ကြိုတင်ကာကွယ်၍ ရနိုင်သောရောဂါဖြင့် သေဆုံးသူ ၁၀ ဦးတွင် ခြောက်ဦးသည် ကျန်းမာရေးစောင့်ရှောက်မှု ညံ့ဖျင်းခြင်းကြောင့် သေဆုံးခဲ့ရ

၂၀၁၇ ခုနှစ် ဇူလိုင် ၁၃ ရက်တွင် တရုတ်နိုင်ငံ လျောင်နင်းပြည်နယ် ရှန်းယန်ရှိ တရုတ်ဆေးတက္ကသိုလ်၏ ပထမဆေးရုံအတွင်းပိုင်းကို တွေ့ရစဉ် (Photo: AFP)

ကုသမှုများအား လုံလောက်စွာ မရရှိခြင်းထက် ပိုမိုဆိုးရွားသော အရည်အသွေး နိမ့်ပါးသည့် ကျန်းမာရေးစောင့်ရှောက်မှု စနစ်ကြောင့် ၀င်ငွေနိမ့်နှင့် အလယ်အလတ်ရှိသော နိုင်ငံများတွင် ကြိုတင်ကာကွယ်နိုင်သည့် အခြေအနေများနှင့် သေဆုံးမှု ၁၀ ဦးတွင် ခြောက်ဦးထက်မနည်း သေဆုံးခဲ့ရကြောင်း Lancet ဆေးပညာဂျာနယ်တွင် စက်တင်ဘာ ၅ ရက်၌ ဖော်ပြခဲ့သည့် လေ့လာမှုတစ်ခုတွင် သုတေသနပညာရှင်များက ပြောကြားထားသည်။

နှစ်စဉ်နှစ်တိုင်း ထိုနိုင်ငံများတွင် စံမမီသော ကျန်းမာရေးစောင့်ရှောက်မှု စနစ်ကြောင့် လူငါးသန်းခန့် သေဆုံးနေရကြောင်း ထိုလေ့လာမှုတွင် ဖော်ပြခဲ့သည်။ ယင်းသည် ကုသနိုင်သော အခြေအနေများ၌ စုစုပေါင်း သေဆုံးမှု ၈ ဒသမ ၆ သန်းထဲတွင် ပါဝင်ခဲ့ပြီး ကျန်းမာရေးစောင့်ရှောက်မှု လုံးဝမရရှိခြင်းကြောင့် သေဆုံးခဲ့မှု ၃ ဒသမ ၆ သန်းထက် ပိုမိုများပြားနေကြောင်း ယင်းအစီရင်ခံစာ၌ ဖော်ပြခဲ့သည်။ ခြုံငုံပြောရလျှင် ကုသနိုင်သော အခြေအနေများ၌ သေဆုံးရမှုများကြောင့် ၂၀၁၅ ခုနှစ် တစ်နှစ်တည်း၌ ကမ္ဘာ့စီးပွားရေးကို ဒေါ်လာ ၆ ထရီလျံခန့်အထိ ဆုံးရှုံးစေခဲ့ကြောင်း ထိုပညာရှင်များက ပြောကြားခဲ့ကြသည်။

ကမ္ဘာလုံးဆိုင်ရာ ကျန်းမာရေးစောင့်ရှောက်မှု စနစ်သည် အရည်အသွေးမြင့် စောင့်ရှောက်မှုအား လုံလောက်သော အာရုံစိုက်မှုမရှိဘဲ ထိုစောင့်ရှောက်မှုအား လူအများ ပိုမိုလက်လှမ်းမီနိုင်ရေးအတွက်သာ အာရုံစိုက်ခဲ့ကြကြောင်း ထိုအစီရင်ခံစာကို ပူးတွဲရေးသားသူနှင့် Lancet Global Health Commission ပူးတွဲဥက္ကဋ္ဌလည်းဖြစ်သူ မူဟာမက်ပိတ်က ပြောကြားခဲ့သည်။

အနိမ်ဆုံး အရည်အသွေးကို အာမ,မခံနိုင်ဘဲ ကျန်းမာရေးစောင့်ရှောက်မှုပေးခြင်းသည် ထိရောက်မှုမရှိ၊ အချည်းနှီးနှင့် ကျင့်ဝတ်နှင့်မညီကြောင်း၊ အရည်အသွေးနိမ့်သော ကျန်းမာရေးစောင့်ရှောက်မှုများသည် ပျံ့နှံ့နေကြောင်း ၎င်းက သတိပေးခဲ့သည်။

စံမမီသော ကျန်းမာရေးစောင့်ရှောက်မှုများသည် နှလုံးနှင့်သွေးကြောဆိုင်ရာ ရောဂါကြောင့် သေဆုံးမှုများ၏ ၈၄ ရာခိုင်နှုန်း၊ ကာကွယ်ဆေးဖြင့် ကြိုတင်ကာကွယ်နိုင်သည့် ရောဂါများဖြင့် သေဆုံးမှု ၈၄ ရာခိုင်နှုန်း၊ ကလေးမွေးပြီးနောက် ရောဂါများကြောင့် သေဆုံးမှုများ၏ ၆၁ ရာခိုင်နှုန်းကို ကိုယ်စားပြုနေကြောင်း သိရသည်။ စံမမီသော ကျန်းမာရေးစောင့်ရှောက်မှု စနစ်ကြောင့် သေဆုံးမှုများသည် အိန္ဒိယတွင် အမြင့်ဆုံးဖြစ်ပြီး တစ်နှစ်လျှင် ခန့်မှန်းခြေ သေဆုံးမှု ၁.၆ သန်းအတွက် တာဝန်ရှိကြောင်း ပညာရှင်များက ပြောကြားခဲ့ကြသည်။

Ref: AFP

စင်ကာပူ- မြန်မာ ပူးပေါင်းလုပ်ဆောင်သည့် ထိခိုက်ဒဏ်ရာရရှိမှုမှ ပြန်လည်သန်စွမ်းရေးဆိုင်ရာ ကျန်းမာရေးစောင့်ရှောက်မှုစီမံကိန်းတွင် အနည်းဆုံး လူနာ ၃၀၀၀၀ အကျိုးကျေးဇူးခံစားနိုင်မည်ဟု မျှော်မှန်း

စင်ကာပူနှင့် မြန်မာ့ကျန်းမာရေးဆိုင်ရာ ပညာရှင်များ ပူးပေါင်း၍ ထိခိုက်ဒဏ်ရာ ရရှိမှုမှ ပြန်လည်သန်စွမ်းရေးဆိုင်ရာ ကျန်းမာရေးစောင့်ရှောက်မှုအား ရန်ကုန်တွင် အရှိန်အဟုန်ဖြင့် အဆင့်မြှင့်တင်သွားမည်ဖြစ်ပြီး Singapore International Foundation  ၏ Singapore Health Services နှင့် ရန်ကုန်ပြည်သူ့ဆေးရုံကြီးတို့နှင့်အတူ ပူးပေါင်းလုပ်ဆောင်မှုမှ အနည်းဆုံး လူနာပေါင်း ၃၀၀၀၀ ကို အကျိုးကျေးဇူးခံစား နိုင်မည်ဟု မျှော်မှန်းထားကြောင်း သိရသည်။

မြန်မာနိုင်ငံတွင် ဆေးရုံရှိဆေးကုသမှု ခံယူနေမှုများ၏ သိသာထင်ရှားသော ရာခိုင်နှုန်းတစ်ခုသည် ယာဉ်မတော်တဆမှုကြောင့်သော်လည်းကောင်း၊ ပြုတ်ကျခြင်းကြောင့်သော်လည်းကောင်း၊ လုပ်ငန်းခွင်၌ ထိခိုက်မိခြင်းကြောင့်သော်လည်းကောင်း ရရှိသော ထိခိုက်ဒဏ်ရာများ ဖြစ်သည်။

ထိုကဲ့သို့သော ကိစ္စရပ်များ ဖြစ်ပွားမှု မြင့်မားလာပါက လက်ရှိထိခိုက်ဒဏ်ရာ ကုသမှု အထောက်အကူပြုပစ္စည်းများနှင့် ကျန်းမာရေးစောင့်ရှောက်မှု ပညာရှင်များအတွက် ၀န်ပို၍ အခက်အခဲဖြစ်စေနိုင်သည်။ ထိခိုက်ဒဏ်ရာရရှိသော လူနာများအတွက် ပို၍ဈေးနှုန်းသက်သာပြီး ပြန်လည်သန်စွမ်းရေး ပြီးပြည့်စုံသော ကျန်းမာရေး စောင့်ရှောက်မှုကို လိုအပ်လျက်ရှိသည်။ သို့သော် ရန်ကုန်ပြည်သူ့ဆေးရုံကြီးတွင် ထိခိုက်ဒဏ်ရာနှင့် သက်ဆိုင်သော ဆေးကုသမှုခံယူရန် ဆေးရုံတက်ရောက်လာသူ နေ့စဉ်ပျမ်းမျှ အယောက် ၃၀ ရှိပြီး ထိခိုက်ဒဏ်ရာ ကုသမှုဌာနတွင် နေ့စဉ် ပျမ်းမျှ လူနာဦးရေ ၂၀၀ ကို လက်ခံကုသပေးနိုင်ကြောင်း သိရသည်။

“ထိခိုက်ဒဏ်ရာရရှိမှုမှ ပြန်လည်သန်စွမ်းရေး ပြီးပြည့်စုံသော ကျန်းမာရေးစောင့်ရှောက်မှုစီမံကိန်း သုံးနှစ်တာကာလအတွင်း  မြန်မာနိုင်ငံရဲ့ ပြန်လည်သန်စွမ်းရေးဆိုင်ရာ  ကျန်းမာရေးစောင့်ရှောက်မှု စနစ်ကောင်းတစ်ရပ်ကို ဖော်ဆောင်ပေးသွားမှာ ဖြစ်ပါတယ်။ ကနဦးအကဲဖြတ်မှုတွေ၊ ဆေးကုသမှုတွေ အပါအ၀င် အပြည့်အ၀ ပြန်လည်သန်စွမ်းသည်အထိ အကျုံးဝင်မှာဖြစ်ပါတယ်။ သုံးနှစ်တာကာလ ကျော်လွန်ပြီးတဲ့အခါမှာတော့ လုပ်ထုံးလုပ်နည်းတွေ၊ ၀န်ဆောင်မှု အပါအ၀င် လူနာအယောက် ၃၀၀၀၀ ကျော် အတွက် အကျိုးပြုပေးနိုင်မယ့် ဆရာဝန် ၁၈၀ ဦးကို အရည်အသွေးမြှင့်တင်မှုပေးမယ့် ကဏ္ဍတွေမှာ ကျွန်မတို့ အတူတကွ လုပ်ဆောင်သွားမှာပါ။ ဆေးပညာနယ်ပယ်မှာ ၎င်းတို့သင်ယူရရှိခဲ့တဲ့ အရည်အသွေးများနဲ့ ဗဟုသုတတွေကို ပြန်လည်မျှဝေဖို့အတွက် ထူးချွန်တဲ့ ဆရာဝန် ၆၀ ကို ထပ်မံရွေးချယ် သွားဦးမှာလည်း ဖြစ်ပါတယ်။ လုပ်ဆောင်မှု နည်းလမ်းတွေကနေတစ်ဆင့် မြန်မာနိုင်ငံ ကျန်းမာရေးစောင့်ရှောက်မှု အဖွဲ့အစည်းရဲ့ လုပ်နိုင်စွမ်းတွေကို မြှင့်တင်ပြီး စီမံကိန်းကို ရေရှည်စဉ်ဆက်မပြတ်တိုးတက်စေမှာ ဖြစ်ပါတယ်” ဟု  SIF ၏ Executive Director MS JEAN TAN က ပြောကြားသည်။

SIF  ၏ Volunteer Cooperation (VC) ပရိုဂရမ်များသည် အာရှတွင် အပြုသဘောဆောင်သော၊ ရေရှည်တည်တံ့သော ဖွံ့ဖြိုးမှုကို လုပ်ဆောင်နိုင်ရန် ရည်ရွယ်ကာပြုလုပ်ထားသော ပရိုဂရမ်များဖြစ်သည်။ ထိုပရိုဂရမ်တွင် စင်ကာပူနိုင်ငံသား စေတနာ့ ၀န်ထမ်းများသည် အခြားနိုင်ငံများမှစေတနာ့ ၀န်ထမ်းများနှင့် ပူးပေါင်းလက်တွဲကာ အတွေ့အကြုံများ၊ ကျွမ်းကျင်မှုများကို ပြန်လည်မျှဝေပေးပြီး ကောင်းမွန်သော ပြောင်းလဲမှုများရရှိနိုင်ရန် ဆောင်ရွက်ခြင်းဖြစ်ကာ တစ်ချိန်တည်းတွင် ယဉ်ကျေးမှုနှင့် သဘာဝများကို အပြန်အလှန် နားလည်သဘော ပေါက်လာစေရန် ကြိုးစားလုပ်ဆောင်ယူခြင်း ဖြစ်သည်။ SIF အနေဖြင့် မြန်မာနိုင်ငံတွင် နိုင်ငံတကာ ပူးပေါင်းဆောင်ရွက်မှုစီမံကိန်းများကို ၁၉၉၂ ခုနှစ်ကတည်းကပင် စတင်ကူညီဆောင်ရွက်ခဲ့သည်။

၁၉၉၉ ခုနှစ်မှစ၍ SIF သည် ပညာရေးနယ်ပယ်၊ ကျန်းမာရေးစောင့်ရှောက်မှု နယ်ပယ်နှင့် သဘာဝပတ်ဝန်းကျင်ဆိုင်ရာ နယ်ပယ်များတွင် ပူးပေါင်းဆောင်ရွက်ခဲ့ပြီး ၎င်းစီမံကိန်းများထဲတွင် မူလတန်းကြိုကလေးများအတွက် အင်္ဂလိပ်စာသင်ကြားပေးခြင်း (၂၀၁၃ – ၂၀၁၆)၊ မြန်မာနိုင်ငံ လူမှုဝန်ထမ်း ဦးစီးဌာနနှင့် ပူးပေါင်းကာ ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ ဆောင်ရွက်မှုများ (၂၀၀၄ – ၂၀၁၅)၊ ဗဟိုအမျိုးသမီးဆေးရုံကြီးနှင့်ပူးပေါင်းကာ သားဖွားနှင့် မီးယပ်ကျန်းမာရေး

စောင့်ရှောက်မှု (၁၉၉၉ – ၂၀၀၁)၊ အမျိုးသား ကျန်းမာရေးဓာတ်ခွဲမှုဆိုင်ရာဌာနနှင့် အမျိုးသားသွေးဌာနတို့ ပူးပေါင်းကာ သွေးအုပ်စုများကို စစ်ဆေးခြင်း (၂၀၀၇ – ၂၀၁၅)၊ မင်္ဂလာမြန်မာနှင့်ပူးပေါင်းကာ Water for Life (၂၀၁၃ -၂၀၁၆) နှင့် လက်ရှိလုပ်ဆောင်မည့် ထိခိုက်ဒဏ်ရာရရှိမှုမှ ပြန်လည်သန်စွမ်းရေး ပြီးပြည့်စုံသော ကျန်းမာရေးစောင့်ရှောက်မှု (၂၀၁၈-၂၀၂၀) တို့ ပါဝင်သည်။

 

အကျဉ်းထောင်များတွင် လူ့စွမ်းအားအရင်းအမြစ် လိုအပ်မှု၊ အခြေခံအဆောက်အအုံနှင့် ကျန်းမာရေးစောင့်ရှောက်မှုဆိုင်ရာ လိုအပ်ချက် ကြီးမားနေပြီး ဖြေရှင်းဆောင်ရွက်ရန် လိုအပ်

အင်းစိန်အကျဉ်းထောင်ဝင်းအတွင်း တစ်နေရာအား တွေ့ရစဉ် (ဓာတ်ပုံ-အောင်မျိုးသန့်)

မြန်မာနိုင်ငံရှိ အကျဉ်းထောင်များတွင် လူ့စွမ်းအားအရင်းအမြစ် လိုအပ်မှု၊ အခြေခံအဆောက်အအုံနှင့် ကျန်းမာရေးစောင့်ရှောက်မှုဆိုင်ရာ လိုအပ်ချက်များ ကြီးမားနေပြီး ဖြေရှင်းဆောင်ရွက်ရန် လိုအပ်နေကြောင်း အကျဉ်းထောင်များအတွင်း လိုအပ်နေသည့် ကျန်းမာရေး စောင့်ရှောက်မှုလုပ်ငန်းများ ထောက်ပံ့ကူညီနေသည့် 3MDG အဖွဲ့မှ သိရသည်။

အကျဉ်းထောင်များနှင့် ရဲဘက်စခန်းများတွင် အကျဉ်းသားဦးရေကို ၀င်ဆံ့နိုင်သည်ထက် ပိုမိုလက်ခံနေရသည့်အတွက် ကူးစက်ရောဂါများ တစ်ဦးမှတစ်ဦးသို့ ကူးစက်နိုင်ခြေ များနေကြောင်း သိရသည်။

“မြန်မာနိုင်ငံမှာရှိတဲ့ အကျဉ်းထောင်တွေထဲကမှ လက်ရှိ အင်းစိန်၊ မြစ်ကြီးနား၊ လားရှိုးနဲ့ မန္တလေး အကျဉ်းထောင်တွေမှာ လိုအပ်နေတဲ့ ကျန်းမာရေးအခြေခံ အဆောက်အအုံတွေကို တည်ဆောက်တာ၊ ပြန်လည်ပြင်ဆင်တာတွေ လုပ်ဆောင်ပေးနေပါတယ်။ မြန်မာနိုင်ငံရဲ့ အကျဉ်းထောင်တွေမှာ လူ့စွမ်းအား အရင်းအမြစ် လိုအပ်မှုတွေ၊ အခြေခံ အဆောက်အအုံ လိုအပ်ချက်တွေ၊ ကျန်းမာရေးဆိုင်ရာ လိုအပ်ချက်တွေ ကြီးမားနေပြီး ဖြေရှင်းဆောင်ရွက်ဖို့ လိုအပ်နေပါတယ်။ အခု အင်းစိန်ထောင်မှာလည်း ဓာတ်ခွဲခန်း တိုးချဲ့ပြင်ဆင်တာတွေအတွက် ရန်ပုံငွေတွေ ပံ့ပိုးပေးနေပါတယ်။ အခုဆောက်လုပ်မယ့် အဆောက်အအုံတွေက အကျဉ်းသားတွေနဲ့ အကျဉ်းထောင် ၀န်ထမ်းတွေအတွက် ကျန်းမာရေးစောင့်ရှောက်မှုတွေ ပိုမိုရရှိနိုင်ဖို့အတွက် ရည်ရွယ်ထောက်ပံ့ပေးတာ ဖြစ်ပါတယ်” ဟု 3MDG ရန်ပုံငွေအဖွဲ့ အကြီးအကဲဖြစ်သူ Tomas Lundstrom က ပြောကြားသည်။

အကျဉ်းထောင်များနှင့် ရဲဘက်စခန်းများတွင် ကျန်းမာရေး စောင့်ရှောက်မှုမြှင့်တင်ရန် 3MDG သည် ကျန်းမာရေးနှင့် အားကစားဝန်ကြီးဌာန၏ အမျိုးသား ခုခံကျ/ကာလသားရောဂါ တိုက်ဖျက်ရေး စီမံကိန်း၊ အမျိုးသားတီဘီရောဂါ တိုက်ဖျက်ရေးစီမံကိန်း၊ ပြည်ထဲရေးဝန်ကြီးဌာန၏ အကျဉ်းဦးစီးဌာနတို့နှင့် ပူးပေါင်းကာ UNODC, UNAIDS, WHO နှင့် အစိုးရ မဟုတ်သော အဖွဲ့အစည်းများနှင့် ပူးပေါင်းဆောင်ရွက်လျက်ရှိကြောင်း သိရသည်။

လက်ရှိ လားရှိုးအကျဉ်းထောင်တွင် တည်ဆောက်လျက်ရှိသော ဆေးခန်းမှာ ၂၀၁၈ ခုနှစ် ဇွန်တွင် ပြီးစီးမည်ဟု ခန့်မှန်းထားပြီး အဆိုပါ ကျန်းမာရေး အခြေခံ အဆောက်အအုံများကို အမျိုးသား၊ အမျိုးသမီး သီးသန့်ဆောက်လုပ်ထားမည်ဖြစ်ပြီး စီမံခန့်ခွဲရေးရုံးခန်းလည်း ပါဝင်မည်ဖြစ်ကြောင်း၊ အမျိုးသားတီဘီ ရောဂါတိုက်ဖျက်ရေးစီမံကိန်း၏ ဦးဆောင်မှုဖြင့် အင်းစိန်နှင့် မန္တလေး အကျဉ်းထောင်များတွင် တီဘီရောဂါ တိုက်ဖျက်ရေးလုပ်ငန်းများ ဆောင်ရွက်လျက်ရှိကြောင်းနှင့် ယင်းသို့ဆောင်ရွက်ရန် အခြေခံအဆောက်အအုံ မြှင့်တင်ခြင်း လုပ်ငန်းများမှာလည်း ဦးစားပေး အစီအစဉ်တွင် ပါဝင်ကြောင်း သိရသည်။

ထို့ပြင် 3MDG သည် ကချင်ပြည်နယ် ဗန်းမော်မြို့ အကျဉ်းထောင်နှင့် စစ်ကိုင်းတိုင်းဒေသကြီး ကလေးမြို့ အကျဉ်းထောင်ရှိ အကျဉ်းသား ၃၅၀၀ ခန့်နှင့် ရဲဘက်စခန်းနှစ်ခုရှိ အကျဉ်းသား ၂၀၀ ခန့်အတွက် သက်ဆိုင်ရာ ကျန်းမာရေးအဖွဲ့အစည်းများနှင့် လက်တွဲ၍ ကျန်းမာရေး စောင့်ရှောက်မှုပေးရန် AHRN အဖွဲ့ကို ရန်ပုံငွေပံ့ပိုးပေးလျက်ရှိကြောင်း၊ ၎င်းလုပ်ငန်းများကို ရှေ့ပြေးစမ်းသပ် ဆောင်ရွက်ခြင်းဖြစ်ပြီး အစိုးရ၏ ကျန်းမာရေး စောင့်ရှောက်မှုလုပ်ငန်းများ အပြည့်အ၀ လွှမ်းခြုံနိုင်ရန် ကြိုးစားနေဆဲအချိန်တွင် အစိုးရမဟုတ်သော အဖွဲ့အစည်းများက သက်ဆိုင်ရာကျန်းမာရေး အဖွဲ့အစည်းများနှင့် လက်တွဲ၍ ယာယီဖြည့်ဆည်း ဆောင်ရွက်ပေးနေခြင်းဖြစ်ကြောင်း သိရသည်။

နိုင်ငံ၏ ထိခိုက်အလွယ်ဆုံးနှင့် ကျန်းမာရေးစောင့်ရှောက်မှုများမှ အလှမ်းဝေးကွာနေသောသူများထဲတွင် မြန်မာနိုင်ငံ အကျဉ်းထောင်များရှိ အကျဉ်းသားများပါဝင်ပြီး အရည်အသွေးပြည့်ဝသော ကျန်းမာရေးစောင့်ရှောက်မှု မရရှိကြခြင်းကြောင့် အကျဉ်းသားများအတွက် ကောင်းမွန်သော ကျန်းမာရေး စောင့်ရှောက်မှုပေးနိုင်ရန် အကျဉ်းထောင်အတွင်း လိုအပ်နေသော ကျန်းမာရေး အခြေခံအဆောက်အအုံလေးခုကို တည်ဆောက်ရန် ရည်ရွယ်လုပ်ဆောင်ခြင်းဖြစ်ကြောင်း 3MDG ရန်ပုံငွေအဖွဲ့၏ အချက်အလက်များအရ သိရသည်။

မြောက်ကိုရီးယားတွင် စားနပ်ရိက္ခာနှင့် ကျန်းမာရေးစောင့်ရှောက်မှုများ တိုးတက်လာခဲ့ဟု ကုလသမဂ္ဂ ပြောကြား

ဇူလိုင် ၁၀ ရက်တွင် KCNA က ထုတ်ပြန်ခဲ့သော ဓာတ်ပုံ၌ ဆမ်ဂျီယွန်ကောင်တီတွင် ဆောက်လုပ်ရေးလုပ်ငန်းခွင်တစ်ခုအား စစ်ဆေးနေသည့် ကင်ဂျုံအွန်ကို တွေ့ရစဉ် (Photo: AFP)

မြောက်ကိုရီးယားတွင် မကြာသေးခင်နှစ်များအတွင်း ပြည်သူများအား စားနပ်ရိက္ခာ ထောက်ပံ့မှုနှင့် ကျန်းမာရေးစောင့်ရှောက်မှုတို့ သိသိသာသာ တိုးတက်လာခဲ့ကြောင်း သို့သော်လည်း ခက်ခဲကြမ်းတမ်းသော ရှေ့ခရီးက စောင့်ကြိုနေဆဲဖြစ်ကြောင်း ကုလသမဂ္ဂ လူသားချင်း စာနာထောက်ထားမှုရေးရာ အကြီးအကဲ မာ့က်လိုကော့က ဇူလိုင် ၁၂ ရက် တွင် ပြောကြားခဲ့သည်။

လိုကော့၏ ခရီးစဉ်သည် ကုလသမဂ္ဂ လူသားချင်း စာနာထောက်ထားမှုရေးရာနှင့် အရေးပေါ်ကယ်ဆယ်ရေးဆိုင်ရာ ခေါင်းဆောင်တစ်ဦး၏ ၂၀၁၁ ခုနှစ် ခရီးစဉ်နောက်ပိုင်း ပထမဆုံး မြောက်ကိုရီးယားခရီးစဉ်ဖြစ်ခဲ့သည်။

“လွန်ခဲ့တဲ့ နှစ် ၂၀ ကို ပြန်ကြည့်လိုက်ရင် ဒါမှမဟုတ် အလွန်ကြီးမားတဲ့ လူသားချင်း စာနာထောက်ထားမှု ပြဿနာတွေကြောင့် လူ့အသက်တွေ အမြောက်အမြား ဆုံးရှုံးခဲ့ပါတယ်။ မကြာသေးခင် ကာလမှာတော့ တိုးတက်မှုတွေ ရှိလာနေပါတယ်” ဟု လိုကော့က ပြုံယမ်းတွင် သတင်းထောက်များကို ပြောကြားခဲ့သည်။

မြောက်ကိုရီးယားသည် အငတ်ဘေး မကြာခဏ ကြုံနေရပြီး ၁၉၉၀ ပြည့်လွန်နှစ်များက အငတ်ဘေးကြောင့် လူသန်းနှင့်ချီ၍ သေဆုံးခဲ့သည်ဟု ဆိုကြသည်။

မြောက်ကိုရီးယား ကလေးငယ် ၃၀ ရာခိုင်နှုန်းခန့်သည် ၂၀၁၁ ခုနှစ်တွင် အာဟာရချို့တဲ့မှုကို ခံစားနေရပြီး ယခုအခါ ထိုအရေအတွက်သည် ၂၀ ရာခိုင်နှုန်းအထိ ကျဆင်းသွားခဲ့သည်ဟု လိုကော့က ပြောကြားခဲ့သည်။ သို့သော်လည်း လက်ရှိစာရင်းအင်းများသည်ပင်လျှင် မြင့်မားနေသည့် ကိန်းဂဏန်းတစ်ခု ဖြစ်ကြောင်း လိုကော့က ၀န်ခံပြောကြားခဲ့သည်။

မြောက်ကိုရီးယား လူဦးရေ ၂၅ သန်းတွင် ၁၀ ဒသမ ၆ သန်းခန့်သည် လူသားချင်း စာနာထောက်ထားမှု အကူအညီများ လိုအပ်နေသည်ဟု ကုလသမဂ္ဂက ပြောကြားခဲ့သည်။ ထို့ပြင် မြို့ပြနှင့် ကျေးလက်ဒေသကြား အခြေခံကျန်းမာရေး ၀န်ဆောင်မှုရရှိခြင်း၌ ကွာဟချက် ကြီးကြီးမားမား ရှိနေကြောင်းလည်း ကုလသမဂ္ဂက ပြောကြားခဲ့သည်။ မြောက်ကိုရီးယားတွင် အာဟာရချို့တဲ့မှု တိုးတက်ရန် ကျန်းမာရေးနှင့် သန့်ရှင်းမှုဆိုင်ရာ အခြေအနေများ တိုးတက်ရေးတို့အတွက် ကူညီရန် ဒေါ်လာ ၁၁၁ သန်း အကူအညီ လိုအပ်သည်ဟု ကုလသမဂ္ဂက ယခုနှစ်အစောပိုင်းတွင် ပြောကြားခဲ့သည်။ သို့သော်လည်း ထိုတောင်းဆိုမှု၏ ၉၀ ရာခိုင်နှုန်းခန့်ကို ဖြည့်ဆည်းပေးနိုင်ခဲ့ခြင်း မရှိသေးပေ။

လိုအပ်နေသော စားနပ်ရိက္ခာ၊ ဆေးဝါးနှင့် အခြားကျန်းမာရေးအထောက်အပံ့များ ပံ့ပိုးပေးမှုသည် ထိပ်တန်း ဦးစားပေးဖြစ်နေဆဲဖြစ်ကြောင်း အကူအညီရှင်နိုင်ငံများမှ လက်ခံလျှင် လူ့အသက်များကို ကယ်ဆယ်နိုင်ပြီး ဆင်းရဲဒုက္ခများကို လျှော့ချနိုင်မည်ဟု လိုကော့က ပြောကြားခဲ့သည်။

မြောက်ကိုရီးယား စီးပွားရေးသည် ချွတ်ခြုံကျနေပြီး ၎င်း၏ ပြည်သူများကို ကျွေးမွေးရန် ရုန်းကန်နေရသည်မှာ ကြာပြီဖြစ်သည်။ ထို့ပြင် မြောက်ကိုရီးယားသည် ဒုံးနှင့် နျူကလီးယား စမ်းသပ်မှုများကြောင့် ကုလသမဂ္ဂ လုံခြုံရေးကောင်စီ၏ ပိတ်ဆို့အရေးယူမှုများကိုလည်း ရင်ဆိုင်နေရသည်။

Ref: AFP

ဆေးရုံသုံး စက်ပစ္စည်များ ပျက်စီးပါက ပြင်ဆင်စရိတ် တောင်းသလောက် ပေးနေရပြီး ဂျပန်အကူအညီဖြင့် သင်ကြားမှုများ ပြုလုပ်နေရကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ပြောကြား

ဆေးရုံသုံး စက်ပစ္စည်းများ ပျက်စီးပါက ပြင်ဆင်စရိတ် တောင်းသလောက် ပေးနေရပြီး ဘာမှမသိသည့်အတွက် ဂျပန်အကူအညီဖြင့် သင်ကြားမှုများ ပြုလုပ်နေရကြောင်း ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက ဇွန် ၁၄ ရက်က မွန်ပြည်နယ် မော်လမြိုင်မြို့ တက္ကသိုလ်ဝန်းအတွင်း ပြုလုပ်သော “နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံပြည်သူများ စကားဝိုင်းဆွေးနွေးပွဲ” တွင် ပြောကြားခဲ့ခြင်း ဖြစ်သည်။

အဆိုပါ စကားဝိုင်း ဆွေးနွေးပွဲတွင် ဆွေးနွေးသူ တစ်ဦးက မွန်ပြည်နယ်တွင် CT Scan (ဓာတ်မှန်ရိုက်ခြင်း) ပျက်စီးနေသည့်အတွက် လူငယ်များ ယာဉ်မတော်တဆမှု ဖြစ်ပွားပါက ဦးနှောက်နှင့် အာရုံကြောဆိုင်ရာ ပြဿနာများ ဖြစ်ပေါ်လာနိုင်ခြင်းအပေါ် ဆွေးနွေမေးမြန်းရာတွင် ယင်းကဲ့သို့ ဖြေကြားခဲ့ခြင်း ဖြစ်သည်။

“မော်လမြိုင်မြို့မှာ CT Scan ပျက်နေတယ်ဆိုပြီး သိန်း ၃၇၀ တောင်းပါတယ်။ သိန်း ၃၇၀ တောင်းတဲ့ဟာသည် နည်းနည်းကြာမှ ဗဟိုကို ရောက်လာတယ်။ ကျွန်တော့်ကို ဖုန်းဆက်ပြီး ပြောပါတယ်။ ဆရာ သိန်း ၃၇၀ တောင်းထားတာ မရသေးဘူလား။ ကျွန်တော်ပေးလိုက်ပါတယ်။ သို့သော် ဒီမှာ ဘာကြည့်လဲဆိုတော့ ပြင်ဆင်စရိတ်သည် ပြင်တဲ့သူက သိန်း ၇၀၀ တောင်းရင်လည်း ပေးရမှာ။ သိန်း ၈၀၀ တောင်းရင်လည်း ပေးရမယ်။ ကျွန်တော်တို့ ဘာမှမသိပါဘူး။ အဲဒါကြောင့် ကျွန်တော်တို့ အရင်အပတ်ကပဲ ဂျပန်နိုင်ငံ OKAYAMA University ကလာပြီး Diploma Medical Engineering ဂျပန် ပါမောက္ခတွေ ကိုယ်တိုင် လာရောက်သင်တယ်။ ကျွန်တော်တို့ဆီက ၁၈ ယောက် တက်နေတယ်”ဟု ဒေါက်တာမြင့်ထွေးက ပြောကြားသည်။

အဆိုပါ တက်ရောက် သင်ကြားနေသည့် လူငယ် ၁၈ ယောက်မှာ BE Electrical Electronic ၊ BE Mechanical စသည့်တို့ ဖြစ်ပြီး ယင်းလူငယ်များသည် သင်တန်းပြီးစီးပါက ဆေးရုံ၊ ဆေးခန်းများရှိ စက်များကို ပြင်ဆင်နိုင်မည် ဖြစ်ကြောင်းနှင့် မြန်မာနိုင်ငံတွင် စက်ပစ္စည်း ပြင်ဆင်စရိတ်သည် တစ်နှစ်လျှင် အများအပြား ကုန်ကျမှုရှိပြီး တောင်းသလောက် ပေးနေရကြောင်း ဒေါက်တာမြင့်ထွေးက ပြောကြားသည်။

“ကျွန်တော်တို့နိုင်ငံမှာ တစ်နှစ် တစ်နှစ်ကို စက်ပစ္စည်း ပြင်ဆင်စရိတ်တွေက အများကြီးကုန်တယ်။ တောင်းသလောက် ပေးနေရတယ်။ မပေးရင်လည်း CT Scan မရိုက်လို့ လူနာသေသွားရင် ကျွန်တော်တို့ ဒုက္ခရောက်မယ်။ CT Scan အကုန်လုံးကို ဖြစ်တဲ့အတွက် အရင်အပတ်က မေမြို့မှာ ပြည်နယ်နှင့် တိုင်းဦးစီးမှူးများ အားလုံးကို ခေါ်ပြီးတွေ့ပါတယ်။ သူတို့ကို လုပ်ပိုင်ခွင့်ဆိုရင် စီမံခန့်ခွဲရေး ငွေသုံးစွဲရေးကို ကျွန်တော် အများကြီးပေးလိုက်ပါတယ်။ ဒီ ၃၇၀ ကိစ္စမှာ ပြည်နယ် တိုင်းဦးစီးမှူးကိုသာ ဆုံးဖြတ်လိုက်ရင် တစ်ရက်အတွင်း ပိုက်ဆံ ထုတ်ပေးလို့ ရပါတယ်”ဟု ၎င်းက ပြောကြားသည်။

“ယာဉ်မတော်ဆမှု ဖြစ်တဲ့လူနာ ဆေးရုံကို လာတယ်။ CT Scan ပျက်တယ် ဘယ်လိုလုပ်မလဲ။ ကျွန်တော် ဒီနေရာမှာ မေတ္တာရပ်ခံချင်တာက ယာဉ်မတော်တဆ လူနာတစ်ယောက် ဦးထုပ်မဆောင်းဘဲ ဆေးရုံ ရောက်လာတယ်။ ခေါင်းကို ထိခိုက်ရင် ဦးနှောက်ခွဲစိတ် ဆရာဝန်၊ အခြားနေရာမှာ တစ်ခုခုဖြစ်သွားရင် အထွေထွေ ခွဲစိတ်ကုဆရာဝန် လိုတယ်။ အရိုးကျိုးရင် အရိုးကုဆရာဝန် နဲ့ ပြရမယ်။ ခွဲစိတ်ဖို့လိုရင် ခွဲစိတ်ရမယ်။ System အလုပ်ရှုပ်မယ်။ သူနာပြုတွေ အလုပ်ရှုပ်မယ်။ အရမ်းကို အလုပ်ရှုပ်တဲ့အပြင် တိုင်းပြည်မှာလည်း အရမ်းပိုက်ဆံ အကုန်အကျများမယ်” ဟု ၎င်းက ပြောကြားသည်။

မကူးစက်တတ်သောရောဂါများနှင့် ပတ်သက်သော တိုက်ဖျက်ရေးနှင့် သုတေသနလုပ်ငန်းများကို မြန်မာအပါအ၀င် မဟာမဲခေါင်ဒေသတွင်းနိုင်ငံများ ပူးပေါင်းလုပ်ဆောင်မည်

မြန်မာနိုင်ငံအပါအ၀င် မဟာမဲခေါင်ဒေသတွင်းရှိ နိုင်ငံများတွင် မကူးစက်တတ်သောရောဂါများ ဖြစ်ပွားနှုန်းမှာ မြင့်တက်လျက်ရှိခြင်းကြောင့် ရောဂါတိုက်ဖျက်ရေးလုပ်ငန်းများနှင့် သုတေသနလုပ်ငန်းများကို ပူးပေါင်းလုပ်ဆောင်သွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ရောဂါဖြစ်ပွားနှုန်းများ မြင့်တက်လာမှုနှင့်အတူ နောက်ဆက်တွဲအနေဖြင့် လူမှုရေး၊ စီးပွားရေးထိခိုက်မှုများလည်း ဖြစ်ပေါ်လျက်ရှိပြီး မြန်မာနိုင်ငံ၌ ရောဂါဖြစ်ပွားသေဆုံးမှု၏ ထက်ဝက်ကျော်မှာ မကူးစက်နိုင်သောရောဂါများ (ဆီးချို၊ သွေးချို၊ သွေးတိုး၊ ကင်ဆာ၊ သက်ကြီးရွယ်အိုစသည်) ကြောင့်ဖြစ်နေသည့်အတွက် ယင်းရောဂါများနှင့်ပတ်သက်သည့် ကျန်းမာရေးစောင့်ရှောက်မှုလုပ်ငန်းများကို ကျေးရွာအရောက် လုပ်ဆောင်နေကြောင်း သိရသည်။

မကူးစက်နိုင်သောရောဂါများနှင့် ပတ်သက်၍ ကျန်းမာရေးနှင့် အားကစားဝန်ကြီးဌာန၊ ပြည်သူ့ကျန်းမာရေးဦးစီးဌာန၊ မကူးစက်နိုင်သောရောဂါများ ကာကွယ်နှိမ်နှင်းရေးဌာနခွဲ၊ ကမ္ဘာ့ကျန်းမာရေးအဖွဲ့နှင့် Help Age International တို့ပူးပေါင်း၍ ‘မကူးစက်နိုင်သောရောဂါများ ကာကွယ်ကုသရေးဆိုင်ရာ အမျိုးသားမဟာဗျူဟာစီမံကိန်း (၂၀၁၇-၂၀၂၁)’ ကို ရေးဆွဲလုပ်ဆောင်လျက်ရှိကြောင်း သိရသည်။

ကမ္ဘာ့ကျန်းမာရေးအဖွဲ့က ထုတ်ပြန်ခဲ့သော အစီရင်ခံစာအရ မြန်မာနိုင်ငံ၌ ရောဂါဖြစ်ပွားသေဆုံးမှု၏ ရာခိုင်နှုန်း ၆၀ ခန့်သည် မကူးစက်နိုင်သောရောဂါများကြောင့် ဖြစ်နေသည့်အတွက် မြန်မာနိုင်ငံတွင် ကူးစက်ရောဂါများ ကာကွယ်တိုက်ဖျက်ရေးလုပ်ငန်းများကိုသာမက မကူးစက်နိုင်သောရောဂါများ ကာကွယ်ကုသရေးလုပ်ငန်းများကိုပါ ပိုမိုတိုးမြှင့်လုပ်ဆောင်ရန် လိုအပ်နေကြောင်း၊ စီမံကိန်းရေးဆွဲရာတွင် သက်ဆိုင်ရာအဖွဲ့အစည်းအသီးသီး၏ ပူးပေါင်းပါဝင်မှုဖြင့် ၂၀၂၅ ခုနှစ်အတွက် ကမ္ဘာ့ကျန်းမာရေးအဖွဲ့ကြီးက ချမှတ်ပေးထားသည့် မကူးစက်နိုင်သောရောဂါများဆိုင်ရာ Target များပြည့်မီရေးအတွက် အထောက်အကူဖြစ်စေမည့်လုပ်ငန်းများ ဖော်ထုတ်ရေးဆွဲသွားမည်ဖြစ်ကြောင်းနှင့် ယင်းစီမံကိန်းအား အမျိုးသားကျန်းမာရေးစီမံကိန်း (၂၀၁၇-၂၀၂၁) တွင်လည်း ပေါင်းစပ်ထည့်သွင်း လုပ်ဆောင်သွားမည်ဖြစ်ကြောင်း သိရသည်။

ရှမ်းပြည်နယ် (မြောက်ပိုင်း)၊ ကချင်နှင့် ကယားပြည်နယ်ရှိ ဒေသအချို့တွင် မိခင်နှင့် မျိုးဆက်ပွားကျန်းမာရေး အပါအ၀င် ကျန်းမာရေးစောင့်ရှောက်မှုလုပ်ငန်းများ ပူးပေါင်းလုပ်ဆောင်လိုကြောင်း ကျန်းမာရေးဝန်ကြီးဌာနထံ UNFPA အဆိုပြု

ရန်ကုန်ကလေးဆေးရုံကြီးတွင် ကလေးငယ်များအား ကာကွယ်ဆေး လာရောက်ထိုးနှံပေးနေသည့် မိသားစုဝင်များကို တွေ့ရစဉ် (ဓာတ်ပုံ-အိသဉ္ဇာကျော်)

ရှမ်းပြည်နယ် (မြောက်ပိုင်း)၊ ကချင်နှင့် ကယားပြည်နယ်ရှိ ဒေသအချို့တွင် မိခင်နှင့် မျိုးဆက်ပွား ကျန်းမာရေး အပါအ၀င် ကျန်းမာရေးစောင့်ရှောက်မှုလုပ်ငန်းများ ပူးပေါင်းဆောင်ရွက်လိုကြောင်း ကျန်းမာရေးနှင့် အားကစားဝန်ကြီးဌာနထံ UNFPA အဆိုပြုထားကြောင်း သိရသည်။

မေ ၁၈ ရက်က ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီးနှင့် ကမ္ဘာ့ကုလသမဂ္ဂအဖွဲ့၏ Assistant Secretary-General Ms. Laura Londen ဦးဆောင်၍ UNFPA Asia-Pacific Regional Director Mr. Bjorn Andersson နှင့် UNFPA မြန်မာနိုင်ငံ ဌာနေကိုယ်စားလှယ် Ms. Janet Jackson တို့ ပါဝင်သောအဖွဲ့ တွေ့ဆုံဆွေးနွေးမှုများ ပြုလုပ်ခဲ့ကြောင်း၊ ကုလသမဂ္ဂ လူဦးရေရန်ပုံငွေ UNFPA အဖွဲ့သည် မြန်မာနိုင်ငံတွင် လုပ်ငန်းများ ဆောင်ရွက်ခဲ့သည်မှာ နှစ်ပေါင်း ၄၀ ကျော်ပြီဖြစ်ကြောင်း၊ ၀န်ကြီးဌာနနှင့် ပူးပေါင်း၍ မိခင်နှင့် မျိုးဆက်ပွား ကျန်းမာရေး၊ မိသားစုသားဆက်ခြား စီမံကိန်းများကို ဆောင်ရွက်လျက်ရှိသည့်အပြင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးတို့နှင့်လည်း ပူးပေါင်း ဆောင်ရွက်လျက်ရှိကြောင်းနှင့် မြန်မာနိုင်ငံ၏ စဉ်ဆက်မပြတ် ဖွံ့ဖြိုးတိုးတက်ရေး စီမံကိန်း (Sustainable Development Plan) နှင့် လိုက်လျောညီထွေမှုရှိပြီး မြန်မာနိုင်ငံ၏ လိုအပ်ချက်များနှင့်အညီ ထောက်ပံ့ကူညီမည်ဖြစ်ကြောင်း ပြောကြားသည်။

ထို့ပြင် Sustainable Development Plan တွင် မိခင်သေဆုံးမှု မရှိရေး (Zero Maternal Mortality)၊ မလိုလား၊ မရည်ရွယ်သော ကိုယ်ဝန်ဆောင်မရှိရေး (Zero Unintended Pregnancy)၊ ကျား/မ အခြေပြု အကြမ်းဖက်မှုနှင့် အန္တရာယ်ပေးသော အလေ့အကျင့်များ မရှိစေရေး (Zero gender-based violence and harmful practices) နှင့် UNFPA ၏ Strategic Plan (၂၀၁၈-၂၀၂၁)များကို SDG-2030 target များ ရရှိအောင် သက်ဆိုင်ရာဌာနများနှင့် ပူးပေါင်းဆောင်ရွက်လျက်ရှိကြောင်း၊ သန္ဓေတားနည်းလမ်းများကို လွတ်လပ်စွာ ရွေးချယ်နိုင်ရေးနှင့် ကျန်းမာရေးဌာနများ၏ မျိုးဆက်ပွားကျန်းမာရေးနှင့် မိသားစု သားဆက်ခြားရေးဆိုင်ရာ ဆေးနှင့် ဆေးပစ္စည်း အခြေအနေ လေ့လာဆန်းစစ်မှု စစ်တမ်းမှ ပေါ်ထွက်လာသော တွေ့ရှိ ချက်များကို သုံးသပ်၍ လိုအပ်သလို ဖြည့်ဆည်း ဆောင်ရွက်ပေးနိုင်ရေး စသည့်ကိစ္စရပ်များကို ဆောင်ရွက်လျက်ရှိကြောင်း၊ ၀န်ကြီးဌာန၏ ကျန်းမာရေး အသိပညာမြင့်တက်ရေးလုပ်ငန်းနှင့် ရောဂါကာကွယ်ရေးလုပ်ငန်းများ၌ အလေးထား၍ ရင်းနှီးမြှုပ်နှံမှုကို အသိအမှတ်ပြုပါကြောင်း၊ ရှမ်းပြည်နယ်(မြောက်ပိုင်း)၊ ကချင်နှင့် ကယားပြည်နယ်ရှိ နေရာဒေသအချို့တွင် မိခင်နှင့်မျိုးဆက်ပွားကျန်းမာရေး အပါအ၀င် ကျန်းမာရေးစောင့်ရှောက်မှုလုပ်ငန်းများ ပိုမိုလက်လှမ်းမီရရှိနိုင်ရေးအတွက် ကျန်းမာရေးနှင့် အားကစားဝန်ကြီးဌာနနှင့် ပူးပေါင်း ဆောင်ရွက်လိုကြောင်းနှင့် ကမ္ဘာ့ကုလသမဂ္ဂနှင့် PA တို့မှ မိခင်နှင့် မျိုးဆက်ပွား ကျန်းမာရေးဝန်ဆောင်မှု ကဏ္ဍများအတွက် လိုအပ်သော ရန်ပုံငွေနှင့် အခြားထောက်ပံ့ကူညီမှုများ ဆက်လက်ပေးအပ်မည်ဖြစ်ကြောင်း ပြောကြားသည်။

ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီးက မိခင်သေဆုံးမှု စောင့်ကြပ်ကြည့်ရှုခြင်းနှင့် တုံ့ပြန်ဆောင်ရွက်ခြင်း (Maternal Death Surveillance and Response) မှ တွေ့ရှိချက်များကို တိုင်းဒေသကြီး၊ ပြည်နယ်အလိုက် ဆန်းစစ်သုံးသပ်၍ လိုအပ်သလို တုံ့ပြန်ဆောင်ရွက်မည်ဖြစ်ကြောင်း၊ ပြည်သူလူထု၏ ကျန်းမာရေးအသိပညာ စာတတ်မြောက်မှု မြင့်မားလာရေးအတွက် မိခင်နှင့်မျိုးဆက်ပွား ကျန်းမာရေးအပါအ၀င် အခြားကျန်းမာရေးဆိုင်ရာ အချက်အလက်များ ပါဝင်သော စံပြုကျန်းမာရေးဆိုင်ရာ သတင်းအချက်အလက်စာအုပ် (Standardized Health Messages) များကို ထုတ်ဝေ၍ အခြေခံကျန်းမာရေးဝန်ထမ်းများထံ ဖြန့်ဝေထားရှိကြောင်း ပြောကြားသည်။

ကမ္ဘာ့မိသားစုဆရာဝန်နေ့ အထိမ်းအမှတ်အဖြစ် ‘ကျန်းမာမှုလမ်းညွှန် မိသားစုဆရာဝန်’ ခေါင်းစဉ်ဖြင့် မန္တလေးမြို့တွင် ဆွေးနွေးပွဲပြုလုပ်

ကမ္ဘာ့မိသားစုဆရာဝန်နေ့ အထိမ်းအမှတ်အဖြစ် မန္တလေးမြို့ရှိ မြန်မာနိုင်ငံ ဆရာဝန်များအသင်းရုံးတွင် မေ ၁၉ ရက် မွန်းလွဲပိုင်းက ကျန်းမာမှုလမ်းညွှန် မိသားစုဆရာဝန်ခေါင်းစဉ်ဖြင့် စကားဝိုင်းဆွေးနွေးပွဲ ကျင်းပခဲ့သည်။

မေ ၁၉ ရက်တွင် ကျရောက်သော ကမ္ဘာ့မိသားစုဆရာဝန်နေ့ အထိမ်းအမှတ်အဖြစ် ကျင်းပခြင်းဖြစ်ကာ မန္တလေးမြို့တွင် ကျင်းပခဲ့သည်မှာ တတိယကြိမ်မြောက်ဖြစ်ပြီး ဆွေးနွေးပွဲတွင် ခေတ်သုံးခေတ် မိသားစုဆရာဝန် စကားဝိုင်းအဖြစ် ဒေါက်တာတင်တင်ဝင်း (ဂျူး)၊ ဒေါက်တာစိုးဝင်း (ဂျိုးဇော်) နှင့် ဒေါက်တာမြင့်ဇော် (MB.,BS.,Dip.Med.Sc-Family Medicine) တို့က ဆွေးနွေးမှုများ ပြုလုပ်ခဲ့သည်။

“ဒီနေ့ ဒီပွဲလေးလုပ်ရတဲ့ ရည်ရွယ်ချက်ကတော့ မြန်မာနိုင်ငံဆရာဝန်အသင်းနဲ့ ဆက်သွယ်ပြီးတော့ နိုင်ငံခြားတိုင်းပြည်တွေမှာ သင်ယူခွင့်ပေးနေကြပြီဆိုတာကို ဆရာဝန်တွေကို သိစေချင်တယ်။ ဆရာဝန်တွေလို့ဆိုတဲ့အခါမှာ အထူးသဖြင့် မိသားစုဆရာဝန်တွေပေါ့။ သူတို့ရဲ့အရည်အသွေးတွေ မြင့်တက်လာမှလည်း တိုင်းပြည်ရဲ့ပြည်သူတွေ ကျန်းမာရေးစောင့်ရှောက်မှုတွေ မြင့်တက်လာမှာဖြစ်သလို ဒီလိုအရည်အသွေးတွေ မြင့်တက်ဖို့လည်း နိုင်ငံရပ်ခြားက ဆရာကြီးတွေက လာပြီးတော့ စီမံကိန်းတွေနဲ့ ဆောင်ရွက်နေတာတွေလည်း ရှိပါတယ်။ ဒီလိုလုပ်နေတာတွေကို မိသားစုကျန်းမာရေးစောင့်ရှောက်မှုပေးတဲ့ ဆရာဝန်တွေသိအောင်နဲ့ ဆရာဝန်တွေအနေနဲ့ တက်ကြွစွာပါဝင်လာအောင် ရည်ရွယ်လုပ်ဖြစ်တာပါ” ဟု မြန်မာနိုင်ငံဆရာဝန်အသင်း (မန္တလေး) မှ ဒေါက်တာ ဒေါ်မိုးမိုးခိုင်က ပြောကြားသည်။

ကမ္ဘာ့မိသားစုဆရာဝန်နေ့မှာ ၂၀၁၀ ပြည့်နှစ်တွင် စတင်သတ်မှတ်ကာ အထိမ်းအမှတ်နေ့အဖြစ် ကမ္ဘာ့နိုင်ငံအသီးသီးတွင် ပွဲများကျင်းပလျက်ရှိပြီး မြန်မာနိုင်ငံတွင်လည်း ကျင်းပခဲ့ခြင်းဖြစ်ကာ တစ်နှစ်တစ်ခါ ခေါင်းစဉ်ဆောင်ပုဒ်အလိုက် ဟောပြောဆွေးနွေးဖလှယ်ခြင်းများ ပြုလုပ်ခြင်းဖြစ်ကြောင်း၊ ယခုနှစ်အတွက် ဆောင်ပုဒ်မှာ ကျန်းမာမှုလမ်းညွှန် မိသားစုဆရာဝန်ဖြစ်ကြောင်း၊ ဆွေးနွေးပွဲတွင် မိသားစုကျန်းမာရေး ဆေးပညာအကြောင်းအရာများ၊ မိသားစုဆရာဝန်ဘ၀ အကြောင်းအရာများနှင့် ခေတ်အလိုက် မိသားစုဆရာဝန် စကားဝိုင်းများလည်း ထည့်သွင်းကျင်းပခဲ့ကြောင်း သိရသည်။

ရခိုင်ပြည်နယ်အတွင်း အာဟာရချို့တဲ့မှု ဘက်စုံကုသစောင့်ရှောက်မှုများကို အရှိန်မြှင့် လုပ်ဆောင်နေ

ရခိုင်ပြည်နယ် မောင်တောဒေသတွင် ကျန်းမာရေးစောင့်ရှောက်မှု ဆောင်ရွက်နေစဉ်

ရခိုင်ပြည်နယ်အတွင်း အာဟာရချို့တဲ့မှု ဘက်စုံကုသစောင့်ရှောက်မှုများကို အရှိန်မြှင့် လုပ်ဆောင်နေပြီး ဘင်္ဂလားဒေ့ရ်ှနိုင်ငံဘက်မှ ပြန်လည်ဝင်ရောက်လာသူများတွင် ပါဝင်လာမည့် ကလေးနှင့် ကိုယ်ဝန်ဆောင်များအတွက်လည်း ကျန်းမာရေးစောင့်ရှောက်မှုများပေးနိုင်ရန် ကြိုတင်ပြင်ဆင်မှုများ ပြုလုပ်ထားကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ဝန်ကြီးဌာနအနေဖြင့် ရခိုင်ပြည်နယ်အတွင်း အာဟာရချို့တဲ့မှု ဘက်စုံကုသစောင့်ရှောက်မှု လုပ်ငန်းများကို အထူးဦးစားပေး လုပ်ငန်းတစ်ခုအနေဖြင့် လုပ်ဆောင်နေပြီး လိုအပ်သော အစားအသောက်များနှင့် ပတ်သက်၍ World Food Program (WFP) နှင့်ပူးပေါင်းကာ လုပ်ဆောင်နေပြီး ဖြည့်စွက်စာများ၊ ဗီတာမင်များ စသည်တို့ကိုလည်း WFP က ထောက်ပံ့ကူညီပေးလျက်ရှိကြောင်းလည်း သိရသည်။

“အာဟာရချို့တဲ့မှုကိုဖြစ်စေတဲ့ အကြောင်းရင်းတစ်ခုက သန်ကောင်၊ တုတ်ကောင်၊ Infestation & JUInfection တွေပါ။ ဒါတွေအတွက် ပုံမှန်သန်ချတဲ့လုပ်ငန်းတွေ လုပ်နေတာတွေလည်းရှိတယ်။ အခုပြန်ဝင်လာမယ့်သူတွေမှာ ပါဝင်လာမယ့် ကလေးတွေနဲ့ ကိုယ်ဝန်ဆောင်မိခင်တွေအတွက်လည်း အာဟာရနဲ့ ပတ်သက်တဲ့လုပ်ငန်းတွေ၊ ကျန်းမာရေးစောင့်ရှောက်မှု လုပ်ငန်းတွေကိုလည်း ကြိုတင်ပြင်ဆင်ထားပါတယ်။ ပြည်နယ်အတွင်း အာဟာရရရှိမှုအပိုင်းနဲ့ ပတ်သက်တဲ့ စစ်တမ်းတွေ၊ လိုအပ်တဲ့ ကိုယ်အရပ်တိုင်းတာ၊ အလေးချိန်တိုင်းတာတွေကိုလည်း စောင့်ကြည့်လေ့လာသွားမှာပါ” ဟု ကျန်းမာရေးနှင့် အားကစားဝန်ကြီးဌာနမှ တာဝန်ရှိသူတစ်ဦးက ပြောကြားသည်။

ရခိုင်ပြည်နယ်အတွင်း ကလေးသူငယ်များ၏ အာဟာရပြည့်ဝမှုနှုန်းသည် တစ်နိုင်ငံလုံးတွင် အနိမ့်ဆုံးအခြေအနေတွင်ရှိနေပြီး ကလေးသူငယ်များ၏ ၃၈ ရာခိုင်နှုန်းသည် ဖွံ့ဖြိုးမှုနိမ့်ကျကာ ၃၄ ရာခိုင်နှုန်းသည် ကိုယ်အလေးချိန် ရှိသင့်သလောက် မရှိသည်ကို တွေ့ရကြောင်း၊ ပဋိပက္ခများနှင့် ဆင်းရဲနွမ်းပါးမှုများ ပိုမိုမြင့်မားလာသည့်အတွက်ကြောင့် အာဟာရချို့တဲ့မှုများ အချိန်ကြာမြင့်စွာ ဖြစ်ပေါ်နေခြင်းဖြစ်ကြောင်းနှင့် ကျန်းမာရေးနှင့် အားကစားဝန်ကြီးဌာန၊ အာဟာရဌာနခွဲမှ ရေးဆွဲဆောင်ရွက်နေသည့် ‘လတ်တလော အာဟာရချို့တဲ့မှု ဘက်စုံကုသစောင့်ရှောက်ခြင်း’ စီမံချက်အား အခြားတိုင်းဒေသကြီး၊ ပြည်နယ်များနည်းတူ ရခိုင်ပြည်နယ်အတွင်း အကောင်အထည်ဖော် ဆောင်ရွက်နေကြောင်းလည်း သိရသည်။

ရခိုင်ပြည်နယ်အတွင်း ရရှိနေသည့် ကျန်းမာရေးစောင့်ရှောက်မှုအဆင့်သည် နိမ့်ကျနေပြီး ကမ္ဘာ့ကျန်းမာရေးအဖွဲ့ကြီးက နိုင်ငံတစ်နိုင်ငံတွင် ထိရောက်သည့် ကျန်းမာရေးစောင့်ရှောက်မှု စနစ်တစ်ခုရှိရန်အတွက် လူတစ်သောင်းလျှင် ကျန်းမာရေးလုပ်သား အနည်းဆုံး ၂၂ ဦးရှိရန် လိုအပ်သည်ဟု အကြံပြုထားကြောင်း၊ တစ်နိုင်ငံလုံး၏ ပျမ်းမျှနှုန်းအရ မြန်မာတစ်နိုင်ငံလုံး၌ ကျန်းမာရေးလုပ်သားအင်အားသည် လူတစ်သောင်းလျှင် ၁၆ ဦးခန့်ရှိသော်လည်း ရခိုင်ပြည်နယ်တွင် လူတစ်သောင်းလျှင် ကျန်းမာရေးလုပ်သား ငါးဦးသာရှိကြောင်း၊ ရခိုင်ပြည်နယ်ရှိ ကလေးသေနှုန်းသည်လည်း တစ်နိုင်ငံလုံး၏ ပျမ်းမျှနှုန်းထက် မြင့်နေကြောင်း၊ ကလေးမွေးဖွားသည့် အမျိုးသမီးများ၏ ၁၉ ရာခိုင်နှုန်းသာလျှင် ကျွမ်းကျင်သည့် ကျန်းမာရေးဝန်ထမ်းများရှိသည့် ဆေးရုံဆေးပေးခန်းများတွင် မွေးဖွားကြကြောင်းနှင့် ကာကွယ်ဆေးထိုးရုံဖြင့် ကာကွယ်နိုင်သည့်ေ ရာဂါအများအပြား မကြာမီနှစ်များအတွင်းက အထူးသဖြင့် ရခိုင်ပြည်နယ်မြောက်ပိုင်းတွင် ဖြစ်ပွားခဲ့သည်ကို တွေ့ရပြီး ၂၀၁၆ ခုနှစ်က ရခိုင်ပြည်နယ် တစ်ပြည်လုံးတွင် ပြုလုပ်ခဲ့သည့် သုတေသနစစ်တမ်းတွင် ပါဝင်ဖြေဆိုခဲ့သူများ၏ ၅၂ ရာခိုင်နှုန်းသည် ၎င်းတို့အနေဖြင့် ကျန်းမာရေးစောင့်ရှောက်မှုကို လုံလောက်စွာရရှိခြင်းမရှိကြောင်း ဖြေဆိုခဲ့သည်။

မကူးစက်တတ်သောရောဂါများနှင့် ပတ်သက်သော နည်းပညာအကူအညီများ ပေးလိုကြောင်း ကျန်းမာရေးဝန်ကြီးဌာနထံ Defect-NCD Partnership နှင့် UNOPS အဖွဲ့ အဆိုပြု

တော်ဝင်လူငယ်ဆရာဝန်အဖွဲ့က မြို့နယ်အချို့တွင် အခမဲ့ကျန်းမာရေး စောင့်ရှောက်မှုပေးနေစဉ်

မကူးစက်တတ်သောရောဂါများနှင့် ပတ်သက်သည့် နည်းပညာအကူအညီများ ပေးလိုကြောင်း ကျန်းမာရေးနှင့် အားကစားဝန်ကြီးဌာနထံ Defect-NCD Partnership နှင့် UNOPS အဖွဲ့က အဆိုပြုထားကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

Defect-NCD အဖွဲ့အနေဖြင့် ၀င်ငွေနည်းပြီး ဖွံ့ဖြိုးမှုနည်းသော နိုင်ငံများတွင် မကူးစက်တတ်သော ရောဂါများနှင့်စပ်လျဉ်း၍ အသိပညာ၊ နည်းပညာများ၊ ဘဏ္ဍာရေး၊ စွမ်းဆောင်ရည်မြှင့်တင်ရေး ကဏ္ဍများတွင် သက်ဆိုင်ရာနိုင်ငံများနှင့် မိတ်ဖက်အဖွဲ့အစည်းအနေဖြင့် ပူးပေါင်းဆောင်ရွက်နေကြောင်း၊ မကူးစက်တတ်သောရောဂါများနှင့် ပတ်သက်၍ ရေရှည်တည်တံ့ခိုင်မြဲပြီး မြန်မာနိုင်ငံနှင့် သင့်လျော်သောလုပ်ငန်းစဉ်များ ချမှတ်အကောင်အထည်ဖော်နိုင်ရေး၊ စွမ်းအားစုများနှင့် ဘဏ္ဍာငွေရရှိနိုင်ရေး၊ လူထုကိုယ်တိုင် ပူးပေါင်းပါဝင်ဆောင်ရွက်သော လုပ်ငန်းပုံစံမျိုးဖြစ်လာရေး၊ အစိုးရနှင့် ပုဂ္ဂလိကအဖွဲ့အစည်းများ ပူးပေါင်းဆောင်ရွက်မည့် နည်းလမ်းများ ရှာဖွေဖော်ထုတ်နိုင်ရေးနှင့် အကောင်အထည်ဖော်နိုင်ရေးတို့အတွက် နည်းပညာများနှင့် အခြားအကူအညီများ ပေးလိုကြောင်းနှင့် Defect-NCD Partnership Program ကို ကျန်းမာရေးနှင့် အားကစားဝန်ကြီးဌာနနှင့် နားလည်မှုစာချွန်လွှာ ရေးထိုး၍ ဆောင်ရွက်လိုကြောင်း ပြောကြားသည်။

အဆိုပါကိစ္စနှင့်ပတ်သက်၍ ပြည်ထောင်စုဝန်ကြီးက ၀န်ကြီးဌာနအနေဖြင့် မကူးစက်တတ်သောရောဂါများ အထူးသဖြင့် သွေးတိုး၊ ဆီးချိုရောဂါများကို ဦးစားပေးလုပ်ငန်းတစ်ရပ်အနေဖြင့် အလေးထား၍ အားဖြည့်ဆောင်ရွက်နေကြောင်း၊ တစ်နိုင်ငံလုံးရှိ ကျေးလက်ကျန်းမာရေးဌာနများတွင် အပတ်စဉ် ဗုဒ္ဓဟူးနေ့တိုင်း၌ Community Health Clinic များ ဖွင့်လှစ်၍ မကူးစက်တတ်သော ရောဂါများ၊ သက်ကြီးရွယ်အိုကျန်းမာရေး စောင့်ရှောက်ရေးနှင့် ကျန်းမာရေးအသိပညာ မြှင့်တင်ရေးလုပ်ငန်းများကို ဆောင်ရွက်လျက်ရှိကြောင်း၊ နိုင်ငံ၏ မကူးစက်တတ်သောရောဂါများ၏ ၀န်ထုပ်ဝန်ပိုးပမာဏနှင့် ကာကွယ်ကုသရေး လုပ်ငန်းများအတွက် လိုအပ်ချက်များကို အမြန်ဆန်းစစ်သိရှိရန်အတွက် Rapid Need Assessment Tool များနှင့် နည်းပညာများ ပေးစေလိုကြောင်းနှင့် Defect-NCD Partnership အဖွဲ့က ၀န်ကြီးဌာနနှင့် နားလည်မှုစာချွန်လွှာရေးထိုး၍ ပူးပေါင်းဆောင်ရွက်လိုကြောင်း ပြောကြားသည်။

မြန်မာနိုင်ငံရှိ အမျိုးသားနှင့် အမျိုးသမီးများ၌ မကူးစက်တတ်သောရောဂါများကြောင့် သေဆုံးမှုစာရင်းအရ နှလုံးသွေးကြောကျဉ်းရောဂါမှာ အများဆုံးဖြစ်နေပြီး ရာခိုင်နှုန်း ၄၀ ကျော်အထိ ရှိနေကြောင်း WHO Global Health Estimates တွင် ဖော်ပြထားချက်အရ သိရသည်။

မကူးစက်တတ်သောရောဂါများအနက် မြန်မာအမျိုးသားများတွင် သေဆုံးမှုနှုန်းအများဆုံး ရောဂါများမှာ နှလုံးသွေးကြောကျဉ်းရောဂါ ၃၉ ရာခိုင်နှုန်း၊ ကင်ဆာရောဂါ ၂၁ ရာခိုင်နှုန်း၊ အခြားနာတာရှည်ရောဂါများ ၂၄ ရာခိုင်နှုန်း၊ နာတာရှည်အဆုတ်နှင့် အသက်ရှူလမ်းကြောင်းဆိုင်ရာ ရောဂါများ ၁၂ ရာခိုင်နှုန်း၊ ဆီးချိုသွေးချို လေးရာခိုင်နှုန်းခန့်ရှိပြီး အမျိုးသမီးများတွင် နှလုံးသွေးကြောကျဉ်းရောဂါမှာ ၄၅ ရာခိုင်နှုန်း၊ ကင်ဆာ၊ နာတာရှည်အဆုတ်နှင့် အသက်ရှူလမ်းကြောင်းဆိုင်ရာ ရောဂါများ ၁၇ ရာခိုင်နှုန်းစီ၊ အခြားနာတာရှည်ရောဂါများ ၁၄ ရာခိုင်နှုန်း၊ ဆီးချိုသွေးချို ခုနစ်ရာခိုင်နှုန်းခန့်ရှိကြောင်း သိရသည်။