မီလန်ဒါဘီပွဲစဉ်တွင် အင်တာမီလန်အသင်းအတွက် အောင်ပွဲရယူပေးမည့်သူမှာ အီကာဒီဖြစ်ကြောင်း စစ်တမ်းများဖော်ပြ

 

Photos: YouTube, Calciomercato

လာမည့်အောက်တိုဘာလ (၂၁)ရက်တွင်ကစားမည့် အင်တာမီလန်အသင်းနှင့် အေစီမီလန်အသင်းတို့၏ မီလန်ဒါဘီပွဲစဉ်တွင် အင်တာမီလန်အသင်းအတွက် အောင်ပွဲရယူပေးမည့်သူမှာ တိုက်စစ်မှူးအီကာဒီဖြစ် ကြောင်း Calciomercato ၏ စစ်တမ်းက ဖော်ပြခဲ့သည်။ လက်ရှိဘောလုံးရာသီတွင် အီကာဒီသည် စီးရီးအေပွဲစဉ် (၈)ပြီးဆုံးချိန်၌ (၃)ဂိုးသာ သွင်းယူထားနိုင်သော်လည်း Big Match များတွင် ခြေစွမ်းပြဂိုးသွင်းယူ တတ်သော အီကာဒီ၏ အစဉ်အလာကို အခြေခံ၍ Calciomercato က ဖော်ပြခဲ့ခြင်းဖြစ်သည်။

အီကာဒီသည် ကစားသမားဘ၀တစ်လျှောက်တွင် အေစီမီလန်အသင်းနှင့် (၁၀)ကြိမ်တိုင် တွေ့ဆုံခဲ့ဖူးပြီး (၄)ဂိုးသွင်းယူထားနိုင်ကြောင်း သိရသည်။ အေစီမီလန်အသင်းနှင့် တွေ့ဆုံခဲ့သည့် (၁၀)ကြိမ်တွင် အီကာဒီ ပါဝင်ကစားသည့်အသင်းသည် (၃)ပွဲနိုင်၊ (၆)ပွဲသရေ၊ (၃)ပွဲသရေကျခဲ့သည်။ အင်တာမီလန်အသင်းနည်းပြ စပယ်လက်တီသည် လက်ရှိဘောလုံးရာသီတွင် အသင်း၏ တိုက်စစ်အခင်းအကျင်းကို အပြောင်းအလဲပြု လုပ်လျက်ရှိပြီး အီကာဒီမှာ ဒဏ်ရာပြဿနာများ ရင်ဆိုင်ခဲ့ရသည့်အပြင် အလှည့်ကျလူထုတ်ပုံကြောင့် ပုံမှန်ပွဲထွက်ခွင့်ပျောက်ဆုံးခဲ့သည်။

အီကာဒီ၏ နောက်တွင် မီလန်ဒါဘီပွဲ၌ အင်တာမီလန်အသင်းကို အောင်ပွဲရယူပေးမည့်သူအဖြစ် ကွင်းလယ်လူ နိုင်ဂိုလန်က ရပ်တည်နေကြောင်း သိရသည်။ ပြီးခဲ့သည့်ဘောလုံးရာသီတွင် နိုင်ဂိုလန်ဂိုးသွင်းယူနိုင် ခဲ့သော အထင်ရှားဆုံး Big Match မှာ လီဗာပူးလ်အသင်းနှင့် ကစားခဲ့သော ချန်ပီယံလိဂ်ဆီမီးဖိုင်နယ်ပွဲစဉ်များဖြစ်သည်။ လီဗာပူးလ်အသင်း နှင့် ဆီမီးဖိုင်နယ်နှစ်ပွဲတွင် နိုင်ဂိုလန်သည် (၂)ဂိုးသွင်းယူနိုင်ခဲ့သည်။

စီရော်နယ်လ်ဒို၏ မုဒိမ်းမှုကို လှောင်ပြောင်၍ ဘီစကစ်ထုတ်ခဲ့သည့် ကော်ဖီဆိုင်ပိုင်ရှင် တောင်းပန်

 

Photos: The Portugal News

ဂျူဗင်တပ်စ်အသင်းတိုက်စစ်မှူး စီရော်နယ်လ်ဒို၏ မုဒိမ်းမှုဖြစ်စဉ်ကို လှောင်ပြောင်ရည်ညွှန်း၍ ဘီစကစ်ထုတ်လုပ်ရောင်းချခဲ့သည့် ပေါ်တူဂီလူမျိုး ကော်ဖီဆိုင်ပိုင်ရှင်တစ်ဦးသည် သူ၏လုပ်ရပ်အတွက် ပြန်လည်တောင်းပန်ခဲ့ကြောင်း သိရသည်။

ဟိုဆေးဂွန်ကယ်ဗတ်စ်ဟုအမည်ရသည့် အဆိုပါကော်ဖီ ဆိုင်ပိုင်ရှင်သည် လူပုံစံအရုပ်နှစ်ခုပူးကပ်နေသောပုံစံ ဘီစကစ်ကို သူ၏ ရင်းနှီးသောမိတ်ဆွေများနှင့် ဖောက်သည်များအတွက် ရည်ရွယ်၍ ထုတ်လုပ်ခဲ့ခြင်းဖြစ် သည်။ သို့သော် နောက်ပိုင်းတွင် ကော်ဖီဆိုင်သို့လာရောက်သည့် အခြားလူများကပါ ယင်းဘီစကစ်ကို သတိထားမိကာ သဘောကျနှစ်သက်ခဲ့သောကြောင့် ဆက်လက်ရောင်းချခဲ့ကြောင်း သိရသည်။

ဟိုဆေးဂွန်ကယ်ဗတ်စ်က “ကျွန်တော်က စီရော်နယ်လ်ဒို ပရိသတ်တစ်ဦးပါ၊ စီရော်နယ်လ်ဒိုရဲ့ မုဒိမ်းမှုဖြစ်စဉ်မှာ သူ့ဘက်ကအမြဲယုံကြည်ခဲ့သူတစ်ဦးဖြစ်ပါတယ်။ ကျွန်တော်က သူ့ကိုအမြဲကာကွယ်ပေးခဲ့ပါတယ်။ ကျွန်တော့်ရဲ့လုပ်ရပ်အတွက် တောင်းပန်ပါတယ်” ဟု ပြောကြားခဲ့သည်။

စီရော်နယ်လ်ဒိုသည် ၂၀၀၉ ခုနှစ်အတွင်းက အမေရိကန်နိုင်ငံသူ၊ ကက်သရင်းမာယော်ဂါကို အလိုမတူဘဲ ကာမကျူးလွန်ခဲ့သည်ဟု စွဲချက်တင်ခံထားရသည်။ စီရော်နယ်လ်ဒိုဘက်မှ မုဒိမ်းမှုစွဲချက်များကို ငြင်းဆန်ခဲ့သော်လည်း ကက်သရင်းမာယော်ဂါနှင့် ခဏတာပတ်သက်ခဲ့မှုအတွက် နှုတ်ပိတ်ခအမေရိကန်ဒေါ်လာ (၄)သိန်းနီးပါးပေးခဲ့ကြောင်း ၀န်ခံထားသည်။

အာဂျင်တီးနားနှင့်ပွဲတွင် ဘရာဇီးလ်အတွက် နေမာ ဂိုးနှင့် ဂိုးဖန်တီးမှုနှစ်ခုပေါင်း (၁၀၀)ပြည့်မြောက်

 

Photos: AFP

 

ဘရာဇီးလ်အသင်းခေါင်းဆောင် နေမာသည် အာဂျင်တီးနားအသင်းအား (၁-၀)ဂိုးဖြင့် အနိုင်ရခဲ့သည့်ခြေစမ်းပွဲတွင် လက်ရွေးစင်အသင်းအတွက် သွင်းဂိုး နှင့် ဂိုးဖန်တီးမှုနှစ်ခုပေါင်း (၁၀၀)ပြည့်မြောက်ခဲ့ကြောင်း သိရသည်။

မနေ့က ကစားခဲ့သည့် ဘရာဇီးလ် (၁-၀) အာဂျင်တီးနား ခြေစမ်းပွဲတွင် နေမာသည် ပွဲချိန် (၉၃)မိနစ်တွင် နောက်ခံလူ မီရန်ဒါ အနိုင်ဂိုးသွင်းနိုင်အောင် ဖန်တီးမှုပြုလုပ်ပေးခဲ့သည်။ ထို့ကြောင့် နေမာသည် ဘရာဇီးလ် လက်ရွေးစင်အသင်းအတွက် (၉၄)ပွဲကစားရာတွင် (၅၉)ဂိုးသွင်းပြီး ဂိုးဖန်တီးမှု (၄၁)ကြိမ် ပြုလုပ်ခဲ့နိုင်ခဲ့ရာ ဂိုးပါဝင်ပတ်သက်မှု အကြိမ် (၁၀၀)ရှိခဲ့ခြင်း ဖြစ်သည်။

အသက် (၂၆)နှစ်အရွယ်ရှိ နေမာသည် ဘရာဇီးလ်အသင်းအတွက် ၂၀၁၀ ခုနှစ်တွင် စတင်ကစားခဲ့ပြီး အသင်းသမိုင်းတစ်လျှောက် ပွဲအများဆုံး ကစားသူများစာရင်းတွင်အဆင့် (၁၀)နေရာ၌ ရပ်တည်နေသည်။ ထို့ပြင် ၎င်းသည် ဂိုးသွင်းအများဆုံးစာရင်းတွင်လည်း ထိပ်ဆုံးမှပီလီ(၇၇ ဂိုး)နှင့် (၁၈) ဂိုးအကွာဖြင့် အဆင့်(၃)၌ ရှိနေသည်။

ပထမပိုင်းအပြီး အသင်းဖော်ချင်းဆွေးနွေးခဲ့ခြင်းကြောင့် ဂျာမနီကိုအနိုင်ရခဲ့ခြင်းဖြစ်သည်ဟု ဂရီးဇ်မန်း ပြောကြား

Photo; AFP

ပြင်သစ်အသင်းတိုက်စစ်မှူး ဂရီးဇ်မန်းက ဂျာမနီအသင်းအား (၂-၁)ဂိုး ဖြင့် အနိုင်ရရှိခဲ့ခြင်းမှာ ပထမပိုင်းအပြီးတွင် အသင်းဖော်ချင်းဆွေးနွေးခဲ့ခြင်းကြောင့်ဖြစ်သည်ဟု ထုတ်ဖော်ပြောကြားခဲ့သည်။

UEFA Nations League ပြိုင်ပွဲ League A- Group(1) ပွဲစဉ်အဖြစ် ပြင်သစ်နှင့် ဂျာမနီတို့ ကစားခဲ့ပြီး ပြင်သစ်အသင်းသည် ပထမပိုင်းတွင် (၀-၁)ဂိုးဖြင့် ရှုံးနိမ့်နေခဲ့သော်လည်း ဒုတိယပိုင်းတွင် ဂရီးဇ်မန်း၏ သွင်းဂိုး(၂)ဂိုးကြောင့် (၂-၁)ဂိုးဖြင့် အနိုင်ရရှိခဲ့သည်။

ပြင်သစ်အသင်းသည် အဆိုပါပွဲစဉ်ကို အိမ်ကွင်း၌ လက်ခံကစားခဲ့ရသော်လည်း ပထမပိုင်းတွင် ဂျာမနီအသင်းအား ယှဉ်နိုင်ခဲ့ခြင်းမရှိပေ။ ဂရီးဇ်မန်းက “ဂျာမနီနဲ့ပွဲမှာ ပထမပိုင်းက ကျွန်တော်တို့အတွက် အတော်လေးကို ခက်ခဲခဲ့ပါတယ်။ သူတို့ရဲ့နောက်တန်း (၃)ယောက်ထားကစားတဲ့ ကစားဟန်ကို ကျွန်တော်တို့ မယှဉ်နိုင်ခဲ့ပါဘူး။ ကျွန်တော်တို့ တိုင်ပင်ခဲ့ကြပြီး နည်းစနစ် (၂)ခု (၃)ခုလောက် ပြောင်းလဲလိုက်မှပဲ ကျွန်တော်တို့အသင်း တိုးတက်လာခဲ့ပါတယ်။ ပထမပိုင်းအပြီးမှာ အသင်းဖော်ချင်း ဆွေးနွေးပြီး စကားနည်းနည်းပြောခဲ့ကြတယ်။ ဒါက ပြောင်းလဲလိုက်တာပါ။ ကျွန်တော်တို့အသင်းဖော်တွေဟာ တစ်ယောက်ကို တစ်ယောက် ကူညီနိုင်ဖို့အ တွက် အရမ်းကြိုးစားခဲ့ကြလို့ ကမ္ဘာ့ဖလားပြိုင်ပွဲမှာလည်း ချန်ပီယံဖြစ်လာခဲ့တာပါ”ဟု ပွဲအပြီးတွင် ပြောကြားခဲ့သည်။

ယခုတစ်ပတ်ကစားမည့် ချယ်လ်ဆီး – မန်ယူပွဲတွင် မော်ရင်ဟို ပွဲပယ်ပြစ်ဒဏ် ကျခံရမည်မဟုတ်

 

Photo: Daily Express

မန်ယူအသင်းနည်းပြ မော်ရင်ဟိုသည် အင်္ဂလန်ဘောလုံးအဖွဲ့ချုပ်(FA) ၏ စွဲချက်ကို ရင်ဆိုင်နေရသော်လည်း ယခုတစ်ပတ် စနေ နေ့တွင်ကစားမည့် ချယ်လ်ဆီး-မန်ယူ ပရီးမီးယားလိဂ်ပွဲစဉ်၌ ပွဲကြီးကြပ်ခွင့်ဆုံးရှုံးမည် မဟုတ်ကြောင်း သိရှိရသည်။

ပြီးခဲ့သည့် ပရီးမီးယားလိဂ်ပွဲစဉ်(၈) မန်ယူ (၃-၂) နယူးကာဆယ်ပွဲအပြီးတွင် မော်ရင်ဟိုသည် ကွင်းဘေးစည်း၌ ကင်မရာတစ်လုံးကိုကြည့်ကာ ပေါ်တူဂီဘာသာစကားဖြင့် ဆဲဆိုခဲ့သည်ဟု စွပ်စွဲခံခဲ့ရပြီး ယင်းဖြစ်ရပ်ကို FA က စုံစမ်းစစ်ဆေးမှုများပြုလုပ်ခဲ့သည်။

မော်ရင်ဟိုအား လာမည့် အောက်တိုဘာ(၁၉)ရက်နေ့ (သောကြာနေ့) ညနေ(၆)နာရီမတိုင်မီ ယင်းကိစ္စနှင့်ပတ်သက်၍ ဖြေရှင်းစာပေးပို့ရန် FA က တောင်းခံထားကြောင်း သိရှိရသည်။ အကယ်၍ မော်ရင်ဟိုအနေဖြင့် ယင်းကိစ္စကို ဖြေရှင်းမှုမပြုလုပ်ခဲ့လျှင် FA အနေဖြင့် ကြားနာမှု ပြုလုပ်ကာ စစ်ဆေးအရေးယူမည်ဖြစ်သည်။

သို့သော် FA အနေဖြင့် မော်ရင်ဟိုအား စနေနေ့အစောဆုံးပွဲအဖြစ် ကစားမည့် ချယ်လ်ဆီး-မန်ယူပွဲတွင် ပွဲပယ်ပြစ်ဒဏ်ချမှတ်ရန်အတွက် အချိန်လုံလောက်မည်မဟုတ်ကြောင်း သိရှိရသည်။ သို့ဖြစ်ရာ မော်ရင်ဟိုအနေဖြင့် မန်ယူ-နယူးကာဆယ်ပွဲမှဖြစ်ရပ်အတွက် အပြစ်ရှိကြောင်း တွေ့ရှိရသည့်တိုင် ယခုတစ်ပတ်ပွဲစဉ်တွင် ပြစ်ဒဏ်ချမှတ်ခံရမည်မဟုတ်ဘဲ ရှေ့လာမည့်ပွဲစဉ်များမှသာ ပြစ်ဒဏ်ကျခံရလိမ့်မည်ဟု ဗြိတိန်သတင်းစာ Daily Star က ဖော်ပြခဲ့သည်။

တာတိုအပြေးဘုရင်ဘ၀မှ ဘောလုံးလောကသို့ဝင်ရောက်လာသူ ယူစိန်ဘော့နှင့် တွေ့ဆုံခြင်း

 

Photos: Getty Images

မေး ■ အရင်ဦးဆုံး ဒီကလပ်အသင်းမှာကစားရတာ ဘယ်လိုခံစားရသလဲဆိုတာ ပြောပြပေးပါဦး။
ဖြေ ■ သြစတြေးလျကိုလာရတာ တကယ်ကို စိတ်လှုပ်ရှားဖို့ကောင်းပါတယ်။ ပြီးတော့ ကျွန်တော့်ကို အခွင့်အရေးပေးခဲ့တဲ့ အသင်းပိုင်ရှင်နဲ့ ယုံကြည်မှုပေးခဲ့တဲ့ နည်းပြတို့ကိုလည်း ကျေးဇူးတင်ကြောင်း ပြောချင်ပါတယ်။ ပရော်ဖက်ရှင်နယ်ဘောလုံးသမားတစ်ယောက် ဖြစ်လာဖို့က ကျွန်တော့်ရဲ့ အိပ်မက်တစ်ခုပါပဲ။ ဒါက ကျွန်တော့်ဘ၀အတွက် ကြီးမားတဲ့ခြေလှမ်းတစ်ခုဆိုလည်း မမှားပါဘူး။ ဒီအသင်းမှာ အသင်းနည်းပြနဲ့ ပထမဆုံး စကားပြောဖြစ်တော့ သူက အသင်းရဲ့ရည်မှန်းချက်နဲ့ သူ့ရဲ့အစီအစဉ်တွေ၊ ပြီး တော့ သူသွားချင်တဲ့လမ်းကြောင်းကို ပြောပြတယ်။ ဒီအလုပ်က ခက်ခဲကြမ်းတမ်းမယ်ဆိုတာ ကျွန်တော်သိပါတယ်။ ဒါပေမဲ့ ကျွန်တော် ကိုယ်တိုင်လည်း အသင်းကို အကူအညီ တစ်ခုခုပေးနိုင်မယ်လို့ ယုံကြည်မှုရှိခဲ့တယ်လို့ပဲ ပြောရမှာပါ။ ကျွန်တော် အမြဲတမ်းပြောနေကျ စကားတစ်ခုလိုပဲ။ မဖြစ်နိုင်ဘူးဆိုတာ မရှိပါဘူး။ ခင်ဗျားရဲ့ ဘ၀မှာ ကန့် သတ်ချက်တွေနဲ့ ယဉ်ပါးမနေဖို့ပဲ လိုတယ်။ ဒီအတွက်ကြောင့် ကျွန်တော်က စိန်ခေါ်မှုအသစ်တွေအကြောင်းကိုပဲ အမြဲတွေးထားတယ်။

မေး ■ အခုဆိုရင် ခင်ဗျားက စိန်ခေါ်မှုအသစ်တွေနဲ့ အသားကျနေပြီလို့ ပြောလို့ရပြီလား။
ဖြေ ■ အဲလိုပြောဖို့တော့ ခက်ပါသေးတယ်။ နည်းပြက ကျွန်တော့်ကို ဒီထက်ပိုကောင်းအောင် ကစားစေချင်တယ်။ အမှန်တော့ ကျွန်တော့်ခြေစွမ်းက ပထမအသင်းမှာပွဲထွက်ကစားဖို့ မလုံလောက်သေးဘူးလို့ထင်တယ်။ အသင်းမှာ ရှိတဲ့ကစားသမားတွေက ကျွန်တော့်ထက်အတွေ့အကြုံရင့်တယ်၊ ပိုပြီးရင့်ကျက်ကြတယ်။ နည်းပြကတော့ ဘောလုံးကိုပိုပြီး အာရုံစိုက်ဖို့နဲ့ အခွင့်အရေးရလာရင် အမိအရဆုပ်ကိုင်နိုင်ဖို့ သင်ပေးထားပါတယ်။ လက်ရှိမှာ ပြိုင်ပွဲအများကြီး မကစားရသေးတော့ ကိုယ့်ရဲ့ခြေစွမ်းကို ပြောဖို့ခက်ပါတယ်။ ဒါပေမဲ့ သေချာတာက ကျွန်တော် ပိုပြီးတိုးတက်လာဦးမယ်ဆိုတာပါပဲ။

မေး ■ တချို့ဘောလုံးသမားတွေဆိုရင် ခင်ဗျားရဲ့အသက်အရွယ်မှာ အနားယူသွားကြတာမျိုးတွေတောင် ရှိတယ်။ အသက်အရွယ်ကြောင့် အားလျော့သွားတာမျိုးရော မဖြစ်ခဲ့ဘူးလား။
ဖြေ ■ ကျွန်တော်က ရည်မှန်းချက်အများကြီး မထားသလို အကြောင်းအရာအများကြီးကိုလည်း ခေါင်းစားခံပြီး တွေးလေ့မရှိဘူး။ တစ်နေ့ထက်တစ်နေ့ ကိုယ်လုပ်နေတဲ့အလုပ်ကို ဘယ်လို ပိုကောင်းအောင်လုပ်မလဲ ဆိုတာပဲ တွေး ထားတယ်။ တတ်နိုင်သလောက် သင်ယူမယ်။ ဘောလုံးက ကျွန်တော့်ဘ၀အတွက် ဘာမှရေးမထားရသေးတဲ့ စာရွက်လွတ်တစ်ခုလိုပဲ။ ကျွန်တော် ရေးခြစ်နိုင်သမျှ၊ ကျွန်တော်စွမ်းဆောင်နိုင်သမျှ အရာထင်ပါ လိမ့်မယ်။ ကျွန်တော် အဲဒီလိုပဲ မျှော်လင့်ထားတယ်။

မေး ■ အပြေးသမားဘ၀ကို ဘယ်လိုအကြောင်းမျိုးကြောင့် စွန့်လွှတ်ခဲ့တာလဲ။
ဖြေ ■ အပြေးသမားဘ၀ကို စပြီးရွေးချယ်ခဲ့စဉ် အချိန်နဲ့ ရွှေတံဆိပ်ဆုတွေ စရတဲ့အချိန်တွေတုန်းက အဲဒီအားကစားအပေါ် ကျွန်တော် ဘယ်လောက်အထိ ရူးသွပ်သလဲဆိုတာ မေးခွန်းထုတ်နေစရာတောင်မလိုဘူး။ ဒါပေမဲ့ အနားယူခါနီးမှာ ကျွန်တော် အဲဒီလို မခံစားရတော့ဘူး။ အိုလံပစ်ပြိုင်ပွဲကို (၄)ကြိမ်မြောက်သွားပြိုင်ဖို့ ကျွန်တော့်မှာ အရင်လို တက်ကြွမှုမျိုးမရှိတော့ဘူး။ မနက်မိုးလင်းလာရင် ထရိန်နင်ကို မသွားချင်တော့ဘူး။ ဒါနဲ့ပဲ ကိုယ့်ကိုယ်ကိုယ် ပြန်ပြီးမေးခွန်းထုတ်ကြည့်တယ်။ ငါဘာလို့ ဒါတွေကို ဆက်လုပ်နေတာလဲလို့ မေးကြည့်မိတယ်။ အဲဒီမှာ သိလိုက်တာက ကျွန်တော် အနားယူဖို့ လိုပြီဆိုတာပါပဲ။

မေး ■ ခင်ဗျားကိုယ်ခင်ဗျားရော ဘယ်လို လူတစ်ယောက်လို့ သတ်မှတ်ချင်လဲ။
ဖြေ ■ ကျွန်တော်က ဖိအားတွေအောက်မှာ အေးဆေးတည်ငြိမ်စွာ နေချင်တဲ့သူပါ။ ဒါကတစ်ခုပေါ့။ နောက်ပြီး ကျွန်တော်က တစ်ခုခုဆို အလျင်အမြန် နားလည်လွယ်တယ်။ အသားကျလွယ်တယ်။ ဘောလုံးမှာဆိုလည်း ပွဲရဲ့အထာကို ကောင်းကောင်းဖတ်နိုင်တယ်ပြောရမှာပေါ့။

မေး ■ ခင်ဗျားက ပြီးခဲ့တဲ့ပွဲမှာလည်း ဂိုးသွင်းယူနိုင်ခဲ့တယ်ဆိုတော့ အဲဒါက ခင်ဗျားအတွက် ဘယ်လောက်အထိ အကျိုးရှိစေမယ်ထင်လဲ။
ဖြေ ■ သွင်းဂိုးတွေက ကျွန်တ်ာအမြဲတမ်း လိုချင်ခဲ့တဲ့အရာပါ။ အသင်းအတွက် ဂိုးသွင်းနိုင်ခြင်းက မှန်ကန်တဲ့လမ်းကြောင်းတစ်ခုကို လျှောက်နေတယ်ဆိုတဲ့ ယုံကြည်မှုကို ပေးတယ်။ နောက်ပြီး အသင်းကပေးတဲ့ ယုံကြည်မှုနဲ့ ထိုက်တန်တဲ့သူလို့ ကိုယ့်ကိုယ်ကိုယ်ခံစားရစေတယ်။ ဒါတွေက ကျွန်တော့်အတွက် တစ်ကိုယ်ရေစိန်ခေါ်မှုတွေပဲ။ ဒါ တွေကို တတ်နိုင်သလောက် အကောင်းဆုံးကျော်ဖြတ်သွား ဖို့ မျှော်မှန်းထားပါတယ်။

မေး ■ ပရိသတ်တွေကို ဘာပြောချင်သေးလဲ။
ဖြေ ■ ပရိသတ်တွေအနေနဲ့ ကျွန်တော့်ကို ကမ္ဘာ့အမြန်ဆုံး အပြေးသမားတစ်ယောက်လို့ မမြင်စေချင်တော့ဘူး။ ကျွန်တော်က ဘောလုံးသမားတစ်ယောက်ဖြစ်နေပြီ။ အဲဒီ တော့ ဘောလုံးသမားယူစိန်ဘော့အနေနဲ့ပဲ မြင်စေချင်တယ်။ ကျွန်တော် ဘောလုံးလောကထဲကို ၀င်မယ်ဆိုတော့ လူတွေက ကျွန်တော့် အကြောင်းကို အများကြီးပြောခဲ့ကြတယ်။ သူတို့ရဲ့အမြင်တွေ မှားယွင်းကြောင်းကို သက်သေပြနိုင်ဖို့ ကျွန်တော် ကြိုးစား သွားမှာပါ။

 

တင်းနစ်ကမ္ဘာ့အဆင့်သတ်မှတ်ချက် ရာသီကုန်နံပါတ်တစ်နေရာကိုရိုမေးနီးယားတင်းနစ်မယ် ဆီမိုနာဟာလက် ရယူ

 

Photo: WTA Tour

ရိုမေးနီးယားတင်းနစ်မယ် ဆီမိုနာဟာလက်သည် WTA က တရားဝင်ထုတ်ပြန်ခဲ့သည့် တင်းနစ်ကမ္ဘာ့အဆင့်သတ်မှတ်ချက်တွင် ထိပ်ဆုံးနေရာ၌ ဆက်လက်ရပ်တည်ခဲ့ပြီးနောက် ယခုနှစ်၏ရာသီ ကုန်ကမ္ဘာ့အဆင့် တွင်လည်း နံပါတ်တစ်နေရာ၌ ရပ်တည်ရန် သေချာသွားခဲ့သည်။

ဟာလက်မှာ ၂၀၁၈ ခုနှစ်အတွင်း ကမ္ဘာ့နံပါတ်တစ်နေရာ၌ ရက်သတ္တပတ်ပေါင်း (၄၀) တိတိ ရပ်တည်ခဲ့ပြီး ယခုရာသီတွင် ပြိုင်ပွဲ ခြောက်ပွဲတွင် ဗိုလ်လုပွဲတက်ကာ ဆုဖလား သုံးလုံး ရယူနိုင်ခဲ့သည်။

သူ့အနေဖြင့် ပြင်သစ်အိုးပင်းတွင် ပထမဆုံးမေဂျာဖလား ရယူနိုင်ခဲ့ကာ Shenzhen Open၊ Rogers Cup ပြိုင်ပွဲများတွင် အနိုင်ရခဲ့ပြီး ယခုနှစ်အတွင်း (၄၆) ပွဲနိုင်၊ (၁၁) ပွဲရှုံးမှတ်တမ်း ရရှိထားသည်။

“ကြီးမားနက်ရှိုင်းတဲ့ ခံစားမှုပါပဲ။ နှစ်နှစ်ဆက်တိုက် ထိပ်ဆုံးနေရာမှာ ရပ်တည်နိုင်ခဲ့လို့ အလွန် ပျော်ရွှင်မိပါတယ်။ ကျွန်မအတွက် အံ့အားသင့်ဖွယ်နှစ်ပါပဲ။ တင်းနစ်နဲ့ပတ်သက်လာရင် ကျွန်မဘ၀ရဲ့အကောင်းဆုံးနှစ်ပါ။ ဂရင်းစလင်းဖလားတစ်လုံးရတာဟာ အထူးကောင်းမွန်ပြီး ကျွန်မနှလုံးသားမှာ ထာဝရတည်ရှိနေပါလိမ့်မယ်” ဟု ဟာလက်က ပြောကြားခဲ့သည်။

စပိန်နှင့်ပွဲစဉ်တွင် ခြေစွမ်းပြခဲ့သည့် စတာလင်အား ခေါ်ယူရန် ရီးယဲလ်မက်ဒရစ် စိတ်ဝင်စားနေ

 

 

ရီးယဲလ်မက်ဒရစ်အသင်းသည် စပိန်မြေ၌ကစားခဲ့သည့် စပိန် (၂-၃) အင်္ဂလန်တို့၏ Nations League ပွဲစဉ် တွင် အင်္ဂလန်အသင်းအတွက် ခြေစွမ်းပြခဲ့သော မန်စီးတီးအသင်းတောင်ပံကစားသမား စတာလင်အား ခေါ်ယူရန် စ်ိတ်ဝင်စားနေကြောင်း သိရသည်။

စတာလင်သည် ယင်းပွဲစဉ်တွင် အင်္ဂလန်အသင်းအတွက် (၂)ဂိုးသွင်းယူပေးခဲ့ပြီး လက်ရွေးစင်အသင်းအတွက် (၃)နှစ်ကြာ ဂိုးပေါက်ပျောက်ဆုံးနေမှုကို အဆုံးသတ်နိုင်ခဲ့သည်။ ရီးယဲလ်မက်ဒရစ်အသင်းနည်းပြဟောင်း ဇီဒန်းသည် စတာလင်အား လီဗာပူးလ်အသင်းမှ မန်စီးတီးသို့ ပြောင်းရွှေ့ခဲ့သည့် ၂၀၁၅ ခုနှစ်ကတည်းက ခေါ်ယူရန်စိတ်ဝင်စားခဲ့ကြောင်း ၀န်ခံခဲ့ဖူးသည်။

မန်စီးတီးအသင်းတွင် တစ်ပတ်လစာပေါင် (၁၈၀၀၀၀)ရရှိနေသည့် စတာလင်၏လက်ရှိစာချုပ်သက်တမ်းမှာ (၁၈)ခန့်သာ ကျန်ရှိတော့ပြီး စာချုပ်သစ်ချုပ်ဆိုရန် ကြန့်ကြာနေရာ ရီးယဲလ်မက်ဒရစ်၏စိတ်ဝင်စားလာမှုမှာမန်စီးတီး အတွက် ၎င်း၏အနာဂတ်ကိုတစ်ခုခုဆုံးဖြတ်ရမည်အခြေအနေသို့ ရောက်ရှိလာစေသည်။

လက်ရှိအချိန်တွင် စတာလင်၏ဈေးကွက်ပေါက်ကြေးမှာ ပေါင်သန်း (၁၀၀)၀န်းကျင်ရှိနေသော်လည်း ရာသီကုန်ုပါက လက်ရှိပေါက်ကြေး၏တစ်ဝက်ခန့်သာရရှိဖွယ်ရှိနေရာ မန်စီးတီးအသင်းတာဝန်ရှိသူများအနေဖြင့်
စာချုပ်သစ် ချုပ်ဆိုရန် အဆင်မပြေပါက လာမည့်ဇန်န၀ါရီတွင်ပင် ရောင်းထုတ်ရဖွယ်ရှိနေသည်။

စတာလင်သည် ယခုရာသီတွင် အမှတ်ပေးဇယားကိုဦးဆောင်နေသည့် မန်စီးတီးအသင်းအတွက် ပြိုင်ပွဲစုံ(၇)ဂိုးသွင်းယူပေးထားပြီး ပြီးခဲ့သည့်ရာသီကလည်း ပြိုင်ပွဲစုံတွင် (၂၃)ဂိုးသွင်းယူပေးခဲ့သူဖြစ်သည်။

၁၂ နှစ်ကာလအတွင်း ဥရောပထိပ်တိန်းလိဂ် ငါးလိဂ်တွင် အိုဇေးလ် အခွင့်အရေးဖန်တီးမှု အများဆုံးဖြစ်

Photos: AFP,OptaFranz

၂၀၀၆-၀၇ ရာသီမှ စတင်တွက်ချက်သည့် ဥရောပထိပ်တန်းလိဂ် (၅)လိဂ်(ပရီးမီးယားလိဂ်၊ စီးရီးအေ၊ လာလီဂါ၊ ပြင်သစ်လီဂူး၊ ဘွန်ဒစ်လီဂါ) ၏ အခွင့်အရေးဖန်တီးနိုင်မှု (Chance Created) အများဆုံး ကစားသမားစာ ရင်းတွင် အာဆင်နယ်ကွင်းလယ်ဖန်တီးရှင် အိုဇေးလ်က အကြိမ်အရေအတွက်အများဆုံးဖြင့် ထိပ်ဆုံး၌ ရပ်တည်လျက်ရှိသည်။

ရှော်လ်ကေး၊ ၀ါဒါဘရီမင်၊ ရီးယဲလ်မက်ဒရစ်အသင်းများတွင် ကစားခဲ့သည့် အိုဇေးလ်မှာ ထိပ်တန်းလိဂ် (၅)လိဂ်တွင် အခွင့်အရေးဖန်တီးနိုင်မှု အကြိမ်အရေအတွက် (၁၀၃၃) ကြိမ်ဖြင့် အများဆုံးဖြစ်နေသည်။ ဒုတိယနေရာတွင်မူ ၀က်စ်ဟမ်းကစားသမားဟောင်း ပါယက်က အိုဇေးလ်ထက် (၁၇) ကြိမ် လျော့နည်းပြီး အံ့အားသင့်ဖွယ် ရပ်တည်နေခြင်းဖြစ်သည်။

လက်ရှိရာသီတွင် ချယ်လ်ဆီးအသင်း၌ ပုံမှန်နေရာရရန် ရုန်းကန်နေရသည့် စပိန်ကွင်းလယ်ကစားသမား ဖာဘရီဂတ်စ်က တတိယနေရာတွင် ရှိနေကြောင်း သိရသည်။ (၂၁) ရာစု၏ ကမ္ဘာ့အကောင်းဆုံးဘောလုံးသ မားများအဖြစ် ခြွင်းချက်မရှိ သတ်မှတ်ခြင်းခံထားရသူ စီရော်နယ်လ်ဒို၊ မက်ဆီတို့မှာမူ ထိပ်ဆုံး (၁၀) ဦးစာရင်းတွင် ပါဝင်နေသော်လည်း မက်ဆီက အဆင့် (၅)နှင့် စီရော်နယ်လ်ဒိုက အဆင့် (၁၀) နေရာများတွင်သာ ရှိနေခြင်း ဖြစ်သည်။ ယခုစာရင်းတွင် စပိန်ကစားသမား (၃)ဦးအထိ ပါဝင်နေကာ အများဆုံးဖြစ်ပြီး ကျန် (၇) ဦးမှာမူ တစ်နိုင်ငံစီမှ ကစားသမားများဖြစ်ကြောင်း သိရသည်။

လက်ရှိမန်ယူ၏အခြေအနေမှာ မက်ဆီကဲ့သို့ ကစားသမားပင် ရုန်းကန်ရနိုင်သည်ဟု ပေါလ်စခိုးလ်သုံးသပ်

မန်ယူအသင်း၏ကွင်းလယ်လူဟောင်း ပေါလ်စခိုးလ်က လက်ရှိမန်ယူအသင်း၏အခြေအနေမှာ ဘာစီလိုနာအသင်းတိုက်စစ်မှူး မက်ဆီကဲ့သို့ ကစားသမားပင် ခြေစွမ်းပြနိုင်ရန် ရုန်းကန်ရလိမ့်မည်ဟု ထင်မြင်ကြောင်း
သုံးသပ်ပြောကြားခဲ့သည်။

ပေါလ်စခိုးလ်က ပရီးမီးယားလိဂ်တွင် လစာအများဆုံးရရှိနေသည့် ချီလီလက်ရွေးစင်တိုက်စစ်ကစားသမား ဆန်းချက်ဇ်မှာ တစ်ကိုယ်ကောင်းဆန်သူဖြစ်ပြီး ဘယ်လ်ဂျီယံလက်ရွေးစင်တိုက်စစ်မှူး လူကာကူအား အထောင်တိုက်စစ်မှူးအဖြစ် အသုံးပြုနေခြင်းမှာလည်း ပရီးမီးယားလိဂ်ချန်ပီယံဆုအပါအ၀င် ဆုဖလားရရှိရန် ရုန်းကန်ရမည်ဟု ပြောကြားခဲ့သည်။

 

လက်ရှိမန်ယူအသင်း၏အခြေအနေနှင့်ပတ်သက်ပြီး ပေါလ်စခိုးလ်က ” အခုအချိန်မှာ အသင်းကိုလာကစားတဲ့ကစားသမားတိုင်း ရုန်းကန်ရမယ်လို့ထင်ပါတယ်။ ကျွန်တော်တို့အနေနဲ့ မက်ဆီကိုခေါ်ယူခဲ့မယ်ဆိုရင်လည်း ဒီအသင်းမှာ သူရုန်းကန်ရဖို့များပါတယ်။လက်ရှိအသင်းက ကစားသမားတွေဟာ အရည်အသွေးမရှိကြဘူးလို့တော့ မထင်ပါဘူး။ ဒါပေမဲ့ ဒီဘရိုင်းနား၊ ဟာဇက်နဲ့ ဒေးဗစ်ဆေးလ်ဗားတို့အကြောင်းကို ကျွန်တော်ပိုစဉ်းစားမိပါတယ်။ ဆန်းချက်ဇ်ကတော့ တစ်ကိုယ်ကောင်းဆန်တဲ့သူလို့ထင်ပါတယ်။ သူ့လိုကစားသမားမျိုး မလိုအပ်ပါဘူး။ လူကာကူကလည်း ယုံကြည်မှုအားနည်းတဲ့ကစားသမားပါ။ သူ့ကိုတိုက်စစ်မှူးအဖြစ် အသုံးပြုနေတာကြောင့် ဆုဖလားရမလားလို့မေးရင် ကျွန်တော်တော့ ရမယ်မထင်ပါဘူး။ လက်ရှိအခြေအနေကနေ ရုန်းကန်နိုင်ဖို့ မျှော်လင့်မိပါတယ်။ မော်ရင်ဟိုက နည်းပြကောင်းတစ်ဦးပါ။ အခုဖြစ်နေတာက ကစားသမားတွေရဲ့စွမ်းဆောင်ရည်နဲ့ စိတ်ပိုင်းဆိုင်ရာအားနည်းမှုတွေကြောင့်ပါ ” ဟု ပြောကြားခဲ့သည်။

 

ပေါလ်စခိုးလ်သည် မန်ယူအသင်းတွင် အနာဂတ်မရေမရာဖြစ်နေသည့် ပြင်သစ်ကွင်းလယ်လူ ပေါ့ဘာ၏ခြေစွမ်းကိုလည်း ပြင်းပြင်းထန်ထန်ဝေဖန်ခဲ့ပြီး ခေါ်ယူတွေ့ဆုံမှုများပြုလုပ်သွားမည်ဟု ပြောကြားခဲ့သည်။
မန်ယူအသင်းသည် ယခုရာသီတွင် ပရီးမီးယားလိဂ်(၈)ပွဲကစားပြီးချိန်၌ (၄)ပွဲသာအနိုင်ရခဲ့ပြီး ထိပ်ဆုံးမှ မန်စီးတီး၊ ချယ်လ်ဆီး၊ လီဗာပူးလ်တို့နှင့် (၇)မှတ်ကွာဟလျက်ရှိကြောင်း သိရသည်။