၂၀၁၈ ခုနှစ် ဧပြီလအထိ မြန်မာနိုင်ငံတွင် Brand New ကားသစ် ၃၇၁၅ စီးရောင်းချခဲ့ပြီး တပ်ဆင်ထုတ်လုပ်မှု အစီးရေ ၂၆၇၀ အထိရှိကာ တိုးတက်မှုနှုန်းမြင့်မားနေ

ဂျပန်အခြေစိုက် Mazda ၏ အရောင်းမြှင့်တင်ရေး အခမ်းအနားတစ်ခုကို တွေ့ရစဉ်

၂၀၁၈ ခုနှစ် ဧပြီလအထိ မြန်မာနိုင်ငံတွင် Brand New ကားသစ်စီးရေ ၃၇၁၅ စီး ရောင်းချနိုင်ခဲ့ပြီး ယခင်နှစ်ကာလတူထက် ၉၃ ရာခိုင်နှုန်းကျော် များပြားခဲ့ကာ အာဆီယံနိုင်ငံများအနက် တိုးတက်မှုနှုန်းအမြင့်ဆုံး ဖြစ်နေကြောင်း ASEAN Automotive Federation မှ သိရသည်။

၂၀၁၈ ခုနှစ် ဧပြီလကုန်အထိ အာဆီယံနိုင်ငံများအလိုက် ကားသစ်ရောင်းချမှု ပမာဏမှာ အင်ဒိုနီးရှားတွင် ၃၉၄၄၂၁ စီး၊ ထိုင်းတွင် ၃၁၆၂၉၉ စီး၊ မလေးရှားတွင် ၁၈၂၂၂၉ စီး၊ ဖိလစ်ပိုင်တွင် ၁၁၁၆၂၀ စီး၊ ဗီယက်နမ်တွင် ၈၀၆၈၁ စီး၊ စင်ကာပူတွင် ၂၈၀၂၅ စီး၊ မြန်မာတွင် ၃၇၁၅ စီး၊ ဘရူနိုင်းတွင် ၃၅၇၁ စီးဖြစ်သည်။

၂၀၁၇ ခုနှစ်အတွင်း မြန်မာနိုင်ငံတွင် Brand New ကားသစ်စီးရေ ၈၂၂၅ စီး ရောင်းချနိုင်ခဲ့ပြီး ၂၀၁၆ ခုနှစ်ကထက် ၉၇ ရာခိုင်နှုန်းကျော်များပြားခဲ့သည်။ လက်ရှိ ၂၀၁၈ ခုနှစ်တွင်လည်း ၂၀၁၇ ခုနှစ်ကာလတူထက်  ပိုမိုရောင်းချခဲ့ရသည်။ ၂၀၁၈ ဇန်န၀ါရီတွင် ၈၉၁ စီး၊ ဖေဖော်ဝါရီတွင် ၁၀၇၉ စီး၊ မတ်တွင် ၂၉၆၂ စီး၊ ဧပြီတွင် ၃၇၁၅ စီး ရောင်းချနိုင်ခဲ့ပြီး ယခင်နှစ်ကာလတူထက် ၁၇၉၇  စီး ပိုမိုရောင်းနိုင်ခဲ့ကာ တိုးတက်မှုနှုန်း ၉၃ ဒသမ ၇ ရာခိုင်နှုန်းအထိဖြစ်ပေါ်ခဲ့သည်။

၂၀၁၆ ခုနှစ်တွင် မြန်မာနိုင်ငံအတွင်း ကားသစ်စီးရေ ၄,၁၆၈ စီး ရောင်းချခဲ့ရပြီး ၂၀၁၇ ခုနှစ်အတွင်း မြန်မာအစိုးရ၏ ကားတင်သွင်းမှုဆိုင်ရာမူဝါဒ အပြောင်းအလဲကြောင့် ကားသစ်စီးရေ ၈,၂၀၀ ကျော်အထိ ရောင်းချခဲ့ရခြင်းဖြစ်သည်။ ကားသစ်များ ရောင်းချမှုနှင့် ထုတ်လုပ်မှုများအတွက် မြန်မာဈေးကွက်သည် ထွန်းသစ်စဈေးကွက်တစ်ခုဖြစ်လာပြီး နှစ်အလိုက်တိုးတက်မှုနှုန်း ဆက်လက်မြင့်မားမည်ဟု ခန့်မှန်းထားသည်။

ကားသစ်ရောင်းချမှုပမာဏတိုးတက်မှုနည်းတူ မြန်မာနိုင်ငံတွင် ကားသစ်ထုတ်လုပ်မှု ပမာဏတိုးတက်မှုလည်း အာဆီယံနိုင်ငံများအနက် အမြင့်ဆုံးဖြစ်နေသည်။ အာဆီယံနိုင်ငံများတွင် မြန်မာနိုင်ငံအပါအ၀င် နိုင် ငံခြောက်နိုင်ငံတွင် ကားသစ်တပ်ဆင်ထုတ်လုပ်မှုများပြုလုပ်နေပြီး အာဆီယံဒေသတစ်ခုလုံး အနေဖြင့် ၂၀၁၇ ခုနှစ်တွင် ၀ ဒသမ ၆ ရာခိုင်နှုန်းသာ တိုးတက်မှုရှိသော်လည်း မြန်မာနိုင်ငံက ရာခိုင်နှုန်း ၃၂၀ ကျော် တိုးတက် ခဲ့သည်။

၂၀၁၈ ခုနှစ် မတ်လကုန်အထိ အာဆီယံနိုင်ငံများအလိုက် ကားတပ်ဆင်ထုတ်လုပ်မှု ပမာဏမှာ ထိုင်းက ၆၇၄၄၆၉ စီး၊ အင်ဒိုနီးရှားက ၄၄၆၈၅၅ စီး၊ မလေးရှားက ၁၉၈၀၅၃ စီး၊ ဗီယက်နမ်က ၆၅၉၇၇ စီး၊ ဖိလစ်ပိုင်က ၃၁၀၆၄ စီး၊ မြန်မာက ၂၆၇၀ ဖြစ်သည်။

မြန်မာနိုင်ငံတွင် ၂၀၁၇ ခုနှစ်အတွင်း တပ်ဆင်ထုတ်လုပ်သည့် ကားသစ်စီးရေမှာ ၄၉၃၀ စီးဖြစ်ပြီး ၂၀၁၆ ခုနှစ်ကထက် ၃၇၇၈ စီး ပိုမိုခဲ့ကာ တိုးတက်မှုပမာဏ ၃၂၈ ရာခိုင် နှုန်းရှိခဲ့သည်။ ၂၀၁၈ ခုနှစ်တွင်လည်း ဇန်န၀ါရီ တွင် ၆၁၀ ၊ ဖေဖော်ဝါရီတွင် ၇၇၇ စီး၊ မတ်တွင် ၆၆၅ စီး၊ ဧပြီတွင် ၆၁၈ စီး တပ်ဆင် ထုတ်လုပ်နိုင်ခဲ့ပြီး ယခင်နှစ်ကာလတူထက် ၁၈၄၁ စီးပိုမိုခဲ့ကာ တိုးတက်မှုနှုန်း ၂၂၂ ဒသမ ၁ ရာခိုင်နှုန်းအထိရှိခဲ့သည်။

အိန္ဒိယကုမ္ပဏီတစ်ခုက မြ၀တီစက်မှုဇုန်တွင် ဒေါ်လာ ၁ ဒသမ ၃ သန်းကျော် ရင်းနှီးမြှုပ်နှံပြီး မော်တော်ယာဉ်တပ်ဆင် ထုတ်လုပ်ခြင်းလုပ်ငန်း လုပ်ကိုင်မည်

အိန္ဒိယကုမ္ပဏီတစ်ခုက ကရင်ပြည်နယ် မြ၀တီ နယ်စပ်ကုန်သွယ်ရေးစက်မှုဇုန်အတွင်း ဒေါ်လာ ၁ ဒသမ ၃ သန်းကျော်ရင်းနှီးမြှုပ်နှံကာ မော်တော်ယာဉ် တပ်ဆင်ထုတ်လုပ်ခြင်း လုပ်ငန်း လုပ်ကိုင်မည်ဖြစ်ကြောင်း ရင် နှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရသည်။

အိန္ဒိယနိုင်ငံ Precision Auto Engineering Co.,Ltd KYN-003/2018 (24.5.2018) က မော်တော်ယာဉ် (နှစ်ဘီး၊ သုံးဘီးနှင့် လေးဘီး) တပ်ဆင်ခြင်း၊ ထုတ်လုပ်ခြင်းနှင့် ဖြန့်ဖြူးရောင်းချခြင်းလုပ်ငန်း Assembling , Manufacturing and Marketing of Automobiles (2 wheels, 3 wheels and 4 wheels) categories ကို  ကရင်ပြည်နယ် မြ၀တီမြို့နယ် မဲကနယ်ကျေးရွာ မြ၀တီနယ်စပ် ကုန်သွယ်ရေးစက်မှုဇုန်ရှိ မြေကွက်အမှတ် (၃)၊ ဦးပိုင်အမှတ် (၃)၊ အကွက်အမှတ် (၃) တို့တွင် ဒေါ်လာ ၁ ဒသမ ၃၅၂ သန်း ရင်းနှီးမြှုပ်နှံကာ လုပ်ကိုင်ခွင့်ပြု ခဲ့ခြင်းဖြစ်ကြောင်း သိရသည်။

မြန်မာနိုင်ငံတွင် နိုင်ငံခြားရင်းနှီးမြှုပ်နှံမှုဖြင့် မော်တော်ယာဉ် ထုတ်လုပ်ရောင်းချခြင်းလုပ်ငန်များကို နိုင်ငံလေးနိုင်ငံက ကုမ္ပဏီပေါင်း ခြောက်ခုအထိ လာရောက်ရင်းနှီးမြှုပ်နှံ ထားကြောင်း မြန်မာနိုင်ငံရင်းနှီးမြှုပ်နှံမှု ကော်မရှင်မှ သိရသည်။

လာရောက်ရင်းနှီးမြှုပ်နှံထားသော နိုင်ငံများမှာ ဂျပန်၊ စင်ကာပူ၊ တရုတ်နှင့် မလေးရှား နိုင်ငံတို့မှဖြစ်ကြောင်း သိရသည်။

ဂျပန်နိုင်ငံအနေဖြင့် Isuzu အမှတ်တံဆိပ် မော်တော်ယာဉ်နှင့် အစိတ်ပိုင်းများ တပ်ဆင်ထုတ်လုပ် ဖြန့်ဖြူးရောင်းချခြင်းလုပ်ငန်းနှင့် Suzuki (Myanmar) Motor Co.Ltd မော်တော်ယာဉ်ထုတ်လုပ်ရောင်းချခြင်းလုပ်ငန်း၊ စင်ကာပူနိုင်ငံအနေဖြင့် Scania အမှတ်တံဆိပ်ခရီးသည်တင်ယာဉ်များ တပ်ဆင်ထုတ်လုပ်ရောင်းချခြင်း၊ ပြုပြင်ခြင်းနှင့် ထိန်းသိမ်းရေးလုပ်ငန်း၊ CAPITAL MOTORS LIMITED , Ford အမှတ်တံဆိပ် မော်တော်ယာဉ်များ ထုတ်လုပ်ရောင်းချခြင်း နှင့် ရောင်းချပြီးနောက်ပိုင်း အာမခံပေးခြင်း ဆိုင်ရာဝန်ဆောင်မှုလုပ်ငန်းတို့ဖြစ်သည်။

တရုတ်နိုင်ငံအနေဖြင့် Khain Khaing Sang Da Group Co.Ltd  မော်တော်ယာဉ် ထုတ်လုပ်ခြင်းနှင့် ရောင်းချခြင်းလုပ်ငန်းနှင့် မလေးရှားနိုင်ငံအနေဖြင့် Tan Chong Motor (Myanmar) Co., Ltd, Nissan အမှတ်တံဆိပ် မော်တော်ကားထုတ်လုပ်ရောင်းချခြင်း လုပ်ငန်းတို့ဖြစ်သည်။

 

 

အမ်း-မင်းဘူး ကားလမ်းတွင် ဆီဘောက်ဆာယာဉ် တစ်စီး တိမ်းမှောက်ရာမှ အမျိုးသမီးတစ်ဦးသေဆုံးပြီး ယာဉ်နောက်လိုက် တစ်ဦးဒဏ်ရာရ

Photo: Rakhine Fire Force

အမ်း-မင်းဘူး ကားလမ်း မိုင်တိုင်အမှတ် ၇၃ မိုင်၂ ဖာလုံအနီးတွင် ဆီဘောက်ဆာ ယာဉ် တစ်စီး တိမ်းမှောက်မှု ဖြစ်ပွားခဲ့ပြီး အမျိုးသမီးတစ်ဦး သေဆုံးကာ ယာဉ်နောက်လိုက် တစ်ဦး ဒဏ်ရာရရှိခဲ့ကြောင်း သိရသည်။

ဖြစ်စဉ်မှာ မေလ ၂၄ ရက်နေ့ ယနေ့ နံနက် ၆ နာရီခန့်တွင် ကျောက်ဖြူခရိုင်၊ အမ်းမြို့နယ် အမ်း-မင်းဘူး ကားလမ်း မိုင်တိုင်အမှတ် ၇၃ မိုင်၂ ဖာလုံ အနီးတွင် မောင်းနှင်းလာသော ၁၂ ဘီးယာဉ် ဆီဘောက်ဆာ ကားတစ်စီးသည် တောင်အဆင်း (ဂ-ငယ်ကွေ့)တွင် ဘရိတ်ပေါက်ကာ လမ်းပေါ်တွင် ကန့်လန့်အနေအထားဖြင့် ယာဉ်တိမ်းမှောက်မှု ဖြစ်ပွားခဲ့ခြင်းဖြစ်ကြောင်း သိရသည်။ ယာဉ်တိမ်းမှောက်မှုကြောင့် ယာဉ်မောင်း၏ ဇနီးဖြစ်သူ အမျိုးသမီးတစ်ဦး သေဆုံးပြီး ယာဉ်နောက်လိုက်မှာ ဒဏ်ရာရရှိကာ ပြည့်သူ့ဆေးရုံတွင် ဆေးကုသမှုခံယူလျက်ရှိကြောင်း၊  ယာဉ်မောင်းအား အမ်းမြို့နယ် ရဲခန်းမှ အမှုဖွင့် အရေးယူ ဆောင်ရွက်လျက်ရှိကြောင်း သိရသည်။

ယာဉ်တိမ်းမှောက်နေကြောင်း သတင်းရရှိပြီးနောက် အမ်းမြို့နယ် မီးသတ်စခန်းမှ ဦးစီးအရာရှိ ဦးအောင်သန်းဋ္ဌေး ဦးဆောင်၍ မီးသတ်တပ်ဖွဲ့ဝင် ရှစ်ဦး၊ မီးငြှိမ်းသတ်ယာဉ် တစ်စီးဖြင့် ကူညီကယ်ဆယ်ရေး ဆောင်ရွက်ခဲ့ရကြောင်း ပြည်နယ်မီးသတ်တပ်ဖွဲ့မှ သတင်းထုတ်ပြန်ခဲ့သည်။

“ဖြစ်တာက မနက် ၆ နာရီမှာပါ ။ကျနော်တို့ သတင်းရတာက မနက် ၇ နာရီပါ။ ကားပေါ်မှာက သုံးယောက်ပဲပါတယ်။ ဒရိုင်ဘာရယ် ။ သေသွားတဲ့ အမျိုးသမီးရယ် ။ ယာဉ်နောက်လိုက်ရယ် ။ ယာဉ်နောက်လိုက်တော့ သိပ်စိုးရိမ်စရာ မရှိပါဘူး။ “ဟု အမ်းမြို့နယ် မီးသတ်ဦးစီးအရာရှိကပြောသည်။

၂၀၁၈ ခုနှစ် မတ်လအထိ မြန်မာနိုင်ငံတွင် Brand New ကားသစ် ၂၉၆၂ စီးရောင်းချခဲ့ပြီး ယခင်နှစ် ကာလတူထက် ၉၂ ရာခိုင်နှုန်းမြင့်တက်

၂၀၁၈ ခုနှစ် မတ်လအထိ မြန်မာနိုင်ငံတွင် Brand New ကားသစ်စီးရေ ၂,၉၆၂ စီး ရောင်းချနိုင်ခဲ့ပြီး ယခင်နှစ် ကာလတူထက် ၉၂ ရာခိုင်နှုန်းကျော် များပြားခဲ့ကာ အာဆီယံ နိုင်ငံများအနက် တိုးတက်မှုနှုန်း အမြင့်ဆုံး ဖြစ်နေကြောင်း ASEAN Automotive Federation မှ သိရသည်။

၂၀၁၈ ခုနှစ် မတ်လကုန်အထိ အာဆီယံနိုင်ငံများအလိုက် ကားသစ်ရောင်းချမှု ပမာဏမှာ အင်ဒိုနီးရှားတွင် ၂၉၁,၉၂၀ စီး၊ ထိုင်းတွင် ၂၃၇,၀၉၃ စီး၊ မလေးရှားတွင် ၁၃၅,၁၄၀ စီး၊ ဖိလစ်ပိုင်တွင် ၈၆,၀၃၇ စီး၊ ဗီယက်နမ်တွင် ၅၉,၅၅၈ စီး၊ စင်ကာပူတွင် ၁၉၈၅၃ စီး၊ မြန်မာတွင် ၂၉၆၂ စီး၊ ဘရူနိုင်းတွင် ၂,၆၅၂ စီးဖြစ်ပြီး မလေးရှား၊ စင်ကာပူ၊ ဘရူနိုင်းနိုင်ငံတို့မှလွဲ၍ ကျန်နိုင်ငံများတွင် ရောင်းအားအနည်းအများအလိုက် တိုးတက်ခဲ့ကာ မြန်မာနိုင်ငံက တိုးတက်မှုနှုန်း အမြင့်ဆုံးဖြစ်သည်။

၂၀၁၇ ခုနှစ်အတွင်း မြန်မာနိုင်ငံတွင် Brand New ကားသစ်စီးရေ ၈,၂၂၅ စီး ရောင်းချနိုင်ခဲ့ပြီး ၂၀၁၆ ခုနှစ်ကထက် ၉၇ ရာခိုင်နှုန်းကျော် များပြားခဲ့သည်။ လက်ရှိ ၂၀၁၈ ခုနှစ်တွင်လည်း ၂၀၁၇ ခုနှစ်ကာလတူထက်  ပိုမိုရောင်းချခဲ့ရသည်။ ၂၀၁၈ ဇန်န၀ါရီတွင် ၈၉၁ စီး၊ ဖေဖော်ဝါရီတွင် ၁၀၇၉ စီး၊ မတ်တွင် ၂၉၆၂ စီး ရောင်းချနိုင်ခဲ့ပြီး ယခင်နှစ် ကာလတူထက် ၁၄၂၄ စီး ပိုမိုရောင်းနိုင်ခဲ့ကာ တိုးတက်မှုနှုန်း ၉၂ ဒသမ ၆ ရာခိုင်နှုန်း ရှိခဲ့သည်။

၂၀၁၆ ခုနှစ်တွင် မြန်မာနိုင်ငံအတွင်း ကားသစ်စီးရေ ၄,၁၆၈ စီးရောင်းချခဲ့ရပြီး ၂၀၁၇ ခုနှစ်အတွင်း မြန်မာအစိုးရ၏ ကားတင်သွင်းမှုဆိုင်ရာ မူဝါဒ အပြောင်းအလဲကြောင့် ကားသစ်စီးရေ ၈,၂၀၀ ကျော်အထိ ရောင်းချခဲ့ရကာ ကားသစ်များ ရောင်းချမှုနှင့် ထုတ်လုပ်မှုများအတွက် မြန်မာဈေးကွက်သည် ထွန်းသစ်စ ဈေးကွက်တစ်ခု ဖြစ်လာခဲ့သည်။

ကားသစ်ရောင်းချမှုပမာဏ တိုးတက်မှုနည်းတူ မြန်မာနိုင်ငံတွင် ကားသစ်ထုတ်လုပ်မှုပမာဏ တိုးတက်မှုလည်း အာဆီယံနိုင်ငံများအနက် အမြင့်ဆုံးဖြစ်နေသည်။ အာဆီယံနိုင်ငံများတွင် မြန်မာနိုင်ငံ အပါအ၀င် နိုင်ငံခြောက်နိုင်ငံတွင် ကားသစ်တပ်ဆင် ထုတ်လုပ်မှုများ ပြုလုပ်နေပြီး အာဆီယံဒေသ တစ်ခုလုံး အနေဖြင့် ၂၀၁၇ ခုနှစ်တွင် ၀ ဒသမ ၆ ရာ ခိုင်နှုန်းသာ တိုးတက်မှုရှိသော်လည်း မြန်မာက ရာခိုင်နှုန်း ၃၂၀ ကျော် တိုးတက်ခဲ့သည်။

၂၀၁၈ ခုနှစ် မတ်လကုန်အထိ အာဆီယံနိုင်ငံများအလိုက် ကားတပ်ဆင်ထုတ်လုပ်မှု ပမာဏမှာ ထိုင်းက ၅၃၉,၆၉၀ စီး၊ အင်ဒိုနီး ရှားက ၃၂၈,၉၁၀ စီး၊ မလေးရှားက ၁၅၆,၂၁၄ စီး၊ ဗီယက်နမ်က ၄၉,၇၈၃ စီး၊ ဖိလစ်ပိုင်က ၂၂,၄၉၆ စီး၊ မြန်မာက ၂,၀၅၂ စီးဖြစ်ပြီး ဖိလစ်ပိုင်နိုင်ငံမှလွဲ၍ ကျန်နိုင်ငံများတွင် ထုတ်လုပ်မှုပမာဏ တိုးတက်ခဲ့ကာ မြန်မာနိုင်ငံက တိုးတက်မှုနှုန်း အမြင့်ဆုံးဖြစ်သည်။

မြန်မာနိုင်ငံတွင် ၂၀၁၇ ခုနှစ်အတွင်း တပ်ဆင်ထုတ်လုပ်သည့် ကားသစ်စီးရေမှာ ၄,၉၃၀ စီးဖြစ်ပြီး ၂၀၁၆ ခုနှစ်ကထက် ၃,၇၇၈ စီးပိုမိုခဲ့ကာ တိုးတက်မှုပမာဏ ၃၂၈ ရာခိုင် နှုန်းရှိခဲ့သည်။ ၂၀၁၈ ခုနှစ်တွင်လည်း ဇန်န ၀ါရီတွင် ၆၁၀ စီး၊ ဖေဖော်ဝါရီတွင် ၇၇၇ စီး၊ မတ်တွင် ၂,၀၅၂ စီး တပ်ဆင်ထုတ်လုပ်နိုင်ခဲ့ပြီး ယခင်နှစ် ကာလတူထက် ၁,၄၂၃ စီးပိုမိုခဲ့ကာ တိုးတက်မှုနှုန်း ၂၂၆ ဒသမ ၂ ရာခိုင်နှုန်းအထိ ရှိခဲ့သည်။

မင်္ဂလာဒုံမြို့နယ်တွင် ရန်ကုန်-ပဲခူး ပြေးဆွဲသည့် ခရီးသည်ယာဉ်နှစ်စီး တိုက်မိပြီး ငါးဦး သေဆုံးကာ ၁၇ ဦးခန့် ဒဏ်ရာရ

မင်္ဂလာဒုံမြို့နယ်၊ ထောက်ကြန့်မြို့ရှောင်လမ်းထိပ်၊ ရန်ကုန်-ပဲခူး လမ်းမကြီးပေါ်တွင် ဧပြီ ၁၀ရက် (ယနေ့) နံနက်ပိုင်းက ပဲခူးသို့သွားသည့် ယာဉ်နှစ်စီး တိုက်မိသဖြင့် လူငါးဦးသေဆုံးခဲ့ပြီး(၁၇)ဦးခန့်ထိခိုက်ဒဏ်ရာရ ရှိမှု ဖြစ်ပွားခဲ့ကြောင်း သိရသည်။

အဆိုပါ ယာဉ်တိုက်မှုမှာ  ဧပြီ ၁၀ ရက် ၊နံနက် ၇ နာရီခွဲကျော်ခန့်တွင် ဖြစ်ပွားခဲ့ကြောင်း သိရပြီး တိုက် မိခဲ့သည့် ရန်ကုန်-ပဲခူးသို့ပြေးဆွဲသည့် ဟိုင်းလတ်ယာဉ်နှင့်မီနီဘက်စ်ယာဉ်တို့ဖြစ်ကြောင်း သိရသည်။

ဟိုင်းလတ်ယာဉ်မှာ ရန်ကုန် -ပဲခူးလမ်းမအတိုင်း ထောက်ကြန့်ဘက်မှ မောင်းနှင်လာစဉ် မြို့ရှောင် လမ်းဆုံအရောက်တွင် အရှိန်လွန်ကာ တစ်ဖက်ယာဉ်ကြောသို့ရောက်ရှိသွားခဲ့ပြီး တစ်ဖက်မှ မောင်းနှင် လာသည့် မီနီဘက်စ်ယာဉ်နှင့်တိုက်မိခဲ့ခြင်းဖြစ်ကြောင်းသိရသည်။

“ပဲခူးဘက်ကလာတဲ့ မီနီဘက်စ်နဲ့ ရန်ကုန်ဘက်ကလာတဲ့  ဟိုင်းလတ်တို့တိုက်မိတာ။ဟိုင်းလတ်ကတော့ တုံးလုံးလဲသွားတယ်။ မီနီဘက်စ်က မလဲဘူး။မီနီဘက်စ်က  ခရီးသည်သေတယ်။ဟိုင်းလတ်ပေါ် က ပိုသေတယ်။ဒဏ်ရာရတဲ့သူတွေကတော့ အများကြီးပဲ။သက်ဆိုင်ရာ အဖွဲ့အစည်းတွေကလည်း လာရောက်ပြီး ဒဏ်ရာရတဲ့သူတွေရော သေဆုံးသူတွေကိုရော ကူညီမှုတွေ ပြုလုပ်ပေးတာတွေ့ရတယ်”ဟု ယာဉ်တိုက်မှုဖြစ်ပွားရာအနီးပတ်ဝန်းကျင်နေ အမျိုးသားတစ်ဦးက ပြောကြားသည်။

“လက်ရှိနောက်ဆုံးသိရတဲ့ အချက်အလက်ကတော့ အခင်းဖြစ်ပွားရာမှာ အမျိုးသားလေးဦးသေဆုံးခဲ့ပြီး အင်းစိန်ဆေးရုံမှာ အမျိုးသမီးတစ်ဦး ထပ်မံသေဆုံးတော့ စုစုပေါင်း သေဆုံးသူက ငါးဦးပါ”ဟု ထောက်ကြန့် နယ်မြေရဲစခန်းမှ ရဲအရာရှိတစ်ဦးကပြောကြားသည်။

ယာဉ်တိုက်မှုဖြစ်စဉ်ကြောင့် ဟိုင်းလတ်ယာဉ်ပေါ်တွင် လိုက်ပါစီးနင်းလာသည့် လှည်းကူးမြို့နယ်၊ အမြန်လမ်းတိုးဂိတ်အိမ်ရာဝင်းနေ အမျိုးသားတစ်ဦး၊ လှည်းကူးမြို့နယ်၊ ရဲမွန်တပ်မြို့နေ အမျိုးသား တစ်ဦးနှင့်အခြားအမျိုးသားနှစ်ဦးတို့ သေဆုံးခဲ့ပြီး မီနီဘက်စ်ယာဉ်ပေါ်မှ ဧရာဝတီတိုင်းဒေသကြီး၊ ကျောင်းကုန်းမြို့နယ်နေ အသက် ၈ နှစ်အရွယ် မိန်းကလေးငယ်တစ်ဦးတို့ သေဆုံးခဲ့ကြောင်း ယာဉ်ထိန်းရဲ တပ်ဖွဲ့မှ စုံစမ်းသိရှိရသည်။

ဟိုင်းလတ်ယာဉ်မှ ယာဉ်မောင်းမှာ အခင်းဖြစ်ပွားပြီးနောက်တွင် ယာဉ်အားထား၍ ထွက်ပြေး သွားခဲ့ကြောင်းသိရသည်။

အဆိုပါဖြစ်စဉ်မှ ဟိုင်းလတ်ယာဉ်မောင်းအား ထောက်ကြန့်နယ်မြေရဲစခန်းမှ ယာဉ်(ပ)၂၅/ ၂၀၁၈၊ရာဇသတ်ကြီး ပုဒ်မ-၃၀၄-က/၃၃၈၃၃၇/၂၇၉/၂၀၂ဖြင့် အမှုဖွင့်ထားကြောင်းသိရသည်။

 

ထိုင်းသို့ အလုပ်သွားလုပ်မည့်မြန်မာအလုပ်သမားများ စီးနင်းလာသည့်ယာဉ် ထိုင်းနိုင်ငံ တာ့ခ်ခရိုင်အတွင်း မီးလောင်မှုဖြစ်ပွားကာ မြန်မာလုပ်သား ၂၀ သေဆုံးပြီး သုံးဦးဒဏ်ရာရ

မြန်မာလုပ်သားများ စီးနင်းလာသည့်ယာဉ် မီးလောင်ကျွမ်းနေသည်ကို တွေ့ရစဉ်

ထိုင်းနိုင်ငံသို့ အလုပ်သွားလုပ်မည့် မြန်မာအလုပ်သမားများ စီးနင်းလာသည့် ယာဉ်တစ်စီး မတ် ၃၀ ရက် နံနက်အစောပိုင်းက ထိုင်းနိုင်ငံ တာ့ခ်ခရိုင်အတွင်း မီးလောင်ကျွမ်းမှုဖြစ်ပွားခဲ့ပြီး မြန်မာလုပ်သား ၂၀ သေဆုံးကာ သုံးဦးဒဏ်ရာရရှိသဖြင့် ဆေးရုံတင် ပို့ထားရကြောင်း သတင်းရရှိသည်။

ထိုင်းနိုင်ငံသို့ MoU စနစ်ဖြင့် သွားရောက်အလုပ်လုပ်ကိုင်ရန် Star Pioneer အေဂျင်စီမှ တာဝန်ယူပို့ဆောင်သည့် အလုပ်သမား ၄၇ ဦး စီးနင်းလိုက်ပါလာသည့် မှန်လုံယာဉ်သည် မဲဆောက်မြို့အလွန် တောင်ပေါ်လမ်းအဆင်းတွင် မီးလောင်ကျွမ်းခဲ့ခြင်းဖြစ်သည်။ မီးလောင်ကျွမ်းမှုကြောင့် ယာဉ်ပေါ်ပါလာသူများအနက် ၂၀ မီးလောင်သေဆုံးခဲ့ပြီး အလုပ်သမားအများအပြား မီးလောင်ဒဏ်ရာရရှိခဲ့ကာ တာ့ခ်ခရိုင်ဆေးရုံသို့ အရေးပေါ် တင်ပို့ခဲ့ရကြောင်း မဲဆောက်ရဲတပ်ဖွဲ့က မတ် ၃၀ ရက် နံနက်ပိုင်းတွင် အတည်ပြုသည်။

“မီးလောင်တဲ့အကြောင်းရင်းကတော့ ဆေးလိပ်မီးကနေ စလောင်တာဖြစ်တယ်လို့ ရဲတွေက သုံးသပ်တယ်။ အလယ်မှာရှိတဲ့ ပစ္စည်းတွေကနေ မီးခိုးတွေ အူထွက်လာပြီး မီးစလောင်တယ်လို့ ပြောပါတယ်” ဟု မီးလောင်ရာနေရာသို့ ရောက်ရှိခဲ့သူ မဲဆောက်မှ မစ္စတာဖိဂျိုးက ပြောကြားသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်ပလုပ်ကိုင်ခွင့်လိုင်စင်ရ Star Pioneer Co.,Ltd ၏အစီအစဉ်ဖြင့် ထိုင်းနိုင်ငံ Tomy (Thai-land) Co.,Ltd သို့ သွားရောက်အလုပ်လုပ်ကိုင်မည့် အလုပ်သမား ၁၈၆ ဦးသည် မြ၀တီမြို့မှတစ်ဆင့် လုပ်ငန်းခွင်သို့ မော်တော်ယာဉ် လေးစီးဖြင့် သွားရောက်ရာ မော်တော်ယာဉ် အမှတ် IO-3824  သည် မတ် ၃၀ ရက် နံနက် ၂ နာရီခန့်တွင် မဲဆောက်မြို့အလွန် တာ့ခခရိုင်အနီး တောင်ပေါ်အဆင်းလမ်းတွင် ကားမီးလောင်ကျွမ်းမှု ဖြစ်ပွားခဲ့ရာ အမျိုးသား နှစ်ဦး၊ အမျိုးသမီး ၁၈ ဦး စုစုပေါင်း ၂၀ ဦး မီးလောင်သေဆုံးခဲ့ကာ အမျိုးသမီးသုံးဦး ထိခိုက်ဒဏ်ရာရရှိခဲ့သဖြင့် တာ့ခ်ခရိုင်ဆေးရုံကြီးသို့ အရေးပေါ် ပို့ဆောင်ကုသပေးလျက်ရှိကြောင်း ပြန်ကြားရေးဝန်ကြီးဌာန၏ သတင်းထုတ်ပြန်ချက်အရ သိရသည်။

ထိုင်းနိုင်ငံ မဲဆောက်မြို့တာ့ခ်ခရိုင်တွင် ဖြစ်ပွားခဲ့သော ယာဉ်မတော်တဆမှုတွင် သေဆုံးသူနှင့်ဒဏ်ရာရသူများအတွက်  လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနမှ  ပြည်ထောင်စုဝန်ကြီး ဒေါက်တာဝင်းမြတ်အေးသည် သေဆုံးသူ (၂၀) ဦးအတွက် ကျပ်သိန်း ၆၀ နှင့် ဒဏ်ရာရသူ သုံးဦးအတွက် ကျပ်သုံးသိန်း စုစုပေါင်းကျပ်  ၆၃ သိန်းကို ထောက်ပံ့ပေးအပ်ရာ လူမှုဖူလုံ ရေးအဖွဲ့ညွှန်ကြားရေးမှူးချုပ် ဦးမောင်မောင်အေးနှင့်အဖွဲ့က လက်ခံရယူခဲ့သည်။

သေဆုံးသူများ၏ အ​လောင်းထားရှိရာ တာ့ခ်ခရိုင်​​ဆေးရုံကြီးသို့ မြ၀တီခရိုင်​အုပ်​ချုပ်​​ရေးမှူး ဦးထူးလွင်နှင့်အဖွဲ့ သွား​ရောက်​ကြည်​ရှုပြီး​ ဆေးရုံတက်​​ရောက်​​နေရသူနှစ်​ဦးကို အား​ပေးစကား​ပြောကာ ​ထောက်​ပံ့​ငွေများ ​ပေးအပ်ခဲ့သည်​။ အခြားအရေးကြီးလူနာတစ်​ဦးကိုမူ ဖိစလုပ်​​ ဆေးရုံသို့ တင်ပို့ထားသည့်အတွက် သွား​ရောက်​ကြည့်ရှုနိုင်ခြင်း မရှိခဲ့​ကြောင်း သိရသည်။

မီးလောင်သေဆုံးသူများ၏ နစ်​နာမှုအတွက်​ ထိုင်းနိုင်​ငံတာ့ခ်​ခရိုင်​အုပ်​ချုပ်​​ရေးမှူး နှင့် ရဲတပ်​ဖွဲ့ဝင်​များက ဥပ​ဒေနှင့်အညီ နစ်နာကြေး ရရှိ​အောင်​ကူညီ​ဆောင်​ရွက်​သွားမည်​ဖြစ်​ပြီး ထိုင်းနိုင်ငံသို့ MoU လုပ်​သားအဖြစ် ​တရားဝင်​သွား​ရောက်​ခြင်းဖြစ်​၍ G to G ​ဆောင်​ရွက်​သွားမည်​ဟု မြ၀တီခရိုင်​အုပ်​ချုပ်​​ရေးမှူး ဦးထူးလွင်​က ​ပြောကြားသည်​။

UBER က အရှေ့တောင်အာရှ စီးပွားရေးလုပ်ငန်းကို ပြိုင်ဘက် Grab ထံ ရောင်းချခဲ့

စင်ကာပူတွင် မတ် ၂၆ ရက်က Uber နှင့် Grab ရုံးခန်းများရှေ့မှ ၀န်ထမ်းများက ဖြတ်သန်းသွားစဉ် (Photo: AP)

UBER သည် ၎င်း၏ အရှေ့တောင်အာရှ စီးပွားရေးလုပ်ငန်းကို ပြိုင်ဘက် Grab ထံ မတ် ၂၆ ရက်က ရောင်းချခဲ့ပြီး အင်တာနက်မှတစ်ဆင့် ကားငှားရမ်းမှုလုပ်ငန်းကြီးများကြားတွင် ယှဉ်ပြိုင်မှုတစ်ခု  အဆုံးသတ်သွားစေခဲ့သည်။ စင်ကာပူအခြေစိုက် Grab သည် အရှေ့တောင်အာရှရှိ Uber ၏ အင်တာနက် Taxi အငှားလုပ်ငန်းနှင့် စားသောက်ကုန် ဖြန့်ချိရေးလုပ်ငန်းတို့ကို လွှဲပြောင်းရယူခဲ့ပြီး ကယ်လီဖိုးနီးယားအခြေစိုက် Uber သည် အပြန်အလှန်အနေဖြင့် Grab တွင် ရှယ်ယာ ၂၇ ဒသမ ၅ ရာခိုင်နှုန်းကို ရရှိမည်ဖြစ်သည်။

အကြိတ်အနယ်ယှဉ်ပြိုင်နေရသော အရှေ့တောင်အာရှ ဈေးကွက်တွင် အမေရိကန်ကုမ္ပဏီက နောက်ဆုတ်သွားခဲ့ခြင်းသည် အပြည်ပြည်ဆိုင်ရာ ဈေးကွက်တစ်ခု၌ Uber က နောက်ဆုတ်ခဲ့သည့် နောက်ဆုံးဖြစ်စဉ် တစ်ခုဖြစ်လာခဲ့သည်။ Uber သည် တရုတ်ဈေးကွက်တွင် အကြိတ်အနယ်ယှဉ်ပြိုင်ခဲ့ပြီး နောက် ၂၀၁၆ ခုနှစ်တွင် ဒေသဆိုင်ရာပြိုင်ဘက် Didi Chuxing ကို ရှယ်ယာဝေစုတစ် ခုရယူပြီး လုပ်ငန်းရောင်းချခဲ့သည်။ ထို့ပြင် Uber သည် ယမန်နှစ်က ရုရှားတွင်လည်း ဒေသဆိုင်ရာပြိုင်ဘက် Yandex နှင့် ပူးပေါင်းခဲ့သည်။ Grab နှင့် ရရှိခဲ့သော သဘောတူညီချက်သည် Uber အတွက် Didi နှင့်ရရှိခဲ့ သော သဘောတူညီချက်နှင့် အလားတူဖြစ်ခဲ့သည်။ လူဦးရေ သန်း ၆၅၀ ရှိသော အရှေ့တောင်အာရှ ဈေးကွက်တွင် လူလတ်တန်းစား များပြားလာမှုကြောင့် အင်တာနက်မှတစ်ဆင့် ကားငှားယူသည့် ဈေးကွက်တွင် ပြိုင်ဆိုင်မှုပြင်းထန်နေသည်။

 

ရပ်စောက်မြို့နှင့် နောင်ချို မြို့ကြားတွင် အလှသစ်ဇာတ်အဖွဲ့၏ ကား ဘရိတ်ပေါက် တိမ်းမှောက်ရာမှ လူခြောက်ဦး သေဆုံးပြီး ၂၇ ဦး ဒဏ်ရာရ

Photo Credit – Ko Than Htike

ရှမ်းပြည်နယ်၊ ရပ်စောက်မြို့နှင့် နောင်ချိုမြို့ကြား ၊ လားရှိုးမန္တလေး အဆင်းလမ်းတွင့် (ယနေ့ ) မတ်လ ၉ ရက် ညနေ ၄ နာရီဝန်းကျင်ခန့်က မန္တလေးမြို့မှ မင်းမင်းဦး အလှသစ်ဇာတ်အဖွဲ့ကား တိမ်းမှောက်၍ လူ ခြောက်ဦး သေဆုံးခဲ့ကြောင်း ကနဦးသတင်းများအရ သိရသည်။

“ဒီကနေ့ ညနေ ၄ နာရီလောက်က ဖြစ်တာပါ။ သေဆုံးတာတော့ ခြောက်ဦးပါ။ ကျန်တဲ့သူ ၂၇ ဦးလည်း ထိခိုက်ဒဏ်ရာတွေ ရကြပါတယ်။ ရပ်စောက်မြို့ကနေပွဲကပြီး အပြန်လမ်းမှာ တိမ်းမှောက်တာပါ။ ဘရိတ်ပေါက်တာဖြစ်ဖို့ များပါတယ်။ အခုနောင်ချိုဆေးရုံမှာ ဆေးကုသမှု ခံယူနေကြပါတယ်” ဟု အလှသစ် ဇာတ်အဖွဲ့မှ ပွဲလက်ခံ မန်နေဂျာ ကိုရှိုင်းကိုကပြောသည်။

ဖြစ်စဉ်မှာ (၉-၃-၂၀၁၈) တပေါင်းလပြည့်ကျော် ၈ ရက်နေ့ ညနေတွင် မန္တလေးမှ “မင်းမင်းဦး” အလှသစ် ဇာတ်ကားသည် ရှမ်းပြည်နယ် ရပ်စောက်မြို့တွင် ပွဲကပြီး ပြန်လာခဲ့ကြောင်း၊ ရပ်စောက်မြို့နှင် နောင်ချိုမြို့ကြားတွင် ဘရိတ်ပေါက်၍ အရှိန်မထိန်းနိုင်ပဲ ဇာတ်ကားတိမ်းမှောက် သွားခဲ့ကြောင်း၊ ယခုအခါ၊ နောင်ချိုဆေးရုံတွင် ဆေးကုသမှုခံ ယူလျက်ရှိကြောင်း၊ ဇာတ်အဖွဲ့မှ အမျိုးသား ငါးဦး၊ အမျိုးသမီးတစ်ဦး၊ စုစုပေါင်း ၆ ဦးသေဆုံးခဲ့ပြီး ၂၇ ဦး ထိခိုက်ဒဏ်ရာ ရရှိခဲ့ကြောင်း သိရသည်။

အဆိုပါ အလှသစ်ဇာတ်ကားတွင် ဇာတ်အဖွဲ့ဝင် လူ ၄၀ ဝန်းကျင်ခန့်၊ ဇာတ်ကပွဲ ပစ္စည်းများ၊ စက်ပစ္စည်းများ သယ်ဆောင်လာကြောင်း သိရသည်။ တိုင်းသဘင် လူမှုကူညီရေးအဖွဲ့မှ တာဝန်ရှိသူများ၊ သဘင်လူမှုကူညီရေး အဖွဲ့ဝင်များ၊ ပြင်ဦးလွင် သဘင်အစည်းအရုံးမှ တာဝန်ရှိသူများမှ လိုအပ်သည့် ကူညီထောက်ပံ့မှုများ ပြုလုပ်ပေးနိုင်ရန် သွားရောက်လျက်ရှိကြောင်းလည်း သိရသည်။

 

Uber က အရှေ့တောင်အာရှလုပ်ငန်းများကို ပြိုင်ဘက် Grab ထံရောင်းချမည်ဟု သတင်းထွက်

Photo : AP

Uber သည် အရှေ့တောင်အာရှလုပ်ငန်းများကို ပြိုင်ဘက်ကုမ္ပဏီ Grab ထံ ရောင်းချနေကြောင်း ဝေါစထရိဂျာနယ်နှင့် ဘလွန်းဘတ်တို့က ဖော်ပြခဲ့သည်။ Grab သည် အရှေ့တောင်အာရှဈေးကွက်များ၌ Uber ၏ဈေးကွက်များကို ၀ယ်ယူနေပြီး သဘောတူညီချက်အရ Uber သည် ပြိုင်ဘက်၏လုပ်ငန်းတွင် ရှယ်ယာဝေစုရရှိမည် ဖြစ်ကြောင်း သတင်းများက ဆိုခဲ့သည်။

Uber သည် ရှယ်ယာဝေစု၏ ပမာဏသည် ရာခိုင်နှုန်း ၂၀ မှရာခိုင်နှုန်း ၃၀ ကျော် အထိရှိနိုင်ကြောင်း အမည်မဖော်လိုသော သတင်းရင်းမြစ်များကို ကိုးကားပြီး ဘလွန်းဘတ်နှင့် ဝေါစထရိတို့က ဖော်ပြခဲ့သည်။

အေအက်ဖ်ပီက ယင်းသတင်းနှင်ပတ်သက်၍ Uber ကို မေးမြန်းခဲ့သော်လည်း Uber က မတုံ့ပြန်ခဲ့ပေ။ စမတ်ဖုန်းမှတစ်ဆင့် ကားလှမ်းငှားနိုင်သော လုပ်ငန်းတွင် Uber သည် အာရှ၌ ပြင်းထန်သည့်ပြိုင်ဆိုင်မှုနှင့်  ကြုံတွေ့နေရသည်။ စင်ကာပူအခြေစိုက် Grab နှင့် ယှဉ်ပြိုင်နေရရုံသာမက အိန္ဒိယတွင် Ola ၊ တရုတ်ပြိုင်ဘက် Didi Chuxing တို့နှင့်လည်း ယှဉ်ပြိုင်နေရသည်။ ဂျပန်ဘဏ္ဍာရေးလုပ်ငန်းကြီး Softbank သည် Uber ၊ Didi ၊ Ola နှင့် Grab တို့တွင် ဒေါ်လာ ဘီလျံနှင့်ချီ ရင်းနှီးမြှုပ်နှံထားသည်။

Didi နှင့် Uber သည် ၂၀၁၆ ခုနှစ်အထိ တရုတ်ဈေးကွက်တွင် ပြင်းပြင်းထန်ထန်ယှဉ်ပြိုင်ခဲ့ပြီး နောက်ဆုံးတွင် ကုမ္ပဏီချင်းပူးပေါင်းမှု သဘောတူညီမှုနှင့်အတူ ပြိုင်ဆိုင်မှုအဆုံးသတ်ခဲ့သည်။ ၂၀၁၂ ခုနှစ်တွင် စတင်တည်ထောင်ခဲ့သော Grab သည် ဒေသတွင်း၌ လုပ်ငန်းတိုးချဲ့နေသည်။ ၂၀၂၅ ခုနှစ်မတိုင်မီတွင် ငါးဆကျော်ပို၍တိုးတက်လာမည်ဟု ခန့်မှန်းထားသော အရှေ့တောင်အာရှ၏ အွန်လိုင်း ကားငှားရမ်းမှုဈေးကွက်အတွက် ပြိုင်ဆိုင်မှုသည် ပြင်းထန်နေသည်။