ဖီအိုရင်တီးနားအသင်းသည် ၎င်းတို့၏ လေ့ကျင့်ရေးကွင်းကို ပြီးခဲ့သည့်ရက်ပိုင်းအတွင်း က ဆုံးပါးသွားခဲ့သည့် အသင်းခေါင်းဆောင် အက်စ်တိုရီ၏အမည် ပြောင်းလဲမှည့်ခေါ်လိုက်ကြောင်း သိရှိရသည်။
ဖီအိုရင်တီးနားအသင်းခေါင်းဆောင် အက်စ်တိုရီသည် ယခုလအစောပိုင်းတွင် အသက်(၃၁)နှစ်အရွယ်၌ နှလုံးရောဂါဖြင့် ဆုံးပါးသွားခဲ့ခြင်းဖြစ်ပြီး ၎င်းဝတ်ဆင်ခဲ့သည့် ကျောနံ ပါတ်(၁၃)ကိုလည်း ဖီအိုရင်တီးနားအသင်းက အနားပေးခဲ့သည်။
ယခုအခါ လေ့ကျင့်ရေးကွင်း ကို '' Centro Sportivo Davide Astori'' ဟု အမည်ပေး၍ ဂုဏ်ပြုခဲ့ခြင်းဖြစ်သည်။
