စိုက်ပျိုးရေးကဏ္ဍ၌ သီးနှံအာမခံလုပ်ငန်းမှာ အခြားလုပ်ငန်းများနှင့် နှိုင်းယှဉ်ပါက နောက်ကျကျန်နေသည့် လုပ်ငန်းတစ်ခုဖြစ်ပြီး သီးနှံအာမခံစနစ်ကို တည်ထောင်နိုင်ပါက စိုက်ပျိုးရေးကဏ္ဍဖွံ့ဖြိုးရေးနှင့် ဆင်းရဲမွဲတေမှုလျှော့ချရေးတို့ကို အထောက်အပံ့ဖြစ်စေနိုင်ကြောင်း လွှတ်တော်

စိုက်ပျိုးရေးကဏ္ဍ၌ သီးနှံအာမခံလုပ်ငန်းမှာ အခြားလုပ်ငန်းများနှင့်နှိုင်းယှဉ်ပါက နောက်ကျကျန်နေသည့် လုပ်ငန်းတစ်ခုဖြစ်ပြီး သီးနှံအာမခံစနစ်ကို တည်ထောင်နိုင်ပါက စိုက်ပျိုးရေးကဏ္ဍဖွံ့ဖြိုးရေးနှင့် ဆင်းရဲမွဲတေမှု လျှော့ချရေးတို့ကို အထောက်အပံ့ဖြစ်စေနိုင်ကြောင်း ပင်လည်ဘူးမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးမင်းနောင်က ဆွေးနွေးပြောကြားသည်။

နေပြည်တော်တွင် ဇွန် ၁၉ ရက်က ကျင်းပသည့် ပြည်သူ့လွှတ်တော် အစည်းအဝေး၌ လယ်ဝေးမဲဆန္ဒနယ်မှ ကိုယ်စားလှယ် ဦးမျိုးဇော်ဦး တင်သွင်းထားသည့် “နိုင်ငံတစ်ဝန်း သဘာဝဘေးအန္တရာယ်များနှင့် အင်းဆက်ပိုးမွှားများကြောင့် နစ်နာဆုံးရှုံးနေကြသော တောင်သူလယ်သမားများ၏ အကျိုးစီးပွားအတွက် အာမခံချက်ရှိစေမည့် သီးနှံအာမခံလုပ်ငန်းများကို ဆောလျင်စွာ အကောင်အထည်ဖော်ဆောင်ပေးရေး ပြည်ထောင်စုအစိုးရအား တိုက်တွန်းကြောင်းအဆို” အပေါ် ကိုယ်စားလှယ်များက ဆွေးနွေးခဲ့ခြင်းဖြစ်သည်။

အဆိုအပေါ် ပင်လည်ဘူးမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးမင်းနောင်က နိုင်ငံလူဦးရေ၏ ရာခိုင်နှုန်း ၇၀ သည် လယ်ယာစိုက်ပျိုးရေးလုပ်ငန်းများတွင် လုပ်ကိုင်အသက်မွေးသူများဖြစ်သည့်အတွက် စိုက်ပျိုးရေးကဏ္ဍ ဖွံ့ဖြိုးတိုးတက်ရေးသည် မြန်မာနိုင်ငံ ဖွံ့ဖြိုးတိုးတက်ရေးအတွက် အထူးအရေးကြီးကြောင်း၊ သီးနှံအာမခံစနစ်ကို တည်ထောင်နိုင်ပါက စိုက်ပျိုးရေးကဏ္ဍ ဖွံ့ဖြိုးတိုးတက်ရေးနှင့် ဆင်းရဲမွဲတေမှု လျှော့ချရေးတို့ကို များစွာအထောက်အပံ့ဖြစ်စေမည်ဖြစ်ကြောင်း ဆွေးနွေးပြောကြားသည်။

“အဲဒီလို သီးနှံအာမခံထားခြင်းလုပ်ငန်း ပေါ်ပေါက်လာတဲ့အခါ တောင်သူတွေကလည်း မိမိတို့စိုက်ပျိုးထားတဲ့ သီးနှံဧကအလိုက် အာမခံကြေး တင်ထားကြမယ်ဆိုရင် သဘာဝဘေးတွေကြောင့် သီးနှံပျက်စီးဆုံးရှုံးတာနဲ့ တစ်ပြိုင်နက် အာမခံငွေကြေးကို အချိန်နဲ့တစ်ပြေးညီ ပြန်လည်ရရှိကြမှာ ဖြစ်ပါတယ်။ ထို့အတူ တောင်သူများရဲ့ သီးနှံအာမခံထားရှိတဲ့ငွေကြေးဟာ တိုင်းပြည်အတွက် အကျိုးဖြစ်ထွန်းစေမှာဖြစ်သလို တောင်သူတွေအတွက်လည်း ငွေကြေးအခက်အခဲကို ကူညီဖြေရှင်းပေးရာ ရောက်နိုင်မှာဖြစ်ပါတယ်။ အဲဒီအခါမှာ သွင်းအားစုများ ပိုမိုသုံးစွဲနိုင်ကာ သီးနှံထုတ်လုပ်မှုအတွက် ပိုမိုအကျိုးရှိလာမှာ ဖြစ်ပါတယ်” ဟု ဦးမင်းနောင်က ဆွေးနွေးတင်ပြသည်။

ထို့အတူ မြန်မာနိုင်ငံတွင် သီးနှံအာမခံစနစ် ပေါ်ပေါက်ရေးအတွက် ရှေ့ပြေးစီမံကိန်းအဖြစ် ဓနုဖြူ၊ ရွှေဘို၊ ပြည်နှင့် ရွှေတောင်မြို့များတွင် စမ်းသပ်လုပ်ကိုင်နေကြောင်းကိုလည်း တွေ့ရှိရကြောင်း၊ မြန်မာနိုင်ငံရှိ စိုက်ပျိုးရေးကဏ္ဍ၌ သီးနှံအာမခံထားရှိခြင်းသည် အခြားလုပ်ငန်းများနှင့် နှိုင်းယှဉ်ပါက နောက်ကျကျန်နေသော လုပ်ငန်းတစ်ခုဖြစ်နေသည်ကို တွေ့ရှိရကြောင်း၊ အိမ်နီးချင်းနိုင်ငံများဖြစ်သည့် ထိုင်း၊ ဖိလစ်ပိုင်၊ ဗီယက်နမ်၊ တရုတ်၊ အိန္ဒိယ စသည့်နိုင်ငံများတွင်လည်း နည်းစနစ်အမျိုးမျိုးဖြင့် သီးနှံအာမခံလုပ်ငန်း အောင်မြင်စွာ လုပ်ကိုင်နေသည်ကို သိရှိရကြောင်း၊ သီးနှံအာမခံလုပ်ငန်းများကို လေ့လာရာတွင် အစိုးရသီးနှံအာမခံလုပ်ငန်း၊ ပုဂ္ဂလိကသီးနှံအာမခံလုပ်ငန်း၊ အစိုးရနှင့် ပုဂ္ဂလိကသီးနှံအာမခံလုပ်ငန်း စသည်ဖြင့် အမျိုးမျိုးရှိကြောင်း၊ သီးနှံအာမခံလုပ်ငန်း အသီးသီးသည် အားနည်းချက်၊ အားသာချက်များရှိနိုင်ပြီး ကိုယ့်နိုင်ငံနှင့် ကိုက်ညီမည့်စနစ်ကို ရွေးချယ်ရန်လိုအပ်ကြောင်း ဦးမင်းနောင်ကဆိုသည်။

ထို့ပြင် ကိုယ်စားလှယ် ဦးမင်းနောင်က “ဒါပေမဲ့ သီးနှံအာမခံလုပ်ငန်းဆိုတာ တောင်သူများက သီးနှံအတွက် ကြိုတင်ပြီး သီးနှံအာမခံကြေး ပေးသွင်းရတဲ့အတွက် သီးနှံအာမခံကြေး ပေးသွင်းခြင်းတာဝန်ကို တောင်သူများအနေနဲ့ အခက်အခဲတစ်ခုအဖြစ် ရှုမြင်လာနိုင်ပါတယ်။ ဒါကြောင့်မို့လို့ သီးနှံအာမခံထားရှိခြင်းဖြင့် ရရှိလာမယ့် အကျိုးကျေးဇူးများကို တောင်သူများ ပိုမိုလက်ခံသဘောပေါက်လာစေရန် အသိပညာပေးလုပ်ငန်းများကို နည်းလမ်းပေါင်းစုံဖြင့် ကျယ်ကျယ်ပြန့်ပြန့် ဆောင်ရွက်ပေးရန် လိုအပ်လှပါတယ်” ဟုပြောကြားသည်။

မြန်မာ့လယ်ယာကဏ္ဍကို ပြည်တွင်းပြည်ပ ရင်းနှီးမြှုပ်နှံမှုများ ၀င်ရောက်လာရန်နှင့် တောင်သူလယ်သမားများအတွက် သဘာဝဘေးနှင့် အင်းဆက်ပိုးမွှားများဘေးကြောင့် ဆုံးရှုံးနစ်နာမှုများကို အာမခံချက်ရှိစေမည့် သီးနှံအာမခံစနစ်ကို ဖော်ဆောင်နိုင်ရန်အတွက် ယခုအဆိုကိုအတည်ပြုပြီး အဆိုရှင်တိုက်တွန်းသလို ဆောလျင်စွာအကောင်အထည်ဖော် ဆောင်ရွက်ရန်ဆိုသည်မှာ မသင့်ကြောင်းနှင့် ဆောလျင်စွာ ဆောင်ရွက်မည်ဆိုပါက တောင်သူလယ်သမားများအတွက် နစ်နာဆုံးရှုံးမှုများ ကြုံတွေ့လာနိုင်ကြောင်း၊ ခိုင်မာသည့် သီးနှံအာမခံဥပဒေ၊ နည်းဥပဒေတို့ကိုရေးဆွဲပြီး တောင်သူလယ်သမားများသိရှိနိုင်ရန် ကျယ်ကျယ်ပြန့်ပြန့် အသိပေးပြီးမှသာ အချိန်ယူဆောင်ရွက်ပေးသင့်ကြောင်း ကျောင်းကုန်းမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသိန်းထွန်းက ဆွေးနွေးအကြံပြုသည်။

၎င်းအဆိုနှင့်ပတ်သက်၍ ပြည်သူ့လွှတ်တော် ကိုယ်စားလှယ်ရှစ်ဦးက ဆွေးနွေးရန် အမည်စာရင်း တင်သွင်းထားပြီး ဇွန် ၁၉ ရက်ကကျင်းပသည့် အစည်းအဝေး၌ ကိုယ်စားလှယ်သုံးဦးသာ ဆွေးနွေးခဲ့ပြီး အစည်းအဝေးကို ရပ်နားခဲ့သည်။

Writer: 
ငြိမ်းဇော်လင်း၊ မျိုးမင်းထက်