ဝိုင်းမော်-ကန်ပိုင်တည် နယ်စပ်ကုန်သွယ်ရေးလမ်း အကြီးစားမြေပြိုမှုကို တရုတ်ကုမ္ပဏီက တာဝန်ယူကြောင်း ပြည်နယ်အစိုးရအဖွဲ့ဝင် ပြောကြား

ဝိုင်းမော်-ကန်ပိုင်တည် နယ်စပ်ကုန်သွယ်ရေးလမ်း မြေပြိုကျနေသည်ကို တွေ့ရစဉ်

ဝိုင်းမော်-ကန်ပိုင်တည် နယ်စပ်ကုန်သွယ်ရေးလမ်း အကြီးစား မြေပြိုမှုကို တရုတ်ကုမ္ပဏီက တာဝန်ယူကြောင်း ပြည်နယ်အစိုးရ အဖွဲ့ဝင်တစ်ဦးက ပြောကြားသည်။

ကချင်ပြည်နယ်တွင် ရက်ဆက်မိုးကြီးမှုကြောင့် အောက်တိုဘာ ၁၄ ရက်ညနေပိုင်းတွင် ၀ိုင်းမော်-ကန်ပိုင်တည် လမ်းပေါ်ရှိ ဆဒုံးအထက် စင်ကြိုင်နှင့် လုကြည်ကြား မိုင်တိုင် ၅၆ ရှိ ၆ နှင့်၇ ကြားရှိ တံတားအမှတ် ၆/၅၆ အရှည် ၁၇၃ ပေရှိ ကွန်ကရစ်တံတား (ဒေသအခေါ် တံတားညီနောင်) မှာ မြေကြီးနှင့်အတူ တောင်ခြေသို့ ပြိုဆင်းသွားခြင်းဖြစ်သည်။

ကချင်ပြည်နယ် အစိုးရအဖွဲ့ လမ်းပန်းဆက်သွယ်ရေး၊ လျှပ်စစ်နှင့် စက်မှုလက်မှုဝန်ကြီး ဦးဝင်းညွန့်က “မနေ့က ကိုယ်တိုင်ရောက်ခဲ့တော့ မြေပြိုမှု ထုထည်က ကြီးမားပါတယ်။ တောင်အခြမ်းလိုက် ပြိုတာပဲ။ တံတားသက် တမ်းကလည်း လမ်းစတည်ကတည်းက အရင်စစ်အစိုးရခေတ်မှာ တရုတ်နိုင်ငံဘက်က ဖောက်လုပ်တဲ့လမ်းပါ။ ချစ်ကြည်ရေးလမ်းလို့ ပြောရမှာပေါ့။ အခုလည်း တရုတ်နိုင်ငံ ထိန်မင်ကုမ္ပဏီက တာဝန်ယူပြင်ဆင်ဖို့ လုပ်နေပါပြီ။ လမ်းသက်တမ်း တစ်လျှောက်လုံးလည်း တရုတ်နိုင်ငံက ပြင်ဆင်တာတွေ ရှိနေပါတယ်။ ယန္တရား အကြီးစားတွေ လာလို့မရတော့ ဒီဘက်က ယန္တရားကူနေရတယ်။ ဘေလီဆိုရင်လည်း ဒီဘက်က ကူညီဖို့ပေါ့။ ကားကြီးတွေ သွားနိုင်တဲ့ တံတားကြီး ဖြစ်ဖို့ကတော့ သုံးလကျော် အချိန်ကြာမယ်လို့ တရုတ်ကုမ္ပဏီက ပြောတယ်။ ကားငယ်တွေကို ရက်ပိုင်းအတွင်း သွားလာနိုင်အောင် ကြိုးစားနေပါတယ်” ဟု ပြောကြားသည်။

ကချင်ပြည်နယ် ဗန်းမော်ခရိုင်မှ တရုတ်နိုင်ငံသို့ နယ်စပ်ကုန်သွယ်ရေး လမ်းကြောင်း လမ်းပျက်မှုကြောင့် ၁၀ ဘီးနှင့်အထက်ယာဉ်များ သြဂုတ် ၂၅ ရက်မှစတင်ကာ အောက်တိုဘာ ၁၅ ရက်အထိ သွားလာခွင့် ပိတ်ပင်ခဲ့သည်။

ကချင်ပြည်နယ်တွင် မိုးရာသီအတွင်း ၀ိုင်းမော်-မန်ဝိန်းကြီး-ချီဖွေလမ်းပိုင်း၊ ၀ိုင်းမော် -ကန်ပိုင်တည်-တရုတ်နိုင်ငံ လမ်းပိုင်း၊ မြစ်ကြီးနား-ဆွမ်ပရာဘွမ်-ပူတာအိုလမ်းပိုင်း၊ ပူတာအို-ဒရုခ-နောင်မွန် လမ်းပိုင်းများမှာ မြေပြိုလေ့ရှိတတ်ကြောင်း သိရသည်။

တရုတ်နိုင်ငံနှင့် ကချင်ပြည်နယ်တို့ တရားဝင် အဓိက ဆက်သွယ်သည့် ၀င်ပေါက်မှာ ကန်ပိုင်တည် ၀င်ပေါက်နှင့် လွယ်ဂျွယ်ဝင်ပေါက်၊ ပန်ဝါ၀င်ပေါက်တို့ကို အဓိက အသုံးပြုနေသည်။ ထို့ပြင် လိုက်ဇာ၊ မန်ဝိန်းကြီး ၀င်ပေါက်များကိုလည်း အသုံးပြုနေကြသည်။

 

မြစ်ကြီးနား-ဗန်းမော်လမ်းပိုင်းတွင် ကျပ် ၁၁ ဘီလျံ အသုံးပြုပြီး AC ကတ္တရာခင်းလုပ်ငန်းမှာ ဥပဒေနှင့် မညီညွတ်ဟုဆိုကာ အဂတိလိုက်စားမှု တိုက်ဖျက်ရေးကော်မရှင်သို့ တိုင်ကြားထား

မြစ်ကြီးနား-ဗန်းမော်လမ်းပိုင်းတွင် ကျပ် ၁၁ ဘီလျံ အသုံးပြုပြီး AC ကတ္တရာခင်းလုပ်ငန်းမှာ ဥပဒေနှင့် မညီညွတ်ဟုဆိုကာ အဂတိလိုက်စားမှု တိုက်ဖျက်ရေးကော်မရှင်သို့ ကချင်ပြည်နယ် တရားလွှတ်တော်ရှေ့နေ ဦးတင်ထွန်းသိန်းက တိုင်ကြားထားကြောင်း သတင်းရရှိသည်။

လက်ရှိတွင် အဂတိလိုက်စားမှု တိုက်ဖျက်ရေးကော်မရှင်သို့ ယင်းဌာန ၀က်ဘ်ဆိုက် မက်ဆင်ဂျာသို့ တိုင်ကြားစာများ ပေးပို့ထားပြီး စာရွက်စာတမ်းများဖြင့် နိုင်ငံတော်သမ္မတနှင့် နိုင်ငံတော် အတိုင်ပင်ခံပုဂ္ဂိုလ်ထံ ပေးပို့ရန် စီစဉ်နေကြောင်း သိရသည်။ တရားလွှတ်တော်ရှေ့နေ ဦးတင်ထွန်းသိန်းက “အဂတိကို တင်ပြရတဲ့ အကြောင်းရင်းက သုံးချက်ပါ။ ပထမအချက်က ဗန်းမော်-မြစ်ကြီးနားလမ်းပေါ်မှာ ၂၃ မိုင်ခင်းတဲ့အခါ AC လမ်းခင်းတဲ့အခါ ကချင်ပြည်နယ် လွှတ်တော်မှာ အတည်ပြုချက် မယူဘဲ ပေးတာဖြစ်ပါတယ်။ စီမံကိန်းအတွက် အသုံးပြုချင်ရင် ပြည်နယ် လွှတ်တော်ကို တင်ပြအတည်ပြုချက် ယူရမှာဖြစ်ပါတယ်။ အခုက ပြည်နယ်အစိုးရ ဆုံးဖြတ်ချက်နဲ့ လုပ်ခဲ့တာပေါ့။ ဒုတိယအချက်က လမ်းအတွက် တင်ဒါ မခေါ်ခဲ့ဘူး။ နိုင်ငံတော်သမ္မတရုံး ၁/ ၂၀၁၇ ညွှန်ကြားချက်နဲ့ မညီညွတ်ဘူးပေါ့။ သန်း ၁၀၀ ကျော်တဲ့ လုပ်ငန်းမှန်သမျှကို တင်ဒါ ခေါ်ရမယ်ဆိုပြီး နိုင်ငံတော်သမ္မတက ထုတ်တာ ရှိတယ်။ ကုမ္ပဏီကလည်း လုပ်တာက လေ့လွင့်ဆုံးရှုံးမှုတွေ များနေတယ်။ သတ်မှတ်ကာလအတွင်းမှာ မပြီးဘူး။ အဲဒါတွေက အဂတိလိုက်စားမှု တိုက်ဖျက်ရေးဥပဒေ ပုဒ်မ ၃ (က) ၂ မှာပါတဲ့ အချက်တွေနဲ့ ကိုက်လို့ အဂတိတိုက်ဖျက်ရေး ကော်မရှင်ဝက်ဘ်ဆိုက် မက်ဆင်ဂျာကနေ လွန်ခဲ့တဲ့ စနေက ပို့ထားတယ်။ ကျွန်တော့် လူမှုကွန်ရက်တွေမှာလည်း တင်ပြထားပါတယ်။ ဆက်လက်ပြီးလည်း နိုင်ငံတော်သမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်တို့ကိုလည်း ပေးပို့သွားဖို့ ရှိပါတယ်။ ဖွဲ့စည်းပုံ အခြေခံဥပဒေခုံရုံးကိုလည်း ပို့ဖို့ စီစဉ်ထားပါတယ်။ အခုလုပ်တာက ဖွဲ့စည်းအခြေခံဥပဒေ ၂၅၁ ၊ ပြည်နယ်နှင့် တိုင်းဒေသကြီး ဥပဒေ ပုဒ်မ ၃၃၊၃၄၊၃၅ ၊နိုင်ငံတော်သမ္မတ ထုတ်ပြန်ချက် ၁/၂၀၁၇ မညီညွတ်တာပေါ့။ တိုင်တာကတော့ ပြည်နယ်အစိုးရ တစ်ဖွဲ့လုံးကို တိုင်ကြားတဲ့ သဘောပါ။ အဓိက တာဝန်အရှိဆုံးပုဂ္ဂိုလ်နဲ့ ၀န်ကြီးကို တိုင်ကြားလိုခြင်း ဖြစ်ပါတယ်”ဟု ပြောကြားသည်။

ကချင်ပြည်နယ် ၀န်ကြီးချုပ် ဒေါက်တာ ခက်အောင်က မကြာခင် ရက်ပိုင်းတွင် ယင်းကိစ္စနှင့် ပတ်သက်၍ သတင်းစာရှင်းလင်းမည် ဖြစ်ကြောင်း၊ အသေးစိတ်ကို လမ်းပန်းဆက်သွယ်ရေး၊ လျှပ်စစ်နှင့် စက်မှုလက်မှုဝန်ကြီး နှင့် စီမံကိန်း၊ ဘဏ္ဍာရေးနှင့် အခွန်ဝန်ကြီးတို့က ရှင်းလင်းမည် ဖြစ်ကြောင်း၊ ကချင်ပြည်နယ်အစိုးရ အနေဖြင့် ခရိုင်ချင်းဆက်လမ်းကို ပြည်သူအတွက် ဦးစားပေးအဖြစ် အကောင်းဆုံး ဖြစ်အောင် ပြုလုပ်ခြင်းဖြစ်ပြီး မကောင်းသည့် ရှုထောင့်မှ အပြစ်အမျိုးမျိုး ရှာသည့်ပုံ ဖြစ်နေကြောင်း ပြောကြားသည်။

ယင်းလမ်းလုပ်ငန်းနှင့် ပတ်သက်၍ ကချင်ပြည်နယ် လွှတ်တော်တွင် အောက်တိုဘာ ၉ ရက်က “စီမံကိန်း၊ ဘဏ္ဍာရေးနှင့် ပြည်သူ့ငွေစာရင်းဆိုင်ရာကော်မတီ” ၏ ခြောက်လအတွင်း လုပ်ငန်းဆောင်ရွက်မှု အစီရင်ခံစာကို တင်သွင်းခဲ့ပြီး အောက်တိုဘာ ၁၀ ရက်တွင် လွှတ်တော် ကိုယ်စားလှယ်များက ဆွေးနွေးခဲ့ကြခြင်း ဖြစ်သည်။ ယင်းအစီရင်ခံစာတွင် မိုးမောက်မြို့နယ်အတွင်း ၂၃ မိုင် AC ကတ္တရာလမ်းခင်းခြင်း လုပ်ငန်းတွင် ယင် ပြောင်းဖူးကျောက်စီလမ်းထက် ကျဉ်းလာက အန္တရာယ်ပိုများခြင်း၊ လမ်းမျက်နှာပြင်မှာ သုံးရာခိုင်နှုန်း လိပ်ခုံးဖြစ်ရမည့်အစား ပြင်ညီ ဖြစ်နေခြင်း၊ ကတ္တရာအလွှာမှာ ဒီဇိုင်းပါ အတိုင်းအတာနှင့် ကွဲလွဲခြင်း၊ လမ်းပခုံးဘောင်မှ အောက်ခြေ ခြောက်လက်မမြေတွင် မြှုပ်ရမည်ဟု ပါသော်လည်း အတိုင်းအတာ မပြည့်ခြင်းတို့ကို တွေ့ရကြောင်း တင်ပြခဲ့သည်။

ထို့ကြောင့် ၀န်ကြီးဌာနက အထူးကြပ်မတ်ရန်၊ လွဲချော်နေသည့် ဒီဇိုင်းနှင့် အရည်အသွေးကို အမြန်ဆုံး စိစစ်ရန်၊ သတ်မှတ်ကာလတွင် လုပ်ငန်းမပြီးစီးမှုကြောင့် တင်ဒါပါ စည်းမျဉ်းစည်းကမ်းအတိုင်း အရေးယူ ဆောင်ရွက်ပေးရန်၊ ဘဏ္ဍာရေး ဥပဒေကြမ်းအရ လွှတ်တော်မှ ဆုံးဖြတ်ထားခြင်း၊ ခွင့်ပြုခြင်းမရှိဘဲ ပြည်သူ့ဘဏ္ဍာငွေ အမြောက်အမြား သုံးစွဲနေမှုကို သက်ဆိုင်ရာဝန်ကြီးက ပြည်နယ်လွှတ်တော် အစည်းအဝေးတွင် အကျိုးအကြောင်းခိုင်လုံစွာ ပြန်လည်ရှင်းပြရန် အကြံပြုခဲ့သည်။

ကချင်ပြည်နယ် အစိုးရအဖွဲ့မှ လမ်းပန်းဆက်သွယ်ရေး၊ လျှပ်စစ်နှင့် စက်မှုလက်မှုဝန်ကြီး ဦးဝင်းညွန့်က “ ကချင်ပြည်နယ်အစိုးရအဖွဲ့ အစည်းအဝေးမှာ ၃၅/၂၀၁၇ အရ ဒီလမ်းကို ပါဝါဖိုက်စတား ကုမ္ပဏီကို အပိုဒ် ၂၂ အရ လုပ်ငန်းအပ်နှံ ဆောင်ရွက်ဖို့ ပေးခဲ့တာ ဖြစ်ပါတယ်။ စစ်ဆေးတဲ့အဖွဲ့စုံ စစ်ဆေးတာဟာ မိုးတွင်းကာလဖြစ်လို့လည်း ဖြစ်ပါလိမ့်မယ်။ AC အရည်အသွေးအဖွဲ့ နှစ်ဖွဲ့ထားပြီးလည်း စစ်ဆေးနေပါတယ်။ ကတ္တရာကို စစ်တဲ့အဖွဲ့၊ ဆောက်လုပ်တဲ့ အခြေအနေကို စစ်တဲ့အဖွဲ့ပေါ့။ AC အရည်အသွေးအဖွဲ့ကို မဖြတ်ကျော်ဘဲနဲ့ ကတ္တရာခင်းခြင်းကို လုပ်လို့မရပါဘူး။ စတင် တည်ဆောက်ဆဲကာလမှာ ပျက်ယွင်းတာ ရှိနိုင်တယ်။ ပြင်ဆင်ပြီး ဖြစ်ပါတယ်။ ၁၁ ဘီလျံဆိုတာ တံတားခင်း၊ လမ်းခုံးလုပ်၊ တောင်ဖြိုတဲ့ လုပ်ငန်းတွေ ပါပါတယ်။ ကတ္တရာတစ်ခုတည်းတော့ မဟုတ်ပါဘူး။ ရတဲ့ငွေက လမ်းတံတားတွေကို ဘတ်ဂျက်တွေ စိစစ်ရာကနေ ပိုလျှံလာတဲ့ ငွေတွေ ဖြစ်ပါတယ်။ အားလုံး ကျပ်ငွေ ၁၁ ဘီလျံပါ” ဟု ပြောကြားသည်။

ကချင်ပြည်နယ်တွင် ၂၀၁၇-၂၀၁၈ ခုနှစ်အတွင်း သဘာဝဘေးကြောင့် လူ ၉၀၀၀ နီးပါး ဘေးသင့်ပြီး ကျပ်သန်း ၁၁၀၀ ကျော် ဆုံးရှုံး

ဖားကန့်ဒေသတွင် ၂၀၁၈ ခုနှစ် မေလက ဖြစ်ပွားခဲ့သော မြေပြိုမှုဖြစ်စဉ်

ကချင်ပြည်နယ်တွင် ၂၀၁၇-၂၀၁၈ ခုနှစ်အတွင်း သဘာဝဘေးကြောင့် လူ ၉၀၀၀ နီးပါး ဘေးသင့်ခဲ့ပြီး ကျပ်သန်း ၁၁၀၀ ကျော် ဆုံးရှုံးခဲ့ကြောင်း ပြည်နယ်ဝန်ကြီးချုပ် ဒေါက်တာ ခက်အောင်က ပြောကြားသည်။ မြစ်ကြီးနားမြို့ မြို့တော်ခန်းမတွင် ကျင်းပသည့် အပြည်ပြည်ဆိုင်ရာ ဘေးအန္တရာယ်လျော့ပါးရေး နေ့ အထိမ်းအမှတ် အခမ်းအနားတွင် ပြောကြားခဲ့ခြင်းဖြစ်ပြီး ကချင်ပြည်နယ်အတွင်း ၂၀၁၇-၂၀၁၈ ဘဏ္ဍာနှစ်အတွင်း ဘေးအန္တရာယ်ဖြစ်ပွားမှု ၁၁၆ ကြိမ်၊ ဘေးသင့်သူ ၈၉၈၄ ဦး၊ ဆုံးရှုံးမှုတန်ဖိုး ၁၁၁၂ ဒသမ ၅ သန်း ရှိခဲ့ကြောင်း သိရသည်။

ဝန်ကြီးချုပ် ဒေါက်တာခက်အောင်က “ပြည်နယ်အစိုးရအဖွဲ့၊ ဘေးအန္တရာယ်ဆိုင် ရာ စီမံခန့်ခွဲမှုဦးစီးဌာန၊ NGO ၊ INGO ၊ လူမှုအဖွဲ့အစည်းတွေနဲ့ ပူးပေါင်းပြီး သဘာဝဘေး အန္တရာယ်ဆိုင်ရာ စီမံခန့်ခွဲမှုသင်တန်း ၊ ဆင့်ပွားသင်တန်းများ ပို့ချနေပါတယ်။ မြို့နယ် ၁၁ မြို့နယ်က ကျောင်းပေါင်း ၈၀ ကျော်မှာလည်း ဟောပြောလေ့ကျင့်တာတွေ လုပ်နိုင်ခဲ့ပါတယ်။ သဘာဝဘေးအန္တရာယ်ကို ကြံ့ကြံ့ခံ ရင်ဆိုင်ဖြေရှင်းနိုင်တဲ့ ပြည်နယ်ဖြစ်အောင်လည်း ကြိုးစားနေပါတယ်။ လူတစ်ဦး တစ်ယောက်ချင်းစီက တာဝန်သိစိတ်ကိုယ်စီနှင့် ဘေးအန္တရာယ် လျော့ပါးရေး လုပ်ငန်းတွေမှာ ပါဝင်ဆောင်ရွက်ကြဖို့လည်း တိုက်တွန်းပါတယ်” ဟု ပြောကြားသည်။

ကချင်ပြည်နယ်တွင် ရေကြီးခြင်း၊ မီးလောင်ခြင်း၊ မြေပြိုခြင်း၊ မိုင်းထိခြင်း စသည့် ဘေးအန္တရာယ်များအပြင် တပ်မတော်နှင့် ကချင်တိုင်းရင်းသား လက်နက်ကိုင်အဖွဲ့များကြောင့် လူပေါင်း တစ်သိန်းကျော်မှာ နေရပ် စွန့်ခွာကာ စစ်ရှောင်စခန်းများတွင် ခိုလှုံနေကြရဆဲဖြစ်သည်။