မန်စီးတီးအသင်း၏ ဂျာမန်တောင်ပံကစားသမား ဆာနေးသည် ပြီးခဲ့သည့် FA ဖလားပွဲစဉ် ကာဒစ်ဖ်နှင့်ပွဲတွင်ရရှိခဲ့သည့်ဒဏ်ရာကြောင့် ရက်သတ္တပတ်(၆)ပတ်ခန့် အနားယူရမည်ဖြစ်ကြောင်း မန်စီးတီးအသင်းနည်းပြ ဂွါဒီ ယိုလာက အတည်ပြုပြောကြားခဲ့သည်။
ဆာနေးသည် ခြေချင်းဝတ်အရွတ်ဒဏ်ရာရရှိသွားခဲ့ခြင်းဖြစ်ပြီး အနားယူရမည့်ရက်ကို အတိအကျမပြောနိုင်သော်လည်း အများဆုံး (၆)ပတ်ခန့်ဖြစ်နိုင်ကြောင်း မန်စီးတီးအသင်းကလည်း ကြေညာချက်ထုတ်ပြန်ခဲ့သည်။
ဆာနေးအနေဖြင့် ချန်ပီယံလိဂ်ရှုံးထွက်(၁၆)သင်းအဆင့်ပွဲစဉ်အဖြစ် ဘေဆယ်အသင်းနှင့်ကစားမည့်(၂)ပွဲစလုံးကို လွဲချော်ဖွယ်ရှိနေကြောင်း သိရှိရသည်။