မြန်မာ-တရုတ် ကုန်စည်ပို့ဆောင်နေသည့် ယာဉ်ပိုင်ရှင်များ သွင်းကုန်၊ ပို့ကုန်နည်းနေခြင်းကြောင့် အခက်တွေ့

သြဂုတ် ၃၀ ရက်က မိုးသည်းထန်စွာ ရွာသွန်းခဲ့ပြီး တရုတ်-မြန်မာနယ်စပ်မှ စီးဆင်းလာသည့် နန့်စလီးချောင်းမှာ ရုတ်တရက် ရေမြင့်တက်လာခဲ့ကာ ဗန်းမော်မြို့အထွက် ကားလမ်း သုံးပေခန့်အထိ ရေကျော်ခဲ့စဉ်

မြန်မာ-တရုတ် ကုန်ပို့ဆောင်နေသည့် မော်တော်ယာဉ်ပိုင်ရှင်များ သွင်းကုန်၊ ပို့ကုန် နည်းပါးခြင်းကြောင့် အခက်တွေ့နေကြောင်း ကားလုပ်ငန်းရှင်များက ပြောကြားသည်။

ကချင်ပြည်နယ်တွင် တရုတ်နိုင်ငံနှင့် ကုန်သွယ်မှု ပြုလုပ်နေသည့် တရားဝင်လမ်းကြောင်းမှာ မြစ်ကြီးနား-၀ိုင်းမော်-ကန်ပိုင်တည် လမ်းကြောင်းနှင့် ဗန်းမော်-မိုးမောက်- လွယ်ဂျယ် လမ်းပိုင်းတို့ဖြစ်ပြီး ဗန်းမော်-မိုး မောက် လွယ်ဂျယ် လမ်းပိုင်းမှာ လမ်းပိုင်းပျက်စီးမှုကြောင့် ၁၀ ဘီးအထက်ယာဉ်များကို ခွင့်ပြုချက် မရသောကြောင့် ရပ်နားထားရကြောင်း သိရသည်။

မြစ်ကြီးနား-ကန်ပိုင်တည် လမ်းကြောင်းတွင် ကုန်တင်ယာဉ်ရှစ်စီးဖြင့် ပြေးဆွဲနေသည့် ကုန်သည်ဒေါ်တူးက “ကားလုပ်ငန်းတွေ ဒီလမ်းပိုင်းမှာ ရပ်နားရတာက သုံးလကျော်သွားပြီ။ အဓိက,က အရင်နှစ်တွေက သွင်းကုန်တွေထဲမှာ ဘိလပ်မြေတွေကို တစ်လအစီး ၁၀၀ လောက်တင်ရတယ်။ ဒီကထွက်တော့ ပြောင်း၊ ဆန်ပေါ့။ အခုက ဘိလပ်မြေတွေက တရုတ်ဘက်က မ၀င်တော့ဘူး။ မြန်မာဘက်က အလုံအလောက် ထွက်နေပြီ။ ဒီကထွက်ကုန်ဖြစ်တဲ့ ပြောင်းကျတော့ ငှက်ပျောခင်းတွေ ဖြစ်ကုန်တယ်။ စပါးကျတော့ မထွက်သေးဘူး။ ကန်ပိုင်တည်ဘက်ထွက်တဲ့ ကုန်ကားလုပ်ငန်းရှင်တွေအားလုံး ဒုက္ခရောက်နေကြတယ်။ တရုတ်နိုင်ငံက ဒီမှာလာစိုက်တဲ့ ငှက်ပျောခင်းတွေကလည်း တရုတ်နိုင်ငံကနေ တိုက်ရိုက်တွေချည်း ၀င်နေတော့ ဒီကဘာမှ ၀င်လို့မရဘူး။ အစိုးရအဖွဲ့ကလည်း ဒီပြဿနာတွေကို တင်ပြပေမယ့် ဘာမှမလုပ်ပေးနိုင်ဘူး။ ကျွန်မတို့ အခုဆွေးနွေး နေကြတယ်” ဟု ပြောကြားသည်။

ကချင်ပြည်နယ် ဗန်းမော်ခရိုင်မှ တရုတ်နိုင်ငံသို့ နယ်စပ်ကုန်သွယ်ရေးလမ်းကြောင်း ဖြစ်သည့် ဗန်းမော်-မိုးမောက်-လွယ်ဂျယ် လမ်းပိုင်းပျက်စီးနေမှုကြောင့် ၁၀ ဘီးနှင့် အထက်ယာဉ်များ သြဂုတ် ၂၅ ရက်မှစတင်ကာ အောက်တိုဘာ ၁၅ ရက်အထိ သွားလာခွင့် ပိတ်ထားဆဲဖြစ်သည်။

ဗန်းမော်မြို့မှ ကားဆရာ ဦးထွန်းက “ဒီမှာက ၁၀ ဘီးနဲ့အထက်ယာဉ် မှတ်ပုံတင်ထားတာ ၁၈၀ လောက်ရှိတယ်။ လွယ်ဂျယ်လမ်းကပိတ်တော့ အားလုံးအလုပ်ပျက်ကုန်တာ။ ဗန်းမော်က ကားဆရာတွေ ကံဆိုးတဲ့နှစ်ပါ။ ကုန်သည်တွေကျတော့ အ၀တ်အထည်တို့၊ သံထည်တို့ သွင်းတာကို နေပြည်တော်မှာ ဂျူတီကြိုဆောင် ထားရတယ်။ အခုလမ်းပျက်တော့ အချိန်ထပ်ပေးဖို့ စာတော့တင်တယ်။ ဘာမှတော့ အကြောင်းမကြား ရသေးဘူး။ အခုက တရုတ်ကလာတဲ့ ၂၁ ပေ၊၂၇ ပေ တုန်ဖုန်းဝစ်သောက် (လိုင်စင်မဲ့) တွေနဲ့ မှောင်ခိုသယ်နေကြတယ်။ လမ်းပိုင်အကြောင်းကတော့ ပြောင်းဖူးကျောက်စီလမ်းကို တရုတ်လက်ကနေ မြန်မာဘက်က လွှဲယူတော့ ပျက်တာပဲ။ တရုတ်လက်ထဲမှာ လမ်းကြောင်းတစ်ခုလုံးကို လူနှစ်ယောက်ထဲက ကျောက်စခန်း-စိန်လုံတစ်ဖြတ်၊ စိန်လုံ-လွယ်ဂျယ်တစ်ဖြတ် နှစ်ယောက်ထဲလုပ်တာ။ အားလုံး အိုကေပဲ။ ကုန်သည်ရော၊ ကားဆရာတွေရော အားလုံးက တရုတ်လက်ထဲပဲ ပြန်အပ်စေချင်တယ်။ ကွန်ကရစ်လမ်းတွေ၊ ကတ္တရာလမ်းတွေထက် ဒီလမ်းပိုင်းက တောင်တက်၊ တောင်ဆင်း၊ အကွေ့တွေများတော့ ပြောင်းဖူးကျောက်စီ လမ်းက အကောင်းဆုံးပဲ။ မချောတော့ဘူး။ တာယာတော့ ပါးတာပေါ့” ဟု ပြောကြားသည်။

ကချင်ပြည်နယ် အစိုးရအဖွဲ့ ဘဏ္ဍာ၊ အခွန်၊ စီမံကိန်းနှင့် စီးပွားရေးဝန်ကြီး ဦးဝေလင်းက နယ်စပ်ကုန်သွယ်မှုတွင် ဘိလပ်မြေများ ပြည်တွင်းထုတ် ပိုမိုရရှိလာသဖြင့် နယ်စပ်မှ တင်သွင်းမှု လျော့ကျခဲ့ကြောင်း၊ အခြားသော ဆောက်လုပ်ရေးလုပ်ငန်းသုံး ပစ္စည်းများ၊ လူသုံးကုန်များ တင်သွင်းရကြောင်း၊ တစ်ရှူးငှက်ပျော စိုက်ခင်းများနှင့် ပတ်သက်၍ ငှက်ပျောတင် တွဲကားများကိုသာ အစားထိုးမှု မလုပ်နိုင်သဖြင့် သီးသန့်ဝင်ခွင့် ပြုထားပြီး အခြားသောယာဉ် အမျိုးအစားများကို လွန်ခဲ့သောလကတည်းက ၀င်ခွင့်မပြုတော့ကြောင်း ပြောကြားသည်။

 

မောင်တောနယ်စပ် ကုန်သွယ်ရေးဖြင့် ဘင်္ဂလားဒေ့ရ်ှသို့ ငါးမြစ်ချင်းဆက်လက်တင်ပို့နေရပြီး သြဂုတ်လအတွင်း ငါးမြစ်ချင်းအပါအ၀င် ပို့ကုန်စုစုပေါင်း ဒေါ်လာရှစ်သိန်းရှစ်သောင်းကျော်ဖိုး တင်ပို့ခဲ့

မောင်တောနယ်စပ်ကုန်သွယ်ရေးစခန်းမှ ငါးမြစ်ချင်းများ တင်ပို့နေစဉ်

မောင်တောနယ်စပ် ကုန်သွယ်ရေးဖြင့် ဘင်္ဂလားဒေ့ရ်ှသို့ ငါးမြစ်ချင်းကိုဆက်လက်တင်ပို့နေရပြီး  သြဂုတ်လအတွင်း ငါးမြစ်ချင်း အပါအ၀င် ပို့ကုန်စုစုပေါင်း အမေရိကန်ဒေါ်လာ ရှစ်သိန်းရှစ်သောင်းကျော်ဖိုး တင်ပို့ခဲ့ရကြောင်း၊ သြဂုတ်လအတွင်း ငါးမြစ်ချင်း ကီလို သုံးသိန်းကိုးသောင်းကျော် တင်ပို့ခဲ့ရကြောင်းလည်း မောင်တောနယ်စပ်ကုန်သည်များအသင်းမှ သိရသည်။

“ချင်း (ဂျင်း) ကီလို ကိုးသိန်းကျော် ပို့ခဲ့တယ်။ ချင်းသီးက ကီလိုတစ်သိန်းကျော်၊ ဆန်က ကီလို ၂၀၀၀ သွားတယ်။ ငါးမြစ်ချင်းက သုံးသိန်းကိုးသောင်းကိုးထောင်ကျော် တင်ပို့ခဲ့ရတယ်။နောက် နနွင်း၊ ငါးခြောက်၊ ဆီးသီးခြောက် အဲဒီလို ကုန်တွေကိုလည်းနည်းနည်းစီ ပို့ခဲ့ရတယ်” ဟု မောင်တောနယ်စပ် ကုန်သည်များအသင်း အတွင်းရေးမှူး ဦးအောင်စံသိန်းက ဆိုသည်။

ငါးမြစ်ချင်းကို ရန်ကုန်မှ အအေးခန်းကားများဖြင့် မောင်တောနယ်စပ်သို့ တိုက်ရိုက်ပို့ဆောင်တင်ပို့ခြင်းဖြစ်ပြီး ဇွန်လအတွင်းက ငါးမြစ်ချင်းကီလို ကိုးသောင်းကျော်၊ ဇူလိုင်လထဲတွင်  ငါးမြစ်ချင်း ကီလို နှစ်သိန်းနှစ် သောင်းကျော်ကို တင်ပို့ခဲ့ရကြောင်းနှင့် သြဂုတ်လတွင် ပိုမိုတင်ပို့လာရခြင်းဖြစ်သည်။

“သြဂုတ်လအတွင်းကတော့ ပို့ကုန်စုစုပေါင်း တန်ဖိုး အမေရိကန်ဒေါ်လာရှစ်သိန်းရှစ်သောင်းကျော် ဆောင်ရွက်နိုင်ခဲ့တယ်။ ဇူလိုင်လကဆိုရင် ရှစ်သိန်း ရှစ်ထောင်ကျော် ပဲရှိခဲ့တော့ ကုန်သွယ်မှုနည်းနည်းတိုးတက်ပါတယ်။ အဓိက ပို့တာက ငါးမြစ်ချင်းနဲ့ ချင်းကို ပို့တယ်။ အခုဆိုရင် တစ်ရက်ကို စက်လှေ နှစ်စင်းကနေ လေးစင်းထိတော့ ပို့နေရတယ်။ အခုက မိုးများတော့ လမ်းနည်းနည်း ပျက်တာရှိလို့ ကုန်သွယ်မှုနည်းပေမယ့်  ပွင့်လင်းရာသီဆိုရင် ပိုပြီးကုန်သွယ်မှု မြင့်လာမယ့် သဘောရှိတယ်” ဟု မောင်တောနယ်စပ် ကုန်သည်များအသင်း အတွင်းရေးမှူး ဦးအောင်စံသိန်းက ဆိုသည်။

မောင်တောနယ်စပ် ကုန်သွယ်ရေးဖြင့် ဧပြီနှင့် မေလတွင် ပို့ကုန်စုစုပေါင်း ဒေါ်လာတစ်သန်းကျော်ထိ တင်ပို့ခဲ့သော်လည်း ဇွန်လတွင် ဒေါ်လာ ငါးသိန်းကျော် ၊ ဇူလိုင်လတွင် ရှစ်သိန်းကျော် ပို့ဆောင်နိုင်ခဲ့ပြီး သြဂုတ်လတွင် ဒေါ်လာ ကိုးသိန်းနီးပါးပို့ဆောင်နိုင်ခဲ့ခြင်းဖြစ်ကြောင်း သိရသည်။

အမေရိကန်-တရုတ် ကုန်သွယ်ရေးတင်းမာမှု အရှိန်မြင့်တက်လာခြင်းကြောင့် ဒေါ်လာပြန်မာလာပြီး နိုင်ငံခြားငွေလဲနှုန်း တစ်ဒေါ်လာ ကျပ် ၁၅၄၀ အထိပြန်တက်

ရန်ကုန်မြို့ရှိ နိုင်ငံခြားငွေလဲလှယ်ရောင်းဝယ်ရေးကောင်တာတစ်ခုကို တွေ့ရစဉ် (ဓာတ်ပုံ-ကြည်နိုင်)

အမေရိကန်-တရုတ် ကုန်သွယ်ရေး တင်းမာမှုအရှိန် မြင့်တက်လာခြင်းကြောင့် ကမ္ဘာ့ဈေးကွက်တွင် ဒေါ်လာဈေးပြန်မာလာပြီး ပြည်တွင်းဈေးကွက်တွင် နိုင်ငံခြားငွေလဲနှုန်း တစ်ဒေါ်လာ ကျပ် ၁၅၄၀ အထိ ပြန်လည်မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

သြဂုတ် ၃၁ ရက်တွင် ကမ္ဘာ့ဒေါ်လာဈေး အညွှန်းကိန်း ၉၄ ဒသမ ၃၆  ပွိုင့်အထိ ကျဆင်းခဲ့သော်လည်း အမေရိကန်က တရုတ်ကို သွင်းကုန်ခွန်တိုးမြှင့်ကောက်ခံမှုသတင်းနှင့်အတူ ကမ္ဘာ့ကုန်သွယ်ရေးဈေး ကွက် မရေရာမှုများဖြစ်ပေါ်လာခြင်းကြောင့် ဒေါ်လာဈေးအညွှန်းကိန်းသည် ၉၅ ပွိုင့်အထက်ပြန်ရောက်ပြီး ၉၅ ဒသမ ၀၅ ပွိုင့်ဖြင့် တစ်ပတ်တာဈေးပိတ်ခဲ့သည်။

တရုတ်သွင်းကုန် ဒေါ်လာ ဘီလျံ ၂၀၀ ဖိုးကို အမေရိကန်က စက်တင်ဘာ ၅ ရက် တွင်အခွန်ကောက်ခံမည်ဟု သတင်းများ ထွက်ပေါ်လျက်ရှိပြီး လတ်တလောတွင် တူရကီနှင့် အာဂျင်တီးနားငွေကြေးတန်ဖိုးများ ကျဆင်းမှုဒဏ်၏ သက်ရောက်မှုကြောင့် နိုင်ငံတကာငွေကြေးတန်ဖိုးများ မတည်မငြိမ် ဖြစ်ပေါ်နေသည်။ လာမည့်တစ်ပတ်တွင် အမေရိကန်က တရုတ်ကို သွင်းကုန်ခွန်အမှန် တကယ်ကောက်ခံဖြစ်ပါက ဒေါ်လာဈေး မြင့်တက်လာဖွယ်ရှိပြီး မြန်မာကျပ်ငွေအပါအ၀င် နိုင်ငံတကာငွေကြေးတန်ဖိုးများ အတက်အကျ ပြင်းထန်စေဦးမည်ဖြစ်သည်။

ပြီးခဲ့သည့်တပတ်အတွင်း ကမ္ဘာ့ဒေါ်လာဈေး ကျဆင်းလာသော်လည်း မြန်မာ ကျပ်ငွေတန်ဖိုးသည် ထိုင်းဘတ်၊ တရုတ် ယွမ်နှင့် စင်ကာပူဒေါ်လာ စသည့်ငွေကြေးများနှင့်နှိုင်းယှဉ်ပါက ဆက်လက်အားပျော့နေဆဲဖြစ်သည်။

ပြည်တွင်းဈေးကွက်တွင် နိုင်ငံခြားငွေလဲနှုန်း ဇွန်လမှစတင်ကာ သိသိသာသာမြင့်တက်ခဲ့ရာ၂၀၁၆ ခုနှစ် ဒီဇင်ဘာ ၁၆ ရက်တွင် ဖြစ်ပေါ်ခဲ့သည့် တစ်ဒေါ်လာ ၁၄၃၈ ကျပ်စံချိန်ကို ဇူလိုင် ၃၀ ရက်တွင် ကျပ် ၁၄၄၀  ဖြင့် ချိုးခဲ့ပြီး စံချိန်တင်ဈေးနှုန်းများဆက်တိုက်ဖြစ်ပေါ်ခဲ့ကာ သြဂုတ် ၁၆ ရက်တွင် ကျပ် ၁၅၇၀  ဖြင့် အမြင့်ဆုံးစံချိန်တင်ထားသည်။ ဒေါ်လာဈေးသည် သြဂုတ် ၂၀ ရက်တွင် ကျပ် ၁၄၈၀ အထိကျဆင်းခဲ့သော်လည်း သြဂုတ် ၂၈ ရက်တွင် ကျပ် ၁၅၆၀ အထိ ပြန်တက်ခဲ့ကာ စက်တင်ဘာ ၁ ရက်တွင် ကျပ် ၁၅၄၀ ၀န်းကျင်ဖြစ်ပေါ်ခဲ့သည်။ ၂၀၁၈ ခုနှစ် ဇွန် ၁၁ ရက်တွင် ဖြစ်ပေါ်သော တစ်ဒေါ်လာ ၁၃၄၆ ကျပ်နှင့် သြဂုတ် ၁၆ ရက်တွင်ဖြစ်ပေါ်သော တစ်ဒေါ်လာ ၁၅၇၀ ကျပ်နှင့်နှိုင်းယှဉ်ပါက နှစ်လကျော်အတွင်း ၂၂၄ ကျပ်၊ ၁၆ ရာခိုင်နှုန်းကျော်အထိ ကျပ်ငွေတန်ဖိုး ကျဆင်းခဲ့သည်။

၂၀၁၈ ခုနှစ် မေလမှစတင်ကာ ကမ္ဘာ့ ဒေါ်လာဈေးအညွှန်းကိန်း သိသိသာသာပြန် လည်မြင့်တက်ခဲ့ခြင်းဖြစ်ပြီး  ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်းအနိမ့်ဆုံးနှင့် အ မြင့်ဆုံးနှုန်းများမှာ ဧပြီတွင် ၁၃၂၄-၁၃၃၂ ကျပ်၊ မေတွင် ၁၃၃၂-၁၃၅၁ ကျပ်၊ ဇွန်တွင် ၁၃၄၅-၁၄၀၇၊ ဇူလိုင်တွင် ၁၃၈၄-၁၄၄၃၊ သြဂုတ်တွင် ၁၄၄၂-၁၅၇၀ တို့ဖြစ်ပြီး သြဂုတ်လတွင် ကွာဟချက်အများဆုံးဖြစ်ခဲ့သည်။ သြဂုတ် ၃၁ ရက် တွင် ဗဟိုဘဏ်ရည်ညွှန်း ငွေလဲနှုန်းမှာ တစ်ဒေါ်လာ ၁၅၁၂ ကျပ်ဖြစ်သည်။

ပြည်တွင်းဈေးကွက်အတွင်း စက်တင်ဘာ ၁ ရက်တွင်ဖြစ်ပေါ်သော အခြားနိုင်ငံခြား ငွေကြေးများ၏ လဲလှယ်မှုနှုန်းထားများမှာ ယူရို ၁၇၆၀ ကျပ်၊ စင်ကာပူဒေါ်လာ ၁၁၂၀ ကျပ်၊ မလေးရှားရင်းဂစ် ၃၇၀ ကျပ်၊ ထိုင်းဘတ် ၄၇ ကျပ်၊ တရုတ်ယွမ် ၂၂၂  ကျပ်၊ ဂျပန် ယန်း ၁၃ ဒသမ ၈၀ ကျပ်၊ တောင်ကိုရီးယားဝမ် ၁ ဒသမ ၄၀ ကျပ်ဖြစ်သည်။

ဘဏ္ဍာနှစ်ကြားကာလ လေးလအတွင်း မြန်မာနိုင်ငံ၏ ပြည်ပကုန်သွယ်မှု ယခင်နှစ်ကာလတူထက် ဒေါ်လာ သန်း ၁,၃၀၀ ကျော် ပိုမိုရရှိခဲ့သော်လည်း ကုန်သွယ်မှုလိုငွေ ဒေါ်လာ သန်း ၉၈၀ ရှိ

ဘဏ္ဍာနှစ်ကြားကာလ လေးလအတွင်း မြန်မာနိုင်ငံ၏ ပြည်ပကုန်သွယ်မှုသည် ယခင်နှစ်ကာလတူထက် ဒေါ်လာ သန်း ၁,၃၀၀ကျော် ပိုမိုရရှိခဲ့သော်လည်း  ကုန်သွယ်မှုလိုငွေ အမေရိကန်ဒေါ်လာသန်း ၉၈၀ အထိ ရှိနေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

ဘဏ္ဍာနှစ်ကြားကာလ ဧပြီ ၁ ရက်မှ ဇူလိုင်လအကုန်အထိ ပြည်ပကုန်သွယ်မှုပမာဏ အမေရိကန်ဒေါ်လာ ၁၁,၉၂၄ သန်း အထိရရှိထားပြီး ယခင်နှစ်ကာလတူတွင်မှု အမေရိကန်ဒေါ်လာ ၁၀၅၇၇ သန်းသာ ရရှိထား သဖြင့် ယခုဘဏ္ဍာနှစ်ကြားကာလ လေးလအတွင်း ပြည်ပကုန်သွယ်မှုပမာဏသည် အမေရိကန်ဒေါ်လာ ၁၃၄၇ သန်း အထိ ပိုမိုရရှိခဲ့ခြင်းဖြစ်သည်။

သုိ့သော်လည်း ဘဏ္ဍာနှစ် ကြားကာလ ဧပြီ ၁ ရက်မှ ဇူလိုင်လအကုန်အထိ မြန်မာနိုင်ငံမှ ပြည်ပသို့ တင်ပို့ထားသည့် ပို့ကုန်ပမာဏမှာ အမေရိကန်ဒေါ်လာ ၅,၄၇၂ သန်းရရှိ ထားပြီး သွင်းကုန်ပမာဏမှာ ဒေါ်လာ ၆,၄၅၂  သန်းအထိ တင်သွင်းထားသည်။

ထို့ကြောင့် သွင်းကုန်ပမာဏသည် ပို့ကုန်ပမာဏထက် အမေရိကန်ဒေါ်လာ သန်း ၉၈၀ အထိပိုမိုတင်သွင်းထားသည့်အတွက် ကုန်သွယ်မှုလိုငွေ (Trade Deficit) ပမာဏသည် အမေရိကန်ဒေါ်လာ သန်း ၉၈၀ အထိရှိနေသည်။

လာမည့် ၂၀၁၈-၂၀၁၉ ဘဏ္ဍာနှစ်တွင် နှစ်အလိုက်ဈေးနှုန်းအရ ပြည်ပပို့ကုန်ကို ကျပ်ဘီလျံနှစ်သောင်းကျော် တင်ပို့နိုင်ရန်နှင့် ပြည်ပသွင်းကုန်ကို ကျပ်ဘီလျံနှစ်သောင်း တစ်ထောင်ကျော် တင်သွင်းသွားမည်ဖြစ်ကြောင်း ၂၀၁၈-၂၀၁၉ ဘဏ္ဍာနှစ်၊ အမျိုးသားစီမံကိန်းဥပဒေကြမ်းတွင် ဖော်ပြထားသည်။

၂၀၁၈-၂၀၁၉ ဘဏ္ဍာနှစ် ၊ အမျိုးသား စီမံကိန်းဥပဒေကြမ်းတွင် နှစ်အလိုက်ဈေးနှုန်းအရ ပြည်ပပို့ကုန်ကို ကျပ်၂၀,၈၀၈ ဘီလျံတင်ပို့ရန်နှင့် ပြည်ပသွင်းကုန်ကို ၂၁,၄၈၈ တင်သွင်း သွားမည်ဖြစ်သည်။

ယခုနှစ်ပို့ကုန်ကဏ္ဍတွင် လယ်ယာထွက်ပစ္စည်း သစ်တောထွက်ပစ္စည်းများနှင့် အခြားပစ္စည်းစသည့်ကဏ္ဍများတွင် ယခင်နှစ်များထက် တင်ပို့မှုလျော့ကျခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၏ စာရင်းများအရ သိရသည်။

ထို့အတူ သွင်းကုန်ကဏ္ဍတွင်မှု ရင်းနှီး မြှုပ်နှံမှုကုန်ပစ္စည်းများ၊ လုပ်ငန်းသုံးကုန်ကြမ်းပစ္စည်းများ၊ လူသုံးကုန်ပစ္စည်းများနှင့် စက်သုံးဆီစသည်တို့ကို အဓိကတင်သွင်းနေခြင်းဖြစ်ကြောင်း သိရသည်။

သွင်းကုန်ကဏ္ဍတွင်မှု ရင်းနှီးမြှုပ်နှံမှု ကုန်ပစ္စည်းများ၊ လုပ်ငန်းသုံးကုန်ကြမ်း ပစ္စည်းများ၊ လူသုံးကုန်ပစ္စည်းများ စသည့် ကဏ္ဍများတွင် ယခင်နှစ်ထက် ပိုမိုတင်သွင်းထားကြောင်း သိရသည်။

သုံးလကျော်အတွင်း ကုန်သွယ်မှုပမာဏ ဒေါ်လာ ၁၁ ဒသမ ၅ ဘီလျံကျော် ရရှိထားပြီး ယခင်နှစ်ကာလတူထက် ဒေါ်လာ ၁ ဒသမ ၅ ဘီလျံကျော် ပိုမိုရရှိထားသဖြင့် ယခုနှစ်အတွင်း မြန်မာနိုင်ငံ၏ ပြည်ပကုန်သွယ်မှု အလားအလာကောင်းနေဟုဆို

ရန်ကုန်မြို့ ဗိုလ်တထောင်မြို့နယ်ရှိ အပြည်ပြည်ဆိုင်ရာ ကုန်သွယ်ရေးဆိပ်ကမ်းတစ်ခုကို တွေ့ရစဉ် (ဓာတ်ပုံ-ကြည်နိုင်)

၂၀၁၈ခုနှစ် သုံးလကျော်အတွင်း ကုန်သွယ်မှုပမာဏ ဒေါ်လာ ၁၁ ဒသမ ၅ ဘီလျံ ကျော်ရရှိထားပြီး ယခင်နှစ်ကာလတူထက် ဒေါ်လာ ၁ ဒသမ ၅ ဘီလျံကျော် ပိုမိုရရှိထားသဖြင့် ယခုနှစ်အတွင်း မြန်မာနိုင်ငံ၏ ပြည်က ကုန်သွယ်မှုအနေအထားမှာ အလားအလာကောင်းနေကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ ညွှန်ကြားရေးမှူးချုပ် ဦးရန် နိုင်ထွန်းက ပြောကြားသည်။

“လက်ရှိကာလတူ နှစ်ခုမှာ မနှစ်ကကာ လ တူထက် ၁ ဒသမ ၅ ဘီလျံပိုရထားတယ်။ အဲဒီတော့ ဒီနှစ်မှာ ကုန်သွယ်မှု အခြေအနေက ကောင်းနေတယ်” ဟု ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

၂၀၁၈ခုနှစ် ဇူလိုင်လကုန်ပိုင်းအထိ ပြည်ပကုန်သွယ်မှုပမာဏ ဒေါ်လာ ၁၁၅၇၀ ဒသမ ၇၈၉ သန်း ရရှိထားသည်။ ၂၀၁၇- ၂၀၁၈ ဘဏ္ဍာနှစ် ကာလတူအထိမူ ကုန်သွယ်မှုပမာဏ ဒေါ်လာ ၉၉၃၇ ဒသမ ၁၀၄ သန်းရရှိခဲ့သဖြင့် ယခုနှစ်လက်ရှိအချိန်အထိမှာ ယခင်နှစ်ကာလတူထက် ဒေါ်လာ ၁၆၃၃ ဒသမ ၆၈၅သန်း ပိုမိုရရှိထားခြင်းဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်သည့် ကုန်သွယ်မှုဆိုင်ရာ စာရင်းများအရ သိရသည်။

ယခုနှစ်အတွင်း ပို့ကုန်ကဏ္ဍမှ ဒေါ်လာ ၅၂၉၀ ဒသမ ၉၄၄ သန်းရရှိခဲ့ပြီး ပင်လယ်ရေကြောင်းကုန်သွယ်မှုမှ ဒေါ်လာ ၃၆၃၂ ဒသမ ၀၆၈ သန်း၊ နယ်စပ်ကုန်သွယ်ရေးလမ်းကြောင်းများမှ ဒေါ်လာ ၁၆၅၀ ဒသမ ၈၇၆ သန်းအထိ ကုန်သွယ်မှု ပြုလုပ်ထားသည်။

သွင်းကုန်ကဏ္ဍတွင်မူ ဒေါ်လာ ၆၂၇၉ ဒသမ ၈၄၅သန်းရရှိထားပြီး ပင်လယ်ရေကြောင်းကုန်သွယ်မှုမှ ဒေါ်လာ၅၃၅၃ ဒသမ ၈၆၅သန်း၊ နယ်စပ်ကုန်သွယ်ရေးလမ်းကြောင်းများမှ ဒေါ်လာ ၉၂၅ ဒသမ ၉၈၀ သန်း ကုန်သွယ်မှု ပြုလုပ်ထားသည်။

မြန်မာနိုင်ငံ၏ လက်ရှိအခြေအနေသည် နိုင်ငံတည်ဆောက်ဆဲကာလဖြစ်သည့်အတွက် နိုင်ငံတကာမှ ရင်းနှီးမြှုပ်နှံသူများကို ဖိတ်ခေါ်နေသည်။ ၀င်ရောက်လာသည့် နိုင်ငံခြားရင်းနှီးမြှုပ်နှံမှုများမှ လိုအပ်သည့် ကုန်ပစ္စည်းများ တင်သွင်းမှုများပြားနေခြင်းကြောင့် ကုန်သွယ်ရေးလိုငွေဖြစ်ပေါ်နေဆဲဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

“မနှစ်ကဆိုရင် ၃ ဒသမ ၈ ဘီလျံရှိ တယ်။ ကုန်သွယ်မှုလိုငွေဟာ ရှိနေတယ်။  ဘာလို့ကုန်သွယ်မှုလိုငွေက ရှိနေလဲဆိုတော့ ပထမတစ်ချက်ကတော့ နိုင်ငံဟာ တည်ဆောက်နေဆဲ ကာလဖြစ်တယ်။ နိုင်ငံတကာရဲ့ ရင်းနှီးမြှုပ်နှံမှုကို ကျွန်တော်တို့တွေ လက်ခံနေတယ်။ ရင်းနှီးမြှုပ်နှံမှုမြှင့်တင်ဖို့ကိုလည်း ကြိုးစားနေတယ်။ အဲလိုနိုင်ငံခြားရင်းနှီးမြှုပ်နှံမှုတွေ ၀င်လာတဲ့အခါ ရင်းနှီးမြှုပ်နှံမှုအတွက်လိုအပ်တဲ့ Commodity တွေသွင်းလာတဲ့အတွက်  ရင်းနှီးမြှုပ်နှံမှုအရ လိုအပ်တဲ့လုပ်ငန်းတွေအတွက် ဆောင်ရွက်ရတဲ့ ငွေတွေပိုမိုကုန်ကျလာတာ ဖြစ်ပါတယ်။ ဒါပေမဲ့လည်း အဲဒီလို ကုန်ကျလာတဲ့ငွေတွေဟာ တစ်ဖက်က Capital Income အနေနဲ့ ၀င်လာတာ ဖြစ်တယ်။ ကုန်သွယ်မှုပမာဏတစ်ခုတည်း ကြည့်လို့မရဘူး” ဟု ကုန်သွယ်ရေးဦးစီးဌာနမှ ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

ပြည်ပကုန်သွယ်မှုတွင် လယ်ယာထွက်ပစ္စည်း၊ သစ်တောထွက်ပစ္စည်း၊ သတ္တုပစ္စည်း၊ ရေထွက်ပစ္စည်း၊ တိရစ္ဆာန်ထွက်ပစ္စည်း၊ စက်မှုကုန်ချောပစ္စည်းများနှင့် အခြားပို့ကုန်များ တင်ပို့နေခြင်းဖြစ်သည်။

သွင်းကုန်ကဏ္ဍတွင် ရင်းနှီးမြှုပ်နှံမှု ကုန်ပစ္စည်း၊ လုပ်ငန်းသုံးကုန်ကြမ်းပစ္စည်း၊ လူသုံးကုန်ပစ္စည်းစသည်တို့ကို တင်သွင်းနေခြင်းဖြစ်ကြောင်း သိရသည်။

 

စားသောက်ကုန်၊ လူသုံးကုန်၊ ဆေးနှင့် ဆေးပစ္စည်းအပါအ၀င် ဦးစားပေးကုန်ပစ္စည်းအုပ်စုစာရင်း ၂၄ စုကို နိုင်ငံခြားကုမ္ပဏီနှင့် အကျိုးတူဖက်စပ်ကုမ္ပဏီများအား လက်လီလက်ကားရောင်းချခွင့်ပြု

စားသောက်ကုန်နှင့် လူသုံးကုန်များရောင်းချလျက်ရှိသည့် ဈေးဝယ်စင်တာတစ်ခုကို တွေ့ရစဉ် (ဓာတ်ပုံ-အိသဉ္ဖာကျော်)

စားသောက်ကုန်၊ လူသုံးကုန်၊ ဆေးနှင့် ဆေးပစ္စည်းအပါအ၀င် ဦးစားပေးကုန်ပစ္စည်း အုပ်စုစာရင်း ၂၄ စုအား နိုင်ငံခြားကုမ္ပဏီ၊ နိုင်ငံသားနှင့်နိုင်ငံခြားသားပေါင်းစည်းဆောင်ရွက်နေသည့် ကုမ္ပဏီများအား လက်လီလက်ကား ရောင်းချခွင့်ပြုကြောင်း ကုန်သွယ်ရေး ဦးစီးဌာနမှ သတင်းထုတ်ပြန်လိုက်သည်။

နိုင်ငံခြားကုမ္ပဏီ၊ နိုင်ငံသားနှင့်နိုင်ငံခြားသား ပေါင်းစည်းဆောင်ရွက်နေသည့် ကုမ္ပဏီများအား လက်လီလက်ကားရောင်းချခွင့်ပြုသည့် ဦးစားပေးကုန်ပစ္စည်းစာရင်းတွင် အ၀တ်အထည်၊ နာရီ၊ အလှကုန်ပစ္စည်းများ ပါဝင်သည့် လူသုံးကုန်ပစ္စည်းများ၊ ကြွေထည်၊ မြေထည်၊ ဖန်နှင့်ဖန်ထည်ပစ္စည်းများပါဝင်သည့် အိမ်သုံးကုန်ပစ္စည်းများ ပါဝင်သည်။

စားသောက်ကုန်ပစ္စည်းများတွင် နိုင်ငံတော်၏ လိုအပ်ချက်အရ တင်သွင်းရောင်းချခွင့် မပြုသောပစ္စည်းများမှအပ လယ်ယာထွက်ကုန်ပစ္စည်းများ၊ ရေထွက်ကုန်ပစ္စည်းများ၊ တိရစ္ဆာန်ထွက်ကုန်ပစ္စည်းများ၊ အသင့်စားသုံးနိုင်သည့် စားသောက်ကုန်များ၊အချိုရည် အမျိုးမျိုး၊ ပြည်တွင်းတွင်ထုတ်လုပ်သော ယမကာများ ပါဝင်သည်။

မီးဖိုချောင်သုံးကုန်ပစ္စည်းများ၊ ဆေးနှင့် ဆေးပစ္စည်း၊ ဆေးရုံသုံးကိရိယာများ၊ တိရစ္ဆာန်အစာနှင့် တိရစ္ဆာန်ဆေးဝါးများ၊ စာရေးကိရိယာများ၊ ပရိဘောဂပစ္စည်းများ၊ အားကစားပစ္စည်းများ၊ ကင်မရာ၊ ဖုန်း အပါအ၀င် ဆက်သွယ်ရေးပစ္စည်းများ၊ အီလက်ထရောနစ်ပစ္စည်း များ၊ ဆောက်လုပ်ရေးလုပ်ငန်းသုံး ပစ္စည်းများ နှင့် ကိရိယာများ၊ လျှပ်စစ်ပစ္စည်းများ၊ စက်မှုကုန်ထုတ်လုပ်ငန်းသုံး ဓာတုပစ္စည်းများ၊ မျိုးစေ့၊ စိုက်ပျိုးရေးသွင်းအားစုများနှင့် စိုက်ပျိုးရေးသုံး ပစ္စည်းများ၊ လယ်ယာသုံးစက်ကိရိယာများ၊ စက်ပစ္စည်းအမျိုးမျိုးနှင့်ဆက်စပ်ပစ္စည်း အမျိုးမျိုးတို့ ပါဝင်သည်။

ထို့ပြင် စက်ဘီးအမျိုးမျိုး၊ မော်တော်ဆိုင်ကယ်နှင့် ဆက်စပ်ပစ္စည်းအမျိုးမျိုး၊ ကလေးကစားစရာပစ္စည်းများ၊ ပန်းနှင့်အပင်များ အပါအ၀င် အိမ်အလှဆင်ပစ္စည်းများ၊ အမှတ်တရ လက်ဆောင်ပစ္စည်းနှင့် လက်မှုပစ္စည်းအမျိုးမျိုး၊ အနုပညာပစ္စည်းများ၊ တူရိယာပစ္စည်းများ နှင့်ဆက်စပ်ပစ္စည်းများ (ရှေးဟောင်းပစ္စည်းများ မပါဝင်) စသည်တို့ ဖြစ်သည်။

လက်လီလက်ကားရောင်းချခွင့်မှတ်ပုံတင်ဖြင့် ဖော်ပြပါပစ္စည်းများ ရောင်းချရာတွင်  ပြည်တွင်းထုတ်ကုန်များကို တန်ဖိုးမြှင့်ပြုပြင် ထုတ်လုပ်၍ ဦးစားပေးရောင်းချရမည်၊ ပြည်ပမှ တင်သွင်းရောင်းချရာတွင် ကုန်ပစ္စည်းအလိုက်သက်ဆိုင်ရာဝန်ကြီးဌာနများ၏ ဥပဒေ၊ နည်းဥပဒေ၊ လုပ်ထုံးလုပ်နည်းသတ်မှတ်စည်း မျဉ်းစည်းကမ်းများနှင့်အညီ  ဆောင်ရွက်ရမည် ဖြစ်ကြောင်း၊ ဦးစားပေးရောင်းချခွင့်ပြုသည့် ကုန်ပစ္စည်းအုပ်စုစာရင်းများနှင့်ပတ်သက်၍ နိုင်ငံတော်၏လိုအပ်ချက်နှင့်အညီ ပြင်ဆင် သတ်မှတ်ထုတ်ပြန်သွားမည်ဖြစ်ကြောင်း ကုန်သွယ်ရေးဦးစီးဌာနမှ  ထုတ်ပြန်ထားသည်။

လက်လီလက်ကား ရောင်းချခွင့်ပြုသည့်  ဦးစားပေးကုန်ပစ္စည်းစာရင်းအား နိုင်ငံတော်၏ လိုအပ်ချက်အပေါ် မူတည်၍ အခါအားလျော်စွာပြန်လည်သုံးသပ်၍ ပြင်ဆင်ထုတ်ပြန်သွားမည်ဖြစ်ကြောင်း သိရသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် နိုင်ငံခြားကုမ္ပဏီ၊ နိုင်ငံသားနှင့် နိုင်ငံခြားသားပေါင်းစည်းဆောင်ရွက်သည့်ကုမ္ပဏီများအား ပြည်တွင်းတွင် လက်လီလက်ကားရောင်းချခွင့်ပြုကြောင်း  လိုက်နာဆောင်ရွက်ရန် စည်းကမ်းသတ်မှတ် ချက်များနှင့်တကွ ၂၀၁၈ ခုနှစ် မေ ၉ ရက်စွဲ ပါ အမိန့်ကြော်ငြာစာအမှတ် ၂၅/၂၀၁၈ဖြင့်  အသိပေးထုတ်ပြန်ခဲ့ပြီးဖြစ်သည်။

 

 

ကုန်သွယ်ရေးတင်းမာမှုမြင့်တက်စဉ် ZTE အား ပိတ်ဆို့အရေးယူမှုများကို အမေရိကန်က တရားဝင်ဖယ်ရှား

အမေရိကန်သည် တရုတ်ကုမ္ပဏီ ZTE အား အကြီးအကျယ် ထိခိုက်စေခဲ့သောပို့ကုန် ပိတ်ပင်မှုကို ဇူလိုင် ၁၃ ရက်က တရားဝင် ဖယ်ရှားပေးလိုက်ပြီဖြစ်သည်။ အဓိကပါဝင်ပစ္စည်းများ ၀ယ်ယူခွင့် ပိတ်ပင်ခံရပြီးနောက် ပြိုလဲလုနီးပါးဖြစ်ခဲ့ရသည့် စမတ်ဖုန်းထုတ်လုပ်သည့်လုပ်ငန်း ZTE အား အမေရိကန် က ပြန်လည်ကယ်တင်လိုက်ခြင်းလည်းဖြစ်သည်။ သို့သော် အီရန်နှင့် မြောက်ကိုရီးယားတို့အပေါ် အမေရိကန်၏ ပိတ်ဆို့အရေးယူမှုများကို ZTE အနေနှင့် နောက်ထပ်ချိုးဖောက်မှုများ မလုပ်ဆောင်စေရန် ဆက်လက်စောင့် ကြည့်သွားမည်ဖြစ်သည်ဟု အမေရိကန် ကုန်သွယ်ရေးဌာနက ထုတ်ပြန်ခဲ့သည်။

ZTE အပေါ် ချမှတ်ထားသည့် ပြင်းထန်သော ပြစ်ဒဏ်များကို အမေရိကန်သမ္မတ ဒေါ်နယ်ထရန့်၏ မရမကတောင်းဆိုမှုကြောင့် ဖယ်ရှားလိုက်ရခြင်းဖြစ်ပြီး အမေရိကန်လွှတ်တော်အမတ်များမှာမူ အလွန် ဒေါသထွက်နေကြသည်။ ထို့ကြောင့် ZTE အား ပိတ်ဆို့အရေးယူမှုကို ဆက်လက် ထိန်းသိမ်းနိုင်ရန် ကွန်ဂရက်တွင်လုပ်ဆောင်လျက်ရှိကြပြီး အမေရိကန် ဥပဒေကို ထပ်တလဲလဲချိုးဖောက်၊ အာဏာပိုင်များကို လိမ်ညာ၊ သူလျှိုအမှုများထဲ၌ ပါဝင်ခဲ့သော ကုမ္ပဏီတစ်ခုကို ထရန့်က အကျိုးခံစားခွင့်ပေးခဲ့ကြောင်း စွပ်စွဲနေကြသည်။

ZTE ကို ကယ်တင်ရန် လမ်းကြောင်း ပြောင်းလိုက်ခြင်းသည် အမေရိကန်နှင့် တရုတ်အစိုးရတို့ကြား၌ ကုန်သွယ်ရေးစစ်ပွဲ အရှိန်မြင့်တက်လာမှုအခြေအနေနှင့်လည်း ဖြောင့်ဖြောင့်ကြီးဆန့်ကျင်နေသည်။ ZTE အပေါ် ပိတ်ဆို့အရေးယူမှုများကို ဖယ်ရှားပေးရန် သဘောတူညီချက်ကို ပြီးခဲ့သည့်လ ကတည်းက ရရှိခဲ့ခြင်းဖြစ်သည်။

ZTE အား အရေးပါသည့် အစိတ်အပိုင်းများ မရောင်းကြရန် အမေရိကန်ကုမ္ပဏီများကို ကုန်သွယ်ရေးဌာနက ဧပြီလတွင် ပိတ်ပင်ခဲ့သည်။

 

 

မြန်မာနိုင်ငံ၏ ပြည်ပကုန်သွယ်မှုပမာဏ ဒေါ်လာရှစ်ဘီလျံကျော်ရှိပြီး ကုန်သွယ်မှုလိုငွေ ဒေါ်လာတစ်ဘီလျံကျော်ဖြစ်ပေါ်

မြန်မာနိုင်ငံ၏ပြည်ပကုန်သွယ်မှုပမာဏ ဒေါ်လာရှစ်ဘီလျံကျော်ရှိပြီး ကုန်သွယ်မှုလိုငွေ ဒေါ်လာတစ်ဘီလျံကျော်ဖြစ်ပေါ်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ထုတ်ပြန်သည့် ကုန်သွယ်မှု ဆိုင်ရာစာရင်းများအရ သိရသည်။

၂၀၁၈ ခုနှစ် ဧပြီ ၁ ရက်မှ ဇွန် ၂၉ ရက် အထိ မြန်မာနိုင်ငံ၏ ပြည်ပကုန်သွယ်မှုပမာဏမှာ ဒေါ်လာ ၈၈၆၈ ဒသမ ၈၂၄ သန်းရှိပြီး ယခင်နှစ်ကာလတူထက် ဒေါ်လာ ၁၃၂၆ ဒသမ ၁၀၃ သန်း ပိုမိုခဲ့ကြောင်း သိရသည်။

၂၀၁၈ ခုနှစ် ဇွန် ၂၉ ရက်အထိ ပြည်ပ ကုန်သွယ်မှုပမာဏ ဒေါ်လာ ရှစ်ဘီလျံကျော်တွင် ပင်လယ်ရေကြောင်းကုန်သွယ်မှုမှ ကုန်သွယ်မှု ပမာဏ ဒေါ်လာ ၆၈၄၂ ဒသမ ၃၂၆ သန်းနှင့် နယ်စပ်ကုန်သွယ်မှု ပမာဏဒေါ်လာ ၂၀၂၆ ဒသ မ ၄၉၈ သန်းပါဝင်ကြောင်း သိရသည်။ ပင်လယ်ရေကြောင်းကုန်သွယ်မှု ပမာဏမှာ ယခင်နှစ်ကာလတူထက် ဒေါ်လာ ၁၀၈၁ ဒ သမ ၆၆၇ သန်းပိုမိုခဲ့ပြီး နယ်စပ်ကုန်သွယ်မှု ပမာဏမှာမူ ယခင်နှစ်ကာလတူထက် ဒေါ်လာ ၂၄၄ ဒသမ ၄၃၆ သန်းပိုမိုခဲ့ကြောင်း စီးပွားရေး နှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

ကုန်သွယ်မှုပမာဏ ဒေါ်လာရှစ်ဘီလျံ ကျော်တွင် ပို့ကုန်တန်ဖိုး ဒေါ်လာ ၃၈၇၃ ဒသမ ၄၇၆သန်း၊ သွင်းကုန်တန်ဖိုး ဒေါ်လာ ၄၉၉၅ ဒသမ ၃၄၈ သန်းပါဝင်ကြောင်း သိရသည်။ သွင်းကုန်တန်ဖိုးမှာ ပို့ ကုန်တန်ဖိုးထက် များပြားနေသဖြင့် ကုန်သွယ်မှုလိုငွေဒေါ်လာ ၁၁၂၁ ဒသမ ၈၇၂သန်းဖြစ်ပေါ်နေကြောင်း သိရသည်။ ယခင်နှစ်ကာလတူတွင်မူ ကုန်သွယ်မှုလိုငွေမှာ ဒေါ်လာ ၁၄၇၃ ဒသမ ၂၁၁ သန်းဖြစ်ပေါ်ခဲ့ကြောင်း သိရသည်။

ကုန်သွယ်မှုဆောင်ရွက်ရာတွင် မြန်မာနိုင်ငံမှ လယ်ယာထွက်ကုန်များ၊ တိရစ္ဆာန်ထွက်ပစ္စည်းများ၊ သတ္တုတွင်းထွက်များ၊ သစ်တောထွက်ကုန်များ၊ စက်မှုကုန်ချောများ တင်ပို့ခဲ့ပြီး လူသုံးကုန်ပစ္စည်း၊ လုပ်ငန်းသုံးကုန်ကြမ်းများ၊ ရင်းနှီးမြှုပ်နှံမှုကုန်ပစ္စည်းများကို မြန်မာနိုင်ငံသို့ တင်သွင်းခဲ့ခြင်းဖြစ်သည်။

၂၀၁၈-၂၀၁၉ ဘဏ္ဍာနှစ်ကို လာမည့် အောက်တိုဘာလတွင်မှစတင်မည်ဖြစ်ရာ လက်ရှိကြားကာလ ခြောက်လအတွင်း မြန်မာ နိုင်ငံ၏ ကုန်သွယ်မှုပမာဏကို ဒေါ်လာ ၁၃ ဘီလျံခွဲရရှိရန် မျှော်မှန်းထားသည်။

ဗဟိုစာရင်းအင်းအဖွဲ့မှ ထုတ်ပြန်သည့် ကုန်သွယ်မှုစာရင်းများအရ ၂၀၁၂-၂၀၁၃ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၉၁ ဒသမ ၉ သန်း၊ ၂၀၁၃-၂၀၁၄ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၂၅၅၅ ဒသမ ၅ သန်းရှိခဲ့ပြီး ၂၀၁၄-၂၀၁၅ ဘဏ္ဍာနှစ်တွင် ကုန်သွယ်မှု လိုငွေမှာ ဒေါ်လာ ၄၉၁၂ ဒသမ ၅၅၉ သန်းရှိခဲ့ကြောင်း သိရသည်။

တရုတ်ကို ကုန်သွယ်ရေး ပိတ်ဆို့အရေးယူမှုများ ချမှတ်ရန် ထရန့်က ပြင်ဆင်နေ

တရုတ်အရှေ့ဘက် ကျန်စုပြည်နယ်ရှိ လျန်ယွမ်ကန်ဆိပ်ကမ်း၌ ၂၀၁၄ ခုနှစ် ဧပြီ ၁၀ က ကုန်သေတ္တာများကို တွေ့ရစဉ် (Photo: AFP)

အမေရိကန်၏ ဥာဏပစ္စည်းမူပိုင်ခွင့်များ ခိုးယူမှုအတွက် တရုတ်ကို ပိတ်ဆို့အရေးယူမှုများ ချမှတ်ရန် အမေရိကန်သမ္မတ ဒေါ်နယ်ထရန့်က မတ် ၂၂ ရက်တွင် ကြေညာဖွယ်ရှိသည်။ အမေရိကန်နည်းပညာများနှင့် ဥာဏပစ္စည်းများကို ခိုးယူရန် တရုတ်အစိုးရက ဦးဆောင်၍ ဈေးကွက်ကို ဖိအားပေးမှုများအတွက် စုံစမ်းစစ်ဆေးမှုများ ဆောင်ရွက်ပြီးနောက် သမ္မတထရန့်သည် တရုတ်ကို ပိတ်ဆို့အရေးယူမှုများ ကြေညာမည်ဟု အိမ်ဖြူတော် ပြောခွင့်ရပုဂ္ဂိုလ် ရာ့ဂ်ျရှားက အေအက်ဖ်ပီကို ပြောကြားခဲ့သည်။

တရုတ်ကူးသန်းရောင်းဝယ်ရေးဝန်ကြီး ဌာနကလည်း ကြိုတင်လက်ဦးမှုရယူ၍ သတိပေးချက် ထုတ်ပြန်ခဲ့ပြီး တရုတ်၏ တရားဝင် အခွင့်အရေးများနှင့် အကျိုးစီးပွားကို ကာကွယ်ရန် လိုအပ်သည့် အရေးယူ ဆောင်ရွက်မှုအားလုံး ဆောင်ရွက်သွားမည်ဖြစ်ကြောင်း မတ် ၂၂ ရက်တွင် ထုတ်ပြန်သည့် ကြေညာချက်၌ ပြောကြားခဲ့သည်။

နိုင်ငံခြားမှ ထုတ်လုပ်တင်သွင်းသည့် သံမဏိများနှင့် အလူမီနီယံတို့ကို စည်းကြပ်ခွန်များကောက်ခံရန် ထရန့်က ဆုံးဖြတ်ခဲ့ပြီးနောက် သီတင်းပတ်အနည်းငယ်အကြာတွင် တရုတ်ကို ပိတ်ဆို့အရေးယူမှုများ ချမှတ်ရန် ဆောင်ရွက်ခဲ့ခြင်းဖြစ်သည်။

ကုန်သွယ်ရေး စစ်ပွဲဖြစ်ပွားနိုင်ခြေနှင့် ပတ်သက်ပြီး စိုးရိမ်နေကြချိန်တွင် တရုတ်ဝန်ကြီးချုပ် လီခယ်ကျင်းက စိတ်ခံစားမှုဖြင့် ကုန်သွယ်ရေးဆိုင်ရာ ဆုံးဖြတ်ချက်များကို မဆောင်ရွက်ရန် ထရန့်အား မတ် ၂၀ ရက်တွင် သတိပေးခဲ့သည်။

တရုတ်သွင်းကုန်များကို စည်းကြပ်ခွန် ဒေါ်လာ ၃၀ ဘီလျံ ကောက်ခံရန် အကြံပြုထားသည့် အစီအစဉ်သည် သမ္မတ၏ စားပွဲပေါ်တွင် ရောက်ရှိနေပြီဖြစ်ကြောင်း အမေရိကန် ကုန်သွယ်ရေး အထူးကိုယ်စားလှယ် ရောဘတ်လိုက်သီဇာက ပြောကြားထားသည်။

အမေရိကန်၏ ကုန်သွယ်ရေး မိတ်ဖက်များက လှည့်ဖျားနေမှုများကို ပြင်းပြင်းထန်ထန် တုံ့ပြန်မည်ဟု ထရန့်က ကတိပေးထားသည်။ တရုတ်နှင့် ကုန်သွယ်ရာတွင် အမေရိကန်၏ ကုန်သွယ်ရေးလိုငွေပြမှုသည် ယမန်နှစ်က ဒေါ်လာ ၃၇၅ ဘီလျံထိ စံချိန်တင်ရှိခဲ့သည်။ သို့သော် တရုတ်သို့ အမေရိကန်၏ ပို့ကုန်တင်ပို့မှုသည်လည်း ယမန်နှစ်က စံချိန်တင်မြင့်တက်ခဲ့သည်။

ကူးသန်းရောင်းဝယ်ရေးဆိုင်ရာ သတင်းအချက်အလက်များနှင့် ဥာဏပစ္စည်းမူပိုင်ခွင့်များကို အမေရိကန် ကုမ္ပဏီများက လွှဲပြောင်းပေးမှသာ တရုတ်တွင် လုပ်ငန်းဆောင်ရွက်နိုင်သည့် အခြေအနေမျိုး တရုတ်အစိုးရက ဖန်တီးနေသည်ဟု ၀ါရှင်တန်က စွပ်စွဲထားသည်မှာ ကြာပြီဖြစ်သည်။

တရုတ်သည် အမေရိကန်ကွန်ရက်များကို တရားမ၀င် ထိုးဖောက်ဝင်ရောက်ပြီး စီးပွားရေးလုပ်ငန်းများကို သူလျှိုဆောင်ရွက်ကာ အမေရိကန်၏ ဥာဏပစ္စည်း မူပိုင်ခွင့်များကို ခိုးယူရန် ကြိုးပမ်းနေကြောင်း အမေရိကန် တာဝန်ရှိသူများက စွပ်စွဲထားသည်။

Ref: AFP

အမေရိကန်မပါဝင်သော ပစိဖိတ်လွတ်လပ်စွာကုန်သွယ်ရေး သဘောတူညီချက်စာချုပ်ကို နိုင်ငံ ၁၁ နိုင်ငံက လက်မှတ်ရေးထိုး

မတ် ၈ ရက်က ချီလီတွင် CPTPP သဘောတူညီချက်အား လက်မှတ်ထိုးပြီးနောက် နိုင်ငံ ၁၁ နိုင်ငံမှ ကုန်သွယ်ရေးဝန်ကြီးများ စုပေါင်းဓာတ်ပုံရိုက်နေစဉ် (Photo: AP)

အမေရိကန်သမ္မတ ဒေါ်နယ်ထရန့်က နုတ်ထွက်သွားခဲ့ပြီးနောက် ပစိဖိတ်သမုဒ္ဒရာအနားသတ်မှ နိုင်ငံ ၁၁ နိုင်ငံသည် ပြန်လည်ပြင်ဆင်ထားသည့် လွတ်လပ်စွာကုန်သွယ်ရေး သဘောတူညီချက်ကို မတ် ၈ ရက်က လက်မှတ်ရေးထိုးခဲ့သည်။

Comprehensive and Progressive Agreement for Trans-Pcific Partnership(CPTPP) ဟု ယခုအခါ သတ်မှတ်ခဲ့သော ပစိဖိတ်လွတ်လပ်စွာကုန်သွယ်ရေး သဘောတူညီချက်သည် ကုန်သွယ်မှုကို ပိုမို လွယ်ကူချောမွေ့စေပြီး အကောက်ခွန်များ လျော့ကျစေမည်ဖြစ်ကြောင်း ထောက်ခံသူများက ပြောကြားကြသည်။

ချီလီနိုင်ငံတွင် လက်မှတ်ရေးထိုးခဲ့သော CPTPP သဘောတူညီချက်တွင် သြစတြေးလျ၊ ဘရူနိုင်း၊ ကနေဒါ၊ ချီလီ၊ ဂျပန်၊ မလေးရှား၊ မက္ကဆီကို၊ နယူးဇီလန်၊ ပီရူး၊ စင်ကာပူနှင့် ဗီယက်နမ်တို့ ပါဝင်ပြီး ကမ္ဘာ့စီးပွား ရေး၏ ၁၃ ဒသမ ၅ ရာခိုင်နှုန်းကို ကိုယ်စားပြုမည်ဖြစ်သည်။ ယင်း ၁၁ နိုင်ငံ၏ ဈေးကွက်တွင် လူဦးရေ သန်း ၅၀၀ ရှိမည်ဖြစ်ပြီး ဥရောပသမဂ္ဂထက် ပို၍ကြီးသော ဈေးကွက်ဖြစ်မည် ဖြစ်သည်။

ဒေါ်နယ်ထရန့်က အမေရိကန်သို့တင်သွင်းသော သံမဏိနှင့် အလူမီနီယံတို့ကို စည်းကြပ်ခွန်များကောက်ခံရန် ဆုံးဖြတ်ချက်ကို လက်မှတ်မရေးထိုးမီ CPTPP ကို လက် မှတ်ရေးထိုးခဲ့ခြင်းဖြစ်သည်။ ယခုသဘောတူညီချက်သည် ကမ္ဘာကို နိုင်ငံရေးဆိုင်ရာ အချက်ပြမှုဆောင်ရွက်ခဲ့ခြင်ဖြစ်ပြီး CPTPP သည် ကမ္ဘာလုံးဆိုင်ရာ သဘောတူညီချက် ဖြစ်ကြောင်း အမေရိကန်ကို သတင်းပေးပို့လိုက်ခြင်းဖြစ်ကြောင်းလည်း ချီလီ၏ ကုန်သွယ်ရေး စေ့စပ်ညှိနှိုင်းရေးမှူး ဖိလစ်ပီလိုပီယန်ဒီယာက ပြောကြားခဲ့သည်။

CPTPP သည် ဒေသတွင်းစီးပွားရေး ပူးပေါင်းဆောင်ရွက်မှုဆိုင်ရာ သဘောတူညီချက်များအတွက် စံနှုန်းသစ်ချမှတ်ပေးမည်ဖြစ်ပြီး အနာဂတ်တွင် ကမ္ဘာ့ကုန်သွယ်ရေးအဖွဲ့၊ အေပက်တို့နှင့် စေ့စပ်ညှိနှိုင်းမှုများအတွက်လည်း စံများချမှတ်ပေးမည်ဖြစ်ကြောင်း ချီလီက ပြောကြားခဲ့သည်။