Photo: kualalumpur2017
ကျင်းပလျက်ရှိသည့် (၂၉)ကြိမ်မြောက် ဆီးဂိမ်းစ်ပြိုင်ပွဲ၏ အိမ်ရှင်မလေးရှားနိုင်ငံသည် ယခုပြိုင်ပွဲမှ ရွှေတံဆိပ်(၁၁၁)ခု ရယူနိုင်ရန် ပစ်မှတ်ထားခဲ့မှုမှာ ပြည့်မြောက်ရန် နီးစပ်လာပြီဖြစ်ကြောင်း သိရှိရသည်။
မလေးရှားအားကစားအဖွဲ့သည် ယနေ့ကျင်းပခဲ့သည့် ကျွမ်းဘားပြိုင်ပွဲတွင် (၁၀၀)ခုမြောက် ရွှေတံဆိပ်ဆုကို ရယူနိုင်ခဲ့ပြီးနောက် လက်ရှိအချိန်တွင် ရွှေတံဆိပ် (၁၀၂)ခု ရယူထားနိုင်ခဲ့ပြီဖြစ်သည်။
ထို့ကြောင့် မျှော်မှန်းထားသည့်ပစ်မှတ်သို့ ရောက်ရှိရန် နီးစပ်လာခဲ့ခြင်းဖြစ်ပြီး ဒုတိယနေရာမှ ထိုင်းနိုင်ငံကိုလည်း ရွှေတံဆိပ်(၄၀)ကျော် ဖြတ်ထားနိုင်ခဲ့သည့်အတွက် နိုင်ငံအလိုက် ပထမရရှိရန်မှာလည်း နီးစပ်နေပြီဖြစ်သည်။
(၂၉)ကြိမ်မြောက် ဆီးဂိမ်းစ်ပြိုင်ပွဲတွင် စုစုပေါင်း ရွှေတံဆိပ်(၄၀၄)ခု ချီးမြှင့်မည့်အနက် လက်ရှိအချိန်တွင် ရွှေတံဆိပ်(၃၂၉)ခု ထွက်ပေါ်ခဲ့ပြီဖြစ်သည့်အတွက် နောက်ထပ်ရွှေတံဆိပ် (၇၅)ခုသာ ကျန်ရှိတော့ကြောင်း သိရှိရသည်။
မလေးရှားအားကစားအဖွဲ့သည် ယခုပြိုင်ပွဲ၏ ပထမဆုံးရွှေတံဆိပ်ဆုကို ခြင်းလုံးပြိုင်ပွဲမှ ရယူပေးနိုင်ခဲ့ကြောင်းလည်း သိရှိရသည်။
