ပြည်နယ်သာသနာရေး ဦးစီးဌာနက ခွန်တန် (ခ) ဇာတ်လိုက်နှင့်အဖွဲ့အား သံဃာ့အဖွဲ့အစည်းဆိုင်ရာ ဥပဒေလိုက်နာခြင်း မရှိမှုနှင့် သာသနာတော် ညှိးနွမ်းစေမှုများဖြင့် အရေးယူပေးပါရန် သထုံမြို့နယ် တရားရုံးသို့ ဦးတိုက်လျှောက်ထား

လူမှုကွန်ရက်တွင် ပျံ့နှံ့နေသော ခွန်တန် (ခ) ဇာတ်လိုက်ဆိုသူ၏ ဓာတ်ပုံများ

ပြည်နယ်သံဃနာယက အဖွဲ့နှင့် ပြည်နယ်အစိုးရအဖွဲ့၏ တာဝန်ပေးချေက်အရ ပြည်နယ် သာသနာရေး ဦးစီးဌာနမှ ခွန်တန် (ခ) ဇာတ်လိုက် (ခ) ခွန်အောင် (ခ) ဓမ္မရာဇာ (ခ) ကိုရင်လေးနှင့်အဖွဲ့အား ဇန်န၀ါရီ ၈ ရက် မွန်းလွဲ ၃ နာရီက သထုံမြို့နယ် တရားရုံးသို့ လာရောက်ကာ သံဃာ့အဖွဲ့အစည်းဆိုင်ရာ ဥပဒေ လိုက်နာခြင်း မရှိမှု၊ သာသနာတော် ညှိးနွမ်းစေမှုများဖြင့် အရေးယူပေးပါရန် သထုံမြို့နယ်တရားရုံး၌ ဦးတိုက်လျှောက်ထားခဲ့ကြောင်း သိရသည်။

သထုံမြို့နယ် ဇရစ်ချောင်ကျေးရွာအုပ်စု အလံတစ်ရာကျေးရွာ အလံတစ်ရာဘေးမဲ့ ကုန်းကျောင်းနေ ဦးသာသနိကနှင့် အလံတစ်ရာ ဘုရားကြီးဝင်းနေ ဦးဇာနေယျ (ခ) ဦးစံသိန်းတို့နှစ်ဦးအား သံဃာ့အဖွဲ့အစည်းဆိုင်ရာ ဥပဒေ ၂၀/၉၀ ၏ ပုဒ်မ-၁၁ ကိုလိုက်နာမှုမရှိသဖြင့် ပြည်နယ်သာသနာရေးမှူးရုံးမှ ဒုတိယ ညွှန်ကြားရေးမှူး ဦးယဉ်မောင်ထွေးက သထုံမြို့နယ် တရားရုံးသို့ ဦးတိုက်လျှောက်ထားခဲ့ရာ မြို့နယ်တရားသူကြီး ဦးရွှေမြင့်မောင်က ရာဇ၀တ်မှုကြီးမှု အမှတ် ၁၇/၂၀၁၈၊ သံဃာ့အဖွဲ့အစည်းဆိုင်ရာ ဥပဒေပုဒ်မ-၁၄ ဖြင့် အမှုလက်ခံခဲ့ကြောင်း သိရသည်။

ထို့အတူ ပြည်နယ်သာသနာရေးမှူးရုံးမှ ဒုတိယညွှန်ကြားရေးမှူး ဦးယဉ်မောင်ထွေးက သထုံမြို့နယ် အလံတစ်ရာ ကျေးရွာနေ ခွန်တန် (ခ) ဇာတ်လိုက် (ဘ) ဦးမောင်မောင်၊ အလံတစ်ရာ ဘုရားဝင်းနေ ဦးဇာနေယျ (ခ) ဦးစံသိန်း၊ ဦးအောင်ထွန်းလှ၊ ဦးမြရှင်၊ ဦးအဒီးစ် (ခ) စိုးမြင့်၊ ဦးရွှေတလီ၊ ဦးသာမောင်နှင့် သထုံမြို့နယ် နောင်ကုလားကျေးရွာ ရှမ်းရွာနေ ဦးသန်းလေးတို့ ရှစ်ဦးအား အလံတစ်ရာ နယ်မြေအတွင်း ဗုဒ္ဓသာသနာတော်ကို ညှိုးနွမ်းအောင် လုပ်ဆောင်သဖြင့် သထုံမြို့နယ် တရားရုံးသို့ ဦးတိုက်လျှောက်ထားခဲ့ရာ မြို့နယ်တရားသူကြီး ဦးရွှေမြင့်မောင်က ရာဇ၀တ်မှုကြီး အမှတ် ၁၈/၂၀၁၈၊ သာသနာတော် ညှိုးနွမ်းစေမှုဖြင့် ရာဇသတ်ကြီးပုဒ်မ-၂၉၅-က ဖြင့် အမှုလက်ခံခဲ့ကြောင်း သိရသည်။

ရာဇ၀တ်မှုကြီးမှု အမှတ် ၁၈/၂၀၁၈ ဖြင့် ဦးတိုက်လျှောက်ထားခြင်း ခံထားရသူ ရှစ်ဦးအနက်မှ ဦးအောင်ထွန်းလှ၊ ဦးမြရှင်၊ ဦးအဒီးစ် (ခ) စိုးမြင့်၊ ဦးရွှေတလီနှင့် ဦးသာမောင်တို့ ငါးဦးမှာ ၂၀၁၇ ခုနှစ် သြဂုတ်၂၁ ရက်က သထုံမြို့နယ် တရားရုံးတွင် ရာဇသတ်ကြီး ပုဒ်မ-၂၉၅-က ဖြင့် အမှုဖွင့်အရေးယူ ဆောင်ရွက်ထားပြီး တရားရင်ဆိုင် ခံနေရသူများ ဖြစ်ကြောင်း သိရသည်။

ခွန်တန် (ခ) ဇာတ်လိုက်နှင့် အံ့သြမှင်တက်စေသော ပန်းဦးလွှတ်ပြဿနာ

လူမှုကွန်ရက်တွင် ပျံ့နှံ့နေသော ခွန်တန် (ခ) ဇာတ်လိုက်ဆိုသူ၏ ဓာတ်ပုံများ

မွန်ပြည်နယ် သထုံမြို့နယ် ဇရစ်ချောင်ကျေးရွာအုပ်စု အလံတစ်ရာသာသနာပြုနယ်မြေတွင် ဘာသာရေးကိုအခြေခံပြီး အသက် ၁၄ နှစ်၊ ၁၅ နှစ်အရွယ်မိန်းကလေးများကို ပန်းဦးရယူမှုများ ဖြစ်နေကြောင်း၊ တိုင်ကြားသူမရှိသည့်အပြင် တိုင်ကြားရန်ပြောသူကိုပင် ၎င်းတို့က ရန်သူအဖြစ်သတ်မှတ်သည့် အနေအထားမျိုးရှိနေကြောင်း၊ မိဘများကိုယ်တိုင် ဘာသာရေးကိုအကြောင်းပြပြီး ၎င်းတို့၏သမီးကို သိဒ္ဓိတင်သည်ဟု အတွေးဝင်နေကြောင်း သထုံမြို့နယ် မဲဆန္ဒနယ်အမှတ် (၁) မှ ပြည်နယ်လွှတ်တော်ကိုယ်စားလှယ် ဒေါ်ခိုင်ခိုင်လဲ့က အောက်တိုဘာ ၁၇ ရက်က မော်လမြိုင်ရှိ ငွေမိုးဟိုတယ်၌ပြုလုပ်သည့် ကျား/မရေးရာ အခြေပြုအကြမ်းဖက်မှု သတင်းအချက်လက်ဆိုင်ရာ ပူးပေါင်းညှိနှိုင်းမှုအစည်းအဝေးတွင် အမှာစကားပြောကြားရာ၌ ထည့်သွင်းပြောကြားခဲ့ရာမှ ခွန်တန် (ခ) ဇာတ်လိုက်ကိစ္စ လူသိများလာခဲ့သည်။

ဒေါ်ခိုင်ခိုင်လဲ့က “အဲဒီလူရဲ့အမည်က သူတို့ကတော့ ခွန်တန်လို့ခေါ်ပါတယ်။ အသက်က ၂၅ နှစ်ပဲရှိပါသေးတယ်။ အလံတစ်ရာ ဆရာတော်ဘုရားဝင်စားတာပါဆိုပြီး အမျိုးသမီးလေးတွေကိုဖြစ်တာပါ။ အပျိုဖြစ်တာနဲ့ ပန်းဦးလွှတ်တဲ့ အလေ့အကျင့်သထုံမှာ၊ မွန်ပြည်နယ်ထဲမှာဖြစ်နေပါတယ်။ ဒီအဖြစ်ပျက်ဟာ ပြီးခဲ့တဲ့အစိုးရငါးနှစ်သက်တမ်းမှာလည်း ဖြစ်ခဲ့တာပါ။ အစိုးရဌာနဆိုင်ရာတွေက ကိုင်တွယ်ဖို့နည်းမျိုးစုံနဲ့ ကြိုးစားခဲ့ကြပါတယ်။ အခုကျွန်မနဲ့ မွန်ပြည်နယ်အစိုးရအဖွဲ့ဝင် ပအိုဝ်းတိုင်းရင်းသားရေးရာဝန်ကြီး ဒေါ်နန်းစံဝင့်ခိုင်တို့ ဒီကိစ္စကိုဖော်ထုတ်ဖို့ ကြိုးစားနေပါတယ်။ မိန်းကလေးတွေကိုလည်း စည်းရုံးနေပါတယ်” ဟု ဒေါ်ခိုင်ခိုင်လဲ့က ဆိုသည်။

“၁၄ နှစ်၊ ၁၅ နှစ်၊ ၁၆ နှစ်မိန်းကလေးတွေကို အစ်မကိုယူပြီးရင် ညီမကိုယူပါတယ်။ ဒီရွာမှာပဲ လမ်းလေးခွဆုံမှာ မင်္ဂလာဆောင်ပါတယ်။ ဆက်တိုက်ကိုယူပါတယ်။ သုံးယောက်ရှိရင် သုံးယောက်လုံးယူပါတယ်။ ဒီဖြစ်စဉ်ဟာ သထုံမြို့နယ်မှာဖြစ်နေလားလို့ မေးရင်၊ ဖြစ်နေပါတယ်။ ဒါကလူတွေမသိပါဘူး။ လူသိဖို့အင်မတန်မှ အခြေအနေနည်းတဲ့အနေထား ဖြစ်ပါတယ်။ ကျွန်မတို့က အခုတော့ ပထမဆုံးအနေနဲ့ တရားဥပဒေအရ အရေးယူဆောင်ရွက်ဖို့ ကြိုးစားနေပါတယ်” ဟု ဒေါ်ခိုင်ခိုင်လဲ့က ပြောကြားသည်။

အောက်တိုဘာ ၂၄ ရက်တွင် ခွန်တန် (ခ) ဇာတ်လိုက်အပါအ၀င် ခုနစ်ဦးအား သထုံမြို့မရဲစခန်း၌ အုပ်ထိန်းမှုအောက်တွင်ရှိသော အသက်မပြည့်သေးသည့် မိန်းကလေးအား ခိုးယူပေါင်းသင်းမှုနှင့် အားပေးကူညီမှုများဖြင့် နစ်နာသူအမျိုးသမီးတစ်ဦး၏ ဖခင်ဖြစ်သူက အမှုဖွင့်လှစ်ခဲ့သည်။

“ခွန်တန် (ခ) ဇာတ်လိုက်နဲ့ပတ်သက်ပြီး အောက်တိုဘာ ၂၄ ရက်က နစ်နာသူအမျိုးသမီးတစ်ဦးရဲ့ဖခင်က လာရောက်အမှုဖွင့်လှစ်ထားပါတယ်။ ၃၆၃/ ၃၆၆/ ၁၁၄ အရ အမှုလက်ခံထားပါတယ်။ အဓိပ္ပာယ်ကတော့ အလိုမတူဘဲ အသက်မပြည့်သေးတဲ့မိန်းကလေးကို ခိုးယူပေါင်းသင်းတာနဲ့ အားပေးကူညီတဲ့အဓိပ္ပါယ်ပါပဲ။ ခွန်တန် (ခ) ဇာတ်လိုက်နဲ့ လှထွန်း၊ သန်းလေး၊ ၀င်းဗိုလ်၊ အောင်မြတ်စိုး၊ ဆင်ကြီးနဲ့ မောင်ခင်တို့ခုနစ်ဦးကို အမှုဖွင့်ထားပါတယ်” ဟု သထုံမြို့မရဲစခန်းမှူး ဒုရဲမှူး မောင်မောင်က ပြောကြားသည်။

ခွန်တန် (ခ) ဇာတ်လိုက်နှင့်ပတ်သက်၍ တိုင်ကြားမှုကို နိုဝင်ဘာ ၆ ရက်က မွန်ပြည်နယ် လွှတ်တော်အမျိုးသမီးရေးရာနှင့် ကလေးသူငယ်များ ထိန်းသိမ်းစောင့်ရှောက်ရေးကော်မတီက သထုံမြို့နယ် ဇရစ်ချောင်ကျေးရွာနေသူ အမျိုးသားငါးဦးနှင့် အမျိုးသမီးတစ်ဦးတို့၏ ထွက်ဆိုချက်များကို မော်လမြိုင်မြို့ရှိ မွန်ပြည်နယ်လွှတ်တော်တွင် ကြားနာခဲ့သည်။

ကြားနာမှုအပြီးတွင် မွန်ပြည်နယ်လွှတ်တော် အမျိုးသမီးရေးရာနှင့် ကလေးသူငယ်များ ထိန်းသိမ်းစောင့်ရှောက်ရေးကော်မတီဥက္ကဋ္ဌ ဒေါ်ခိုင်ခိုင်လဲ့က မိမိတို့သည် လွှတ်တော်က တာဝန်ပေးထားသည့် ကော်မတီ၏တာဝန်နှင့် လုပ်ပိုင်ခွင့်အတိုင်း ဆောင်သွားမည်ဖြစ်ကြောင်း၊ ယနေ့တွင်တိုင်ကြားသူများ၏ နှုတ်ထွက်စကားကို နားထောင်ခြင်းဖြစ်ကြောင်း၊ တိုင်သူများက တိတိကျကျတိုင်တန်ပြီး တိုင်ကြားသည့်အပေါ်တွင်လည်း တာဝန်ယူကြောင်း၊ လွှတ်တော်အပိုင်းအနေဖြင့် လုပ်သင့်လုပ်ထိုက်သည့် စုံစမ်းစစ်ဆေးရမည့်အပိုင်း ဆောင်ရွက်ပြီးပါက အစီရင်ခံစာရေးသားပြီး၊ အစီရင်ခံစာကို ပြည်နယ်အစိုးရအဖွဲ့၊ သက်ဆိုင်ရာ အခြားသောဝန်ကြီးဌာနကို ပေးပို့သွားမည်ဖြစ်ကြောင်း ပြောကြားသည်။

မွန်ပြည်နယ် သထုံမြို့နယ် ဇရစ်ချောင်ကျေးရွာအုပ်စု အလံတစ်ရာကျေးရွာရှိ အလံတစ်ရာ သာသနာ့နယ်မြေ၌ ဖြစ်ပေါ်နေသည့် ကိစ္စရပ်များနှင့်ပတ်သက်ပြီး နိုင်ငံတော် သံဃာ့မဟာနာယက (မဟန) အဖွဲ့မှ ညွှန်ကြားလာပါက သာသနာသန့်ရှင်းရေး ဆောင်ရွက်သွားမည်ဖြစ်ကြောင်း မွန်ပြည်နယ် သံဃာမဟာနာယကအဖွဲ့ ဥက္ကဋ္ဌဆရာတော် အဂ္ဂမဟာပဏ္ဍိတဘဒ္ဒန္တ ၀ိစိတ္တသာရက မိန့်ကြားတော်မူသည်။

“ဆရာတော်တို့အနေနဲ့က ညွှန်ကြားချက်မရှိရင် ဘာမှလုပ်လို့မရဘူး။ မဟနအဖွဲ့က ဆုံးဖြတ်ချက်က အဓိကဖြစ်သွားပြီး။ လူပိုင်းဆိုင်ရာတော့ သာသနာရေးနဲ့ ယဉ်ကျေးမှုဝန်ကြီးက သူတို့အရေးယူဆောင်ရွက်သွားလိမ့်မယ်ဆိုတာကို ကြေညာထားတယ်” ဟု ဆရာတော်က မိန့်ကြားတော်မူသည်။

သို့သော်လည်း အလံတစ်ရာသာသနာ့ပြုနယ်မြေအတွင်း ပန်းဦးလွှတ်သည်ဆိုသည့်ကိစ္စနှင့် ဆက်စပ်၍ ခွန်တန် (ခ) ဇာတ်လိုက်နှင့် လှထွန်း၊ သန်းလေး၊ ၀င်းဗိုလ်၊ အောင်မြတ်စိုး၊ ဆင်ကြီးနှင့် မောင်ခင်တို့ခုနစ်ဦးအား ရာဇသတ်ကြီးပုဒ်မ ၃၆၃/၃၆၆/၁၁၄ အရ အမှုဖွင့်လှစ်ထားသည့် အခြေအနေသာရှိသေးပြီး ဖမ်းဆီးရမိခြင်းမရှိသေးကြောင်း သိရသည်။

ထွက်ပြေးတိမ်းရှောင်နေသည့် ခွန်တန်အား ဗုဒ္ဓသာသနာ ညှိုးနွမ်းစေမှု ပုဒ်မ ၂၉၅ (က) ဖြင့် ထိရောက်စွာ အရေးယူရန် ဆောင်ရွက်နေကြောင်း ပြည်ထောင်စုဝန်ကြီး ပြောကြား

လူမှုကွန်ရက်တွင် ပျံ့နှံ့နေသော ခွန်တန် (ခ) ဇာတ်လိုက်ဆိုသူ၏ ဓာတ်ပုံများအား တွေ့ရစဉ်

ထွက်ပြေးတိမ်းရှောင်နေသည့် ခွန်တန်အား ဗုဒ္ဓသာသနာ ညှိုးနွမ်းစေမှု ပုဒ်မ ၂၉၅ (က) ဖြင့် ထိရောက်စွာ အရေးယူရန် ဆောင်ရွက်နေကြောင်း သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက သတင်းထောက်များအား ပြောကြားသည်။

နိုဝင်ဘာ ၈ ရက် အမျိုးသားလွှတ်တော် အစည်းအဝေးအပြီးတွင် သတင်းထောက်များက ခွန်တန်ကိစ္စ ဆောင်ရွက်နေမှု အခြေအနေကို မေးမြန်းရာ ပြည်ထောင်စုဝန်ကြီး သူရဦးအောင်ကိုက “ခွန်တန် တိမ်းရှောင်နေပါတယ်။ သမီးရှင်တစ်ဦးရဲ့ ဖခင်က မွန်ပြည်နယ် အစိုးရထံမှာ တိုင်ကြားအမှုဖွင့်ထားပါတယ်။ သို့သော် သမီးရဲ့ကိုယ်တိုင်နဲ့ သမီးအမေကိုယ်တိုင်က ကန့်ကွက်ထားပါတယ်။ အမှုဖွင့်တာကို လက်မခံပါဘူး။ ကာယကံရှင် ကိုယ်တိုင်က လက်ခံနေပါတယ်။ တရားဥပဒေကြောင်းအရ၊ အရေးယူ ဆောင်ရွက်သင့်တဲ့ အမှုကိစ္စ ဖြစ်ပါတယ်။ သို့သော်လည်း ပြေးမလွတ်တဲ့ အချက်တစ်ချက်ကတော့ ဗုဒ္ဓသာသနာ ညှိုးနွမ်းစေမှုပုဒ်မ ၂၉၅ (က) နဲ့ဆိုရင်တော့ ပြေးမလွတ်ပါဘူး။ ခွန်တန်ကို ၂၉၅ (က) နဲ့ ထိရောက်စွာ အရေးယူသွားဖို့ ညှိနှိုင်းဆောင်ရွက်လျက် ရှိပါတယ်။ ထောင်ဒဏ်သုံးနှစ်လောက် ကျခံနိုင်မှာ ဖြစ်ပါတယ်။ ပြစ်ဒဏ်ကျဖို့ပဲ လိုပါတယ်။ ပြစ်ဒဏ်နည်းတာ၊ များတာက အဓိက မဟုတ်ပါဘူး။ အလံတစ်ရာ နယ်မြေမှာ ဂေါပကအသစ်ဖွဲ့ဖို့ လုပ်နေတာ မှန်ပါတယ်။ ကိစ္စတွေက မွန်ပြည်နယ် အစိုးရရဲ့ လုပ်ရမယ့် လုပ်ပိုင်ခွင့် ဖြစ်ပါတယ်။ ဂေါပက ပြန်ဖွဲ့ပါမယ်။ သန့်သန့်ရှင်းရှင်း၊ တည်တည်တံ့တံ့ သိက္ခာ၊ သမာဓိ၊ ပညာတို့နဲ့ ပြည့်စုံတဲ့ ဖွဲ့စည်းဖို့ အတွက်ကို ၀န်ကြီးချုပ်နဲ့ ညှိနှိုင်းပြောဆို ထားပါတယ်။ နောက် စေတီတော်ကြီးကလည်း ပြန်လည်ပြင်ဆင်ရန် လိုအပ်နေပါပြီ” ဟု သတင်းထောက်များအား ပြောကြားသည်။

ဆက်လက်၍ “ပထမအဆင့်က ခွန်တန်ကိစ္စ ရှင်းရမယ်။ နံပါတ် (၂) က ခွန်တန်ကို ထောက်ခံသူနဲ့ ခွန်တန်ကို ကန့်ကွက်သူတွေ သဘောထားကြီးမားမှုက တော်တော်ကြီးမားပါတယ်။ အဲဒါတွေကို ပြေလည်အောင် စေ့စပ်ညှိနှိုင်းဖို့က အဓိက ဖြစ်ပါတယ်။ အဲဒီကျမှသာလျှင် သီလ၊ သမာဓိနဲ့ ပြည့်စုံတဲ့ ဂေါပကအဖွဲ့ကို ဖွဲ့စည်းနိုင်မှာ ဖြစ်ပါတယ်။ နောက်ပိုင်းမှာ ဆက်လုပ်မှာ ဖြစ်ပါတယ်။ ခွန်တန်ကို မိမှာပါ” ဟု ပြည်ထောင်စုဝန်ကြီး သူရဦးအောင်ကိုက ပြောကြားသည်။

“ကိုယ့်သဘောနဲ့ကိုယ် ပြင်ဖို့လုပ်ထားလို့ စေတီတော်ကြီးလည်း တစ်ပိုင်းတစ်စ ဖြစ်နေပါတယ်။ ရွှေတွေ ခွာထားတာ၊ အင်္ဂတေတွေ ခွာထားတာလည်း ရှိပါတယ်။ သထုံမြို့နယ်နဲ့ ဘီးလင်းမြို့နယ်မှာ အမျိုးသားလွှတ်တော် ကိုယ်စားလှယ် ကြီးများကလည်း အဲဒီကိစ္စကို မေးမြန်းပါတယ်။ ပြည်ထောင်စုဝန်ကြီး အနေနဲ့လည်း အနီးကပ် ပါဝင်ကြီးကြပ်ဖို့ အတွက်ကို အကြံဥာဏ်ပြုပါတယ်။ ဒါနဲ့ ပတ်သက်လို့ ကော်မတီဖွဲ့တဲ့ အခါမှာ လုပ်ငန်းကော်မတီမှာ ကိုယ်တိုင်ပါဝင်ဖို့ဆိုတာ မဖြစ်နိုင်ပါဘူး။ နာယကအဖွဲ့ဖြစ်ဖြစ် တစ်နေရာရာက ပါဝင်ပြီးတော့ လိုအပ်တဲ့ ညှိနှိုင်းပံ့ပိုးမှုတွေကို လုပ်သွားဖို့တော့ အစီအစဉ်ရှိကြောင်း ပြောကြားလိုပါတယ်” ဟု ပြည်ထောင်စုဝန်ကြီး သူရဦးအောင်ကိုက ပြောကြားသည်။

 

ခွန်တန်နှင့်ပတ်သက်၍ နစ်နာသူ၏တိုင်ကြားမှုကို မွန်ပြည်နယ်လွှတ်တော် အမျိုးသမီးရေးရာနှင့် ကလေးသူငယ်များ ထိန်းသိမ်းစောင့်ရှောက်ရေးကော်မတီက ဒေသခံခြောက်ဦး လာရောက်ထွက်ဆိုမှုအား ကြားနာ

ခွန်တန် (ခ) ဇာတ်လိုက်နှင့်ပတ်သက်၍ တိုင်ကြားမှုကို မွန်ပြည်နယ်လွှတ်တော် အမျိုးသမီးရေးရာနှင့် ကလေးသူငယ်များ ထိန်းသိမ်းစောင့်ရှောက်ရေးကော်မတီက သထုံမြိုနယ် ဇရစ်ချောင်ကျေးရွာနေသူ ခြောက်ဦးတို့၏ ထွက်ဆိုချက်များကို နိုဝင်ဘာ ၆ ရက်က မော်လမြိုင်မြို့ မွန်ပြည်နယ်လွှတ်တော်တွင် ကြားနာခဲ့ကြောင်း သတင်းရရှိသည်။

ကြားနာမှုနှင့်ပတ်သက်ပြီး မွန်ပြည်နယ်လွှတ်တော် အမျိုးသမီးရေးရာနှင့် ကလေးသူငယ်များ ထိန်းသိမ်းစောင့်ရှောက်ရေးကော်မတီဥက္ကဋ္ဌ ဒေါ်ခိုင်ခိုင်လဲ့က မိမိတို့သည် လွှတ်တော်က တာဝန်ပေးထားသည့် ကော်မတီ၏တာဝန်၊ လုပ်ပိုင်ခွင့်အတိုင်းဆောင်သွားမည်ဖြစ်ပြီး ယနေ့တွင် တိုင်ကြားသူများ၏ နှုတ်ထွက်စကားကို နားထောင်ခြင်းဖြစ်ရာ၊ တိုင်သူက တိတိကျကျတိုင်ကြားပြီး တိုင်သည့်အပေါ် တာဝန်ယူသလို လွှတ်တော်အပိုင်းကလည်း လုပ်သင့်လုပ်ထိုက်သော စုံစမ်းစစ်ဆေးရမည့်အပိုင်းကို အစီရင်ခံစာရေးသားပြီး ပြည်နယ်အစိုးရအဖွဲ့၊ သက်ဆိုင်ရာ၊ အခြားသောဝန်ကြီးဌာနများ ပေးပို့ရန်ရှိကြောင်း မီဒီယာများအား ပြောကြားသည်။

နိုဝင်ဘာ ၁၇ ရက်တွင် ရေးရာကော်မတီများ လွှတ်တော်တွင်း တင်ပြသုံးသပ်ရန်ရှိပြီး လာမည့်ပြည်နယ်လွှတ်တော်ပုံမှန် အစည်းဝေးတွင် တင်ပြပြောဆိုဆွေးနွေးသွားမည်ဟု ၎င်းကပြောကြားသည်။

ခွန်တန် (ခ) ဇာတ်လိုက် (ခ) ဓမ္မရာဇာနှင့် အကျိုးဆောင်အဖွဲ့သည် ရိုးသား၍ဘာသာတရားအပေါ် ယုံကြည်သော ဒေသခံတိုင်းရင်းသားများကို အယုံသွင်းဝါဒဖြန့် မှိုင်းတိုက်၍ အကြောက်တရား၊ ငွေကြေးဥစ္စာတို့ဖြင့် စည်းရုံးသိမ်းသွင်း လုပ်ဆောင်နေကြသော်လည်း၊ ၎င်းတို့အဖွဲ့အစည်း အရှိန်အ၀ါနှင့် အကြောက်တရားဖြင့် ထိန်းချုပ်မှုများကို မလွန်ဆန်နိုင်ဘဲ၊ ခေါင်းငုံ့နေကြရသူများရှိနေသကဲ့သို့၊ ယုံကြည်မှုလွန်ကဲ၍ အပြစ်မမြင်ဘဲ နှစ်သက်သဘောကျသူများ ရှိနေသည်ဖြစ်ရာ၊ ဤဖြစ်စဉ်အား ဖော်ထုတ်အရေးယူခြင်းမရှိပါက ဒေသခံတိုင်းရင်းသူအမျိုးသမီးများ၏ ဘ၀ရှေ့ရေးမတွေးရဲစရာပင်ဖြစ်ကြောင်း၊ ငွေရှိတိုင်းငွေပေး၍ အမျိုးသမီးငယ်များကို ဖျက်ဆီးနေခြင်းအား ထိထိရောက်ရောက် မကာကွယ်နိုင်ပါက အမျိုးသမီးများ၏လုံခြုံရေးကို ထိခိုက်လာမည်ဖြစ်ပါ၍ စုံစမ်းရေးအဖွဲ့ ဖွဲ့စည်းစစ်ဆေးရန် တိုင်ကြားခြင်းဖြစ်ကြောင်း တိုင်ကြားသူ ဦးခင်မောင်ကြည် (အငြိမ်းစားဗိုလ်ကြီး) ဇရစ်ချောင်ကျေးရွာနေသူက ပြောကြားသည်။

သထုံမြို့နယ် အလံတစ်ရာကျေးရွာမှ ခွန်တန် (ခ) ဇာတ်လိုက်ပါ ခုနစ်ဦးအား အသက်မပြည့်သေးသည့် မိန်းကလေးအား ခိုးယူပေါင်းသင်းမှုနှင့် အားပေးကူညီမှုများဖြင့် အမှုဖွင့်ခဲ့သူမှာ ခြိမ်းခြောက်မှု ခံနေရဟုဆို

လူမှုကွန်ရက်တွင် ပျံ့နှံ့နေသော ခွန်တန် (ခ) ဇာတ်လိုက်ဆိုသူ၏ ဓာတ်ပုံများ

သထုံမြို့နယ် အလံတစ်ရာကျေးရွာမှ ခွန်တန် (ခ) ဇာတ်လိုက်ပါ ခုနစ်ဦးအား အုပ်ထိန်းမှုအောက်တွင်ရှိသော အသက်မပြည့်သေးသည့် မိန်းကလေးအား ခိုးယူပေါင်းသင်းမှုနှင့် အားပေးကူညီမှုများဖြင့် အမှုဖွင့်လှစ်သူ ဦးဝင်းညွန့်မှာ အသက်အန္တရာယ် ခြိမ်းခြောက်မှုများ ခံနေရကြောင်း ၎င်းလုံခြုံရေးအတွက် ဆောင်ရွက်ပေးနေသူ တပ်မတော်အငြိမ်းစား ဗိုလ်ကြီးဖြစ်သူ ဦးခင်မောင်ကြည်က ပြောကြားသည်။

“ကျွန်တော်တို့က ဦးဝင်းညွန့်ရဲ့ လုံခြုံရေးအတွက်ကို ကာကွယ်ပေးထားတယ်။ ဦးဝင်းညွန့်ကိုလည်း ခင်ဗျားဘယ်မှ မသွားရဘူး။ ကျွန်တော့်ဆီမှာပဲနေ၊ ဘယ်သူပဲခေါ်ခေါ်၊ ဖုန်းနဲ့ပဲခေါ်ခေါ် ကျွန်တော်မသိဘဲနဲ့ မသွားရဘူး။ အဲဒါကြောင့် သူ့ရဲ့လုံခြုံရေးအတွက် ရှင်းရှင်းပြောရရင်တော့ ကျွန်တော်က စစ်သားဆိုတော့ လုံခြုံရေးကို ပိုသိတယ်” ဟု ဦးခင်မောင်ကြည်က ပြောကြားသည်။

ပြည်တွင်းထုတ် ပုဂ္ဂလိကဂျာနယ် တစ်စောင်တွင် ဖော်ပြခံထားရသော ဦးဝင်းညွန့်ပုံကို ခွန်တန် (ခ) ဇာတ်လိုက်၏ တပည့်များက တွေ့ရှိပြီးနောက် ယင်းပုံကို လက်ညှိုးထိုးကာ ဦးဝင်းညွန့်ကိုခေါ်ပြီး အပြတ်ရှင်းရန် ပြောဆိုထားသည့်အပြင် ဦးဝင်းညွန့်ကိုလည်း လိုက်လံရှာဖွေနေသည့် သတင်းများလည်း ကြားနေရကြောင်း၊ ယင်းကိစ္စရပ်များနှင့် ပတ်သက်ပြီး သထုံမြို့ မရဲစခန်း၌ တိုင်ချက်အနေဖြင့် မဟုတ်ဘဲ သတင်းပေးပို့ ဆောင်ရွက်ထားခဲ့ကြောင်း ဦးခင်မောင်ကြည်က ဆိုသည်။

“ဒီလူတွေက လွန်ခဲ့တဲ့ ၁၀ နှစ်၊ ၁၅ နှစ် လောက်က ဒီလိုပဲ။ ဇာတ်လိုက် တပည့်တွေက ဗိုလ်ကျလာတယ်။ စိုးမိုးလာတယ်။ ဟိုမှာ ရိုက်ခွဲ၊ မီးရှို့ သူတို့လုပ်လာတဲ့ဟာကြီးပဲ။ သူတို့လုပ်တဲ့ဟာကိုလည်း အများက ရဲကို မတိုင်ရဲကြဘူး။ ဘာလို့မတိုင်ရဲကြလဲဆိုတော့ ဒီဒေသမှာက ဇာတ်လိုက်ရဲ့ အဖွဲ့တွေက အာဏာကြီးစိုး နေတဲ့အချိန် ဖြစ်နေလို့ပါ” ဟု အသက်အန္တရာယ် ခြိမ်းခြောက်ခံနေရသူ ဦးဝင်းညွန့်က ပြောကြားသည်။

“ကံကောင်းပါ သုံးဦးက ဦးဝင်းညွန့်ကို အပြတ်ရှင်းပစ်မယ်။ သတ်မယ်ဆိုပြီး ခြိမ်းခြောက်တယ်လို့ ဦးဝင်းညွန့်က တစ်ဆင့် ကြားသိရပါတယ်။ အောက်တိုဘာ ၃၀ ရက်က အသက်အန္တရာယ် ခြိမ်းခြောက်ခံရမှုနဲ့ ပတ်သက်ပြီး သထုံမြို့နယ် တရားရုံးမှာ ဦးတိုက်လျှောက်တယ်လို့ သိရပါတယ်” ဟု သထုံမြို့မ ရဲစခန်းမှူးဒုရဲမှူး မောင်မောင်က ပြောကြားသည်။

မွန်ပြည်နယ် သထုံမြို့နယ် ဇရစ်ချောင်ကျေးရွာအုပ်စု အလံတစ်ရာကျေးရွာမှ ခွန်တန် (ခ) ဇာတ်လိုက်ပါ ခုနစ်ဦးအား အုပ်ထိန်းမှုအောက်တွင်ရှိသော အသက်မပြည့်သေးသည့် မိန်းကလေးအား ခိုးယူပေါင်းသင်းမှုနှင့် အားပေးကူညီမှုများဖြင့် အောက်တိုဘာ ၂၄ ရက်က သထုံမြို့ မရဲစခန်းတွင် နစ်နာသူ အမျိုးသမီးတစ်ဦး၏ ဖခင်ဖြစ်သူ ဦးဝင်းညွန့်က အမှုဖွင့် တိုင်ကြားထားသည်။

နိုင်ငံတော် သံဃမဟာနာယက အဖွဲ့က ညွှန်ကြားလာပါက အလံတစ်ရာ နယ်မြေအတွင်း သာသနာတော် သန့်ရှင်းရေး ဆောင်ရွက်မည်

မွန်ပြည်နယ် သထုံမြို့နယ် ဇရစ်ချောင် ကျေးရွာအုပ်စု အလံတစ်ရာကျေးရွာရှိ အလံတစ်ရာ သာသနာ့နယ်မြေ၌ ဖြစ်ပေါ်နေသည့် ကိစ္စရပ်များနှင့် ပတ်သက်ပြီး နိုင်ငံတော် သံဃမဟာ နာယကအဖွဲ့ (မဟန) မှ ညွှန်ကြားလာပါက သာသနာတော် သန့်ရှင်းရေး ဆောင်ရွက်သွားမည်ဖြစ်ကြောင်း မွန်ပြည်နယ် သံဃမဟာ နာယကအဖွဲ့ ဥက္ကဋ္ဌဆရာတော် အဂ္ဂမဟာပဏ္ဍိတ ဘဒ္ဒန္တ၀ိစိတ္တသာရက မိန့်ကြားသည်။

“ဆရာတော်တို့ အနေနဲ့က ညွှန်ကြားချက်မရှိရင် ဘာမှလုပ်လို့တော့ မရဘူး။ မဟနအဖွဲ့ ဆုံးဖြတ်ချက်က အဓိက ဖြစ်သွားပြီ။ လူပိုင်းဆိုင်ရာတော့ သာသနာရေးနဲ့ ယဉ်ကျေးမှုဝန်ကြီးက သူတို့အရေးယူ ဆောင်ရွက်သွားလိမ့်မယ် ဆိုတာကို ကြေညာထားတယ်” ဟု ဆရာတော်က မိန့်ကြားသည်။

“လက်ရှိမှာတော့ သထုံမြို့နယ် သံဃမဟာနာယက အဖွဲ့က အလံတစ်ရာ ကိစ္စကို ဆောင်ရွက်နေသော်လည်း အဲဒီမှာ ရှိနေတဲ့ အလံတစ်ရာနယ်မြေ သာသနာပြုအဖွဲ့က လိုက်နာဆောင်ရွက်ခြင်း မရှိဘူး။ သာသနာ သန့်ရှင်းရေးကို ဆောင်ရွက်နိုင်ဖို့ အတွက်ဆိုရင် နိုင်ငံတော် သံဃမဟာနာယက အဖွဲ့က ဆုံးဖြတ်ချက်နဲ့ပဲ ဆောင်ရွက်သွားရမှာ ဖြစ်ပါတယ်။ သူတို့လုပ်နေတာတွေကို ဓမ္မစက်နဲ့ တားမြစ်တယ်။ ဒါပေမဲ့ သူတို့က ဂရုမစိုက်တဲ့ ပုံစံမျိုးနဲ့ ဆက်လုပ်တယ်။ လူထုက မခံနိုင်တော့ ဓမ္မစက်နဲ့ ဆောင်ရွက်လို့မရတော့ အာဏာစက်နဲ့ ဆောင်ရွက်တယ်” ဟု မွန်ပြည်နယ် သံဃမဟာနာယကအဖွဲ့ ဥက္ကဋ္ဌဆရာတော် အဂ္ဂမဟာပဏ္ဍိတ ဘဒ္ဒန္တ၀ိစိတ္တသာရက မိန့်ကြားသည်။

မွန်ပြည်နယ် သထုံမြို့နယ်ရှိ အလံတစ်ရာ သာသနာ့နယ်မြေ အတွင်းရှိ အလံတစ်ရာ စေတီတော်ကြီး ပြုပြင်မှုနှင့် ပတ်သက်၍ စေတီတော်ကြီး၏ ဂေါပကအဖွဲ့ဝင်အချို့ သထုံမြို့နယ် တရားရုံးတွင် အမှုရင်ဆိုင် နေရသည့်အပြင် အလံတစ်ရာ သာသနာ့နယ်မြေအတွင်း ဖြစ်ပွားခဲ့သည်ဆိုသော ပန်းဦးလွှတ်ခြင်း ကိစ္စရပ်များနှင့် ပတ်သက်၍ ခွန်တန် (ခ) ဇာတ်လိုက် အပါအ၀င် ခုနစ်ဦးကို သထုံမြို့မရဲစခန်း၌ ရာဇသတ်ကြီးပုဒ်မ ၃၆၃/၃၆၆/၁၁၄ အရ အမှုဖွင့် အရေးယူထားကြောင်း သိရသည်။

 

သထုံမြို့နယ် အလံတစ်ရာကျေးရွာမှ ခွန်တန် (ခ) ဇာတ်လိုက်ပါခုနစ်ဦးကို အုပ်ထိန်းမှုအောက်ရှိ အသက်မပြည့်သေးသည့် မိန်းကလေးအား ခိုးယူပေါင်းသင်းမှု၊ အားပေးကူညီမှုများဖြင့် အမှုဖွင့်ထားဟုဆို

လူမှုကွန်ရက်တွင် ပျံ့နှံ့နေသော ခွန်တန် (ခ) ဇာတ်လိုက်ဆိုသူ၏ ဓာတ်ပုံများ

မွန်ပြည်နယ် သထုံမြို့နယ် ဇရစ်ချောင် ကျေးရွာအုပ်စု အလံတစ်ရာကျေးရွာမှ ခွန်တန် (ခ) ဇာတ်လိုက်ပါ ခုနစ်ဦးအား အုပ်ထိန်းမှုအောက်တွင်ရှိသော အသက်မပြည့်သေးသည့် မိန်းကလေးအား ခိုးယူပေါင်းသင်းမှုနှင့် အားပေးကူညီမှုများဖြင့် အောက်တိုဘာ၂၄ ရက်က သထုံမြို့ မရဲစခန်းတွင် နစ်နာသူအမျိုးသမီးတစ်ဦး၏ ဖခင်ဖြစ်သူက လာရောက်အမှုဖွင့်လှစ်ထားကြောင်း သိရသည်။

“ခွန်တန် (ခ) ဇာတ်လိုက်နဲ့ ပတ်သက်ပြီး အောက်တိုဘာ ၂၄ ရက်ကနစ်နာသူ အမျိုးသမီးတစ်ဦးရဲ့ ဖခင်က လာရောက်အမှုဖွင့် လှစ်ထားပါတယ်။ ၃၆၃/ ၃၆၆/ ၁၁၄ အရ အမှုလက်ခံထားပါတယ်။ အဓိပ္ပာယ်ကတော့ အလိုမတူဘဲ အသက်မပြည့်သေးတဲ့ မိန်းကလေးကို ခိုးယူပေါင်းသင်းတာနဲ့ အားပေးကူညီတဲ့ အဓိပ္ပာယ်ပါပဲ။ ခွန်တန်ပါအားလုံး ခုနစ်ဦးကို အမှုဖွင့်ထားပါတယ်”ဟု သထုံမြို့ မရဲစခန်းမှူး ဒုရဲမှူးမောင်မောင်က The Daily Eleven သတင်းစာသို့ ပြောကြားသည်။

အမှုဖြစ်စဉ်မှာ ၂၀၁၅ ခုနှစ် အောက်တိုဘာလအတွင်းက သထုံမြို့နယ် ဇရစ်ချောင်ကျေးရွာအုပ်စု အလံတစ်ရာကျေးရွာ၊ ဗုဒ္ဓသစ္စာရပ်ကွက်နေ ဦးဝင်းညွန့် (၅၁) နှစ် (ဘ) ဦးထွန်းမြိုင်သည် နေအိမ်၌ မိသားစုနှင့်အတူရှိနေစဉ် တစ်ရွာတည်းနေလှထွန်း (နိဗ္ဗာန်ဆော်)၊ အောင်မြတ်စိုး (လူပျိုခေါင်း)၊ ၀င်းဗိုလ် (ခွန်တန် (ခ) ဇာတ်လိုက်၏ ညာလက်ရုံး) တို့ ရောက်ရှိလာပြီး လှထွန်းက “ခင်ဗျားထီ ပေါက်ပြီ။ ခွန်တန် (ခ) ဇာတ်လိုက်က ခင်ဗျား သမီး မ . . . . ကို လက်ချည် (လက်ထပ်) မယ်” ဟု ပြောဆိုရာသမီးမှာ ကျောင်းသူ အသက် (၁၅) နှစ်ပဲ ရှိသေးသည့်အတွက် လက်မခံနိုင်ကြောင်း ဦးဝင်းညွန့်က ပြန်လည်ပြောဆိုရာ ၎င်းတို့မှာ အိမ်ပေါ်မှ ဆင်းသွားကြပြီး နောက်နေ့နံနက်တွင် သမီး မ . . . . မှာပအိုဝ်းဗုဒ္ဓဘာသာ စာသင်ကျောင်းသို့ တက်ရန်နှင့် သူငယ်ချင်းအိမ်တွင် အိပ်ရင်း စာကျက်မည်ဟုပြောကာ ထွက်သွားခဲ့ရာ နောက်သုံးရက်အကြာတွင် သားဖြစ်သူကျော် ဇေယျက အစ်မဖြစ်သူ မ . . . . မှာ ကျောင်းမတက်ကြောင်း ပြောပြ၍ စုံစမ်းခဲ့ရာ ခွန်တန် (ခ) ဇာတ်လိုက်၏ ယခင်ဘ၀မှ ဖခင်တော်စပ်သူဟု ရွာမှယုံကြည်လက်ခံထားသူ သန်းလေး၏ အိမ်တွင် မ . . . .  အား ခွန်တန် (ခ) ဇာတ်လိုက်က ခေါ်ယူထားကြောင်း သိရှိရသဖြင့် နိဗ္ဗာန်ဆော် လှထွန်း၏ နေအိမ်သို့ သွားရောက်ကာ သမီးနှင့် ခွန်တန် (ခ) ဇာတ်လိုက်အား သဘောမတူကြောင်း၊ သမီးဖြစ်သူမှာ ငယ်သေးသည့်အတွက် အိမ်ပြန်ပို့ပေးပါရန် ပြောဆိုရာ လှထွန်းက နောက်နေ့တွင် ပို့ပေးပါမည်ဟုပြော၍ နေအိမ်သို့ ပြန်လာခဲ့သော်လည်း ပြန်လည်ပို့အပ်ခြင်းမရှိ၍ ဇရစ်ချောင် ကျေးရွာအုပ်ချုပ်ရေးမှူး ဦးသန့်ဇင်ထံ သွားရောက်အကြောင်းကြားခဲ့ပြီး ဦးဝင်းညွန့်က အဖြစ်အပျက်အား သွားရောက်ရှင်းပြခဲ့ရာ အုပ်ချုပ်ရေးမှူး ဦးသန့်ဇင်က ယခင်နှစ်ကလည်း ၎င်းထိုင်းနိုင်ငံတွင် သွားရောက် အလုပ်လုပ်ကိုင်နေစဉ် သမီးကြီးဖြစ်သူ မ . . . .  အား ခွန်တန် (ခ) ဇာတ်လိုက်မှ လက်ချည်ခဲ့ပြီးပြီ ယခုလည်း အငယ်မကို လက်ချည်ပြန်ပြီဟု ပြောပြမှသာ သိရှိရကြောင်း ရဲမှတ်တမ်းများအရ သိရသည်။

အုပ်ချုပ်ရေးမှူးဖြစ်သူ ဦးသန့်ဇင်က ဦးဝင်းညွန့်ရှေ့တွင် လှထွန်းအားခေါ်ယူကာ မိဘသဘော မတူ၊   အရွယ်မရောက်သေးသည့် မိန်းကလေးအား အဓမ္မဘာ့ကြောင့် ဆောင်ရွက်သလဲဟု မေမြန်းရာ လှထွန်းက ခွန်တန် (ခ) ဇာတ်လိုက်၏ ယခင်ဘ၀မှ ဖခင်တော်စပ်သည့် သန်းလေးမှခိုင်းလို့ လုပ်ရကြောင်း ပြောသဖြင့် အုပ်ချုပ်ရေးမှူးက သန်းလေးထံ ချက်ချင်းဖုန်းဆက်၍ ခေါ်သဖြင့် ရောက်ရှိလာခဲ့ရာ ဦးသန့်ဇင်က ဖခင်သဘောမတူကြောင်း၊ ချက်ချင်းပြန်ပို့ပေးရန် ပြေဆိုရာမှ ယင်းနေ့ ည ၉ နာရီ ၁၅ မိနစ်တွင် သန်းလေး၊ ခွန်တန် (ခ) ဇာတ်လိုက်၏ ယာဉ်မောင်း မောင်ခင်၊ လှထွန်း၊ ၀င်းဗိုလ်၊ အောင်မြတ်စိုး၊ ဆင်ကြီးဆိုသူတို့က နေအိမ်သို့ လာရောက်ပို့အပ်ချိန်တွင် သန်းလေးက ဦးဝင်းညွန့်အား ဘုရားဝင်းအတွင်း နေထိုင်ပြီး ဘုရားစိတ်ဓာတ်  မရှိဘူးဟု ပြောဆိုသည့်အပြင် သမီးဖြစ်သူ မ . . . . နှင့် ဇနီးဖြစ်သူ ဒေါ်အေးဝင်းတို့က သဘောတူပါက ခင်ဗျားအနေနဲ့ သဘောတူရမယ်။ မနက်ဖြန် ၈နာရီ အကြောင်းပြန်ကြား ရန်ပြောဆိုလာသဖြင့် ဦးဝင်းညွန့်က မနက် မဟုတ်ဘူး။ အခုပဲ အကြောင်းပြန်မယ်။ လုံးဝ (လုံးဝ) သဘောမတူဘူး။ လက်မခံနိုင်ကြောင်း ပြတ်ပြတ်သားသားပြောဆိုကာ ခင်ဗျားတို့ ပြန်တော့ဟု မောင်းထုတ်ခဲ့ကြောင်း ရဲမှတ်တမ်းများအရ သိရသည်။

နောက်နေ့နံနက် ၇ နာရီခန့်တွင် သမီးဖြစ်သူ မ . . . . မှာ ဗုဒ္ဓဘာသာစာပေ သင်ကြားရန် ကျောင်းသို့ ထွက်သွားခဲ့ရာမှ နောက်နေ့အထိ ပြန်လည်ရောက်ရှိလာခြင်းမရှိသဖြင့် စုံစမ်းခဲ့ရာခွန်တန် (ခ) ဇာတ်လိုက်က     မ . . . . အား ၎င်း၏ ယာဉ်မောင်းမောင်ခင် မောင်းနှင်သည့် ယာဉ်ဖြင့် တောင်ကြီးမြို့သို့ ခေါ်သွားကြောင်း၊ ရက် ၂၀ ခန့်အကြာတွင် ခွန်တန် (ခ) ဇာတ်လိုက်နှင့်သမီးဖြစ်သူ   မ . . .  . တို့ ရွာသို့  ပြန်လည်ရောက်ရှိလာကာ လှထွန်းနှင့် ရွာသား ၁၀ ဦးခန့်က နေအိမ်သို့ ရောက်ရှိလာပြီး လက်ချည်ပွဲပြုလုပ်ရန် ပြောဆိုလာသဖြင့် ဦးဝင်းညွန့်က ခွင့်မပြုလိုသော်လည်း မတတ်သာ၍ လက်ထပ်ပွဲခွင့်ပြုပေးခဲ့ရပြီး လက်ထပ်ပြီးနောက် တစ်လခန့်အကြာတွင် သမီးဖြစ်သူ မ . . . . အား နေအိမ်တွင် မရှိခိုက် ပြန်ပို့ပေးခဲ့သဖြင့် အရွယ်မရောက်သေးသူ မ . . . . အား ခိုးယူသွားသူ ခွန်တန် (ခ) ဇာတ်လိုက်နှင့် လှထွန်း၊ သန်းလေး၊ ၀င်းဗိုလ်၊ အောင်မြတ်စိုး၊ ဆင်ကြီးနှင့် မောင်ခင်တို့အား ဥပဒေနှင့်အညီ ထိရောက်စွာ အရေးယူပေးပါရန် ဦးဝင်းညွန့်က တိုင်ကြားခဲ့ကြောင်း ရဲမှတ်တမ်းများအရ သိရသည်။

အဆိုပါဖြစ်စဉ်များနှင့် ပတ်သက်ပြီး ခွန်တန် (ခ) ဇာတ်လိုက်ပါ ခုနစ်ဦးအပေါ် သထုံမြို့မရဲစခန်းက (ပ) ၈၈၉/ ၂၀၁၇၊ ရာဇ သတ်ကြီးပုဒ်မ ၃၆၃/ ၃၆၆/ ၁၁၄ အရအမှု ဖွင့်အရေးယူထားကြောင်း သတင်းရရှိသည်။