ယခုနှစ်သင်္ကြန်အကျနှင့် အကြတ်နှစ်ရက်တွင် We L!t water Festival ၌ Big Bag အဖွဲ့ ဖျော်ဖြေတင်ဆက်မည်

ယခုနှစ်သင်္ကြန်အကျနှင့် အကြတ်နှစ်ရက်တွင် We L!t water Festival ၌ Big Bag အဖွဲ့က ဖျော်ဖြေတင်ဆက်မည်ဖြစ်ကြောင်း ကြေညာထားသည်။ We L!t water Festival မဏ္ဍပ်အား ရန်ကုန်မြို့ ပြည်လမ်း၌ တည်ရှိမည်ဖြစ်ပြီး Big Bag အဖွဲ့၏ဖျော်ဖြေတင်ဆက်မှုအပြင် ဒီဂျေများကလည်း အားဖြည့်တင်ဆက်သွားမည်ဖြစ်ကြောင်း သိရသည်။ သင်္ကြန်ကာလအတွင်း အဆိုပါမဏ္ဍပ်၌ ရေကစားနိုင်ရန်အတွက် လက်မှတ်များအားလည်း ရောင်းချလျက်ရှိကြောင်း သိရသည်။

“အခုနှစ်သင်္ကြန်က ရန်ကုန်မှာပဲရှိမှာပါ။ ပြည်လမ်းက မဏ္ဍပ်မှာရှိမယ်။ နောက်ထပ်အစီအစဉ်ရှိရင်လည်း ထပ်ပြီးအသိပေးပါမယ်။ အရင်နှစ်တွေကလည်း ရန်ကုန်သင်္ကြန်မှာပဲ နေဖြစ်တာလေ။ သင်္ကြန်မှာတော့ ပရိသတ်တွေကလည်း ပျော်နေကြတဲ့အချိန်ဆိုတော့ သီချင်းဆိုရတာ ပျော်စရာကောင်းတယ်။ အားလုံးပျော်ပျော်ပါးပါးပေါ့။ ဒီနှစ်သင်္ကြန်လည်း အရင်နှစ်တွေလိုပဲ ဖျော်ဖြေသွားပါမယ်” ဟု တေးသံရှင်ကျားပေါက်က ဆိုပါသည်။

Big Bag အဖွဲ့၏ဖျော်ဖြေတင်ဆက်မှုအား We L!t water Festival ၌ သင်္ကြန်အကျနေ့နှင့် သင်္ကြန်အကြတ်နေ့နှစ်ရက်သာ ပြုလုပ်သွားမည်ဖြစ်ကြောင်းလည်း ကြေညာထားသည်။ သင်္ကြန်ကာလအတွင်း Big Bag အဖွဲ့၏ အခြားသောဖျော်ဖြေရေးအစီအစဉ်ရှိပါက ထပ်မံကြေညာမည်ဖြစ်ကြောင်း သိရသည်။

Big Bag အဖွဲ့သည် ဧပြီ ၁ ရက်တွင်ပြုလုပ်ခဲ့သည့် Bella Music Festival ၌ပါဝင်ဖျော်ဖြေခဲ့ပြီး အခြားသောဖျော်ဖြေပွဲများတွင်လည်း ပါဝင်ရန်စီစဉ်ထားသည်ဟု သိရသည်။ ယခုနှစ်အတွင်းတွင် Big Bag အဖွဲ့သည် Starry Night Tour ဟုအမည်ပေးထားသည့် ဖျော်ဖြေပွဲခရီးစဉ်များအားလည်း ပြုလုပ်ရန် စီစဉ်ထားကြောင်း သိရသည်။ Big Bag အဖွဲ့မှ ပင်တိုင်တေးသံရှင် ကျားပေါက်သည် The Voice Myanmar သီချင်းဆိုပြိုင်ပွဲ၌ အကဲဖြတ်ဒိုင်တစ်ဦးအဖြစ်လည်း ပါဝင်လျက်ရှိပြီး လက်ရှိတွင် Battle Round ယှဉ်ပြိုင်မှုများအား ထုတ်လွှင့်ပြသလျက်ရှိကြောင်း သိရသည်။

ယခုနှစ် သင်္ကြန်ကာလအတွင်းတွင် ရန်ကုန်မြို့၌ ဖျော်ဖြေရေးအစီအစဉ်များအား ကြေညာထားရာတွင် အင်ပါယာတီးဝိုင်းနှင့် တေးသံရှင်များက ရန်ကုန်မြို့ မင်းဓမ္မလမ်းတွင်လည်းကောင်း၊ Idiots၊ Reason၊ Wanted တို့က God’s Theatre မဏ္ဍပ်၌လည်းကောင်း အသီးသီးဖျော်ဖြေမည်ဖြစ်ကာ Big Bag အဖွဲ့၏ဖျော်ဖြေရေးအစီအစဉ်များကို ကြေညာထားသည်။

တေးသံရှင်ကျားပေါက်နှင့် တွေ့ဆုံခြင်း

ဖခင်ဖြစ်သူ၏ ဂီတအမွေကို လက်ဆင့်ကမ်းသယ်ဆောင်လာကာ နိုင်ငံတကာ ဂီတလမ်းကြောင်းသို့ပါ ရောက်ရှိကျယ်ပြန့်နိုင်သူတစ်ဦးဟု ဆိုရမည့် တေးသံရှင်ကျားပေါက်သည် လတ်တလောထုတ်လွှင့် ပြသခဲ့သည့် The Voice Myanmar သီချင်းဆိုပြိုင်ပွဲ၏ Coach တစ်ဦးအဖြစ် ပါဝင်ခဲ့ရာတွင်လည်း ပရိသတ်အားပေးမှု အများအပြား ရရှိစေသူတစ်ဦးဖြစ်သည်။ တေးသံရှင်ကျားပေါက် ပါဝင်သည့် Big Bag အဖွဲ့အား ကမ္ဘာ့ထိပ်တန်းဂီတအဖွဲ့ဖြစ်သည့် Queen ၏မန်နေဂျာဖြစ်သူ Jim Beach က လာရောက်တွေ့ဆုံပြီးနောက် ကမ္ဘာတစ်ဝန်းမှ artist များ အနုပညာ ပူးပေါင်းဖန်တီးမည့် အစီအစဉ်တွင် ပါဝင်ရန်ကမ်းလှမ်းထားပြန်သည်။ ကိုယ်တိုင်ရေးဆွဲသည့် ကာတွန်းစာအုပ်မှာလည်း အရောင်းရဆုံး စာရင်းဝင် စာအုပ်တစ်အုပ် ဖြစ်စေခဲ့သည့် တေးသံရှင်ကျားပေါက်နှင့် တွေ့ဆုံဖြစ်သည့်အခိုက် သီချင်းဆိုပြိုင်ပွဲတွင် Coach အဖြစ် ပါဝင်ဖြစ်သည့် ရည်ရွယ်ချက်၊ နိုင်ငံတကာခြေလှမ်းများအတွက် ပြင်ဆင်နေမှုများ၊ Jim Beach နှင့်တွေ့ဆုံဖြစ်သည့် အကြောင်းအပါအ၀င် သိလိုသည်များအား မေးမြန်းဖြစ်ခဲ့ပါသည်။

‘ဒီမှာဆုမရရင်တောင် တကယ်တမ်း ဒီလောကထဲမှာ တစ်နည်းမဟုတ်တစ်နည်း ဆက်သွားလို့ရတဲ့သူဖြစ်အောင်လုပ်မှာ။ ကျွန်တော့်ရဲ့ plan က long-term ပါ}

■ မေး – The Voice Myanmar မှာ Coach အဖြစ် ဘာကြောင့်လုပ်ဖြစ်ခဲ့တာလဲဆိုတာ အရင်သိချင်ပါတယ်။

ဖြေ – Judge လုပ်ရုံတင်မဟုတ်ဘူး။ စင်ပေါ်မှာဆိုတာ ကောင်းတယ်၊ ဆိုတာ မကောင်းဘူး ဘယ်လိုဆိုသင့်တယ် ပြောတာမျိုးထက် recording ထဲက technique တွေ၊ လိုတာတွေလိုက် ပြီးတော့ပါ ကိုယ်ကပြောပြပေးခွင့်၊ အကြံဥာဏ် ပေးခွင့်ရတယ်။ အဲဒီအတွက် လုပ်ဖြစ်တာလည်း ပါပါတယ်။ ဒီပြိုင်ပွဲကို နိုင်ငံတကာမှာ လုပ်နေကတည်းကလည်း စိတ်ဝင်စားတယ်။ ဒါကြောင့် လက်ခံဖြစ်သွားတာပါ။

■ မေး – Blind Audition မှာ ကျားပေါက်အနေနဲ့ ဘယ်အရာကို အဓိကထားပြီး ရွေးချယ်ဖြစ်လဲ။

ဖြေ – Blind Audition မှာဆိုနေတဲ့သူကို မမြင်ရဘူး။ သူတို့ history ကိုလည်း မသိဘူး။ ယောက်ျားလား မိန်းမလားဆိုတာတောင် သီချင်းဆိုလိုက်မှ သိတာလေ။ အချိန် နှစ်မိနစ်လောက်အတွင်းမှာ ကိုယ်ကလှည့်မလား၊ မလှည့်မလား ဆုံးဖြတ်ရတာ။ လှည့်ပြီးပြီဆိုရင်လည်း တခြားဒိုင်တွေကလည်း လှည့်ထားတယ်ဆိုရင် ကိုယ့် team ကိုရွေးဖို့ပြောရမှာလေ။ နိုင်ငံခြားက record label တွေကတော့ အဲဒီလိုလုပ်တာပဲ။ ကလပ်တွေ သွားတယ်။ သီချင်းဆိုကောင်းတဲ့သူတွေ့ရင် ကိုယ်နဲ့အလုပ်လုပ်မလား၊ စာချုပ်ချုပ်မလားစသဖြင့်ပေါ့။ အဲဒါမျိုး process အသေးလေး ဒီမှာလုပ်ရတာပေါ့။ စိတ်ဝင်စားစရာ ကောင်းပါတယ်။

■ မေး – ပြိုင်ပွဲဝင်တွေရဲ့ ဘယ်အရာကို ကျားပေါက်က လှည့်ကြည့်ဖို့အတွက် ဖမ်းစားနိုင်တယ်လို့ ပြောလို့ရမလဲ။

ဖြေ – attitude ပေါ့။ ဥပမာ ပြိုင်ပွဲဝင်နေတဲ့ သီချင်းတွေထဲမှ အဲဒါမျိုးမဟုတ်ဘဲ ပြိုင်လေ့မရှိတဲ့ သီချင်းမျိုးတွေရွေးပြီးဆိုတာမျိုး၊ ဒိုင်တွေကို ဖမ်းစားချင်လို့ မဟုတ်ဘူး။ ကိုယ့်ဘာသာကိုယ် လွတ်လွတ်မြောက်မြောက် ဆိုနေတာမျိုးတွေ ရှိတယ်။ အဲဒါမျိုးဆို လှည့်ကြည့်ဖြစ်တယ်။

■ မေး – ပြိုင်ပွဲမှာ တကယ်လုပ်ဖြစ်တဲ့အခါ မျှော်လင့်ထားတာနဲ့ လက်တွေ့လုပ်ဆောင်တာနဲ့ ကွာခြားတာမျိုးကြုံရလား။

ဖြေ – စိတ်လှုပ်ရှားစရာတွေတော့ အများကြီးကြုံရတယ်။ မထင်ထားတဲ့အသံတွေ ကြားလိုက်ရတာမျိုး၊ လှည့်ကြည့်ပြီး သူတို့ကိုမေးကြည့်တော့မှ အံ့အားသင့်စရာ ကြုံရတာမျိုးတွေ၊ အရမ်းကို စိတ်ပျက်စရာကောင်းအောင် ဖြစ်ရတဲ့ပြိုင်ပွဲဝင်မျိုးတော့ မရှိပါဘူး။ ကိုယ်မလုပ်နိုင်ဘူးဆိုရင်လည်း မလုပ်နိုင်ဘူးဆိုတာမျိုး ငြင်းရတာလည်း ရှိတယ်။

■ မေး – ပြိုင်ပွဲက ပရိသတ်အတွက် ရသပေးရတာရယ်၊ talent ရှိတဲ့သူကို ရွေးချယ်ပံ့ပိုးပေးရမယ့်အပိုင်းရယ်ပေါ့။ အဲဒါကို ဘယ်လို handle လုပ်မလဲ။

ဖြေ – coach လေးယောက်ရဲ့ ဘယ် talent က နောက်ဆုံးပန်းဝင်သွားမလဲ ဆိုတာတော့ ရှိတယ်။ ကျွန်တော့်ရဲ့ success က အဲဒါမဟုတ်ဘူး။ ကိုယ့် team ထဲက သူက နောက်ဆုံး ဆုမရလည်း ရတယ်။ ဒီမှာ ဆုမရရင်တောင် တကယ်တမ်း ဒီလောကထဲမှာ တစ်နည်းမဟုတ်တစ်နည်း ဆက်သွားလို့ရတဲ့သူ ဖြစ်အောင်လုပ်မှာ။ ကျွန်တော့်ရဲ့ team က long-term ပါ။

■ မေး – Coach အချင်းချင်းလည်း ယှဉ်ပြိုင်မှုရှိတော့ အဲဒီအပိုင်းကိုရော ဘယ်လိုမြင်လဲ။

ဖြေ – အဲဒါကတော့ purely entertainment business ပဲ။ ကိုယ့် team ကိုကိုယ်ကြိုက်တဲ့ သူလာစေချင်ရင် ပြောရတာကိုး။ အရမ်းကြီး တိုက်ခိုက်ပြီးတော့လည်း မပြောပါဘူး။ ဒါပေမဲ့ အကြိုက်ချင်းလည်း အရမ်းမတူဘူး။ တူပြီဆိုလည်း ရွေးတဲ့သူက ပြတ်ပြတ်သားသားပဲ ရွေးသွားတာလေ။ စတာနောက်တာတွေကတော့ ထိန်းလို့တောင်မနိုင်ဘူး။ အဲဒါတော့ ဒီအတိုင်း နောက်ကြတာပါ။

■ မေး – ဒီနှစ်ထဲမှာ ဘယ်အခွေတွေ နားထောင်ခွင့်ရမလဲ။

ဖြေ – Weapons of Choice က ကျွန်တော်ကတော့ ထွက်ချင်တယ်။ ဒီနှစ်ထဲထွက်ဖြစ်မယ်လည်း ထင်ပါတယ်။ တခြားဟာတွေလည်း ဆက်လုပ်နေမှာပဲ။ Anger Management နဲ့ နည်းနည်းတော့ခြားမယ်။ အရှေ့မှာက အခွေထွက်တာ စိပ်တယ်ဆိုတော့လေ။ ရှိုးများများဆိုမယ်။ One Man Show တစ်ခုလာမယ်။ Starry Night Tour ဆိုပြီး လုပ်ဖို့ပြင်ဆင်နေတယ်။

■ မေး – ကာတွန်းစာအုပ်က ဘယ်တော့လောက် အသစ်ထပ်ထွက်ဖြစ်မလဲ။

ဖြေ – ထွက်မယ်ဆိုရင် ရယ်ဒီရှိပါတယ်။ ဒါပေမဲ့ ဆန်းမွန်အောင်က မထုတ်နဲ့ဦးဆိုလို့လေ။ အချိန်ခဏစောင့်ဦးဆိုလို့ပါ။ သူ့ဆီမှာ နှစ်အုပ်သုံးအုပ်စာလောက် ပေးထားတာပါ။ သူအဆင်ပြေတဲ့အချိန် ထွက်မှာပါ။

■ မေး – ကာတွန်းစာအုပ်ထွက်လာတဲ့ အချိန်မှာ အရောင်းရဆုံး စာရင်းဝင်တဲ့ ခံစားချက်ကိုလည်း ပြောပြပါဦး။

ဖြေ – ကျွန်တော့်ကိုနောက်နေတယ်လို့ ထင်တာဗျ။ မယုံနိုင်ဘူး ဖြစ်နေတာလေ။ ပျော်တာပေါ့။

■ မေး – Queen ရဲ့ မန်နေဂျာနဲ့ တွေ့ဆုံဖြစ်တဲ့အကြောင်းလည်း ရေးထားတာ တွေ့လိုက်တယ်။

ဖြေ – Queen အဖွဲ့မှာ နှစ်ပေါင်းများစွာ မန်နေဂျာအဖြစ် ဆောင်ရွက်နေတဲ့ Jim Beach ရဲ့ project တစ်ခုမှာ အာရှနိုင်ငံတွေထဲက ဂျပန်နဲ့မြန်မာက လောလောဆယ် ပါဝင်ရမယ်လို့ သိရပါတယ်။ အဲဒီအတွက် မြန်မာနိုင်ငံက ကျွန်တော်တို့ Big Bag အဖွဲ့ကိုပါဝင်ဖို့ ကမ်းလှမ်းတာပေါ့။ ကမ္ဘာ့နိုင်ငံအသီးသီးက ရွေးချယ်ခံရတဲ့ artist တွေအနေနဲ့ သီချင်းတစ်ပုဒ်စီ ဖန်တီးပြီး worldwide ဖြန့်မယ့်အစီအစဉ်ပါ။ ကျွန်တော့်အတွက်တော့ အဆိုတော်ဖြစ်ရတာရော၊ Big Bag အဖွဲ့ဝင်ဖြစ်ရတာရော အခုလို ကမ်းလှမ်းခံရတာ ဂုဏ်အယူရဆုံးပါပဲ။ Jim Beach ကို ကျွန်တော်တို့ Big Bag ရဲ့ထွက်ထားပြီးသား အခွေတွေကိုလည်း ပေးလိုက်တယ်။ Queen အဖွဲ့ဝင်နဲ့တွေ့တဲ့အခါ သူပေးပေးမယ်ပြောပါတယ်။ ကျန်တဲ့အပိုင်းတွေကတော့ ဆက်ဆွေးနွေးပြီး လုပ်ရမှာပေါ့။ ကျွန်တော်တကယ့်ကို ပျော်ရပါတယ်။

ကမ္ဘာအနှံ့မှ အနုပညာရှင်များ ပါဝင်သီဆိုစေကာ ကမ္ဘာတစ်ဝန်းသို့ဖြန့်ချိမည့် တေးသီချင်း ဖန်တီးမှုအစီအစဉ်တွင် Big Bag ပါဝင်ရန် ကမ်းလှမ်းခံရ

ကမ္ဘာ့ထိပ်တန်း ဂီတအဖွဲ့တစ်ဖွဲ့ဖြစ်သည့် Queen အဖွဲ့၏ မန်နေဂျာအဖြစ် ဆောင်ရွက်လျက်ရှိသူ Jim Beach ၏ ကမ္ဘာအနှံ့မှ အနုပညာရှင်များ ပါဝင်သီဆိုစေကာ ကမ္ဘာတစ်ဝန်းသို့ဖြန့်ချိမည့် တေးသီချင်းဖန်တီးမှု အစီအစဉ်တွင် Big Bag အား ပါဝင်ရန်ကမ်းလှမ်းခံခဲ့ရကြောင်း သိရသည်။

New York City ဟု အမည်ပေးထားသည့် တေးသီချင်းအား ကမ္ဘာအနှံ့မှအနုပညာရှင်များက တစ်နိုင်ငံတစ်ပုဒ် ဖန်တီးမည် ဖြစ်ကာ အာရှနိုင်ငံများမှ ဂျပန်နိုင်ငံနှင့် မြန်မာနိုင်ငံတို့မှ အနုပညာရှင်တို့အား ပါဝင်စေရန် ကမ်းလှမ်းထားခြင်းဖြစ်ပြီး မြန်မာနိုင်ငံမှ Big Bag အဖွဲ့အား ကမ်းလှမ်းထားခြင်း ဖြစ်ကြောင်း သိရသည်။ Jim Beach သည် Big Bag အဖွဲ့မှ တေးသံရှင်ကျားပေါက်နှင့် ဖေဖော်ဝါရီ ၁၁ ရက်တွင် လာရောက်တွေ့ဆုံခဲ့ပြီး အဆိုပါကမ်းလှမ်းမှုအား တေးသံရှင် ကျားပေါက်က လက်ခံခဲ့ကြောင်းသိရသည်။

“Queen အဖွဲ့ရဲ့ မန်နေဂျာအနေနဲ့ ၁၉၇၀ လောက်ကနေ အခုချိန်ထိ လုပ်ခဲ့တဲ့ Jim Beach က လာရောက်တွေ့ဆုံခဲ့တာပါ။ သူ့ရဲ့ Project ဖြစ်တဲ့ New York City အတွက် လာရောက်တွေ့ဆုံခဲ့တာဖြစ်ပါတယ်။ New York City ဆိုတဲ့သီချင်းကို ကမ္ဘာအနှံ့ ကအနုပညာရှင်တွေက ပါဝင်ဖန်တီးကြမှာ ဖြစ်ပြီး တစ်နိုင်ငံတစ်ပုဒ် ဖန်တီးကြမှာပါ။ ပြီးရင်တော့ Worldwide  ဖြန့်ချိဖို့စီစဉ်ထားတာပါ။ အဲဒီပရောဂျက်အတွက် Big Bag ပါဝင်ဖို့ကမ်းလှမ်းတာကို ၀မ်းသာဂုဏ်ယူစွာနဲ့ လက်ခံခဲ့ပါတယ်။ အာရှနိုင်ငံတွေမှာ လောလောဆယ်တော့ မြန်မာနဲ့ဂျပန် ပါဝင်တယ်လို့သိရပါတယ်” ဟု တေးသံရှင်ကျားပေါက်က ဆိုသည်။

တေးသံရှင်ကျားပေါက်နှင့် Queen အဖွဲ့၏မန်နေဂျာ Jim Beach တို့တွေ့ဆုံရာတွင် Big Bag ၏ ထွက်ရှိထားပြီးသည့် အယ်လ်ဘမ်များကိုလည်း ပေးအပ်လိုက်ပြီး Queen အဖွဲ့၏ Lead guitarist Brian May အား ပေးအပ်မည်ဖြစ်ကြောင်း ပြော ကြားသွားခဲ့သည်ဟု သိရသည်။

တေးသံရှင် ကျားပေါက်သည် Queen အဖွဲ့၏မန်နေဂျာ Jim Beach  နှင့်တွေ့ ဆုံခွင့်ရခဲ့ပြီး ကမ္ဘာလုံးဆိုင်ရာ အနုပညာရှင်များအား ရွေးချယ်ဖိတ်ခေါ်ကာ သီချင်းတစ်ပုဒ်ဖန်တီးရန် ကမ်းလှမ်းခဲ့သည့် အကြောင်း ကို လူမှုကွန်ရက်စာမျက်နှာထက်မှလည်း ပြန်လည်မျှဝေခဲ့ပြီး အနုပညာရှင်များနှင့် ပရိသတ်များက ဂုဏ်ယူဝမ်းမြောက်ကြောင်းကိုလည်း ရေးသားပေးပို့ခဲ့ကြသည်။

Big Bag အဖွဲ့သည် ၂၀၁၇ ခုနှစ်အတွင်းတွင် အင်္ဂလိပ်တေးသီချင်းနှင့် မြန်မာသီချင်းများပါဝင်သည့် Anger Management တေးအယ်လ်ဘမ်ကို ထွက်ရှိထားပြီး ယခုနှစ်အတွင်းတွင်လည်း ဆွီဒင်နိုင်ငံ၌ အသံသွင်းယူထားကာ အင်္ဂလိပ်တေးသီ ချင်းအများစုပါဝင်မည့် Weapons of Choice တေးအယ်လ်ဘမ်ကို ကမ္ဘာ့နိုင်ငံများသို့ပါ ဖြန့်ချိနိုင်ရန် ပြင်ဆင်နေသူဖြစ်သည်။ Big Bag အဖွဲ့သည် ယခုနှစ်အတွင်း Starry Night Tour ကို  ကျင်းပသွားရန်စီစဉ်ထားကြောင်း သိရသည်။