အိမ်ရှင်မတွေကို ခြောက်လှန့်နေတဲ့ တစ္ဆေ

ရန်ကုန်မြို့ မြို့နယ်တစ်ခုအတွင်းရှိ ဈေးတစ်ခုတွင် ရောင်းချနေသော ဈေးသည်များအား တွေ့ရစဉ် ( ဓာတ်ပုံ – ကြည်နိုင်)

ဒီဘက်ခေတ်မှာ မနက်လင်းမှာကို ကြောက်လန့်နေရသူတွေက အိမ်ရှင်မတွေ ဖြစ်ပါတယ်။  မိသားစု စားသောက်ရေးအတွက် စီမံခန့်ခွဲပေးနေရတဲ့ အိမ်ရှင်မတွေကို နေ့စဉ် ကြောက်လန့်အောင် ခြောက်နေတဲ့သူက ဘယ်သူပါလဲ။

မိတ်ဆွေတို့ အနီးအနားမှာရှိတဲ့ မိခင်၊ ဇနီး၊ ဆွေမျိုးသားချင်း၊ မိတ်ဆွေ၊ အပေါင်းအသင်းတွေထဲက အိမ်ရှင်မတွေဟာ နေ့စဉ်လိုလို ကုန်ဈေးနှုန်းတစ္ဆေရဲ့ ခြောက်လှန့်မှုကို ခံနေရတာပါ။

အိမ်ထောင်ဦးစီး ခင်ပွန်းဖြစ်သူရဲ့ ၀င်ငွေ ဒါမှမဟုတ် လင်မယားနှစ်ယောက်ရဲ့ ၀င်ငွေနဲ့ နေ့စဉ် စား သောက်နိုင်ဖို့ စီမံရတာဟာ ဒီဘက်ခေတ်က အိမ်ရှင်မတွေအတွက်တော့ မလွယ်လှပါဘူး။

အဆိုးဆုံးက အခြေခံလက်လုပ်လက်စား အိမ်ရှင်မတွေပဲ ဖြစ်ပါတယ်။ ၀င်ငွေနည်းတဲ့ အခြေခံ လူတန်းစား အိမ်ရှင်မတွေအတွက်တော့ မြင့်တက်လာတဲ့ ကုန်ဈေး နှုန်းက နေ့စဉ်ခြောက်လှန့်နေတဲ့ တစ္ဆေ တစ်ကောင်ပါပဲ။

သားသမီးမရှိသေးတဲ့ အိမ်ရှင်မတွေအတွက်တော့ လင်မယားနှစ်ယောက်ရဲ့ ၀င်ငွေနဲ့ ကုန်ဈေး နှုန်းမြင့်တက်မှုဒဏ်ကို ခုခံနိုင်ပေမဲ့ သားသမီးရှိတဲ့ အိမ်ရှင်မတွေအတွက်တော့ မြင့်တက်လာတဲ့ ကုန် ဈေးနှုန်းရဲ့ဒဏ်မှာ အလူးအလဲ ခံနေရပါတယ်။

ဒီကြားထဲ သားသမီးများတဲ့ အိမ်ရှင်မတွေဆို အပြင်အလုပ် ထွက်မလုပ်နိုင်တာကြောင့် ခင်ပွန်းဖြစ်သူရဲ့ လစာတစ်ခုတည်းနဲ့ မိသားစု ရှင်သန်ဖို့အတွက် မနည်းရုန်းကန်နေရတဲ့ အနေအထားမျိုးပါ။

ရန်ကုန်မြို့ရဲ့ လက်လီရောင်းတဲ့ ဈေးတွေမှာ လက်ထဲငွေနှစ်ထောင်၊ သုံးထောင်လောက်နဲ့ ခြေတိုအောင် လျှောက်ပြီး ဈေးဝယ်နေရတဲ့ အိမ်ရှင်မတွေ အများအပြား ရှိပါတယ်။

ဒီနှစ် ဖေဖော်ဝါရီကစပြီး ဆန်ဈေးအပါအ၀င် စားသောက် ကုန်တွေ ဈေးတက်ခဲ့ပါတယ်။ သင်္ကြန်အပြီးမှာ ကုန်းဈေးနှုန်းတွေ ပြန်ကျဖို့  အိမ်ရှင်မတွေက မျှော်လင့်ခဲ့ပေမဲ့ ဖြစ်မလာခဲ့ပါဘူး။

ပြီးခဲ့တဲ့ ဇူလိုင်လမှာတော့ ဆန်၊ ဆီ၊ ငရုတ်၊ ကြက်သွန်စတဲ့ မီး ဖိုချောင်သုံးကုန်ပစ္စည်းတွေ အပါအ၀င် သားငါးဈေးတွေက တရိပ်ရိပ်နဲ့ မြင့်တက်လာခဲ့တာ သြဂုတ်လမှာ သိသိသာသာ ဖြစ်လာပါတယ်။

“အရင်က မိသားစု ငါးယောက်အတွက် ဈေးဝယ်ရင် တစ်သောင်းဆို နှစ်ထောင်လောက်က ပိုသေးတယ်။ အခုဆို မပိုတော့ဘူး” လို့ တာမွေမြို့နယ်က အိမ်ရှင်မ တစ်ဦးဖြစ်သူ ဒေါ်ခင်သီတာက ညည်းညည်းညူညူနဲ့ ပြောပါတယ်။

ခင်ပွန်းဖြစ်သူ အနေနဲ့ကလည်း မိသားစု ငါးယောက်စရိတ်ကို လောက်ငအောင်လို့ မနည်းရုန်းကန်နေရတယ်လို့ သူက ဆိုပါတယ်။

“အစ်မယောက်ျားရဲ့ အလုပ်က တစ်နေ့ကို တစ်သောင်းကျော်လောက်ရှာနိုင်လို့ အိမ်စရိတ်ကို တစ်သောင်းလောက် ပေးနိုင်တာ။ အစ်မယောက်ျားသာ တစ်လ တစ်သိန်းကျော်လောက်ပဲရတဲ့ ၀န်ထမ်း ဆို အစ်မတို့ မိသားစုငါးယောက် ရဲ့ စားရေးသောက်ရေးက မလွယ်ဘူး”လို့ သူက ပြောပါတယ်။

အိမ်ရှင်မတွေ ညည်းညူ ချင်လည်း ညည်းညူချင်စရာပင်။ လက်ရှိ လက်လီရောင်းနေတဲ့ ဈေးတွေမှာ ဆန်ဈေး၊ ဆီဈေး၊ အသားငါးဈေး၊ အသီးအရွက်ဈေးနဲ့ မီးဖိုချောင်သုံး ကုန်ပစ္စည်းတွေရဲ့ ဈေးနှုန်းက အားလုံးနီးပါး တက်နေပါတယ်။

ဒီထဲမှာ သိသိသာသာ တက်လာတာက ဆန်ဈေးနှုန်း ဖြစ်ပါတယ်။ အခြေခံလူတန်းစားအများစု စားနေတဲ့ ဖျာပုံပေါ်ဆန်း(ရိုးရိုး)က စလို့ ဆန်ကြမ်းတွေဖြစ်တဲ့ ဇီရာ၊ ဧည့်မထစတဲ့ ဆန်တွေအဆုံး ပျမ်းမျှတစ်ပြည်ကို ငါးရာလောက် တက်သွားပါတယ်။

ဖျာပုံပေါ်ဆန်း(ရိုးရိုး) တစ်ပြည်ကို အရင်က ၁၈၀၀ လောက်သာ ရှိပေမယ့် လက်ရှိမှာ ၂၂၀၀ နဲ့ ၂၃၀၀ ကြားမှာ ရှိနေပါတယ်။ လက်လီရောင်းတဲ့ဈေးတွေမှာ ပေါ်ဆန်းတစ်ပြည်  ၂၀၀၀ နဲ့ ရောင်းပါက အရောအနှောတွေသာ ရမှာပါ။ ဆန်ကြမ်းတွေဖြစ်တဲ့ ဇီရာ၊ ဧည့်မထဆိုရင်လည်း အရင်က တစ်ပြည်ကို ၉၀၀- ၁၀၀၀ လောက်သာ ရှိပေမယ့် လက်ရှိမှာ ၁၂၀၀-၁၃၀၀ အထိ ဈေးတက်သွားခဲ့ပါတယ်။

ဆီဈေးကလည်း မငြိမ်ပါဘူး။ လက်လီဈေးတွေထဲမှာ ပါကင်ထုပ်ထားတဲ့ ၃၀ သား ပဲဆီတစ်ဘူးကို အရင်က ၁၈၀၀ လောက်သာ ရှိပေမယ့် လက်ရှိမှာ ၂၀၀၀ အထိ ဈေး တက်သွားပါတယ်။ ဒါ့ပြင် စားအုန်း ဆီဈေးနှုန်းကလည်း အရင်က တစ်ပိဿကို ၁၇၀၀-၁၈၀၀ လောက်သာရှိပေမယ့် လက်ရှိမှာတော့ ၂၀၀၀ ဖြစ်နေပါပြီ။

ကြက်သွန်နဲ့ အာလူးဈေးနှုန်းကလည်း တစ်ပိဿကို ၂၀၀ လောက် တက်လာပါတယ်။ ချဉ်ပေါင်၊ ကန်စွန်းရွက်စတဲ့ အသီးအရွက် ဈေးနှုန်းတွေကလည်း တစ်စည်းကို ၁၀၀ ကနေ ၂၀၀ လောက် အထိ တက်လာပါတယ်။

ထမင်းဟင်းချက်တဲ့အခါ လျှပ် ထမင်းပေါင်းအိုးနဲ့  ဟော့ပလိပ်စတဲ့ လျှပ်စစ်ပစ္စည်းတွေကို မသုံးတဲ့ အိမ် ရှင်မတွေအတွက် နောက်ထပ်ထိုးနှက်ချက်တစ်ခုကတော့ မီးသွေးဈေးနှုန်းပဲ ဖြစ်ပါတယ်။ အရင်က မီးသွေး တစ်အိတ်ကို ၄၀၀၀-၄၅၀၀ သာ ရှိပေမဲ့ လက်ရှိမှာတော့ ၆၀၀၀ ဖြစ်နေပြီ ဖြစ်ပါတယ်။ တစ်ပိဿချင်း ၀ယ်သုံးမယ်ဆိုပါက တစ်ပိဿအပြည့်ကို ၆၀၀ နဲ့ ၇၀၀ ပေးရပြီး တစ်ပိသာမပြည့်တဲ့ အလျော့ကို တော့ ၅၀၀ ဈေးရှိနေပါတယ်။

နောက်ထပ် ဈေးတက်တဲ့ စားသောက်ကုန်ကတော့ ဘဲဥ၊ ကြက်ဥ ပဲ ဖြစ်ပါတယ်။ လက်လီရောင်းတဲ့ ဈေးတွေမှာ ဘဲဥတစ်လုံးဈေးက အရင် ၁၈၀ ရှိပေမယ့် အခု ၂၅၀ နဲ့ ရောင်းနေပါတယ်။ ကြက်ဥကတော့ အလုံးကြီးချောဆိုရင် တစ်လုံးကို အရင်က ၁၃၀ သာရှိပေမယ့် အခု ၁၇၀ ဖြစ်နေပါတယ်။

အရင်က အပြင်ထမင်းဆိုင်တွေမှာ ဘဲဥ၊ ကြက်ဥနဲ့ ထမင်းစားမယ်ဆိုရင် ငါးရာလောက်နဲ့ ရပေမဲ့ လက်ရှိမှာတော့ ရှစ်ရာ၊ တစ်ထောင် နဲ့ ဆိုင်တွေက ရောင်းနေပါတယ်။

ဒါ့ပြင် မနက်သရေစာ ဖြစ်တဲ့ မုန့်ဟင်းခါး၊ အသုပ်စုံ၊ ဆီချက်နဲ့ ရှမ်း ခေါက်ဆွဲ စတဲ့ မုန့်ပဲသရေစာတွေရဲ့ ဈေးနှုန်းကလည်း တစ်ပွဲကို နှစ်ရာလောက် တက်လာပါတယ်။ လက်ဖက်ရည်တစ်ခွက်ကို အရင်က ၂၅၀-၃၀၀ သာ ရှိပေမဲ့ လက်ရှိမှာတော့ ဆိုင်တွေက ၄၀၀-၅၀၀ နဲ့ ရောင်းနေပါတယ်။

ဒီလို အခြေခံ စားသောက်ကုန် ဈေးနှုန်းတွေ ဈေးတက်နေတာနဲ့ ပတ်သက်လို့ မြို့နယ်တစ်ချို့က ဈေး ရောင်းသူတွေနဲ့ ဈေးဝယ်သူတွေရဲ့ အမြင်ကို မေးမြန်းရာမှာ အားလုံးက ကုန်ဈေးနှုန်းတည်ငြိမ်တာကိုပဲ လိုချင်တယ်လို့ ဖြေဆိုကြပါတယ်။

“ကုန်ဈေးနှုန်း အကြောင်းကတော့ မပြောချင်တော့ဘူး။ တစ်ခါလာလည်းတက်၊ တစ်ခါလာလည်းတက်နဲ့ ဘယ်တော့မှ ပြန်ကျတယ်ကို မရှိဘူး။ အဒေါ်တို့လည်း ဈေးသာရောင်းနေရတာ ဈေးတက်ပြီဆို ကိုယ့်ဖောက်သည်တွေကို မျက်နှာပူရတယ်။ အဒေါ်တို့လည်း ဘယ်တက်ချင်ပါ့မလဲ။ မသက်သာလို့သာ တက်ရတာ။ တချို့နွမ်းပါးတဲ့သူတွေဆို ဒီလိုပဲ မမြတ်လည်း ရောင်းပေးလိုက်တယ်”လို့ တာမွေမြို့နယ်ထဲက ကုန်ခြောက်ဆိုင်ပိုင်ရှင်တစ်ဦးက ဆိုပါတယ်။

တချို့ဈေးသည်တွေက တခြားစားသောက်ကုန်တစ်ခုခု ဈေးတက်တာနဲ့ သူတို့ ကုန်ပစ္စည်းကိုပါ ဈေး တက်ရောင်းချနေတာတွေရှိတယ်လို့ ၀ယ်သူတွေက ဆိုပါတယ်။

“တက်တာတော့ အကုန်တက်နေတာပဲ။ ဒါပေမဲ့ တချို့ဟာတွေ ကျတော့ ဘာမှန်း မသိဘဲနဲ့ကို တက် နေတာ”လို့ တောင်ဒဂုံမြို့နယ်က အိမ်ရှင်မတစ်ဦးက ပြောပါတယ်။

အခြေခံ စားသောက်ကုန်တွေ လိုပဲ တခြားရယ်ဒီမိတ်အစားအစာ၊ ဆေးဝါးနဲ့ လူသုံးကုန်ပစ္စည်းတွေရဲ့ ဈေးနှုန်းတွေကလည်း ငါးဆယ်နဲ့ တစ်ရာကြားမှာ မြင့်တက်လို့ လာပါတယ်။

ဒီလို ကုန်ဈေးနှုန်း တက်လာရခြင်းက ဒေါ်လာဈေး အတက်အကျ နဲ့ ဆိုင်တယ်လို့ ဈေးရောင်းသူတွေနဲ့ ဈေးဝယ်သူတွေက ဆိုပါတယ်။

တချို့ကတော့ ၀န်ထမ်းတွေ လစာတိုးတဲ့အချိန်တိုင်း ကုန်ဈေးနှုန်းက နောက်ကနေ အဆက်မပြတ် လိုက်တက်နေတယ်လို့ ယုံကြည် နေကြပါတယ်။

“လခတိုးတာက သုံသောင်းလောက် တိုးတယ်။ ကုန်ဈေးနှုန်းက တက်တာနဲ့ ဘာမှမထူးဘူး”လို့ ကုမ္ပဏီဝန်ထမ်း အိမ်ရှင်မတစ်ဦး က ဆိုပါတယ်။

လခတိုးတိုင်း ကုန်ဈေးနှုန်းလိုက်တက်တာကို ထင်ရှားတဲ့ ဥပမာ ပြရရင် မြန်မာနိုင်ငံမှာ ၂၀၁၅ စက်တင်ဘာ ၁ ရက်က စတင် အသက်ဝင်ခဲ့တဲ့ အနည်းဆုံး အခကြေးငွေ တစ်ရက် ကျပ် ၃၆၀၀ သတ်မှတ်ပြီး နောက်ပိုင်း အခြေခံစားသောက်ကုန်တွေက တရိပ်ရိပ်နဲ့ ထိုးတက်လာခဲ့ပါတယ်။

အခြေခံ စားသောက်ကုန်ဖြစ်တဲ့ ကန်စွန်းရွက်တစ်စည်းကို ငွေကျပ် ၁၅၀၊၂၀၀ လောက်သာ ပေးရပေမယ့် အနည်းဆုံးအခကြေးငွေ သတ်မှတ်ပြီးနောက်ပိုင်း ၃၀၀ ကျပ်အထိ ဖြစ်လာပါတယ်။

ဒါ့ပြင် နေ့စဉ်စားနေရတဲ့ ဆန်ဈေး၊ ဆီဈေးနဲ့ နောက်ဖေးမီးဖို ချောင်သုံးကုန်ပစ္စည်းတွေရဲ့ ဈေးနှုန်းတွေကလည်း အနည်းဆုံး အခကြေးငွေသတ်မှတ်ပြီး သုံးလအတွင်း တရိပ်ရိပ်မြင့်တက်လာခဲ့ပါတယ်။

ရွှေပြည်သာမြို့နယ် ဘုရင့်နောင်လမ်းအနီးရှိ စည်ပင်သာယာရေးဈေးတစ်ဈေးတွင် အိမ်ရှင်မများ ဈေးဝယ်နေစဉ် ( ဓာတ်ပုံ – ကြည်နိုင်)

ဆန်ဈေးနှုန်းက ၂၀၁၅ ခုနစ် စက်တင်ဘာမှာ ဖျာပုံပေါ်ဆန်း တစ် အိတ်ကို ၄၄၀၀၀ ကျပ်ရှိရာကနေ နိုဝင်ဘာမှာ ၄၅၅၀၀ ကျပ်၊ ရွှေဘို ပေါ်ဆန်း တစ်အိတ်ကို ၅၁၅၀၀ ကျပ်ကနေ  ၅၄၀၀၀ ကျပ်၊ မြောင်းမြ ပေါ်ဆန်းတစ်အိတ်ကို ၄၄၅၀၀ ကျပ်ကနေ ၄၇၀၀၀ ကျပ်၊ ဧည့်မထ တစ်အိတ်ကို ၂၅၀၀၀ ကျပ်ကနေ ၂၈၀၀၀ ကျပ်၊ ငစိန်တစ်အိတ်ကို ၂၀၀၀၀ ကျပ်ကနေ ၂၁၅၀၀ ကျပ် အဖြစ် အသီးသီး ဈေးတက်ခဲ့ပါတယ်။

ဒီဈေးနှုန်းဈေးနှုန်းတွေက ရန်ကုန်မြို့တွင်းရောင်းချနေတဲ့ ဆန်ဆိုင်အချို့ကနေ ကောက်ယူထားတဲ့ ဈေးနှုန်းများဖြစ်ပြီး ဈေးနှုန်းအနည်းငယ် အပြောင်းအလဲ ရှိနိုင်ပေမယ့် ဆန်ဈေးနှုန်းက တက်ခဲ့တာက အမှန်ဖြစ်ပါတယ်။

“ကုန်ဈေးနှုန်းကတော့ တစ်လ နဲ့ တစ်လ မတူဘူး။ အရင်လတုန်းကဆိုရင်တောင် ဆန်တစ်ပြည်ကို ငွေ ၂၀၀၀ လောက်နဲ့ ၀ယ်လို့ ရသေးတယ်။ အခုလက်ရှိမှာ ၂၅၀၀ တန် လောက်မှ ဆန်က ကောင်းကောင်း ကန်းကန်းစားရတာ။ ၁၈၀၀၊ ၁၅၀၀ ဆိုတာက ဆန်ကွဲကို စားနေရတဲ့ အတိုင်းပဲ။ ကုန်ဈေးနှုန်းတွေ ဒီလို မြင့်တက်လာတဲ့အပေါ်မှာ အလုပ်သမားတွေအနေနဲ့ လုပ်ခလစာက ဖူလုံမှုမရှိဘူး။ ဖူလုံမှုမရှိတဲ့အပေါ် မှာ ကုန်ဈေးနှုန်းကလည်း အနောက်ကနေ အချိန်နဲ့ တစ်ပြေးညီ မြင့်တက်လာတော့ ကျွန်တို့ရဲ့ လုပ်အားက လုပ်သာလုပ်နေရတယ်။ ကျွန်မတို့ အလုပ်သမားတွေမှာ သင့်တင့်မျှတတဲ့ စားသောက်နေထိုင်မှုမျိုးကို အခုချိန်ထိ မရရှိသေးဘူး”လို့  အထည်ချုပ် အလုပ်သမတစ်ဦးက ပြောပါတယ်။

အနည်းဆုံး အခကြေးငွေ ဥပဒေအရ နှစ်နှစ်ပြည့်ရင် အနည်းဆုံးအခကြေးငွေကို ပြန်လည်သတ် မှတ်ရမယ်လို့ ပြဋ္ဌာန်းထားပေမယ့် သုံးနှစ်အကြာ ၂၀၁၈ မေ ရောက်မှသာ အနည်းဆုံးအခကြေးငွေကို ကျပ် ၃၆၀၀ ကနေ ကျပ် ၄၈၀၀ ကို တိုးမြှင့် သတ်မှတ်နိုင်ခဲ့ပါတယ်။

ဒီလို အနည်းဆုံးအခကြေးငွေ တစ်ရက် ကျပ် ၄၈၀၀ တိုးမြှင့်သတ် မှတ်ပြီးနောက်ပိုင်း အမေရိကန်- တရုတ် ကုန်သွယ်ရေးစစ်ပွဲကြောင့် ပြည်တွင်းမှာ နိုင်ငံခြားငွေလဲလှယ်နှုန်း စံချိန်တင်မြင့်တက်ခဲ့ပြီး မြန်မာ ကျပ်ငွေတန်ဖိုးက ကိုးရာခိုင်နှုန်း အထိ ကျခဲ့ပါတယ်။

မြန်မာနိုင်ငံမှာ အဓိက စီးပွားရေးပြသနာများဖြစ်တဲ့ ကုန်သွယ်ရေး လိုငွေများပြားခြင်း၊ ပို့ကုန်နည်းပါးခြင်း၊ ဘတ်ဂျက်လိုငွေ များပြားခြင်း၊ ပြည်တွင်းပြည်ပ ရင်းနှီးမြုပ်နှံမှု နည်းပါးခြင်း၊ စီးပွားရေး တိုးတက်မှု ကျဆင်းခြင်း၊ ဈေးကွက်အတွင်း ဒေါ်လာလိုအပ်ချက် များပြားခြင်းစတဲ့ ပြသနာတွေကို မဖြေ ရှင်းနိုင်သေးတဲ့ အချိန်မှာ နိုင်ငံခြား ငွေလဲလှယ်နှုန်း မြင့်တက်ခဲ့ပြီး မြန်မာကျပ်ငွေ တန်ဖိုးကျဆင်းခဲ့ ခြင်းက နိုင်ငံ့စီးပွားရေးကိုသာမက အခြေခံလူတန်းစားတွေအထိ ရိုက်ခတ်ခဲ့ပါတယ်။

မြန်မာကျပ်ငွေ ကျဆင်းတဲ့ အပြင် ငွေကြေးဖောင်းပွမှုနဲ့ ကုန်ဈေးနှုန်း မြင့်တက်လာမှုကြောင့် အနည်းဆုံးအခကြေးငွေကို တိုးမြှင့်သတ်မှတ်ခဲ့ပေမယ့် အခြေခံအလုပ်သမား လူတန်းစားတွေရဲ့ ၀င်ငွေနဲ့ ထွက်ငွေကတော့ ပိုလျှံဖို့ထက် အကြွေး မတင်ရုံနဲ့တင် ကျေးဇူးတင်ရမယ့် ကိန်းဆိုက်နေပါတယ်။

ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းကတော့  ကုန်ဈေးနှုန်းမြင့်တက်ရာမှာ အခြေခံစားသောက်ကုန်တွေ အများကြီးပြောင်းလဲသွားခြင်း မရှိဘူးလို့ ဘီဘီစီသတင်းဌာနကို ဖြေကြားထား ပါတယ်။

ဒါပေမဲ့ တကယ့်မြေပြင်မှာ တော့ ကုန်ဈေးနှုန်းမြင့်တက်ခြင်း က အခြေခံလူတန်းစား၊ အလုပ်သမား နဲ့ အိမ်ရှင်မတွေကို အကျပ်အတည်း တွေ့စေပါတယ်။

စားသောက်ကုန်တွေ ဈေးနှုန်းမြင့်တက်လာတဲ့အတွက် အပြင်ဆိုင်တွေက ဈေးတင်ရောင်းလာတာတွေ ရှိပေမဲ့ လက်ရှိအခြေအနေမှာ ရောင်းအားကျဆင်းမှုတွေရှိလာတယ်လို့ ဆိုင်ပိုင်ရှင် တချို့က ဆိုပါတယ်။

“အရင်က မိသားစု သုံးယောက်လာရင် ဘာစားစား တစ်ယောက် တစ်ပွဲ၊ လက်ဖက်ရည်ဆိုလည်း တစ်ယောက် တစ်ခွက်၊ အခု ဈေးနှုန်းတွေ တက်ပြီးနောက်ပိုင်း မုန့်ဟင်းခါးတို့ အသုပ်တို့ကို ဆိုင်မှာ မစားတော့ပဲ ပါဆယ်ဆွဲကြတာ များလာတယ်။ လက်ဖက်ရည်ဆိုလည်း တစ်ခွက်လောက်ပဲ ပါဆယ်ဆွဲ သွားကြတယ်။ မိသားစုလိုက်ဆိုင်မှာ မစားတော့ဘူး။ ရောင်းအားက ကျ လာတယ်” လို့ တာမွေမြို့နယ်ထဲ မှာ လက်ဖက်ရည်ဆိုင်ပိုင်ရှင်တစ်ဦးက ဆိုပါတယ်။

ဘာကြောင့် အခြေခံစားသောက်ကုန်တွေရဲ့ ဈေးနှုန်းတွေက မြင့်တက်လာရပါသလဲ။ ဗဟိုစာရင်း အင်းအဖွဲ့ရဲ့ “မြန်မာနိုင်ငံ၏ စားသုံးသူဈေးနှုန်းနှင့် ငွေကြေးဖောင်းပွမှုအခြေအနေ “အစီရင်ခံစာမှာ တော့ ငွေကြေးဖောင်းပွမှုကြောင့် အခြေခံစားသောက်ကုန်တွေ သုံးရာခိုင်နှုန်းလောက် ဈေးတက်တယ် လို့ ဖော်ပြထားပါတယ်။

မြန်မာနိုင်ငံရဲ့ ငွေကြေး ဖောင်းပွမှုဟာ ဒီနှစ်ခြောက်လအတွင်း မြင့်တက်လာပြီး အခြေခံစားသောက်ကုန်ဈေးနှုန်းတွေကလည်း ပျမ်းမျှ သုံးရာခိုင်နှုန်လောက် မြင့်တက်လာတယ်လို့ အစီရင်ခံစာက ဆိုပါတယ်။

မြန်မာနိုင်ငံရဲ့ ငွေကြေး ဖောင်းပွမှုနှုန်းက ၂၀၁၈ ဇန်န၀ါရီမှာ ၄ ဒသမ ၄၀ ရာခိုင်နှုန်း ရှိပြီး ဇွန် မှာတော့ ၄ ဒသမ ၅၈ ရာခိုင်နှုန်း အထိ မြင့်တက်လာတယ်လို့ ဆိုပါ တယ်။

ဒီလို ငွေကြေးဖောင်းပွမှု မြင့်တက်လာတဲ့အတွက် ခြောက်လအတွင်း ဆန်ကြမ်း တစ်ပြည်ဈေးနှုန်း ဟာ ကျပ် ၁၃၈၀ ကနေ ၁၃၉၇ ကျပ် ဖြစ်လာတဲ့အတွက် တစ်ရာခိုင်နှုန်းကျော်မြင့်တက်လာပါတယ်။ ၂၀၁၈ ခုနှစ်စကနေ ဇွန်လအထိ ဆန်ချော ဈေးနှုန်းက တစ်အိတ်ကို ပျမ်းမျှကျပ် ၅၀၀၀ လောက် မြင့်တက်ခဲ့ပြီး ဆန်ကြမ်းဈေးနှုန်းကတော့ တစ်အိတ်ကို ကျပ် ၃၀၀၀ ကနေ ၄၀၀၀ အကြား မြင့်တက်ခဲ့ပါတယ်။

ကြက်သား၊ ၀က်သား၊ ကြက်ဥ စတာတွေက သုံးရာခိုင်နှုန်း မြင့်တက်လာတယ်လို့ ဆိုပါတယ်။ မြေပဲ ဆီ တစ်ပိသာဈေးနှုန်းကလည်း ၅၂၃၉ ကျပ်ကနေ ၅၆၀၄ ကျပ်ကို ရောက် ရှိလာတဲ့အတွက် ခြောက် ရာခိုင်နှုန်း မြင့်တက်လာတယ်လို့ အစီရင်ခံစာမှာ ဖော်ပြထားပါတယ်။

အခြေခံ အစားအစာတွေနဲ့ ကုန်ပစ္စည်းတွေ ဈေးနှုန်းမြင့်တက်လာပေမဲ့ မြန်မာနိုင်ငံရဲ့ အခြေခံ လစာပေးနှုန်းကတော့ အာဆီယံဒေသတွင်းမှာ အနည်းဆုံဖြစ်နေတယ်လို့ ရင်းနှီးမြှုပ်နှံမှုနှင့်ကုမ္ပဏီ များညွှန်ကြားမှုဦးစီးဌာန၊ ဂျပန် အပြည်ပြည်ဆိုင်ရာပူးပေါင်းဆောင် ရွက်ရေးအေဂျင်စီ (JICA) နှင့် Myanmar Survery Research (MSR) တို့က ပူးပေါင်းပြီး ထုတ်ပြန်တဲ့  “မြန်မာနိုင်ငံတွင် စီးပွားရေးလုပ်ရာ၌ ကုန်ကျမည့်စရိတ်များ “စာတမ်းမှာ ဖော်ပြထားပါတယ်။

ဒီစာတမ်းကို ဒီနှစ် ဧပြီက စတင်ပြီး နိုင်ငံအနှံ့မှာရှိတဲ့ ကဏ္ဍ ၁၅ ခုက ကုမ္ပဏီ ၂၃၉ ခုကို စစ်တမ်း ကောက်ယူခဲ့တာ ဖြစ်ပါတယ်။

စာတမ်းထဲမှာ ၀န်ထမ်းတစ်ဦး ရဲ့ အခြေခံလစာနှုန်းအဖြစ် အာဆီယံနိုင်ငံတွေဖြစ်တဲ့ လာအိုနိုင်ငံက ၁၄၂ ဒေါ်လာ၊ ကမ္ဘောဒီးယားက ဒေါ်လာ ၁၅၀ ၊ ဗီယက်နမ်က ၁၅၅ ဒေါ်လာ၊ ထိုင်းက ၃၂၂ ဒေါ်လာ ဖြစ်ပြီး မြန်မာနိုင်ငံကတော့ တစ်လ ပျှမ်းမျှပေးနှုန်း ၁၁၂ ဒေါ်လာဖြစ် တယ်လို့ ဖော်ပြထားပါတယ်။

မြန်မာနိုင်ငံမှာ အနည်းဆုံး အခကြေးငွေ နှုန်းထားကို တစ်ရက် ကျပ် ၄၈၀၀ အဖြစ် အစိုးရက တရားဝင် သတ်မှတ်ထားတဲ့အတွက် အခြေခံဝန်ထမ်းတစ်ဦးရဲ့ လစာက တစ်လ ၁၄၀၀၀၀ ကျော်လောက်သာ ရပါတယ်။

မြန်မာနိုင်ငံလုံးဆိုင်ရာ အလုပ်သမားသမဂ္ဂများ အဖွဲ့ချုပ် (CTUM) က ရန်ကုန်တိုင်းအတွင်း တစ်ဦးချင်း တစ်ရက်တာ ပျမ်းမျှအနည်းဆုံး အသုံးစရိတ်ကို ကောက်ယူရာမှာ ရွှေပြည်သာမှာ နေတဲ့သူရဲ့ အသုံး စရိတ်က ၅၄၈၉ ကျပ်၊ လှိုင်သာယာ မှာ နေတဲ့သူရဲ့ အသုံးစရိတ်က ၅၆၃၄ ကျပ်၊ တောင်ဒဂုံမှာ နေတဲ့သူရဲ့ အသုံးစရိတ်က ၅၄၃၀ ကျပ်၊ မှော်ဘီမှာ နေတဲ့သူရဲ့ အသုံး စရိတ်က ၄၈၆၄ ကျပ်၊ အင်းစိန်မှာ နေတဲ့ သူရဲ့ အသုံးစရိတ်က ၅၉၀၈ ကျပ်နဲ့ မင်္ဂလာဒုံမှာ နေတဲ့သူရဲ့ အသုံး စရိတ်က ကျပ် ၅၇၀၀ ရှိတယ်လို့ သိရပါတယ်။

CTUM ရဲ့ကောက်ယူထားတဲ့ တစ်ဦးချင်း တစ်ရက်တာ အနည်း ဆုံးအသုံးစရိတ်ကို ကြည့်ရင် လက်ရှိ အစိုးရက သတ်မှတ်ထားတဲ့ အနည်း ဆုံးလုပ်ခလစာ ၁၄၀၀၀၀ ကျော်က လောက်ငမှု မရှိတာကို တွေ့ရမှာပါ။

“အစ်မအမျိုးသားရဲ့ လစာ နှစ်သိန်းကျော်ရတယ်။ အစ်မ အိမ်မှာ စက်ချုပ်တော့ အပိုဝင်ငွေလေး ရတာပေါ့။ ဒါပေမဲ့ လင်မယား နှစ်ယောက်ရဲ့ စားစရိတ်၊ နေစရိတ်နဲ့ ဆို တစ်လတစ်လ အလျဉ်မီအောင် မနည်းလုပ်နေရတယ်။ ဒါတောင် ကလေးမရသေးလို့” ဟု သင်္ဃန်း ကျွန်းမြို့နယ်နေ အိမ်ရှင်မတစ်ဦး က ဆိုပါ တယ်။

လက်ရှိ လူငါးယောက်ရှိတဲ့ မိသားစု ထမင်းဝိုင်းမှာ အသားဟင်း၊ အရွက်ကြော်၊ ဟင်းရည်သောက်နဲ့ ငါးပိရည်တို့စရာ အဲဒီလိုမျိုး ဖွယ်ဖွယ်ရာရာ စားချင်တယ်ဆိုရင်တော့ ဒီဘက်ခေတ်မှာ အနည်းဆုံး ည မနက်စာ ထမင်းဟင်းဖိုးက တစ်သောင်းလောက် ကုန်ကျနိုင်ပါ တယ်။  ဒီလိုမှ မဟုတ်ဘဲ ဘဲဥဟင်းနဲ့ စားမယ်ဆိုရင်တောင် မိသားစု ငါးယောက်အတွက် ဟင်းစရိတ်က နှစ်ထောင်လောက်ရှိနေပါတယ်။

“အစ်မတို့ မိသားစုက ငါးယောက်ရှိတဲ့အတွက် မနက်ညစာ တစ်ယောက် နှစ်လုံးနဲ့ ဘဲဥချက်မယ်ဆိုရင်တောင် ၂၀၀၀ ဖြစ်နေပြီ။ ဒါတောင် ဆီ၊ ဆား၊ ငရုတ်၊ ကြက်သွန်နဲ့ မီးသွေးဖိုး မပါသေးဘူး” လို့ တာမွေမြို့နယ်က အိမ်ရှင်မ တစ်ဦး ဖြစ်သူ ဒေါ်ခင်သီတာက ဆိုပါတယ်။

ဒီလို အခြေခံစားသောက်ကုန်တွေဖြစ်တဲ့ ဆန်၊ ဆီ၊ အသားငါး၊ အသီးအရွက်နဲ့ မီးဖိုချောင်သုံးကုန်ပစ္စည်းတွေ ဈေးတက်လာတာကြောင့် မိသားစုတစ်စုရဲ့ အစားအသောက်စရိတ်က တစ်နေ့ကို နှစ် ထောင်နဲ့ သုံးထောင်လောက်အထိ ပိုသုံးလာရတယ်လို့ အိမ်ရှင်မတွေ က ဆိုပါတယ်။

“မီးဖိုချောင်သုံးပစ္စည်းတွေက တက်တာတော့ နည်းနည်းစီ တက်တာပဲ။ ဒါပေမဲ့ အမယ်များတဲ့ အခါ ကျတော့ ဈေးဖိုးက တစ်နေ့ကို နှစ်ထောင် သုံးထောင်လောက် တက်သွားရော”လို့ မြောက်ဥက္ကလာပမြို့နယ်နေ အိမ်ရှင်မတစ်ဦးဖြစ်သူ ဒေါ်ထားထားနွယ်က ဆိုပါတယ်။

မိသားစု တစ်စုရဲ့ နေ့စဉ် စားသောက်စရိတ်မှာ အပိုငွေ သုံးစွဲ ရမှုက နှစ်ထောင်နဲ့ သုံးထောင် ကြားမှာ ရှိတဲ့အတွက် တစ်လကို စားစရိတ်အတွက် ထွက်ငွေ အသားတင် ခြောက်သောင်းကနေ ကိုးသောင်းကြားမှာ ရှိနေပါတယ်။ ဒါက ကုန် ဈေးနှုန်းတက်မှုကြောင့် မိသားစု စားသောက်စရိတ်အတွက် အပို ထွက်ငွေ ဖြစ်ပါတယ်။ အဲဒီအထဲမှာ မနက်ပိုင်း သရေစာစားတဲ့ ကုန်ကျစရိတ်မပါသေးသလို အိမ် စရိတ်တွေလည်း မပါသေးပါဘူး။

နံနက်ပိုင်းသရေစာနဲ့ နေ့စဉ် စားသောက်နေရတဲ့ ထမင်းဟင်း ကုန်ကျစရိတ်ကို ပေါင်းလိုက်မယ်ဆိုပါက မိသားစုသုံးယောက်ရှိတဲ့ အခြေခံဝန်ထမ်းတစ်ယောက်ရဲ့ အသုံးစရိတ်ဟာ တစ်ရက်ကို ၅၀၀၀ နဲ့ ၁၀၀၀၀ အကြားမှာ ရှိနေပါတယ်။

နေ့စဉ် ထွက်ငွေက မြင့်တက်လာပေမယ့် အခြေခံဝန်ထမ်းတစ်ယောက်ရဲ့ လစာကတော့ ကုန်ဈေးနှုန်းနဲ့ ပုခုံးချင်းယှဉ်နိုင်တဲ့အနေ အထားမျိုး မြင့်တက်လာခြင်း မရှိတာကြောင့်  မှီခိုနေရသူ အိမ်ရှင်မတွေအတွက်က နေ့စဉ်ခေါင်းခဲစရာ အနေအထားမျိုးဖြစ်နေပါတယ်။

ဒါတွေက လက်ရှိမှာ အိမ်ရှင်မတွေ နေ့စဉ်ကြောက်လန့်နေရတဲ့ ကုန်ဈေးနှုန်းတစ္ဆေရဲ့ ခြောက်လှန့်နေမှုတွေပဲ ဖြစ်ပါတယ်။ မိတ်ဆွေတို့အနေနဲ့ သရဲကားတွေ ကြည့်ဖူးကြမှာပါ။ ဇာတ်လမ်းတွေထဲမှာတော့ သရဲတွေ၊ တစ္ဆေတွေဆိုတာ ညအချိန်၊ မှောင်တဲ့ အချိန်ကျမှ ခြောက်လှန့်ကြတတ်ကြတာကို ကြည့်ဖူးပါလိမ့်မယ်။

ဒါပေမဲ့ မြန်မာနိုင်ငံမှာရှိတဲ့ အိမ်ရှင်မတွေကတော့ မနက်ခင်း ဈေးသွားချိန်ရောက်တိုင်း ကုန်ဈေး နှုန်းတစ္ဆေရဲ့ ခြောက်လှန့်မှုကို နေ့စဉ်ခံနေကြရပါတယ်။

“မနက်မနက်ဆို လူက ဈေး သွားရမှာ ကြောက်လာတယ်။ ဖြစ်နိုင်ရင် ဈေးသွားဝယ်ရမှာထက် ကျားမြီးကိုသာ ပြေးဆွဲလိုက်ချင်တော့တယ်” လို့ အိမ်ရှင်မတစ်ဦးဖြစ်သူ ဒေါ်ခင်သီတာက ဆိုပါတယ်။

အနိမ့်ဆုံးလုပ်ခလစာနှင့် ကုန်ဈေးနှုန်းဒဏ်ကြောင့် ဘ၀များခါးနေသည်

အနိမ့်ဆုံးလုပ်ခလစာနှင့် ၀န်ထမ်းလိုအပ်ချက်များကို ဆန္ဒပြတောင်းဆိုနေသည့် စက်မှုဇုန်ဝန်ထမ်းများအား တွေ့ရစဉ်

လက်ထဲက ပိုက်ဆံကို ကြည့်ရင်း မကြည်ကြည်လှိုင် သက်ပြင်းရှည်ကြီး ချမိသည်။ ယခုလတွင် အလုပ်ပါးသည့်အတွက် လခနှင့် OT ပေါင်းမှ လခက နှစ်သိန်းမပြည့်ချင်။ သူ့အတွက် တစ်လစာ သုံးငွေ ငါးသောင်းကိုဖယ်ပြီး ကျန်သည့်ငွေ တစ်သိန်းခွဲခန့်ကို ရွာမှ မိဘနှစ်ပါးအတွက် ဆေးဖိုးနှင့် စားစရိတ် လွှဲပေးရန် ဘဏ်သို့ ခြေဦးလှည့်ခဲ့သည်။

မကြည်ကြည်လှိုင်သည် ဧရာဝတီတိုင်း၊ မြန်အောင်မြို့နယ်၊ ကညွှတ်ကုန်း ကျေးရွာသူဖြစ်ပြီး မွေးချင်းမောင်နှမ သုံးယောက်အနက် အငယ်ဆုံးသမီးလည်း ဖြစ်သည်။ အကြီးနှစ်ယောက်က အိမ်ထောင်ကျသွားသဖြင့် ကျန်ရှိသည့် မိဘနှစ်ပါးကို သူ၏ လုပ်ခလစာလေးဖြင့် ရှာဖွေကျွေးမွေး နေသူလည်း ဖြစ်သည်။

မကြည်ကြည်လှိုင် ရန်ကုန်သို့ ရောက်ခဲ့သည်မှာ လေးနှစ်ခန့်ရှိပြီ ဖြစ်သည်။ ရန်ကုန်ရောက်သည့်နေ့မှစ၍ အထည်ချုပ် လုပ်ငန်းများတွင် ၀င်ရောက်လုပ်ကိုင်ရင်း မိဘနှစ်ပါးကို ရှာဖွေကျွေးမွေးခဲ့သည်။ သူ၏ မိဘနှစ်ပါး အသက်အရွယ် ကြီးရင့်လာသည့်အတွက် ကျန်းမာရေးမကောင်း၊ ချူချာသည်။ ဖခင်ဖြစ်သူက နာတာရှည်ရောဂါဖြစ်ပြီး မိခင်ဖြစ်သူက မျက်လုံးခွဲထားရသည်။ တစ်လထက်တစ်လ မိဘနှစ်ပါး၏ စားစရိတ်ထက် ဆေးကုသစရိတ်ကို အလျင်မီအောင် မကြည်ကြည်လှိုင်တစ်ယောက် ဖြည့်ဆည်းပေးရသည်။

မကြည်ကြည်လှိုင်၏ အသက်မှာ ၂၅ နှစ်ဖြစ်သော်လည်း လူငယ်ပီပီ အပျော်အပါးကို မမက်အား။ လစဉ်သူသုံးဖို့ ဖယ်ထားသည့် ငွေငါးသောင်းထဲမှ အဆောင်လခနှင့် စားစရိတ်အတွက် လောက်ငအောင် မနည်းခြိုးခြံခြွေတာ၍ နေထိုင်ခဲ့သည်မှာ ရန်ကုန်ကို စရောက်ကတည်းကပင်။

အဆောင်ငှားခက တစ်လကို ငါးသောင်း။ သူငယ်ချင်းတစ်ယောက်နဲ့ စပ်တူနေထိုင်သည့်အတွက် အဆောင်ငှားခက တစ်လကို နှစ်သောင်းခွဲ ရှိနေသည်။ လစဉ် သူသုံးဖို့ ငွေငါးသောင်းက အဆောင်ငှားခနဲ့တင် နှစ်သောင်းခွဲ ပလုံသွားပြီဖြစ်သည်။ ကျန်ငွေ နှစ်သောင်းခွဲဖြင့် တစ်လလုံး သူဘယ်လိုများ ရုန်းကန်နေသနည်း။

“ညီမက တစ်လကို နှစ်သိန်းရတယ်ဆိုရင် ညီမအတွက် အဆောင်ခနဲ့ စားစရိတ်ကို ငါးသောင်းလောက်ပဲ ဖယ်ပြီး ကျန်တဲ့တစ်သိန်းခွဲကို မိဘတွေဆီပို့တယ်။ ညီမကတော့ တစ်လလုံး ငါးသောင်းနဲ့ လောက်အောင် သုံးတယ်။ ဘာလို့ဆိုတော့ အိမ်မှာက စားစရိတ်ထက် မိဘတွေရဲ့ ဆေးဖိုးက ပိုအရေးကြီးနေတော့ သူတို့ကို ပိုပြီးပေးရတာ” ဟု ဆိုနင့်စွာဖြင့် သူကဆိုသည်။

လစဉ် ငွေကြေးမလောက်ငမှုများ ရှိနေသော်လည်း သူငယ်ချင်းများ၏ ဖေးမမှုကြောင့် ယနေ့အထိ သူ့ဘ၀က အဆင်မပြေမှု သံသရာထဲတွင် တ၀ဲလည်လည် ဖြစ်နေတုန်းပင်။

“ညီမမှ မပို့ရင်လည်း အိမ်မှာက မိဘတွေကို စောင့်ရှောက်ပြီး ကျွေးမွေးမယ့်သူက မရှိဘူး။ အခက်အခဲတွေက အများကြီးပဲ။ ပြီးရင် စားရေးသောက်ရေးအပြင် မိဘတွေရဲ့ ဆေးဖိုးဝါးခကလည်း ရှိသေးတယ်။ မိဘနှစ်ပါးစလုံးကလည်း အသက်ကြီးပြီဆိုတော့ အလုပ်က မလုပ်နိုင်ဘူး” ဟု မကြည်ကြည်လှိုင်က ဆိုသည်။

နယ်မှ မိဘနှစ်ပါး၏ စားစရိတ်နှင့် ဆေးဖိုးကို လစဉ်အလျင်မီနိုင်ဖို့ မကြည်ကြည်လှိုင်တစ်ယောက် ထမင်းတစ်နပ်ပဲ စားခဲ့ရသည့် နေ့ပေါင်းက မရေတွက်နိုင်၊ ရေသောက်ဗိုက်မှောက် အိပ်ခဲ့ရသည့် ညပေါင်းက မမှတ်မိလောက်အောင် နက်ခဲ့သည်။

ရန်ကုန်မြို့တွင် လှိုင်သာယာ၊ ရွှေလင်ပန်း၊ ရွှေပြည်သာ၊ ရွှေပေါက္ကံ၊ မင်္ဂလာဒုံ၊ တောင်ဒဂုံ၊ မြောက်ဒဂုံ၊ ဒဂုံဆိပ်ကမ်း၊ မြောက်ဥက္ကလာနှင့် တောင်ဥက္ကလာမြို့နယ်များရှိ စက်မှုဇုန်များ အပါအ၀င် စက်မှုဇုန်ပေါင်း ၂၉ ဇုန်ရှိကြောင်း အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဌာန၏ စာရင်းများအရ သိရသည်။

မြန်မာနိုင်ငံတွင် အထည်ချုပ်စက်ရုံ ၃၅၀ ခန့်ရှိနေပြီး ၀န်ထမ်း ၂၄၀၀၀၀ ရှိတဲ့အနက် ၉၀ ရာခိုင်နှုန်းမှာ အမျိုးသမီးများ ဖြစ်ကြသည်။ အထည်ချုပ်စက်ရုံမှ အလုပ်သမား အများအပြားသည် ဧရာဝတီတိုင်း ဒေသကြီးနှင့် ရခိုင်ပြည်နယ်တို့မှ လာကြသည်။

ဧရာဝတီတိုင်းဒေသကြီးသည် ၂၀၀၈ ခုနစ်တွင် နာဂစ်မုန်တိုင်းကို ဆိုးဆိုးရွားရွား ခံခဲ့ရပြီး ရခိုင်ပြည်နယ်မှာလည်း ၂၀၁၀ ခုနစ်တွင် ဂီရိမုန်တိုင်းဒဏ်ကို ခံခဲ့ရသော ဒေသဖြစ်သည်။ သိန်းနှင့်ချီသော ယင်းဒေသခံပြည်သူများ၏ အိုးအိမ်နှင့် အသက်မွေးဝမ်းကျောင်း လုပ်ငန်းများ ပျက်စီးဆုံးရှုံးမှုများကြောင့် အသက်ရှင် ရပ်တည်နိုင်ရန် ရန်ကုန်မြို့က စက်မှုဇုန်များကဲ့သို့သော နေရာများတွင် လုပ်ကိုင်၍ ရွှေ့ပြောင်းအခြေချ လာခြင်းဖြစ်သည်။

ထို့ပြင် အစိုးရ၊ တပ်မတော်နှင့် ခရိုနီကြီးများ၏ စီမံကိန်းကို အကြောင်း ပြုတောင်းဆုပြည့်ခဲ့ကြသည့် အ တွက် ကျေးရွာနေပြည်သူများက သူ တို့၏ လယ်ယာမြေများကို စွန့်ခွာ၍ ရန်ကုန်မြို့သို့ ရွှေ့ပြောင်းလာခြင်း ကလည်း စက်မှုဇုန်တွင် အလုပ်လုပ်ကိုင်သူများလာရန်နှင့် ကျူးကျော် နေထိုင်မှုတွေဖြစ်လာရန်အတွက် ပင်မသွေးကြော တစ်ခုလို ဖြစ်နေသည်။

၂၀၁၅ သြဂုတ်တွင် အနည်းဆုံး အခကြေးငွေ တစ်နေ့ကျပ် ၃၆၀၀ ကို အတည်ပြုခဲ့ပြီး စက်တင်ဘာ ၁ ရက်တွင် အသက်ဝင်ခဲ့သော်လည်း အလုပ်သမား ၁၅ ဦးနှင့် အောက် လုပ်ငန်းငယ်များမှာ ယခုနှုန်းထားနှင့် သက်ဆိုင်ခြင်း မရှိပေ။

၂၀၁၅ စက်တင်ဘာ ၁ ရက် တွင် အနည်းဆုံးအခကြေးငွေ စတင် ကျင့်သုံးပြီးနောက်ပိုင်း လုပ်ငန်းရှင် များဘက်က အချိန်မှန်ကြေး၊ ရက်မှန် ကြေး၊ ကျွမ်းကျင်အဆင့်ဘောနပ်၊ ဆုကြေးငွေနှင့် ဖယ်ရီခများကို ရပ် ဆိုင်းလိုက်သည့်အတွက်  လစာတိုး သော်လည်း ရရှိသည့်နှုန်းထားမှာမူ ယခင်အတိုင်းပင်ဖြစ်နေသည်။

ထို့ပြင် အနည်းဆုံးအခကြေး ငွေ ကျပ် ၃၆၀၀ ဟု ဆိုသော်လည်း အလုပ်သင် သုံးလအတွက် တစ်နေ့လျှင် အနည်းဆုံးအခကြေးငွေ ကျပ် ၁၈၀၀၊ အစမ်းခန့်ကာလ သုံးလအ တွက် ကျပ် ၂၇၀၀ အဖြစ် အဆင့်ခွဲ ထားသည့် စနစ်လည်း ရှိသေးသည်။ ထိုသို့ ခြောက်လလုပ်ကိုင်ပြီးမှသာ အလုပ်ရှင်ဘက်က အလုပ်ခန့်အပ် လျှင် ငွေကျပ် ၃၆၀၀ ကို စတင်ရရှိ မည်ဖြစ်သည်။ ထို့ကြောင့် မြန်မာနိုင်ငံတွင် သတ်မှတ်ထားသည့် အနိမ့် ဆုံး လုပ်ခလစာသည် အမြင့်ဆုံးတွင် ရှိနေသည့် အနေအထားပင်။

ယင်းအနည်းဆုံးအခကြေးငွေ ဥပဒေသည် မြန်မာနိုင်ငံ၏ အိမ်နီးချင်းနိုင်ငံ ဘင်္ဂလားဒေ့ရ်ှနှင့် မတိမ်းမယိမ်း ဖြစ်စေခဲ့သော်လည်း ကမ္ဘောဒီယား၊ ဗီယက်နမ်တို့ထက် နိမ့်ကျသောကြောင့် အာရှဒေသအတွင်း အနိမ့်ဆုံး ဖြစ်ခဲ့သည်။

ရှေ့ပြေးအသံ (Progressive Voice) ၏ ၂၀၁၆ ခုနစ် ဒီဇင်ဘာက ထုတ်ပြန်ခဲ့သော အစီရင်ခံစာတွင် တွေ့ဆုံမေးမြန်းခဲ့သည့် အထည်ချုပ် အလုပ်သမား ၉၅ ရာခိုင်နှုန်းက ပုံ မှန်အားဖြင့် တစ်ပတ်လျှင် ခြောက်ရက် အလုပ်လုပ်ကြရသည် ဟူ၍လည်းကောင်း၊ အလုပ်သမား ၈၈ ရာခိုင် နှုန်းမှာ ပုံမှန်အားဖြင့် တစ်ရက်လျှင် ၁၀ နာရီနှင့်အထက် အလုပ်လုပ်ကြရသည် ဟူ၍လည်းကောင်း ဖြေကြားခဲ့သည်။ အလုပ်သမားများ အနေဖြင့် အချိန်ပိုလုပ်ရန် ငြင်းဆန်မှု နည်းခြင်းက အကြောင်းအမျိုးမျိုးကြောင့် ဖြစ်နိုင်ပြီး ငြင်းဆန်နိုင်ကြောင်း မသိခြင်း၊ လူနေမှုစရိတ်မြင့်တက်နေ သည်ကို ရင်ဆိုင်နိုင်ရန် အချိန်ပို လုပ်ခလစာ လိုအပ်ခြင်း သို့မဟုတ် တစ်ခါတစ်ရံ အတင်းအကျပ်စေခိုင်း ခံရခြင်းနှင့် ခြိမ်းခြောက်အနိုင်ကျင့် ခံရခြင်းတို့ ပါဝင်ကြောင်း အစီရင်ခံက ဆိုသည်။

အနည်းဆုံးအခကြေးငွေ သတ်မှတ်ခြင်းကြောင့် အထည်ချုပ်လုပ်ငန်း အပါအ၀င် ကုန်ထုတ်လုပ်ငန်း တစ်ခုလုံးတွင် အလုပ်သမားတစ်ဦး ချင်း၏ ပျှမ်းမျှလစာ တိုးမြင့်လာ သော်လည်း အလုပ်သမားအများစု အတွက်မူ လူနေမှုစရိတ်က လောက်ငမှု မရှိသေးပေ။ အဘယ်ကြောင့်ဆို သော် ငွေကြေးဖောင်းပွမှုနှင့် ကုန် ဈေးနှုန်းကြီးမြင့်လာမှုကြောင့် အလုပ်သမားများမှာ အနည်းဆုံးအခ ကြေးငွေ မသတ်မှတ်မီ ကာလများကဲ့သို့ပင် ၀မ်းရေးအတွက် အလျင်မီအောင် ရုန်းကန်လှုပ်ရှားနေရဆဲ ဖြစ်သည်။

၂၀၁၅ ခုနစ် စက်တင်ဘာ ၁ ရက်က စတင်အသက်ဝင်ခဲ့သည့် အနည်းဆုံး အခကြေးငွေ တစ်ရက် ကျပ် ၃၆၀၀ သတ်မှတ်ပြီးနောက်ပိုင်း သုံးလအတွင်း အခြေခံ စားသောက်ကုန်များ၏ ဈေးနှုန်းများ တရိပ်ရိပ် ဖြင့် ထိုးတက်လာခဲ့သည်။ ထို့ပြင် အဆောင်ငှားရမ်းခများပါ တိုးမြင့်လာသည့်အတွက် အလုပ်သမားများ၏ လုပ်ခလစာ တိုးခြင်းသည် စကားအရာသာ ထင်ခဲ့သည်။

အခြေခံ စားသောက်ကုန်ထဲတွင် အထင်ရှားဆုံးပြရမည် ဆိုပါက ယခင် ကန်စွန်းရွက် တစ်စည်းကို ကျပ် ၁၅၀၊ ၂၀၀ ခန့်သာ ပေးရသော်လည်း အနည်းဆုံး အခကြေးငွေ သတ်မှတ်ပြီး နောက်ပိုင်းတွင် ကျပ် ၃၀၀ အထိ ဖြစ်လာခဲ့သည်။ ထို့ပြင် နေ့စဉ်စားနေရသည့် ဆန်ဈေး၊ ဆီဈေးနှင့် နောက်ဖေးမီးချောင်သုံး ကုန်ပစ္စည်းများ၏ ဈေးနှုန်းများမှာလည်း အနည်းဆုံး အခကြေးငွေ သတ်မှတ်ပြီး သုံးလအတွင်း တရိပ်ရိပ် မြင့်တက်လာသည်။

ဆန်ဈေးနှုန်းမှာ ၂၀၁၅ ခုနစ် စက်တင်ဘာတွင် ဖျာပုံပေါ်ဆန်း တစ်အိတ်လျှင် ကျပ် ၄၄၀၀၀ရှိရာမှ နိုဝင်ဘာတွင် ကျပ် ၄၅၅၀၀ သို့ လည်းကောင်း၊ ရွှေဘိုပေါ်ဆန်း တစ် အိတ်လျှင် ကျပ် ၅၁၅၀၀ မှ ကျပ် ၅၄၀၀၀ သို့လည်းကောင်း၊ မြောင်းမြ ပေါ်ဆန်းတစ်အိတ်လျှင် ကျပ် ၄၄၅၀၀ မှ ကျပ် ၄၇၀၀၀ သို့လည်း ကောင်း၊ ဧည့်မထတစ်အိတ်လျှင် ကျပ် ၂၅၀၀၀ မှ ကျပ်၂၈၀၀၀ သို့ လည်းကောင်း၊ ငစိန်တစ်အိတ်လျှင် ကျပ်၂၀၀၀၀ မှ ကျပ်၂၁၅၀၀ သို့ လည်းကောင်း အသီးသီး ဈေးတက် လာခဲ့သည်။ ယင်းဈေးနှုန်းများ သည် ရန်ကုန်မြို့တွင်း ရောင်းချနေသော ဆန်ဆိုင်အချို့မှ ကောက်ယူထားသည့်ဈေးနှုန်းများဖြစ်ပြီး ဈေးနှုန်း အနည်းငယ် အပြောင်းအလဲ ရှိနိုင် သော်လည်း ဆန်ဈေးနှုန်းက တက် သည်မှာ အသေအချာပင်။

ဆန်၊ ဆီ၊ ဆား၊ ငရုတ်၊ ကြက်သွန် စသည့် စားသောက်ကုန်ပစ္စည်းများသည် မြန်မာနိုင်ငံတွင် ပြည်သူများ နေ့စဉ်စားသောက်နေရသည့် အစားအသောက်များဖြစ်သည်။ ယင်းအခြေခံ စားသောက်ကုန်ဈေးနှုန်းများ တက်လာသည့်အတွက် အခြေခံစက်ရုံ၊ အလုပ်ရုံ အလုပ်သမားများမှာ အနည်းဆုံး အခကြေးငွေ ကျပ်  ၃၆၀၀ တိုးမြင့်ရရှိခဲ့သော်လည်း ဒုံရင်းဘ၀၌သာ ကျင်လည်ရုန်းကန်နေရဆဲ ဖြစ်သည်။

“ကုန်ဈေးနှုန်းကတော့ တစ်လနဲ့ တစ်လ မတူဘူး။ အရင်လတုန်းက ဆိုရင်တောင် ဆန်တစ်ပြည်ကို ကျပ် ၂၀၀၀ လောက်နဲ့ ၀ယ်လို့ရ သေးတယ်။ အခုလက်ရှိမှာ ကျပ် ၂၅၀၀ တန်လောက်မှ ဆန်က ကောင်းကောင်းကန်းကန်း စားရတာ။ ကျပ် ၁၈၀၀၊ ကျပ် ၁၅၀၀ ဆို တာက ဆန်ကွဲကို စားနေရတဲ့အ တိုင်းပဲ။ ကုန်ဈေးနှုန်းတွေ ဒီလိုမြင့်တက်လာတဲ့အပေါ်မှာ အလုပ်သမားတွေအနေနဲ့ လုပ်ခလစာက ဖူလုံမှု မရှိဘူး။ ဖူလုံမှု မရှိတဲ့အပေါ်မှာ ကုန်ဈေးနှုန်းကလည်း အနောက်ကနေ အချိန်နဲ့ တစ်ပြေးညီ မြင့်တက်လာတော့ ကျွန်မတို့ရဲ့ လုပ်အားက လုပ်သာလုပ်နေရတယ်။ ကျွန်မတို့ အလုပ်သမားတွေမှာ သင့်တင့်မျှတတဲ့ စားသောက်နေထိုင်မှုမျိုးကို အခုချိန်အထိ မရရှိသေးဘူး” ဟု အထည်ချုပ်စက်ရုံမှ အလုပ်သမ တစ်ဦးက ပြောသည်။

အနည်းဆုံးအခကြေးငွေ ဥပဒေအရ နှစ်နှစ်ပြည့်လျှင် အနည်းဆုံး အခကြေးငွေကို ပြန်လည်သတ်မှတ် ရမည်ဟု ပြဋ္ဌာန်းထားသော်လည်း သုံးနှစ်အကြာ ၂၀၁၈ ခုနစ် မေလရောက်မှ အနည်းဆုံး အခကြေးငွေကို ကျပ် ၃၆၀၀ မှ ကျပ် ၄၈၀၀ သို့ တိုးမြှင့်သတ်မှတ်နိုင်ခဲ့သည်။

ထိုသို့ အနည်းဆုံး အခကြေးငွေကို တစ်ရက်လျှင် ကျပ် ၄၈၀၀ သို့ တိုးမြှင့်သတ်မှတ်ပြီး နောက်ပိုင်းတွင် အမေရိကန်- တရုတ် ကုန်သွယ်ရေး စစ်ပွဲကြောင့် ပြည်တွင်း၌ နိုင်ငံခြား ငွေလဲလှယ်နှုန်း စံချိန်တင် မြင့်တက်ခဲ့ပြီး မြန်မာကျပ်ငွေတန်ဖိုး ကိုးရာခိုင်နှုန်းအထိ ကျခဲ့သည်။

မြန်မာနိုင်ငံတွင် အဓိက စီးပွား ရေးပြဿနာများဖြစ်သည့် ကုန်သွယ်ရေး လိုငွေများခြင်း၊ ပို့ကုန် နည်းပါးခြင်း၊ ဘတ်ဂျက်လိုငွေ များပြားခြင်း၊ ပြည်တွင်းပြည်ပ ရင်းနှီးမြုပ်နှံမှု နည်းပါးခြင်း၊ စီးပွားရေး တိုးတက်မှု ကျဆင်းခြင်း၊ ဈေးကွက်အတွင်း ဒေါ်လာလိုအပ်ချက် များပြားခြင်း စသည့် ပြဿနာများကို မဖြေရှင်းနိုင်သော အချိန်တွင် နိုင်ငံခြားငွေ လဲလှယ်နှုန်း မြင့်တက်ခဲ့ပြီး မြန်မာကျပ်ငွေတန်ဖိုး ကျဆင်းခဲ့ခြင်းက နိုင်ငံ့စီးပွားရေးကိုသာမက အခြေခံ လူတန်းစားများအထိပါ ရိုက်ခတ်ခဲ့သည်။

မြန်မာကျပ်ငွေ ကျဆင်းသည့်အပြင် ငွေကြေးဖောင်းပွမှုနှင့် ကုန်ဈေးနှုန်း မြင့်တက်လာမှုကြောင့် အနည်းဆုံး အခကြေးငွေကို တိုးမြှင့်သတ်မှတ်ခဲ့သော်လည်း အခြေခံအလုပ်သမား လူတန်းစားများ၏ ၀င်ငွေနှင့် ထွက်ငွေမှာ ပိုလျှံဖို့ထက် အကြွေးမတင်လျှင်ပင် ကျေးဇူးတင်ရမည့်ကိန်း ဆိုက်နေသည်။

လက်ရှိတွင် ဆန်၊ ဆီ၊ ဆား၊ ငရုတ်၊ ကြက်သွန် စသည့် အခြေခံ စားသောက်ကုန်များ၏ ဈေးနှုန်းများသည် တရိပ်ရိပ် ဈေးတက်လျက်ရှိသည်။ ရန်ကုန်မြို့အတွင်း ရောင်းချနေသည့် ဈေးများတွင် ကန်စွန်းရွက် တစ်စည်းကိုပင် ကျပ် ၄၀၀ ဖြင့် ၀ယ် စားနေရသည်။ ကြက်ဥတစ်လုံးလျှင် အရွယ်အစားလိုက်၍ ကျပ် ၁၂၀ မှ ၁၇၀၊ ဘဲဥတစ်လုံးလျှင် အရွယ်အစားလိုက်၍ ကျပ် ၁၄၀ မှ ကျပ် ၂၀၀ အထိ ဈေးနှုန်းက ရှိနေသည်။

ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းကမူ ကုန်ဈေးနှုန်းမြင့်တက်ရာတွင် အခြေခံ စားသောက်ကုန်များ အများကြီး ပြောင်းလဲသွားခြင်း မရှိကြောင်း ဘီဘီစီ သတင်းဌာနနှင့် တွေ့ဆုံမေးမြန်းခန်းတွင် ဖြေကြားခဲ့သည်။

စီမံကိန်းနဲ့ ဘဏ္ဍာရေးဝန်ကြီးဌာန ဗဟိုစာရင်းအင်းအဖွဲ့၏ လစဉ်ပုံမှန် ထုတ်ပြန်နေသည့် မြန်မာနိုင်ငံ၏ စားသုံးသူ ဈေးဆနှုန်းနှင့် ငွေကြေးဖောင်းပွမှုနှုန်း အခြေအနေ အစီရင်ခံစာများတွင် အခြေခံ စားသောက်ကုန် ဈေးနှုန်းများ လစဉ်မြင့်တက်လျက်ရှိသည်။

“ကုန်ဈေးနှုန်းတွေတက်လာတော့ ညီမတို့ ရတဲ့လစာနဲ့ သိပ်ပြီး အဆင်မပြေတော့ဘူး။ အခု စက်ရုံမှာ နိုင်ငံခြားက Order မရတော့ O.T လည်းမခေါ်တော့ဘူး။ O.T ဆင်းနေရရင် လစာပိုရတော့ အဆင်ပြေတာ ပေါ့။ O.T လည်းမရှိတော့ရော အဆင်မပြေတော့ဘူး။ တစ်လလုံး ပျက်ရက်မရှိဆင်းမှ လစာကျပ် ၁၉၀၀၀၀ လောက်ပဲရတယ်။ အရင် ကန်စွန်းရွက်တစ်စည်း ကျပ် ၂၀၀ ပဲ။ ပြီးတော့ ကျပ် ၃၀၀ ကနေ အခု ကျပ် ၄၀၀ ဖြစ်လာပြီ။ ကြက်သွန်၊ အာလူးတို့ ငါးတို့ ဈေးတွေတက်လာတယ်။ အလုပ်အကိုင်က မကောင်းရတဲ့အထဲ ကုန်ဈေးနှုန်းက တက်လာတော့ မိသားစုနည်းတဲ့သူဆို ကိစ္စမရှိပေမဲ့ မိသားစုများတဲ့ သူဆိုရင် အဆင်မပြေဘူးပေါ့။ အဆောင်ခ၊ အခန်းခ၊ ရေဖိုး၊ မီးဖိုး၊ စားသောက်စရိတ်တွေနဲ့ အ၀တ်အစားတွေ ဘာတွေ ၀ယ်လိုက်ရင် တစ်လတစ်လ အပိုအလျှံဆိုတာ သိပ်မရှိဘူး။ နယ်က မိသားစုဆီလည်း တစ်လကို ကိုးသောင်း၊ တစ်သိန်းလောက် ပြန်ပို့ရသေးတယ်” ဟု ဧရာဝတီတိုင်း၊ မြန်အောင်မြို့၊ သပြေကုန်းကျေးရွာမှ ရန်ကုန်သို့ လာရောက် အလုပ်လုပ်နေသူ မကြည်ပြာက လက်ရှိကြုံတွေ့နေရသည့် အခက်အခဲများကို ပြောပြသည်။

ထို့ပြင် ရသည့်လခမှာ အဆောင်စရိတ်၊ စားစရိတ်နှင့် မိဘများထံ ငွေပို့ရသည့်အတွက် ဈေးပေါသည့် အစားသောက်များကိုသာ ၀ယ်ယူစားသောက်ရခြင်းကြောင့် ကျန်းမာရေးချူချာမှုများလည်း ရှိလာသည်ဟု အလုပ်သမားများက ဆိုသည်။

“ကုန်ဈေးနှုန်းတွေ မြင့်တက်လာတဲ့အတွက် ကျွန်မတို့ ၀ယ်မစားနိုင်ဘူး။ ဒီလို ၀ယ်မစားနိုင်တဲ့အတွက် ဈေးပေါတဲ့ဟာတွေကို ၀ယ်ရတယ်။ အဲဒီတော့ အလုပ်သမားတွေက အလုပ်လည်း ပင်ပန်းတယ်။ အစားအသောက် အာဟာရကိုလည်း သင့်တင့်လျောက်ပတ်အောင် မစားနိုင်တဲ့ ကျန်းမာရေးတွေ ထိခိုက်လာတာ ရှိတယ်” ဟု ပိတ်သိမ်းလိုက်သည့် Seduno အထည်ချုပ်စက်ရုံမှ အလုပ်သမ မနှင်းသဇင်က ဆိုသည်။

အနည်းဆုံး အခကြေးငွေ ကျပ် ၄၈၀၀ တိုးမြှင့် သတ်မှတ်လိုက်သော်လည်း လုပ်ငန်းရှင်များဘက်မှ အလုပ်သမားများ လစဉ်ရရှိနေသည့် အခြားခံစားခွင့်များကို မပေးတော့သည့်အတွက် မည်သို့မျှ ထူးခြားသွားခြင်း မရှိကြောင်း အလုပ်သမားများက ဆိုသည်။

ပြီးခဲ့သည့် ဇွန်လက လှိုင်သာယာစက်မှုဇုန် (၂) မှ ကြာဆန်စက်ရုံ တစ်ရုံတွင် အခြားခံစားခွင့်များ မရတော့သည်ကို မကျေနပ်သည့် အလုပ်သမားများက စုပေါင်း၍ ဆန္ဒပြရာ၌ စက်ရုံမှ လုပ်သက်လျော်ကြေးပေးပြီး အလုပ်မှ ထုတ်ပယ်လိုက်သောကြောင့် အလုပ်လက်မဲ့ဘ၀သို့ ရောက်ရှိသွားသည့် အလုပ်သမားများလည်း ရှိနေသည်။

“အခြားစက်ရုံတွေမှာ သွားလျှောက်ထားပေမဲ့ မခေါ်သေးဘူး။ ကျွန်မက အသက် ၃၀ ကျော်ပြီ ဆိုတော့ တခြားစက်ရုံတွေက အသက်ကြီးလို့ဆိုပြီး အလုပ်မခေါ်ချင်ကြဘူး။ သူတို့က၂၀ ကျော်လေးပဲ အလုပ်ခန့်ချင်ကြတာ။ အလုပ်ကမရှိပါဘူးဆိုမှ ကုန်ဈေးနှုန်းက တက်လာတော့ အဆင်မပြေပါဘူး။ အိမ်ကနေတောင် ပိုက်ဆံပြန်တောင်းနေရတယ်။ ဖြစ်နိုင်ရင် အလုပ်လေး တစ်ခုလောက် အမြန်လိုချင်တယ်။ အလုပ်မရခင် သူငယ်ချင်းတွေဆီက ပိုက်ဆံချေးပြီး စားသောက်နေရတာပေါ့။ အိမ်ကလည်း အဲဒီအကြောင်းတွေ မသိဘူး” ဟု အလုပ်ထုတ်ပယ် ခံထားရသည့် အလုပ်သမတစ်ဦးက ဆိုသည်။

အလုပ်သမားများဘက်တွင် ၀င်ငွေနှင့် ထွက်ငွေ မလောက်ငသည့် ပြဿနာများ ရှိနေသကဲ့သို့ အလုပ်ရှင် ဘက်တွင်လည်း အထည်ချုပ်လုပ်ငန်းကဏ္ဍ၌ သယ်ယူပို့ဆောင်စရိတ် ကြီးမြင့်မှုနှင့် အလုပ်သမား ပြဿနာများက ကြီးမားသည့် စိန်ခေါ်မှု ဖြစ်နေသည့်အတွက် စက်ရုံအချို့ ပိတ်သိမ်းမှုများ ရှိနေသည်။

ကုန်ထုတ်လုပ်မှု အထွက်နည်းခြင်း၊ အချိန်မီ Export မလုပ်နိုင်ခြင်း၊ စက်ရုံငှားရမ်းခ ကြီးမြင့်ခြင်းနှင့် အနိမ့်ဆုံး လုပ်ခလစာ တိုးမြင့်လာခြင်းတို့ကြောင့် လှိုင်သာယာမြို့နယ်တွင် ဖွင့်ထားသည့် Seduno (Myanmar) အထည်ချုပ်စက်ရုံ ရုတ်တရက် ပိတ်သိမ်းခဲ့သည်။ စက်ရုံအနေဖြင့် ၀န်ထမ်းများအား လုပ်ခလစာနှင့် ဥပဒေပါ နစ်နာကြေးများကို ဇွန် ၃၀ ရက်က ထုတ်ပေးသည်ဟု ထုတ်ပြန်သည်။

Seduno (Myanmar) အထည်ချုပ်စက်ရုံ ပိတ်သိမ်းပြီး မကြာမီအချိန်တွင် လှိုင်သာယာမြို့နယ်မှ အထည်ချုပ်စက်ရုံ အပါအ၀င် စက်ရုံ ၁၄ ရုံမှာ သုံးလအတွင်း ပိတ်သိမ်းခဲ့သည့် သတင်းက ပျံ့နှံ့ခဲ့သည်။ ပိတ်သိမ်းသွားသည့် စက်ရုံအရေအတွက်မှာ ၂၀၁၈ ခုနှစ် မေ ၇ ရက်မှ ဇူလိုင် ၁၀ ရက်အထိ ၁၄ ရုံရှိနေပြီး မိကျောင်းပီနံအိတ်စက်ရုံ၊ ပုလဲအထည်ချုပ်စက်ရုံ၊ ၀ါးဟားဟား ရေခဲမုန့်စက်ရုံ၊ မြတ်ပန်းမွှေး သနပ်ခါးစက်ရုံ၊ ရေခဲတောင် အအေးခန်းစက်ရုံ၊ Cham Zon အထည်ချုပ်စက်ရုံ၊ Success Time ဖိနပ်စက်ရုံ၊ Beauty Place လူသုံးကုန်စက်ရုံ၊ Kuwahara အထည်စစ်စက်ရုံ၊ TMP ငါးဖမ်းပိုက်စက်ရုံ၊ မြို့မဆင်ဖြူတော် ပဲသန့်စင်စက်ရုံ၊ United Knitting Myanmar Co.,Ltd ခြေအိတ်စက်ရုံ၊ Popular အထည်ချုပ်စက်ရုံနှင့် North Shore အထည်ချုပ်စက်ရုံတို့ ဖြစ်ကြောင်း သတင်းထွက်ခဲ့သည်။

“ကျွန်မတို့ဆီကို စက်မှုဇုန် ဥက္ကဋ္ဌက ပို့ထားတာပါ။ စက်ရုံပိတ်သိမ်းတာ ဘာကြောင့် ပိတ်သိမ်းတာလဲဆိုတာ ရှိပါတယ်။ တချို့ဟာတွေက ခေတ်နဲ့မလျော်ညီတော့လို့ ပိတ်သိမ်းရတာမျိုးတွေလည်း ရှိပါတယ်။ ခေတ်နဲ့မလျော်ညီတော့ဘူး။ ပြိုင်ဘက်တွေ ရောက်လာတယ်။ ရပ်တည်နိုင်စွမ်းမရှိလို့ ပိတ်သိမ်းတာတွေ ရှိပါတယ်။ ဘာကြောင့် ပိတ်သိမ်းသလဲ ဆိုတာကို သူတို့က အကြောင်းပြချက် ရှိပါလိမ့်မယ်” ဟု ရန်ကုန်တိုင်းဒေသကြီး လွှတ်တော် ဘဏ္ဍာရေး၊ စီမံကိန်းနှင့် စီးပွားရေး ကော်မတီဥက္ကဋ္ဌ ဒေါ်စန္ဒာမင်းက ပြောကြားသည်။

ကုန်သည်စက်မှု အသင်းချုပ် (UMFCCI) မှ တွဲဖက်အတွင်းရေးမှူး ဒေါ်ခိုင်ခိုင်နွယ်က “စက်ရုံတွေ ပိတ်တယ်လို့ကြားတယ်။ ပိတ်ဖို့ရှိတယ်လို့ ကြားတယ်။ အဓိကကတော့ ထုတ်လုပ်မှုလုပ်ငန်း အလုပ်ပေါ့။ ထုတ်လုပ်မှုလုပ်တဲ့ အလုပ်ရုံတွေက နိုင်ငံခြား ရင်းနှီးမြှုပ်နှံတာလည်း ရှိတယ်။ ပြည်တွင်းရင်းနှီး မြှုပ်နှံတာလည်း ရှိတယ်။ ထုတ်လုပ်မှု အပိုင်းမှာပဲ နိုင်ငံနဲ့ ပြည်တွင်း ပူးပေါင်းလို့ဖြစ်စေ၊ ပြင်ပပို့ ထုတ်လုပ်တာရှိတယ်။ ပိတ်သွားတဲ့ ရုံတွေထဲမှာ လေ့လာရသလောက် နိုင်ငံခြားပိုင်တဲ့ လူ ၈၀၀၊ ၉၀၀ လောက်ရှိတဲ့ရုံလည်း ပိတ်တယ်လို့ ကြားတယ်။ ပြည်တွင်း လုပ်ငန်းလေးတွေ ပိတ်တယ်လို့လည်း ကြားတယ်။ နောက်ဆုံး ရေခဲမုန့်ထုတ်တဲ့ ပြည်တွင်းအလုပ်ရုံ ပိတ်တာလည်း ကြားတယ်” ဟု ဆိုသည်။

ယင်းကိစ္စနှင့် ပတ်သက်၍ လှိုင်သာယာစက်မှုဇုန်ရှိ စက်ရုံ ၁၄ ရုံသည် အားလုံးပိတ်သိမ်းခြင်း မဟုတ်ဘဲ အနည်းငယ်သာ ပိတ်သိမ်းခြင်းဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့မှ ရခိုင်တိုင်းရင်းသားလူမျိုး ရေးရာဝန်ကြီး ဦးဇော်အေးမောင်က ပြောကြားသည်။

“လှိုင်သာယာ စက်မှုဇုန်မှာရှိတဲ့ စက်ရုံ ၁၄ ရုံ အားလုံး ပိတ်သွားတယ်ဆိုတာ မဟုတ်ပါဘူး။ ပိတ်တယ်ဆိုတာ နည်းနည်းပါးပါးလေး ပိတ်တာပါ။ ကျန်တဲ့စက်ရုံတွေက နေရာ ရွှေ့တာရွှေ့တယ်။ ပေါင်းတာက ပေါင်းတယ်။ အဲဒီတော့ ဒီဟာက ရန်ကုန်တိုင်းမှာ စက်ရုံတစ်ရုံပြီးတစ်ရုံ ပိတ်တယ်ဆိုတာ မဟုတ်ပါဘူး” ဟု ၀န်ကြီး ဦးဇော်အေးမောင်က ဆို သည်။

ထို့ပြင် ရန်ကုန်တိုင်းဒေသကြီးတွင် အလုပ်အကိုင်ရှားပါးပြီး အလုပ်သမားများ အလုပ်ပြုတ်တော့မည်ဆိုသည့် ကိစ္စသည် ဟုတ်မှန်မှု မရှိကြောင်း ၀န်ကြီးက ငြင်းဆန်ထား သည်။

မြန်မာနိုင်ငံအနေဖြင့် အထည်ချုပ်လုပ်ငန်း ရေရှည်တည်တံ့ခိုင်မြဲရေးအတွက် အလှမ်းဝေးနေသေးသည်ဟု ၂၀၁၆ ခုနှစ် ဒီဇင်ဘာက ထုတ်ပြန်ခဲ့သော ရှေ့ပြေးအသံ (Progressive Voice) ၏ “အနိမ့်ဆုံးကို မြှင့်တင်ပေးခြင်း” အစီရင်ခံစာ၌ ဖော်ပြထားသည်။

လက်ရှိအချိန်တွင် စီးပွားရေးမကောင်းသည့်အတွက် စက်ရုံအချို့ ပိတ်သိမ်းမှုများ ရှိနေခြင်းကြောင့် အလုပ်လက်မဲ့ဦးရေ ပိုများလာနိုင်သည့်အပြင် အလုပ်ရှင်ဘက်မှ တိမ်းရှောင်သွားသည့်အတွက် လုပ်ခလစာ မရသေးသည့် အလုပ်သမားများလည်း ရှိနေသည်။ ပြီးခဲ့သည့် ဇူလိုင်လတွင် ပခုက္ကူစက်မှုဇုန်က Myanmar Fu Fung အထည်ချုပ်စက်ရုံမှ အလုပ်ရှင်မှာ တိမ်းရှောင်သွားသည့်အတွက် စက်ရုံအလုပ်သမား ၃၀၀ ကျော် အနေဖြင့် လုပ်ခလစာရရှိရန် ဌာနဆိုင်ရာ တာဝန်ရှိသူများနှင့် ဆွေးနွေးညှိနှိုင်းနေရဆဲ ဖြစ်သည်။

ထိုသတင်းများကို ကြားသိရချိန်တွင် မကြည်ကြည်လှိုင် တစ်ယောက် တုန်လှုပ်ချောက်ချားမိသည်ဟု ဆိုသည်။ သူတစ်ယောက်တည်းအတွက် ဆိုလျှင်မူ ကိစ္စမရှိသော်လည်း လက်ရှိအချိန်တွင် နာမကျန်းဖြစ်နေသည့် မိဘနှစ်ပါး၏ စားစရိတ်နှင့် ဆေးကုသစရိတ်ကို ထောက်ပံ့ပေးနေရသည့်အတွက် စိုးရိမ်နေခြင်းဖြစ်သည်။

မိသားစု စားဝတ်နေရေးအတွက် အခြေအနေအရ အထည်ချုပ်စက်ရုံတွင် မိဝေးဖဝေး လာရောက် အလုပ်လုပ် နေရသော်လည်း မကြည်ကြည်လှိုင်က သူ့တွင် ရည်မှန်းချက် တစ်ခုရှိကြောင်း ဖွင့်ဟသည်။

“ပိုက်ဆံစုပြီးရင် ရွာမှာ အိမ်ဆိုင်လေး တစ်ဆိုင်လောက်တည်ပြီး မိဘတွေကို ရှာကျွေးမယ်လို့ စိတ်ကူး ထားတယ်” ဟု မကြည်ကြည်လှိုင်က အားပါးတရဆိုသည်။

 

အာဆီယံနိုင်ငံများ ထုတ်လုပ်မှု PMI ညွှန်းကိန်းတွင် မြန်မာနိုင်ငံ အဆင့်အနိမ့်ဆုံးသို့ ကျဆင်းပြီး နိုင်ငံခြားငွေလဲနှုန်း ဆိုးရွားစွာ မြင့်တက်မှုဒဏ်ကြောင့် ဖြစ်ပေါ်သော ကုန်ကျစရိတ်များ ကာမိရန် ကုန်ပစ္စည်း ရောင်းဈေးများ ဆက်လက်မြှင့်တင်

ရန်ကုန်တိုင်းဒေသကြီး အတွင်းရှိ စက်မှုကုန်ထုတ်စက်ရုံ တစ်ရုံကို တွေ့ရစဉ် (ဓာတ်ပုံ-ပြည့်ဖြိုးအောင်)

၂၀၁၈ ခုနှစ် ဇူလိုင်လ အာဆီယံနိုင်ငံများ ထုတ်လုပ်မှု PMI ညွှန်းကိန်း PMI (Manufacturing Purchasing Manager’s Index) ၀ယ်ယူရေး မန်နေဂျာများ၏ အညွှန်းကိန်း) တွင် မြန်မာက သုံးလဆက်တိုက် ကျဆင်း၍ နိုင်ငံပေါင်း ခုနစ်နိုင်ငံအနက် အဆင့်အနိမ့်ဆုံး နေရာအထိရောက်ပြီး နိုင်ငံခြားငွေလဲနှုန်း ဆိုးရွားစွာ မြင့်တက်မှုကြောင့် ဖြစ်ပေါ်သော ကုန်ကျစရိတ်များ ကာမိရန် ကုန်ပစ္စည်းရောင်းဈေးများ ဆက်လက်မြှင့်တင် လျက်ရှိကြောင်း Nikkei ၏ ပံ့ပိုးမှုဖြင့် ပြုလုပ်သော HIS Markit စစ်တမ်းတွင် ဖော်ပြချက်အရ သိရသည်။

၂၀၁၈ ခုနှစ် ဇူလိုင်လ အာဆီယံထုတ်လုပ်မှု PMI ညွှန်းကိန်းတွင် ဗီယက်နမ်နိုင်ငံ က ၅၄ ဒသမ ၉၊ ဖိလစ်ပိုင်နိုင်ငံက ၅၀ ဒသ မ ၉၊ အင်ဒိုနီးရှားနိုင်ငံက ၅၀ ဒသမ ၅၊ စင်ကာ ပူနိုင်ငံက ၅၀ ဒသမ ၂၊ ထိုင်းနိုင်ငံက ၅၀ ဒသမ ၁၊ မလေးရှားနိုင်ငံက ၄၉ ဒသမ ၇၊ မြန်မာနိုင်ငံက  ၄၇ ဒသမ ၉ ရရှိခဲ့ပြီး စစ်တမ်းကောက်ယူသည့် အာဆီယံနိုင်ငံ ခုနစ်နိုင်ငံတွင် မြန်မာနိုင်ငံက အဆင့်အနိမ့်ဆုံးသို့ ရောက်ရှိခဲ့ခြင်း ဖြစ်သည်။

၂၀၁၈ ခုနှစ် မတ်၊ ဧပြီ အာဆီယံနိုင်ငံများ ထုတ်လုပ်မှု PMI ညွှန်းကိန်းတွင် နှစ်လဆက်တိုက် ထိပ်ဆုံး၌ ရပ်တည်ခဲ့သော မြန်မာနိုင်ငံသည် စီးပွားရေး အရှိန်ပျော့လာခြင်းကြောင့် မေတွင် အဆင့် ၄၊ ဇွန်တွင် အဆင့် ၆၊ ဇူလိုင်တွင် အဆင့် ၇ နေရာအထိ ဆက်တိုက်ကျဆင်း ခဲ့ခြင်းဖြစ်သည်။

၂၀၁၈ ခုနှစ် ဇူလိုင်လအတွင်း မြန်မာအပါအ၀င် အချို့နိုင်ငံများတွင် နိုင်ငံခြားငွေလဲနှုန်းများ ဆိုးရွားလာ၍ သွင်းကုန်များဆိုင်ရာ ငွေကြေးဖောင်းပွမှုမှာ ပိုမိုမြင့်လာခဲ့သည်။ ကုန်ကျစရိတ်များ၏ အားကောင်းသည့် ဖိအားပေးမှုကို ဒေသတစ်ဝန်းတွင် တွေ့မြင်နိုင်ခဲ့ပြီး သွင်းကုန်ဈေးနှုန်းများ၏ ဖောင်းပွမှုမှာ တစ်ဟုန်ထိုး ထိုးတက်သွားသည်။ စစ်တမ်းတွင် အကျုံးဝင်ကြသည့် ခုနစ်နိုင်ငံ စလုံးတို့သည် ၂၀၁၈ ခုနှစ် တတိယ သုံးလပတ် အစပိုင်းတွင် ကုန်ကျစရိတ်များ၏ ၀န်ထုပ်ဝန်ပိုးများ ပိုမိုကြီးမားလာကြောင်း အစီရင်ခံကြသည်။ မြန်မာနိုင်ငံထဲတွင်မူ ပစ္စည်းဖြန့်ဖြူးကြ သူတို့ထံတွင် ပစ္စည်းများ နည်းပါးနေလျက် ငွေလဲနှုန်း အခြေအနေ မကောင်းသည့် အကြားမှာပင် အထင်ရှားဆုံး မြင့်တက်ခဲ့ကြောင်း အစီရင်ခံထားရာ ကုမ္ပဏီများသည် ၎င်းတို့၏ ရောင်းဈေးများကို ရှေ့ဆက်မြှင့်တင်ခဲ့ရကြောင်း သိရသည်။

မြန်မာနိုင်ငံအတွင်း ကုန်ထုတ်လုပ်ရေးကဏ္ဍ တစ်ဝန်းရှိ အခြေအနေများ အသင့်အတင့် ဆုတ်ယုတ်လာကြောင်း ဇူလိုင်စစ်တမ်း ဒေတာတွင် ညွှန်ပြခဲ့ပြီး ၂၀၁၇ ခုနှစ် စက်တင်ဘာလမှစ၍ ပထမဦးဆုံးလအဖြစ် ယခင်ကျဆင်းမှုနှင့်အတူ ထုတ်ကုန်နှင့် အော်ဒါသစ်များ ကျဆင်းမှုများကြောင့် အဓိက PMI ကိန်းကျဆင်းလာစေခဲ့သည်။ သို့ဖြစ်၍ ကုမ္ပဏီများသည် လွန်ခဲ့သည့် အောက်တိုဘာ ကတည်းကစပြီး ၀န်ထမ်းအင်အား ပထမအကြိမ် ကျဆင်းလာမှုကို မြင်တွေ့ခဲ့ကာ လက်ကျန် အလုပ်စာရင်းများလည်း သိသိသာသာ ဆက်လက်ကျဆင်းခဲ့သည်။

ယင်းအတောအတွင်း ကုန်ကြမ်းပစ္စည်းများ ရှားပါးလာခြင်းကြောင့် သွင်းကုန် ကုန်ကျစရိတ်များကို ရှေ့ဆက်ပြီး မြင့်မားစေခဲ့ပြီး ၀ယ်လိုအား အခြေအနေများ အားနည်းနေခဲ့သော်လည်း ထုတ်ကုန်များ အတွက် တောင်းခံသည့် ဈေးနှုန်းများ ပိုမိုဖောင်းပွလာခဲ့ခြင်းဖြင့် ကုမ္ပဏီများသည် မြင့်တက်လာသည့် ကုန်ကျစရိတ်အချို့ကို ဈေးဝယ်များအပေါ် လွှဲချပေးခဲ့ကြသည်။

ကုန်စည်ထုတ်လုပ်ရေး လုပ်ငန်းများ ရရှိခဲ့ကြသည့် လုပ်ငန်းအော်ဒါသစ်များမှာ ဇူလိုင်လတွင် ကျဆင်းခဲ့ပြီး အော်ဒါသစ်များမှာ ဒုတိယလအထိ ဆက်တိုက်ကျဆင်း လာခဲ့ပြီး ကျဆင်းမှုနှုန်းမှာမူ နှစ်နှစ်အတွင်း အမြန်ဆုံးသို့ အရှိန်မြင့်တက် သွားခဲ့သည်။ ထောက်ပြခဲ့သူ အများစုက စားသုံးသူတို့၏ ၀ယ်နိုင်စွမ်းအား ပျော့လာခြင်းမှာ ဖောက်သည်များဘက်မှ ၀ယ်လိုအားကို လျှော့ချပစ်ခဲ့သည်ဟု ယူဆသည်။ အခြားကုမ္ပဏီများကမူ ကုန်ကြမ်းပစ္စည်း ရှားပါးမှုကြောင့် အချို့ကိစ္စများတွင် အော်ဒါသစ်များကို ငြင်းပယ်ခဲ့ရကြောင်း သိရသည်။

 

ဒေါ်လာဈေးဂယက်၊ ကုန်ဈေးနှုန်းအတက်နှင့် ရုန်းထနိုင်ရန် မမြင်သေးသော မြန်မာ့စီးပွားရေး

၂၀၁၇ ခုနှစ် မတ်လနောက်ပိုင်းမှစ၍ အတက်အကျနည်းပါး ခဲ့သည့် နိုင်ငံခြားငွေလဲနှုန်း ဒေါ် လာဈေးသည် ၂၀၁၈ ခုနှစ် ဇွန်လ ဒုတိယပတ်မှစတင်ကာ ပြန်လည် လှုပ်ခတ်ခဲ့သည်။ ကမ္ဘာ့ဈေးကွက် တွင် ဒေါ်လာဈေး အားကောင်းနေသောကြောင့် ပြည်တွင်းဈေးကွက်တွင် နိုင်ငံခြားငွေလဲနှုန်းနှစ်ပတ် ကျော်အတွင်း ကျပ် ၆၀ ခန့်မြင့်တက် ခဲ့ပြီး တစ်ဒေါ်လာ ၁၄၀၇ ကျပ်အထိ ရောက်ခဲ့ကာ စံချိန်တင်ဈေးနှုန်းကို ချိုးနိုင်ရန် ကျပ် ၃၀ ၀န်းကျင်သာ လိုတော့ခြင်းဖြစ်သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေးအညွှန်းကိန်း သိ သိသာသာ ပြန်လည်မြင့်တက်ခဲ့ခြင်းဖြစ်ပြီး မြန်မာကျပ်ငွေ အပါအ၀င် နိုင်ငံတကာငွေကြေး တန်ဖိုးများအပေါ် သက်ရောက်မှုများ ဖြစ်ပေါ်ခဲ့ ခြင်းဖြစ်သည်။ အမေရိကန်နိုင်ငံ ရွေးကောက်ပွဲ ပြုလုပ်ခဲ့သည့် ၂၀၁၆ ခုနှစ် နိုဝင်ဘာလနောက်ပိုင်း ၂၀၁၇ ဇန်န၀ါရီ ၃ ရက်တွင် ၁၀၃ ဒသမ ၈၂  ပွိုင့် အထိမြင့်တက်ခဲ့ပြီး ၂၀၁၈ ခုနှစ် ဇန်န ၀ါရီ ၂၅ ရက်တွင် ၈၈ ဒသမ ၆၃ ပွိုင့် အထိကျဆင်းခဲ့သည်။ ပြီးခဲ့သည့် ငါးလအတွင်း အမြင့်ဆုံးဖြစ်ပေါ်ခဲ့ သော ကမ္ဘာ့ဒေါ်လာဈေးညွှန်းကိန်း များမှာ ဒီဇင်ဘာလတွင် ၉၄ ဒသမ ၁၈ ပွိုင့်၊ ဇန်န၀ါရီလတွင် ၉၂ ဒသမ ၃၆ ပွိုင့်၊ ဖေဖော်ဝါရီလတွင် ၉၀ ဒသမ ၄၃ ပွိုင့်၊ မတ်လတွင် ၉၀ ဒသမ ၃၇ ပွိုင့်၊ ဧပြီလတွင်  ၉၁ ဒသမ ၇၁ ပွိုင့်၊ မေလတွင် ၉၄ ဒသမ ၈၃ ပွိုင့်ဖြစ်ပြီး  ဇွန် ၂၁ ရက်တွင် ၉၅ ဒသမ ၁၆ ပွိုင့်ဝန်းကျင်၊ ဇွန် ၂၈ ရက် တွင် ၉၅ ဒသမ ၂၁ ပွိုင့်ဝန်းကျင်သို့ ရောက်ရှိခဲ့ခြင်း ဖြစ်သည်။

ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီ လတွင် ၁၃၂၃-၁၃၃၁ ကျပ်၊ မတ်လ တွင် ၁၃၂၆-၁၃၃၄ ကျပ်၊ ဧပြီလ တွင် ၁၃၂၄-၁၃၃၂ ကျပ်၊ မေလတွင် ၁၃၃၂-၁၃၅၁ တို့ဖြစ်ပြီး ဇန်န၀ါရီ တွင် ကွာဟချက်အများဆုံးဖြစ်ပေါ် ခဲ့သည်။

ပြီးခဲ့သည့် မတ်လအတွင်း အ မြင့်ဆုံးဈေးနှုန်းအဖြစ် မတ် ၂၁ ရက် တွင် ၁၃၃၄ ကျပ် ဖြစ်ပေါ်ခဲ့သော ဒေါ်လာဈေးသည် မတ် ၂၉ ရက်တွင် ၁၃၂၈ ကျပ်အထိ၊ ဧပြီလဆန်းတွင် ၁၃၂၄ ၀န်းကျင်အထိ ကျဆင်းခဲ့ သည်။ ထို့ နောက် ဧပြီလကုန်ပိုင်း ၂၈ ရက်တွင် ၁၃၃၁  ကျပ်၊ မေ ၂၁ ရက် တွင် ၁၃၅၁ ကျပ်အထိ မြင့်တက်ခဲ့ပြီး ဇွန် ၁၁ ရက်တွင် ၁၃၄၆ ကျပ်၊ ဇွန် ၁၅ ရက်တွင် ၁၃၅၅ ကျပ်၊  ဇွန် ၁၆ ရက် တွင် ၁၃၆၅ ကျပ်၊ ဇွန် ၂၀ ရက်တွင်  ၁၃၆၈ ကျပ်၊ ဇွန် ၂၁ ရက်တွင် ၁၃၇၅ ကျပ်၊ ဇွန် ၂၆ ရက်တွင် ၁၃၈၃၊ ဇွန် ၂၇ ရက်တွင် ၁၃၉၅၊ ဇွန် ၂၈ ရက်တွင် ၁၄၀၇ ကျပ်ဝန်းကျင် ဖြစ်ပေါ်ခဲ့သည်။

၂၀၁၆ ခုနှစ် ဒီဇင်ဘာ ၁၆ ရက်တွင် သမိုင်းတစ်လျှောက် အမြင့်ဆုံး ငွေလဲနှုန်းထားအဖြစ် ၁၄၃၈ ကျပ် အထိ ရောက်ရှိခဲ့ပြီး ၂၀၁၈ ခုနှစ် ဇွန် ၂၈ ရက်တွင် ဖြစ်ပေါ်သော တစ် ဒေါ်လာ ၁၄၀၇ ကျပ် ဈေးနှုန်းသည် ၂၀၁၆ ခုနှစ် ဒီဇင်ဘာနောက်ပိုင်း အမြင့်ဆုံးဈေးနှုန်းဖြစ်သည်။

ကမ္ဘာ့ဘဏ်မှ ထုတ်ပြန်ထား သော စီးပွားရေးဆိုင်ရာအစီရင်ခံ စာများအရ မြန်မာနိုင်ငံ ၏ စီးပွားရေး ဖွံ့ဖြိုးတိုးတက်မှုနှုန်းသည် ၂၀၁၃ -၂၀၁၄ ဘဏ္ဍာနှစ်တွင် ၈ ဒသမ ၄ ရာခိုင်နှုန်း၊ ၂၀၁၄-၂၀၁၅ ဘဏ္ဍာနှစ် တွင် ရှစ်ရာခိုင်နှုန်းရှိရာမှ ရွေးကောက် ပွဲနှင့် အစိုးရအပြောင်းအလဲကာလ များဖြစ်သော ၂၀၁၅-၂၀၁၆ ဘဏ္ဍာ နှစ်တွင် ခုနစ်ရာခိုင်နှုန်း၊ ၂၀၁၆-၂၀၁၇ ဘဏ္ဍာနှစ်တွင် ၅ ဒသမ ၉ ရာ ခိုင်နှုန်းအထိ ကျဆင်းခဲ့ကာ ၂၀၁၇-၂၀၁၈ ဘဏ္ဍာနှစ်တွင် ၆ ဒသမ ၄ ရာခိုင်နှုန်း၊ ၂၀၁၈-၂၀၁၉ ဘဏ္ဍာနှစ် တွင် ၆ ဒသမ ၈ ရာခိုင်နှုန်းအထိ ပြန် လည်မြင့်တက်ခဲ့သည်။ ထိုသို့ စီးပွား ရေးတိုးတက်မှုနှုန်း  တက်ရိပ်ပြလာ ချိန်တွင် ဒေါ်လာဈေးမြင့် တက်လာ ခြင်းကြောင့် ငွေကြေးဖောင်းပွမှုနှုန်းနှင့် ကုန်ဈေးနှုန်းများလည်း မြင့်တက်ကာ စီးပွားရေးတိုးတက်မှုနှုန်းကို အားပျော့စေနိုင်သည်။

နိုင်ငံခြားငွေလဲနှုန်းအတက် အကျသည် နိုင်ငံခြားငွေဝယ်လိုအားနှင့် ရောင်းလိုအားကို သက်ရောက် စေနိုင်သောအကြောင်းရင်းများ အ ပေါ်တွင် အခြေခံပြီး အဓိကကျသည့် အချက်များမှာ နိုင်ငံခြားငွေကြေးဈေး ကွက်အခြေအနေ၊ နိုင်ငံ့ပို့ကုန်သွင်း ကုန်ပမာဏ၊ နိုင်ငံ့စီးပွားရေးဖွံ့ဖြိုးတိုး တက်မှုနှုန်း၊ ရသုံးမှန်းခြေငွေစာရင်း အခြေအနေ၊ စီးပွားရေးစနစ်အတွင်း ရှိ ကုန်စည်နှင့် ၀န်ဆောင်မှုများ၏ ဈေးနှုန်းအခြေအနေတို့ ဖြစ်သည်။ မြန်မာနိုင်ငံ၏ လက်ရှိအခြေအနေ မှာ ကုန်သွယ်ရေးလိုငွေ၊ ဘတ်ဂျက် လိုငွေများပြားနေသည့်အပြင် စီးပွား ရေးတိုးတက်မှုနှုန်းမှာလည်း ၂၀၁၆ မတိုင်ခင်နှစ်များနှင့် နှိုင်းယှဉ်ပါက လျော့နည်းနေခြင်းဖြစ်သည်။ ယင်း အချိန်တွင် ဒေါ်လာဈေး မြင့်တက်မှု ကြောင့် သွင်းကုန်ဈေးနှုန်းများ၊ အထူး သဖြင့် ဈေးကွက်အတွင်းသုံးစွဲမှုများ ပြားသော စက်သုံးဆီ၊ ဆက်သွယ်ရေး ပစ္စည်း၊ ဆေးဝါး၊ အစားအစာကဲ့သို့ ကုန်စည်များကို ဈေးနှုန်းမြင့်တက်စေ ပြီး ကုန်ဈေးနှုန်းနှင့် ငွေကြေးဖောင်း ပွမှုနှုန်းကို မြင့်တက်စေမည်ဖြစ်သည်။

၂၀၁၈ ခုနှစ် မေလတွင် ပျမ်း မျှငွေကြေးဖောင်းပွမှုနှုန်း ၄ ဒသမ ၂၉ ရာခိုင်နှုန်းရှိပြီး ဧပြီလတွင် ဖြစ် ပေါ်ခဲ့သည့် ပျမ်းမျှငွေ ကြေးဖောင်း ပွမှုနှုန်းထက် ရာခိုင်နှုန်းအနည်းငယ် မြင့်တက်ခဲ့ကြောင်း ဗဟိုစာရင်းအင်း အဖွဲ့မှ ထုတ်ပြန်သည့်စားသုံးသူဈေး ဆနှုန်းနှင့် ငွေကြေးဖောင်းပွမှုနှုန်း အခြေအနေတွင် ဖော်ပြထားသည်။

၂၀၁၈ ခုနှစ် မေလအထိ တစ် နှစ်အတွင်း ပျမ်းမျှငွေကြေးဖောင်းပွမှု နှုန်းမှာ ၄ ဒသမ ၂၉ ရာခိုင်နှုန်းဖြစ်ပြီး  ၂၀၁၈ ခုနှစ် ဧပြီလတွင် ငွေကြေးဖောင်း ပွမှုနှုန်း ၄ ဒသမ ၁၂ ရာခိုင်နှုန်းနှင့် နှိုင်းယှဉ်ပါက ငွေကြေးဖောင်းပွမှုနှုန်း အနည်းငယ် ပြန်လည်မြင့်တက် လာခြင်းဖြစ်သည်။

တစ်နိုင်ငံလုံးအတွက် ၂၀၁၂  ခုနှစ် အခြေခံနှစ်ဖြင့် စားသုံးသူဈေး ဆနှုန်းအပေါ် အခြေခံတွက်ချက်ထား သော ငွေကြေးဖောင်းပွမှုနှုန်းမှာ ၂၀၁၈ ခုနှစ် မေလအထိ တစ်နှစ် ပျမ်းမျှ ၄ ဒသမ ၂၉ ရာခိုင်နှုန်းရှိပြီး ၂၀၁၈ ခုနှစ် မေလနှင့် ၂၀၁၇ ခုနှစ် မေလတို့၏ နှစ်အလိုက်ပြောင်းလဲမှု ကိုနှိုင်းယှဉ်ပါက (Year on Year Inflation) မှာ ၅ ဒသမ ၉ ရာခိုင်နှုန်းရှိသည်။

၂၀၁၈ ခုနှစ် မေလအတွင်း မန္တလေးမြို့တွင် ၈ ဒသမ ၅၁ ရာ ခိုင်နှုန်းဖြင့် ပျမ်းမျှငွေကြေး ဖောင်းပွမှုနှုန်း အမြင့်ဆုံးဖြစ်ပေါ်ခဲ့ပြီး ရခိုင်ပြည်နယ်တွင် ၈ ဒသမ ၄၁ ရာခိုင် နှုန်းဖြင့် ဒုတိယအမြင့်ဆုံးဖြစ်ကာ ဧရာဝတီတိုင်း ဒေသကြီးတွင် ၅ ဒသမ ၂၅ ရာခိုင်နှုန်းဖြင့် တတိယအမြင့်ဆုံး ဖြစ်ခဲ့ခြင်းဖြစ်သည်။

၂၀၁၈ ခုနှစ် မေလအထိ နှစ်အလိုက်ငွေကြေးဖောင်းပွမှုနှုန်းမှာ မန္တလေးမြို့တွင် ၁၁ ဒသမ ၃၈ ရာခိုင် နှုန်းဖြင့် ပြောင်းလဲမှု အများဆုံးဖြစ် ပေါ်ခဲ့ပြီး ပြည်ထောင်စုနယ်မြေ တွင် ၂ ဒသမ ၅၀ ရာခိုင်နှုန်းဖြင့် ပြောင်းလဲမှု ရာခိုင်နှုန်း အနည်းဆုံး ဖြစ်ပေါ်ခဲ့သည်။

တစ်နိုင်ငံလုံးအတွက် စားသုံးသူဈေးဆနှုန်းနှင့် ငွေကြေးဖောင်း ပွမှုနှုန်းကို ပြောင်းလဲတွက်ချက်တင် ပြနိုင်ရန် ၂၀၁၂ ခုနှစ် နိုဝင်ဘာလတွင် ဗဟိုစာရင်းအင်းအဖွဲ့သည် အိမ် ထောင်စုဝင်ငွေနှင့် စားသုံးမှုစစ်တမ်းကို မြို့နယ်ပေါင်း ၈၂ မြို့နယ်တွင် နမူနာအိမ်ထောင်စုပေါင်း ၃၂ç၆၆၉ ကို စစ်တမ်းကောက်ယူခဲ့ကြောင်း သိရသည်။

ယခင်က ၂၀၀၆ ခုနှစ်ကို အခြေခံ၍ ငွေကြေးဖောင်းပွမှုနှုန်းကို တွက်ချက်ခဲ့သော်လည်း ယခုအခါ ၂၀၁၂ ခုနှစ် စစ်တမ်းအပေါ် အခြေခံ၍ အခြေခံနှစ် (Base Year) အား ပြောင်းလဲတွက်ချက် ခဲ့ခြင်းဖြစ်သည်။

ငွေကြေးဖောင်းပွမှုနှုန်း လျော့ကျရန် ဘဏ္ဍာရေး၊ ငွေကြေး၊ ကုန်သွယ်ရေးနှင့် နိုင်ငံခြားငွေထိန်းချုပ် ရေးမူဝါဒများအပေါ် အခြေခံပြီး မဖြစ်မနေ ဆောင်ရွက်သွားမည်ဖြစ်ကြောင်း အမျိုးသားဖွံ့ဖြိုးတိုးတက်မှု ဒုတိယကာလတို ငါးနှစ်စီမံကိန်း (၂၀၁၆-၂၀၁၇ ဘဏ္ဍာနှစ်မှ ၂၀၂၀ -၂၀၂၁ ဘဏ္ဍာနှစ်) တွင် ဖော်ပြထားသည်။

ငွေကြေးဖောင်းပွမှုနှုန်းသည် ပထမကာလတို ငါးနှစ်စီမံကိန်း (၂၀၁၁-၂၀၁၂ ဘဏ္ဍာနှစ်မှ ၂၀၁၅ -၂၀၁၆ ဘဏ္ဍာနှစ်အထိ) ကာလ တွင် တိုးတက်ခဲ့ခြင်းကြောင့် ဒုတိယကာလတိုငါးနှစ်စီမံကိန်း (၂၀၁၆-၂၀၁၇ ဘဏ္ဍာနှစ်မှ ၂၀၂၀- ၂၀၂၁ ဘဏ္ဍာနှစ်) တွင် လက်ရှိဖြစ်ပေါ်နေ သည့်  ငွေကြေး ဖောင်းပွမှုနှုန်းလျော့ ကျစေရေးအတွက် ဘဏ္ဍာရေးမူ ၀ါဒ၊ ငွေကြေးမူဝါဒ၊ ကုန်သွယ်ရေး မူဝါဒနှင့်  နိုင်ငံခြားငွေထိန်းချုပ်ရေး မူဝါဒများအပေါ်အခြေခံ၍ ငွေ ကြေးဖောင်းပွမှုနှုန်း ထိန်းချုပ်ရေး ကိစ္စရပ်များအား မဖြစ်မနေဆောင် ရွက်သွားမည်ဟု ဆိုသော်လည်း  လက်ရှိအချိန်အထိ လေးရာခိုင်နှုန်း ကျော်တွင် တည်ရှိနေဆဲဖြစ်သည်။

မြန်မာနိုင်ငံ၏ တစ်နှစ်ပျမ်းမျှ ငွေကြေးဖောင်းပွမှုနှုန်းသည် ၂၀၀၆ ခုနှစ် အခြေခံနှစ်အရ ၂၀၁၁-၂၀၁၂  ဘဏ္ဍာနှစ်တွင် ၂ ဒသမ ၈၂ ရာခိုင် နှုန်း၊ ၂၀၁၂-၂၀၁၃ ဘဏ္ဍာ နှစ်တွင် ၂ ဒသမ ၈၅ ရာခိုင်နှုန်း၊ ၂၀၁၃-၂၀၁၄ ဘဏ္ဍာနှစ်တွင် ၅ ဒသမ ၇၂ ရာခိုင်နှုန်း၊ ၂၀၁၄-၂၀၁၅ ဘဏ္ဍာ နှစ်တွင် ၅ ဒသမ ၉၀ ရာခိုင်နှုန်း၊  ၂၀၁၂  ခုနှစ် အခြေခံနှစ်အရ ၂၀၁၅-၂၀၁၆ ဘဏ္ဍာနှစ် ၂၀၁၆ ခုနှစ် ဇွန်လတွင် ၁၀ ဒသမ ၆၀ ရာခိုင်နှုန်းဖြစ်ပေါ်ခဲ့ သည်။ ယင်း နောက်ပိုင်းငွေကြေးဖောင်းပွမှု နှုန်း တဖြည်းဖြည်းပြန်ကျခဲ့ရာ ၂၀၁၇ ခု နှစ် ဒီဇင်ဘာလတွင် ၄ ဒသမ ၆၁ ရာခိုင်နှုန်းအထိ ကျဆင်းခဲ့သည်။ ၂၀၁၈ ခုနှစ် မတ်လမှစ၍ ပျမ်းမျှ ငွေဖောင်းပွမှုနှုန်း ပြန်တက်ခဲ့ပြီး ဧပြီတွင် ၄ ဒသမ ၁၂ ရာခိုင်နှုန်း၊ ၂၀၁၈ ခု နှစ် မေတွင် ၄ ဒသမ ၂၉ ရာခိုင်နှုန်းအထိ မြင့်တက်ခဲ့သည်။

ထို့အတူ ပြီးခဲ့သည့် ၂၀၁၇ ခုနှစ် ဇူလိုင်နှင့် သြဂုတ်တွင် နှစ်အလိုက် ငွေကြေးဖောင်းပွမှုနှုန်း (Year on Year Inflation) သုံးရာခိုင်နှုန်းအောက်သာ ရှိရာမှ ၂၀၁၇ ခုနှစ် နိုဝင်ဘာမှ စတင်ကာ လေးရာခိုင်နှုန်းကို ကျော်လွန်ခဲ့ပြီး ၂၀၁၈ ခုနှစ် ဇန်န၀ါရီတွင် ငါးရာခိုင်နှုန်းအထက်၊ ၂၀၁၈ ခုနှစ် ဧပြီနှင့် မေတွင် ခြောက်ရာခိုင်နှုန်း နီးပါးအထိ မြင့်တက်ခဲ့ကာ နိုင်ငံခြားငွေလဲနှုန်း၊ ဒေါ်လာဈေး မြင့်တက်ခဲ့သည့် ၂၀၁၈ ခုနှစ် ဇွန်လတွင် မြင့်တက်ခဲ့သည့် ကုန်ဈေးနှုန်းများကြောင့် ငွေကြေးဖောင်းပွမှုနှုန်း မြင့်တက်စေဦးမည်ဖြစ်သည်။

စီမံကိန်းနှင့် ဘဏ္ဍာရေးဝန်ကြီးဌာန ဗဟိုစာရင်းအင်းအဖွဲ့မှ ထုတ်ပြန်သော ၂၀၁၈ ခုနှစ် မေလ အတွင်း မြန်မာနိုင်ငံ၏ စားသုံးသူ ဈေးဆနှုန်းနှင့် ငွေကြေးဖောင်းပွမှု နှုန်းအခြေအနေအရ ပျမ်းမျှငွေကြေး ဖောင်းပွမှုနှုန်းများမှာ အစား အစာအုပ်စုတွင် ၃ ဒသမ ၅၂ ရာ ခိုင်နှုန်း၊ အစားအစာမဟုတ်သော အုပ်စုတွင် ၅ ဒသမ ၆၇ ရာခိုင်နှုန်း၊ အစားအစာနှင့် လောင်စာဆီ မပါဝင်သော စားသုံးသူဈေးဆနှုန်း (Core CPI) ၄ ဒသမ ၁၄ ရာခိုင်နှုန်း  ဖြစ်ပေါ်ခဲ့သည်။

အစားအစာအုပ်စုအလိုက် အနေဖြင့်  ဖြစ်ပေါ်သော ပျမ်းမျှငွေကြေး ဖောင်းပွမှုနှုန်းထားများမှာ အဖျော်ယမကာနှင့် ဆေးရွက်ကြီး ထွက်ပစ္စည်း ၁၁ ဒသမ ၀၄ ရာခိုင် နှုန်း၊ အ၀တ်အထည် ၁ ဒသမ ၆၂ ရာခိုင်နှုန်း၊ အိမ်လခနှင့် အိမ်ပြင်ခ ၅ ဒသမ ၄၂ ရာခိုင်နှုန်း၊ အိမ်အသုံး အဆောင်ပစ္စည်းနှင့် ပြုပြင်ထိန်း သိမ်းရေးစရိတ် ၂ ဒသမ ၅၂ ရာခိုင် နှုန်း၊ ကျန်းမာရေး ၄ ဒသမ ၄၈ ရာ ခိုင်နှုန်း၊ သယ်ယူပို့ဆောင်ရေး ၉ ဒသမ ၄၅ ရာခိုင်နှုန်း၊ ဆက်သွယ် ရေး ၈ ဒသမ ၁၇ ရာခိုင်နှုန်း၊ အပန်း ဖြေခြင်းနှင့် ယဉ်ကျေးမှု ၀ ဒသမ ၈၁ ရာခိုင်နှုန်း၊ ပညာရေး ၀ ဒသမ ၉၁ ရာခိုင်နှုန်း၊ ပြင်ပအစားအသောက် ၆ ဒသမ ၃၅ ရာခိုင်နှုန်း၊ အထွေထွေ ကုန်ပစ္စည်း ၃ ဒသမ ၈၅ ရာခိုင် နှုန်းဖြစ်ပေါ်ခဲ့ပြီး အဖျော်ယမကာနှင့် ဆေးရွက်ကြီးထွက်ပစ္စည်း၊ သယ်ယူပို့ဆောင်ရေး၊ ဆက်သွယ်ရေး၊ ပြင်ပအစားအသောက်၊ အိမ်လခ၊ အိမ်ပြင်ခနှင့် ကျန်းမာရေး ကဏ္ဍတို့တွင် ငွေကြေးဖောင်းပွမှုနှုန်း မြင့်မားနေခြင်းဖြစ်သည်။

ထို့အတူ ၂၀၁၈ ခုနှစ် မေလ အတွက် တစ်နိုင်ငံလုံးအတွက် စား သုံးသူဈေးဆနှုန်းမှာ အစားအစာ အုပ်စုအတွက် ၁၅၁ ဒသမ ၈၂၊ အစားအစာ မဟုတ်သော အုပ်စုအတွက် ၁၂၃ ဒသမ ၉၄ နှင့် အုပ်စုအားလုံး အတွက် ၁၄၀ ဒသမ ၂၄ ရှိပြီး ၂၀၁၈ ခုနှစ် ဧပြီလ (၁၃၉ ဒသမ ၈၂) နှင့် နှိုင်းယှဉ်ပါက ၀ ဒသမ ၃၀ ရာခိုင်နှုန်း မြင့်တက်ခဲ့သည်။ စားသုံးသူ ဈေးဆနှုန်း၏ နှစ်အလိုက် ပြောင်းလဲမှု အခြေအနေမှာ ၂၀၁၈ ခုနှစ် မေလ၏ စားသုံးသူဈေးဆနှုန်း မှာ ၁၄၀ ဒသမ ၂၄ ဖြစ်သဖြင့် ၂၀၁၇ ခုနှစ် မေလ၏ အခြေအနေ ၁၃၂ ဒသမ ၄၂ နှင့် နှိုင်းယှဉ်ပါက ၅ ဒသမ ၉၀ ရာခိုင်နှုန်း မြင့်တက်ခဲ့သည်။ အလားတူ ၂၀၁၈ ခုနှစ် မေလ၏ အစားအစာနှင့် လောင်စာဆီ မပါဝင်သော စားသုံးသူဈေးဆနှုန်း (Core CPI)မှာ ၁၁၉ ဒသမ ၄၅ ဖြစ်ရာ ၂၀၁၇ ခုနှစ် မေလ၏ Core CPI အခြေအနေ ၁၁၃ ဒသမ ၇၁ နှင့် နှိုင်းယှဉ်ပါက ၅ ဒသမ ၀၅ ရာ ခိုင်နှုန်းမြင့်တက်ခဲ့ခြင်း ဖြစ်သည်။

ကုန်ဈေးနှုန်းအပေါ် သက်ရောက်မှု

ဇွန်လ ဒုတိယပတ်မှစတင်ကာ နိုင်ငံခြားငွေလဲနှုန်းများ နှစ်ပတ်ခန့် ဆက်တိုက်မြင့်တက်ခဲ့သဖြင့် ပြည်တွင်း၌ ဆေးဝါး၊ ပြည်ပမှ တင်သွင်းရသည့် ကုန်စည်အချို့ ဈေးနှုန်းမြင့်တက်ခဲ့သည်။

“ပြည်တွင်းကထုတ်တဲ့ ကုန်ပစ္စည်းတွေဖြစ်တဲ့ ဆန်၊ဆီ၊ ဆား၊ ငရုတ်၊ ကြက်သွန် ဖြူ/နီ၊ အာလူးတို့ကတော့ အရမ်းကြီးဈေးထိုးတက် သွားတာမရှိဘူး။ ပြည်ပကနေသွင်း ရတဲ့ ကုန်ပစ္စည်းတွေတော့ ဈေး တက်တယ်။ ထိုင်းကလာတဲ့ မီးဖိုချောင်သုံး ကုန်ပစ္စည်းတွေကတော့ ဈေးတက်တယ်။ မြန်မာငွေတန်ဖိုး ကျလို့လားတော့ မပြောတတ်ဘူးလေ။ ကျွန်တော်တို့ကတော့ ဒိုင်က ၀ယ်တဲ့ ဈေးထက်တော့ ဈေးနည်းနည်းတင်ပြီး ရောင်းတယ်။ ဒါမှလည်း အမြတ်ငွေကျန်မှာကိုး” ဟု တာမွေမြို့နယ် ကုန်စုံဆိုင်တစ်ခု၏ ဆိုင်ပိုင်ရှင်ဖြစ်သူက ပြောကြားသည်။

နိုင်ငံခြားငွေလဲနှုန်း ဆက်တိုက်မြင့်တက်မှုကြောင့် ဆေးဈေးကွက်အတွင်း ဆေးဝါးအများစုဈေးနှုန်း မြင့်တက်နေပြီး လက်ကားရောင်းချသူများက ပြည်ပမှတင်သွင်းသည့် ဆေးဝါးအချို့ကို ကန့်သတ်ရောင်းချမှုများ ရှိနေကြောင်း ရွှေပြည့်စုံဈေးရှိ ဆေးလက်လီလက်ကား အရောင်းဆိုင်များမှ သိရသည်။

လက်ရှိ ဆေးဈေးကွက်အတွင်း ဒေါ်လာဈေးမြင့်တက်မှုကြောင့် ဆေး ကုမ္ပဏီအချို့က ဆေးဝါးရောင်းချမှုကို ရပ်ဆိုင်းထားပြီး ကုမ္ပဏီဘက်မှ ဈေးနှုန်းအတက် အကျနှင့်ပတ်သက်၍ ဆေးရောင်းချသူများအား ပြန်လည် အသိပေးသွားမည်ဟု ပြောကြားထားကြောင်း ရွှေပြည့်စုံဈေးရှိ ဆေးလက်ကား အရောင်းဆိုင်များမှ သိရသည်။

“တစ်နေ့က ဈေးဆင်းဝယ်တော့ ပြည်ပက တင်သွင်းဆေးအချို့ကို ၀ယ်သလောက် ဒိုင်ကမရောင်း ဘူး။ ဘာလို့လဲမေးတော့ ပစ္စည်းနည်းနေတယ်။ ဈေးတက်မယ်ပေါ့။ အခုက ဒေါ်လာဈေးတွေလည်း တက် နေတော့ ဆေးကိုလုံးဝမရောင်းတာ မျိုးမဟုတ်ပေမဲ့ ချွေရောင်းတဲ့သဘော ဖြစ်နေတယ်။ လိုသလောက်မရတော့ ပိုလိုချင်တဲ့သူက ဈေးပိုပေးဆိုတဲ့ သဘောပေါ့။ ပုံမှန်အိမ်သုံး ဆေးဝါးတွေကိုတော့ အဲလိုမလုပ်ဘူး။ ပုံမှန်အတိုင်း ရောင်းပါတယ်” ဟု မြတ်မေတ္တာမွန်ဆေးဆိုင်မှ ဒေါ်မြင့်ရီက ပြောကြားသည်။

လက်ရှိ ဆေးဈေးကွက်အတွင်း ဒေါ်လာဈေးမြင့်တက်မှုကြောင့် ဆေးကုမ္ပဏီအချို့က ဆေးဝါးရောင်းချမှုကို ရပ်ဆိုင်းထားပြီး ကုမ္ပဏီဘက်မှ ဈေးနှုန်းအတက်အကျနှင့် ပတ်သက်၍ ဆေးရောင်းချသူများအား ပြန်လည် အသိပေးသွားမည်ဟု ပြောကြားထားကြောင်း ရွှေပြည့်စုံဈေးရှိ ဆေးလက်ကား အရောင်းဆိုင်များမှ သိရသည်။

“ဒေါ်လာဈေးတက်ရင် ဆေးတွေကလည်း နည်းနည်းစီ တက်သွားကြတာ။ တချို့ကုမ္ပဏီတွေက မတက်ဘူးလေ။ ဆေးကတော့ အများသုံး ဆေးတွေပဲတက်တာ။ တချို့ကျတော့လည်း ကုမ္ပဏီတွေက အရောင်းပိတ်သွားကြတယ်။ ဒီလပိုင်းဆို အရောင်းတော်တော်ပါးတယ်။ မိုးတွင်းမို့လည်း မဟုတ်ဘူး။ အရောင်းက ပါးကိုပါးနေတာ။ ဆိုင်တိုင်းလိုလို ပါးနေတာ တွေ့ရတယ်” ဟုရွှေပြည့်စုံဈေးမှ နိုင်ငံခြား ဆေးမျိုးစုံ ရောင်းချနေသည့် သူဇာဆေးဆိုင်မှ မသူဇာက ပြောကြားသည်။

ပုဂ္ဂလိကနိုင်ငံခြားငွေလဲကောင်တာ တစ်ခုတွင် ငွေကြေးလဲလှယ်နေသည်ကို တွေ့ရစဉ် (ဓာတ်ပုံ-ကြည်နိုင်)

ဆေးဈေးကွက်အတွင်း အရောင်းအ၀ယ်ပါးနေသည်မှာ ကာလတစ်ခု ရှိခဲ့ပြီဖြစ်ကြောင်း၊ လက်ရှိဖြစ်ပေါ်နေသည့် ငွေလဲနှုန်း အခြေအနေကြောင့် ကုမ္ပဏီအချို့က ဈေးတက်ရောင်းချင်ကြောင်း၊ သို့သော် လက်ရှိတွင် အရောင်းအ၀ယ် ပါးနေသဖြင့် မှိန်းပြီးသာ ဆက်လက်လုပ်ကိုင် နေကြရကြောင်း ရွှေပြည့်စုံဈေးတွင် နိုင်ငံခြားဆေးမျိုးစုံ ရောင်းချနေသူများက ဆိုသည်။

အချို့ကုန်စည်များ ဈေးနှုန်း မြင့်တက်ခဲ့သော်လည်း အချို့မှာမူ ပုံမှန်ဈေးနှုန်းများ အတိုင်းသာ ရှိနေဆဲဖြစ်သည်။

“လောလောဆယ်တော့ ဆီတွေ စားသောက်ကုန်အချို့တော့ ဈေးမတက်သေးပါဘူး” ဟု စမ်းချောင်းမြို့နယ်တွင် နေထိုင်သူ မသီရိက ပြော ကြားသည်။

“ဟော့ပေါ့ဆိုင်တွေမှာလည်း ဈေးတက်တယ်။ အသားတစ်ပွဲကို ၂၀၀ တက်တယ်။ အသီးအရွက် ၅၀ တက်တယ်” ဟု ရန်ကုန်မြို့ခံတစ်ဦးက ပြောကြားသည်။

ပြီးခဲ့သည့် ဧပြီလဆန်းက သင်္ကြန်မတိုင်ခင်ကာလ ဖြစ်သည့်အတွက် အခြေခံစားသောက်ကုန် ဈေးနှုန်းများ စတင်မြင့်တက်လာခဲ့ရာ သင်္ကြန်ကျော်ကာလတွင် သမ္မတသစ်ဦးဝင်းမြင့် တက်လာပြီးနောက် နိုင်ငံ့ဝန်ထမ်းများအား လစာတိုးမြှင့်ပေးမည်ဆိုသည့် သတင်းများကြောင့် ကုန်ဈေးနှုန်းမြင့်တက်ခဲ့သည်။

စက်သုံးဆီဈေး မြင့်တက်လာခြင်း၊ ဒေါ်လာဈေး အခြေအနေများကြောင့်လည်း  ပြီးခဲ့သည့် မေလအတွင်းက ပြည်တွင်း၌ ကုန်စည်အချို့ ဈေးနှုန်းလိုက်ပါ မြင့်တက်လာခဲ့သည်။

“စားဆီ၊ စက်သုံးဆီဈေးတွေ တက်လာပါတယ်။ အဲဒီအတွက် ကုန်ဈေးနှုန်းတွေ တက်လာပါတယ်။ အခြား ကုန်ဈေးနှုန်းတွေကလည်း လစာတိုး အရှိန်နဲ့ တက်လာကြတယ်။ ကြက်သွန်၊ မီးဖိုချောင်သုံးသီးနှံဈေးတွေ လည်းတက်နေတယ်” ဟု မြန်မာနိုင်ငံ ဆန်စပါးအသင်းချုပ်မှ တွဲဖက်အတွင်းရေးမှူး ဦးနေလင်းဇင်က ပြောကြားသည်။

အခြေခံစားသောက်ကုန် အများစုမှာ ကုန်ဈေးနှုန်းမြင့်တက်ပြီးနောက် ပြန်လည်ကျဆင်းလေ့ မရှိသဖြင့် လက်ရှိအချိန်တွင် အတက်ဈေးဘက်တွင်သာ ရှိနေခဲ့သည်။

သင်္ကြန်ကာလ ကုန်ဈေးနှုန်းအခြေအနေ

ပြီးခဲ့သည့်လများအတွင်း ဖြစ်ပေါ်ခဲ့သည့် ကုန်စည်ဈေးနှုန်းများကို လေ့လာကြည့်ပါက သင်္ကြန်ကာလ မတိုင်မီ ကုန်ဈေးနှုန်း ဈေးကွက်အတွင်း အခြေခံ စားသောက်ကုန်များဖြစ်သည့် ဆန်၊ ဆီနှင့် သားငါး ဈေးမြင့်တက်ခဲ့သည်။

ဆန်ဈေးနှုန်းအနေဖြင့် ရွှေဘိုပေါ်ဆန်း တစ်ပြည်လျှင် ယခင် ကျပ် ၂၂၀၀-၂၅၀၀ မှ ကျပ် ၂၃၀၀ -၂၉၀၀၊ ယခင်တစ်အိတ်လျှင် ၅၃၀၀၀ မှ ၆၉၀၀၀၊ ဖျားပုံဆန်သစ် ရှယ်တစ်ပြည်လျှင် ယခင်ကျပ် ၁၈၀၀ -၂၀၀၀ မှကျပ်၁၉၀၀-၂၂၀၀၊ တစ် အိတ်လျှင် ယခင်ကျပ် ၄၅၀၀၀မှ ကျပ် ၅၀၀၀၀ သို့ အသီးသီး ဈေးတက်ခဲ့သည်။

ဆန်ကြမ်းဈေး အနေဖြင့် ဧည့် မထဆန်တစ်အိတ်လျှင် ယခင်ကျပ် ၂၄၀၀၀ မှ ကျပ် ၃၁၀၀၀၊ ဇီရာဆန် တစ်အိတ်လျှင် ယခင်ကျပ် ၂၄၀၀၀ မှ ကျပ် ၁၉၀၀၀ မှ ၃၀၀၀၀ ကျပ်သို့ ဈေးတက်ခဲ့သည်။

သား၊ ငါးဈေးနှုန်းများအနေ ဖြင့် မွေးမြူရေးကြက် တစ်ပိဿာလျှင် ယခင်ကျပ် ၅၀၀၀-၆၀၀၀ ကြား ရှိရာမှ ယခုကျပ် ၆၀၀၀-၇၀၀၀၊ ဗမာကြက် တစ်ပိဿာလျှင် ယခင် ကျပ် ၇၀၀၀-၈၀၀၀ ကြားမှ ၉၀၀၀ – ၁၀၀၀၀၊ ၀က်သားတစ်ပိဿာ လျှင် ယခင်ကျပ် ၆၀၀၀- ၁၀၀၀၀ ကြားမှ ကျပ် ၇၀၀၀မှ ၁၂၀၀၀၊ အမဲသား တစ်ပိဿာလျှင် ယခင်ကျပ် ၇၀၀၀-၉၀၀၀ကြားရှိခဲ့ရာ ကျပ် ၁၀၀၀၀ ကျော်အထိ ဈေးတက်ခဲ့သည်။

ကုန်ဈေးနှုန်းများအနေဖြင့် ၂၀၁၄ ခုနှစ်မှ ဈေးနှုန်းသိသိသာသာ မြင့်တက်လာခြင်းဖြစ်ပြီး လေးနှစ်တာ ကာလအတွင်း ကုန်ဈေးနှုန်းများ ဈေးနှုန်း နှစ်ဆ၊ သုံးဆခန့်ဈေးနှုန်း မြင့်တက်ခဲ့ခြင်းဖြစ်သည်။

ကုန်ဈေးနှုန်းမြင့်တက်မှု အနေဖြင့် ၂၀၁၅ နိုဝင်ဘာလ ရွေးကောက် ပွဲပြီးကာလအတွင်းမှ စတင်ကာ သုံးနှစ်တာ ကာလအတွင်း အခြေခံ စားသောက်ကုန် ဈေးနှုန်းများအနေဖြင့် စံချိန်တင်မြင့်တက် ခဲ့ခြင်းဖြစ်သည်။ ၂၀၁၅ နိုဝင်ဘာလမှ ထပ်မံစတင်မြင်တက်ခဲ့သည့် ကုန်ဈေးနှုန်းများသည်၂၀၁၆ ဧပြီ သင်္ကြန်မတိုင်မီကာလတွင် ဈေးနှုန်းထပ်မံ မြင့်ခဲ့သည်။

အခြေခံစားသောက်ကုန်စည်များ အနေဖြင့် ၂၀၁၃ ခုနှစ်မှ စတင်၍ ကုန်ဈေးနှုန်းများ ဈေးနှုန်းစတင် မြင့်တက်လာခြင်းဖြစ်ပြီး ၂၀၁၃- ၂၀၁၄ခုနှစ်အတွင်း ကုန်ဈေးနှုန်းများအနေဖြင့် မြင့်တက်ခဲ့သော်လည်း စံချိန်တင် မြင့်တက်ခဲ့ခြင်း မရှိခဲ့ပေ။

သုံးနှစ်တာကာလ ကုန်စည်ဈေးနှုန်းများ မြင့်တက်ခြင်း အကြောင်းအရင်းများမှာ ၀န်ထမ်းလစာတိုးခြင်း၊ ဒေါ်လာဈေး မြင့်တက်ခြင်း၊ ကုန်ပစ္စည်း အ၀င်နည်းခြင်းနှင့် လမ်းပန်းဆက်သွယ်ရေး စသည့်အခက်အခဲ များကြောင့် ဈေးနှုန်းမြင့်တက်ခြင်းဖြစ်ပြီး ပြည်သူများအနေဖြင့် ကုန်ဈေးနှုန်း တစ်ဟုန်ထိုးမြင့်တက်သည့် ဒဏ်ကို ၂၀၁၃ ဇွန်လမှစတင်၍ ခံစားလာရခြင်းဖြစ်သည်။

သုံးနှစ်တာ ကာလအတွင်း မြင့်တက်ခဲ့သည့် အခြေခံ စားသောက်ကုန်စည်များ အနေဖြင့် တစ်ကြိမ်တစ်ခါမှ ဈေးနှုန်းသိသိသာသာ ပြန်လည်ကျဆင်းခြင်း မရှိသေးဘဲ ဈေးအနည်းငယ် အတက်အကျ ရှိရုံမျှသာ ရှိခဲ့သည်။

ထို့ပြင် အကောက်ခွန်နှုန်းများ ပြင်ဆင်သတ်မှတ် လိုက်ခြင်းကြောင့် ပြည်ပမှ တင်သွင်းသည့် အခြေခံ စားသောက်ကုန်အချို့ အကောက်ခွန် ပိုမိုပေးရမည် ဖြစ်သဖြင့် တင်သွင်းသူများက ဈေးတိုးရောင်းချ မည်ဖြစ်သည်။ နောက်ဆုံးတွင်မူ စားသုံးသူပြည်သူများသာ  ဈေးနှုန်းကြီး မြင့်သည့်ဒဏ်ကို ခါးစည်းခံရမည် ဖြစ်သည်ဟု မြန်မာ့စီးပွားရေး လေ့လာသူများက သုံးသပ်ကြသည်။

စားသုံးသူဈေးဆနှုန်း၏ လအလိုက် ပြောင်းလဲမှု အခြေအနေမှာ ၂၀၁၂ ခုနှစ် အခြေခံနှစ်ဖြင့် တွက်ချက်ထားသော ၂၀၁၈ ခုနှစ် ဧပြီလအတွက် တစ်နိုင်ငံလုံး၏ စားသုံးသူ ဈေးဆနှုန်းမှာ အစားအစာအုပ်စု အတွက် ၁၅၁ ဒသမ ၅၇၊ အစား အစာမဟုတ်သော အုပ်စုအတွက် ၁၂၃ ဒသမ ၂၉ နှင့် အုပ်စုအားလုံး အတွက် ၁၃၉ ဒသမ ၈၂ ရှိကြောင်း၊ ၂၀၁၈ ခုနှစ် မတ်လ၏အခြေအနေ မှာ ၁၃၉ ဒသမ ၁၁ ရှိခဲ့ပြီး ၂၀၁၈ ခုနှစ် ဧပြီလနှင့်နှိုင်းယှဉ်ပါ က ၀ ဒသမ ၅၁ ရာခိုင်နှုန်း မြင့်တက်လာကြောင်း၊ Core Inflation တွက်ချက်ရန် လိုအပ်သည့် အစားအစာ အုပ်စုနှင့် လောင်စာဆီဈေးနှုန်းများ မပါဝင်ဘဲ တွက်ချက်ထားသော စားသုံးသူဈေးဆနှုန်း (Core CPI) မှာ  ၁၁၉ ဒသမ ၀၈ ဖြစ်ရာ ၂၀၁၈ ခုနှစ် မတ်လ၏ Core CPI ဖြစ်သည့် ၁၁၈ ဒသမ ၈၃ နှင့်နှိုင်းယှဉ်ပါက ၀ ဒသမ ၂၁ ရာခိုင်နှုန်းဖြစ်ကြောင်း  စီမံကိန်းနှင့် ဘဏ္ဍာရေး ၀န်ကြီးဌာန၊ ဗဟိုစာရင်းအင်း အဖွဲ့က ထုတ်ပြန်ထားသည်။

စားသုံးသူဈေးဆနှုန်း၏ နှစ်အလိုက် ပြောင်းလဲမှု အခြေအနေမှာ ၂၀၁၈ ခုနှစ် ဧပြီလ၏ စားသုံးသူဈေးဆနှုန်းမှာ ၁၃၉ ဒသမ ၈၂ ဖြစ်သဖြင့် ၂၀၁၇ ခုနှစ် ဧပြီလ၏ အခြေအနေ ၁၃၂ ဒသမ ၀၇ နှင့် နှိုင်းယှဉ်ပါက ၅ ဒသမ ၈၇ ရာခိုင်နှုန်း မြင့်တက်လာသည်။ အလားတူ ၂၀၁၈ ခုနှစ် ဧပြီလ၏ Core CPI မှာ ၁၁၉ ဒသမ ၀၈ ဖြစ်ရာ ၂၀၁၇ ခုနှစ် ဧပြီလ၏ Core CPI အခြေအနေ ၁၁၃ ဒသမ ၆၄ နှင့် နှိုင်းယှဉ်ပါက ၄ ဒသမ ၇၈ ရာခိုင်နှုန်း မြင့်တက်ခဲ့ကြောင်း သိရသည်။

၂၀၁၈ ခုနှစ် မတ်လတွင် အစားအစာအုပ်စု (Food) ၏ဈေးဆနှုန်း မှာ ၁၅၁ ဒသမ ၅၇ ဖြစ်သဖြင့် ယခင်လကထက် ၀ ဒသမ ၇၀ ရာခိုင်နှုန်း မြင့်တက်လာသည်။ အခြေခံ စားသောက်ကုန်များဖြစ်သည့် အမဲသားဈေးနှုန်း ကျဆင်းလာသော်လည်း ဆန် (ဧည့်မထ)၊ စားအုန်းဆီ၊ အသား ငါးဈေးနှုန်းများနှင့် ကြက်ဥဈေးနှုန်းများ မြင့်တက်လာကြောင်း၊ အခြားမီးဖိုချောင်သုံး ကုန်ပစ္စည်းဖြစ်သည့် ပဲဈေးနှုန်းများ၊ ကြက်သွန်နီ၊ ကြက်သွန်ဖြူ၊ အာလူးနှင့် သကြားဈေးနှုန်းများ ကျဆင်းလာကြောင်း၊ အသီးအနှံနှင့် ဟင်းသီးဟင်းရွက်များဖြစ်သော သင်္ဘောသီး၊ ရှောက်သီး၊ သံပရာသီး၊ ချဉ်ပေါင်ရွက်၊ ပဲတောင့်ရှည်သီး၊ သခွားသီး၊ ခရမ်းသီး၊ ဂေါ်ဖီနှင့် ခရမ်းချဉ်သီး ဈေးနှုန်းများလည်း သိသိသာသာ မြင့်တက်နေသည်ကို တွေ့ရှိရသည်။

၂၀၁၈ ခုနှစ် ဧပြီလတွင် အစားအစာ မဟုတ်သောအုပ်စု (Non Food) ၏ ဈေးဆနှုန်းမှာ ၁၂၃ ဒသမ၂၉ ဖြစ်သဖြင့် ယခင်လနှင့် နှိုင်းယှဉ်ပါက ၀ ဒသမ ၂၀ ရာခိုင်နှုန်း မြင့်တက်နေသည်ကို တွေ့ရှိရသည်။ ယင်းအုပ်စုအတွင်းရှိ ဆေးဈေးနှုန်းများ၊ ကွမ်းသီးနှင့် ကွမ်းရွက်ဈေးနှုန်းများ သိသိသာသာ ကျဆင်းနေသော်လည်း သယ်ယူပို့ဆောင်ရေးအုပ်စုတွင် ပါဝင်သော ဓာတ်ဆီ၊ ဒီဇယ်ဆီနှင့် မော်တော်ဆိုင်ကယ် ဈေးနှုန်းများ၊ ရွှေထည်ပစ္စည်း ဈေးနှုန်းများ၊ အမျိုးသမီး/အမျိုးသားဝတ် လုံချည်များ၊ ရှပ်အင်္ကျီ၊ တီရှပ်၊ စပို့ရှပ်၊ အမျိုးသမီးဝတ်အင်္ကျီ၊ ဖိနပ်များ၊ အိမ်ပြုပြင် စရိတ်၊ ရေခဲသေတ္တာနှင့် အိမ်ဆောက်ပစ္စည်းများစသည့် ကုန်ပစ္စည်း ဈေးနှုန်းများမှ ယခင်လကထက် မြင့်တက်လာကြောင်း ဗဟိုစာရင်းအင်းအဖွဲ့မှ ထုတ်ပြန်ထားသည်။

၂၀၁၈ ခုနှစ် ဧပြီလအထိ ပျမ်းမျှငွေကြေးဖောင်းပွမှုနှုန်း (Annual Rate of Inflation) မှာ ၄ ဒသမ ၁၂ ရာခိုင်နှုန်းဖြစ်ပြီး အစားအစာအုပ်စုနှင့် လောင်စာဆီဈေးနှုန်းများ မပါဝင်ဘဲ တွက်ချက်ထားသော ပျမ်းမျှငွေကြေး ဖောင်းပွမှုနှုန်း (Core Inflation) မှာ ၃ ဒသမ ၉၆ ရာခိုင်နှုန်းရှိကြောင်း သိရသည်။

ထိရှလွယ်နေသည့် မြန်မာ့စီးပွားရေး

အစိုးရသစ် တက်လာပြီးနောက် မြန်မာ့စီးပွားရေး ဦးမော့လာရန် ဆောင်ရွက်ခဲ့သော်လည်း နှစ်နှစ်တာ ကုန်လွန်သွားချိန်၌ စီးပွားရေး တိုးတက်မလာသည့်အပြင် ပြိုလဲမသွားအောင်ပင် ရုန်းကန်နေရသည်။

စီးပွားရေးလုပ်ငန်းရှင် အများစုက မြန်မာ့စီးပွားရေး အနာဂတ်အတွက် မှန်းဆရခက်ပြီး ထိလွယ်ရှလွယ် ဖြစ်နေသည်ဟု ဆိုကြသည်။

လက်ရှိ ဖြစ်ပေါ်နေသည့် အခြေအနေတွင် လုပ်ငန်းရှင်များ လုပ်ရကိုင်ရ ပိုမိုခက်ခဲနေသည်။ မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်မှ ထုတ်ပြန်သည့် မြန်မာ့စီးပွားရေး စောင့်ကြည့် အစီရင်ခံစာတွင် ဖော်ပြထားသည်။

“ဒီအချိန်က ကုစားရင် မီပါသေးတယ်။ လုပ်တဲ့သူတွေကို ဥပဒေနဲ့ အကာအကွယ်ပေးပါ။ ဈေးကွက်စီးပွားရေးအရ Floating ဖြစ်နေတာကို နားလည်ပါတယ်။ ဒါပေမဲ့ သဘာဝမကျတဲ့ ဟာမျိုးတွေကို ထိန်းညှိပေးပါ။ ဒါဆိုရင်ရပါပြီ။ နိုင်ငံတော်က ဘာမှကုန်ကျစရာ မလိုပါဘူး။ လုပ်တတ်တဲ့သူကိုသာ ခေါင်းဆောင်တင်ပြီး လုပ်ခိုင်းပါ။ အရည်အချင်း ရှိတဲ့သူတွေ မြန်မာပြည်မှာ အများကြီး ရှိပါတယ်။ ဒီလူတွေကို တာဝန်ပေးပါ။ ရန်ကုန်တိုင်းမှာ အများကြီး ရှိပါတယ်။ ရန်ကုန်မှာ အလုပ်အကိုင် အခွင့်အလမ်းပေါလို့ ဒီမှာလာနေကြပါတယ်။ အဲဒါကြောင့်မို့ အလုပ်အကိုင် အခွင့်အလမ်းတွေ အများကြီး တိုးတက်အောင် တခြားနိုင်ငံတွေမှာ လုပ်ပေးနေတာတွေကို တွေ့နေတာပဲဗျာ။ ဗီယက်နမ်တွေ တိုးတက်သွားတယ်။ ကမ္ဘောဒီးယား တိုးတက်သွားတယ် ဘာလုပ်ထားသလဲ။ သူတို့အတိုင်း လိုက်လုပ်ပေးရုံပဲ။ ဒါကို ဆိုလိုတာ။ ကျွန်တော်က ဒါလေးတော့ မေတ္တာရပ်ခံပါရစေ” ဟု လုပ်ငန်းရှင်တစ်ဦးက ဆိုသည်။

ကုန်ဈေးနှုန်းကြီးမြင့်မှု၊ စားဝတ်နေရေးခက်ခဲမှု၊ ၀င်ငွေနှင့် အသုံးစရိတ် မမျှတမှုနှင့် ဒေါ်လာဈေး မြင့်တက်မှုများကြောင့် မြန်မာ့စီးပွားရေးမှာ ရပ်တန့်နေသည်ဟု ဆိုခြင်းထက် ကျဆင်းနေသည်ဟု ပြောဆိုရမည်ဖြစ်ပြီး ထိုသို့ကျဆင်းမှုတွင် အစိုးရ၌ အဓိက တာဝန်ရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနတွင် ဒုတိယ၀န်ကြီး ဖြစ်ခဲ့သူ ဒေါက်တာပွင့်ဆန်းက ဇွန် ၂၉ ရက်တွင် ပြောကြားသည်။

နိုင်ငံ့စီးပွား ဖွံ့ဖြိုးတိုးတက်နေကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားအပြီးတွင် ပြည်သူလူထုအကြား ကျပ်တည်းမှုများကြောင့် မြန်မာ့စီးပွားရေး ရပ်တန့်နေကြောင်း သုံးသပ်မှုများ ရှိနေပြီး ထိုသို့တန့်နေသည် ဆိုသော်လည်း ကုန်ဈေးနှုန်းကြီးမြင့်မှု၊ စားဝတ်နေရေးခက်ခဲမှု၊ ၀င်ငွေနှင့် အသုံးစရိတ် မမျှတမှုနှင့် ဒေါ်လာဈေး မြင့်တက်မှုများကြောင့် မြန်မာ့စီးပွားရေးမှာ ရပ်တန့်နေသည် ဆိုခြင်းထက် ကျဆင်းနေသည်ဟု ပြောဆိုရမည်ဖြစ်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၏ ဗဟိုအလုပ်အမှုဆောင် ကော်မတီဝင်လည်းဖြစ်သူ ဒေါက်တာပွင့်ဆန်းက သုံးသပ်ခဲ့ခြင်းဖြစ်သည်။

“စီးပွားရေးက ရပ်တန့်နေတယ်။ ကုန်ဈေးနှုန်းတွေက ကြီးမြင့်နေတယ်။ စားဝတ်နေရေး ခက်ခဲမှုတွေရှိတယ်။ ၀င်ငွေနဲ့ အသုံးစရိတ်တွေက မမျှတဘူး။ ဒေါ်လာဈေးကလည်း စံချိန်တင် မြင့်တက်သွားပြီ (ငွေလဲလှယ်နှုန်းက)။ ဒါတွေက အမှန်တွေပဲပေါ့။ ဒီပြယုဂ်တွေ အခြေခံ ကြောင်းခြင်းရာတွေ ကြည့်ခြင်းအားဖြင့် မြန်မာနိုင်ငံရဲ့ စီးပွားရေး အခြေအနေ မကောင်းဘူး။ ရပ်တန့်နေတယ် ဆိုတာထက်ကို ကျဆင်းနေတယ်လို့တောင် ပြောလို့ရပါတယ်။ ရပ်တန့်နေတာ မဟုတ်ဘူး ကျဆင်းနေတာပါ” ဟု ဒေါက်တာပွင့်ဆန်းက ဆိုသည်။

ငွေကြေးဖောင်းပွမှုနှုန်း အနေအထားမှာ ယခင်နှစ်နှင့် နှိုင်းယှဉ်လျှင် လျော့ကျသွားသည်ဟု ကမ္ဘာ့ဘဏ်၏ မြန်မာ့စီးပွားရေး လေ့လာမှု အစီရင်ခံစာတွင် ဖော်ပြထားသည်။

မြန်မာကျပ်ငွေ တန်ဖိုးမှာ ၂၀၁၇-၂၀၁၈ အတွင်း အနည်းငယ် တန်ဖိုးတက်လာသည်။ ၂၀၁၇ -၂၀၁၈ ဘဏ္ဍာနှစ်၏ ပထမနှစ်ဝက်ကာလတွင် ဈေးနှုန်းများသည် အသင့်အတင့်သာ မြင့်တက်ခဲ့သော်လည်း ဒုတိယနှစ်ဝက် ကာလတွင် ပိုမိုလျင်မြန်စွာ မြင့်တက်ခဲ့သည်။ အစားအသောက်နှင့် လောင်စာဆီဈေးနှုန်းများ မြင့်တက်ခဲ့ရခြင်းမှာ အထူးသဖြင့် ကမ္ဘာ့လောင်စာဆီ ဈေးနှုန်းများ မြင့်တက်ခဲ့၍ဖြစ်ကြောင်း အဆိုပါ အစီရင်ခံစာတွင် ဖော်ပြထားသည်။

လက်ရှိဖြစ်ပေါ်နေသည့် နိုင်ငံခြားငွေလဲနှုန်း မတည်မငြိမ် ဖြစ်နေခြင်းက ပြည်သူအများစုအပေါ် သက်ရောက်နေသည်။ မြန်မာနိုင်ငံသည် အများအားဖြင့် သွင်းကုန်များအပေါ်တွင်သာ အားထားသုံးစွဲ နေရသဖြင့် ဒေါ်လာဈေး မြင့်တက်မှုနှင့် စက်သုံးဆီဈေး မြင့်တက်မှုများက ပြည်သူလူထုအပေါ် အကြီးအကျယ် ရိုက်ခတ်လာနိုင်မည်ဖြစ်သည်။ ကမ္ဘာ့ဘဏ်က ထုတ်ပြန်ခဲ့သည့် မြန်မာ့စီးပွားရေး စောင့်ကြည့်အစီရင်ခံစာတွင် မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်စေနိုင်ကြောင်း သုံးသပ်ခဲ့သည်။

မြန်မာ့စီးပွားရေး ကျဆင်းနေသဖြင့် ပြည်သူများ၏ ၀ယ်ယူစားသုံးနိုင်စွမ်း ကျဆင်းနေချိန်တွင် မြွေပူရာ ကင်းမှောင့်သကဲ့သို့ ဒေါ်လာဈေး၊ စက်သုံးဆီဈေးနှင့် ကုန်ဈေးနှုန်း မြင့်တက်မှုများကသာ ထပ်ဆင့်ထိုးနှက်ပါက ကျပ်တည်းလာသည့် ပြည်သူများအကြား ကမ္ဘာ့ဘဏ် သုံးသပ်ထားသကဲ့သို့ အထွေထွေ မတည်ငြိမ်မှု ဆိုက်ရောက်လာမည်ကို သတိပြုပြင်ဆင်ရန် လိုအပ်ကြောင်း အကြံပြုလိုပါသည်။

စီးပွားက ကျပ်၊ လုပ်ရကိုင်ရ ခက်၊ ကုန်ဈေးနှုန်းက တက်

ရန်ကုန်မြို့ သံဈေးတွင် ဈေးရောင်းချနေသူ တစ်ဦးအား တွေ့ရစဉ် (ဓာတ်ပုံ-ကျော်ဇင်ဖြိုး)

အစိုးရသစ် တက်လာပြီးနောက် မြန်မာ့စီးပွားရေး ဦးမော့လာရန် ဆောင်ရွက်ခဲ့သော်လည်း နှစ်နှစ်တာ ကုန်လွန်သွားချိန်၌ စီးပွားရေး တိုးတက်မလာသည့်အပြင် ပြိုလဲမသွားအောင်ပင် ရုန်းကန်နေရသည်။

စီးပွားရေး လုပ်ငန်းရှင် အများစုက မြန်မာ့စီးပွားရေး အနာဂတ်အတွက် မှန်းဆရခက်ပြီး ထိလွယ်ရှလွယ် ဖြစ်နေသည်ဟု ဆိုကြသည်။

စီးပွားရေး ဖွံ့ဖြိုးတိုးတက်မှုအတွက် အလားအလာကောင်းများ ရှိနေသည်ဟု ကမ္ဘာ့ဘဏ်က ထုတ်ပြန်သည့် မြန်မာ့စီးပွားရေး စောင့်ကြည့် အစီရင်ခံစာတွင် ခန့်မှန်းခဲ့ကြသော်လည်း ပြည်သူများ ခံစားရမှု မရှိသလောက် နည်းပါးနေသည်။

ပုဂ္ဂလိကစီးပွားရေး လုပ်ငန်းများ ရုန်းကန်နေရသည်။ ပြည်သူအများစု စီးပွားရေး အကျပ်အတည်းအောက် ရောက်နေသည်။ စက်သုံးဆီဈေးနှုန်း မြင့်တက်ခြင်း၊ နိုင်ငံခြားငွေလဲနှုန်း မြင့်တက်လာခြင်း၊ ၀န်ထမ်းလစာ တိုးမြှင့်ခြင်း၊ အခွန်တိုးမြှင့် ကောက်ခံခြင်း၊ ကုန်ဈေးနှုန်း မြင့်တက်လာခြင်း စသည်တို့က ပြည်သူများ၊ လုပ်ငန်းရှင်များအပေါ် ထိုးနှက်ချက်များ ဖြစ်လာပြန်သည်။

နိုင်ငံဖွံ့ဖြိုး တိုးတက်ရေးအတွက် စက်သုံးဆီများကို အရည်အသွေးနှင့် ဈေးနှုန်းမှန်ကန်စွာဖြင့် သုံးစွဲနိုင်ရေး အထူးအရေးကြီးပြီး နိုင်ငံတကာ ဈေးနှုန်းအပေါ် အခြေခံ၍ ပြည်တွင်းဈေးနှုန်းများ ပြောင်းလဲမည် ဖြစ်သော်လည်း ဖြစ်သင့်ဖြစ်ထိုက်သည့် ပြောင်းလဲမှုမျိုး ဖြစ်စေရန် လိုအပ်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ဆိုသည်။

 စက်သုံးဆီဈေး မြင့်တက်လာခြင်း

ကမ္ဘာ့ရေနံစိမ်းနှင့်အတူ နိုင်ငံခြားငွေလဲနှုန်း မြင့်တက်ခဲ့သဖြင့် ပြည်တွင်း စက်သုံးဆီဈေးနှုန်း ဧပြီလကုန်ပိုင်းမှ စတင်မြင့်တက်လာခဲ့ရာမှ မေလတတိယပတ်အထိ တစ်လအတွင်း တစ်လီတာလျှင် ကျပ် ၁၀၀ ၀န်းကျင်အထိ မြင့်တက်ခဲ့သည်။

၂၀၁၇ ခုနှစ် အောက်တိုဘာ ဒုတိယပတ်မှစတင်၍ ကမ္ဘာ့ရေနံဈေးနှုန်း သိသိသာသာ စတင်မြင့်တက်ခဲ့ပြီး ၂၀၁၇ ခုနှစ် သြဂုတ်လဆန်းပိုင်းက ၄၉ ဒေါ်လာဝန်းကျင်ရှိသော ကမ္ဘာ့ရေနံဈေးနှုန်းသည် အောက်တိုဘာ လဆန်းပိုင်းတွင် ၅၁ ဒေါ်လာ၊ နိုဝင်ဘာလဆန်းတွင် ၅၅ ဒေါ်လာ၊ ဒီဇင်ဘာလဆန်းတွင် ၅၈ ဒေါ်လာ၊ ဇန်န၀ါရီလဆန်းတွင် ၆၁ ဒေါ်လာ၊ ဖေဖော်ဝါရီလဆန်းတွင် ၆၄ ဒေါ်လာ၊ ဧပြီလကုန်ပိုင်းတွင် ၆၈ ဒေါ်လာ၊ မေ ၁၀ ရက်တွင် ၇၁ ဒေါ်လာအထိ ဆက်လက် မြင့်တက်ခဲ့ကာ ဧပြီလဆန်းပိုင်း ဈေးနှုန်းနှင့် နှိုင်းယှဉ်ပါက ၁၂ ရာခိုင်နှုန်းဝန်းကျင် မြင့်တက်ခဲ့သည်။

ပြည်တွင်းဈေးကွက်အတွင်း ရောင်းချလျက်ရှိသော စက်သုံးဆီဈေးနှုန်းသည် ကမ္ဘာ့စက်သုံးဆီဈေးနှုန်း၊ နိုင်ငံခြားငွေလဲနှုန်းနှင့် သယ်ယူပို့ဆောင်ရေး စရိတ်အပေါ် အခြေခံပြီး ဈေးနှုန်းအပြောင်းအလဲ ဖြစ်ပေါ်ခြင်းဖြစ်သည်။

ပြည်တွင်းဈေးကွက်တွင် ၂၀၁၈ ခုနှစ် မေ ၁၈ ရက်တွင် ဖြစ်ပေါ်သော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၈၈၀  (တစ်ဂါ လန် ၃၉၉၅ ကျပ်) ပရီမီယံဒီဇယ် တစ်လီတာ  ကျပ် ၈၉၅ (တစ်ဂါလန် ၄၀၆၃ ကျပ်)၊ အောက်တိန်း 92 Ron တစ်လီတာ ကျပ် ၈၄၅  (တစ်ဂါလန် ၃၈၃၆ ကျပ်) အောက်တိန်း 95 Ron တစ်လီတာ ၈၉၅ ကျပ် (တစ်ဂါလန် ၄၀၆၃ ကျပ်) ဖြစ်သည်။

၂၀၁၈ ခုနှစ် ဧပြီ ၃၀ ရက်တွင် ဖြစ်ပေါ်သည့် ဈေးနှုန်းနှင့် နှိုင်းယှဉ်ပါက ဒီဇယ်တစ်လီတာ ၃၅ ကျပ် (၄  ဒသမ ၁၄ ရာခိုင်နှုန်း)၊ ပရီမီယံဒီဇယ် တစ်လီတာ ၃၅ ကျပ် (၄ ဒသမ ၀၆ ရာခိုင်နှုန်း)၊ အောက်တိန်း 92 Ron တစ်လီတာ ၃၅ ကျပ် (၄ ဒသမ ၃၂ ရာခိုင်နှုန်း)၊ အောက်တိန်း 95 Ron တစ်လီတာ ၄၀ ကျပ် (၄ ဒသမ ၆၇ ရာခိုင်နှုန်း) ၁၈ ရက်အတွင်း မြင့်တက်ခဲ့ခြင်းဖြစ်သည်။

ပြည်တွင်းဈေးကွက်တွင် ၂၀၁၈ ခုနှစ် ဇန်န၀ါရီ ၁ ရက်တွင် ဖြစ်ပေါ်သော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၈၀၀ (တစ်ဂါ လန် ၃၆၃၂ ကျပ်) ပရီမီယံဒီဇယ် တစ်လီတာ ကျပ် ၈၂၀ (တစ်ဂါလန် ၃၇၂၂ ကျပ်)၊ အောက်တိန်း 92 Ron တစ်လီတာ ကျပ် ၈၀၀ (တစ်ဂါလန် ၃၆၃၂ ကျပ်) အောက်တိန်း 95 Ron တစ်လီတာ ၈၄၅ ကျပ် (တစ်ဂါလန် ၃၈၃၆ ကျပ်) ဖြစ်ရာ ငါးလကျော်အတွင်း ဒီဇယ် ၁၀ ရာခိုင်နှုန်း၊ ပရီမီယံဒီဇယ် ၉ ဒသမ ၁၄ ရာခိုင်နှုန်း၊ 92 Ron ၅ ဒသမ ၆၂ ရာခိုင်နှုန်း၊ 95 Ron ၅ ဒသမ ၉၁ ရာခိုင်နှုန်း ဈေးနှုန်းမြင့်တက်ခဲ့သည်။

မေ ၂၆ ရက်တွင် ဖြစ်ပေါ်သော စက်သုံးဆီ လက်လီဈေးများမှာ 92 Ron အမြင့်ဆုံးဈေး ၈၇၀ ကျပ်၊ 95 Ron အမြင့်ဆုံးဈေး ၉၂၀ ကျပ်၊ ပရီမီယံဒီဇယ် ၉၂၀ ကျပ်၊ ဒီဇယ်ဈေး ၉၀၅ ကျပ်အထိ ပေါက်ဈေးရှိကြောင်း မြန်မာနိုင်ငံ စက်သုံးဆီ တင်သွင်းရောင်းချ ဖြန့်ဖြူးရေးအသင်းမှ ထုတ်ပြန်ထားသည်။

“ကျွန်တော်တို့က အလုပ်ကိစ္စနဲ့ ခရီးခဏခဏ ထွက်ရပါတယ်။ တစ်လီတာကို ၈၀၀ ကျပ်ဝန်းကျင် တုန်းက ခရီးတွေ ဆက်တိုက်သွားတယ်။ ၉၀၀ ကျပ်အထိ သွားနိုင်သေးတယ်။ အဲဒီထက် ကျော်သွားရင် ခရီးမသွားနိုင်တော့ဘူး။ နယ်တွေမှာ ဆီဈေးပိုတက်တယ်။ အခု ဒီဈေးနဲ့တင် မြို့ထဲ ဟိုနားဒီနားသွားတာ ကိုယ့်ကားနဲ့ကိုယ် သိပ်မသွားနိုင်တော့ဘူး။ လိုင်းကားနဲ့ပဲ သွားရတော့မလို ဖြစ်နေတယ်။ ဆီဈေးဒီထက် တက်လာရင်တော့ ကားထိုးထားရတော့မယ်” ဟု ရန်ကုန်မြို့ခံတစ်ဦးက ပြောကြားခဲ့သည်။

“စက်သုံးဆီ ဈေးတက်တော့ ကျွန်တော်တို့ ကားသမားတွေ အရင်ခံရတယ်။ ကိုယ်ပိုင်နဲ့ Taxi မောင်းနေတဲ့သူတွေက သိပ်အထိမနာပေမဲ့ ကျွန်တော်တို့လို အငှားမောင်းနေရတဲ့သူတွေမှာ နေ့တွက်တောင် မကိုက်တော့ဘူး။ ကားဆွဲမကောင်းတာကြာပြီ။ Taxi ဈေးကွက် မကောင်းတာ ကြာပြီ။ ဒီကြားထဲ ဆီဈေးတက်တော့ ပိုဆိုးပေါ့ဗျာ” ဟု ရန်ကုန်မြို့ရှိ Taxi ယာဉ်မောင်းတစ်ဦးက ပြောကြားသည်။

မြန်မာနိုင်ငံက တစ်နှစ်လျှင် ဓာတ်ဆီ တန်ချိန်နှစ်သိန်း၊ ဒီဇယ် တန်ချိန်လေးသိန်းခန့် တင်သွင်းလျက်ရှိသည်။ ဓာတ်ဆီကို မော်တော်ကားနှင့် မော်တော်ဆိုင်ကယ်၊ မီးစက်များ စသည်တို့တွင် အသုံးပြုသည်။ ဒီဇယ်ကိုမူ မော်တော်ကားများ၊ အိမ်စီးကားများ၊ ကုန်တင်ကားများ၊ သင်္ဘောများ၊ ကုန်တင်သင်္ဘောများ၊ ငါးဖမ်းသင်္ဘော၊ သတ္တုတူးဖော်ရေးလုပ်ငန်း၊ ကျောက်မျက် တူးဖော်ရေးလုပ်ငန်း၊ ရွှေတူးဖော်ရေး လုပ်ငန်းများ၊ စက်မှုလုပ်ငန်းများ စသည်တို့တွင် အသုံးပြုသည်။

၂၀၁၇-၂၀၁၈ ဘဏ္ဍာနှစ်အတွင်း ပြည်တွင်းသို့ စက်သုံးဆီ တင်သွင်းမှုတန်ဖိုး ဒေါ်လာသုံးဘီလျံအထိ စံချိန်တင် တင်သွင်းထားပြီး ယခင်နှစ် ကာလတူထက် ဒေါ်လာတစ်ဘီလျံကျော် ပိုများနေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

စက်သုံးဆီဈေးတွေ မြင့်တက်မှု ဘယ်လိုရင်ဆိုင်မလဲ

ကမ္ဘာ့ဈေးကွက်တွင် ရေနံစိမ်း ဈေးတက်လာချိန် ပြည်တွင်း၌ စက်သုံးဆီဈေး မြင့်တက်သည်။ ကမ္ဘာ့ဈေး ကျဆင်းချိန်၌မူ ပြည်တွင်းဈေးကွက်တွင် စက်သုံးဆီဈေး ကျဆင်းလေ့ မရှိခြင်းမှာလည်း မေးခွန်းထုတ်စရာ ရှိလာခဲ့သည်။

လက်ရှိအချိန်တွင် စက်သုံးဆီ အရောင်းဆိုင်များမှ နိုင်ငံတကာ ဈေးနှုန်းထက် လေးရာခိုင်နှုန်းကျော် အရှုံးခံ ရောင်းချနေသော်လည်း ယင်းအရှုံးခံ ရောင်းချမှုသည် စာရွက်ပေါ်၌သာ အရှုံးပေါ်နေခြင်း ဖြစ်ကြောင်း မေ ၂၂ ရက်က မြန်မာနိုင်ငံ စက်သုံးဆီတင်သွင်း ဖြန့်ဖြူးရောင်းချသူများ အသင်း၌ ပြုလုပ်သည့် သတင်းစာ ရှင်းလင်းပွဲတွင် အဆိုပါ အသင်း၏ အတွင်းရေးမှူး ဒေါက်တာဝင်းမြင့်က ပြောကြားခဲ့သည်။

“ဈေးက နိုင်ငံခြားက တက်သွားတာက တစ်လီတာကို ၁၁၈ ကျပ်တက်သွားတယ်။ ကျွန်တော်တို့ ပြည်တွင်းမှာ တက်တာက ၁၀၈ ကျပ်ပဲတက်ဖြစ်တယ်။ ၁၀ လောက် တောင် ကျွန်တော်တို့ ဈေးနှုန်းတက်တာ လျော့တယ်။ အရှုံးအမြတ် ရာခိုင်နှုန်း အနေနဲ့ကတော့ ဧပြီလတုန်းက ၃ ဒသမ ၅ ရာခိုင်နှုန်းပဲ ရှုံးတယ်။ ခု ၄ ဒသမ ၂၃ ရာခိုင်နှုန်း စာရွက်ပေါ် မှာ အရှုံးပေါ်ပါတယ်” ဟု ဒေါက်တာဝင်းမြင့်က ပြောကြားသည်။

ယင်းကဲ့သို့ အရှုံးခံ ရောင်းနိုင်ခြင်းသည် ယခင်က စက်သုံးဆီဈေး နှုန်းအနိမ့်ဖြင့် ရထားသည့် ဆီများကို လက်ရှိရောက်ရှိနေသည့် ဈေးနှုန်းအတိုင်း ဈေးနှုန်းတက်ရောင်းချခြင်း မဟုတ်ဘဲ လေးရာခိုင်နှုန်းကျော် လျော့ရောင်းခြင်းဖြစ်သည်။ သို့သော်လည်း နိုင်ငံတကာ စက်သုံးဆီဈေး မြင့်တက်လာသည့် ကာလတွင် စက်သုံးဆီ ရောင်းချသည့် ဆိုင်များအနေဖြင့် ရှုံးနိုင်ကြောင်း ၎င်းက ရှင်းလင်းပြောကြားသည်။

“ကမ္ဘာ့ဈေး ဘယ်လောက်ရှိတယ်၊ မြန်မာ့ဈေး ဘယ်လောက်ရှိတယ်ဆိုတယ်။ ဒေါ်လာဈေး ဘယ်လောက်ရှိတယ် ဆိုတာ တစ်ချက်ကြည့်ရင် သိတာပဲဗျာ။ ကမ္ဘာ့ဈေးတက်လို့ မြန်မာ့ဈေး လိုက်တက်တာတော့ မပြောလိုပါဘူး။ ဒါပေမဲ့ ကမ္ဘာ့ဈေးကျပြီး မြန်မာ့ဈေး မကျတာကတော့ မကောင်းဘူးပေါ့ဗျာ၊ အခုဟာက လိမ်လို့ညာလို့ မရဘူးလေ။ အင်တာနက်ထဲမှာ သိချင်တာကို ခေါက်လိုက်ရင် သိနေတာပဲဟာ။ ဒီအပေါ်မှာ အာဏာရှိတဲ့ သူတွေက ထိန်းညှိပေးဖို့ လိုပါတယ်။ ထိန်းညှိပေးပါ” ဟု စက်မှုဇုန် လုပ်ငန်းရှင် တစ်ဦးက ပြောကြားသည်။

မြန်မာနိုင်ငံ၏ ကုန်စည်သယ်ယူပို့ဆောင်ရေး ကဏ္ဍတွင် မရှိမဖြစ် အရေးပါသည့် ဓာတ်ဆီ၊ ဒီဇယ်ဆီ စသည့် စက်သုံးဆီဆိုင်များမှာ နိုင်ငံတကာနှင့် နှိုင်းယှဉ်ပါက ဈေးနှုန်းကြီးမြင့်ခြင်း ကြုံတွေ့နေရပြီး လက်ရှိတွင် နိုင်ငံ့အရေးပေါ် အခြေအနေ ကြုံလာရပါက တည်ငြိမ်မှု ထိန်းထားနိုင်ရန်၊ စက်သုံးဆီ သိုလှောင်ခွင့် ရထားသူများ၏ ထိန်းချုပ်မှုအောက် ရောက်ရှိနေသည့် အခြေအနေများကို ပြင်ဆင်နိုင်ရန် လာမည့် ၂၀၁၈-၂၀၁၉ ဘဏ္ဍာနှစ်မှစ၍ အစိုးရက မမြင်နိုင်သောလက်ဖြင့် ထိန်းကျောင်းသွားမည့်အပြင် စက်သုံးဆီဈေးနှုန်း လျှော့ချနိုင်ရေးအတွက် ကုမ္ပဏီထူထောင်ရန် ကြိုးစားမည်ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက မတ် ၇ ရက်တွင် ပြောကြားသည်။

“ဒီဇယ်၊ ဓာတ်ဆီစက်သုံးဆီတွေဟာ ကုန်စည်စီးဆင်းမှုအတွက် မရှိမဖြစ် လိုအပ်တာ ဖြစ်ပါတယ်။ ဒါပေမဲ့ နိုင်ငံတကာနဲ့ယှဉ်ရင် ဈေးအင်မတန်ကြီးပါတယ်။ ကျွန်တော်တို့ဆီက နိုင်ငံတကာထက် နည်းနည်းပိုပြီး ဈေးများနေတဲ့ အခြေအနေမျိုး ရှိပါတယ်။ ဒါကို စင်ကာပူကနေ တင်သွင်းရတာပဲဆိုပြီး စင်ကာပူ ပမာဏနဲ့ သင်္ချာနည်းနဲ့ တွက်မယ်ဆိုရင် ဒီအဖြေဟာ မှန်ကောင်း မှန်ပါလိမ့်မယ်။ စီးပွားရေးအရ တွက်မယ် ဆိုရင်တော့ ကျွန်တော်တို့ စက်သုံးဆီကို သန်းနဲ့ချီပြီး သိုလှောင်ထားမယ်ဆိုရင် စက်သုံးဆီဈေးကို ထိန်းနိုင်မှာပဲ ဖြစ်ပါတယ်။ အခုအခြေအနေမှာတော့ စက်သုံးဆီကို သိုလှောင်ခွင့်ရှိတဲ့ သူတွေရဲ့ထိန်းချုပ်မှုအောက်မှာပဲ တချို့အခြေအနေတွေက ရောက်နေတာ ဖြစ်နေပါတယ်။ ဒီအခြေအနေကို ၂၀၁၈-၂၀၁၉ မှာ ပြုပြင်ပြောင်းလဲဖို့အတွက် အစိုးရကိုယ်တိုင်က မမြင်ရတဲ့လက်နဲ့ ထိန်းဖို့ ပြင်ဆင်နေပါတယ်” ဟု ဦးဖြိုးမင်းသိန်းက မတ် ၇ ရက်က ပြောကြားသည်။

“ကျွန်တော်တို့ ကုမ္ပဏီအနေနဲ့လည်း ထူထောင်ဖို့ ကြိုးစားနေပါတယ်။ ဘာကြောင့်လဲဆို ကျွန်တော်တို့ ထိန်းပါမယ်။ စက်သုံးဆီ သိုလှောင်မှုဟာ ကျွန်တော်တို့ ခြောက်လစာလောက် ထိန်းထားနိုင်မယ်ဆိုရင် ကျွန်တော်တို့ဈေးကို လျှော့ချလို့ရပါတယ်။ ဘာကြောင့်လဲဆို ဈေးက နေ့စဉ်ပေါက်နေတဲ့ ဈေးနဲ့တွက်ပြီး ရောင်းရတဲ့ လုပ်ငန်းမဟုတ်ပါဘူး။ ဒီဥစ္စာက ဈေးကိုအနိမ့်ဆုံးအချိန်မှာ တစ်နှစ်စာဖြတ်ပြီး ၀ယ်ထားနိုင်ပါတယ်။ ရန်ကုန်ကို ပို့ထားလို့လည်း ရပါတယ်။ ဒါပေမဲ့ ကျွန်တော်တို့မှာ ဒီပစ္စည်းတွေကို သိုလှောင်နိုင်တဲ့ အဆင့်ရှိဖို့ လိုအပ်ပါတယ်။ နိုင်ငံတော်ရဲ့ အရေးပေါ် အခြေအနေ တစ်ခုခုမှာ စက်သုံးဆီကို ကာလကြာရှည် ထိန်းထားနိုင်မှသာလျှင် ကျွန်တော်တို့နိုင်ငံရဲ့ တည်ငြိမ်အေးချမ်းမှုကို ပိုပြီးထိန်းညှိ ပေးထားနိုင်မှာ ဖြစ်ပါတယ်” ဟု ဦးဖြိုးမင်းသိန်းက ပြောကြားသည်။

အဆိုပါ အခြေအနေများကြောင့် စက်သုံးဆီများ ဈေးနှုန်းကျဆင်း လာနိုင်ရေးနှင့် ကုန်စည်သယ်ယူ ပို့ဆောင်ရေးကဏ္ဍတွင် ဈေးအများဆုံး ဖြစ်နေသည့် နိုင်ငံအဖြစ်မှ ဆင်းသက်နိုင်ရန် တိုင်းဒေသကြီး အစိုးရက စီစဉ်နေကြောင်းနှင့် ရေကြောင်းပို့ဆောင်ရေးကိုပါ အဆင့်မြှင့်တင်နိုင်ရန် ကြိုးစားရမည်ဖြစ်ပြီး ကုန်းလမ်းတစ်ခုသာ အားပြုနေမည် ဆိုပါက ကုန်စည်သယ်ယူ ပို့ဆောင်မှုဈေးနှုန်း ကြီးမြင့်နေမည် ဖြစ်ကြောင်းနှင့် စက်သုံးဆီဆိုင်များ ဖွင့်လှစ်ခွင့်ပြုရာတွင် ပတ်ဝန်းကျင်မှ လက်သင့်မခံမှုကြောင့် ချိန်ညှိနေရသည့်အတွက် ကြန့်ကြာနေခြင်းဖြစ်ကြောင်း ဦးဖြိုးမင်းသိန်းက မတ် ၇ ရက်က ပြောကြားခဲ့သည်။

စက်သုံးဆီဈေးနှင့်အတူ နိုင်ငံခြား ငွေလဲနှုန်း မြင့်တက်လျက်ရှိသ ဖြင့် ပို့ကုန်လုပ်ငန်းရှင်များအတွက် အဆင်ပြေသော်လည်း သွင်းကုန်လုပ်ငန်းရှင်များ အတွက်မူ ပို၍ အခက်အခဲများ ရှိလာသည်ဟု ဆိုကြသည်။

ရန်ကုန်မြို့ မြို့နယ်တစ်ခု အတွင်းရှိ ဈေးတွင် ရောင်းချနေသူများအား တွေ့ရစဉ် (ဓာတ်ပုံ-ကြည်နိုင်)

နိုင်ငံခြားငွေလဲနှုန်း အခြေအနေ

ကမ္ဘာ့ဒေါ်လာဈေး အညွှန်းကိန်းသည် မေ ၂၅  ရက်တွင် ၉၄ ပွိုင့်အထက်ရောက်ပြီး တစ်ပတ်တာ ဈေးပိတ်ခဲ့ကာ မေ ၂၆ ရက် ပြည်တွင်းဈေးကွက်၌ နိုင်ငံခြား ငွေလဲနှုန်း တစ်ဒေါ်လာ ၁၃၄၈ ကျပ် ၀န်းကျင် ဖြစ်ပေါ်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

ကမ္ဘာ့ဒေါ်လာဈေး အညွှန်းကိန်းသည် သုံးနှစ်ကျော်အတွင်း အ နိမ့်ဆုံးနှုန်းထားအဖြစ် ဇန်န၀ါရီ ၂၅  ရက်တွင် ၈၈ ဒသမ ၆၃ ပွိုင့်အထိ ကျဆင်းခဲ့သည်။ ပြီးခဲ့သော ဒီဇင်ဘာ ၁၃ ရက်အထိ ၉၄ ပွိုင့်အထက်သို့ ရောက်ခဲ့သော်လည်း ဒီဇင်ဘာ ၁၈ နှင့် ၂၀ ရက်တွင် ၉၃ ပွိုင့်အောက်သို့ ရောက်ရှိခဲ့ကာ ဒီဇင်ဘာ ၂၉ ရက်တွင် ၉၂ ပွိုင့်အောက် စဆင်းခဲ့သည်။ ဇန်န၀ါရီ ၁၁ ရက်တွင် ၉၁ ပွိုင့်အောက်၊ ဇန်န၀ါရီ ၂၃ ရက်တွင် ပွိုင့် ၉၀ အောက်၊ ဇန်န၀ါရီ ၂၅ နှင့် ၃၁ ရက်တွင် ၈၉ ပွိုင့်အောက်သို့ ရောက်ခဲ့ပြီး ဖေဖော်ဝါရီ ၅ ရက်တွင် ၈၉ ပွိုင့် အထက်၊ မတ် ၁၇ ရက်အထိ ပွိုင့် ၉၀ အထက် ရှိသော်လည်း မတ် ၁၉ ရက်တွင် ပွိုင့် ၉၀ အောက်၊ မတ် ၂၆ ရက်တွင် ၈၉ ပွိုင့်အောက်သို့ ကျ ဆင်းကာ ဧပြီ ၅ ၊ ၂၁ တွင် ပွိုင့် ၉၀ အထက်၊ ဧပြီ ၂၆ ရက်တွင် ၉၁ ပွိုင့် အထက် မေ ၁ ရက်တွင် ၉၂ ပွိုင့်အထက်၊ မေ ၁၅ ရက်တွင် ၉၃ ပွိုင့်အထက်၊ မေ ၂၅ ရက်တွင် ၉၄ ပွိုင့်အထက် ပြန်ရောက်ခဲ့သည်။

အမေရိကန်နိုင်ငံ ရွေးကောက်ပွဲ ပြုလုပ်ခဲ့သည့် ၂၀၁၆ ခုနှစ် နိုဝင်ဘာလနောက်ပိုင်း ဇန်န၀ါရီ ၃ ရက် တွင် ၁၀၃ ဒသမ ၈၂ ပွိုင့်အထိအမြင့်ဆုံး ရောက်ရှိခဲ့ပြီး ၂၀၁၇ ခုနှစ် ဧပြီလက စတင်ကာ ဒေါ်လာဈေး အညွှန်းကိန်းများ ပြန်ကျခြင်းဖြစ်သည်။ ပြီးခဲ့သည့် ငါးလအတွင်း အမြင့်ဆုံး ဖြစ်ပေါ်ခဲ့သော ညွှန်းကိန်းများမှာ ဒီဇင်ဘာတွင် ၉၄ ဒသမ ၁၈ ပွိုင့်၊ ဇန်န၀ါရီတွင် ၉၂ ဒသမ ၃၆ ပွိုင့်၊ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင် ၉၁ ဒသမ ၇၁ ပွိုင့်ဖြစ်သည်။

၂၀၁၇ ခုနှစ် မတ်လလယ်မှ စတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ကျဆင်းခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက် ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဒီဇင်ဘာတွင် ၁၃၅၄-၁၃၅၉ ကျပ်၊ ဇန်န၀ါရီ တွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄-၁၃၃၂ ကျပ်တို့ဖြစ်ပြီး ဇန်န၀ါရီတွင် ကွာဟချက် အများဆုံး ဖြစ်ပေါ်ခဲ့သည်။

ပြီးခဲ့သည့် မတ်လအတွင်း အမြင့်ဆုံး ဈေးနှုန်းအဖြစ် မတ် ၂၁ ရက် တွင် ၁၃၃၄ ကျပ်ဖြစ်ပေါ်ခဲ့သော ဒေါ်လာဈေးသည် မတ် ၂၉ ရက် တွင် ၁၃၂၈ ကျပ်အထိ၊ ဧပြီလဆန်း တွင် ၁၃၂၄ ၀န်းကျင်အထိ ကျဆင်းခဲ့သည်။ ထို့နောက် ဧပြီလကုန်ပိုင်း ၂၈ ရက်တွင် ၁၃၃၁  ကျပ်၊ မေ ၂၁ ရက်တွင် ၁၃၅၁ ကျပ်အထိ မြင့်တက်ခဲ့ပြီး မေ ၂၆ ရက်တွင် ၁၃၄၈ ကျပ်ဖြစ်ခဲ့သည်။ မေ ၂၅ ရက်တွင် သတ်မှတ်ထားသော ဗဟိုဘဏ် ရည်ညွှန်းငွေလဲနှုန်းမှာ ၁၃၅၆ ကျပ်ဖြစ်ကြောင်း သိရသည်။

NLD အစိုးရသစ် တက်လာပြီးနောက် နိုင်ငံခြားငွေလဲနှုန်း အခြေအနေကို လေ့လာကြည့်ပါက ၂၀၁၆ ခုနှစ် ဧပြီမှ သြဂုတ်လလယ်အထိ နိုင်ငံခြားငွေလဲနှုန်း အတက်အကျ နည်းပါးသော်လည်း သြဂုတ်လကုန်မှစပြီး မြန်မာကျပ်ငွေတန်ဖိုး သိသိသာသာ ကျဆင်းလာခြင်းဖြစ်ကာ စက်တင်ဘာ၊ အောက်တိုဘာလနှင့် နိုဝင်ဘာလဆန်းအထိ အတက်ဘက်သို့ ဆက်တိုက် ဦးတည်လာခဲ့သည်။

မြန်မာနိုင်ငံတွင် စံချိန်တင် ဖြစ်ပေါ်ခဲ့သည့် အမြင့်ဆုံး ငွေလဲနှုန်းမှာ ၁၃၆၅ ကျပ် (၂၀၀၇ ခုနှစ်၊ ဇူလိုင် ၁ ရက်) ဖြစ်ပြီး အနိမ့်ဆုံး နိုင်ငံခြားငွေလဲနှုန်းမှာ ၇၂၅ ကျပ် (၂၀၁၁ ခုနှစ် သြဂုတ် ၁၇ ရက်) ဖြစ်သည်။

မြန်မာ့စီးပွားရေး စောင့်ကြည့် အစီရင်ခံစာအရ ငွေကြေးဖောင်းပွမှုနှုန်းသည် ၂၀၁၆-၂၀၁၇ ခုနှစ်တွင် ခုနစ် ရာခိုင်နှုန်းရှိခဲ့ရာမှ ၂၀၁၇-၂၀၁၈ ဘဏ္ဍာနှစ်တွင် ၅ ဒသမ ၅ ရာခိုင်နှုန်းသို့ ကျဆင်းခဲ့ပြီး ၂၀၁၈-၂၀၁၉ ဘဏ္ဍာနှစ်တွင် ၄ ဒသမ ၉ ရာခိုင်နှုန်းအထိ ကျဆင်းသွားမည်ဟု ခန့်မှန်းထားသည်။

၂၀၁၇-၂၀၁၈ ဘဏ္ဍာနှစ်၏ ပထမနှစ်ဝက်တွင် ဈေးနှုန်းများသည် အသင့်အတင့်သာ မြင့်တက်ခဲ့သော်လည်း ဒုတိယနှစ်ဝက် ကာလတွင် ပိုမိုလျင်မြန်စွာ မြင့်တက်ခဲ့သည်။ အစားအသောက်နှင့် လောင်စာဆီဈေးနှုန်းများ မြင့်တက်ရခြင်းမှာ အထူးသဖြင့် ကမ္ဘာ့လောင်စာဆီ ဈေးနှုန်းများ မြင့်တက်ခဲ့၍ဖြစ်သည်။

၂၀၁၇-၂၀၁၈ ဘဏ္ဍာနှစ် တစ်လျှောက်တွင် နိုင်ငံခြားသုံးငွေနှင့် ယှဉ်လျှင် ပြည်တွင်းကျပ်ငွေတန်ဖိုး မြင့်တက်ခဲ့သော်လည်း ကျပ်ငွေ၏ ပကတိတန်ဖိုးမှာ ကျဆင်းခဲ့သည်။ ထိုင်း၊ မလေးရှားနှင့် တရုတ်နိုင်ငံကဲ့သို့ အဓိက ကုန်သွယ်ဖက် နိုင်ငံများနှင့်ယှဉ်လျှင် ငွေကြေးလဲလှယ်နှုန်းများ ကျဆင်းခဲ့ပြီး ငွေဖောင်းပွမှုနှုန်း မြန်ဆန်ခဲ့ရာ လက်လီကုန်သည်များနှင့် သွင်းကုန်သုံးစွဲသူများအပေါ် ထိခိုက်မှု ရှိခဲ့သည်ဟု ကမ္ဘာ့ဘဏ်က ဆိုသည်။

“ပို့ကုန်သမားတွေအတွက် ကောင်းပေမဲ့ သွင်းကုန်တွေ ဈေးကြီးတဲ့အတွက် အခက်အခဲ ဖြစ်ပေမဲ့ ဒါတွေက နောက်ဆုံးမှာတော့ စားသုံးသူတွေတွေဆီပဲ ရောက်ပါတယ်” ဟု သွင်းကုန်လုပ်ငန်းရှင် တစ်ဦးက ပြောကြားသည်။

“ဒီနှစ်ပိုင်းတွေမှာ လုပ်ငန်းတွေက မကောင်းကြဘူး၊ ၀န်ထမ်းစရိတ်၊ ရုံးစရိတ်၊ စက်ရုံစရိတ်ကျေရုံ အလုပ်လုပ်နေကြရတာ၊ ဆီဈေးတက်တော့ ၀င်ငွေပိုမရဘဲ စရိတ်ပိုထောင်းတာပေါ့” ဟု မြန်မာနိုင်ငံ ဆန်စပါး အသင်းချုပ်၊ တွဲဖက်အတွင်းရေးမှူး ဦးနေလင်းဇင်က ပြောကြားသည်။

ယင်းကဲ့သို့ နိုင်ငံခြားငွေလဲနှုန်းများ မြင့်တက်လာခြင်းကြောင့် ပြည်ပမှ တင်သွင်းနေရသည့် နို့မှုန့်၊ တစ်သျှူး၊ ကော်ဖီ စသည့် ကုန်စည်အမည်အချို့ ယခင်ကထက် ကျပ် ၂၀၀ မှ ၅၀၀ အထိ မြင့်တက်လာကြောင်း ဈေးကွက်အတွင်းမှ သိရသည်။

လက်ရှိအချိန်တွင် စက်သုံးဆီဈေးနှုန်းများ ကြီးမြင့်နေမှုကြောင့် ကုန်ထုတ်လုပ်မှုစရိတ်၊ သယ်ယူပို့ ဆောင်ရေး စရိတ်များ မြင့်တက်လာပြီး အထွေထွေ ကုန်ဈေးနှုန်းများ အပေါ်တွင်ပါ အကျိုးသက်ရောက်မှု ဖြစ်ပေါ်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ဆိုသည်။

ကုန်ဈေးနှုန်း အခြေအနေ

ပြီးခဲ့သည့် ဧပြီလဆန်းက သင်္ကြန် မတိုင်ခင်ကာလ ဖြစ်သည့်အတွက် အခြေခံစားသောက်ကုန် ဈေးနှုန်းများ စတင်မြင့်တက်လာရာ သင်္ကြန်ကျော်ကာလတွင် သမ္မတသစ် ဦးဝင်းမြင့် တက်လာပြီးနောက် နိုင်ငံ့ဝန်ထမ်းများအား လစာတိုးမြှင့်ပေးမည်ဆိုသည့် သတင်းများကြောင့် ကုန်ဈေးနှုန်း မြင့်တက်ခဲ့သည်။

စက်သုံးဆီဈေး မြင့်တက်လာခြင်း၊ ဒေါ်လာဈေး အခြေအနေများကြောင့်လည်း ပြည်တွင်း၌ ကုန်စည်အချို့ ဈေးနှုန်းလိုက်ပါ မြင့်တက်လာကြောင်း ဈေးကွက်အတွင်းမှ စုံစမ်းသိရှိရသည်။

“စားဆီ၊ စက်သုံးဆီဈေးတွေ တက်လာပါတယ်။ အဲဒီအတွက် ကုန်ဈေးနှုန်းတွေ တက်လာပါတယ်။ အခြားကုန်ဈေးနှုန်း တွေကလည်း လစာတိုးအရှိန်နဲ့ တက်လာကြတယ်။ ကြက်သွန်၊ မီးဖိုချောင်သုံး သီးနှံဈေးတွေလည်း တက်နေတယ်” ဟု မြန်မာနိုင်ငံ ဆန်စပါးအသင်းချုပ် တွဲဖက်အတွင်းရေးမှူး ဦးနေလင်းဇင်က ပြောကြားသည်။

အခြေခံစားသောက်ကုန် အများစုမှာ ကုန်ဈေးနှုန်း မြင့်တက်ပြီးနောက် ပြန်လည်ကျဆင်းလေ့ မရှိသဖြင့် လက်ရှိအချိန်တွင် အတက်ဈေးဘက်တွင်သာ ရှိနေခဲ့သည်။

ပြီးခဲ့သည့် လများအတွင်း ဖြစ်ပေါ်ခဲ့သည့် ကုန်စည်ဈေးနှုန်းများကို လေ့လာကြည့်ပါက သင်္ကြန်ကာလ မတိုင်မီ ကုန်ဈေးနှုန်း ဈေးကွက်အတွင်း အခြေခံ စားသောက်ကုန်များ ဖြစ်သည့် ဆန်၊ ဆီနှင့် သားငါးဈေး မြင့်တက်ခဲ့သည်။

ဆန်ဈေးနှုန်း အနေဖြင့် ရွှေဘိုပေါ်ဆန်း တစ်ပြည်လျှင် ယခင်ကျပ် ၂၂၀၀-၂၅၀၀ မှ ကျပ် ၂၃၀၀-၂၉၀၀၊ ယခင်တစ်အိတ်လျှင် ၅၃၀၀၀ မှ ၆၉၀၀၀၊ ဖျာပုံဆန်သစ် ရှယ်တစ်ပြည်လျှင် ယခင်ကျပ် ၁၈၀၀-၂၀၀၀ မှ ကျပ် ၁၉၀၀-၂၂၀၀၊ တစ်အိတ်လျှင် ယခင်ကျပ် ၄၅၀၀၀ မှ ကျပ် ၅၀၀၀၀ သို့ အသီးသီး ဈေးတက်ခဲ့သည်။

ဆန်ကြမ်းဈေး အနေဖြင့် ဧည့်မထဆန် တစ်အိတ်လျှင် ယခင်ကျပ် ၂၄၀၀၀ မှကျပ် ၃၁၀၀၀၊ ဇီယာဆန် တစ်အိတ်လျှင် ယခင်ကျပ် ၂၄၀၀၀ မှ ကျပ် ၁၉၀၀၀ မှ ၃၀၀၀၀ ကျပ်သို့ ဈေးတက်ခဲ့သည်။

သား၊ ငါး ဈေးနှုန်းများ အနေဖြင့် မွေးမြူရေး ကြက်တစ်ပိဿာလျှင် ယခင်ကျပ် ၅၀၀၀-၆၀၀၀ ကြားရှိရာမှ ယခုကျပ် ၆၀၀၀-၇၀၀၀၊ ဗမာ ကြက်တစ်ပိဿာလျှင် ယခင်ကျပ် ၇၀၀၀-၈၀၀၀ ကြားမှ ၉၀၀၀- ၁၀၀၀၀၊ ၀က်သားတစ်ပိဿာလျှင် ယခင် ကျပ် ၆၀၀၀- ၁၀၀၀၀ ကြားမှ ကျပ် ၇၀၀၀မှ ၁၂၀၀၀၊ အမဲသား တစ်ပိဿာလျှင် ယခင် ကျပ် ၇၀၀၀ -၉၀၀၀ ကြားရှိခဲ့ရာမှ ကျပ် ၁၀၀၀၀ ကျော်အထိ ဈေးတက်ခဲ့သည်။

ကုန်ဈေးနှုန်းများ အနေဖြင့် ၂၀၁၄ ခုနှစ်မှ ဈေးနှုန်းသိသိသာသာ မြင့်တက်လာခြင်းဖြစ်ပြီး လေးနှစ်တာ ကာလအတွင်း ကုန်ဈေးနှုန်းများ နှစ်ဆ၊ သုံးဆခန့် ဈေးနှုန်းမြင့်တက် ခဲ့ခြင်းဖြစ်သည်။

ကုန်ဈေးနှုန်း မြင့်တက်မှု အနေဖြင့် ၂၀၁၅ နိုဝင်ဘာလ ရွေးကောက်ပွဲပြီးကာလအတွင်းမှ စတင်ကာ သုံးနှစ်တာ ကာလအတွင်း အခြေခံ စားသောက်ကုန်ဈေးနှုန်းများ အနေဖြင့် စံချိန်တင်မြင့်တက် ခဲ့ခြင်းဖြစ်သည်။ ၂၀၁၅ နိုဝင်ဘာလမှ ထပ်မံ စတင်မြင့်တက်ခဲ့သည့် ကုန်ဈေးနှုန်းများသည် ၂၀၁၆ ဧပြီ သင်္ကြန်မတိုင်မီ ကာလတွင် ဈေးနှုန်းထပ်မံမြင့်ခဲ့သည်။

အခြေခံ စားသောက်ကုန်စည်များ အနေဖြင့် ၂၀၁၃ ခုနှစ်မှ စတင်၍ ကုန်ဈေးနှုန်းများ ဈေးနှုန်းစတင် မြင့်တက်လာခြင်းဖြစ်ပြီး ၂၀၁၃-၂၀၁၄ ခုနှစ်အတွင်း ကုန်ဈေးနှုန်းများ အနေဖြင့် မြင့်တက်ခဲ့သော်လည်း စံချိန်တင် မြင့်တက်ခဲ့ခြင်း မရှိခဲ့ပေ။

သုံးနှစ်တာကာလ ကုန်စည်ဈေးနှုန်းများ မြင့်တက်ခြင်း အကြောင်းရင်းများ အနေဖြင့် ၀န်ထမ်းလစာတိုးခြင်း၊ ဒေါ်လာဈေး မြင့်တက်ခြင်း၊ ကုန်ပစ္စည်း အ၀င်နည်းခြင်းနှင့် လမ်းပန်းဆက်သွယ်ရေး စသည့် အခက်အခဲများကြောင့် ဈေးနှုန်းမြင့်တက်ခြင်းဖြစ်ပြီး ပြည်သူများ အနေဖြင့် ကုန်ဈေးနှုန်း တစ်ဟုန်ထိုး မြင့်တက်သည့်ဒဏ်ကို ၂၀၁၃ ဇွန်လမှ စတင်၍ ခံစားလာရခြင်း ဖြစ်သည်။

သုံးနှစ်တာ ကာလအတွင်း မြင့်တက်ခဲ့သည့် အခြေခံ စားသောက်ကုန်စည်များ အနေဖြင့် တစ်ကြိမ်တစ်ခါမှ ဈေးနှုန်းသိသိသာသာ ပြန်လည်ကျဆင်းခြင်း မရှိသေးဘဲ ဈေးအနည်းငယ် အတက်အကျ ရှိရုံမျှသာ ရှိခဲ့သည်။

ထို့ပြင် အကောက်ခွန်နှုန်းများ ပြင်ဆင်သတ်မှတ် လိုက်ခြင်းကြောင့် ပြည်ပက တင်သွင်းသည့် အခြေခံ စားသောက်ကုန်အချို့ အကောက်ခွန် ပိုမိုပေးရမည် ဖြစ်သဖြင့် တင်သွင်းသူများက ဈေးတိုးရောင်းချမည် ဖြစ်သည်။ နောက်ဆုံးတွင်မူ စားသုံးသူ ပြည်သူများသာ ဈေးနှုန်းကြီးမြင့်သည့် ဒဏ်ကို ခါးစည်းခံရမည် ဖြစ်သည်ဟု မြန်မာ့စီးပွားရေး လေ့လာသူများက သုံးသပ်ကြသည်။

အခွန်တိုးမြှင့် ကောက်ခံခြင်း

၂၀၁၇ ခုနှစ် အောက်တိုဘာ ၁ ရက်ကစတင်ပြီး ဘတ်စ်ကား၊ ထရပ်ကား၊ လူစီးမော်တော်ယာဉ်၊ သတင်းစာစက္ကူ၊ ဟန်းဆက်များ၊ ပြည်တွင်း၌ စိုက်ပျိုးထွက်ရှိသော အသီးအနှံများ စသည်တို့အပေါ် အခွန်နှုန်းထားများ တိုးမြှင့်ကောက်ခံရန် ထုတ်ပြန်ခဲ့သည်။

ပြင်ဆင်တိုးမြှင့်လိုက်သည့် အကောက်ခွန်နှုန်းမှာ ဘိလပ်မြေကို တစ်ရာခိုင်နှုန်းကနေ သုံးရာခိုင်နှုန်း၊ အိမ်သုံးဆားကို ယခင် ၁၀ ရာခိုင် နှုန်းကနေ ရာခိုင်နှုန်း ၂၀၊ အသင့် သောက်သုံးနိုင်သည့် ကော်ဖီ (Instant Coffee) ကို ၁၅ ရာခိုင်နှုန်းမှ ရာခိုင်နှုန်း ၂၀၊ ပြည်တွင်းတွင် စိုက်ပျိုးထွက်ရှိသည့် အသီးအနှံများကို ၁၅ ရာခိုင်နှုန်းမှ ရာခိုင်နှုန်း ၃၀၊ ကြက်သွန်နီ/ကြက်သွန်ဖြူကို ယခင် ၀ ဒသမ ၅/၁ ရာခိုင်နှုန်းမှ ၁၀ ရာခိုင်နှုန်း၊ ပန်းမျိုးစုံကို ယခင် ငါးရာခိုင်နှုန်းမှ ၁၅ ရာခိုင်နှုန်း၊ ပရိဘောဂများကို ယခင် ၁၅ ရာခိုင်နှုန်းမှ ရာခိုင်နှုန်း ၂၀ တိုးမြှင့် ကောက်ခံခြင်းဖြစ်သည်။

“လွယ်လွယ်ပြောရရင် အရင် ၁၀၀ တန် ကော်ဖီမစ်ဟာ ၁၂၀ ဖြစ်လာမှာဖြစ်ပြီး သတ်မှတ်ရာခိုင်နှုန်း တိုးမြှင့်မှုအလိုက် ကုန်ဈေးနှုန်းမြင့် တက်မယ့်ဒဏ်ကို ပြည်သူတွေ ခံရဦးမှာပါ” ဟု လုပ်ငန်းရှင် တစ်ဦးက ပြောကြားသည်။

အကောက်ခွန်နှုန်း ပြင်ဆင်မှုတွင် မော်တော်ယာဉ်များလည်း မလွတ်ခဲ့ပေ။ ဘတ်စ်ကားနှင့် ကုန်တင်ယာဉ်များကို ယခင် သုံးရာခိုင်နှုန်း ကောက်ခံနေရာမှ ၁၀ ရာခိုင်နှုန်း CKD စနစ်ဖြင့် တင်သွင်းထုတ်လုပ်မည့် ဘတ်စ်ကားနှင့် ကုန်တင်ယာဉ်များကို ယခင်သုံးရာခိုင်နှုန်း ကောက်ခံနေရာမှ ၇ ဒသမ ၅ ရာခိုင်နှုန်း တိုးကောက်မည်ဖြစ်သည်။

အိမ်သုံးလူစီး မော်တော်ယာဉ်များကို ယခင်အတိုင်း မပြောင်းလဲဘဲ အင်ဂျင်ပါဝါ ၂၀၀၀ စီစီနှင့်အောက် မော်တော်ယာဉ်များကို ရာခိုင်နှုန်း ၃၀ အင်ဂျင်ပါဝါ ၂၀၀၀ စီစီအထက် မော်တော်ယာဉ်များကို ယခင်အတိုင်း ရာခိုင်နှုန်း ၄၀ ဖြင့်သာ ဆက်လက် ကောက်ခံမည်ဖြစ်သည်။

အကောက်ခွန်နှုန်းများ ပြင်ဆင်သတ်မှတ်ခြင်းနှင့် ပတ်သက်၍ “အကောက်ခွန်နှုန်း တိုးမြှင့်တယ် ဆိုတာက အာဆီယံနဲ့ လိုက်လျောညီထွေဖြစ်အောင် လုပ်တယ်ဆိုတဲ့ သဘောတော့ရှိတယ်။ နောက်တစ်ခုက တချို့နေရာတွေမှာ တိုင်းပြည်အတွက် အကျိုးနည်းစေမယ့်ဟာတွေ မြှင့်တာကတော့ မှန်တာပေါ့လေ။ အကျိုးများစေမယ့် ဟာကျတော့ လျှော့သင့်တာ လျော့ရမှာပေါ့။ အကောက်ခွန် ဆိုတာက နိုင်ငံတစ်ခုရဲ့ သွင်းကုန်အပေါ်မှာ ကောက်တဲ့အခါမှာ နိုင်ငံရဲ့ကုန်ထုတ်လုပ်မှု ပမာဏတို့ ၀ယ်ယူစားသုံးနိုင်မှု ပမာဏတို့ အခြေအနေတို့ကို ကြည့်ပြီးတော့ အပြောင်းအလဲ လုပ်တာကတော့ ထုံးစံပါပဲ” ဟု ဒေါက်တာအောင်ကိုကို (စီးပွားရေးပညာ၊ စီးပွားရေး ပေါ်လစီ) က သုံးသပ်ပြောကြားခဲ့သည်။

အန္တရာယ် စိန်ခေါ်မှုများအကြား အကောင်းဘက် ဦးတည်သည့် စီးပွားရေးဖွံ့ဖြိုးမှု အရှိန်အား ဆက်လက် ထိန်းသိမ်းထားနိုင်ရန်မှာ ဦးစားပေး ဆောင်ရွက်သင့်သည့် အစိုးရကဏ္ဍ သုံးစွဲမှုများနှင့် ပုဂ္ဂလိကကဏ္ဍ စီးပွားရေး လုပ်ငန်းများကို တည်ငြိမ်သည့် မေခရိုစီးပွားရေး အခြေအနေ၊ အားကောင်းခိုင်မာသော မူဝါဒများဖြင့် အားပေးထောက်ကူရန် လိုအပ်မည်ဖြစ်ကြောင်း၊ လျှပ်စစ်ဓာတ်အားခ နှုန်းထားများအား သင့်လျော်စွာ ပြင်ဆင်သတ်မှတ်ခြင်း၊ ကုမ္ပဏီများ ဥပဒေအား အကောင်အထည်ဖော် ဆောင်ရွက်ခြင်း၊ အခွန်ထမ်းများအတွက် ပြည်သူ့ရေးရာ ၀န်ဆောင်မှုများ တိုးတက်အောင် ဆောင်ရွက်ပေးခြင်း၊ ငွေရေးကြေးရေး လုပ်ငန်းများအတွက် လုံခြုံစိတ်ချရသည့် ၀န်းကျင်ကောင်းတစ်ခု ဖန်တီးပေးခြင်းတို့က အထောက်အကူ ပြုနိုင်မည်ဖြစ်ကြောင်း မြန်မာနိုင်ငံဆိုင်ရာ ကမ္ဘာ့ဘဏ်ရုံး၏ ဦးဆောင် ဘောဂဗေဒ ပညာရှင် ဟန်စ်အာနန်ဘက်ခ်က ပြောကြားသည်။

ထို့ပြင် “ဂယက်ကတော့ အားလုံးခံရတာပေါ့။ စက်ရုံအလုပ်ရုံဆိုတာ ရှုံးတာမြတ်တာ မကြောက်ပါဘူး၊ လုပ်လို့ရအောင်ပဲ လုပ်ချင်ကြတာ။ အလုပ်လုပ်လို့ မရလောက်အောင် ဖြစ်လာရင်တော့ လုပ်ငန်းတွေ ရပ်ကြမယ်၊ နောက်ဆုတ်ကြမယ်၊ လုပ်လို့ရတဲ့ တိုင်းပြည်မှာပဲ သွားလုပ်ကြမှာပေါ့” ဟု စက်မှုဇုန် လုပ်ငန်းရှင် တစ်ဦးက ဆိုသည်။

“ဘာဖြစ်လို့လဲဆိုတော့ ပြောတာကတော့ ဆီဈေးတစ်ခုတည်းပဲ။ အဲဒီနောက်ကွယ်မှာ ပြဿနာပေါင်း မြောက်မြားစွာ ရှိလာနိုင်တယ်။ ဘာဖြစ်လို့လဲဆိုရင် အချိန်နဲ့ တစ်ပြေးညီလေ။ လခကို ၄၈၀၀ ပေးရပြီ။ မီးကလည်း ဒီရက်ပိုင်းမှာ တောက်လျှောက် ပျက်နေပြီ။ ဒီကြားထဲ လယ်သမားကိစ္စတွေကလည်း တစ်စခန်းထနေပြီ။ အဲဒီတော့ ဌာနဆိုင်ရာတွေကလည်း အရမ်းရစ်နေပြီ။ အရင်လို မြန်ဆန်လွယ်ကူအောင် မဟုတ်တော့ဘူး။ ဘာဖြစ်လို့လဲဆိုတော့ အခက်အခဲတွေ ဖြစ်လာတဲ့ အခါကျတော့ လူတွေလုပ်ရတာ မပျော်ကြတော့ဘူး။ စိတ်ညစ်ကုန်ကြပြီ။ သူဌေးစိတ်ညစ်ရင် ဘာဖြစ်လဲ စက်ရုံပိတ်လိုက်ကွာဆိုပြီး တစ်ခွန်းတည်းပဲ ပြောလို့ရတယ်။ သူဌေးက ငတ်မသွားဘူး။ မှီခိုနေတဲ့သူတွေ ဒုက္ခရောက်မှတော့ ကျွန်တော် စိုးရိမ်တယ်ဗျာ” ဟု လုပ်ငန်းရှင်တစ်ဦးက ပြောကြားသည်။

လက်ရှိ ဖြစ်ပေါ်နေသည့် အခြေအနေတွင် လုပ်ငန်းရှင်များ လုပ်ရကိုင်ရ ပိုမိုခက်ခဲနေသည်။ မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်မှ ထုတ်ပြန်သည့် မြန်မာ့စီးပွားရေး စောင့်ကြည့် အစီရင်ခံစာတွင် ဖော်ပြထားသည်။

“ဒီအချိန်က ကုစားရင် မီပါသေးတယ်။ လုပ်တဲ့သူတွေကို ဥပဒေနဲ့ အကာအကွယ်ပေးပါ။ ဈေးကွက် စီးပွားရေးအရ Floating ဖြစ်နေတာကို နားလည်ပါတယ်။ ဒါပေမဲ့ သဘာဝ မကျတဲ့ ဟာမျိုးတွေကို ထိန်းညှိပေးပါ။ ဒါဆိုရင် ရပါပြီ။ နိုင်ငံတော်က ဘာမှ ကုန်ကျစရာ မလိုပါဘူး။ လုပ်တတ်တဲ့သူကိုသာ ခေါင်းဆောင်တင်ပြီး လုပ်ခိုင်းပါ။ အရည်အချင်းရှိတဲ့သူတွေ မြန်မာပြည်မှာ အများကြီးရှိပါတယ်” ဟု လုပ်ငန်းရှင်တစ်ဦးက ဆိုသည်။

အထက်ပါဈေးနှုန်းများသည် ဈေးကွက်အတွင်းမှ ရရှိသော ဈေးနှုန်းများကို ဖော်ပြထားခြင်းဖြစ်ပြီး နေရာကိုလိုက်၍ ဈေးနှုန်းအပြောင်းအလဲ ရှိနိုင်ပါသည်။

 

ပုဂ္ဂလိက စက်သုံးဆီဆိုင်များက လက်ဝါးကြီးအုပ်စနစ်ဖြင့် စက်သုံးဆီဈေးနှုန်းအား တူညီစွာ သတ်မှတ်ရောင်းချခြင်းသည် ကုန်ဈေးနှုန်း ကြီးမြင့်ခြင်းကို တွန်းပို့နေကြောင်း တိုင်းဒေသကြီး လွှတ်တော်ကိုယ်စားလှယ် ပြောကြား

မေ ၈ ရက် ပြုလုပ်သည့် ရန်ကုန်တိုင်းဒေသကြီး လွှတ်တော်အစည်းအဝေးကို တွေ့ရစဉ်

ရန်ကုန်တိုင်းဒေသကြီးအတွင်း ပုဂ္ဂိလက စက်သုံးဆီဆိုင်များက လက်ဝါးကြီးအုပ်စနစ်ဖြင့် စက်သုံးဆီဈေးနှုန်းများကို တူညီစွာ သတ်မှတ်ရောင်းချခြင်းသည် ကုန်ဈေးနှုန်းကြီးမြင့်ခြင်းကို တွန်းပို့နေကြောင်း မင်္ဂလာတောင်ညွှန့်မြို့နယ်၊ မဲဆန္ဒနယ် အမှတ် (၁) လွှတ်တော်ကိုယ်စားလှယ် ဦးလှဌေးက ပြောကြားသည်။

မေ ၈ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမ ပုံမှန်အစည်းအဝေး (၂၅ရက်မြောက်နေ့) တွင် ဦးလှဌေးက “ရန်ကုန်တိုင်းဒေသကြီးအတွင်း စီးပွားရေး ပိုမိုဖွံ့ဖြိုးရေး တိုးတက်စေရေးနှင့် ကုန်ဈေးနှုန်း ကျဆင်းရေးတို့အတွက် တိုင်းဒေသကြီးနှင့်ဆိုင်သော စီမံချက်၊ စီမံကိန်းများ ချမှတ်အကောင်အထည် ဖော်ဆောင်ရန် အစီအစဉ် ရှိ/မရှိ” မေးခွန်းမေးမြန်းရာတွင် ထည့်သွင်းပြောကြား ခဲ့ခြင်းဖြစ်သည်။

“ကျွန်တော်တို့ ရန်ကုန်မြို့မှာ သယ်ယူပို့ဆောင်ခနှုန်းများ မြင့်မားလျက်ရှိပါတယ်။ အခြေခံကတော့ စက်သုံးဆီဈေး မြင့်မားနေခြင်းပဲ ဖြစ်ပါတယ်။ ပုဂ္ဂလိကဆီဆိုင်များဟု ဆိုသော်လည်း ဆီဆိုင်အားလုံး ဈေးနှုန်းတူညီစွာ သတ်မှတ်ရောင်းချနေခြင်းက လက်ဝါးကြီးအုပ်စနစ်တစ်ခု ဖြစ်နေပါတယ်။ လွတ်လပ်စွာ ရောင်းဝယ်ခွင့်ကို ပြောင်ပြောင်တင်းတင်း ချိုးဖောက်နေတာလားလို့ မေးခွန်းထုတ်ချင်ပါတယ်။ စက်သုံးဆီဈေးနှုန်း လက်ဝါးကြီး အုပ်ထားခြင်းက ကုန်ဈေးနှုန်းကြီးမြင့်မှုကို အဓိက တွန်းပို့နေခြင်းပဲ ဖြစ်ပါတယ်။ စက်သုံးဆီဟာ လွတ်လပ်စွာ တင်သွင်းခွင့် အပြိုင်အဆိုင် ရောင်းချခွင့် ပြုသင့်ပါတယ်။ နိုင်ငံခြား ရင်းနှီးနှံမှုအထိ လုပ်ကိုင်ဆောင်ရွက်ခွင့်ကို ဖွင့်ပေးသင့်ပါတယ်။ စီးပွားရေး လုပ်ငန်းတွေကို လူတစ်စုကပဲ လက်ဝါးကြီးအုပ် စိုးမိုးခဲ့တဲ့ ခေတ်အဆက်ဆက်ကြောင့် တိုင်းပြည်ဟာ ချွတ်ခြုံကျနေခဲ့ပါတယ်။ ဒီခေတ်မှာလည်း ဒီလူတစ်စုက ချုပ်ကိုင်ဆောင်ရွက် နေမယ်ဆိုရင် အနာဂတ် မှေးမှိန်ပျောက်ကွယ် နေဦးမှာပဲ ဖြစ်ပါတယ်။ ချမ်းသာလွန်းတဲ့သူက မတရားချမ်းသာ၊ ဆင်းရဲလွန်းတဲ့လူက မတရားဆင်းရဲနေတဲ့အတွက် ဖြစ်လာမယ့် ပဋိပက္ခတွေကို သတိပြု ဆင်ခြင်ရမှာပဲ ဖြစ်ပါတယ်” ဟု လွှတ်တော်ကိုယ်စားလှယ် ဦးလှဌေးက ပြောကြားသည်။

အဆိုပါ မေးမြန်းမှုနှင့် ပတ်သက်၍ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ပြန်လည် ဖြေကြားရာတွင် ရန်ကုန်တိုင်း ဒေသကြီးအတွင်း စက်သုံးဆီးဈေးနှုန်းများ ကြီးမြင့်မှုနှင့် ပတ်သက်၍ လက်ဝါးကြီးအုပ်မှု အခြေအနေများကို တိုင်းအစိုးရအနေဖြင့် ဂရုပြုမိပါကြောင်း၊ စက်သုံးဆီ ဈေးနှုန်းများကို သက်ဆိုင်ရာ စက်သုံးဆီဆိုင်များက ညှိနှိုင်းထားသည့်ဈေးနှုန်း မဟုတ်ဘဲ ကမ္ဘာ့ပေါက်ဈေးနှင့်အညီ ဖြစ်လာစေရန် ရန်ကုန်တိုင်းဒေသကြီး အစိုးရအဖွဲ့အနေဖြင့် အစီအမံ ချမှတ်ဆောင်ရွက်ရန် အစီအစဉ်ရှိကြောင်း ပြောကြားခဲ့သည်။

ထို့ပြင် ကုန်ဈေးနှုန်းများ အဓိကကြီးမားလာခြင်းမှာ ကုန်ထုတ်သည့်အချိန်တွင် ကုန်ကြမ်းများ ဈေနှုန်းကြီးမြင့်ခြင်း၊ သယ်ယူပို့ဆောင်ခနှင့် ၀န်ဆောင်ခများ ကြီးမားခြင်း၊ လိုအပ်သည့် လျှပ်စစ်ဓာတ်အား လုံလောက်စွာ မရရှိခြင်း စသည့်တို့ကြောင့် ဖြစ်ကြောင်း၊ ကုန်ဈေးနှုန်းများ ကျဆင်းလာရန်အတွက် ကုန်ကြမ်းစရိတ်များ ကျဆင်းရေး၊ သယ်ယူပို့ဆောင်ရေးစရိတ်များ ကျဆင်းရေး၊ တစ်ဦးချင်း ကုန်ထုတ်လုပ်မှုစွမ်းရည် တိုးမြှင့်လာရေးအတွက် တွန်းအားပေး ဆောင်ရွက်မည်ဖြစ်ကြောင်း၊ အထူးသဖြင့် ရန်ကုန်တိုင်းဒေသကြီး အတွင်း၌ သယ်ယူပို့ဆောင်ရေးခများ ကျဆင်းစေရေးအတွက် တံတားကိုးခုတွင် ဖြတ်သန်းခများ ရပ်ဆိုင်းခဲ့ကြောင်း ၀န်ကြီးဦးမြင့်သောင်းက ပြောကြားသည်။

၂၀၁၈ ခုနှစ် ဖေဖော်ဝါရီလ အတွင်းက အတည်ပြုခဲ့သည့် ၂၀၁၈ ခုနှစ် ဧပြီလမှ စက်တင်ဘာလအထိ  ရန်ကုန်တိုင်းဒေသကြီး ဒေသန္တရ စီမံကိန်းတွင် ရန်ကုန်တိုင်းဒေသကြီး၏ ထုတ်လုပ်မှုနှင့် ၀န်ဆောင်မှု တိုးတက်လာရန်အတွက် စီမံကိန်းချ ဆောင်ရွက်လျက်ရှိကြောင်း ၀န်ကြီးက ပြောကြားသည်။

 

သင်္ကြန်ကာလမတိုင်မီ အခြေခံစားသောက်ကုန်နှင့် သားငါးဈေးနှုန်းများ မြင့်တက်လျက်ရှိ

ရန်ကုန်မြို့ သိမ်ကြီးဈေးအတွင်းရှိ သားငါးဆိုင်တန်း တစ်နေရာကို တွေ့ရစဉ် (ဓာတ်ပုံ-ကြည်နိုင်)

သင်္ကြန်ကာလမတိုင်မီ ကုန်ဈေးနှုန်းဈေးကွက်အတွင်း အခြေခံစားသောက်ကုန်များဖြစ်သည့် ဆန်၊ ဆီနှင့် သားငါးဈေးနှုန်းများ မြင့်တက်လျက်ရှိကြောင်း ဈေးကွက်အတွင်းမှ သိရသည်။

ဆန်ဈေးနှုန်းအနေဖြင့် ရွှေဘိုပေါ်ဆန်း တစ်ပြည်လျှင် ယခင်ကျပ် ၂၂၀၀-၂၇၀၀ မှ ကျပ် ၂၃၀၀-၂၉၀၀၊ ယခင်တစ်အိတ်လျှင် ကျပ် ၅၃၀၀၀-၆၂၄၀၀မှ ယခုကျပ် ၆၉၀၀၀ အထိသို့လည်းကောင်း၊ ဖျာပုံဆန်သစ်ရှယ် တစ်ပြည်လျှင် ယခင်ကျပ် ၁၈၀၀-၂၀၀၀ မှ ယခုအခါတွင် ကျပ် ၁၉၀၀-၂၂၀၀ သို့လည်းကောင်း၊ တစ်အိတ်လျှင် ယခင်ကျပ် ၄၅၀၀၀ မှ ယခုအခါတွင် ကျပ် ၅၀၀၀၀ သို့လည်းကောင်း ဈေးနှုန်းမြင့်တက်လျက်ရှိသည်။

ဆန်ကြမ်းဈေးနှုန်းများအနေဖြင့် ဧည့်မထဆန်တစ်အိတ်လျှင် ယခင်ကျပ် ၂၄၀၀၀-၂၆၀၀၀ မှ ယခုအခါတွင် ကျပ် ၃၀၀၀၀ သို့လည်းကောင်း၊ ဇီရာဆန်တစ်အိန်လျှင် ယခင်ကျပ် ၂၄၀၀၀-၂၆၄၀၀ မှ ယခုအခါတွင် ကျပ် ၁၉၀၀၀ မှ ကျပ် ၃၀၀၀၀ ကြားသို့ ဈေးနှုန်းမြင့်တက်လျက်ရှိကြောင်း သိရသည်။

သား၊ ငါးဈေးနှုန်းများအနေဖြင့် မွေးမြူရေးကြက် တစ်ပိဿာလျှင် ယခင်ကျပ် ၅၀၀၀-၇၀၀၀ ကြားရှိရာမှ ယခုကျပ် ၆၀၀၀- ၈၀၀၀ သို့လည်းကောင်း၊ အိမ်ကြက်တစ်ပိဿာလျှင် ယခင်ကျပ် ၈၀၀၀-၁၁၀၀၀ ကြားမှ ယခုကျပ် ၁၀၀၀၀-၁၃၀၀၀ သို့ လည်းကောင်း၊ ၀က်သားတစ်ပိဿာလျှင် ယခင်ကျပ် ၆၀၀၀-၁၀၀၀၀ ကြားမှ ယခုကျပ် ၇၀၀၀ မှ ၁၂၀၀၀ သို့လည်းကောင်း၊ အမဲသားတစ်ပိဿာလျှင် ယခင်ကျပ် ၇၀၀၀-၁၂၀၀၀ ကြားရှိခဲ့ရာ ယခုအခါတွင် ကျပ် ၈၀၀၀-၁၃၀၀၀ သို့လည်းကောင်း ဈေးနှုန်းအသီးသီး မြင့်တက်လျက်ရှိသည်။

“ဆန်ဈေးတွေအနေနဲ့ ဆန်အမျိုးအစားလိုက် အနည်းဆုံးတစ်ပြည်ကို ကျပ် ၁၀၀ စီတက်တယ်။ အရင်တက်ဈေးထက် ပိုတက်သွားတာပေါ့။ အိတ်လိုက်ဈေးနဲ့ တွက်မယ်ဆိုရင် ပျမ်းမျှအနေနဲ့ ကျပ် ၂၀၀၀ ကနေ ၃၀၀၀ လောက်အထိ ဈေးတက်တယ်။ ဆန်ဈေးတွေက တစ်နှစ်မှာတစ်ပြည် ကျပ် ၁၀၀ ကနေ ၂၀၀ အတွင်း ဈေးတက်နေတာ။ အခုဆို ရွှေဘိုပေါ်ဆန်းက တော်တော်လေးကိုမှ ဈေးတက်သွားတာပဲကြည့်တော့။ ကျွန်တော့်အထင်ပေါ့ဗျာ။ ဆန်ဈေးနှုန်းတွေအနေနဲ့က ဈေးတက်ဖို့ပဲရှိတယ်” ဟု တာမွေမြို့နယ်ရှိ ဆန်လက်လီအရောင်းဆိုင်မှ ဆိုင်ပိုင်ရှင်က ပြောကြားသည်။

ငါးဈေးနှုန်းများအနေဖြင့်လည်း ယခင်ငါးမြစ်ချင်း တစ်ပိဿာလျှင် ကျပ် ၄၀၀၀ မှ ၅၀၀၀ ရှိခဲ့ရာ ယခုအခါတွင် တစ်ပိဿာ ကျပ် ၅၀၀၀-၅၅၀၀ သို့လည်ကောင်း၊ ငါးကျီးနှင့် ငါးခူ တစ်ပိဿာလျှင် ယခင်ကျပ် ၈၀၀၀-၁၁၀၀၀ မှ ယခုအခါတွင် တစ်ပိဿာကျပ် ၁၂၀၀၀ သို့လည်းကောင်း၊ ငါးကြင်းတစ်ပိဿာ ကျပ် ၅၀၀၀-၆၀၀၀ ရှိခဲ့ရာမှ ယခုအခါတွင် တစ်ပိဿာလျှင်ကျပ် ၇၀၀၀ သို့လည်းကောင်း ဈေးနှုန်းများအနေဖြင့် ကျပ် ၅၀၀ မှစတင်၍ မြင့်တက်နေခြင်းဖြစ်သည်။

“သားငါးဈေးနှုန်းတွေက တစ်ပိဿာ ၃၀၀၀၊ ၄၀၀၀ ဆိုတာ မရှိတော့ဘူး။ နောက်ပြီး အခုကသင်္ကြန်လည်းနီးပြီဆိုတော့ သားဈေး၊ ငါးဈေးတွေက ဈေးတက်တယ်။ နောက်ပြီး ပစ္စည်းရှားလာတာရယ်ကြောင့် ဈေးတွေက ထက်ဝက်စီမြင့်နေရတာ။ ဈေးကတက်နေပေမယ့် ဈေးပိတ်ရက်လည်းရှိတော့ ဒီပိတ်ရက်တွေအတွက် ဈေးကြီးလည်းတင်ရောင်းရတာတွေရှိတယ်။ သင်္ကြန်အတွက်ဆိုပြီး တစ်ပတ်စာလာဝယ်တဲ့ သူတွေကလည်းရှိတော့ ဒီရက်ပိုင်းအတွင်းကတော့ ရောင်းရပါတယ်” ဟု တာမွေမြို့နယ်ရှိ တာမွေဈေးအတွင်း သားငါးရောင်းချလျက်ရှိသော ဈေးသည်တစ်ဦးက ပြောကြားသည်။

သင်္ကြန်ကာလ နီးကပ်လာခြင်းနှင့် ကုန်စည်ကား၊ သင်္ဘောများ ဆိုက်ရောက်မှု နည်းပါးခြင်းကြောင့် ဈေးကွက်အတွင်း ဆန်၊ ဆီသား၊ ငါးဈေးနှုန်းများမှာ ယခုကဲ့သို့ဈေးနှုန်းမြင့်တက်နေခြင်းဖြစ်ကြောင်း သိရသည်။

ထို့ပြင် ဆီဈေးနှုန်းများအနေဖြင့် ပြည်တွင်းပဲဆီနှင့် ဆုံဆီဈေးနှုန်းများ ထူးထူးခြားခြား မြင့်တက်မှုမရှိသော်လည်း ပြည်ပမှတင်သွင်းလျက်ရှိသည့် စားအုန်းဆီဈေးနှုန်းများအနေဖြင့် တစ်ပိဿာလျှင် ယခင်ကျပ် ၁၉၀၀-၂၀၀၀ ရှိခဲ့ရာမှ ယခုအခါတွင် ကျပ် ၂၁၀၀ မှ ၂၃၀၀ သို့ဈေးနှုန်းမြင့်တက်လျက်ရှိကြောင်း သိရသည်။

ကြက်သွန်ဈေးနှုန်းများအနေဖြင့် ကြက်သွန်နီဈေးနှုန်းများမှာ ဈေးနှုန်းအနည်းငယ် ကျဆင်းလျက်ရှိသော်လည်း ကြက်သွန်ဖြူဈေးနှုန်းအနေဖြင့် ဈေးနှုန်းအတက်အကျမရှိ ယခင်အတက်ဈေးအတိုင်းသာ ရှိနေကြောင်း သိရသည်။ ဘဲဥဈေးနှုန်းများအနေဖြင့် ဘဲဥတစ်လုံးလျှင် ယခင် ၁၂၀-၁၆၀ မှ ယခုအခါတွင် ကျပ် ၁၅၀ မှ ၂၀၀ အထိဈေးနှုန်းမြင့်တက်လျက်ရှိသည်။

“အခုလို ပွဲတော်ရက်နားနီးရင် ကုန်ဈေးနှုန်းတွေက အကြောင်းအရာမရှိကို ဈေးတက်နေတာပဲ။ တစ်နှစ်ကို တစ်ခါကတော့ ဈေးတက်နေကျပါပဲ။ ဈေးမတက်တဲ့နှစ်လည်း တစ်နှစ်မှမရှိဘူး။ အခုအဆိုးဆုံးကတော့ ဆန်ဈေးတွေက အရမ်းကိုဈေးတွေ ခေါင်ခိုက်နေတာပါပဲ။ မြန်မာနှစ်ကူးလည်းတက်တယ်။ တရုတ်နှစ်ကူးလည်းတက်တယ်။ အင်္ဂလိပ်နှစ်ကူးလည်းတက်တယ်။ ဟိုဟာကြောင့်လည်း ဈေးတက်တယ်။ ဒီဟာကြောင့်လည်း ဈေးတက်တယ်။ အမြဲတမ်းကုန်ဈေးနှုန်းက တက်နေတာချည်းပါပဲ” ဟု သင်္ဃန်းကျွန်းမြို့နယ်မှ အိမ်ရှင်မ ဒေါ်လွင်လွင်အေးက ပြောကြားသည်။

ကုန်ဈေးနှုန်းများအနေဖြင့် ၂၀၁၄ ခုနှစ်မှ ဈေးနှုန်းသိသိသာသာ မြင့်တက်လာခြင်းဖြစ်ပြီး လေးနှစ်တာကာလအတွင်း ကုန်ဈေးနှုန်းများ နှစ်ဆ၊ သုံးဆခန့် ဈေးနှုန်းမြင့်တက်နေခြင်းဖြစ်သည်။

ကုန်ဈေးနှုန်းမြင့်တက်မှုအနေဖြင့် ၂၀၁၅ ခုနှစ် နိုဝင်ဘာလ ရွေးကောက်ပွဲပြီး ကာလအတွင်းမှစတင်ကာ သုံးနှစ်တာကာလအတွင်း ဈေးနှုန်းများအနေဖြင့် စံချိန်တင်မြင့်တက်ခဲ့ခြင်းဖြစ်သည်။ ထိုသို့မြင့်တက်ခဲ့သည့် ကုန်ဈေးနှုန်းများသည် ၂၀၁၆ ခုနှစ် ဧပြီ သင်္ကြန်မတိုင်မီကာလတွင် ဈေးနှုန်းထပ်မံမြင့်တက်လာခြင်းဖြစ်သည်။

အခြေခံစားသောက်ကုန်စည်များသည် ၂၀၁၃ ခုနှစ်မှ စတင်၍ ဈေးနှုန်းစတင်မြင့်တက်လာခြင်းသော်လည်း ၂၀၁၃-၂၀၁၄ ခုနှစ်အတွင်း စံချိန်တင်မြင့်တက်ခဲ့ခြင်းမရှိခဲ့ပေ။

သုံးနှစ်တာကာလ ကုန်စည်ဈေးနှုန်းများ မြင့်တက်ခြင်းအကြောင်းအရင်းများမှာအနေဖြင့် ၀န်ထမ်းလစာတိုးခြင်း၊ ဒေါ်လာဈေးမြင့်တက်ခြင်း၊ ကုန်ပစ္စည်းအ၀င်နည်းခြင်းနှင့် လမ်းပန်းဆက်သွယ်ရေး စသည့်အခက်အခဲများကြောင့် ယခုကဲ့သို့ ဈေးနှုန်းမြင့်တက်ခြင်းဖြစ်ပြီး ကုန်ဈေးနှုန်း တစ်ဟုန်ထိုးမြင့်တက်သည့်ဒဏ်ကို ၂၀၁၃ ခုနှစ် ဇွန်လမှစတင်၍ ခံစားလာရခြင်းဖြစ်သည်။

သုံးနှစ်တာကာလအတွင်း မြင့်တက်ခဲ့သည့် ကုန်ဈေးနှုန်းများမှာ တစ်ကြိမ်တစ်ခါမှ ဈေးနှုန်းသိသိသာသာ ပြန်လည်ကျဆင်းမရှိသေးဘဲ ဈေးနှုန်းအနည်းငယ်တက်လိုက်၊ ကျလိုက်အနေအထားဖြင့်ရှိနေခဲ့ပြီး ယခု ၂၀၁၈ ခုနှစ် မြန်မာနှစ်သစ်ကူးသင်္ကြန်ကာလ နီးကပ်လာသည်နှင့်အမျှ ကုန်ဈေးနှုန်းများမှာ အတက်ပြလျက်ရှိနေသည့် အနေအထားရှိနေကြောင်း ဈေးကွက်အတွင်းမှ သိရသည်။

စားသုံးသူဈေးဆနှုန်း (CPI) တွက်ချက်ရန် ကောက်ယူသည့် ကုန်ပစ္စည်းဈေးနှုန်းများ မြင့်တက်ခဲ့

စားသုံးသူဈေးဆနှုန်း တွက်ချက်ရာတွင် ကေက်ယူသည့် ကုန်ပစ္စည်းနှင့် ၀န်ဆောင်မှု အုပ်စုများ၏ ဈေးဆနှုန်းများ မြင့်တက်ခဲ့ကြောင်း ဗဟိုစာရင်းအင်းအဖွဲ့က ၂၀၁၈ ခုနှစ် ဇန်န၀ါရီလအတွက် ထုတ်ပြန်သည့် စားသုံးသူဈေးဆနှုန်းနှင့် ငွေကြေးဖောင်းပွမှုနှုန်း အခြေအနေတွင် ဖော်ပြထားချက်အရ သိရသည်။

၂၀၁၈ ခုနှစ် ဇန်န၀ါရီတွင် စားသုံးသူဈေးဆနှုန်း (Consumer Price Index – CPI) ၁၃၉ ဒသမ ၃၄ ရှိခဲ့ပြီး ယခင်နှစ် ကာလတူထက် ၅ ဒသမ ၂၃ ရာခိုင်နှုန်း မြင့်တက်ခဲ့ကြောင်း သိရသည်။

တစ်နိုင်ငံလုံး၏ စားသုံးသူဈေးဆနှုန်း တွက်ချက်ရန်အတွက် အစားအစာအုပ်စု၊ ဆေးလိပ်နှင့် အဖျော်ယမကာအုပ်စု၊ အ၀တ်အထည်၊ အိမ်လခနှင့် အိမ်ပြင်ခအုပ်စု၊ အိမ်အသုံးအဆောင်ပစ္စည်းနှင့် ပြုပြင်ထိန်းသိမ်းစရိတ်အုပ်စု၊ ကျန်းမာရေးအုပ်စု၊ သယ်ယူပို့ဆောင်ရေးအုပ်စု၊ ဆက်သွယ်ရေးအုပ်စု၊ အပန်းဖြေခြင်းနှင့် ယဉ်ကျေးမှုအုပ်စု၊ ပညာရေးအုပ်စု၊ ပြင်ပအစားအသောက်အုပ်စု၊ အထွေထွေ ကုန်ပစ္စည်းအုပ်စု၊ အစားအစာ မဟုတ်သောအုပ်စု စသည်ဖြင့် အုပ်စုများခွဲကာ ကောက်ခံခဲ့ခြင်းဖြစ်ကြောင်း သိရသည်။

အစားအစာအုပ်စု ဈေးဆနှုန်းသည် ဇန်န၀ါရီ၌ ၁၅၁ ဒသမ ၄၂ ရှိပြီး ယခင်နှစ် ကာလတူ ဈေးဆနှုန်းထက် ၄ ဒသမ ၆၃ ရာ ခိုင်နှုန်း မြင့်တက်ခဲ့ကြောင်း သိရသည်။ ဆေးလိပ်နှင့် အဖျော်ယမကာအုပ်စု ဈေးဆနှုန်းမှာ ဇန်န၀ါရီ၌ ၁၆၀ ဒသမ ၆၉ ဖြစ်ပြီး ယခင်နှစ် ကာလတူထက် ၁၉ ဒသမ ၅၆ရာခိုင်နှုန်းမြင့် တက်ခဲ့ကြောင်း သိရသည်။

အ၀တ်အထည် ဈေးဆနှုန်းမှာလည်း ဇန်န၀ါရီ၌ ၁၁၈ ဒသမ ၄၁ ရှိပြီး ယခင်နှစ် ကာလတူထက် ၁ ဒသမ ၅၀ ရာခိုင်နှုန်း မြင့်တက်ခဲ့ကြောင်း သိရသည်။ အိမ်လခနှင့် အိမ်ပြင်ခ အုပ်စုဈေးဆနှုန်းမှာ ဇန်န၀ါရီတွင် ၁၄၃ ဒသမ ၃၄ ရှိပြီး ယခင်နှစ် ကာလတူထက် ၆ ဒသမ ၂၃ ရာခိုင်နှုန်းမြင့်တက်ခဲ့ကြောင်း သိရသည်။

အိမ်အသုံးအဆောင် ပစ္စည်းနှင့် ပြုပြင် ထိန်းသိမ်းစရိတ်အုပ်စု ဈေးဆနှုန်းမှာ ဇန်န၀ါရီတွင် ၁၁၆ ဒသမ ၆၃ ရှိကာ ယခင်နှစ်ကာလ တူထက် ၂ ဒသမ ၇၆ ရာခိုင်နှုန်းမြင့်တက်ခဲ့ပြီး ကျန်းမာရေးအုပ်စုဈေးဆနှုန်းမှာ ၂၀၁၈ ခုနှစ် ဇန်န၀ါရီတွင် ၁၃၆ ဒသမ ၈၂ ရှိပြီး ယခင်နှစ် ကာလတူထက် ၄ ဒသမ ၅၇ ရာခိုင်နှုန်း မြင့် တက်ခဲ့ကြောင်း ထုတ်ပြန်ထားသည်။

သယ်ယူပို့ဆောင်ရေးအုပ်စု ဈေးဆနှုန်းမှာ ဇန်န၀ါရီ၌ ၁၀၄ ဒသမ ၈၀ ရှိပြီး ယခင်နှစ် ကာလတူနှင့် နှိုင်းယှဉ်ပါက ၈ ဒသမ ၈၉ ရာ ခိုင်နှုန်းမြင့်တက်ခဲ့ကြောင်း ဆက်သွယ်ရေး အုပ်စုဈေးဆနှုန်းမှာလည်း ဇန်န၀ါရီ၌ ၁၀၂ ဒသမ ၆၆ ရှိကာ ယခင်နှစ်ကာလတူ ဈေးဆနှုန်းထက် ၉ ဒသမ ၅၉ ရာခိုင်နှုန်း မြင့်တက်ခဲ့ကြောင်း သိရသည်။

အပန်းဖြေခြင်းနှင့် ယဉ်ကျေးမှုအုပ်စု ဈေးဆနှုန်းမှာ ဇန်န၀ါရီတွင် ၁၀၆ ဒသမ ၀၂ ရှိပြီး ယခင်နှစ်ကာလတူထက် ၀ ဒသမ ၇၁ ရာခိုင်နှုန်း မြင့်တက်ခဲ့ကာ ပညာရေးအုပ်စု ဈေးဆနှုန်းမှာလည်း ယခင်နှစ်ကာလတူထက် ၀ ဒသမ ၃၅ ရာခိုင်နှုန်း မြင့်တက်ခဲ့ကြောင်း သိရသည်။

ပြင်ပအစားအသောက်အုပ်စု ဈေးဆနှုန်းမှာ ၁၁၈ ဒသမ ၈၆ ဖြစ်ပြီး ယခင်နှစ် ကာလတူထက် ၆ ဒသမ ၉၃ ရာခိုင်နှုန်း မြင့်တက်ခဲ့ကြောင်း သိရသည်။ အထွေထွေကုန်ပစ္စည်းအုပ်စု ဈေးဆနှုန်းမှာလည်း ယခင်နှစ် ကာလတူထက် ၄ ဒသမ ၂၆ ရာခိုင်နှုန်း မြင့်တက်ခဲ့ပြီး အစားအစာ မဟုတ်သောအုပ်စု ဈေးဆနှုန်းမှာ ယခင်နှစ်ကာလတူထက် ၆ ဒသမ ၃၃ ရာခိုင်နှုန်း မြင့်တက်ခဲ့သည်။

တစ်နိုင်ငံလုံးအတွက် စားသုံးသူဈေးဆနှုန်းနှင့် ငွေကြေးဖောင်းပွမှုနှုန်းကို ပြောင်းလဲတွက်ချက် တင်ပြနိုင်ရန် ၂၀၁၂ ခုနှစ် နိုဝင်ဘာတွင် ဗဟိုစာရင်းအင်း အဖွဲ့သည် အိမ်ထောင်စုဝင်ငွေနှင့် စားသုံးမှုစစ်တမ်းကို မြို့နယ်ပေါင်း ၈၂ မြို့နယ်တွင် နမူနာ အိမ်ထောင်စုပေါင်း ၃၂၆၆၉ ကို စစ်တမ်းကောက်ယူခဲ့ကြောင်း သိရသည်။၂၀၁၂ ခုနှစ် အခြေခံနှစ်ဖြင့် စစ်တမ်းကောက်ယူရာတွင် ကုန်ပစ္စည်း အမျိုးအစားများမှာ အများသုံးစွဲသည့် ကုန်ပစ္စည်းနှင့် ၀န်ဆောင်မှု အမျိုးအစားပေါင်း ၄၃၈ မျိုး ပါဝင်ကြောင်း သိရသည်။