ချင်းတွင်းမြစ်ရေကြီးမှုကြောင့် အထက်ပိုင်းဒေသသို့ သုံးရက်ကြာ ရပ်နားထားသည့် အမြန်ရေယာဉ်များ အားလုံး ပြန်လည်ပြေးဆွဲခွင့်ပြု

ချင်းတွင်းမြစ်တွင်းသွား ရေယာဉ်များကို တွေ့ရစဉ်

စစ်ကိုင်းတိုင်းဒေသကြီး ချင်းတွင်းမြစ်ရေကြီးမှုကြောင့် အထက်ပိုင်းဒေသသို့ သုံးရက်ကြာ ရပ်နားထားသည့် အမြန်ရေယာဉ်များအားလုံး ပြန်လည်ပြေးဆွဲခွင့်ပြုထားကြောင်း တိုင်းဒေသကြီး ပုဂ္ဂလိက အမြန်ရေယာဉ်များ စနစ်တကျပြေးဆွဲရေး ကော်မတီဥက္ကဋ္ဌ ဦးအာကာမြင့်က ပြောကြားသည်။

အဆိုပါ အမြန်ရေယာဉ်များအားလုံး ပြေးဆွဲခွင့်ကို သြဂုတ် ၁၀ ရက်ကတည်းက အထက်ပိုင်းဒေသသို့ ပြေးဆွဲခွင့်အားခွင့် ပြုလိုက်ပြီဖြစ်ကြောင်း ပြီးခဲ့သည့် သြဂုတ် ၇ ရက်က စစ်ကိုင်းတိုင်းဒေသကြီး ချင်းတွင်းမြစ်ကမ်းတစ်လျှောက် မြို့နယ်အများအပြားမှာ စိုးရိမ်ရေမှတ်သို့ ရောက်လာနေခြင်းကြောင့် ချင်းတွင်းမြစ်အတွင်း ပြေးဆွဲနေသည့် အမြန်ရေယာဉ်များအား ရက်အကန့်အသတ်မရှိ ပြေးဆွဲမှုကို ရပ်နားခဲ့ခြင်းဖြစ်သည်။

“ချင်းတွင်းမြစ်ရေက ပြန်ကျသွားတဲ့အတွက် ဒီကနေ့ပဲ အမြန်ရေယာဉ်တွေအားလုံးကို ပြန်လည်ပြေးဆွဲခွင့် ပေးလိုက်တယ်။ ပြီးခဲ့တဲ့ သြဂုတ် ၇ ရက်ကတော့ ချင်းတွင်း မြစ်ထဲမှာ ပြေးဆွဲနေတဲ့ အမြန်ရေယာဉ်တွေ အားလုံးကို အားလုံးရဲ့ သဘောတူညီချက်နဲ့ ရက်အကန့်အသတ်မရှိ ရပ်နားခဲ့တာ” ဟု စစ်ကိုင်းတိုင်းဒေသကြီး ပုဂ္ဂလိက အမြန်ရေယာဉ်များ စနစ်တကျ ပြေးဆွဲရေးကော်မတီ ဥက္ကဋ္ဌ ဦးအာကာမြင့်က ဆက်လက်ပြောကြားသည်။

ချင်းတွင်းမြစ်အတွင်း ပြေးဆွဲနေသည့် အမြန်ရေယာဉ်များ၏ ခရီးစဉ်များသည် မုံရွာ -ကနီ-မင်းကင်း-ဖောင်းပြင်-မော်လိုက်-ကလေးဝ-ဟုမ္မလင်း-ခန္တီးနှင့် နမ့်တောခရီးစဉ်များ ဖြစ်ကြောင်း သိရသည်။

 

ချင်းတွင်းမြစ်ကြောင်းသွား ရေယာဉ်များအနေဖြင့် ရေကြီးချိန်ကာလအတွင်း မြစ်ကြောင်း တစ်လျှောက်ရှိ ၀ဲများကို သတိရှိစွာ မောင်းနှင်ရန် ထုတ်ပြန်

မင်းကင်းမြို့နှင့် ကလေးဝမြို့ကြားရှိ ချင်းတွင်းမြစ်အတွင်း ပေ၀ဲကို တွေ့ရစဉ် (ဓာတ်ပုံ-ချစ်ဇော်ဦး)

ချင်းတွင်းမြစ်အတွင်း ခုတ်မောင်းသွားလာ လျက်ရှိသော ရေယာဉ်များအနေဖြင့် မြစ်ရေမြင့်တက်လာပြီဖြစ်၍ မြစ်ကြောင်းတစ်လျှောက်ရှိ ရေ၀ဲများအား အထူးဂရုပြု ဖြတ်ကျော်မောင်းနှင်ကြရန် သတိပေး နှိုးဆော်အပ်ပါသည်ဟု မြန်မာ့ကမ်းရိုးတန်းနှင့် ပြည်တွင်းရေကြောင်း သယ်ယူပို့ဆောင်ရေးလုပ်ငန်း ကြီးကြပ်ရေးအဖွဲ့ စစ်ကိုင်းတိုင်းမှ ထုတ်ပြန်ထားခဲ့သည်။

“ဒီအချိန်က ရေတိုးမကြမ်းရင် ဘာမှမဖြစ်ပါဘူး။ ဒိုက် မများဘူး။ ရေတိုးမကြမ်းဘူး ဆိုရင်တော့ ၀ဲတွေက ပြဿနာ မရှိပါဘူး။ သတ်မှတ်ရေအထက် မရောက်ရင်တော့ ဘာမှ မဖြစ်ပေမယ့် ရေတိုးကြမ်းလာရင်တော့ အန္တရာယ်ရှိတယ်။ ရေတိုးကြမ်းမကြမ်း ဆိုတာက အောက်ရေလည်း မထောက်ဘူးလေ။ အထက်ပိုင်းကလည်း မိုးဒီလောက်ရွာတာလည်း မရှိဘူးလေ။ မိုးများပြီး ချင်းတွင်းမြစ်အတွင်းဝင်တဲ့ ချောင်းရေ၊ မြောင်းရေအစုံ ကျလာတဲ့အချိန် ဒိုက်အားကြီးစွာ ကျလာမှသာ ၀ဲဆင်းဝဲတက်တွေ အန္တရာယ်များတာပါ။ ဟိုနေ့က ဆန်သွားတဲ့ ကောင်တွေကတော့ ၀ဲတွေ ငြိမ်တယ်ပြောတယ်။ ကုန်တင်မော်တော်တွေကတော့ သတ်မှတ်ကုန်ချိန်အတိုင်းတင်ဖို့ ကုန်တင်လောဘမကြီးဖို့၊ ကုန်းပတ်ရေမလျှံရင်တော့ ဘာမှမဖြစ်ပါဘူး။ ကုန်းပတ်အောက် နှုတ်ခမ်းသတ်ရင်တော့ ပြဿနာမရှိပေမယ့် အောက်နှုတ်ခမ်းကနေ အပေါ်တွေ တက်နေမှ ပြဿနာရှိတာ။ ကုန်တင်မော်တော်တွေကိုလည်း မော်တော်ပိုင်တွေက လိုက်နာရမှာက ကိုယ့်ကုန်နဲ့ ချိန်ဆပြီးတော့ ၀ဲဆင်း၊ ၀ဲတက် လုပ်ဖို့လိုပါတယ်” ဟု ကုန်မော်တော်ပိုင်ရှင် ကိုဝင်းခိုင်က ပြောကြားသည်။

အဆိုပါရေ၀ဲများမှာ ရေစာရေးဝဲ (မုံရွာမြို့နှင့် ကနီမြို့ကြား၊ မုံရွာမှ ရေမိုင် ၁၉ မိုင်)၊ ၀က်သိုက်ဝဲ (ကနီမြို့နှင့် မင်းကင်းမြို့ကြား၊ မုံရွာမှ ရေမိုင် ၉၀ မိုင်)၊ ပေ၀ဲ ( မင်းကင်းမြို့နှင့် ကလေးဝမြို့ကြား၊ မုံရွာမြို့မှ ရေမိုင် ၁၄၄ မိုင်)၊ လောင်းဂရိတ်ဝဲ (ကလေးဝမြို့နှင့် မော်လိုက်မြို့ကြား၊ မုံရွာမြို့မှ ရေမိုင် ၁၆၀ မိုင်)၊ မစိန်ဝဲ (ကလေးဝမြို့နှင့် မော်လိုက်မြို့ကြား၊ မုံရွာမြို့မှ ရေမိုင် ၁၆၅ မိုင် )၊ ရွှေပုလ္လင်ဝဲ (မောင်လိုက်မြို့နှင့် ဖောင်းပြင်မြို့အကြား၊ မုံရွာမြို့မှရေမိုင် ၂၃၀ မိုင်)၊ ကတိုးဝဲ (ဟုမ္မလင်းမြို့နှင့် ခန္တီးမြို့အကြား၊ မုံရွာမြို့မှ ရေမိုင် ၄၄၇ မိုင်) တို့ ဖြစ်ကြသည်။

ချင်းတွင်းမြစ်အတွင်း သွားလာနေသော ခရီးသည်တင် ရှော်တယ်များ အနေဖြင့်လည်း ရေကြီးချိန်ခါတွင် ၀ဲအဆင်း အတက်များကို သတိကြီးစွာ မောင်းနှင်ရန် လိုအပ်ပြီး ခရီးသည်များကလည်း အမြန်ယာဉ် ရှော်တယ်များမှ ထုတ်ပြန်ထားသော စည်းကမ်းချက်များကို လိုက်နာကြရန် လိုအပ်သည်ဟု သိရသည်။

“လူစီးရှော်တယ်တွေကတော့ သတ်မှတ်အတိုင်း တင်ရတော့ မှောက်စရာတော့ အကြောင်းမရှိပါဘူး။ ၀ဲဆင်းဝဲတက် အကွေ့တွေမှာ ဟွန်းတီးကြဖို့၊ ခရီးသည်တင် ရှော်တယ်တွေ ၀ဲဆင်းဝဲတက် လုပ်တော့မယ် ဆိုရင်တော့ ခရီးသည်တွေက ကိုယ့်နေရာကိုယ် ထိုင်နေကြဖို့ လိုပါတယ်။ ခရီးသည်တွေဘက်ကလည်း အန္တရာယ်နဲ့ မောင်းနေတဲ့ အချိန်မှာ အေးဆေးစွာ ကိုယ့်နေရာကိုယ် ထိုင်နေကြဖို့ မလိုအပ်ဘဲ ကုန်းပတ်ပေါ် မထွက်ဖို့ ခရီးသည်တွေ လိုက်နာရမှာပေါ့။ ခရီးသည်တွေက ၀ဲတက်နေတဲ့ အချိန်မှာ ဟိုဘက်ထွက်လိုက် ဒီဘက်ထွက်လိုက်၊ သွားလိုက် လာလိုက်နဲ့ဆိုရင် မော်တော်က လှုပ်တာပဲလေ။ ဗွက်နဲ့ဆိုရင် မော်တော်က ဟိုဘက်၊ ဒီဘက်ယိမ်းတာပဲ၊ အဲဒီအချိန်လိမ့်ကျရင်တော့ ခရီးသည်တစ်ဦးအတွက် အုတ်အော်သောင်းတင်း ဖြစ်သွားမှာပဲလေ။ ကိုယ်လည်းခရီးစဉ် ချောချောမောမောရောက်တယ်။ ကိုယ့်စည်းကမ်းပိုင်းဆိုင်ရာ လေးတွေလည်း လိုက်နာမယ်ဆိုရင် ကောင်းတာပေါ့။ ၀ဲအတက်မှာ တစ်စင်းနဲ့ တစ်စင်း စောင့်ပြီးတက်ဖို့၊ ၀ဲအတက်မှာ တစ်စင်းနဲ့ တစ်စင်း စောင့်ပြီးတော့မှ တက်ဖို့၊ တစ်ခါတလေ ၀ဲတက်မှာ ကုန်မော်တော်တွေက တက်နေတုန်း အမြန်ယာဉ် ရှော်တယ်တွေက နောက်ကနေ လှိမ့်ကျော်တက်တာတွေရှိတယ်။ ဒါတွေ ရှောင်ကြဉ်သင့်ပါတယ်။ အစုန်အဆန် ရှောင်တာက ပြဿနာမရှိဘူး။ ကုန်မော်တော်တွေကတော့ ရှေ့ရေယာဉ်နဲ့ နောက်ရေယာဉ်ကို တစ်စင်းနဲ့တစ်စင်း ၀ဲသတင်းကို ချိတ်ဆက်ပြီး စုံစမ်းမေးမြန်းသွားဖို့ လိုပါတယ်” ဟု ကိုဝင်းခိုင်က ပြောကြားသည်။

ချင်းတွင်းမြစ် အတွင်းရှိ ၀ဲများတွင် ရွှေစာရေးဝဲ၊ ပေ၀ဲ၊ လောင်းဂရိတ်ဝဲများသည် အဆိုးဆုံးဖြစ်ပြီး ရေကြီးချိန်နှင့် မြစ်ရေအတက်အကျ အပြောင်းအလဲရှိချိန်များတွင် ရေယာဉ်များအနေနှင့် ဂရုစိုက် သွားလာမောင်းနှင် သင့်သည်ဟု သိရသည်။

ချင်းတွင်းမြစ်နှင့် ဧရာဝတီမြစ်အတွင်း တရားမ၀င်လုပ်ငန်းများ ထိန်းချုပ်နိုင်ရေးအတွက် မြို့နယ်ငါးခုတွင် ရေကြောင်းရဲတပ်ဖွဲ့ ဖွဲ့စည်းတာဝန်ချထားမည်ဟု စစ်ကိုင်းတိုင်း လမ်းပန်းဆက်သွယ်ရေးဝန်ကြီး ပြောကြား

စစ်ကိုင်းတိုင်းဒေသကြီးရှိ ချင်းတွင်းမြစ်နှင့် ဧရာဝတီမြစ်အတွင်း တရားမ၀င်လုပ်ငန်းများ ထိန်းချုပ်နိုင်ရေးအတွက် မြို့နယ်ငါးခုတွင် ရေကြောင်းရဲတပ်ဖွဲ့ ဖွဲ့စည်းတာဝန်ချထားမည်ဟု တိုင်းအစိုးရအဖွဲ့ဝင် လျှပ်စစ်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးသန်းညွန့်ဝင်းက ပြောကြားသည်။

ယင်းကဲ့သို့ မြို့နယ်ငါးခုအတွင်း ရေကြောင်းရဲတပ်ဖွဲ့စည်းကာ တာဝန်ချထားရခြင်း၏ အဓိက ရည်ရွယ်ချက်သည် ချင်းတွင်းမြစ်နှင့် ဧရာဝတီမြစ်အတွင်း တရားမ၀င်လုပ်ငန်း လုပ်ကိုင်နေမှုအား ထိထိရောက်ရောက် ဟန့်တားအရေးယူနိုင်ရေးအတွက် ရေကြောင်းရဲတပ်ဖွဲ့များ ဖွဲ့စည်း တာဝန်ချထားပေးမည်ဖြစ်ကြောင်း ၎င်းက ဆက်လက် ပြောကြားသည်။

“ချင်းတွင်းမြစ်မှာက အားလုံးသိတဲ့အတိုင်းပဲ။ ရေယာဉ်တွေကလည်းများတယ်။ ကုန်တင်ရေယာဉ်တွေကလည်း များတယ်။ အထူးသဖြင့် ဒီလို ရေနက်ရာသီမှာ သစ်ဖောင်တွေ၊ ၀ါးဖောင်တွေ စုန်မျောလာတာတွေကလည်း များတယ်။ အထူးသဖြင့် ကျွန်တော်တို့ စစ်ကိုင်းတိုင်းရဲ့ အထက်အညာမှာရှိတဲ့ တရားမ၀င် ရွှေတူးဖော်မှုတွေ၊ တရားမ၀င်သစ် ခိုးထုတ်မှုတွေကို ပပျောက်ဖို့ဆိုရင် လက်ရှိလတ်တလော ဆောင်ရွက်နေတဲ့ ရစကတွေနဲ့ မလုံလောက်ပါဘူး။ ဒါကြောင့် ချင်းတွင်းမြစ်နဲ့ ဧရာဝတီမြစ်အနီးက မြို့နယ်ငါးခုမှာ ရေကြောင်းရဲတပ်ဖွဲ့ ဖွဲ့စည်းပြီးတော့ တာဝန်ချထားပေးမယ်” ဟု ဦးသန်းညွန့်ဝင်းက ပြောကြားသည်။

ရစကနှင့် ရေယာဉ်များ စစ်ဆေးရေးအဖွဲ့များသည် ရေယာဉ်များအား စနစ်တကျ ပြေးဆွဲနိုင်ရေးအတွက်သာ ၎င်းတို့က ဆောင်ရွက်နိုင်ကြောင်း၊ တရားမ၀င်သစ်မှောင်ခိုမှု၊ တရားမ၀င် ရွှေခိုးထုတ်လုပ်မှုနှင့် တရားမ၀င် မူးယစ်ဆေးဝါး မှောင်ခိုမှုစသည့်ကိစ္စများကို ထိန်းချုပ်သည့်နေရာတွင် မြန်မာနိုင်ငံရဲတပ်ဖွဲ့ လိုအပ်ကြောင်း၊ ထို့ကြောင့် မြန်မာနိုင်ငံရဲတပ်ဖွဲ့၏ လက်ခွဲဖြစ်သည့် ရေကြောင်းရဲဖွဲ့စည်းတာဝန် ချထားနိုင်ရေးအတွက် နေပြည်တော်မှ စစ်ကိုင်းတိုင်းဒေသကြီး အစိုးရအဖွဲ့ထံ အကြောင်းကြားလာကြောင်း ဦးသန့်ညွန့်ဝင်းက ပြောကြားသည်။

ချင်းတွင်းမြစ်နှင့် ဧရာဝတီမြစ်အတွင်း တရားမ၀င်လုပ်ငန်းများအား ထိန်းချုပ်နိုင်ရေးအတွက် မြို့နယ်ငါးခုတွင် ရေကြောင်းရဲတပ်ဖွဲ့ ဖွဲ့စည်းကာ တာဝန်ချထားမည့် မြို့ငါးခုသည် ဧရာဝတီမြစ်အနီးရှိ ကသာမြို့၊ ချင်းတွင်းမြစ်အနီးရှိ ဟုမ္မလင်းမြို့၊ ကလေးဝမြို့၊ မော်လိုက်မြို့နှင့် မုံရွာမြို့တို့ဖြစ်ကြောင်း စစ်ကိုင်းတိုင်းဒေသကြီး အစိုးရအဖွဲ့ဝင် လျှပ်စစ်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးသန်းညွန့်ဝင်း၏ ပြောကြားချက်အရ သိရသည်။

ချင်းတွင်းမြစ်ရေနှင့် ကုလားတန်မြစ်ရေ နောက်နှစ်ရက်အတွင်း ဟုမ္မလင်းမြို့နှင့် ကျောက်တော်မြို့များတွင် အနည်းဆုံး နှစ်ပေမှ ငါးပေအထိ မြင့်တက်လာနိုင်ကြောင်း မိုးဇလ ထုတ်ပြန်

ချင်းတွင်းမြစ်ရေနှင့် ကုလားတန်မြစ်ရေသည် နောက်နှစ်ရက်အတွင်း ဟုမ္မလင်းမြို့နှင့် ကျောက်တော်မြို့များတွင် အနည်းဆုံး နှစ်ပေမှ ငါးပေအထိ မြင့်တက်နိုင်ကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ဇွန် ၁၃ ရက်တွင် ထုတ်ပြန်ထားသည်။ ထုတ်ပြန်ချက်တွင် ချင်းတွင်းမြစ်ရေသည် ဟုမ္မလင်းမြို့တွင် ယင်းမြို့၏ စိုးရိမ်ရေမှတ်အောက် ငါးပေခန့်တွင် ရောက်ရှိနေကြောင်း၊ အဆိုပါမြစ်ရေသည် နောက်နှစ်ရက်အတွင်း ယင်းမြို့၏ စိုးရိမ်ရေမှတ်သို့ ရောက်ရှိနိုင်ကြောင်း သိရသည်။

ထို့ပြင် ကုလားတန်မြစ်ရေသည် ကျောက်တော်မြို့တွင် ယင်းမြို့၏ စိုးရိမ်ရေမှတ်အောက် နှစ်ပေခန့်တွင် ရောက်ရှိနေပါသည်။ အဆိုပါမြစ်ရေသည် နောက်နှစ်ရက်အတွင်း ယင်းမြို့၏ စိုးရိမ်ရေမှတ်သို့ ရောက်ရှိနိုင်ကြောင်း သိရသည်။

ထို့ကြောင့် ဟုမ္မလင်းမြို့နယ်နှင့် ကျောက်တော်မြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်း နေထိုင်သူများအနေဖြင့် အထူးသတိပြု နေထိုင်ရန် မိုးဇလမှ ထုတ်ပြန်ထားသည်။

ယခုရက်ပိုင်းအတွင်း မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ရခိုင်ပြည်နယ် နှင့် ကယားပြည်နယ်တို့တွင် မိုးသည်းထန်စွာ ရွာသွန်းမှုကြောင့် တံတားများ ကျိုးကျခြင်း၊ လမ်းများ ပျက်စီးပြတ်တောက်မှုများ ဖြစ်ပွားခဲ့ပြီး လူသေဆုံးမှုများလည်း ရှိခဲ့ကြောင်း သိရသည်။

မိုးတွင်းကာလ ဇွန်လမှ အောက်တိုဘာလအတွင်း မြစ်ရေကြီးမှု ဖြစ်ပေါ်လေ့ရှိပြီး၊ ဇူလိုင်လနှင့် သြဂုတ်လတို့တွင် အဖြစ်များကြောင်း၊ မိုးတွင်းကာလ၌ မြစ်ဝှမ်းဒေသတွင် အချိန်ကြာကြာ မိုးသည်းထန်စွာ ရွာသွန်းခြင်း၊ မုန်တိုင်းဖြတ်ကျော် ၀င်ရောက်စဉ် မိုးထစ်ချုန်း ရွာသွန်းခြင်း၊ မြစ်ဖျားဒေသတွင် မိုးသည်းထန်စွာ ရွာသွန်းခြင်း၊ ဆည်၊ ရေကာတာကြီးများ ကျိုးပေါက်ခြင်းများကြောင့် မြစ်ရေကြီးတတ်ကြောင်းလည်း သိရသည်။

၂၀၁၅ ခုနှစ် နောက်ပိုင်းမှ စတင်ကာ မြန်မာနိုင်ငံတွင် မိုးသည်ထန်စွာ ရွာသွန်းသည်နှင့် မြစ်ရေကြီးခြင်း၊ ရေကြီးရေလျှံမှုများ ဖြစ်ပွားနေပြီး ယင်းကဲ့သို့ ဖြစ်ပွားမှုသည် သစ်တောများ နည်းပါးလာမှုကြောင့် ဖြစ်ကြောင်း သဘာဝပတ်ဝန်းကျင် ပညာရှင်များက ပြောကြားထားသည်။

ဥရုမြစ်၏ အဓိကချောင်းလက်တက်ဖြစ်သော ချောင်းကြီးချောင်းအတွင်း တရားမ၀င် ရွှေတူးဖော်သည့် လုပ်ငန်း ထောင်ဂဏန်းခန့်ရှိနေပြီး ထိရောက်စွာ စစ်ဆေး အရေးယူပေးရန် တိုင်းအစိုးရထံ တင်ပြ

ချောင်းကြီးချောင်းအတွင်း တရားမ၀င်ရွှေတူးဖော်နေစဉ်

ဥရုမြစ်၏ အဓိကချောင်းလက်တက် ဖြစ်သော ချောင်းကြီးချောင်းအတွင်း တရားမ၀င်ရွှေတူးဖော်သည့် လုပ်ငန်းထောင်ဂဏန်းခန့်ရှိနေပြီး ထိရောက်စွာ စစ်ဆေးအရေးယူပေးရန် တိုင်းဒေသကြီးအစိုးရထံ တင်ပြထားကြောင်း သိရသည်။

စစ်ကိုင်းတိုင်းဒေသကြီး ဟုမ္မလင်းမြို့နယ်အတွင်းရှိ ချောင်းကြီးချောင်း ဖြတ်သန်းစီးဆင်းရာ ဟဲဖက်ကျေးရွာအနီးတွင် ချောင်းအတွင်း တရားမ၀င်ရွှေတူးဖော်သည့်လုပ်ငန်း ထောင်ဂဏန်းခန့်ရှိနေပြီး မြို့နယ်အဆင့်အနေဖြင့် အရေးယူရန် ခက်ခဲမှုများ ရှိနေသောကြောင့် တိုင်းဒေသကြီးအစိုးရအနေဖြင့် ထိရောက်စွာအရေးယူပေးရန် တင်ပြထားကြောင်း ဟုမ္မလင်းမြို့နယ် တိုင်းဒေသကြီးလွှတ်တော် ကိုယ်စားလှယ် ဦးကျော်ဌေးလွင်က ပြောကြားသည်။

“တရားမ၀င်မျော (ရွှေတူးဖော်သည့်လုပ်ငန်းများ) တွေက အများကြီးပဲ။ ထောင်ဂဏန်းလောက်ရှိမယ်။ ချောင်းဘေးမှာ မဟုတ်ဘဲ ချောင်းထဲမှာကို ဆင်းပြီးလုပ်နေကြတာ။ အကုန်လုံးချောင်းထဲမှာပဲ။ ဖြစ်ချင်သလို ဖြစ်နေကြတာ။ မျောတွေ အများကြီးဆိုတော့ မြို့နယ်အနေနဲ့လည်း မတတ်နိုင်တော့ဘူး။ လုပ်နေတဲ့ လူကအများကြီးဆိုတော့ သွားဖမ်းမယ်ဆိုရင် လုံခြုံရေးကအစ စိုးရိမ်နေရတယ်။ ဟိုတစ်ခါသွားဖမ်းတော့ ချုံထဲကနေစောင့်နေကြတာ။ နောက်ပြီး ဖမ်းခဲ့ပြီဆိုရင် မျောတိုက်တဲ့ စက်ပစ္စည်းတွေကို သယ်ဖို့ ကားတွေငှားရတာ၊ စက်ပစ္စည်းတွေကို သယ်ယူဖို့လူအင်အားနဲ့သယ်ယူစရိတ်ကအစ အခက်အခဲရှိ တယ်။ ကားငှားရင်လည်း ဘယ်ကားမှမလိုက်ချင်ကြဘူး။ ဌာနဆိုင်ရာတွေလည်း အဲဒီအခက်အခဲတွေရှိတာပေါ့။ ဌာနဆိုင်ရာဘက် ကလည်း ဒီလိုအခက်အခဲတွေ ရှိနေပြီး မျော တွေကလည်း အများကြီးဆိုတော့ ချက်ချင်းကြီးတော့ ဖြေရှင်းလို့မရနိုင်ဘူး။ ဒါကြောင့် စီမံကိန်းနဲ့သေချာစိစစ်ပြီး စနစ်တကျ အရေးယူပေးဖို့ တိုင်းဒေသကြီးအစိုးရကို တယ်။ ပြည်သူ့လွှတ်တော်မှာလည်း တင်ပြပေးဖို့ ဟုမ္မလင်းမြို့နယ် ပြည်သူ့ လွှတ်တော် ကိုယ်စားလှယ်ကို တင်ပြခိုင်းထားတယ်” ဟု ဦးကျော်ဌေးလွင်က ပြောကြားသည်။

ချောင်းအတွင်းရှိ တရားမ၀င်ရွှေတူးဖော်သည့် လုပ်ငန်းများကို ဒေသခံများက စုပေါင်းကန့်ကွက်သင့်ပြီး စွန့်ပစ်မြေစာများ နှင့်ရေဆိုးများကြောင့် လယ်မြေများပျက်စီးနေကြောင်း ဦးကျော်ဌေးလွင်က ဆက်လက် ပြောကြားသည်။

“အဓိက ပြောချင်တာက ဒေသခံတို့၊ အုပ်ချုပ်ရေးမှူးတို့ သူတို့က အစကတည်းက စုပေါင်းပြီး ကန့်ကွက်ခဲ့ရင်  အခုလောက်ကြီး မဆိုးဝါးနိုင်ဘူး။ သူတို့က အဲဒီမှာနေတဲ့ လူတွေလေ။ အခုတော့ ဒီတိုင်းဆက်လုပ်နေရင် အဲဒီနားက ရွာတွေပျက်တော့မှာ။ မိုးတွင်းရေ ကြီးလာရင် ရေက စီးစရာနေရာ မရှိတော့ဘူး။ ဘေးနားကတွေ အကုန်မြုပ်မှာပဲ။ အခုကိုပဲ အနီးအနားက လယ်တွေပျက်ကုန်ပြီ။ မျောတွေက တိုက် စွန့်ပစ်မြေစာနဲ့ ရေဆိုးတွေက လယ်ထဲကိုဝင် လယ်က ပျက်တယ်။ အဲဒါကို မျောတိုက်မယ့်လူက ပိုက်ဆံနဲ့ ပေါက်လို့ ၀ယ်တယ်။ ဒေသခံတွေကလည်း လယ်တွေပျက်တဲ့အတူတူ မထူးဘူးဆိုပြီး ပြန်ရောင်းလိုက်ရတယ်။  ဒီလိုနဲ့ပဲ လယ်တွေလည်း ကုန်တော့မှာ”  ဟု ဦးကျော်ဌေးလွင်က ပြောကြားသည်။

ဒေသခံများအနေဖြင့် ကန့်ကွက်လိုသော်လည်း အသက်အန္တရာယ် စိုးရိမ်ရမှုများ ရှိနေကြောင်း သိရသည်။

“ကျွန်တော်တို့ကတော့ သဘောမတူဘူး။ ဒါပေမယ့် ပေါ်ပေါ်ထင်ထင်ကြီးလည်း မပြောရဲဘူး။ ဒါကို ကန့်ကွက်တဲ့လူတစ်ယောက် ၂၀၁၇ နှစ်ကုန်ပိုင်းလောက်ကပဲ အသတ်ခံလိုက်ရတယ်။ သတ်တဲ့လက်သည်လည်း မပေါ်ဘူး။ အဲဒီလိုဖြစ်ပြီးကတည်းက ဘယ်သူမှ သိပ်မပြောရဲကြတော့ဘူး။ အခုဆိုရင် လယ်တွေလည်းတဖြည်းဖြည်းပျက်ကုန်ပြီ။ ချောင်းလည်းပျက်နေပြီ။ ချောင်းရေက အောက်ကိုမစီးတော့ဘူး။ အလယ်မှာပဲ အိုင်နေတာ။ တချို့နေရာမှာဆိုရင် အထက်ကိုတောင် ပြန်စီးနေတာ။ လာမယ့်မိုးရာသီ ရေကြီးရင်တော့ ချောင်းကြီးတစ်လျှောက်က ရွာတွေ အကုန် ဒုက္ခရောက်မှာသေချာတယ်”  ဟု ဟဲဖက်ကျေးရွာသားတစ်ဦးက ပြောကြားသည်။

ချောင်းကြီးချောင်းသည် ချင်းတွင်းမြစ်၏ အဓိကချောင်းလက်တက်ဖြစ်သော ဥရုချောင်း၏ အကြီးဆုံး အဓိက ချောင်းလက်တက်ဖြစ်ကြောင်း သိရသည်။