ပရီးမီးယားလိဂ် ပွဲကျန်ပွဲစဉ်များ ပွဲကြိုသုံးသပ်ချက်

Photo:Soccerway

အာဆင်နယ် နှင့် ဆန်းဒါးလန်း(မြန်မာစံတော်ချိန် မေ ၁၇ နံနက် ၁း၁၅ နာရီ)
----------------------------------------------------------------------------
အာဆင်နယ်က လီဗာပူးလ်ကို ဖိအားပေးဖို့အတွက် ရာသီကုန်ချိန်အထိ သူတို့လုပ်နိုင်သမျှ လုပ်သွားလိမ့်မယ်။ ရလဒ်ကောင်းတွေ ယူလိမ့်မယ်။ ဆောက်သမ်တန်၊ စတုတ်စီးတီးတို့ နဲ့ ပွဲတွေမှာ အဝေးကွင်းပွဲကျပ်တွေကို အောင်အောင်မြင်မြင် ကျော်ဖြတ်နိုင်ခဲ့တယ်။ အဝေးကွင်းမှာ ဂိုးပြတ်တွေ သွင်းယူခဲ့တယ်။ အခုဒီပွဲက အိမ်ကွင်းပွဲပါ။ ဆန်းဒါးလန်းလို တန်းဆင်းပြီး သားအသင်းတစ်သင်း၊ ခြေစွမ်းရော၊ စိတ်ဓာတ်ပိုင်းပါ အားရစရာမရှိတဲ့ အသင်းတစ်သင်းကို အာဆင်နယ်အနိုင်ကစားဖို့ အခက်အခဲမရှိပါဘူး။ ဆန်းချက်ဇ်၊ အိုဇေးလ်တို့အပါအ၀င် တစ်သင်းလုံးပြန်အားကောင်းလာတဲ့ အာဆင်နယ်အသင်း ဂိုးပြတ်သွင်းလိမ့်မယ်။

မန်စီးတီး နှင့် ၀က်စ်ဘရွန်း(မြန်မာစံတော်ချိန် မေ ၁၇ နံနက် ၁း၃၀ နာရီ)
-------------------------------------------------------------------------
မန်စီးတီးအသင်းက အဆုံးအဖြတ်ရာသီပိတ်ကာလမှာ အသင်းငယ်တွေနဲ့ ဆက်တိုက်တွေ့နေတယ်။ ချန်ပီယံဆုအတွက် ရုန်းကန်ရမယ့်အနေအထားဆိုရင် ဒီပွဲစဉ်ဇယားက မန်စီးတီးအသင်းကို ကောင်းကောင်းကူညီနိုင်ပါလိမ့်မယ်။ လက်ရှိအချိန်မှာ မန်စီးတီးက ပုံစံကောင်းပြနေတယ်။ အသင်းကလည်း နိုင်ပွဲဆက်နေတယ်။ ၀က်စ်ဘရွန်းရဲ့ ရလဒ်တွေက ဆက်တိုက်ကျဆင်းနေတယ်။ ချယ်လ်ဆီးနဲ့ ပွဲမှာ ခံစစ်နဲ့ ကစားပုံမဆိုးပေမယ့် နောက်ဆုံးတော့ ရှုံးတာပါပဲ။ လက်ရှိ ၀က်စ်ဘရွန်းဖြစ်နေတဲ့ပြဿနာက အဲ့ဒီအပိုင်းပါပဲ။ ကစားပုံမဆိုးပေမယ့် တိုက်စစ်မရှိတော့ ဂိုးမရ။ ခံစစ်ကတစ်ဂိုးလောက်ပေးလိုက်ရင် ရှုံးဖြစ်နေ တာ။ မန်စီးတီးနိုင်ဦးမယ်။ ဂိုးပြတ်သွားနိုင်တယ်။