နေပြည်တော်တွင် လွှတ်တော်ပဉ္စမပုံမှန် အစည်းအဝေးများ ယနေ့ စတင်ကျင်းပမည်

နေပြည်တော်ရှိ လွှတ်တော်အစည်းအဝေးသို့ တက်ရောက်လာသော လွှတ်တော်ကိုယ်စားလှယ်များကို တွေ့ရစဉ်

ဒုတိယအကြိမ် ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော် ပဉ္စမပုံမှန် အစည်းအဝေးများကို ယနေ့ (မေ ၁၈) ရက်၌ နေပြည်တော်တွင် စတင်ကျင်းပမည် ဖြစ်သည်။

လက်ရှိတွင် ပြည်သူ့လွှတ်တော် ဥပဒေကြမ်းကော်မတီအနေဖြင့် တာတမံဥပဒေကြမ်း၊ တူးမြောင်းဥပဒေကြမ်း၊ ပြည်တွင်းရေကြောင်းပို့ဆောင်ရေး ဥပဒေကြမ်း၊ စာရင်းအင်း ဥပဒေကြမ်းတို့နှင့် ပတ်သက်၍ ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်၊ သက်ဆိုင်ရာ ၀န်ကြီးဌာန၊ သက်ဆိုင်ရာ အသင်းအဖွဲ့များနှင့် လုပ်ငန်းညှိနှိုင်း အစည်းအဝေးများ ပြုလုပ်ထားကြောင်း သိရသည်။

ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီအနေဖြင့် နိုင်ငံတော်သမ္မတက သဘောထားမှတ်ချက်ဖြင့် ပြန်လည်ပေးပို့ထားသည့် ဥပဒေဆိုင်ရာ အထောက်အကူပေးရေး ဥပဒေကို ပြင်ဆင်သည့် ဥပဒေကြမ်း အပါအ၀င် လွှတ်တော်နှစ်ရပ် သဘောကွဲလွဲသည့် မြန်မာ့ပိုင်နက် ပင်လယ်နှင့် ပင်လယ်ဇုန်များ ဥပဒေကြမ်းတို့နှင့် ပတ်သက်ပြီး ဆွေးနွေးမှုများ ပြုလုပ်ထားကြောင်း သတင်းရရှိသည်။

လွှတ်တော်ကိုယ်စားလှယ် တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်းကို ပြည်ထောင်စုရွေးကောက်ပွဲ ကော်မရှင်အနေဖြင့် ရေးဆွဲပြီးပြီ ဖြစ်ကြောင်းနှင့် လွှတ်တော်သို့ တင်ရန်အတွက် အဆင်သင့်ဖြစ်နေကြောင်း ပြည်ထောင်စုရွေးကောက်ပွဲ ကော်မရှင်အဖွဲ့ဝင် ဦးအောင်မြင့်က ပြောကြားထားသည်။

ဒုတိယအကြိမ်လွှတ်တော် ပထမပုံမှန်အစည်းအဝေးမှ စတုတ္ထပုံမှန် အစည်းအဝေးကာလအထိ ပြည်ထောင်စုလွှတ်တော်က ဥပဒေစုစုပေါင်း ၂၅ ခု အတည်ပြုထားကြောင်း လွှတ်တော်ရုံး၏ သတင်းထုတ်ပြန်ချက်အရ သိရသည်။

ထို့ပြင် မေ ၁၈ ရက်၌ စတင်ကျင်းပမည့် ပြည်ထောင်စုလွှတ်တော် ပုံမှန်အစည်းအဝေးများ၌ အစိုးရအဖွဲ့က ပေးပို့ထားသည့် ကာလလတ် ကြွေးမြီဆိုင်ရာ စီမံခန့်ခွဲမှုမဟာဗျူဟာ၊ ၂၀၁၅-၂၀၁၆ ခုနှစ် ကြွေးမြီဆိုင်ရာ နှစ်ပတ်လည်အစီရင်ခံစာ အပါအ၀င် အခြားအစီရင်ခံစာများနှင့် ပတ်သက်၍ ပြည်သူ့ငွေစာရင်း ပူးပေါင်းကော်မတီအနေဖြင့် လေ့လာတွေ့ရှိ သုံးသပ်ချက် အစီရင်ခံစာ တင်သွင်းရန်ရှိကြောင်း သိရသည်။

“လောလောဆယ်တော့ အစီရင်ခံစာ တင်သွင်းမယ့်ကိစ္စ အဓိကဆွေးနွေးပါတယ်။ အစီရင်ခံစာ တင်သွင်းဖို့က ခြောက်ခုလောက် ရှိမှာပေါ့။ အဲဒီ အစီရင်ခံစာတွေကျတော့ ကျွန်တော်တို့ ပြည်ထောင်စုစာရင်းစစ်ချုပ် ဥပဒေကို ပြင်ဆင်တဲ့ ဥပဒေကြမ်းအပေါ် ပတ်သက်တဲ့ တွေ့ရှိချက်၊ သုံးသပ်ချက်ပေါ့။ နောက် အဲဒါတွေ ပြင်ဖို့ကိစ္စတွေပေါ့။၂၀၁၅-၂၀၁၆ ဘဏ္ဍာရေးနှစ်ရဲ့ ဌာနအဖွဲ့အစည်းတွေက တင်ပြလာတဲ့ စာရင်းစစ် အတည်ပြုပြီးတဲ့ အမှန်စာရင်းတွေ အဲဒီအပေါ်မှာ သုံးသပ်ပြီးတော့ အစီရင်ခံစာတင်ဖို့ပေါ့။ နောက်တစ်ချက်ကတော့ ၂၀၁၅-၂၀၁၆ ပြည်ထောင်စုလွှတ်တော်ဆိုင်ရာ ဖွံ့ဖြိုးရေး ရန်ပုံငွေနဲ့ ပတ်သက်တဲ့ ပြည်ထောင်စုစာရင်းစစ်ချုပ်ရဲ့ စိစစ်တွေ့ရှိမှု အစီရင်ခံစာအပေါ် ပြန်လည်သုံးသပ်ပြီးတော့ တင်သွင်းရမယ့် အစီရင်ခံစာကိစ္စပေါ့။ နောက်ထပ် တစ်ချက်ကတော့ ကျွန်တော်တို့ ၂၀၁၅-၂၀၁၆ မှာ အစိုးရအဖွဲ့တစ်ခုရဲ့ ကြွေးမြီဆိုင်ရာ နှစ်ပတ်လည် အစီရင်ခံစာကိစ္စပေါ့လေ။ တစ်နှစ်လုံးမှာ ပြည်တွင်း၊ ပြည်ပ အကြွေးတွေ ဘယ်လောက်ရှိလဲ။ ဘယ်လောက်ထိ ယူထားလဲ။ စာချုပ်တွေ ဘယ်လောက်ထိ ချုပ်ထားလဲဆိုတဲ့ ကိစ္စရပ်တွေပေါ့”ဟု ပြည်သူ့ငွေစာရင်း ပူးပေါင်းကော်မတီအဖွဲ့ဝင်၊ ပြည်သူ့လွှတ်တော်ကိုယ်စားလှယ် ဦးစိုင်းသီဟကျော်က The Daily Eleven သတင်းစာကို ပြောကြားထားသည်။

ပြည်သူ့လွှတ်တော်၌ ကတိဖြစ်ထားသည့် မေးခွန်း၊ အဆိုများနှင့် ပတ်သက်၍ အစိုးရ၏ ဆောင်ရွက်ပေးမှု အခြေအနေမှာ အောင်မြင်သည်ဟု ခေါ်ရမည် ဖြစ်ကြောင်း နှင့် ပဉ္စမပုံမှန် အစည်းအဝေးကာလ၌ ၎င်းတို့ နှင့် ပတ်သက်သည့် အစီရင်ခံစာကို လွှတ်တော်သို့ တင်သွင်းသွားရန်ရှိကြောင်း ပြည်သူ့လွှတ်တော် အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီ ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါက်တာမေ၀င်းမြင့်က The Daily Eleven သတင်းစာကို ပြောကြားထားသည်။

Writer: 
မျိုးမင်းထက်