နေပြည်တော်၊ ရန်ကုန်၊ မန္တလေး၊ ပြင်ဦးလွင်မြို့တို့တွင် Green Land စီမံကိန်းများ အမြန်ဆုံး စနစ်တကျ အကောင်အထည် ဖော်ဆောင်ပါရန်နှင့် အခြားဒေသများ၌လည်း နှစ်အလိုက် စီမံကိန်းများ တိုးချဲ့ဆောင်ရွက်ပေးရန် တိုက်တွန်းကြောင်းအဆို ပြည်သူ့လွှတ်တော်၌ တင်သွင်း

မေ ၁၉ ရက်က ပြည်သူ့လွှတ်တော် အစည်းအဝေး၌ လွှတ်တော်ကိုယ်စားလှယ် ဒေါက်တာအောင်ခင်က အဆိုတင်သွင်းနေမှုကို တွေ့ရစဉ်

တောတောင်ထူထပ်သော ဒေသများ၌ သစ်တောပြုန်းတီးမှုများကြောင့် ၂၀၁၅-၂၀၁၆ ခုနှစ်များတွင် မြန်မာနိုင်ငံမှာ အပြင်းထန်ဆုံး ရာသီဥတုနှင့် ရင်ဆိုင်ခဲ့ကြရ၍ နိုင်ငံတကာ ရာသီဥတု ဘေးအန္တရာယ် အညွှန်းကိန်းတွင် နိုင်ငံပေါင်း ၁၈၇ နိုင်ငံအနက် မြန်မာနိုင်ငံသည် အဆင့်(၂)တွင်ရှိပြီး နိုင်ငံနှင့်အ၀န်း သစ်တောစောင့်ရှောက်မှုနှုန်း တိုးမြှင့်ဆောင်ရွက်လျက် နေပြည်တော်၊ ရန်ကုန်၊ မန္တလေး၊ ပြင်ဦးလွင်မြို့များတွင် Green Land စီမံကိန်းများ အမြန်ဆုံး စနစ်တကျ အကောင်အထည်ဖော်ဆောင်ပါရန်နှင့် အခြားဒေသများတွင်လည်း နှစ်အလိုက် စီမံကိန်းများ တိုးချဲ့ဆောင်ရွက်ပေးရန် တိုက်တွန်းကြောင်း အဆိုကို မေ ၁၉ ရက်ကပြုလုပ်သည့် ပြည်သူ့လွှတ်တော်တွင် တင်သွင်းခဲ့သည်။

ယင်းအဆိုကို ပြင်ဦးလွင်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါက်တာအောင်ခင်က တင်သွင်းခဲ့ခြင်းဖြစ်ပြီး နိုင်ငံတကာ ညွှန်းကိန်းများအရ မြန်မာနိုင်ငံ၏ သဘာဝပတ်ဝန်းကျင် ထိန်းသိမ်းစောင့်ရှောက်ရေး စွမ်းဆောင်ရည်မှာ ကမ္ဘာ့နိုင်ငံများအလယ်တွင် အနိမ့်ကျဆုံး အနေအထားတွင် ရှိနေကြောင်း၊ ၂၀၁၄ ခုနှစ် သဘာဝပတ်ဝန်းကျင် ထိန်းသိမ်းစောင့်ရှောက်ရေး စွမ်းဆောင်မှု ညွှန်းကိန်းတွင် ကမ္ဘာ့နိုင်ငံပေါင်း ၁၇၈ နိုင်ငံတွင် အဆင့် ၁၆၄ တွင် ရပ်တည်နေကြောင်း၊ အဆိုပါ အချက်သည် မြန်မာနိုင်ငံ၏ သဘာဝသယံဇာတများ ကာကွယ်စောင့်ရှောက်ရန် များစွာကြိုးပမ်းရဦးမည် ဆိုသည့်အချက်ဖြစ်ကြောင်း ဒေါက်တာအောင်ခင်က ပြောကြားသည်။

ကမ္ဘာပေါ်၌ သစ်တောပြုန်းတီးမှုနှုန်း တတိယအမြင့်ဆုံး နိုင်ငံလည်းဖြစ်ကြောင်း၊ လက်ရှိအနေအထားအရ အရှေ့တောင်အာရှ ဒေသတွင်းနိုင်ငံများအနက် သစ်တောပြုန်းတီးမှု အများဆုံးနိုင်ငံဖြစ်နေခြင်းသည် မြန်မာနိုင်ငံ၏ သဘာဝပတ်ဝန်းကျင် ထိန်းသိမ်းစောင့်ရှောက်ရေး ဆိုင်ရာ မူဝါဒ၊ ဥပဒေ၊ နည်းဥပဒေများနှင့် ဥပဒေထိန်းကျောင်းမှုတို့၏ အဆင့်ကို ထင်းလင်းစွာ ပြသနေခြင်းဖြစ်ကြောင်း၊ FAO ၏ စစ်တမ်းများအရ မြန်မာနိုင်ငံ၏ သစ်တောဖုံးလွှမ်းမှုမှာ ၁၉၉၀ ပြည့်နှစ်တွင် ရာခိုင်နှုန်း ၆၀၊ ၂၀၀၀ ပြည့်နှစ်တွင် ၅၂ ရာခိုင်နှုန်း၊ ၂၀၀၅ ခုနှစ်တွင် ၄၉ ရာခိုင်နှုန်း၊ ၂၀၁၀ ပြည့်နှစ်တွင် ၄၇ ရာခိုင်နှုန်း၊ ၂၀၁၅ ခုနှစ်တွင် ၄၃ ရာခိုင်နှုန်းအထိ လျော့ကျလာခဲ့ရာ သစ်တောပြုန်းတီးမှုနှုန်းထားမှာ ၁၉၉၀ ပြည့်နှစ်မှ ၂၀၁၀ ပြည့်နှစ်အတွင်း ၀ ဒသမ ၅၅ ရာခိုင်နှုန်း ရှိခဲ့ရာမှ ၂၀၁၀-၂၀၁၅ ခုနှစ် ကာလအတွင်း ၁ ဒသမ ၇၃ ရာခိုင်နှုန်းအထိ မြင့်တက်လာခဲ့ကြောင်း ဒေါက်တာအောင်ခင်က အဆိုတင်သွင်းစဉ် ပြောကြားသည်။

“နေ့အပူချိန်တွေဟာ အကာအကွယ်ပေးထားတဲ့ သစ်ပင်တွေကြောင့် သစ်တောမြေများမှာ အစိုဓာတ် ထိန်းထားနိုင်တယ်။ သစ်တောပြုန်းတီးသွားရင် မြေဆီလွှာခန်း ခြောက်မယ်။ ကမ္ဘာကြီးဟာ ပူနွေးလာမယ်။ ဖန်လုံအိမ်ဓာတ်ငွေ့တွေက မြင့်လာမယ်။ မြင့်သွားတဲ့အတွက်ကြောင့် ကမ္ဘာကြီးက ပူနွေးလာမယ်။ ရာသီဥတု ပြောင်းလဲသွားမယ်။ အဲဒါကြောင့် ပြင်ဦးလွင်အပါအ၀င် နိုင်ငံနှင့်အ၀န်း အပူချိန်တက်လာပြီး ရာသီဥတု ဘေးအန္တရာယ်တွေ ရင်ဆိုင်နေရပြီဖြစ်ပါတယ်။ နိုင်ငံတကာ ရာသီဥတုဘေးအန္တရာယ် အညွှန်းကိန်းမှာဆိုရင် မြန်မာနိုင်ငံဟာ နိုင်ငံပေါင်း ၁၈၇ နိုင်ငံအနက် အဆင့်နှစ်မှာ ရှိနေပါပြီ။ အဲဒါဘာဖြစ်လို့လဲဆိုတော့ သစ်တော ပြုန်းတီးမှုကြောင့် ဖြစ်ပါတယ်”ဟု အဆိုရှင် ဒေါက်တာအောင်ခင်က ပြောကြားသည်။

ထို့ပြင် မြန်မာနိုင်ငံ၏ ၁၉၉၅ ခုနှစ်တွင် ပြဋ္ဌာန်းခဲ့သော သစ်တောပေါ်လစီတွင် သစ်တောလုပ်ငန်း ကဏ္ဍ၏ ၀င်ငွေစုစုပေါင်းမှ ၂၅ ရာခိုင်နှုန်းကို သစ်တောများ ပြုပြင်ထိန်းသိမ်းရေး လုပ်ငန်းအတွက် ဖြစ်ရမည်ဟု ပြဋ္ဌာန်းခဲ့သော်လည်း ၂၀၁၁ ခုနှစ်တိုင် အကောင်အထည် မပေါ်ခဲ့ကြောင်း၊ နောက်ပိုင်းတွင် မြို့ကြီးရပ်ကွက်များရှိ ပန်းခြံဥယျာဉ် နေရာများပင် လျော့နည်းလာကြောင်း၊ ထို့ ကြောင့် သစ်တောပေါ်လစီကို ပြည့်ဝစွာ အကောင်အထည်ဖော်ရန် အချိန်တန်ပြီဖြစ် ကြောင်း ဒေါက်တာအောင်ခင်က အဆိုတင်သွင်းစဉ် ထည့်သွင်းပြောကြားသည်။

ထို့နောက် ယင်းအဆိုနှင့်ပတ်သက်၍ ပုသိမ်ကြီးမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးသောင်းဌေးလင်းက ထောက်ခံဆွေးနွေးခဲ့ပြီး အဆိုကို ဆက်လက်ဆွေးနွေးရန် လွှတ်တော်က သဘောတူခဲ့သည်။

Writer: 
ငြိမ်းဇော်လင်း၊ မျိုးမင်းထက်