ဆိပ်ကမ်းသုံး ယန္တရားပစ္စည်းသစ်များ တပ်ဆင်ခဲ့သည့် အေးရှားဝေါလ်ဆိပ်ကမ်း၌ ယခုနှစ်တွင် ဆိပ်ကမ်းတံတားနှင့် ကုန်ကိုင်တွယ်မှု ရာခိုင်နှုန်း ၃၀ တိုးတက်လာနိုင်မည်ဟု သိရ

အေးရှားဝေါလ်ဆိပ်ခံတံတားရှိ ကုန်သေတ္တာခြောက်လုံးအထိ ဆင့်ထပ်နိုင်သော RTG ကရိန်းများအား တွေ့ရစဉ် (ဓာတ်ပုံ – ကြည်နိုင်)

ဆိပ်ကမ်းသုံး ယန္တရားပစ္စည်းသစ်များ တပ်ဆင်ခဲ့သည့် အေးရှားဝေါလ်ဆိပ်ကမ်း၌ ယခုနှစ်တွင် ဆိပ်ကမ်းတံတာနှင့် ကုန်သေတ္တာလွင်ပြင်၏ ကုန်ကိုင်တွယ်မှု ရာခိုင်နှုန်း ၃၀ တိုးတက်လာနိုင်မည်ဖြစ်ကြောင်း Asia World Port Management Co. မှ ထုတ်ပြန်သော သတင်းထုတ်ပြန်ချက်များအရ သိရသည်။

ရန်ကုန်ဆိပ်ကမ်းဧရိယာရှိ အေးရှားဝေါလ်ဆိပ်ကမ်း၌ ကုန်သေတ္တာ ခြောက်လုံးအထိ ဆင့်ထပ်နိုင်သော RTG ကရိန်းကိုးစင်း အပါအ၀င် ဆိပ်ကမ်းသုံး ယန္တရားပစ္စည်းသစ် ၁၄ မျိုးအား ဧပြီ ၂၉ ရက်က စတင်တပ်ဆင် အသုံးပြုခြင်းနေပြီဖြစ်သည်။

အေးရှားဝေါလ်/ထီးတန်း ဆိပ်ခံတံတားအနေဖြင့် ၂၀၁၇-၂၀၁၈ ဘဏ္ဍာရေးနှစ်တွင် သွင်းကုန်၊ ပို့ကုန် ကုန်သေတ္တာ TEU ၄၀၅၃၉၀ နှင့် သွင်းကုန် ပို့ကုန်တန်ချိန်ပေါင်း ၅၄၁၆၇၁၈ ကိုင်တွယ် ဆောင်ရွက်ပေးနိုင်ခဲ့ပြီး ရန်ကုန်ဆိပ်ကမ်း တစ်ခုလုံး၏ ၃၈.၈ ရာခိုင်နှုန်း ကိုင်တွယ်ဆောင်ရွက် ပေးနိုင်ခဲ့ကြောင်း သတင်းရရှိသည်။

အေးရှားဝေါလ် ဆိပ်ကမ်းတံတားတွင် တပ်ဆင်အသုံးပြုသည့် ဆိပ်ကမ်းသုံး ယန္တရားပစ္စည်းသစ်များတွင် ကုန်သေတ္တာ ခြောက်လုံးအထိ ဆင့်ထပ်နိုင်သော RTG ကရိန်း ကိုးစင်း၊ Mobile Harbour Crane တစ်စင်း၊ ကုန်သေတ္တာ သုံးလုံးအထိ ဆင့်ထပ်နိုင်သော Reach Stackers (RS) နှစ်စင်း၊ Empty Container Handlers နှစ်စင်းတို့ဖြစ်ကြောင်း Asia World Port Management Co. မှ ထုတ်ပြန်သော သတင်းထုတ်ပြန်ချက်များအရ သိရသည်။

အေးရှားဝေါလ်ဆိပ်ကမ်း၌ ဆိပ်ကမ်းသုံး ယန္တရားပစ္စည်းသစ်များ စတင်အသုံးပြုခြင်းကြောင့် ဆိပ်ကမ်းတံတားနှင့် ကုန်သေတ္တာလွင်ပြင်၏ ကုန်ကိုင်တွယ်နိုင်မှုပိုင်းတွင် ရာခိုင်နှုန်း ၃၀ ခန့် ပိုမိုတိုးတက် လာနိုင်မည်ဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်၌ ရန်ကုန်ဆိပ်ကမ်း တစ်ခုလုံး၏ ကုန်သေတ္တာကိုင်တွယ်မှုမှာ TEU ၁ ဒသမ ၄၃ သန်းခန့်ရှိပြီး ရန်ကုန်အတွင်း ဆိပ်ကမ်းများဖြစ်သည့် အေးရှားဝေါလ်/ထီးတန်းဆိပ်ခံတံတား၊ မြန်မာ့စက်မှုဆိပ်ကမ်း၊ အလုံအပြည်ပြည်ဆိုင်ရာ ဆိပ်ခံတံတား၊ ဗိုလ်အောင်ကျော်ဆိပ်ခံတံတား ငါးစင်းမှ TEU ၈၈၅၇၁၄ ကိုင်တွယ်နိုင်ခဲ့ပြီး ရန်ကုန်ကုန်းတွင်း ဆိပ်ကမ်းများသည် စုစုပေါင်း ကုန်သေတ္တာ၏ ၈၅ ရာခိုင်နှုန်းခန့်  ကိုင်တွယ်နိုင်ခဲ့ခြင်းဖြစ်သည်။

ရန်ကုန်ဆိပ်ကမ်း ဧရိယာအတွင်း ကုန်သေတ္တာတင် သင်္ဘောများ ဆိုက်ကပ်သည့် ဆိပ်ကမ်းတံတား ငါးခုဖြစ်သည့် အေးရှားဝေါလ်/ထီးတန်း ဆိပ်ခံတံတား၊ မြန်မာ့စက်မှုဆိပ်ကမ်း၊ အလုံအပြည်ပြည်ဆိုင်ရာ ဆိပ်ခံတံတား၊ ဗိုလ်အောင်ကျော် ဆိပ်ခံတံတားနှင့် သီလ၀ါ အပြည်ပြည်ဆိုင်ရာ ဆိပ်ခံတံတားများသည် လက်ရှိတွင် ကုန်သေတ္တာတင် သင်္ဘောများ ဆိုက်ကပ်၍ ကုန်စည်ကိုင်တွယ်မှုများ ဆောင်ရွက်နေပြီး ကုန်းတွင်းပိုင်း ဆိပ်ကမ်းများအနက် အေးရှားဝေါလ်နှင့် မြန်မာ့စက်မှုဆိပ်ကမ်းတို့သည် အဓိက ကုန်သေတ္တာ ဆိပ်ကမ်းများအဖြစ် ရပ်တည်လျက်ရှိကြောင်း သိရသည်။

ရန်ကုန်မြို့၏ စီးပွားရေး ဖွံ့ဖြိုးစေရန်နှင့် ကုန်သွယ်မှုစရိတ် သက်သာရန် မေ ၁၅ ရက်မှစ၍ အရေးကြီး ပို့ကုန်သွင်းကုန်များအား လမ်းကြောင်းရှင်းယာဉ်ဖြင့် ဆိပ်ကမ်းနှင့် ချိတ်ဆက်ပို့ဆောင်နေ

ရန်ကုန်မြို့ ကမ်းနားလမ်းတွင် ကုန်သေတ္တာတင်ယာဉ်များ သွားလာနေသည်ကို တွေ့ရစဉ် (ဓာတ်ပုံ-ကြည်နိုင်)

ရန်ကုန်မြို့၏ စီးပွားရေးကဏ္ဍ ဖွံ့ဖြိုးစေရေးနှင့် ကုန်သွယ်မှုစရိတ်များ သက်သာစေရေးအတွက် မေ ၁၅ ရက်မှစ၍ အရေးကြီး Export/Import ပို့ကုန်သွင်းကုန် ကုန်စည်များအား လမ်းကြောင်းရှင်းယာဉ်ဖြင့် ဆိပ်ကမ်းနှင့် ချိတ်ဆက်ပို့ဆောင်နေကြောင်း မြန်မာနိုင်ငံ ကုန်သေတ္တာတင် မော်တော်ယာဉ်များအသင်းမှ သိရသည်။

အဆိုပါ ကိစ္စနှင့်ပတ်သက်၍ ဘုရင့်နောင် လမ်းကြောင်းအတွင်း (နေ့ပိုင်း) အရေးကြီး Export/Import ကုန်စည်များအား လမ်းကြောင်းယာဉ်ဖြင့် ဖြတ်သန်းပို့ဆောင်ရန် ဆောင်ရွက်မည် ဖြစ်ခြင်းကြောင့် စနစ်တကျ သွားလာနိုင်ရေး ပူးပေါင်းဆောင်ရွက်ပေးနိုင်ရန် သက်ဆိုင်ရာ ကုန်စည်အသင်းများကိုလည်း အကြောင်းကြားထားသည်။

ရန်ကုန်တိုင်းဒေသကြီး အစိုးရအဖွဲ့၏ စီမံခွင့်ပြုချက်အရ စီးပွားရေးကဏ္ဍ ဖွံ့ဖြိုးတိုးတက်စေရေး၊ ကုန်သွယ်မှုကဏ္ဍ စရိတ်စကများ လျော့နည်းသက်သာစေရေးများနှင့် အများပြည်သူ သွားလာရေးကို မထိခိုက်စေဘဲ ယာဉ်ကြောကျပ်တည်းမှု နည်းပါးသည့် အချိန်အတွင်း အရေးကြီး ကုန်စည် Export/Import ကုန်သေတ္တာယာဉ်များအား သွားလာပို့ဆောင်ရန် ခွင့်ပြုချက်အရ ယာဉ်ထိန်းတပ်ဖွဲ့နှင့်အတူ မြန်မာနိုင်ငံ ကုန်သေတ္တာတင် မော်တော်ယာဉ်များအသင်းက စီစဉ်ဆောင်ရွက်နေခြင်း ဖြစ်သည်။

အဆိုပါ အရေးကြီး Export/Import ကုန်စည်များအား အနောက်ဘက်လမ်းကြောင်း ဖြစ်သော ဘုရင့်နောင် လမ်းကြောင်းပေါ်မှ Export ကုန်သေတ္တာများအတွက် အင်းစိန်သံမဏိစက်ရုံရှေ့ နေရာအား စုရပ်အဖြစ် ထားရှိ၍ နံနက် ၁၁ နာရီတွင် လမ်းကြောင်းရှင်း ယာဉ်များဖြင့် ဆိပ်ကမ်းသို့ ပို့ဆောင်သွားမည် ဖြစ်သည်။ ထို့အတူ Import ကုန်သေတ္တာများအတွက် ရန်ကုန်ဆိပ်ကမ်း (Asia World) ထိပ်စုရပ်မှ မွန်းလွဲ ၁ နာရီတွင် လမ်းကြောင်းရှင်းယာဉ်ဖြင့် ပို့ဆောင်သွားနိုင်ရေးများကို ၂၀၁၈ ခုနှစ် မေ ၁၅ ရက်မှစတင်၍ သွားလာနိုင်ရန် ဆောင်ရွက်ထားကြောင်း သိရသည်။

ထို့ကြောင့် Exporter/Importer ပို့ကုန်သွင်းကုန်လုပ်ငန်းရှင်များ အနေဖြင့် မိမိတို့၏ အရေးကြီး ကုန်စည်များအား အဆိုပါ ခရီးစဉ်များအတွင်း ပါဝင်ပို့ဆောင်နိုင်ရေးအတွက် ကြိုတင်ပြင်ဆင်မှုများ ဆောင်ရွက်နိုင်ရန်နှင့် စနစ်တကျ သွားလာနိုင်ရေး ပူးပေါင်းဆောင်ရွက်ပေးရန် မြန်မာနိုင်ငံ ကုန်သေတ္တာတင် မော်တော်ယာဉ်များ အသင်းက သက်ဆိုင်ရာ အသင်းအဖွဲ့များကို အသိပေးထားသည်။

ရန်ကုန်မြို့အတွင်း တစ်ကီလိုမီတာအတွက် ကုန်စည်သယ်ယူပို့ဆောင်ရေး စရိတ်သည် စိုက်ပျိုးထုတ်လုပ်ရာ မူရင်းဒေသမှ ရန်ကုန်မြို့သို့ ရောက်ရှိသည့် တစ်ကီလိုမီတာအတွက် ကျသင့်သော သယ်ယူပို့ဆောင်ရေး စရိတ်ထက် ခြောက်ဆမှ ရှစ်ဆအထိ များပြားနေကြောင်း ကမ္ဘာ့ဘဏ်အဖွဲ့၏ ကုန်သွယ်ရေးနှင့် ယှဉ်ပြိုင်နိုင်စွမ်း ကဏ္ဍမှ အထောက်အပံ့ ပြုထားသည့် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ပြန်တမ်းဝင် အရာရှိများ ပြုစုထားသော အမျိုးသား ကုန်သွယ်ရေးလမ်းကြောင်း တစ်လျှောက် ထောက်ပံ့ပို့ဆောင်ရေး လုပ်ဆောင်မှုအား လေ့လာအကဲဖြတ်ခြင်း စာတမ်းတွင် သုံးသပ်ထားသည်။