မန္တလေးမြို့ ကမ်းနားလမ်းတွင် မူးယစ်ဆေးဝါး သုံးစွဲသူများ ခိုအောင်းနိုင်သည့် ကျူးကျော်တဲ ၃၃၈ တဲကို ရှင်းလင်း

မူးယစ်ဆေးဝါး သုံးစွဲနေသူများ ခိုအောင်းနိုင်သည့် ကျူးကျော်တဲများအား ရှင်းလင်းနေစဉ်

မန္တလေးမြို့ အောင်မြေသာစံမြို့နယ် ကမ်းနားလမ်း တစ်လျှောက်တွင် မူးယစ်ဆေးဝါး သုံးစွဲနေသူများ ခိုအောင်းနိုင်သည့် ကျူးကျော်တဲများကို ရှင်းလင်းခဲ့ရာ သြဂုတ် ၂၈ ရက်အထိ တဲပေါင်း ၃၃၈ လုံး ရှင်းလင်းပြီး ဖြစ်ကြောင်း မန္တလေးတိုင်း ရဲတပ်ဖွဲ့၏ သတင်းထုတ်ပြန်ချက်အရ သိရသည်။

သြဂုတ် ၂၇ ရက်မှ စ၍ ဖျက်သိမ်းခဲ့သည့် အောင်မြေသာစံမြို့နယ် ကမ်းနားလမ်း ၁၂ လမ်းနှင့် ၂၂ လမ်းကြားရှိ မူးယစ်ဆေးဝါး ရောင်းဝယ်သုံးစွဲသူများ အလွယ်တကူ ခိုအောင်းနိုင်သည့် ကျူးကျော်တဲ ၃၃၈ လုံးအထိ ရှင်းလင်းခဲ့ခြင်း ဖြစ်သည်။

မန္တလေးမြို့တွင် မူးယစ်ဆေးဝါး သုံးစွဲနေကြသည့် ဗီဒီယိုင်ဖိုင်အချို့ အင်တာနက် စာမျက်နှာများတွင် ပျံ့နှံ့ခဲ့ပြီးနောက် သတင်းများ ထွက်ပေါ်ခဲ့သော ပုသိမ်ကြီးမြို့နယ် ဇီးအုပ်ကျေးရွာနှင့် ကမ်းနားလမ်း ကျူးကျော်နေအိမ်များကို ရဲတပ်ဖွဲ့က ၀င်ရောက် ဖမ်းဆီးစစ်ဆေးမှုများ မကြာခဏဆိုသလို ပြုလုပ်ခဲ့ပြီး ကျော်စောသတင်းရှိ နေအိမ်များကို စည်ပင်သာယာ ဥပဒေအရ ဖျက်သိမ်းခဲ့ကြောင်း၊ ယခုရက်ပိုင်းအတွင်းမှာပင် မန္တလေးမြို့ ဧရာဝတီမြစ်နံဘေး ကမ်းနားရှိ နေအိမ်တစ်လုံးတွင် လူတချို့က အုပ်စုလိုက် မူးယစ်ဆေးဝါး သုံးစွဲနေသည့် ဗွီဒီယိုဖိုင်တစ်ခု သြဂုတ် ၁၉ ရက် ညပိုင်းက ဖေ့စ်ဘွတ်တွင် ထပ်မံ ထွက်ပေါ်လာခဲ့သည်။

အဆိုပါ ဗွီဒီယိုဖိုင် ပေါ်ထွက်လာပြီးနောက် မူးယစ်တပ်ဖွဲ့က ဦးဆောင်ပြီး နယ်မြေခံ ရဲတပ်ဖွဲ့အပါအ၀င် ပူးပေါင်း၍ စစ်ဆေး ဖမ်းဆီးမှုများ ပြုလုပ်ခဲ့သည်။

ထို့နောက် မန္တလေးမြို့ စည်ပင်သာယာရေး ကော်မတီက ဦးဆောင်ပြီး ကမ်းနားလမ်းတစ်လျှောက်ရှိ ကျူးကျော်တဲများကို ဖျက်သိမ်းခဲ့ရာ ရဲတပ်ဖွဲ့က လုံခြုံရေး ဆောင်ရွက်ခဲ့ခြင်း ဖြစ်သည်။

“ကမ်းနားလမ်း ကျူးကျော်တဲတွေကို တာဝန်ယူ ဖျက်သိမ်းတာက စည်ပင်သာယာကပါ။ ကျွန်တော်တို့ ရဲတပ်ဖွဲ့က လုံခြုံရေး ဆောင်ရွက်ပေးရတာပါ”ဟု အောင်မြေသာစံမြို့နယ် ရဲတပ်ဖွဲ့မှူး ရဲမှူးဇော်နိုင်က ပြောကြားသည်။

ပုသိမ်ကြီးမြို့နယ် ဇီးအုပ်ကျေးရွာရှိ ကျူးကျော်နေအိမ်များကို ဖျက်ဆီးရန် အထွေထွေ အုပ်ချုပ်ရေး ဦးစီးဌာနက စာရင်းကောက်ယူမှုများ ပြုလုပ်နေစဉ် ကျူးကျော်နေအိမ်များ ထပ်မံ တည်ဆောက်လာသောကြောင့် ကျူးကျော်လာသည့် နေအိမ်ပေါင်း ၄၀၀ ကျော်ကို စည်ပင်သာယာက ဖျက်သိမ်းရာ ထိုသို့ ဖျက်သိမ်းနေစဉ် လာရောက် ဆန္ဒထုတ်ဖော်ခဲ့သူ ခုနစ်ဦးကို နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) ဖြင့် အမှုဖွင့် တရားစွဲဆိုခဲ့သည်။

မန္တလေးမြို့ပေါ်ရှိ ကျူးကျော်နေထိုင်သူများကို စီမံချက်ချ ရှင်းလင်းမည် ဖြစ်ကြောင်း မန္တလေးတိုင်းဒေသကြီး ၀န်ကြီးချုပ် ဒေါက်တာဇော်မြင့်မောင်က အစိုးရ၏ ဒုတိယ တစ်နှစ်တာ ကာလ ဆောင်ရွက်ချက်များ ရှင်းလင်းပွဲတွင် ပြောကြားထားသည်။

 

ရန်ကုန်တိုင်းတွင် Smart Card ထုတ်ပေးထားသည့် ကျူးကျော်များ နေရာချပေးရန် အချိန်အတိအကျ မပြောနိုင်သေးကြောင်း တိုင်းဒေသကြီးဝန်ကြီး ပြောကြား

Smart Card ရရှိသူတစ်ဦးကို တွေ့ရစဉ် (ဓာတ်ပုံ – ကြည်နိုင်)

ရန်ကုန်တိုင်းအတွင်း Smart Card ထုတ်ပေးထားသည့် ကျူးကျော်များကို နေရာချပေးရန် အချိန်အတိအကျ ပြောဆိုနိုင်ခြင်း မရှိသေးကြောင်း ရန်ကုန်တိုင်းဒေသကြီးအစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က မေ ၃၁ ရက်တွင် ပြုလုပ်သည့် ရန်ကုန်တိုင်းဒေသကြီး လွှတ်တော်တွင် ပြောကြားသည်။

လှိုင်သာယာမြို့နယ် မဲဆန္ဒနယ် အမှတ် (၁) မှ လွှတ်တော်ကိုယ်စားလှယ် ဦးဝင်းမောင် (ခ) ဦးဦးဝင်းမောင်က ရန်ကုန်တိုင်းဒေသကြီးအတွင်း စက်မှုဇုန်များ အဆင့်မြှင့်တင်ရေး ကြီးကြပ်မှုကော်မတီအနေဖြင့် လှိုင်သာယာ စက်မှုဇုန်များ အပါအ၀င် ရန်ကုန်တိုင်းဒေသကြီးအတွင်း စက်မှုဇုန်များ ဖွံ့ဖြိုးတိုးတက်ရန် မည်သို့သော လုပ်ငန်းစဉ်များ ချမှတ်အကောင်အထည်ဖော်နေခြင်း ရှိ မရှိ၊ စက်မှုဇုန်များ အဆင့်မြှင့်တင်ရေး ကြီးကြပ်မှုကော်မတီအနေဖြင့် မည်သည့်ကဏ္ဍများကို အဆင့်မြှင့်တင် ဆောင်ရွက်နေသည်ကို သိရှိလိုကြောင်း မေးခွန်းကို ၀န်ကြီးမှ ပြန်လည်ဖြေကြားရာတွင် ထည့်သွင်းပြောကြားခဲ့ခြင်း ဖြစ်သည်။

“စက်မှုဇုန် အဆင့်မြှင့်တင်ရေးသာမက မြို့သစ်တွေ အဆင့်မြှင့်တင်ရေး၊ ဒဂုံမြို့သစ် လေးမြို့နယ် လှိုင်သာယာ၊ ရွှေပြည်သာကဲ့သို့ မြို့သစ်တွေ အဆင့်မြှင့်တင်ဖို့၊ ကျူးကျော်များကို ဖြေရှင်းရတာက ကျွန်မတို့အတွက် ကြီးမားတဲ့ကိစ္စ ဖြစ်ပါတယ်။ ကျူးကျော်များကို Smart Card ထုတ်ပေးခြင်း အဆင့်တော့ ပြီးသွားပြီ။ သူတို့ကို ပြန်လည်နေရာချထားပေးဖို့တော့ တစ်ချိန်တည်း တစ်ပြိုင်တည်းမှာ ဆက်လက် စီစဉ်ဆောင်ရွက်လျက် ရှိပါတယ်။ သို့သော်လည်း ဆောင်ရွက်ရတဲ့ လုပ်ငန်းအဆင့်ဆင့်တွေ၊ ရင်ဆိုင်ရတဲ့ အခက်အခဲတွေ များပြားတဲ့အတွက် အချိန်အတိအကျ ပြောဆိုနိုင်ခြင်း မရှိသေးပါဘူး။ စက်မှုဇုန်အဆင့်မြှင့်တင်ဖို့ ကျူးကျော်ဖယ်ရှားရေးကလည်း အရေးကြီးပါတယ်။ ကျူးကျော်နေရာပြန်ချပေးရေး အရေးကြီးတဲ့အတွက် တစ်ချိန်တည်း တစ်ပြိုင်တည်း ဆောင်ရွက်လျက် ရှိပါတယ်” ဟု ၀န်ကြီး ဒေါ်နီလာကျော်က ပြောကြားသည်။

ကျူးကျော်အများဆုံးရှိသည့် မြို့နယ်မှာ လှိုင်သာယာမြို့နယ်ဖြစ်ပြီး လှိုင်သာယာ စက်မှုဇုန်သည်လည်း လက်ရှိလည်ပတ်နေသော စက်ရုံအရေအတွက်နှင့် အလုပ်သမား ဦးရေမှာ အခြားဇုန်များနှင့် နှိုင်းယှဉ်လျှင် များပြားကြောင်း၊ လမ်းများအခြေအနေ ဆိုးဆိုးရွားရွား ပျက်စီးခြင်းမရှိသော်လည်း ကျူးကျော်များပြားခြင်းသည် အဓိကပြဿနာဖြစ်နေခြင်းနှင့် ထိုသို့ကျူးကျော်တဲ များပြားစွာ ရှိနေခြင်းကြောင့် အမှိုက်နှင့် ရေမြောင်းပိတ်ဆို့ခြင်းကို ဆောင်ရွက်ရန် အခက်အခဲများ ရှိနေကြောင်း ၀န်ကြီးက ဆက်လက်ပြောကြားသည်။