သြဂုတ် (၂၈)ရက် (ယနေ့)တွင် ယှဉ်ပြိုင်ကစားခဲ့သည့် လေးယောက်တွဲ ပိုက်ကျော်ခြင်းပြိုင်ပွဲ အုပ်စုအဖွင့်ပွဲစဉ်များတွင် မြန်မာအမျိုးသားအသင်းနှင့် အမျိုးသမီးအသင်းတို့မှာ လာအိုအမျိုးသားနှင့် အမျိုးသမီးအသင်းများကို (၂)ပွဲပြတ်စီ အရေးနိမ့်ခဲ့ကြောင်း သိရသည်။
အမျိုးသားပြိုင်ပွဲ အုပ်စု (က) တွင် အိမ်ရှင်အင်ဒိုနီးရှား၊ မြန်မာ၊ တရုတ်၊ လာအို၊ ဂျပန်၊ အုပ်စု (ခ) တွင် စင်ကာ ပူ၊ နီပေါ၊ အီရန်၊ ဗီယက်နမ်၊ ပါကစ္စတန်၊ အမျိုး သမီးပြိုင်ပွဲ အုပ်စု (က) တွင် အိမ်ရှင်အင်ဒို နီးရှား၊ လာအို၊ ကိုရီးယား၊ မြန်မာ၊ အုပ်စု (ခ) တွင် ထိုင်း၊ ဂျပန်၊ ဗီယက်နမ်၊ အိန္ဒိယနှင့် မလေးရှားအသင်းတို့ ပါဝင်နေသည်။
ပိုက်ကျော်ခြင်းအားကစားနည်းတွင် လေးယောက် တွဲပြိုင်ပွဲကို နောက်ဆုံးကျင်းပခြင်းဖြစ်ပြီး သြဂုတ် ၂၈ ရက်မှ စက်တင်ဘာ ၁ ရက်အထိ ကျင်းပမည်ဖြစ်သည်။
မြန်မာအမျိုး သားအသင်းသည် အုပ်စုလက်ကျန်ပွဲများအဖြစ် သြဂုတ် ၃၀ ရက်တွင် ဂျပန်၊ တရုတ်၊ သြဂုတ် ၃၁ ရက်တွင် အိမ်ရှင်အင်ဒိုနီးရှား အသင်းနှင့် ယှဉ်ပြိုင်ကစားရမည်ဖြစ်သည်။
မြန်မာအမျိုးသမီးအသင်းမှာမူ သြဂုတ် ၂၉ ရက်တွင် အင်ဒိုနီးရှား၊ ကိုရီးယားအသင်းတို့ နှင့် ယှဉ်ပြိုင်ကစားရမည်ဖြစ်သည်။
မြန်မာပိုက်ကျော်ခြင်းအသင်းသည် ပြိုင်ပွဲနှစ်မျိုးယှဉ်ပြိုင်အပြီးတွင် ကြေးတံဆိပ် တစ်ခုသာရထားပြီး လေးယောက်တွဲပြိုင်ပွဲ တွင် အောင်မြင်မှုရရန် လိုအပ်နေသည်။
မြန်မာပိုက်ကျော်ခြင်းအသင်းသည် အာရှ အားကစားပြိုင်ပွဲတွင် ၂၀၁၀၊ ၂၀၁၄ ခုနှစ် တွင် နှစ်ကြိမ်ဆက်တိုက် ရွှေတံဆိပ်ရယူထား နိုင်ကြောင်း သိရသည်။
Photo : Asiangames2018
