<

ရပ်/ကျေးအုပ်ချုပ်ရေးမှူးများ ရွေးချယ်ရာတွင် မဲပေးခွင့်ရှိသော နိုင်ငံသားအားလုံးက တိုက်ရိုက်ရွေးချယ်တင်မြှောက်သည့် ရွေးချယ်ပွဲစနစ်သို့ပြဋ္ဌာန်းပေးရန် POPP တိုက်တွန်း

ရပ်/ကျေးအုပ်ချုပ်ရေးမှူးများ ရွေးချယ်ရာတွင် မဲပေးခွင့်ရှိသော နိုင်ငံသားအားလုံးမှ တိုက်ရိုက်ရွေးချယ်တင်မြောက်သည့် ရွေးချယ်ပွဲစနစ်သို့ ပြဋ္ဌာန်းပေးရန်အပါအ၀င် အကြောင်းအရာအချို့ကို ရပ်/ကျေးအုပ်ချုပ်ရေးမှူးများ ရွေးချယ်ပွဲကို စောင့်ကြည့်မှုများ ပြုလုပ်ခဲ့သည် သင့်မြတ်သူများ၏ ငြိမ်းချမ်းရေးလမ်းစဉ်အဖွဲ့ POPP က အကြံပြုတိုက်တွန်းသည်။

ပြည်ထောင်စုလွှတ်တော်၊ ပြည်ထဲရေးဝန်ကြီးဌာန၊ အထွေထွေအုပ်ချုပ်ရေးဦးစီးဌာနအပါအ၀င် သက်ဆိုင်ရာအဖွဲ့အစည်းများသို့ အကြံပြုတိုက်တွန်းခဲ့ခြင်းဖြစ်သည်။

POPP ၏အကြံပြုတိုက်တွန်းချက်များ တွင်ရပ်ကွက် (သို့မဟုတ်) ကျေးရွာအုပ်စုအုပ်ချုပ်ရေးမှူး ရွေးချယ်ပွဲများသည် ဒေသန္တရအဆင့် အဓိကကျသော ဒီမိုကရေစီရွေးကောက်ပွဲဖြစ်သည့်အတွက် အုပ်ချုပ်ရေးမှူးကို ရွေးချယ်ရာတွင် မဲပေးခွင့်ရှိသော နိုင်ငံသားအားလုံးက တိုက်ရိုက်ရွေးချယ်တင်မြှောက်သော ရွေးချယ်ပွဲစနစ်သို့ ပြဋ္ဌာန်းပေးရန်၊ ရပ်/ကျေးအုပ်ချုပ်ရေးမှူးများ၏ သက်တမ်းသည် သမ္မတသက်တမ်းနှင့်အညီဖြစ်သည့်အတွက် ရပ်/ ကျေးအုပ်ချုပ်ရေးမှူး ရွေးချယ်ပွဲများ ကျင်းပသည့်အချိန်စာရင်းကိုလည်း သမ္မတသက်တမ်း ကုန်ဆုံးပြီးသည်နှင့် တစ်ပြိုင်နက် တိကျသောနေ့ရက်ကို သတ်မှတ်ပြဋ္ဌာန်းထားပေးသင့်ကြောင်း၊ ရပ်/ကျေးအုပ်စုအုပ်ချုပ်ရေး ရွေးချယ်ပွဲများတွင် ပြည်သူလူထု၏ပါဝင်မှုသည် ဒေသန္တရဒီမိုကရေစီ အားကောင်းလာရေးအတွက် အရေးကြီးသဖြင့် ကြီးကြပ်ရေးအဖွဲ့များအနေဖြင့် မဲဆန္ဒရှင်စာရင်းပြုစုခြင်း၊ မဲစာရင်းကြေညာခြင်း၊ မဲရုံစာရင်းပြုစုခြင်း၊ မဲဆန္ဒရှင် အသိပညာပေးလုပ်ငန်း၊ မဲဆွယ်စည်းရုံးရေး လုပ်ငန်းစဉ်၊ ရွေးချယ်ပွဲများ ကျင်းပခြင်းလုပ်ငန်းစဉ်တို့နှင့် ပတ်သက်၍ ပြည်သူလူထုသိရှိစေရန် ရွေးချယ်ပွဲဆိုင်ရာ အချိန်ဇယားနှင့် သတင်းအချက်အလက်များကို ရွေးချယ်ပွဲမကျင်းပမီ (ဥပဒေအရသတ်မှတ်ထားသည့်နေ့ရက်) အနည်းဆုံးသုံးလမှ ခြောက်လအတွင်း ကြိုတင်ကြေညာသင့်ကြောင်း စသည်တို့အပြင် အခြားအချက်များလည်း ပါဝင်သည်။

“ရွေးချယ်ရေးလမ်းစဉ်တစ်ခုလုံးမှာ အိမ်ထောင်စုကိုယ်စားလှယ်ကပဲ မဲပေးရတယ်။ တစ်အိမ်တစ်ယောက်ပဲ မဲပေးခွင့်ရှိတဲ့အခါကျတော့ ၁၈ နှစ်ပြည့်သူတိုင်း မဲပေးခွင့်မရှိဘူး။ ဒီမိုကရေစီကိုသွားနေတဲ့ အချိန်အတွင်းမှာရှိလာတဲ့ ဥပဒေမူဘောင်တွေဟာ နိုင်ငံသားတွေ ပူးပေါင်းပါဝင်နိုင်တဲ့ နည်းစဉ်တွေဖြစ်စေချင်တယ်။ ပြည်သူနဲ့ တိုက်ရိုက်ထိတွေ့ရမယ့် ဥပဒေမူဘောင်တွေကို ရေးဆွဲတဲ့အချိန်မှာ ပြည်သူနဲ့ ပူးပေါင်းပါဝင်တာမျိုး ရေးဆွဲတာဖြစ်စေချင်တယ်။ တစ်ဆက်တည်းမှာပဲ ဥပဒေတွေရေးဆွဲတဲ့အခါမှာ သူနဲ့လိုက်လျောညီထွေတဲ့ နည်းဥပဒေတွေကို တစ်ခါတည်းပဲ ပူးပေါင်းပါဝင်စေချင်ပါတယ်” ကို POPP အဖွဲ့မှ ကိုမင်းသူရက ပြောကြားသည်။

April 7, 2018














Copy Protected by Chetan's WP-Copyprotect.