သြဂုတ် ၂၃ ရက်က ကျင်းပသည့် ပြေး ခုန်ပစ်ပြိုင်ပွဲများတွင် မြန်မာကစားသမားများ ဝင်ရောက်ယှဉ်ပြိုင်ခဲ့သော်လည်း အောင်မြင် မှုမရခဲ့ကြောင်း သိရသည်။
အမျိုးသား ကြိုးတပ်သံလုံးပစ်ပြိုင်ပွဲတွင် ယှဉ်ပြိုင်ခဲ့သည့် ရဲထက်အောင်သည် ၄၉ ဒသမ ၈ မီတာအကွာအဝေးပစ်နိုင်ခဲ့သော် လည်း ပြိုင်ပွဲဝင်ကစားသမား ငါးဦးအနက် အောက်ဆုံးနေရာသာ ရပ်တည်နိုင်ခဲ့သည်။ ယင်းပြိုင်ပွဲတွင် အိမ်ရှင်မလေးရှားကစား သမား ဂျက်ကီဝန်က ၆၅ ဒသမ ၉၀ မီတာဖြင့် ရွှေတံဆိပ်ရယူနိုင်ခဲ့သည့်အပြင် ဆီးဂိမ်းစ် ပြိုင်ပွဲ စံချိန်သစ်ရေးထိုးနိုင်ခဲ့သည်။
ထို့ပြင် အမျိုးသမီး ၁၀ ကီလိုမီတာ လမ်းလျှောက်ပြိုင် ပွဲတွင် ယှဉ်ပြိုင်ခဲ့သည့် သန်းသန်းစိုးမှာလည်း အောင်မြင်မှုမရဘဲ နောက်ဆုံးနေရာမှသာ ပန်းဝင်နိုင်ခဲ့သည်။ သြဂုတ် ၂၃ ရက်တွင် ပြေးခုန်ပစ်အားကစားနည်းမှ ရွှေတံဆိပ်ကိုးခု ချီးမြှင့်ပြီး အမျိူးသား ကြိုးတပ်သံလုံးပစ်ပြိုင် ပွဲ၊ အမျိုးသမီး ၁၀ ကီလိုမီတာလမ်းလျှောက် ပြိုင်ပွဲ၊ အမျိုးသားသုံးဆင့်ခုန်ပြိုင်ပွဲ၊ အမျိုး သမီး သုံးဆင့်ခုန်ပြိုင်ပွဲ၊ အမျိုးသားမီတာ ၈၀၀ အပြေးပြိုင်ပွဲ၊ အမျိုးသမီး မီတာ ၈၀၀ အပြေးပြိုင်ပွဲ၊ အမျိုးသား ၁၀ မျိုးစုံပြိုင်ပွဲ၊ အမျိုးသား မီတာ ၂၀၀ အပြေးပြိုင်ပွဲနှင့် အမျိုး သမီး မီတာ ၂၀၀ အပြေးပြိုင်ပွဲများ ထည့်သွင်း ကျင်းပခဲ့သည်။ (မှတ်ချက်-မြန်မာအမျိုးသမီး ကစားသမား ဆွေလီမြင့်ပါဝင်သည့် မီတာ ၈၀၀ အပြေးပြိုင်ပွဲကို သြဂုတ် ၂၃ ရက် ညပိုင်း တွင် ကျင်းပခဲ့သည်။)
မြန်မာကစားသမား များသည် အားနည်းမှုရှိသည့် တာတိုအပြေး ပြိုင်ပွဲများတွင် ပါဝင်ယှဉ်ပြိုင်ခြင်းမရှိဘဲ တာ လတ်နှင့် တာဝေးပြိုင်ပွဲများတွင်သာ ယှဉ်ပြိုင် မည်ဖြစ်သည်။ ပြေးခုန်ပစ်ပြိုင်ပွဲအား သြဂုတ် ၂၆ ရက်အထိ နေ့စဉ်ကျင်းပမည်ဖြစ်ပြီး ပြိုင်ပွဲ အမျိုးအစား ၄၅ မျိုးမှ ရွှေတံဆိပ်ဆု ၄၅ ခု ချီးမြှင့်မည်ဖြစ်သည်။
ဆီးဂိမ်းစ်ပြိုင်ပွဲတစ်ခုလုံးတွင် ရွှေတံဆိပ် စုစုပေါင်း ၄၀၄ ခု ချီးမြှှင့်မည်ဖြစ်ပြီး ပြေးခုန် ပစ်အမျိုးအစားတစ်ခုတည်းမှ ၄၅ ခုချီးမြှင့် မည်ဖြစ်ရာ ရွှေတံဆိပ်အများဆုံးပေးအပ်မည့် ပြိုင်ပွဲဖြစ်ကြောင်း သိရသည်။
