<

နိုင်ငံ့ဂုဏ်ဆောင် ပြေးခုန်ပစ် လက်ရွေးစင်ဟောင်း ဦးကိုကို (ဗိုလ်ကြီး-ငြိမ်း) ကွယ်လွန်

ဆီးဂိမ်းစ်ပြိုင်ပွဲ အပါအ၀င် နိုင်ငံတကာပြိုင်ပွဲများ၌ အောင်မြင်မှုများ ရရှိခဲ့သည့် နိုင်ငံ့ဂုဏ်ဆောင် ပြေးခုန်ပစ် လက်ရွေးစင်ဟောင်း ဦးကိုကို (ဗိုလ်ကြီး- ငြိမ်း) သည် ဒီဇင်ဘာ ၁၆ ရက်တွင် ကွယ်လွန်ခဲ့ကြောင်း သိရသည်။

တာဝေးနှင့် မာရသွန်ချန်ပီယံ ဦးကိုကိုသည် ကွယ်လွန်ချိန်တွင် အသက် ၇၂ နှစ်ရှိပြီဖြစ်ပြီး နိုင်ငံအတွက် ရွှေငါးခု၊ ငွေလေးခု၊ ကြေးနှစ်ခု ရယူပေးနိုင်ခဲ့သည်။ ဦးကိုကိုသည် ၁၉၇၃ ခုနှစ်မှ ၁၉၇၉ ခုနှစ်အထိ မြန်မာ့လက်ရွေးစင် ပြေးခုန်ပစ်ကစားသမားအဖြစ် နိုင်ငံတကာပြိုင်ပွဲများ ယှဉ်ပြိုင်ခဲ့ပြီး ၁၉၇၃ ဆီးဂိမ်းစ်ပြိုင်ပွဲ၏ မာရသွန်ပြိုင်ပွဲတွင် ရွှေတံဆိပ်၊ မီတာ ၁၀,၀၀၀ ပြိုင်ပွဲတွင် ငွေတံဆိပ်၊ ၁၉၇၅ ဆီး ဂိမ်းစ်ပြိုင်ပွဲ၏ မီတာ ၁၀,၀၀၀ ပြိုင်ပွဲနှင့် မာရသွန်ပြိုင်ပွဲတွင် ငွေတံဆိပ်တစ်ခုစီ၊ ၁၉၇၇ ဆီးဂိမ်းစ်ပြိုင်ပွဲ၏ မီတာ ၅၀၀၀ နှင့် ၁၀,၀၀၀ ပြိုင်ပွဲတွင် ရွှေတံဆိပ်တစ်ခုစီ၊ ၁၉၇၉ ဆီးဂိမ်းစ်ပြိုင်ပွဲ၏ မီတာ ၅၀၀၀ နှင့် ၁၀,၀၀၀ ပြိုင်ပွဲတွင် ရွှေတံဆိပ်တစ်ခုစီ ရယူနိုင်ခဲ့သည်။ ထို့ပြင် ၁၉၇၈ အာရှအားကစားပြိုင်ပွဲ၏ မီတာ ၁၀,၀၀၀ ပြိုင်ပွဲတွင် ကြေးတံဆိပ်တစ်ခု၊ ၁၉၇၆ စင်ကာပူအိုးပင်း ပြေးခုန်ပစ်ပြိုင်ပွဲ၏ မီတာ ၁၀,၀၀၀ ပြိုင်ပွဲတွင် ငွေတံဆိပ်၊ မီတာ ၅၀၀၀ ပြိုင်ပွဲတွင် ကြေးတံဆိပ်များ ရရှိခဲ့သည်။ ဦးကိုကိုသည် ၁၉၇၃ ဆီးဂိမ်းစ်ပြိုင်ပွဲ၏ မာရသွန်ပြိုင်ပွဲ၌ ရွှေတံဆိပ်ရရှိရာတွင် ဆီးဂိမ်းစ်စံချိန်သစ်ပါ တင်နိုင်ခဲ့သည်။ ကွယ်လွန်သူအား ယနေ့ နံနက် ၁၀ နာရီတွင် ရေဝေးသုသာန်၌ မီးသင်္ဂြိုဟ်မည်ဖြစ်သည်။