ရခိုင်၊ ချင်း၊ ကချင်ပြည်နယ် အပါအ၀င် တိုင်းဒေသကြီး၊ပြည်နယ် ၁၀ခုရှိ ကျေးလက်ကျန်းမာရေးဌာန/ဌာနခွဲများအတွက် သားဖွားဆရာမ ၁၀၀၀ ကျော် ခန့်အပ်မည်

ရခိုင်၊ ချင်း၊ ကချင်ပြည်နယ် အပါအ၀င် တိုင်းဒေသကြီး၊ ပြည်နယ် ၁၀ ခုရှိ ကျေးလက်ကျန်းမာရေးဌာန၊ ကျေးလက်ကျန်းမာရေး ဌာနခွဲများအတွက် ကျန်းမာရေးနှင့် အားကစားဝန်ကြီးဌာနက သားဖွားဆရာမဦးရေ ၁၀၄၆ ဦး ခန့်အပ်သွားမည်ဖြစ်ကြောင်း  သိရသည်။

အဆိုပါ သားဖွားဆရာမများကို ကျန်းမာရေးနှင့် အားကစားဝန်ကြီးဌာန၊ ပြည်သူ့ကျန်းမာရေးဦးစီးဌာနအောက်ရှိ နေပြည်တော်၊ ကချင်ပြည်နယ်၊ ချင်းပြည်နယ်၊ စစ်ကိုင်းတိုင်းဒေသကြီး၊ တနင်္သာရီတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ ရခိုင်ပြည်နယ်၊ ရှမ်းပြည်နယ်နှင့် ဧရာဝတီတိုင်းဒေသကြီးတို့ရှိ ကျေးလက်ကျန်းမာရေးဌာနနှင့် ကျေးလက်ကျန်းမာရေးဌာနခွဲများတွင် ခန့်အပ်သွားမည်ဖြစ်ကြောင်းနှင့် လက်ရှိ အဆိုပါရာထူးနေရာအတွက် လိုအပ်သည့် အချက်အလက်များကို နိုင်ငံပိုင်သတင်းစာများတွင် ကြေညာထားပြီး လျှောက်လွှာများ ခေါ်ယူထားကြောင်း သိရသည်။

ဝန်ကြီးဌာနအနေဖြင့် လက်ရှိတွင် သားဖွားဆရာမများအတွက် သားဖွားသိပ္ပံဘွဲ့ပေးအပ်နိုင်ရန်စီစဉ်နေပြီး လုပ်ငန်းခွင်ရှိ သားဖွားဆရာမများ၊ ကျန်းမာရေးကြီးကြပ် (၂) အစရှိသည့် အခြေခံကျန်းမာရေးဝန်ထမ်းများအတွက် လက်တွေ့လုပ်ငန်းခွင် မွမ်းမံသင်တန်း များကိုလည်း စတင်ရန်ဆောင်ရွက်နေကြောင်း၊ သူနာပြု/သားဖွားများ၏ ၀တ်စုံစရိတ်၊ စားစရိတ်များကို ခေတ်ကာလနှင့် လျော်ညီအောင် ပြင်ဆင်ပြောင်းလဲခဲ့ပြီးဖြစ်ကြောင်း နှင့် တိုင်းဒေသကြီး/ပြည်နယ် အသီးသီးရှိ အစိုးရပြည်သူ့ဆေးရုံများ၌ သူနာပြုဝန်ထမ်း အင်အားနည်းပါးနေခြင်းကြောင့် ဒီဇင်ဘာလတွင် သစ်လွင်သူနာပြုများကို ထပ်မံတိုးမြှင့် ခန့်ထားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

၂၀၁၇ခုနှစ် နှစ်ဆန်းပိုင်းအထိ တစ်နိုင်ငံလုံးတွင် ဆေးရုံပေါင်း ၁၁၂၃ ရုံ၊ သူနာပြု ၀န်ထမ်းအင်အား အနေဖြင့် ခွင့်ပြု ၃၇၇၀၄ ဦး၊ ခန့်ထား ၂၀၆၈၃ ဦးရှိပြီး လစ်လပ် ၁၇၀၂၁ ဦးရှိကြောင်းနှင့် အစိုးရပြည်သူ့ဆေးရုံများ၌ သူနာပြုဝန်ထမ်းအင်အား နည်းပါးနေပြီး အ လုပ်မ၀င်ရောက်သူဦးရေ များပြားလာသောကြောင့် ၂၀၁၅ ခုနှစ်မှစ၍ သူနာပြုများကို ဘွဲ့၊ ဒီပလိုမာ အောင်လက်မှတ်ချီးမြှင့်စဉ်မှာပင် တစ်ပြိုင်နက် နိုင်ငံ့ဝန်ထမ်းအဖြစ် အလုပ်ခန့်စာကို ပေးအပ်ခဲ့ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

လက်ရှိတွင် သူနာပြုတက္ကသိုလ် နှစ်ခု၊ သူနာပြု၊ သားဖွားနှင့် နှီးနွှယ်ကျောင်း ၅၀ တို့ မှ မြန်မာနိုင်ငံအတွက် လိုအပ်လျက်ရှိသော သူနာပြုနှင့် သားဖွားများကို မွေးထုတ်လျက်ရှိကြောင်း၊ လက်ရှိအချိန်အထိ သူနာပြု ၃၅၀၀၀ ကျော်နှင့်သားဖွားဆရာမ ၃၇၀၀၀ ကျော် လေ့ကျင့်မွေးထုတ်ပေးပြီးဖြစ်ကြောင်းနှင့် တက္ကသိုလ်နှင့် သင်တန်းကျောင်းအသီးသီးတွင် သင်တန်းသား ၉၀၀၀ကျော် သင်တန်း တက်ရောက်လျက်ရှိကြောင်း သိရသည်။

ရခိုင်ပြည်နယ်၏ ကျန်းမာရေးဖွံ့ဖြိုးမှုစီမံကိန်းကို ကာလအပိုင်းအခြားအလိုက်ဆောင်ရွက်နေပြီး ကာလရှည်အစီအစဉ်အဖြစ် ၂၀၂၂ ခုနှစ်ထိ ရေးဆွဲလုပ်ဆောင်မည်

ပြည်သူ့ကျန်းမာရေးဦးစီးဌာန၊ ရွေ့လျားဆေးအဖွဲ့က ရခိုင်ပြည်နယ်အတွင်း ကျန်းမာရေးစောင့်ရှောက်မှုပေးနေစဉ်

ရခိုင်ပြည်နယ်၏ လက်ရှိလိုအပ်ချက်များအပေါ်အခြေခံကာ ကျန်းမာရေးဖွံ့ဖြိုး တိုးတက်မှုစီမံကိန်းကို ကာလအပိုင်းအခြားအလိုက် သတ်မှတ်ဆောင်ရွက်နေပြီး ကာလရှည်အစီအစဉ်အဖြစ် ၂၀၂၂ ခုနှစ်ထိ ရေးဆွဲ လုပ်ဆောင်မည်ဖြစ်ကြောင်း ကျန်းမာရေး နှင့်အားကစားဝန်ကြီးဌာနမှ သိရသည်။

ကျန်းမာရေးနှင့် အားကစားဝန်ကြီးဌာနအနေဖြင့် ရခိုင်ပြည်နယ်အကြံပေးကော်မရှင်၏ အပြီးသတ်အစီရင်ခံစာပါ အကြံပြု ချက်များနှင့် လက်ရှိ လိုအပ်ချက်များအပေါ် အခြေပြု၍ ရခိုင်ပြည်နယ် ကျန်းမာရေးဖွံ့ ဖြိုးတိုးတက်မှုစီမံကိန်း (Rakhine Health Development Plan) ကို ဆောင်ရွက်ထားပြီးဖြစ်၍ စတင်အကောင်အထည်ဖော်လျက်ရှိကြောင်း၊ ကာလတိုအစီအစဉ် Short Term Plan ကို ၂၀၁၇ ခုနှစ် အောက်တိုဘာမှ ဒီဇင်ဘာလအထိ လည်းကောင်း၊ ကာလလတ်အစီအစဉ်ကို ၂၀၁၈ခုနှစ် ဇန်န၀ါရီလမှ ဒီဇင်ဘာလအထိ တစ်နှစ်တာကာလအတွင်း အကောင်အထည်ဖော်ဆောင်ရွက်သွားမည့်အပြင် Implementation Ressearch များကိုပါ ထည့်သွင်းလုပ်ဆောင်သွားမည်ဖြစ်ကြောင်းနှင့် ကာလရှည်အစီအစဉ်ကို ၂၀၁၉ ခုနှစ် ဇန်န၀ါရီလမှ ၂၀၂၂ ခုနှစ် ဒီဇင်ဘာလအထိ လေးနှစ်အတွင်း ဆောင်ရွက်သွားမည်ဖြစ်ကြောင်းလည်း သိရသည်။

ထို့ပြင် အကြမ်းဖက်မှုဖြစ်စဉ်နှင့်ဆက်စပ်၍ လုပ်ငန်းဆောင်ရွက်နိုင်ခြင်း မရှိသော ဆေးရုံများ၊ ကျေးလက်ကျန်းမာရေးဌာနများ၊ ကျေးလက်ကျန်းမာရေးဌာနခွဲများ၊ ကျေးလက်ဆေးပေးခန်းများကို စိစစ်ကာ လိုအပ်သည်များပြင်ဆင်ရန် စီစဉ်လျက်ရှိကြောင်း၊ မောင်တောမြို့နယ်အတွင်းရှိ အလယ်သံကျော်၊ ကြိမ်ချောင်းနှင့် အောင်သပြေတိုက်နယ်ဆေးရုံ၊ ဘူးသီးတောင်မြို့နယ်အတွင်းရှိ တောင်ဘဇာတိုက်နယ်ဆေးရုံ၊ ရသေ့တောင်မြို့နယ်အတွင်းရှိ စေတီပြင်တိုက်နယ် ဆေးရုံများမှ တာဝန်ကျဝန်ထမ်းများအား လုံခြုံရေးအခြေအနေကောင်းမွန်လာသည်နှင့် မူလနေရာများတွင် ပြန်လည် တာဝန်ထမ်းဆောင်နိုင်ရေးအတွက် စီစဉ်ထားကြောင်းလည်း သိရသည်။

ကျန်းမာရေးနှင့် အားကစားဝန်ကြီးဌာနနှင့် ကမ္ဘာ့ကျန်းမာရေးအဖွဲ့တို့ပူးပေါင်း၍ စစ်တွေ၊ ဘူးသီးတောင်၊ မောင်တောနှင့် ရသေ့တောင်မြို့နယ်များအတွက် စုစုပေါင်း ငွေကျပ် ၁၆၃,၇၆၁ç၅၀၀ တန်ဖိုးရှိ အရေးပေါ် ဆေးဝါး၊ ဆေးပစ္စည်းများကို သုံးကြိမ်ခွဲ၍ ထောက်ပံ့ပေးမည်ဖြစ်ကြောင်း၊ ပြီးခဲ့သည့် စက်တင်ဘာ ၂၆ ရက်က ပထမအကြိမ် ထောက်ပံ့ပေးပြီးဖြစ်ကြောင်းနှင့် ဆက်လက်၍ ဒုတိယ၊ တတိယအကြိမ်ထောက်ပံ့ရန် ဆေးဝါးများကို ရန်ကုန်မြို့တွင် ကြိုတင် ၀ယ်ယူ သိုလှောင်ထားပြီး အဆိုပါမြို့နယ်များ၏ ဆေးဝါးသုံးစွဲမှုနှင့် လိုအပ်ချက်များအရ ဆက်လက်ထောက်ပံ့ပေးပို့သွားမည် ဖြစ်ကြောင်းလည်း သိရသည်။

ထို့ပြင် တစ်ဖက်နိုင်ငံသို့ ရောက်ရှိနေသူများအနေဖြင့် ရခိုင်ပြည်နယ်သို့ နှစ်နိုင်ငံ သဘောတူညီချက်အရ ပြန်လည်ဝင်ရောက်လာခဲ့ပါက လိုအပ်သောကျန်းမာရေး စစ်ဆေးမှုများနှင့် စောင့်ရှောက်မှုလုပ်ငန်းများကို ကျန်းမာရေးဝန်ကြီးဌာနက လုပ်ဆောင် သွားမည်ဖြစ်ကြောင်းနှင့် ၀န်ကြီးဌာနအနေဖြင့် ရခိုင်ပြည်နယ်တွင် နေထိုင်ကြသူများအားလုံးအတွက် ကျန်းမာရေးစောင့်ရှောက်မှု လုပ်ငန်းများကို ၂၀၁၂ ခုနှစ် ဖြစ်ရပ်နောက်ပိုင်းမှစ၍ ၀န်ကြီးဌာနတွင်ကော်မတီဖွဲ့၍ အထူးဦးစားပေး ဆောင်ရွက်ခဲ့ကြောင်း၊ တစ်ဖက်နိုင်ငံသို့ ရောက်ရှိနေသူများအနေဖြင့် ရခိုင်ပြည်နယ်သို့ နှစ်နိုင်ငံသဘောတူညီချက်အရ ပြန်လည်ဝင်ရောက်လာခဲ့ပါက လိုအပ်သော ကျန်းမာရေးစစ်ဆေးမှုများပေးခြင်း၊ အဏုအာဟာရ ဆေးဝါးများထောက်ပံ့ပေး၍ အာဟာရချို့တဲ့မှုမှ ကာကွယ်ကုသပေးခြင်း၊ ကလေးများတွင်အဖြစ်များသော ကာကွယ်ဆေးထိုးခြင်းဖြင့် ကာကွယ်နိုင်သော ရောဂါများအတွက်ကာကွယ်ဆေးများ ထိုးနှံပေးခြင်း၊ ပြန်လည်အခြေချနေထိုင်မည့် နေရာများတွင် ပတ်ဝန်းကျင်သန့်ရှင်းရေးအတွက် ဆောင်ရွက်ပေးခြင်း၊ ကျေးလက် ကျန်းမာရေးဌာနခွဲများ၊ ကျေးလက်ကျန်းမာရေးဌာနများ ဖွင့်လှစ်ပေးခြင်း၊ လိုအပ်ပါက ၁၆ ခုတင်ဆံ့ ယာယီတိုက်နယ်ဆေးရုံများ  ဖွင့်လှစ်ပေးခြင်းများကို ဆောင်ရွက်မည်ဖြစ်ကြောင်း သိရသည်။

ရခိုင်ပြည်နယ်အတွင်း ပြန်လည်ဝင်ရောက်လာသူများ လက်ခံသည့်ကိစ္စတွင် ကျန်းမာရေးလုပ်ငန်းများ အသင့်ဖြစ်စေရေး ပြည်ထောင်စုဝန်ကြီးနှင့် ပြည်နယ်ကျန်းမာရေးဝန်ထမ်းများ တွေ့ဆုံဆွေးနွေး

ရခိုင်ပြည်နယ်တွင် ကျန်းမာရေးစောင့်ရှောက်မှုပေးနေသည့် ကျန်းမာရေးဝန်ထမ်းများအား တွေ့ရစဉ်

ဘင်္ဂလားဒေ့ရ်ှနိုင်ငံဘက်မှ ရခိုင်ပြည်နယ်အတွင်း ပြန်လည်ဝင်ရောက်လာသူများ လက်ခံခြင်းကိစ္စတွင် ကျန်းမာရေးစောင့်ရှောက်မှု လုပ်ငန်းများ အသင့်အနေအထား ဖြစ်စေရေးအတွက် ဇန်န၀ါရီလ၊ ဒုတိယပတ် အတွင်းက ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီးနှင့် ရခိုင်ပြည်နယ် ကျန်းမာရေးဦးစီးဌာနမှူး ဦးဆောင်သော အဖွဲ့နှင့် တွေ့ဆုံဆွေးနွေးခဲ့ကြောင်း သိရသည်။

ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးသည် ရခိုင်ပြည်နယ် ကျန်းမာရေးဦးစီးဌာနမှူး ဒေါက်တာကြည်လွင် ဦးဆောင်သောအဖွဲ့နှင့် တွေ့ဆုံ၍ ရခိုင်ပြည်နယ်တွင် ကျန်းမာရေး စောင့်ရှောက်မှုလုပ်ငန်းများ ယခုထက် ပိုမိုဆောင်ရွက်နိုင်ရေးနှင့် တစ်ဖက်နိုင်ငံမှ ပြန်လည်ဝင်ရောက်လာသူများ လက်ခံခြင်း ကိစ္စတွင် ကျန်းမာရေးလုပ်ငန်းများ ဆောင်ရွက်လျက်ရှိမှု အခြေအနေများနှင့် ပတ်သက် ၍ တွေ့ဆုံဆွေးနွေးခဲ့ကြောင်း သိရသည်။

ရခိုင်ပြည်နယ်တွင် နေထိုင်သူအားလုံး၏ ကာကွယ်ဆေးထိုးလွှမ်းခြုံမှု ယခုထက် ပိုမိုမြင့်မားရေး၊ တီဘီရောဂါ၊ အိပ်ခ်ျအိုင်ဗွီ/ အေအိုင်ဒီအက်စ်ရောဂါ၊ သွေးလွန်တုပ်ကွေး ရောဂါအစရှိသည့် ကူးစက်ရောဂါဖြစ်ပွားမှု လျှော့ချရေး၊ ပြည်သူများ၏ ကျန်းမာရေး အသိပညာ ယခုထက်ပိုမိုမြှင့်တင်ရေး၊ ခက်ခဲဝေးလံဒေသများတွင် ရွေ့လျားဆေးခန်း (Moblie Clinic) များဖြင့် စနစ်တကျကျန်း မာရေးစောင့်ရှောက်မှု ယခုထက်ပိုမိုပေးနိုင်ရေးနှင့် စစ်တွေဆေးရုံကြီးအား အဆင့်မြှင့် တင်ရေးစသည့် ကိစ္စရပ်များအပြင် တစ်ဖက်နိုင်ငံမှ ပြန်လည်ဝင်ရောက်လာသူများကို လက်ခံမည့်နေရာများတွင် ကျန်းမာရေးစစ်ဆေးပေးခြင်း၊ ကာကွယ်ဆေးထိုးနှံပေးခြင်း၊ ကိုယ်ဝန်ဆောင်စောင့်ရှောက်ပေးခြင်း၊ အာဟာရပြည့်မှုအခြေအနေကို တိုင်းတာခြင်း၊ ကျန်းမာရေး အသိပညာပေးခြင်းစသည့်လုပ်ငန်းများ၊ ယာယီနေထိုင်မည့်နေရာတွင် ဆေးပေးခန်း (သို့မဟုတ်) ကျေးလက်ကျန်းမာရေး ဌာနဖွင့်လှစ်နိုင်ရေး၊ တစ်ကိုယ်ရေသန့်ရှင်းရေး၊ ပတ်ဝန်းကျင်သန့်ရှင်းရေးနှင့် ယင်လုံအိမ်သာသုံးစွဲရေး၊ အမှိုက်များစနစ်တကျ စွန့်ပစ်ရေး၊ စနစ်တကျလူနာ လွှဲပြောင်းကုသပေးနိုင်ရေး၊ ဆေးနှင့်ဆေးပစ္စည်းများထောက် ပံ့ပေးနိုင်ရေးစသည့် အချက်များကို အသေးစိတ်မှာကြားခဲ့ပြီး စီမံချက်အသွင်ဖြင့် ဆောင်ရွက်နေမှုများကို ထပ်မံအားဖြည့်၍ အမြန်ဆုံး အကောင်အထည်ဖော်ဆောင်ရွက်ပြီး လုပ်ငန်းများကို အသင့်အနေအထား လုပ်ဆောင်ထားရန်မှာကြားခဲ့ကြောင်း သိရသည်။

တစ်ဖက်နိုင်ငံသို့  ရွေ့ပြောင်းသွားသူများ ရခိုင်ပြည်နယ်အတွင်း ပြန်လည်ဝင်ရောက်လာပါက ပြန်လည်လက်ခံရေးစခန်းများ၌ ရွေ့လျားဆေးအဖွဲ့များဖြင့် ယာယီဆေးခန်း ဖွင့်လှစ်၍ ကျန်းမာရေးစောင့်ရှောက်မှု ပေးသွားမည်ဖြစ်ကြောင်း၊ ပြန်လည်လက်ခံရေး စခန်းများ၌ ကျန်းမာရေးစောင့်ရှောက်မှုပေးရာတွင် ကျန်းမာရေးစစ်ဆေးခြင်းနှင့် ကူးစက်ရောဂါစောင့်ကြပ်ကြည့်ရှုခြင်း၊ သာမန်နေ မကောင်းသူများအား ဆေးကုသမှုပေးခြင်း၊ ဆေးရုံသို့ လွှဲပြောင်းရန်လိုအပ်သည့် လူနာများအား အရေးပေါ်ဆေးကုသပေး၍ လွှဲပြောင်းပေးခြင်း၊ ခုခံအားကျဆင်းမှုကူးစက်ရောဂါနှင့် တီဘီရောဂါစသည့် ကူးစက်ရောဂါ ခံစားနေရသူများအတွက် ရေရှည်ဆေး သောက်သုံးနေရသူများအား ဖော်ထုတ်မေးမြန်း၍ ဆေးဝါးပြတ်လပ်မှုမရှိစေဘဲ ဆေးကုသမှုဆက်လက်ခံယူနိုင်ရေး စီစဉ်ဆောင်ရွက်ပေးခြင်း၊ နာတာရှည်ရောဂါ (နှလုံး၊ သွေး တိုး၊ ဆီးချိုစသည်) များ ခံစားနေရသူများအား  ဆေးဝါးပြတ်လပ်မှု မရှိစေဘဲဆေးကုသမှု ဆက်လက်ခံယူနိုင်ရေး စီစဉ်ဆောင်ရွက်ပေး ခြင်း၊ ကိုယ်ဝန်ဆောင်၊ ကလေးကျန်းမာရေးနှင့် အာဟာရစောင့်ရှောက်မှုပေးခြင်း၊ ပိုလီယိုနှင့် ၀က်သက်၊ ဂျိုက်သိုးကာကွယ်ဆေးများ ထိုးနှံတိုက်ကျွေးပေးခြင်းစသည့် လုပ်ငန်းများ ဆောင်ရွက်နိုင်ရေးစီစဉ်ပေးမည်ဖြစ်ကြောင်း သိရသည်။

ဆေးကုသသူများ လုံခြုံမှုရှိစေရန် ရခိုင်ပြည်နယ်ရှိ ဆေးရုံနှင့် ကျန်းမာရေးဌာနများ အားလုံးကို အကာအကွယ် ပေးထားသည့်နယ်မြေ (Protected Zone) အဖြစ် သတ်မှတ်မည်

ရခိုင်ပြည်နယ်တွင် ကျန်းမာရေး စောင့်ရှောက်မှုပေးနေသည့် ကျန်းမာရေး ၀န်ထမ်းများအား တွေ့ရစဉ်

ဆေးကုသမှုခံယူသူများ လုံခြုံမှုရှိစေရန်အတွက် ရခိုင်ပြည်နယ်အတွင်း ကျန်းမာရေး စောင့်ရှောက်မှုပေးသည့် ဆေးရုံ၊ ဆေးပေးခန်းများကို ‘အကာအကွယ် ပေးထားသည့်နယ်မြေ (Protected Zone)’ များအဖြစ် သတ်မှတ် လုပ်ဆောင်မည် ဖြစ်ကြောင်း သိရသည်။

ဆေးရုံ၊ ကျန်းမာရေးဌာနတိုင်း၌ အကာအကွယ် ပေးထားသည့်နယ်မြေ (Protected Zone) ဟူသော စာသားကို ချိတ်ဆွဲနိုင်ရေးအတွက် အတည်ပြုချက် ရယူသွားမည်ဖြစ်ပြီး အတည်ပြုချက်ရရှိပါက ယင်းအသိပေး ကြေညာချက်အား ရခိုင်ပြည်နယ်အတွင်းရှိ ဆေးရုံနှင့် ကျန်းမာရေးဌာနများ အားလုံး၌ ချိတ်ဆွဲသွားနိုင်ရေးအတွက် ဆက်လက်ဆောင်ရွက်မည် ဖြစ်ကြောင်းနှင့် ယင်းကြေညာချက်ကို မြန်မာဘာသာ၊ ရခိုင်ဘာသာစကားနှင့် အင်္ဂလိပ်ဘာသာ စကားများဖြင့် ချိတ်ဆွဲသွားမည် ဖြစ်ကြောင်း သိရသည်။

ရခိုင်ပြည်နယ်အတွင်း ရရှိနေသည့် ကျန်းမာရေး စောင့်ရှောက်မှု အဆင့်သည် နိမ့်ကျနေပြီး ကမ္ဘာ့ကျန်းမာရေး အဖွဲ့ကြီးက နိုင်ငံတစ်နိုင်ငံတွင် ထိရောက်သည့် ကျန်းမာရေး စောင့်ရှောက်မှု စနစ်တစ်ခု ရှိရန်အတွက် လူတစ်သောင်းလျှင် ကျန်းမာရေးလုပ်သား အနည်းဆုံး ၂၂ ဦးရှိရန် လိုအပ်သည်ဟု အကြံပြုထားကြောင်း၊ တစ်နိုင်ငံလုံး၏ ပျမ်းမျှနှုန်းအရ မြန်မာတစ်နိုင်ငံလုံး၌ ကျန်းမာရေးလုပ်သား အင်အားသည် လူတစ်သောင်းလျှင် ၁၆ ဦးခန့်ရှိ သော်လည်း ရခိုင်ပြည်နယ်တွင် လူတစ်သောင်းလျှင် ကျန်းမာရေးလုပ်သား ငါးဦးသာ ရှိကြောင်း၊ ရခိုင်ပြည်နယ်ရှိ ကလေးသေနှုန်းသည်လည်း တစ်နိုင်ငံလုံး၏ ပျမ်းမျှနှုန်းထက် မြင့်နေကြောင်း၊ ကလေးမွေးဖွားသည့် အမျိုးသမီးများ၏ ၁၉ ရာခိုင်နှုန်းသာလျှင် ကျွမ်းကျင်သည့် ကျန်းမာရေး ၀န်ထမ်းများရှိသည့် ဆေးရုံဆေးပေးခန်းများတွင် မွေးဖွားကြကြောင်းနှင့် ကာကွယ်ဆေးထိုးရုံဖြင့် ကာကွယ်နိုင်သည့် ရောဂါအများအပြား မကြာမီ နှစ်များအတွင်းက အထူးသဖြင့် ရခိုင်ပြည်နယ်မြောက်ပိုင်းတွင် ဖြစ်ပွားခဲ့သည်ကို တွေ့ရပြီး ၂၀၁၆ ခုနှစ်က ရခိုင်ပြည်နယ် တစ်ပြည်လုံးတွင် ပြုလုပ်ခဲ့သည့် သုတေသန စစ်တမ်းတွင် ပါဝင်ဖြေဆိုခဲ့သူများ၏ ၅၂ ရာခိုင်နှုန်းသည် ၎င်းတို့အနေဖြင့် ကျန်းမာရေးစောင့်ရှောက်မှုကို လုံလောက်စွာရရှိခြင်း မရှိကြောင်း ဖြေဆိုခဲ့သည်။

ရခိုင်ပြည်နယ်အတွင်း ကလေးသူငယ်များ၏ အာဟာရပြည့်ဝနှုန်းသည်လည်း တစ်နိုင်ငံလုံးတွင် အနိမ့်ဆုံး အခြေအနေတွင်ရှိနေပြီး ကလေးသူငယ်များ၏ ၃၈ ရာခိုင်နှုန်းသည် ဖွံ့ဖြိုးမှုနိမ့်ကျကာ ၃၄ ရာခိုင်နှုန်းသည် ကိုယ်အလေးချိန် ရှိသင့်သလောက် မရှိသည်ကို တွေ့ရကြောင်း သိရသည်။

ထို့ပြင် ရခိုင်ပြည်နယ်အတွင်း ပြန်လည်ဝင်ရောက်လာသူများအတွက် ကျန်းမာရေး စောင့်ရှောက်မှုပေးခြင်း အစီအစဉ်တွင် ပါဝင်မည့် ဒေသခံဝန်ထမ်းများ၊ အခြားဒေသမှ လာရောက်တာဝန် ထမ်းဆောင်မည့် ကျန်းမာရေး ၀န်ထမ်းများ၊ ကွင်းဆင်းကြီးကြပ် အဖွဲ့ဝင်များအတွက် လိုအပ်မည့် နေ့တွက်စရိတ်၊ ခက်ခဲဒေသခွင့်ပြုစရိတ်၊ ခရီးစရိတ် စသည်များကို ကျန်းမာရေးနှင့် အားကစား ၀န်ကြီးဌာနက ထောက်ပံ့ပေးသွားမည် ဖြစ်ကြောင်း သိရသည်။

ကျန်းမာရေးနှင့် အားကစားဝန်ကြီးဌာန အနေဖြင့် ပြန်လည်လက်ခံရေးစခန်းများ (တောင်ပြိုလက်ဝဲနှင့် ငါးခူရ)နှင့် ယာယီပြန်လည် နေရာချထားမည့် ဒါးကြီးဇားကျေးရွာတို့၌ ကျန်းမာရေးစောင့်ရှောက်မှု လုပ်ငန်းများ ဆောင်ရွက်ရန်အတွက် လိုအပ်သော ဆေးအဖွဲ့များကို ဖွဲ့စည်းထားကြောင်းနှင့် ဆေးအဖွဲ့များကို အဆင့်ဆင့် ဖွဲ့စည်းထားပြီးဖြစ်ရာ နယ်စပ်ဝင်ထွက်ပေါက် ဆေးခန်းအဖွဲ့ဝင်များ အနေဖြင့် ကျန်းမာရေး စစ်ဆေးခြင်းနှင့် ကူးစက်ရောဂါ စောင့်ကြပ်ကြည့်ရှုခြင်း၊ သာမန်နေမကောင်းသူများအား ဆေးကုသပေးခြင်း၊ ဆေးရုံသို့ လွှဲပြောင်းရန် လိုအပ်သည့် လူနာများအား အရေးပေါ် ဆေးကုသပေး၍ လွှဲပြောင်းပေးခြင်း၊ ကိုယ်ဝန်ဆောင် စောင့်ရှောက်မှုပေးခြင်း၊ ကလေးငယ်များအား ပိုလီယိုနှင့် ၀က်သက်ကာကွယ်ဆေးများ ထိုးနှံတိုက်ကျွေးခြင်းများကို လုပ်ဆောင်ပေးသွားမည် ဖြစ်ကြောင်း သိရသည်။

ရာသီတုပ်ကွေး H1N1 မှာ နှစ်စဉ်ဖြစ်ပွားတတ်သော ရောဂါဖြစ်သဖြင့် အခြားကူးစက်ရောဂါများ နည်းတူ ရောဂါစောင့်ကြပ် ကြည့်ရှုခြင်းကို ဆက်လက်လုပ်ဆောင်မည်

ရာသီတုပ်ကွေးရောဂါ ဖြစ်ပွားမှုရှိခဲ့သည့် ၂၀၁၇ ခုနှစ် စက်တင်ဘာလအတွင်းက  ရန်ကုန်မြို့တွင် နှာခေါင်းစည်း တပ်ဆင်၍ သွားလာနေသူ အချို့အား တွေ့ရစဉ် (ဓာတ်ပုံ-ကြည်နိုင်)

ရာသီတုပ်ကွေးရောဂါမှာ နှစ်စဉ်ဖြစ်ပွားတတ်သောရောဂါ ဖြစ်သဖြင့် သွေးလွန်တုပ်ကွေးရောဂါ၊ ငှက်ဖျားရောဂါ စသည့် ကူးစက်ရောဂါများနည်းတူ စောင့်ကြပ်ကြည့်ရှု၍ကာ ကွယ်ထိန်းချုပ်ခြင်း လုပ်ငန်းများကို လာမည့် နှစ်များတွင်လည်း စီမံချက်များချမှတ်ကာ ဆက်လက် လုပ်ဆောင်သွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ရာသီတုပ်ကွေးရောဂါသည် မိုးတွင်းကာလနှင့် ဆောင်းတွင်းကာလတွင် ပိုမိုဖြစ်ပွားကူးစက်တတ်ရာ ၀န်ကြီးဌာန အနေဖြင့် ရာသီတုပ်ကွေးရောဂါ ကြိုတင်ကာကွယ်ရေးနှင့် တုံ့ပြန်ရေးစီမံချက်ကို ရေးဆွဲ၍ ရောဂါ စောင့်ကြပ် ကြည့်ရှုရေးနှင့် တုံ့ပြန်ရေး လုပ်ငန်းများ ဆက်လက်ဆောင်ရွက် သွားမည်ဖြစ်ကြောင်း၊ တုပ်ကွေးဆန်သော ရောဂါလက္ခဏာများနှင့် လတ်တလော ပြင်းထန်အသက်ရှူလမ်းကြောင်းရောဂါ စောင့်ကြပ်ကြည့်ရှုခြင်းနှင့် တုံ့ပြန်ဆောင်ရွက်ခြင်း လုပ်ငန်းများကို Pandemic Influenza Preparedness (PIP) Framework နှင့် အပြည်ပြည်ဆိုင်ရာ ကျန်းမာရေး စည်းမျဉ်းများ ၂၀၀၅ နှင့်အညီ စဉ်ဆက်မပြတ် ဆောင်ရွက်နိုင်ရေးအတွက် Pandemic Influenza Preparedness Strategic Plan ကို ပြန်လည်သုံးသပ်ပြီး ကူးစက်ရောဂါ ကာကွယ်နှိမ်နင်းရေး ကွင်းဆင်းဆောင်ရွက်ခြင်းဆိုင်ရာ စွမ်းရည်မြှင့်သင်တန်းများ ဖွင့်လှစ်ပို့ချခြင်း၊ ရာသီတုပ်ကွေး ရောဂါဆိုင်ရာ ဇာတ်တိုက်လေ့ကျင့်ခြင်းများ ပြုလုပ်ခြင်း၊ ပြည်သူ့ကျန်းမာရေး အရေးပေါ် စီမံခန့်ခွဲရေးဗဟိုဌာန ဖွင့်လှစ်ဆောင်ရွက်ခြင်း၊ ဆေးရုံများတွင် လိုအပ်သောဆေးနှင့် ဆေးပစ္စည်းများ အဆင်သင့်ရှိစေရေး ဆောင်ရွက်ခြင်း၊ ပြည်သူလူထုအတွင်း ရာသီတုပ်ကွေးရောဂါနှင့် ပတ်သက်သော ကျန်းမာရေး အသိပညာပေး လုပ်ငန်းများ နှစ်စဉ်မိုးရာသီ မတိုင်မီ ကြိုတင်ဆောင်ရွက်ခြင်း၊ အမျိုးသား ကျန်းမာရေး ဓာတ်ခွဲမှုဆိုင်ရာဌာနကို အဆင့်မြှင့်တင်ခြင်း၊ ပဋိဇီဝဆေးဝါးများ ယဉ်ပါးမှု မဖြစ်စေရေးအတွက် အရေးကြီးလုပ်ငန်း တစ်ရပ်အဖြစ် သတ်မှတ်ဆောင်ရွက်ခြင်းနှင့် ရာသီတုပ်ကွေးရောဂါဆိုင်ရာ သုတေသန လုပ်ငန်းများကို ဦးစားပေး ဆောင်ရွက်သွားမည်ဖြစ်ကြောင်း သိရသည်။

၂၀၁၇ ခုနှစ် နှစ်ကုန်ပိုင်းမှစ၍ ရာသီတုပ်ကွေး H1N1 ဖြစ်ပွားသေဆုံးနှုန်း သိသာစွာ ကျဆင်းသွားပြီး ရာသီတုပ်ကွေး ရောဂါကြောင့် သေဆုံးမှုအဆင့်ကို လွန်စွာကျဆင်း လာသောအဆင့် (very low case fatality) အဖြစ် ကျန်းမာရေးနှင့် အားကစားဝန်ကြီးဌာနက သတ်မှတ်ခဲ့ပြီးဖြစ်သည်။

 

ပြည်တွင်း၌ အီးစီးကရက်နှင့် ဆက်စပ်ပစ္စည်း (အရည်) များ ထုတ်လုပ်တင်သွင်း ရောင်းချမှုကို လုံးဝပိတ်ပင်နိုင်ရန် ပြည်သူ့ကျန်းမာရေး ဖောင်ဒေးရှင်းက ကျန်းမာရေး ၀န်ကြီးဌာနထံ အကြံပြုစာ ပေးပို့မည်

အီးစီးကရက် သောက်သုံးနေသူ တစ်ဦးကို တွေ့ရစဉ် (Photo – CNN)

အာဆီယံနိုင်ငံများနည်းတူ ပြည်တွင်း၌ အီးစီးကရက်၊ ၎င်းနှင့် ဆက်စပ်ပစ္စည်း (အရည်) များကို ထုတ်လုပ်ခြင်း၊ တင်သွင်းခြင်းနှင့် ရောင်းချမှုအားလုံးကို လုံးဝပိတ်ပင်နိုင်ရန် ပြည်သူ့ကျန်းမာရေး ဖောင်ဒေးရှင်းက ကျန်းမာရေးနှင့် အားကစား ၀န်ကြီးဌာနထံ အကြံပြုစာ ပေးပို့မည်ဖြစ်ကြောင်း သိရသည်။

ထိုသို့ဆောင်ရွက်ရန်အတွက် လက်ရှိဥပဒေများဖြစ်သော ဆေးလိပ်နှင့် ဆေးရွက်ကြီးထွက်ပစ္စည်းများ သောက်သုံးမှု ထိန်းချုပ်ရေးဥပဒေ၊ အမျိုးသား အစားအသောက်ဥပဒေနှင့် အမျိုးသားဆေးဝါး ဥပဒေတို့အရ လူ၏ကျန်းမာရေးနှင့် အသက်အန္တရာယ် ဖြစ်စေသော အီးစီးကရက်နှင့်အတူ ၎င်းနှင့်ဆက်စပ်ပစ္စည်း (အရည်) များကို ထုတ်လုပ်ခြင်း၊ တင်သွင်းခြင်းနှင့် ရောင်းချမှုအားလုံး လုံးဝပိတ်ပင်ရန် ကျန်းမာရေးနှင့် အားကစား ၀န်ကြီးဌာန၏ လုပ်ပိုင်ခွင့်အရ အမိန့်ကြော်ငြာစာ ထုတ်ပြန်နိုင်ရန် အကြံပြုသွားမည် ဖြစ်ကြောင်း သိရသည်။

ဒီဇင်ဘာ ၂၈ ရက်နှင့် ၂၉ ရက်က ကျင်းပခဲ့သည့် ‘အီးစီးကရက်နှင့် ရေပြောင်းသုံးစွဲမှု ထိန်းချုပ်ခြင်း စည်းမျဉ်း ဥပဒေများဆိုင်ရာ အလုပ်ရုံဆွေးနွေးပွဲ’ ၌ ဌာနဆိုင်ရာ အသီးသီးမှ တာဝန်ရှိသူများ ပါဝင်လျက် ဆွေးနွေးမှုများ ပြုလုပ်ခဲ့ပြီးဖြစ်ရာ အဆိုပါ ဆွေးနွေးပွဲမှ ရရှိလာသည့် အကြံပြုချက်များကိုပါ ၀န်ကြီးဌာနထံ တင်ပြမည် ဖြစ်ကြောင်း သိရသည်။

အီးစီးကရက်နှင့် ဆက်စပ်ပစ္စည်း(အရည်) များကို ထုတ်လုပ်ခြင်း၊ တင်သွင်းခြင်းနှင့် ရောင်းချမှုအားလုံး လုံးဝပိတ်ပင်နိုင်ခြင်း မပြုနိုင်ပါက လူငယ်လူရွယ်များ အထူးသဖြင့် အသက် ၂၁ နှစ်အောက် လူငယ်များကို အီးစီးကရက်သုံးစွဲမှု တားဆီးလျော့နည်းစေရန် ရည်ရွယ်လျက် အသက် ၂၁ နှစ်မပြည့်သေးသူများအား အီးစီးကရက်နှင့်အတူ ၎င်းနှင့်ဆက်စပ်ပစ္စည်း (အရည်) များ ရောင်းချခြင်းနှင့် ၀ယ်ယူခြင်းကို ပိတ်ပင်တားဆီးရန်၊ အသက် ၂၁ နှစ် မပြည့်သေးသူများ၏ လက်ဝယ်တွင် အီးစီးကရက်နှင့်အတူ ၎င်းနှင့်ဆက်စပ်ပစ္စည်းများ တွေ့ရှိ က သိမ်းဆည်းရန်၊ အများပြည်သူ (ကလေးနှင့် ကိုယ်ဝန်ဆောင်မိခင်များ အပါအ၀င်) ၀င်ထွက်သွားလာသော နေရာများ (ခရီးသွားယာဉ်များ အပါအ၀င်) တွင် ဆေးလိပ်လုံးဝ မသောက်ရန် တားမြစ်ထားသည့်အတိုင်း အဆိုပါ နေရာများတွင် အီးစီးကရက်ကို အသုံးပြုခြင်းအား လုံးဝပိတ်ပင် တားမြစ်ရန်၊ အီးစီးကရက်နှင့်အတူ ၎င်းနှင့်ဆက်စပ်ပစ္စည်း  (အရည်) များ ထုတ်လုပ်ခြင်း၊ တင်သွင်းခြင်းနှင့် ရောင်းချခြင်း စသော ကုန်သွယ်မှုများကို မှတ်ပုံတင်ပြီး လိုင်စင်ထုတ်ပေးခြင်းဖြင့် ထိန်းချုပ်ရန်၊ အီးစီးကရက်နှင့်အတူ ၎င်းနှင့်ဆက်စပ်ပစ္စည်း (အရည်) များကို အထူးကုန်စည်ခွန် ကောက်ခံသည့် ကုန်စည်ပစ္စည်းအဖြစ် စာရင်းသွင်းပြီး အခွန်နှုန်းများများ ထားရှိကောက်ခံရန် စသည့် အကြံပြုချက်များကိုပါ ပေးပို့သွားမည်ဖြစ်ကြောင်း သိရသည်။

၂၀၁၄ ခုနှစ် ကမ္ဘာ့ကျန်းမာရေးအဖွဲ့ စစ်တမ်းအရ ကမ္ဘာ့လူဦးရေ ထက်ဝက်ကျော် နေထိုင်သည့် နိုင်ငံပေါင်း ၁၃၀ ကျော် (မြန်မာအပါအ၀င်) တွင် အီးစီးကရက်များကို ထိန်းချုပ်နိုင်သည့် ဥပဒေများ၊ အမိန့်များ ပြဋ္ဌာန်းနိုင်ခြင်း မရှိသေးကြောင်း၊ ထိန်းချုပ်နိုင်သည့် ဥပဒေများ၊ အမိန့်များ ပြဋ္ဌာန်းနိုင်သည့် နိုင်ငံ ၅၉ နိုင်ငံတွင် အီးစီးကရက်ကို ထုတ်လုပ်ခြင်း၊ တင်သွင်းခြင်းနှင့် ရောင်းချမှု လုံးဝပိတ်ပင်ထားသည့် နိုင်ငံ ၁၃ နိုင်ငံသာ ရှိကြောင်း သိရသည်။

 

တက္ကသိုလ်၊ ကောလိပ်၊ သိပ္ပံကျောင်းအချို့ရှိ စားသောက်ဆိုင်နှင့် ကန်တင်းများတွင် FDA က Canteen Food Safety စီမံချက်ဖြင့် ရှောင်တခင်စစ်ဆေး

မွန်ပြည်နယ်အတွင်းရှိ တက္ကသိုလ်၊ ကောလိပ်၊ သိပ္ပံကျောင်းများတွင် Canteen Food Safety စီမံချက်ဖြင့် FDA က ရှောင်တခင်စစ်ဆေးစဉ်

တက္ကသိုလ်၊ ကောလိပ်၊ သိပ္ပံကျောင်း အချို့ရှိ စားသောက်ဆိုင်နှင့် ကန်တင်းများတွင် မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာနက Canteen Food Safety စီမံချက်ဖြင့် ရှောင်တခင် စစ်ဆေးမှု များပြုလုပ်လျက်ရှိကြောင်း သိရသည်။

အဆိုပါစီမံချက်ကို ရန်ကုန်တိုင်းဒေသကြီး အပါအ၀င် တိုင်းဒေသကြီးနှင့် ပြည်နယ်အချို့တွင် လုပ်ဆောင်နေပြီး လက်ရှိ မွန်ပြည်နယ်ရှိ တက္ကသိုလ်၊ ကောလိပ်၊ သိပ္ပံကျောင်းများတွင် စစ်ဆေးနေကြောင်း၊ ဒီဇင်ဘာ ၁၉ ရက်မှစ၍ မော်လမြိုင်တက္ကသိုလ်၊ မော်လမြိုင်တက္ကသိုလ် (ရွှေတောင်) ပညာရေးကောလိပ်၊ နည်းပညာတက္ကသိုလ် (မော်လမြိုင်)၊ အစိုးရနည်းပညာ အထက်တန်းကျောင်း၊ သူနာပြုနှင့် သားဖွားသင်တန်းကျောင်း၊ ကွန်ပျူတာတက္ကသိုလ်၊ စိုက်ပျိုးရေးသိပ္ပံ ကျောင်းများတွင် ရှောင်တခင် စစ်ဆေးခဲ့ပြီးဖြစ်ကြောင်း သိရသည်။

ထို့ပြင် ရန်ကုန်တိုင်းဒေသကြီးအတွင်း တက္ကသိုလ်များရှိ စားသောက်ဆိုင်နှင့် ကန်တင်းများကို နိုဝင်ဘာလမှစ၍ စီမံချက်ဖြင့် ရှောင်တခင် စစ်ဆေးနေကြောင်း၊ နိုဝင်ဘာ ၂၈ ရက်က ရန်ကုန်တက္ကသိုလ်ဝင်းအတွင်း စားသောက်ဆိုင်များရှိ မီးဖိုဆောင်များနှင့် ချက်ပြုတ်ရာတွင် အသုံးပြုသော အစားအသောက် ကုန်ကြမ်းပစ္စည်းများကို အစားအသောက်နှင့် ဆေးဝါးကွပ်ကဲရေးဌာန ရန်ကုန်ရုံးအဖွဲ့က ရှောင်တခင် စစ်ဆေးခဲ့ပြီး ရောင်းချနေသည့် အစားအသောက်များတွင် ဘေးအန္တရာယ်ကင်းရှင်းမှု ရှိ၊ မရှိ ဓာတ်ခွဲစစ်ဆေးရန် အစားအသောက်နမူနာများ ရယူခဲ့ကြောင်း သိရသည်။

နိုဝင်ဘာ ၂၈ ရက်က အစားအသောက်နှင့် ဆေးဝါးကွပ်ကဲရေး ဦးစီးဌာနခွဲ ရန်ကုန်ရုံး အဖွဲ့သည် အခြားနှီးနွှယ် ဌာနများနှင့် ပူးပေါင်း၍  ရန်ကုန်တက္ကသိုလ်ဝင်းအတွင်း စားသောက်ဆိုင်များရှိ မီးဖိုဆောင်များ စစ်ဆေးခြင်း၊ ချက်ပြုတ်ရာတွင် အသုံးပြုသော အစားအသောက် ကုန်ကြမ်းများအား ၀ယ်ယူစစ်ဆေးခဲ့ပြီး ရွေ့လျားဓာတ်ခွဲယာဉ်ဖြင့် စစ်ဆေးသော အစားအသောက် နမူနာများအနက် မုန့်ဖတ်မှာ ဖော်မလင်ပါဝင်ကြောင်း တွေ့ရှိရသဖြင့် ယင်းစားသုံးရန် မသင့်သော မုန့်ဖတ်များအား သိမ်းဆည်းဖျက်ဆီးခြင်း၊ ဆိုင်ပိုင်ရှင်များအား အသိပညာပေးခြင်းနှင့် မူလရောင်းချသူအား စုံစမ်းခြင်းများ ဆောင်ရွက်ခဲ့ကြောင်း သိရသည်။

အမျိုးသား အစားအသောက် ဥပဒေတွင် စားသုံးသူကို အဆိပ်သင့်စေနိုင်သော၊ ဘေးဥပဒ်အန္တရာယ် ဖြစ်စေနိုင်သော သို့မဟုတ် ကျန်းမာရေးကို ထိခိုက်စေနိုင်သော အစားအသောက်များ၊ အစားအသောက်၏ သဘာဝ၊ ဒြပ်ဝတ္ထု သို့မဟုတ် အရည်အသွေး ကိုထိခိုက်စေပြီး ဘေးဥပဒ်အန္တရာယ် ဖြစ်စေရန် အရာဝတ္ထု တစ်ခုလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ အစားထိုးထားသော သို့မဟုတ် ရောစပ်ထားသော အစားအသောက်၊ အစားအသောက် ထပ်ဖြည့်ပစ္စည်းကို သတ်မှတ်ချက်ထက် ပိုမိုအသုံးပြုထားသော အစားအသောက်၊ သက်ဆိုင်ရာက သတ်မှတ်ထားသည့် စိုက်ပျိုးရေးဆိုင်ရာ ဓာတ်ပစ္စည်းအများ ဆုံးပါနိုင်ခွင့်ရှိသော ပမာဏထက် ပိုမိုပါရှိသော အစားအသောက်၊ သက်ဆိုင်ရာက တားမြစ်ထားသည့် ပစ္စည်းဖြစ်စေ၊ ခွင့်မပြုသည့် ပစ္စည်းဖြစ်စေ ပါရှိသော အစားအသောက်၊ ပုပ်သိုးသော၊ ပျက်စီးသော သို့မဟုတ် လူတို့စားသုံးရန် မသင့်လျော်သော ပစ္စည်းပါရှိသည့် အစားအသောက်၊ စံမညီ အစားအသောက်၊ အစားအသောက်တွင် မပါဝင်သည့် ဂုဏ်သတ္တိကို အမှတ်တံဆိပ်ပေါ်တွင် လွှဲမှားဖော်ပြထားသော အစားအသောက်၊ လိုင်စင်ထုတ်ပေးပိုင်ခွင့်ရှိသော သက်ဆိုင်ရာ အစိုးရဌာန သို့မဟုတ် အဖွဲ့အစည်းက သတ်မှတ်သည့် ဖော်ပြရမည့် အချက်အလက်များ မပါရှိသော အစားအသောက်များကို ထုတ်လုပ်ခြင်း၊ ပြည်တွင်းသို့ တင်သွင်းခြင်း၊ ပြည်ပသို့ တင်ပို့ခြင်း၊ သိုလှောင်ခြင်း၊ ဖြန့်ဖြူးခြင်း သို့မဟုတ် ရောင်းချခြင်း မပြုရန် တားမြစ်ထားကြောင်း၊ ဥပဒေအရ အစားအသောက်နှင့် သက်ဆိုင်သည့် ပြစ်မှုဖြစ်ပါက ထိုသူအား ထောင်ဒဏ်သုံးနှစ်အထိ ချမှတ်နိုင်ကြောင်း ဥပဒေတွင် ပြဋ္ဌာန်းထားပြီးဖြစ်သည်။                           အိသဉ္ဇာကျော်

ရန်ကုန်ဆေးရုံကြီးဝင်းရှိ အစားအသောက် အရောင်းဆိုင်များအား တရားဝင် သတ်မှတ်ထားသည့် စားသောက်ဆိုင်တန်း များတွင်သာ ရောင်းချရန် ဆေးရုံစည်းကမ်း ထိန်းသိမ်းရေးအဖွဲ့က အသိပေး

ရန်ကုန်ပြည်သူ့ဆေးရုံကြီး ဦးနှောက်နှင့် အာရုံကြောဌာန ဘက်ခြမ်းတွင် ဆေးရုံစည်းကမ်း ထိန်းသိမ်းရေးအဖွဲ့က ဈေးရောင်းချမှုနှင့် ပတ်သက်သော အသိပေး ကြေညာချက်ကို ကပ်ထားစဉ် (ဓာတ်ပုံ-ကြည်နိုင်)

ရန်ကုန်ပြည်သူ့ဆေးရုံကြီး ၀င်းအတွင်းရှိ အစားအသောက် အရောင်းဆိုင်များ၊ ထမင်းဆိုင်များနှင့် ကွမ်းယာ၊ ဆေးလိပ် အရောင်းဆိုင်များ စသည့်ဆိုင်များအား တရားဝင် သတ်မှတ်ထားသည့် စားသောက်ဆိုင်တန်း များတွင်သာ ရောင်းချရန် ဆေးရုံကြီး အုပ်ချုပ်ရေးနှင့် စည်းကမ်းထိန်းသိမ်းရေး အဖွဲ့က အသိပေးထားကြောင်း သိရသည်။

ဆေးရုံအုပ်ချုပ်ရေးနှင့် စည်းကမ်းထိန်းသိမ်းရေး အဖွဲ့က ထုတ်ပြန်ထားသော အသိပေး ကြေညာချက်တွင် ဆေးရုံကြီး ဧရိယာအတွင်း တရားဝင် သတ်မှတ်ထားရှိသော စားသောက်ဆိုင်တန်းများတွင် သတ်မှတ်ချက်အတိုင်း ရောင်းချခြင်းကို ဆောင်ရွက်ရန်နှင့် အခြားမည်သည့် နေရာတွင်မှ ဈေးရောင်းချခြင်း၊ ကွမ်းယာဆေးလိပ် ရောင်းချခြင်း၊ အစားအသောက်များ ရောင်းချခြင်းမပြုရန်၊ ဆိုက်ကားဝင်ရောက်ခြင်း၊ လူနာအတင်အချမှလွဲ၍ အငှားယာဉ်များ ရပ်နားခြင်းမပြုရန် ဆေးရုံအုပ်ချုပ်ရေးနှင့် စည်းကမ်းထိန်းသိမ်းရေး အဖွဲ့က ထုတ်ပြန်ကြေညာ ထားကြောင်းနှင့် အသိပေး ကြေညာမှုအား လိုက်နာဆောင်ရွက်ခြင်း မရှိပါက ရောင်းချသော ပစ္စည်းနှင့် အသုံးအဆောင်များအား ဖျက်သိမ်းရန် သိမ်းဆည်းခြင်း၊ တရားဥပဒေအရ အရေးယူ ဆောင်ရွက်ခြင်းတို့ကို ပြုလုပ်မည်ဖြစ်ကြောင်း ကြေညာထားသည်။

“ဆေးရုံဝင်းထဲမှာ ကွမ်းယာ၊ ဆေးလိပ် မရောင်းဖို့ ကျွန်မတို့ လှည့်ပတ်ကြည့်ရှုတဲ့အခါ အမြဲဖယ်ပါတယ်။ ခက်တာကလည်း အဲဒီလို ဈေးဆိုင်တွေက ရွေ့လျားဆိုင်လေးတွေဖြစ်တယ်။ ဖယ်လိုက်တယ်။ အပြင်ရောက်သွားတယ်။ အပြင်မှာလည်း လစ်ရင်လစ်သလို ပြန်ဝင်တယ်။ အမြဲတမ်းလိုက်ပြီး ကွမ်းယာဆေးလိပ် မရောင်းဖို့ လိုက်ပြောနေဖို့ကလည်း အဆင်မပြေဘူးလေ။ ပြောပြီးလည်း မလိုက်နာ ကြတာတွေလည်း ရှိတာပေါ့။ ဆေးရုံမှာ အစားအသောက် အရောင်းဆိုင်တွေအတွက် သီးသန့် စားသောက်ဆိုင်တန်းတွေ လုပ်ပေးထားတယ်။ ဒါပေမဲ့ အဲဒီမှာ မရောင်းကြဘဲ အပြင်ထွက်ရောင်းကြတယ်။ ဈေးဆိုင်တန်းမှာ စနစ်တကျ မရောင်းတာနဲ့ ပတ်သက်လို့ အစီအစဉ်တစ်ခုလုပ်ဖို့ စီစဉ်နေပါတယ်။ သူတို့က သေချာနေရာပေးထားတဲ့ နေရာမှာ မရောင်းဘဲနဲ့ ဆေးရုံဝင်းထဲမှာပဲ ရောင်းကြတယ်။ ဆရာဝန်၊ ဆရာမတွေ ကားရပ်တဲ့နေရာတို့၊ လူနာတင်ယာဉ်သွားတဲ့ နေရာတို့မှာ ရောင်းကြတယ်။ ဒီကိစ္စကို ၀န်ကြီးဌာန အပါအ၀င် အဖွဲ့အစည်းတွေနဲ့ အစီအစဉ်တကျ ဆောင်ရွက်ဖို့ ရှိပါတယ်။ အခုက ပညာပေးကာလ ပြီးသွားပြီ။ ရောင်းချသူတွေက စည်းကမ်းထပ်ဖောက်လို့ရှိရင် အရေးယူမှု အပိုင်းကို ညှိနှိုင်းပြီး လုပ်တော့မှာပါ။ အခုပြုပြင်ဖို့ အချိန်ပေးထားတယ်။ စည်းကမ်းမလိုက်နာတဲ့အပေါ် မူတည်ပြီး အရေးယူမှုတွေ လုပ်သွားမှာပါ” ဟု ရန်ကုန်ပြည်သူ့ ဆေးရုံကြီးမှ ဆေးရုံအုပ် ဒေါက်တာခင်သိင်္ဂီမြင့်က ပြောကြားသည်။

ဆေးရုံအုပ်ချုပ်ရေးအဖွဲ့က ဈေးဆိုင်တန်းတွင် ရောင်းချခွင့်ရရှိသည့် ဈေးသည်များ လိုက်နာရန် စည်းကမ်းချက် ၂၁ ချက် ထုတ်ပြန်ထားကြောင်းနှင့် စည်းကမ်းချက်များ ထုတ်ပြန်ထားသော်လည်း ဈေးရောင်းချသူများက လိုက်နာမှု အားနည်းလျက်ရှိကြောင်း သိရသည်။

စည်းကမ်းချက် ၂၁ ချက်တွင် သတ်မှတ်ထားသော မိမိဆိုင်ခန်းနေရာတွင်သာ စနစ်တကျ ရောင်းချရမည်ဖြစ်ပြီး သတ်မှတ်ဆိုင်ခန်း နေရာမှအပ ဆေးရုံဝင်းအတွင်းနှင့်အပြင်  အခြားနေရာများတွင် သွားရောက်ရောင်းချခြင်း မပြုရန်၊ ညအိပ်နေထိုင်ခွင့် လုံးဝခွင့်မပြု၊ အသင့်ချက်ပြုတ်ထားသော ဟင်းလျာများကိုသာ ရောင်းချရမည်ဖြစ်ပြီး ဈေးဆိုင်အတွင်းနှင့် ဆေးရုံဝင်းအတွင်း ချက်ပြုတ်ကြော်လှော် ရောင်းချခြင်း မပြုရန်၊ ဆိုင်ခန်းတစ်ခန်းလျှင် အမှိုက်ပုံး တစ်ပုံးစီ အနည်းဆုံးထားရှိပြီး အမှိုက်များအား သတ်မှတ်နေရာသို့ မိမိအစီအစဉ်ဖြင့် နေ့စဉ်စွန့်ပစ်ရန်၊ ဆိုင်ပတ်ဝန်းကျင်တွင် အညစ်အကြေးစွန့်ခြင်း လုံးဝမပြုလုပ်ရန်၊ ဆိုင်ခန်းများတွင် ကွမ်းယာ၊ ဆေးလိပ်၊ အရက်၊ မူးယစ်ဆေးဝါးများ ရောင်းချခြင်း လုံးဝမပြုလုပ်ရန် စသည့်အချက်များအား အသိပေးထားဖြစ်ကြောင်းနှင့် စည်းကမ်းချက်များ ဖောက်ဖျက်ကျူးလွန်ပါက ဈေးရောင်းချခွင့် ပိတ်သိမ်း၍ ဆိုင်ခန်းအား ပြန်လည်သိမ်းယူခြင်း ခံရမည့်အပြင် တည်ဆဲဥပဒေအရ အရေးယူသွားမည်ဖြစ်ကြောင်း အသိပေး ကြေညာထားသည်။

 

ယခုနှစ်အတွင်း တစ်နိုင်ငံလုံး အတိုင်းအတာဖြင့် ဂျပန်ဦးနှောက်ရောင်ရောဂါ ဖြစ်ပွားသူ ၃၂၀ ရှိခဲ့

လူထုအခြေပြု ဂျပန်ဦးနှောက်ရောင်ရောဂါ ကာကွယ်ဆေးထိုး အစီအစဉ်တွင် ကာကွယ်ဆေးထိုးနှံရန် ပြင်ဆင်နေသည့် ကျန်းမာရေးဝန်ထမ်း တစ်ဦးအား တွေ့ရစဉ် (ဓာတ်ပုံ – ကြည်နိုင်)

ယခုနှစ်အတွင်း တစ်နိုင်ငံလုံး အတိုင်းအတာဖြင့် ဂျပန်ဦးနှောက် ရောင်ရောဂါဖြစ်ပွားသူ ၃၂၀ ရှိကြောင်း ပြည်သူ့ကျန်းမာရေး ဦးစီးဌာနမှ သိရသည်။

၂၀၁၂ ခုနှစ်မှ ၂၀၁၇ ခုနှစ် လက်ရှိအထိ တစ်နိုင်ငံလုံး၌ ဂျပန်ဦးနှောက်ရောင်ရောဂါ ဖြစ်ပွားသူ ၈၀၀ နီးပါးရှိခဲ့ပြီး ရန်ကုန်တိုင်းဒေသကြီးမှာ ရောဂါဖြစ်ပွားနှုန်း အများဆုံးဖြစ်ကြောင်း၊ တစ်နိုင်ငံလုံး၌ ဂျပန်ဦးနှောက်ရောင်ရောဂါ ဖြစ်ပွားမှုမှာ ၂၀၁၂ ခုနှစ်တွင် ၁၄ ဦး၊ ၂၀၁၃ ခုနှစ်တွင် ၁၇ ဦး၊ ၂၀၁၄ ခုနှစ်တွင် ၂၄ ဦး၊ ၂၀၁၅ ခုနှစ်တွင် ၁၅၁ ဦး၊ ၂၀၁၆ ခုနှစ်တွင် ၃၉၃ ဦးနှင့် ယခု ၂၀၁၇ ခုနှစ်၊ လက်ရှိအထိ ၃၂၀ ရှိကြောင်း နှင့် ၂၀၁၆ ခုနှစ်အတွင်း ရောဂါဖြစ်ပွားနှုန်း မြင့်တက်ခဲ့ပြီး ယင်းနှစ်တွင် ရန်ကုန်တိုင်းဒေသကြီး၌ ရောဂါဖြစ်ပွားသူ ၁၅၅ ဦးဖြင့် အများဆုံးဖြစ်ခဲ့ကြောင်း သိရသည်။

ကမ္ဘာ့ကျန်းမာရေးအဖွဲ့က ဂျပန်ဦးနှောင်ရောင်ရောဂါ ကူးစက်ပျံ့နှံ့လျက်ရှိသော မြန်မာနိုင်ငံတွင် နှစ်စဉ်လူပေါင်း ၃၀၀၀ မှ ၆၀၀၀ ခန့်အထိ ရောဂါဖြစ်ပွားနိုင်သည်ဟု ခန့်မှန်းထားသော်လည်း လက်တွေ့တွင် အဆိုပါ အရေအတွက်ထက် ပိုမိုများပြားနိုင်ကြောင်း၊ ယင်းတို့အနက် ရာခိုင်နှုန်း ၉၀ ကျော်မှာ အသက် ၁၅ နှစ်အောက် ကလေးများဖြစ်ပြီး ၎င်းတို့အနက် ရာခိုင်နှုန်း ၃၀ ခန့် သေဆုံးရာ အသက်ရှင် ကျန်ရစ်သော ကလေးများတွင်လည်း နာတာရှည် ကိုယ်လက်အင်္ဂါ မသန်စွမ်းခြင်း၊ အပြုအမူပိုင်းဆိုင်ရာ၊ အသိဥာဏ်ပိုင်းဆိုင်ရာ ချို့ယွင်းမှုများ ဖြစ်ပွားကြောင်း သိရသည်။

သို့ပါ၍ ကျန်းမာရေးနှင့် အားကစား ၀န်ကြီးဌာနက အလှူရှင် အဖွဲ့အစည်းဖြစ်သော Gavith vaccine alliance၊ ကမ္ဘာ့ကျန်းမာရေးအဖွဲ့၊ ကုလသမဂ္ဂ ကလေးများ ရန်ပုံငွေအဖွဲ့တို့နှင့် ပူးပေါင်း၍ ဂျပန်ဦးနှောက်ရောင် ကာကွယ်ဆေးကို တစ်နိုင်ငံလုံး အသက်ကိုးလမှ ၁၅ နှစ်အတွင်း ရှိကလေးငယ်များကို ထိုးနှံပေးလျက် ရှိကြောင်းနှင့် အဆိုပါ ကာကွယ်ဆေးထိုးနှံနိုင်ရန် ကမ္ဘာ့ကျန်းမာရေး အဖွဲ့၏ ခန့်မှန်းချက်ကို အသုံးပြု၍ ကာကွယ်ဆေး ထိုးပြီးနောက် ဆက်တွဲဖြစ်ပွားနိုင်သော ပြဿနာများကို ကြိုတင်မှန်းဆ၍ လုပ်ငန်းမဆောင်ရွက်မီ တစ်နှစ်ကျော်ခန့်က ကြိုတင်ပြင်ဆင်ပြီး ဘေးကင်းစိတ်ချရသော ကာကွယ်ဆေးထိုးလုပ်ငန်း ဖြစ်စေရန်နှင့် ဖြစ်ပွားလာပါက ကုသနိုင်ရန် နည်းလမ်းများကို လုပ်ငန်းလမ်းညွှန်များတွင် ထည့်သွင်း၍ အတွေ့အကြုံ ရှိသော ကျန်းမာရေး ၀န်ထမ်းများကို သင်တန်းပေးခြင်း၊ လိုအပ်သော ဆေးပစ္စည်းများကို ကာကွယ်ဆေးထိုးအဖွဲ့တိုင်းတွင် ပြင်ဆင်ပေးခြင်း၊ ကာကွယ်ဆေးထိုးပြီး နောက်ဆက်တွဲ ပြဿနာများကို အလေးထား စောင့်ကြပ်ကြည့်ရှုခြင်း လုပ်ငန်းကို ကြိုတင်ဆောင်ရွက်ခဲ့ကြောင်း သိရသည်။

လူထုအခြေပြု ဂျပန်ဦးနှောက်ရောင် ကာကွယ်ဆေးထိုး အစီအစဉ်တွင် တစ်နိုင်ငံလုံး အတိုင်းအတာဖြင့် ရည်မှန်းကလေးဦးရေ ၄ ဒသမ ၇ သန်းကို ထိုးနှံရန် စီစဉ်ခဲ့ပြီး ကလေးဦးရေ ၄ ဒသမ ၃ သန်းကျော်ကို ထိုးနှံခဲ့ပြီးဖြစ်ရာ ကာကွယ်ဆေးလွှမ်းခြုံမှု ရာခိုင်နှုန်း ၉၀ ကျော်ရှိခဲ့ကြောင်းနှင့် ရန်ကုန်တိုင်းဒေသကြီး အပါအ၀င် ပဲခူးတိုင်းဒေသကြီး၊ ရှမ်းပြည်နယ် (မြောက်ပိုင်း၊ တောင်ပိုင်း) များမှာမူ ကာကွယ်ဆေး လွှမ်းခြုံမှု ရာခိုင်နှုန်း နည်းခဲ့ပြီး ရာခိုင်နှုန်း ၉၀ အောက်သာ ရရှိခဲ့ကြောင်း သိရသည်။

ပြည်သူလူထုအခြေပြု ဂျပန်ဦးနှောက်ရောင်ရောဂါ ကာကွယ်ဆေး အစီအစဉ်တွင် အသက်ကိုးလမှ ငါးနှစ်အထိ ကလေးများ၊ ၁၅ နှစ် အထိ ကျောင်းမနေသော ကလေးလူငယ်များ၊ ကျောင်းအခြေပြု ကာကွယ်ဆေးထိုး အစီအစဉ်တွင် ကာကွယ်ဆေးထိုးရန် လွတ်ကျန်ခဲ့သော ကျောင်းသား ကျောင်းသူများကို ထိုးနှံပေးခဲ့ကြောင်းနှင့် ယင်းအစီအစဉ်ကို မြို့ နယ်ဆေးရုံများ၊ မိခင်နှင့်ကလေး ကျန်းမာရေးဌာန၊ ဒေသန္တရကျန်းမာရေးဌာန၊ တိုက်နယ်ဆေးရုံ၊ ကျေးလက်ကျန်းမာရေး ဌာန/ဌာနခွဲ၊ ရပ်ကွက်ကျေးရွာများအတွင်း အုပ်ချုပ်ရေးမှူးရုံး၊ ဓမ္မာရုံများ၊ ဘုန်းကြီးကျောင်း၊ ပုဂ္ဂလိက နေအိမ်နှင့် အခြားသတ်မှတ်ထားသည့် ဆေးထိုးစုရပ်များတွင် ထိုးနှံပေးခဲ့ခြင်းဖြစ်သည်။

 

ရန်ကုန်တိုင်းအတွင်းရှိ ကျေးရွာများတွင် အစားအသောက် ဘေးအန္တရာယ် ကင်းရှင်းရေးနှင့် ပတ်သက်သော အသိပညာပေး လုပ်ငန်းများ FDA က လုပ်ဆောင်မည် 

ဒီဇင်ဘာ ၂၁ ရက်က ရန်ကုန်ဆေးရုံကြီးဝင်း အတွင်းရှိ မုန့်အရောင်းဆိုင်များအား အစားအသောက်နှင့် ဆေးဝါးကွပ်ကဲရေးဌာနက ရှောင်တခင်စစ်ဆေးစဉ် (ဓာတ်ပုံ – ကြည်နိုင်) 

လာမည့် ၂၀၁၈ ခုနှစ် နှစ်ဆန်း ပိုင်းမှစ၍ ရန်ကုန်တိုင်းဒေသကြီး အတွင်းရှိ ကျေးရွာများတွင် အစားအသောက် ဘေးအန္တရာယ် ကင်းရှင်းရေးနှင့် ပတ်သက်သော အသိပညာပေး လုပ်ငန်းများကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာနက လုပ်ဆောင်သွားမည်ဖြစ်ကြောင်း သိရသည်။

“ကျွန်တော်တို့ ဌာနအနေနဲ့ အစားအသောက် ဘေးအန္တရာယ် ကင်းရှင်းရေးနဲ့ ပတ်သက်ပြီး ကျေးလက် ဒေသတွေမှာ ပညာပေးဖို့နဲ့ လှည့်လည်စစ်ဆေးဖို့ လုပ်ထားတာ ရှိပါတယ်။ ရန်ကုန်တိုင်းက ခရိုင်အားလုံးမှာ ခရိုင်အလိုက် လုပ်ဆောင်သွားဖို့ စီစဉ်ထားပါတယ်” ဟု မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာန၊ ရန်ကုန်ရုံးခွဲ တာဝန်ခံ ဒေါက်တာမင်းဝံက ပြောကြားသည်။

အစားအသောက်နှင့် ဆေးဝါးကွပ်ကဲရေး ဦးစီးဌာန အနေဖြင့် လက်ရှိတွင် ရန်ကုန်တိုင်းဒေသကြီး အတွင်းရှိ ဈေးများအားလုံးကို ရှောင်တခင် စစ်ဆေးမှုများ ပြုလုပ်လျက်ရှိပြီး စားသောက်ကုန်နမူနာ စစ်ဆေးမှုများအပြင် စားသောက်ကုန်များ၏ အမှတ်တံဆိပ် ဖော်ပြချက်တွင် သတ်မှတ်အချက်အလက်များ ထည့်သွင်းထားခြင်း ရှိ မရှိကိုလည်း စစ်ဆေးလျက် ရှိကြောင်းနှင့် ကျေးရွာအရောက် ပညာပေးခြင်းလုပ်ငန်းများကို ကျေးရွာအချို့တွင်လည်း လုပ်ဆောင်ခဲ့ပြီး ဖြစ်ကြောင်း သိရသည်။

အစားအသောက်များ၏ အမှတ်တံဆိပ် ဖော်ပြချက်တွင် လုပ်ငန်းတည်နေရာ လိပ်စာ၊ ဆက်သွယ်ရန် ဖုန်းနံပါတ်၊ ထုတ်လုပ်ရက်စွဲ၊ သက်တမ်း ကုန်ရက်စွဲ၊ ထုတ်လုပ်အပတ်စဉ် အမှတ်၊ အစားအသောက်နှင့် ဆေးဝါးကွပ်ကဲရေး ဦးစီးဌာန၏ အစားအသောက် ထုတ်လုပ်ခြင်း ထောက်ခံချက် အမှတ်နှင့် လိုင်စင်အမှတ်များ ထည့်သွင်းဖော်ပြရန် လိုအပ်ကြောင်း၊ အစားအသောက် ထုတ်လုပ်သူများ အနေဖြင့် မိမိတို့ ထုတ်လုပ်သည့် အစားအသောက်များ၏ အမှတ်တံဆိပ် ဖော်ပြချက်တွင် အထက်ပါ အချက်အလက်များကို  ဇွန် ၃၀ ရက် နောက်ဆုံးထား၍ ထည့်သွင်းဖော်ပြရန် ညွှန်ကြားထားပြီး ဖြစ်ကြောင်းနှင့် အမှတ်တံဆိပ် ဖော်ပြချက်တွင် သတ်မှတ်ထားသော အချက်အလက်များ ပြည့်စုံစွာ မပါရှိပါက ဇူလိုင် ၁ ရက်မှစ၍ ဥပဒေအရ စိစစ်အရေးယူသွားမည် ဖြစ်ကြောင်း ကြေညာပြီးဖြစ်သည်။

အဆိုပါ ညွှန်ကြားချက်နှင့် ပတ်သက်၍ ဧပြီ ၁ ရက်က ရန်ကုန်မြို့၊ အစားအသောက်နှင့် ဆေးဝါးကွပ်ကဲရေး ဦးစီးဌာန (ရန်ကုန်ရုံးခွဲ) တွင် မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာန၊ ရန်ကုန်မြို့တော် စည်ပင်သာယာရေး ကော်မတီ၊ ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာန စသည့် အဖွဲ့အစည်းများနှင့် ပြည်တွင်း အစားအသောက် ထုတ်လုပ်သူ လုပ်ငန်းရှင်များ ညှိနှိုင်းဆွေးနွေးမှုများ ပြုလုပ်ခဲ့ကြောင်းနှင့် ဆွေးနွေးမှုအရ အချိန်သုံးလ ထပ်မံစောင့်ဆိုင်း ပေးမည်ဖြစ်ကြောင်း ပြောကြားသည်။

၂၀၁၆ ခုနှစ်အတွင်း အစားအသောက်နှင့် ဆေးဝါးကွပ်ကဲရေး ဦးစီးဌာနက အစားအသောက်၊ ဆေးဝါး၊ အလှကုန်များနှင့် ပတ်သက်၍ တရားစွဲဆိုခဲ့သည့် အမှုပေါင်း ၁၀၀ ကျော်ရှိခဲ့ကြောင်း၊ မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာနက ဈေးကွက်အတွင်း ရောက်ရှိနေသော အန္တရာယ်ရှိ အစားအသောက်၊ ဆေးဝါး၊ အလှကုန်၊ လူသုံးကုန် ပစ္စည်းများကို ပိုက်စိပ်တိုက် ရှာဖွေဖော်ထုတ်လျက်ရှိပြီး အသိပညာပေး လုပ်ငန်းများနှင့် ကွင်းဆင်းစစ်ဆေးခြင်းများကိုလည်း ကျေးရွာအရောက် လုပ်ဆောင်လျက် ရှိကြောင်း သိရသည်။