မြန်မာနိုင်ငံက လွတ်လပ်သော ဂျာနယ်လစ်ဇင်နှင့်ပတ်သက်၍ ဥပဒေဖြင့် တိတ်ဆိတ်အောင် ပြုလုပ်ပုံ အသေးစိတ်ကို ကုလသမဂ္ဂအစီရင်ခံစာ၌ ဖော်ပြ

ကချင်၊ ရှမ်းနှင့် ရခိုင်ပြည်နယ်တို့ အပါအ၀င် မြန်မာနိုင်ငံတစ်လွှား၌ လွတ်လပ်သော ဂျာနယ်လစ်ဇင်ကို ထိန်းချုပ်ရန် မြန်မာနိုင်ငံ၌  အဓိပ္ပာယ်သတ်မှတ်ချက်လျော့ရဲသော ဥပဒေများကို အသုံးပြုခဲ့ကြောင်း မြန်မာနိုင်ငံ၏ လွတ်လပ်စွာဖော်ထုတ်ပြသခွင့် နှင့် ပတ်သက်သော ကုလသမဂ္ဂလူ့အခွင့်အရေးဆိုင်ရာ အစီရင်ခံစာတစ်စောင်၌ စက်တင်ဘာ ၁၁ ရက်တွင် ဖော်ပြခဲ့သည်။

ယင်းအစီရင်ခံစာ၌ “ကြောက်လန့်ရမှု မရှိဘဲ၊ ဦးစားပေးခံရမှုမရှိဘဲ ဂျာနယ်လစ်များ အနေဖြင့် ၎င်းတို့၏ အလုပ်ကို လုပ်ကိုင်ရန် မဖြစ်နိုင်တော့” ဟု ဖော်ပြထားသည်။

ကုလသမဂ္ဂအစီရင်ခံစာသည် လွန်ခဲ့သည့် သီတင်းပတ်အတွင်းက ရိုက်တာဂျာနယ်လစ်နှစ်ဦးဖြစ်သော ကျော်စိုးဦးနှင့် သက်ဦးမောင်တို့အား စီရင်ချက် ချမှတ်ခဲ့မှုသည် မြန်မာနိုင်ငံရှိ မီဒီယာများအပေါ် တရားစီရင်ရေးဖြင့် နှောင့်ယှက်မှုနှင့်ပတ်သက်၍ အလွန်လက်ခံ နိုင်ဖွယ်မရှိသောနှင့် ထင်ရှားသော ဥပမာဖြစ်ကြောင်း ဖော်ပြခဲ့ပြီး ဂျာနယ်လစ်များအား ဖမ်းဆီးထိန်းသိမ်း တရားစွဲဆိုသည့် အခြားနမူနာများစွာ တို့နှင့်ပတ်သက်သည့် အသေးစိတ် အချက်အလက်များအပြင် လွတ်လပ်စွာ ဖော်ထုတ်ပြသမှုအပေါ် ဖိနှိပ်မှုနှင့်ပတ်သက်သော ပိုမိုကျယ်ပြန့်သည့် လမ်းကြောင်းများကို ညွှန်ပြနေသော ၎င်းတို့၏ ရင်းမြစ်များကိုလည်း ဖော်ပြခဲ့သည်။

ဆက်သွယ်ရေးဥပဒေ၊ အစိုးရလျှို့ဝှက်ချက် အက်ဥပဒေ၊ မတရားအသင်း ဥပဒေ၊ အီလက်ထရွန်နစ် ဥပဒေတို့အပြင် သွင်းကုန်- ထုတ်ကုန်နှင့် လေကြောင်းဆိုင်ရာ အက်ဥပဒေတို့ကိုပင် အသုံးပြုကာ နှစ်အတန်ငယ်အတွင်း ဂျာနယ်လစ်များကို တရားစွဲဆိုခဲ့သည်ဟု ကုလသမဂ္ဂအစီရင်ခံစာက ဖော်ပြသည်။

အမှုတစ်ခုတွင် ရှမ်းပြည်နယ်မြောက်ပိုင်းရှိ တအန်းအမျိုးသားလွတ်မြောက်ရေး တပ်မတော် (TNLA) ၏ ထိန်းချုပ်မှုအောက်၌ရှိသော နယ်မြေတစ်ခု၌ မူးယစ်ဆေးအလွဲသုံးမှုနှင့် မှောင်ခိုကုန်ကူးမှုတိုက်ဖျက်ရေး နိုင်ငံတကာနေ့ အထိမ်းအမှတ်တစ်ရပ် ကျင်းပမှုအတွက် သွားရောက်ခဲ့သောကြောင့် ၂၀၁၇ ခုနှစ် ဇွန်လ၌ ဖမ်းဆီးခံရသူ ခုနစ်ဦးတွင် ဂျာနယ်လစ်သုံးဦးပါဝင်ခဲ့သည်။ DVB နှင့် ဧရာဝတီတို့မှ ဂျာနယ်လစ်များသည် လက်နက်ကိုင်တိုက်ပွဲများနှင့်မဆိုင်ဘဲ မူးယစ်ဆေးများ မီးရှို့ပွဲအခမ်းအနားသို့ သွားရောက်သတင်းယူခြင်းဖြစ်သော်လည်း ၎င်းတို့အား မတရားအသင်းနှင့်ဆက်သွယ်မှု အက်ဥပဒေဖြင့် တရားစွဲဆိုခဲ့သည်။

“ဂျာနယ်လစ်သုံးဦးသည် တိုက်ပွဲများနှင့်မဆိုင်ဘဲ TNLA က ပြုလုပ်သော အထိမ်းအမှတ်အခမ်းအနားကို သတင်းရယူခဲ့သည့် အချက်က မြန်မာတပ်မတော်၏ တိုင်းရင်းသား လက်နက်ကိုင်အဖွဲ့များ(သို့မဟုတ်) အစိုးရက ထိန်းချုပ်ထားခြင်းမရှိသည့် နယ်မြေများမှ သတင်းရယူမှုအပေါ် အလွန်ထိရှလွယ်ကြောင်း ပြသနေပြီး အာဏာပိုင်များသည် ဂျာနယ်လစ်များအနေဖြင့် ၎င်းတို့က လက်ခံထားသောနှင့် ခွင့်မပြုနိုင်သော သတင်းရယူခြင်းတို့အကြား နယ်နိမိတ်ကို ကျော်လွန်သွားသည်ဟု သတ်မှတ်ပုံကို ဖော်ပြနေသည်” ဟု အစီရင်ခံစာက ဆိုသည်။

၎င်းတို့အား ၆၇ ရက်ကြာ ဖမ်းဆီးထိန်းသိမ်းထားခဲ့ပြီးနောက် စွဲချက်များကို ပြန်လည်ရုပ်သိမ်းခဲ့သည်။

အခြားအမှုတစ်ခုတွင် တိုက်ပွဲသတင်း ရယူရန်အတွက် ရှမ်းပြည်နယ်မြောက်ပိုင်းသို့ ခရီးသွားသော ဂျာနယ်လစ်များကို ကူညီခဲ့မှုအတွက် ၂၀၁၆ ခုနှစ် ဒီဇင်ဘာလတွင် ကချင် နှစ်ခြင်းခရစ်ယာန်နှစ်ဦးကို မတရားအသင်း ဥပဒေနှင့်ပင် ဖမ်းဆီးခဲ့သည်။ ၎င်းတို့အား အခြားသူများနှင့်တွေ့ခွင့်မပေးဘဲ သီတင်းပတ်များစွာကြာအောင် ထိန်းသိမ်းထားပြီးနောက် ထောင်ဒဏ်နှစ်နှစ်နှင့်သုံးလ ချမှတ်ခဲ့သည်။

၎င်းတို့အား လိုင်စင်မဲ့မော်တော် ဆိုင်ကယ်များ အသုံးပြုသည်ဟုဆိုကာ သွင်းကုန်-ပို့ကုန်ဥပဒေ ၂၀၁၂ ဖြင့်လည်း တရားစွဲဆိုခဲ့သည်။

ဆက်သွယ်ရေးဥပဒေ၊ ပုဒ်မ ၅၀၀ နှင့် အီလက်ထရွန်နစ် ဥပဒေတို့အားလုံး၌ ရာဇ၀တ်မှုမြောက်သော အသရေဖျက်မှုပါဝင်ပြီး တစ်သီးပုဂ္ဂလလူများအား လွတ်လပ်စွာ ဖော်ထုတ်ပြသခွင့်ကို ထိန်းချုပ်ပိုင်ခွင့်ကို ထိရောက်စွာ အာမခံပေးထားသည်။

ယခုအစီရင်ခံစာတွင် အစိုးရနှင့် တပ်မတော်က လွတ်လပ်သော ဂျာနယ်လစ်ဇင်ကို ဆန့်ကျင်သည့် နိုင်ငံရေးလုပ်ဆောင်ချက် ပါဝင်လျက် ဥပဒေနှင့်တရားရုံးများကို ညွှန်ကြားမှုပြုလုပ်ခြင်းနှင့် ပစ်မှတ်ထားခံရသူများ၏ မျှတသော တရားစီရင်မှုရပိုင်ခွင့်ကိုပေးရန် တရားစီရင်ရေးက ပျက်ကွက်ခြင်းများကိုလည်း ရည်ညွှန်းဖော်ပြထားသည်။

“အမှုများသည် ဂျာနယ်လစ်များအား  မိမိဘာသာဆင်ဆာဖြတ်မလား သို့မဟုတ် တရားစွဲခံရနိုင်ခြေ ရှိခြင်းအတွက် စွန့်စားမည်လားဟူ၍ ရှင်းရှင်းလင်းလင်းရွေးချယ်ရန် လိုအပ်ကြောင်း ထောက်ပြနေသည်” ဟု အစီရင်ခံစာ၌ ဖော်ပြထားသည်။ “ပြည်သူတွေရဲ့ သတင်းသိပိုင်ခွင့်အတွက် ဂျာနယ်လစ်ဇင်ရဲ့ အရေးကြီးပုံအရ မီဒီယာသမားတွေအပေါ်ချထားတဲ့ ကန့်သတ်မှုတွေဟာ လူ့အဖွဲ့အစည်းအတွင်းမှာ ပိုပြီးကျယ်ပြန့်တဲ့ ရိုက်ခတ်ချက်တွေ ရှိနေပါတယ်” ဟုလည်း အစီရင်ခံစာ၌ ဖော်ပြထားသည်။

ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး မီရှယ်လီဘာချယ်လေးက ယခုအစီအရင်ခံစာသည် မြန်မာနိုင်ငံ၏ လွတ်လပ်သော ဂျာနယ်လစ်များနှင့်ပတ်သက်သည့် အန္တရာယ်ကြီးမားသောအနေအထားကို ဖော်ပြခြင်းမျှသာဖြစ်သည်ဟု ပြောကြားခဲ့သည်။

“လက်နက်ကိုင်အုပ်စုတစ်ခုက ထိန်းချုပ်ထားတဲ့ နေရာတစ်ခုကို သွားတဲ့အတွက် ဂျာနယ်လစ်တွေကို ထောင်ချနိုင်တဲ့၊ တိုက်ပွဲဖြစ်နေတဲ့နေရာကနေ သတင်းတွေပေးမှုအတွက် သူတို့ရဲ့သတင်းရင်းမြစ်တွေကို ထောင်ချနိုင်တဲ့၊ Facebook ပို့စ်တစ်ခုတင်တာက ရာဇ၀တ်မှုမြောက်တဲ့ အသရေဖျက်မှုနဲ့ တရားစွဲဆိုမှုခံရနိုင်တဲ့ ပတ်ဝန်းကျင်မျိုးမှာ  ဒီမိုကရေစီဆိုင်ရာ အသွင်ကူးပြောင်းမှုတစ်ရပ် ဖြစ်နိုင်ဖို့က ခက်ခဲပါတယ်” ဟု ဘာချယ်လေးက ပြောကြားခဲ့သည်။

“ဥပဒေရေးရာနဲ့ တရားစီရင်မှုအရ  ဂျာနယ်လစ်တွေကို နှောင့်ယှက်နေတာ ရပ်စဲဖို့နဲ့ လွတ်လပ်စွာဖော်ထုတ်ပြသမှုကို တရားဝင် ကျင့်သုံးမှုအပေါ် တိုက်ခိုက်ရာမှာအထောက် အကူပြုရေးအတွက်ဖြစ်နေတဲ့  အဓိပ္ပာယ် သတ်မှတ်ချက်လျော့ရဲတဲ့ ဥပဒေတွေကို ပြန်လည်သုံးသပ်မှုတစ်ရပ်စတင်ဖို့ အာဏာပိုင်တွေကို ကျွန်မတောင်းဆိုပါတယ်” ဟုလည်း ဘာချယ်လေးက ပြောကြားခဲ့သည်။

Ref ; UN Human Rights