Photos: Eurosports,Mirror

ချယ်လ်ဆီးအသင်းသည် အီတလီလူမျိုးနည်းပြဆာရီအား ခေါ်ယူစာချုပ်ခဲ့ပြီဖြစ်သည်။ ချယ်လ်ဆီးအသင်းသို့ ဆာရီရောက်ရှိလာပြီးနောက် ၎င်းဦးစားပေးလုပ်ဆောင်ရမည့်အချက်အလက်များကို ဖော်ပြလိုက်ပါသည်။

■ ဘယ်လ်ဂျီယံကစားသမားနှစ်ဦး၏ အနာဂတ်ကို တိကျစွာအဖြေရှာရေး

အသင်း၏ အဓိက ကစားသမားနှစ်ဦး ဖြစ်သော တောင်ပံကစားသမား ဟာဇက်နှင့် ဂိုးသမား ကော်တိုအာတို့၏ အနာဂတ်အ တွက် တိကျရှင်းလင်းစွာအဖြေရှာရမည်ဖြစ် သည်။ နှစ်ဦးစလုံးအား စပိန်ကလပ် ရီးယဲလ် မက်ဒရစ်အသင်းက စိတ်ဝင်စားနေပြီး ယခု နွေရာသီတွင် အပြောင်းအရွှေ့သတင်းများ နှင့်အတူ အနာဂတ်လှုပ်ခတ်နေကြသည်။

■ အသင်းဟောင်း နာပိုလီမှ ကစားသမားများကိုစည်းရုံးခေါ်ဆောင်ရေး

ဆာရီသည် သူ၏အသင်းဟောင်း နာပို လီမှ ကစားသမားအချို့ကို ချယ်လ်ဆီးသို့ ခေါ်ဆောင်ရန် ဆန္ဒပြင်းပြနေပြီး ဆက်သွယ် မှုများ ပြုလုပ်နေသည်။ အီတလီကွင်းလယ် လူ ယော်ဂင်ဟိုပြီးနောက် အယ်လ်ဘေးနီး ယားနောက်ခံလူ ဟေဆိုင်၊ ပိုလန်ကွင်းလယ် လူ ဇီလင်စကီးတို့မှာ ချယ်လ်ဆီးအသင်းသို့ ထပ်မံရောက်ရှိလာဖွယ်ရှိနေသည်။

■ မိုရာတာနှင့် အသင်း၏တိုက်စစ်ကိုပြန်လည်ပြင်ဆင်ရေး

ချယ်လ်ဆီးအသင်းတွင် ပြီးခဲ့သည့်ရာ သီက မျှော်မှန်းသလောက် ခြေစွမ်းပြနိုင်ခြင်း မရှိသည့် ကလပ်ကြေးအကြီးဆုံးကစားသမား မိုရာတာအား အသင်းနှင့်အံဝင်ရန်အတွက် ဆာရီ ကြိုးစားရမည်ဖြစ်သည်။ မိုရာတာသည် ပြီးခဲ့သည့်ရာသီက ပြိုင်ပွဲစုံ ပွဲ (၄၀) ကစားခဲ့ သော်လည်း အသင်းအတွက် (၈) ဂိုးသာသွင်း ယူပေးနိုင်ခဲ့သည်။

■ အငှားချထားသော ကစားသမားများအားအကျိုးရှိစွာ အသုံးပြုနိုင်ရေး

ပြီးခဲ့သည့်ရာသီများက အခြားကလပ် များသို့ အငှားချထားသည့် ကစားသမားများ စွာရှိခဲ့ပြီး ၎င်းင်းကစားသမားများထဲမှ လော့ဖ် တပ်ချိခ်၊ ဘတ်ရှူအာယီကဲ့သို့ ကစားသမား များမှာ ၂၀၁၈ ကမ္ဘာ့ဖလားတွင် ပါဝင်ယှဉ် ပြိုင်ခွင့်ရရှိခဲ့သည်။ သို့ဖြစ်ရာ အရည်အသွေး ရှိသူများကို အသင်းတွင် ပြန်လည်အသုံးပြု နိုင်ရေးအတွက် ကြိုးစားရမည်ဖြစ်သည်။