ရခိုင်ပြည်နယ်နှင့် ဆက်စပ်နေသည့် ဧရာဝတီတိုင်းဒေသကြီး၌ ယခုနှစ် ပထမခြောက်လအတွင်း ခိုးဝင်ဘင်္ဂါလီ ဖမ်းဆီးရမိမှု ယခင်ထက်ပိုများ

ရခိုင်ပြည်နယ်နှင့် ဆက်စပ်လျက်ရှိသည့် ဧရာဝတီတိုင်းဒေသကြီး၌ ယခုနှစ်ပထမခြောက်လပတ်အတွင်း ခိုးဝင်ဘင်္ဂါလီ ဖမ်းဆီးရမိမှု ယခင်ထက် ပိုမိုများပြားခဲ့ကြောင်း သိရသည်။

တိုင်းရဲတပ်ဖွဲ့ထံမှ ရရှိသည့် စာရင်းအရ ဧရာဝတီတိုင်းဒေသကြီး၌ ၂၀၁၈ ခုနှစ် ဇန်န၀ါရီမှ ဇွန်အထိ ပထမခြောက်လပတ်အတွင်း ဘင်္ဂါလီ ၃၈ ဦး ဖမ်းဆီးရမိခဲ့ကြောင်း သိရသည်။

“၂၀၁၈ မှာ ဘင်္ဂါလီတွေကို ဖမ်းဆီးရမိမှုက ၂၀၁၇ ပထမ ခြောက်လပတ်ထက်စာရင် ပိုပါတယ်။ ဒီနှစ်မှာ အားလုံးပေါင်း အမှုသုံးမှု၊ ကျား ၂၅ ဦး၊ မ ၁၃ ဦး ဖမ်းဆီးရမိခဲ့ပြီး တရားစွဲဆိုထားပါတယ်။ မနှစ်ကဆိုရင် တစ်မှုပဲမိပြီး ကျား ၁၂ ဦး တရားစွဲဆိုနိုင်ခဲ့ပါတယ်” ဟု ဧရာဝတီတိုင်းဒေသကြီး ရဲတပ်ဖွဲ့မှ ဒုရဲမှူးကြီး ခင်မောင်လတ်က ပြောကြားသည်။

အဆိုပါ ခိုးဝင်ဘင်္ဂါလီများကို ရခိုင်ပြည်နယ်ဘက်မှ ဧရာဝတီတိုင်း ၀င်ပေါက် စစ်ဆေးရေးဂိတ်များနှင့် ရန်ကုန်ဘက်အထွက် ညောင်တုန်းမြို့နယ်တို့၌ ဖမ်းဆီးရမိခဲ့ခြင်းဖြစ်ကြောင်း သိရသည်။

“မနှစ်ကမိတာ ရေနံ့သာဂိတ်၊ ဒီနှစ်မှာတော့ ဘက်ရဲဘက်မှာရှိတဲ့ စစ်ဆေးရေးဂိတ်ရော၊ ဒီဘက် ညောင်တုန်းမှာရော၊ ညောင်တုန်းတံတား စစ်ဆေးရေးဂိတ်မှာ တောက်လျှောက် ခိုးဝင်ဘင်္ဂါလီတွေကို ဖမ်းဆီးရမိပါတယ်။ သက်ဆိုင်ရာ စစ်ဆေးရေးဂိတ်တွေမှာလည်း အမြဲမပြတ် စောင့်ကြည့် စစ်ဆေးပြီး ဖမ်းဆီးဆောင်ရွက်ပါတယ်။ အချို့နေရာတွေမှာ ဆင့်ကဲဆင့်ကဲ ကြပ်မတ်မှု အားနည်းရင်လည်း အားနည်းတဲ့ စစ်ဆေးရေးဂိတ်တွေကို အရေးယူ ဆောင်ရွက်မှုတွေလည်း ပြုလုပ်ခဲ့ပါတယ်” ဟု ၎င်းက ဆက်လက်ပြောကြားသည်။

ခိုးဝင်ဘင်္ဂါလီများ ၀င်ရောက်မှု ပုံစံအခြေအနေနှင့် ပတ်သက်၍ “စစ်ဆေး တွေ့ရှိချက်မှာတော့ အများစုက ရခိုင်ပြည်နယ်ဘက်က နေလာပါတယ်။ လာပြီးတော့ရန်ကုန်ကို အဓိကသွားပါတယ်။ တချုိ့လူတွေကတာ့ ကားတွေနဲ့တောက်လျှောက် ခိုအောင်းပြီး လိုက်ပါလာသလို တချို့ကျတော့လည်း လမ်းလျှောက်ပြီးတော့မှလာတယ်။ ဒီဘက်တွေ ရောက်တဲ့အခါ ကားစီးတယ်။ သူတို့ရဲ့သွားလာပုံ အနေအထားကတော့ တစ်ဖွဲ့နဲ့ တစ်ဖွဲ့မတူပါဘူး” ဟု ဒုရဲမှူးကြီး ခင်မောင်လတ်က ဆက်လက် ပြောကြားသည်။

ဘင်္ဂါလီများ ထပ်မံခိုးဝင်မှု ရှိ၊ မရှိ ကြပ်မတ်စစ်ဆေးလျက်ရှိပြီး ရခိုင်ပြည်နယ်နှင့် ဆက်စပ်လျက်ရှိသည့် ဧရာဝတီတိုင်းဒေသကြီး ၀င်ပေါက်စစ်ဆေးရေးဂိတ်များတွင်လည်း အဖွဲ့စုံဖြင့် အဓိကထား စောင့်ကြည့်စစ်ဆေးမှုများ ဆောင်ရွက်လျက်ကြောင်း သိရသည်။

“အဓိကကတော့ ရခိုင်ပြည်နယ်နဲ့ နယ်စပ်ဖြစ်တဲ့ ဂွမြို့နယ်နဲ့ ရေကြည်မြို့နယ်အစပ် ရေနံ့သာဂိတ်နဲ့ ဟိုဘက်မှာတော့ ပုသိမ်-မုံရွာ လမ်းဘက် ရဲစစ်ဆေးရေးဂိတ်တွေမှာ အဓိကထားပြီးတော့ ဘင်္ဂါလီတွေ ၀င်လာနိုင်တဲ့နေရာဖြစ်တဲ့အတွက် ဒါကိုတော့ အဓိကထားပြီး စစ်ဆေးနေပါတယ်။ စစ်ဆေးရေးဂိတ်တွေမှာတော့ အဖွဲ့စုံပါပဲ ပူးပေါင်းပြီးတော့ လ.၀.က လည်းပါပါတယ်။ ကျွန်တော်တို့ ရဲတပ်ဖွဲ့ဝင်တွေရော၊ သစ်တော၊ မူးယစ်၊ အထွေထွေ အုပ်ချုပ်ရေးဦးစီးဌာန စုပေါင်းစစ်ဆေးမှုတွေ ပြုလုပ်ပါတယ်။ ဒီအပေါ်မှာ ပေါ့လျော့မှု ဆောင်ရွက်ရင်တော့ သူ့ရဲ့ ဌာနဆိုင်ရာအလိုက် ကျွန်တော်တို့ ရဲတပ်ဖွဲ့ဆိုရင်လည်း ရဲတပ်ဖွဲ့၊ အခြားသော ဌာနဆိုရင်လည်း သူ့ဌာနနဲ့သူ အရေးယူ ဆောင်ရွက်မှုတွေ ပြုလုပ်ခဲ့ပါတယ်” ဟု ဒုရဲမှူးကြီး ခင်မောင်လတ်က ပြောကြားသည်။

ညောင်တုန်းမြို့နယ်၌ ဖမ်းဆီးရမိသော ဘင်္ဂါလီများ ဖြတ်ကျော်ဝင်ရောက်လာသည့် ရခိုင်ပြည်နယ်ဘက်မှ ဧရာဝတီတိုင်းသို့ ၀င်ပေါက် စစ်ဆေးရေးဂိတ် တာဝန်ကျ ရဲအရာရှိ နှစ်ဦးနှင့် အခြားအဆင့် ခြောက်ဦးကို ရဲတပ်ဖွဲ့က တာဝန်ပေါ့လျော့မှုဖြင့် အရေးယူထားကြောင်း သိရသည်။

ကံမမြို့နယ်တွင် သုံးရက်အတွင်း ရခိုင်ပြည်နယ်ဘက်မှ ခိုးဝင်လာသည့် ဘင်္ဂါလီ ၁၂ ဦး ဖမ်းမိ

ဖမ်းဆီးရမိသည့် ဘင်္ဂါလီအချို့ကို တွေ့ရစဉ်

မကွေးတိုင်းဒေသကြီး ကံမမြို့နယ်တွင် ဇွန်၂၁ ရက်နှင့် ၂၃ ရက်များက ရခိုင်ပြည်နယ်ဘက်မှ ခိုးဝင်လာသည့် ဘင်္ဂါလီ ၁၂ ဦး ဖမ်းဆီးရမိခဲ့ကြောင်း သတင်းရရှိသည်။

ဇွန်၂၁ ရက် ညနေပိုင်းက ကံမမြို့နယ် ကြို့ပင်ကျေးရွာအုပ်စု အထက်မီးပေါက် ကျေးရွာအနီးရှိ တောအုပ်အတွင်း သတင်းပေးချက်အရ ခိုးဝင်ဘင်္ဂါလီများ ရောက်ရှိနေကြောင်း သိရှိခဲ့ရပြီး ရဲတပ်ဖွဲ့မှ သွားရောက် ဖမ်းဆီးခဲ့ရာ ဘင်္ဂါလီလူမျိုး အမျိုးသား ကိုးဦးနှင့် အမျိုးသမီး နှစ်ဦး၊ စုစုပေါင်း ၁၁ ဦးတို့ကို လမ်းပြခေါ်ဆောင်လာသူ လေးဦးနှင့်အတူ တွေ့ရှိဖမ်းဆီးရမိခဲ့ခြင်း ဖြစ်ကြောင်း သိရသည်။

ဖမ်းဆီးရမိသည့် ဘင်္ဂါလီများမှာ ရခိုင်ရိုးမကိုဖြတ်ပြီး ၀င်ရောက်လာခြင်းဖြစ်ကြောင်း သိရသည်။

“ဇွန် ၂၁ရက်က ဘင်္ဂါလီ ၁၁ ဦးနဲ့ အခကြေးငွေယူပြီး လိုက်ပါပို့ဆောင်သူ လေးဦး ဖမ်းမိခဲ့ပါတယ်။ ရခိုင်ပြည်နယ်ဘက်ကနေ ရိုးမကိုဖြတ်ပြီး ၀င်လာကြတာပါ။ သူတို့က ရန်ကုန်ကိုသွားပြီး အလုပ်လုပ်ဖို့ လာကြတယ်လို့ ကနဦး စုံးစမ်းသိရပါတယ်။ ဒီနေ့ (ဇွန် ၂၃ ရက်) နံနက်ပိုင်းကလည်း ဘင်္ဂါလီတစ်ယောက် ထပ်မိပါတယ်။ သူတို့အားလုံးကိုအမှုဖွင့် စစ်ဆေးမှုတွေ လုပ်နေပါတယ်” ဟု ကံမမြို့နယ် ရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။

လက်ရှိတွင် ဖမ်းဆီးရမိသည့် ဘင်္ဂါလီ ၁၂ ဦးကို လ၀က ဥပဒေဖြင့် အမှုဖွင့် စစ်ဆေးလျက်ရှိပြီး လိုက်ပါပို့ဆောင်သူ လေးဦးအား ရာဇသတ်ကြီးပုဒ်မ ၃၆၇ ဖြင့် အမှုဖွင့်စစ်ဆေးမှုများ ပြုလုပ်နေကြောင်း သိရသည်။

မြန်မာနိုင်ငံသို့ ခိုးဝင်လျက်ရှိသည့် ဘင်္ဂါလီများကို မြန်မာနိုင်ငံ အလယ်ပိုင်းဒေသများတွင် ဖမ်းဆီးရမိလျက်ရှိပြီး အချို့မှာ မလေးရှားတွင် အလုပ်သွားလုပ်ရန် ခိုးဝင်ကြခြင်းဖြစ်ကြောင်း သိရသည်။

ရခိုင်အကြမ်းဖက် တိုက်ခိုက်ခံရမှု အပြီးတွင် ခိုးဝင်ဘင်္ဂါလီအများဆုံး ဖမ်းဆီးရမိမှုမှာ ဇွန်လအစောပိုင်းက ရခိုင်ပြည်နယ်တွင် ဖမ်းဆီးရမိခဲ့သည့် ဖြစ်စဉ်ဖြစ်ပြီး ယင်းဖြစ်စဉ်တွင် ခိုးဝင်ဘင်္ဂါလီ ၁၀၀ ကျော်ကို ဖမ်းဆီးရမိခဲ့ခြင်း ဖြစ်ကြောင်း သိရသည်။

 

ရခိုင်ပြည်နယ် အမ်းမြို့နယ် ကဇူးကိုင်းကျေးရွာအနီးတွင် အထောက်အထားမပါသည့် ဘင်္ဂါလီ ၂၅ ဦး ဖမ်းမိ

ရခိုင်ပြည်နယ် အမ်းမြို့နယ် ကဇူးကိုင်းကျေးရွာအနီး တောတောင်ထဲတွင် ခရီးသွား အထောက်အထားမပါသည့် ဘင်္ဂါလီ ၂၅ ဦးကို မေ ၁၇ ရက် နံနက်က ဖမ်းဆီးရမိခဲ့ကြောင်း သိရသည်။

တောထဲတွင် ဘင်္ဂါလီများရှိနေသည်ဟု သတင်းအရ ရဲတပ်ဖွဲ့ဝင် လေးဦး၊ ကျေးရွာအုပ်ချုပ်ရေးမှူးနှင့် ကျေးရွာသားအချို့ သွားရောက်ရာ အဆိုပါဘင်္ဂါလီများမှာ ထွက်ပြေးခြင်းမရှိဘဲ အဖမ်းခံခဲ့ကြောင်း သိရသည်။

ထို့ပြင် အဆိုပါဘင်္ဂါလီများမှာ ကျောက်တော်မြို့နယ်မှ လှေတစ်စင်းဖြင့် လာရောက်ခြင်းဖြစ်ကြောင်းနှင့် တောထဲတွင် ရက်အတန်ကြာ နေထိုင်ခဲ့ရသည့်အတွက် အဖမ်းခံခြင်းဖြစ်ကြောင်းလည်း သိရသည်။

“ဘင်္ဂါလီ ၂၅ ယောက်ကို တောထဲမှာဖမ်းမိတယ်။ သတင်းပေးလို့ လိုက်သွားကြတော့ အထောက်အထားမဲ့ ဘင်္ဂါလီတွေဖြစ်နေတယ်။ ကျား ၂၂ ယောက်၊ မ သုံးယောက် ပါဝင်တယ်။ အမ်းမြို့နယ်ရဲတပ်ဖွဲ့က သူတို့ကိုခေါ်သွားပါတယ်။ လ၀ကဥပဒေနဲ့ အရေးယူမယ်ထင်ပါတယ်။ တွေ့တာကတော့ ရှောက်ခြုံ-ကမ်းထောင်ကြီး ကားလမ်းနံဘေး၊ မိုးတန်းတောင်တန်းက တောထဲမှာတွေ့တာ ဖြစ်ပါတယ်” ဟု ကဇူးကိုင်းကျေးရွာ အုပ်ချုပ်ရေးမှူး ဦးခင်သန်းအောင်က ပြောကြားသည်။

အဆိုပါဘင်္ဂါလီများအား လှေတစ်စင်းဖြင့် လိုက်ပါပို့ဆောင်ပေးသူမှာ ယင်းနေရာသို့ ပို့ဆောင်ပေးပြီးနောက် ပြန်လည်ထွက်ခွာသွားကြောင်း သိရပြီး အထောက်အထားတစ်စုံတစ်ရာမပါဘဲ ခရီးသွားလာသည့်အတွက် လ၀ကဥပဒေဖြင့် အယူနိုင်ရန် စိစစ်လျက်ရှိကြောင်း အမ်းရဲစခန်းမှ သိရသည်။

“လ၀ကဥပဒေနဲ့ အရေးယူဖို့ လုပ်ဆောင်နေပါတယ်။ သူတို့က လာတာကတော့ နှစ်ဖွဲ့ပေါ့။ စက်လှေနှစ်ဆင့်စီးပြီး ကမ်းထောင်းကြီးဘက်ကို ရောက်လာတယ်။ အဲဒီကတစ်ဆင့် ချင်းအမျိုးသား ၁၀ ယောက်ကျော်က ဆိုင်ကယ်နဲ့လာခေါ်ပြီး တောမှာထားတယ်။ ရိက္ခာတွေကို ချင်းအမျိုးသား နှစ်ယောက်ကျစီ ပုံမှန်လာပို့ပေးတယ်။ တောထဲမှာနေတာ တစ်လကျော်နေပြီလို့ပြောတယ်။ အားလုံးကတော့ ကျောက်တော်မြို့နယ် ကျေးရွာ ၁၀ ရွာက ဘင်္ဂါလီတွေဖြစ်ပါတယ်။ စိစစ်ဖို့ လုပ်ဆောင်နေပါတယ်” ဟု အမ်းမြို့မှ လ၀ကတာဝန်ရှိသူတစ်ဦးက ပြောကြားသည်။

ရသေ့တောင်မြို့နယ် ပင်လယ်ပြင်၌ တရားမ၀င်သယ်ဆောင်လာသည့် ကျွဲ ၃၇ ကောင်နှင့်အတူ ဘင်္ဂါလီခြောက်ဦးအား ဖမ်းဆီးရမိ

ရသေ့တောင်မြို့နယ် ကိုးတန်ကောက်ကျေးရွာအနီး ပင်လယ်ပြင်၌ တရားမ၀င်သယ်ဆောင်လာသည့် ကျွဲ ၃၇ ကောင်နှင့်အတူ ဘင်္ဂါလီခြောက်ဦးအား ဧပြီ ၆ ရက် နံနက်ပိုင်းက ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ ဧပြီ ၆ ရက် နံနက် ၇ နာရီ ၁၀ မိနစ်အချိန်တွင် ဓည၀တီရေတပ်စခန်းဌာနချုပ်မှ တပ်မတော်သားများသည် စစ်ရေယာဉ် အမှတ် ၅၅၄ ဖြင့် ရသေ့တောင်မြို့နယ် ကိုးတန်ကောက်ကျေးရွာအနီး ပင်လယ်ပြင်၌ ကင်းလှည့်ဆောင်ရွက်နေစဉ် တောင်ဘက် ခြောက်မိုင်ခန့်အကွာ၌ ခုတ်မောင်းနေသော မသင်္ကာဖွယ်လှေတစ်စင်းအား တွေ့ရှိသဖြင့် လိုက်လံဖမ်းဆီးခဲ့ရာ အလျား ၅၁၊ အနံ ၁၀၊ ရေစူး ၂ ဒသမ ၅ ပေခန့်ရှိ သစ်သားကိုယ်ထည်လှေပေါ်တွင် ခါလာဘောဇာ (၅၅ နှစ်) ပါ ကျားခြောက်ဦးအား တရားမ၀င်သယ်ဆောင်လာသည့် ကျွဲ ၃၇ ကောင်တို့နှင့်အတူ ဖမ်းဆီးရမိခဲ့ခြင်းဖြစ်ကြောင်း သိရသည်။

စက်လှေတစ်စင်းပေါ်မှ ဖမ်းဆီးရမိသူများမှာ ပေါက်တောမြို့နယ်၊ အနောက်ရဲကျေးရွာနေ ဘင်္ဂါလီများဖြစ်သည့် ခါလာဘောဇာ (ဘ) အဘူလာတင်၊ မူမက်အာရှိန် (ဘ) အဘူလာရှိန်၊ နိုရိုလာလုံ (ဘ) အဟာဘောသာ၊ ဗျာလာဟူဆောင် (ဘ) မာမွတ်ကာစိန်၊ မားသက်ရှည် (ဘ) အဒူရနှင့် မားကူရီ (ဘ) အမွတ်စေးရုံတို့ဖြစ်ကြောင်း သိရသည်။ ၎င်းတို့အား မွန်းလွဲ ၃ နာရီ ၁၅ မိနစ်တွင် စစ်တွေမြို့နယ် ရဲတပ်ဖွဲ့မှူးထံသို့ လွှဲပြောင်းအပ်နှံခဲ့ကြောင်းနှင့် ဧပြီ ၇ ရက်တွင် တရားခံခြောက်ဦး၊ ကျွဲများနှင့် စက်လှေတို့ကို ရသေ့တောင်မြို့မရဲစခန်းသို့ ဆက်လက်လွှဲပြောင်းပေးပြီး အမှုဖွင့်အရေးယူသွားမည်ဖြစ်ကြောင်း သိရသည်။

မကွေးတိုင်းဒေသကြီးသို့ ၂၅ ရက်အတွင်း ရခိုင်ပြည်နယ်မှ ခိုးဝင်ဘင်္ဂါလီ ၆၄ ဦး ဖမ်းဆီးရမိ

ဖမ်းဆီးရမိခဲ့သည့် ဘင်္ဂါလီအချို့အား တွေ့ရစဉ်

မတ် ၁ ရက်မှ၂၅ ရက်အထိ ရခိုင်ပြည်နယ်ဘက်မှ မကွေးတိုင်းဒေသကြီးအတွင်းသို့ တရားမ၀င်ဝင်ရောက်လာသည့် ဘင်္ဂါလီ လူမျိုး ၆၄ ဦးအထိ ဖမ်းဆီးရမိခဲ့ကြောင်း သိရသည်။

ရခိုင်ရိုးမနဲ့ဆက်စပ်နေသည့် မကွေးတိုင်းဒေသကြီးအတွင်းရှိ မင်းလှမြို့နယ်နှင့် မင်းတုန်းမြို့နယ်များတွင် မတ်၂၅ ရက်အထိ ရခိုင်ပြည်နယ်ဘက်မှ မကွေးတိုင်းဒေသကြီးအတွင်းသို့ တရားမ၀င်ဝင်ရောက်လာသည့် ဘင်္ဂါလီလူမျိုး ၆၄ ဦးနှင့်လိုက်ပါပို့ဆောင်သူ ကိုးဦးအထိ ဖမ်းမိခဲ့ကြောင်း မင်းလှမြို့နယ် ရဲတပ်ဖွဲ့ထံမှ သိရသည်။

“နောက်ဆုံးမိတဲ့ ၁၆ ယောက်က ၂၃ ရက်ကတည်းက မိတာပေါ့။ လမ်းခရီးဝေးတာနဲ့ သွားဖမ်းနေရပြီး ဒီနေ့နံနက်ပိုင်းမှစခန်းကို ရောက်တာပါ။၂၄ရက်မှာ မိတာကတော့ မင်းတုန်းမြို့နယ်ထဲကနေ မိတာပါ။ မိတဲ့ ၁၄ ယောက်ကို မင်းတုန်းမြို့နယ် တာဝန်ရှိရဲတပ်ဖွဲ့ကို လွှဲပြောင်းပေးခဲ့ပါတယ်။ လက်ရှိဖမ်းမိတာက ဘင်္ဂါလီလူမျိုး ၆၄ ဦးအထိ ရှိပြီပေါ့။ လိုက်ပို့တဲ့လူက ကိုးဦးပါ။ ဒီအရေအတွက်က ပြီးခဲ့တဲ့ဖမ်းမိမှုတွေနဲ့ယှဉ်ရင်တော့ စံချိန်တင်တယ်လို့ ပြောလို့ရပါတယ်။ သူတို့ထွက် ဆိုချက်တွေအရတော့ ရခိုင်ရိုးမကိုဖြတ်ပြီးတော့ ဒီဘက်ကိုကူးလာကြတာပေါ့။ အခုလို တရားမ၀င် ၀င်ရောက်လာတဲ့ ဘင်္ဂါလီတွေကို ဖမ်းမိအောင် သတင်းပေးတိုင်ကြားတဲ့ ပြည်သူတွေကိုလည်း ကျေးဇူးတင်ပါတယ်လို့ ပြောချင်ပါတယ်” ဟု မင်းလှမြို့နယ်ရဲမှူး ဦးထင်အောင်လင်းကပြောကြားသည်။

အဆိုပါဖမ်းဆီးရမိသည့် ဘင်္ဂါလီလူမျိုးများမှာ ရခိုင်ပြည်နယ်ဘက်မှ မကွေးတိုင်းအတွင်းသို့ ၀င်ရောက်ပြီး ရန်ကုန်သို့ထွက်ခွာရန် စီစဉ်နေကြသူများဖြစ်ပြီး ရန်ကုန်မှတစ်ဆင့် မလေးရှားနိုင်ငံဘက်သို့ ဆက်လက်ထွက်ခွာရန် စီစဉ်ထားသူများလည်းရှိကြောင်း သိရသည်။

မင်းလှမြို့နယ် ရေနံမရဲစခန်းအပိုင်း နေရာများတွင် ပြီးခဲ့သည့် မတ် ၁ ရက်က ခိုးဝင် ဘင်္ဂါလီငါးဦး၊ မတ် ၆ ရက်တွင် ခိုးဝင်ဘင်္ဂါလီ ခုနစ်ဦးနှင့် လိုက်ပါပို့ဆောင်သူနှစ်ဦး၊ မတ် ၁၄ ရက်တွင် ခိုးဝင်ဘင်္ဂါလီတစ်ဦး၊ မတ် ၁၈ ရက်တွင် ခိုးဝင်ဘင်္ဂါလီနှစ်ဦး၊ မတ်၂၀ ရက် တွင် ခိုးဝင်ဘင်္ဂါလီ ၁၀ ဦး လိုက်ပါပို့ဆောင် သူခုနစ်ဦး၊ မတ် ၂၃ ရက်တွင် ဘင်္ဂါလီလူမျိုး ၂၅ ဦး၊ ၂၄ ရက်တွင် ၁၄ ဦးအထိ ဖမ်းမိခဲ့ကြောင်း သိရသည်။

ဖမ်းဆီးရမိခဲ့သည့် ခိုးဝင်ဘင်္ဂါလီများကို လ၀ကဥပဒေဖြင့် အမှုဖွင့်အရေးယူခြင်းများ ပြုလုပ်ထားပြီး လိုက်ပါပို့ဆောင်သူများကို ရာဇသတ်ကြီးပုဒ်မ ၃၆၇ ဖြင့် အမှုဖွင့် အရေးယူမှုများ ပြုလုပ်ထားကြောင်း သိရသည်။