အင်္ဂလန်ဘောလုံးအဖွဲ့ချုပ်( FA)သည် ထောင်ဒဏ်ကျခံနေသည့် ကတ်တလန်နိုင်ငံရေးသမားများကို
အားပေးထောက်ခံသည့်အနေဖြင့် အဝါရောင်ဖဲကြိုးတပ်ဆင်ခဲ့သော မန်စီးတီးအသင်းနည်းပြဂွါဒီယိုလာအား
စွဲချက်တင်ခဲ့ကြောင်းသိရသည်။ ဂွါဒီယိုလာသည် ကတ်တလန်ဒေသခွဲထွက်ရေးလှုပ်ရှားမှုကြောင့် ထောင်ဒဏ်
ကျခံနေသည့် ယော်ဒီကူဇက်နှင့် ယော်ဒီဆန်းချက်ဇ်တို့ကို အားပေးထောက်ခံသည့်အနေဖြင့် လိဂ်ဖလားဗိုလ်လုပွဲ
အတွက် ပွဲကြိုသတင်းစာရှင်းလင်းပွဲတွင် အဝါရောင်ဖဲကြိုးအား တပ်ဆင်ခဲ့ခြင်းဖြစ်သည်။
ဂွါဒီယိုလာသည် ဝီဂန်နှင့်ကစားခဲ့သော FA ဖလားပွဲတွင်လည်း ယင်းဖဲကြိုးအား တပ်ဆင်ခဲ့သည့်အတွက် FA က
နှစ်ကြိမ်တိုင် သတိပေးခဲ့ကြောင်းသိရသည်။ ယခုအခါ FA က ဂွါဒီယိုလာသည် ၎င်းတို့သတ်မှတ်ထားသော စည်းမျဉ်း
စည်းကမ်းကို ချိုးဖောက်ခဲ့သည့် ဂွါဒီယိုလာကို စွဲချက်တင်ခဲ့ခြင်းဖြစ်ပြီး တနင်္လာနေ့ ဗြိတိန်စံတော်ချိန် ညနေ(၆)နာရီ
မတိုင်မီ ဖြေရှင်းချက်ပေးရန် တောင်းဆိုထားကြောင်းသိရသည်။
REF:Daily Mail