတွက် တရားဥပဒေစိုးမိုးမှု ရှိရန်အတွက် ဦးစွာ လုပ်ဆောင်သင့်ကြောင်း၊ အလုပ်သမားရေးရာ ဌာနများတွင် ဆောင်ရွက်နေသည့် ၀န်ထမ်းများ၊ လုပ်ငန်းများတွင် အမှန်တကယ် လုပ်ဆောင်ချင်စိတ်ရှိရန် လုပ်ဆောင်သင့်ကြောင်း၊ ချမှတ်ထားသည့် ဥပဒေမူဝါဒများ အားကောင်းလာရန် စနစ်တကျ အကောင်အထည်ဖော် ဆောင်ရွက်သင့်ကြောင်း၊ ဥပဒေများ အားကောင်းမှသာ မြေပြင်ပေါ်တွင် စက်မှုဇုန် ၁၁ ဇုန်ကို အကောင်အထည်ဖော် ဆောင်ရွက်မည့် လုပ်ငန်းစဉ်များကို ဆောင်ရွက်သင့်ကြောင်း ဒေါ်စန္ဒာမင်းက ပြောကြားသည်။

ရန်ကုန်တိုင်းဒေသကြီးရှိ စက်မှုဇုန်အချို့တွင် အမှန်တကယ် လုပ်ငန်းလုပ်ကိုင်ခြင်းမရှိဘဲ မြေဈေးကစားရန် ၀ယ်ယူထားသည့် မြေများစာရင်းကို ကောက်ယူထားကြောင်း ရန်ကုန်တိုင်းဒေသကြီး အစိုးရအဖွဲ့ဝန်ကြီး ပြောကြား

ရန်ကုန်တိုင်းဒေသကြီး မင်္ဂလာဒုံမြို့နယ်အတွင်းရှိ စက်မှုဇုန်တစ်ခုအား တွေ့ရစဉ် (ဓာတ်ပုံ-စည်သူအောင်)

ရန်ကုန်တိုင်းဒေသကြီးရှိ စက်မှုဇုန် အချို့တွင် အမှန်တကယ် လုပ်ငန်းလုပ်ကိုင်ခြင်းမရှိဘဲ မြေဈေးကစားရန် ၀ယ်ယူထားသည့် မြေများစာရင်းကို ကောက်ယူထားကြောင်း ရန်ကုန်တိုင်းဒေသကြီးအစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားသည်။

မေ ၁၆ ရက်က ကျင်းပခဲ့သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး (၂၈ ရက်မြောက်နေ့) တွင် ဒေါ်နီလာကျော်က ယင်းကဲ့သို့ပြောကြားခဲ့ခြင်း ဖြစ်သည်။

ဒဂုံမြို့သစ် (အရှေ့ပိုင်း) မြို့နယ် မဲဆန္ဒနယ် အမှတ် (၂) လွှတ်တော်ကိုယ်စားလှယ် ဦးကျော်ကျော်မောင်၏ ဒဂုံမြို့သစ်အရှေ့ပိုင်း မြို့နယ်အတွင်းရှိ ဒဂုံအရှေ့စက်မှုဇုန်ကော်မတီကို ပြန်လည်ပြင်ဆင်ဖွဲ့စည်းပေးရန် အစီအစဉ် ရှိ၊ မရှိကို သိရှိလိုကြောင်း မေးမြန်းမှုကို ပြန်လည်ဖြေကြားရာတွင် ထိုကဲ့သို့ ထည့်သွင်းဖြေကြားခဲ့ခြင်း ဖြစ်သည်။

ရန်ကုန်တိုင်းအတွင်းတွင် စက်မှုဇုန် ၂၉  ခုရှိပြီး အဆိုပါစက်မှုဇုန် ၂၉ ခုစလုံးသည် မူလစက်မှုဇုန်များ စတင်တည်ထောင်စဉ်ကတည်းက စက်မှုဇုန်ဥပဒေ၊ စည်းမျည်းစည်းကမ်းများဖြင့် စနစ်တကျ ပြဋ္ဌာန်းနိုင်ခဲ့ခြင်း မရှိဘဲ  ၁/ ၉၇ ဆိုသည့် ညွှန်ကြားချက်တစ်ခုတည်းဖြင့် တည်ထောင်ခဲ့ခြင်းဖြစ်ပြီး မြေကွက်များကို အကွက်ခွဲပြီး ရောင်းချခဲ့သည့်ပုံစံဖြစ်ကြောင်း ဒေါ်နီလာကျော်က ပြောကြားသည်။

“ဒါကြောင့်မို့လို့ ယခုအခါမှာ စက်မှုဇုန်တွေဟာ Infrastructure တွေ လုံးဝမပြည့်စုံဘဲနဲ့ ရေသန့်ရရှိရေး၊ ရေဆိုးစွန့်ပစ်ရေး၊ အမှိုက်စွန့်ပစ်ရေး၊ လျှပ်စစ်မီးရရှိရေး၊ လုပ်ငန်းတွေအားလုံးဟာ စနစ်တကျမရှိဘဲနဲ့  တချို့က ဒီစက်မှုဇုန်မှာ လုပ်ငန်းလုပ်ကိုင်ဖို့ မဟုတ်ဘဲ မြေဈေးကစားဖို့နဲ့ ဈေးကောင်းတဲ့ ဒီမြေတွေကို ပြန်လည်ရောင်းချဖို့ဆိုတဲ့ ရည်ရွယ်ချက်နဲ့ မြေကွက်တွေရယူထားပြီး အသုံးမပြုတဲ့အတွက် ကျွန်မတို့ ဒီစာရင်းတွေကိုလည်း အားလုံးကောက်ခံ ထားပြီးဖြစ်ပါတယ်။ အဲ့ဒီမြေလွတ်နေရာတွေမှာ လုံးဝလွတ်နေတဲ့ မြေကွက်တွေ၊ ခြံစည်းရိုးလောက်ပဲ ခတ်ထားတာ သို့မဟုတ်ရင် အဆောက်အအုံဆောက် ပြထားပြီးတော့ အဲဒီအဆောက်အအုံကို စနစ်တကျ အသုံးချခြင်းမရှိဘဲ ဆောက်ပြရုံပဲ ဆောက်ပြတာဒါတွေ အများကြီးဖြစ်ပေါ်နေတဲ့အတွက် အားလုံးကိုလည်း စာရင်းကောက်ထားပြီး ဖြစ်ပါတယ်” ဟု ပြောကြားသည်။

ယင်းကြောင့် အဆိုပါစက်မှုဇုန် ၂၉ ခု စလုံးအား အဆင့်မြှင့်တင်နိုင်ရန် စက်မှုဇုန် အဆင့်မြှင့်တင်ရေး ကြီးကြပ်ကော်မတီကို ဖွဲ့စည်းထားကြောင်း၊ သက်ဆိုင်ရာဇုန်အသီးသီးရှိ ဇုန်ကော်မတီများကိုလည်း ပြန်လည်ဖွဲ့စည်းသွားမည်ဖြစ်ကြောင်း၊ လတ်တလောတွင် ကျူးကျော်မရှိသည့် ဒဂုံတောင်စက်မှုဇုန်ကို ပိုင်းလော့ပရောဂျက်အနေဖြင့် စတင်ဆောင်ရွက်ရန် စီစဉ်နေပြီဖြစ်ကြောင်း ဒေါ်နီလာကျော်က ဆက်လက်ပြောကြားသည်။

“စက်မှုဇုန် ၂၉ ခုစလုံး အဆင့်မြှင့်တင်ဖို့အတွက် စက်မှုဇုန်များအဆင့်မြှင့်တင်ရေး ကြီးကြပ်ကော်မတီကိုလည်း ဖွဲ့စည်းထားပြီး ဖြစ်ပါတယ်။ ဒါကြောင့် ဇုန်ကော်မတီတွေကို ပြန်လည်ဖွဲ့စည်းသွားဖို့ ရှိပါတယ်။ ဇုန်ကော်မတီတွေကို ပြန်လည်ဖွဲ့စည်းသွားဖို့မှာ အားလုံးဇုန်တစ်ခုချင်းအလိုက်မဟုတ်ဘဲနဲ့ နီးစပ်ရာဇုန်တွေကို အားလုံးပေါင်းစပ်ပြီးတော့ စက်မှုဇုန်များ အဆင့်မြှင့်တင်ရေး ကြီးကြပ်ကော်မတီမှတဆင့် ကျွန်မတို့ One Stop Service တွေဖြစ်လာအောင်နဲ့ အစိုးရနဲ့ ပုဂ္ဂလိက,က နေပြီးတော့ Service လုပ်မဲ့ကုမ္ပဏီကို သီးခြားထားပြီး ကျွန်မတို့အနေနဲ့ ကော်မတီမှ ကြီးကြပ်အုပ်ချုပ်ဖို့နဲ့ အဲဒီလို ကျွန်မတို့အနေနဲ့ စီစဉ်ဆောင်ရွက်ဖို့ကို ဇုန်ကော်မတီတွေကို ပြန်လည်ဖွဲ့စည်းသွားမှာဖြစ်တဲ့အတွက် လတ်တလောမှာ လက်ရှိ ရှိနေတဲ့ဇုန်ကော်မတီ တွေအားလုံးကို ပြန်လည်ဖွဲ့စည်းခြင်းမပြုဘဲနဲ့ ကျွန်မတို့အနေနဲ့ ဆိုင်းငံ့ထားခြင်း ဖြစ်ပါတယ်။ ယခုအခါမှာတော့ ကျွန်မတို့ဇုန်ကော်မတီတွေ ပြန်လည်ဖွဲ့စည်းဖို့နဲ့ စက်မှုဇုန် အဆင့်မြှင့်တင်ဖို့အတွက်ကို အခြေအနေ အကောင်းဆုံးဖြစ်တဲ့၊ အခြေအနေအကောင်းဆုံးဆိုတာလည်း ကျူးကျော်မရှိတဲ့ဇုန်ဖြစ်တဲ့ ဒဂုံတောင်စက်မှုဇုန်ကို ကျွန်မတို့ ပိုင်းလော့ ပရောဂျက်အနေနဲ့ စတင်ဆောင်ရွက်ဖို့ စီစဉ်နေပြီ ဖြစ်ပါတယ်” ဟု ဒေါ်နီလာကျော်က ပြောကြားသည်။

အခြေခံ အဆောက်အအုံတွေ တည်ဆောက်မယ်ဆိုတဲ့ လက်ကျန်သုံးနှစ်၊ ပြပွဲတွေနဲ့ ဆွဲတင်မယ့် စီးပွားရေးနဲ့ စက်မှုဇုန်တွေ ဖောင်းပွမယ့် ရန်ကုန်

ရန်ကုန်မြို့ လှိုင်သာယာစက်မှုဇုန်အား တွေ့ရစဉ် (ဓာတ်ပုံ-ဝေလင်းအောင်)

အစ္စလာမ္မစ်ပူးပေါင်းဆောင်ရွက်ရေးအဖွဲ့ (OIC) က မြန်မာနိုင်ငံအပေါ် ကမ္ဘာကဖိအားပေးစေရေး စည်းရုံးလှုပ်ရှားဖို့အတွက် ကော်မတီသစ်တစ်ရပ် ဖွဲ့စည်းလိုက်တဲ့ ဒီရက်သတ္တပတ်မှာပဲ ၄၅ ကြိမ်မြောက် OIC နိုင်ငံခြားရေးဝန်ကြီးများ အစည်းအဝေးကနေ ရခိုင်ဖြစ်စဉ်တွေကို လူမျိုးစု သုတ်သင်ရှင်းလင်းမှု၊ အစိုးရအားပေးတဲ့ အကြမ်းဖက်မှုဆိုတဲ့ အသုံးအနှုန်းတွေနဲ့ ဒါကာကြေညာချက်ကို ထုတ်ပြန်ခဲ့တာကြောင့် မြန်မာနိုင်ငံအနေနဲ့ ဒီအသုံးအနှုန်းတွေကို ပယ်ချကြောင်း ကြေညာခဲ့ရတဲ့ဖြစ်စဉ်တွေ ရှိပါတယ်။

NLD အစိုးရလက်ထက် မေလကုန်ပိုင်းမှာ လုပ်ဆောင်မယ့် တတိယပင်လုံမတိုင်ခင်မှာပဲ ပိုမိုဖြစ်လာတဲ့တိုက်ပွဲတွေကြားမှာ အပြစ်မဲ့ပြည်သူတွေကတော့ စစ်ဘေးရှောင်ရင်းနဲ့ သေဆုံးခြင်းတွေကို ကြုံတွေ့နေရချိန်မှာ နိုဝင်ဘာ ၃ ရက်မှာ ကျင်းပမယ်ဆိုတဲ့ ကြားဖြတ်ရွေးကောက်ပွဲအတွက် သုံးကြမယ့် ငွေကျပ် ၁ ဒသမ ၆ ဘီလျံဟာ ကိုယ်စားလှယ် ၁၃ နေရာပဲဖြစ်လို့ အလုပ်မလုပ်တဲ့ ကိုယ်စားလှယ်တွေပဲ ဖြစ်နေမယ်ဆိုရင် ဒီလိုပြည်သူ့ဘဏ္ဍာငွေတွေက အလဟဿကုန် ဦးမလားဆိုတဲ့ တွက်ချက်သံတွေလည်း ညံခဲ့ပါတယ်။

ပဋိပက္ခတွေ၊ စစ်မီးတွေ၊ အကျပ်အတည်းတွေနဲ့ အခက်အခဲတွေကြားမှာ ပိုမိုကျဆင်းမှုတွေ ကြုံနေရတဲ့ မြန်မာနိုင်ငံအတွက် ဆုံချက်ရန်ကုန်သာ စီးပွားရေးတိုးတက်ရင် ကျန်တဲ့ပြည်နယ်တွေနဲ့ တိုင်းတွေပါ စီးပွားရေးတိုးတက်မယ်ဆိုတဲ့ အယူအဆလေးတစ်ခုအတွက် ရန်ကုန်ကို Promotion ဆင်းခဲ့တဲ့ ဒီရက်သတ္တပတ်ရဲ့ စီးပွားရေးသုံးသပ်ချက်တွေအဖြစ်တော့ အစိုးရက သူ့လက်ကျန်သုံးနှစ်မှာ အခြေခံအဆောက်အအုံတွေ တည်ဆောက်မယ်ဆိုတာ၊ ပြပွဲတွေလုပ်ပြီး မြန်မာ့စီးပွားရေးဆွဲတင်မယ် ဆိုတာတွေနဲ့ စက်မှုဇုန်တွေ ထပ်ဆောက်မှာကြောင့် ဖောင်းပွလာမယ့် ရန်ကုန်စက်မှုဇုန်တွေအကြောင်းကို တင်ပြချင်ပါတယ်။

အခြေခံအဆောက်အအုံတွေ တည်ဆောက်မယ်ဆိုတဲ့ လက်ကျန်သုံးနှစ်

“မြန်မာနိုင်ငံအနေနဲ့ လက်ရှိအစိုးရသက်တမ်းကျန်ရှိနေတဲ့ သုံးနှစ်တာကာလအတွင်းမှာ မြန်မာနိုင်ငံရဲ့ အဓိကလိုအပ်တဲ့ အခြေခံ အဆောက်အအုံအပိုင်းကို တစိုက်မတ်မတ် ဦးစားပေးပြီးတော့ ဆောင်ရွက်သွားမှာ ဖြစ်ပါတယ်။ အချို့အချို့သော စီမံကိန်းများဟာ နှစ်နှစ်၊ သုံးနှစ်တန်သည် မပြီးနိုင်တဲ့စီမံကိန်းများ ရှိသော်ငြားလည်း နောင်အစိုးရသက်တမ်းတွေမှာ ဆက်လက်ပြီးမြောက်အောင် အကောင်အထည်ဖော်သွားမှာ ဖြစ်ပါတယ်။ အထူးသဖြင့် မြန်မာနိုင်ငံအတွက် မဖြစ်မနေ လိုအပ်တဲ့စွမ်းအင်နဲ့ လျှပ်စစ်ဓာတ်အားကိစ္စတွေ၊ ကူးသန်းသွားလာရေးနဲ့ သယ်ယူပို့ဆောင်ရေးအတွက် အရေးကြီးတဲ့ လမ်းတံတားကိစ္စတွေဒါတွေက ကျွန်တော်တို့ ဦးစားပေးဆောင်ရွက်မယ့် နယ်ပယ်တွေထဲမှာ ရှိနေပါတယ်။ ဒီနည်းတူပဲ မြန်မာနိုင်ငံထဲမှာ တောင်နဲ့မြောက် စီးဆင်းနေတဲ့ မြစ်ကြီးတွေ။ ဒီမြစ်ကြီးတွေရဲ့ မြစ်ဝှမ်းတစ်လျှောက် ၀ဲယာတွေမှာရှိတဲ့ လုပ်ငန်းနေရာတွေဟာ ကျွန်တော်တို့အတွက် ရင်းနှီးမြှုပ်နှံဖို့ အခွင့်အလမ်းတွေ မြောက်မြားစွာရှိနေတဲ့ နေရာတွေလို့လည်း တင်ပြလိုပါတယ်” လို့ စီမံကိန်းနဲ့ ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ဆိုပါတယ်။

အစိုးရတစ်ရပ်အတွက် လက်ကျန်အချိန်ဆိုတာ ဘယ်တော့မှ အပြည့်အ၀ တွက်လို့မရပါဘူး။ ဘာကြောင့်လဲဆိုတော့ ငါးနှစ်တာ စွမ်းဆောင်ရည်အတွက် ပြန်ပြီးအကဲဖြတ်မယ့် ရွေးကောက်ပွဲဆိုတာကြီးအတွက် မဲဆွယ်ကြဖို့ လုံးပန်းကြမယ့် အချိန်အတွက် ခြောက်လလောက်ကာလက တိုင်းပြည်အတွက် အလုပ်လုပ်ကြမယ်လို့ ယူဆလို့မရဘဲ လက်ရှိအစိုးရအာဏာ တည်မြဲရေးအတွက်ပဲ လုပ်ကြလေ့ရှိလို့ပါ။ နောက်တစ်ခုက မြန်မာ့အခြေခံအဆောက်အအုံကဏ္ဍဟာ ဒေါ်လာဘီလျံ ၁၀၀ ကျော် လိုအပ်နေတဲ့ကဏ္ဍဖြစ်ပြီး နှစ်ပေါင်းများစွာ တည်ဆောက်ယူရမယ့် အခြေအနေမှာ စဉ်ဆက်မပြတ် တည်ဆောက်ရေးမဟာဗျုဟာမျိုးနဲ့ လုပ်နေရမယ့် ရေရှည်စီမံကိန်းတွေပဲ ဖြစ်ပါတယ်။ ဒီလို ရေရှည်စီမံကိန်းတွေကို ဂါထာမန်းမှုတ်သလို လက်ကျန်သက်တမ်းနဲ့ တည်ဆောက်သွားဖို့ ဆိုတာကတော့ အပြောလွယ်ပေမယ့် လက်တွေ့ခက်ခဲနိုင်ပါတယ်။

ပြပွဲတွေနဲ့ ဆွဲတင်မယ်ဆိုတဲ့ မြန်မာ့စီးပွားရေး

လုပ်ငန်းကဏ္ဍအသီးသီးအတွက် နိုင်ငံတကာအဆင့်ပြပွဲတွေ ကျင်းပနိုင်မယ်ဆိုရင် ခရီးသွားဝင်ရောက်မှု မြင့်တက်လာမယ့်အပြင် အခြား Business တွေပါ တက်လာနိုင်မှာဖြစ်ပေမယ့်လည်း နိုင်ငံတကာအဆင့်ပြပွဲကြီးတွေ လုပ်ဆောင်နိုင်မယ့် ခန်းမကြီးတွေ မရှိဖြစ်နေတာကြောင့် ခန်းမကြီးတွေ တည်ဆောက်ဖို့ ကြိုးပမ်းနေတယ်လို့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောပါတယ်။

“International ပြပွဲကြီးတွေဆိုရင် ထိုင်း၊ စင်ကာပူ၊ ဟောင်ကောင်မှာ လုပ်နေတဲ့ အခြေအနေတွေ ကြည့်မယ်လို့ဆိုရင် နိုင်ငံတကာရောင်းမယ့်သူတွေကလည်း မြန်မာပြည်ကိုလာတယ်။ ၀ယ်မယ့်သူတွေကလည်း မြန်မာပြည်ကိုလာတယ်။ ဒီလုပ်ငန်းမျိုးကို ဆိုလိုတာ ဖြစ်ပါတယ်။ ဒီလုပ်ငန်းယန္တရားတွေ လည်ပတ်နိုင်ဖို့အတွက် ပြည်ထောင်စုဝန်ကြီးဌာန အသီးသီးနဲ့ ဆွေးနွေးနေပါတယ်။ ဘာဖြစ်လို့လဲဆိုရင် ပစ္စည်းတွေ လွယ်လွယ်ကူကူ သွင်းလာနိုင်ရေးနဲ့ လွယ်လွယ်ကူကူ ၀ယ်ယူပြီး ထုတ်ယူသွားနိုင်ဖို့ ကျွန်တော်တို့ဘက်က သေသေချာချာ ပြင်ဆင်ပေးနိုင်ဖို့ လိုအပ်မှာ ဖြစ်ပါတယ်။ ဘာကြောင့်လဲဆို ဒီပြပွဲတွေ ကြီးကြီးမားမား လုပ်နိုင်မယ်ဆိုရင် ဟောင်ကောင်မှာ ရတနာပြပွဲလုပ်မယ်ဆိုရင် ဟောင်ကောင်က ဘာရတနာမှ မထွက်ပါဘူး။ တစ်ကမ္ဘာလုံးက အသိအမှတ်ပြုထားတဲ့ ကျောက်စိမ်းတို့၊ ကျောက်မျက်တွေ ကျွန်တော်တို့ဆီမှာ ထွက်ပါတယ်။ တစ်ကမ္ဘာလုံးက အသိအမှတ်ပြုထားတဲ့ မိုးကုတ်ပတ္တမြား ကျွန်တော်တို့ဆီမှာ ထွက်ပါတယ်။ ဒါပေမဲ့ ကျွန်တော်တို့ဈေးကွက်ဟာ ကမ္ဘာ့ဈေးကွက်ထဲမှာ မရှိဘူး။ ကျွန်တော်တို့ ဈေးကွက်ကို ထူထောင်နိုင်မယ်ဆိုရင် ကျွန်တော်တို့ဈေးကွက်မှာ လာရောင်းမယ်။ လာဝယ်မယ်ဆိုတဲ့ အခြေအနေဟာ Tourism လုပ်ငန်းကို အထောက်အကူဖြစ်နိုင်သလို ဘက်ပေါင်းစုံကနေ ဆွဲတင်နိုင်တဲ့ အခြေအနေ ရှိပါတယ်။ Tourism လုပ်ငန်းဆို Tourist Guide တွေ အလုပ်ရမယ်။ စားသောက်ဆိုင်တွေ၊ ဟိုတယ်တွေ အခန်းပြည့်မယ်။ ဒီ့အပြင်ကို ခရီးသွားနယ်ပယ်မှာရှိနေတဲ့ လုပ်ငန်းအသေးအလတ်တွေ အားလုံးကို မြှင့်တင်နိုင်မယ့် အခြေအနေတွေ ရှိပါတယ်။ ဒါကြောင့်မို့လို့ ကျွန်တော်တို့က ဒီပြပွဲကြီးတွေကို အမြန်ဆုံး ဆောင်ရွက်နေတာ ဖြစ်ပါတယ်။ နံပါတ် (၁) အခက်အခဲက နေရာဖြစ်ပါတယ်။ နေရာဟာ တကယ့်ကို နိုင်ငံတကာပြပွဲလုပ်နိုင်တဲ့ ခန်းမကြီးတွေ ရှိမှကိုဖြစ်မှာ ဖြစ်ပါတယ်။ ဒီအတွက် ဘုရင့်နောင်လမ်းမှာ ရှိနေတဲ့ ယခင်ဂုန်လျှော်စက်ရုံ အဟောင်းတစ်ခုကို ပြပွဲလုပ်နိုင်တဲ့ ရှစ်ဧကလောက်အမိုးရှိတဲ့ စက်ရုံအဟောင်းတစ်ခုကို တော်တော်ကြီးတဲ့ ခန်းမကြီးတစ်ခုကို ဆောက်နိုင်တဲ့ အလားအလာ ရှိပါတယ်။ ဘုရင့်နောင်လမ်းမကြီးကနေ ကားလမ်းကနေ သွားနိုင်သလို ရေလမ်းကလည်း Water Bus နဲ့ လာနိုင်တာမို့ Traffic ပြဿနာလည်း ဖြေရှင်းနိုင်မယ့် အခြေအနေ ရှိပါတယ်။ ဒါက ကျွန်တော်တို့က ဥပမာတစ်ခုအနေနဲ့ ပြောပြတာဖြစ်ပါတယ်။ MCC ခန်းမနေရာမှာလည်း ကျွန်တော်တို့က ခန်းမကြီးအသစ်တစ်ခု ဆောက်နေပါတယ်။ MCC ခန်းမက မကြာခင်ဖျက်ရမှာ ဖြစ်ပါတယ်။ ဒီလိုဖျက်လိုက်တာနဲ့ နောက်ထပ်ခန်းမတစ်ခုကို သုံးနိုင်ဖို့ ဆောင်ရွက်နေတာဖြစ်ပါတယ်။ အခြားနေရာတွေမှာလည်း Event တွေလုပ်နိုင်တဲ့ ခန်းမတွေ လုပ်နိုင်ဖို့ ကျွန်တော်တို့ ကြိုးစားနေပါတယ်။ လုပ်ငန်းကဏ္ဍအသီးသီးဟာ ပြပွဲလုပ်ဖို့ လိုအပ်ပါတယ်။ ဒီပြပွဲက International အဆင့်ကို တက်နိုင်မှ ကျွန်တော်တို့နိုင်ငံရဲ့ အခြား Business တွေပါ တက်လာမှာ ဖြစ်ပါတယ်။ အခုလည်း ကျွန်တော်တို့နိုင်ငံမှာ ပြပွဲတွေ မရှိဘူးလားဆိုတော့ ရှိပါတယ်။ တိုးတက်မှုဖြစ်စဉ်တွေလည်း ရှိပါတယ်။ ဒါပေမဲ့ ဒီအဆင့်ကနေ International ကို တက်လိုက်နိုင်မှ Yangon Market ဆိုပြီး ဖြစ်လာမှာ ဖြစ်ပါတယ်။ ကျောက်စိမ်းနဲ့ပဲဖြစ်ဖြစ်၊ ပတ္တမြားနဲ့ပဲ ဖြစ်ဖြစ်၊ လက်ဝတ်ရတနာနဲ့ပဲ ဖြစ်ဖြစ်။ ဒီကိစ္စနဲ့ပတ်သက်ရင် အသင်းတွေဘက်ကလည်း ပြီးခဲ့တဲ့နှစ်တွေမှာ ကြိုးစားခဲ့တာ ရှိပါတယ်။ ဒီဟာတွေကနေ ရလဒ်ကောင်းတွေ ရှိပါတယ်။ ဒါပေမဲ့ International အဆင့်ကိုတော့ ၂၀၁၈ အကုန် ၂၀၁၉ ခုနှစ်ထဲမှာ လုပ်နိုင်အောင် ဒီနှစ်ကစပြီး လုပ်ငန်းရှင်တွေ အားလုံးရော၊ ဌာနဆိုင်ရာ အသီးသီးပါ ပေါင်းစပ်ညှိနှိုင်းပြီး တတ်နိုင်ဖို့အတွက် ကြိုးပမ်းဆောင်ရွက်သွားမယ်” လို့ ဦးဖြိုးမင်းသိန်းက ဆိုပါတယ်။

စက်မှုဇုန်တွေ ဖောင်းပွဦးမယ့် ရန်ကုန်

ရန်ကုန်မြို့မှာ စက်မှုဇုန် ၂၉ ခု လက်ရှိ ရှိနေပါတယ်။ ဒါပေမဲ့ လာမယ့် သုံးနှစ်အတွင်းမှာ စက်မှုဇုန် ၁၁ ဇုန် ထပ်ပြီးထူထောင်ဖို့အတွက် ရန်ကုန်တိုင်းအစိုးရက ကြိုးပမ်းနေပြီဖြစ်ပါတယ်။

“လာမယ့်သုံးနှစ်အတွင်းမှာပေါ့။ အခု အစိုးရသက်တမ်းက နှစ်နှစ်ပြီးပြီ။ လာမယ့် သုံးနှစ်အတွင်းမှာတော့ အခုကတည်းက အစပျိုးပြီးတော့ သုံးနှစ်အတွင်းမှာ တော်တော်လေး အခြေတည်မိအောင် ဒါအကောင်အထည်ဖော်နိုင်မယ့် အနေအထား ရှိပါတယ်။ ဒါတွေ စည်ပင်သာနယ်နိမိတ်ပြင်ပ ၁၁ မြို့နယ်က တိုင်းစည်ပင်သာယာကနေ ကြီးမှူးပြီးတော့ အကောင်အထည်ဖော်မှာ။ မြေတွေကတော့ လက်ရှိကတော့ လယ်သမားတွေပိုင်တဲ့ လယ်ယာမြေ။ သို့သော် အဲဒါကို စက်မှုဇုန်အဖြစ် အသုံးချခွင့်ရအောင် ပြည်ထောင်စုအစိုးရကို တင်ပြမယ်” လို့ ရန်ကုန်မြို့တော် စည်ပင်သာယာရေးကော်မတီ၏ တွဲဖက်အတွင်းရေးမှူး ဦးသန်းက ဆိုပါတယ်။

မြေလက်ဝါးကြီးအုပ်မှုတွေ၊ ဈေးကစားမှုတွေနဲ့ မြေကွက်လွတ်တွေ ပြည့်နေတဲ့ စက်မှုဇုန်တွေကို အစိုးရအဆက်ဆက် တည်ဆဲဥပဒေအရ ပြန်သိမ်းမယ်လို့ ကြေညာချက် ထုတ်ခဲ့ပြောခဲ့ကြပေမယ့် လက်တွေ့မလုပ်ဆောင်နိုင်မှုတွေရဲ့နောက်မှာ ငါတို့လက်ထဲ မြေရှိအောင်လုပ်မယ်ဆိုတဲ့ အယူအဆမျိုးနဲ့ စက်မှုဇုန်တွေကို ရန်ကုန်မှာပဲ ထပ်ပြီးဖော်ဆောင်မယ်ဆိုရင် အောင်မြင်ဖို့ ခက်ခဲပါမယ်။

“ရှိပြီးသားစက်မှုဇုန်တွေက အားနည်းချက် မပြည့်စုံမှုတွေကို စနစ်တကျ စီမံချက်ချ ဖြေရှင်းဆောင်ရွက်နိုင်တာ မရှိဘူးဆိုရင် နိုင်ငံတကာရင်းနှီးမြှုပ်နှံသူတွေက စီမံခန့်ခွဲမှု အားနည်းမှု၊ မပြည့်စုံမှုတွေကို ထောက်ပြပြီး ထပ်မံအကောင်အထည်ဖော်မယ့် စက်မှုဇုန်စီမံကိန်း အသစ်တွေပေါ်မှာလည်း ရင်းနှီးမြှုပ်နှံရန် စိတ်ဝင်စားမှုနည်းပါးမှာ မုချဧကန်မလွဲပါပဲ။ နောက်ဆက်တွဲရလဒ်ကတော့ စက်ရုံထူထောင် ရင်းနှီးမြှုပ်နှံသူတွေထက် ငွေကြေးပိုလျှံသူတွေက နေရာတွေဝယ်ထားပြီး မြေဈေးပြန်ကစားတဲ့ အနေအထားပဲ ရောက်ရှိသွားမှာ ဖြစ်ပါတယ်” လို့ မရမ်းကုန်းမြို့နယ် မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးရန်ရှင်းက ဆွေးနွေးပါတယ်။

ဦးရန်ရှင်းရဲ့ ဆွေးနွေးမှုတွေက အမှန်ပါ။ နောက်တစ်ခုက ရန်ကုန်အစိုးရ လက်ရှိလုပ်ဖို့ကြံနေတဲ့ လယ်တွေသိမ်းပြီး ငွေမလျော်ဘဲ မြေရာခိုင်နှုန်း ၂၀ ပြန်ပေးမယ်ဆိုတဲ့ ၈၀၊ ၂၀ မူဝါဒဟာလည်း တည်ဆဲဥပဒေတွေနဲ့ ကိုက်ညီမှု ရှိ မရှိ ပြန်သုံးသပ်ဖို့ လိုအပ်ပါမယ်လို့ ပြောကြားရင်း ဒီတစ်ပတ်ရဲ့ စီးပွားရေး သုံးသပ်ချက်ကို ရပ်နားလိုက်ပါတယ်။

တရုတ်နှင့် ကိုရီးယားနိုင်ငံက ရန်ကုန်တိုင်းအတွင်း စက်မှုဇုန်များ ဖော်ဆောင်ရန် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီသို့ လာရောက်ဆွေးနွေး

ရန်ကုန်တိုင်းဒေသကြီးအတွင်းရှိ သီလ၀ါ အထူးစီးပွားရေးဇုန် ဇုန်ဘီအတွင်းပိုင်းတစ်နေရာကို တွေ့ရစဉ်(ဓာတ်ပုံ-နီလာ)

တရုတ်နှင့်ကိုရီးယားနိုင်ငံတို့မှ ရန်ကုန်တိုင်းအတွင်း စက်မှုဇုန်များဖော်ဆောင်ရန် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီသို့ လာရောက်ဆွေးနွေးမှုများ ဆောင်ရွက်ထားကြောင်း မေ၂ ရက် Cooperative Business Centre တွင် ပြုလုပ်သည့် Yangon Investment Forum 2018 အကြိုသတင်းစာရှင်းလင်းပွဲမှ သိရသည်။

“ကျွန်တော်တို့ဆီကိုတော့ ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီကို အဓိကအားဖြင့် တောင်ကိုရီးယား၊ တရုတ်ပေါ့နော်။ တရုတ်ဘက်ကနေပြီးတော့ ရန်ကုန်တိုင်းအတွင်းမှာ စက်မှုဇုန်တွေဖော်ဆောင်ဖို့ လာပြီး ဆွေးနွေးမေးမြန်းတာတွေ ရှိပါတယ်” ဟု ရန် ကုန်တိုင်းဒေသကြီး ရင်းနှီးမြှုပ်နှံမှုကော်မတီမှ တွဲဖက်အတွင်းရေးမှူး ဦးမျိုးခိုင်ဦးက ပြောကြားသည်။

ရန်ကုန်တိုင်းအတွင်းရှိ စက်မှုဇုန်များ၏ မြေနေရာများ၌ နိုင်ငံခြားရင်းနှီးမြှုပ်နှံသူများ လာရောက်ရင်းနှီးမြှုပ်နှံပါက မြေငှားရမ်းခ အလွန်ဈေးကြီးနေသည့်အတွက် သင့်တင့်သော ဈေးနှုန်းဖြင့် ငှားရမ်းနိုင်ရန်အတွက် စက်မှုဇုန်အသစ်များ ဖော်ဆောင်သွားရန် စီစဉ်ဆောင်ရွက်နေကြောင်း သိရသည်။

“လက်ရှိမှာ ရှိပြီးသား စက်မှုဇုန် ၃၀ ရှိပါတယ်။ ၃၀ မှာ လက်ရှိက မြေတွေက အကုန်လုံးက ပိုင်ရှင်တွေရှိပါတယ်။ ပိုင်ရှင်တွေက  သူတို့ ရင်းနှီးမြှုပ်နှံမှုတွေမလုပ်ဘဲနဲ့လုပ်ဖို့ ကြန့်ကြာနေတဲ့မြေကွက်တွေလည်း ရှိတယ်။  အဲဒီတော့ အချို့လုပ်ငန်းရှင်တွေ နိုင်ငံခြား လုပ်ငန်းရှင်တွေလာတဲ့အခါ လက်ရှိမှာတော့ ရှိပြီးသား စက်မှုဇုန်ထဲက မြေတွေကို ငှားရမ်းပြီးတော့ လုပ်နေတာတွေ့ရပါတယ်။ အဲဒီလို ငှားရမ်းပြီးလုပ်ဆောင်တော့ မြေငှားရမ်းခ ကြီးမြင့်တာမျိုးတွေ ပုဂ္ဂလိကလုပ်ငန်းရှင်တွေ ဆီကငှားတဲ့အခါ သူတို့ဆီကနေ မြေဈေးနှုန်း အပေါ်မူတည်ပြီး တစ်နှစ်တစ်ခါ  ဈေးတိုးတိုး တောင်းတာမျိုးဆိုတဲ့ အခက်အခဲမျိုးတွေရှိတယ်လို့ ကျွန်တော်တို့ဆီကို သတင်းပို့တာမျိုးတွေ ရှိပါတယ်” ဟု ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ၏ တွဲဖက်အတွင်းရေးမှူး ဦးမျိုးခိုင်ဦးက ပြောကြားသည်။

ရန်ကုန်မြို့တွင် နှစ်ပေါင်းသုံးဆယ်ခန့်အတွင်း တည်ထောင်ထားသည့် စက်မှုဇုန်ပေါင်း ၃၀ နီးပါးရှိထားသော်လည်း လက်ရှိအချိန်အထိ စက်မှုဇုန်ဥပဒေ မရှိသေးသဖြင့် အမြန်ဆုံးရေးဆွဲရန် လိုအပ်ကြောင်း ပြီးခဲ့သည့်မတ်လအတွင်းက လှိုင်သာယာ၊ ရွှေလင် ပန်းစက်မှုဇုန်ဥက္ကဋ္ဌ ဦးအေးသောင်းက ပြောကြားထားသည်။

“ရန်ကုန်မှာဆိုရင် စက်မှုဇုန်ပေါင်း ၂၉ ဇုန် တည်ထောင်ထားပါတယ်။ သီလ၀ါစက်မှုဇုန်က လွဲရင်ပေါ့။ လက်ရှိနိုင်ငံတကာစံချိန်မီအောင်ဆိုပြီးတော့ SEZ ဆိုတဲ့ စက်မှုဇုန်ကြီး တည်ထောင်နေပါပြီ။ စက်မှုဇုန်က အခုမှ စခါစပါ။ ဥပဒေက နည်းဥပဒေက အစ ပြီးသွားပါပြီ။ ကျွန်တော်တို့ စက်မှုဇုန်တွေ တည်ထောင်လာတာ နှစ်ပေါင်း ၃၀ ပြည့်ပါတော့မယ်။ အခုထိဥပဒေ မရှိသေးဘူး။ ဆောက်လုပ်ရေးဝန်ကြီးဌာန၊ အိုးအိမ်ဌာနရဲ့ ညွှန်ကြားချက် ၁/၉၇ နဲ့ပဲ ညွှန်ကြားချက်စာအုပ်လေးနဲ့ပဲ လုပ်နေတာပါ။ ကျွန်တော်တို့ စက်မှုဇုန်စထောင်စဉ်က ဒီဥပဒေလိုတယ်ဆိုတာလည်း အကြိမ်ကြိမ်ပြောခဲ့ပါတယ်။ ရေးလည်း ရေးဆွဲနေပြီး အမြန်ဆုံးပြီးဖို့လိုပါတယ်” ဟု ဦးအေးသောင်းက ပြောကြားသည်။

ယင်းကဲ့သို့ စက်မှုဇုန်ဥပဒေမရှိခြင်းကြောင့် နိုင်ငံတကာရင်းနှီးမြှုပ်နှံသူများအနေဖြင့် ရန်ကုန်မြို့တွင်းရှိ အခြားစက်မှုဇုန်များသို့ ၀င်ရောက်လုပ်ကိုင်ရန် အခက်အခဲများရှိကြောင်း သိရသည်။