ဟင်္သာတမြို့နယ် ဥသျှစ်ကုန်းကျေးရွာ၌ ကမ်းပြိုမှုကြောင့် သာသနိက အဆောက်အအုံများနှင့် လူနေအိမ်များ ဖျက်ရွှေ့နေရ

ကမ်းပြိုမှုကြောင့် ဟင်္သာတမြို့နယ် ဥသျှစ်ကုန်းကျေးရွာရှိ ရွာကျောင်းဘုန်းတော်ကြီးကျောင်း ဖျက်ရွှေ့ထားရသည်ကို တွေ့ရစဉ်

ကမ်းပြိုမှုကြောင့် သာသနိက အဆောက်အအုံများနှင့် လူနေအိမ်များဖျက်ရွှေ့နေရသည့် ဟင်္သာတမြို့နယ် အင်္ဂရမ်းအုပ်စုရှိ ဥသျှစ်ကုန်းကျေးရွာ၌ အကူအညီများ လိုအပ်နေကြောင်း သိရသည်။

င၀န်မြစ်ရေ တိုက်စားမှုကြောင့် အဆိုပါကျေးရွာ၌ ကမ်းပြိုမှုများ ဖြစ်ပေါ်နေခြင်းဖြစ်ပြီး ယခုနှစ်တွင် ယခင်ကထက် အခြေအနေ ပိုမိုဆိုးဝါးလာသဖြင့် စိုးရိမ်စရာ အခြေအနေ ရှိလာကြောင်း ဒေသခံများထံမှ သိရသည်။

“ကမ်းပြိုတာ သုံးနှစ်ရှိပါပြီ။ သုံးနှစ်မှာ အိမ်ခြေပေါင်း ၂၀၀ ကျော်လောက် ရွှေ့ပြောင်းလိုက်ရတယ်။ ဒီနှစ်က အဆိုးရွားဆုံးပါပဲ။  ဒီနှစ်မှာဆိုရင် အိမ်ခြေ ၇၀ ကျော်လောက် ရွှေ့ပြောင်းလိုက်ရတယ်။ သာသနာ့ အဆောက်အအုံတွေလည်း ပါသွားပြီ။ ဘုရားကြီးလည်း ပါသွားပြီ။ ကျေးလက်ဆေးပေးခန်း ဆိုရင်လည်း ကမ်းပါးနဲ့ နီးလာတဲ့အတွက် ဖျက်ရွှေ့လိုက်ရပြီ။ ဆုံးရှုံးနစ်နာမှုတွေက တော်တော်များနေပါတယ်။ တစ်ခါပြိုရင် ပေ ၅၀ လောက် ပြိုတယ်။ ဒီနှစ်ပိုင်းမှာဆို ပေ ၆၀၀ လောက်ပါသွားပြီ။ အခုအဆောက်အအုံတွေ၊ အိမ်ခြေတွေ ဆိုရင်လည်း ဆက်လက် ရွှေ့ပြောင်းရဖို့တွေ ရှိနေပါတယ်။ ပြိုဆဲပဲဖြစ်တဲ့အတွက် စိုးရိမ်ပူပန်ရတဲ့ အခြေအနေ ရှိနေပါတယ်” ဟု ဥသျှစ်ကုန်းကျေးရွာမှ ဒေသခံဦးစံဌေးက ပြောကြားသည်။

ကမ်းပြိုမှုကြောင့် အဆိုပါကျေးရွာရှိ စေတီတော် ရေခသွားပြီဖြစ်ပြီး ဘုန်းတော်ကြီးကျောင်း နှစ်ကျောင်းရှိ သာသနိက အဆောက်အအုံများလည်း အရေးပေါ် ဖျက်ရွှေ့ထားရကြောင်း သိရသည်။

ဟင်္သာတမြို့နယ် ဥသျှစ်ကုန်းကျေးရွာ ကမ်းပြိုမှုဖြစ်ပွားစဉ်

“လူနေအိမ်တွေတင် မဟုတ်ဘူး။ သာသနိက အဆောက်အအုံတွေလည်း ဖျက်ရွှေ့နေရတာကြောင့် ဒုက္ခရောက်နေပါတယ်။ ပထမဦးဆုံး ရွာကျောင်း ကျောင်းတိုက်ကဘုရားကြီး ရေခသွားတယ်။ ကျောင်းဆောင်တွေလည်း အားလုံးဖျက်လိုက်ရတယ်။ မြေနေရာလည်း မရှိတော့ဘူး။ ဦးပဉ္ဇင်းတို့ တောကျောင်း ကျောင်းတိုက်မှာလည်း သာသနိက အဆောက်အအုံတွေ ဖျက်နေရပြီ။ မြစ်ကမ်းပါးက ပေ ၅၀ အတွင်း ရောက်လာပြီ။ ကျန်တဲ့ အဆောက်အအုံတွေလည်း ထပ်ဖျက်ရတော့မယ်။ ဒါကြောင့်မို့လို့ အဖွဲ့အစည်းတွေ၊ ဒကာ၊ ဒကာမတွေ အနေနဲ့ ကူညီပံ့ပိုးပေးနိုင်မယ်ဆိုရင် ဦးပဉ္ဇင်းတို့ရွာကိုလာပြီး သာသနိက အဆောက်အအုံတွေကို ကူညီပံ့ပိုးပေးပါ၊ ၀ိုင်းဝန်းကူညီပေးကြပါလို့ ဦးပဉ္ဇင်းအနေနဲ့ မေတ္တာရပ်ခံချင်ပါတယ်” ဟု တောကျောင်း ကျောင်းတိုက်မှ ဦးပဉ္ဇင်း ဦးသောဘိတက မိန့်ကြားသည်။

ကမ်းပြိုမှု အခြေအနေမှာ ယခင်ကထက် ပိုမိုဆိုးရွားလာသဖြင့် ထိခိုက်ဆုံးရှုံးမှုများ ထပ်မံမဖြစ်ပေါ်စေရေး အတွက် နိုင်ငံတော်မှ မြစ်ကမ်းထိန်းလုပ်ငန်းများ စီမံဆောင်ရွက်ပေးရန် ဒေသခံများက လိုလားနေကြောင်း သိရသည်။

“င၀န်မြစ်မကြီးရဲ့ ဟိုဘက်ကမ်း အင်္ဂပူမြို့နယ် ကံဘက်အုပ်စုဘက်မှာ ချွန်းခံနေတဲ့အတွက် ဒီဘက်ကို ရေစွယ်ထိုးလို့ ကျွန်တော်တို့ ကျေးရွာမှာ ကမ်းပြိုမှုက တစ်နှစ်ထက်တစ်နှစ် ဆိုးလာတယ်။ နိုင်ငံတော်အနေနဲ့ မြစ်ကမ်းထိန်း လုပ်ငန်းတွေ၊ ရွာကိုကူညီပေးမှုတွေ ဆောင်ရွက်ပေးစေချင်ပါတယ်။ ဘယ်နှစ်မှာ လုပ်ပေးနိုင်မလဲ ဆိုတာ သိချင်ပါတယ်” ဟု ဒေသခံဦးမောင်လှိုင်က ပြောကြားသည်။

လက်ရှိတွင် ရွာ၏ထက်ဝက်နီးပါး အိမ်ခြေများ ပြောင်းရွှေ့ထားရပြီး ကမ်းပြိုမှုများ ထပ်မံဆိုးရွားလာပါက စာသင်ကျောင်းနှင့် နေအိမ်များ၊ သာသနိက အဆောက်အအုံများ ထပ်မံထိခိုက်လာနိုင်သဖြင့် ပြောင်းရွှေ့ရန် မြေနေရာပင် အခက်အခဲ ကြုံတွေ့လာနိုင်ကြောင်း ဒေသခံများထံမှ သိရသည်။

 

ရေစကြိုမြို့နယ် ဗလဗကျေးရွာ ကမ်းပြိုကာကွယ်ရေး လုပ်ငန်းအတွက် တိုင်းဒေသကြီးအစိုးရက ကျပ်သန်း ၁၅၀ ချထားမည်ဖြစ်ကြောင်း သိရ

ဗလဗကျေးရွာအနီး မြစ်ကမ်းပါးပြိုကျမှုအား သက်ဆိုင်ရာမှ ကာကွယ်ရေးလုပ်ငန်းများ လုပ်ဆောင်ပေးနေစဉ်

ရေစကြိုမြို့နယ် ဗလဗကျေးရွာ ကမ်းပြိုကာကွယ်ရေး လုပ်ငန်းအတွက် တိုင်းဒေသကြီးအစိုးရက ကျပ်သန်း ၁၅၀ ချထားပေးမည် ဖြစ်ကြောင်းနှင့် အဆိုပါဘတ်ဂျက် အမှန် တကယ်လိုအပ်မှု ရှိ မရှိ သက်ဆိုင်ရာမှ သွား ရောက် စစ်ဆေးခဲ့ကြောင်း သိရသည်။

တိုင်းဒေသကြီးလွှတ်တော်ကော်မတီ၏ စစ်ဆေးချက်အရ ရေစကြိုမြို့နယ် ဗလဗ ကျေးရွာ ကမ်းပြိုကာကွယ်ရေး လုပ်ငန်းအတွက် ချထားပေးသည့် ငွေကျပ်သန်း ၁၅၀ မှာ အမှန်တကယ် လိုအပ်ကြောင်းနှင့် အဆိုပါ ဘတ်ဂျက်ငွေအား လာမည့် ၂၀၁၈-၁၉ ဘဏ္ဍာနှစ်တွင် ချထားပေးမည်ဖြစ်ကြောင်း သိရသည်။

“ကျွန်တော်တို့ရဲ့ မြေပြင်ကွင်းဆင်း စစ်ဆေးချက်အရတော့ ကမ်းပြိုကာကွယ်ရေးလုပ်ငန်းက အမှန်တကယ် လိုပါတယ်။ ကျပ် သိန်း ၁၅၀၀ တကယ်ကို ချထားပေးသင့်တယ်။ ကမ်းပြိုနေတဲ့ အနေအထားအရ ချထားပေး နိုင်တဲ့ ဘတ်ဂျက်က နည်းတဲ့ဘက် ပါသေး တယ်။ ကမ်းပြိုကာကွယ်ရေးလုပ်ငန်းတွေနဲ့ ပတ်သက်လို့ တိုင်းဒေသကြီး အစိုးရက စီစဉ်ရတာ ဖြစ်ပါတယ်။ ဘတ်ဂျက်ချထားဖို့ လာမယ့် တိုင်းဒေသကြီး လွှတ်တော်မှာ အတည်ပြုပါမယ်” ဟု ရေစကြိုမြို့နယ် တိုင်းဒေသကြီး လွှတ်တော်ကိုယ်စားလှယ် ဦးမင်းဟန်က ပြောကြားသည်။

ရေစကြိုမြို့နယ် ဗလဗကျေးရွာ ကမ်းပြိုမှု ကာကွယ်ရေးအတွက် ကမ္ဘာ့ဘဏ်ချေးငွေဖြင့် လာမည့် ရေနည်းကာလတွင် ကျေးရွာအနီး ဧရာဝတီမြစ်ကို ရေလမ်းကြောင်း ပြုပြင်ထိန်းသိမ်းရေး လုပ်ဆောင်မည် ဖြစ်ကြောင်းနှင့် လက်ရှိ ရေတက်ကာလ ဖြစ်သည့်အတွက် မြစ်ကြောင်း ပြုပြင်ခြင်းလုပ်ငန်း ရပ်နားထားကြောင်း တာဝန်ရှိသူများထံမှ သိရသည်။

“လက်ရှိတော့ ရေတက်နေတာရော အရေးပေါ် ကာကွယ်ရေး လုပ်ထားတာရောကြောင့် ကမ်းအပြို နည်းသွားပြီ။ ရေကျချိန် ရောက်ရင်တော့ သဲလွှာတွေ ရေတိုက်စားပြီး ပြိုမှာစိုးရတယ်။ ကမ်းပါးကို ခိုင်ခိုင်မာမာ ကာကွယ်ထိန်းသိမ်း ပေးမယ်လို့တော့ သိရတယ်။ ရွာကလည်း တစ်ဝက်လောက် ပါသွားတော့ ကာကွယ်ရေး လုပ်ငန်းတွေ မြန်လေကောင်းလေပဲ” ဟု ဗလဗကျေးရွာမှ ကိုနီလုံးက ပြောကြားသည်။

ဗလဗကျေးရွာအနီး မြစ်ကမ်းပါးအား ရေစီးဒဏ်ခံနိုင်ရန် ကမ်းပါးတွင် ၀ါးဖောင်တွဲများ ချထားခြင်း၊ Stealcable Groyne ချထား၍ ရေလမ်းကြောင်း လွှဲခြင်းနှင့် ကမ်းပါးအား Polyfelt ခင်းအုပ်ခြင်းများအား ပြီးခဲ့သည့် ဇူလိုင်လတွင် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ အရေးပေါ် လုပ်ဆောင်ပေးခဲ့သည်။

ရေစကြိုမြို့နယ် ဧရာဝတီမြစ်ကမ်းနံဘေးရှိ ဗလဗကျေးရွာမှာ ယခုဇွန်လကုန်ပိုင်းတွင် ကမ်းပြိုမှုကြောင့် နေအိမ် ၃၀ နီးပါး ရွှေ့ပြောင်းထားရပြီး မြေဈေးနှုန်းကြီးမြင့်မှုကြောင့် နေအိမ်ရွှေ့ပြောင်း ထားရသူများမှာ နေထိုင်ရေး အခက်အခဲများ ကြုံတွေ့နေကြောင်း၊ မြစ်ရေတိုက်စားမှုကြောင့် မြေနေရာဆုံးရှုံးခဲ့သူများမှာ လက်ရှိတွင် နီးစပ်ရာ ဆွေမျိုးများထံတွင် နေထိုင်နေရပြီး မြေတစ်ဧကလျှင် ကျပ်သိန်း ၁၀၀ ကျော်ထိ မြင့်တက်လာခြင်းကြောင့် ၀ယ်ယူနိုင်ခြင်း မရှိသည့်အတွက် အခက်အခဲများ ကြုံတွေ့နေကြောင်း သိရသည်။

ပြီးခဲ့သည့် ၂၀၁၇ ခုနှစ်တွင် ဗလဗကျေးရွာမှာ ကမ်းပြိုမှုကြောင့် နေအိမ် ၆၈ လုံး ရွှေ့ပြောင်းထားရသည့်အပြင် စိုက်ပျိုးမြေဧက ၇၀၀ နီးပါး ပြိုကျဆုံးရှုံးခဲ့ပြီး ယခုနှစ်တွင် အိမ်ခြေ ၃၀ နီးပါး ထပ်မံရွှေ့ပြောင်း ထားရကြောင်း သိရသည်။

 

ရေစကြိုမြို့နယ်အတွင်း ချင်းတွင်းမြစ်ကမ်းဘေးရှိ မီးလောင်ကျွန်း၊ ချင်းယားနှင့် ပခန်းငယ်ကျေးရွာတို့တွင် မြစ်ရေတိုက်စားမှုကြောင့် ကမ်းပြိုမှုဖြစ်ပေါ်ပြီး နေအိမ် ၂၅ လုံး ရွှေ့ပြောင်းထားရ

ချင်းတွင်းမြစ်ရေတိုက်စားမှုကြောင့် ကမ်းပြိုမှုကြုံတွေ့နေသည့် မီးလောင်ကျွန်းကျေးရွာအား တွေ့ရစဉ်

ရေစကြိုမြို့နယ်အတွင်း ချင်းတွင်းမြစ်ကမ်းဘေးရှိ မီးလောင်ကျွန်း၊ ချင်းယားနှင့် ပခန်းငယ်ကျေးရွာတို့တွင် ယခုနှစ် မြစ်ရေတက်ကာလစတင်ချိန် ဇွန်လတွင် မြစ်ရေတိုက်စားမှုကြောင့် ကမ်းပြိုမှုဖြစ်ပေါ်နေပြီး နေအိမ် ၂၅ လုံး ရွှေ့ပြောင်းထားရကြောင်း သိရသည်။

ယခင်နှစ်ကတည်းက ကမ်းပြိုမှု စတင်ခံစားနေရသည့် ချင်းတွင်းမြစ်ကမ်းဘေး မီးလောင်ကျွန်းကျေးရွာမှာ ယခုနှစ်တွင် အိမ် ၂၃ လုံး ကမ်းပြိုမှုကြောင့် ရွှေ့ပြောင်းမှုပြုလုပ်ထားရပြီး ချင်းယားကျေးရွာတွင် နေအိမ်တစ်လုံး  ပခန်းငယ်ကျေးရွာတွင် နေအိမ်တစ်လုံး ရွှေ့ပြောင်းထားရသည်။

ချင်းတွင်းမြစ်ရေတိုက်စားမှုကြောင့် ရွှေ့ပြောင်းရသည့် နေအိမ် ၂၅ လုံးမှ မီးလောင် ကျွန်းကျေးရွာတွင် ၁၁၃ ဦး ၊ ချင်းယားကျေးရွာတွင် ခြောက်ဦးနှင့် ပခန်းငယ်ကျေးရွာတွင် ၁၀ ဦး ရေဘေးသင့်ခဲ့ပြီး နေထိုင်ရေး၊ စားဝတ်နေရေး အခက်အခဲများ ကြုံတွေ့နေရသည်။

“မနှစ်က ရေတက်ကတည်းက ဖျက်ပြီးရွှေ့ထားတာ။ ပြန်မဆောက်နိုင်သေးတာရော ဆောက်စရာမရှိသေးတာရောကြောင့် သမီး အိမ်သွားနေ နေတာ။ အခုသမီးအိမ်ကလည်း ဖျက်ပြီး ပြောင်းရတာဆိုတော့ အတော်လေး ခက်ခဲနေတာပေါ့။ ဘယ်အိမ်သွားနေလို့ နေရမယ်ကို မသိတော့ဘူး” ဟု မီးလောင်ကျွန်း ကျေးရွာမှ မစန်းရီက ပြောကြားသည်။

နေအိမ်ရွှေ့ပြောင်းရသူများနှင့် ပတ်သက်၍ ပခုက္ကူခရိုင်ဘေးအန္တရာယ် စီမံခန့် ခွဲမှု ကော်မတီမှ နေအိမ်တစ်လုံးလျှင် တစ်သိန်းကျပ်ဖြင့် ၂၅ သိန်းကျပ်၊ လူတစ်ဦးလျှင် တစ်ပတ်စာရိက္ခာထောက်ပံ့ငွေ ကျပ် ၂၁၀၀ ဖြင့် ကျပ်  ၂၀၇၉၀၀ ထောက်ပံ့ပေးထားကြောင်း သိရသည်။

“ရွာအနောက်ဘက် ရေစကြိုမြို့ဘက်က ခြမ်းကလည်း ချင်းတွင်းမြစ်ရေလာလို့ ရေတိုက်စားလို့ ပြိုတယ်။ ရွာခေါင်းရင်းဖက်ကလည်း ဧရာဝတီမြစ်ရေလာလို့ ပြိုတယ်။ မြစ်နှစ်မြစ်ကြားညှပ်ပြီး အတော်ဒုက္ခရောက်နေတာ။ ကမ်းကလည်း ဆက်တိုက်ပြိုနေတော့ ၂၃ လုံးဖျက်ရွှေ့ပြီးသွားပြီ။ နောက်ရက်တွေ လည်း ပြိုနေသေးရင်တော့ ဆက်ရွှေ့ရမှာပဲ” ဟု မီးလောင်ကျွန်းကျေးရွာအုပ်ချုပ်ရေးမှူး ဦးဝင်းထိန်က ပြောကြားသည်။

ချင်းတွင်းမြစ်ကမ်းဘေးရှိ မီးလောင်ကျွန်းကျေးရွာမှာ စိုက်ပျိုးမြေအများအပြား ဆုံးရှုံးနေသည့်အတွက် ပြီးခဲ့သည့် မြစ်ရေကျကာလစိုက်ပျိုးရာသီတွင် လုပ်စားမြေမရှိသလောက် နည်းပါးသွားသည့်အတွက် အခြားရွာများသို့ နေ့စားလုပ်သားအဖြစ် သွားရောက်လုပ်ကိုင်ခဲ့ရသည်။

ရေစကြိုမြို့နယ်တွင်း ချင်းတွင်းမြစ်နံဘေးရှိ ကျေးရွာများ ရေတိုက်စားခံနေရသကဲ့သို့ ချင်းတွင်းမြစ်နှင့် ဧရာဝတီမြစ်ပေါင်းဆုံ စီးဆင်းသည့် ဧရာဝတီမြစ်တွင်လည်း ကမ်းပြို မှုများ ဖြစ်ပေါ်နေပြီး ဗလဗကျေးရွာမှာ လူနေအိမ်များသာမက ကျေးရွာဘုန်းတော်ကြီး ကျောင်းပါ ရွှေ့ပြောင်းထားရကြောင်း သိရသည်။

ရေစကြိုမြို့နယ် ဗလဗကျေးရွာမှာ ဘုန်းတော်ကြီးကျောင်း၊ သိမ်ကျောင်းများနှင့် လူနေအိမ်များ ဖျက်သိမ်းရွှေ့ ပြောင်းနေရသကဲ့သို့ ရှေးအစဉ်အဆက် တည်ထားကိုးကွယ်ခဲ့သည့် စေတီမှာလည်း ကမ်းပါးနှင့် ၁၀ ပေ ခန့်သာ ကွာဝေးတော့သည့်အတွက် အဆိုပါ စေတီမြစ်အတွင်းပြိုကျမည်ကို စိုးရိမ်နေကြောင်း သိရသည်။

ရေစကြိုမြို့နယ်တွင် ၂၀၁၇ ခုနှစ် ရေ တက်ရေကျကာလ၌ ဧရာဝတီနှင့် ချင်းတွင်း မြစ်ရေတိုက်စားမှုကြောင့် နွယ်နီ၊ ဇရပ်နီ ၊ ချင်းယား၊ ဗလဗ၊ ပေါက်တောကျွန်း ၊ ပုခန်းငယ်၊ ကျောမကြား ၊ ကွေ့ထောင့် ၊ နတ်ညွှန်း နှင့် မီးလောင်ကျွန်းရွာတို့တွင် ကမ်းပြိုမှုများ ဖြစ်ပေါ်ကာ နေအိမ် ၁၂၅ လုံး ရွှေ့ပြောင်းခဲ့ရကြောင်း သိရသည်။

ပခုက္ကူခရိုင် ရေစကြိုမြို့နယ် ဗလဗကျေးရွာမှ နေအိမ်အချို့ ဧရာဝတီမြစ်ကမ်းပြိုမှု အန္တရာယ်ကြောင့် ရွှေ့ပြောင်းမှု ပြုလုပ်နေ

ဗလဗကျေးရွာအနီး မြစ်ကမ်းပါးပြိုကျမှု သက်သာစေရန် လုပ်ဆောင်ထားသည့်စတီးကေဘယ်ကြိုး ပိုက်တန်းများအား တွေ့ရစဉ်

ပခုက္ကူခရိုင် ရေစကြိုမြို့နယ်အတွင်းရှိ ဗလဗကျေးရွာမှ နေအိမ်အချို့ ဧရာဝတီမြစ်ကမ်းနှင့် နီးကပ်နေသည့်အတွက် ကမ်းပြိုမှု အန္တရာယ်ကြောင့် ယခုမေလနောက်ဆုံးပတ်မှစ၍ ရွှေ့ပြောင်းမှုပြုလုပ်နေကြောင်း ဒေသခံများထံမှ သိရသည်။

ယခုမေလလယ်မှစ၍ ဧရာဝတီမြစ်ရေ အတက်အကျဖြစ်ပေါ်နေသည့်အတွက် ကျေးရွာမြောက်ဘက်ခြမ်းတွင် ကမ်းပြိုမှု စတင်ဖြစ်ပေါ်လာခြင်းကြောင့် ကမ်းပါးနှင့်နေအိမ်သုံး လုံးအား မေ ၂၁ ရက်မှစ၍ ရွှေ့ပြောင်းမှုပြုလုပ်ခဲ့ကြောင်း သိရသည်။

“ရေက တက်လိုက်ကျလိုက်ဖြစ်နေတော့ ကမ်းက စပြိုပြီ။ စိုးရိမ်တဲ့အိမ်တွေကတော့ ဖျက်ပြီးပြောင်းကြတယ်။ တကယ်ရေများလာလို့ ကမ်းအပြိုများလာရင် ဖျက်ရသယ်ရ တာမလွယ်လို့ ကြိုဖျက်ကြတာပေါ့။ ဦးထွန်းဟန် အိမ်ရယ် ၊ ဦးကျော်လှိုင် အိမ်ရယ် နောက် ဒေါ်တင်ထွေးအိမ်ရယ်သုံးလုံး စပြောင်းပြီ။ ခုနေပြောင်းထားကြတော့ ရေတက်ရေ၀င်ချိန် မှာ ဒုက္ခမများတာပေါ့။ အေးအေးဖျက်ပြောင်းရတော့ အပျက်အစီးလည်း နည်းတယ်။ အနေအထားအရ ကမ်းပြိုတာနဲ့လွတ်နိုင်ခြေနည်းတဲ့ အိမ်တွေပါ။ ရေတကယ်များလာလို့ ကမ်းပြိုရင်တော့ ပြောင်းရတဲ့သူထပ်တိုးနိုင်တယ်” ဟု ရေစကြိုမြို့နယ် ဗလဗကျေးရွာဒေသခံတစ်ဦးက ပြောကြားသည်။

ရေစကြိုမြို့နယ် ဧရာဝတီမြစ်ကမ်းဘေးရှိ ဗလဗကျေးရွာကမ်းပြိုမှု သက်သာရေးအတွက် ရေလမ်းကြောင်းပြောင်းလဲစေရန် မြစ်လယ်ရှိ သဲသောင်အား ဖယ်ရှား၍ ရေလမ်းကြောင်းသစ်လုပ်ဆောင်နေပြီး လုပ်ငန်းအောင်မြင်ရန် ငွေကြေးအခက်အခဲများရှိကြောင်း သိရသည်။

ရေလမ်းကြောင်း ပြောင်းလဲစီးဆင်းစေ ရန်တူးဖော်ရမည့် သဲသောင်ပြင်မှာ ကြီးမား ကျယ်ပြန့်သည့်အတွက် ပုဂ္ဂလိကအလှူရှင် များမှ လှူဒါန်းသည့် ကျပ် ၁၂၇ သိန်းဖြင့် လုံ လောက်အောင် မဆောင်ရွက်နိုင်ခြင်းကြောင့် ကမ်းပြိုမှုအား အပြည့်အ၀တားဆီးနိုင်ရန် မလွယ်ကူကြောင်း သိရသည်။

“မြစ် /ချောင်းဖြိုးကနေ သောင်တူးစက် ဘတ်ဟိုးအကူအညီပေးတယ်။ လိုအပ်တဲ့ ဒီဇယ်အတွက် ထိုင်းနိုင်ငံ ဓမိကရာမ ဖောင်ဒေးရှင်အဖွဲ့ကနေ ၁၂၇ သိန်းလှူဒါန်းထားပါတယ်။ အဲဒီငွေနဲ့သောင်တူးတဲ့ လုပ်ငန်းဆောင်ရွက်နေတာ ဖြစ်ပါတယ်။ ၁၂၇ သိန်းနဲ့ လုပ်ငန်းဘယ်လောက်မှပြီးမှာ မဟုတ်ဘူး။ ရွာနဲ့ ရှေးဟောင်းစေတီက ဒီနှစ်မြစ်ရေတက်မှာ တောင့်ခံနိုင်ဖို့ဆိုရင် ငွေလိုအပ်ပါတယ်။ ၀ိုင်းဝန်းကူညီကြဖို့ တောင်းဆိုပါတယ်” ဟု ဗလဗ ကျေးရွာမှ ဦးအေးမောင်ထွန်းက ဆိုသည်။

ဗလဗကျေးရွာ ကမ်းပြိုမှုသက်သာစေရေးအတွက် တိုင်းဒေသကြီးရေအရင်းအမြစ် နှင့်မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ ပြီးခဲ့သည့် ၂၀၁၇ ခုနှစ် ဒီဇင်ဘာလက စတီးကေဘယ်ကြိုးပိုက်တန်းများအား လုပ်ဆောင်ပေးထားကြောင်း သိရသည်။

ပြီးခဲ့သည့် ၂၀၁၇ ခုနှစ် မြစ်ရေတက်နှင့် ရေကျကာလများတွင် မြစ်ရေတိုက်စားမှုကြောင့် ဗလဗကျေးရွာမှာ နေအိမ် ၆၈ လုံး ရွှေ့ပြောင်းရသည့်အပြင် စိုက်ပျိုးမြေဧက ၇၀၀ ကျော် ပြိုကျပျက်စီးခဲ့ပြီး ကျန်နေအိမ်များမှာလည်း မြစ်ကမ်းနှင့် နီးကပ်လျက်ရှိကြောင်း သိရသည်။

ကမ်းပြိုမှုကြောင့် စိုက်ပျိုးမြေဧက ၇၀၀ ခန့်ဆုံးရှုံးခဲ့သည့်အပြင် ဖျက်သိမ်းရသည့် အိမ်များမှာလည်း စိုက်ပျိုးမြေများအား ၀ယ်ယူတည်ဆောက်ရပြီး ယခုနှစ်တွင် ဗလဗ ကျေးရွာမှာ စိုက်ပျိုးရေးလုပ်ငန်း လုပ်ကိုင်ရန် မြေအများအပြားလျော့နည်းသွားကြောင်း သိရသည်။