ကရင်ပြည်နယ် ကော့ကရိတ်မြို့တွင် နေ့ခင်းကြောင်တောင်မှာပင် သေနတ်သမားတစ်ဦးက ဖြူစင်သန့် ရတနာရွှေဆိုင်ကို အနုကြမ်းစီးပြီး ဆိုင်ရှင်အား ပစ်ခတ်မှုဖြစ်ပွား

အခင်းဖြစ်ပွားခဲ့သည့် ရွှေဆိုင်အား တွေ့ရစဉ်

ကရင်ပြည်နယ် ကော့ကရိတ်မြို့ အမှတ် ၅ ရပ်ကွက် ဗိုလ်ချုပ်လမ်း မြို့မဘုန်းကြီး ကျောင်းအရှေ့ ဖြူစင်သန့် ရတနာရွှေဆိုင်၌ ဇွန် ၁၀ ရက် မွန်းလွဲ ၁ နာရီခွဲတွင် လက်နက်ကိုင်ဆောင်သူ တစ်ဦးက အနုကြမ်းစီးပြီး ဆိုင်ပိုင်ရှင်အား သေနတ်ဖြင့် ပစ်ခတ်ခဲ့ကြောင်း သိရသည်။

၂၀၁၈ ဇွန် ၁၀ ရက် မွန်းလွဲ ၁ နာရီခွဲခန့်တွင် အမှတ် (၅) ရပ်ကွက် ဗိုလ်ချုပ်လမ်းရှိ ဖြူစင်သန့် ရတနာရွှေဆိုင်ရှေ့သို့ Wave ဆိုင်ကယ်တစ်စီး ရောက်လာပြီး ဆိုင်ကယ်ပေါ်မှ ဆင်းလာသူတစ်ဦးက မိုးကာကျောပိုးအိတ် အတွင်းမှ ဂက်စ်သေနတ်အတိုဖြင့် ဆိုင်အတွင်းရှိ ဒေါ်ချိုချိုအေး (၅၅ နှစ်) အား ထုတ်ချိန်ကာ ရွှေထည်ပစ္စည်းများကို အိတ်အတွင်းသို့ထည့်ရန် ပြောကြောင်း၊ ဒေါ်ချိုချိုအေးက ကျပ်တစ်သိန်း ထုတ်ပေးစဉ် လက်နက်ကိုင်ဆောင်သူက သေနတ်ဖြင့် ပစ်လိုက်သဖြင့် ဒေါ်ချိုချိုအေး၏ ရင်ညွန့်သို့ ဖောက်ဝင်သွားကြောင်း သိရသည်။

အဆိုပါ သေနတ်သမားသည် ရွှေထည်ပစ္စည်းများ ထည့်ထားရာ ဗီရိုအနီးသို့ သွားရောက်ပြီး သေနတ်ဖြင့်ချိန်ကာ ရွှေထည်ပစ္စည်းများအား အိတ်အတွင်းသို့ ထည့်ခိုင်းစဉ် ဒေါ်ချိုချိုအေးနှင့် ရုန်းရင်းဆန်ခတ်ဖြစ်ကာ သေနတ်ဖြင့် ထပ်မံပစ်ခတ်မည်ကို ကြောက်ရွံ့၍ မှန်ဗီရိုနောက်သို့ ထိုင်ချလိုက်စဉ် သေနတ်သမားက ရွှေထည်ပစ္စည်းများ မယူဆောင်တော့ဘဲ ဆိုင်ကယ်မောင်းနှင် ထွက်ပြေးသွားကြောင်း သိရသည်။

သေနတ်ဖြင့် အပစ်ခံရသော ဒေါ်ချိုချိုအေး၏ ဒဏ်ရာမှာ အစာအိမ်ကို ထိမှန်ခဲ့ကြောင်း၊ သေနတ်ကျည်ဆန် ၀င်ပုံနှင့် မတူကြောင်း၊ သွေးထွက်နည်းပြီး သွေးပေါင်ချိန် မကျကြောင်း၊ အခြားကိုယ်တွင်းအင်္ဂါများကို မထိခိုက်ကြောင်း ဆေးရုံမှ ကျွမ်းကျင်သူများက မှတ်ချက်ပြုခဲ့ကြောင်း သိရသည်။

ရဲစခန်း တာဝန်ရှိသူများကလည်း Gas အားနှင့်ပစ်သော ခဲစေ့သေနတ် ဖြစ်နိုင်ကြောင်း မှတ်ချက်ပြုကြသည်။ ဆေးရုံတာဝန်ရှိသူများက လူနာသက်သာစေရန် လုပ်ဆောင်ပေးခဲ့ကြပြီး လူနာရှင်က မဲဆောက်ဆေးရုံတွင် သွားရောက်ကုသမည် ဆိုသောကြောင့် ဇွန် ၁၀ ရက် မွန်းလွဲ ၂ နာရီတွင် လူနာအား မဲဆောက်ဆေးရုံသို့ ခေါ်ဆောင်ခဲ့ကြောင်း သိရသည်။

သို့ဖြစ်၍ ရွှေဆိုင်အတွင်းသို့ ၀င်ရောက်ပြီး ဒေါ်ချိုချိုအေးအား ခြိမ်းခြောက်ပြောဆိုကာ သေနတ်ဖြင့် ပစ်ခတ်ခဲ့သူ (အမည်စုံစမ်းဆဲ) အား ခင်ပွန်းဖြစ်သူ ဦးဝင်းညွန့်က တရားလိုပြုလုပ် တိုင်တန်းသဖြင့် ကော့ကရိတ် မြို့မရဲစခန်းက (ပ)၂၆၃/၂၀၁၈ ရာဇသတ်ကြီးပုဒ်မ ၃၉၄ ဖြင့် အမှုဖွင့်ထားကြောင်း သိရသည်။

ကော့ကရိတ်မြို့မရဲစခန်းမှူး ဒုရဲမှူး ထူးအောင်ရွှေသည် ခရိုင်ရဲတပ်ဖွဲ့မှူး၏ လမ်းညွှန်မှုဖြင့် သေနတ်သမားအား ဖမ်းဆီးရမိရေး နယ်ထိန်းအဖွဲ့ဝင်များ၊ ရပ်ကွက်အုပ်ချုပ်ရေးမှူးများ၏နှင့်အတူ စုံစမ်းဆောင်ရွက်လျက် ရှိကြောင်း သိရသည်။

မြ၀တီကုန်သွယ်ရေးဇုန်အနီး ရွှေမြစန္ဒီမြို့သစ်​စီမံကိန်း အ​ကြောင်းပြု သိမ်းယူခဲ့​သော မြေ​နေရာများ ပြန်​လည်​ရရှိရေး မူလပိုင်​ရှင်ဟု ဆိုသူများ ဆန္ဒဖော်​ထုတ်​

ရွှေမြစန္ဒီမြို့သစ်​စီမံကိန်း အ​ကြောင်းပြု သိမ်းယူခဲ့​သော မြေ​နေရာ ပြန်​လည်​ရရှိ​ရေး မူလပိုင်​ရှင်ဟု ဆိုသူများက ဆန္ဒထုတ်ဖော်​စဉ်

ကရင်​ပြည်​နယ်​ မြ၀တီကုန်​သွယ်​ရေးဇုန်​ အနီးတွင်​ ​ရွှေမြစန္ဒီမြို့သစ်​စီမံကိန်းကို အ​ကြောင်းပြုပြီး သိမ်းယူခဲ့​သော အတွင်းမဲက နယ်​ရွာဟောင်း စိုက်​ပျိုးမြေနေရာအား ပြန်​လည်​ရရှိ​ရေးအတွက်​ မူလပိုင်​ရှင်ဟုဆိုသူ အတွင်းမဲကနယ်​ရွာသား ၃၀၀ ခန့်​က ​ဇွန်​ ၁၀ ရက်​​နံနက်​ ၉ နာရီခန့်​က ​တောင်းဆို ဆန္ဒထုတ်​ဖော်ခဲ့ကြသည်​။

မြ၀တီမြို့နှင့် ၅ မိုင်ခန့်အကွာ ကုန်သွယ်ရေးဇုန်တောင်ဘက်ရှိ အတွင်းမဲကနယ်ကျေး ရွာသားများ၏ ဘိုးဘွားပိုင်​ ယခင်​ရွာဟောင်း ​မြေ​ ၃၁၇ ဒသမ ၇၁ ဧကအား ဒီ​ကေဘီ​အေမှ ဗိုလ်​ကြီးညီညီဆိုသူက ၂၀၁၃ ခုနှစ်က လက်​နက်​အားကိုးဖြင့်​ သိမ်းယူကာ ​မြေကွက်​ရိုက်​​ ရောင်းစားခဲ့ကြောင်း ဆန္ဒပြ ရွာသူရွာသားများက ​ပြောကြားသည်။

ရွာဟောင်း လယ်​ယာ​မြေ ပြန်​လည်​ရရှိ​ရေး ဆန္ဒထုတ်ဖော်သူများသည်​ “မတရား သိမ်းဆည်းထားသော စိုက်ပျိုးမြေများ ပြန်လည်ရရှိရေး၊ မြစန္ဒီ မြို့သစ်​စီမံကိန်း အ​ကြောင်းပြု၍ ​မြေသိမ်းယူခဲ့​သော DKBA မှ ဗိုလ်ညီညီ အလိုမရှိ၊ သိမ်းဆည်းခံမြေများအား ပြန်လည်ရရှိအောင် သက်​ဆိုင်​ရာမှ အမြန်​ဆောင်ရွက်ပေးရေး စသည့်​ ​ကြွေးကြော်သံများဖြင့် ကြွေးကြော်ကြပြီး ရွှေမြစန္ဒီမြို့သစ်၊ သစ်လွင်လမ်းထိပ်မှ ဦးစောလားဘွယ်လမ်းအတိုင်း စီတန်းလှည့်လည်ကြကာ ‘သဗ္ဗသုခ’ တပ်ဦးစေတီ​တော်​အထိ ချီတက်ဆန္ဒပြခဲ့ကြ သည်။

“ကျွန်မတို့ ရွာသားတွေအားလုံးရဲ့ မြေဧကပေါင်း ၃၁၇ ဒသမ ၇၁ ဧကကို DKBA တပ်ဖွဲ့က ဗိုလ်ညီညီက ၂၀၁၃ ခုနှစ်ကုန်ပိုင်းမှာ ရွှေမြ၀တီမြို့သစ် တည်ဆောက်ရေး စီမံကိန်းဆိုပြီး သိမ်းယူခဲ့ပါတယ်။ သူတို့လုပ်တဲ့ မြို့သစ်စီမံကိန်း ဆိုတာကိုလည်း ကရင်ပြည်နယ် အစိုးရအဖွဲ့ကလည်း ခွင့်မပြုခဲ့ပါဘူး။ သူတို့သိမ်းလိုက်တဲ့ စိုက်ပျိုးမြေတွေက အရင်တုန်းက၊ KNU တပ်မဟာ ၆ စစ်ကြောင်းမှူး ဗိုလ်မှူးလှမင်းတို့ လှုပ်ရှားစခန်းချပြီး အခြေစိုက်တဲ့ နယ်မြေတွေပေါ့။ ဗိုလ်မှူးလှမင်းက မရှိဆင်းရဲသားတွေကို စိုက်ပျိုးစားသောက်ဖို့ ၂၀၁၂ ခုနှစ်မှာ အသိအမှတ်​ ပြုပေးခဲ့ပြီး ပဲ၊ ပြောင်းနဲ့ ရော်ဘာပင်တွေ စိုက်ပျိုးစားသောက် ခဲ့ကြပါတယ်။ ဒါကို ၂၀၁၃ ခုနှစ်မှာ ဗိုလ်ညီညီက အနိုင်ကျင့် မတရားသိမ်းယူပြီး အကွက်တွေရိုက် ရောင်းစားခဲ့ပါတယ်” ဟု မဲကနယ်​ ရွာသူတစ်ဦးက ​ပြောကြားသည်​။

အဆိုပါ မဲကနယ်​ရွာဟောင်း စိုက်​ပျိုး​မြေသိမ်းယူခံရသည့်​ ကိစ္စအား ​ကျေးရွာသားများက ကရင်ပြည်နယ် ၀န်ကြီးချုပ်နှင့် သက်ဆိုင်ရာဌာန အသီးသီးထံသို့ တိုင်စာများ ​ပေးပို့ခဲ့​ကြောင်း သိရသည်​။

ကရင်​ပြည်​နယ်​၀န်​ကြီးချုပ်​နှင့် သက်​ဆိုင်​ရာ အစိုးရအဖွဲ့မှ ကွင်းဆင်းကြည့်​ရှုပြီး ပြည်​သူလူထုနှင့်​ တွေ့ဆုံစဉ်​ ပြည်​နယ်​၀န်​ကြီးချုပ်​ နန်းခင်​​ထွေးမြင့်​က “ပြည်နယ်​အစိုးရ ခွင့်​ပြုချက်​မရှိဘဲ ​ဆောက်​လုပ်​​နေသူ​တွေ များများရင်းနှီးထားရင်​ များများဆုံးရှုံးမယ်​” ဟု ​ ​ပြောကြားခဲ့​သော်​လည်း သက်ဆိုင်ရာမှ ယနေ့အချိန်အထိ ထိရောက်စွာ ဆောင်ရွက်ပေးခြင်း မရှိသည့်​အတွက် မတရားသိမ်းယူ ခံထားရ​သော စိုက်ပျိုးမြေများ ပြန်လည်ရရှိဖို့ ဆန္ဒထုတ်ဖော်ရခြင်း ဖြစ်သည်​ဟု အတွင်းမဲကနယ်ကျေးရွာ အုပ်ချုပ်ရေးမှူး ဒေါ်ထူးထူးက ပြောကြားသည်။

“ယခင်​က ​ဒေသတွင်းမှာ မငြိမ်းချမ်းဘူး၊ တို့​ပွဲ​တွေ ဖြစ်​​နေတယ်​။ ဒါ​ပေမဲ့ ရွာသား​တွေက ကိုယ့်​ဘိုးဘွားပိုင်​​မြေမှာ စိတ်​ချမ်းမြေ့စွာနဲ့ပဲ လုပ်​ကိုင်​စား​သောက်​လို့ရတယ်​။ ခု NCA ထိုးတယ်​။ ငြိမ်းချမ်း​ရေးရမှဘဲ တစ်​ရက်​မှ စိတ်​မချမ်းသာရဘူး” ဟု ၎င်းကဆိုသည်​။ ထို့အတူ ဆန္ဒထုတ်ဖော်​ထုတ်​ရာတွင်​ ​ခေါင်းဆောင်အဖြစ်​ ပါဝင်​ခဲ့သူ ဦးသောင်းလှိုင်က “ကျွန်တော်တို့ မရှိနွမ်းပါးသူတွေကို သက်သက်အနိုင်ကျင့်တာပါ။ DKBA တပ်ဖွဲ့က သိမ်းတာဖြစ်လို့ DKBA စစ်ဦးစီးချုပ်ထံ တင်ပြတိုင်ကြားခဲ့​ပေမဲ့ ဘာမှတာဝန်​ယူ ​ဖြေရှင်း​ပေးတာ မရှိပါဘူး။ သက်ဆိုင်ရာ တာဝန်ရှိသူတွေကလည်း ယခုအချိန်အထိ ဖြေရှင်းဆောင်ရွက်ပေးခြင်း မရှိတာကြောင့် အခုလို ဆန္ဒထုတ်ဖော်ရတာပါ” ဟု ပြောကြားသည်။

အဆိုပါ ဆန္ဒထုတ်ဖော်ပွဲသို့ မြ၀တီမြို့နယ် ရဲတပ်ဖွဲ့မှူးရဲမှူး ကျော်သူရည်နှင့် ရဲတပ်ဖွဲ့ဝင်များ၊ သင်္ဃန်ညီနောင်မှ စခန်းမှူး ရဲအုပ်နိုင်ဝင်းသိန်းနှင့် ရဲတပ်ဖွဲ့ဝင်များ၊ နယ်ခြားစောင့်တပ်ဖွဲ့ဝင်များက လိုက်ပါစောင့်ရှောက် ပေးခဲ့ကြ​ကြောင်း သိရသည်​။

 

တစ်နှစ်ခန့်ကွဲကွာနေသော ဇနီးအား ပြန်လည်ပေါင်းသင်းရန်ပြောရာ လက်မခံသဖြင့် ခင်ပွန်းဖြစ်သူက လက်လုပ်မိုင်းဖြင့် ဖောက်ခွဲမှု ကော့ကရိတ်မြို့နယ်တွင် ဖြစ်ပွား

ကရင်ပြည်နယ် ကော့ကရိတ်မြို့နယ်တွင် တစ်နှစ်ခန့် ကွဲကွာနေသော ဇနီးဖြစ်သူအား ပြန်လည်ပေါင်းသင်းရန် ပြောသည်ကို လက်မခံသဖြင့် ဒေါသဖြင့် “နင့်ကိုငါသတ်မည်” ဟု ခြိမ်းခြောက်ပြောဆိုကာ အသင့်ယူဆောင်လာသော လက်လုပ်မိုင်းဖြင့် ရှော့တိုက်ဖောက်ခွဲရာမှ နှစ်ဦးစလုံး ဒဏ်ရာရရှိမှု ဇွန် ၈ ရက် နံနက်က ဖြစ်ပွားခဲ့ကြောင်း သိရသည်။

ဖြစ်စဉ်မှာ ဇွန် ၈ ရက် နံနက် ၁ နာရီခန့် က ကော့ကရိတ်မြို့နယ် တတန်ကူးကျေးရွာအုပ်စု ဆင်ကုန်းကျေးရွာနေ တင်ဝင်းအောင် (၂၅ နှစ်) သည် လွန်ခဲ့သည့် တစ်နှစ်ခန့်က လင်မယားချင်း စကားများပြီး ကွဲကွာနေသည့် ဇနီးဖြစ်သူ မစန္ဒာလင်း (၂၅ နှစ်) နန်းကော်တို့ကျေးရွာ ကော့ကရိတ်မြို့နယ် နေထိုင်သူက မပေါင်းသင်းနိုင်ကြောင်း ပြန်လည်ပြောကြားသဖြင့် တင်ဝင်းအောင်က ဇနီးဖြစ်သူအား ဒေါသထွက်ပြီး အသင့်ပါလာသော အရှည်ခြောက်လက်မခန့်၊ လုံးပတ်တစ်ကျပ်လုံးခန့်ရှိ RC ကော်ပိုက်အတွင်း ယမ်းနှင့် ကေဗွီကြေး ကြိုးအပိုင်းအစများ ရောနှောထည့်ကာ ဓာတ်ခဲအသေး သုံးလုံးဖြင့် ဖြူးတပ်၍ ရှော့တိုက်ရာမှ ၎င်းတို့နှစ်ဦး အနီးတွင် ပေါက်ကွဲခဲ့ကြောင်း သိရသည်။

အဆိုပါ ပေါက်ကွဲမှုကြောင့် တင်ဝင်းအောင်တွင် ယာလက်ပေါက်ပြဲစုတ်ပြတ်၊ ၀ဲလက်ချောင်းများပြတ်ရှ (မစိုးရိမ်ရ) ဒဏ်ရာများရရှိ၍ မစန္ဒာလင်းတွင် ယာပေါင်ပေါက်ပြဲ၊ ရင်ဘတ်ပေါက်ပြဲ (မစိုးရိမ်ရ) ဒဏ်ရာ အသီးသီး ရရှိခဲ့ကြောင်း သိရသည်။

ဖြစ်စဉ်နှင့် ပတ်သက်၍ တင်ဝင်းအောင်အား ကော့ကရိတ်မြို့မရဲစခန်းက အမှုဖွင့် အရေးယူထားကြောင်း သိရသည်။

လက်နက်ကိုင် အဖွဲ့အစည်းတစ်ခုက ဖောက်လုပ်လျက်ရှိသည့် ဇွဲကပင်တောင်တက်ကားလမ်း ဖောက်လုပ်နေမှုကို သဘာဝပတ်ဝန်းကျင် ထိခိုက်စေနိုင်သည့်အတွက် ကရင်ပြည်နယ်ဝန်ကြီးချုပ် တားမြစ်

ဇွဲကပင်တောင်တက်ကားလမ်း ဖောက်လုပ်နေမှုကို မြင်တွေ့ရစဉ်

သဘာဝပတ်ဝန်းကျင် ထိခိုက်စေနိုင်သည့်အတွက် လက်နက်ကိုင် အဖွဲ့အစည်းတစ်ခုမှ ဖောက်လုပ်လျက်ရှိသည့် ဇွဲကပင်တောင်တက်ကားလမ်း ဖောက်နေမှု လုပ်ငန်းအား ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်က မေ ၂  ရက်က တားမြစ်ထားကြောင်း သိရသည်။

“တောင်တက်ကားလမ်း ဖောက်လုပ်နေမှုကို ဇွဲကပင်တောင် ဆရာတော်လည်း သဘောမကျဘူး။ သဘာဝ ပတ်ဝန်းကျင်ကိုလည်း ထိခိုက်စေတဲ့အတွက် ၀န်ကြီးချုပ်က တားမြစ်လိုက်တာ ဖြစ်ပါတယ်။ ဇွဲကပင်တောင် အရှေ့ဘက် ခလောက်နို့အခြမ်းဘက်မှာ အဖွဲ့အစည်းတစ်ခုက ဘယ်သူ့ခွင့်ပြုချက်မှ မယူဘဲ တောင်တက်လမ်းကို ဖောက်လုပ်နေတာဖြစ်တယ်။ တောင်တက်ကားလမ်းက လေးပုံသုံးပုံလောက် ပြီးစီးနေတာ တွေ့ရတယ်” ဟု မေ ၁၀ ရက်ကပြုလုပ်သည့် ပြည်နယ်အစိုးရအဖွဲ့နှင့် ပြည်နယ်အဆင့် ဌာနဆိုင်ရာများ၏ လုပ်ငန်းညှိနှိုင်း အစည်းအဝေးတွင် ပြည်နယ်သာသနာရေး ဦးစီးဌာန၏ တင်ပြပြောကြားချက်အရ သိရသည်။

ကရင်ပြည်နယ် ကျက်သရေဆောင် ဇွဲကပင်တောင်သည် ယခုနှစ်ပိုင်းအတွင်း ကေဘယ်လ်ကား စီမံကိန်းကြောင့် ပြည်တွင်းခရီးသည်များ စိတ်ဝင်စားမှု ပိုမိုမြင့်မားလျက်ရှိပြီး ပြည်ပနိုင်ငံခြား ခရီးသွား ဧည့်သည်များလည်း ယခင်နှစ်များထက် လာရောက်မှု ပိုမိုများပြားလာကြောင်း သိရသည်။

ဇွဲကပင်တောင်တက်ကားလမ်း ဖောက်လုပ်မှုနှင့် ပတ်သက်၍ ဇွဲကပင်အနောက်ခြမ်း တော်ပုံကျေးရွာမှ ဒေသခံတစ်ဦးကလည်း “သူတို့ကားလမ်းဖောက်တဲ့ ကိစ္စကိုဖထီးတို့လည်း မတားဝံ့ပါဘူး။ သစ်ပင်တွေ ခုတ်လှဲပြီး ကားလမ်းဖောက်တာဆိုတော့ ဖထီးတို့က နှမြောတာပေါ့။ တောင်ခြေမှာလည်း ကျောက်မိုင်း ခွဲတာတွေရှိတယ်။ ကျောက်သားတွေ မိုင်းခွဲတာလည်း ဖထီးတို့ နှမြောတာပေါ့။ သက်ဆိုင်ရာက ကျောက်မိုင်းလုပ်ငန်းကို တားမြစ်ထားတယ်လို့ ကြားတယ်။ ဒါပေမဲ့ ကျောက်မိုင်းလုပ်ငန်းက အခုထက်ထိ လုပ်ကိုင်နေတုန်းပဲ” ဟု ပြောကြားသည်။

ဇွဲကပင်တောင်ပေါ်သို့ ကားလမ်းဖောက်လုပ်မှု လုပ်ငန်းကို နယ်ခြားစောင့်တပ် (BGF) မှ ဗိုလ်မှူးသိန်းဇော်မင်း ဦးစီးတပ်ဖွဲ့က၂၀၁၇ ခုနှစ်အတွင်း စတင်လုပ်ဆောင်လျက်ရှိရာ ကားလမ်းဖောက်လုပ်မှု လေးပုံ သုံးပုံခန့် ပြီးစီးနေပြီ ဖြစ်ကြောင်း သိရသည်။

 

ကရင်နိုင်ငံရေးပါတီသုံးပါတီအား ပေါင်းစည်းတည်ထောင်ထားသည့် ကရင်အမျိုးသားဒီမိုကရက်တစ်ပါတီ၏ ဗဟိုဌာနချုပ် ဆိုင်းဘုတ်တင်ရုံးခန်းဖွင့်ပွဲ ပြုလုပ်

ကရင်ပြည်နယ်အခြေစိုက် ကရင်နိုင်ငံရေးပါတီသုံးပါတီအား ပေါင်းစည်းတည်ထောင်ထားသည့် ကရင်အမျိုးသားဒီမိုကရက်တစ်ပါတီ (Karen National Democratic Party) ၏ ဗဟိုကော်မတီဌာနချုပ်ဆိုင်းဘုတ် တင်ရုံးခန်းဖွင့်ပွဲကို ဌာနချုပ်ရုံးစိုက်ရာ ဘားအံမြို့ အမှတ် (၇) ရပ်ကွက်တွင် ဧပြီ ၁၁ ရက် နံနက်ပိုင်းက ပြုလုပ်ခဲ့ကြောင်း သိရသည်။

အဆိုပါအခမ်းအနားသို့ နိုင်ငံရေးပါတီများမှ ပါတီဝင်များ၊ လူမှုအဖွဲ့အစည်းများ၊ သက်ဆိုင်ရာ အုပ်ချုပ်ရေးတာဝန်ရှိသူများ စသည်ဖြင့် ဖိတ်ကြားထားသူများတက်ရောက်ခဲ့ပြီး ပါတီဌာနချုပ်ရုံးဆိုင်းဘုတ်အား ပါတီဥက္ကဋ္ဌမန်းအောင်ပြည်စိုးက စက်ခလုတ်နှိပ်ဖွင့်လှစ်ပေးခဲ့သည်။

ကရင်တစ်ပါတီအဖြစ် ပေါင်းစည်းလိုက်သည့် ကရင်နိုင်ငံရေးပါတီများမှာ ကရင်ဒီမိုကရက်တစ်ပါတီ၊ ကရင်ပြည်နယ်ဒီမိုကရေစီနှင့် ဖွံ့ဖြိုးတိုးတက်ရေးပါတီ၊ စည်းလုံးညီညွတ်သော ကရင်အမျိုးသားဒီမိုကရက်တစ်ပါတီတို့ဖြစ်ပြီး ကရင်နိုင်ငံရေးပါတီများ ပေါင်းစည်းရာတွင် အထက်ပါသုံးပါတီအပြင် ကရင်ပြည်နယ်အခြေစိုက် ဖလုံ-စဝေါ်ဒီမိုကရက်တစ်ပါတီက ပါတီပေါင်းစည်းရေးတွင်ပါဝင်လိုသည့် ပါတီဝင်များအား ရွေးချယ်နှုတ်ထွက်ခွင့်ပြုခဲ့သည်။

ဖလုံ-စဝေါ် ဒီမိုကရက်တစ်ပါတီမှာ ပါတီဖျက်သိမ်းခြင်းမရှိဘဲ ဆက်လက်ရပ် တည်လျက်ရှိသည်။

အဆိုပါလေးပါတီမှ တစ်ပါတီလျှင် ရှစ်ဦးနှုန်းဖြင့် အသစ်တည်ထောင်လိုက်သည့် ပါတီဗဟိုကော်မတီကို ဖွဲ့စည်းခဲ့ပြီး ယင်းဗဟို ကော်မတီဝင်များထဲမှ ပါတီဗဟိုအလုပ်အမှုဆောင်ကော်မတီဝင် ၁၅  ဦးကို လျှို့ဝှက်မဲ စနစ်ဖြင့် မတ် ၁၂ ရက်တွင် ရွေးချယ်ခဲ့သည်။

ထို့အတူ ပါတီဗဟိုအလုပ်အမှုဆောင် ကော်မတီဝင် ၁၅ ဦးထဲမှ ဥက္ကဋ္ဌ၊ ဒုတိယဥက္ကဋ္ဌ (၁) နှင့် (၂)၊ အထွေထွေအတွင်းရေးမှူး၊ တွဲဖက်အတွင်းရေးမှူး (၁) နှင့် (၂) တို့ကိုလည်း လျှို့ဝှက်မဲစနစ်ဖြင့်ရွေးချယ်ခဲ့ပြီး ပါတီဥက္ကဋ္ဌအား မန်းအောင်ပြည်စိုး (ယခင် ဖလုံ-စဝေါ် ဒီမိုကရက်တစ်ပါတီ ဒုတိယဥက္ကဋ္ဌ) အားရွေးချယ်တင်မြှောက်ခဲ့ခြင်း ဖြစ်သည်။

လက်ရှိတွင် ပါတီမှတ်ပုံတင်ကျပြီးနောက် ပါတီဝင်အင်အား ၁၀၀၀ အား ပြည်ထောင်စု ရွေးကောက်ပွဲကော်မရှင်သို့ ပြန်လည်တင်ပြရန် ဆောင်ရွက်နေဆဲဖြစ်ကြောင်း သိရသည်။

“ပါတီဝင်အင်အားကတော့ စုနေပြီ။ ကျွန်တော်တို့ တစ်လကျော်ကျော်လောက် အချိန်ရသေးတယ်။ လူ ၁၀၀၀ ကို။ မြ၀တီကတော့ လူနှစ်ရာလောက်ရပြီ။ အခြားမြို့နယ်တွေကတော့ သင်္ကြန်ပြီးတာနဲ့ ဆက်လုပ်ကြမယ်လေ။ ပါတီဝင်အင်အားစုရင်းနဲ့ စည်းရုံးရေးဆင်းပေါ့ဗျာ” ဟု ပါတီဥက္ကဋ္ဌ မန်းအောင်ပြည်စိုးက ပြောကြားသည်။

ကရင်အမျိုးသားဒီမိုကရက်တစ်ပါတီ၏  အခြေခံမူဝါဒများမှာ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့်အား အာမခံသည့် ပြည်နယ်များနှင့် ဖွဲ့စည်းထားသည့် ဖက်ဒရယ် ဒီမိုကရေစီပြည်ထောင်စုအားတည်ဆောက်ရန်၊ စစ်မှန်သည့် ငြိမ်းချမ်းရေးနှင့်အမျိုးသား ပြန်လည်သင့်မြတ်ရေးကို တည်ဆောက်ရန်၊ မည်သည့်ပါတီ၊ အဖွဲ့အစည်း၊ ပုဂ္ဂိုလ်တစ်ရပ်ရပ်၏ သြဇာလွှမ်းမိုးမှုကိုမခံယူဘဲ လွတ်လပ်သည့် ပါတီအဖြစ်ရပ်တည်ရန်၊ ရည်မှန်းချက်ခြင်းတူညီသည့် တိုင်းရင်းသားပါတီများနှင့် မဟာမိတ်ဖွဲ့ပူးပေါင်းဆောင်ရွက်ရန်၊ ဖက်ဒရယ်ပြည်ထောင်စု၏ အခြေခံမူများနှင့်ကိုက်ညီသည့် အခြေခံဥပဒေရေးဆွဲရန်နှင့် ဘက်မလိုက်ဝါဒ အလယ်အလတ်လမ်းစဉ် ကျင့်သုံးရန်တို့ဖြစ်ကြောင်း သိရသည်။

ကရင်တိုင်းရင်းသား နိုင်ငံရေးပါတီ ခြောက်ပါတီရှိသည့်အနက် လေးပါတီသည် ကရင်ပြည်နယ်တွင် အဓိကအခြေစိုက်လှုပ်ရှားကာ ကျန်နှစ်ပါတီသည် ရန်ကုန်မြို့တွင် အခြေစိုက်၍ ရန်ကုန်၊ ဧရာဝတီ၊ ပဲခူးတိုင်း ဒေသကြီးတို့တွင် လှုပ်ရှားလျက်ရှိသည်။

ကရင်နိုင်ငံရေးပါတီများ ကွဲပြားနေသောကြောင့် တစ်ပါတီတည်းအဖြစ် ပေါင်းစည်းရန် ကရင်ပါတီများခုနှစ်ကြိမ်တိုင် ညှိနှိုင်းခဲ့သော်လည်း ပေါင်းစည်းရန်မပြေလည်သောကြောင့် ပြည်နယ်အခြေစိုက်လေးပါတီသာ အဓိကပူးပေါင်းခဲ့ခြင်း ဖြစ်သည်။

ကရင်နိုင်ငံရေးပါတီများအနက် ၂၀၁၀ ရွေးကောက်ပွဲတွင် ဖလုံ-စဝေါ် ဒီမိုကရက်တစ်ပါတီနှင့် ကရင်ပြည်သူ့ပါတီတို့မှာ ရွေးကောက်ပွဲအနိုင်ရရှိခဲ့သော်လည်း ၂၀၁၅ ရွေး ကောက်ပွဲတွင်မူ ကရင်ပြည်သူ့ပါတီတစ်ပါတီသာ မဲဆန္ဒနယ်တစ်နေရာတွင် အနိုင်ရရှိထားသည်။

ကရင်ပြည်နယ် ဖာပွန်မြို့နယ်ရှိ ခေးပူ-လွယ်မူပလော လမ်းဟောင်းပြုပြင်ခြင်းကို ဆက်လက်ဆောင်ရွက်မည်ဖြစ်ပြီး တစ်ဖက်တွင်လည်း စေ့စပ်ညှိနှိုင်းခြင်းဖြင့် စိုးရိမ်စိတ်နှင့် ယုံကြည်မှုလျော့နည်းမှု မဖြစ်စေရေး ဆွေးနွေးမည်ဖြစ်ကြောင်း တပ်မတော်ထုတ်ပြန်

ကရင်ပြည်နယ် ဖာပွန်မြို့နယ်ရှိ ခေးပူ- လွယ်မူပလော လမ်းဟောင်းပြုပြင်ခြင်းအား ဒေသဖွံ့ဖြိုးရေး၊ ဒေသခံပြည်သူများ သွားလာမှု အဆင်ပြေစေရေးနှင့် မိမိတပ်များ အုပ်ချုပ်မှုကိစ္စဆောင်ရွက်ရာတွင် အဆင်ပြေစေရေးအတွက် ဆက်လက်ဆောင်ရွက်မည်ဖြစ်ပြီး တစ်ဖက်တွင်လည်း စေ့စပ်ညှိနှိုင်းခြင်းဖြင့် စိုးရိမ်စိတ်နှင့် ယုံကြည်မှုလျော့နည်းမှုမဖြစ်စေရေး ဆွေးနွေးမည်ဖြစ်ကြောင်း တပ်မတော်သတင်းမှန်ပြန်ကြားရေးအဖွဲ့က ဧပြီ ၁၀ ရက် နေ့စွဲဖြင့် သတင်းထုတ်ပြန်သည်။

တပ်မတော်သတင်းမှန် ပြန်ကြားရေးအဖွဲ့အနေဖြင့် ရိက္ခာစုပုံစဉ်နှင့် ခေးပူ-လွယ် မူပလော ဆက်သွယ်ရေးလမ်းကြောင်းအဟောင်း ပြုပြင်ချိန်ကာလအတွင်း နှောင့်ယှက်ပစ်ခတ်မှုနှင့် မိုင်းထောင်မှုများအပေါ် NCA လက်မှတ်ရေးထိုးထားသည့် တိုင်းရင်းသားလက်နက်ကိုင် အဖွဲ့အစည်းတစ်ခုဖြစ် နေခြင်းကြောင့် နှစ်ဖက်ယုံကြည်မှု မပျက်ပြားစေရေး ဖြစ်စဉ်ဖြစ်ရပ်များအပေါ် တရားဝင် သတင်းထုတ်ပြန်ခြင်းမပြုဘဲ JMC- S နှင့် JMC- U ဆွေးနွေးပွဲများအပါအ၀င် သက်ဆိုင်ရာ ဆက်ဆံရေးရုံးများမှတစ်ဆင့်သာ ညှိနှိုင်းဆွေးနွေးသည့်ပုံစံဖြင့် ဆောင်ရွက်သော်လည်း KNU တိုင်းရင်းသား လက်နက်ကိုင်အဖွဲ့အစည်းအနေဖြင့် ထုတ်ပြန်ကြေညာချက်များအား တစ်ဖက်သတ်ထုတ်ပြန်လာခဲ့ရာ ကျန် NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်း ကိုးဖွဲ့နှင့် NCA လက်မှတ်ရေးထိုးရန် ဆွေးနွေးညှိနှိုင်းနေသော တိုင်းရင်းသားလက်နက်ကိုင် အဖွဲ့အစည်းများအနေဖြင့် KNU ၏ ထုတ်ပြန်ကြေညာချက်အပေါ် ယုံကြည်မှုနှင့် နားလည်မှုမလွဲမှားစေရန်နှင့် ပြည်သူလူထု အနေဖြင့်လည်း ထာဝရငြိမ်းချမ်းရေးအပေါ် နားလည်မှုမလွဲစေရေး ယခုကဲ့သို့ ထုတ်ပြန်ခြင်းဖြစ်ကြောင်း ဖော်ပြထားသည်။

ကရင်ပြည်နယ် ဖာပွန်မြို့နယ်အတွင်း ၁၅ မိုင်အရှည်ရှိ ခေးပူရွာနှင့် လွယ်မူပလောရွာ ဆက်သွယ်ထားသော ယခင်လမ်းကြောင်းဟောင်းအား ဒေသဖွံ့ဖြိုးရေးနှင့် ဒေသခံပြည်သူများ အသုံးပြုနိုင်ရန်အတွက်လည်းကောင်း၊ တပ်ပိုင်းဆိုင်ရာ အုပ်ချုပ်မှုကိစ္စရပ်များ ဆက်သွယ်ဆောင်ရွက်မှု လွယ်ကူစေရန်လည်းကောင်း၊ ပြန်လည်ပြုပြင်မွမ်းမံရန်ရှိသဖြင့် အဆိုပါကိစ္စအား တောင်ပိုင်းတိုင်းစစ်ဌာနချုပ်မှ နယ်မြေခံ KNLA တိုင်းရင်းသားလက် နက်ကိုင်အဖွဲ့အစည်းထံသို့ ကြိုတင်အကြောင်းကြား ညှိနှိုင်းခြင်း ၁၁ ကြိမ်ပြုလုပ်ခဲ့ပြီး လမ်းဖောက်လုပ်ရေးလုပ်ငန်းများအား ၂၀၁၈ ခုနှစ် မတ် ၄ ရက်မှစတင်၍ ဆောင်ရွက်ခဲ့ကြောင်း ထုတ်ပြန်ချက်တွင် ဖော်ပြထားသည်။

ထိုသို့ လမ်းဖောက်လုပ်ရေး လုပ်ငန်းများအား စက်ယန္တရားများနှင့် ဆောင်ရွက်ရာတွင် နယ်မြေအတွင်းရှိ တိုင်းရင်းသားလက်နက်ကိုင်အဖွဲ့အချို့မှာ တပ်ပိုင်းဆိုင်ရာ စစ်ဆင်ရေးများတွင် အသုံးပြုရန် ဖောက်လုပ်ခြင်းဟု စိုးရိမ်စိတ်များပြားပြီး လမ်းဖောက် လုပ်ရေးလုပ်ငန်းများ ဆောင်ရွက်လျက်ရှိသော တပ်မတော်စစ်ကြောင်းများအား မိုင်းထောင်ခြင်း၊ နှောင့်ယှက်ပစ်ခတ်တိုက်ခိုက်မှုများ ပြုလုပ်ခြင်းတို့ကို ဆောင်ရွက်ခဲ့ရာ စတင်ဖောက်လုပ်ချိန်မှ ယနေ့အထိ စစ်သည် မိုင်းနင်းမှု သုံးကြိမ်၊ နှောင့်ယှက်ပစ်ခတ်မှု ၂၆ ကြိမ်၊ မိုင်းဖော်ထုတ်ရရှိမှု ရှစ်ကြိမ် (မိုင်း ၂၁ လုံး) ရရှိခဲ့ပြီး တပ်မတော်ဘက်မှ စစ်သည်တချို့ ထိခိုက်ကျဆုံး ဒဏ်ရာရရှိမှုများရှိခဲ့ကြောင်း ထုတ်ပြန်ချက်အရ သိရသည်။

ထို့ပြင် ၎င်းတို့ဘက်မှ နှောင့်ယှက်ပစ်ခတ်ရန်နှင့် မိုင်းထောင်ရန် ကားလမ်းပေါ်သို့ ၀င်ရောက်လာသည့် မသင်္ကာဖွယ် အရပ်ဝတ် နှစ်ဦးအား လုံခြုံရေးတပ်ဖွဲ့ဝင်များက ခေါ်ယူသော်လည်း ထွက်ပြေးသဖြင့် ပစ်ခတ်ဖမ်းဆီးရာ တစ်ဦးအား ဗုံးသီးများ၊ ပစ္စည်းအချို့နှင့်အတူ အသေဖမ်းဆီးရရှိခဲ့ကာ သိမ်းဆည်းရရှိခဲ့သော ကင်မရာ၊ သက်သေခံကတ်ပြားများနှင့် တိုက်ဆိုင်စစ်ဆေးချက်များအရ ဦးစောကလိုပါးဖြစ်ကြောင်း သိရှိရသည်ဟု တပ်မတော်၏ ထုတ်ပြန်ချက်တွင် ပါရှိသည်။

ထို့အတူ လမ်းကြောင်းဟောင်း ပြုပြင်ဖောက်လုပ်မှုသည် တပ်အင်အားတိုးချဲ့၍ တပ်စခန်းတိုးမြှင့်ချထားရန် ဆောင်ရွက်ခြင်း မဟုတ်ဘဲ မိမိတပ်များ အုပ်ချုပ်မှုကိစ္စဆောင်ရွက်ရာတွင် အဆင်ပြေရန် ဒေသခံပြည်သူများ အသုံးပြုနိုင်ရန်နှင့် ဒေသဖွံ့ဖြိုးတိုးတက်ရေး ဆောင်ရွက်ရန် ရည်ရွယ်ချက်များဖြင့် ဆောင်ရွက်လျက်ရှိသောကြောင့် တိုင်းရင်းသား လက်နက်ကိုင်အဖွဲ့အစည်းများအနေဖြင့် စိုးရိမ်စိတ်များနှင့် မလိုလားအပ်သော မိုင်းထောင်ခြင်း၊ နှောင့်ယှက်ပစ်ခတ်တိုက်ခိုက်ခြင်းများ မပြုလုပ်ရန် မိမိတို့ဘက်မှ ကြိုတင်အကြောင်းကြား ညှိနှိုင်းခြင်းများ အကြိမ်ကြိမ် ပြုလုပ်ခဲ့ပြီး ၂၀၁၈ ခုနှစ် မတ် ၂၁ ရက်တွင် ကျင်းပသည့် ၁၅ ကြိမ်မြောက် JMC- U အစည်းအဝေးတွင် နှစ်ဖက်တပ်ခေါင်းဆောင်များ အဆိုပါဖြစ်စဉ်နယ်မြေ၀န်းကျင်၌ တွေ့ဆုံဆွေးနွေးရန် ညှိနှိုင်းသဘောတူခဲ့သော်လည်း ပစ်ခတ်မှုဖြစ်ပွားသည့်နယ်မြေရှိ အဓိက တာဝန်ရှိသူမှာ ကျန်းမာရေးအကြောင်းပြချက်ဖြင့် မတက်ရောက်နိုင်သောကြောင့် ကျန်းမာရေးကောင်းသည့်အချိန်တွင် ဆောင်ရွက်နိုင်ရန် တပ်မတော်ဘက်မှ ပြန်လည်အကြောင်းကြားခဲ့ကြောင်း ထုတ်ပြန်ချက်အရ သိရသည်။

အလားတူ အဆိုပါနယ်မြေအတွင်း နှစ်စဉ်ဆောင်ရွက်လျက်ရှိသည့် ၂၀၁၈-၂၀၁၉ ဘဏ္ဍာနှစ် ရိက္ခာစုပုံရေးရာသီအတွင်း လမ်းကြောင်းပြန်လည်ပြုပြင်ခြင်းနှင့် ရိက္ခာပို့ချိန်များတွင်လည်း အဆိုပါ စိုးရိမ်စိတ်ကြီးမားပြီး နားလည်မှုလွဲမှားနေသည့် နယ်မြေခံတိုင်းရင်းသား လက်နက်ကိုင်အဖွဲ့အစည်းသည် မိုင်းထောင်ခြင်း၊ နှောင့်ယှက်ပစ်ခတ်တိုက်ခိုက်ခြင်းများ စဉ်ဆက်မပြတ်ဆောင်ရွက်ခဲ့ရာ လမ်းဖောက်လုပ်သည့် ဒိုဇာအား မိုင်းထောင်ခြင်းတစ်ကြိမ်၊ ရိက္ခာပို့ယာဉ်တန်းအား မိုင်းထောင်ခြင်း တစ်ကြိမ်၊ စစ်သည်မိုင်းနင်းခြင်း ၁၁ ကြိမ် ဖြစ်ပွားခဲ့ပြီး စစ်သည်အချို့ ကျဆုံးဒဏ်ရာရရှိခဲ့ကာ မိုင်းဖော်ထုတ်ရရှိမှု ၄၇ ကြိမ်နှင့် မိုင်း ၆၄ လုံး ရရှိခဲ့ကြောင်း သိရသည်။

ထိုကဲ့သို့သို့ မိုင်းထောင်၊ နှောင့်ယှက်ပစ်ခတ်တိုက်ခိုက်မှုများကြောင့် သက်ဆိုင်ရာ JMC- S အစည်းအဝေးများတွင် တပ်မတော်ဘက်မှ ကန့်ကွက်ဆွေးနွေးမှု ငါးကြိမ်နှင့် JMC- U အစည်းအဝေးများတွင် ကန့်ကွက်ဆွေးနွေးမှု နှစ်ကြိမ်ပြုလုပ်ခဲ့ကြောင်း၊ လုပ် ထုံးလုပ်နည်းနှင့်အညီ ကန့်ကွက်ဆွေးနွေးခဲ့ သော်လည်း နှောင့်ယှက်ပစ်ခတ်မှုနှင့် မိုင်းထောင်မှုမှာ လျော့နည်းသွားခြင်းမရှိ၍ လွယ်မူပလောမှ ခေးပူအထိ ဆက်သွယ်ရေး လမ်းကြောင်းအဟောင်း ဖောက်လုပ်နေသော စက်ယန္တရားများလုံခြုံရေးအတွက် လုံခြုံရေးတပ်ဖွဲ့ဝင်များဖြင့် ဆောင်ရွက်ရာတွင် နယ်မြေခံ တိုင်းရင်းသား လက်နက်ကိုင်အဖွဲ့များအနေဖြင့် စိုးရိမ်မှုများ ပိုမိုမြင့်မားလာခြင်းနှင့် နားလည်မှု၊ အထင်အမြင်လွဲမှားမှုမှတစ်ဆင့် ယခုကဲ့သို့ အောက်ခြေအဆင့် ထိတွေ့ပစ်ခတ်မှုများ ဖြစ်ပွားနေရခြင်းဖြစ်ကြောင်း သတင်းမှန်ပြန်ကြားရေးအဖွဲ့ ထုတ်ပြန်ချက်အရ သိရသည်။

ပစ်ခတ်တိုက်ခိုက်မှုများကြောင့် နှစ်ဖက်တပ်များ ယုံကြည်မှုလျော့နည်းခြင်း၊ စိုးရိမ်စိတ်ကြီးမားမှုများ ပိုမိုဖြစ်ပေါ်လာခြင်းတို့ကြောင့် ပစ်ခတ်မှုများအားဖြေရှင်းရန် JMC- S ၊ JMC- U များတွင် ဆွေးနွေးခြင်းနှင့် နှစ်ဖက် နယ်မြေခံခေါင်းဆောင်များ တွေ့ဆုံဆွေးနွေးရန် ညှိနှိုင်းသဘောတူခဲ့သော်လည်း ချိန်းဆိုသည့် အချိန်နီးကပ်မှသာ အဓိကနယ်မြေခံ ခေါင်းဆောင်မှာ ကျန်းမာရေးအကြောင်း ပြချက်ဖြင့် မတက်ရောက်နိုင်ဘဲ ကျန်ကိုယ်စားလှယ်များနှင့် ဆွေးနွေးရန် စေလွှတ်လာသဖြင့် တပ်မတော်အနေဖြင့် အဓိကစိုးရိမ်စိတ် ကြီးမားနေသည့် နယ်မြေခံခေါင်းဆောင်နှင့် တိုက်ရိုက်ဆွေးနွေးနိုင်ရန် ပြန်လည်ချိန်းဆိုခဲ့ရကြောင်းလည်း ထုတ်ပြန်ချက်အရ သိရသည်။

နယ်​ခြား​စောင့်​တပ်​နှင့်​ တပ်​မ​တော်​ နှစ်​ရက်​ကြာ စစ်​​ရေး​တင်းမာမှု​ ဖြစ်​​​ပွားလျက်​ရှိရာမှ Without Car ၁၈၄ စီး အပ်​နှင်းပြီး​နောက်​ နှစ်​ဖက်​တာဝန်​ရှိသူများညှိနှိုင်းချက်​အရ ပြေလည်​မှုရရှိ

မြ၀တီနယ်​စပ်​မြို့ ကရင်​ပြည်​နယ်​ နယ်​ခြား​စောင့်​တပ်​နှင့်​ တပ်​မ​တော်​တို့ နှစ်​ရက်​ကြာ စစ်​​ရေး​တင်းမာမှု ​ဖြစ်​ပွားလျက်​ရှိရာမှ  Without Car ၁၈၄ စီးကို အပ်​နှင်းပြီး​နောက်​ မတ်​ ၂၅ ရက်​​က နှစ်​ဖက်​တာဝန်​ရှိသူများ ညှိနှိုင်းချက်​အရ ပြေလည်​မှုရရှိခဲ့ကြောင်း သိရသည်​​။

သင်္ဃန်းညီ​နောင်​ အ​ခြေချ စစ်​ဗျူဟာခန်းမတွင် မတ်​၂၅ ရက်​​က ​ပြုလုပ်သည်​အဆိုပါ ညှိနှိုင်းအစည်းအဝေးတွင်​ ကာကွယ်​​ရေးစစ်​ဦးစီးချုပ်​ရုံး ၊​ စစ်​ဆင်​​ရေး အထူးအဖွဲ့ (ကစထ)(၄) မှူး ဒုတိယဗိုလ်​ချုပ်​ကြီး မင်း​နောင်​၊ ပြည်​သူ့ စစ်​နှင့်​နယ်​ခြားတပ်​များ ညွှန်​ကြား​ရေးမှူးဒုတိယဗိုလ်​ချုပ်​ကြီး ​အောင်ကျော်ေ​ဇာ (ကစထ) (၆) မှူး အ​ရှေ့​တောင်​တိုင်းစစ်​ဌာနချုပ်​တိုင်းမှူး ဗိုလ်​ချုပ်​မျိုးဝင်း၊ ပြည်​သူ့စစ်​နှင့်​ နယ်​ခြားတပ်​များ ဒုတိယညွှန်​ကြား​ရေးမှူး ဗိုလ်​ချုပ်​ထင်​​မော်​ထွန်း၊ ကရင်​ပြည်​နယ်​ နယ်ခြား​စောင့်​တပ်​များအကြံ​ပေးနှင့်​ ကွပ်ကဲ​ရေးအဖွဲ့ဥက္ကဋ္ဌ ဗိုလ်​မှူးကြီး​စောထွန်းလှိုင်​၊ ဒုတိယဥက္ကဋ္ဌ ဗိုလ်​မှူးကြီး​စောဖားနွီး၊ ကရင်​ပြည်​နယ်​ နယ်ခြား​စောင့်တပ်​များအ​ထွေ​ထွေ အတွင်း​ရေးမှူး ဗိုလ်​မှူးကြီး ​စောချစ်​သူနှင့်​ နယ်​ခြား​စောင့်​တပ်​ရင်း တပ်မှူးများ တက်​​ရောက်​ခဲ့ကြသည်​။

မြန်​မာ-ထိုင်းနယ်​စပ်​ သောင်​ရင်းကမ်း နဖူးရှိ ဂျပန်​တစ်ပတ်​ရစ်​ကားရောင်းချ​သော ဂိတ်​အား မတ်​၂၃ ရက်​​ နေ့လယ်က တပ်​မတော်​က ၀င်​​ရောက်​စစ်​​ဆေးရန်​ကြိုးပမ်းမှုမှ တစ်ဖက်​နှင့်​ တစ်​ဖက်​တင်းမာမှုဖြစ်​ပွားခဲ့ခြင်း ဖြစ်သည်​။

ယင်​​နေ့ညတွင်​ တပ်​မ​တော်​တာဝန်​ရှိသူများနှင့်​ ကရင်​ပြည်​နယ်​  နယ်​ခြား​စောင့်​ အ​ထွေ​ထွေအတွင်း​ရေးမှူး ဗိုလ်​မှူးကြီး​စောချစ်​သူ ဦးဆောင်​​သော နယ်​ခြား​စောင့်​တပ်​ဖွဲ့ဝင်​များ ညှိနှိုင်း​ဆွေး​နွေး သ​ဘောတူချက်​အရ အဆိုပါ ​သောင်​ရင်းကမ်းစပ်​ရှိ ဂျပန်​တစ်ပတ်ရစ်​ ​မော်​​တော်​ယာဉ်​ ၁၀၄ စီးကို တပ်​မတော်​ထံသို့  အပ်​နှင်း​ပေးခဲ့ကြောင်း သိရသည်။    “ဟုတ်​ပါတယ်​။ ညတွင်းချင်းပဲ အပ်ပေးရမယ်​ဆိုလို့  ​မောင်းပို့​ပေးရပါတယ်​။ အားလုံး ၁၀၄ စီးပါ။ bgf  ဆိုတာ တပ်​မ​တော်​ရဲ့ မိတ်​ဖက်​ပါ။ တကယ်​ဆိုရင်​ အကျိုးအ​ကြောင်း ညှိနှိုင်းဆောင်​ရွက်​ဖို့ ​ကောင်းပါတယ်​။ ခုက ပြည်​သူ​တွေ အရမ်းနစ်​နာပါတယ်​” ဟု အမည်​မ​ဖော်​လိုသူ နယ်ခြား​စောင့်​တပ်​မှူးတစ်​ဦးက မတ်​ ၂၄ ရက်​​ နံနက်​က​ ပြောကြားသည်​။

အဆိုပါကိစ္စနှင့်​ပတ်​သက်​၍ တစ်​ဖက်​နှင့်​ တစ်​ဖက်​တင်းမာမှု ဖြစ်​​နေသည့်​ အတွက်​ ပစ်​ခတ်​မှုဖြစ်​လာမည်ကို ​ဒေသခံပြည်​သူများ၊ နယ်​စပ်​ကုန်​စည်​ စီးပွား​ရေးလုပ်​ငန်းရှင်​များ စိတ်​ပူပန်ခဲ့ကြ​သော်​လည်း မတ်​ ၂၅ ရက်​​ ည​နေတွင်​ နှစ်​ဖက်​ညှိနှိုင်းမှု​ပြေလည်​သွားပြီ ဖြစ်​၍ စစ်​​ရေးတင်းမာမှု ပြေ​လျော့သွား​ကြောင်း သိရသည်​။

“တစ်​ဖက်​နဲ့ တစ်​ဖက်​ ညှိနှိုင်းအဆင်​​ပြေပါ​စေလို့ ဆု​တောင်းခဲ့ပါတယ်​။ ဒီတစ်​ခါ ဖြစ်​ရင်​ နှစ်​ဖက်​အ​ခြေအနေအရ အရမ်းစိတ်​ပူမိတယ်​။ အခုပြေလည်​သွားပြီဆို​တော့လည်း ၀မ်းသာစရာ​ပေါ့။၂၀၁၀ ဖြစ်တုန်းက​ဆိုရင်​ ​မြို့ရဲ့ စီးပွား​ရေး၊ လူနေမှုအ​ခြေအ​နေ အ​တော်​ထိခိုက်​ခဲ့တယ်​။ နှစ်​​ပေါင်း ၆၀ ​ကျော်​စစ်​​ဘေးစစ်​ဒဏ်​လည်း  ခံခဲ့ပြီးပြီ​လေ” ဟု မြ၀တီဒေသခံတစ်​ဦးက​ ပြောကြားသည်​။

ယင်းကဲ့သို့ တစ်​ဖက်​နှင့်​တစ်​ဖက်​ ညှိနှိုင်း ဆောင်​ရွက်​မှုပြုလုပ်​​နေသည့်​ မတ်​ ၂၄ ရက်​​နေ့ညတွင်​ ​သောင်​ရင်းကမ်းစပ်​ရှိ ဂျပန်​တစ်ပတ်​ရစ်​  Without Car အစီး ၈၀ ကို ထပ်​မံအပ်​​ပေးလိုက်​ရခြင်းဖြစ်​သည့်အတွက်​ ကားအားလုံး ၁၈၄ စီးအပ်​​ပေးခဲ့သည်​​ဟု နယ်ခြား​စောင့်​ တပ်​မှူးတစ်​ဦးက​ ဆိုသည်​။

ကရင်​ပြည်​နယ်​ နယ်ခြား​စောင့်​တပ်​များ စခန်းချထားသည့်​​ သောင်​ရင်းကမ်းစပ်​ရှိ ကင်း စခန်းဂိတ်​၀င်းများတွင်​ ​ရောင်းချလျက်​ရှိ​သော  Without ကားများအား သက်​ဆိုင်​ရာက သိမ်းဆည်းခြင်းဖြစ်​ပြီး နှစ်​ဖက်တင်းမာမှု မဖြစ်​ပွား​စေ​ရေးညှိနှိုင်းဆွေး​နွေးပြီး​နောက်​ ကစထ (၄) မှူး ဦး​ဆောင်​သည့်​အဖွဲ့က ယင်းဂိတ်များအတွင်း ​မော်​​တော်​ယာဉ်​များ ထားသို​ရောင်း ချမှုမရှိသည့်​ အ​ခြေအ​နေအား လိုက်​လံကြည့်ရှုခဲ့​ကြောင်း သိရသည်​။

ဖာပွန်ဖြစ်စဉ်နှင့်ပတ်သက်၍ တပ်မတော်နှင့် ကရင်အမျိုးသားအစည်းအရုံး (KNU) တို့ ယခုလကုန် ဆွေးနွေးမည်

ကရင်ပြည်နယ် ဖာပွန်ဒေသတွင် ဖြစ်ပွားခဲ့သည့် ထိတွေ့မှုနှင့် ပတ်သက်၍ တပ်မတော်နှင့် ကရင်အမျိုးသားအစည်းအရုံး (KNU) တို့မှ ထိပ်ပိုင်းခေါင်းဆောင်များ ယခုလကုန်တွင် ဆွေးနွေးမည်ဖြစ်ကြောင်း ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အတွင်းရေးမှူး(၁)ဒေါက်တာ ရွှေခါးရ်က ပြောကြားသည်။

JMC-U ၏ (၁၅) ကြိမ်မြောက် အစည်းအဝေးကို ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် မတ် ၂၁ ရက်က စတင်ပြုလုပ်ခဲ့ရာ နှစ်ရက်တာ အစည်းအဝေးအပြီး သတင်းစာရှင်းလင်းပွဲ၌ ဒေါက်တာရွှေခါးရ်က ယင်းကဲ့သို့ ပြောကြားခြင်း ဖြစ်သည်။

“KNU ဘက်ကလည်း ဗဟိုအဆင့် တပ်မဟာ(၅)ရဲ့ ခေါင်းဆောင်အပါအ၀င် တပ်မဟာအားလုံး။ ပြီးတော့ ဗဟိုအဆင့်တွေ ပါဝင်မယ်။ တပ်မတော်ဘက်ကလည်း အကြီးအကဲတွေ ပါဝင်ပြီးတော့ ဆွေးနွေးကြမယ်။ ရှင်းလင်းကြမယ်။ အဲဒီလိုမျိုး ကျွန်တော်တို့ သဘောတူညီမှု ရရှိခဲ့ပါတယ်” ဟု၎င်းက ပြောကြားသည်။

မတ်လဆန်းပိုင်းမှစ၍ ကရင်ပြည်နယ် ဖာပွန်ခရိုင်၌ တပ်မတော်မှ ကားလမ်းဖောက်သည့် ကိစ္စနှင့်ပတ်သက်၍ တပ်မတော်နှင့် KNU ၏ တပ်မဟာ(၅)တို့ ထိတွေ့ပစ်ခတ်မှုများ ဖြစ်ပွားခဲ့သည်။

ထို့ပြင် အစည်းအဝေး၌ ဖာပွန်ဖြစ်စဉ်အပါအ၀င်ဆုံး ဖြတ်ချက်ခြောက်ချက် ချမှတ်နိုင်ခဲ့ကြောင်း JMC-U အတွင်းရေးမှူး(၂) ဗိုလ်မှူးကြီးဝဏ္ဏအောင်က ပြောကြားသည်။

“မွန်ပြည်သစ်ပါတီကို JMC-U မှာ အဖွဲ့ ၀င်အဖြစ် အသိအမှတ်ပြုပြီးတော့ စတင်ဆောင်ရွက်နေပြီဆို တာကိုဆုံးဖြတ်ပါတယ်။ နောက်တစ်ခါ မွန်ပြည်သစ်ပါတီနဲ့ပတ်သက်ပြီးတော့ JMC-S မှာ သူတို့အတွက် ဆက်လက်ပြီးတော့ ပါဝင်ဖွဲ့စည်းရေးအတွက် ဆက်လက်ဆွေးနွေးရန်  ဒါကိုလည်း ဆုံးဖြတ်ခဲ့ပါတယ်။ နောက်တစ်ခု အနေနဲ့ UNDP ကနေပြီးတော့ ကျွန်တော်တို့ရဲ့ စီမံခန့်ခွဲရေးအသုံးစရိတ်နဲ့ ပတ်သက်ပြီးတော့ ကိုယ်တို့နဲ့ လုပ်ဆောင်မယ့် ဘတ်ဂျက်နဲ့ပတ်သက်ပြီးတော့ ဒီဟာကိုဆက်ပြီးတော့ မူလအတိုင်းပေါ့။ ဘတ်ဂျက်တွေလည်း ဆက်ပြီးတော့အကောင်အထည်ဖော်သွားဖို့ ဒါလေးလည်း ဆွေးနွေးဆုံးဖြတ်ခဲ့ပါတယ်။ နောက်တစ်ခုကတော့ ဖာပွန်ဖြစ်စဉ်နဲ့ ပတ်သက်ပြီးတော့ JMC အဆင့်ဆင့်ကနေပြီးတော့ အရပ်သားကိုယ်စားလှယ်တွေ ပါဝင်ပြီးတော့ သူတို့ကို ညှိနှိုင်းရေးအဖွဲ့ ဖွဲ့စည်းမယ်။ ညှိနှိုင်းရေးအဖွဲ့ကနေပြီးတော့ ကိုယ်တို့ကြားထဲမှာ ကြားဝင်ညှိနှိုင်းဆောင်ရွက်ပြီး ဖြစ်နေတဲ့ ပဋိပက္ခလေးကို ချုပ်ငြိမ်းသွားအောင်ပေါ့နော်။ ဒါလေးကိုဆောင်ရွက်သွားကြမှာ ဆိုတာလေးကို ဆုံးဖြတ်ခဲ့ပါတယ်။ နောက်တစ်ခုကတော့ ဖာပွန်ဖြစ်စဉ်နဲ့ပတ်သက်ပြီးတော့ ကိုယ်တို့ တပ်မတော်နဲ့ KNU – KNLA ခေါင်းဆောင်တွေနဲ့ပေါ့နော်။ ၂၀၁၈ မတ်လ ၂၉ ရက် သို့မဟုတ်၃၀ ရက်နေ့မှာ ကျောက်ကြီးမှာတွေ့ဆုံပြီးတော့ ဆွေးနွေးသွားကြဖို့ ဒါလေးလည်း ဆုံးဖြတ်ခဲ့ပါတယ်။ နောက်တစ်ချက်ကတော့ စတုတ္ထအကြိမ်မှာ JMC အဆင့်ဆင့်မှာ ပါဝင်တဲ့ အရပ်သားကိုယ်စားလှယ်တွေ လေးလတစ်ကြိမ် တွေ့ဆုံပွဲ ညီလာခံလုပ်တာ ရှိပါတယ်။ အဲဒီတွေ့ဆုံပွဲ ညီလာခံကိုတော့ ၂၀၁၈ ခုနှစ် ဇူလိုင်လ ဒုတိယအပတ်မှာတော့ ကရင်ပြည်နယ် ဖာပွန်မှာတော့ လုပ်ဆောင်သွားဖို့ လျာထားဆုံးဖြတ်ခဲ့တာတွေ ရှိပါတယ်” ဟု  ဗိုလ်မှူးကြီးဝဏ္ဏအောင်က ဆိုသည်။

ယာယီပိတ်ထားသည့် နာမည်ကျော် ကျုံထော်ရေတံခွန်ခရီးစဉ် ပြန်လည်ဖွင့်လှစ်ပြီ ဖြစ်သော်လည်း လာရောက် လည်ပတ်သူနည်းနေ

၂၀၁၆ ခုနှစ် မေ၂၁ ရက်မှ စတင်ကာ ယာယီပိတ်သိမ်းထားသည့် ကရင်ပြည်နယ် လှိုင်းဘွဲမြို့နယ်ရှိ နာမည်ကျော် ကျုံထော်ရေတံခွန် ခရီးစဉ်ကို မတ် ၁ ရက် တပေါင်းလပြည့်နေ့မှ စတင်၍ ပြန်လည်ဖွင့်လှစ်ပြီး ဖြစ်သော်လည်း လာရောက်လည်ပတ်သူ နည်းပါးနေသေးကြောင်း မြိုင်ကြီးငူဒေသခံ ဦးစောလင်းကြည်က ပြောကြားသည်။

“ကျုံထော်ရေတံခွန်ခရီးလမ်းကို ပြန်လည်ဖွင့်လှစ်ပေးထားတာ ပြည်တွင်းခရီးသည်တွေအနေနဲ့ ကျယ်ကျယ်ပြန့်ပြန့် မသိရှိသေးတာလည်း ပါမယ်ထင်ပါတယ်။ ကျုံထော်ဒေသဘက်မှာ နယ်မြေတည်ငြိမ် အေးချမ်းနေပါပြီ။ ဆရာတော်ဦးစီးပြီး ဖောက်လုပ်ချဲ့ထွင်ထားတဲ့ လမ်းပိုင်းအနေအထားကလည်း အဆင့်မြင့်မြင့် တည်ဆောက်ထားတာမို့ သွားလာဖို့ အရမ်းကောင်းမွန်ပါတယ်။ ဒါကြောင့် အနယ်နယ်အရပ်ရပ်က ခရီးသွားသူတွေ ကျွန်တော်တို့ ကရင်ပြည်နယ် ကျုံထော်ရေတံခွန်ကို လာရောက် အပန်းဖြေလို့ရပါပြီ” ဟု ဦးစောလင်းကြည်က ဆက်လက်ပြောကြားသည်။

နာမည်ကျော် ကျုံထော်ရေတံခွန် ခရီးစဉ်အား လွန်ခဲ့သည့်၂၀၁၆ ခုနှစ် မေ ၂၁ ရက်မှ စတင်ကာ လမ်းပိုင်းတစ်လျှောက် ချဲ့ထွင်ပြုပြင်ရန်အတွက် ယာယီပိတ်သိမ်းခဲ့ပြီး ကျုံထော်ရေတံခွန်သို့သွားရာ လမ်းကြောင်းအတွင်း တောင်ကုန်းတောင်စောင်းများကို ဖွဲ့ထွင်ကာ လမ်းအကျယ်ချဲ့ထွင်ပြီး ကတ္တရာခင်းခြင်း လုပ်ငန်းများကို မြိုင်ကြီးငူဒေသခံများက ပြုပြင်တည်ဆောက်ခဲ့ကြောင်း သိရသည်။

ကျုံထော်ရေတံခွန်သို့ သွားလာရာတွင် ဘားအံမြို့မှတစ်ဆင့် ၂၇ မိုင် ၄ ဖာလုံကွာဝေးသည့် ရွှေဂွန်းကျေးရွာသို့ လည်းကောင်း၊ ရွှေဂွန်းကျေးရွာမှ ၁၃ မိုင်ကွာဝေးသည့် မြိုင်ကြီးငူအထူးဒေသသို့ လည်းကောင်း၊ မြိုင်ကြီးငူ အထူးဒေသမှ ၃၄ မိုင်ကွာဝေးသည့် ကျုံထော်ရေတံခွန်သို့ အဆင့်ဆင့် သွားလာရကြောင်း သိရသည်။

ကရင်ပြည်နယ် လှိုင်းဘွဲမြို့နယ်အတွင်း တည်ရှိသည့် ကျုံထော်ရေတံခွန်သည် တစ်နှစ်ပတ်လုံး ရေခန်းခြောက်မှု မရှိခြင်း၊ သဘာဝ တောတောင်များ မပျက်မယွင်း တည်ရှိခြင်းတို့ကြောင့် ၂၀၁၅ ခုနှစ်နောက်ပိုင်း ပြည်တွင်းခရီးသွား ဧည့်သည်များအကြား လူသိများ ထင်ရှားလာခဲ့ကာ ပျမ်းမျှတစ်နေ့လျှင် ခရီးသွား ဧည့်သည် ၂၀၀ ကျော်ခန့်နှင့် စနေ၊ တနင်္ဂနွေနှင့် ရက်ရှည်ရုံးပိတ်ရက်များအတွင်း ခရီးသွားဧည့်သည် ၁၀၀၀ ကျော် လာရောက် လည်ပတ်လေ့ရှိကြောင်း သိရသည်။

 

ဘားအံအကျဉ်းထောင်တွင် အကျဉ်းထောင်ဝန်ထမ်းတစ်ဦး ထောင်အတွင်းသို့  စိတ်ကြွမူးယစ်ဆေးဝါးများ ထည့်သွင်းမှုဖြစ်ပွားခဲ့

ကရင်ပြည်နယ် ဘားအံမြို့ရှိ ဘားအံအကျဉ်းထောင်တွင် အကျဉ်းထောင်ဝန်ထမ်း တစ်ဦးက ထောင်အတွင်းသို့ စိတ်ကြွမူးယစ်ဆေးဝါးများ ထည့်သွင်းမှု ဖေဖော်ဝါရီ ၂၈ ရက် နံနက် ၇ ခနာရီခွဲခန့်က ဖြစ်ပွားခဲ့ကြောင်း သတင်းရရှိသည်။

ဖြစ်စဉ်မှာ ဘားအံအကျဉ်းထောင်မှ ဒုကြီးကြပ်ရေးမှူး စိုင်းခမ်းမောင်၏ မူးယစ်ဆေးဝါး သတင်းပေးချက်အရ နယ်မြေစခန်းမှူး (စက်မှုဇုန်) မှ ရဲအုပ်မျိုးကျော်ညွန့်ဦးစီး တပ်ဖွဲ့ဝင်များနှင့် ပူးပေါင်းအဖွဲ့များက သက်သေများနှင့်အတူ ဘားအံအကျဉ်းထောင်အတွင်း သွားရောက်စစ်ဆေးခဲ့ရာ အကျဉ်းထောင်ခန်းမတွင် မျှော်စင် (၃) တာဝန်ကျ ဘားအံမြို့၊ ဘားအံအကျဉ်းထောင်နေသူ အကျဉ်းဝန်ထမ်း ဒုတပ်ကြပ်စောဝင်းစိုး (၃၆) နှစ် (ဘ) ဦးစိုးသိန်းက ထောင်အတွင်းသို့ ပစ်ထည့်ထားသော ဖက်ရွက်ဖြင့်ထုပ်၍ အနက်ရောင်တိပ်ဖြင့် ပတ်ထားပြီး အပြာရောင် ကပ်ခွာအိတ်ဖြင့် ထည့်ထားသည့် WY စာတန်းပါ ပန်းရောင်စိတ်ကြွရူးသွပ်ဆေးပြား ၂၀၀ ပြားပါ နှစ်ထုပ်၊ ၁၈၈ ပြားပါ တစ်ထုပ်၊ စုစုပေါင်း ၅၈၈ ပြားအား ရှာဖွေတွေ့ ရှိ သိမ်းဆည်းရမိခဲ့ကြောင်း ရဲမှတ်တမ်းများအရ သိရသည်။

အဆိုပါဖြစ်စဉ်နှင့် ပတ်သက်၍ ဒုတပ်ကြပ် စောဝင်းစိုးအား မေးမြန်းရာ ၎င်းစိတ်ကြ ရူးသွပ်ဆေးပြားများမှာ ဘားအံအကျဉ်းထောင်တွင် မူးယစ်ဆေးဝါးမှုဖြင့် ပြစ်ဒဏ်ကျခံနေရသည့် ဘားအံမြို့၊ အမှတ် (၉) ရပ်ကွက်၊ ကျန်စစ်သားလမ်းနေ ဇင်ဘိုဘိုထူး (၃၁) နှစ် (ဘ) ဦးအုန်းမြင့်၊ ဘားအံမြို့အမှတ် (၅) ရပ်ကွက်၊ အောင်နန်း (၃) လမ်းနေ ခင်ထွေး (၄၀) နှစ် (ဘ) ဦးမောင်သောင်း၊ ဘားအံမြို့ နှစ်ခြားကျေးရွာနေ စောလုံ (၄၅) နှစ် (ဘ) ဦးပန်းလှိုင်တို့မှ ဘားအံမြို့ အမှတ် (၅) ရပ်ကွက် ဓမ္မ၀ါသီ (၁) လမ်းနေသူ မြင့်သရ (ခ) အပလောင်ထံမှ မူးယစ်ဆေးဝါးများအား ယူဆောင်၍ ထောင်အတွင်းသို့ ထည့်ပေးရန်နှင့် ၎င်းတို့ထံ ရောက်ရှိပါက ငွေကျပ်ငါးသိန်းပေးမည် ဖြစ်ကြောင်း စည်းရုံးပြောဆိုသဖြင့် ဒုတပ်ကြပ် စောဝင်းစိုးက သွားရောက် ယူဆောင်ခဲ့သည့် စိတ်ကြွရူးသွပ်ဆေးဝါးများ ဖြစ်ကြောင်း သိရသည်။

ယင်းဖြစ်စဉ်နှင့် ပတ်သက်ပြီး အကျဉ်းထောင်အတွင်းသို့ မူးယစ်ဆေးဝါးများအား ထည့်သွင်းခဲ့သူ က-၂၇၀၉၂ ဒုတပ်ကြပ် စောဝင်းစိုး၊ စိတ်ကြွမူးယစ်ဆေးဝါးများအား သယ်ဆောင်ပေးရန် စည်းရုံးပြောဆိုခဲ့သူ ဇင်ဘိုဘိုထူး ထောင်ဝင်အမှတ် အဖ/၁၃/ ၀၀၂၅/က၊ ခင်ထွေး ထောင်ဝင်အမှတ် အဖ/၁၃/၀၀၀၃၇/ကနှင့် စောလုံ ထောင်ဝင်အမှတ် အဖ/၁၆/၀၀၆၂၇/က တို့အား စက်မှုဇုန်နယ်မြေရဲစခန်းမှ မယ (ပ) ၂/ ၂၀၁၈၊ မူးယစ်/စိတ်ပြောင်း ဥပဒေပုဒ်မ-၁၉ (က)/၂၁ ဖြင့် အမှုဖွင့် အရေးယူထားကြောင်း သတင်းရရှိသည်။