ဧရာဝတီတိုင်းဒေသကြီးအတွင်း သဘာဝအတိုင်းကျက်စားနေသည့် ကြိုးကြာ ခေါင်းနီ၊ စာဝါကျား၊ ကြောင်တံငါ အပါအ၀င် ရှားပါးမျိုးစိတ်များ မျိုးမသုဉ်းစေရန်အတွက် အချိန်မီထိန်းသိမ်းရန်လိုအပ်

သဘာဝအတိုင်း ကျက်စားနေသည့် ရှားပါးမျိုးစိတ်ဝင် ကြိုးကြာခေါင်းနီငှက်များကို တွေ့စဉ်

ဧရာဝတီတိုင်းဒေသကြီးအတွင်းတွင် ကြိုးကြာခေါင်းနီ၊ စာဝါကျား၊ ကြောင်တံငါ၊ ကိုင်းစွေ့၊ ငှက်ကျား၊ ဆောက်လိပ်၊ စင်းချော လိပ် စသည့် ရှားပါးမျိုးစိတ်များစွာ သဘာဝအတိုင်း ကျက်စားလျက်ရှိပြီး အဆိုပါ ရှားပါး မျိုးစိတ်များအား မျိုးသုဉ်းပျောက်ကွယ်ခြင်း မရှိစေရန်အတွက် အချိန်မီထိန်းသိမ်း စောင့် ရှောက်ရန် လိုအပ်လျက်ရှိကြောင်းသိရသည်။

သဘာဝပတ်ဝန်းကျင် ထိန်းသိမ်းစောင့်ရှောက်ရေး  NGO အဖွဲ့တစ်ခုဖြစ်သည့်  WCS  Myanmar ၏ ထိန်းသိမ်းစောင့်ရှောက်ရေး လုပ်ငန်းမှတ်တမ်းများအရ ဧရာဝတီတိုင်းဒေသကြီးအတွင်းတွင် ကြိုးကြာခေါင်း နီ၊ စာဝါကျား၊ ကြောင်တံငါ၊ ကိုင်းစွေ့၊ ငှက် ကျား၊ ဆောက်လိပ်၊ စင်းချောလိပ်စသည့် ရှားပါးမျိုးစိတ်များသည် မျိုးသုဉ်းရန် အန္တရာယ် ရှိနေသည့်အတွက် အချိန်မှီထိန်း သိမ်းစောင့်ရှောက်ရန် လိုအပ်လျက်ရှိကြောင်း သိရသည်။

“ဧရာဝတီတိုင်းမှာ ရှားပါးမျိုးစိတ်တွေ အများကြီးပဲ။ စာဝါကျား၊ ကြောင်တံငါ၊ လို၊ နောက်ကိုင်းစွေ့လို ငှက်မျိုးတွေက တော်တော် ရှားပါးနေပြီ။ တွေ့ဖို့တောင် အတော်ခက်ခဲနေပြီလေ။ နောက်ကြိုးကြာခေါင်းနီလို ဌာနေငှက်မျိုးစိတ်တွေလည်း ရှားပါးစပြု လာပြီ။ အဲဒီတော့ အချိန်မှီ ထိန်းသိမ်းဖို့ လို အပ်နေပြီ။ မထိန်းသိမ်းရင် ကျွန်တော်တို့ တော်တော်ဝမ်းနည်းဖို့ ကောင်းစွာနဲ့ မျိုးသုဉ်း သွားနိုင်ခြေတွေ အများကြီးရှိနေတယ်” ဟု  WCS Myanmar မှ ကိုနိုင်လင်းကပြောကြားသည်။

၂၀၁၆ခုနှစ်တွင် WCS Myanmar က ဧရာဝတီတိုင်းဒေသကြီးအတွင်း ရေတိမ်ဒေသများ၌ သဘာဝအတိုင်း ကျက်စားနေသည့် ရှားပါးဌာနေငှက်မျိုးစိတ်ကြိုးကြာ ခေါင်းနီငှက်များအား ထိန်းသိမ်းစောင့် ရှောက်ရေး လုပ်ငန်းများကို စတင်လုပ်ဆောင်ခဲ့ပြီး ယင်းအဖွဲ့၏ မှတ်တမ်းများအရ အဆိုပါငှက်များသည် အကောင်ရေ ၂၀၀မှ ၄၀၀ ခန့်သာ ကျန်ရှိတော့ကြောင်း သိရသည်။

ယင်းအပြင် အကောင်ရေ ငါးရာခန့်သာ ရှိနိုင်တော့မည့် စာဝါကျားငှက်များအား မျိုးသုဉ်းလုနီးပါး အန္တရာယ်ရှိသည့် မျိုးစိတ်၊ ရှာဖွေတွေ့ရှိရန် ခက်ခဲနေပြီဖြစ်သည့် ကိုင်းစွေ့ငှက်များအား မျိုးသုဉ်းရန် အန္တရာယ် ကျ ရောက်နိုင်သော မျိုးစိတ်များအဖြစ် သတ်မှတ်ထားပြီး ထိန်းသိမ်း စောင့်ရှောက်ရေး လုပ်ငန်းများအား ကျယ်ကျယ်ပြန့်ပြန့် လုပ်ဆောင်ရန် လိုအပ်လျက်ရှိကြောင်း သိရသည်။

အလားတူ ဧရာဝတီတိုင်းဒေသကြီးအတွင်း ကျက်စားနေနိုင်သည်ဟု ယူဆ၍သာရပြီး အတည်ပြုနိုင်ခြင်းမရှိသေးသည့် ကြောင်တံငါကဲ့သို့သော မျိုးသုဉ်းလုနီးပါး အန္တရာယ်ရှိသည့် မျိုးစိတ်များအားလည်း ထိန်းသိမ်းစောင့်ရှောက်ရန် အထူးလိုအပ်နေပြီဖြစ်ကြောင်း WCS Myanmar ၏ မှတ် တမ်းများအရ သိရသည်။

ရှားပါးငှက်မျိုးစိတ်များအပါအ၀င် ရှားပါးမျိုးစိတ်များ မျိုးသုဉ်းပျောက်ကွယ်လုနီးပါး ဖြစ်ရသည်မှာ သစ်တောပြုန်းတီးခြင်း၊ မြစ်ချောင်းအင်းအိုင်များ တိမ်ကောလာခြင်း၊ သဘာဝနှင် လူ့ပယောဂကြောင့် တောမီး များလောင်ကျွမ်းခြင်း၊ လယ်ယာစိုက်ပျိုးရေး လုပ်ငန်းများတွင် ပိုးသတ်များ အလွန်အကျွံသုံးစွဲခြင်း၊ အမဲလိုက်ခြင်း၊ ရှားပါးမျိုးစိတ်များအား အိမ်မွေးတိရစ္ဆာန်အဖြစ် မွေးမြူခြင်း၊ သဘာဝဂေဟစနစ်များအား ဖျက်ဆီး ခြင်းတို့ကြောင့် ဖြစ်ကြောင်း သိရသည်။

ထို့ကဲ့သို့သော အကြောင်းအရင်းများကြောင့် မြန်မာဌာနေငှက်မျိုးစိတ် တစ်မျိုးဖြစ်သည့် ငှက်ကြီးဒုံးစိပ်ငှက်မျိုးသည် လွန်ခဲ့သည့်နှစ်အနည်းခန့်က မျိုးသုဉ်းပျောက်ကွယ်ခဲ့ရကြောင်းလည်း သိရသည်။

မြန်မာနိုင်ငံတွင် ၂၀၁၈ ခုနှစ် မေလက ရှားပါးမျိုးစိတ်များနှင့် ပတ်သက်သည့် နည်းဥပဒေတစ်ခုကို ပြဋ္ဌာန်းခဲ့ရာ အဆိုပါ ဥပဒေတွင် ကြိုးကြာခေါင်းနီ၊ စာဝါကျား၊ ကြောင်တံငါကဲ့သို့သော လုံးဝကာကွယ်ထားသည့် မျိုးစိတ်များအား မည်သည့်နည်းနှင့်မဆို ရောင်းချခြင်း၊ သတ်ဖြတ်ခြင်း၊ မွေးမြူခြင်း၊ ပျက်စီးအောင်ပြုလုပ်ခြင်းများ ပြုလုပ်ပါက ထောင်ဒဏ် ၁၀ နှစ်ထိ အမြင့်ဆုံးကျခံရနိုင်ကြောင်း သိရသည်။

အာရှတိုက်အတွင်းတွေ့ရခဲသော ရှားပါးငှက်မျိုးစိတ်တစ်မျိုးဖြစ်သည့် ဒေါင်းလန်းခြေထောက် (ခေါင်းဖြူ) ငှက်များ တောင်သမန်အင်းအတွင်း လာရောက်ကျက်စားမှုရှိကြောင်း တွေ့ရှိ

အာရှတိုက်အတွင်း တွေ့ရခဲသော ရှားပါးငှက်မျိုးစိတ်တစ်မျိုးဖြစ်သည့် White Headed Stilt ဒေါင်းလန်း ခြေထောက် (ခေါင်းဖြူ) ငှက်မျိုးစိတ်အား ယခုနှစ်ဆောင်းခိုငှက်ရာသီတွင် တောင်သမန်အင်းအတွင်း ထပ်မံလာရောက်ကျက်စားမှုကို တွေ့ရှိခဲ့ ကြောင်း သိရသည်။

အဆိုပါ White – Headed Stilt  ဒေါင်းလန်းခြေထောက် (ခေါင်းဖြူ) ငှက်မျိုးစိတ်ကို ပြီးခဲ့သည့်နှစ်ငှက်ရာသီက ပထမဦးဆုံးအကြိမ်အဖြစ် အင်းလေးကန်အတွင်း လာရောက်ကျက်စားမှုကို သားငှက်ထိန်းသိမ်းရေးအဖွဲ့မှ တွေ့ရှိမှတ်တမ်းတင်နိုင်ခဲ့ခြင်း ဖြစ်ပြီး ယင်းရှားပါးငှက်မျိုးစိတ်များ၏ မူရင်းနေရပ်မှာ အာတိတ်သမုဒ္ဒရာနှင့် သမပိုင်း အစပ်ဒေသများဖြစ်သော မွန်ဂိုလီးယား၊ သြစတြေးလျ၊ နယူးဇီလန်စသည့်ဒေသများတွင် ကျက်စားလေ့ရှိကာ အာရှတိုက်အတွင်း ရံဖန်ရံခါမှသာတွေ့ရှိရသည် ဟု သိရှိရသည်။

“မနှစ်ကငှက်ရာသီမှာ ဒီငှက်မျိုးစိတ်ကို First Record အနေနဲ့ အင်းလေးမှာ သားငှက်ထိန်းသိမ်းရေးအဖွဲ့က ဦးစိုးနိုင်က စတွေ့ခဲ့တယ်။ အဲဒါပြီးမှ တောင်သမန်မှာလည်း ၀င်ရောက်ကျက်စားတာတွေ့ခဲ့ရတာပါ။ အခု ဒီနှစ်လည်း တောင်သမန်မှာ ထပ် တွေ့ရတာမို့ နှစ်နှစ်ဆက်တိုက် မြန်မာနိုင်ငံထဲမှာ တွေ့ရှိမှတ်တမ်းတင်နိုင်တဲ့သဘောပါ ပဲ။ ပြောရရင် ထောင်နဲ့ချီပြီး ပြောင်းရွှေ့ကျက်စားတဲ့ ဒေါင်းလန်းခြေထောက်မျိုးကွဲ တစ်မျိုးဖြစ်တဲ့  Black – Winged Stilt  တွေထဲ မှာ ဒီရှားပါး White Headed Stilt ကောင်တွေရောပြီး တွေ့ခဲ့ရတာ။ကနေ့ တောင်သမန်မှာတွေ့ရတာ သုံးကောင်ပါ” ဟု ငှက် စောင့်ကြည့်လေ့လာသူ ဦးဇေမောင်သိန်းက ပြောကြားသည်။

ယင်း White-Heded Stilt မှာ အရွယ်အစား ၃၅ စင်တီမီတာခန့်ရှိပြီး လည်ဆံမှာ မြင်းလည်ဆံနှင့် ရိုးရိုးဒေါင်းလန်းခြေထောက် ငှက်ထက် အနည်းငယ်သေးကြောင်း မှတ်တမ်းတင်ထားသည်။

မြန်မာနိုင်ငံအတွင်း ဆောင်းခိုငှက်ဝင်ရောက်မှုမှာ အောက်တိုဘာလလယ်ခန့်မှ မတ်လကုန်အထိ ၀င်ရောက်နေထိုင်ကျက်စားမှုရှိပြီး လက်ရှိအချိန်တွင် မန္တလေးဝန်းကျင်ရှိ ဆောင်းခိုငှက်များလာရောက်ကျက် စားလေ့ရှိသော တောင်သမန်အင်း၊ စွန်ရဲ အင်း၊ ၀မ်းဘဲအင်း၊ ပုလိပ်အင်း၊ ပြူကန်၊ ရေမျက်ကြီးအင်း၊ ရေခါးအင်း၊ ကောင်းမှုတော် အင်းစသည့် အင်းများတွင် ယခုနှစ် ငှက်ရာသီအတွင်း ဆောင်းခိုငှက်ဝင်ရောက်မှု သိသာစွာ နည်းပါးခဲ့ကြောင်း သိရသည်။

မင်းကင်းမြို့နယ်၌ တွေ့ရှိရသော လင်းယုန်ငှက်ကြီးကို သက်ဆိုင်ရာဌာနများသို့ ပြန်လည်အပ်နှံမည်

မင်းကင်းမြို့နယ် သာစည်ကျေးရွာတွင် တွေ့ရှိရသော လင်းယုန်ငှက်ကြီးကို သက်ဆိုင်ရာဌာနများသို့ ပြန်လည်အပ်နှံသွားမည်ဟု သိရသည် ။

“လင်းယုန်ငှက်ကြီးကိုတော့ ကျွန်တော်တို့ရယ်၊ မြို့နယ် စီမံခန့်ခွဲမှုဌာနတို့က သစ်တော၊ တိမွေးကု ဌာနတို့ လွှဲပြောင်းပေးဖို့ စီစဉ်နေပါတယ်။ မင်းကင်းမြို့နယ် ၃၇ မိုင်အကွာ ကြာပင်ရဲစခန်းအပိုင် သိန်းအုပ်စုနဲ့ သာစည်ကျေးရွာမှာ ကိုဆန်းဦးပိုင်တဲ့ ကောက်ရိုးပုံမှာ လာနားတာ။ သူကလည်း ငှက်ဆိုပြီး ပစ်လိုက်တော့ ငှက်ရဲ့အတောင်ပံနဲ့ ခေါင်းသွားထိပြီး ကျလာတာ။ အမျိုးအမည်မသိတဲ့ စက်ကလေးနဲ့ သံကွင်းလေး ပါလာတယ်။ သူတို့ကလည်း မွေးထားတဲ့ငှက်ဆိုပြီး မွေးထားတာ။ အဲဒါ ဒီဇင်ဘာ ၅ ရက်ကဖြစ်တာ။ ဒါကို ကြာပင်ရဲစခန်းမှူးက စုံစမ်းရင်းနဲ့တွေ့တော့ ဒီငှက်က ဌာနတစ်ခုခုက စမ်းသပ်သုတေသန ပြုဖို့ငှက်ဖြစ်နိုင်တယ်ဆိုပြီး ချိတ်ဆက်တင်ပြခဲ့ပြီး သယ်ယူခဲ့တာ ညနေ ၄ နာရီမှာ မင်းကင်း မြို့ရောက်ပါတယ်။ အဲဒီငှက်ကြီးကို တက္ကသိုလ် ကျောင်းသားတစ်ယောက်က Facebook ပေါ်တင်လိုက်တော့ ပျံ့နှံ့သွားတာ။ အခုတော့ ငှက်ရဲ့ကျန်းမာရေးစောင့်ရှောက်မှုအတွက် တိမွေးကုနဲ့ သစ်တောကို လွှဲပြောင်းပေးဖို့ စီစဉ်နေပါတယ်။ လင်းယုန်ငှက်ကြီးကတော့ ကျန်းကျန်းမာမာပါ။ အလေးချိန် တစ်ပိဿာခွဲလောက် ရှိပါတယ်”ဟု မင်းကင်းမြို့ နယ်ရဲတပ်ဖွဲ့မှူး ရဲမှူးကျော်သက်ထွန်းက ပြောကြားသည်။

အဆိုပါ လင်းယုန်ငှက်ကို ဒီဇင်ဘာ ၅ ရက်တွင် တွေ့ရှိခဲ့ပြီး ဒီဇင်ဘာ ၆ ရက်တွင် မင်းကင်းမြို့နယ် စီမံခန့်ခွဲမှုကော်မတီက ထိန်းသိမ်းစောင့်ရှောက်ထားသည်။