တစ်နိုင်ငံလုံးရှိ ဘတ်ဂျက်ကို မဖတ်နိုင်လျှင်သော်မှ ကိုယ့်မဲဆန္ဒနယ်၊ ကိုယ့်တိုင်းနှင့် ပတ်သက်သည့် ဘတ်ဂျက်အား ကိုယ်စားလှယ်များအနေဖြင့် သေချာကြည့်စေလိုကြောင်း ပြည်သူ့လွှတ်တော်ဥက္ကဋ္ဌ ပြောကြား

တစ်နိုင်ငံလုံးရှိ ဘတ်ဂျက်ကို မဖတ်နိုင်လျှင်သော်မှ ကိုယ့်မဲဆန္ဒနယ်၊ ကိုယ့်တိုင်းနှင့် ပတ်သက်သည့် ဘတ်ဂျက်ကို ကိုယ်စားလှယ်များအနေဖြင့် သေချာကြည့်စေလိုကြောင်း ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောကြားသည်။

လွှတ်တော်ဥက္ကဋ္ဌဦးဝင်းမြင့်က နေပြည်တော်တွင် မေ ၁၉ ရက်က ကျင်းပသည့် ပြည်သူ့လွှတ်တော် အစည်းအဝေး၌ ကျောက်ကြီးမဲဆန္ဒနယ်မှ ကိုယ်စားလှယ် ဦးမြင့်ငွေ၏ “ကျောက်ကြီးမြို့နယ် ပဲခူးရပ် အခြေခံပညာ အထက်တန်းကျောင်း (ခွဲ) ဘုရင့်နောင်တစ်ထပ် ကျောင်းဆောင်အား ဖျက်သိမ်းခွင့်ပြုပြီး ၂၀၁၇-၂၀၁၈ ပညာသင်နှစ်တွင် ပေ ၃၀ ပေ ၉၀ နှစ်ထပ် ကျောင်းဆောင်ဆောက်လုပ်ပေးရန် အစီအစဉ်ရှိ၊ မရှိ” မေးခွန်းနှင့်ပတ်သက်၍ ပညာရေးဝန်ကြီးဌာန၏ ဖြေကြားမှုအပြီးတွင် အထက်ပါကဲ့သို့ ထည့်သွင်းပြောကြားသည်။

“ဒီနေရာမှာ အလျဉ်းသင့်လို့ ကျွန်တော်တို့ လွှတ်တော်ကိုယ်စားလှယ်များကို တင်ပြချင်တာ ရှိပါတယ်။ ဘာလဲဆိုတော့ ပညာရေးဝန်ကြီးပြောတယ်။ ခွင့်ပြုတဲ့ ရန်ပုံငွေပေါ့နော်။ ဒါဟာပါမှာဆိုတာ ကျွန်တော်တို့က ဘတ်ဂျက်ရာသီချတဲ့အခါမှာ အဲဒီတစ်နိုင်ငံလုံးက ကျွန်တော်တို့က စာအုပ်က အထပ်ကြီးလိုက် ပေးရတာကို တစ်တောင်ကျော်ကျော်လောက် ရှိတာဆိုတော့ တစ်နိုင်ငံလုံးက ဘတ်ဂျက်ကို မဖတ်နိုင်ရင်တောင်မှ ကိုယ့်မဲဆန္ဒနယ်နဲ့ ပတ်သက်တဲ့ ကိုယ့်တိုင်းကိုယ့်မြို့နယ်နဲ့ ပတ်သက်တဲ့ ဘတ်ဂျက်ကိုတော့ ကျွန်တော်တို့ကိုယ်စားလှယ်တွေက သေချာကြည့်စေချင်တယ်။ ဒါအရေးကြီးတယ်။ ဒါကို အခုန ပညာရေးဝန်ကြီးဌာနကလည်း မပါတော့ မလုပ်ပေးနိုင်တာ စိတ်မကောင်းစွာနဲ့ ပြောသွားတယ်”ဟု ဦးဝင်းမြင့်က ပြောကြားသည်။

ဆက်လက်ပြီး ဦးဝင်းမြင့်က “ထို့အတူပဲ ဒါ လွှတ်တော်နားတဲ့ ရက်ကလေးမှာ ဘတ်ဂျက်ချပြီးမှ လွှတ်တော်နားတဲ့ ရက်ကလေးမှာ ဖြစ်လာတဲ့ ကိစ္စလေးတွေ ကျွန်တော့်ဆီရောက်တယ်။ ဘာလဲတချို့က ဒီလမ်းက ပါသွားတယ်။ ဒီလမ်းကမြို့နယ်အတွက် ရွာအတွက် အကျိုးမရှိဘူး။ ဒီလမ်းက အကျိုးရှိတယ်။ ဒီလမ်းပဲ လုပ်ချင်တယ်။ ဒီဘတ်ဂျက်ကို ဒီလမ်းလုပ်ချင်လို့မရဘူး။ အစက အဲလိုဆိုရင် ကိုယ့်မဲဆန္ဒနယ်မှာရှိတဲ့ တာဝန်ရှိတဲ့ ကိုယ့်ကိုယ်စားလှယ်တွေက ကိုယ့်မြို့နယ် ကိုယ့်တိုင်းမှာပါတဲ့ ဘတ်ဂျက်ကို သေချာကြည့်ဖို့လိုတယ်။ ဒါတစ်ခု။ နောက်တစ်ခုက ဘာတစ်ခုတက်လာလဲ ဘတ်ဂျက်ကို ချပေးလိုက်ပြီးပြီ။ ဥပဒေကြီး ပေါ်သွားပြီ။ အဲဒီတော့မှ ဒီဝန်ကြီးဌာနရဲ့ ဒီလုပ်ငန်းနဲ့ပတ်သက်တဲ့ ဒီဘတ်ဂျက်တွေဟာ ဘယ်နေရာမှာ များပါတယ်။ အထောက်အထားနဲ့ အချက်အလက်နဲ့ ခိုင်လုံတယ်။ ကျွန်တော် လက်ခံတယ်။ ဒါပေမဲ့ အဲဒီတုန်းက ဘတ်ဂျက်တုန်းက အဲဒါဆိုရင်လည်း ဖြတ်ဖို့တောက်ဖို့ ပယ်ဖို့ ငြင်းဖို့။ အဲလိုပဲ အထောက်အထား ခိုင်ခိုင်လုံလုံနဲ့ ကျွန်တော်တို့ ကိုယ်စားလှယ်တွေ က ဆွေးနွေးဖို့လိုတယ်။ မိုးလွန်မှ လိုက်ထွန်ချရတာ အခုဟာက။ အဲဒါမဖြစ်သင့်ဘူး။ ကျွန်တော် ပြောချင်တာက တစ်နိုင်ငံလုံးရဲ့ အခွန် အကောက်၊ ဘတ်ဂျက်၊ စီမံကိန်း ဒီအရေးကြီးတဲ့ သုံးခုဟာ လွှတ်တော်ထဲ ရောက်လာပြီဆိုရင် တစ်နိုင်ငံလုံးကို မကြည့်နိုင်ရင်တောင်မှ ကိုယ့်မဲဆန္ဒနယ် ကိုယ့်မြို့မှာဖြစ်တဲ့ ကိုယ့်တိုင်းမှာဖြစ်တဲ့ ဘတ်ဂျက်ကိစ္စကိုတော့ သေချာလေးတော့ ကြည့်ဖို့လိုတယ်။ ပြီးသွားပြီးမှ ဒါတွေဒီလို ဖြစ်ပါတယ်ဆိုတော့ အခုန ကျွန်တော်ပြောသလို မိုးလွန်မှ ထွန်လိုက်ချလို့ ဘယ်လိုလုပ်ရမလဲ”ဟု ပြောကြားသည်။
ဒုတိယအကြိမ် ပြည်ထောင်စုလွှတ်တော် စတုတ္ထ ပုံမှန်အစည်းအဝေး၌ ၂၀၁၇-၂၀၁၈ ဘဏ္ဍာနှစ် အမျိုးသားစီမံကိန်း ဥပဒေ၊ ၂၀၁၇ ခုနှစ် ပြည်ထောင်စု၏ အခွန်အ ကောက်ဥပဒေ၊ ၂၀၁၇ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေတို့ကို အတည်ပြု ဆောင်ရွက်ခဲ့သည်။

“ပွင့်ပွင့်လင်းလင်းပြောရင် စာအုပ်ကြိုး မဖြေဘဲနဲ့ အထုပ်ကြီးမဖြေဘဲနဲ့ မဖတ်ဘဲနဲ့ နောက်မှလာသိလို့ မရတော့ဘူး။ ဟိုမှာက ဥပဒေဖြစ်သွားပြီ။ အဲဒါ ဒါအလျဉ်းသင့်လို့ ကျွန်တော်တို့ ကိုယ်စားလှယ်တွေ ဒါပထမဆုံး ဘတ်ဂျက်ကိုစပြီး ဆောင်ရွက်ခွင့် ရလိုက်တဲ့အခါမှာ လွှတ်တော်လည်း နားလည်းနားရော ဒါတွေ ကျွန်တော့်ဆီရောက်တယ်။ ဒါအလျဉ်းသင့်လို့ပြောတာ။ နောက်ကို ကျွန်တော်တို့ ဒါတွေသင်ခန်းစာ ယူရမယ်”ဟု ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောကြားသည်။

ထို့ပြင် ပြည်သူ့လွှတ်တော်ဥက္ကဋ္ဌ ဦးဝင်းမြင့်က မေးခွန်းများ မေးမြန်းမှုအပြီးတွင်လည်း တစ်ဆက်တစ်စပ်တည်း မေးခွန်းမေးမြန်းရာ၌ နည်းဥပဒေအတိုင်း တစ်ဆက်တစ်စပ်တည်း နှင့် အကျုံးဝင်ပါက အချိန်သုံးမိနစ် ထပ်ပေးမည်ဖြစ်ကြောင်း ပြောကြားသည်။