မြန်မာနိုင်ငံ၏ ငြိမ်းချမ်းရေးလုပ်ငန်းစဉ် တိုးတက်ရေးတွင် လိုအပ်သော ထောက်ပံ့မှုနှင့်အတူ မြန်မာနိုင်ငံအား ဆက်လက်ကူညီသွားရန် တရုတ်ကဆန္ဒရှိကြောင်း နိုင်ငံတော်၏ အတိုင်ပင်ခံပုဂ္ဂိုလ်နှင့် တွေ့ဆုံစဉ် တရုတ်သမ္မတ ပြောကြား

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တရုတ်နိုင်ငံသမ္မတ ရှီကျင်ပင်းတို့ မေ ၁၆ ရက်က တရုတ်နိုင်ငံ ပေကျင်းမြို့၌ တွေ့ဆုံစဉ် (Photo : AFP)

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံစဉ် တရုတ်သမ္မတ ရှီကျင်ပင်းက မြန်မာနိုင်ငံ၏ ငြိမ်းချမ်းရေးလုပ်ငန်းစဉ် တိုးတက်ရေးတွင် လိုအပ်သော ထောက်ပံ့မှုနှင့်အတူ မြန်မာနိုင်ငံအား ဆက်လက်ကူညီသွားရန် တရုတ်ကဆန္ဒရှိကြောင်း ပြောကြားခဲ့သည်ဟု Xinhua သတင်းဌာနက ဖော်ပြခဲ့သည်။

ဒေါ်အောင်ဆန်းစုကြည်သည် တရုတ်နိုင်ငံ ပေကျင်းမြို့၌ မေ ၁၄ ရက်နှင့် ၁၅ ရက်များတွင် ကျင်းပခဲ့သည့် Belt and Road Forum for International Cooperation ကိုတက်ရောက်ခဲ့ပြီးနောက် တရုတ်သမ္မတ ရှီကျင်ပင်းနှင့် ပေကျင်းမြို့၌ မေ ၁၆ ရက်တွင် တွေ့ဆုံခဲ့ခြင်းဖြစ်ကြောင်း သိရသည်။

တွေ့ဆုံမှုတွင် တရုတ်သမ္မတ ရှီကျင်ပင်းက မြန်မာနိုင်ငံ၏ ငြိမ်းချမ်းရေးလုပ်ငန်းစဉ် တိုးတက်ရေးတွင် လိုအပ်သောထောက်ပံ့မှု နှင့်အတူ မြန်မာနိုင်ငံအား ဆက်လက်ကူညီသွားရန် တရုတ်က ဆန္ဒရှိကြောင်း ပြောကြားခဲ့သလို မြန်မာ-တရုတ် နှစ်နိုင်ငံနယ်စပ်တည် ငြိမ်အေးချမ်းရေးအတွက် ပူးပေါင်းဆောင်ရွက်ရန်လည်း တောင်းဆိုခဲ့ကြောင်း Xinhua သတင်းတွင် ဖော်ပြသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် Belt and Road Forum for International Cooperation ကိုတက်ရောက်ရန်အတွက် တရုတ်နိုင်ငံ ပေကျင်းမြို့သို့ မေ ၁၃ ရက်က ရောက်ရှိခဲ့ခြင်းဖြစ်သည်။

ယင်းနောက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မေ ၁၄ ရက်က တရုတ်နိုင်ငံ ပေကျင်းမြို့ရှိ တရုတ်အမျိုးသားကွန်ဗင်းရှင်းစင်တာ (CNCC) ၌ကျင်းပသည့် Belt and Road Forum for International Cooperation ဖွင့်ပွဲအခမ်းအနားသို့ တက်ရောက်ခဲ့သည်။

ဆက်လက်ပြီး မေ ၁၅ ရက်တွင် Belt and Road Forum for International Cooperation ၏ဒုတိယမြောက်နေ့အဖြစ် ခေါင်းဆောင်များ စားပွဲဝိုင်းဆွေးနွေးပွဲ (Leaders Roundtable) ကို Yanqi Lake International Conference Center ၌ကျင်းပခဲ့ရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခဲ့သည်။

အဆိုပါ ခေါင်းဆောင်များစားပွဲဝိုင်း ဆွေးနွေးပွဲတွင် “Policy Synergy for Closer Partnership”၊ “Closer People-to-People Bond” နှင့် “Connectivity Cooperation for Interconnected Development” ဘာသာရပ်များအား ဆွေးနွေးမှုများပြုလုပ်ခဲ့ရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ခေါင်းဆောင်သည့် မြန်မာကိုယ်စားလှယ်အဖွဲ့ တက်ရောက်ဆွေးနွေးမှုများ ပြုလုပ်ခဲ့ကြောင်း သိရသည်။

Belt and Road Forum for Inter- national Cooperation သို့တက်ရောက်နေစဉ်အတွင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဆွစ်ဇာလန်နိုင်ငံသမ္မတ၊ သီရိလင်္ကာ၊ ပိုလန်နှင့် မွန်ဂိုလီးယားနိုင်ငံ ၀န်ကြီးချုပ်တို့နှင့် မေ ၁၄ ရက်က ပေကျင်းမြို့၌ သီးခြားစီတွေ့ဆုံ ဆွေးနွေးခဲ့သည်။

ထို့ပြင် မေ ၁၅ ရက်ကလည်း ဒေါ်အောင်ဆန်းစုကြည်သည် ကုလသမဂ္ဂအတွင်းရေးမှူးချုပ် မစ္စတာအန်တိုနီရို ဂူတာရက်စ်နှင့် တွေ့ဆုံကာ မြန်မာနိုင်ငံ၏ ငြိမ်းချမ်းရေးလုပ်ငန်းစဉ်နှင့် အမျိုးသား ပြန်လည်သင့်မြတ်ရေး ဆောင်ရွက်မှုများနှင့် ပတ်သက်၍ ဆွေးနွေးခဲ့ကြပြီး (၂၁) ရာစုပင်လုံ ဒုတိယအကြိမ် အစည်းအဝေးသို့ တက်ရောက်ရန် ကုလသမဂ္ဂ အတွင်းရေးမှူးချုပ်အား ဖိတ်ကြားထားသည်ကို ပြောကြားခဲ့ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် တက်ရောက်ခဲ့သည့် တရုတ်နိုင်ငံ၏ Belt and Road Forum for Inter- national Cooperation သည်ခေတ်သစ်ပိုးလမ်းမ စီးပွားရေးရပ်ဝန်းဟု အမည်ကျော်ကြားပြီး တရုတ်နိုင်ငံကို ဆိပ်ကမ်းများ၊ ရထားလမ်းများ၊ ကားလမ်းမများနှင့် ကုန်ထုတ်လုပ်ရေးဥယျာဉ်များ ပါဝင်သော ကွန်ရက်တစ်ခုမှတစ်ဆင့် အာဖရိက၊ အာရှနှင့် ဥရောပတို့နှင့် ဆက်သွယ်ပေးမည့် တရုတ်၏ အလွန်အကုန်အကျများမည့် အခြေခံအဆောက်အအုံ စီမံကိန်းဖြစ်သည်။

တရုတ်၏ အဆိုပါစီမံကိန်းသည် ကမ္ဘာ့လူဦးရေ၏ ရာခိုင်နှုန်း ၆၀ ကိုကိုယ်စားပြုသော နိုင်ငံပေါင်း ၆၅ ခုခန့်နှင့် ကမ္ဘာ့ဂျီဒီပီ၏ သုံးပုံတစ်ပုံခန့် ပါဝင်လောက်အောင် အတိုင်းအတာကျယ်ပြောပြီး တရုတ်ဖွံ့ဖြိုးရေးဘဏ် တစ်ခုတည်းက စီမံကိန်း ၉၀၀ ခန့်အတွက် အမေရိကန်ဒေါ်လာဘီလျံ ၈၉၀ ကိုလျာထားပြီးဖြစ်ကြောင်း သိရသည်။

ဒေါ်အောင်ဆန်းစုကြည်သည် ၂၀၁၆ ခုနှစ် သြဂုတ် ၁၇ ရက်ကလည်း တရုတ်နိုင်ငံသို့ ချစ်ကြည်ရေးခရီးစဉ်အဖြစ် ငါးရက်ကြာသွားရောက်ခဲ့ပြီး အဆိုပါခရီးစဉ်အတွင်း တရုတ်နိုင်ငံသမ္မတ ရှီကျင်ပင်း၊ တရုတ်ဝန်ကြီးချုပ် လီခယ်ကျင်း၊ တရုတ်အမျိုးသားပြည်သူ့ကွန်ဂရက် အမြဲတမ်းကော်မတီဥက္ကဋ္ဌ မစ္စတာကျန်းတယ်ကျန်းတို့နှင့် တွေ့ဆုံမှုများပြုလုပ်ခဲ့ကြောင်း သိရသည်။

Writer: 
ငြိမ်းကို