မွန်တိုင်းရင်းသားများ အနေဖြင့် အနာဂတ်နိုင်ငံ တည်ဆောက်ရေးတွင် ညီညွတ်သည့် စွမ်းပကားဖြင့် ၀ိုင်းဝန်းပူးပေါင်း ဆောင်ရွက်ရန် (၄၃) နှစ်မြောက် မွန်ပြည်နယ်နေ့ အခမ်းအနားသို့ သမ္မတဦးထင်ကျော် သ၀ဏ်လွှာပေးပို့

မွန်တိုင်းရင်းသားများ အနေဖြင့် အမျိုးသားပြန်လည် သင့်မြတ်ရေး၊ ပြည်ထောင်စု ငြိမ်းချမ်းရေး လုပ်ငန်းစဉ်များ အောင်မြင်ရေးနှင့် ပိုမိုကောင်းမွန်သည့် အနာဂတ်နိုင်ငံ တည်ဆောက်ရေးတွင် ညီညွတ်သည့် စွမ်းပကားဖြင့် ၀ိုင်းဝန်းပူးပေါင်း ဆောင်ရွက်ရန် နိုင်ငံတော်သမ္မတ ဦးထင်ကျော်က မတ် ၁၉ ရက်တွင် ကျရောက်သည့် (၄၃) နှစ်မြောက် မွန်ပြည်နယ်နေ့ အခမ်းအနားသို့ ပေးပို့သည့် ဂုဏ်ပြုသ၀ဏ်လွှာတွင် ထည့်သွင်း တိုက်တွန်းထားသည်။

မွန်ပြည်နယ်နေ့ အခမ်းအနားသို့ ဂုဏ်ပြုသ၀ဏ်လွှာ ပေးပို့ခွင့်ရသည့်အတွက် များစွာဂုဏ်ယူဝမ်းမြောက်မိပါကြောင်းနှင့် မွန်ပြည်နယ်အတွင်း နေထိုင်ကြသည့် တိုင်းရင်းသားများအားလုံး၊ ပြည်ထောင်စုဖွား တိုင်းရင်းသားများအားလုံး ကောင်းကျိုးချမ်းသာ မင်္ဂလာအဖြာဖြာနှင့် ပြည့်စုံပါစေကြောင်း နိုင်ငံတော်သမ္မတ ဦးထင်ကျော်က ဆုမွန်ကောင်းတောင်းထားသည်။

၁၉၄၈ ခုနှစ် လွတ်လပ်ရေးရပြီး ပြည်ထောင်စုဖွဲ့စည်းပုံမှာ တနင်္သာရီတိုင်းအတွင်း လက်ရှိမွန်ပြည်နယ်နှင့် ကရင်ပြည်နယ်တို့ ပါဝင်ခဲ့ကြကြောင်း၊ မြန်မာ့ဆိုရှယ်လစ် လမ်းစဉ်ပါတီခေတ်မှာ မွန်တိုင်းရင်းသား ခေါင်းဆောင်များ၏ အမြော်အမြင် ကြီးမားမှုအပေါ် အခြေခံ၍ ၁၉၄၇ ခုနှစ် ဖွဲ့စည်းပုံအခြေခံဥပဒေ ရေးဆွဲရာတွင် “မွန်ပြည်နယ်” သတ်မှတ်ဖြစ်တည်ရေးကို စတင်ခဲ့ပါကြောင်းနှင့် “မွန်ပြည်နယ်” ဟူ၍ဖွဲ့စည်းပုံအခြေခံဥပဒေ မူကြမ်းတွင် စတင်ကမ္ပည်းတင် ရေးသားခဲ့သည့် ၁၉၄၇ ခုနှစ် မတ် ၁၉ ရက်ကို မွန်ပြည်နယ်နေ့အဖြစ် သတ်မှတ်ကာ အထိမ်းအမှတ် အခမ်းအနားများနှင့် နှစ်စဉ်ကျင်းပလာခဲ့သည်မှာ (၄၃) နှစ်မြောက်ရှိပြီဖြစ်ကြောင်းလည်း နိုင်ငံတော်သမ္မတ ဦးထင်ကျော်၏ သ၀ဏ်လွှာတွင် ပါရှိသည်။

“သမိုင်းကြောင်းကို ပြန်ကြည့်မယ်ဆိုရင်လည်း လွတ်လပ်ရေးရပြီးချိန်ကစပြီး မြန်မာ့လူ့ဘောင် အဖွဲ့အစည်းအတွင်း ကြုံတွေ့ခဲ့ရတဲ့ နိုင်ငံရေးပဋိပက္ခတွေကို အခြေခံရိုက်ခတ်မှုများကတစ်ဆင့် ခါးသီးတဲ့ အတွေ့အကြုံတွေကို ကြုံတွေ့ခဲ့ရပါတယ်။ ပဋိပက္ခတွေ ဆယ်စုနှစ်များစွာ ဖြစ်ပေါ်ခဲ့တဲ့အတွက် မြန်မာနိုင်ငံရဲ့ နိုင်ငံရေး၊ စီးပွားရေး၊ လူမှုရေးအဘက်ဘက်မှာ အိမ်နီးချင်းနိုင်ငံများထက် နောက်ကျခဲ့ရပါတယ်။ ယနေ့အချိန်အခါကာလမှာ အဲဒီခါးသီးတဲ့ အတွေ့အကြုံတွေကို သင်ခန်းစာရယူပြီး ပဋိပက္ခတွေ ချုပ်ငြိမ်းဖို့နဲ့ မိမိတို့ နိုင်ငံတော်အတွင်း တိုင်းရင်းသားအားလုံး အတူတကွ ယှဉ်တွဲနေထိုင်နိုင်ဖို့ လက်တွဲဖော်ဆောင်ရမယ့် အချိန်အခါလည်း ဖြစ်ပါတယ်။

ဒါကြောင့် လက်ရှိအစိုးရ အနေနဲ့ တိုင်းရင်းသား ပြည်သူအားလုံး နှစ်ပေါင်းကြာရှည် မျှော်လင့်တောင့်တခဲ့ကြတဲ့ အမျိုးသားပြန်လည် ရင်ကြားစေ့ရေးနဲ့ ပြည်ထောင်စု ငြိမ်းချမ်းရေးကို ဆောင်ကြဉ်းပေးနိုင်ဖို့ ပြည်ထောင်စု ငြိမ်းချမ်းရေးညီလာခံ-(၂၁) ရာစုပင်လုံကို အကောင်အထည်ဖော် ကြိုးပမ်းဆောင်ရွက်လျက် ရှိပါတယ်။ ဒါ့အပြင် ဒီမိုကရေစီ ဖက်ဒရယ် ပြည်ထောင်စု ဖြစ်ပေါ်ရေးကို ရှေးရှုပြီး လိုက်လျောညီထွေရှိမယ့် ဖွဲ့စည်းပုံ အခြေခံဥပဒေ ပေါ်ပေါက်ရေးနဲ့ ပြည်သူတွေရဲ့ လူနေမှုဘ၀အဆင့်အတန်း တိုးတက်မြင့်မားရေးတို့ကိုလည်း အကောင်အထည်ဖော် ဆောင်ရွက်နေပါတယ်။ အဲဒီမူဝါဒ လုပ်ငန်းစဉ်တွေ အောင်မြင်စေဖို့ အစိုးရ၊ လွှတ်တော်များ၊ နိုငံရေးပါတီများ၊ နိုင်ငံရေးအင်အားစုများ၊ တပ်မတော်၊ တိုင်းရင်းသား လက်နက်ကိုင် အဖွဲ့အစည်းများ၊ အရပ်ဘက် လူ့အဖွဲ့အစည်းများနဲ့ ပြည်သူတစ်ရပ်လုံး ပါဝင်ကြိုးပမ်းဖော်ဆောင်ကြဖို့ အထူးလိုအပ်ပါတယ်” ဟုသ၀ဏ်လွှာတွင် ထည့်သွင်းဖော်ပြထားသည်။

ဆက်လက်၍ မွန်ပြည်နယ် အတွင်းတွင်ရှိသည့် တိုင်းရင်းသား လက်နက်ကိုင် အဖွဲ့အစည်းများနှင့် အပစ်အခတ်ရပ်စဲရေး သဘောတူညီချက်ကို ၂၀၁၂ ခုနှစ်တွင် ပြည်ထောင်စုအဆင့် လက်မှတ်ရေးထိုးနိုင်ခဲ့ပြီး လက်ရှိတွင် တိုင်းရင်းသား လက်နက်ကိုင်အဖွဲ့များသည် မွန်ပြည်နယ်အစိုးရအဖွဲ့နှင့် လက်တွဲ၍ ဒေသအတွင်း ဘက်စုံဖွံ့ဖြိုးတိုးတက်ရန် ပူးပေါင်းဆောင်ရွက်နေသည်ကို သိရှိရသည့်အတွက် များစွာဝမ်းမြောက်မိပါကြောင်း သမ္မတဦးထင်ကျော်၏ သ၀ဏ်လွှာတွင် ဖော်ပြထားသည်။

တိုင်းရင်းသား ညီအစ်ကိုများ အချင်းချင်း၊ ရင်းနှီးပွင့်လင်းစွာဖြင့် ဆောင်ရွက်ခဲ့သည့် စားပွဲဝိုင်းဆွေးနွေးမှုများ၏ အကျိုးရလဒ်ကောင်းများအဖြစ် လမ်းပန်းဆက်သွယ်ရေး၊ ပညာရေး၊ စီးပွားရေး စသည့်ကဏ္ဍအသီးသီးတွင် ဖွံ့ဖြိုးတိုးတက်မှုများ ရရှိနေပြီ ဖြစ်ပါကြောင်းနှင့် ထာဝရငြိမ်းချမ်းရေး ရသည်အထိ တစိုက်မတ်တမတ် ဆက်လက်ကြိုးစား ဆောင်ရွက်ကြရမည်ကိုလည်း အထူးအလေး ဂရုပြုကြရမည်ဖြစ်ကြောင်းလည်း ဖော်ပြထားသည်။

ထို့ပြင် မကြာသေးခင်ကလည်း ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) နှင့် နိုင်ငံတော်၏ အတိုင်ပင်ခံပုဂ္ဂိုလ်၊ ငြိမ်းချမ်းရေး ကော်မရှင်တို့နှင့် တွေ့ဆုံဆွေးနွေးမှုများ ပြုလုပ်ခဲ့ပါကြောင်း၊ အပြုသဘောဆောင်၍ မွန်တိုင်းရင်းသားများအတွက် ငြိမ်းချမ်းရေး မျှော်လင့်ချက်များ ပိုမိုမြင့်မားလာစေသည့် အလားအလာကောင်းများ ရရှိခဲ့သည့်အတွက်များစွာ ၀မ်းမြောက်ဝမ်းသာဖြစ်ရပါကြောင်း၊ ဆက်လက်၍လည်း နိုင်ငံတော်အစိုးရက အကောင်အထည်ဖော် ဆောင်ရွက်နေသည့် ငြိမ်းချမ်းရေးဖြစ်စဉ်တွင် အပြည့်အ၀ ပူးပေါင်းပါဝင်လာမည့် ပြည်ထောင်စု ငြိမ်းချမ်းရေးညီလာခံ (၂၁) ရာစုပင်လုံတွင် ခိုင်ခိုင်မာမာ ပါဝင်လာမည်ကိုလည်း ယုံကြည်မျှော်လင့်ထားပါကြောင်း သမ္မတဦးထင်ကျော်၏ သ၀ဏ်လွှာတွင် ဖော်ပြထားသည်။

သ၀ဏ်လွှာတွင် “မြန်မာနိုင်ငံ လွတ်လပ်ရေး ကြိုးပမ်းမှုသမိုင်းမှာ တက်ကြွစွာ ပါဝင်ခဲ့ကြသလို ငြိမ်းချမ်းရေးခရီးလမ်းကို သတ္တိရှိရှိ၊ အမြော်အမြင်ကြီးကြီးနဲ့ လျှောက်လှမ်းခဲ့ကြတဲ့ မွန်တိုင်းရင်းသား ညီအစ်ကိုမောင်နှမများ အားလုံးအနေနဲ့ ရှေ့ဆက်ပြီး အမျိုးသားပြန်လည်သင့်မြတ်ရေးနဲ့ ပြည်ထောင်စု ငြိမ်းချမ်းရေးလုပ်ငန်းစဉ်များ အောင်မြင်ဖို့နဲ့ ပိုမိုကောင်းမွန်တဲ့ အနာဂတ်နိုင်ငံတော် တည်ဆောက်မှုတွေမှာ စုစည်းချစ်ကြည်ညီညွတ်တဲ့ စွမ်းပကားနဲ့ ၀ိုင်းဝန်းပူးပေါင်း ပါဝင်ဆောင်ရွက် သွားကြပါ။ မိမိတို့ခေတ်အတွက် သာမက အနာဂတ်မှာပါ ပြည်ထောင်စုကြီး အေးချမ်းသာယာပြီး မွန်ပြည်နယ် ခေတ်မီဖွံ့ဖြိုးတိုးတက်အောင် ကြိုးပမ်းတည်ဆောက်သွားကြပါလို့ တိုက်တွန်းနှိုးဆော်ရင်း သ၀ဏ်လွှာ ပေးပို့အပ်ပါတယ်” ဟုလည်း ဖော်ပြထားသည်။

Writer: 
ဦးသောင်းထွန်း၊ ဇာလီမြင့်ဦး