မြန်မာ့စက်မှုကုန်ထုတ်လုပ်ငန်းများ အရှိန်ပြင်းစွာဆုတ်ယုတ်နေပြီး ဒေါ်လာဈေးထိုးတက်မှုကြောင့် ထုတ်လုပ်မှုနှင့် အော်ဒါသစ်ရရှိမှုနှုန်း အကျမြန်ကာ စီးပွားရေးရပ်ဝန်းတစ်ခုလုံးသို့ ငွေကြေးဖောင်းပွမှု၏ ဖိအားပေးမှု ပြင်းထန်လာ

ရန်ကုန်မြို့ရှိ စက်မှုကုန်ထုတ်စက်ရုံတစ်ရုံကို တွေ့ရစဉ် (ဓာတ်ပုံ-ပြည့်ဖြိုးအောင်)

မြန်မာ့စက်မှုကုန်ထုတ်လုပ်ငန်းများ အရှိန်ပြင်းစွာဆုတ်ယုတ်နေပြီး ဒေါ်လာဈေး ထိုးတက်မှုကြောင့် ထုတ်လုပ်မှုနှင့် အော်ဒါသစ်ရရှိမှုနှုန်း အကျမြန်လာကာ စီးပွားရေး ရပ်ဝန်းတစ်ခုလုံးသို့ ငွေကြေးဖောင်းပွမှု၏ ဖိအားပေးမှုများ ပြင်းထန်လာကြောင်း ၂၀၁၈ ခုနှစ် သြဂုတ်လအတွက် ထုတ်ပြန်သော နစ်ကေးမြန်မာ့စက်မှုကုန်ထုတ်လုပ်ငန်း PMI  အညွှန်းကိန်း (Manufacturing Purchasing Manager’s Index -၀ယ်ယူရေးမန် နေဂျာများ၏အညွှန်းကိန်း) အရ သိရသည်။

သြဂုတ်လစစ်တမ်းဒေတာက မြန်မာနိုင်ငံ၏ ထုတ်လုပ်ရေးကဏ္ဍတစ်ခုလုံး အခြေအနေများ အရှိန်ပြင်းစွာဖြင့် ဆုတ်ယုတ်လာကြောင်း အချက်ပြနေပြီး အဓိကအကျဆုံး အညွှန်းကိန်းကို ထုတ်လုပ်မှုနှင့် လုပ်ငန်းသစ်များ လျင်မြန်စွာကျဆင်းလာမှုက တွန်းချပစ်ခဲ့သည်။ အကျိုးဆက်အဖြစ် အလုပ်အကိုင်ခန့်ထားမှုများနှင့် လက်ကျန်အလုပ်များ ရှေ့ဆက်ကျဆင်းသွားပြီး ၀ယ်ယူမှုများလည်း သိသာစွာလျော့ကျခဲ့သည်။ ထည့်သွင်းကုန်ဈေးနှုန်းများနှင့် ရောင်းဈေးများ နှစ်ရပ်စလုံးသည် စစ်တမ်းအတွင်း အမြင့်ဆုံးသို့ မြင့်တက်သွားကြပြီး အဓိကတွန်းအားမှာ ကုန်ကြမ်းပစ္စည်းများရှားပါးမှုနှင့် သွင်းကုန်ဈေးနှုန်း မြင့်မားမှုတို့ဖြစ်သည်။

သြဂုတ်လအတွက် နစ်ကေးမြန်မာ့စက်မှုကုန်ထုတ်လုပ်ငန်း PMI အညွှန်းကိန်းမှာ ၄၆ ဒသမ ၄ သို့ကျဆင်းသွားပြီး ဇူလိုင်လရှိ ၄၇ ဒသမ ၉ ထက်ကျဆင်းခဲ့သည်။ သြဂုတ်လအညွှန်းကိန်းသည် ၂၀၁၅ ခုနှစ် ဒီဇင်ဘာတွင်စတင်ခဲ့သည့် စစ်တမ်းသက်တမ်းတစ်လျှောက် ကုန်စည်ထုတ်လုပ်ရေးကဏ္ဍတွင် အကြီးမားဆုံးကျဆင်းမှုကို အချက်ပြလိုက်ပြီး ပြင်းထန်သည့်ဆုတ်ယုတ်မှုက ကုန်ထုတ်လုပ်မှုစွမ်းဆောင်နိုင်စွမ်း နှစ်လ ဆက်တိုက်ကျဆင်းလာခြင်းကိုပါ ထောက်ပြနေသည်။ ထုတ်လုပ်မှုကျဆင်းမှုနှုန်းမှာ စစ်တမ်းသမိုင်းအတွင်း အပြင်းထန်ဆုံးဖြစ်လာခဲ့ပြီး ထိုသို့ပြင်းထန်စွာကျဆင်းလာခဲ့ခြင်းမှာ ၀ယ်သူများဖက်မှ ၀ယ်လိုအားလျော့နည်းလာပြီး ကုန်ကြမ်းပစ္စည်းများရှာဖွေမှု ခက်ခဲလာခြင်းကြောင့်ဟု စစ်တမ်းတွင် ပါဝင်ဖြေဆိုသူအများစုက ဆိုသည်။

ယခုလပိုင်းများအတွင်း ကုန်ကြမ်းပစ္စည်းရှားပါးလာမှုနှင့် ထည့်သွင်းကုန်များ စရိတ်စကမြင့်မားလာခြင်းတို့ကို တုံ့ပြန်သည့်အနေနှင့် ငွေကြေးဖောင်းပွမှုဖိအားပေးမှုများ ပိုပြင်းထန်လာခဲ့ပြီးထည့်သွင်း ကုန်ဈေးနှုန်းနှင့် ရောင်းဈေးနှစ်ခုစလုံးတို့၏ ငွေကြေးဖောင်းပွမှုမှာ စစ်တမ်း၏အမြင့်ဆုံး နေရာများကို တက်လှမ်းရယူထားကာ စစ်တမ်းတွင် ပါဝင်ဖြေကြးသူအများစုက မြင့်တက်လာသည့်စရိတ်များကို ၀ယ်သူများထံသို့ လွှဲချပေးခဲ့မှုကြောင့် ဈေးနှုန်းများမြင့် တက်လာခဲ့သည်ဟု ညွှန်ပြကြသည်။

ထုတ်လုပ်ရေးလျော့ကျလာသည်နှင့်အမျှ အလုပ်လျှော့ချမှုနှုန်းများ အရှိန်မြင့်လာခြင်းနှင့်အတူ အလုပ်နေရာများနှင့် လက်ကျန်အလုပ်များလည်း ဆက်လက်ကျဆင်းလာခဲ့ပြီး လက်ကျန်အလုပ်များ လျော့ကျလာမှုနှုန်းမှာ ၂၀၁၆ ခုနှစ် ဇူလိုင်လနောက်ပိုင်း အဆိုးရွားဆုံးဖြစ်ခဲ့သည်။ ထို့ပြင် ထုတ်လုပ်ရေးကုမ္ပဏီများကပါ ပစ္စည်းများပေးသွင်းရာတွင် ကြာမြင့်လာကြောင်း ထုတ်ဖော်ခဲ့ကြသည်။ ပစ္စည်းပေးသွင်းရာတွင် အခက်အခဲများရှိလာခြင်းနှင့် ပို့ဆောင်ရေးဆိုင်ရာ ကြန့်ကြာမှုများရှိလာ၍ ပစ္စည်းပေးသွင်းသူတို့၏ လုပ်ငန်းအခြေအနေမှာ ၂၀၁၆ ခုနှစ် ဇွန်လနောက်ပိုင်း အကြီးကျယ်ဆုံး ဆုတ်ယုတ်လာခဲ့သည်။

ဝယ်သူများဘက်မှ ၀ယ်လိုအားလျော့ကျလာပြီး ကုန်ကြမ်းပစ္စည်းများ၏ ရင်းမြစ်နည်းပါးလာခြင်းတို့က ထည့်သွင်းကုန်များ ၀ယ်ယူမှုကို ထိပါးစေခဲ့ခြင်းဖြင့် ၀ယ်ယူနိုင်ခဲ့သည့် ပမာဏများမှာ သိသိသာသာ ကျဆင်းလာသည်။ ထုတ်လုပ်မှုအကြိုလက်ကျန်စာရင်းများသည်လည်း ရှေ့ဆက်လျော့နည်းလာခဲ့ရာ ၂၀၁၆ ခုနှစ် စက်တင်ဘာနောက်ပိုင်း အမြန်ဆုံးကျဆင်းမှု ဖြစ်ခဲ့သည်။

အဆိုပါစစ်တမ်းကို ပြုစုပေးသည့် IHS Markit မှ စီးပွားရေးပညာရှင် Sian Jones က “မြန်မာနိုင်ငံတွင်း ထုတ်လုပ်ရေးကဏ္ဍအခြေအနေက သြဂုတ်လထဲမှာ စစ်တမ်းသမိုင်းတစ်လျှောက် အကြီးကျယ်ဆုံး ဆုတ်ယုတ်သွားခဲ့ပြီး လုပ်ငန်းတွေရဲ့ စွမ်းဆောင်မှုတစ်ရပ်လုံးမှာ ထုတ်လုပ်မှုနဲ့ အော်ဒါသစ်တွေ ဆိုးဆိုးရွားရွားကျဆင်းမှုကြောင့် အထိနာခဲ့ပါတယ်။ ပြီးခဲ့တဲ့လပိုင်းအတွင်း ကျပ်ငွေတန်ဖိုး ထိုးကျတာက သွင်းကုန်ဈေးနှုန်းတွေကို သိသိသာသာ မြင့်တက်စေတာကြောင့် ထုတ်လုပ်မှုကုန်ကျစရိတ်တွေကို မြင့်တက်စေခဲ့ပြီး အမြတ်အစွန်းပမာဏအပေါ် တွန်းအားပေးမှု ဖြစ်ခဲ့ပါတယ်” ဟု ပြောကြားသည်။

ယခုထုတ်ပြန်ထားသော စစ်တမ်းကို IHS Markit က စက်မှုကုန်ထုတ်လုပ်ငန်းများထံမှ ကောက်ယူစုစည်းရရှိသည့် စစ်တမ်းမူလကိန်းဂဏန်းများကို အခြေခံပြုစုထားခြင်းဖြစ်ပြီး ဂျပန်အခြေစိုက် Nikkei မီဒီယာအုပ်စုက ပံ့ပိုးထားခြင်း ဖြစ်သည်။

 

မြန်မာ့စက်မှုကုန်ထုတ်လုပ်ငန်းများ အခြေအနေ ဆုတ်ယုတ်နေပြီး နိုင်ငံခြားငွေလဲနှုန်း မြင့်တက်မှုကြောင့် ကုန်ကြမ်းနှင့် သွင်းကုန် ကုန်ကျစရိတ် ၀န်ထုပ်ဝန်ပိုးများ ကြီးထွားလာ၍ ငွေကြေးဖောင်းပွမှုနှုန်း မြင့်မားလာ

ရန်ကုန်မြို့ရှိ စက်မှုကုန်ထုတ် လုပ်ငန်းခွင်တစ်ခုကို တွေ့ရစဉ် (ဓာတ်ပုံ-ပြည့်ဖြိုးအောင်)

မြန်မာ့စက်မှုကုန်ထုတ်လုပ်ငန်းများ အခြေအနေ ဆုတ်ယုတ်နေပြီး နိုင်ငံခြားငွေ လဲလှယ်နှုန်း မြင့်တက်မှုကြောင့် ကုန်ကြမ်းနှင့် သွင်းကုန် ကုန်ကျစရိတ် ၀န်ထုပ်ဝန်ပိုးများ ကြီးထွားလာ၍ ငွေကြေးဖောင်းပွမှုနှုန်း မြင့်မားလာကြောင်း ၂၀၁၈ ခုနှစ် ဇူလိုင်အတွက် ထုတ်ပြန်သော နစ်ကေးမြန်မာ့ စက်မှုကုန်ထုတ်လုပ်ငန်း PMI အညွှန်းကိန်း (Manufacturing Purchasing Manager’s Index–၀ယ်ယူရေးမန်နေဂျာများ၏ အညွှန်းကိန်း) အရ သိရသည်။

မြန်မာနိုင်ငံအတွင်း ကုန်ထုတ်လုပ်ရေး ကဏ္ဍတစ်ဝန်းရှိ အခြေအနေများ အသင့်အတင့် ဆုတ်ယုတ်လာကြောင်း ဇူလိုင်စစ်တမ်းဒေတာတွင် ညွှန်ပြခဲ့ပြီး ၂၀၁၇ ခုနှစ် စက်တင်ဘာမှစ၍ ပထမဦးဆုံးလအဖြစ် ယခင်ကျဆင်းမှုနှင့်အတူ ထုတ်ကုန်နှင့် အော်ဒါသစ်များ ကျဆင်းမှုများကြောင့် အဓိက PMI ကိန်းကျဆင်းလာစေခဲ့သည်။ သို့ဖြစ်၍ ကုမ္ပဏီများသည် လွန်ခဲ့သည့် အောက်တိုဘာကတည်းကစပြီး ၀န်ထမ်းအင်အား ပထမအကြိမ် ကျဆင်းလာမှုကို မြင်တွေ့ခဲ့ကာ လက်ကျန် အလုပ်စာရင်းများလည်း သိသိသာသာ ဆက်လက်ကျဆင်းခဲ့သည်။

ယင်းအတောအတွင်း ကုန်ကြမ်းပစ္စည်းများ ရှားပါးလာခြင်းကြောင့် သွင်းကုန် ကုန်ကျစရိတ်များကို ရှေ့ဆက်ပြီး မြင့်မားစေခဲ့ပြီး ၀ယ်လိုအား အခြေအနေများ အားနည်းနေခဲ့သော်လည်း ထုတ်ကုန်များအတွက် တောင်းခံသည့်ဈေးနှုန်းများ ပိုမိုဖောင်းပွလာခဲ့ခြင်းဖြင့် ကုမ္ပဏီများသည် မြင့်တက်လာသည့် ကုန်ကျစရိတ်အချို့ကို ဈေးဝယ်များအပေါ် လွှဲချပေးခဲ့ကြသည်။

ဇူလိုင်လအတွက် နစ်ကေးမြန်မာ့ စက်မှုကုန်ထုတ်လုပ်ငန်း PMI အညွှန်းကိန်းမှာ ၄၇ ဒသမ ၉ သို့ ကျဆင်းသွားပြီး ဇွန်လရှိ ၅၀ မှ ဆက်လက် ကျဆင်းလာခြင်းဖြစ်ကာ မြန်မာနိုင်ငံတစ်ဝန်းရှိ ထုတ်လုပ်ရေးကဏ္ဍတစ်ရပ်လုံး အသင့်အတင့် ကျဆင်းမှုကို အချက်ပြနေသည်။ ထုတ်လုပ်မှု အခြေအနေများ ဆုတ်ယုတ်မှုမှာ ၂၀၁၆ ခုနှစ် သြဂုတ်လမှစပြီး အပြင်းထန်ဆုံးဖြစ်သကဲ့သို့ စစ်တမ်းသမိုင်း တစ်လျှောက်တွင် ဒုတိယအမြန်ဆုံးလည်း ဖြစ်ခဲ့သည်။

ကုန်စည်ထုတ်လုပ်ရေး လုပ်ငန်းများ ရရှိခဲ့ကြသည့် လုပ်ငန်းအော်ဒါသစ်များမှာ ဇူလိုင်လတွင် ကျဆင်းခဲ့ပြီး အော်ဒါသစ်များမှာ ဒုတိယလအထိ ဆက်တိုက်ကျဆင်းလာခဲ့ပြီး ကျဆင်းမှုနှုန်းမှာမူ နှစ်နှစ်အတွင်း အမြန်ဆုံးသို့ အရှိန်မြင့်တက်သွားခဲ့သည်။ ထောက်ပြခဲ့သူ အများစုက စားသုံးသူတို့၏ ၀ယ်နိုင်စွမ်းအား ပျော့လာခြင်းမှာ ဖောက်သည်များဘက်မှ ၀ယ်လိုအားကို လျှော့ချပစ်ခဲ့သည်ဟု ယူဆသည်။ အခြားကုမ္ပဏီများကမူ ကုန်ကြမ်း ပစ္စည်းရှားပါးမှုကြောင့် အချို့ကိစ္စများတွင် အော်ဒါသစ်များကို ငြင်းပယ်ခဲ့ရကြောင်း ထောက်ပြကြသည်။

ဈေးနှုန်းများကို လေ့လာကြည့်လျှင် ဇူလိုင်လတွင် သွင်းကုန်ကုန်ကျစရိတ်များ သိသာသည့် အရှိန်ဖြင့်တက်လာခဲ့ကြပြီး ထိုသို့ကုန်ကျစရိတ် တိုးလာခြင်းမှာ ကုန်ကြမ်းပစ္စည်းများ ဈေးနှုန်းမြင့်မားလာခြင်း၊ သွင်းကုန်များ ပြတ်တောက်လာရခြင်းနှင့် ငွေလဲလှယ်နှုန်း အခြေအနေ မကောင်းခဲ့ခြင်းကြောင့် ဖြစ်သည်ဟု အများက ထောက်ပြခဲ့ သည်။ ထို့ပြင် ငွေကြေးဖောင်းပွမှုနှုန်းမှာ ၂၀၁၇ ခုနှစ် ဇန်န၀ါရီလမှစ၍ အမြန်ဆုံးဖြစ်လာသည်။

အဆိုပါ စစ်တမ်းကို ပြုစုပေးသည့် IHS Markit မှ စီးပွားရေးပညာရှင် Sian Jones က “ဇူလိုင်လစစ်တမ်းဒေတာက ၂၀၁၇ ခုနှစ်စက်တင်ဘာကစပြီး မြန်မာနိုင်ငံ အတွင်းရှိ ကုန်ထုတ်လုပ်သူတို့အကြား ကုန်ထုတ်လုပ်ရေး အခြေအနေတွေ ပထမအကြိမ် ဆုတ်ယုတ်လာမှုကို အချက်ပြခဲ့ပါတယ်။ ထုတ်လုပ်သူတို့က ကုန်ကြမ်းပစ္စည်းတွေ ရှေ့ဆက်ရှားပါးလာနေကြောင်းနဲ့ ငွေလဲနှုန်းမကောင်းကြောင်းကို ထောက်ပြနေတဲ့အချိန်မှာပဲ သွင်းကုန်တွေရဲ့ ဈေးနှုန်းတွေက ၂၀၁၇ ဇန်န၀ါရီလမှစပြီး အမြန်ဆုံးနှုန်းနဲ့ မြင့်တက်လာပါတယ်။ ၀ယ်လိုအား အခြေအနေ ကျဆင်းနေပေမယ့် ထုတ်ကုန် ရောင်းဈေးများ အလွန်အကျွံ မြင့်တက်နေပါတယ်” ဟု ပြောကြားသည်။