ဗြိတိန်နိုင်ငံခြားရေးဝန်ကြီးက ကုလသမဂ္ဂတွင် ယခုလအတွင်း မြန်မာ့အရေးဆွေးနွေးပွဲကို ဦးဆောင်ကျင်းပမည်

ဘင်္ဂါလီမွတ်စလင်လူနည်းစုအား ကျူးလွန်ခဲ့သော ရာဇ၀တ်မှုများအတွက် မြန်မာတပ်မတော်ခေါင်းဆောင်များအား စွပ်စွဲထားမှုများအတွက် ဗြိတိန်နိုင်ငံခြားရေးဝန်ကြီး ဂျာရီမီဟန့်က ကုလသမဂ္ဂတွင် ယခုလအတွင်း ဆွေးနွေးပွဲကို ကျင်းပသွားမည်ဖြစ်ကြောင်း စက်တင်ဘာ ၄ ရက်တွင် ပြောကြားခဲ့ပြီး ထို ကျူးလွန်သူများအား တရားခွင်တင်ရမည် ဖြစ်ကြောင်းလည်း သတိပေးခဲ့သည်။

ဟန့်က သူသည် မြန်မာနိုင်ငံသို့လည်း သွားရောက်မည်ဖြစ်ပြီး မြန်မာတပ်မတော်ခေါင်းဆောင်များနှင့် ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်နှင့်လည်း တွေ့ဆုံမည်ဟု ပြောကြားခဲ့သည်။

လူမျိုးစုသန့်စင်မှုများသည် မည်သည့်ပုံစံဖြင့် ဖြစ်ပွားသည်ဖြစ်စေ၊ မည်သည့် နေရာတွင် ဖြစ်ပွားသည်ဖြစ်စေ အပြစ်ပေး မခံရဘဲ မည်သည့်အခါမျှ လွတ်မြောက်မနေသင့်ကြောင်း၊ ထိုထိတ်လန့်ဖွယ်ရာဇ၀တ်မှုများအား ကျူးလွန်သူများကို တရားခွင်သို့ပို့ရမည်ဖြစ်ကြောင်း ဟန့်က လွှတ်တော်အမတ်များကို ပြောကြားခဲ့သည်။

ထိုစွပ်စွဲချက်များအတွက် မြန်မာခေါင်းဆောင်များက အပြင်းအထန်ငြင်းဆိုခဲ့သည်။ ပြစ်မှုများတွင် တာဝန်ရှိသူများအား တရားခွင်သို့ ပို့ရန်ကိစ္စသည် ရှည်လျားပြီး ခက်ခဲသော လမ်းဖြစ်ကြောင်း ဟန့်က ၀န်ခံခဲ့သည်။ ထိုပြစ်မှုကျူးလွန်သူများဟု သံသယရှိသူများအား အပြည်ပြည်ဆိုင်ရာ ရာဇ၀တ်မှု တရားရုံး ICC သို့ လွှဲပေးရန်မှာ ကုလသမဂ္ဂလုံခြုံရေးကောင်စီမှတစ်ဆင့် သွားရန် လိုအပ်မည်ဖြစ်ကြောင်း၊ လတ်တလောတွင် ယင်းကဲ့သို့လုပ်ဆောင်ရန် လုံခြုံရေးကောင်စီ၌ သဘောတူညီချက် ရရှိနိုင်ခြင်း ရှိ၊ မရှိ သည် ရှင်းရှင်းလင်းလင်း မသိရသေးကြောင်း ဟန့်က ပြောကြားခဲ့သည်။

ယခုလအတွင်း ကုလသမဂ္ဂအထွေထွေ ညီလာခံ၌ ၀န်ကြီးများအဆင့် အဆင့်မြင့် ဆွေးနွေးပွဲတစ်ရပ်ကို ကျင်းပရန် ဆန္ဒရှိကြောင်း ပြီးခဲ့သောဇူလိုင်တွင် ဗြိတိန်နိုင်ငံခြားရေးဝန် ကြီးအဖြစ် ခန့်အပ်ခံရသော ဟန့်က ပြောကြား ခဲ့သည်။

ဘင်္ဂါလီမွတ်စလင်အရေးကို ဖြေရှင်းရာ၌ ဖိအားပေးခြင်းသည် အထောက်အကူ မပြုကြောင်း ပြောကြားလျက် အပြုသဘောဆောင်သော အခန်းကဏ္ဍမှ ပါဝင်ကြရန် နိုင်ငံတကာ အသိုင်းအ၀ိုင်းကို တရုတ်နိုင်ငံက တိုက်တွန်း

Photo : Reuters

မြန်မာနိုင်ငံ၏ ဘင်္ဂါလီမွတ်စလင်အရေးကို ဖြေရှင်းရာတွင် ဖိအားပေးခြင်းသည် အထောက်အကူ မပြုနိုင်ကြောင်း တရုတ်နိုင်ငံက သြဂုတ် ၂၈ ရက်တွင် ပြောကြားခဲ့သည်။

ကုလသမဂ္ဂ စုံစမ်းစစ်ဆေးသူများက မြန်မာတပ်မတော်သည် ဘင်္ဂါလီမွတ်စလင်များ (မူရင်း၌ ရိုဟင်ဂျာဟု ဖော်ပြ) ကို အစုအလိုက် အပြုံလိုက် သတ်ဖြတ်မှု ကျူးလွန်ခဲ့ကြောင်း အစီရင်ခံစာတစ်ရပ် ထုတ်ပြန်ခဲ့ပြီးနောက် တရုတ်နိုင်ငံက ယခုကဲ့သို့ ပြောကြားခဲ့ခြင်းဖြစ်သည်။

တရုတ်နိုင်ငံခြားရေး ၀န်ကြီးဌာနမှ ပြောရေးဆိုခွင့်ရ အမျိုးသမီး ဟွာချန်းယင်က ပေကျင်းမြို့၌ နေ့စဉ်ပုံမှန် သတင်းစာ ရှင်းလင်းပွဲ ပြုလုပ်စဉ် သြဂုတ် ၂၇ ရက်က ထုတ်ပြန်ခဲ့သည့် ကုလသမဂ္ဂ အစီရင်ခံစာနှင့် ပတ်သက်၍ မေးမြန်းမှုကို ပြန်လည်ဖြေကြားရာ၌ ယခုကဲ့သို့ ပြောကြားခဲ့ခြင်းဖြစ်သည်။

ယင်းကဲ့သို့ ဖြေကြားရာတွင် ဟွာချန်းယင်က ရခိုင်ကိစ္စ၏ သမိုင်းဆိုင်ရာ၊ ဘာသာရေးဆိုင်ရာနှင့် လူမျိုးရေးဆိုင်ရာ နောက်ခံသည် အလွန်အမင်း ရှုပ်ထွေးကြောင်း ပြောကြားခဲ့သည်။

ဟွာချန်းယင်က “တစ်ဘက်သတ် ဝေဖန်မှု ဒါမှမဟုတ် ဖိအားပေးခြင်းဟာ ပြဿနာကို ဖြေရှင်းရာမှာ အမှန်တကယ် အထောက်အကူ မပြုပါဘူး” ဟုဆိုသည်။

ဟွာချန်းယင်က မြန်မာနှင့် ဘင်္ဂလားဒေ့ရ်ှနိုင်ငံတို့သည် မကြာသေးမီက ဆွေးနွေးမှုများ ပြုလုပ်ခဲ့ရာတွင် အပြုသဘောဆောင်သော တိုးတက်မှုများ ရှိခဲ့ကြောင်း ပြောကြားခဲ့သည်။ ယင်းမှာ နှစ်နှစ်အတွင်း ဒုက္ခသည်များ မိမိသဘောဆန္ဒအလျောက် ပြန်လာမှုကို ပြန်လည်လက်ခံခြင်းအား ပြီးဆုံးအောင် ဆောင်ရွက်ရန် သဘောတူညီချက်တစ်ရပ် ရရှိထားမှုကို ရည်ညွှန်းပြောကြားခဲ့ခြင်း ဖြစ်ပုံရသည်။

“ဒီလိုအခြေအနေရပ်တွေအောက်မှာ နိုင်ငံတကာ အသိုင်းအ၀ိုင်းအနေနဲ့ အပြန်အလှန် ဆွေးနွေးခြင်းနဲ့ အကြံပြုခြင်းတွေက နေတစ်ဆင့် မြန်မာနဲ့ ဘင်္ဂလားဒေ့ရှ် နိုင်ငံတွေကို ရခိုင်ပြည်နယ်အရေးနဲ့ ပတ်သက်ပြီး သင့်တော်မှန်ကန်စွာ ဖြေရှင်းဖို့ မြှင့်တင်ပေးရေးမှာ အပြုသဘောဆောင်တဲ့ အခန်းကဏ္ဍ တစ်ရပ်အဖြစ် ဆက်လက် ပါဝင်သင့်ပါတယ်” ဟု ဟွာချန်းယင်က ပြောကြားခဲ့သည်။

သြဂုတ် ၂၇ ရက်တွင် ကုလသမဂ္ဂက ကျောထောက်နောက်ခံ ပြုပေးသည့်  အချက်အလက် ရှာဖွေရေးမစ်ရှင် အဖွဲ့က တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် ထိပ်တန်း စစ်ဗိုလ်ချုပ်များကို လူမျိုးတုံး သတ်ဖြတ်မှုအတွက် စုံစမ်းစစ်ဆေးကာ တရားစွဲဆိုရမည်ဟု တောင်းဆိုခဲ့သည်။

၂၀၁၇ ခုနှစ် မတ်လတွင် ကုလသမဂ္ဂ လူ့အခွင့်အရေးကောင်စီက ဖွဲ့စည်းခဲ့သည့် အဆိုပါမစ်ရှင်အဖွဲ့က “မြန်မာတပ်မတော်မှ အကြီးတန်း အရာရှိများအား စုံစမ်းစစ်ဆေးရေးနှင့် တရားစွဲဆိုရေးတို့အတွက် ၀ရမ်းထုတ်ပြန်ရန် လုံလောက်သော အချက်အလက်များရှိသည်” ဟု အစီရင်ခံစာတစ်စောင်၌ ကောက်ချက်ချခဲ့သည်။

ကုလသမဂ္ဂ စုံစမ်းစစ်ဆေးသူများက ဗိုလ်ချုပ်မှူးကြီး မင်းအောင်လှိုင်နှင့် အခြားထိပ်တန်း တပ်မတော်အရာရှိ ငါးဦး၏ အမည်ကို ဖော်ပြခဲ့ရာ ၎င်းတို့မှာ ဒုတိယတပ်မတော် ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်း၊ အမှတ် (၃) စစ်ဆင်ရေး အထူးအဖွဲ့မှူး ဒုတိယဗိုလ်ချုပ်ကြီးဟောင်း အောင်ကျော်ဇော၊ အနောက်ပိုင်းတိုင်း စစ်ဌာနချုပ် တိုင်းမှူးဟောင်း ဗိုလ်ချုပ်မောင်မောင်စိုး၊ တပ်မ (၃၃) တပ်မမှူးဗိုလ်မှူးချုပ် အောင်အောင်နှင့် တပ်မ (၉၉) တပ်မမှူး ဗိုလ်မှူးချုပ်သန်းဦးတို့ ဖြစ်ကြသည်။

မြန်မာနိုင်ငံသည် ကုလသမဂ္ဂ စုံစမ်းစစ်ဆေးသူများကို နိုင်ငံအတွင်းသို့ ၀င်ရောက်ခွင့်အား မည်သည့်အခါကမျှ မပေးခဲ့သော်လည်း ၎င်းတို့က ၎င်းတို့၏ စုံစမ်းစစ်ဆေးမှုများ တစ်လျှောက်တွင် မျက်မြင်သက်သေနှင့် ကျူးလွန်ခံရသူ ၈၅၇ ဦးကို တွေ့ဆုံမေးမြန်းခြင်း၊ ဂြိုဟ်တုဓာတ်ပုံများကို အသုံးပြုခြင်း၊ သက်သေခိုင်လုံသည့် အထောက်အထား စာရွက်စာတမ်းများ၊ ဓာတ်ပုံများနှင့် ဗီဒီယိုများ အသုံးပြုခြင်းတို့အား ကောက်ချက်ချရန် အခြေခံများအဖြစ် အသုံးပြုခဲ့ကြောင်း ပြောကြားခဲ့သည်။

ယခုအစီရင်ခံစာတွင် သတ်ဖြတ်မှုများ၊ အတင်းအဓမ္မ ထွက်ပြေးစေမှုများ၊ ညှဉ်းပန်းနှိပ်စက်မှုများအပြင် အစုလိုက် အပြုံလိုက် ကျူးလွန်သည့် မုဒိမ်းမှုများနှင့် အခြားလိင်ပိုင်းဆိုင်ရာ အကြမ်းဖက်မှုများ အပါအ၀င် ဘင်္ဂါလီမွတ်စလင်များအပေါ် ကျူးလွန်သည့် ရက်စက်ကြမ်းကြုတ်မှုများကို ကြောက်ခမန်းလိလိ စာရင်းရှည်ကြီး တစ်ရပ်ဖြင့် အသေးစိတ် ဖော်ပြထားသည်။

မြန်မာနိုင်ငံ၏ နိုင်ငံရေးနှင့် ဥပဒေရေးရာစနစ်တွင် ပြစ်မှုကျူးလွန်သော်လည်း အပြစ်ပေးမခံရခြင်းက နက်ရှိုင်းစွာ အမြစ်တွယ်နေကြောင်း သတိပေးလျက် စုံစမ်းစစ်ဆေးသူများက တာဝန်ခံစေရန် တစ်ခုတည်းသော အခွင့်အလမ်းမှာ နိုင်ငံတကာ တရားစီရင်ရေးစနစ်မှ တစ်ဆင့်သာလျှင် ဖြစ်ကြောင်း အခိုင်အမာ ပြောကြားခဲ့သည်။

၎င်းတို့က မြန်မာနိုင်ငံ၏ အနေအထားကို အပြည်ပြည်ဆိုင်ရာ ရာဇ၀တ်ခုံရုံး (ICC) သို့ လွှဲပြောင်းပေးရန် သို့မဟုတ် အပြည်ပြည်ဆိုင်ရာခုံအဖွဲ့တစ်ရပ်ကို ဖွဲ့စည်းရန် ကုလသမဂ္ဂ လုံခြုံရေးကောင်စီအား တောင်းဆိုခဲ့သည်။

သို့သော် မြန်မာနိုင်ငံသည် ICC သဘောတူညီချက်ကို လက်မှတ်ရေးထိုးသောနိုင်ငံ မဟုတ်သောကြောင့် လုံခြုံရေးကောင်စီက လွှဲပြောင်းပေးမှသာ တရားစွဲဆိုခွင့် ရှိမည်ဖြစ်ပြီး လုံခြုံရေးကောင်စီတွင် ဗီတိုသုံးစွဲခွင့် ရရှိထားသည့် ရုရှားနိုင်ငံနှင့် မြန်မာနိုင်ငံ၏ အိမ်နီးချင်း မဟာမိတ်နိုင်ငံဖြစ်သော တရုတ်နိုင်ငံတို့က ICC သို့ လွှဲပြောင်းပေးရန် ကိစ္စအား ကန့်ကွက်သွားဖွယ်ရှိကြောင်း သိရသည်။

မြန်မာနိုင်ငံနှင့် အနီးကပ်ဆက်ဆံရေးရှိသော တရုတ်နိုင်ငံသည် ဘင်္ဂါလီမွတ်စလင် အရေး၌ မြန်မာနိုင်ငံဘက်မှ ရပ်တည်ခဲ့ပြီး ကုလသမဂ္ဂ လုံခြုံရေးကောင်စီတွင် ယင်းပြဿနာနှင့် ပတ်သက်၍ ဆုံးဖြတ်ချက်တစ်ရပ်အား တားဆီးနိုင်ရန် ကူညီခဲ့ဖူးသည်။

Facebook ကလည်း လူ့အခွင့်အရေး ချိုးဖောက်မှုများအတွက် မြန်မာတပ်မတော် ကာကွယ်ရေးဦးစီးချုပ်နှင့် အခြားထိပ်တန်း ဗိုလ်ချုပ်များ၏ အကောင့်များကို ဖယ်ရှားလိုက်ကြောင်း သြဂုတ် ၂၇ ရက်တွင် ကြေညာခဲ့သည်။

Facebook သည် စုစုပေါင်း Facebook အကောင့် ၁၈ ခု၊ Instagram အကောင့်တစ်ခုနှင့် Follower ၁၂ သန်းနီးပါးရှိသော Facebook စာမျက်နှာ ၅၂ ခုတို့အား ဖယ်ရှားလိုက်ကြောင်းနှင့် ယင်းအကောင့်များနှင့် စာမျက်နှာများမှ အချက်အလက်များကိုမူ ထိန်းသိမ်းထားကြောင်း ထုတ်ပြန်ခဲ့သည်။

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် မြန်မာတပ်မတော်၏ မြ၀တီ ရုပ်မြင်သံကြားကွန်ရက် အပါအ၀င် မြန်မာနိုင်ငံမှ လူပုဂ္ဂိုလ်နှင့် အဖွဲ့အစည်း ၂၀ တို့အား ပိတ်ပင်လိုက်သည်ဟု Facebook က ပြောကြားခဲ့သည်။

Ref : Reuters, AFP

ဘင်္ဂါလီမွတ်စလင် ဒုက္ခသည်များက ၎င်းတို့၏နိုင်ငံသားဖြစ်ခွင့်ကို အာမခံပေးထားခြင်းမရှိဟုဆိုကာ ကုလသမဂ္ဂ-မြန်မာ သဘောတူညီချက်အား ပယ်ချ

ဘင်္ဂါလီမွတ်စလင်ဒုက္ခသည် အသိုင်းအ၀ိုင်းခေါင်းဆောင်များက ရခိုင်ပြည်နယ်တွင် ဖြစ်ပွားသော အကြမ်းဖက်မှုများကြောင့် ထွက်ပြေးသွားခဲ့ကြသော ဒုက္ခသည်များ ပြန်လာရေးအတွက် ကုလသမဂ္ဂနှင့် မြန်မာအစိုးရတို့အကြား သဘောတူညီချက်တစ်ရပ်ကို ပယ်ချခဲ့ကြောင်း သိရသည်။

ပေါက်ကြားခဲ့သော လျှို့ဝှက်သဘောတူညီချက်ပါ စာသားအရ ယင်းသည် ၎င်းတို့ ၏ကိစ္စကို ပြေလည်အောင် ပြုလုပ်ပေးထားခြင်း မရှိသကဲ့သို့ ဒုက္ခသည်များ ပြန်လည် လက်ခံရေးကိုလည်း အထောက်အကူပြုစေ လိမ့်မည်မဟုတ်ဟု ဒုက္ခသည်ခေါင်းဆောင်များက ပြောကြားခဲ့ကြသည်။

“သဘောတူညီချက်က ရိုဟင်ဂျာတွေ သူတို့နေရပ်တွေကို ပြန်ဖို့နဲ့ပတ်သက်တဲ့ အကြောင်းအရာပါ။ ထူးဆန်းတာက သဘောတူညီချက် မတိုင်မီ သူတို့က ရိုဟင်ဂျာအသိုင်းအ၀ိုင်းတွေနဲ့ တိုင်ပင်ဆွေးနွေးဖို့ စိတ်ရှုပ်မခံခဲ့ပါဘူး။ သဘောတူညီချက်မှာ ကျွန်တော်တို့  ကျွန်တော်တို့ရဲ့ နေအိမ်တွေကို ဘေးကင်းလုံခြုံစွာ ပြန်ဖို့အတွက် ကြိုတင်အခြေအနေတစ်ရပ်အဖြစ် ကျွန်တော်တို့ရဲ့ အဓိက တောင်းဆိုချက်တွေကို ဖြည့်ဆည်းပေးဖို့ မြန်မာအစိုးရထံက ဘာကတိမှ မပါဝင်ပါဘူး။ ဒါဟာ ရိုဟင်ဂျာတွေရဲ့ အကျိုးစီးပွားနဲ့ ဆန့်ကျင်ပါတယ်” ဟု ဘင်္ဂလားဒေ့ရ်ှအခြေစိုက် ဘင်္ဂါလီအရေး နိုင်ငံရေးတက်ကြွ လှုပ်ရှားသူ  ကိုကိုလင်းက ပြောကြားခဲ့သည်။

ဇွန်လအတွင်းက မြန်မာအစိုးရသည် ဘင်္ဂါလီမွတ်စလင်ဒုက္ခသည်များကို ပြန်လည် လက်ခံရေး လုပ်ငန်းစဉ် လျင်မြန်စေရန်အတွက် ကုလသမဂ္ဂနှင့် သဘောတူညီချက်တစ်ရပ် ရရှိခဲ့ကြောင်း ကြေညာခဲ့သည်။ သို့သော် ယင်းသဘောတူညီချက်နှင့် ပတ်သက်၍ လက်မှတ်ရေးထိုးထားသော နားလည်မှုစာချွန်လွှာကို လျှို့ဝှက်သာ ထားရှိခဲ့သည်။

သို့သော် အဆိုပါ နားလည်မှုစာချွန်လွှာတွင် ပါရှိသည့်စာသားများသည် အွန်လိုင်း၌ ပေါက်ကြားခဲ့ပြီးနောက် ဒုက္ခသည်ခေါင်းဆောင်များနှင့် တက်ကြွ လှုပ်ရှားသူများက ယင်းသဘောတူညီချက်သည် ဒုက္ခသည်များ၏ အဓိကပြဿနာများကို ဖြေရှင်းပေးနိုင်ရန် ပျက်ကွက်သည်ဟု ပြောကြားခဲ့ကြသည်။

“ကျွန်တော်တို့ မပြန်ခင် မြန်မာအစိုးရထံကနေ ကျွန်တော်တို့ရဲ့ နိုင်ငံသားဖြစ်ခွင့်ကို  အာမခံပေးမှုတစ်ရပ် ရရှိဖို့ အကြာကြီး ကြိုးစားခဲ့ပါတယ်။ ဒါပေမဲ့ နားလည်မှုစာချွန်လွှာမှာ ဒီနိုင်ငံသားဖြစ်ခွင့် အကြောင်းအရာကို သူတို့က ရှောင်ရှားခဲ့ပါတယ်။ အစိုးရက ဒီ အဓိကတောင်းဆိုချက်ကို လက်မခံခဲ့ဘူးဆိုရင် ရိုဟင်ဂျာတွေကို ပြန်လည်လက်ခံမယ့်အစီအစဉ်ဟာ ဘယ်တော့မှ အောင်မြင်မှုရမှာ မဟုတ်ပါဘူး” ဟု ကိုကိုလင်းက Guardian သတင်းစာသို့ ပြောကြားခဲ့သည်။

ဗြိတိန်နိုင်ငံအခြေစိုက် ဘင်္ဂါလီမွတ်စလင်အရေး တက်ကြွ လှုပ်ရှားသူ ဦးထွန်းခင်က သဘောတူညီချက် မူကြမ်းရေးဆွဲခြင်းမပြုမီ ဒုက္ခသည် အသိုင်းအ၀ိုင်းများအား ပါဝင်ခွင့် မပြုခြင်းသည် မြန်မာအစိုးရနှင့် ကုလသမဂ္ဂ အေဂျင်စီများဘက်မှ ကျင့်ဝတ်နှင့်မညီခဲ့ကြောင်း ပြောကြားခဲ့သည်။

“ရိုဟင်ဂျာတွေအနေနဲ့ ပြန်လည်လက်ခံခြင်း လုပ်ငန်းစဉ်၊ နိုင်ငံသား အခွင့်အရေး ပြန်ပေးမှု၊ ပြန်လည်နာလန်ထရေး ပြန်လည် ပေါင်းစည်းရေးနဲ့ ဘူဒိုဇာဖြင့် အထိုးခံရတဲ့ သူတို့နေအိမ်တွေ ပြန်လည်တည်ဆောက်ရေးနဲ့ သူတို့ရဲ့ အနာဂတ်တွေနဲ့ ပတ်သက်ပြီး သဘောတူညီချက် အသေးစိတ်တွေအကြောင်း သိခွင့်ရှိပါတယ်။ ကျွန်တော်တို့ရဲ့ လူ့အသိုင်းအ၀ိုင်းဝင်တွေဟာ ပေါက်ကြားလာတဲ့ နားလည်မှုစာချွန်လွှာပါ အသေးစိတ် အချက်အလက်တွေနဲ့ပတ်သက်ပြီး သိရတဲ့အခါ အလွန်အမင်း ဒေါပွပြီး စိတ်ပျက်နေကြပါတယ်။ မြန်မာအစိုးရဟာ သဘောတူညီချက် အသေးစိတ်အချက်တွေကို လူသိရှင်ကြား မထုတ်ပြန်တာကြောင့်လည်း သူတို့ ဒေါသထွက်နေကြပါတယ်” ဟု ဗြိတိန်နိုင်ငံရှိ  မြန်မာ ဘင်္ဂါလီ မွတ်စလင်အဖွဲ့အစည်း၏ ဥက္ကဋ္ဌ ဦးထွန်းခင်က ပြောကြားခဲ့သည်။

ညှဉ်းပန်းနှိပ်စက်မှုများအား တားမြစ်ဆန့်ကျင့်သည့် ကုလသမဂ္ဂ သဘောတူစာချုပ် (UNCAT) ကို အစိုးရက လက်မှတ်ရေးထိုး ကျင့်သုံးလာစေရေး အရပ်ဘက် အဖွဲ့အစည်းများ တောင်းဆို

ညှဉ်းပန်းနှိပ်စက်ခံရသူများကို ကူညီထောက်ပံ့ရေး အပြည်ပြည်ဆိုင်ရာနေ့ အခမ်းအနားအား နာ/ကူအသင်းတွင် ပြုလုပ်နေစဉ် (ဓာတ်ပုံ-ကြည်နိုင်)

ညှဉ်းပန်းနှိပ်စက်မှုများအား တားမြစ်ဆန့်ကျင့်သည့် ကုလသမဂ္ဂ သဘောတူစာချုပ် (UNCAT) ကို အစိုးရက လက်မှတ်ရေးထိုး ကျင့်သုံးလာစေရေး အရပ်ဘက် အဖွဲ့အစည်းများက တောင်းဆိုလိုက်သည်။

ဇွန် ၂၆ ရက်က မြောက်ဒဂုံမြို့နယ်ရှိ နာရေးကူညီမှုအသင်း (ရန်ကုန်) တွင် ကျင်းပခဲ့သည့် ညှဉ်းပန်းနှိပ်စက် ခံရသူများကို ကူညီထောက်ပံ့ရေး အပြည်ပြည်ဆိုင်ရာနေ့ အခမ်းအနားတွင် အရပ်ဘက် အဖွဲ့အစည်းများက တောင်းဆိုခဲ့ကြခြင်းဖြစ်သည်။

အမျိုးသမီးများအဖွဲ့ချုပ် မြန်မာနိုင်ငံ (WLB) မှ အထွေထွေ အတွင်းရေးမှူး လွေးပိုးငယ်က “စစ်ပွဲတွေ ဆက်ဖြစ်နေတယ်ဆိုရင် ညှဉ်းပန်းနှိပ်စက်မှုတွေ ဆက်ဖြစ်နေဦးမယ်။ အဲဒါကြောင့် ညှဉ်းပန်းနှိပ်စက်မှု ရပ်တန့်နိုင်ဖို့ ပပျောက်ဖို့က စစ်ပွဲတွေရပ်ဖို့ ဆိုတာကိုလည်း ကျွန်မတို့ တောင်းဆိုတာ ဖြစ်တယ်။ ကျွန်မတို့ မြန်မာပြည်မှာ ညှဉ်းပန်းနှိပ်စက်မှုက အပိုင်းနှစ်ပိုင်း တွေ့ရတယ်။ တိုင်းရင်းသားဒေသဘက်မှာ တစ်ပိုင်း၊ မြန်မာ ပြည်မကြီးမှာဆိုရင် နိုင်ငံရေး အကျဉ်းသားတွေ ကြုံတွေ့ရတဲ့ ညှဉ်းပန်းနှိပ်စက်မှုတွေက တစ်ပိုင်း တွေ့ရတယ်။ နောက်တစ်ခုက အလုပ်သမားတွေကြား၊ အိမ်တွင်းအကြမ်းဖက်မှုတွေ၊ အိမ်အကူများ အကြမ်းဖက် နှိပ်စက်ခံရတာတွေ အားလုံးက ညှဉ်းပန်းနှိပ်စက်မှုထဲမှာပါတယ်။ ညှင်းပန်းနှိပ်စက်မှု ကျူးလွန်တဲ့သူ ဘယ်သူပဲဖြစ်ဖြစ် ထိထိရောက်ရောက် အရေးယူ ဆောင်ရွက်ပေးဖို့ ကျွန်မတို့က တောင်းဆိုတယ်။ ဒီတောင်းဆိုချက်တွေကို တကယ်အကောင်အထည် ဖော်နိုင်ဖို့ ကမ္ဘာ့ကုလသမဂ္ဂက ထုတ်ထားတဲ့ UNCAT စာချုပ်ကို လက်မှတ်ထိုးပြီး အကောင်အထည်ဖော်ဖို့ လိုအပ်တယ်” ဟု အခမ်းအနားတွင် ပြောကြားသည်။

အမျိုးသမီးများ အဖွဲ့ချုပ် မြန်မာနိုင်ငံ (WLB)၊ လူ့အခွင့်အရေး မှတ်တမ်းကွန်ရက် (မြန်မာနိုင်ငံ) (ND-Burma)၊ နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP)၊ ၀ိမုတ္တိအမျိုးသမီးအဖွဲ့ (VWO) နှင့် အာရှတရားမျှတမှုနှင့် အခွင့်အရေးဆိုင်ရာအဖွဲ့ (AJAR) စသည့် အရပ်ဖက် အဖွဲ့အစည်း ငါးခုမှ ပူးပေါင်း၍ အဆိုပါ အခမ်းအနားကို ကျင်းပကာ တောင်းဆိုခဲ့ခြင်း ဖြစ်သည်။

ထို့ပြင် ညှဉ်းပန်းနှိပ်စက် ခံရသူများကို ကူညီထောက်ပံ့ရေး အပြည်ပြည်ဆိုင်ရာနေ့ အခမ်းအနားကို ရည်ရွယ်ချက် သုံးချက်ဖြင့် ကျင်းပခဲ့ရာ အတိတ်ကာလ တိုင်းရင်းသား ပြည်သူလူထုများအား လူမဆန်စွာ ဆိုးရွားရက်စက်သော ဖိနှိပ်ညှဉ်းပန်းမှုများကို သင်ခန်းစာယူပြီး နောင်အနာဂတ်တွင် ထပ်မဖြစ်စေရန်၊ ခေတ်အဆက်ဆက် ယုံကြည်ချက်ကြောင့် လူမဆန်စွာ ဆိုးရွားရက်စက်လှသော ဖိနှိပ်ညှဉ်းပန်းမှုများ ခံစားခဲ့ကြ၍ အသက်ဆုံးရှုံး ခဲ့ကြသူများနှင့် နစ်နာခဲ့သူများ၏ မိသားစုဝင်များအတွက် ပျောက်ဆုံးနေသော  အမှန်တရားနှင့် တရားမျှတမှုများ ပြန်လည်ရရှိရန်တို့ကို ရည်ရွယ်ကြောင်း သိရသည်။

ဆက်လက်၍ အစိုးရအနေဖြင့် လူသားချင်းစာနာမှု ဥပဒေများ၊ ကုလသမဂ္ဂမှ ထုတ်ပြန်ထားသည့် ညှဉ်းပန်းနှိပ်စက်မှုနှင့် အခြားရက်စက်၍ လူမဆန်သော (သို့) လူ့ဂုဏ်သိက္ခာကို ကျဆင်းစေသော ဆက်ဆံမှု (သို့) ပြစ်ဒဏ်ပေးမှု ဆန့်ကျင်ရေး နိုင်ငံတကာ သဘောတူစာချုပ်နှင့် နိုင်ငံတကာ ညှဉ်းပန်းနှိပ်စက်မှုဆိုင်ရာ စာချုပ်စာတမ်းများ၊ ဥပဒေများအားခြွင်းချက်မရှိ လက်မှတ်ထိုးကျင့် သုံးလာစေရန် ရည်ရွယ်ကြောင်း သိရသည်။

၎င်းအခမ်းအနားကို လေးကြိမ်မြောက် ကျင်းပခြင်းဖြစ်ပြီး အခမ်းအနားတွင် နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) က ဘာသာပြန် ထုတ်ဝေထားသော ညှဉ်းပန်းနှိပ်စက်မှုများအား တားမြစ်ဆန့်ကျင့်သည့် ကုလသမဂ္ဂ သဘောတူစာချုပ် (UNCAT) စာအုပ်များ ဖြန့်ဝေခဲ့ကြောင်း သိရသည်။

ထို့ပြင် ညှဉ်းပန်းနှိပ်စက်မှု ရပ်တန့်ရေး အထိမ်းအမှတ် တီရှပ်များ ဝေငှခြင်း၊ ညှဉ်းပန်းနှိပ်စက်မှုနှင့် ငြိမ်းချမ်းရေးဆိုင်ရာ ကဗျာများ ရွတ်ဖတ်ခြင်းနှင့် တေးသံရှင်များက ငြိမ်းချမ်းရေး သီချင်းများ သီဆိုမှုများ ပြုလုပ်ခဲ့ကြောင်း သိရသည်။

UNCAT စာချုပ်အား အစိုးရမှ လက်မှတ်ရေးထိုးရန်အတွက် ပြီးခဲ့သည့် လွှတ်တော်သက်တမ်းတွင် အမျိုးသား ဒီမိုကရေစီအဖွဲ့ချုပ်၊ လွှတ်တော်ကိုယ်စားလှယ် ဒေါက်တာအောင်မိုးညို (လက်ရှိ မကွေးတိုင်းဒေသကြီး ၀န်ကြီးချုပ်) မှ အဆိုတင်သွင်းရာ လွှတ်တော်မှ ထောက်ခံအတည်ပြုခဲ့ပြီး သမ္မတ ဦးသိန်းစိန် အစိုးရက လက်မှတ်ရေးထိုးမည်ဟု ထုတ်ပြန်ခဲ့သော်လည်း အစိုးရသက်တမ်း ကုန်ဆုံးသည်အထိ လက်မှတ်ရေးထိုးခဲ့ခြင်း မရှိကြောင်း သိရသည်။

 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်တို့ တွေ့ဆုံပြီး ရခိုင်ပြည်နယ်အရေး ဆွေးနွေး

Photo: Ministry of Foreign Affairs Myanmar

နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေး ၀န်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် ခရစ္စတင်းရှာနေး ဘာဂျန်နာအား ဇွန် ၁၃ ရက် နံနက် ၁၀ နာရီတွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်သည်။

ထိုသို့ တွေ့ဆုံရာတွင် နိုင်ငံတော်၏ အတိုင်ပင်ခံပုဂ္ဂိုလ်နှင့် အထူးကိုယ်စားလှယ်တို့က ရခိုင်ပြည်နယ်အရေး အပါအ၀င် မြန်မာနိုင်ငံတွင် ရင်ဆိုင်နေရသော စိန်ခေါ်မှုများကို ဖြေရှင်းရေးတွင် မြန်မာအစိုးရနှင့် ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ်ရုံး တို့အကြား ပူးပေါင်းဆောင်ရွက်မှုများ၊ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး လုပ်ငန်းစဉ်တို့နှင့် စပ်လျဉ်း၍ မြန်မာအစိုးရ၏ ကြိုးပမ်းအားထုတ်မှုများအပေါ် ဆွေးနွေးခဲ့ကြောင်း သတင်းထုတ်ပြန်မှုတွင် ပါရှိသည်။

ထို့ပြင် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်က ခရီးစဉ် လာရောက်ခြင်းမှာ ရခိုင်ပြည်နယ်ကိစ္စ ဖြေရှင်းရေးတွင် မြန်မာနိုင်ငံနှင့် ကုလသမဂ္ဂအကြား အပြုသဘောဆောင်သည့် ပူးပေါင်းဆောင်ရွက်မှုများ တိုးမြှင့်နိုင်ရန်အတွက် ညှိနှိုင်းဆောင်ရွက်ပေးရန် ဖြစ်ကြောင်း၊ အသိုက်အ၀န်း နှစ်ခုအား ပိုမိုနီးကပ်လာစေရန်နှင့် မြန်မာနိုင်ငံ၏ ငြိမ်းချမ်းရေး လုပ်ငန်းစဉ်တို့အား အထောက်အကူပြုရန် ဖြစ်ကြောင်း ပြောကြားခဲ့သည်ဟု သတင်းထုတ်ပြန်မှုတွင် ဖော်ပြထားသည်။

ထို့အတူ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မြေပြင် အခြေအနေနှင့် နက်နဲ ရှုပ်ထွေးမှုများ၏ ပကတိအခြေအနေများကို သိရှိနားလည်ပြီး အမှန်တရားဘက်မှ ရပ်တည်ရန်၊ အခြေအနေမှန်များအား နိုင်ငံတကာ အသိုက်အ၀န်းမှ သိရှိနိုင်စေရန် ဆောင်ရွက်ပေးနိုင်ရန် လိုအပ်ကြောင်း၊ အထူးကိုယ်စားလှယ်အနေဖြင့် မြန်မာနိုင်ငံနှင့် ကုလသမဂ္ဂတို့အကြား အပြုသဘောဆောင်သည့် ပံ့ပိုးမှုများဖြင့် ပေါင်းကူး ဆောင်ရွက်ပေးရန် မျှော်လင့်ကြောင်း ပြောကြားခဲ့သည်ဟု သတင်းထုတ်ပြန်ချက်တွင် ပါရှိသည်။

အဆိုပါ အစည်းအဝေးသို့ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာန ပြည်ထောင်စုဝန်ကြီး ဦးကျော်တင်၊ နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူနှင့် အဆင့်မြင့်အရာရှိကြီးများ တက်ရောက်ခဲ့ကြောင်း သိရသည်။

ထို့နောက် ညနေပိုင်းတွင် အထူးကိုယ်စားလှယ်နှင့် အဖွဲ့အား ပြည်ထောင်စုဝန်ကြီး ဦးကျော်တင်က သင်္ဂဟဟိုတယ်တွင် ညစာဖြင့် တည်ခင်းဧည့်ခံခဲ့ပြီး ညစာသုံးဆောင်ခြင်း မပြုမီ မြန်မာနိုင်ငံနှင့် ကုလသမဂ္ဂတို့ အကြား ပူးပေါင်းဆောင်ရွက်မှု မြှင့်တင်ရေးအပေါ် ဆွေးနွေးခဲ့ကြကြောင်း သတင်းထုတ်ပြန်ချက်အရ သိရသည်။

ကုလသမဂ္ဂ လုံခြုံရေးကောင်စီ၊ OIC နဲ့ မြန်မာနိုင်ငံရဲ့ အချုပ်အခြာ

နေပြည်တော်၌ မေ ၁ ရက်က ပြုလုပ်သော ကုလသမဂ္ဂလုံခြုံရေးကောင်စီ ကိုယ်စားလှယ်အဖွဲ့၏ သတင်းစာ ရှင်းလင်းပွဲကို တွေ့ရစဉ် (ဓာတ်ပုံ-စိုးမင်းထိုက်)

(၁) ရခိုင်အရေးမှာ မြန်မာနိုင်ငံအပေါ် နိုင်ငံတကာရဲ့ဖိအားက သက်ရောက်မှုကြီးနေတယ်ဆိုတာ ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့ရဲ့ နှစ်ရက်တာ ခရီးစဉ်က သက်သေခံနေပါတယ်။ လုံခြုံရေးကောင်စီရဲ့ အမြဲတမ်းအဖွဲ့ဝင်ငါးနိုင်ငံနဲ့ အလှည့်ကျအဖွဲ့ဝင် ၁၀ နိုင်ငံက သံတမန် ၂၆ ဦးပါတဲ့ အထူးကိုယ်စားလှယ်အဖွဲ့ဟာ ဧပြီ ၂၈ ရက်ကနေ မေ ၁ ရက်အထိ ဘင်္ဂလားဒေ့ရ်ှနဲ့ မြန်မာနိုင်ငံကို လာရောက်ခဲ့တာ ဖြစ်ပါတယ်။

လုံခြုံရေးကောင်စီ အထူးကိုယ်စားလှယ်အဖွဲ့ အနေနဲ့ ဧပြီ ၂၈ ရက်မှာ ဘင်္ဂလားဒေ့ရ်ှနိုင်ငံကို ရောက်ရှိပြီး ကော့ဘဇားဘင်္ဂါလီဒုက္ခသည် စခန်းကို သွားရောက်လေ့လာခဲ့သလို ဘင်္ဂလားဒေ့ရှ် ၀န်ကြီးချုပ် ရှိတ်ခ်ဟာဆီနာနဲ့လည်း တွေ့ဆုံခဲ့ပါတယ်။ ဘင်္ဂလားဒေ့ရ်ှဝန်ကြီးချုပ်နဲ့ တွေ့ရာမှာ ၀န်ကြီးချုပ်က ထွက်ပြေးဘင်္ဂါလီတွေ ပြန်လည်လက်ခံရေးအတွက် မြန်မာအစိုးရကို ဖိအားပေးဖို့ လုံခြုံရေးကောင်စီအဖွဲ့ကို တိုက်တွန်းခဲ့ပါတယ်။

လုံခြုံရေးကောင်စီ အထူးကိုယ်စားလှယ်အဖွဲ့ အနေနဲ့ ဧပြီ ၃၀ ရက် မှာ မြန်မာနိုင်ငံကိုရောက်ရှိခဲ့ပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ သီးခြားစီ တွေ့ဆုံခဲ့ပါတယ်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့ တွေ့ဆုံရာမှာ ရခိုင်အရေးနဲ့ပတ်သက်လို့ ထိခိုက်ခံ အသိုက်အ၀န်းများကို လူသားချင်းစာနာပြီး အကူအညီပေးအပ်မှု၊ အသိုက်အ၀န်းကြား ယုံကြည်မှု ပြန်လည်တည်ဆောက်ရေး လိုအပ်မှု၊ နိုင်ငံသားပြုရေးကိစ္စ၊ IDP စခန်းများ ပိတ်သိမ်းနေမှု၊ National Verification Card (NVC) များ ထုတ်ပေးတဲ့ကိစ္စ၊ တရားဥပဒေစိုးမိုးရေးအတွက် ကြိုးပမ်းဆောင်ရွက်နေမှု၊ နှစ်နိုင်ငံ နယ်နိမိတ်မျဉ်းပေါ်မှာ နေထိုင်သူတွေရဲ့ ပြဿနာ၊ အကြမ်းဖက်မှု အချိန်မရွေး ပြန်လည်ဖြစ်ပေါ်လာနိုင်ခြေရှိမှု၊ ပဋိပက္ခဖြစ်ပွားရတဲ့ အကြောင်းဇာစ်မြစ်ကို ရှာဖွေဖြေရှင်းနေမှု၊ အမုန်းတရားပြန့်ပွားစေတဲ့ ပြောကြားမှုများ ကာကွယ်တားဆီးရေးကိစ္စ၊ အတန်းပညာရေး သင်ကြားမှု တိုက်တွန်းပေးရေးကိစ္စတွေကို ဆွေးနွေးခဲ့ပါတယ်။

ဒီဆွေးနွေးမှုအပေါ် နိုင်ငံတော်အတိုင်ပင်ခံရုံးက ထုတ်ပြန်ရာမှာ ကုလသမဂ္ဂနဲ့ မိတ်ဖက်အဖြစ် ပူးပေါင်းဆောင်ရွက်သွားမယ်လို့ ဖော်ပြထားပါတယ်။ ကုလသမဂ္ဂ လက်အောက်ခံ အေဂျင်စီတွေနဲ့ ရခိုင်ပြည်နယ်မှာ ထိတွေ့ဆောင်ရွက်ခြင်းက ဒုက္ခသည်တွေ လုံလုံခြုံခြုံနဲ့ စိုးရိမ်ပူပန်မှုမရှိဘဲ ပြန်လည်ဝင်ရောက်နိုင်ရေးအတွက် အစိုးရဆောင်ရွက်ချက်တွေကို အထောက်အကူဖြစ်စေမယ်လို့ ဒေါ်အောင်ဆန်းစုကြည်က အထူးကိုယ်စားလှယ်အဖွဲ့နဲ့ တွေ့ဆုံရာမှာ ပြောကြားပါတယ်။

ဒါ့အပြင် မြန်မာအစိုးရအနေနဲ့ ကုလသမဂ္ဂဖွံ့ဖြိုးမှု အစီအစဉ် (UNDP) နဲ့ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) နဲ့ နားလည်မှုစာချွန်လွှာတစ်ရပ် လက်မှတ်ရေးထိုးသွားနိုင်ဖို့ ဆွေးနွေးနေသလို အဖွဲ့အစည်းတွေ အနေနဲ့ သက်ဆိုင်ရာဝန်ကြီးဌာနတွေနဲ့ ရခိုင်ပြည်နယ်အတွင်း လူသားချင်းစာနာမှု အကူအညီ ထောက်ပံ့ရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်းနဲ့ ပြည်နယ်ထဲက လူထုအားလုံးအတွက် ပူးပေါင်းဆောင်ရွက်သွားဖို့ သင့်လျော်တဲ့ အချိန်ရောက်ပြီလို့ ယုံကြည်ကြောင်း နိုင်ငံတော်အတိုင်ပင်ခံရုံးရဲ့ ထုတ်ပြန်ချက်မှာ ပါရှိပါတယ်။

ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့ အနေနဲ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ တပ်မတော်ကာကွယ်ရေးဦးစီးချုပ်တို့နဲ့ တွေ့ဆုံရာမှာ အဆင်ပြေပေမဲ့ ညပိုင်းမှာ အစိုးရအဖွဲ့ဝင်တွေနဲ့ ထပ်တွေ့ရာမှာ ဆွေးနွေးမှုမပြီးခင် အထူးကိုယ်စားလှယ်အဖွဲ့က ထပြန်မယ့်ပုံစံမျိုး ဖြစ်ခဲ့တယ်လို့ သိရပါတယ်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ရခိုင်အရေးနဲ့ ပတ်သက်လို့ မြန်မာအစိုးရရဲ့ ဆောင်ရွက်နေမှုတွေကို ရှင်းလင်း ပြောကြားနေချိန်မှာ ထပြန်ဖို့လုပ်တဲ့ အပြုအမူတွေကြောင့် ကုလလုံခြုံရေးကောင်စီ အထူးကိုယ်စားလှယ်အဖွဲ့အပေါ် အစည်းအဝေးတက်သူတချို့က ဝေဖန်ခဲ့ကြပါတယ်။

(၂) ကုလလုံခြုံရေးကောင်စီ အထူးကိုယ်စားလှယ်အဖွဲ့အနေနဲ့ မေ ၁ ရက်မှာတော့ နေရပ်စွန့်ခွာသူတွေအတွက် ပြန်လည်လက်ခံရေးစခန်းတွေကို သွားရောက်လေ့လာခဲ့ပြီး နေရပ်စွန့်ခွာမှုမရှိတဲ့ ဘင်္ဂါလီကျေးရွာတွေ၊ အစုလိုက်အပြုံလိုက် အသတ်ခံခဲ့ရတဲ့ ဟိန္ဒူဘာသာဝင်တွေ၊ တိုင်းရင်းသားတွေနဲ့ တွေ့ဆုံခဲ့ပါတယ်။

“ဒီခရီးစဉ်ရဲ့ ရည်ရွယ်ချက်ကတော့ ပဋိပက္ခကြောင့် တစ်ဖက်နိုင်ငံကို ရောက်နေတဲ့ မွတ်စလင်တွေနဲ့ ပတ်သက်ပြီးတော့ မကြာခင်မှာ မိုးရွာတော့မှာဖြစ်တဲ့အတွက် မိုးရွာရင် ဒုက္ခရောက်တော့မယ်ဆိုတဲ့ အနေအထားကို တွေ့တဲ့အတွက် ဒီဥစ္စာကို အရေးပေါ် ဘယ်လိုကူညီလို့ရမလဲ။ ဘယ်လိုဆောင်ရွက်လို့ရမလဲ။ လက်ရှိအခြေအနေနဲ့ ပတ်သက်ပြီးတော့ လာရောက်ကြည့်ရှုခြင်း ဖြစ်ပါတယ်” လို့ ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေက ပြောပါတယ်။

အထူးကိုယ်စားလှယ်အဖွဲ့ အနေနဲ့ တောင်ပြိုလက်ဝဲလက်ခံရေး စခန်း၊ လှဖိုးခေါင်ယာယီကြားစခန်း၊ ရွှေဇားကျေးရွာ၊ ပန်းတောပြင် ဘင်္ဂါလီကျေးရွာတွေရဲ့ အခြေအနေတွေကိုလည်း ဆက်လက်လေ့လာခဲ့ပါတယ်။

(၃) နေပြည်တော်မှာ မေ ၁ ရက်က ပြုလုပ်တဲ့ သတင်းစာ ရှင်းလင်းပွဲမှာ ဘင်္ဂါလီတွေကို ဖိနှိပ်မှုစွပ်စွဲချက်တွေနဲ့ ပတ်သက်လို့ မြန်မာနိုင်ငံက မှန်မှန်ကန်ကန် စုံစမ်းစစ်ဆေးပေးရမယ်လို့ ကုလသမဂ္ဂလုံခြုံရေးကောင်စီ ကိုယ်စားလှယ်အဖွဲ့က ပြောကြားခဲ့ပါတယ်။

“တာဝန်ခံမှုရှိဖို့ဆိုရင် မှန်မှန်ကန်ကန် စုံစမ်းစစ်ဆေးမှု ရှိရပါမယ်” လို့ ဗြိတိန်ရဲ့ ကုလသမဂ္ဂဆိုင်ရာ သံအမတ်ကြီး ကာရင်ပီယာ့စ်က မီဒီယာတွေကို ပြောပါတယ်။

အပြည့်အ၀ စုံစမ်းစစ်ဆေးမှု ဆောင်ရွက်နိုင်ဖို့ နည်းလမ်းနှစ်ခု ရှိတဲ့အနက် တစ်ခုက အပြည်ပြည်ဆိုင်ရာ ရာဇ၀တ်မှုခုံရုံးကို လွှဲပြောင်းပေးမှုဖြစ်ပြီး အခြားနည်းလမ်းတစ်ခုက မြန်မာအစိုးရကိုယ်တိုင် ပြည့်ပြည့်စုံစုံ ကျယ်ကျယ်ပြန့်ပြန့် ဆောင်ရွက်ပေးဖို့ ဖြစ်တယ်လို့ ကာရင်ပီယာ့စ်က ဆိုပါတယ်။

“အခြေခံကျကျ လုပ်ဆောင်နိုင်မယ့် နည်းလမ်းနှစ်ရပ်ရှိပါတယ်။ ပထမတစ်နည်းက နိုင်ငံတကာရာဇ၀တ်မှုတရားရုံး (ICC) ကို လွှဲအပ်ဖို့ပါ။ ဒုတိယကတော့ မြန်မာအစိုးရကိုယ်တိုင် အဲဒါကို လုပ်ဆောင်ဖို့ပါ” လို့ ကာရင်ပီယာ့စ်က ပြောပါတယ်။

ဒါပေမဲ့ မြန်မာနိုင်ငံက အပြည်ပြည်ဆိုင်ရာ ရာဇ၀တ်မှုခုံရုံး (ICC) ရဲ့ အဖွဲ့ဝင်နိုင်ငံမဟုတ်တဲ့အတွက် အရေးယူလို့ မရပါဘူး။ ICC ရဲ့ ရှေ့နေချုပ်က ခုံရုံးတရားစီရင်ရေးကို မြန်မာနိုင်ငံအတွက် ချဲ့ထွင်နိုင်ဖို့ ရှိ မရှိ စဉ်းစားပေးဖို့ ICC တရားသူကြီးတွေကို တောင်းဆိုထားပါတယ်။

(၄) ကုလသမဂ္ဂလုံခြုံရေးကောင်စီကို ၁၉၄၆ ခုနှစ်မှာ စတင်တည်ထောင်ခဲ့ပြီး အကျပ်အတည်းစီမံရေး ပင်မအဖွဲ့အစည်းတစ်ခု ဖြစ်ပါတယ်။ လုံခြုံရေးကောင်စီမှာ အဖွဲ့ဝင် ၁၉၃ နိုင်ငံရှိပြီး အပြည်ပြည်ဆိုင်ရာ လုံခြုံရေးခြိမ်းခြောက်မှုကို အကဲဖြတ်ဖို့၊ ပြည်တွင်းစစ်၊ သဘာဝဘေးအန္တရာယ်၊ လက်နက်ထိန်းချုပ်ရေးနဲ့ အကြမ်းဖက်မှုစတဲ့ကိစ္စတွေကို ကိုင်တွယ်ဖို့ အမြဲတမ်းအဖွဲ့ဝင်ငါးနိုင်ငံနဲ့ အလှည့်ကျ ရွေးကောက်ထားတဲ့ အဖွဲ့ဝင် ၁၀ နိုင်ငံက ပုံမှန်တွေ့ဆုံလေ့ ရှိပါတယ်။

လုံခြုံရေးကောင်စီမှာ အမေရိကန်၊ ဗြိတိန်၊ ပြင်သစ်၊ ရုရှားနဲ့ တရုတ်တို့က အမြဲတမ်းအဖွဲ့ဝင် ငါးနိုင်ငံဖြစ်ပြီး ဗီတိုအာဏာကို အသုံးပြုနိုင်ပါတယ်။ လုံခြုံရေးကောင်စီဝင် နိုင်ငံဖြစ်ဖို့အတွက် သတ်မှတ်ချက်တွေကတော့ ကမ္ဘာ့ငြိမ်းချမ်းရေးနဲ့ လုံခြုံရေးထိန်းသိမ်းမှု၊ ငြိမ်းချမ်းမှုထိန်းသိမ်းရေး၊ စစ်ဆင်ရေးမှာ တပ်ဖွဲ့ဝင်နဲ့ ငွေပေးပို့မှု၊ လုံခြုံရေးကိစ္စရပ်တွေမှာ ခေါင်းဆောင်ပါဝင်မှုတို့ ဖြစ်ပြီး ဒုတိယအချက်ကတော့ ဒေသဆိုင်ရာ ကိုယ်စားပြုမှုပဲ ဖြစ်ပါတယ်။

အာဖရိကအုပ်စုက အဖွဲ့ဝင် သုံးနေရာ၊ အာရှ-ပစိဖိတ်အုပ်စုက နှစ်နေရာ၊ အရှေ့ဥရောပအုပ်စုက တစ်နေရာ၊ လက်တင်အမေရိကနဲ့ ကာရေဘီယံအုပ်စုက နှစ်နေရာ၊ အနောက်ဥရောနဲ့ အခြားအုပ်စုက နှစ်နေရာဆိုပြီး လုံခြုံရေးကောင်စီမှာ ကိုယ်စားပြုခွင့်ကို ၁၉၆၅ နောက်ပိုင်းမှာ စတင်ခဲ့ပါတယ်။ ကောင်စီလုပ်ငန်းစဉ်တွေကို အကူအညီပေးဖို့ ဖွဲ့စည်းထားတဲ့ အထောက်အကူပြု ကော်မတီတွေကတော့ အရေးယူမှု ကော်မတီ၊ အကြမ်းဖက်မှုတန်ပြန်ရေးကော်မတီ၊ နျူကလီးယား၊ ဇီဝနဲ့ ဓာတုလက်နက်ကော်မတီ စတာတွေပဲ ဖြစ်ပါတယ်။ မြေပြင်စစ်ဆင်ရေးတွေကိုတော့ ကုလသမဂ္ဂ အထွေထွေ အတွင်းရေးမှူးချုပ်ရုံးထဲမှာရှိတဲ့ ငြိမ်းချမ်းမှုထိန်းသိမ်းရေး စစ်ဆင်ရေးဌာနနဲ့ မြေပြင်အထောက်အကူပြုရေးဌာနတို့က စီမံပါတယ်။

အပြည်ပြည်ဆိုင်ရာ အငြင်းပွားမှုတွေ ဖြစ်လာရင်တော့ လုံခြုံရေးကောင်စီက ကုလသမဂ္ဂပဋိညာဉ် အခန်း ၆ နဲ့အညီ ငြိမ်းချမ်းစွာ ဖြေရှင်းဖို့ ရည်မှန်းထားပေမယ့် အဲဒီနည်းလမ်းမအောင်မြင်ပါက အခန်း ၇ အရ အရေးယူပိတ်ဆို့မှု ချမှတ်ခြင်း၊ အပြည်ပြည်ဆိုင်ရာ ငြိမ်းချမ်းမှုနဲ့ တည်ငြိမ်မှုထိန်းသိမ်းရေး၊ ပြန်လည်တည့်မတ်ရေးအတွက် စစ်အင်အား အသုံးပြုခွင့်ကို ခွင့်ပြုပေးပါတယ်။

လုံခြုံရေးကောင်စီက မကြာခဏ အသုံးပြုနေတဲ့ အရေးယူမှုကတော့ ကုလသမဂ္ဂပဋိညာဉ် အပိုဒ် ၄၀ ပါ အရေးယူ ပိတ်ဆို့မှုပဲ ဖြစ်ပါတယ်။ ၁၉၉၀ ပြည့်နှစ်ကစလို့ အရေးယူပိတ်ဆို့မှုတွေကို ပုံမှန်လုပ်ဆောင်ခဲ့ပြီး ၂၀၁၇ ခုနှစ်အထိ လူပုဂ္ဂိုလ် ၆၆၄ ဦး၊ အဖွဲ့အစည်း ၃၈၂ ခုကို အရေးယူ ပိတ်ဆို့ထားတယ်လို့ သိရပါတယ်။ ၁၉၉၀ ပြည့်နှစ်နောက်ပိုင်းမှာတော့ အရေးယူပိတ်ဆို့ရာမှာ အလုံးစုံမူကို မကျင့်သုံးဘဲ လူပုဂ္ဂိုလ်တွေကို သီးသန့်ပစ်မှတ်ထားပြီး လက်နက်ရောင်းချမှု ပိတ်ဆို့ခြင်း၊ ခရီးသွားလာမှု ပိတ်ဆို့ခြင်း၊ ပိုင်ဆိုင်မှုသိမ်းခြင်း၊ သတ်မှတ်ထားတဲ့ ကုန်စည်များ ပို့ခွင့်၊ သွင်းခွင့် ပိတ်ဆို့ခြင်းကြောင့် ထိရောက်မှု ပိုရှိလာပါတယ်။ လုံခြုံရေးကောင်စီအနေနဲ့ လူမျိုးတုံးသတ်ဖြတ်မှု၊ စစ်ရာဇ၀တ်မှု၊ လူသားမျိုးနွယ်အပေါ် ရာဇ၀တ်မှု ကျူးလွန်ခြင်းစတဲ့ ကိစ္စရပ်တွေကိုလည်း အပြည်ပြည်ဆိုင်ရာ ရာဇ၀တ်မှု တရားရုံးကို လွှဲပြောင်းပေးပိုင်ခွင့် ရှိပါတယ်။

ဒါ့အပြင် ၂၀၀၀ ပြည့်နှစ်နောက်ပိုင်း ကာကွယ်ပေးရေးတာဝန်ရှိမှု (R2P) ပေါ်ထွက်လာပါတယ်။ အဲဒီအယူဝါဒကို ၂၀၀၅ ခုနှစ် ကုလသမဂ္ဂ အထွေထွေညီလာခံက စတင်ကျင့်သုံးခဲ့တာဖြစ်ပြီး နိုင်ငံတွေအနေနဲ့ နိုင်ငံအတွင်း နေထိုင်သူအားလုံးကို လူသားမျိုးနွယ်အပေါ် ရာဇ၀တ်မှု ကျူးလွန်ခြင်းကနေ ကာကွယ်ပေးဖို့ တာဝန်ရှိပါတယ်။ နိုင်ငံတစ်နိုင်ငံ အနေနဲ့ ကာကွယ်စောင့်ရှောက်ရေး တာဝန်ကို သိသာထင်ရှားစွာ ပျက်ကွက်ပါက အတင်းအကျပ် နည်းလမ်းမျိုးစုံကို အားလုံးစုပေါင်း အသုံးပြုသင့်တယ်လို့ သတ်မှတ်ထားတာကြောင့် လုံခြုံရေးကောင်စီက ပါလာပြီဆိုတာနဲ့ ကြောက်စရာကောင်းတဲ့ အနေအထားမျိုး ဖြစ်လာပါတယ်။

မြန်မာ-ဘင်္ဂလားဒေ့ရ်ှနယ်စပ်ရှိ တောင်ပြို-လက်ဝဲ ရှင်းလင်းဆောင်သို့ ကုလသမဂ္ဂလုံခြုံရေးကောင်စီ ကိုယ်စားလှယ်အဖွဲ့ မေ ၁ ရက်က ရောက်ရှိလာစဉ် (ဓာတ်ပုံ – ၀င်းမောင်)

(၅) ကုလသမဂ္ဂလုံခြုံရေးကောင်စီ အနေနဲ့ ဘင်္ဂါလီပဋိပက္ခကို အဖြေရှာဖို့ ချဉ်းကပ်ရာမှာ ဌာနေတိုင်းရင်းသားတွေရဲ့ မူလအခွင့်အရေးနဲ့ မြန်မာနိုင်ငံရဲ့ အချုပ်အခြာအာဏာကို လေးစားတန်ဖိုးထားဖို့ ရခိုင်အမျိုးသားပါတီ (ANP) က မေ ၈ ရက်က ထုတ်ပြန်ချက်မှာ တိုက်တွန်းလိုက်ပါတယ်။ ဒီကြေညာချက်ကို ANP ပါတီ ဗဟိုဌာနချုပ်မှာ မေ ၇ ရက်ကနေ ၈ ရက်အထိပြုလုပ်တဲ့ ဗဟိုအလုပ်အမှုဆောင် ကော်မတီဝင်တွေနဲ့ လွှတ်တော်ကိုယ်စားလှယ်တွေ ပါဝင်တဲ့ အစည်းအဝေးအပြီးမှာ ထုတ်ပြန်ခဲ့တာပါ။

ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့က ဧပြီ ၂၉ ရက်ကနေ မေ ၁ ရက်အထိ ရခိုင်ပြည်နယ် မောင်တောဒေသက ဘင်္ဂါလီတွေ၊ ဟိန္ဒူဘာသာဝင်တွေနဲ့ တွေ့ဆုံခဲ့ပြီး ဘင်္ဂါလီအရေးတစ်ခုတည်းကိုသာ ဦးစားပေး ပြောဆိုလေ့လာမှုများ ပြုလုပ်နေတာကြောင့် ရခိုင်အမျိုးသားပါတီ (ANP) နဲ့ ထုတ်ပြန်ချက် ထုတ်ခဲ့တာ ဖြစ်ပါတယ်။

“သူတို့က ဟိုဘက်ကိုသွားပြီးရင် တစ်ဖက်က စကားကို ပုံသေကားချပ်လို လက်ကိုင်ထားပြီးတော့ ဒီဘက်ကပြောတာဟူသမျှ တစ်စက်မှ လက်မခံဘဲနဲ့ စော်ကားမော်ကား အပြုအမူတွေ အပြောအဆိုတွေ ခြိမ်းခြောက်တာတွေ လုပ်တာမျိုးကတော့ UN အဖွဲ့အစည်းတစ်ခုရဲ့ လုပ်ထုံးလုပ်နည်းနဲ့ လုံးဝမညီတဲ့ အနေအထားတွေ ဖြစ်တယ်လို့ မြင်တယ်။ ကျွန်မတို့ နိုင်ငံတစ်နိုင်ငံရဲ့ အချုပ်အခြာအာဏာကို ၀င်ရောက်စွက်ဖက်ပြီးတော့ ခြိမ်းခြောက်တယ်ဆိုတဲ့ အနေအထားမျိုးတွေ ဖြစ်တယ်။ လူကြီးလူကောင်းမဆန်ဘူးလို့ ဒီလိုပဲ ရှုမြင်ပါတယ်” လို့ ရခိုင်အမျိုးသားပါတီ ဒုတိယဥက္ကဋ္ဌ ဒေါ်အေးနုစိန်က ဆိုပါတယ်။

(၆) ကုလသမဂ္ဂလုံခြုံရေးကောင်စီက ဧပြီ ၂၈ ရက်မှ မေ ၁ ရက်အထိ မြန်မာနှင့် ဘင်္ဂလားဒေ့ရ်ှနိုင်ငံကို သွားရောက်ခဲ့တဲ့ ခရီးစဉ်နှင့်ပတ်သက်လို့ မေ ၁၀ ရက်က ကြေညာချက်တစ်စောင် ထုတ်ပြန်ပါတယ်။

ဒီထုတ်ပြန်ချက်ထဲမှာ ဒုက္ခသည်ပြဿနာ ဖြေရှင်းရေး၊ ဒုက္ခသည်များ အန္တရာယ်ကင်းစွာ နေရပ်ပြန်လာနိုင်ရေး၊ အခြေအနေကောင်းများ ဖန်တီးဖို့ လုံခြုံရေးကောင်စီအဖွဲ့ဝင်များက မြန်မာ၊ ဘင်္ဂလားဒေ့ရှ် အစိုးရအဖွဲ့တွေအပြင် ကုလသမဂ္ဂ၊ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ခရစ္စတိန်းရှရာနာ ဘာဂီနာတို့နဲ့ ကောင်စီက ဘယ်လိုပူးပေါင်း ဆောင်ရွက်မလဲဆိုတာကို လာမယ့်ရက်ပိုင်းအတွင်း ဆွေးနွေးဖို့ ရည်ရွယ်ထားတယ်လို့ ဖော်ပြထားပါတယ်။

ဒါ့အပြင် ၂၀၁၇ နိုဝင်ဘာ ၆ ရက်ထုတ် ကောင်စီဥက္ကဋ္ဌ ကြေညာချက်ကို အကောင်အထည်ဖော်ဖို့ တိုက်တွန်းထားပြီး လုံခြုံရေးကောင်စီ အဖွဲ့ဝင်တွေက လက်ရှိအခြေအနေကြောင့် များစွာစိုးရိမ်နေဆဲဖြစ်တယ်လို့ ဖော်ပြထားပါတယ်။ လုံခြုံရေးကောင်စီ အဖွဲ့ဝင်တွေ အနေနဲ့ ဒုက္ခသည်များ ပြန်လက်ခံရေးမှာ မြန်မာအစိုးရရဲ့ ကြိုတင်ပြင်ဆင်နေမှုတွေကို သတိပြုမိသလို လုပ်ငန်းစဉ်တွေ ဖန်တီးရာမှာ အရှိန်မြှင့်တင်ဖို့ မြန်မာအစိုးရကို တိုက်တွန်းထားပါတယ်။

ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်တွေအရ ပြဿနာ အရင်းအမြစ်တွေကို ဖြေရှင်းဖို့ တိုက်တွန်းထားပြီး ကုလသမဂ္ဂနဲ့ လက်တွဲဆောင်ရွက်မယ့် မြန်မာအစိုးရရဲ့ကတိတွေကို ကြိုဆိုတယ်လို့လည်း ဆိုပါတယ်။

မုတ်သုံရာသီနှင့် ဆိုင်ကလုန်း ရာသီမတိုင်မီ အရေးပေါ် ကြိုတင်ပြင်ဆင်မှုတွေနဲ့ စပ်လျဉ်းပြီး လုံခြုံရေး ကောင်စီအဖွဲ့ဝင်တွေက ဘင်္ဂလားဒေ့ရ်ှအစိုးရကို ဆက်လက်တိုးမြှင့် ထောက်ပံ့ပေးနိုင်ရေးအတွက် နိုင်ငံတွေကို တိုက်တွန်းထားပါတယ်။

မြန်မာအစိုးရနဲ့ ဘင်္ဂလားဒေ့ရှ် အစိုးရကြား နားလည်မှုစာချွန်လွှာ လက်မှတ်ရေးထိုးဖို့ လုံခြုံရေးကောင်စီအဖွဲ့ဝင်တွေက ကြိုဆိုတဲ့အပြင် ကုလသမဂ္ဂအေဂျင်စီတွေ၊ အစိုးရမဟုတ်တဲ့ အဖွဲ့တွေကို လူသားချင်း စာနာထောက်ထားမှု အကူအညီပေးခွင့် ခွင့်ပြုဖို့ မြန်မာအစိုးရကို တိုက်တွန်းထားပါတယ်။

(၇) ဒီကြားထဲ အစ္စလာမ္မစ်ပူးပေါင်း ဆောင်ရွက်ရေးအဖွဲ့ (OIC) က မြန်မာနိုင်ငံအပေါ် ကမ္ဘာက ဖိအားပေးစေရေးအတွက် စည်းရုံးလှုပ်ရှားဖို့ ကော်မတီသစ်တစ်ရပ်ကို မေ ၆ ရက်က ဖွဲ့စည်းလိုက်ပါတယ်။ အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) ရဲ့ အဖွဲ့ဝင် ၅၃ နိုင်ငံက နိုင်ငံခြားရေးဝန်ကြီးတွေနဲ့ သံတမန်တွေက ဘင်္ဂလားဒေ့ရ်ှနိုင်ငံရဲ့ မြို့တော် ဒါကာမှာ ပြုလုပ်တဲ့ နှစ်ရက်ကြာ ဆွေးနွေးမှုအပြီးမှာ စည်းရုံးလှုပ်ရှားရေး ကော်မတီတစ်ရပ်ကို ထူထောင်ခဲ့တာပါ။

OIC အတွင်းရေးမှူးချုပ် ယူဆက်ဘင်အာမက်အယ်အော်သမင်းက ဘင်္ဂါလီမွတ်စလင် ၇၀၀,၀၀၀ မြန်မာနိုင်ငံကနေ ဘင်္ဂလားဒေ့ရ်ှနိုင်ငံ ဒုက္ခသည်စခန်းတွေဆီ ထွက်ပြေးခဲ့ခြင်းကြောင့် ဖြစ်ပေါ်ခဲ့တဲ့ အကျပ်အတည်းတစ်ရပ် အဆုံးသတ်သွားစေရေးကို ရှေးရှုတဲ့ အဓိက ခြေလှမ်းတစ်ရပ် ပြုလုပ်ဖို့ တောင်းဆိုခဲ့ပါတယ်။

အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) အနေနဲ့ ကော်မတီသစ်ဖွဲ့စည်းပြီး ဖိအားပေးလာတဲ့အပေါ်မှာ နိုင်ငံတော်အတိုင်ပင်ခံရုံးညွှန်ကြားရေးမှူးချုပ် ဦးဇော်ဌေးက “OIC ကတော့ အရင်ကတည်းက ဖိအားပေးနေတာပဲ။ အဓိက,ကတော့ ထွက်သွားတဲ့သူတွေကို ပြန်လက်ခံဖို့ပဲ။ အဲဒီအတွက်လည်း တစ်ဖက်နိုင်ငံကို ထွက်ခွာသွားတဲ့သူတွေကို ပြန်လည်လက်ခံဖို့ ကျွန်တော်တို့က အားလုံးပြင်ဆင်ထားတယ်။ စိစစ်မယ်။ လက်ခံမယ်။ အဲဒီအပေါ်မှာတော့ ဟိုဘက်က ပြန်ပို့မှပဲ၊ ပြန်လာမှပဲ ကျွန်တော်တို့က စိစစ်လက်ခံလို့ရမှာ။ ကိုယ်က ဘယ်လောက်ပဲ စိစစ်ချင်တယ်၊ လက်ခံချင်တယ်ပြောလည်း ဟိုဘက်က ပြန်မပို့မချင်း အခုပြဿနာတက်နေတာ။ ဒီလူတွေ ပြန်မပို့ဘဲနဲ့ ဟိုဘက်ဒီဘက် အဲဒီလိုမျိုး ပြောနေတဲ့ဟာက အခုဆိုရင် ကျွန်တော်တို့ကို တော်တော်များများ ဖိအားတွေပေးတယ်။ ပြန်လက်ခံဖို့ လုပ်ပါဆိုပြီးတော့ပေါ့။ ကျွန်တော်တို့က ပြန်လက်ခံဖို့ လုပ်ထားပြီးပြီ။ အဲဒီပြန်လက်ခံရမယ့်လူတွေ နာမည်စာရင်းကအစ ကျွန်တော်တို့ ပြည့်ပြည့်စုံစုံမရတာက ကျွန်တော်တို့ ပြဿနာဖြစ်နေတယ်။ ပြန်လက်ခံရေးလုပ်ငန်းစဉ် မစတင်နိုင်သေးဘူး။ ပြန်လက်ခံရေးလုပ်ငန်းစဉ် စတင်နိုင်ပြီဆိုရင် ဘင်္ဂလားဒေ့ရ်ှဘက်မှာလည်း သူတို့ဝန်ထုပ်ဝန်ပိုး လျော့သွားမယ်။ ဒီမှာလည်း သူတို့ကို မူလနေရာ ဒါမှမဟုတ် မူလနေရာနဲ့ အနီးဆုံးနေရာတွေမှာ ပြန်ရောက်ရင် သူ့ဘာသာသူ အဆင်ပြေသွားမယ်ပေါ့။ ဖိအားပေးနေတဲ့ အဓိကပြဿနာက ဘာလဲဆိုတော့ အဲဒီလူတွေ ပြန်လက်ခံဖို့။ အဲဒီအတွက် တစ်ဖက်နိုင်ငံကို ထွက်သွားတဲ့သူတွေကို ပြန်လက်ခံဖို့ကတော့ နှစ်နိုင်ငံ သဘောတူထားတဲ့ သဘောတူညီချက်အတိုင်း နှစ်ဦးနှစ်ဖက် နားလည်မှုရှိရှိနဲ့ ပူးပေါင်းဆောင်ရွက်ဖို့အပေါ်မှာပဲ မူတည်နေပါတယ်” လို့ ပြောကြားပါတယ်။

မြန်မာနိုင်ငံကို အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) ရဲ့ နောက်ထပ်ထိုးနှက်ချက်ကတော့ ရခိုင်ဖြစ်စဉ်မှာ လူမျိုးစုသုတ်သင် ရှင်းလင်းမှု၊ အစိုးရအားပေးတဲ့ အကြမ်းဖက်မှုစတဲ့ အသုံးအနှုန်းတွေပါတဲ့ ဒါကာကြေညာချက်ပဲ ဖြစ်ပါတယ်။ ဒီကိစ္စနဲ့ ပတ်သက်လို့ တာဝန်မဲ့စွာ ဖော်ပြမှုအပေါ် မြန်မာနိုင်ငံ အနေနဲ့ ပြတ်သားစွာ ပယ်ချတယ်လို့ နိုင်ငံခြားရေးဝန်ကြီးဌာနက မေ ၉ ရက်က သတင်းထုတ်ပြန်ပါတယ်။

အစ္စလာမ္မစ်ပူးပေါင်းဆောင်ရွက်ရေးအဖွဲ့ (OIC) ရဲ့ ကြေညာချက်မှာ ဟန်ချက်ညီမျှမှု၊ တရားမျှတမှု ကင်းမဲ့တဲ့အပြင် လက်ရှိကြုံတွေ့နေရတဲ့ လူသားချင်းစာနာမှု အခြေအနေတွေကို စတင်ဖြစ်ပွားစေခဲ့တဲ့ Arakan Rohingya Salvation Army (ARSA) အကြမ်းဖက်အဖွဲ့ရဲ့ ရက်စက်စွာ အကြမ်းဖက် တိုက်ခိုက်မှုတွေကိုမူ ရှုတ်ချခြင်းမရှိတာကို တွေ့ရတယ်လို့ ထုတ်ပြန်ချက်မှာ ဖော်ပြထားပါတယ်။ ဒါ့အပြင် မြန်မာနိုင်ငံအနေနဲ့ ရခိုင်ပြည်နယ်ကနေ နေရပ်စွန့်ခွာသူတွေ မိမိဆန္ဒအလျောက် ဘေးကင်းစွာနဲ့ ဂုဏ်သိက္ခာရှိစွာ နေရပ်ပြန်လာနိုင်ရေး အတွက် ဆောင်ရွက်ပေးဖို့ အဆင်သင့်ရှိတယ်လို့ ဖော်ပြထားပါတယ်။

(၈) ကုလသမဂ္ဂလုံခြုံရေးကောင်စီရဲ့ ထုတ်ပြန်ကြေညာချက်နဲ့ အစ္စလာမ္မစ်ပူးပေါင်းဆောင်ရွက်ရေး အဖွဲ့ (OIC) ရဲ့ ဒါကာကြေညာချက်ကိုကြည့်ရင် ဘင်္ဂလားဒေ့ရ်ှနိုင်ငံ အတွက်သာ စဉ်းစားပြီး ထုတ်ပြန်ထားတာကို တွေ့ရမှာပါ။ လုံခြုံရေး ကောင်စီအနေနဲ့ မြန်မာနဲ့ ဘင်္ဂလားဒေ့ရ်ှနှစ်နိုင်ငံလုံးကို လာရောက်လေ့လာခဲ့ပေမဲ့ အစီရင်ခံစာအရ အခွင့်အရေးပိုင်းမှာတော့ မြန်မာနိုင်ငံဟာ အသာမရခဲ့ပါဘူး။ လုံခြုံရေးကောင်စီရဲ့ ထုတ်ပြန်ချက်ထဲမှာ မြန်မာနိုင်ငံကသာ လိုက်လျောပေးရမယ့် အခြေအနေတွေက များပြားနေတာကို တွေ့ရပါတယ်။

ဒါ့အပြင် ကုလသမဂ္ဂ၊ အနောက်အုပ်စုနိုင်ငံတွေနဲ့ ဘင်္ဂလားဒေ့ရ်ှနိုင်ငံရဲ့ ရခိုင်အရေးနဲ့ပတ်သက်လို့ ကြိုးပမ်းမှုတချို့ဟာ ဒုက္ခသည်တွေ ပြန်ပို့ရေးနဲ့ ပြဿနာဖြေရှင်းရေးကို ကျော်လွန်ပြီး နိုင်ငံသားပြုမှု၊ ၈၂ နိုင်ငံသားဥပဒေစတဲ့ မြန်မာနိုင်ငံရဲ့ အချုပ်အခြာ အာဏာပိုင်မှုနဲ့ နယ်မြေတည်တံ့မှုကို ၀င်ရောက်စွက်ဖက်သလို ဖြစ်နေပါတယ်။

ဒုက္ခသည်တွေ ဂုဏ်သိက္ခာရှိစွာ ပြန်လာရေးလို့ဆိုရာမှာ ၈၂ နိုင်ငံသားဥပဒေက နိုင်ငံရဲ့ အချုပ်အခြာ အာဏာပိုင်မှုဖြစ်တာကြောင့် ၀င်ရောက်စွက်ဖက်ဖို့ မသင့်တဲ့ ကိစ္စလို့ ရခိုင်အရေးလေ့လာသူတွေက ဆိုပါတယ်။ ကုလသမဂ္ဂလုံခြုံရေးကောင်စီ အဖွဲ့ဝင်နိုင်ငံထဲမှာလည်း လက်ရှိ အနေအထားအရ တရုတ်နဲ့ ရုရှားကသာ မြန်မာနိုင်ငံဘက်မှာ ရပ်တည်ပေးနေတာ ဖြစ်ပါတယ်။ ဒီလိုအခြေအနေမှာ မြန်မာနိုင်ငံကို အပြည်ပြည်ဆိုင်ရာ ရာဇ၀တ်ခုံရုံး (ICC) ပို့မယ့်ကိစ္စသာမက R2P နဲ့ပါ ခြိမ်းခြောက်ခံနေရပါတယ်။

လက်ရှိအခြေအရ မြန်မာနိုင်ငံဟာ ကုလသမဂ္ဂလုံခြုံရေးကောင်စီနဲ့ အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) ရဲ့ ညစ်လုံးခြောက်လုံးတွေရဲ့ဒဏ်ကို အလူးအလဲခံနေရတဲ့ အနေအထားမျိုး ဖြစ်နေပါတယ်။ လုံခြုံရေးကောင်စီနဲ့ OIC ဟာ မြန်မာ့အချုပ်အခြာကို စနစ်တကျ ဟန်ချက်ညီညီနဲ့ လွှမ်းမိုးခြယ်လှယ်နိုင်ဖို့ ချိန်သားကိုက်လှုပ်ရှားနေတဲ့ ပုံစံမျိုး ဖြစ်နေပါတယ်။

ဒီလိုဖြစ်နေရတဲ့ကိစ္စမှာ ဘင်္ဂလားဒေ့ရ်ှနိုင်ငံရဲ့ ပယောဂလည်း မကင်းတာကို တွေ့ရပါတယ်။ ဘာကြောင့်လဲဆိုတော့ တစ်ဖက်နိုင်ငံကို ထွက်ပြေးတိမ်းရှောင်နေသူတွေ အတွက် နှစ်နိုင်ငံသဘောတူညီချက်နဲ့ ပြန်လည်လက်ခံရေးလုပ်ငန်းစဉ် ပူးပေါင်းဆောင်ရွက်ရေးမှာ ဘင်္ဂလားဒေ့ရ်ှဘက်က နှောင့်နှေးကြန့်ကြာမှုတွေ ရှိနေပါတယ်။

မကြာခင် မုတ်သုံရာသီ ရောက်တော့မှာဖြစ်တဲ့အတွက် ဘင်္ဂလားဒေ့ရ်ှဘက် ဒုက္ခသည်စခန်းတွေက လုံခြုံမှုမရှိတဲ့အပြင် ကျန်းမာရေး စောင့်ရှောက်မှုကလည်း အားနည်းတာကြောင့် ၀မ်းရောဂါ အပါအ၀င် တခြားရောဂါတွေ ဖြစ်ပွားလာပါက နိုင်ငံတကာဖိအားဟာ မြန်မာနိုင်ငံအပေါ်မှာပဲ ပိုမိုများပြားလာမှာ ဖြစ်ပါတယ်။ နဂိုကတည်းက လူမျိုးစု သုတ်သင်ရှင်းလင်းမှုတွေ ရှိနေတယ်ဆိုပြီး နိုင်ငံတကာစွပ်စွဲမှုတွေကို မြန်မာနိုင်ငံအနေနဲ့ မနည်းခုခံချေပနေရချိန်မှာ ဘင်္ဂလားဒေ့ရ်ှဘက်က နှောင့်နှေးကြန့်ကြာမှုတွေကြောင့် မိုးရာသီမတိုင်မီ ပြန်လည်လက်ခံရေးကိစ္စက အကောင်အထည် မဖော်ဖြစ်ခဲ့ရင်တော့ လုံခြုံရေးကောင်စီနဲ့ OIC တို့က အောက်လုံးခြောက်လုံးတွေနဲ့ မြန်မာ့အချုပ်အခြာကို လိုသလို ထပ်ပြီးဖိအားတွေပေးနေဦးမှာ ဖြစ်ပါတယ်။

ဒီကိစ္စနဲ့ပတ်သက်လို့ နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက “စိုးရိမ်တာက ဘာဖြစ်လို့လဲဆိုတော့ မိုးရာသီရောက်လို့ ဟိုဘက်က ဒုက္ခသည်စခန်းတွေမှာရှိတဲ့လူတွေက မလုံမခြုံတဲ့မိုးထဲမှာ ကလေးတွေ ဖျားမယ်နာမယ်။ ရေနဲ့ဖြစ်တတ်တဲ့ ၀မ်းရောဂါတွေဖြစ်မယ်။ ပြီးတော့ Humanitarian Crisis ဆိုတာမျိုးတွေ ဖြစ်လာနိုင်တယ်။ အဲဒီလို ဟိုဘက်က စခန်းတွေမှာ ဖြစ်တဲ့အချိန်ကျရင် မြန်မာနိုင်ငံကို ဖိအားတွေ များလာမှာကို ကျွန်တော်တို့က ကြိုမြင်တယ်” လို့ ဆိုပါတယ်။

 

ဘင်္ဂါလီ မွတ်စလင်တို့ကို တိုက်ခိုက်မှုနှင့် ပတ်သက်၍ မြန်မာနိုင်ငံကို စုံစမ်းစစ်ဆေးရန် ကုလသမဂ္ဂ၌ ဗြိတိန်၏ ကြိုးပမ်းမှုကို တရုတ်က ကန့်ကွက်

Photo: AFP

 

ဘင်္ဂါလီမွတ်စလင်တို့ကို တိုက်ခိုက်မှုများအတွက် တာဝန်ရှိသူများကို စုံစမ်းစစ်ဆေးရန် မြန်မာနိုင်ငံအား တောင်းဆိုသည့် ကြေညာချက်ထုတ်ပြန်ရေး ကုလသမဂ္ဂလုံခြုံရေးကောင်စီ၌ ဗြိတိန်၏ ကြိုးပမ်းမှုကို တရုတ်က ကန့်ကွက်ငြင်းဆန်ခဲ့ကြောင်း မေ ၈ ရက် တွင်ရရှိခဲ့သည့် ကြေညာချက်မူကြမ်းတွင် ပါဝင်ခဲ့သည်ဟု အေအက်ဖ်ပီက ဖော်ပြခဲ့သည်။

ပြီးခဲ့သည့် သီတင်းပတ်တွင် မြန်မာ နှင့် ဘင်္ဂလားဒေ့ရ်ှကို သွားရောက်ခဲ့ပြီးနောက် လုံခြုံရေးကောင်စီသည် ဘင်္ဂါလီ မွတ်စလင် အကျပ်အတည်းဖြေရှင်းမှုနှင့်ပတ်သက်၍ ကြေညာချက်ထုတ်ပြန်ရန် စေ့စပ်ညှိနှိုင်းနေသည်။

လူ့အခွင့်အရေးချိုးဖောက်မှုများအတွက် ခိုင်မာပြီး ပွင့်လင်းမြင်သာမှုရှိသော စုံစမ်းစစ်ဆေးမှုဆောင်ရွက်ရန် အရေးကြီးကြောင်းနှင့် တိုက်ခိုက်မှုများအတွက် တာဝန်ရှိသူများကို အရေးယူရန် မြန်မာနိုင်ငံအား တိုက်တွန်းသည့် စာသားများပါဝင်သော ကြေညာချက်မူကြမ်းကို ဗြိတိန်က ပြီးခဲ့သည့် သီတင်းပတ်တွင် ဖြန့်ဝေခဲ့သည်။

တရုတ် နိုင်ငံက မေ ၇ ရက်တွင် ပြန်လည်ပြင်ဆင်ထားသည့် ကြေညာချက်တစ်စောင်ကို တင်သွင်းခဲ့ပြီး ယင်းကြေညာချက်တွင် စုံစမ်းစစ်ဆေးမှုနှင့် အရေးယူမှုတို့အား ရည်ညွှန်းသည့်အကြောင်းအရာအားလုံး ပယ်ဖျက်ထားခဲ့သည်ဟု ဆိုသည်။

တရုတ်၏ ကြေညာချက်မူကြမ်းတွင် ပြဿနာ၏ အဓိကအကြောင်းရင်းများကို ဖြေရှင်းရန်လိုအပ်ကြောင်း အလေးထား ဖော်ပြခဲ့ပြီး ဖွံ့ဖြိုးတိုးတက်မှုမှတစ်ဆင့် တည်ငြိမ်မှုရရှိရန် ရခိုင်ပြည်နယ်၌ ရင်းနှီးမြှုပ်နှံမှုများ ဆောင်ရွက်ရေးကို တောင်းဆိုခဲ့သည်။ တရုတ်က ပြင်ဆင်ခဲ့သော အကြံပြုချက်များကို အမေရိကန်၊ ပြင်သစ်တို့၏ ထောက်ခံမှုဖြင့် ဗြိတိန်က ပယ်ချခဲ့ကြောင်းနှင့် စေ့စပ်ညှိနှိုင်းများ ဆက်လက်ဆောင်ရွက်နေကြောင်း သံတမန်များက ပြောကြားခဲ့သည်။

လုံခြုံရေးကောင်စီက ဘင်္ဂါလီမွတ်စလင်များ ဘေးကင်းစွာ ပြန်လာခွင့်ပြုရန် မြန်မာနိုင်ငံကို တိုက်တွန်းထားပြီး ဆယ်စုနှစ်နှင့်ချီ၍ ခွဲခြားဆက်ဆံမှုများကို အဆုံးသတ်ရန် အရေးယူဆောင်ရွက်မှုများ ဆောင်ရွက်ရေးအတွက် တိုက်တွန်းခဲ့သည်။

ကုလသမဂ္ဂ လုံခြုံရေးကောင်စီ အဖွဲ့ဝင်များ ရခိုင်အရေးနှင့် ပတ်သက်၍ မြန်မာနိုင်ငံသို့ ယခုလအတွင်း လာရောက်မည်

ကုလသမဂ္ဂလုံခြုံရေးကောင်စီ အဖွဲ့ဝင်များ ရခိုင်အရေးနှင့် ပတ်သက်၍ မြန်မာနိုင်ငံသို့ ယခုလအတွင်း လာရောက်မည်ဖြစ်ကြောင်း နိုင်ငံတကာ မီဒီယာများ၏ ဖော်ပြချက်အရ သိရသည်။ အဆိုပါ ခရီးစဉ်အတွင်း နိုင်ငံ့အကြီးအကဲများနှင့်လည်း တွေ့ဆုံဆွေးနွေးပွဲများ လုပ်ဆောင်သွားမည်ဖြစ်ကြောင်း သိရသည်။

ဧပြီလအတွက် ကုလသမဂ္ဂ လုံခြုံရေးကောင်စီဥက္ကဋ္ဌဖြစ်သော Peru နိုင်ငံကိုယ်စားလှယ် Gustavo Meza_Cuadra က လက်ရှိအချိန်တွင် မြန်မာနှင့် ဘင်္ဂလားဒေ့်ရ်ှနိုင်ငံများအား သွားရောက်လေ့လာရန် သေချာပြီ ဖြစ်သော်လည်း ခရီးစဉ်အတွက် အသေးစိတ် အချက်အလက်များကို အစိုးရအသီးသီးနှင့် ညှိနှိုင်းနေဆဲဖြစ်သည်ဟု ဧပြီ ၂ ရက်တွင် ပြောကြားခဲ့ကြောင်း သိရသည်။

Meza_Cuadra ဦးဆောင်သောအဖွဲ့သည် မြန်မာအစိုးရနှင့် ညှိနှိုင်းမှုများ အဆင်ပြေပါက နိုင်ငံ့အကြီးအကဲများနဲ့ တွေ့ဆုံပြီး ပဋိပက္ခများ ဖြစ်ပျက်ခဲ့သော နေရာများသို့ ကွင်းဆင်းလေ့လာသွားမည် ဖြစ်ကြောင်းလည်း သိရသည်။

မြန်မာခရီးစဉ်အပြီး ကုလသမဂ္ဂလုံခြုံရေးကောင်စီ အဖွဲ့ဝင်များသည် ဘင်္ဂါလီဒုက္ခသည်အများစု စုဝေးနေထိုင်နေသော ဘင်္ဂလားဒေ့ရ်ှနိုင်ငံ ကော့ဘဇားမြို့သို့ သွားရောက် လေ့လာမည်ဖြစ်ကြောင်း နိုင်ငံတကာမီဒီယာများ၏ ဖော်ပြချက်အရ သိရသည်။

ကုလသမဂ္ဂ လူသားချင်းစာနာမှုဆိုင်ရာ ဒုတိယအဆင့် အကြီးအကဲ အာရ်ဆူလာမြူ လာသည်လည်း ဧပြီ ၂ ရက်မှ ၈ ရက်အတွင်း မြန်မာနိုင်ငံ၌ ပဋိပက္ခများစွာဖြစ်ပွားခဲ့သော ရခိုင်၊ ကချင်နှင့် ရှမ်းပြည်နယ်များအား ကွင်း ဆင်းလေ့လာမှုများ ပြုလုပ်ပြီး အကူအညီပေးရေး လုပ်ငန်းများတွင် ပါဝင်သည့် မိတ်ဖက်အ ဖွဲ့အစည်းအားလုံးနှင့် တွေ့ဆုံလျက် တုံ့ပြန်ဆောင်ရွက်ရေး လုပ်ငန်းများအား တိုးတက်စေမည့် နည်းလမ်းများကို ဆွေးနွေးသွားမည် ဖြစ်ကြောင်း၊ ရန်ကုန်နှင့် နေပြည်တော်တွင် ပြုလုပ်မည့် အစည်းအဝေးများ ပါဝင်မည့်အပြင် လူသားချင်း စာနာမှုဆိုင်ရာ မိတ်ဖက်အဖွဲ့အစည်းများနှင့် တွေ့ဆုံသွားနိုင်ရန် နေရပ်စွန့် ခွာတိမ်းရှောင်သူ စခန်းများသို့ သွားရောက်မည် ဖြစ်ကြောင်း United Nation OCHA Myanmar က ထုတ်ပြန်ကြေညာထားသည်။

အကြောင်းအမျိုးမျိုးကြောင့် လူဦးရေနှစ်သန်းအထက် ပြည်ပနိုင်ငံများသို့ ရောက်နေပြီး အသက် ၁၅ နှစ်မှ ၃၉ နှစ်ဝန်းကျင် အလုပ်လုပ်နိုင်သည့်လူငယ် အများဆုံးဖြစ်နေ

ရန်ကုန်မြိ်ု့ရှိ နိုင်ငံကူးလက်မှတ် ထုတ်ပေးရေးအဖွဲ့ရုံးတွင် ပတ်စ်ပို့စာအုပ် လာရောက်ပြုလုပ်သူများကို တွေ့ရစဉ် (ဓာတ်ပုံ-နေ၀န်းထက်)

မြန်မာနိုင်ငံရှိ လူဦးရေနှစ်သန်းအထက်မှာ ပြည်ပနိုင်ငံများသို့ အကြောင်းအမျိုးမျိုးကြောင့် ရောက်ရှိနေပြီး အသက် ၁၅ နှစ်မှ ၃၉ နှစ်ဝန်းကျင် အလုပ်လုပ်နိုင်သည့်အရွယ် လူငယ်များမှာ အများဆုံးဖြစ်နေကြောင်း ကုလသမဂ္ဂ လူဦးရေ ရန်ပုံငွေအဖွဲ့က သိရသည်။

လက်ရှိ အိမ်ထောင်စုဝင် နှစ်သန်းခန့်မှာ နိုင်ငံခြားတွင်ရောက်ရှိ နေထိုင်လျက်ရှိပြီး အဆိုပါ လူဦးရေတွင် အမျိုးသား ၁ ဒသမ ၂ သန်း ( ၆၁ရာခိုင်နှုန်း) ပါဝင်နေပြီး နိုင်ငံခြားတွင် ရောက်ရှိနေသူများအနက် ထိုင်းနိုင်ငံတွင် ရာခိုင်နှုန်း ၇၀ ခန့်၊ မလေးရှားနိုင်ငံတွင် ၁၅ ရာခိုင်နှုန်းခန့်နှင့် ကျန် ၁၅ ရာခိုင်နှုန်းမှာ အခြားပြည်ပ နိုင်ငံများတွင် ရောက်ရှိနေထိုင်လျက်ရှိကြောင်းနှင့် လူဦးရေ နှစ်သန်းအနက် ၁ ဒသမ ၇ သန်းခန့်မှာ အလုပ်လုပ်နိုင်သည့် အသက် ၁၅ နှစ်မှ ၃၉ နှစ် (၈၃ ရာခိုင်နှုန်းခန့်) အတွင်း ရှိသူများဖြစ်ပြီး ယင်းလူဦးရေတွင် ၁ ဒသမ ၁ သန်းခန့်သည် အမျိုးသားများ ဖြစ်ကြောင်း သိရသည်။

မြန်မာနိုင်ငံသည် ရွှေ့ပြောင်းလုပ်သားများသည့် နိုင်ငံများတွင်ပါဝင်ပြီး အလုပ်အကိုင် အခွင့်အလမ်း၊ ပဋိပက္ခစစ်ပွဲများနှင့် သဘာဝဘေး အန္တရာယ်များကြောင့် အဓိက ရွှေ့ပြောင်းနေထိုင် နေရခြင်းဖြစ်ကြောင်း သိရသည်။

ခန့်မှန်းခြေအားဖြင့် မြန်မာနိုင်ငံတွင် ရွှေ့ပြောင်းလုပ်သားဦးရေ သိန်းချီရှိသည်ဟု ဆိုသော်လည်း စာရင်းအတိအကျ ကောက်ယူထားခြင်း မရှိသည့်အတွက် ယခုထက်ပိုမိုရှိကြောင်း၊ ရွှေ့ပြောင်းလုပ်သားများတွင် နိုင်ငံသားများ အပါအ၀င် နိုင်ငံသား မဟုတ်သူများလည်း ပါဝင်ကြောင်းနှင့် ရွှေ့ပြောင်းသူများသည် ပြည်တွင်း၌ ရွှေ့ပြောင်းနေထိုင်ခြင်းများသာမက အလုပ်အကိုင်နှင့် ပညာရေး အခွင့်အလမ်းပေါ် မူတည်၍ ပြည်ပနိုင်ငံများသို့ ရွှေ့ပြောင်းနေထိုင်မှုများလည်း ရှိနေကြောင်း ကမ္ဘာ့ဘဏ်၏ ထုတ်ပြန်ချက်အရ သိရသည်။

ထို့ပြင် ၂၀၁၄ ခုနှစ် မြန်မာနိုင်ငံ လူဦးရေနှင့် အိမ်အကြောင်းအရာ သန်းခေါင်စာရင်းတွင် ထုတ်ပြန်ထားချက်အရ ယခင်နေထိုင်ခဲ့သည့် အရပ်မှ လက်ရှိနေမြဲအရပ်သို့ ရွှေ့ပြောင်းလာသည့် ၅၃ ရာခိုင်နှုန်းသည် အမျိုးသမီးများ ဖြစ်ကြောင်း၊ ကျားမအုပ်စု နှစ်ခုစလုံးတွင် ရွှေ့ပြောင်းရသည့် အဓိကအကြောင်းရင်းများမှာ ‘မိသားစုနောက်လိုက်၍’ နှင့် ‘အလုပ်ကြောင့်/အလုပ်ရှာရန်’ တို့ကြောင့်ဖြစ်ပြီး မိသားစုနောက်လိုက်၍ ပြောင်းရွှေ့ရခြင်းတွင် အမျိုးသား ၃၂ ရာခိုင်နှုန်းထက် အမျိုးသမီးများ ၄၉ ရာခိုင်နှုန်း ပိုမိုများပြားနေပြီး အလုပ်ကြောင့် အလုပ်ရှာရန်အတွက် ရွှေ့ပြောင်းမှုတွင် အမျိုးသားများ ၄၇ ရာခိုင်နှုန်းက အမျိုးသမီး ၂၃ ရာခိုင်နှုန်းထက် ပိုမိုများပြားနေကြောင်း သိရသည်။

ကမ္ဘာတစ်ဝန်းတွင် ရွှေ့ပြောင်းနေထိုင်သူဦးရေ တစ်ဘီလျံခန့်ရှိပြီး တစ်နိုင်ငံမှ တစ်နိုင်ငံသို့ ရွှေ့ပြောင်းနေထိုင်သူမှာ၂၁၄ သန်း နှင့် နိုင်ငံတွင်း ရွှေ့ပြောင်းနေထိုင်ကြသူမှာ သန်း ၇၄၀ ခန့်ရှိကြောင်း နိုင်ငံတကာ ရွှေ့ပြောင်းလုပ်သားများဆိုင်ရာ အဖွဲ့အစည်းမှ သိရသည်။

မြန်မာနိုင်ငံတွင် အသက် ၁၅ နှစ်မှ ၆၄ နှစ်အတွင်း အလုပ်လုပ်နိုင်သည့်အရွယ် ၃၂ သန်းခန့် ရှိကြောင်းနှင့် ယင်းအုပ်စုသည် လူဦးရေ စုစုပေါင်း၏ ၆၅ ဒသမ ၆ ရာခိုင်နှုန်းခန့်ရှိကြောင်း သိရသည်။

 

တပ်မတော်ကာကွယ်ရေးဦးစီးချုပ်၏ ဘင်္ဂါလီမွတ်စလင်တို့နှင့် ပတ်သက်သော မှတ်ချက်များကို ကုလသမဂ္ဂ အတွင်းရေးမှူးချုပ်က ပြစ်တင်ဝေဖန်

မြန်မာနိုင်ငံ၏ တပ်မတော်ကာကွယ်ရေးဦးစီးချုပ်က ဘင်္ဂါလီမွတ်စလင်များ (မူရင်း၌ ရိုဟင်ဂျာဟုဖော်ပြ) သည် အခြားတိုင်းရင်းသားလူမျိုးစုများနှင့် မည်သည့်အရာမျှ တူညီခြင်းမရှိဟု ကြေညာခဲ့ပြီးနောက် မတ် ၂၆ ရက်တွင် ကုလသမဂ္ဂ အတွင်းရေးမှူးချုပ် အန်တိုနီရိုဂူတာရက်စ်က ပြစ်တင်ဝေဖန်ခဲ့သည်။ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ စစ်ဘက်ဆိုင်ရာ တွေ့ဆုံပွဲတစ်ရပ်၌ ပြောကြားခဲ့သော မှတ်ချက်များနှင့်ပတ်သက်သော သတင်းများကြောင့် ၎င်းအနေဖြင့် အံ့သြတုန်လှုပ်ရကြောင်း ဂူတာရက်စ်က ပြောကြားခဲ့ပြီး အမုန်းတရားများ လှုံ့ဆော်မှုကို ဆန့်ကျင်ရာ၌ တစ်သားတည်းရပ်တည်ကြရန်နှင့် ယဉ်ကျေးမှုဆိုင်ရာ အဆင်ပြေညီညွတ်မှုရှိအောင် မြှင့်တင်လုပ်ဆောင်ရန် မြန်မာခေါင်းဆောင်များအား တောင်းဆိုခဲ့သည်။

မတ် ၂၆ ရက်က ကချင်ပြည်နယ်မြောက်ပိုင်းတွင် ပြုလုပ်သည့်တွေ့ဆုံပွဲနောက် ဗိုလ်ချုပ်မှူးကြီး မင်းအောင်လှိုင်သည် ရိုဟင်ဂျာများ (ပြည်ပသတင်းဌာန၏ ဖော်ပြချက်) ကို ဘင်္ဂါလီများဟု ရည်ညွှန်းခေါ်ဆိုခဲ့သည်။ ယင်းအခေါ်အဝေါ်အရ ၎င်းတို့သည် နိုင်ငံခြားသားများဖြစ်ကြောင်း ဆိုလိုခြင်းဖြစ်သည်။ ၎င်းအပြင် ဗိုလ်ချုပ်မှူးကြီး မင်းအောင်လှိုင်က ဘင်္ဂါလီများသည် မြန်မာတိုင်းရင်းသားများနှင့် စရိုက်လက္ခဏာများအရလည်းကောင်း၊ ယဉ်ကျေးမှုအရလည်းကောင်း တူညီခြင်းမရှိကြောင်းလည်း ပြောကြားခဲ့သည်။

“ဘင်္ဂါလီတွေက နိုင်ငံသားဖြစ်ခွင့် တောင်းဆိုတာကြောင့် တင်းမာမှုတွေ မီးမွှေးသလိုဖြစ်ခဲ့ပါတယ်” ဟု ဗိုလ်ချုပ်မှူးကြီး မင်းအောင်လှိုင်က ပြောကြားခဲ့ကြောင်း Dhaka Tribune က ဖော်ပြသည်။

ကုလသမဂ္ဂက လူမျိုးစုလိုက်သုတ်သင်မှု မြောက်နိုင်သည်ဟု ပြောကြားခဲ့သော တပ်မတော်၏ အဓိကစစ်ဆင်ရေးတစ်ရပ်ကြောင့် သြဂုတ်လအနှောင်းပိုင်းကတည်းက ဘင်္ဂါလီမွတ်စလင် (မူရင်း၌ ရိုဟင်ဂျာဟုဖော်ပြ) ၇၀၀,၀၀၀ ခန့်သည် အိမ်နီးချင်း ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြသည်။

ယင်းစစ်ဆင်ရေးသည် အစွန်းရောက်များကို အမြစ်ဖြတ်ချေမှုန်းရေးအတွက်သာ ရည်ရွယ်သည်ဟု မြန်မာအာဏာပိုင်များက ပြောကြားခဲ့သည်။

မြန်မာနိုင်ငံ၏ အရပ်သားအစိုးရအဖွဲ့ခေါင်းဆောင်နှင့် ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်သည် ဘင်္ဂါလီမွတ်စလင်များဘက်မှ ကာကွယ်ပြောကြားရန် ပျက်ကွက်သောကြောင့် ကမ္ဘာ့စင်မြင့်၌ သူ့အပေါ် ဒီမိုကရေစီအိုင်ကွန်အဖြစ် သတ်မှတ်ခံထားရမှုကို ဆုံးရှုံးခဲ့ရသည်။

ဂူတာရက်စ်က “ရိုဟင်ဂျာတွေ သူတို့သဘောဆန္ဒအလျောက် ဘေးကင်းလုံခြုံစွာနဲ့ ဂုဏ်သိက္ခာရှိစွာ နေရပ်ပြန်နိုင်ရေးသေချာစေဖို့ အခြေအနေရပ်တွေ နေသားတကျရှိရေးဟာ အလွန်အရေးကြီးပါတယ်” ဟုပြောကြားခဲ့သည်။

ကုလသမဂ္ဂလုံခြုံရေးကောင်စီက ဒုက္ခသည်အကျပ်အတည်းကို ပထမဆုံးကြည့်ရှုရန် မြန်မာနိုင်ငံသို့ သွာရောက်ရေးကို မျှော်လင့်နေသော်လည်း မြန်မာအာဏာပိုင်များက ယင်းခရီးစဉ်အတွက် ယခုတိုင် မီးစိမ်းပြခြင်းမရှိသေးပေ။

ဂူတာရက်စ်သည် နိုင်ငံတကာမီးမောင်းများအောက်၌ ဘင်္ဂါလီမွတ်စလင်တို့၏ အတိဒုက္ခများကို ဖော်ပြပေးမည့် မြန်မာနိုင်ငံဆိုင်ရာ အထူးသံတမန်တစ်ဦး ခန့်အပ်ရန်ကိစ္စကို လပေါင်းအတန်ကြာ ချိန်ဆနေခဲ့သည်။