ကင်ဂျုံအွန်နှင့် ထိပ်သီးဆွေးနွေးပွဲကို ကိုရီးယားစစ်မဲ့ဇုန်ထဲ၌ ကျင်းပရန် ထရန့်က အကြံပြု

ဧပြီ ၂၇ ရက်က ပန်မန်ဂျွန်ကျေးရွာတွင် သမိုင်းဝင်ထိပ်သီးအပြီး၌ ကိုရီးယားနှစ်နိုင်ငံ ခေါင်းဆောင်များက နှုတ်ဆက်နေကြစဉ်

အမေရိကန်သမ္မတ ဒေါ်နယ်ထရန့်သည် မြောက်ကိုရီးယား ခေါင်းဆောင်ကင်ဂျုံအွန်နှင့် ထိပ်သီးအစည်းအဝေး ကျင်းပနိုင်မည့်အပေါ် ယုံကြည်မှုရှိသည့်အကြောင်း ဧပြီ ၃၀ ရက်က ပြောကြားရင်း အဆိုပါ တွေ့ဆုံမှုကို ကိုရီးယား နှစ်နိုင်ငံကြားရှိ စစ်မဲ့ဇုန်၌ ကျင်းပရန် ၎င်း၏စိတ်ကူးကိုလည်း ထုတ်ဖော်ပြောကြားခဲ့သည်။

ထရန့်သည် ၎င်းနှင့် ကင်၏ သမိုင်းဝင် ထိပ်သီးအစည်းအဝေးပွဲ ပြုလုပ်နိုင်မည့် နေရာ နှစ်ခု၊ သုံးခုကို စဉ်းစားထားသည်ဟု ပြီးခဲ့သည့် သီတင်းပတ်က ပြောကြားခဲ့သော်လည်း ဖြစ်နိုင်ခြေရှိသည့် နေရာတစ်ခုတည်းကို ယခုကဲ့သို့ လူသိရှင်ကြား ထုတ်ဖော်မပြောခဲ့ဖူးပေ။ ယင်းထိပ်သီးသည် မြောက်ကိုရီးယား ခေါင်းဆောင်နှင့် တာဝန်ထမ်းဆောင်နေဆဲ အမေရိကန်သမ္မတ တစ်ဦးတို့၏ ပထမဆုံး ထိပ်သီးဖြစ်လာမည်ဖြစ်သည်။

ထရန့်သည် နိုင်ဂျီးရီးယားသမ္မတ မူဟမ်မဒူဘူဟာရီနှင့် ပူးတွဲပြုလုပ်ခဲ့သော သတင်းစာ ရှင်းလင်းပွဲအတွင်း စင်ကာပူကို ထိပ်သီးအစည်းအဝေး ကျင်းပရန် နေရာတစ်ခုအဖြစ် ထည့်သွင်း စဉ်းစားထားကြောင်း အတည်ပြု ပြောကြားခဲ့သည်။ သို့သော် ယင်းသတင်းစာ ရှင်းလင်းပွဲပြီးနောက်၌ ရေးသားခဲ့သည့် ထရန့်၏ Twitter ပို့စ်တွင်မူ စစ်မဲ့ဇုန်ကိုလည်း နက်နက်နဲနဲ ထည့်သွင်း စဉ်းစားသင့်ကြောင်း ဖော်ပြထားသည်။

“ကျွန်တော် ဒီနေရာကို ဘာဖြစ်လို့ ကြိုက်ရတာလဲဆိုတော့ ကိစ္စတွေ အဆင်ပြေသွားတယ်ဆိုရင် ပြုလုပ်မယ့် အောင်ပွဲခံ အခမ်းအနားကြီးဟာ တတိယနိုင်ငံမှာမဟုတ်ဘဲ အဲဒီစစ်မဲ့ဇုန်မှာ ကျင်းပနိုင်မှာ ဖြစ်ပါတယ်” ဟု ထရန့်က ဆိုသည်။

“စင်ကာပူ အပါအ၀င် အခြားနိုင်ငံတွေကိုလည်း ထည့်သွင်းစဉ်းစား နေပါတယ်။ ဒါဟာ ကြီးမားတဲ့ ဖြစ်ရပ်ကြီးဖြစ်ဖို့ အခွင့်အရေး ဖြစ်တဲ့အတွက် လူတိုင်းက ကျွန်တော်တို့ကို လိုလားနေကြပါတယ်” ဟု ထရန့်က ပြောကြားခဲ့သည်။ ဖြစ်နိုင်ခြေရှိသည့် အခြားနေရာများထဲတွင် မွန်ဂိုလီးယားနှင့် ဆွစ်ဇာလန် နိုင်ငံတို့လည်း ပါဝင်သည်။

ဧပြီ ၂၇ ရက်က ပြုလုပ်ခဲ့သော ကင်နှင့် တောင်ကိုရီးယားသမ္မတ မွန်းဂျေအင်းတို့၏ ထိပ်သီးတွေ့ဆုံမှုမှာလည်း စစ်မဲ့ဇုန်အတွင်းရှိ ပန်မန်ဂျွန်ကျေးရွာထဲမှ ငြိမ်းချမ်းရေးခန်းမတွင် ဖြစ်သည်။ ကိုရီးယားစစ်ပွဲကို အဆုံးသတ်စေခဲ့သော စစ်ရပ်ဆိုင်းရေး သဘောတူညီချက်ကို ၁၉၅၃ ခုနှစ်က အဆိုပါ စစ်မဲ့ဇုန်တွင် လက်မှတ်ရေးထိုး ခဲ့ခြင်းဖြစ်သည်။

“တွေ့ဆုံပွဲပြုလုပ်ဖို့ စဉ်းစားထားတဲ့ နေရာတွေကတော့ အများကြီးပါပဲ။ ဒါပေမဲ့ တောင်နဲ့ မြောက်ကိုရီးယား နယ်စပ်မှာရှိတဲ့ ငြိမ်းချမ်းရေး ခန်းမကတော့ တခြားတတိယနိုင်ငံထက် ပိုမိုကိုယ်စားပြုနိုင်ပြီး အရေးကြီးကာ ခိုင်မာတဲ့သဘော ဆောင်နိုင်မလားလို့ပါ။ မေးကြည့်ရုံပါ” ဟု ထရန့်က Twitter တွင် ရေးသားခဲ့သည်။

“ပုဂ္ဂိုလ်ရေးအရ ပြောရမယ် ဆိုရင်တော့ ဒါဟာ အောင်မြင်မယ်လို့ ကျွန်တော် ထင်ပါတယ်။ မအောင်မြင်ဘူး ဆိုရင်တော့ ကျွန်တော်က လေးလေးစားစားနဲ့ပဲ ထွက်ခွာသွားမှာပါ” ဟု ထရန့်က မြောက်ကိုရီးယားနှင့် ထိပ်သီးတွေ့ဆုံပွဲကို ရည်ညွှန်းပြီး သတင်းထောက်များကို ပြောကြားခဲ့သည်။

Ref : AFP

ပုရွက်ဆိတ်တစ်ကောင်ပင် ကျော်ဖြတ်ရန် မလွယ်ကူဟုဆိုသော မြောက်ကိုရီးယားခေါင်းဆောင်ကင်ဂျုံအန်၏ လုံခြုံရေးအဖွဲ့

စစ်မဲ့ဇုန် မြောက်ဖက်ခြမ်းမှ ၀င်ရောက်လာသော မြောက်ကိုရီးယားခေါင်းဆောင် ကင်ဂျုံအွန် (အလယ်) ကို မြောက်ကိုရီးယား ကိုယ်ရံတော်များက ခြံရံလိုက်ပါလာစဉ် (Photo: AFP)

ဧပြီ ၂၇ ရက်နေ့က မြောက်ကိုရီးယားခေါင်းဆောင် ကင်ဂျုံအန်သည် ကိုရီးယားနှစ်နိုင်ငံနယ်စပ်ကို ဆင်းလာချိန်တွင် ကြံ့ခိုင်မှု၊ အပစ်အခတ် လက်ဖြောင့်မှု၊ သိုင်းကျွမ်းကျင်မှုနှင့် ကြည့်ပျော်ရှုပျော်ရှိမှုစသော အချက်များဖြင့် ဂရုတစိုက် ရွေးချယ်ထားသော ကိုယ်ရံတော်လူစုက သူ့ကိုစောင့်ရှောက်ပေးခဲ့သည်။

သပ်သပ်ရပ်ရပ် ၀တ်စားထားသော အမျိုးသားများက ကင်ကိုဘေးမှ၍လည်းကောင်း၊ ကင်၏ရှေ့ကလည်းကောင်း ၀န်းရံပေးခဲ့ကြချိန်တွင် ကင်သည်တောင်ကိုရီးယားသမ္မတ မွန်ဂျေအွန်းကို သမိုင်းဝင်လက်ဆွဲ နှုတ်ဆက်ရန်အတွက် စစ်မဲ့ဇုန်လမ်းကြောင်းစီ ချည်းကပ်လာခဲ့သည်။

အမျိုးသားတချို့သည် အိပ်ကပ်ဖောင်းနေကြသည်။ အားလုံးသည် မြောက်ကိုရီးယား၏ အနီရောင်တံဆိပ်များနှင့်ဖြစ်ပြီး အမေရိကန်ထောက်လှမ်းရေးအဖွဲ့၏ သည်းခြေကြိုက်ဖြစ်သော နားကြပ်ကွေးကွေးများ တပ်ထားကြသည်။

ခေါင်းဆောင်သည် နံနက်ပိုင်းဆွေးနွေးပွဲ အစီအစဉ် ပြီးဆုံးပြီးနောက် ထွက်ခွာသွားသည့်အခါ ၎င်းကိုယ်ရံတော်တစ်ဒါဇင်ကို နေ့လယ်စာမစာမီ အလုပ်ပေးခဲ့ပြီး လူသားတံတိုင်းလုပ်ကာ ကင်၏တရားဝင် ကားဘေးမှလည်းကောင်း၊ ကားနောက်မှလည်းကောင်း လည်စည်းများ တဖျပ်ဖျက်လှုပ်အောင် ပြေးကြခဲ့ကြရသည်။

မြောက်ကိုရီးယားနိုင်ငံသည် ကမ္ဘာပေါ်တွင် အတင်းကြပ်ဆုံး ထိန်းချုပ်ခံထားရသော လူ့အဖွဲ့အစည်းရှိရာ နိုင်ငံတစ်နိုင်ငံဖြစ်သော်လည်း ၎င်း၏ခေါင်းဆောင်အတွက် လုံခြုံရေးသည်ပင် တင်းကြပ်လွန်းသည်။ ကင်တက်ရောက်မည့် အခမ်းအနား မှန်သမျှကို လာရောက်သော နိုင်ငံခြားသားများသည် အခမ်းအနား မတိုင်ခင် လုံခြုံရေးစစ်ဆေးမှုများကို နာရီပေါင်းများစွာ ဖြတ်သန်းရပြီး ဖုန်းများအပါအ၀င် လျှပ်စစ်ပစ္စည်းအားလုံးကို ထားခဲ့ရသည်။

ခေါင်းဆောင်လုံခြုံမှုရိ်ှစေရန် တာဝန်ယူထားရသော တပ်ခွဲဖြစ်သည့် အစောင့်ကွပ်ကဲရေးတပ်သည် မြောက်ကိုရီးယားခေါင်းဆောင်နှင့် အနီးဆုံးနေရာတွင်ရှိသော ထိပ်တန်းအဖွဲ့အစည်းတစ်ခုဖြစ်ပြီး ကင်၏ဖခင်နှင့် ကင်၏အဘိုးတို့ကို ဂုဏ်ပြုရန် ပြုံယမ်းတွင် နှစ်စဉ်ပြုလုပ်နေကျ ကင်ဂျုံဂျီးလီးယားနှင့် ကီမီလ်ဆန်းဂျီးယား ပန်းပွဲတော်ကို အဓိက ပြုလုပ်ပေးရသောအဖွဲ့လည်း ဖြစ်သည်။

ကင်ဂျုံအီအတွက် လုံခြုံရေးအသေးစိတ်ကို လုပ်ပေးရသူဖြစ်ပြီး မြောက်ကိုရီးယားမှ ဘက်ပြောင်းလာသူ ရီယောင်ဂွတ်က ၂၀၁၃ တွင် အမှတ်တရ စာအုပ်ကို ရေးသားခဲ့ပြီး ခေါင်းဆောင်သည်တပ်ခွဲများ၊ စက်ရုံများနှင့်
ယာခင်းများကို စစ်ဆေးရန် ကျေးလက်ခရီးထွက်သည့်အခါ ၎င်းကိုကာကွယ်ရန် မတူညီသည့် လုံခြုံရေးအလွှာ ခြောက်လွှာက တာဝန်ယူရသည်ဟု ရေးသားဖော်ပြခဲ့သည်။

“ပုရွက်ဆိတ်တစ်ကောင်တောင် ဖြတ်သွားဖို့ ခက်တဲ့ကမ္ဘာ့ အတင်းကြပ်ဆုံး လုံခြုံရေးအလွှာတွေ ဖြစ်ပါတယ်။” ဟု သူကရေးခဲ့သည်။

လက်ရှိခေါင်းဆောင်အတွက် လုံခြုံရေးစီမံမှုများသည် ပိုမိုတင်းကြပ်သည်ဟုဆိုသည်။ ဖေဖော်ဝါရီတွင် ကြည်တပ်းတည်ထောင်သည့် အနှစ် ၇၀ ပြည့် အခမ်းအနားအတွက် စစ်ရေးပြအခမ်းအနား ပြုလုပ်ခဲ့ချိန်က ကင်၏အသက်ကို အကာအကွယ်ပေးရန် လုံခြုံရေးတပ်ဖွဲ့ သုံးမျိုးသုံးစား ချီတက်ခဲ့သည်။ ပစ္စတိုချိတ်ပါသော တောင့်တောင့်ခိုင်ခိုင်၊ ယူနီဖောင်းဝတ် စစ်ဗိုလ်ချုပ်တစ်ဦးက ကင်ကိုရံပေးထားကြောင်း အကြိမ်ကြိမ် မြင်တွေ့ရသည်။

ကင်၏မိသားစုကိုပေးထားသော အကာအကွယ်သည်လည်း ထင်သာမြင်သာရှိသည်။ ပြောင်းချန်းအိုလံပစ်ပြိုင်ပွဲအတွက် ကင်၏နှမ ကင်ယိုဂျုံသည် တောင်ကိုရီးယားကို လာရောက်သောအခါ သူမကိုအရပ်ရှည်ရှည်၊ ဆံပင်တိုတို၊ နားကြပ်များတပ်ထားသော သက်တော်စောင့်မျာက ၀န်းရံပေးခဲ့သည်။

Ref: AFP

တောင်ကိုရီးယားကေပေါ့အဖွဲ့၏ ရှားပါးသောဖျော်ဖြေမှုကြောင့် ကင်ဂျုံအွန်က အလွန်အမင်းစိတ်လှုပ်ရှားခဲ့ဟု အစိုးရမီဒီယာဖော်ပြ

ဧပြီ ၁ ရက်က ပြုံယမ်းတွင် တောင်ကိုရီးယား အနုပညာရှင်များနှင့် တာဝန်ရှိသူများကို ကင်ဂျုံအွန်က စကားပြောနေစဉ် (Photo – AFP)

မြောက်ကိုရီးယားမြို့တော် ပြုံယမ်းတွင် တောင်ကိုရီးယား ကေပေါ့စတားများ၏ ရှားရှားပါးပါး ဖျော်ဖြေမှုကို ကြည့်ရှုခဲ့ရပြီး မြောက်ကိုရီးယားခေါင်းဆောင် ကင်ဂျုံအွန် က လက်ခုပ်တီး၊ ပြုံးရယ်လျက် အလွန်အမင်း စိတ်လှုပ်ရှားခဲ့ကြောင်း အစိုးရသတင်းအေဂျင်စီ KCNA က ဧပြီ ၂ ရက်တွင် ဖော်ပြခဲ့သည်။ တောင်ကိုရီးယားပေါ့ယဉ်ကျေးမှုလှိုင်းလုံးက ၎င်းတို့၏ အထီးကျန် မြောက်ကိုရီးယားပြည်သူများထံ ထိုးဖောက်ဝင်ရောက်ရန် မည်သည့်ကြိုးပမ်းမှုကိုမဆို ဟန့်တားရန် မြောက်ကိုရီးယားအာဏာပိုင်များက ခက်ခက်ခဲခဲရုန်းကန်နေရစဉ် အဆိုပါဖျော်ဖြေပွဲသို့ ကင်ဂျုံအွန်နှင့် ၎င်း၏ဇနီးဖြစ်သူ အဆိုတော်ဟောင်း ရီဆိုဂျူလည်း တက်ရောက်ခဲ့မှုက တစ်မူထူးခြားခဲ့သည်။

တောင်ကိုရီးယားအနုပညာရှင်များ၏ ဖျော်ဖြေပွဲတစ်ခုသို့ တက်ရောက်ခဲ့သည့် ပထမဆုံး မြောက်ကိုရီးယားခေါင်းဆောင်ဖြစ်သည့် ကင်က ထိုအနုပညာရှင်များနှင့် လက်ဆွဲနှုတ်ဆက်ခဲ့ပြီး လှိုက်လှိုက်လှဲလှဲကျေးဇူး တင်ခဲ့ကြောင်း KCNA က ဖော်ပြခဲ့သည်။

ယခုလနှောင်းပိုင်းတွင် သမိုင်းဝင် ကိုရီးယားနှစ်နိုင်ငံထိပ်သီးမကျင်းပမီ ကိုရီးယား ကျွန်းဆွယ်၌ သံတမန်ဆက်ဆံရေးတင်းမာမှုမှ ပြန်လည်ပျော့ပျောင်းလာနေစဉ် ဆိုးလ်၏ ယဉ်ကျေးမှုဆိုင်ရာ ဆွဲဆောင်မှု၏ တစ်စိတ်တစ်ပိုင်းအရ တောင်ကိုရီးယားအနုပညာရှင်များက ပြုံယမ်းသို့သွားခဲ့ခြင်း ဖြစ်သည်။ ကင်က ဧပြီအစောပိုင်းတွင် ရှုပ်ထွေးသော နိုင်ငံရေးဆိုင်ရာအစီအစဉ်များကြောင့် သူသည် အလုပ်ရှုပ်နေနိုင်ကြောင်း၊ ယင်းအတွက်ကြောင့် သူသည် စိတ်ငြိမ်းချမ်းမှုအား ဆောင်ကြဉ်းပေးနိုင်သည်ဟုဆိုသော ထိုဖျော်ဖြေပွဲသို့ တက်ရောက်ရမှုအတွက် ၀မ်းမြောက်ဝမ်းသာဖြစ်ခဲ့ကြောင်း ပြောကြားခဲ့သည်။

အနုပညာရှင် ၁၁ ဦးအပြင် အကသမားများ၊ ပညာရှင်များနှင့် ကိုယ်ခံပညာရှင်များ အပါအ၀င် လူ ၁၂၀ ပါသော တောင်ကိုရီးယား အဖွဲ့သည် ဧပြီ ၁ ရက်တွင် ဖျော်ဖြေပွဲ ကျင်းပခဲ့ခြင်းဖြစ်ပြီး ဧပြီ ၃ ရက်တွင် နောက်ထပ်ဖျော်ဖြေပွဲကျင်းပမည် ဖြစ်သည်။ ကင်၏ ညီမဖြစ်သူ ကင်ယိုဂျုံနှင့် မြောက်ကိုရီးယား၏ အဆောင်အယောင်မျှသော ခေါင်းဆောင် ကင်ယုံနမ်တို့လည်း တက်ရောက်ခဲ့ကြသည့် ဧပြီ ၁ ရက်က နှစ်နာရီကြာ ကျင်းပခဲ့သည့် ထိုဖျော်ဖြေပွဲ၌ ကင်ဇနီးမောင်နှံတို့က လက်ခုပ်တီးလျက် အားပေးခဲ့ကြသည်။ လူ၁၅၀၀ ဆံ့ အရှေ့ပြုံယမ်းဂရန်းပြဇာတ်ရုံ၌  ခမ်းခမ်းနားနားကျင်းပခဲ့သော အဆိုပါဖျော်ဖြေပွဲတွင် အနုပညာရှင်အားလုံးက ကိုရီးယားပြန်လည်ပေါင်းစည်းရေး သီချင်းတစ်ပုဒ်အား သီဆိုပြီး ပိတ်သိမ်းခဲ့ချိန်၌ တက်ရောက်လာသည့် ပရိသတ်အားလုံးက မတ်တတ်ရပ်၍ ဂုဏ်ပြုခဲ့ကြသည်။

မြူးကြွသော အီလက်ထရွန်နစ်ဂီတနှင့် ကကွက်များအား ရောစပ်ထားမှုဖြင့် ထင်ရှားပြီး အဖွဲ့ဝင်ငါးဦးပါသော တောင်ကိုရီးယားအမျိုးသမီးအဖွဲ့ Red Velvet သည် အလွန်အမင်း အာရုံစိုက်ခံခဲ့ရပြီး ၎င်းတို့၏အအောင်မြင်ဆုံး သီချင်းများထဲမှ Bad Boy နှင့် Red Flavpur တို့ကို ဖျော်ဖြေခဲ့သည်။ မြောက်ကိုရီးယား ပရိသတ်များသည် မျှော်လင့်ထားသည်ထက် ၎င်းတို့အားပို၍ အားပေးခဲ့ပြီး သီချင်းများပင် လိုက်ပါသီဆိုခဲ့သဖြင့် အလွန်အမင်း စိတ်သက်သာရာရခဲ့ကြောင်း Red Velvet အဖွဲ့ဝင် ယီရီက ပြောကြားခဲ့သည်။

Ref ;AFP

ကင်ဂျုံအွန်၏ ပထမဆုံး နိုင်ငံခြားခရီးစဉ်၌ တရုတ်သမ္မတရှီနှင့် တွေ့ဆုံခဲ့

တရုတ်အစိုးရမီဒီယာ ဆင်ဟွာတွင် မတ် ၂၈ ရက်တွင် ထုတ်ပြန်ခဲ့သည့် ဓာတ်ပုံ၌ ပေကျင်းရှိ ပြည်သူ့ခန်းမဆောင်တွင် တရုတ်သမ္မတ ရှီကျင်ပင်းနှင့်ဇနီး၊ မြောက်ကိုရီးယားခေါင်းဆောင် ကင်ဂျုံအွန်နှင့်ဇနီးတို့ကို တွေ့ရစဉ် (Photo: AP)

မြောက်ကိုရီးယားခေါင်းဆောင် ကင်ဂျုံအွန်သည် ၎င်း၏ လျှို့ဝှက်ပေကျင်းခရီးစဉ်အတွင်း တရုတ်သမ္မတရှီကျင်ပင်း၏ ခမ်းခမ်းနားနား ကြိုဆိုဧည့်ခံခြင်းနှင့် ကြုံတွေ့ခဲ့ရသည်။ သမိုင်းမှတ်တိုင်ဖြစ်လာမည့် တောင်ကိုရီးယား၊ အမေရိကန်တို့နှင့် ထိပ်သီးအစည်းအဝေးပွဲများ မပြုလုပ်မီ တရုတ်နှင့် မြောက်ကိုရီးယားသည် ၎င်းတို့၏ ကတောက်ကဆဖြစ်နေသော ဆက်ဆံရေးအား ပြန်လည်ပြင်ဆင်ရန် ကြိုးပမ်းနေစဉ် ယခုခရီးစဉ် ထွက်ပေါ်လာခြင်းလည်း ဖြစ်သည်။

ထို့ပြင် ယခုခရီးစဉ်သည် ကင်ဂျုံအွန်အတွက် ၎င်းအာဏာရပြီးသည့်နောက်ပိုင်း ပထမဆုံး နိုင်ငံခြားခရီးစဉ် သွားရောက်ခြင်းလည်းဖြစ်သည်။ ကင်နှင့် ဇနီးတို့အား ဂုဏ်ပြုတပ်ဖွဲ့နှင့် ကြိုဆိုကာ တရုတ်သမ္မတရှီကျင်ပင်းက ဂုဏ်ပြုညစာစားပွဲနှင့် တည်ခင်းဧည့်ခံခဲ့ကြောင်း အစိုးရမီဒီယာတွင် ဖော်ပြခဲ့သည်။ သို့သော် အစိုးရမီဒီယာများသည် ကင်က မြောက်ကိုရီးယားသို့ ပြန်သွားပြီး မတ် ၂၈ ရက်တွင်မှ ယခုခရီးစဉ်အကြောင်းကို အတည်ပြုခဲ့ကြခြင်းဖြစ်သည်။

ခေါင်းဆောင်နှစ်ဦးသည် ခမ်းနားထည်ဝါသော ပြည်သူ့ခန်းမဆောင်၌ ဆွေးနွေးပွဲများ ပြုလုပ်ခဲ့ကြပြီး နှစ်နိုင်ငံ၏ သမိုင်းတင် ဆက်ဆံရေးအပေါ် ချီးမွမ်းဂုဏ်ပြုခဲ့ကြသည်။ တရုတ်၏ ဆင်ဟွာသတင်းဌာနတွင် ဖော်ပြချက်အရ ကင်သည် ကိုရီးယားကျွန်းဆွယ် နျူကလီးယား ကင်းစင်စေရန် ဆုံးဖြတ်ပြီးပြီဟု ကတိပြုခဲ့ကြောင်း သိရသည်။

“ကျွန်တော်ရဲ့ ပထမဆုံး နိုင်ငံခြားခရီးစဉ်ဟာ တရုတ်မြို့တော်ဖြစ်လိမ့်မယ်ဆိုတာ မေးနေစရာတောင် မလိုပါဘူး” ဟု ကင်က ပြောကြားခဲ့သည်ဟု မြောက်ကိုရီးယားနိုင်ငံပိုင် KCNA သတင်းဌာနတွင် ဖော်ပြခဲ့သည်။ “DPRK နဲ့ PRC ဆက်ဆံရေးကို မျိုးရိုးစဉ်ဆက် ဆက်လက်ထိန်းသိမ်းသွားသင့်တဲ့သူ တစ်ဦးဖြစ်တဲ့ ကျွန်တော်အတွက် ဒါဟာ လေးနက်တဲ့ တာဝန်တစ်ခုပါပဲ” ဟုလည်း ကင်က ပြောကြားခဲ့သည်။

ပြုံယမ်းသို့ လာရောက်ရန် ဖိတ်ခေါ်မှုကိုလည်း သမ္မတရှီက လက်ခံခဲ့သည်ဟု KCNA တွင် ဖော်ပြခဲ့သည်။ ထိုသို့သွားဖြစ်ပါက ယင်းခရီးစဉ်သည် ရှီအတွက် တရုတ်သမ္မတဖြစ်ပြီးနောက်ပိုင်း ပထမဆုံးမြောက်ကိုရီးယား ခရီးစဉ်ဖြစ်လာမည်ဖြစ်သည်။

၂၀၁၁ တွင် ဖခင်ဖြစ်သူ ကင်ဂျုံအီကွယ်လွန်ကာ ကင်ဂျုံအွန် အာဏာရလာပြီးကတည်းက ကင်နှင့် ရှီတို့က မတွေ့ကြရသေးပေ။ သို့သော် ရှီက နှစ်နိုင်ငံဆက်ဆံရေးတိုးတက်မှု၏ အရေးကြီးပုံကို အလေးထားခဲ့ပြီး ယင်းသည် မဟာဗျူဟာမြောက်သော ရွေးချယ်မှုနှင့် တစ်ခုတည်းသော မှန်ကန်သည့် ရွေးချယ်မှုဟု ပြောခဲ့ကြောင်း ဆင်ဟွာတွင် ဖော်ပြခဲ့သည်။

တရုတ်သမ္မတရှီက ယခုကဲ့သို့ အခြေအနေအသစ်တွင် ကင်နှင့် မကြာခဏ အဆက်အသွယ်ရှိစေရန် ထိန်းသိမ်းထားလိုသည်ဟု ပြောခဲ့ကြောင်း သိရသည်။

ရုပ်သံသတင်းများထဲတွင် အစိုးရ အရာရှိပေါင်းများစွာ ခြံရံထားသော ရှီနှင့် ကင်တို့ သည် ပြည်သူ့ခန်းမဆောင်ထဲမှ ရှည်လျားသည့် ညီလာခံစားပွဲ၏ တစ်ဖက်တစ်ချက်တွင် ထိုင်နေကြပုံ၊ ကင်သည်သေသေချာချာ မှတ်စုရေးမှတ်နေပုံတို့ကို တွေ့ရသည်။ ယင်းနောက်တွင် အနက်ရောင်ကားပေါ်တက်၍ ထွက်ခွာသွားသည့် ကင်တို့ ဇနီးမောင်နှံကို ရှီကျင်ပင်းနှင့် ဇနီးတို့က ပြုံး၍ လက်ပြနှုတ်ဆက်နေသည်ကိုလည်း တွေ့ရသည်။

“နှစ်နိုင်ငံဆက်ဆံရေးပိုပြီး ဆိုးရွားလာတာဟာ အန္တရာယ်ရှိတယ်ဆိုတာကို နှစ်ဘက်စလုံးက သုံးသပ်မိကြပုံပါပဲ” ဟု ၀ါရှင်တန်အခြေစိုက် မဟာဗျူဟာနှင့် နိုင်ငံတကာလေ့လာရေးဌာနမှ တရုတ်ရေးရာ ကျွမ်းကျင်သူ ဘွန်နီဂလေဆီယာက ပြောကြားခဲ့သည်။

ကင်သည် ၎င်းနိုင်ငံ၏လုံခြုံရေးအား ထရန့်က အာမခံပေးမှုကို သံသယရှိ နေဖွယ်ရှိသောကြောင့် မြောက်ကိုရီးယားအနေနှင့် အမေရိကန်နှင့် ထိပ်သီးမတိုင်မီ ၎င်း၏ မဟာမိတ်ဟောင်းထံသို့ ဦးလှည့်ရန် လိုအပ်သည်ဟု အမှီအခိုကင်းသော တရုတ်နိုင်ငံတကာ ဆက်ဆံရေးဆိုင်ရာ ပညာရှင်ဖြစ်သူ တိန့်ယွီဝင်က ဆိုသည်။

Ref: AFP

မြောက်ကိုရီးယားက နှစ်ပတ်လည် ပါလီမန်အစည်းအဝေးကို လာမည့်လတွင် ကျင်းပမည်

၂၀၁၄ ခုနှစ် ဧပြီ ၉ ရက်က ပြုံယမ်းတွင် ၁၃ ကြိမ်မြောက် ပါလီမန် အစည်းအဝေးသို့ တက်ရောက်နေသော မြောက်ကိုရီးယားခေါင်းဆောင် ကင်ဂျုံအွန် (လယ်) ကို တွေ့ရစဉ် (Photo: AFP)

မြောက်ကိုရီးယား၏ လက်ညှိုးထောင် ခေါင်းညိတ် ပါလီမန်က နှစ်ပတ်လည် အစည်းအဝေးကို လာမည့်လတွင် ကျင်းပမည်ဖြစ်ကြောင်း မြောက်ကိုရီးယား အစိုးရမီဒီယာ KCNA က မတ် ၂၂ ရက်တွင် ဖော်ပြခဲ့သည်။

အမေရိကန်နှင့် တောင်ကိုရီးယားတို့ကြား သံတမန်ရေးတင်းမာမှု အရည်ပျော်နေချိန်တွင် နှစ်နိုင်ငံကြား ဆက်ဆံရေးနှင့်ပတ်သက်ပြီး အားလုံးက စောင့်ကြည့်နေကြသည်။

ပြုံချန်ဆောင်းရာသီ အိုလံပစ်ပွဲတော်ကို အကြောင်းပြုပြီး တောင်နှင့်မြောက်ကိုရီးယားနှစ်နိုင်ငံကြား ဆက်ဆံရေး တိုးတက်လာခဲ့ပြီးနောက် အမေရိကန်သမ္မတ ဒေါ်နယ်ထရန့်က မြောက်ကိုရီးယားခေါင်းဆောင် ကင်ဂျုံအွန်နှင့် ထိပ်သီးဆွေးနွေးပွဲကျင်းပရန် သဘောတူညီထားသည်။

မြောက်ကိုရီးယား၏ ပါလီမန်သည် တစ်နှစ်လျှင်တစ်ကြိမ် သို့မဟုတ် နှစ်ကြိမ်သာ တွေ့ဆုံပြီး ယင်းအစည်းအဝေးများတွင် အာဏာရအလုပ်သမားပါတီ၏ စီးပွားရေးလုပ်ငန်းများနှင့် ပတ်သက်သော ဆုံးဖြတ်ချက်များ၊ ဘတ်ဂျက်နှင့် ပတ်သက်သော ဆုံးဖြတ်ချက်များကိုသာ သဘောတူလေ့ရှိသည်။

သို့သော်လည်း ရံဖန်ရံခါတွင် မြောက်ကိုရီးယား ပါလီမန်တွင် အဓိကသတင်းကြီးများကို ကြေညာပေးလေ့ရှိပြီး ၂၀၁၂ ခုနှစ်က မြောက်ကိုရီးယားကို နျူကလီးယားပိုင်ဆိုင်သော နိုင်ငံအဖြစ် ကြေညာသည့် ဖွဲ့စည်းပုံအခြေခံဥပဒေသစ် ပြင်ဆင်မှုကို ပါလီမန်က သဘောတူ ခွင့်ပြုပေးခဲ့သည်။

ယခုကျင်းပမည့် မြောက်ကိုရီးယား၏ ပါလီမန်အစည်းအဝေးသည် ထိပ်တန်းတာဝန်ရှိသူ အများအပြားကို ရာထူးမှ ဖယ်ရှားအစားထိုးမှု ပြုလုပ်ဖွယ်ရှိကြောင်း Sejong Institute မှ လေ့လာသုံးသပ်သူ ချန်ဆောင်ချန်က ပြောကြားခဲ့သည်။

မကြာသေးခင်က အိုလံပစ်ပွဲတော် တက်ရောက်ရန် တောင်ကိုရီးယားသို့ သွားရောက်ခဲ့သည့် မြောက်ကိုရီးယား၏ အခမ်းအနားတက် နိုင်ငံ့ခေါင်းဆောင် ကင်ယုံနန်သည် ရာထူးမှ ထွက်ခွာမည့် ထိပ်တန်း ကေဒါတစ်ဦးဖြစ်ကြောင်း ချောင်က ပြောကြားခဲ့သည်။

အသက် ၉၀ နီးပါးရှိနေသော မြောက်ကိုရီးယား၏ နိုင်ငံ့ခေါင်းဆောင်အဖြစ် ရှိနေသည့် ကင်ယုံနန်၏နေရာကို လက်ရှိနိုင်ငံခြားရေးဝန်ကြီး ရီယောင်ဟိုက အစားထိုး နေရာယူဖွယ်ရှိကြောင်း ချောင်က ပြောကြားခဲ့သည်။

ရီယောင်ဟိုသည် ဆွီဒင်တွင် သံတမန်ရေး အစည်းအဝေးများ ဆက်တိုက်ဆောင်ရွက်နေပြီး ထိပ်သီးဆွေးနွေးပွဲများအတွက် အဓိကအခန်းကဏ္ဍမှ ပါဝင်နေသည်။

Ref: AFP

မြောက်ကိုရီးယားခေါင်းဆောင် ကင်ဂျုံအွန်က တောင်ကိုရီးယားသမ္မတ မွန်းဂျေအင်းအား ပြုံယမ်းသို့ ဖိတ်ကြား

ဖေဖော်ဝါရီ ၁၀ ရက်က ဆိုးလ်ရှိ သမ္မတအိမ်ပြာတော်တွင် ကင်ဂျုံအွန်၏ညီမဖြစ်သူ ကင်ယိုဂျုံ (၀ဲ) အား နှုတ်ဆက်နေသော တောင်ကိုရီးယားသမ္မတ မွန်းဂျေအင်း (Photo – AFP)

မြောက်ကိုရီးယားခေါင်းဆောင် ကင်ဂျုံအွန်က တောင်ကိုရီးယားသမ္မတ မွန်းဂျေအင်းအား ပြုံယမ်းတွင် ထိပ်သီးကျင်းပရန်အတွက် ဖေဖော်ဝါရီ ၁၀ ရက်၌ ဖိတ်ခေါ်ခဲ့ကြောင်း သိရသည်။ တောင်ကိုရီးယားသို့ သမိုင်းဝင် ခရီးစဉ်သွားရောက်ခဲ့သည့် ကင်ဂျုံအွန်၏ ညီမဖြစ်သူ ကင်ယိုဂျုံမှတစ်ဆင့် ပေးပို့လိုက်သည့် ယင်းဖိတ်ကြားစာတွင် ကင်ဂျုံအွန်က တောင်ကိုရီးယားခေါင်းဆောင်နှင့် အမြန်ဆုံး တွေ့ဆုံနိုင်ရန်ဆန္ဒရှိနေကြောင်း ဖော်ပြထားသည်ဟု တောင်ကိုရီးယား သမ္မတအိမ်ပြာတော်၏ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။

ကင်ဂျုံအွန်၏ဖခင်ဖြစ်သူ ကင်ဂျုံအီသည် တောင်ကိုရီးယားသမ္မတကင်ဒေးဂျုံနှင့် နိုမူဟွန်းတို့ကို ပြုံယမ်းတွင် ၂၀၀၀ ပြည့်နှစ်နှင့် ၂၀၀၇ ခုနှစ်တို့၌ တွေ့ဆုံခဲ့ပြီးနောက် ယခုဆွေးနွေးပွဲဖြစ်မြောက်ပါက ကိုရီးယား နှစ်နိုင်ငံအကြား တတိယအကြိမ်မြောက် ထိပ်သီးဖြစ်လာမည် ဖြစ်သည်။ သို့သော် ယင်းဆွေးနွေးပွဲသည် နျူကလီးယား လက်နက်များ တည်ဆောက်နေသော မြောက်ကိုရီးယားအား ဆွေးနွေးပွဲသို့ လာရောက်နိုင်ရန်အတွက် ကာလရှည်ကြာ ကြိုးပမ်းနေသော မွန်းနှင့် ကင်ဂျုံအွန်နှင့် အပြန်အလှန် စော်ကားမှုနှင့် ခြိမ်းခြောက်မှုများ လုပ်ဆောင်ခဲ့ကြသည့် အမေရိကန်သမ္မတ ဒေါ်နယ်ထရန့်တို့အကြား သဘောထားကွဲပြားမှုများ ဖြစ်လာစေနိုင်သည်။

မွန်းသည် ကင်ယိုဂျုံနှင့် တောင်ကိုရီးယားသို့ သွားရောက်ခဲ့ဖူးသမျှတွင် မြောက်ကိုရီးယား၏ ရာထူးအမြင့်ဆုံးပုဂ္ဂိုလ်ဖြစ်လာမည့် အဆောင်အယောင်မျှသာဖြစ်သော ခေါင်းဆောင် ကင်ယုံနန်တို့ကို ဖေဖော်ဝါရီ ၁၀ ရက်တွင် အိမ်ပြာတော်၌ သမိုင်းဝင်တွေ့ဆုံခဲ့ပြီး နေ့လယ်စာဖြင့်ဧည့်ခံခဲ့သည်။ ကိုရီးယား နှစ်နိုင်ငံအကြား ဆက်ဆံရေးတိုးတက်စေရန် ဆန္ဒရှိကြောင်း အစ်ကိုဖြစ်သူ ကင်ဂျုံအွန် ရေးသားထားသည့် စာတစ်စောင်ကို မြောက်ကိုရီးယား အထူးကိုယ်စားလှယ် ကင်ယိုဂျုံက မွန်းကိုပေးခဲ့ပြီး မွန်းအား မြောက်ကိုရီးယားသို့ အဆင်ပြေသည့်အချိန်တွင် လာရောက်ရန် ကင်ဂျုံအွန်၏ ကမ်းလှမ်းမှုကို ကင်ယိုဂျုံက နှုတ်ဖြင့် ပြောကြားခဲ့ကြောင်း မွန်း၏ ပြောခွင့်ရပုဂ္ဂိုလ် Kim Eui – kyeom က ပြောကြားခဲ့သည်။

ယင်းဖိတ်ကြားမှုအား မွန်းကချက်ချင်း လက်မခံခဲ့ဘဲ ယင်းကဲ့သို့ ခရီးစဉ်ဖြစ်မြောက်လာစေရန်အတွက် သင့်တော်သောအခြေအနေများ ဖန်တီးပေးရန် တိုက်တွန်းကြောင်း ပြောကြားခဲ့သည်။ ထို့ပြင် ပြုံယမ်းအနေဖြင့် အမေရိကန်နှင့် ဆွေးနွေးနိုင်ရန်အတွက် တက်တက်ကြွကြွ ဆောင်ရွက်သင့်ကြောင်း မွန်းက တိုက်တွန်းခဲ့သည်။

ဖေဖော်ဝါရီ ၈ ရက်က ပြုံယမ်းတွင် ပြုလုပ်ခဲ့သော စစ်ရေးပြပွဲ၌ တိုက်ချင်းပစ်ပဲ့ ထိန်းဒုံးများအား ပြသခဲ့သည့် မြောက်ကိုရီးယား၏ ယင်းကဲ့သို့သံတမန်ရေးရာ ကြိုးပမ်းမှုများသည် ၎င်းတို့အား ချမှတ်ထားသော ပိတ်ဆို့အရေးယူမှုများအား လျော့သွားစေရန်၊ အမေရိကန်နှင့် တောင်ကိုရီးယားတို့အကြား မဟာမိတ်ဖွဲ့ထားမှုကို အားလျော့သွားစေရန် ရည်ရွယ်နေခြင်းဖြစ်ကြောင်း လေ့လာသူအများအပြားက ယူဆထားကြသည်။

Ref; AFP

ပဲ့ထိန်းဒုံးစီမံကိန်းများအတွက် မြောက်ကိုရီးယားတာဝန်ရှိသူနှစ်ဦးအား အမေရိကန်က ပိတ်ဆို့အရေးယူ

မေ ၂၂ ရက်က Pukguksong – 2 ဒုံးပစ်လွှတ်မှုအား ကြည့်ရှုနေသည့် မြောက်ကိုရီးယားခေါင်းဆောင် ကင်ဂျုံအွန်၊ ရီယောင်ချို (ကင်ဂျုံအွန်၏ ယာဘက်တွင်ရပ်နေသူ)၊ ကင်ဂျုံဆစ် (ရီယောင်ချို၏ ယာဘက်တွင်ရပ်နေသူ) (Photo – AP)

ပြုံယမ်း၏ နျူကလီးယားစီမံကိန်းအတွက် အမေရိကန်နှင့် ရုရှားနိုင်ငံခြားရေးဝန်ကြီးများအကြား ဖုန်းဖြင့်ဆွေးနွေးခဲ့ချိန်တွင် ပဲ့ထိန်းဒုံးစီမံကိန်းများအတွက် မြောက်ကိုရီးယား တာဝန်ရှိသူနှစ်ဦးအား အမေရိကန်က ဒီဇင်ဘာ ၂၆ ရက်တွင် ပိတ်ဆို့အရေးယူမှုများ ချမှတ်ခဲ့ကြောင်း သိရသည်။

မြောက်ကိုရီးယားအား အထီးကျန်စေရန်နှင့် နျူကလီးယား လုံးဝကင်းစင်သော ကိုရီးယားကျွန်းဆွယ် ဖြစ်လာစေရန် ဧရာမ ဖိအားပေးမှု၏ အစိတ်အပိုင်းအဖြစ် မြောက်ကိုရီးယား ပဲ့ထိန်းဒုံးစီမံကိန်းများဆိုင်ရာ ဦးဆောင်ကြိုးပမ်းသူနှစ်ဦးကို အမေရိကန် ဘဏ္ဍာရေးဌာနက ပစ်မှတ်ထားပိတ်ဆို့ အရေးယူခဲ့ကြောင်း အမေရိကန်ဘဏ္ဍာရေးဝန်ကြီး စတိဗင်အမ်နူချင်က ကြေညာချက်တွင် ဖော်ပြခဲ့သည်။

လောင်စာအရည်မှအခဲသို့ ပြောင်းရန်ကြိုးပမ်းမှုများအပါအ၀င် မြောက်ကိုရီးယား ပဲ့ထိန်းဒုံး တည်ဆောက်ရေးတွင် အဓိကကျသည်ဟု ယူဆရသည့် ကင်ဂျုံဆစ်၊ မြောက်ကိုရီးယား၏ တိုက်ချင်းပစ် ပဲ့ထိန်းဒုံး တည်ဆောက်မှုများတွင် အဓိကနေရာမှပါဝင်ခဲ့သည့် ရီယောင်ချိုတို့သည် ဒီဇင်ဘာ ၂၂ ရက်တွင် ကုလသမဂ္ဂလုံခြုံရေးကောင်စီက ချမှတ်ခဲ့သည့် ပိတ်ဆို့အရေးယူမှုများတွင် ပါဝင်ကြောင်း ယင်းကြေညာချက်၌ ဖော်ပြခဲ့သည်။

OFAC ၏ ယခုကဲ့သို့ ပိတ်ဆို့အရေးယူမှု စာရင်းတွင် ထည့်သွင်းခံခဲ့ရသူများ၏ မည်သည့်ပိုင်ဆိုင်မှု သို့မဟုတ် အကျိုးစီးပွားမဆိုသည် အမေရိကန်၏ စီရင်ပိုင်ခွင့်အတွင်းရှိပါက ပိတ်ဆို့ခံရမည်ဖြစ်ပြီး ယင်းပိတ်ဆို့ အရေးယူစာရင်းဝင်ပုဂ္ဂိုလ်များနှင့် အမေရိကန်မှ လူများအကြား ငွေကြေးလွှဲပြောင်းမှုများသည် ပိတ်ပင်ခံရမည်ဖြစ်ကြောင်း ဘဏ္ဍာရေးဌာနက ပြည်ပပိုင်ဆိုင်မှုများအား ထိန်းချုပ်ရေးဆိုင်ရာရုံးကို ရည်ညွှန်းလျက် ထုတ်ပြန်ခဲ့သည်။

မြောက်ကိုရီးယား နျူကလီးယားအရေးအား အမေရိကန်နိုင်ငံခြားရေးဝန်ကြီး ရက်တေလာဆင်နှင့် ရုရှားနိုင်ငံခြားရေးဝန်ကြီး ဆာဂေးလက်ရော့ဗ်တို့အကြား ဖုန်းဖြင့်ဆွေးနွေးခဲ့သည်အချိန်တွင် ယခုကဲ့သို့ ပိတ်ဆို့အရေးယူမှု ထုတ်ပြန်ခဲ့ခြင်းဖြစ်သည်။

မြောက်ကိုရီးယား၏ နျူကလီးယားနှင့် ဒုံးစီမံကိန်းများအတွက် အလွန်အမင်းအရေးပါသည့် ရေနံတင်ပို့မှုအား ကန့်သတ်မည့် အမေရိကန်က မူကြမ်းရေးဆွဲခဲ့သော ပိတ်ဆို့အရေးယူမှု ဆုံးဖြတ်ချက်သစ်ကို လုံခြုံရေးကောင်စီက ဒီဇင်ဘာ ၂၂ ရက်တွင် အတည်ပြုခဲ့သည်။ ပြီးခဲ့သောလတွင် တိုက်ချင်းပစ် ပဲ့ထိန်းဒုံးစမ်းသပ်ခဲ့သည့် မြောက်ကိုရီးယားအား ယခုနှစ်အတွင်း တတိယအကြိမ်မြောက် ချမှတ်ခဲ့သည့် ယင်းပိတ်ဆို့အရေးယူမှုဆုံးဖြတ်ချက်အား ပြုံယမ်း၏ အဓိကမဟာမိတ်နှင့် စီးပွားရေး အသက်သွေးကြောဖြစ်သည့် တရုတ်ကပါ ထောက်ခံခဲ့သည်။

ကင်ဂျုံအွန် အစိုးရအတွက် အလွန်အမင်း လိုအပ်နေသည့် ပြည်ပငွေကြေးများအား ရှာဖွေပေးနေသော ပြည်ပရောက် မြောက်ကိုရီးယား အလုပ်သမားများကို ပြန်ပို့ရန်လည်း ယင်းပိတ်ဆို့ အရေးယူမှုဆုံးဖြတ်ချက်သစ်တွင် ညွှန်ကြားခဲ့သည်။

Ref ; AFP