အိုင်ယာလန်နိုင်ငံမှ တေးသံရှင်၊ ဂီတပညာရှင်နှင့် တေးသံရှင် ချစ်ကောင်းတို့ ပါဝင်တင်ဆက်မည့် Music For Myanmar ရန်ပုံငွေဂီတဖျော်ဖြေပွဲ ပြုလုပ်မည်

အိုင်ယာလန်နိုင်ငံမှ တေးသံရှင်တစ်ဦး၊ Trumpet Player တစ်ဦးနှင့် တေးသံရှင်ချစ်ကောင်းတို့ ပါဝင်တင်ဆက်မည့် Music For Myanmar ရန်ပုံငွေဂီတဖျော်ဖြေပွဲအား ပြုလုပ်မည်ဖြစ်ကြောင်း သိရသည်။ အဆိုပါဂီတ ဖျော်ဖြေပွဲကို စက်တင်ဘာ ၁၄ ရက်တွင် ရန်ကုန်မြို့ Chatrium Hotel ၌ ပြုလုပ်မည်ဖြစ်ကြောင်း သိရသည်။ ယင်းဂီတဖျော်ဖြေပွဲတွင် အိုင်ယာလန်တေးသံရှင် Shona Henneberry နှင့် Trumpet Player Niall O’ Sullivian တို့ပါဝင်တင်ဆက်မည်ဖြစ်ပြီး ဧည့်သည်တေးသံရှင်အဖြစ် တေးသံရှင် ချစ်ကောင်းက ပါဝင်ဖျော်ဖြေမည်ဖြစ်ကြောင်း သိရသည်။ Music For Myanmar ဂီတဖျော်ဖြေပွဲမှ ရရှိလာသည့် ရန်ပုံငွေများအား မေရီချက်ပ်မင်းကျောင်း၊ ချို့တဲ့သည့် ကလေးငယ်များနှင့် မိဘမဲ့ကလေးငယ်များအတွက် လှူဒါန်းမည်ဖြစ်ကြောင်း သိရသည်။

“Chatrium Hotel  နဲ့ Link for Aid တို့ ပူးပေါင်းတင်ဆက်တဲ့ပွဲပါ။ ဒီပွဲလေးက နှစ်စဉ်ကျင်းပခဲ့တာဖြစ်ပြီး ရန်ပုံငွေအဖြစ် တင်ဆက်ခဲ့တဲ့ဂီတပွဲလည်း ဖြစ်ပါတယ်။ ဒီပွဲမှာ အိုင်ယာလန်ကတေးသံရှင်တစ်ဦးနဲ့ Trumpet Player တစ်ဦးတို့ ပါဝင်တင်ဆက်ကြပါမယ်။ မြန်မာတေးသံရှင် ချစ်ကောင်းကလည်း ပါဝင်တင်ဆက်ပေးသွားမှာ ဖြစ်ပါတယ်။ ဂီတဖျော်ဖြေမှုအပြင် ဖက်ရှင်ရှိုးတွေအပါအ၀င် စိတ်ဝင်စားဖွယ်အစီအစဉ်များစွာလည်း ပါဝင်ပါမယ်။ ဒီပွဲလေးက ဖျော်ဖြေရေးအစီအစဉ်တွေအပြင် ပရဟိတလှူဒါန်းမှုတွေလည်း ပါဝင်ပါမယ်။ ရရှိလာတဲ့ အလှူငွေတွေကို မေရီချပ်မင်း၊ ဆင်းရဲချို့တဲ့တဲ့ ကလေးတွေ၊ မိဘမဲ့ကလေးတွေအတွက် လှူဒါန်းသွားပါမယ်။ ဒီလိုလှူဒါန်းရာမှာ ကိုယ့်ရဲ့တနိုင်တပိုင် ကုသိုလ်လည်း ဒီပွဲကို လာရောက်ခြင်းဖြင့် ပါဝင်နိုင်မှာပါ။ ဒါကြောင့် လာရောက်အားပေးဖို့လည်း ဖိတ်ခေါ်ချင်ပါတယ်” ဟု အဆိုပါဖျော်ဖြေပွဲနှင့် ပတ်သက်၍ တာဝန်ရှိသူတစ်ဦးက ဆိုသည်။

အိုင်ယာလန်တေးသံရှင်နှစ်ဦး၏ ဖျော်ဖြေမှု၊ ချစ်ကောင်းနှင့် အိမ့်ချစ်တို့၏ဖျော်ဖြေမှု၊ ဖက်ရှင်ရှိုးများပါဝင်မည့် ရန်ပုံငွေဖျော်ဖြေပွဲ ပြုလုပ်မည်

အိုင်ယာလန်တေးသံရှင်နှစ်ဦး၏ ဖျော်ဖြေမှု၊ တေးသံရှင်ချစ်ကောင်းနှင့် အိမ့်ချစ်တို့၏ ဖျော်ဖြေမှု၊ ဖက်ရှင်ရှိုးအစီအစဉ်များပါဝင်မည့်  ရန်ပုံငွေဖျော်ဖြေပွဲကို စက်တင်ဘာ ၁၄ ရက်တွင် ရန်ကုန်မြို့ Chatrium Hotel  ၌ပြုလုပ်မည်ဖြစ်ကြောင်း သိရသည်။ အဆိုပါရန်ပုံငွေ ဖျော်ဖြေပွဲအစီအစဉ်တွင် အိုင်ယာလန်နိုင်ငံမှ Trumpeter Niall O’ Sullivan နှင့် တေးသံရှင် Sho’na Henneberry တို့ကဖျော်ဖြေမည် ဖြစ်သည်။ ထို့အပြင် တေးသံရှင်ချစ်ကောင်းနှင့် အိမ့်ချစ်တို့သားအဖနှစ်ဦး၏ တေးသီချင်းများ ဖြင့်ဖျော်ဖြေတင်ဆက်မှုများလည်းပါဝင်မည် ဖြစ်သည်။

ယင်းဂီတဖျော်ဖြေပွဲတွင် အိုင်ယာလန် တေးသံရှင်နှစ်ဦးက classic ဂီတ၊ Jazz ဂီတများနှင့်ဖျော်ဖြေမည်ဖြစ်ကာ ထိပ်တန်းဒီဇိုင်နာများ၏ ဖက်ရှင်ရှိုးအစီအစဉ်များလည်းပါဝင်မည် ဖြစ်သည်။ ဖျော်ဖြေပွဲတွင်ရရှိလာသည့် အကျိုးအမြတ်များအား အကြားအာရုံချို့တဲ့သူများ၊ မိဘမဲ့ကလေးငယ်များနှင့်မသန်စွမ်း ကလေးငယ်များအတွက် ရန်ပုံငွေအဖြစ်လှူဒါန်းသွားမည်ဖြစ်ကြောင်း သိရသည်။

“ဒီအစီအစဉ်က နှစ်စဉ်ပြုလုပ်နေတဲ့ အစီအစဉ်တစ်ခုဖြစ်ပါတယ်။ အစီအစဉ်ကနေ ရလာတဲ့အကျိုးအမြတ်တွေကို အကြားအာရုံ ချို့တဲ့သူတွေ၊ မိဘမဲ့ကလေးတွေနဲ့ မသန်စွမ်း ကလေးတွေအတွက် ရန်ပုံငွေအဖြစ်လှူဒါန်းသွားမှာပါ။ ဒါကြောင့် ဒီပွဲလေးကို လာရောက်ပါဝင်ဆင်နွှဲရင်း ကုသိုလ်ပါဝင်ယူနိုင်မှာ ဖြစ်ပါတယ်။ လက်မှတ်ရောင်းချသွားမယ့် အစီအစဉ် တွေလည်းမကြာခင် ကြေညာပေးသွားပါမယ်” ဟု အဆိုပါဖျော်ဖြေပွဲနှင့်ပတ်သက်၍ စီစဉ်သူတစ်ဦးက ဆိုသည်။

အဆိုပါရန်ပုံငွေဂီတဖျော်ဖြေပွဲတွင် Stars International Event Production မှလည်း ပူးပေါင်းစီစဉ်သွားမည်ဖြစ်ကြောင်း သိရသည်။ ယင်းဖျော်ဖြေပွဲအတွက် လက်မှတ်ရောင်းချမည့်နှုန်းထားများနှင့် စတင်ရောင်းချမည့် နေ့ရက်များအား မကြာခင်ကြေညာပေးသွားမည် ဖြစ်သည်။ အိုင်ယာလန်အနုပညာရှင်နှစ်ဦးမှာ မြန်မာနိုင်ငံသို့ပထမဆုံးအကြိမ် လာရောက်မည်ဖြစ်သည်။         လင်းလင်းခိုင်