w နိုင်ငံတော်သမ္မတ ဦးဝင်းမြင့်၏ မဲဆန္ဒနယ်အပါအ၀င် လွှတ်တော်ကိုယ်စားလှယ် လစ်လပ်သည့်မဲဆန္ဒနယ် ၁၂ နေရာအထိ ရှိလာ - Eleven Media Group <

နိုင်ငံတော်သမ္မတ ဦးဝင်းမြင့်၏ မဲဆန္ဒနယ်အပါအ၀င် လွှတ်တော်ကိုယ်စားလှယ် လစ်လပ်သည့်မဲဆန္ဒနယ် ၁၂ နေရာအထိ ရှိလာ

၂၀၁၇ ခုနှစ် ကြားဖြတ်ရွေးကောက်ပွဲ၌ ရန်ကုန်တိုင်းဒေသကြီး ကော့မှူးမြို့နယ်တွင် ဆန္ဒမဲပေးနေသူတစ်ဦးအား တွေ့ရစဉ် (ဓာတ်ပုံ-မျိုးမင်းထက်)

၂၀၁၈ ခုနှစ်အတွင်း ကြားဖြတ်ရွေးကောက်ပွဲတစ်ရပ် ကျင်းပမည်ဖြစ်ပြီး နိုင်ငံတော်သမ္မတ ဦးဝင်းမြင့် ရွေးကောက်ခံခဲ့ရသည့် မဲဆန္ဒနယ်အပါအ၀င် လွှတ်တော်ကိုယ်စားလှယ် လစ်လပ်သည့် မဲဆန္ဒနယ် ၁၂ နေရာအထိ ရှိပြီဖြစ်ကြောင်း သိရသည်။

ရန်ကုန်တိုင်းဒေသကြီး၊ တာမွေမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးဝင်းမြင့်သည် ယခုအခါ နိုင်ငံတော်သမ္မတသစ်အဖြစ် စတင်တာဝန်ထမ်းဆောင်နေသောကြောင့် ၂၀၀၈ ဖွဲ့စည်းပုံအခြေခံဥပဒေအရ လွှတ်တော်ကိုယ်စားလှယ်အဖြစ် အလိုအလျောက်နုတ်ထွက်ပြီးဖြစ်သည်။

အဆိုပါ တာမွေမဲဆန္ဒနယ်နှင့်ပတ်သက်၍ ၂၀၁၈ ခုနှစ်အတွင်းကျင်းပမည့် ကြားဖြတ်ရွေးကောက်ပွဲတွင် ပါဝင်ခြင်းရှိ၊ မရှိမေးမြန်းရာတွင် ပြည်ထောင်စုရွေးကာက်ပွဲကော်မရှင်အဖွဲ့ဝင် ဦးအောင်မြင့်က “လုပ်ရမှာပေါ့။ မီနေတာပဲ” ဟု The Daily Eleven သတင်းစာကို ပြန်လည်ဖြေကြားသည်။

ပြည်သူ့လွှတ်တော်၌ ချင်းပြည်နယ် ကန်ပက်လက်မဲဆန္ဒနယ်၊ ရှမ်းပြည်နယ် လဲချားမဲဆန္ဒနယ်နှင့် အမျိုးသားလွှတ်တော်၌ ကချင်ပြည်နယ် မဲဆန္ဒနယ်အမှတ် (၂) တို့တွင် လွှတ်တော်ကိုယ်စားလှယ် လစ်လပ်လျက်ရှိသည်။

ထို့ပြင် ပြည်နယ်လွှတ်တော်၌ ချင်းပြည်နယ် မတူပီမဲဆန္ဒနယ် အမှတ် (၁)၊ ရခိုင်ပြည်နယ် ရသေ့တောင်မဲဆန္ဒနယ် အမှတ် (၂)၊ တိုင်းဒေသကြီးလွှတ်တော်တွင် စစ်ကိုင်းတိုင်းဒေသကြီး တမူးမဲဆန္ဒနယ်အမှတ် (၂)၊ ပဲခူးတိုင်းဒေသကြီး အုတ်တွင်းမဲဆန္ဒနယ် အမှတ် (၁)၊ မကွေးတိုင်းဒေသကြီး မင်းဘူးမဲဆန္ဒနယ် အမှတ် (၂)၊ မန္တလေးတိုင်းဒေသကြီး သပိတ်ကျင်းမဲဆန္ဒနယ်အမှတ် (၁) နှင့် မန္တလေးတိုင်းဒေသကြီး ရှမ်းတိုင်းရင်းသားလူမျိုး မဲဆန္ဒနယ်တို့မှာ လွှတ်တော်ကိုယ်စားလှယ် လစ်လပ်နေကြောင်း သိရသည်။

ထို့ပြင် မြင်းခြံမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးပေါခင်သည် မတ် ၃၁ ရက်တွင် ကွယ်လွန်သွားသောကြောင့် ၎င်းနေရာသည်လည်း လစ်လပ်လျက်ရှိသည်။

၂၀၁၈ ခုနှစ်ကြားဖြတ်ရွေးကောက်ပွဲ မဲစာရင်းကြေညာရာတွင် အိမ်ထောင်စုအလိုက် မဲစာရင်းထုတ်ပြန်မည်ဖြစ်ပြီး မဲစာရင်းပြုစုရာတွင် တစ်အိမ်တက်တစ်အိမ်ဆင်း (Door to Door) ကောက်ယူမည်မဟုတ်ကြောင်း ကော်မရှင်အဖွဲ့ဝင် ဦးအောင်မြင့်က ပြောကြားထားသည်။

မဲစာရင်းကို မှန်ကန်ပြည့်စုံစွာ ဆောင်ရွက်ရန်လိုကြောင်း၊ မဲစာရင်းမှန်ကန်ပြည့်စုံရေးအတွက် သက်ဆိုင်ရာတိုင်းဒေသကြီး၊ ပြည်နယ်၊ ခရိုင်၊ မြို့နယ်ရွေးကောက်ပွဲကော်မရှင်အဖွဲ့ခွဲအဆင့်ဆင့်မှ တာဝန်ရှိသူများအနေဖြင့် ကြိုးစားလုပ်ဆောင်ကြရန်နှင့် အဆင့်ဆင့် ကြီးကြပ်ဆောင်ရွက်ကြရန်လိုကြောင်း၊ မဲစာရင်းအချိန်မီ ပြီးစီရန်လည်းလိုအပ်ကြောင်း၊ ယခု ၂၀၁၈ ခုနှစ် ကြားဖြတ်ရွေးကောက်ပွဲအတွက် မဲစာရင်းပြုစုခြင်းသည် ၂၀၂၀ ပြည့်နှစ် အထွေထွေရွေးကောက်ပွဲ မဲစာရင်းအတွက် စမ်းသပ်ဆောင်ရွက်ခြင်းဖြစ်ကြောင်း ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးလှသိန်းက ဖေဖော်ဝါရီ ၂၁ ရက်ကကျင်းပသည့် မဲစာရင်းပြုစုခြင်းဆိုင်ရာ သင်တန်းဆင်း သင်တန်းသားများအား တွေ့ဆုံရာတွင် ပြောကြားခဲ့ကြောင်း ကော်မရှင်က သတင်းထုတ်ပြန်ထားသည်။

လက်ရှိတွင် လွှတ်တော်ကိုယ်စားလှယ် လစ်လပ်နေသည့် မဲဆန္ဒနယ် စုစုပေါင်း (၁၂) နေရာအထိရှိပြီး ကြားဖြတ်ရွေးကောက်ပွဲ ကျင်းပမည့်ရက်ကို ပြည်ထောင်စုရွေးကောက်ပွဲကော်မရှင်က ထုတ်ပြန်ခြင်းမရှိသေးပေ။

၂၀၁၇ ခုနှစ် ဧပြီ ၁ ရက်က ကြားဖြတ်ရွေးကောက်ပွဲတစ်ရပ်ကျင်းပခဲ့ပြီး လစ်လပ်မဲဆန္ဒနယ် ၁၉ နေရာအတွက် ကျင်းပခဲ့ခြင်းဖြစ်သည်။ ယင်းလစ်လပ်မဲဆန္ဒနယ် ၁၉ နေရာအတွက် အမည်စာရင်းတင်သွင်းရာတွင် NLD ပါတီကိုယ်စားပြု ပြည်နယ်လွှတ်တော် ကိုယ်စားလှယ်လောင်းတစ်ဦး သတ်မှတ်ရက်မတိုင်မီ အမည်စာရင်း တင်သွင်းနိုင်ခြင်းမရှိခဲ့သည့်အတွက် NLD ပါတီအနေဖြင့် ၁၈ နေရာသာ ၀င်ရောက်ယှဉ်ပြိုင်ခဲ့ရသည်။

အဆိုပါ လစ်လပ်မဲဆန္ဒနယ် ၁၉ နေရာအတွက် ၀င်ရောက်ယှဉ်ပြိုင်သည့် တစ်သီးပုဂ္ဂလ ကိုယ်စားလှယ်လောင်းခုနှစ်ဦး အပါအ၀င် နိုင်ငံရေးပါတီ ၂၄ ခုမှ လွှတ်တော်ကိုယ်စားလှယ်လောင်း စုစုပေါင်း ၉၅ ဦး ၀င်ရောက်ယှဉ်ပြိုင်ရန် စာရင်းပေးခဲ့ပြီး မဲဆွယ်စည်းရုံးရေးကာလ၌ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ပြည်နယ်လွှတ်တော် ကိုယ်စားလှယ်လောင်းတစ်ဦး ရုတ်တရက်ကွယ်လွန်ခဲ့သည့်အတွက် လွှတ်တော်ကိုယ်စားလှယ်လောင်း ၉၄ ဦး ၀င်ရောက်ယှဉ်ပြိုင်ခဲ့သည်။

၂၀၁၇ ခုနှစ် ကြားဖြတ်ရွေးကောက်ပွဲတွင် NLD ပါတီသည် ပြည်သူ့လွှတ်တော် လစ်လပ်မဲဆန္ဒနယ် ကိုးနေရာအနက် ငါးနေရာ၊ အမျိုးသားလွှတ်တော် လစ်လပ်မဲဆန္ဒနယ် သုံးနေရာအပြည့်၊ ပြည်နယ်လွှတ်တော်မဲဆန္ဒနယ် ခုနစ်နေရာအနက် တစ်နေရာ စုစုပေါင်းကိုးနေရာ အနိုင်ရရှိခဲ့သည်။

ထို့နောက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အနိုင်ရရှိခဲ့သည့် ရှမ်းပြည်နယ် ကျိုင်းတုံပြည်နယ်လွှတ်တော် မဲဆန္ဒနယ်တစ်နေရာအား NLD ပါတီက ကန့်ကွက်လွှာတင်သွင်းခဲ့သဖြင့် ပြည်ထောင်စုရွေးကောက်ပွဲကော်မရှင်က NLD ပါတီအား အနိုင်ပေးခဲ့သောကြောင့် ၂၀၁၇ ကြားဖြတ်ရွေးကောက်ပွဲတွင် NLD ပါတီသည် စုစုပေါင်း ၁၀ နေရာ အနိုင်ရရှိခဲ့သည်။

ကျန်မဲဆန္ဒနယ်များဖြစ်သည့် ရခိုင်ပြည်နယ်၌ ပြည်သူ့လွှတ်တော် အမ်းမဲဆန္ဒနယ်နေရာတွင် ရခိုင်အမျိုးသားပါတီ၊ မွန်ပြည်နယ်၌ ပြည်သူ့လွှတ်တော် ချောင်းဆုံမဲဆန္ဒနယ်နေရာတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးပါတီ၊ ကျေးသီးနှင့် မိုင်းရှူးမြို့နယ် နှစ်ခုရှိ မဲဆန္ဒနယ် ခြောက်နေရာစလုံးတွင် ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD) စသည်ဖြင့် သက်ဆိုင်ရာပါတီအသီးသီး ကိုယ်စားပြုလွှတ်တော်ကိုယ်စားလှယ်များက အနိုင်ရရှိခဲ့သည်။

March 31, 2018














Copy Protected by Chetan's WP-Copyprotect.