Sports

အနာဂတ်နှင့် ပတ်သတ်ပြီး အံ့အားသင့်ဖွယ် ကြေညာချက် ထုတ်ပြန်မည်ဟု အီဘရာဟီမိုဗစ် အတည်ပြု

အသင်းလက်မဲ့ဖြစ်နေသည့် တိုက်စစ်မှူး အီဘရာဟီမိုဗစ်က သူ၏အနာဂတ်နှင့် ပတ်သတ်ပြီး အံ့အားသင့်ဖွယ် ကြေညာချက်ကို မကြာမီ ထုတ်ပြန်သွားမည်ဖြစ်ကြောင်း အတည်ပြု ပြောကြားခဲ့သည်။

အီဘရာဟီမိုဗစ်သည် ဇန်န၀ါရီလအတွင်းက ရရှိခဲ့သည့် ဒူးဒဏ်ရာကြောင့် ပြီးခဲ့သည့် ဇွန်လက မန်ယူအသင်းက ထွက်ခွာခွင့်ပေးခဲ့သည့် ကစားသမားတစ်ဦးလည်းဖြစ်သည်။

မေလအတွင်းက ၎င်း၏ဒဏ်ရာကို အမေရိကန်နိုင်ငံတွင် ခွဲစိတ်ခဲ့ရာ အောင်မြင်မှုရရှိခဲ့ပြီး ယခုအချိန်တွင် ပြန်လည်ထူထောင်ရေးကာလအဖြစ် အနားယူနေရကာ မန်ယူအသင်း၏ ကာရင်တန်လေ့ကျင့်ရေးကွင်းတွင်ပင် အပေ့ါစားလေ့ကျင့်မှုများကို ဆက်လက်ပြုလုပ်နေသူဖြစ်သည်။

၂၀၁၅-၂၀၁၆ ရာသီတွင် အင်္ဂလန်ကလပ်များ၏ ၀င်ငွေစုစုပေါင်း ပေါင် ၄ ဒသမ ၄ ဘီလျံအထိရှိ

ပြီးခဲ့သည့် ၂၀၁၅-၂၀၁၆ ရာသီတွင် အင်္ဂလန်နိုင်ငံတစ်ဝန်းရှိ ပရော်ဖက်ရှင်နယ် ဘောလုံးကလပ် ၉၂ သင်း၏ ၀င်ငွေစုစုပေါင်းသည် စံချိန်တင်အဖြစ် ပေါင် ၄ ဒသမ ၄ ဘီလျံ (ယူရို ၄ ဒသမ ၉ ဘီလျံ၊ ဒေါ်လာ ၅ ဒသမ ၇ ဘီလျံ) အထိရှိကြောင်း ကမ္ဘာကျော် Deloitte စီးပွားရေးကုမ္ပဏီ၏ ထုတ်ပြန်ချက်အရ သိရသည်။

မြန်မာလူငယ်အသင်းများနှင့် အင်တာမီလန်လူငယ်အသင်း ခြေစမ်းပွဲ သြဂုတ် ၁၁၊ ၁၃ ရက် ကျင်းပမည်

နိုင်ငံတကာပြိုင်ပွဲများ ၀င်ရောက်ယှဉ်ပြိုင်ရန် လေ့ကျင့်ပြင်ဆင်မှုများ ပြုလုပ်နေသည့် မြန်မာ ယူ-၂၂ အသင်း၊ မြန်မာယူ-၁၈ အသင်းနှင့် အင်တာမီလန်လူငယ်အသင်းတို့ ခြေစမ်းပွဲကို သြဂုတ် ၁၁၊ ၁၃ ရက်တွင် ကျင်းပသွားမည်ဖြစ်ကြောင်း သိရသည်။

ဘိုင်ယန်မြူးနစ် အသင်းထံသို့ ဂျိမ်းစ်ရိုဒရီဂွက်ဇ် (၂)နှစ် အငှားစာချုပ်ဖြင့် ပြောင်းရွှေ့

ဘိုင်ယန်မြူးနစ် အသင်းသည် ရီးယဲလ်မက်ဒရစ်အသင်း၏ ကိုလံဘီယာ တောင်ပံကစားသမား ဂျိမ်းစ်ရိုဒရီဂွက်ဇ်အား (၂)နှစ် အငှားစာချုပ်ဖြင့် ခေါ်ယူခဲ့ကြောင်း သိရှိရသည်။ အသက် (၂၅)နှစ်အရွယ်ရှိ ဂျိမ်းစ်ရိုဒရီဂွက်ဇ်သည် ရီးယဲလ်မက်ဒရစ်အသင်းတွင် (၃)နှစ်ကြာ ကစားခဲ့စဉ်အတွင်း ပုံမှန်တစ်နေရာကို အခိုင်အမာ ရရှိခဲ့ခြင်းမရှိချေ။ ဘိုင်ယန်မြူးနစ်အသင်းနည်းပြ အန်ဆယ်လော့တီသည် ရီးယဲလ်မက်ဒရစ်အသင်းကို ကိုင်တွယ်ခဲ့စဉ်က ဂျိမ်းစ်နှင့် လက်တွဲခဲ့ဖူးပြီး ယခုအခါ ခေါ်ယူခဲ့ခြင်းဖြစ်သည်။ အငှားစာချုပ် သက်တမ်းကုန်ဆုံးချိန်တွင် အပြီးသတ်ခေါ်ယူနိုင်မည့် သဘောတူညီမှုကိုလည်း ရယူနိုင်ခဲ့ကြောင်း သိရှိရသည်။

ထိုင်းနိုင်ငံသူ အာတေယာ ပရော်ဖက်ရှင်နယ် ဂေါ့ဖ်ပြိုင်ပွဲ၌ အငယ်ဆုံး စံချိန်တင်

အသက် ၁၄ နှစ်သာရှိသေးသည့် ထိုင်း နိုင်ငံသူ အာတေယာသီတီကယ်လ်သည် ထိုင်းနိုင်ငံ ပတ္တယားမြို့၌ ကျင်းပသည့် Ladies European Thailand Championship ဂေါ့ဖ်ပြိုင်ပွဲတွင် အနိုင်ရဗိုလ်စွဲပြီး ပရော်ဖက်ရှင်နယ်အဆင့် ပြိုင်ပွဲများ၌ အသက်အငယ်ဆုံး ချန်ပီယံအဖြစ် စံချိန်သစ် ရေးထိုးနိုင်ခဲ့ကြောင်း သိရသည်။