၂၀၁၈- ၂၀၁၉ ဘဏ္ဍာနှစ်အစ ဧပြီလတွင် မြ၀တီနယ်စပ်စခန်းမှ ကုန်သွယ်မှုမြင့်တက်လာ

မြ၀တီနယ်ကုန်သွယ်ရေး စခန်းသို့ ၀င်ရောက်လျက်ရှိသည့် ကုန်ကားအချို့ကို တွေ့ရစဉ်

ဘဏ္ဍာနှစ်သစ်ဖြစ်သော ၂၀၁၈- ၂၀၁၉ ဘဏ္ဍာနှစ်အစ ဧပြီလတွင် မြ၀တီနယ်စပ်စခန်းမှ ကုန်သွယ်မှု မြင့်တက်လာပြီး ဧပြီ ၁ ရက်မှ ၂၀ ရက်အထိ အမေရိကန်ဒေါ်လာ ၃၆ ဒသမ ၆၀၈ သန်း ကုန်သွယ်နိုင်ခဲ့၍ ယခင်နှစ် ကာလတူကထက် ၉ ဒသမ ၃၂၈ သန်း ပိုမိုကုန်သွယ်နိုင်ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဌာနမှ သိရသည်။

နှစ်သစ်ကူး အတာသင်္ကြန်လွန်ပြီးနောက် ထိုင်းကုန်ပစ္စည်းများ အလုံးအရင်းဖြင့် ပြည်တွင်းဈေးကွက်သို့ ၀င်ရောက်လာခဲ့ရာ ဧပြီ ၁ ရက်မှ ၂၀ ရက်အထိ သွင်းကုန် အမေရိကန်ဒေါ်လာ ၃၃ ဒသမ ၅၄၂ သန်း ဖိုးတင်သွင်းခဲ့ပြီး ပြည်တွင်းထွက်ကုန်စည် များကို ၃ ဒသမ ၀၆၆ သန်းဖိုး တင်ပို့ခဲ့ကြောင်း သိရသည်။

သို့သော်လည်း ကျွဲ၊ နွား အပါအ၀င် ကုန်ပစ္စည်း အများစုမှာ တရားဝင်တင်ပို့ရန် ခက်ခဲနေပြီး သောင်ရင်းမြစ် ဖြတ်ကျော် ဂိတ်များမှတစ်ဆင့် တစ်ဖက်နိုင်ငံသို့ တရားမ၀င် တင်ပို့လျက်ရှိကြောင်း သိရသည်။

ပြည်တွင်းထွက်ကုန်ဖြစ်သည့် ရေထွက်ပစ္စည်း ငါးပုစွန်၊ ကဏန်းနှင့် လယ်ယာထွက် ပစ္စည်းများ၊ နှမ်း၊ နနွင်း၊ ကြက်သွန်၊ ငရုတ်၊ ပဲနှင့် ကြံများတရားဝင် တင်ပို့ခဲ့ကြောင်း သိရသည်။ သို့သော်လည်း ထိုင်းနိုင်ငံသား အကျိုးစီးပွား ကာကွယ်သည့် အနေဖြင့် ပြောင်းဖူးကို အဖူးထွက်ချိန်တွင် တင်ပို့ခွင့်မရှိဘဲ နှစ်လကြာချိန်မှ တင်ပို့ရသည့်အတွက် မြန်မာတောင်သူများ များစွာနစ်နာသလို မြန်မာ့ဆန်ကိုလည်း ဆန်အဖြစ် တင်ပို့ရောင်းချခွင့် မရှိ၍ ဆန်ကွဲသာ တင်ပို့ကြသည်ဟု ဆိုသည်။

အရှေ့အနောက် စီးပွားရေး စင်္ကြံမှာ တည်ရှိသည့် မြ၀တီနယ်စပ်စခန်းမှ ပြည်တွင်းသို့ စက်ယန္တရားများ၊ မော်တော်ဆိုင်ကယ်များ၊ လုပ်ငန်းသုံးပစ္စည်းများ၊ အိမ်ဆောက်ပစ္စည်းများ၊ သွပ်၊ သံ၊ ဘိလပ်မြေ၊ စားသောက်ကုန်မျိုးစုံ၊ ပလတ်စတစ် ပစ္စည်းများနှင့် သစ်သီးပျိုးပင်များလည်း တင်သွင်းခဲ့ပြီး စက်သုံးဆီ၊ ဓာတ်ငွေရည်များ၊ စားသုံးဆီများ တင်သွင်းလျက်ရှိကြောင်း သိရသည်။

ထို့ပြင် မော်တော်ယာဉ် တင်သွင်းမှုဆိုင်ရာမူဝါဒ အပြောင်းအလဲ၊ အခွန်ဒဏ်ကြေးဆိုင်ရာ အပြောင်းအလဲများကြောင့် မော်တော်ယာဉ် တင်သွင်းမှု မရှိသလောက် နည်းပါးခဲ့ကြောင်း သိရသည်။

သို့သော်လည်း တင်သွင်းခွင့်မရှိသော ဘီယာမျိုးစုံ၊ အေးခဲအသားနှင့် ကြက်နှင့် ကြက်ထွက် အသည်း၊ နှလုံးပါကင်ထုပ်များ၊ ဂျပန်တစ်ပတ်ရစ် Without Car များကို ဇုန်ရှောင်ကွင်းကာ နားလည်မှု လမ်းကြောင်းမှ တရားမ၀င် တင်သွင်းလျက်ရှိကြောင်း ဒေသခံများထံမှ သိရသည်။

မြ၀တီနယ် ကုန်သွယ်ရေးစခန်းမှ ဘဏ္ဍာနှစ်အလိုက် ကုန်သယ်မှုမှာ ၂၀၁၂- ၂၀၁၃ ဘဏ္ဍာနှစ်တွင် အမေရိကန်ဒေါ်လာ ၁၁၄ ဒသမ ၈၀၂ သန်း၊ ၂၀၁၃- ၂၀၁၄ ဘဏ္ဍာနှစ်တွင် အမေရိကန်ဒေါ်လာ၂၇၁ ဒသမ ၅၀၁ သန်း၊ ၂၀၁၄- ၂၀၁၅ ဘဏ္ဍာနှစ်တွင် အမေရိကန်ဒေါ်လာ ၄၅၆ ဒသမ ၉၀၂  သန်း၊ ၂၀၁၅- ၂၀၁၆ ဘဏ္ဍာနှစ်တွင် အမေရိကန်ဒေါ်လာ ၇၂၆ ဒသမ ၁၁၂ သန်း၊ ၂၀၁၆- ၂၀၁၇ ဘဏ္ဍာနှစ်တွင် အမေရိကန်ဒေါ်လာ ၉၂၈ ဒသမ ၆၀၁ သန်း၊၂၀၁၇-၂၀၁၈ ဘဏ္ဍာနှစ်တွင် အမေရိကန်ဒေါ်လာ ၈၁၇ ဒသမ ၇၇၃ သန်းဖိုး ကုန်သွယ်နိုင်ခဲ့ကြောင်း သိရသည်။

ကုန်သွယ်လုပ်ငန်းခွန်နှင့် အထူးကုန်စည်ခွန်များ၏ လစဉ်ကျသင့်ခွန်ကို သက်ဆိုင်ရာလကုန်ဆုံးပြီး ၁၀ ရက်အတွင်းပေးဆောင်ရန် ပြည်တွင်းအခွန်များဦးစီးဌာနက အသိပေးချက်ထုတ်ပြန်ကာ ပျက်ကွက်ပါက ကျသင့်အခွန်၏ ၁၀ ရာခိုင်နှုန်း ဒဏ်ငွေပေးဆောင်ရမည်

ရန်ကုန်မြို့လယ် ပန်းဆိုးတန်းလမ်းရှိ ပြည်တွင်းအခွန်များဦးစီးဌာနရုံးကို တွေ့ရစဉ်

ကုန်သွယ်လုပ်ငန်းခွန်နှင့် အထူးကုန်စည်ခွန်များ၏ လစဉ်ကျသင့်ခွန်ကို သက်ဆိုင်ရာလကုန်ဆုံးပြီး ၁၀ ရက်အတွင်း ပေးဆောင်ရမည်ဖြစ်ကာ ပျက်ကွက်ပါက ကျသင့်အခွန်၏ ၁၀ ရာခိုင်နှုန်း ဒဏ်ငွေပေးဆောင်ရမည်ဖြစ်ကြောင်း ပြည်တွင်းအခွန်များ ဦးစီးဌာနက ဧပြီ ၂၄ ရက်တွင် ကုန်သွယ်လုပ်ငန်းခွန်၊ အထူးကုန်စည်ခွန်များ လစဉ်ကျသင့်ခွန်ပေးဆောင်ခြင်းနှင့်ပတ်သက်၍ အသိပေးနှိုးဆော်ချက် ထုတ်ပြန်သည်။

တည်ဆဲကုန်သွယ်လုပ်ငန်းခွန် ဥပဒေ ပုဒ်မ ၁၂ (က) အရ မည်သူမဆို နှစ်တစ်နှစ်အတွင်း အခွန်စည်းကြပ်ထိုက်သော ရောင်းရငွေ သို့မဟုတ် ၀န်ဆောင်မှုရငွေရှိလျှင် လစဉ်ကျသင့်သော အခွန်ကို သက်ဆိုင်ရာ လကုန်ဆုံးပြီး ၁၀ ရက်အတွင်း ပေးဆောင်ရမည် ဖြစ်သည်။ တည်ဆဲကုန်သွယ်လုပ်ငန်းခွန် ဥပဒေ ပုဒ်မ ၂၁ (ခ) အရ သတ်မှတ်ထားသော အချိန်အတွင်း လစဉ်ကျသင့်အခွန် ပေးသွင်းရန်ပျက်ကွက်ပါက စည်းကြပ်မှုအရ ကျသင့်အခွန်၏ ၁၀ ရာခိုင်နှုန်းနှင့်ညီမျှသောငွေကို ဒဏ်ငွေအဖြစ်ပေးဆောင်ရမည် ဖြစ်ကြောင်း သိရသည်။

ထို့အတူ တည်ဆဲအထူးကုန်စည်ခွန် ပုဒ်မ ၈ အရ အထူးကုန်စည်ကို ပြည်တွင်း၌ ထုတ်လုပ်ခြင်းအတွက် ရောင်းချသည့်လ၏ လကုန်ဆုံးပြီး ၁၀ ရက်အတွင်း ထုတ်လုပ်မှုအပေါ် အခွန်ကျသင့်စေရန် ၀န်ကြီးဌာနက အမိန့်ကြော်ငြာစာ ထုတ်ပြန်သတ်မှတ်ထားသည့် အထူးကုန်စည်များဖြစ်ပါက ထုတ်လုပ်သည့်လ၏ လကုန်ဆုံးပြီး ၁၀ ရက်အတွင်း၊ ပြည်ပသို့တင်ပို့ခြင်းဖြစ်ပါက တင်ပို့သည့်လ၏ လကုန်ဆုံးပြီး ၁၀ ရက်အတွင်း အထူးကုန်စည်ခွန် ပေးဆောင်ရမည် ဖြစ်သည်။

တည်ဆဲအထူးကုန်စည်ခွန် ဥပဒေပုဒ်မ ၂၂ (ဃ) အရ ပေးဆောင်ရမည့်အခွန်ကို သတ်မှတ်ကာလအတွင်း ပေးသွင်းရန်ပျက်ကွက်လျှင် စည်းကြပ်မှုအရ ထပ်မံပေးဆောင်ရမည့်အခွန်၏ ၁၀ ရာခိုင်နှုန်းကို ဒဏ်ငွေအဖြစ် ပေးဆောင်ရမည်ဖြစ်ကြောင်း သိရသည်။ အခွန်ထမ်းပြည်သူများအနေဖြင့် မိမိတို့လုပ်ငန်းအလိုက် လစဉ်ပေးသွင်းရမည့် ကုန်သွယ်လုပ်ငန်းခွန် သို့မဟုတ် အထူးကုန်စည်ခွန်တို့ကို သတ်မှတ်ရက်အတွင်း ပေးသွင်းပေးကြပါရန် နှိုးဆော်ထားသည်။

ပြီးခဲ့သည့် ၂၀၁၇-၂၀၁၈ ဘဏ္ဍာနှစ်တွင် အခွန်ရငွေကို ကျပ် ၇၅၄၆ ဘီလျံအထိ ရရှိရန် မျှော်မှန်းထားပြီး ပြည်တွင်းထွက်ကုန်နှင့် ပြည်သူပြည်သားများ၏ သုံးစွဲမှုအပေါ်ကောက်ခံသည့် အခွန်အကောက်တွင် ကျပ် ၃၆၈၁ ဘီလျံ၊ ၀င်ငွေနှင့် ပိုင်ဆိုင်မှုအပေါ် ကောက်ခံသည့် အခွန်အကောက်တွင် ကျပ် ၂၃၅၆ ဘီလျံ၊ အကောက်ခွန်တွင် ကျပ် ၄၉၀ ဘီလျံ၊ နိုင်ငံပိုင်သယံဇာတများ ထုတ်ယူသုံးစွဲမှုအပေါ်ကောက်ခံသည့် အခွန်အကောက်တွင် ကျပ် ၁၀၁၈ ဘီလျံရရှိရန် တွက်ချက်ထားသည်။

ဘဏ္ဍာနှစ် ခုနစ်နှစ်အတွင်း ကောက်ခံရရှိခဲ့သော အခွန်ရငွေများမှာ ၂၀၁၁-၂၀၁၂ ဘဏ္ဍာနှစ်တွင် ကျပ် ၁၆၉၃ ဘီလျံ၊ ၂၀၁၂-၂၀၁၃ ဘဏ္ဍာနှစ်တွင် ကျပ် ၃၃၇၂ ဘီလျံ၊ ၂၀၁၃-၂၀၁၄ ဘဏ္ဍာနှစ်တွင် ကျပ် ၄၄၅၁ ဘီလျံ၊ ၂၀၁၄-၂၀၁၅ ဘဏ္ဍာနှစ်တွင် ကျပ် ၆၅၁၈ ဘီလျံ၊ ၂၀၁၅-၂၀၁၆ ဘဏ္ဍာ နှစ်တွင် ကျပ် ၆၃၁၄ ဘီလျံ၊ ၂၀၁၆-၂၀၁၇ ဘဏ္ဍာနှစ်တွင် ကျပ် ၇၁၂၂ ဘီလျံ၊ ၂၀၁၇ -၂၀၁၈ ဘဏ္ဍာနှစ်တွင် ကျပ် ၇၅၄၆ ဘီလျံ (မျှော်မှန်း) တို့ဖြစ်ကြောင်း သိရသည်။

ယခင်နှစ်က ကုန်သွယ်မှု သမိုင်းတစ်လျှောက် စံချိန်တင် အများဆုံး ရရှိသဖြင့် ၂၀၁၈-၂၀၁၉ ဘဏ္ဍာနှစ်မစမီ လက်ရှိကြားကာလ ခြောက်လအတွင်း မြန်မာနိုင်ငံ၏ ပြည်ပကုန်သွယ်မှု ပမာဏ ဒေါ်လာ ၁၃ ဘီလျံခွဲရရှိရန် မျှော်မှန်းထား

မြန်မာ-တရုတ် နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်ကို တွေ့ရစဉ် (ဓာတ်ပုံ-ထွန်းနေလှိုင်)

၂၀၁၈-၂၀၁၉ ဘဏ္ဍာနှစ်ကို လာမည့် အောက်တိုဘာလတွင်မှ စတင်မည်ဖြစ်ရာ လက်ရှိကြားကာလ ခြောက်လအတွင်း မြန်မာနိုင်ငံ၏ ပြည်ပကုန်သွယ်မှု ပမာဏကို ဒေါ် လာ ၁၃ ဘီလျံခွဲရရှိရန် မျှော်မှန်းထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၊ ကုန်သွယ်ရေး ဦးစီးဌာနမှ ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

“ဒီကာလကို ၁၃ ဘီလျံခွဲရရှိဖို့ လျာထားထားပါတယ်။ ၂၀၁၇-၂၀၁၈ ဘဏ္ဍာနှစ်မှာ ပို့ကုန်ပမာဏက အားလုံး စုစုပေါင်းဆိုရင် ဒေါ်လာ ၁၄ ဒသမ ၆၇၅ ဘီလျံရတယ်။ မနှစ်က ၁၁ ဒသမ ၉၉၈ ဆိုတော့ မနှစ်ကထက် ဒေါ်လာ ၂ ဒသမ ၇၆ ဘီလျံလောက်ပိုများတယ်။ သွင်းကုန်မှာ ဒီနှစ်ရတာက ဒေါ်လာ ၁၈ ဒသမ ၆၄၈ ဘီလျံ၊ မနှစ်က ၁၇ ဒသမ ၂၁၁ ဖြစ်တဲ့အတွက်ကြောင့်မို့ သွင်းကုန်မှာလည်း  ၁ ဒသမ ၄ ဘီလျံကျော်ပိုများတယ်” ဟု ကုန်သွယ်ရေးဦးစီးဌာနမှ ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

“အဲဒီမှာ အဓိက လယ်ယာထွက်ကုန်မှာ ပို့ကုန်က မနှစ်ကထက် ပိုများတယ်။ တိရစ္ဆာန်ထွက်ပစ္စည်း မနှစ်ကထက် ပိုများတယ်။ ရေထွက်ပစ္စည်း မနှစ်ကထက် ပိုများတယ်။ သတ္တုတွင်းထွက်ပစ္စည်း မနှစ်ကထက် ပိုများတယ်။ သစ်တောထွက်ပစ္စည်းက မနှစ်ကထက် ၃၅ သန်းလောက် နည်းသွားတယ်။ သစ်တောထွက် ပစ္စည်းကတော့ မူလကတည်းက တမင်ကို လျှော့နေတာပေါ့နော်။ စက်မှုကုန်ချောပစ္စည်း ပိုများလာတယ်။ တခြားပစ္စည်းတွေလည်းရှိတယ်။ စုစုပေါင်း ၁၄ ဒသမ ၆၇၅ ဆိုတာ ပို့ကုန်ရဲ့သမိုင်းတစ်လျှောက်မှာရော ကုန်သွယ်မှု သမိုင်းတစ်လျှောက်မှာရော အများဆုံးပဲ။ ကုန်သွယ်မှု သမိုင်းတစ်လျှောက်လုံးမှာ ၃၃ ဒသမ ၃၂၃ ဘီလျံ ရတယ်ပေါ့။ မနှစ်ကထက် လေးဘီလျံလောက် ပိုများတယ်။ မနှစ်ကရတာက ၂၉ ဒသမ ၂၀၉ ဘီလျံ၊ အဲဒီတော့ မနှစ်က ရတာကလည်း ပြီးခဲ့တဲ့နှစ်အထိ သမိုင်းတစ်လျှောက်မှာ အများဆုံးပဲ။ ဒီနှစ်မှာ ပို့ကုန်ရော သွင်းကုန်ရောမှာ သမိုင်းတစ်လျှောက် အများဆုံးပါပဲ” ဟု ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ မတ် ၃၁ ရက်အထိ ပြည်ပကုန်သွယ်မှု ပမာဏမှာ ဒေါ်လာ ၃၃၃၂၃ ဒသမ ၈၁၅ သန်းရှိပြီး ယခင်ဘဏ္ဍာနှစ် ကာလတူထက် ဒေါ်လာ ၄၁၁၄ ဒသမ ၂၀၉ သန်း ပိုမိုခဲ့သည်။

 

လက်ရှိဘဏ္ဍာနှစ် မကုန်ဆုံးမီ ပြည်ပကုန်သွယ်မှု ပမာဏ ဒေါ်လာ ၃၁ ဘီလျံကျော် ရရှိခဲ့သော်လည်း ပို့ကုန်တင်ပို့မှု လျာထားချက်ပြည့်မီရန် လိုအပ်

ရန်ကုန်မြို့ ကမ်းနားလမ်းရှိ အပြည်ပြည်ဆိုင်ရာ ဆိပ်ကမ်းတစ်ခုကို တွေ့ရစဉ် (ဓာတ်ပုံ-ကျော်ဇင်ဖြိုး)

လက်ရှိဘဏ္ဍာနှစ် မကုန်ဆုံးမီ ပြည်ပကုန်သွယ်မှုပမာဏ လျာထားချက် ဒေါ်လာ ၂၉ ဘီလျံကို ကျော်လွန်ပြီး ဒေါ်လာ ၃၁ ဘီလျံ ကျော် ရရှိခဲ့သော်လည်း ပို့ကုန်တင်ပို့မှု လျာထားချက်ပြည့်မီရန် လိုအပ်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ထုတ်ပြန်ထားသည့် ကုန်သွယ်မှုဆိုင်ရာ အချက်အလက်များအရ သိရသည်။

၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ မတ် ၁၆ ရက်အထိ မြန်မာနိုင်ငံ၏ ပြည်ပကုန်သွယ်မှု ပမာဏမှာ ဒေါ်လာ ၃၁၆၆၇ ဒသမ ၉၆၄ သန်းရှိပြီး ယခင်ဘဏ္ဍာနှစ် ကာလတူထက် ဒေါ်လာ ၄၁၂၇ ဒသမ ၁၄၃ သန်း ပိုမိုခဲ့ကြောင်း သိရသည်။

လက်ရှိဘဏ္ဍာနှစ် မတ် ၁၆ ရက်အထိ ပြည်ပကုန်သွယ်မှုပမာဏ ဒေါ်လာ ၃၁ ဘီလျံကျော်တွင် ပင်လယ်ရေကြောင်း ကုန်သွယ်မှုမှ ကုန်သွယ်မှုပမာဏ ဒေါ်လာ ၂၃၇၂၅ ဒသမ ၁၆၃ သန်းနှင့် နယ်စပ်ကုန်သွယ်မှု ပမာဏ ဒေါ်လာ ၇၉၄၂ ဒသမ ၈၀၁ သန်းပါဝင်ကြောင်း သိရသည်။ ပင်လယ်ရေကြောင်း ကုန်သွယ်မှုပမာဏမှာ ယခင်ဘဏ္ဍာနှစ် ကာလတူထက် ဒေါ်လာ ၃၆၁၁ ဒသမ ၆၁၂ သန်းပိုမိုခဲ့ပြီး နယ်စပ်ကုန်သွယ်မှု ပမာဏမှာမူ ယခင်ဘဏ္ဍာနှစ် ကာလတူထက် ဒေါ်လာ ၅၁၅ ဒသမ ၅၃၁ သန်း ပိုမိုခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ထုတ်ပြန်သည့် ကုန်သွယ်မှုဆိုင်ရာ စာရင်းများအရ သိရသည်။

လက်ရှိဘဏ္ဍာနှစ် ကုန်သွယ်မှုပမာဏ ဒေါ်လာ ၃၁ ဘီလျံကျော်တွင် ပို့ကုန်တန်ဖိုး ဒေါ်လာ ၁၃၈၄၈ ဒသမ ၈၈၁သန်း၊ သွင်းကုန် တန်ဖိုး ဒေါ်လာ ၁၇၈၁၉ ဒသမ ၀၈၃ သန်း ပါဝင်ကြောင်း သိရသည်။ သွင်းကုန်တန်ဖိုး မှာ ပို့ကုန်တန်ဖိုးထက်များပြားနေသဖြင့် ကုန် သွယ်မှုလိုငွေ ဒေါ်လာ ၃၉၇၀ ဒသမ ၂၀၂ သန်းဖြစ်ပေါ်နေကြောင်း သိရသည်။ ယခင် ဘဏ္ဍာနှစ် ကာလတူတွင်မူ ကုန်သွယ်မှုလိုငွေ မှာ ဒေါ်လာ ၄၈၂၄ ဒသမ ၃၈၅ သန်း ဖြစ်ပေါ်ခဲ့ကြောင်း သိရသည်။

ကုန်သွယ်မှုဆောင်ရွက်ရာတွင် မြန်မာနိုင်ငံမှ လယ်ယာထွက်ကုန်များ၊ တိရစ္ဆာန်ထွက်ပစ္စည်းများ၊ သတ္တုတွင်းထွက်များ၊ သစ်တောထွက်ကုန်များ၊ စက်မှုကုန်ချောများ တင်ပို့ခဲ့ပြီး လူသုံးကုန်ပစ္စည်း၊ လုပ်ငန်းသုံးကုန်ကြမ်းများ၊ ရင်းနှီးမြှုပ်နှံမှု ကုန်ပစ္စည်းများကို မြန်မာနိုင်ငံသို့ တင်သွင်းခဲ့ခြင်းဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်တွင် မြန်မာနိုင်ငံ၏ ပြည်ပကုန်သွယ်မှု ပမာဏ ဒေါ်လာ ၂၉ ဘီလျံနှင့် ကုန်သွယ်မှုလိုငွေ ဒေါ်လာတစ်ဘီလျံရှိမည်ဟု ခန့်မှန်းထားကြောင်း စီမံကိန်းနှင့် ဘဏ္ဍာရေးဝန်ကြီးဌာနမှ ထုတ်ပြန်သည့် ၂၀၁၇-၂၀၁၈ ဘဏ္ဍာနှစ် ပြည်ထောင်စု၏ ဘဏ္ဍာငွေ အရအသုံး ခန့်မှန်းခြေ အဆိုပြု တင်ပြချက် အနှစ်ချုပ်တွင် ဖော်ပြထားချက်အရ သိရသည်။

အဆိုပါ ဘဏ္ဍာနှစ်တွင် ပြည်ပပို့ကုန် တန်ဖိုး ဒေါ်လာ သန်း ၁၄၀၀၀ နှင့် သွင်းကုန်တန်ဖိုး ဒေါ်လာ သန်း ၁၅၀၀၀ ဟု ခန့်မှန်းထားသဖြင့် ကုန်သွယ်မှုပမာဏမှာ ဒေါ်လာ သန်း ၂၉၀၀၀ ဖြစ်ပြီး ကုန်သွယ်မှုလိုငွေမှာ ဒေါ်လာသန်း ၁၀၀၀ (တစ်ဘီလျံ) ဖြစ်မည်ဟု ခန့်မှန်းထားသည်။ လက်ရှိအခြေအနေအရ ကုန်သွယ်မှု ပမာဏ လျာထားချက်မှာ ကျော်လွန်ခဲ့သော်လည်း ပို့ကုန်တင်ပို့မှု လျာထားချက်မှာ ပြည့်မီရန် လိုအပ်နေကြောင်း သိရသည်။

ဗဟိုစာရင်းအင်းအဖွဲ့မှ ထုတ်ပြန်သည့် ကုန်သွယ်မှု စာရင်းများအရ ၂၀၁၂-၂၀၁၃ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၉၁ ဒသမ ၉ သန်း၊ ၂၀၁၃-၂၀၁၄ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၂၅၅၅ ဒသမ ၅ သန်းရှိခဲ့ပြီး ၂၀၁၄-၂၀၁၅ ဘဏ္ဍာနှစ်တွင် ကုန်သွယ်မှု လိုငွေမှာ ဒေါ်လာ ၄၉၁၂ ဒသမ ၅၅၉ သန်း ရှိခဲ့ကြောင်း သိရသည်။

 

တရုတ်ဘက်မှ မြန်မာဘဏ်အကောင့်များ အပိတ်ခံရမှုတွင် သကြား၊ ဆန်ကုန်သည်များ၏ ဘဏ်အကောင့်များအပြင် ငွေဖြူ၊ ငွေမည်း မစစ်နိုင်သည့် ငွေလွှဲလုပ်ငန်း အကောင့်များလည်း ပါဝင်ပြီး အပိတ်ခံရမှု တစ်ပတ်ခန့် ကြာမြင့်သည့်အထိ စီးပွား/ကူးသန်းသို့ တင်ပြခြင်း မရှိသေးဟုသိရ

တရုတ်-မြန်မာ ကုန်သွယ်မှု စခန်းတစ်ခုဖြစ်သည့် မူဆယ် ၁၀၅ မိုင် နယ်စပ်ကုန်သွယ်ရေးစခန်း (ပို့ကုန်စစ်ဆေးရေး) ကို တွေ့ရစဉ်

တရုတ်ဘက်မှ မြန်မာဘဏ်အကောင့်များ အပိတ်ခံရမှုတွင် သကြား၊ ဆန်ကုန်သည်များ၏ ဘဏ်အကောင့်များအပြင် ငွေဖြူ၊ ငွေမည်း မစစ်နိုင်သည့် ငွေလွှဲလုပ်ငန်း အကောင့်များလည်း ပါဝင်နေပြီး အပိတ်ခံရမှု တစ်ပတ်ခန့် ကြာမြင့်သည့်အထိ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနသို့ တင်ပြထားခြင်း မရှိသေးကြောင်း မတ် ၂၆ ရက်က သိရသည်။

“ဘဏ်အကောင့်တွေ အပိတ်ခံရတာ တစ်ပတ်လောက်တော့ရှိပြီ။ အစိုးရကို တင်ပြထားတာ လောလောဆယ်တော့ မရှိသေးဘူး။ တင်ပြဖို့က အခုက ဘယ်လိုဖြစ်နေလဲဆိုတော့ ဘဏ်အကောင့် အပိတ်ခံရတဲ့ သူတွေက အဓိကအားဖြင့် ငွေလွှဲသမားတွေ ဖြစ်နေတယ်။ အဲဒီကျတော့ ငွေလွှဲသမားတွေဆိုတာ ငွေဖြူလည်း ၀င်ချင်ဝင်မယ်။ ငွေမည်းလည်း ၀င်ချင်ဝင်မယ်။ ကိုယ်က လိုက်စစ်လို့ မရနိုင်ဘူးလေ။ ပြီးရင် ကျွန်တော်တို့ လုပ်နေတဲ့ လုပ်ငန်းတွေ ဆန်စပါးလုပ်ငန်း၊ သကြားဖြစ်ဖြစ်၊ ပြောင်းဖြစ်ဖြစ် များသောအားဖြင့် ကိုယ့်ဘက်က Formal ဖြစ်ပေမယ့် သူတို့ဘက်က Informal ဖြစ်နေတော့ ပိတ်တဲ့ဟာက လောင်းကစားအတွက် ပိတ်တာလား၊ မှောင်ခိုအတွက် ပိတ်တာလား ခွဲခြားမရဘူး ဖြစ်နေတယ်” ဟု မြန်မာ-တရုတ်နယ်စပ်မှ ကုန်သည်တစ်ဦးက ပြောကြားသည်။

မြန်မာ-တရုတ်နယ်စပ်တွင် ယခုကဲ့သို့ ဘဏ်အကောင့် အပိတ်ခံရမှု ပြဿနာများ မကြာခဏ ဖြစ်ပွားနေပြီး မြန်မာ-တရုတ် နယ်စပ်တွင် တရားဝင်ကုန်သွယ်နိုင်မှသာလျှင် ယင်းပြဿနာများ ကင်းလွတ်နိုင်မည် ဖြစ်ကြောင်း သိရသည်။ ၂၀၁၇ ခုနှစ် နှစ်လယ်ခန့်က အွန်လိုင်းလောင်းကစားမှုကို စစ်ဆေးရန် တရုတ်နိုင်ငံမှ ပိတ်ထားသည့် ဘဏ်အကောင့် ၃၄၉ခုအနက် မြန်မာနိုင်ငံသားပိုင် ဘဏ်အကောင့် ၁၃၂ ခုပါဝင်ခဲ့ကာ နှစ်နိုင်ငံ ညှိနှိုင်းဆောင်ရွက်မှုများ ပြုလုပ်ပြီးနောက် အကောင့်များ ပြန်လည်ဖွင့်လှစ်နိုင်ခဲ့သည်။

“အရင်ကဖြစ်တဲ့ ပြဿနာတွေမှာ များသောအားဖြင့် အကုန်လုံးပြန်ပွင့်တယ်။ သူတို့က သံသယရှိလို့ စစ်ဆေးတဲ့ သဘောပဲ။ ဥပမာ အကောင့်  ၅၀ လောက်ပိတ်မယ်ဆိုရင် နှစ်ခုလောက်ပဲ ပြန်မပွင့်တာ။ ကျန်တာတွေက ခြောက်လ၊ တစ်နှစ်ဆိုရင် အကုန်ပြန်ပွင့်တာ။ အခုအပိတ်ခံရတဲ့အထဲမှာ သကြားသမား၊ ဆန်သမားတွေပါတယ်” ဟု ဆန်စပါးကုန်စည်ဒိုင် (မူဆယ်) မှ တာဝန်ရှိသူတစ်ဦးက ပြောကြားသည်။

လက်ရှိတွင်မူ ဘဏ်စာရင်းအပိတ်ခံရသည့် စာရင်းကို အတိအကျ သိရှိရမှု မရှိသေးကြောင်း ဆန်စပါး ကုန်စည်ဒိုင် (မူဆယ်) မှ သိရသည်။

“တင်ပြလာခဲ့မယ်ဆိုရင် နှစ်နိုင်ငံညှိနှိုင်း ဆောင်ရွက်သွားမယ်။ အောက်ခြေမှာ အချင်းချင်း ညှိနှိုင်းဆောင်ရွက်တာ ရှိသလို တစ်ဖက်ကလည်း သံတမန်နည်းလမ်းအရ ဆောင်ရွက်သွားမယ်။ ငွေကြေးလဲလှယ်တဲ့ ကိစ္စဆိုရင် တစ်မျိုးပေါ့။ ကုန်သွယ်မှုနဲ့ဆိုင်တဲ့ ကိစ္စဆိုရင် ကျွန်တော်တို့ဘက်က ညှိနှိုင်းပေးရမှာ ဖြစ်ပါတယ်။ ဒါကြောင့်မို့ အခုကိစ္စက ဘာကြောင့် ဖြစ်တယ်ဆိုတာ တင်ပြလာတာတွေရှိရင် ကျွန်တော်တို့က ဆောင်ရွက်ပေးရမှာ ဖြစ်ပါတယ်။ လက်ရှိအချိန်အထိတော့ ကျွန်တော်တို့ဆီ တင်ပြလာတာ မရှိသေးပါဘူး” ဟု စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ လက်ထောက်အတွင်းဝန် ဦးခင်မောင်လွင်က ပြောကြားသည်။

လက်ရှိတွင် မြန်မာ-တရုတ်နယ်စပ်၌ ဆန်အရောင်းအ၀ယ် အေးနေပြီး မူဆယ်သို့ တစ်နေ့လျှင် ဆန်တန်ချိန် ၂၀၀၀ နှင့် ၃၀၀၀ ကြား ကုန်အ၀င် ရှိသော်လည်း တရုတ်ဘက်သို့ ရောင်းချရာတွင် ဈေးအေးနေကြောင်း သိရသည်။

“နွေစပါးအသစ်တွေ ပေါ်လာတာက တစ်ကြောင်း၊ သူတို့ရဲ့ လိုအပ်ချက်အရရောပေါ့။ အခုဈေးလျှော့ ၀ယ်နေတာ။ အရင်တုန်းက ၁၅၅ ယွမ်လောက် ရောင်းရတဲ့ဆန်က အခု ယွမ် ၁၅၀ လောက်ပဲ ရှိတော့တယ်။ ငါးယွမ်၊ ခြောက်ယွမ်၊ ခုနစ်ယွမ်လောက် ဈေးကျသွားတယ်။ ဆန်သားအပေါ် မူတည်ပြီး ဈေးချဝယ်တာဆိုတော့ တစ်အိတ်ကို ကျပ် ၁၀၀၀ လောက် ဈေးကျတယ်” ဟု မူဆယ်နယ်စပ်မှ ဆန်ကုန်သည်တစ်ဦးက ပြောကြားသည်။

မြန်မာနိုင်ငံနှင့် တရုတ်နိုင်ငံတို့အကြား ကုန်သွယ်မှုမှာ နှစ်စဉ်ဒေါ်လာ ၁၀ ဘီလျံခန့်ရှိပြီး စုစုပေါင်း ကုန်သွယ်မှု ပမာဏ၏ ရာခိုင်နှုန်း ၃၀ ခန့်ရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

 

မြ၀တီ ဆိုင်ကယ်ဈေးကွက်တွင် ယခင်နှစ် ကာလတူထက် တစ်စီးလျှင် ကျပ်သုံးသိန်းခန့် မြင့်တက်လာပြီး ပြည်တွင်းသို့ တင်သွင်းမှုကျဆင်း

ထိုင်းနိုင်ငံမှ ကုန်တင်ကားဖြင့် တရားဝင် တင်သွင်းလာသည့် ဆိုင်ကယ်များကို တွေ့ရစဉ်

ကမ္ဘာ့ငွေကြေးဈေးကွက်တွင် ဒေါ်လာဈေးနှင့်အပြိုင် ထိုင်းဘတ်ငွေဈေး မြင့်တက်လာခြင်းကြောင့် မြ၀တီနယ်စပ် ဆိုင်ကယ်ဈေးကွက် ရပ်ဝန်းတွင် ယခင်နှစ် ကာလတူထက် ဆိုင်ကယ်တစ်စီးလျှင် ကျပ်သုံးသိန်း ၀န်းကျင်ခန့်အထိ မြင့်တက်လာပြီး ယခုနှစ်ဒေသတွင်း အရောင်းအ၀ယ် ကျဆင်းသလို ပြည်တွင်းသို့ တင်ပို့မှုမှာလည်း များစွာကျဆင်းကြောင်း မော်တော်ဆိုင်ကယ် Show Room ဖွင့်လှစ်ရောင်းချသူများထံမှ သိရသည်။

“အရင်နှစ်က ဒီလိုအချိန်မှာ ကျပ်တစ်သိန်းကို ဘတ် ၃၀၀၀ နီးပါးနဲ့ လဲရတယ်။ ဒီနှစ်ကျတော့ ၂၄၀၀ ဘတ်ပဲရတယ်။ ကျပ် ၁၀ သိန်းတန်ဖိုးရှိတဲ့ ပစ္စည်းဝယ်တိုင်း အရင်နှစ်ကထက် ကျပ်နှစ်သိန်းခွဲ အပိုဆောင်းနေရတယ်။ ဒီတော့ ဆိုင်ကယ်တစ်စီးကို ကျပ်သုံးသိန်းဝန်းကျင် မြင့်တက်သွားတဲ့အတွက် အရောင်းအ၀ယ် ကျလာသလို ပြည်တွင်းကို တင်ပို့မှုမှာလည်း ထက်ဝက်နီးပါး လျော့ကျသွားတယ်။ နယ်အမှာ နည်းသွားတာပေါ့။ အရင်နှစ်ကဆိုရင် တစ်လအနည်းဆုံး အစီး ၅၀၀ အထက် တင်သွင်းခဲ့ရပေမဲ့ ဒီနှစ် ခုလမှာ အစီး ၂၀၀ ၀န်းကျင်လောက်ပဲ တင်သွင်းနေရပါတယ်” ဟု မြ၀တီမြို့ ကြံခင်းလမ်းရှိ ဆိုင်ကယ်အရောင်းဆိုင် ပိုင်ရှင်တစ်ဦးက ပြောကြားသည်။

မြ၀တီမြို့ရှိ ဆိုင်ကယ်အရောင်းစင်တာများတွင် ထိုင်းနိုင်ငံထုတ် ဆိုင်ကယ်များ၊ ဗီယက်နမ်နိုင်ငံထုတ် ဆိုင်ကယ်များ၊ မလေးရှားနိုင်ငံထုတ် ဆိုင်ကယ်များ ရောင်းချလျက်ရှိပြီး မကြာမီကာလအတွင်း ဈေးနှုန်းချိုသာသည့် တရုတ်ဆိုင်ကယ်များကိုပါ ရောင်းချကြတော့မည်ဖြစ်ကြောင်း သိရသည်။

ထိုင်းနယ်စပ် မြ၀တီကုန်သွယ်ရေးဇုန်မှတစ်ဆင့် ပြည်တွင်းဈေးကွက်သို့ တင်သွင်းလျက်ရှိသလို တရုတ်နယ်စပ်မှ တရုတ်နိုင်ငံ လုပ်ဆိုင်ကယ်များ ပိုမိုဝင်ရောက်လျက်ရှိကြောင်း ထိုင်း၊ ဗီယက်နမ်၊ မလေးရှားနိုင်ငံထုတ် ဆိုင်ကယ်များထက် ဈေးနှုန်းသက်သာသည့် တရုတ်ဆိုင်ကယ်များကို မကြာခင် မှာယူရောင်းချတော့မည် ဖြစ်ကြောင်း ဆိုင်ကယ်အရောင်းစင်တာ ဖွင့်လှစ်ရောင်းချနေသူ တစ်ဦးက ပြောကြားသည်။

“ဒီမှာရောင်းတာတော့ ထိုင်းနိုင်ငံထုတ် ဆိုင်ကယ်၊ ဗီယက်နမ်နိုင်ငံထုတ် ဆိုင်ကယ်၊  မလေးရှားနိုင်ငံထုတ် ဆိုင်ကယ်ဆိုပြီး ပွင့်ပွင့်လင်းလင်း ပြောဆိုရောင်းချပါတယ်။ သုံးစွဲသူတွေကိုလည်း ခွဲခြားပြီး သိစေချင်ပါတယ်။ ခုတော့ လာအိုနိုင်ငံထုတ် ဆိုင်ကယ်တွေ မလာတော့ဘူး။ တရုတ်ဆိုင်ကယ်တွေ ဈေးကွက်မှာ ၀င်လာတော့မယ်” ဟု ဆိုင်ကယ် တရားဝင် ရောင်းချသူတစ်ဦးက ပြောကြားသည်။

မြ၀တီ ဆိုင်ကယ်ဈေးကွက်တွင် ထိုင်းနိုင်ငံထုတ် ဆိုင်ကယ်များဖြစ်သည့် Wave 110 ကို ကျပ် ၁၉၆၀၀၀၀ ( လိုင်စင်ပါပြီး)Wave i 125 အမျိုးအစားကို (လိုင်စင်ပါ) တစ်စီးလျှင် ကျပ် ၂၄၂၀၀၀၀၊ Dream 125 တစ်စီးလျှင် ကျပ် ၂၀၃၀၀၀၀ တို့ဖြင့် ရောင်းချလျက်ရှိပြီး ဗီယက်နမ် နိုင်ငံထုတ် Wave ဆိုင်ကယ်များအား ကျပ် ၁၁၃၀၀၀၀၊ မလေးရှားနိုင်ငံထုတ် ဆိုင်ကယ်များကို ကျပ် ၁၁ သိန်းဖြင့် ရောင်းချလျက်ရှိကြောင်း သိရသည်။

မြ၀တီနယ်စပ်မှ တရားဝင် ဆိုင်ကယ်တင်သွင်းမှုအား ခွင့်ပြုခဲ့သည်မှာ နှစ်မကြာသေးသော်လည်း သောင်ရင်းကမ်းစပ်ရှိ တရားမ၀င် ရောင်းချတင်ပို့သည့် ဈေးကွက်မှာ နှစ်သက်ရှည်ပြီဖြစ်ကြောင်း ဆိုင်ကယ် ၀ယ်ရောင်းလုပ်သူ တစ်ဦးက ပြောကြားသည်။

ပြည်တွင်းသို့ အများဆုံးတင်သွင်းသည့် ဆိုင်ကယ်များမှာ ကျပ် ၁၉၈၅၀၀၀ တန်ဖိုးရှိ Click 125 ဆိုင်ကယ်များ၊ ကျပ်သိန် ၃၀ တန်ဘိုးရှိ CBR 150 ဆိုင်ကယ်များဖြစ်ပြီး၂၀၁၇ ခုနှစ် အောက်တိုဘာလထုတ် မော်ဒယ်များ ဖြစ်ကြောင်း သိရသည်။

 

မူဆယ်နယ်စပ်မှ တရုတ်နိုင်ငံသို့ တင်ပို့မည့် ဖရဲသီးတန်ချိန်မှာ ယမန်နှစ်ထက် ပိုများမည်ဟု ခန့်မှန်းထား

မူဆယ် ၁၀၅ မိုင် သစ်သီးကုန်စည်ဒိုင်တွင် ဖရဲသီးတင်ကားများအား တွေ့ရစဉ်

တရုတ်မြန်မာနယ်စပ်ရှိ မူဆယ်မှတစ်ဆင့် တရုတ်နိုင်ငံအတွင်းသို့ တင်တွင်းမည့် ဖရဲသီးတန်ချိန်မှာ ၂၀၁၅ -၂၀၁၆ ခုနှစ်ထက် ယခုနှစ်သည် ဖရဲသီးတင်ပို့လာမည့် တန်ချိန်မှ များပြားလာမည်ဟု ခန့်မှန်းထားကြောင်း မူဆယ် ၁၀၅ မိုင် သစ်သီးကုန်စည်ဒိုင်မှ သစ်သီးကုန်သည် တစ်ဦးက ပြောကြားသည်။

လက်ရှိတွင် ၁၀၅ မိုင် သစ်သီးကုန်စည်ဒိုင်သို့ တစ်နေ့လျှင် ဖရဲသီးတင်ကား ၂၀၀ နီးပါး ပုံမှန်ဝင်ရောက်ကာ အရောင်းအ၀ယ် ဖြစ်နေပြီး တစ်ခါတစ်ရံတွင် ဖရဲသီးတင်ကား အစီး ၅၀၀၊ ၆၀၀ ၀င်ရောက်ကာ အရောင်း အ၀ယ် ဖြစ်နေကြောင်း၊ ပြီးခဲ့တဲ့နှစ်က  တရုတ် -မြန်မာနယ်စပ်ရှိ မူဆယ်မှတစ်ဆင့် တရုတ်နိုင်ငံအတွင်းသို့ တင်တွင်းမည့်ဖရဲသီးတန်ချိန် ငါးသိန်းကျော် တင်ပို့ရပြီ၊ ယခုနှစ်တွင်  မနှစ် ကထက်ပိုကာ တန်ချိန် ခြောက်သိန်းအထက် ပို့ရမည်ဟု ခန့်မှန်းထားကြောင်း မူဆယ် ၁၀၅ မိုင် သစ်သီးကုန်စည်ဒိုင်မှ သစ်သီးကုန်သည် တစ်ဦးက ပြောကြားသည်။

“တစ်နေ့ ကားအစီး ၂၀၀ ပတ်ဝန်းကျင်လောက် အရောင်းအ၀ယ် ဖြစ်နေပါတယ်။ တကယ်များတဲ့အချိန်ဆို အစီး ၅၀၀၊ ၆၀၀ လည်းဖြစ်ပါတယ်။ ပြီးခဲ့တဲ့နှစ်က တန်ချိန် ငါးသိန်းကျော်ပို့ရတယ်။ ဒီနှစ်ကတော့ မနှစ်ကထက် ပိုမယ်လို့ ကျွန်တော်တို့တွက်တယ်။ တန်ချိန်ခြောက်သိန်းအထက်တော့ ရောက်မယ်လို့ တွက်တယ်။ ဖရဲသီးကလည်း စိုက်နှုန်းက တအားများတယ်။ မြန်မာတစ်နိုင်ငံလုံးလည်း   ဖရဲသီးထွက်နှုန်း များတဲ့အခါကျတော့ အရောင်းအ၀ယ်ကောင်းတယ်။ အရောင်းအ၀ယ်က သူ့ရောက်သလောက်လည်း ရောင်းလို့ရတာပဲ။ ဒါပေမဲ့ ဈေးမမြင့်တာပဲ ရှိတာပေါ့။ ရောင်းလိုအား သိပ်များနေတဲ့ အခါကျတော့ ဈေးမြင့်ကြီး ဖြစ်ဖို့တော့ မလွယ်သေးဘူး” ဟု ၎င်းက ပြောကြားသည်။

လက်ရှိတွင် အစေ့မဲ့ဖရဲ၊ အ၀ိုင်းကြား (ထဲန်ဝမ်) ဖရဲသီးတို့သည့် အရည်အသွေး ကောင်းမွန်ပါက တစ်ကီလိုလျှင် တရုတ်ငွေ သုံးယွမ်မှ လေးယွမ်ကြားရှိပြီး အကြားသီး ၈၅၅ တစ်ကီလိုလျှင် တရုတ်ငွေ နှစ်ယွမ်၊ နှစ်ယွမ်ကျော်ကြား အရောင်းအ၀ယ်ဖြစ်နေပြီး တရုတ်ကုန်သည်များက ဖရဲသီးအရည်အသွေး ကောင်းကိုသာ ရွေးချယ်ဝယ်ယူ နေကြကြောင်း ဖရဲကုန်သည်များက ပြောကြားသည်။

“ဖရဲသီးက သိသာသွားတာ အရည်အသွေးမြင့်တဲ့ ဖရဲသီးသာ ဈေးကောင်းရသွားပြီးတော့ အရည်အသွေး အလယ်၊ အလတ်၊ အသင့်ဆိုရင် အရည်အသွေး ကောင်းတာနဲ့ကျ တော်တော်လေးကွာသွားပြီ အရင်တုန်းက တစ်ကျော့၊ နှစ်ကျော့ကွာတာ ခု ငါးကျော့ အချပ်လောက် ကွာသွားတဲ့ အနေအထားမျိုး ဖြစ်သွားပြီး ခုကတော့ သိသာလာတာက အရည်အသွေး ကောင်းမှာကို ဖြစ်တော့မယ့် အနေအထားပေါ့။ အသီးကောင်းတယ်ဆို အကြားသီးက နှစ်ကျပ်ပတ်ဝန်းကျင် စွန်းတဲ့ဟာလည်း နည်းနည်းရှိတယ်ပေါ့။ ဒါပေမဲ့ အဲဒါတွေက အရမ်းလှတဲ့ဟာတွေ၊ တစ်တန်မှ အလုံး ၇၀ လောက်ပေါ့။ အစေ့မဲ့ ဖရဲတို့ ထဲန်ဝမ်ဆိုတဲ့ ဖရဲတို့ အဲဒါတွေက အရည်အသွေး ကောင်းရင်တော့ သုံးယွမ်နဲ့ လေးယွမ်ကြားမှာ ရှိတာပေါ့” ဟု မူဆယ် ၁၀၅ မိုင် သစ်သီးကုန်စည်ဒိုင်မှ သစ်သီးကုန်သည် တစ်ဦးက ပြောကြားသည်။

 

ကုန်သွယ်မှုနှင့် လမ်းပန်းဆက်သွယ်မှု အချက်အချာမြို့များတွင် အုပ်ချုပ်ထောက်ပံ့မှုဆိုင်ရာ ရင်းနှီးမြှုပ်နှံမှုလုပ်ငန်းများ၌ နိုင်ငံသား၊ နိုင်ငံခြားသားများ ရင်းနှီးမြှုပ်နှံရန် ဖိတ်ခေါ်

ကုန်သွယ်မှုနှင့် လမ်းပန်းဆက်သွယ်မှု အချက်အချာကျသော မြို့ကြီးများတွင် အုပ်ချုပ်ထောက်ပံ့မှုဆိုင်ရာ ရင်းနှီးမြှုပ်နှံမှုလုပ်ငန်းများ၌  နိုင်ငံသား၊ နိုင်ငံခြားသားများ ရင်းနှီးမြှုပ်နှံမှုပြုရန် မြန်မာနိုင်ငံရင်းနှီးမြှုပ်နှံမှု ကော်မရှင်က ဖိတ်ခေါ်ထားကြောင်း သိရသည်။

အုပ်ချုပ်ထောက်ပံ့မှုဆိုင်ရာ ရင်းနှီးမြှုပ်နှံမှု လုပ်ငန်းများဖြစ်သည့် ကုန်းတွင်းဆိပ်ကမ်းလုပ်ငန်းများ၊  အာမခံကုန်လှောင်ရုံ (Bonded Ware – house) လုပ်ငန်းများ၊ အဝေးပြေးယာဉ်၊ ကုန်တင်ယာဉ်ရပ်နားစခန်းများ၊ ကုန်သွယ်မှု အထောက်အကူပြုသိုလှောင်ရုံ၊ လက်ကားရောင်းဝယ်ရေး အထောက်အကူပြု အခြေခံ အဆောက်အအုံလုပ်ငန်းများတွင် နိုင်ငံသား၊ နိုင်ငံခြားသားများအနေဖြင့် ရင်းနှီးမြှုပ်နှံမှုပြုကြရန် မြန်မာနိုင်ငံရင်းနှီးမြှုပ်နှံမှုကော်မရှင်က ဖိတ်ခေါ်ခဲ့ခြင်း ဖြစ်သည်။

အဆိုပါ ရင်းနှီးမြှုပ်နှံမှုလုပ်ငန်းများတွင် ရင်းနှီးမြှုပ်နှံရန် စိတ်ဝင်စားသည့် နိုင်ငံသား၊ နိုင်ငံခြား ရင်းနှီးမြှုပ်နှံသူများအနေဖြင့် မြန်မာနိုင်ငံ ရင်းနှီးမြှုပ်နှံမှုကော်မရှင်သို့ ဆက်သွယ်စုံစမ်းနိုင်ပြီး လက်ဝယ်တွင် မြေပိုင်ဆိုင်မှုရှိပြီး သူများအနေဖြင့် မြန်မာနိုင်ငံရင်းနှီးမြှုပ်နှံမှု ကော်မရှင်သို့ အဆိုပြုလွှာများအမြန်ဆုံး တင်ပြနိုင်ကြောင်း အသိပေးကြော်ငြာထားသည်။ အဆိုပါရင်းနှီးမြှုပ်နှံမှုလုပ်ငန်းများတွင် ရင်းနှီးမြှုပ်နှံမှုပြုရန် စိတ်ဝင်စားသူများအနေဖြင့် ရန်ကုန်မြို့ ရန်ကင်းမြို့နယ်ရှိ မြန်မာနိုင်ငံရင်းနှီးမြှုပ်နှံမှုကော်မရှင်နှင့် ရင်းနှီးမြှုပ်နှံမှုဌာနခွဲ(၄)သို့ ဆက်သွယ်နိုင်ကြောင်း သိရသည်။

မြန်မာနိုင်ငံရင်းနှီးမြှုပ်နှံမှုကော်မရှင်က သွင်းကုန်အစားထိုးလုပ်ငန်းများ ရင်းနှီးမြှုပ်နှံရန် ဖိတ်ခေါ်ခဲ့ပြီး လုပ်ငန်းဆောင်ရွက်ခွင့်ရရှိရေး၊ လုပ်ငန်းအတွက် မြေနေရာနှင့် လျှပ်စစ်မီးရရှိရေးတို့အတွက် ကူညီဆောင်ရွက်ပေးမည်ဟု ယခုလအတွင်းက ထုတ်ပြန်ကြေညာခဲ့သည်။

အဆိုပါ သွင်းကုန်အစားထိုးလုပ်ငန်းများအဖြစ် သတ်မှတ်ထားသောလုပ်ငန်းများမှာ မော်တော်ယာဉ်နှင့် မော်တော်ယာဉ် ဆက်စပ်ပစ္စည်း ထုတ်လုပ်ခြင်းလုပ်ငန်း၊ လယ်ထွန်စက်နှင့် လယ်ယာနောက်တွဲယာဉ်များ ထုတ်လုပ်ခြင်းလုပ်ငန်း၊ တယ်လီဖုန်းနှင့် ဆက်သွယ်ရေးပစ္စည်း ကိရိယာများထုတ်လုပ်ခြင်းလုပ်ငန်း၊ စက်နှင့်စက်ပစ္စည်းများ ထုတ်လုပ်ခြင်းလုပ်ငန်း၊ လျှပ်စစ်ဓာတ်အား ဖြန့်ဖြူးရေးနှင့် တပ်ဆင်ရေးပစ္စည်းများ ထုတ်လုပ်ခြင်းလုပ်ငန်း၊ သံနှင့် သံမဏိ ဆောက် လုပ်ရေးပစ္စည်းများ ထုတ်လုပ်ခြင်းလုပ်ငန်း၊ ဓာတ်မြေသြဇာထုတ်လုပ်ခြင်းလုပ်ငန်း၊ ပလတ်စတစ် ကုန်ကြမ်းပစ္စည်းများထုတ်လုပ်ခြင်း လုပ်ငန်း၊ စက္ကူများထုတ်လုပ်ခြင်းလုပ်ငန်း၊ ဓာတုဗေဒချည်ခင်များ ထုတ်လုပ်ခြင်းလုပ်ငန်း၊ စားသုံးဆီထုတ်လုပ်ခြင်းလုပ်ငန်း၊ ဆေးဝါးပစ္စည်းများ ထုတ်လုပ်ခြင်းလုပ်ငန်းနှင့် အလှကုန်ပစ္စည်းများ ထုတ်လုပ်ခြင်းလုပ်ငန်းတို့ဖြစ်ကြောင်း သိရသည်။

မြ၀တီနယ်စပ်စခန်းမှ ဧပြီ ၁ ရက်မှ ဒီဇင်ဘာ ၁၅ ရက်ထိ အမေရိကန်ဒေါ်လာ ၆၁၂ ဒသမ ၂၅၅ သန်း ကုန်သွယ်နိုင်ခဲ့သော်လည်း ယခင်နှစ်ကာလတူထက် အမေရိကန်ဒေါ်လာ ၂၈ ဒသမ ၆၈၁ သန်း ကုန်သွယ်မှုလျော့ကျ

စက်ယန္တရားများနှင့် လယ်ယာသုံး စက်ပစ္စည်းများကို မြ၀တီနယ်စပ်မှ ပုံမှန်တင်သွင်းလျက်ရှိစဉ်

ထိုင်းနိုင်ငံနှင့် ထိစပ်နေသော နယ်စပ်ကုန်သွယ်ရေး စခန်းများအနက် ကုန်သွယ်မှု အများဆုံးဖြစ်သော မြ၀တီနယ်စပ်စခန်းမှ ယခုဘဏ္ဍာနှစ်သစ် ကုန်သွယ်မှုပမာဏမှာ ဧပြီ ၁ ရက်မှ ဒီဇင်ဘာ ၁၅ ရက်အထိ အမေရိကန်ဒေါ်လာ ၆၁၂ ဒသမ ၂၅၅ သန်း ကုန်သွယ်နိုင်ခဲ့သော်လည်း ယခင်နှစ် ကာလတူထက် အမေရိကန်ဒေါ်လာ ၂၈ ဒသမ ၆၈၁ သန်း ကုန်သွယ်မှု လျော့ကျနေကြောင်း စီးပွားရေးနှင့် ကူသန်းရောင်းဝယ်ရေးဌာနမှ ထုတ်ပြန်သည့် စာရင်းများအရ သိရသည်။

ထိုင်းနိုင်ငံမှ ယခုနှစ် တရားဝင်ကုန်သွယ်မှုမှာ ယခင်နှစ်ကထက် လျော့ကျနေသော်လည်း လာမည့် အမှတ် (၂) ချစ်ကြည်ရေး ကုန်သွယ်မှုတံတား ဖွင့်လှစ်နိုင်ချိန်တွင် ယခုထက်သုံးဆ ကုန်သွယ်မှု မြင့်တက်လာနိုင်သည်ဟု ထိုင်းနိုင်ငံ ကုန်သည်လုပ်ငန်းရှင်များက သုံးသပ်ထားကြောင်း သိရသည်။

ယခင် ၂၀၁၆-၂၀၁၇ ဘဏ္ဍာနှစ် ဧပြီ ၁ ရက်မှ ဒီဇင်ဘာ ၁၅ ရက်အထိ ပြည်တွင်းသို့ ထိုင်းကုန်ပစ္စည်း တင်သွင်းမှုမှာ ၆၀၁ ဒသမ ၁၁၀ သန်းရှိပြီး ထိုင်းနိုင်ငံဘက်သို့ ပြည်တွင်း ထွက်ကုန်ပစ္စည်းများ တင်ပို့မှုမှာ အမေရိကန်ဒေါ်လာ ၃၉ ဒသမ ၈၂၆ သန်းရှိခဲ့ပြီး စုစုပေါင်း အမေရိကန်ဒေါ်လာ ၆၄၀ ဒသမ ၉၃၆ သန်း ကုန်သွယ်နိုင်ခဲ့ကြောင်း သိရသည်။

ယခု ၂၀၁၇-၂၀၁၈ ဘဏ္ဍာနှစ်တွင် ပြည်တွင်းဈေးကွက်သို့ ထိုင်းနိုင်ငံဘက်မှ တရားဝင်တင်သွင်းသည့် ကုန်သွယ်မှုပမာဏမှာ ယခင်နှစ်ကာလတူကထက် လျော့ကျခဲ့ပြီး  အမေရိကန်ဒေါ်လာ ၅၅၆ ဒသမ ၁၁၀ သန်း ကုန်သွယ်နိုင်ခဲ့သည်။ ထို့ပြင် ထိုင်းနိုင်ငံဘက်သို့ မြန်မာ့ထွက်ကုန်တင်ပို့မှုမှာ ယခင်နှစ်ကာလတူထက် မြင့်တက်ခဲ့ကာ အမေရိကန်ဒေါ်လာ ၅၆ ဒသမ ၁၄၅ သန်း ကုန်သွယ်နိုင်ခဲ့၍ ဒီဇင်ဘာ ၁၅ ရက်အထိ အမေရိကန်ဒေါ်လာ ၆၁၂ ဒသမ ၂၅၅ သန်းသာ ကုန်သွယ်နိုင်သေးကြောင်း သိရသည်။

မြ၀တီ ဒေါနတောင်ကျော် အာရှလမ်းသစ် ဖွင့်လှစ်ပြီးနောက် ထိုင်းကုန်ပစ္စည်းများ ကုန်သွယ်မှု တစ်ဟုန်ထိုး မြင့်တက်လာခဲ့သော်လည်း  ယခုနှစ် ဘဏ္ဍာနှစ်သစ်တွင် ယခင်နှစ်ကထက် ပို့ကုန်တင်ပို့မှု မြင့်တက်ခဲ့ကာ ထိုင်းကုန်ပစ္စည်း တင်သွင်းမှုမှာ လျော့ကျလာခဲ့ခြင်း ဖြစ်ကြောင်း သိရသည်။

ယခုကဲ့သို့ သွင်းကုန်တင်သွင်းမှု လျော့ ကျနေခြင်းမှာ နယ်စပ်မှ တရားဝင် မော်တော်ယာဉ်တင်သွင်းမှု ရပ်ဆိုင်လာခြင်းနှင့် နွေရာသီ ဇုန်ရှောင်ကွင်းလမ်းနှစ်သွယ်မှ ကုန်သွယ်မှု များပြားလာခြင်းကြောင့်လည်း ဖြစ်သည်ဟု နယ်စပ်ကုန်သည်များက ခန့်မှန်းကြသည်။ တစ်ဖက်နိုင်ငံသို့ ပို့ကုန်တင်ပို့မှုမှာ ယခင်နှစ်ကထက်  မြင့်တက်လာသော်လည်း ထိုင်းကုန်ပစ္စည်းများ တင်သွင်းမှုထက် ၉ ဒသမ ၉ ဆကျော် လျော့နည်းနေဆဲ ဖြစ်သည်။

မြ၀တီနယ်စပ်မှ မော်တော်ယာဉ်တင်သွင်းမှု လုံးဝရပ်ဆိုင်လာနိုင်သည့် အခြေအနေ ရှိသော်လည်း စက်ယန္တရားများ၊ လယ်ယာသုံးပစ္စည်းများကို ပုံမှန်တင်သွင်းလျက်ရှိသည်။

ထိုင်းနိုင်ငံထုတ် စားသောက်ကုန်၊ အလှကုန်၊ လူသုံးကုန်နှင့် စက်သုံးဆီများ၊ ဓာတ်ငွေ့ရည်များ၊ မော်တော်ဆိုင်ကယ်များ တင်သွင်းလျက်ရှိသလို လယ်ယာလုပ်ငန်းခွင်သုံး ဓာတ်မြေသြဇာများ၊ သံ၊ သွပ်၊ ဘိလပ်မြေနှင့် အိမ်ဆောက်ပစ္စည်းများ၊ သကြားများကို Re Export အဖြစ် မြ၀တီနယ်စပ်မှတစ်ဆင့် တရုတ်ဈေးကွက်သို့ တင်ပို့လျက်ရှိသည်။

ထိုင်းနိုင်ငံသို့ ပို့ကုန်များမှာ ရေထွက်ကုန်များဖြစ်သော ငါး၊ ပုစွန်၊ ကဏန်းများနှင့် လယ်ယာထွက်ကုန်၊ ကြက်သွန်၊ နှမ်း၊ နနွင်းနှင့် ပရဆေးများ တင်ပို့လျက်ရှိသည်။ မြန်မာသစ်များကို တရားဝင်တင်ပို့ခွင့် မရှိသော်လည်း တရားမ၀င် တင်ပို့မှုအဖြစ် သောင်ရင်းမြစ်ဖြတ်ကျော် ဂိတ်များမှ ကူးလူးလျက်ရှိသည်။

ထို့ပြင် နယ်စပ်ဂိတ်စခန်း ၁၆ ခုမှ ပို့ကုန်တင်ပို့မှုမှာ သွင်းကုန်ထက် များပြားပြီး အမေရိကန်ဒေါ်လာ ၃၄၄၅ ဒသမ ၂၈၂ သန်းဖိုး တင်ပို့ခဲ့သလို သွင်းကုန်မှာ အမေရိကန်ဒေါ် လာ ၁၉၄၄ ဒသမ ၉၇၅ သန်းဖိုး တင်သွင်းခဲ့သည့်အတွက် ယခုဘဏ္ဍာနှစ် ဧပြီ ၁ ရက်မှ ဒီဇင်ဘာ ၁၅ ရက်အထိ အမေရိကန်ဒေါ်လာ ၅၃၉၀ ဒသမ ၂၅၇ သန်း ကုန်သွယ်နိုင်ခဲ့သလို ယခင်နှစ် ကာလတူထက် အမေရိကန်ဒေါ်လာ ၈၄ ဒသမ ၅၁၁ သန်း ပိုမိုကုန်သွယ်ထားကြောင်း သိရသည်။

လက်ရှိ ဘဏ္ဍာနှစ်ဝက်အတွင်း မြန်မာ-တရုတ် ကုန်သွယ်မှုပမာဏ ဒေါ်လာငါးဘီလျံကျော်ရှိပြီး ပို့ကုန်တင်ပို့မှုထက် သွင်းကုန်တင်သွင်းမှု များပြားခဲ့

မြန်မာ-တရုတ်နယ်စပ်၏ အဓိက ကုန်သွယ်ရေး စခန်းဖြစ်သော မူဆယ်နယ်စပ် ကုန်သွယ်ရေးစခန်း တစ်နေရာကို တွေ့ရစဉ်

လက်ရှိဘဏ္ဍာနှစ်ဝက်(ဧပြီမှ စက်တင်ဘာလ) အတွင်း မြန်မာ- တရုတ် ကုန်သွယ်မှုပမာဏ ဒေါ်လာ ငါးဘီလျံကျော်ရှိပြီး တရုတ်ဘက်သို့ ပို့ကုန်တင်ပို့မှုထက် တရုတ်ဘက်မှ သွင်းကုန်တင်သွင်းမှု များပြားခဲ့ကြောင်း စီမံကိန်းနှင့် ဘဏ္ဍာရေး ၀န်ကြီးဌာနမှ ထုတ်ပြန်သည့် မြန်မာနိုင်ငံ ပို့ကုန်/သွင်းကုန် အခြေအနေများအရ သိရသည်။

၂၀၁၇-၂၀၁၈ ဘဏ္ဍာနှစ် ဧပြီမှ စက်တင်ဘာလအထိ မြန်မာ-တရုတ် ကုန်သွယ်မှု ပမာဏမှာ ဒေါ်လာ ၅၅၃၇ ဒသမ ၃၃ သန်းရှိပြီး ယင်းပမာဏတွင် ပို့ကုန်တန်ဖိုးဒေါ်လာ ၂၄၇၂ ဒသမ ၉၇ သန်း၊ သွင်းကုန်တန်ဖိုး ဒေါ်လာ ၃၀၆၄ ဒသမ ၃၆ သန်း ပါဝင်ကြောင်း သိရသည်။

ပြီးခဲ့သည့် ၂၀၁၆-၂၀၁၇ ဘဏ္ဍာနှစ် တွင်  မြန်မာ -တရုတ် ကုန်သွယ်မှုပမာဏ ဒေါ်လာ ၁၀၄၉၆ ဒသမ ၄၅ သန်းရှိပြီး ပို့ ကုန်တန်ဖိုး ဒေါ်လာ ၄၇၆၄ ဒသ မ ၉၅ သန်း၊ သွင်းကုန်တန်ဖိုးဒေါ် လာ ၅၇၃၁ ဒသမ ၅၀ သန်းပါဝင်ကြောင်း သိရသည်။

ယင်းဘဏ္ဍာနှစ်တွင် မြန်မာနိုင်ငံမှ တရုတ်ဘက်သို့ ဆန်၊ ငါး၊ သစ်၊ ပဲ၊ နှမ်း၊ ချုပ် ပြီးအထည်များ၊ အခြား ရေထွက်ကုန်များ၊ ရော်ဘာ၊ သတ္တုတွင်းထွက်များ အပါအ၀င် အခြားပို့ကုန်များကို တင်ပို့ခဲ့ကြောင်း သိရသည်။ တရုတ်ဘက်သို့ ပို့ကုန်တင်ပို့ရာတွင် ပင်လယ်ရေကြောင်းကုန်သွယ်မှုထက် နယ် စပ်ကုန်သွယ်ရေးမှ ပိုမိုတင်ပို့ခဲ့ကြောင်း သိရသည်။

သွင်းကုန်တင်သွင်းမှု အပိုင်းတွင် တရုတ်မှ မြန်မာနိုင်ငံသို့ စက်နှင့် စက်ပစ္စည်းများ၊ လျှပ်စစ်နှင့် အီလက်ထရောနစ် ပစ္စည်းများ၊ ဓာတုပစ္စည်းများ၊ ဓာတ်မြေသြဇာ၊ ဆေးဝါးများ၊ နို့ထွက်ပစ္စည်းများ အပါအ၀င် အခြားသွင်းကုန်များကို တင်သွင်းခဲ့ခြင်းဖြစ်ကြောင်း သိရသည်။ သွင်းကုန်တင်သွင်းမှုတွင် ပင်လယ်ရေကြောင်း ကုန်သွယ်မှုမှ အများဆုံး တင်သွင်းခဲ့ကြောင်း သိရသည်။

၂၀၁၆-၂၀၁၇ ဘဏ္ဍာနှစ်တွင် မြန်မာနိုင်ငံ၏ ပြည်ပကုန်သွယ်မှုပမာဏ စုစုပေါင်းမှာ ဒေါ်လာ ၂၈၈၄၃ ဒသမ ၁၆ သန်းရှိပြီး တရုတ်နှင့် ကုန်သွယ်မှု ပမာဏမှာ ဒေါ်လာ ၁၀၄၉၆ ဒသမ ၄၅ ရှိသဖြင့် ကုန်သွယ်မှုပမာဏ စုစုပေါင်း၏ ၃၆ ဒ သမ ၃၉ ရာခိုင်နှုန်းကို တရုတ်နှင့် ကုန်သွယ်ခဲ့ခြင်းဖြစ်သည်။

မြန်မာ-တရုတ် ကုန်သွယ်မှုပမာဏ ဒေါ်လာ ၁၀ ဘီလျံကျော်တွင် ပင်လယ်ရေကြောင်း ကုန်သွယ်မှုပမာဏ ဒေါ်လာ ၄၅၀၇ ဒသမ ၈၄ သန်းနှင့် နယ်စပ်ကုန်သွယ်မှုပမာ ဏဒေါ်လာ ၅၉၈၈ ဒသမ ၆၁ သန်းပါဝင်ကြောင်း သိရသည်။

မြန်မာနိုင်ငံအနေဖြင့် တရုတ်နှင့် ကုန်သွယ်မှု ဆောင်ရွက်ရာတွင် နယ်စပ်ကုန်သွယ်ရေးမှ ကုန်သွယ်မှုပမာဏ အများဆုံး ဆောင်ရွက်နိုင်ခဲ့ကြောင်း သိရသည်။

မြန်မာ-တရုတ် နယ်စပ်ကုန်သွယ်မှု ဆောင်ရွက်ရန်အတွက် မြန်မာဘက်ခြမ်းတွင် မူဆယ်၊ လွယ်ဂျယ်၊ ကန်ပိုက်တီး၊ ကျိုင်းတုံ၊ ချင်းရွှေဟော်စသည့် နယ်စပ်ကုန်သွယ်ရေး စခန်းများ ဖွင့်လှစ်ထားကြောင်း သိရသည်။

တရုတ်နှင့် ကုန်သွယ်ရာတွင် ၂၀၁၃-၂၀၁၄ ဘဏ္ဍာနှစ်တွင် ကုန်သွယ်မှုပမာဏ ဒေါ်လာ ၇၀၁၆ ဒသမ ၂၄ သန်း၊ ၂၀၁၄-၂၀၁၅ ဘဏ္ဍာနှစ်တွင် ကုန်သွယ်မှုပမာဏ ဒေါ်လာ ၉၆၉၆ ဒသမ ၄၁ သန်း၊ ၂၀၁၅-၂၀၁၆ ဘဏ္ဍာနှစ်တွင် ကုန်သွယ်မှုပမာဏ ဒေါ်လာ ၁၀၉၉၂ ဒသမ ၀၄ သန်းရှိခဲ့ကြောင်း သိရသည်။