ငြိမ်းချမ်းရေး လုပ်ငန်းစဉ်ဆိုင်ရာ လုပ်ဆောင်သင့်သည့် အချက်များ အစိုးရ၊ တပ်မတော်နှင့် တိုင်းရင်းသား ခေါင်းဆောင်အချို့ထံ အရပ်ဘက် လူ့အဖွဲ့အစည်းများ ငြိမ်းချမ်းရေးဖိုရမ်က တင်ပြတောင်းဆို

ငြိမ်းချမ်းရေး လုပ်ငန်းစဉ်ဆိုင်ရာ လုပ်ဆောင်သင့်သည့် အချက်များကို အစိုးရ၊ တပ်မတော်နှင့် တိုင်းရင်းသား ခေါင်းဆောင်အချို့ထံ အရပ်ဘက် လူ့အဖွဲ့အစည်းများ ငြိမ်းချမ်းရေးဖိုရမ်က မေ ၁၇ ရက်တွင် တင်ပြတောင်းဆိုခဲ့သည်။

မေ ၁၅ ရက်နှင့် ၁၆ ရက်က ရန်ကုန်မြို့၌ ကျင်းပခဲ့သည့် ၁၆ ကြိမ်မြောက် အရပ်ဘက် လူ့အဖွဲ့အစည်းများ ငြိမ်းချမ်းရေးဖိုရမ်မှ ဆွေးနွေးရရှိသည့် အချက်များနှင့် ပတ်သက်၍ သတင်းစာရှင်းလင်းပွဲကို မေ ၁၇ ရက်က ရန်ကုန်မြို့ရှိ Orchid Hotel တွင် ပြုလုပ်ခဲ့ပြီး ဖိုရမ်လုပ်ငန်းကော်မတီဝင်များက ထိုကဲ့သို့ ပြောကြားခဲ့ခြင်း ဖြစ်သည်။

အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ တိုင်းရင်းသားလက်နက်ကိုင် အဖွဲ့အစည်းများမှ ခေါင်းဆောင်များသို့ လိပ်မူကာ ပေးပို့သည့် တင်ပြတောင်းဆိုခဲ့သည့် အချက်များတွင် အမျိုးသားအဆင့် နိုင်ငံရေးဆွေးနွေးပွဲများ၊ ၂၁ ရာစုပင်လုံ ဒုတိယအကြိမ် အစည်းအဝေးမှ အတည်ပြုမည့်မူဝါဒများကို ပြည်ထောင်စုငြိမ်းချမ်းရေးစာချုပ်၏ အစိတ်အပိုင်းအဖြစ် စာချုပ်ချုပ်ဆိုခြင်း၊ လူသားချင်းစာနာသည့် အထောက်အပံ့များကိစ္စ၊ တိုင်းရင်းသား လက်နက်ကိုင်အဖွဲ့အစည်းများ စုဖွဲ့မှုနှင့် တပ်ပိုင်းဆိုင်ရာ ကိစ္စရပ်များ၊ ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေးဆိုင်ရာ ကိစ္စရပ်များ စသည်တို့ ပါဝင်သည်။

ဖိုရမ်လုပ်ငန်းကော်မတီဝင် တစ်ဦးဖြစ်သူ ဒေါ်ထုဆန်ကလည်း “ကျွန်မတို့က အများအားဖြင့် ပုံမှန်လိုတော့ သုံးလတစ်ကြိမ် လုပ်ခဲ့တာ ၁၆ ကြိမ် ရှိလာပါပြီ။ ဒီလိုလုပ်ရခြင်းဟာဆိုရင် တစ်ခုခုလိုအပ်လို့ လုပ်ရတဲ့ပုံစံ ရှိသလို တစ်ခါတလေကျရင် တောက်လျှောက် NCA လုပ်မယ်ဆိုပြီး ပြင်ဆင်ကတည်းကကိုက ဒီအကြောင်းအရာတွေက လိုအပ်တဲ့အရာတွေ တင်မကဘူး။ ပြည်သူလူထုတွေရဲ့အနေအထား အသံတွေကိုပါ ကျွန်မတို့က အမြဲတမ်း တင်ပြပြောဆိုပါတယ်။ လူထုပါဝင်နိုင်တဲ့ အနေအထားမျိုးကို ကျွန်မတို့က တည်ဆောက်တဲ့ သဘောပါ။ ဒီတစ်ခါမှာလည်း ကျွန်မတို့က ရှုထောင့်ပေါင်းစုံက ပြည်နယ်နှင့် တိုင်း ၁၄ ခုက အသံတွေကို ဆက်ပြီး ပြောပြနေမှာပါ။ တကယ့်ကို အခြေခိုင်တဲ့ ပေါ်လစီတွေ မူဝါဒတွေ လုပ်ဆောင်မှုတွေအတွက်ကို ကျွန်မတို့က ပူးပေါင်းပါဝင်နိုင်မယ့် အရာတွေကို ဖော်ထုတ်ခြင်း ဖြစ်ပါတယ်”ဟု ပြောကြားသည်။

အရပ်ဘက် အဖွဲ့အစည်းများ၏ တိုက်တွန်းချက်များတွင် မကြာမီကျင်းပမည့် ၂၁ ရာစုပင်လုံ ဒုတိယအကြိမ် အစည်းအဝေး နောက်ပိုင်းတွင် ဒေသအလိုက်နှင့် လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲများကို ပြည်နယ်နှင့် တိုင်းဒေသကြီးများ အားလုံးတွင် ကျင်းပနိုင်ရန်၊ အရပ်ဘက် လူ့အဖွဲ့အစည်းများအား ညီလာခံတွင် ဆွေးနွေးမည့် ကဏ္ဍအားလုံးကို ဆွေးနွေးခွင့်ပေးရန်တို့လည်း ပါဝင်သည်။

ထို့အတူ ၂၁ ရာစုပင်လုံ ဒုတိယအစည်းအဝေးမှ အတည်ပြုမည့် မူဝါဒများကို ပြည်ထောင်စုငြိမ်းချမ်းရေး စာချုပ်၏ အစိတ်အပိုင်းအဖြစ် စာချုပ်ချုပ်ဆိုခြင်းနှင့် ပတ်သက်၍ ဆွေးနွေးမှု ရလဒ်များကို အပိုင်းလိုက် စာချုပ်ချုပ်ဆိုခြင်းအားဖြင့် ညီလာခံရလဒ်များကို ချက်ချင်းတရားဝင်မှု ရှိလာစေနိုင်ကြောင်းနှင့် ညီလာခံသို့ တင်သွင်းသော မူဝါဒ အကြံပြုချက်များ၊ အဆိုပါမူဝါဒများကို အတည်ပြုဆုံးဖြတ်သည့် လုပ်ငန်းစဉ်များအား အများပြည်သူ သိရှိစေရေးနှင့် ပွင့်လင်းမြင်သာမှု ရှိစေရေး လုပ်ဆောင်ကြရန် တိုက်တွန်းထားသည်။

ဖိုရမ် လုပ်ငန်းကော်မတီအဖွဲ့ဝင် ဒေါ်မိကွန်ချမ်းနွန်က“ဒီလို တောင်းဆိုတယ်ဆိုတာက တကယ့်လက်ရှိ အခြေအနေပေါ်မှာ မူတည်ပြီးတော့ လိုအပ်လို့ တောင်းဆိုတာ ဖြစ်ပါတယ်။ လုပ်ပေးတယ်။ မလုပ်ပေးဘူး ဆိုတာကတော့ သက်ဆိုင်ရာ တာဝန်ရှိပုဂ္ဂိုလ်တွေရဲ့အပေါ်မှာ မူတည်ပါတယ်ရှင့်။ ကျွန်မတို့ကတော့ လိုအပ်တဲ့အပေါ်မှာ တောင်းဆိုတယ်။ ပြီးတော့ ဒီလိုတောင်းဆိုတဲ့ အတွက်ကြောင့် ကျွန်မတို့ တောင်းဆိုတဲ့အတိုင်း လုပ်ဆောင်ပေးဖို့ ဆက်ပြီး တိုက်တွန်းနေမှာပါ”ဟု ပြောကြားသည်။

ထို့ပြင် စစ်ဘေးရှောင် ပြည်သူများအတွက် ကြားကာလအစီအမံများ စနစ်တကျထားရှိရန် အပါအ၀င် စစ်ဘေးရှောင်ပြည်သူများ၏ စိတ်ပိုင်း၊ ရုပ်ပိုင်းဆိုင်ရာ လုံခြုံရေးနှင့် ပညာရေး၊ ကျန်းမာရေးကဏ္ဍများကို ထောက်ပံ့သည့် စစ်ရှောင်စခန်းများ အစိုးရအနေဖြင့် ဖွင့်လှစ်ပေးပြီး နှစ်ဖက်တပ်ဖွဲ့များမှ ၀င်ရောက်စွက်ဖက်မှု လုံးဝမရှိစေရန်လည်း အရပ်ဘက်အဖွဲ့အစည်းများက တောင်းဆိုကြောင်း ထုတ်ပြန်ခဲ့သည်။

တိုင်းရင်းသား လက်နက်ကိုင်အဖွဲ့များအနေဖြင့်လည်း ငြိမ်းချမ်းရေး ဖော်ဆောင်မှုကို တစုတစည်းတည်းဖြင့် ဆောင်ရွက်ကြရန် အလေးအနက် တိုက်တွန်းကြောင်းလည်း ၁၆ ကြိမ်မြောက် အရပ်ဘက် လူ့အဖွဲ့အစည်းများ ငြိမ်းချမ်းရေးဖိုရမ်က ထုတ်ပြန်သည်။

သတင်းစာရှင်းလင်းပွဲတွင် ကချင်ပြည်နယ်၊ ရှမ်းပြည်နယ်၊ ကရင်ပြည်နယ်၊ ချင်းပြည်နယ်၊ မန္တလေးတိုင်းဒေသကြီး စသည့် ဒေသများရှိ လူမှုအခြေပြုအဖွဲ့အစည်းများမှ တာဝန်ရှိသူအချို့ကလည်း ဒေသတွင်း အခြေအနေများ၊ ငြိမ်းချမ်းရေးအတွက် ဆောင်ရွက်သင့်သည်များနှင့် လူထုလိုအပ်ချက်များကို ရှင်းလင်းတင်ပြခဲ့သည်။

အရပ်ဘက် လူ့အဖွဲ့အစည်းများအနေဖြင့် အရပ်ဘက်လူ့အဖွဲ့အစည်းများ ငြိမ်းချမ်းရေးဖိုရမ်ကို မြန်မာ့ငြိမ်းချမ်းရေးဖြစ်စဉ်အား ထိရောက်စွာ အထောက်အကူပြုနိုင်ရန် လူထုအခြေပြု အဖွဲ့အစည်းများ ဦးဆောင်သည့် ဆွေးနွေးပွဲများ ပေါ်ပေါက်လာရေးနှင့် ကျယ်ပြန့်လာရေးကို ရည်မှန်း၍ ၂၀၁၂ ခုနှစ်တွင် စတင်ပြုလုပ်ခဲ့ခြင်း ဖြစ်ပြီး ဖိုရမ်တစ်ခု ပြီးစီးသည့်အချိန်တိုင်း အစိုးရအပါအ၀င် သက်ဆိုင်ရာ အဖွဲ့အစည်းအသီးသီးကို တင်ပြတောင်းဆိုမှုများ ပြုလုပ်ထားခဲ့ကြောင်း သိရသည်။ ယခုပြုလုပ်ပြီးစီးသည့် ၁၆ ကြိမ်မြောက် ဖိုရမ်တွင်မူ လူမှုကွန်ရက်နှင့် လူမှုအဖွဲ့အစည်း ၇၈ ဖွဲ့မှ ကိုယ်စားလှယ်များ၊ တစ်သီးပုဂ္ဂလကိုယ်စားလှယ်များ အပါအ၀င် ၁၇၀ ကျော် တက်ရောက်ဆွေးနွေးခဲ့ကြကြောင်း သိရသည်။

Writer: 
ဇာလီမြင့်ဦး၊ ချမ်းဝေစိုး