ကရင်ပြည်နယ်အတွင်း ရေကြီးနစ်မြုပ်မှုကြောင့် မိုးစပါးစိုက်ဧက ၃၀၁၈၀ နှင့် အစေ့ထုတ်ပြောင်း ၁၆၆၃ ဧက ပျက်စီး

ကရင်ပြည်နယ်အတွင်း ရေကြီးနစ်မြုပ်မှုကြောင့် မိုးစပါး စိုက်ဧက ၃၀၁၈၀ နှင့် မြ၀တီမြို့နယ်တွင် အစေ့ထုတ်ပြောင်း ၁၆၆၃ ဧက ပျက်စီးခဲ့ပြီး ဘားအံမြို့နယ်တွင် မိုးစပါး စိုက်ဧက ပျက်စီးမှုတွင် အများဆုံးဖြစ်ကြောင်း သိရသည်။

“ပြည်နယ်အတွင်း ပျက်စီးခဲ့တဲ့ မိုးစပါး စိုက်ဧကတွေမှာ ဘားအံမြို့နယ်က ဧကပေါင်း ၂၅၀၀၀ ကျော် ထိခိုက် ပျက်စီးခဲ့တဲ့အတွက် အများဆုံးအဆင့်မှာ ရှိတယ်။ တစ်ပြည်နယ်လုံးမှာ အစေ့ထုတ်ပြောင်း စိုက်ပျိုးတဲ့ မြ၀တီမြို့နယ်မှာ အစေ့ထုတ်ပြောင်း စိုက်ဧက ၁၆၀၀ ကျော် နစ်မြုပ် ပျက်စီးခဲ့ပါတယ်။ ပြန်လည် ထူထောင်နိုင်ဖို့ ပြည်နယ်ဝန်ကြီးချုပ် ချထားပေးတဲ့ ရန်ပုံငွေ၊ ရုံးချုပ်က ပံ့ပိုးငွေနဲ့ အလှူရှင်တွေက ပံ့ပိုးအလှူငွေတွေ ပေါင်းစပ်ပြီး စပါးမျိုးစေ့ ၁၀,၀၀၀ ကျော် စုစည်းထားနိုင်ပြီး ဖြစ်ပါတယ်”ဟု ပြည်နယ်ဦးစီးမှူး ဦးဝင်းလှိုင်ဦးက ပြောကြားသည်။

နယ်စပ် မြ၀တီမြို့နယ်အတွင်း ရေနစ်မြုပ် ပျက်စီးခဲ့သည့် အစေ့ထုတ်ပြောင်း ၁၆၆၃ ဧကအတွက် မြ၀တီခရိုင် အုပ်ချုပ်ရေးမှူးနှင့် ပြည်နယ်ဝန်ကြီးတို့မှ လုပ်ငန်းရှင်များထံ အလှူငွေ တောင်းခံခဲ့ရာ ကျပ်သိန်း၂၁၀ ရှိပြီး အလှူရှင်များက ပျက်စီးခဲ့သည့် အစေ့ထုတ်ပြောင်း ၁၆၆၃ ဧကအနက် ဧက ၂၀၀ ပြန်လည် စိုက်ပျိုး ထောက်ပံ့ပေးမည် ဖြစ်ကြောင်း၊ အလှူငွေကျပ် သိန်း ၂၁၀ ကိုလည်း သြဂုတ် ၂၃ ရက်က ပြောင်းစိုက် တောင်သူများအား ထောက်ပံ့ပေးအပ်ခဲ့ကြောင်း သိရသည်။

ကရင်ပြည်နယ် ခြောက်မြို့နယ်အတွင်း ရေကြီးနစ်မြုပ်မှုကြောင့် ပျက်စီးသွားသည့် မိုးစပါး စိုက်ခင်းများအတွက် ပြန်လည်ထူထောင် စိုက်ပျိုးရာ၌ ရေကြီးနစ်မြုပ်မှု ဆက်လက် ဖြစ်ပေါ်နေသောကြောင့် သွင်းအားစုများ ၀ယ်ယူ သိုလှောင်ထားနိုင်ခြင်း မရှိသေးသော်လည်း ဖာပွန်ခရိုင်အတွင်း မိုးစပါး စိုက်ဧက ၆၀၀ အတွက် မျိုးစပါးများ တောင်သူများထံ ပေးအပ်နိုင်ခဲ့ကာ ရေဘေးလွန် ကယ်ဆယ်ရေးအဖွဲ့ (ဦးစောဟန်အေးအဖွဲ့)က စပါး အစေ့မှုတ်စက်နှင့် ဘက်စုံသုံး ဆေးဖြန်းစက်ကို ကမမောင်းမြို့နယ်ခွဲတွင် တစ်စုံ၊ ဖာပွန်မြို့တွင်တစ်စုံ ထောက်ပံ့ထားသည်။

သံလွင်မြစ်ရေ တတိယအကြိမ် ပြန်လည်မြင့်တက်မှုကြောင့် ဘားအံမြို့နယ်အတွင်း ကယ်ဆယ်ရေးစခန်းများ တိုးမြှင့်ဖွင့်လှစ်

သြဂုတ် ၂၆ ရက် ညပိုင်းအတွင်း သံလွင်မြစ်ရေ ပြန်တက်မှုကြောင့် ဘားအံမြို့နယ်အတွင်း တတိယအကြိမ် မြစ်ရေလွှမ်းမှု ဖြစ်ပေါ်နေစဉ်

ကရင်ပြည်နယ်အတွင်း မိုးဆက်တိုက် ရွာသွန်းလျက်ရှိပြီး ၀ါခေါင်လပြည့်တက်ရေ အရှိန်ဖြင့် ဘားအံမြို့နယ်အတွင်း ရေကြီးလွှမ်းမိုးမှု တတိယအကြိမ် ဖြစ်ပေါ်ခဲ့ခြင်းကြောင့် ဘားအံမြို့နယ်အတွင်း ရေဘေးကယ်ဆယ်ရေး စခန်းများ တိုးမြှင့်ဖွင့်လှစ်ခဲ့ရပြီး အိမ်ထောင်စု ၁၆၀၄ စု၊ လူဦးရေ ကျား-မ စုစုပေါင်း ၈၅၂၃ ဦး ရေဘေးခိုလှုံနေရကြောင်း ဘားအံမြို့နယ် အထွေထွေ အုပ်ချုပ်ရေးမှူး ရုံး၏ထုတ်ပြန်ချက်အရ သိရသည်။

သံလွင်မြစ်ရေလွှမ်းမိုးမှုမှာ ၀ါခေါင်လပြည့်ကျော် ၂ ရက်နေ့ရောက်သည့်တိုင် မြစ်ရေလွှမ်းမိုးမှု ဆက်လက်ဖြစ်ပေါ်နေပြီး သြ ဂုတ် ၂၈ ရက်ညနေ ၄ နာရီ တိုင်းထွာချက်အရ စိုးရိမ်ရေမှတ် အထက် ၈၇၇ စင်တီမီတာသို့ ရောက်ရှိနေပြီး မြစ်ရေဆုတ်ယုတ်လာခြင်း မရှိသေးကြောင်း သိရသည်။

“အစဉ်အလာအရဆိုရင် ၀ါခေါင်လပြည့် ၁ ရက်နေ့ကစပြီး မြစ်ရေတဖြည်းဖြည်း ဆုတ်ခွာရမှာ ဖြစ်ပေမယ့် ရေကတရိပ်ရိပ် တက်ကောင်းနေတုန်းပဲ။ ရေကြီးနစ်မြုပ်မှုကလည်း တစ်လနဲ့တစ်ပတ် ရှိလာပြီဆိုတော့ လူတွေလည်း အတော်လေး စိတ်ပျက်လာကြပြီလေ။ တစ်နေ့တစ်နေ့ မြစ်ရေမြန်မြန် ကျဆင်းလာဖို့ ဆုတောင်းနေရတာ အမောပါပဲ” ဟု ဘားအံမြို့ အမှတ် ၅ ရပ်ကွက် အောင်နန်း ၄ လမ်းတွင် နေထိုင်သူ တစ်ဦးက ပြောကြားသည်။

သြဂုတ် ၂၄ ရက်မှစ၍ သံလွင်မြစ်ရေသည် ဆုတ်ခွာစပြုခဲ့ပြီး သြဂုတ်၂၆ ရက် (၀ါ ခေါင်လပြည့်) ညဦးပိုင်းမှ ပြန်လည် မြင့်တက်လာခြင်းကြောင့် ဘားအံမြို့နယ်အတွင်း ပြည်နယ်မိုးလုံလေလုံ အားကစားရုံ၊ ရွှေရင်မျှော်ဘုရား၊ အစ္စလာမ်မ္မစ်ကျောင်း၊ ဗလီဝတ်ပြုကျောင်း၊ အမှတ် (၃) ရပ်ကွက် ဆိုင်ကလုံးစင်တာ၊ မဲဘောင်ဘုန်းကြီးကျောင်း၊ ဓမ္မပီယဘုန်းကြီးကျောင်း၊ သုမေဓာယကြားတောရ ဘုန်းကြီးကျောင်း၊ အထက ၃ (အားကစားရုံ၊ ပြည်နယ်ကမ္မဋ္ဌာန်းကျောင်း၊ အိမ်တိုင်ကုန်း (ရွာသစ်)၊ မြိုင်ကလေးလှာကာ (ကူးဆိပ်)၊ မဂ္ဂင် ဘုန်းကြီးကျောင်းတို့တွင် ကယ်ဆယ်ရေးစခန်းများ တိုးမြှင့်ဖွင့်လှစ်ထားရပြီး ရေဘေးသင့် အိမ်ထောင်စု ၁၆၀၄ စု၊ လူဦးရေ ကျား-မ စုစုပေါင်း ၈၅၂၃ ဦး ရေဘေးခိုလှုံလျက်ရှိကြောင်း သိရသည်။

 

သံလွင်မြစ်ရေ ပြန်လည်ကျဆင်းနေပြီ ဖြစ်သော်လည်း ၀ါခေါင်လပြည့် တက်ရေအခြေအနေ စောင့်ကြည့်နေရ

ဘားအံမြို့ အမှတ်၂ ရပ်ကွက် မြတ်လေးလမ်းတွင် သံလွင်မြစ်ရေ ကျဆင်းနေသည်ကို သြဂုတ်၂၃ ရက် နံနက်ပိုင်းက တွေ့ရစဉ်

သြဂုတ် ၂၃ ရက် ညနေ ၄ နာရီ တိုင်းထွာချက်အရ သံလွင်မြစ်ရေသည် ၈၆၃ စင်တီမီတာသို့ ရောက်ရှိနေပြီး စိုးရိမ်ရေမှတ်အထက် ရှိနေကာ မြစ်ရေပြန်လည် ကျဆင်းနေသော်လည်း ၀ါခေါင်လပြည့် တက်ရေအခြေအနေကို စောင့်ကြည့်နေရကြောင်း ဒေသခံများက ပြောကြားသည်။

“သံလွင်မြစ်က ဒီလိုပါပဲ။ ကျလိုက်တက်လိုက် သဘောမှာ ရှိနေတော့ ယုံစားလို့မရသေးဘူး။ အမြင့်ဆုံး တက်ရေဖြစ်တဲ့ ၀ါခေါင်လပြည့်ရေက ကျန်နေသေးတယ်။ အဲဒါကို စောင့်ကြည့်ရမှာပေါ့။ မြစ်ရေကျတယ် ဆိုတာက ခါတိုင်းနှစ်တွေလို တောက်လျှောက်ကြီး ကျဆင်းသွားတာမှ မဟုတ်တာ။ အခုမြစ်ရေ ပြန်လည်ကျဆင်းတယ် ဆိုပေမယ့် စိုးရိမ်ရေမှတ်မှာပဲ ရှိနေတယ်” ဟု ဘားအံမြို့ခံတစ်ဦးက ပြောကြားသည်။

ကရင်ပြည်နယ် မိုးလေ၀သနှင့် ဇလဗေဒညွှန်ကြားမှု ဦးစီးဌာနက ၎င်းတို့၏မှတ်တမ်းအရ သံလွင်မြစ်ရေသည် ၅၃ နှစ်အတွင်း အမြင့်ဆုံးအဖြစ် ၂၀၁၈ ခုနှစ်ဇူလိုင် ၃၀ ရက် နံနက် ၆ နာရီ တိုင်းထွာချက်အရ ၉၃၈ စင်တီမီတာ ရောက်ရှိခဲ့ပြီး ယခင် ၂၀၀၂ ခုနှစ် သြဂုတ် ၁၈ ရက်တွင် စံချိန်တင် ရောက်ရှိခဲ့သည့် ၉၃၆ စင်တီမီတာကိုချိုးကာ ၅၃ နှစ်အတွင်း အမြင့်ဆုံးဖြစ်ခဲ့ပြီး ရေကြီးရေလွှမ်းမိုးမှု ကာလမှာလည်း အရှည်ကြာဆုံး ဖြစ်ကြောင်း ထုတ်ပြန်ခဲ့သည်။

ကရင်ပြည်နယ်တွင် ဇူလိုင်တစ်လလုံး နေ့စဉ်မပြတ် မိုးရွာသွန်းမှုရှိပြီး သြဂုတ် ၂၃ ရက် အထိ နေပူရက် နှစ်ရက်သာ ရှိခြင်းကြောင့် ရေကြီးရေလွှမ်းမိုးမှု ဆက်လက်ဖြစ်ပေါ်လျက်ရှိကာ ကယ်ဆယ်ရေးစခန်းများကို ရုပ်သိမ်းနိုင်ခြင်း မရှိသေးကြောင်း သိရသည်။

“ဇူလိုင်တစ်လလုံးနဲ့ သြဂုတ်နောက်ဆုံးပတ်အတွင်း နေ့စဉ်မိုးရွာနေတာကြောင့် မြစ်ရေ မကျဆင်းနိုင်ဘူး။ ရေက နည်းနည်းကျ များများတက်နေတော့ လူနေအိမ်တွေလည်း မြုပ်လိုက်ပေါ်လိုက် ဖြစ်နေတယ်။ နေအိမ်ရှေ့ လူသွားလမ်းတွေ မပေါ်သေးဘူး။ သွားရေးလာရေး အရမ်းခက်ခဲသလို စားရေးသောက်ရေးလည်း အခက်အခဲ ကြုံတွေ့နေရတာလေ။ ဒီနှစ်ရေကြီးချက်က အရမ်းကြီးတယ်။ ဒီလိုမျိုးလည်း တစ်ခါမှ မကြုံတွေ့ဖူးတော့ အရမ်းစိတ်ဆင်းရဲ ရပါတယ်” ဟု ဘားအံမြို့ မြေနိမ့်ရပ်ကွက်မှ နေအိမ်မစွန့်ခွာလိုသူ ရေဘေးဒုက္ခသည် တစ်ဦးက ပြောကြားသည်။

သံလွင်မြစ်ရေချိန်၏ စိုးရိမ်ရေမှတ်မှာ ၇၅၀ စင်တီမီတာဖြစ်ပြီး သြဂုတ် ၂၃ ရက်တွင် မြစ်ရေပြန်လည် ကျဆင်းနေသော်လည်း ၀ါခေါင်လပြည့်တက်ရေ အခြေအနေကို စောင့်ကြည့်နေရသဖြင့် ကယ်ဆယ်ရေး စုရပ်စခန်း အသီးသီးတွင် ရေဘေးသင့်ပြည်သူများ ဆက်လက် ခိုလှုံနေရဆဲဖြစ်ကြောင်း သိရသည်။

 

သံလွင်မြစ်ရေ ဆက်လက်မြင့်တက်နေပြီး ၀ါခေါင်လပြည့်တက်ရေနှင့် ပေါင်းစပ်မိပါက ယခုလအတွင်း စံချိန်တင်ထားသည့် စိုးရိမ်ရေအမှတ် ၉၃၈ စင်တီမီတာ အထက်သို့ ကျော်လွန်နိုင်ဟုဆို

ကရင်ပြည်နယ်အတွင်း ရေကြီးရေလျှံဖြစ်မှုကြောင့် အခက်အခဲကြုံတွေ့နေရသူများကို ကူညီကယ်ဆယ်မှုအား ဇူလိုင်လအတွင်းက တွေ့ရစဉ်

သံလွင်မြစ်ရေချိန်သည် သြဂုတ် ၂၁ ရက် နံနက် ၆ နာရီ တိုင်းထွာချက်အရ ၉၁၂  စင်တီမီတာသို့ ဆက်လက် မြင့်တက်လျက်ရှိပြီး လာမည့်ဝါခေါင်လပြည့် တက်ရေနှင့် ပေါင်းစပ်မိပါက ယခုလအတွင်း စံချိန်တင်ထားသည့် စိုးရိမ်ရေအမှတ် ၉၃၈ စင်တီမီတာ အထက်သို့ ကျော်လွန်ရောက်ရှိနိုင်ကြောင်း ဒေသခံများက သုံးသပ်ပြောကြားသည်။

“ရေက ကျဆင်းသလိုလိုနဲ့ တစ်နေ့ တစ်နေ့ မြင့်တက်လာတယ်။ ရေသေရက်မှာတောင် ၉၀၀ ကျော်မှာရှိနေရင် အဲဒီရေအခံနဲ့ လပြည့်ရေပေါင်းစပ်ပြီး စံချိန်ချိုးထားတဲ့ ၉၃၈ စင်တီမီတာကို ကျော်လွန်ရောက်ရှိနိုင်ပါတယ်” ဟု ဘားအံမြို့ ကမ်းနားလမ်းမှ ဦးသန်းဌေးက ပြောကြားသည်။

သံလွင်မြစ်ရေနှင့် တောင်ကျချောင်းရေ စီးဆင်းမှုကြောင့် ကရင်ပြည်နယ်အတွင်း ဘားအံ-လှိုင်းဘွဲ-ကော့ကရိတ်-မြ၀တီနှင့် ဖာပွန်မြို့နယ်များတွင် (သြဂုတ် ၂၁ ရက် စာရင်းဇယားအရ) အိမ်ထောင်စု ၅၃၄၂ စု၊ လူဦးရေ ၂၄၉၄၅ ဦး ရေဘေးကယ်ဆယ်ရေး စုရပ်စခန်းတွင် ခိုလှုံလျက်ရှိကြောင်း သိရသည်။

ကရင်ပြည်နယ်အတွင်း ရေဘေးဖြစ်စဉ်ကြောင့် မြို့နယ်ငါးမြို့နယ်ရှိ ရေဘေးသင့်ပြည်သူ အိမ်ထောင်စု ၅၃၄၂ စုလူဦးရေ ၂၄၉၄၅ ဦးတို့အား ပြည်နယ် ဘေးအန္တရာယ်ဆိုင်ရာ စီမံခန့်ခွဲရေး ဦးစီးဌာနမှ ဆန်၊ ဆီ၊ ငါးသေတ္တာ၊ ကြက်ဥ၊ ခေါက်ဆွဲထုပ်၊ ရေသန့်ဘူး တန်ဖိုး ကျပ် ၆၇၃၆၄၀၀၀၊ ပြည်ထောင်စုဝန်ကြီးနှင့် ဒုတိယ၀န်ကြီး ကရင်ပြည်နယ်သို့ လာရောက်သည့် ခရီးစဉ်တွင် မျက်နှာသုတ်ပ၀ါ၊ ဆပ်ပြာ၊ တီရှပ်စသည့် ကယ်ဆယ်ရေး ပစ္စည်းခြောက်မျိုး တန်ဖိုး ကျပ်သိန်း ၁၁၁၅၉၀၀၀ ပေးအပ်ခဲ့ကြောင်း သိရသည်။

“ရေလွှမ်းမိုးမှု ကာလကလည်း ဒီနေ့ဆိုရင် တစ်လပြည့်ပါပြီ။ ရေကတော့ ကျရိပ်မမြင်သေးသလို တစ်နေ့ပြီးတစ်နေ့ မြင့်တက်လာနေတာ စိတ်ပျက်ဖို့ ကောင်းပါတယ်။ ရေလွှမ်းကာလ ကြာလာရင် အနယ်နယ် အရပ်ရပ်က ပရဟိတ အဖွဲ့တွေ လူပင်ပန်း စိတ်ပင်ပန်းဖြစ်ပြီး အားလျော့သွားနိုင်သလို ရေဘေးသင့် သူတွေလည်း စိတ်ဓာတ်ကျဆင်း လာနိုင်ပါတယ်” ဟု ဘားအံမြို့ခံ တစ်ဦးက ပြောကြားသည်။

လက်ရှိအချိန်တွင် ကရင်ပြည်နယ်အတွင်း မြစ်၊ ချောင်းများ၏ မြစ်ရေချိန် တိုင်းထွာချက်များအနက် ဂျိုင်းမြစ်သည် ကျုံဒိုးမြို့၌ စိုးရိမ်ရေအမှတ် ၅၅၀ စင်တီမီတာအောက် ၅၂၀ စင်တီမီတာသို့ ရောက်ရှိနေပြီး လှိုင်းဘွဲချောင်းသည် ယင်း၏စိုးရိမ်ရေအမှတ် ၉၈၀ စင်တီမီတာအနီး ၉၁၆ စင်တီမီတာသို့ ရောက်ရှိနေကာ သံလွင်မြစ်သည် ရွှေဂွန်းတိုက်နယ် ကျေးရွာ၌ စိုးရိမ်ရေအမှတ် ၉၈၀ စင်တီမီတာ အထက် ၁၁၅၈ စင်တီမီတာသို့ ရောက်ရှိနေပြီး ကျန်မြစ်များဖြစ်သည့် ဇမိမြစ်၊ ဟောင်သရောမြစ်၊ ယွန်းစလင်းမြစ်၊ သောင်ရင်းမြစ်တို့သည် ၎င်း၏စိုးရိမ်ရေမှတ်အောက်သို့ ရောက်ရှိနေကြောင်း သိရသည်။

ကရင်ပြည်နယ်အတွင်း မိုးဆက်လက် ကောင်းမွန်ပါက သံလွင်မြစ်ရေချိန်သည် လာမည့်ဝါခေါင်လပြည့်ရေနှင့် ပေါင်းစပ်ကာ ယခုလအတွင်း စံချိန်တင်ထားသည့် ၉၃၈ စင်တီမီတာ အထက်သို့ ကျော်လွန်နိုင်ဖွယ်ရှိကြောင်း သိရသည်။

ဂျပန်နိုင်ငံက လှူဒါန်းသည့် ဆန်တန်ချိန် ၅၀ ကို ပြန်လည်ထူထောင်သည့် ကာလတွင် ရေဘေးသင့် ပြည်သူများအား ဆက်လက်ထောက်ပံ့မည် ဖြစ်ကြောင်း ကရင်ပြည်နယ်ဝန်ကြီးချုပ် ပြောကြား

ရေဘေးသင့် ကရင်ပြည်နယ် ပြည်သူများအား ဆက်လက်ထောက်ပံ့ရန် စီစဉ်ဆောင်ရွက်နေစဉ်

ကရင်ပြည်နယ် ရေဘေးသင့်ပြည်သူ များအတွက် ဂျပန်နိုင်ငံမှ လှူဒါန်းသည့် ဆန်တန်ချိန် ၅၀ ကို ပြန်လည်ထူထောင်သည့် ကာလတွင် ရေဘေးသင့်ပြည်သူများအား ဆက်လက် ထောက်ပံ့သွားမည်ဖြစ်ကြောင်း ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်က The Daily Eleven သတင်းစာသို့ ပြောကြားသည်။

“ရေဘေးသင့်ပြည်သူတွေရဲ့ အဓိကအကျဆုံးက ဆန်ပေါ့။ ဒီလောက် အနယ်နယ်အရပ်ရပ်က လာရောက် လှူဒါန်းနေတဲ့ကြားက ဆန်က နှစ်ရက်လောက် ပြတ်လပ်မှု ကြုံတွေ့ရတယ်။ ရေကြီးကာလ တစ်လနီးပါး ကြာမြင့်တော့ ရေဘေးသင့်ပြည်သူတွေ အလုပ်အကိုင် ပျက်လာတာ တွေ့ရတယ်။ ပြည်သူတွေရှာစားဖွေစား အခက်အခဲ ကြုံတွေ့လာကြတယ်။ ရေကျဆင်းပြီး ပြန်လည်ထူထောင်ရေး ကာလတွေကို ဆက်လက် ထောက်ပံ့ပေးသွားမှာ ဖြစ်ပါတယ်” ဟု ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်က ဆက်လက် ပြောကြားသည်။

ကရင်ပြည်နယ်တွင် မိုးသည်းထန်စွာ ရွာသွန်းမှုကြောင့် ဇူလိုင် ၂၁ ရက်မှစတင်ကာ ရေကြီးရေလျှံမှု ဖြစ်ပေါ်ခဲ့ပြီး မြို့နယ် ခုနစ်မြို့နယ်အနက် သံတောင်ကြီးမြို့နယ်မှအပ ကျန်မြို့နယ် ခြောက်မြို့နယ်တွင် ရေကြီးရေလွှမ်းမိုးမှု ဖြစ်ပေါ်ခဲ့ကာ တံတားခြောက်စင်း ရေစီးနှင့်အတူ ပျက်စီးမျောပါခြင်း၊ ပျက်စီးဆုံးရှုံးသည့် မိုးစပါးစိုက်ဧက ၁၀၀၀၀ နှင့် ထိခိုက်လယ်ဧက ၁၄၆၀၀ ဧက၊ ငါး/ပုဇွန် မွေးမြူရေးကန် ၈၇၁ ဒသမ ၉၁ ဧက ထိခိုက်ပျက်စီးခြင်းတို့ ဖြစ်ပေါ်ခဲ့ပြီး ကယ်ဆယ်ရေး စုရပ်စခန်း ၅၀ တွင် ရေဘေးသင့်ပြည်သူ ၅၀၀၀၀ ကျော် ရေဘေးခိုလှုံ နေရကြောင်း သိရသည်။

ကရင်ပြည်နယ်အတွင်း ရေကြီးမှုဖြစ်စဉ်ကြောင့် ရေဘေးသင့် ပြည်သူများအတွက် အာဆီယံ + (၃) အရေးပေါ်အရန်ဆန် ရိက္ခာအစီအစဉ် (၃) အရ ဂျပန်နိုင်ငံမှ ဆန်တန်ချိန် ၅၀ နှင့် Unicef နှင့် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ ရေပေးဝေရေးနှင့် မိသားစုကျန်းမာရေး ပစ္စည်းများ၊ စိုက်ပျိုးရေးဦးစီးဌာနမှ မျိုးစပါးများနှင့် ကြက်သွန်နီများကို သြဂုတ် ၁၇ ရက်၌ ကရင် ပြည်နယ်အစိုးရအဖွဲ့ထံ လာရောက်လှူဒါန်း ခဲ့သည်။

အဆိုပါ လှူဒါန်းပွဲတွင် ထိုင်းနိုင်ငံ ဘန်ကောက်မြို့အခြေဆိုက် APTER-ASEAN PLUS. Three Rice Reserve အရေးပေါ် ဆန်အရန်ဆန် ရိက္ခာအတွင်းရေးမှူးရုံးမှ အကြီးအကဲ Shimphalee က “မိတ်ဆွေနိုင်ငံဖြစ်တဲ့ မြန်မာနိုင်ငံရဲ့ အလွှာအသီးသီးမှာရှိတဲ့ မြန်မာပြည်သူတွေကို အထောက်အပံ့ပေးဖို့ ရည်ရွယ်ထားပါတယ်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၂၀၁၆ ခုနှစ် နိုဝင်ဘာလမှာ ဂျပန်နိုင်ငံကို ချစ်ကြည်ရေးခရီးစဉ် လာရောက်စဉ်က တိုင်းရင်းသားလူမျိုးစုများ၊ ငြိမ်းချမ်းရေးအတွက် ဂျပန်ယန်း သန်း ၄၀ ဘီလျံ အထောက်အပံ့ပေးမည့် အစီအစဉ်ကို ဂျပန်နိုင်ငံဝန်ကြီးချုပ် ရှင်ဆိုအာဘေးက ရှင်းလင်းပြောကြားထားပြီး ဖြစ်ကြောင်းနှင့် ဂျပန်နိုင်ငံအနေဖြင့် မြန်မာနိုင်ငံ၏ နိုင်ငံထူထောင်ရေး အားထုတ်ကြိုးပမ်းမှုများကို ဆက်လက်ထောက်ခံပေးသွားမှာ ဖြစ်ပါတယ်” ဟု ထည့်သွင်းပြောကြားသည်။

 

ရေကြီးမှုကြောင့် ပဲခူး၊ ရန်ကုန်နှင့် ကရင်ပြည်နယ်တို့တွင် ငါးမွေးမြူရေးကန် ဧက ၃၂၀၀ ကျော် ပျက်စီးဆုံးရှုံး

ပဲခူးတိုင်းဒေသကြီး ပဲခူးမြို့နယ်တွင် ငါးမွေးမြူရေးကန် ၁၂၉၁ ဧကနှင့် ညောင် လေးပင်မြို့နယ်တွင် ၃၅ ဧက၊ ရန်ကုန်တိုင်း ဒေသကြီး ကွမ်းခြံကုန်းမြို့နယ်တွင် ၁၀၄၄ ဒသမ ၅၇ ဧကနှင့် ကော့မှူးမြို့နယ်တွင် ၆၄ ဧက၊ ကရင်ပြည်နယ်တွင် ဧက ၈၀၀ကျော် ပျက်စီးဆုံးရှုံးခဲ့ကြောင်း သိရသည်။

သို့သော် မွန်ပြည်နယ်တွင် ပျက်စီးမှုများနှင့် ပတ်သက်ပြီး တွက်ချက်နေဆဲဖြစ်၍ မသိရသေးကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။

“သဘာဝဘေးအန္တရာယ် ထိခိုက်နစ်နာဆုံးက ငါးမွေးမြူလုပ်ငန်းကို တိုက်ရိုက်ကန်တွေနစ်လို့ ထိခိုက်နစ်နာဆုံးရှုံးသလို သွယ်ဝိုက်တဲ့နည်းနဲ့ စိုက်ပျိုးမြေ ဆုံးရှုံးမှုကလည်း မွေးမြူရေး အစာတွေအတွက် ထိခိုက်မှုတွေ ရှိနေတယ်။ ထူးထူးကဲကဲ ရှေ့နှစ်ရက်ကနဲ့ ဒီနေ့အထိ ထူးကဲဒီရေတွေတက်တယ်။ ကမ်းရိုးတန်းဒေသတွေမှာ ပုစွန်ကန်တွေ၊ ငါးကန် တွေ ရေကြီးနစ်မြုပ်တယ်။ ထူးကဲဒီရေကလည်း နှစ်ပေါင်းများစွာထဲက ဒီလောက်ထိ မတက်ဖူးဘူးလို့ ပြောကြတယ်။ သုံးခွမြို့နယ် မှာဆိုတာတွေ ကျိုးတဲ့အထိ ဖြစ်တယ်လို့ သိရတယ်။ သဘာဝဘေးအန္တရာယ်က ပဲခူး၊ ကရင်နဲ့ မွန်မှာ မိုးရေတွေများလို့ ရေကြီးသလို အခုလည်းပဲ ပင်လယ်ဒီရေတက်တဲ့အတွက် ကမ်း ရိုးတန်းဒေသမှာ ဘာတွေဆုံးရှုံးမှု ဖြစ်လာမလဲမသိဘူး။ အခုစိုးရိမ်နေတဲ့ ဧရာဝတီမြစ်ရဲ့ရေက ဇလွန်အပါအ၀င် ဓနုဖြူတို့မှာ စိုးရိမ်ရေအမှတ်ကို ကျော်လွန်ရေများနေပြီး မိုးရာသီ ကုန်ဆုံးဖို့ ဆိုတာက စက်တင်ဘာလ တစ်ဝက်ကျော်ကျော်လောက် ကျန်သေးတယ်။ တစ်လကျော်ကျော်လောက် အတောအတွင်းမှာ အခုမြင့်နေတဲ့ရေတွေနဲ့ နောက်ထပ်ရွာမယ့် မိုးရယ်၊ အခုလို ထူးကဲဒီရေတွေ တက်လာရင် အရင်နှစ်က မြုပ်ခဲ့ဖူးတဲ့ ဧရာဝတီတိုင်းရဲ့ ငါးကန်ရှိတဲ့ဒေသနဲ့ ပဲခူးတိုင်း၊ ရန်ကုန်တိုင်းက စိတ်ပူစရာတွေ ဖြစ်နေတယ်” ဟု မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေ အတွင်းရေးမှူး ဦးဝင်ကြိုင်က ပြောကြားသည်။

လက်ရှိအချိန်တွင် ဆော်ဒီဈေးကွက် ပိတ်ထားမှုကြောင့် ငါးဈေးကွက် ကျဆင်းနေပြီး ယခုနှစ်တွင် အစာကုန်ကြမ်းဈေး စံချိန်တင် မြင့်တက်နေမှုများကြောင့် မွေးမြူရေး လုပ်ငန်းရှင်များ အခက်အခဲ ကြုံနေရကြောင်း၊ အစာဖိုး၊ မျိုးငါးဖိုး၊ ကန်ခ၊ အလုပ်သမားစရိတ်၊ ကျန်တဲ့စရိတ်တွေအားလုံး ရှုံးနေကြောင်း၊ မွေးမြူရေး လုပ်ငန်းတွေက ကန်ကို ရေထည့်ထားပြီး ပစ်ထားရမယ့်ပုံစံ ဖြစ်နေကြောင်း၊ အရင်းအနှီးမရှိသူများ ထပ်မွေးနိုင်တော့မည့် အခြေအနေ မရှိတော့ကြောင်း၊ လက်ရှိအချိန်တွင် ရေဘေးကြောင့် ဆုံးရှုံးမှုများ ရှိခြင်းကြောင့်  ငါးမွေးမြူရေး လုပ်ငန်းကိုပါ စွန့်လွှတ်ရမည့် အခြေအနေ ရှိနေကြောင်း ငါးမွေးမြူရေးလုပ်ငန်း လုပ်ကိုင်နေသူများထံမှ သိရသည်။

၂၀၁၅ ခုနှစ်တွင် ရေကြီးမှုများကြောင့် ဧရာဝတီတိုင်း၊ ရန်ကုန်တိုင်း၊ ပဲခူးတိုင်းတို့တွင် ငါးမွေးမြူရေကန်ပေါင်း ဧက ၃၅၀၀၀ ၀န်းကျင် ဆုံးရှုံးနစ်နာခဲ့ပြီး ရခိုင်ပြည်နယ်တွင် ပုစွန်မွေးမြူရေးကန်ဧက ၅၈၀၀၀ ဆုံးရှုံးကာ စုစုပေါင်း ကာလတန်ဖိုး ကျပ်ဘီလျံ ၅၀ ဆုံးရှုံး နစ်နာခဲ့ကြောင်း သိရသည်။ ၂၀၁၆ ခုနှစ်တွင် ရေကြီးမှုကြောင့် မွေးမြူရေးကန် ဆုံးရှုံးနစ်နာမှုသည် ၂၀၁၅ ခုနှစ်တွင် ဆုံးရှုံးမှု နည်းပါးရှိပြီး၂၀၁၇ ခုနှစ်တွင် ယခင်နှစ်နှစ်ထက် လျော့နည်းသွားကြောင်း သိရသည်။

 

ယခုနှစ်အတွင်း ကရင်ပြည်နယ်နှင့် တနင်္သာရီတိုင်းဒေသကြီး အတွင်းရှိ ရွာကိုးရွာမှ အိမ်ခြေ တစ်ထောင်ခန့်အား ဆိုလာမီး ဖြန့်ဖြူးပေးနိုင်ရန် ဆောင်ရွက်နေ

သန့်ရှင်းသောစွမ်းအင် အကြောင်းနှင့် ပတ်သက်ပြီး မီဒီယာတွေ့ဆုံပွဲ ပြုလုပ်စဉ်

ယခုနှစ်အတွင်း ကရင်ပြည်နယ်နှင့် တနင်္သာရီတိုင်းဒေသကြီး အတွင်းရှိ ရွာကိုးရွာမှ အိမ်ခြေ တစ်ထောင်ခန့်အား ဆိုလာမီး ဖြန့်ဖြူးပေးနိုင်ရန် ဆောင်ရွက်နေကြောင်း WWF မှ စွမ်းအင်ဌာနမန်နေဂျာ ဦးရွှန်းစိုဦးက သြဂုတ် ၇ ရက်တွင် ရန်ကုန်မြို့ သံတမန်လမ်းရှိ WWF ရုံးတွင်ပြုလုပ်သည့် သန့်ရှင်းသော စွမ်းအင်အကြောင်းနှင့် ပတ်သက်ပြီး မီဒီယာတွေ့ဆုံပွဲတွင် ပြောကြားသည်။

“နှစ်မကုန်ခင်မှာ အိမ်ခြေတစ်ထောင် ဆိုလာနဲ့ မီးလင်းတော့မှာပါ။ ပြည်နယ်၊ တိုင်းဒေသကြီး အစိုးရက ဦးဆောင်မယ်ဆိုရင် ကျွန်တော်တို့ဘက်က အကူအညီ အလုံးအရင်းနဲ့ ပံ့ပိုးပေးနိုင်ဖို့ပေါ့။ တနင်္သာရီမှာ ရွာခြောက်ရွာ အိမ်ခြေ ၇၅၀ လောက်၊ ကရင်မှာက ရွာနှစ်ရွာ အိမ်ခြေ ၂၅၀ လောက်ဆိုလာနဲ့ မီးပေးနိုင်ဖို့ လုပ်နေတာပါ” ဟု WWF မှ စွမ်းအင်ဌာန မန်နေဂျာ ဦးရွှန်းစိုဦးက ပြောကြားသည်။

လျှပ်စစ်မီးသည် အမြဲတမ်းလိုအပ်နေကြောင်း၊ အစိုးရဘက်မှ ဦးဆောင်ပေးမည်ဆိုပါက ၀ိုင်းဝန်းကူညီမည် ဖြစ်ကြောင်း ဦးရွှန်းစိုဦးက ပြောကြားသည်။

“မြန်မာနိုင်ငံက ဖွံ့ဖြိုးတိုးတက်ဆဲနိုင်ငံလေ။ ဟိုဟာမလုပ်နဲ့ ဒီဟာမလုပ်နဲ့ ပြောမယ့်အစား လက်ရှိမှာတော့ အစိုးရအဖွဲ့အစည်းတွေရော လူမှုအဖွဲ့အစည်းတွေရော ပူးပေါင်းပြီးတော့ ၂၀၁၇ ခုနှစ်မှာဆို မြန်မာနိုင်ငံအတွက် စွမ်းအင်ဘယ်လို ထုတ်လုပ်လို့ရလဲ ဆိုတာကို Clean Energy ပေါ် မူတည်ပြီး report တစ်ခုထုတ်လိုက်တယ်။ အဲဒီကနေပြီး ဘာတွေဆင့်ပွား ဖြစ်လာလဲဆိုရင် အစိုးရနဲ့ပူးပေါင်းပြီး အစိုးရ၀န်ထမ်း ၂၂ ယောက်ကို ပြန်လည်ပြည့်ဖြိုးမြဲစွမ်းအင် ၀င်လာရင် ဘယ်လိုလုပ်ရမလဲ ဆိုတာကို နှစ်နှစ်ပရောဂျက်နဲ့ သင်ကြားပေးနေတယ်” ဟု ဦးရွှန်းစိုဦးက ပြောကြားသည်။

ထို့ပြင် မြန်မာနိုင်ငံတွင် ပြန်ပြည့်မြဲစွမ်းအင်အတွက် ဥရောပအဖွဲ့အစည်းများမှ ဒေါ်လာသန်းနှင့်ချီ ထောက်ပံ့ပေးမည့် ကိစ္စများ ရှိနေကြောင်း၊ လက်ရှိတွင် WWF နှင့် ဒိန်းမတ်၊ ဆွီဒင်အစိုးရ၊ ပုဂ္ဂလိက လုပ်ငန်းရှင်များ၊ နိုင်ငံတကာမှ ပညာရှင်များက နည်းပညာအကူအညီများ၊ ငွေကြေးအထောက်အပံ့များ ပေးနေကြောင်း ဦးရွှန်းစိုဦးက ပြောကြားသည်။

မြန်မာနိုင်ငံ၏ ရာခိုင်နှုန်း ၇၀ သည် လျှပ်စစ်မီးကို သုံးစွဲနိုင်ခြင်း မရှိသေးကြောင်း၊ နေရောင်ခြည်၊ လေနှင့် သဘာဝဓာတ်ငွေ့များ ရရှိနိုင်သည့် အချိန်တွင် ပြန်လည်ပြည့်ဖြိုး မြဲရင်းမြစ်များကို ထပ်တိုးအသုံးပြုပါက စွမ်းအင်ပြဿနာကို ဖြေရှင်းနိုင်သည့်အပြင် ၁၀၀ ရာခိုင်နှုန်း သန့်ရှင်းသော စွမ်းအင်အနာဂတ်ကို ဖော်ဆောင်နိုင်မည်ဖြစ်သည်။

သန့်ရှင်းသော စွမ်းအင်အကြောင်းနှင့် ပတ်သက်ပြီး မီဒီယာတွေ့ဆုံပွဲ ပြုလုပ်ရခြင်းမှာ မြန်မာနိုင်ငံအတွက် အသင့်တော်ဆုံးဖြစ်သည့် သန့်ရှင်းသောစွမ်းအင် အကြောင်းနှင့် ပတ်သက်ပြီး လုပ်ဆောင်ရန် လိုအပ်သည့် ကိစ္စရပ်များကို ပိုမိုပြည့်စုံစွာ နားလည်သဘော ပေါက်စေရန်အတွက် လုပ်ဆောင်ခဲ့ခြင်းဖြစ်ကြောင်း သိရသည်။

 

ကရင်ပြည်နယ်အတွင်း ရေတိုက်စားမှုကြောင့် ပျက်စီးခဲ့သည့် တံတားခြောက်စင်းကို အချိန်မီ တည်ဆောက်နိုင်ဟု သိရ

ဇူလိုင်၂၁ ရက်မှစ၍ ကရင်ပြည်နယ်အတွင်း ရေကြီးရေလွှမ်းမှု၊ တောင်ကျရေ စီးဆင်းမှုတို့ကြောင့် ရေတိုက်စားမှု ဖြစ်ပေါ်ပြီး ပျက်စီး မျောပါခဲ့ရသည့် တံတား ခြောက်စင်းအား ဆောက်လုပ်ရေးဝန်ကြီးဌာနက အချိန်မီ တည်ဆောက်နိုင်ခဲ့ကြောင်း သိရသည်။

အဆိုပါ တံတားများမှာ ထီလုံ-တာဘောင် -နဘူးကော့ကရိတ် လမ်းပိုင်း မိုင်တိုင်အမှတ် (၂၅/၄-၂၆/၂) ရှိ ပေ ၅၀ သစ်သားတံတား၊ ထီလုံ-တာဘောင်-နဘူး-ကော့ကရိတ်လမ်းရှိ မိုင်တိုင်အမှတ် (၃၄/၀) ရှိ ၁၀ ပေ အရှည် အုတ်ခုံတံတား၊ လှိုင်းဘွဲ-ရှမ်းရွာသစ်လမ်း မိုင်တိုင်အမှတ် (၁၀/၆-၁၀/၇) ရှိ ၁၁၀ပေ RC တံတား၊ လှိုင်းဘွဲ-ရှမ်းရွာသစ်လမ်းရှိ တံတား၊ ချဉ်းကပ်လမ်းပေ 60 s/s ဘေလီတံတားနှင့် သံဖြူဇရပ်-ဘုရားသုံးဆူလမ်း မိုင်တိုင်အမှတ် (၄၅/၀-၄၅/၁)ရှိ ပေ 60 DS ဘေလီတံတား တို့ဖြစ်ကြောင်း သိရသည်။

“ဆောက်လုပ်ရေး ၀န်ကြီးဌာနအနေနဲ့ ပျက်စီးမျောပါ တံတားခြောက်စင်းကို အချိန်နဲ့တစ်ပြေးညီ တည်ဆောက်နိုင်ခဲ့သလို ထီလုံ-တာဘောင်-နဘူး-ကော့ကရိတ်လမ်းပေါ်မှာ ကျန်ရှိတဲ့ တံတားသုံးစင်း ပျက်စီးနေမှုကိုလည်း ဆက်လက် တည်ဆောက်ပေးသွားမှာ ဖြစ်ပါတယ်”ဟု ကရင်ပြည်နယ် ဆောက်လုပ်ရေးဦးစီးဌာနမှ တာဝန်ရှိသူတစ်ဦးက ပြောကြားသည်။

ကရင်ပြည်နယ်အတွင်း မြို့နယ် ငါးမြို့နယ်၌ ရေကြီးရေလျံဖြစ်ကာ ကယ်ဆယ်ရေးစခန်း ၅၁ ခု ဖွင့်လှစ်ပြီး လူဦးရေ ၁၅၀၀၀ ခန့်ကို ကယ်ဆယ်ကူညီထားရကြောင်း သိရ

ကရင်ပြည်နယ်အတွင်း ရေကြီးရေလျှံဖြစ်မှုကြောင့် အခက်အခဲကြုံတွေ့နေရသူများကို ကူညီကယ်ဆယ်မှုအား တွေ့ရစဉ်

မိုးသည်းထန်စွာ ရွာသွန်းခြင်းကြောင့် ရေကြီးရေလျှံဖြစ်ကာ ကရင်ပြည်နယ်အတွင်း မြို့နယ် ငါးမြို့နယ်၌ ကယ်ဆယ်ရေးစခန်း ၅၁ ခု ဖွင့်လှစ်ပြီး လူဦးရေ ၁၅၀၀၀ ခန့်ကို ကယ်ဆယ်ကူညီထားရကြောင်း သိရသည်။

သံလွင်မြစ်အတွင်း စိုးရိမ်ရေအမှတ် ကျော်လွန်ကာ ဇူလိုင်လ ၂၇ ရက်တွင် ၈၉၂ စင်တီမီတာ၊ ဇူလိုင်လ ၂၈ ရက်တွင် ၉၂၅ စင်တီမီတာ၊ ဇူလိုင်လ ၂၉ ရက် ညနေ ၆း၀၀ နာရီတွင် ၉၃၅ စင်တီမီတာထိ ဆက်လက် မြင့်တက်လာနေသည့်အတွက် ရေဘေးရှောင် ပြည်သူ ပိုမိုများပြားလျှက်ရှိကြောင်း သိရသည်။

သံလွင်မြစ်ရေသည် ဆက်လက် မြင့်တက်နေဆဲဖြစ်ပြီး ဘားအံမြို့နယ်အတွင်း ကယ်ဆယ်ရေးစခန်း ၁၆ ခု၌ အိမ်ထောင်စုပေါင်း ၁၉၄၅ စု ၊ လူဦးရေ ၉၈၇၃ ဦး ကို ကယ်ဆယ်ကူညီထားပြီး ကယ်ဆယ်ရေးစခန်းသို့ ရောက်မလာသည့် ရေဘေးသင့်သူများလည်း ရှိကြောင်း သိရသည်။

ထို့အတူ လှိုင်းဘွဲမြို့နယ်အတွင်း စခန်း ၁၆ ခု ဖွင့်လှစ်ထားရှိပြီး အိမိထောင်စု ၄၆၆ စုမှ လူဦးရေ ၂၅၀၃ ကို ကယ်ဆယ်ထားရသော်လည်း ရွှေဂွန်း အပါအ၀င် မြစ်ကမ်းစပ်နေသူများနှင့် ဆက်သွယ်သွားလာရေး ခက်ခဲသော နေရာများတွင် ကူညီကယ်ဆယ်ရေးများ လိုအပ်နေဆဲ ဖြစ်သည်ဟု သတင်းလိုက်ရင်း ကူညီကယ်ဆယ်ရေး လုပ်ဆောင်နေသူ ကိုကျော်ကြီး ကပြောသည်။

“လှေမရှိတော့ နေရာစုံ မရောက်ဘဲ အကူအညီမပေးနိုင်သလို လှေမရှိလို့ အခုထိ မကယ်နိုင်သေးတဲ့ မိသားစုတွေ ရေနစ်မြုပ်တဲ့ အိမ်တွေထဲမှာ ရှိနေသေးတယ်၊ ဘားအံမြို့ပေါ် စခန်းတွေမှာ စားသောက်စရာ နေစရာ ပြည့်စုံပေမယ့် သံလွှင်မြစ်ကမ်း တစ်လျှောက်က ရွာတွေဆီကို ရေစီးကြမ်းနေတာကြောင့် ကူညီကယ်ဆယ်တာတွေ မလုပ်နိုင်သေးဘူး ဖြစ်နေပါတယ်” ဟု ကိုကျော်ကြီးက ကယ်ဆယ်လုပ်ခဲ့စဉ် ကြုံတွေ့ရပုံကို ပြောပြခဲ့သည်။

ကရင်ပြည်နယ် ၊ ကော့ကရိတ်မြို့နယ်တွင် ကယ်ဆယ်ရေးစခန်း ၆ ခု ဖွင့်လှစ်ထားပြီ အိမ်ထောင်စု ၂၀၇ စု ၊ လူဦးရေ ၉၇၃ ဦး ကို ကယ်ဆယ် ကူညီထားသော်လည်း ကော့ကရိမြို့နယ်ရှိ ကျေးရွာ ရှစ်ရွာ ၊ ကျုံဒိုးတဘက်ကမ်း ကျေးရွာများတွင် ကယ်ဆယ်ရေး မရောက်နိုင်သေးဘဲ စားသောက်ရေး ခက်ခဲနေကြောင်း သိရသည်။

ကြာအင်းဆိပ်ကြီးမြို့နယ်တွင် ကယ်ဆယ်ရေးစခန်း သုံးခု၌ မိသားစု ၂၅၇ စု၊ လူဦးရေ ၁၁၄၅ ဦး၊ မြ၀တီမြို့ရှိ ကယ်ဆယ်ရေးစခန်း နှစ်ခု၌ အိမ်ထောင်စု ၂၆ စု ၊ လူဦးရေ ၁၃၄ဦး ကယ်ဆယ်ရေးစခန်၌ ခိုလှုံနေရဆဲ ဖြစ်သည်။ ဖာပွန်မြို့နယ်တွင် ကယ်ဆယ်ရေးစခန်း ၁၁ ခု၌ အိမ်ထောင်စု ၃၆၁ စု ၊ လူဦးရေ ၁၆၉၂ ဦး ကယ်ဆယ် ကူညီထားရကြောင်း သိရသည်။

မိုးအဆက်မပြတ် ရွာသွန်းမှုကြောင့် တောင်ကျချောင်းရေနှင့်အတူ သံလွင်မြစ်ရေ မြင့်တက်လာခြင်းကြောင့် ဘာအံမြို့တွင် ဇူလိုင်၂၁ ရက်မှ စ၍ ရေကြီရေလျံဖြစ်ကာ ရေဘေးရှောင်ပြည်သူများအား နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လာရောက်တွေ့ဆုံ အားပေးစကားပြောပြီး အလှူငွေနှင့် စားသောက်ဖွယ်ရာများ လှူဒါန့်းခဲ့သည်။ ဇူလိုင်၂၉ ရက်တွင် သံလွင်မြစ်ရေသည် ဆက်လက် မြင့်တက်လာခဲ့ကာ ကူညီကယ်ဆယ်မှုများ လိုအပ်နေဆဲဖြစ်ကြောင်း ဘားမြို့ဒေသခံများထံမှ သိရသည်။

မြ၀တီကုန်သွယ်ရေးဇုန်အနီး ရွှေမြစန္ဒီ (မြို့သစ်) ဒေသတွင် မူလမြေပိုင်ရှင်ဆိုသူများ၏ ဆန္ဒဖော်ထုတ်ပွဲကို တန်ပြန်ကန့်ကွက်သည့်အနေဖြင့် လူအင်အား ၁၀၀၀ ကျော်ဆန္ဒဖော်ထုတ်

ကရင်ပြည်နယ် မြ၀တီကုန်သွယ်ရေး ဇုန်အနီး ရွှေမြစန္ဒီ (မြို သစ်) ဒေသတွင် အိမ်သစ်ဆောက်လုပ်နေထိုင်သူ ပြည်သူများက DKBA မှဖော်ဆောင်နေသော ဒေသဖွံ့ဖြိုး ရေးလုပ်ငန်းအား ထောက်ခံပွဲနှင့် မူလမြေပိုင်ရှင်ဆိုသူများ၏ ဆန္ဒဖော်ထုတ်ပွဲအား တန်ပြန်ကန့်ကွက်သည့်အနေဖြင့် ဇွန် ၁၃ ရက်က လူအင်အား ၁၀၀၀ ကျော်ဖြင့် ဆန္ဒဖော်ထုတ်ခဲ့ကြသည်။

ဇွန် ၁၀ ရက် နံနက်က အတွင်းမဲက နယ်ရွာသား ၃၀၀ ခန့်သည် မိမိတို့ဘိုးဘွား ပိုင်ရွာဟောင်းမြေပေါ်တွင် မတရားကျူး ကျော်သိမ်းယူခဲ့သော မြေဧက ၃၀၀ ကျော်အား ပြန်လည်ရရှိရေးနှင့်မြေယာသိမ်းဆည်းသူ အလိုမရှိကြောင်း ဆန္ဒဖော်ထုတ်ခဲ့ကြသည်။

ယခု ဇွန် ၁၃ ရက်တွင် အဆိုပါရွှေ မြစန္ဒီမြို့သစ်တွင် နေထိုင်သူများက အေးချမ်းစွာဖြင့် ဆက်လက်နေထိုင်လိုကြောင်းနှင့် ဒီကေဘီအေမှ ဗိုလ်မှူးစောညီညီအား ထောက်ခံကြောင်း ဆန္ဒဖော်ထုတ်ခဲ့ကြခြင်းဖြစ်ကြောင်း သိရသည်။

ရွှေမြစန္ဒီဒေသဖွံ့ဖြိုးရေးဆောင်ရွက်နေ သူဗိုလ်မှူးစောညီညီအား ထောက်ခံခြင်းနှင့် အေးချမ်းစွာနေထိုင်လိုသူ ပြည်သူများ၏ တန်ပြန်ဆန္ဒဖော်ထုတ်ပွဲကို ဦးဆောင်သူ ဦးမြင်ဆန်းက “ဆန္ဒဖော်ထုတ်ပွဲ၊ ထောက်ခံပွဲကို ဘာကြောင့်လာရတာလဲဆိုတော့ လွန်ခဲ့တဲ့ ဇွန် ၁၀ ရက်က မြေယာမတရား သိမ်းပိုက်ခံထားကြောင်း၊ ပြန်လည်ရရှိလိုကြောင်း တောင်းဆိုဆန္ဒဖော်ထုတ်ပွဲကို ဆန့်ကျင်တဲ့ အနေနဲ့ လာရခြင်း ဖြစ်ပါတယ်။ ကျွန်တော်တို့က ရွှေမြစန္ဒီဒေသဖွံဖြိုးရေးဆောင်ရွက်နေတဲ့ ဗိုလ်မှူးစောညီညီကို ထောက်ခံတာလည်း ဖြစ်ပါတယ်။ ယခုထောက်ခံပွဲ၊ ဇွန်၁၀ ရက်က ပြုလုပ်ခဲ့တဲ့ အတွင်းမဲက နယ်ရွာသားတွေပြုလုပ်ခဲ့တဲ့ ဆန္ဒဖော်ထုတ်ပွဲကို ကန့်ကွက်ဆန္ဒထုတ်ဖော်တာလည်း ဖြစ်ပါတယ်” ဟု ပြောကြားသည်။

ရွှေမြစန္ဒီဒေသမြို့သစ်နေ ပြည်သူများသည် အင်အားတစ်ထောင်ခန့်ဖြင့် ကြွေးကြော် သံလေးချက်ကြွေးကြော်ကာ ထောက်ခံတန် ပြန်ဆန္ဒထုတ်ဖော်သွားခဲ့သည်။

ဆန္ဒဖော်ထုတ်ပွဲကို ရွှေမြစန္ဒီဒေသ သဗ္ဗသိဒ္ဒိစေတီတော် ပရ၀ုဏ်ဝင်းအတွင်း၌ လူထုစုဝေပြီး ဗိုလ်ချုပ်စောလားဘွယ်လမ်း မအတိုင်းချီတက်ကာ ဒီမိုကရေစီအကျိုးပြု ကရင်တပ်မတော် (DKBA) တည်တံ့ခိုင်မြဲ ရေး။ ရွှေမြစန္ဒီဒေသ ဆက်လက်ဖွံ့ဖြိုးတိုးတက်ရေး။ ရွှေမြစန္ဒီဒေသဖွံ့ ဖြိုးတိုးတက်ရေးအား  နှောင့်ယှက်ဖျက်ဆီးသူများအား အလိုမရှိ။ ရွှေမြစန္ဒီဒေသဖွံ့ဖြိုးရေဆောင်ရွက်ေ သော ဗိုလ်မှူးစောညီညီအား ထောက်ခံပါတယ် စသည်ဖြင့် ကြွေးကြော်ပြီး သံလွင်လမ်း ထိပ်ကင်းစခန်းကုန်းအနီးလမ်းဆုံတွင် လူစုခွဲခဲ့ကြောင်း သိရသည်။

အဆိုပါဆန္ဒထုတ်ဖော်ပွဲသို့ မြ၀တီမြို့နယ်ရဲတပ်ဖွဲ့မှူးရဲမှူး ကျော်သူရည်နှင့် ရဲတပ်ဖွဲ့ဝင်များ၊ သင်္ဃန်းညီနောင်မှ စခန်းမှူးရဲအုပ် နိုင်ဝင်းသိန်းနှင့်ရဲတပ်ဖွဲ့ဝင်များ၊ နယ်ခြားစောင့်တပ်ဖွဲ့ဝင်များက လိုက်ပါစောင့်ရှောက်ပေးခဲ့ကြကြောင်း သိရသည်။