ခါးပိုက်နှိုက်

ယခုလက်ရှိအသုံးပြုနေသည့် ဖုန်းနှင့်ပါဆိုလျှင် ကျွန်တော်ကိုင်တွယ်၊ အသုံးပြုခဲ့သည့် ဖုန်းအရေအတွက်မှာ သုံးလုံးတိတိရှိခဲ့ပြီ ဖြစ်ပါသည်။ ပထမဦးဆုံး ကိုင်တွယ်ခဲ့သည့် ဖုန်းမှာ တရုတ်နိုင်ငံလုပ်  ခလုတ်ဖုန်းအမျိုး အစားဖြစ်ပြီး အသုံးပြုများခြင်းကြောင့် ပျက်သွားခြင်းဖြစ်ပါသည်။ ထိုဖုန်းလေးနောက် ဒုတိယကိုင်တွယ်ခဲ့သည့် ဖုန်းမှာ Huawei တံဆိပ်နှင့် Touch Screen အမျိုးအစား ဖုန်းလေးဖြစ်ပြီး အလုပ်ပြန်ချိန်တစ်ခုတွင် ကားပေါ်၌ ခါးပိုက်နှိုက်ခံလိုက်ရခြင်း ဖြစ်ပါသည်။ အတန်တန်သတိထား ဂရုစိုက်နေသည့်ကြားမှပင် ခါးပိုက်နှိုက်ခံထိသွားခဲ့ခြင်း ဖြစ်ပါသည်။ အမှန်အတိုင်း ၀န်ခံရလျှင် ထိုဖုန်းကလေး ခါးပိုက်နှိုက်ခံရခြင်းအတွက် များစွာပင်  စိတ်မကောင်း ဒေါသဖြစ်ခဲ့ရပါသည်။ စိတ်မကောင်းဖြစ်ရခြင်းမှာ ချွေးနှဲစာလေးကို ကျားကုတ်ကျားခဲ စုဆောင်းပြီးမှ ၀ယ်ယူနိုင်ခဲ့သည့် ဖုန်းကလေးဖြစ်နေသောကြောင့်ဖြစ်ပြီး ဒေါသဖြစ်ရခြင်းကတော့ ဖုန်းကတ်ပြန်လည် လျှောက်ထားရခြင်းကဲ့သို့ အလုပ်မျိုးကို ပြန်လည်လုပ်လိုက်ရခြင်းကြောင့် ဖြစ်ပါသည်။

တကယ်တော့ ကျွန်တော့်ဘ၀တွင် ထိုတစ်ကြိမ်အပြင် နောက်ထပ်နှစ်ကြိမ်တိတိ ခါးပိုက်နှိုက်ခံခဲ့ရဖူးပြီး တစ်ကြိမ်တွင် ခါးပိုက်နှိုက်ကို လက်ပူးလက်ကြပ်ပင် ဖမ်းဆီးနိုင်ခဲ့ပါ သည်။ မှတ်မှတ်ရရ ထိုတစ်ကြိမ်မှာ ဒိုင်နာ အမျိုးအစား ၅၁ နံပါတ်လိုင်းကားပေါ်တွင် ဖြစ်ပေါ်ခဲ့ခြင်း ဖြစ်ပါသည်။ (YBS စနစ် မဖြစ်မီ ဟိုးယခင်က ဖြစ်ပါသည်။) ခါးပိုက်နှိုက်သူမှာ အသက် ၄၀ ကျော်အရွယ် သန့်ပြန့်သည့် ရုပ်ရည်ဖြင့် အမျိုးသမီးတစ်ဦး ဖြစ်ပါသည်။ ထိုနေ့က ကျွန်တော်သည် ပိုက်ဆံထည့်ရန် အိတ်ကပ်ပါသည့် အင်္ကျီကို ၀တ်ဆင်ထားခဲ့ပါသည်။ တကယ်တော့ ကျွန်တော့်မှာရှိသည့် အင်္ကျီအများစုမှာ ထိုအင်္ကျီကဲ့သို့ ပိုက်ဆံ၊ ဘောပင်တို့လို အသုံးအဆောင်ပစ္စည်းများထည့်ရန် အိတ်ကပ်ပါသည့် အင်္ကျီများသာ ဖြစ်ပါသည်။ အဘယ်ကြောင့်ဆိုသော် မဖြစ်မနေ ဆောင်ယူရမည့် အခါမျိုးမှလွဲလျှင် ပိုက်ဆံအိတ်ကိုင်ရန် ၀ါသနာမရှိသောကြောင့် ဖြစ်ပါသည်။

ထိုနေ့ကလည်း ပိုက်ဆံတို့ကို အင်္ကျီအိတ်ကပ်သို့သာ ထည့်၍ယူဆောင်သွားခဲ့ပါသည်။ ထိုအမျိုးသမီးသည် လမ်းမှတ်တိုင် တစ်ခုဆီမှ တက်လာခဲ့ခြင်းဖြစ်ပြီး ကျွန်တော်၏ နံဘေးတွင် နေရာရခဲ့ပါသည်။ ထိုအမျိုးသမီး၏ လက်ထဲတွင် ဟင်းသီးဟင်းရွက်အချို့ ထည့်ထားခဲ့သည့် ဆွဲခြင်းတောင်းတစ်လုံးကို ကိုင်ထားခဲ့ပါသည်။ ထိုသို့သတိထားမိခြင်းမှာလည်း ထိုအမျိုးသမီးကြီး ကျွန်တော်၏ နံဘေးတွင် ထိုင်ရန်နေရာမရမီ ထိုအမျိုးသမီး၏ လက်ထဲတွင် ကိုင်ထားသည့် ဆွဲခြင်းတောင်းကို ကူကိုင်ပေးရန် စဉ်းစားမိခဲ့သောကြောင့် ဖြစ်ပါသည်။ သို့ပါသော်လည်း ထိုအမျိုးသမီးကြီးမှာ ကျွန်တော်၏နံဘေးတွင် ထိုင်စရာ တစ်နေရာရရှိသွားသောကြောင့် မကိုင်ပေး ဖြစ်ခဲ့တော့ပါ။

ထိုအမျိုးသမီးသည် ထိုင်စရာနေရာရသည်နှင့် ဆွဲခြင်းတောင်းကို ပေါင်ပေါ်တင်ကာ ဆွဲခြင်းတောင်း၏ ကိုင်းများပေါ်တွင် လက်နှစ်ဖက်ကို ယှက်တင်၍ထိုင်ပါသည်။ အမှန်အတိုင်းဝန်ခံရလျှင် ထိုအချိန်အထိ ထိုအမျိုးသမီး၏ အပြုအမူပေါ်ကျွန်တော် အမှုမဲ့ အမှတ်မဲ့ပင် ရှိခဲ့ပါသေးသည်။ သို့ပါသော်လည်းများ မကြာမီအချိန်များမှာတော့ ထိုအမျိုးသမီးကြီးအပေါ်ကျွန်တော် သင်္ကာမကင်း ဖြစ်လာခဲ့မိပါသည်။ အဘယ်ကြောင့်ဆိုသော် ထိုအမျိုးသမီးကြီး၏ ဆွဲခြင်းတောင်း ကိုင်းပေါ်ယှက်တင်ထားခဲ့သည့် လက်များထဲမှ တစ်ဖက်သည် ကျွန်တော့်၏ အိတ်ကပ်အပေါ်သို့ မကြာခဏ ဝေ့၀ဲရောက်ရှိလာကြောင်း သတိထားလိုက်မိသောကြောင့် ဖြစ်ပါသည်။ အထူးသဖြင့် မှတ်တိုင်တစ်ခုသို့ရောက်၍ ဘရိတ်တစ်ခါ အုပ်လိုက်တိုင်း ထိုအမျိုးသမီး၏ လက်ချောင်းကလေးများက  ကျွန်တော်၏ အိတ်ကပ်ထဲမှ ပိုက်ဆံတို့ကို နှိုက်ယူရန် ကြိုးစားနေကြောင်းကို မှေးမှိတ်ချင်ယောင်ဆောင်ထားသည့် မျက်လုံးများဖြင့်  ကျွန်တော် သေချာစွာပင် မြင်တွေ့လိုက်ရသောကြောင့် ဖြစ်ပါသည်။ တကယ်လည်း ကျွန်တော် မသင်္ကာမိသည့်အတိုင်း ထိုနေ့က ကျွန်တော်၏ အိတ်ကပ်ထဲမှ ပိုက်ဆံတို့ကို နှိုက်ယူလိုက်စဉ် လက်ပူးလက်ကြပ်ပင် ဖမ်းမိခဲ့ပါသည်။ သို့ပါသော်လည်း အမျိုးသမီးဖြစ်နေသည်ကတစ်ကြောင်း အလုပ်မရှုပ်လိုသည်ကတစ်ကြောင်း သနားစဖွယ်ကောင်းအောင်  တောင်းပန်သည်က တစ်ကြောင်းတို့ကြောင့် နောက်ထပ်တစ်ကြိမ် မလုပ်ရန် သတိပေးပြီး  ကားပေါ်ကနေ ဆင်းခိုင်းလိုက်သည်မှအပ မည်သည့်အရေးယူမူကိုမှ မပြုလုပ်လိုက်မိပါ။

နောက်ထပ်တစ်ကြိမ်ကတော့ အလုပ်ပြန်ချိန် ကားပေါ်တွင် ဖြစ်ပါသည်။ ထိုတစ်ကြိမ်မှာတော့ ဘယ်သူက ဘယ်အချိန်မှာ  နှိုက်လိုက်မှန်းပင် မသိရဘဲ အနှိုက်ခံလိုက်ရခြင်း ဖြစ်ပါသည်။ ပိုက်ဆံအချို့၊ မှတ်ပုံတင်နှင့် မင်မိုရီစတစ်တစ်ခု ပါသွားခဲ့ပါသည်။ ခါးပိုက်အနှိုက်ခံလိုက်ရခြင်းကိုပင် ကားပေါ်ကနေ ဆင်းပြီးကာမှ သိခွင့်ရလိုက်ရပါသည်။ တကယ်တော့ တစ်ကြိမ်မဟုတ် နှစ်ကြိမ်မက သုံးကြိမ်တိတိ ခါးပိုက်အနှိုက်ခံရခြင်းသည် ကျွန်တော်၏ ပေါ့ဆမှု၊ နမော်နမဲ့နိုင်မှုများကြောင့်လည်း ဖြစ်ကောင်းဖြစ်လိမ့်မည် ထင်ပါသည်။

မည်သို့ပင်ဖြစ်စေ ခရီးသွားသည့်အခါ အလုပ်သွား အလုပ်ပြန် ကားကျပ်ကျပ်ကို တိုးဝှေ့စီးနင်းကြရသည့် အခါမျိုးများတွင် မိမိတို့၏ ပိုက်ဆံအိတ်များ၊ လက်ဝတ်လက်စားများကို အထူးဂရုတစိုက် ထိန်းသိမ်းသင့်သည်ဟု ထင်ပါသည်။ အထူးသဖြင့် မိမိတို့၏ လက်ကိုင်ဖုန်းများကို ပိုမိုကာ ဂရုတစိုက် ထိန်းသိမ်းသင့်သည်ဟု ထင်မြင်မိပါသည်။ တကယ်လည်း ယခုနောက်ပိုင်းတွင် ငွေကြေးပိုက်ဆံထက် ပိုမိုလွယ်ကူစွာ ရယူနိုင်သည့် ဖုန်းများကို  ဦးတည်နှိုက်ယူလာကြသည်ကို ကြားသိမြင်တွေ့လာခဲ့ရပါသည်။

ခါးပိုက်နှိုက်ယူရုံတင်မက ဆိုင်ကယ်ဖြင့် ဖုန်းလုပြေးခြင်း၊ အုပ်စုဖွဲ့၍လုယက်ခြင်း၊ ဖုန်း ဆိုင်များကိုမှ ရွေးချယ်ဖောက်ထွင်းခိုးယူခြင်းကဲ့သို့ ကိစ္စများကိုလည်း ပြုလုပ်လာနေကြပြီ ဖြစ်ပါသည်။ တကယ်တော့ ကလေးကအစ လူကြီးအဆုံး လူတိုင်းနီးပါး ဖုန်းများကို ကိုင်တွယ်အသုံးပြုနေကြသည့် ခေတ်ကြီးထဲတွင် ခါးပိုက်နှိုက်သူ လုယက်သူတို့ကဲ့သို့ အကြမ်းဖက်ခြင်းမျိုးမဟုတ်ဘဲ ကျွန်တော်တို့ထံပါးမှ အချိန်နှင့်ငွေတို့ကို တိတ်တဆိတ် တတိတိ နှိုက်ယူစားသုံးပစ်နေသည့် အရာတစ်ခုလည်း  ရှိနေခဲ့ပါသေးသည်။ ဟုတ်ပါသည်။ ထိုအရာမှာ ကျွန်တော်တို့ တန်ဖိုးကြီးကြီးပေးဝယ်ကာ ကိုင်တွယ်နေကြသည့် ဖုန်းများပင် ဖြစ်ပါသည်။ တကယ်လည်း ကျွန်တော်တို့သည် နေ့စဉ် Facebook အသုံးပြုခြင်းကဲ့သို့ ကိစ္စမျိုး၊  ဂိမ်းဆော့ခြင်း ဗီဒီယိုကြည့်ခြင်းကဲ့သို့ ကိစ္စမျိုးများဖြင့် အချိန်များကို ကုန်မှန်းမသိ ကုန်လွန်နေခဲ့ကြရပါသည်။ ငွေများ ကုန်မှန်းမသိ ကုန်နေခဲ့ကြရပါသည်။ အချို့သူများဆိုပါလျှင် လစဉ်ဖုန်းဆက်ခြင်း အင်တာနက်သုံးခြင်း များအတွက် ကုန်ကျမှုမှာ သိန်းဂဏန်းအထက်မှာပင် ရှိနေခဲ့ပါသည်။ ယုတ်စွအဆုံး စည်းကမ်းနှင့် သုံးပါသည်ဆိုသည့်သူများပင် အနည်းဆုံး ဖုန်းနှင့်ပတ်သက်၍ထွက်သွားသည့် ငွေကြေးပမာဏမှာ လစဉ်သောင်း ဂဏန်းအထက်မှာ ရှိနေခဲ့ပါသည်။

ထို့အပြင် ဖုန်းကို နေ့ရော ညပါ မျက်နှာနှင့် မခွာစတမ်း အသုံးပြုမှုကြောင့် မျက်လုံးနှင့်ပတ်သက်သည့် ရောဂါများ၊ ဦးနှောက်၊ အာရုံကြောနှင့် ပတ်သက်သည့်ရောဂါများလည်း ဖြစ်ပွားနိုင်သေးပါသည်။၂၀၁၆ ခုနှစ် တောင်ကိုရီးယားနိုင်ငံ၏ လေ့လာမှုစစ်တမ်းတစ်ခုအရ စမတ်ဖုန်းအသုံးပြုသူကလေးများသည် စမတ်ဖုန်းအသုံးမပြုသူ ကလေးများထက် မျက်စိစွေစောင်းသည့်ရောဂါကို ပိုမိုကာ ခံစားရနိုင်သည်ဟု ဆိုပါသည်။ ထို့အပြင် တယ်လီဖုန်းဖြင့် စာရိုက်ရခြင်းကြောင့် ခန္ဓာကိုယ်အနေအထား မမှန်ခြင်း ဇက်နာခြင်း ဇက်ကြောထိုးခြင်းကဲ့သို့ ဝေဒနာများကို  ခံစားရနိုင်သည်ဟူလည်း ဆိုကြပါသေးသည်။

ထိုမျှမက ဝေါစထရိဂျာနယ် ရုံးခန်းတွင်းရှိ ဖုန်းရှစ်လုံးတွင် ရောဂါပိုးမွှားမည်မျှ ပါဝင်သည်ကို စမ်းသပ်မှုတစ်ခု ပြုလုပ်ခဲ့ပြီး  စစ်ဆေးခဲ့သည့် ဖုန်းအလုံးတိုင်းတွင် မစင်မှတစ်ဆင့် ပါဝင်သော ပိုးမွှားများ ပါဝင်နေကြောင်း တွေ့ရှိခဲ့သည်ဟု ဆိုပါသည်။ ၎င်းဖုန်းများတွင် ကပ်နေသည့် ရောဂါပိုးမွှားပမာဏသည် အိမ်သာကမုတ်ရှိ ရောဂါပိုးမွှားပမာဏထက် ပိုမိုများပြားကြောင်း တွေ့ရှိရသည်ဟုလည်း ဆိုထားပါသေးသည်။ ထို့အပြင် နားကြပ်တပ်၍ နားထောင်ခြင်းကြောင့် အာရုံကြောများကို ထိခိုက်စေနိုင်သည်ဟူ၍လည်း ဆိုကြပါသေးသည်။

လေ့လာမှုများအရ အမေရိကန်နိုင်ငံသား အသက်  ၂၀ ကျော်အရွယ်များအနက် ရာခိုင်နှုန်း ၃၀ သည် ကြိမ်နှုန်းမြင့်အကြား အာရုံအနည်းငယ် ချွတ်ယွင်းနေကြသည်ဟု ဆိုပါသည်။ ထို့အပြင် လမ်းလျှောက်ရင်း ဖုန်းအသုံးပြုခြင်းကြောင့် ဆေးရုံရောက်ရသူ မနည်းတော့ကြောင်း အိုဟိုင်းယိုးပြည်နယ် တက္ကသိုလ်၏ လေ့လာမှုတစ်ခုတွင် ဖော်ပြထားပြီး ယင်းကဲ့သို့ မတော်တဆဖြစ်သူများတွင် ၁၆ နှစ်မှ  ၂၅ နှစ်ကြားလူငယ်များ အများဆုံးဖြစ်သည်ဟု ဆိုပါသည်။ ထို့အတူပင် စမတ်ဖုန်းများကြောင့် ချစ်သူခင်သူများနှင့် အချိန်မဆိုင်း ဆက်သွယ်ပြောဆိုနိုင်သော်လည်း စမတ်ဖုန်းကြောင့်ပင် ဆက်ဆံရေးပျက်မှုများ ရှိလာခဲ့ပြီဖြစ်သည်ဟုလည်း ဆိုပါသည်။ စာရိုက်ပြီး တောင်းပန်သည့်အမျိုးသမီးများ၊ စာရိုက်ပြီး ပြဿနာဖြေရှင်းသည့် အမျိုးသမီးများသည် ခိုင်မြဲသော ဆက်ဆံရေးမရရှိနိုင်ကြောင်း ဘရစ်ဟမ်ယန်းတက္ကသိုလ်မှ သုတေသနပညာရှင်များက ပြောဆိုခဲ့သည်ဟု ဆိုပါသည်။ ထိုမျှမက တယ်လီဖုန်းများကြောင့် အိပ်ချိန်များကို အနှောက်အယှက်ဖြစ်စေနိုင်သေးသည်ဟု ဆိုပြန်ပါသည်။

တကယ်လည်း အသက် ၁၈ နှစ်မှ ၄၄ နှစ်အရွယ်များ၏ ၇၅  ရာခိုင်နှုန်းသည်  ဖုန်းကို လက်တစ်ကမ်း အကွာထား၍  အိပ်စက်တတ်ကြပြီး လက်ပ်တော့များနှင့် စမတ်ဖုန်းများမှ ထုတ်လွှတ်သောရောင်ခြည်ပြာသည် အိပ်စက်ခြင်းအပေါ် ဆိုးရွားစွာ အကျိုးသက်ရောက်နေကြောင်းကိုတော့ သိသူရှားပါးလှသည်ဟု ဆိုပါသည်။ ထို့အပြင်ဖုန်းများမှ ထုတ်လွှတ်သည့်  အလင်းရောင်အတုကြောင့် ခန္ဓာကိုယ်သည် နွမ်းနယ်လာပြီး အိပ်ချင်စိတ်ပေါက်စေသည့် ဓာတုပစ္စည်းများကို မထုတ်လုပ်နိုင်တော့ဘဲ လူမှာ ပိုပြီးတက်ကြွသလို  ခံစားရကြောင်း ဟက်ဖင်တန်ပို့စ်က ဖော်ပြခဲ့ဖူးပါသည်။

ကနေဒါနိုင်ငံက၂၀၁၄ ခုနှစ်တွင် ထုတ်ဝေသော ပြည်သူ့ကျန်းမာရေးဂျာနယ်၌ အသက်ကိုးနှစ်မှ ၁၁ နှစ်အရွယ်ရှိ  ကလေးများသည် အိပ်ရာထဲသို့ စမတ်ဖုန်း၊ တက်ဘလက်နှင့် လက်ပ်တော့ပ်တစ်ခုခုကို ယူသွားလေ့ရှိကြခြင်းကြောင့် ၎င်းတို့အတွက် အအိပ်ပျက်ခြင်းနှင့် ခန္ဓာကိုယ်အလေးချိန်ကျဆင်းခြင်းတို့ကို ဖြစ်ပေါ်စေနိုင်သည်ဟု ဆိုပါသည်။ ထို့အပြင် အိပ်ရေးပျက်ခြင်းကြောင့်  ဆာလောင်မွတ်သိပ်မှုကိုပါ အဟန့်အတား ဖြစ်စေနိုင်သည့်အပြင် ဆယ်ကျော်သက်များနှင့် လူလတ်ပိုင်းအရွယ်များအတွက် အသက်အရွယ် ကြီးပြင်းလာသောအခါ  ဦးနှောက်ပိုင်းဆိုင်ရာ အားနည်းချက်များခံစားရသည့် အန္တရာယ်ရှိကြောင်း ပညာရှင်တို့က သတိပေးထားခဲ့ကြပါသေးသည်။ ထိုမျှမက တစ်နေ့ကို စမတ်ဖုန်း ၆၈ မိနစ်ခန့် သုံးစွဲခြင်းသည် စိတ်ဖိ စီးမှုများ ဖြစ်ပေါ်လာစေနိုင်ပြီး  ၁၇ မိနစ်ထက် မကျော်အောင် သုံးမှသာလျှင် ပျော်ရွှင်မှုတစ်ခုကို ဖန်တီးနိုင်လိမ့်မည်ဟု ဆိုပါသည်။

ထို့အပြင် စိတ်ဖိစီးမှု အများဆုံးသူများ၏  စမတ်ဖုန်းအသုံးပြုပုံများကို ထပ်မံလေ့လာခဲ့သည့်အခါ ထိုစိတ်ဖိစီးမှုများသူတို့သည် အင်တာနက်သုံးခြင်းနှင့် ဂိမ်းကစားခြင်းတို့ကို  ဖုန်းပြောခြင်းထက် ပိုမိုအသုံးပြုကြပြီး သူတို့၏ အဓိက စိတ်ဖိစီးရသည့် အကြောင်းရင်းကတော့ သူတို့သည် အပြင်မထွက်ဘဲ တစ်နေရာတည်း၌သာ ဖုန်းအသုံးပြုနေခြင်းကြောင့် တက်ကြွမှု မရှိတော့ဘဲ စိတ်ဖိစီးရခြင်းဖြစ်ကြောင်း သုတေသီများက ရှင်းပြခဲ့ကြပြီး ထိုလေ့လာမှုကို Medical Internet Research ဟူသည့် ဂျာနယ်၌ ထည့်သွင်းဖော်ပြခဲ့ခြင်း ဖြစ်ပါသည်။

မည်သို့ပင်ဖြစ်စေ ကျွန်တော်တို့၏ အိတ်ကပ်အတွင်းမှ ပိုက်ဆံတို့ကို နှိုက်ယူလာမည့် ခါးပိုက်နှိုက်တို့အန္တရာယ်ကို  သတိထားကာကွယ်ရန် လိုအပ်သကဲ့သို့ ကျွန်တော်တို့၏ အိတ်ထောင့်အတွင်း၌နေ၍ ကျွန်တော်တို့၏၀င်ငွေ၊  အချိန်နှင့် ကျန်းမာရေး၊ လူမူရေးတို့ကို တတိတိ နှိုက်ယူစားသုံးနေသည့် အနီးကပ်ဆုံး ခါးပိုက်နှိုက် သို့မဟုတ် အိမ်တွင်းသူခိုးတို့၏ အန္တရာယ်ကို သတိထားကာကွယ်ရန် လိုအပ်နေခဲ့ပြီဟူ၍လည်း ထင်မြင်နေခဲ့မိပါသည်။

မဟာသင်္ကြန် အကျနေ့နှင့် အကြတ်နေ့တွင် မဏ္ဍပ်များ၌ ရေကစားနေသူများဆီက ခါးပိုက်နှိုက်မှု ကျူးလွန်သူများအား ဖမ်းဆီးရမိ

Photo: Yangon Police

မဟာသင်္ကြန် အကျနေ့နှင့် အကြတ်နေ့တို့တွင် ရန်ကုန်တိုင်းဒေသကြီး၊ မြို့နယ်များအတွင်းရှိ ရေကစားမဏ္ဍပ်များ၌ ရေကစားနေသူများထံမှ ခါးပိုက်နှိုက်မှု ကျူးလွန်နေသူများကို  ဖမ်းဆီးရမိခဲ့ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။

အဆိုပါထုတ်ပြန်ချက်တွင် ရေကစားမဏ္ဍပ်များ၌ ရေကစားနေသူများထံမှ ခါးပိုက်နှိုက် ကျူးလွန်သူများကို ဖမ်းဆီးရမိရေး ဆောင်ရွက်ခဲ့ရာ ဧပြီ ၁၄ ရက် (သင်္ကြန်အကျနေ့) တွင် အနောက်ပိုင်းခရိုင်၊ လသာမြို့နယ်ရှိ အမှတ်(၄) ရပ်ကွက် SKY NET ရေကစားမဏ္ဍပ်ရှေ့တွင် ရေကစားနေသူထံမှ ရွှေပြည်သာမြို့နယ်နေ မင်းသူ (ခ) ကရင် (ခ) ဖားကြီး (၄၈) နှစ်က ငွေ(၉၀၀၀)ကျပ်၊ MY TEL ရေကစားမဏ္ဍပ်တွင် ရေကစားနေသူများထံမှ ဒလမြို့နယ် နေသူများဖြစ်သည့် ဇွဲကိုဦး(ခ) နိုင်ဇော်(၁၇)နှစ်က ငွေ(၅၄၅၀)ကျပ်၊ အောင်အောင်(ခ) ဆင်မ (၁၇) နှစ်က ရေစိုခံအိတ် တစ်လုံး၊ စစ်နိုင် (၂၈)နှစ်နှင့် ဇော်ဝင်းထွဋ် (၂၁) နှစ်တို့က WAVE အမျိုးအစား အပြာရောင် လက်ကိုင်ဖုန်း တစ်လုံးနှင့် Hopo အမျိုးအစား ငွေမှင်ရောင် လက်ကိုင်ဖုန်း တစ်လုံး၊ ထက်အောင်စန်း (၁၉)နှစ်က ငွေ(၁၀၀၀၀)ကျပ်၊ ကြည့်မြင်တိုင်မြို့နယ်နေ ကိုမင်း(၂၁)နှစ်က ငွေ(၅၀၀၀)ကျပ်တို့အား နှိုက်ယူနေသည်ကို တွေ့ရှိရသဖြင့် ဖမ်းဆီး အရေးယူခဲ့ကြောင်း သိရသည်။

အလားတူ မြောက်ပိုင်းခရိုင်၊ လှိုင်သာယာမြို့နယ်၊ စက်မှုဇုန်ထိပ် ရေကစားမဏ္ဍပ်တွင် ရေကစားနေသူထံမှ လှိုင်သာယာမြို့နယ် နေသူများဖြစ်သည့် တင်ထူး(၂၅)နှစ်နှင့် သီဟကျော်(၂၂)နှစ်တို့က ငွေ(၁၂၀၀၀)ကျပ်အား နှိုက်ယူနေသည်ကို တွေ့ရှိဖမ်းဆီးရမိခဲ့ပြီး သင်္ကြန်အကျနေ့ ကာလအတွင်း ကျောက်တံတားမြို့နယ်မှ နှစ်မှု၊ လသာမြို့နယ်မှ ၁၀ မှု၊ လှိုင်သာယာမြို့နယ်မှ တစ်မှု စုစုပေါင်း ခါးပိုက်နှိုက်မှု ၁၃ မှု ဖမ်းဆီးရမိခဲ့ကြောင်း ထုတ်ပြန်ချက်တွင် ပါရှိသည်။

မဟာသင်္ကြန် အကြတ်နေ့ဖြစ်သောာ ဧပြီ ၁၅ ရက်နေ့တွင် ခါးပိုက်နှိုက် ကျူးလွန်သူများကို ဖမ်းဆီးရမိရေး ဆောင်ရွက်ခဲ့ရာ အနောက်ပိုင်းခရိုင်၊ လသာမြို့နယ်၊ အမှတ်(၄) ရပ်ကွက်၊ MY TEL ရေကစားမဏ္ဍပ်တွင် ရေကစားနေသူများထံမှ လက်ကိုင်ဖုန်းနှင့် ငွေများအား လိုက်လံနှိုက်ယူနေသူ မင်းဇော်နှင့် သူရအောင်တို့ထံမှ နှိုက်ယူရရှိခဲသော Honnor အဖြူရောင် လက်ကိုင်ဖုန်း တစ်လုံးအား လည်းကောင်း၊ ၎င်းမဏ္ဍပ်၌ပင် မင်္ဂလာတောင်ညွန့်မြို့နယ်နေ ခင်ညွန့်၊ အသက်(၂၈)နှစ်အား တွေ့ရှိစစ်ဆေးရာ ၎င်းထံမှ ငွေကျပ်(၁၀၅၀၀)အားနှင့် ယာဘက်လက်အတွင်းမှ ပလိတ်ဓား တစ်ချောင်းအား တွေ့ရှိရပြီး အဆိုပါငွေများအား ရေကစားနေသူ အသက်(၂၀)နှစ်ခန့်ရှိ အမျိုးသားတစ်ဦးထံမှနှိုက်ယူခဲ့ကြောင်း နှင့် စောရန်နိုင်၊ အောင်ကိုလတ်တို့အား တွေ့ရှိစစ်ဆေးရာ အောင်ကိုလတ် လွယ်ထားသည့် ကျောပိုးအိတ်အတွင်းမှ ခါးပိုက်နှိုက်မှု ကျူးလွန်ရာတွင် အသုံးပြုသည့် ပလိတ်ဓား(၆)ခု၊ ငွေကျပ် (၁၀၀၀၀)တို့နှင့် Nokia လက်ကိုင်ဖုန်းတို့အား တွေ့ရှိရပြီး ၎င်းပစ္စည်းနှင့် ပတ်သက်၍ စစ်မေးရာ ရေကစားနေသူ အမျိုးသားထံမှ နှိုက်ယူ ရရှိခဲ့ကြောင်း၊ အလားတူ လှိုင်မြို့နယ်ရှိ
SPY ရေကစားမဏ္ဍပ်အတွင်း၌ ရေကစားနေသူများထံမှ MI အမျိုးအစား လက်ကိုင်ဖုန်းနှင့် Huawei လက်ကိုင်ဖုန်းတို့အား နှိုက်ယူနေသူ ညီညီအောင်(ခ)ကတုံးနှင့် မျိုးကြီး(ခ)မျိုးမင်းအောင်တို့အား ဖမ်းဆီး အရေးယူခဲ့ကြောင်း ထုတ်ပြန်ချက်အရ သိရသည်။

ယင်းနောက် အနောက်ပိုင်းခရိုင်၊ ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစုမှတပ်ဖွဲ့ဝင်များက ကျောက်တံတားမြို့နယ်၊ ဗဟိုမဏ္ဍပ်ရှေ့တွင် ခါးပိုက်နှိုက်မှု ကျူးလွန်သူ သောင်းထွန်းအား လည်းကောင်း၊ မြောက်ပိုင်းခရိုင်ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစုမှတပ်ဖွဲ့ဝင်များက ရန်ကုန်-ပုသိမ် လမ်းဘေးရှိ ရေးကစားမဏ္ဍပ်တွင် ခါးပိုက်နှိုက်ပြစ်မှု ကျူးလွန်သူ ထွန်းထွန်းအားလည်းကောင်း အသီးသီး ဖမ်းဆီးရမိခဲ့ပြီး သက်ဆိုင်ရာ ရဲစခန်းများတွင် အမှုဖွင့်ကာ အရေးယူဆောင်ရွက်လျက်ရှိကြောင်း ရဲတပ်ဖွဲ့၏ ထုတ်ပြန်ချက်၌ ပါရှိသည်။

YBS ယာဉ်ပေါ်တွင် ခရီးသည်ထံမှ ပိုက်ဆံအိတ် နှိုက်ယူခဲ့သည့် ခါးပိုက်နှိုက် နှစ်ဦးအား ဖမ်းဆီးရမိ

မင်္ဂလာဒုံမြို့နယ်၌ YBS ယာဉ်ပေါ်တွင် လိုက်ပါလာသည့် ခရီးသည်အမျိုးသမီးထံမှ ပိုက်ဆံအိတ်နှိုက်ယူခဲ့သည့် ခါးပိုက်နှိုက် နှစ်ဦးအား ဖမ်းဆီးရမိခဲ့ကြောင်း ဖေဖော်ဝါရီ ၂၂ ရက်တွင် ရန်ကုန်တိုင်းဒေသကြီးရဲတပ်ဖွဲ့မှ စုံစမ်းသိရသည်။

ရန်ကုန်တိုင်းဒေသကြီး ရဲတပ်ဖွဲ့မှ တပ်ဖွဲ့ဝင်များသည် YBS ယာဉ်ပေါ်တွင် ခရီးသည် အသွင်ယူကာ လိုက်ပါစီးနင်းပြီး ခါးပိုက်နှိုက်မှု ကျူးလွန်သူများကို လိုက်လံဖမ်းဆီးစဉ် ဖေဖော်ဝါရီ ၁၉ ရက် နံနက် ၇ နာရီခွဲက မင်္ဂလာဒုံမြို့နယ် မင်္ဂလာဒုံဈေးဘက်မှ ခရေပင် မှတ်တိုင်ဘက်သို့ မောင်းနှင်လာသည့် YBS အမှတ် (၄၁) ယာဉ်လိုင်းမှ ခရီးသည်တင် ယာဉ်တစ်စီးမှာ ခရေပင်မှတ်တိုင်အရောက် ရပ်တန့်ပြီး ခရီးသည် အတင်အချပြုလုပ်စဉ် ယာဉ်ပေါ်မှ ဆင်းလာသည့် အမျိုးသားနှစ်ဦးကို တာဝန်ရှိသူများက မသင်္ကာသဖြင့် ထိန်းသိမ်းကာ စစ်ဆေးခဲ့ကြောင်း သိရသည်။

စစ်ဆေးရာ ၎င်းတို့နှစ်ဦးမှာ ခါးပိုက်နှိုက် ပြစ်ချက်ဟောင်းရှိသူ မင်္ဂလာဒုံမြို့နယ်နေ သန်းထွေး (၄၈နှစ်) နှင့် နိုင်ဦး (၅၈နှစ်) ဆိုသူတို့ဖြစ်ပြီး ၎င်းတို့ထံမှ ကျပ် ၁၈၀၀၀ ပါ ပိုက်ဆံအိတ်တစ်လုံးကို တွေ့ရှိခဲ့ရသဖြင့် အဆိုပါ ပိုက်ဆံအိတ်နှင့်ပတ်သက်ပြီး ဆက်လက် စစ်ဆေးခဲ့ကြောင်း သိရသည်။

ဆက်လက်စစ်ဆေးရာ ယင်းပိုက်ဆံအိတ်မှာ ယာဉ်ပေါ်ပါ အသက် ၄၀ ၀န်းကျင်ရှိ ခရီးသည်အမျိုးသမီး၏ လက်ဆွဲခြင်းထဲမှ နှိုက်ယူခဲ့ခြင်းဖြစ်သည်ဟု စစ်ဆေးပေါ်ပေါက်ခဲ့ကြောင်း သိရသည်။

ထိုသို့ပေါ်ပေါက်ချက်အရ ၎င်းတို့ နှစ်ဦးအား သက်ဆိုင်ရာ ရဲစခန်းတွင် အမှုရေးဖွင့်ကာ အခြားခါးပိုက်နှိုက်မှုများ ရှိ၊ မရှိ ဆက်လက် စစ်ဆေးလျက်ရှိကြောင်း သိရသည်။

YBS ယာဉ်ပေါ်တွင် ခရီးသည်အမျိုးသမီးထံမှ ပိုက်ဆံအိတ်ကို နှိုက်ယူပြီး ၀ိုင်းဝန်းထိုးကြိတ်သည့် ခါးပိုက်နှိုက်အဖွဲ့အား ဖမ်းဆီးရမိ

တောင်ဒဂုံမြို့နယ်၌ YBS ယာဉ်ပေါ်တွင် စီးနင်းလိုက်ပါလာသည့် ခရီးသည် အမျိုးသမီးထံမှ ပိုက်ဆံအိတ်နှိုက်ယူပြီး ၀ိုင်းဝန်းထိုးကြိတ်သည့် ခါးပိုက်နှိုက်အဖွဲ့အား ဖမ်းဆီးရမိခဲ့ကြောင်း ဖေဖော်ဝါရီ ၈ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

ဖြစ်စဉ်မှာ ဖေဖော်ဝါရီ ၇ ရက် မွန်းလွဲ ၁ နာရီခန့်က လှည်းကူးမြို့နယ် သနပ်ပြင်ကျေးရွာနေ မ…. သည် YBS အမှတ်(၁) ယာဉ်လိုင်းမှ ယာဉ်တစ်စီးဖြင့် ရန်ကုန်မြို့တွင်းဘက်သို့ စီးနင်းလိုက်ပါလာစဉ် တောင်ဒဂုံမြို့နယ် နတ်စင်မှတ်တိုင်အရောက်၌ ၎င်း၏ ပိုက်ဆံအိတ်ကို ယာဉ်ပေါ်ရှိ အမျိုးသားတစ်ဦးက နှိုက်ယူသွားသည်ကို တွေ့ရှိရသဖြင့် ယင်းပိုက်ဆံအိတ်ကို ပြန်ပေးရန် ပြောဆိုခဲ့ကြောင်း သိရသည်။

ယင်းသို့ပြောဆိုစဉ် အဆိုပါအမျိုးသားက မ…. ၏ ဦးခေါင်းကို လက်သီးဖြင့်ထုပြီး ဆဲဆိုကာ တံတွေးဖြင့်ထွေးခဲ့ကြောင်း၊ ၎င်းနှင့်အတူပါလာသည့် အခြားအမျိုးသား နှစ်ဦးကလည်း မ….အား ၀ိုင်းဝန်းဆဲဆိုပြီး လက်ကို လိမ်ချိုးခဲ့ကြောင်း သိရသည်။

ထိုသို့ ပြုလုပ်နေသဖြင့် ယာဉ်ပေါ်တွင် လိုက်ပါလာသည့် အမျိုးသားတစ်ဦးက ၀င်ရောက်ဖျန်ဖြေစဉ် ယင်းအမျိုးသားကိုလည်း ၎င်းတို့က ဆဲဆိုပြီး တံတွေးဖြင့်ထွေးခြင်း ပြုလုပ်ခဲ့ကြောင်း သိရသည်။

ယာဉ်ပေါ်တွင် ထိုသို့ဖြစ်ပွားနေသဖြင့် ယာဉ်မောင်းဖြစ်သူက နီးစပ်ရာ တောင်ဒဂုံမြို့မရဲစခန်းသို့ ယာဉ်အားမောင်းသွားခဲ့ကြောင်း၊ ထို့နောက် ရဲတပ်ဖွဲ့မှ ကျူးလွန်သူများအား ဖမ်းဆီးစစ်ဆေးရာ ၎င်းတို့မှာ အရှေ့ဒဂုံမြို့နယ်နေ နေဖုန်းအောင်(ခ)ဟိန်းဇော်ဦး (၃၁နှစ်)၊ မြောက်ဥက္ကလာပမြို့နယ်နေ ထက်အောင်(၃၆နှစ်)နှင့် ဖြိုးဝေထွန်း(ခ) ဖြိုးကြီး (၂၃နှစ်) ဆိုသူတို့ဖြစ်ကြောင်း သိရသည်။

“ခါးပိုက်နှိုက်တာကို အမျိုးသမီးက မြင်သွားတော့ ဆဲဆိုပြီး အမျိုးသမီးကို ထိုးကြိတ်တယ်။ ပြီးတော့ တံတွေးနဲ့ထွေးတယ်လို့ သိရတယ်။ ဘေးက၀င်ပြောတဲ့ လူတစ်ယောက်ကိုလည်း တံတွေးနဲ့ထွေးတယ်လို့ သိရတယ်။ အခုသူတို့သုံးယောက်ကို စခန်းမှာ ဖမ်းဆီးထားပါတယ်။ ဒီနေ့ရမန်ယူတယ်” ဟု အရှေ့ပိုင်းခရိုင် ရဲတပ်ဖွဲ့မှ အရာရှိတစ်ဦးက ဖေဖော်ဝါရီ ၈ ရက်တွင် ပြောကြားသည်။

အဆိုပါဖြစ်စဉ်မှ ပြစ်မှုကျူးလွန်သူသုံးဦးကို တောင်ဒဂုံမြို့မရဲစခန်းက (ပ)၂၈၇/ ၂၀၁၈၊ ရာဇသတ်ကြီးပုဒ်မ ၃၈၂/၃၅၄/၂၉၄/၁၁၄ ဖြင့် အမှုဖွင့်ထားပြီး ဖမ်းဆီးစစ်ဆေးလျက်ရှိကြောင်း သိရသည်။