ကချင်နိုင်ငံရေးပါတီများ ပေါင်းစည်းရေးတွင် စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီ ထပ်မံတိုးလာ

ကချင်နိုင်ငံရေးပါတီများ ပေါင်းစည်းရေးတွင် စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီ ၀င်ရောက် ပူးပေါင်းလာကြောင်း ကချင်ပါတီ ပေါင်းစည်းရေး ကော်မတီထံမှ သတင်းရရှိသည်။

ကချင်ပြည်သူများ အနေဖြင့် ကချင်နိုင်ငံရေးပါတီများ ပေါင်းစည်းရေးကို လိုလားနေသည့်အတွက် ကချင်ဒီမိုကရက်တစ်ပါတီ (KDP) ၊ ကချင်ပြည်နယ် ဒီမိုကရေစီပါတီ (KSDP) နှင့် ကချင်အမျိုးသားကွန်ဂရက် (KNC) ပါတီတို့သည် နိုင်ငံရေးပါတီ တစ်ခုတည်းအနေဖြင့် ပေါင်းစည်းနိုင်ရန် လုပ်ဆောင်လျက်ရှိရာ လက်ရှိတွင် နောက်ထပ် ပါတီတစ်ခုဖြစ်သည့် စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီကလည်း အဆိုပါ ကချင်နိုင်ငံရေးပါတီများ ပူးပေါင်းရေးတွင် ပါဝင်လာခြင်း ဖြစ်သည်။

ကချင်နိုင်ငံရေးပါတီများ ပေါင်းစည်းရေးကိစ္စနှင့် ပတ်သက်၍ ပူးပေါင်းလိုသည့် ကချင်ပါတီများနှင့် ကချင်မျိုးနွယ်စုရိုးရာ ခေါင်းဆောင်များ၊ ကချင်အရပ်ဘက် အဖွဲ့အစည်းများ၊ ဘာသာရေး ခေါင်းဆောင်များနှင့် ကချင်ပြည်သူ လူထုတို့သည် ဧပြီ ၁၀ ရက်က မြစ်ကြီးနားမြို့တွင် တွေ့ဆုံခဲ့ကြပြီး တွေ့ဆုံဆွေးနွေးပွဲတွင် အဆိုပါ ပါတီလေးခုက ပူးပေါင်းရန် လက်မှတ်ရေးထိုးခဲ့ကြောင်း သတင်းရရှိသည်။

ထိုသို့ ပါတီ ပေါင်းစည်းရေးတွင် ပါဝင်လာသည့် စဒကပါတီ အပါအ၀င် ပါတီ လေးပါတီမှ တာဝန်ရှိသူများ ပထမဆုံးအဖြစ် ဧပြီ ၁၇ ရက်က မြစ်ကြီးနားမြို့တွင် တွေ့ဆုံဆွေးနွေူးမှု ပြုလုပ်ခဲ့ပြီး ကချင်ပါတီ ပေါင်းစည်းရေး ကော်မတီတွင် စဒကပါတီ တာဝန်ရှိသူများကို ထပ်မံ ဖြည့်စွက်ခဲ့ကြောင်း သိရသည်။

“ပါတီပေါင်းစည်းရေး ဆိုတဲ့အပိုင်းမှာ ပါတီတစ်ခု ထပ်ထိုးလာတယ်။ စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ဦးခက်ထိန်နန်တို့အဖွဲ့ ဒေါ်ဒွဲဘူတို့အဖွဲ့ပေါ့။ သူတို့ ၀င်လာတယ်။ ဆိုတော့ လေးပါတီတော့ ဖြစ်သွားပြီ။ လေးပါတီ ဖြစ်သွားတဲ့ဟာက နည်းနည်းလေး အခက်အခဲလေးတွေတော့ ရှိနေတယ်။ အခက်အခဲလေးတွေ ရှိနေတော့ နာမည်၊ လိုဂို၊ အမှတ်တံဆိပ်ကတော့ ကော်မတီတစ်ခု ထပ်ဖွဲ့ပြီးတော့ ဆက်လက် ဆွေးနွေးဦးမယ် ဆိုပြီးတော့ လုပ်ထားတယ်” ဟု ကချင်အမျိုးသားကွန်ဂရက်ပါတီ (KNC) ဥက္ကဋ္ဌ ဒေါက်တာ အမ်ကောန်လက ပြောကြားသည်။

ပြီးခဲ့သည့် ဖေဖော်ဝါရီလအတွင်းက ကချင်နိုင်ငံရေးပါတီ သုံးခုဖြစ်သည့် ကချင်ဒီမိုကရက်တစ်ပါတီ (KDP) ၊ ကချင်ပြည်နယ် ဒီမိုကရေစီပါတီ (KSDP) နှင့် ကချင်အမျိုးသားကွန်ဂရက် (KNC) ပါတီတို့သည် ပူးပေါင်းသွားမည့် ပါတီသစ်အတွက် ပါတီအမည်၊ လိုဂို၊ အလံနှင့် တံဆိပ်များကို ရွေးချယ်ထားပြီး လူထုညီလာခံတွင် ချပြ အတည်ပြုသွားမည်ဟု ပြောကြားထားသော်လည်း ယခု လူထုနှင့် တွေ့ဆုံခဲ့မှုတွင် အဆိုပါ ပါတီ၏ နာမည်၊ လိုဂို၊ အလံနှင့် တံဆိပ်များကို အတည်ပြုနိုင်ခဲ့ခြင်း မရှိဘဲ ကချင်လူမျိုးများ အတိုင်ပင်ခံအဖွဲ့ (WMR) ဦးဆောင်ကာ ကော်မတီတစ်ခု ဖွဲ့စည်း၍ အဆိုပါကိစ္စရပ်များအား ဆက်လက် ဆွေးနွေး ဆောင်ရွက်သွားမည်ဖြစ်ကြောင်းလည်း သိရသည်။

“ကျွန်တော်တို့ ပါတီအနေနဲ့က ကချင်ပြည်သူ လူထုကလည်း ပေါင်းစည်းစေလိုတဲ့ ဆန္ဒရှိတယ်။ အဲဒီအတွက် ကျွန်တော်တို့ကလည်း အတူတကွ ပူးပေါင်းပြီးတော့ ကချင် ပြည်သူလူထုအရေး လုပ်ဆောင်သွားမယ် ဆိုတဲ့ဆန္ဒနဲ့ ပူးပေါင်းတာပါ။ တခြားတိုင်းနဲ့ ပြည်နယ်တွေမှာလည်း နိုင်ငံရေးပါတီတွေက ပူးပေါင်းသွားကြတာမျိုးတွေ ရှိတယ်။ ဒီတော့ ကချင်ပြည်သူလုထု အနေနဲ့ မဲပေးတဲ့ အခါမှာလည်း ပါတီတွေ ကွဲနေရင် ဘယ်ပါတီကို မဲပေးရမလဲ ဆိုတာက ဝေခွဲမရဖြစ်နေမယ်။ ပါတီကြီး တစ်ခုတည်း လုပ်လိုက်လို့ရှိရင် သူတို့မဲပေးရမယ့် ပါတီကို ရှင်းရှင်းလင်းလင်း ပေါ်လာမယ်။ လူထုကလည်း ပေါင်းစည်းစေချင်တယ်။ မူဝါဒပိုင်းဆိုင်ရာကတော့ ပူးပေါင်းမယ့် ပါတီအားလုံးလိုလို အခြေခံမူဝါဒတွေ တူညီတာတွေ ရှိပါတယ်။ ကျွန်တော်တို့ စားပွဲဝိုင်းမှာ ဆွေးနွေးမယ်။ ပြည်သူလူထု ချပြမယ်။ ကချင်လူထုက ဘယ်လိုမျိုး ဖြစ်စေချင်တာလဲ ဆိုတာတွေကို အတူတကွ အကောင်အထည်ဖော်သွားမယ် ဆိုတဲ့ ရည်ရွယ်ချက်နဲ့ပါ” ဟု စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီ ဥက္ကဋ္ဌ ဦးခက်ထိန်နန်က ပြောကြားသည်။

တိုင်းဒေသကြီး၊ ပြည်နယ် ရွေးကောက်ပွဲကော်မရှင် အဖွဲ့ခွဲများကို ရွေးကောက်ပွဲဆိုင်ရာ သင်တန်းပေးထားပြီး မြို့နယ်၊ ရပ်ကျေးကော်မရှင် အဖွဲ့ခွဲများတွင် ဆင့်ပွားသင်တန်းပေးရန် ညွန်ကြားထား

အသစ်ပြန်လည် ရွေးချယ် ခန့်အပ်ထားသည့် တိုင်းဒေသကြီး၊ ပြည်နယ် ရွေးကောက်ပွဲကော်မရှင် အဖွဲ့ခွဲများမှ ဥက္ကဋ္ဌ၊ အဖွဲ့ဝင် ၁၅၀ ခန့်ကို ရွေးကောက်ပွဲဆိုင်ရာ သင်တန်းပေးထားပြီး မြို့နယ်၊ ရပ်ကျေး ရွေးကောက်ပွဲကော်မရှင် အဖွဲ့ခွဲများတွင် ဆင့်ပွား သင်တန်းများပေးရန် ညွှန်ကြားထားကြောင်း ပြည်ထောင်စု ရွေးကောက်ပွဲကော်မရှင်အဖွဲ့ဝင် ဦးမြင့်နိုင်က The Daily Eleven သတင်းစာ ကို ပြောကြားသည်။

တိုင်းဒေသကြီး၊ ပြည်နယ်၊ ခရိုင်၊ မြို့နယ် ရွေးကောက်ပွဲကော်မရှင် အဖွဲ့ခွဲများမှ ဥက္ကဋ္ဌများ၊ အဖွဲ့ဝင်များအတွက် ရွေးကောက်ပွဲဆိုင်ရာ သင်တန်းကို ဧပြီ ၉ ရက်နှင့် ၁၀ ရက်တို့တွင် နေပြည်တော်၌ သင်ကြားခဲ့သည်။

“သင်တန်းဆင်း လက်မှတ်တွေ ပေးလိုက်တယ်။ ပေးပြီးတော့ အဲဒါကို ဆင့်ပွား သင်တန်းတွေပေးဖို့ ဆုံးဖြတ်တာပေါ့။ သူတို့ မြို့နယ်တွေ၊ ရပ်ကွက်တွေနဲ့ ရပ်ကျေးတွေနဲ့ ပြန်ပြီးတော့ သင်တန်းပေးဖို့ပေါ့။ နောက်ပြီးတော့ ကြားဖြတ်ရွေးကောက်ပွဲ ရှိတဲ့နေရာမှာ အထူးကြပ်မတ် သင်တန်းပေးပြီးတော့ အောင်မြင်အောင် လုပ်ဖို့ ပြောထားပါတယ်” ဟု ပြည်ထောင်စု ရွေးကောက်ပွဲကော်မရှင်အဖွဲ့ဝင် ဦးမြင့်နိုင်က ပြောကြားသည်။

အဆိုပါ သင်တန်းဆင်းပွဲ၌ ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးလှသိန်း က ၂၀၁၇ ခုနှစ် ကြားဖြတ်ရွေးကောက်ပွဲကို ၂၀၁၅ ခုနှစ် အထွေထွေ ရွေးကောက်ပွဲတွင် ဆောင်ရွက်ခဲ့ကြသည့် ကော်မရှင်အဖွဲ့ခွဲ အဆင့်ဆင့်ဖြင့် အောင်မြင်စွာ ကျင်းပပေးနိုင်ခဲ့ကြောင်း၊ ၂၀၁၈ ခုနှစ် ကြားဖြတ်ရွေးကောက်ပွဲနှင့် ၂၀၂၀ ပြည့်နှစ် အထွေထွေ ရွေးကောက်ပွဲအတွက် တိုင်းဒေသကြီး၊ ပြည်နယ်၊ ခရိုင်၊ မြို့နယ် ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ နှင့် အဖွဲ့ဝင်များအား အသစ်ပြန်လည် ရွေးချယ် ခန့်အပ်ခဲ့ကြောင်း၊ ထိုသို့ ခန့်အပ်ရာတွင် ယခင် တာဝန်ထမ်းဆောင်ခဲ့ကြသည့် ဥက္ကဋ္ဌ နှင့် အဖွဲ့ဝင်ဟောင်းအချို့ ပါဝင်သော်လည်း အများစုမှာ အသစ်များဖြစ်ကြောင်း၊ ထို့ကြောင့် ရွေးကောက်ပွဲ လုပ်ငန်းများ ဆောင်ရွက်ကြသည့်အခါ ကျွမ်းကျင်ပိုင်နိုင်စွာ ဆောင်ရွက်နိုင်ရန်နှင့် လုပ်ငန်းတာဝန်ပိုင်းဆိုင်ရာတို့ကို သိရှိစေရန် ရည်ရွယ်ပြီး ယခုသင်တန်းအား ဖွင့်လှစ်ရခြင်းဖြစ်ကြောင်း ပြောကြားခဲ့သည်။

ထို့ပြင် ရွေးကောက်ပွဲများ ဆောင်ရွက်ရာတွင် လွတ်လပ်မျှတမှု၊ ပွင့်လင်းမြင်သာမှု နှင့် တာဝန်ယူမှု တာဝန်ခံမှုတို့ ရှိရန်လိုအပ်ကြောင်း၊ အောင်မြင်စွာ ဆောင်ရွက်နိုင်ရန် မိမိကိုယ်ကိုယ် ယုံကြည်မှုရှိရန် လိုအပ်ကြောင်း၊ ယုံကြည်မှုရှိရန်အတွက် ဥပဒေ၊ နည်းဥပဒေများနှင့် လုပ်ငန်း လမ်းညွှန်များကို ကျေကျေညက်ညက် သိရှိထားရန် လိုအပ်ကြောင်း၊ အထူးသဖြင့် ကော်မရှင်အဖွဲ့ခွဲ အဆင့်ဆင့်၏ လုပ်ငန်းလမ်းညွှန်များကို စေ့စေ့စပ်စပ် သိရှိထားရန်လိုကြောင်း၊ ရွေးကောက်ပွဲ လုပ်ငန်းများဖြစ်သည့် မဲစာရင်းပြုစုခြင်း၊ လွှတ်တော် ကိုယ်စားလှယ်လောင်းများ စိစစ်ခြင်း၊ မဲဆန္ဒရှင် အသိပညာပေးခြင်း၊ မဲပေးခြင်း၊ မဲရေတွက်ခြင်း၊ နိုင်ငံရေးပါတီဆိုင်ရာ ကိစ္စရပ်များ၊ ရွေးကောက်ပွဲ စောင့်ကြည့်ခြင်း လုပ်ငန်းစဉ်များ ဆောင်ရွက်ရာတွင် ရွေးကောက်ပွဲလုပ်ငန်းနှင့် ဆက်စပ်နေသည့် ၀န်ကြီးဌာနများ၊ နိုင်ငံရေးပါတီများ၊ လူမှုအဖွဲ့အစည်းများ၊ နိုင်ငံတကာ အဖွဲ့အစည်းများ၊ မီဒီယာနှင့် မဲဆန္ဒရှင် ပြည်သူလူထုတို့နှင့် ထိတွေ့ဆက်ဆံ ဆောင်ရွက်ကြရမည် ဖြစ်ကြောင်း ကော်မရှင်ဥက္ကဋ္ဌ ဦးလှသိန်းက မှာကြားခဲ့သည်။

၂၀၁၈ ခုနှစ်အတွင်း ကြားဖြတ်ရွေးကောက်ပွဲ တစ်ရပ် ကျင်းပမည်ဖြစ်ပြီး ရွေးကောက်ပွဲ ကျင်းပမည့်ရက်ကို ကြိုတင် ကြေညာပေးမည် ဖြစ်ကြောင်း ပြည်ထောင်စု ရွေးကောက်ပွဲကော်မရှင်အဖွဲ့ဝင် ဦးမြင့်နိုင်က ဆိုသည်။

လက်ရှိတွင် ၂၀၁၈ ခုနှစ် ကြားဖြတ်ရွေးကောက်ပွဲအတွက် မဲစာရင်းများ ပြုစုလျက်ရှိပြီး မဲစာရင်း ကြေညာရာတွင် အိမ်ထောင်စုအလိုက် ထုတ်ပြန်ကြေညာဖြစ်ကြောင်း သိရသည်။

ပြည်သူ့လွှတ်တော်၌ ချင်းပြည်နယ် ကန်ပက်လက် မဲဆန္ဒနယ်၊ ရှမ်းပြည်နယ် လဲချားမဲဆန္ဒနယ်၊ ရန်ကုန်တိုင်းဒေသကြီး တာမွေ မဲဆန္ဒနယ်၊ မန္တလေးတိုင်းဒေသကြီး မြင်းခြံမဲဆန္ဒနယ်နှင့် အမျိုးသားလွှတ်တော်၌ ကချင်ပြည်နယ် မဲဆန္ဒနယ် အမှတ် (၂) တို့တွင် လွှတ်တော်ကိုယ်စားလှယ် လစ်လပ်လျက် ရှိသည်။

ထို့ပြင် ပြည်နယ် လွှတ်တော်၌ ချင်းပြည်နယ် မတူပီမဲဆန္ဒနယ် အမှတ် (၁)၊ ရခိုင်ပြည်နယ် ရသေ့တောင် မဲဆန္ဒနယ် အမှတ် (၂)၊ တိုင်းဒေသကြီး လွှတ်တော်တွင် စစ်ကိုင်းတိုင်းဒေသကြီး တမူးမဲဆန္ဒနယ် အမှတ် (၂)၊ ပဲခူးတိုင်းဒေသကြီး အုတ်တွင်း မဲဆန္ဒနယ် အမှတ် (၁)၊ မကွေးတိုင်းဒေသကြီး မင်းဘူးမဲဆန္ဒနယ် အမှတ် (၂)၊ မန္တလေးတိုင်းဒေသကြီး သပိတ်ကျဉ်း မဲဆန္ဒနယ် အမှတ် (၁) နှင့် မန္တလေးတိုင်းဒေသကြီး ရှမ်းတိုင်းရင်းသားလူမျိုး မဲဆန္ဒနယ်တို့မှာ လွှတ်တော်ကိုယ်စားလှယ် လစ်လပ်နေကြောင်း သိရသည်။

နိုင်ငံရေး တည်ငြိမ်မှုမရှိချိန်တွင် တပ်မတော်သည် နိုင်ငံရေး အသုံးချခံ မဖြစ်ရန် လိုအပ်ကြောင်း တပ်မတော်ကာကွယ်ရေးဦးစီးချုပ် ပြောကြား

နိုင်ငံရေး တည်ငြိမ်မှု မရှိချိန်တွင် တပ်မတော်သည် နိုင်ငံရေး အသုံးချခံ မဖြစ်ရန် လိုအပ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဧပြီ ၁၈ ရက်တွင် ပြင်ဦးလွင်တပ်နယ်၊ တပ်မတော် အုပ်ချုပ်မှုကျောင်း၌ တက်ရောက်လျက်ရှိသည့် ဥပဒေ (အရာရှိ) ဒီပလိုမာသင်တန်းမှ တပ်မတော် အရာရှိကြီးများအား တွေ့ဆုံ အမှာစကားပြောကြားရာတွင် ထည့်သွင်းပြောကြားခဲ့ခြင်း ဖြစ်ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

တပ်မတော်သည် နိုင်ငံတော် ကာကွယ်ရေးတာဝန် ထမ်းဆောင်လျက်ရှိပြီး ပြည်သူလူထုကို စောင့်ရှောက်နေသည့် အဖွဲ့အစည်း၊ နိုင်ငံတကာနှင့် ဆက်ဆံ ဆောင်ရွက်နေသည့် အဖွဲ့အစည်းတစ်ခု ဖြစ်ကြောင်း၊ အထူးသဖြင့် နယ်စပ်ဒေသတွင် နှစ်နိုင်ငံ တပ်မတော် နှစ်ရပ် ဆက်ဆံရေးများရှိပြီး ရေပြင်ပိုင်နက်၊ မြေပြင်ပိုင်နက်များတွင် ပူးပေါင်းလေ့ကျင့်မှုများ ရှိကြောင်း၊ လိုအပ်ပါက ပူးပေါင်း တာဝန်ထမ်းဆောင်မှုများ ရှိနိုင်သဖြင့် တပ်မှူးများအနေဖြင့် နိုင်ငံတကာဥပဒေများကို သိရှိနေရန်၊ လက်အောက်ကို သိရှိ လိုက်နာအောင် ဦးဆောင်မှုပေးရန် လိုအပ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

ထို့ပြင် ယခုအချိန်တွင် ဒီမိုကရေစီ လမ်းကြောင်းပေါ် လျှောက်လှမ်းကြရာ၌ စစ်ဘက်၊ အရပ်ဘက် ဆက်ဆံရေးမှာ ပိုမိုအရေးကြီးလာသဖြင့် ဥပဒေများကို ပိုမိုသိရှိ နားလည်ရန် လိုအပ်ကြောင်း၊ မိမိတို့ နိုင်ငံတွင် ပြည်တွင်း လက်နက်ကိုင်ပဋိပက္ခများ ချုပ်ငြိမ်းမှု မရှိသေးခြင်း၊ နိုင်ငံရေးအရ တည်ငြိမ်မှု မရှိခြင်းတို့ကြောင့် ငြိမ်းချမ်းမှု ရှိအောင် ဆောင်ရွက်ရန်လိုပြီး နိုင်ငံရေး တည်ငြိမ်မှု မရှိချိန်တွင် မိမိတို့ တပ်မတော်သည် နိုင်ငံရေးအရ အသုံးချခံ မဖြစ်ရန်လိုကြောင်း၊ မိမိတို့ သွားနေသည့် လမ်းကြောင်းမှာ အမျိုးသားနိုင်ငံရေး ဖြစ်ကြောင်း၊ ထို့ကြောင့် အဆင့်အလိုက် တပ်မတော်အရာရှိများ အားလုံး ဖွဲ့စည်းပုံ အခြေခံဥပဒေကို သိရှိနားလည်ရန် လိုကြောင်း၊ စစ်ဘက် တရားစီရင်ရေးများ ဆောင်ရွက်ရာတွင် ဖြစ်စဉ် အကြောင်းအရာအလိုက် ပြစ်မှု၊ ပြစ်ဒဏ်များ ရှိကြောင်း၊ အုပ်ချုပ်ရေးနှင့် စစ်ဘက် တရားစီရင်ရေး စနစ်အရ တပ်မှူးများသည် ရှေ့နေ၊ တရားသူကြီး နှင့် အုပ်ချုပ်သူ စသည်ဖြင့် အသီးသီးသော တာဝန်များ ဆောင်ရွက်ရကြောင်း၊ အုပ်ချုပ်သူ အနေဖြင့် ဖခင်စိတ်ထား၊ တပ်မှူးစိတ်ထားဖြင့် ညီညွတ်မျှတစွာ ဆောင်ရွက်ရမည် ဖြစ်ပြီး တရားသူကြီး အနေဖြင့် ဆင်ခြင်တုံတရားဖြင့် တရားမျှတစွာ ဆောင်ရွက်ရမည် ဖြစ်ကြောင်း၊ ရှေ့နေ အနေဖြင့် မိမိလူအား အပြစ်မရှိပါက ပြစ်ဒဏ် မကျအောင်၊ အပြစ်ရှိပါက ထိုက်သင့်သည့် ပြစ်ဒဏ်သာ ကျခံစေရန် ဆောင်ရွက်ရကြောင်း၊ တပ်မှူးများ အနေဖြင့် လက်အောက်ငယ်သားများအား အုပ်ချုပ်ရာတွင် ဘက်လိုက်မှုမရှိဘဲ ညီညွတ်မျှတစွာ အုပ်ချုပ်ရမည် ဖြစ်ကြောင်း၊ ဥပဒေနှင့် ပတ်သက်လျှင် ပုဂ္ဂိုလ်စွဲ၊ ဆန္ဒစွဲ ကင်းစွာဖြင့် တရားမျှတစွာ ဆောင်ရွက်ရမည်ဖြစ်ကြောင်း တပ်မတော်ကာကွယ်ရေးဦးစီးချုပ် က ပြောကြားသည်။

တပ်မတော်တွင် စစ်မှုထမ်း ဥပဒေအရ ၁၈ နှစ် ပြည့်ပြီးမှသာ တစ်နည်းအားဖြင့် ဥပဒေအရ မဲပေးခွင့် ရှိသူများသာ တပ်မတော်အတွင်း တာဝန်ထမ်းဆောင်ခွင့် ရှိကြောင်း၊ ထို့ကြောင့် တရားဥပဒေကို မသိနားမလည်ဟု ဆိုပြီးချိုးဖောက်၍ မရသကဲ့သို့ ဥပဒေအထက်တွင် မည်သူမှ နေ၍မရကြောင်း၊ ဥပဒေ ချိုးဖောက်ပါက ဥပဒေအရ အရေးယူခံရမည် ဖြစ်ကြောင်း၊ ရခိုင်ပြည်နယ်၊ ဘူးသီးတောင်- မောင်တောဒေသ၊ အင်းဒင်ကျေးရွာတွင် ဖြစ်ပွားခဲ့သည့် ပြဿနာများအား ဂျီနီဗာကွန်ဗန်းရှင်းနှင့်အညီ တပ်မတော်မှ ဆောင်ရွက်ခဲ့ပြီး တစ်ဦးချင်း လိုက်နာမှု အားနည်းသည့် အရာရှိ၊ စစ်သည်များအား ဥပဒေနှင့်အညီ အရေးယူ ဆောင်ရွက်ခဲ့ရသည်များလည်း ရှိကြောင်း၊ ဘင်္ဂါလီ အကြမ်းဖက်သမားများက ၂၀၁၆ ခုနှစ် အောက်တိုဘာလတွင် လုံခြုံရေး ကင်းစခန်းများအား လူအင်အား များစွာဖြင့် လက်နက်ကိုင် အကြမ်းဖက် တိုက်ခိုက်ခြင်း၊ လက်နက်များ လုယူခြင်း၊ ဒေသခံ တိုင်းရင်းသားများနှင့် လုံခြုံရေး တပ်ဖွဲ့ဝင်များအား ရက်စက်စွာ သတ်ဖြတ်ခြင်းများအား ဥပဒေမဲ့ ကျူးလွန်ခဲ့ခြင်းကြောင့် တပ်မတော်က ဥပဒေနှင့်အညီ နယ်မြေရှင်းလင်းရေး ဆောင်ရွက်ခဲ့ရကြောင်း၊ ၂၀၁၇ ခုနှစ် သြဂုတ်လတွင် အလားတူ အကြမ်းဖက် တိုက်ခိုက်မှုများ ထပ်မံ လုပ်ဆောင်လာသဖြင့် ဥပဒေနှင့်အညီ နယ်မြေရှင်းလင်းနိုင်ခဲ့သဖြင့် ၎င်းတို့၏ ရည်ရွယ်ချက် မအောင်မြင်ခဲ့ကြောင်း၊ အကြမ်းဖက်သမားများ အနေဖြင့် လူအင်အား များစွာဖြင့် ဥပဒေမဲ့ ပြစ်မှုကျူးလွန်ခဲ့ခြင်းအပေါ် ပြစ်ဒဏ်ကျခံရမည်ကို စိုးရိမ်သဖြင့် ၎င်းတို့ကိုယ်တိုင်နှင့် မိသားစု၊ ဆွေမျိုး၊ ပတ်သက် ဆက်နွယ်သူများ အားလုံး တစ်ဖက်နိုင်ငံသို့ ထွက်ပြေး တိမ်းရှောင်သွားကြခြင်းသာ ဖြစ်ပြီး ဥပဒေအရ ပြစ်ဒဏ်ပေးခံရမည်ကို စိုးရိမ်ကာ ပြန်မလာရဲခြင်းကို ၎င်းတို့အပေါ် တပ်မတော်သားများက နှိပ်စက် အနိုင်ကျင့်မှုများကြောင့်ဟု နိုင်ငံတကာသိအောင် မဟုတ်မမှန် ပြောကြားခြင်းဖြင့် မိမိတို့အပေါ် အထင်အမြင်လွဲအောင် စွပ်စွဲပြောကြားလျက်ရှိကြောင်း ၎င်းကပြောကြားသည်။

တိုင်းအစိုးရအဖွဲ့ အနေဖြင့် ဘတ်ဂျက် ခွဲဝေရာတွင် မညီမျှမှုများ ရှိနေကြောင်း မကွေးတိုင်းဒေသကြီး လွှတ်တော် အာမခံချက်များ ကတိများနှင့် တာဝန်ခံချက်များ စိစစ်ရေးကော်မတီဥက္ကဋ္ဌ ပြောကြား

မကွေးတိုင်းအစိုးရအဖွဲ့ အနေဖြင့် ဘတ်ဂျက် ခွဲဝေရာတွင် မညီမျှမှုများ ရှိနေပြီး မျက်ကြီးသည့် မြို့များကို များများချပေးပြီး မျက်နှာငယ်သည့် မြို့များကို နည်းနည်းသာ ချပေးနေကြောင်း မကွေးတိုင်းဒေသကြီးလွှတ်တော် အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီဥက္ကဋ္ဌ တိုင်းဒေသကြီး လွှတ်တော်ကိုယ်စားလှယ် ဦးတင်သောင်းက ပြောကြားသည်။

တိုင်းဒေသကြီး အစိုးရအဖွဲ့၏ ဆောင်ရွက်ချက်များသည် အားနည်းမှု ရှိ မရှိ မေးမြန်းမှုအပေါ် ၎င်းက ထိုသို့ ထည့်သွင်းပြောကြားခြင်း ဖြစ်သည်။

မကွေးတိုင်းဒေသကြီး အစိုးရအဖွဲ့က ဖွံ့ဖြိုးရေးလုပ်ငန်းများ လုပ်ကိုင်ရန်အတွက် မြို့နယ်များကို ဘတ်ဂျက် ခွဲဝေချထားရာတွင် ညီမျှမှု မရှိခြင်းကြောင့် အဆိုပါ လုပ်ရပ်များကို ပြင်ဆင်ရန် လိုအပ်နေကြောင်း ဦးတင်သောင်းက ပြောကြားသည်။

“အစိုးရအဖွဲ့ အနေနဲ့လည်း ပြည်သူတွေရဲ့ ဆန္ဒကို အတတ်နိုင်ဆုံး ပြည့်အောင် လုပ်ပေးဖို့ လိုပါတယ်။ ရတဲ့ ဘဏ္ဍာတွေကိုလည်း မြို့နယ်အလိုက် အတတ်နိုင်ဆုံး ညီညီမျှမျှ ဖြစ်အောင် ခွဲပေးပါ။ ညီမျှဖို့လည်း လိုတယ်။ ဥပမာ မျက်နှာကြီးတဲ့ မြို့ကျတော့ အများကြီး ချပေးပြီး မျက်နှာငယ်တဲ့ မြို့ကျတော့ နည်းနည်းချတယ်။ ဒါမျိုးတွေ မဖြစ်အောင် အစီရင်ခံစာထဲမှာလည်း ထည့်ရေးထားပါတယ်။ အဲဒီအတိုင်း ဖြစ်နေတဲ့အတွက် ဒါတွေကို ပြင်ရပါမယ်။ ဒါကို ဥပမာပေးဆိုရင် ဥပမာ မပေးချင်ပါဘူး။ မျက်နှာကြီးတဲ့ မြို့နဲ့ မျက်နှာငယ်တဲ့မြို့လို့ သုံးတာပဲ ကောင်းပါတယ်” ဟု ဦးတင်သောင်းက ပြောကြားသည်။

ထို့အတူ တိုင်းအစိုးရအဖွဲ့ အနေဖြင့် ကတိက၀တ်များကို အကောင်အထည်ဖော်ရာတွင် အားနည်းနေပြီး နှစ်နှစ်အတွင်း လွှတ်တော်၏ မေးခွန်းများကို အကောင်အထည်ဖော်ရာတွင် ရာခိုင်နှုန်း ၃၀ ကျော်ခန့်သာ အကောင်အထည် ဖော်ပေးနိုင်ပြီး လွှတ်တော်က တင်ပြသည့် အဆိုများကိုလည်း ၁၅ ရာခိုင်နှုန်းလောက်သာ လုပ်ဆောင်ပေးနိုင်သေးကြောင်း ၎င်းက ပြောကြားသည်။

မောင်တောက ပြန်ခဲ့တယ်

နယ်ခြားစောင့်ရဲတစ်ဦး လုံခြုံရေးရယူထားစဉ်

မြန်မာနိုင်ငံအနောက်ခြမ်း ရခိုင်ပြည်နယ် မောင်တောမြို့နယ်အတွင်းမှာ ဖြစ်ပွားခဲ့တဲ့ အကြမ်းဖက်မှုအခြေအနေတွေအပြီး ပြန်လည်ဆောင်ရွက်နေတဲ့ အခြေအနေတွေကို သတင်းရယူနိုင်ဖို့အတွက် ပြန်ကြားရေးဝန်ကြီးဌာနကနေ ပြည်တွင်းအခြေစိုက် မီဒီယာအချို့ကို လိုက်ပါသတင်းယူနိုင်ကြောင်း ဖိတ်ကြားလာခဲ့ပါတယ်။ ဖိတ်ကြားမှုကို လိုက်ပါသတင်းယူရာမှာ လိုက်ပါမယ့်သတင်းဌာနက ခရီးစဉ်အတွက် လေယာဉ်လက်မှတ်၊ တည်းခိုစရိတ်နဲ့ အစားအသောက်ကို မိမိတို့ဘာသာ အကုန်ကျခံရမှာဖြစ်ပြီး သတင်းယူရန်အတွက် ချိတ်ဆက်ပေးခြင်းနဲ့ လုံခြုံရေးကိုတော့ ခေါ်ယူသူတွေဘက်က တာဝန်ယူပေးမယ်ဆိုပြီး ဆက်သွယ်ဖိတ်ကြားလာတာကြောင့် ရခိုင်ပြည်နယ်မှာ ဖြစ်ပေါ်ခဲ့တဲ့ အကြမ်းဖက်ဖြစ်စဉ်တွေနဲ့ ပြန်လည်ဆောင်ရွက်နေတဲ့ အခြေအနေတွေကို သတင်းမှန်ရယူနိုင်ဖို့အတွက် လိုက်ပါဖို့ အမည်စာရင်းပေးသွင်းပြီးနောက် ရခိုင်ပြည်နယ်အခြေအနေတွေအတွက် ပြည်သူတွေကို တင်ပြဖို့ လိုက်ပါသတင်းယူခွင့်ရခဲ့ပါတယ်။

ဘယ်လိုမီဒီယာတွေ လိုက်ပါခွင့်ရခဲ့လဲ

မောင်တောဒေသကို သတင်းရယူမယ့် ပြည်တွင်းအခြေစိုက် သတင်းဌာနတွေက လိုက်ပါမယ့်သူတွေဟာ ၂၀၁၈ ခုနှစ် မတ် ၂၉ ရက် ညနေပိုင်းမှာ ရန်ကုန်အပြည်ပြည်ဆိုင်ရာ လေဆိပ်ကနေတစ်ဆင့် စစ်တွေလေဆိပ်ကို လေကြောင်းခရီးနဲ့ ထွက်ခွာခဲ့ပါတယ်။ အဲဒီခရီးစဉ်မှာတော့ ပြန်ကြားရေးဝန်ကြီးဌာနအောက်မှာရှိတဲ့ မြန်မာ့အသံနှင့် ရုပ်မြင်သံကြားက တာဝန်ရှိသူတစ်ဦးက ဦးဆောင်ပြီး သတင်းရယူမယ့်အစီအစဉ်နဲ့ လမ်းကြောင်းတွေကို ရှင်းလင်းပါတယ်။ မောင်တောဒေသ အခြေအနေကို လိုက်ပါသတင်းယူတဲ့ ပြည်တွင်းသတင်းဌာနတွေအနေနဲ့ Eleven Media Group၊ MRTV၊ NPE၊ MITV၊ Myanmar Times၊ MRTV 4၊ Mizzima၊ Irrawaddy၊ The Voice၊ Frontier Myanmar၊ Hot News၊ Sky Net နဲ့ Myanmar press photo Angency တို့ကနေ လိုက်ပါသူ စုစုပေါင်း ၁၄ ဦးပါဝင်ခဲ့ပြီး အဲဒီအဖွဲ့ကိုတော့ MRTV က ဒုတိယညွှန်ကြားရေးမှူးတစ်ဦးက ဦးဆောင်သွားခဲ့ကြတာ ဖြစ်ပါတယ်။

မတ် ၃၀ ရက် နံနက်အစောပိုင်းမှာ စစ်တွေမြို့ ရေချမ်းပြင်ကတစ်ဆင့် အငူမော်ထိကို ရေကြောင်းခရီးနဲ့ တစ်နာရီကျော်ကြာ ထွက်ခွာခဲ့ပြီး အငူမော်ဆိပ်ကိုအရောက်မှာ သတင်းရယူမယ့် ပြည်တွင်းမီဒီယာတွေကို မောင်တောခရိုင် အုပ်ချုပ်ရေးအဖွဲ့က တာဝန်ရှိသူတွေနဲ့ လုံခြုံရေးရယူပေးမယ့် မောင်တောမြို့မရဲစခန်းက ရဲတပ်ဖွဲ့ဝင်အချို့က လာရောက်ကြိုဆိုခဲ့ကြပါတယ်။ အငူမော်ကနေတစ်ဆင့် မောင်တောကို ကားနဲ့နှစ်နာရီကျော်၊ သုံးနာရီနီးပါး သွားရောက်ခဲ့ရပါတယ်။ လမ်းတစ်လျှောက်မှာ လမ်းခင်းခြင်း လမ်းပြုပြင်ခြင်းတွေ ဆောင်ရွက်နေတာကြောင့် ခရီးတစ်လျှောက်လုံး ဖုန်တစ်လုံးလုံးနဲ့ လမ်းကြမ်းကို ဖြတ်ကျော်ပြီးနောက် မောင်တောကို မနက် ၁၁ နာရီကျော်မှာ ရောက်ရှိခဲ့ပါတယ်။

မောင်တောကို ရောက်ရောက်ချင်းမှာပဲ ခရီးစဉ်တွေနဲ့ပတ်သက်ပြီး ဆွေးနွေးဖို့အတွက် မောင်တောခရိုင် အုပ်ချုပ်ရေးမှူးရုံးကို သွားရောက်ခဲ့ပြီး ခရိုင်အုပ်ချုပ်ရေးမှူးနဲ့ ပြည်တွင်းမီဒီယာတွေ တွေ့ဆုံခဲ့ပြီး မောင်တောဖြစ်စဉ်တွေနဲ့ ပတ်သက်လို့ မေးမြန်းခဲ့ပါတယ်။

မောင်တောဒေသမှာ ဖြစ်ပွားခဲ့တဲ့ အကြမ်းဖက်ဖြစ်စဉ်တွေ ဖြစ်ပွားခဲ့ရတာတွေ၊ လုံခြုံရေးကျိုးပေါက်ခဲ့တာတွေနဲ့ တစ်ဖက်ဘင်္ဂလားဒေ့ရ်ှကို ထွက်သွားတဲ့သူတွေ ပြည်တွင်းကို ပြန်လည်ဝင်ရောက်နေနိုင်ပေမယ့် အခုအချိန်အထိ ပြန်လည်ဝင်ရောက်လာခြင်း မရှိသေးတာတွေကို ရှင်းလင်းပြောကြားခဲ့ပြီး အခုခရီးစဉ်ကို သတ်မှတ်ပေးထားတဲ့အတိုင်းသွားဖို့ ခရိုင်အုပ်ချုပ်ရေးမှူးက ပြောကြားခဲ့ပါတယ်။

ရောက်နေကျနေရာ၊ ယူနေကျသတင်းနဲ့ မလုံခြုံသေးတဲ့ အခြားနေရာတွေ မီဒီယာသမားတွေက ငွေကုန်ကြေးကျခံလိုက်ခဲ့ရပေမဲ့ ပြန်ကြားရေးဝန်ကြီးဌာနက စီစဉ်ပေးတဲ့ဒီခရီးစဉ်ဟာ အရင်ခရီးစဉ်လမ်းကြောင်းတွေနဲ့ ထပ်တူနီးပါးဖြစ်နေလို့ အခြားသောနေရာတွေကို သွားရောက်သတင်းရယူနိုင်ဖို့ ပြောဆိုခဲ့ပေမဲ့လည်း အုပ်ချုပ်ရေးပိုင်းက လုံခြုံရေးတာဝန်ယူနိုင်ခြင်း မရှိတာကြောင့် မသွားရောက်ဖို့ ပြောကြားခဲ့တာကြောင့် ပြန်ကြားရေးဘက်က မူလစီစဉ်ထားတဲ့ ခရီးစဉ်အတိုင်းသာ သွားရောက်သတင်းရယူခဲ့ရပါတယ်။

ဒီလိုမျိုး ခရီးစဉ်ထပ်တူတွေပဲ စီစဉ်နေမယ်ဆိုရင် နောင်လာမယ့် ရခိုင်ခရီးစဉ်တွေမှာ သတင်းလိုက်ပါယူမယ့် မီဒီယာတွေနဲ့ သတင်းသွားရောက်ယူမယ့်နေရာတွေကို ကြိုတင်ညှိနှိုင်းဖို့လိုကြောင်း သတင်းမီဒီယာတွေဘက်က ပြောဆိုခဲ့ရပါတယ်။ ကုန်ကျစရိတ်စိုက်ထုတ်ပြီး လိုက်ပါသတင်းရယူရတဲ့ ပြည်တွင်းမီဒီယာတွေအတွက် ခရီးစဉ်တိုင်းက ဖော်ပြပြီးသား သတင်းတွေချည်း အထပ်ထပ်အခါခါ ပရိသတ်ကို တင်ဆက်လို့မရသလို ပြည်သူတွေကလည်း ပြန်ကြားရေးဝန်ကြီးဌာနက ရခိုင်ခရီးစဉ်တွေ ခေါ်ပါတယ်။ ကြေညာတိုင်း ဒီနေရာ၊ ဒီပုံစံ၊ ဒီသတင်းပဲမြင်နေရရင် သတင်းထိမ်ချန်တယ်။ လွတ်လပ်ခွင့်မရှိသေးဘူး။ မလုံခြုံသေးဘူးလို့ပဲ မြင်ကြမှာပါ။ ဒါ့အပြင် နောက်ပိုင်းမှာ ရခိုင်ဒေသခရီးစဉ်တွေကို တစ်လနှစ်ကြိမ်အထိ သွားရောက်သတင်းယူကျဖို့ စီစဉ်ထားတယ်လို့ ကြားသိရပြီး အဲဒီလိုယူရာမှာ ပြန်ကြားရေးအနေနဲ့ တည်ငြိမ်လာတဲ့ နေရာဒေသအသစ်တွေနဲ့ ကျေးရွာအသစ်တွေဆီ ပို့ဆောင်ပေးမယ့် အခြေအနေ၊ နေရာဟောင်းတွေမှာပဲ သတင်းယူခွင့်ရမှာလားဆိုတဲ့ အခြေအနေတွေကို ခရီးစဉ်နဲ့ပတ်သက်ပြီး ပြည်တွင်းပြည်ပမီဒီယာတွေကို ကြိုတင်တွေ့ဆုံညှိနှိုင်းဖို့လည်း လိုပါတယ်။

အဲဒီလိုတွေ့ဆုံပြီးမှ လုံခြုံရေးအရလုံးဝသွားဖို့ မဖြစ်နိုင်တဲ့နေရာ၊ မီဒီယာတွေကလည်း သတင်းတည်ဆောက်လို့ရမယ့် အခြေအနေတွေကို အသေးစိတ်ညှိနှိုင်းပြီး သွားရောက်မှသာ ခရီးစဉ်က ပိုမိုအဆင်ပြေနိုင်မှာလည်းဖြစ်ပါတယ်။

မောင်တောမြို့နယ် ကျေးလက်တစ်ခုမှ ဒေသခံများအား တွေ့ရစဉ်

ကြိုတင်ပြင်ဆင်ထားတဲ့ လူတစ်စုဆီက သတင်းယူခဲ့ရတယ်

မီဒီယာသမားတွေနဲ့ မောင်တောခရိုင် အုပ်ချုပ်ရေးပိုင်းကလူတွေနဲ့ တွေ့ဆုံပြီးနောက်မှာတော့ ပြန်ကြားရေးဘက်က စီစဉ်ထားတဲ့ မောင်တောဒေသမြောက်ပိုင်းမှာရှိတဲ့ အိုးထိန်းကျေးရွာ၊ လှဖိုးခေါင်ကြားစခန်း၊ ပန်းတောပြင်ဒေသတွေမှာ သတင်းသွားရောက်ရယူဖို့အတွက် သတင်းသမားတွေဟာ ပြန်ကြားရေးဘက်က စီစဉ်ပေးထားတဲ့ကားနဲ့ တစ်စီးကိုလေးယောက်၊ ငါးယောက်နှုန်းနဲ့ ကားငါးစီးနဲ့ သွားရောက်ခဲ့ကြပါတယ်။ မီဒီယာတွေ လိုက်ပါလာတဲ့ကားတွေရဲ့ ရှေ့ဆုံးမှာတော့ လုံခြုံရေးတာဝန်ယူပေးမယ့် ရဲတပ်ဖွဲ့ဝင်ကားတွေရဲ့ကားက ရှေ့ပြေးမောင်နှင်ပေးပြီး ကားပေါ်မှာတော့ အရာရှိတစ်ယောက်နဲ့ အခြားအဆင့် ငါးယောက်လောက်နဲ့သာ လိုက်ပါလုံခြုံရေးရယူပေးခဲ့တာဖြစ်ပြီး လမ်းတစ်လျှောက် လမ်းဘေးဝဲယာမှာတော့ နယ်ခြားစောင့်တပ်က ရဲတပ်ဖွဲ့ဝင်က လုံခြုံရေးယူပေးခဲ့တဲ့အခြေနေရှိခဲ့ပါတယ် လုံခြုံရေးယူတယ်ဆိုရာမှာလည်း မြင်ခဲ့ရတာတစ်ခုက လမ်းပိုင်းတစ်ခုမှာ လုံခြုံရေးတပ်ဖွဲ့ဝင်တစ်ဦး၊ နှစ်ဦးနှုန်းနဲ့ နေရာခပ်ကျဲကျဲမှာ လုံခြုံရေးရယူပေးထားတာ ဖြစ်ပါတယ်။ လုံခြုံရေးယူထားတဲ့ နေရာတစ်ခုနဲ့ တစ်ခုအကြားမှာ လှမ်းအော်ရုံနဲ့ မကြားနိုင်သလို လူတစ်ဦးချင်း၊ နှစ်ဦးချင်းပဲ လုံခြုံရေးချထားနိုင်တဲ့အင်အားက တကယ်ပဋိပက္ခထပ်ဖြစ်ရင် ကာကွယ်နိုင်ပါ့မလားဆိုတာကို အတွေးရောက်လာပါတယ်။ ဒီလိုအတွေးဟာ ပဋိပက္ခဖြစ်ပြီးပေမဲ့ လုံခြုံရေးစိတ်ချရတဲ့နေရာမှာ လုံခြုံမှုအပြည့်နဲ့သွားနေရတဲ့ သတင်းသမားတစ်ဦးရဲ့ ခံစားချက်ဖြစ်ပြီး မလုံခြုံမှုတွေ အကြောက်တရားတွေနဲ့ ရှင်သန်နေရတဲ့ တိုင်းရင်းသားတွေရဲ့နေရာမှာ ငါသာဆိုရင်ဆိုတဲ့ ဖိစီးမှုလေးအခိုက်အတန့် ၀င်လာခဲ့ပါတယ်။

သတင်းရယူဖို့စီစဉ်ထားတဲ့ ပန်းတောပြင်ဟာ မကြာခဏ သတင်းရယူနေတဲ့နေရာဖြစ်တာကြောင့် ပန်းတောပြင်အစား ပန်ချောင်းကျေးရွာအုပ်စုဘက်မှာ နေထိုင်တဲ့ အစ္စလာမ်ဘာသာဝင်တွေကို သွားရောက်တွေ့ဆုံမေးမြန်းခဲ့ပါတယ်။ သူတို့တွေရဲ့ အခက်အခဲနဲ့ အစိုးရပိုင်းက ဆောင်ရွက်ချက်တွေကို မေးမြန်းခဲ့ကြပြီး အဲဒီကနေတစ်ဆင့် အိုးထိန်းကျေးရွာကို သွားရောက်ခဲ့ပြီး ဟိန္ဒူဘာသာဝင်တွေနဲ့ မြိုတိုင်းရင်းသားတွေကို တွေ့ဆုံမေးမြန်းခဲ့ကြပါတယ်။

အဲဒီလို သွားရောက်သတင်းရယူရာမှာတော့ ပြန်ကြားရေးကပြောတဲ့အတိုင်း မြေပြင်အခြေနေကို အမှန်တကယ် ကွင်းဆင်းလေ့လာ သတင်းရယူခြင်းမျိုးမဟုတ်ပါဘူး။ ရောက်ရှိရာကျေးရွာထိပ်မှာ ကြိုတင်စောင့်ဆိုင်းနေတဲ့ လူတစ်စုဆီမှာသာ မေးမြန်းမှုတွေပြုလုပ်ရတာဖြစ်ပြီး သူတို့ဖြေသမျှပြောသမျှကိုသာ နားထောင်ခဲ့ကြရပါတယ်။ အဲဒီလိုမေးမြန်းရာမှာလည်း အနီးပတ်ဝန်းကျင်မှာရှိနေတဲ့ လုံခြုံရေးယူပေးထားတဲ့ ရဲတပ်ဖွဲ့တွေ၊ သတင်းရဲတပ်ဖွဲ့တွေ၊ စရဖ (စစ်ဘက်ရေးရာလုံခြုံရေးတပ်ဖွဲ့) ကလို့ ယူဆရတဲ့ သတင်းလိုက်ပါရယူသူတွေ ရှိနေတာကြောင့်လည်း ဖြေဆိုသူတွေဟာ အကြောက်တရားတွေရှိနေပြီး ရင်ထဲကရှိသမျှကို မဖြေရဲကြဘူးလို့ယူဆရပြီး မေးမြန်းနေတဲ့ မီဒီယာတွေအနေနဲ့လည်း အကန့်အသတ်တစ်ခု ရှိနေတယ်လို ခံစားနေရကာ ဒေသခံတွေကို မေးမြန်းပြီး သတင်းအချက်လက်ရယူရာမှာ လွတ်လပ်မှုမရှိခဲ့ရပါဘူး။

သတင်းသမားတွေဟာ နယ်မြေအခြေအနေကို သတင်းရယူရမှာ ပုံမှန်လှုပ်ရှားနေတဲ့ အခြေအနေကို သတင်းရယူလိုကျတာဖြစ်ပြီး ရွာတွေကိုသတင်းယူဖို့ဆင်းရာမှာ အခုလို ကြိုတင်စောင့်ဆိုင်းနေတာမျိုးမဟုတ်ဘဲ ရွာထဲဆင်းပြီး သူတို့လှုပ်ရှားနေတာတွေကို သဘာဝကျကျသတင်းယူလိုပေမယ့် သတင်းရယူရမယ့် ရွာတစ်ရွာကို ရောက်ပြီဆို ကြိုတင်စီစဉ်ထားတဲ့လူတွေက စောင့်ဆိုင်းနေပြီး ဖြေကြပါတယ်။ အဲဒီလို လာရောက်စောင့်ဆိုင်းနေရာမှာလည်း အမျိုးသားတွေကိုပဲတွေ့ရပြီး အမျိုးသမီးတွေနဲ့ ကလေးငယ်တွေ မပါဝင်ပါဘူး။ အဲဒီလို ကြိုတင်စောင့်ဆိုင်းနေသူတွေရဲ့ ဖြေကြားမှုဟာ သူတို့ရဲ့ တကယ့်ပကတိအခက်ခဲတွေ၊ ရင်ထဲကဖြစ်နေတဲ့ ခံစားချက်တွေမှ ဟုတ်ရဲ့လားလို့လည်း သံသယ၀င်မိပါတယ်။ ဘာလို့သံသယ၀င်ရလဲဆိုရင် သတင်းရယူရာမှာ ကြိုတင်စီစဉ်ပေးခဲ့တာကြောင့် ဖြေကြားဖို့ကိုရော ကြိုတင်သင်ကြားပေးထားသလားလို့လည်း တွေးထင်မိပါတယ်။ ဒီလိုခံစားမှုဟာ ပြည်တွင်းပြည်ပ သတင်းမီဒီယာသမားတိုင်း ဖြစ်နေရတဲ့ခံစားမှုပါ။ ပြန်ကြားရေးဝန်ကြီးဌာနက စီစဉ်ပေးတဲ့ခရီးစဉ်တိုင်းလိုလိုမှာ စီစဉ်ပေးထားတဲ့သူတွေကပဲ ထွက်ထွက်ပြီးဖြေနေတဲ့ပုံစံမျိုးဟာ မောင်တောဒေသ တကယ်ပဲအေးချမ်းနေလို့လား။ ပဋိပက္ခဖြစ်ပြီးနောက်မှာ ဖုံးကွယ်ထားချင်တာမျိုး ရှိနေသလားဆိုတဲ့ ခံစားချက်မျိုးဝင်နေကြတာကို ပြန်ကြားရေးဝန်ကြီးဌာနနဲ့ တာဝန်ရှိသူတွေ သတိပြုမိဖို့ လိုအပ်မှာဖြစ်ပြီး သတင်းသမားတွေဟာ လုံခြုံရေးတပ်ဖွဲ့ဝင်တွေ စောင့်ဆိုင်းမှုမရှိဘဲ ရွာအတွင်းကို လွတ်လွတ်လပ်လပ်သွား၊ သူတို့ကြုံနေရတဲ့အခြေအနေတွေကို ပေါ့ပေါ့ပါးပါးဖြေဆိုနိုင်မှ မီဒီယာသမားတွေဟာ သူတို့တာဝန်ကျေတယ်ထင်ပြီး ဖြစ်နေတဲ့အခြေအနေတွေကို အကောင်းမြင်တင်ဆက်နိုင်မှာ ဖြစ်ပါတယ်။ အကောင်းမြင်တင်ဆက်တာ မဟုတ်ရင်တောင် အကြောက်တရားနဲ့ သင်ကြားထားတဲ့အတိုင်း နှုတ်တိုက်ဖြေနေတာထက် လွတ်လပ်စွာပြောနေတဲ့ မြင်ကွင်းတွေကပဲ အမှတ်ပြည့်ရနိုင်မယ်ဆိုတာ တာဝန်ရှိသူတွေ သတိပြုမိစေလိုပါတယ်။
ဒါ့အပြင် သတင်းသမားတွေကို ကျေးရွာထဲထိမပို့ဘဲ ကြိုတင်စောင့်ဆိုင်းနေတဲ့နေရာက လူတွေကိုသာ မေးမြန်းဖို့ ဒီလိုစီစဉ်ပေးထားတာဟာလည်း လုံခြုံရေးအခြေအနေကြောင့်လား၊ ကျေးရွာက ပကတိအခြေအနေတွေကို မီဒီယာတွေကို မမြင်စေချင်တာလား ဆိုတာကိုလည်း မေးခွန်းထုတ်စရာဖြစ်လာပါတယ်။

မလုံလောက်တဲ့ သတင်းရယူချိန်

ကျေးရွာတွေမှာ သတင်းယူရာမှာလည်း တစ်နေရာနဲ့တစ်နေရာကို နှစ်နာရီ၊ သုံးနာရီ သွားရောက်ရပြီး လမ်းခရီးကြမ်းတမ်းသလို သွားရလာရ ဝေးလံပေမယ့်လည်း သတင်းယူရမယ့် နေရာရောက်တာနဲ့ သတင်းရယူရချိန်ဟာ အများဆုံး ၁၅ မိနစ်သာ ရခဲ့ပါတယ်။ ၁၅ မိနစ်ဆိုတာဟာ အများဆုံးပါ။ တချို့နေရာတွေမှာ ငါးမိနစ်လောက်နဲ့ သတင်းရယူရတာတွေလည်း ရှိပါတယ်။ သတင်းတစ်ပုဒ်ကို တိတိကျကျနဲ့ အဖြစ်မှန်အတိုင်း သတင်းတည်ဆောက်ဖို့ဆိုရင် အချိန် ၁၅ မိနစ်ဆိုတာ လုံလောက်တဲ့အချိန် မဟုတ်ဘူးဆိုတာ စီစဉ်တဲ့ ပြန်ကြားရေးဝန်ကြီးဌာနက မသိဘူးလားဆိုတာကို မေးခွန်းထုတ်စရာဖြစ်လာကြောင်း သုံးသပ်ရပါတယ်။

ဒီလိုမေးခွန်းထုတ်စရာ ဖြစ်လာပေမယ့် ဆယ့်ငါးမိနစ်ဆိုတဲ့ အချိန်အတိုင်းအတာမှာ ခြေခြေမြစ်မြစ် သတင်းတစ်ခုတည်ဆောက်ဖို့ တိကျခိုင်လုံတဲ့ သတင်းတစ်ခုကို တည်ဆောက်ဖို့ မလုံလောက်ဘူးဆိုတာကို သတင်းစာ၊ ရုပ်မြင်သံကြားတွေကို ကိုယ်တိုင်လည်းထုတ်လွှင့်နေတဲ့ ပြန်ကြားရေးဝန်ကြီးဌာနက သေချာသိနေမှာပါ။

ခရီးစဉ်မှာ တစ်နေရာနဲ့ တစ်နေရာရဲ့ ခရီးစဉ်ကြမ်းတမ်းမှု ခရီးဝေးကွာပြီး သွားလာချိန်ကြာမြင့်မှုတွေကြောင့် အချိန်ကိုငဲ့ကွက်ပြီး သတင်းယူဖို့အချိန်ကို ကန့်သတ်တယ်ဆိုပေမယ့်လည်း ၁၅ မိနစ်ဆိုတဲ့အချိန်ကတော့ သတင်းတစ်ပုဒ်အတွက် အလွန်နည်းတဲ့ အချိန်ဖြစ်နေတာကြောင့် ပြန်ကြားရေးဘက်က နောက်ထပ်စီစဉ်မယ့် ရခိုင်ခရီးစဉ်တွေမှာ ဒါကိုထည့်သွင်းစဉ်းစားပြီး သတင်းတည်ဆောက်ဖို့ လုံလောက်တဲ့အချိန်တစ်ခုကို သတ်မှတ်ပေးဖို့လိုသလို သတင်းရယူရမယ့် မြေပြင်အခြေအနေမှာလည်း ကြိုတင်စီစဉ်ထားတဲ့ လူတချို့ကို မေးမြန်းဖို့စီစဉ်ပေးထားတာထက် ကိုယ်တိုင်ကွင်းဆင်းနိုင်အောင် ဆောင်ရွက်ပေးဖို့ကိုလည်း လုပ်ဆောင်ပေးဖို့လိုပါတယ်လို့ အကြံပြုချင်ပါတယ်။

ဒါ့အပြင် သတင်းသမားတွေရဲ့ ကားတန်းနဲ့အတူ ပြည်ထဲရေးနဲ့တပ်မတော်က သတင်းတပ်ဖွဲ့တွေ သတင်းလိုက်ပါယူတဲ့အခါမှာ တချို့အရာတွေကို စီစဉ်တဲ့ပြန်ကြားရေးဟာ သတ်မှတ်ချက်တစ်ခုထားပေးဖို့ လိုပါတယ်။ သတင်းလိုက်ပါယူတဲ့အခါမှာ လှေဆိပ်အဆင်းအတက်၊ ကားတန်းအသွား အတက်အဆင်းတွေ၊ မီဒီယာသမားတွေ သတင်းရယူနေတာကို ဓာတ်ပုံရိုက်မှတ်တမ်းယူရုံနဲ့တော့ သတင်းသမားတွေကို အနှောင့်အယှက်မဖြစ်ပေမယ့် ကိုယ့်ပိုက်ဆံနဲ့ကိုယ်စားနေတဲ့ သတင်းသမားတွေ ထမင်းစားနေတာကအစ မှတ်တမ်းယူနေတာကတော့ မဖြစ်သင့်တာကြောင့် ပြန်ကြားရေးအနေနဲ့ တားမြစ်ပေးဖို့ လိုအပ်ပါတယ်။

မတ် ၃၁ ရက်မှာတော့ ကြိုတင်သတ်မှတ်ထားတဲ့အတိုင်း တောင်ပြိုလက်ဝဲကို သွားရောက်သတင်းရယူပြီး လမ်းတစ်လျှောက်က နယ်ခြားစောင့်စခန်းတွေ ဆောက်နေတာတွေကို ပြသခဲ့သလို တစ်ဖက်က၀င်လာမယ့်သူတွေကို လက်ခံမယ့် လက်ခံရေးစခန်းက ဆောင်ရွက်ချက်တွေကို လိုက်လံရှင်းလင်းပြသခဲ့ပါတယ်။ ဒါ့အပြင် နယ်နိမိတ်မျဉ်းပေါ်မှာ နေထိုင်သူတွေရဲ့ အခြေအနေတွေကို လိုက်လံပြသပြီးနောက်မှာ မောင်တောကို ပြန်လည်ထွက်ခွာခဲ့ကြပါတယ်။

အေးချမ်းပါစေ ရခိုင်မြေ

မောင်တောခရီးစဉ်ကို သတင်းသွားရောက်ရယူရာ လမ်းတစ်လျှောက်ဝဲယာမှာ အကြမ်းဖက်ဖြစ်စဉ်တွေကြောင့် ပျက်စီးနေတဲ့ လူနေအိမ်တွေ၊ မီးလောင်ပျက်စီးနေတဲ့ မြင်ကွင်းတွေကို စိတ်မချမ်းမြေ့ဖွယ်ရာ တွေ့မြင်ခဲ့ရပြီး တိုက်ခိုက်ခံခဲ့ရတဲ့ နယ်ခြားစောင့်စခန်းတွေမှာလည်း ခြံစည်းရိုးကို ပိုမိုလုံခြုံစွာ ကာရံထားတဲ့အခြေအနေတွေ မြင်တွေ့ခဲ့ရပါတယ်။

အကြမ်းဖက်ဖြစ်စဉ်ကြောင့် ပြည်တွင်းကနေ ထွက်ခွာသွားသူတွေ ပြန်လည်ဝင်ရောက်လာရင် ထားရှိဖို့ဆာက်လုပ်နေတဲ့ အဆောက်အအုံတွေကိုလည်း မြင်တွေ့ခဲ့ရသလို အရင်တုန်းက ဒေသခံတွေ သွားလာလှုပ်ရှားပြီး လူစည်ကားခဲ့တဲ့နေရာတွေမှာ အဆောက်အအုံအပျက်တွေ မီးလောင်ထားတဲ့ ကွင်းပြင်တွေသာ လမ်းတစ်လျှောက်မြင်တွေ့ခဲ့မှုဟာ ရခိုင်မြေအတွက် စိတ်မချမ်းမြေ့ဖွယ် အရုပ်ဆိုးတဲ့မြင်ကွင်းတွေ ဖြစ်ပါတယ်။

ဒါ့အပြင် တစ်ဖက်နိုင်ငံကို အကြမ်းဖက်ဖြစ်စဉ်တွေကြောင့် ထွက်ပြေးသွားသူတွေကို ဇန်န၀ါရီ ၂၃ ရက်က ပြန်လည်လက်ခံမှု စတင်ခဲ့ပေမယ့်လည်း အခုချိန်အထိ ပြန်လည်ဝင်ရောက် နေထိုင်သူတွေမရှိသေးသလို ပြန်လည်ဝင်ရောက်လာသူတွေ နေထိုင်ဖို့ နေအိမ်တွေကို တိုင်းနဲ့ပြည်နယ်အလိုက် အစိုးရအဖွဲ့တွေက လှူဒါန်းထားပြီး စာသင်ကျောင်း၊ ဆေးပေးခန်းတွေအပါအ၀င် လူနေမှုအတွက် လိုအပ်နေတာတွေကို ဆောက်လုပ်နေတယ်ဆိုပေမယ့် အချို့နေရာတွေမှာတော့ ဆောက်လုပ်နေဆဲဖြစ်ပြီး မပြီးစီးသေးတာတွေလည်း တွေ့ခဲ့ရပါတယ်။

ပြည်တွင်းပြည်ပမီဒီယာတွေကို ခေါ်ယူပြီး သတင်းလိုက်ပါရယူခွင့် ပြုနေတယ်ဆိုပေမယ့် လက်ရှိအချိန်အထိ စီစဉ်ပေးသမျှခရီးစဉ်တွေက ပွင့်လင်းမြင်သာမှုဆိုတဲ့ရသကို သတင်းသမားတွေ ခံစားရတယ်လို့ မမြင်မိသေးသလို ဒီခရီးစဉ်တွေ စီစဉ်ပေးမှုကြောင့် ပြည်တွင်းပြည်ပမီဒီယာတွေက အစိုးရလုပ်ဆောင်ချက်တွေကို အကောင်းမြင်ထောက်ခံရေးသားနေတာမျိုး ဟုတ္တိပတ္တိမတွေ့ရသေးခြင်းဟာ ပြန်ကြားရေးဝန်ကြီးဌာနနဲ့ အစိုးရကစီစဉ်တဲ့ သတင်းယူခွင့်ခရီးစဉ်တွေရဲ့ အားနည်းချက်ကို ညွှန်းဆိုနေပါတယ်။

ရခိုင်ပဋိပက္ခပြန်လည်ဖြစ်လာပြီး မြန်မာနိုင်ငံကို စွပ်စွဲချက်မျိုးစုံ ဆင့်ကဲဖြစ်လာချိန်မှာ သာမန်ပြည်သူတွေတောင် သိခဲ့ကြတာ သုံးသပ်ခဲ့ကြတာက မြန်မာနိုင်ငံဟာ ရခိုင်အရေးမှာ အနောက်နိုင်ငံတွေရဲ့ မီဒီယာထောင်ချောက်ထဲမှာ ပိတ်မိသွားပြီး မီဒီယာစစ်ပွဲမှာ ရှုံးနိမ့်သွားတယ်ဆိုတဲ့ ခံစားချက်ပါ။

ဒီလိုမီဒီယာစစ်ပွဲမှာ ရခိုင်အရေးနဲ့ ပတ်သက်ပြီး မြန်မာနိုင်ငံ အရေးနိမ့်ခဲ့ရတာကို အစိုးရအနေနဲ့ ပြန်ပြီးအဖတ်ဆည်ချင်တယ်။ ရခိုင်အရေးမှာ ပြန်လည်ထူထောင်ရေးနဲ့ မြန်မာနိုင်ငံက စွန့်ခွာထွက်ပြေးသူတွေကို ကြိုးစားပမ်းစားလက်ခံနေပြီဆိုတဲ့ အမြင်မျိုး နိုင်ငံတကာက သိရှိစေချင်တယ်ဆိုရင် လက်ရှိသတင်းယူဖို့ စီစဉ်ပေးထားတဲ့ အခြေအနေတွေကို ပြောင်းလဲပေးပါလို့ ပြန်ကြားရေးရဲ့ ဦးဆောင်မှုနဲ့အတူ သတင်းလိုက်ပါယူသူ တစ်ယောက်အနေနဲ့ တင်ပြချင်သလို ရခိုင်ပြည်နယ် အေးချမ်းပါစေလို့လည်း တစ်ဆက်တည်း ဆုတောင်းမိပါတယ်။

နိုင်ငံတော်သမ္မတ ဦးဝင်းမြင့်အား ကြိုဆိုထောက်ခံပွဲ တောင်ကြီးမြို့တွင် ပြုလုပ်

ရှမ်းပြည်နယ် တောင်ကြီးမြို့တွင် ဧပြီ ၈ ရက်ကပြုလုပ်သော နိုင်ငံတော်သမ္မတ ဦးဝင်းမြင့်အား ကြိုဆိုထောက်ခံပွဲကို တွေ့ရစဉ်

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးဝင်းမြင့်အား ကြိုဆိုထောက်ခံပွဲကို ရှမ်းပြည်နယ်မြို့တော် တောင်ကြီးမြို့ ဈေးပိုင်းရပ်ကွက် မီးသွေးတန်းလမ်းထိပ်တွင် ဧပြီ ၈ ရက် နံနက် ၁၀ နာရီတွင် ပြုလုပ်ခဲ့ကြောင်း သိရသည်။

အဆိုပါ သမ္မတကြီး ကြိုဆိုထောက်ခံပွဲသို့ ရှမ်းပြည်နယ်အစိုးရအဖွဲ့ ဘဏ္ဍာရေးဝန်ကြီးနှင့် စည်ပင်သာယာရေးဝန်ကြီးတို့ တက်ရောက်ကြပြီး တောင်ကြီးခရိုင် ခြောက်မြို့နယ်ရှိ ပါတီဝင်များ၊ အရပ်ဘက်အဖွဲ့အစည်းများနှင့် ရှမ်းပြည်နိုင်ငံရေးအင်အားစုများ တက်ရောက်ခဲ့ကြောင်း သိရသည်။

နံနက် ၁၀ နာရီခွဲတွင် အခမ်းအနားစတင်ပြီး နိုင်ငံတော်အလံအား အလေးပြုခြင်း၊ နိုင်ငံတော်သမ္မတသစ် ဦးဝင်းမြင့်အား အလေးပြုခြင်း၊ မိန့်ခွန်းများကို တာဝန်ရှိသူများ ပြောကြားခဲ့ပြီး သမ္မတဦးဝင်းမြင့်ကို ကြိုဆိုထောက်ခံကြောင်း အင်္ကျီများပေးဝေခဲ့သည်။

“အစိုးရသက်တမ်း အခုနောက်ထပ် သုံးနှစ်ကျန်သေးတယ်။ အဲဒီသုံးနှစ်အတွင်းမှာ နှစ်နှစ်တာဖြတ်သန်းခဲ့တဲ့ အတွေ့အကြုံကို ပိုပြီးတော့ကောင်းအောင် ပြည်သူတွေရဲ့ တင်ပြမှုအချက်အလက်တွေကို အကောင်အထည်ဖော်နိုင်မယ့် အခန်းကဏ္ဍ ပိုပေါ်လွင်လာမယ်လို့ ရဲရဲကြီးပြောရဲတယ်” ဟု ရပ်စောက်မြို့နယ်မှ လွှတ်တော်ကိုယ်စားလှယ် ဦးခိုင်ညီညီကျော်က ပြောကြားသည်။

“ကျွန်တော်တို့နိုင်ငံရဲ့ အနေအထားအရ လုပ်ငန်းတွေလည်းများတယ်။ ကိုယ့်လုပ်ငန်း လုပ်ဆောင်နေရတဲ့သူတွေ ရှိနေတဲ့အခါကျတော့ တချို့ဆို သမ္မတဘယ်သူတက်လဲဆိုတာတောင် မသိဘူး။ အဲဒါလေးကို သိစေချင်တာတစ်ခု။ သမ္မတသစ်တက်လာတဲ့ မူဝါဒရှစ်ချက်ကလည်း ပြည်သူတွေ အရမ်းအားကိုးလောက်တဲ့အတွက် ကြိုဆိုခြင်းဖြစ်ပါတယ်” ဟု တောင်ကြီးခရိုင် NLD ပါတီ အလုပ်အမှုဆောင်အဖွဲ့ တွဲဖက်အတွင်းရေးမှူး ဦးလှစိုးက ပြောကြားသည်။

“သမ္မတကြီးကလည်း မိန့်ခွန်းပြောတဲ့အထဲမှာ ရှစ်ချက်ပါတယ်။ တရားဥပဒေစိုးမိုးရေး၊ အဂတိလိုက်စားမှုပပျောက်ရေး အစရှိတဲ့ လယ်ယာမြေကိစ္စတွေကအစ ပြောတယ်။ အဲဒီအတွက် ကျွန်တော်တို့ကကြိုဆိုတယ်။ ဘယ်လိုအကောင်အထည်ဖော်မလဲဆိုတာ စောင့်ကြည့်နေတယ်။ ပါတီဝင်တွေရော တက်ကြွလှုပ်ရှားသူတွေရော ပြည်သူတွေကလည်း ပူးပေါင်းဆောင်ရွက်ဖို့အသင့်ပါပဲ။ ဘယ်အခန်းကဏ္ဍကနေ ဆောင်ရွက်လို့ရမလဲ။ တောင်ကြီးမြို့နယ်မှာဆိုရင် အရပ်ဘက်အဖွဲ့အစည်းတွေရော၊ နိုင်ငံရေးပါတီတွေရော ပူးပေါင်းပြီး တိုင်ပင်ထားတာတွေရှိတယ်။ ရှမ်းပြည်နယ်မှာဆိုရင် တရားဥပဒေစိုးမိုးရေးနဲ့ ပတ်သက်ပြီးတော့ ပူးပေါင်းဆောင်ရွက်ဖို့ စီစဉ်ထားပါတယ်။ တိုင်ပင်ထားပါတယ်” ဟု တရားဥပဒေစိုးမိုးရေးကွန်ရက်မှ ဦးဝင်းနိုင်စိုးက ပြောကြားသည်။

“နိုင်ငံတော်ရဲ့ အထွတ်အထိပ်ဖြစ်တဲ့ သမ္မတကြီးကို ဂုဏ်ပြုကြိုဆိုပွဲဖြစ်ပါတယ်။ ကျွန်တော်တို့ ဒီမိုကရေစီမရသေးပါဘူး။ ဒီမိုကရေစီရပြီဆိုပြီးတော့ အခွင့်အရေးတွေလည်း သိပ်မရသေးပါဘူး။ ဒီမိုကရေစီ အပင်ပေါက်လေးပဲ ရှိပါသေးတယ်။ ဒီမိုကရေစီ အပင်ပေါက်လေး မသေသွားအောင် ကျွန်တော်တို့ရဲဘော်တွေအားလုံး ၀ိုင်းဝန်းထိန်းမှဖြစ်ပါမှာ” ဟု ညောင်ရွှေမြို့နယ်မှ ပြည်သူ့လွှတ်တော်ကိုယ်စားလှယ် ဦးနေမျိုးက ပြောကြားသည်။

ရခိုင်ပြည်နယ်ဆိုင်ရာ အကြံပေးကော်မရှင်မှ အကြံပြုချက်များကို ကနဦးရေးသားစဉ်က ရည်ရွယ်ချက်အတိုင်း ဘက်လိုက်မှုမရှိဘဲ မျှတစွာ အပြည့်အ၀အကောင်အထည်ဖော်ရန် လိုအပ်ကြောင်း OCHA ၏ လက်ထောက်အတွင်းရေးမှူးချုပ် ပြောကြား

လူသားချင်းစာနာမှုဆိုင်ရာ အရေးကိစ္စများအတွက် ကုလသမဂ္ဂ လက်ထောက်အထွေထွေ အတွင်းရေးမှူးချုပ်၊ အရေးပေါ်အခြေအနေ တုံ့ပြန်ဆောင်ရွက်ရေးဆိုင်ရာ ဒုတိယညှိနှိုင်းရေးမှူး မစ္စအာရ်ဆူလာမြူလာက ရခိုင်ပြည်နယ် စစ်တွေမြို့နယ်ရှိ သက်ကယ်ပြင် နေရပ်စွန့်ခွာတိမ်းရှောင်သူစခန်းမှ ကလေးငယ်များအား ၂၀၁၈ ခုနှစ် ဧပြီ ၄ ရက်က တွေ့ဆုံနှုတ်ဆက်စဉ် (Photo: UN OCHA Myanmar)

ရခိုင်ပြည်နယ်ဆိုင်ရာ အကြံပေးကော်မရှင်မှ အကြံပြုချက်များကို ကနဦးရေးသားစဉ်က ရည်ရွယ်ချက်အတိုင်း ဘက်လိုက်မှုမရှိဘဲ မျှတစွာ အပြည့်အ၀အကောင်အထည်ဖော်ရန် လိုအပ်ကြောင်း OCHA ၏ လက်ထောက်အတွင်းရေးမှူးချုပ် မစ္စအာရ်ဆူလာမြူလာက ဧပြီ ၈ ရက်တွင် ပြောကြားခဲ့ကြောင်း သိရသည်။

လူသားချင်းစာနာမှု အရေးကိစ္စများဆိုင်ရာ လက်ထောက်အထွေထွေ အတွင်းရေးမှူးချုပ်နှင့် အရေးပေါ်အခြေအနေ ကယ်ဆယ်တုံ့ပြန်ရေးဆိုင်ရာ ဒုတိယညှိနှိုင်းရေးမှူး မစ္စအာရ်ဆူလာမြူလာ၏ ခြောက်ရက်တာ မြန်မာနိုင်ငံခရီးစဉ် ပြီးဆုံးခဲ့ရာ ယင်းခရီးစဉ်နှင့်ပတ်သက်၍ United Nation OCHA Myanmar က ဧပြီ ၈ ရက်တွင် သတင်းထုတ်ပြန်ခဲ့ကြောင်း သိရသည်။

“ရခိုင်ပြည်နယ်ဆိုင်ရာ အကြံပေးကော်မရှင်မှ ရခိုင်ပြည်နယ်ရှိ လူထုအသိုင်းအ၀ိုင်းအားလုံးအတွက် ပိုမိုကောင်းမွန်သော အနာဂတ်သို့ ဦးတည်သည့် အရေးကြီးသောလမ်းညွှန်ချက်များကို အကြံပြုပေးထားပြီး အဆိုပါအကြံပြုချက်များကို ကနဦးရေးသားစဉ်က ရည်ရွယ်ချက်အတိုင်း ဘက်လိုက်မှုမရှိဘဲ မျှတစွာဖြင့် အပြည့်အ၀၊ အလုံးစုံ အကောင်အထည်ဖော်ရန် လိုအပ်ပါသည်” ဟု မစ္စအာရ်ဆူလာမြူလာက ပြောကြားခဲ့သည်ဟု သတင်းထုတ်ပြန်ချက်တွင် ဖော်ပြထားသည်။

ထို့ပြင် ဘင်္ဂလားဒေ့ရ်ှနှင့် မြန်မာနယ်နိမိတ် နှစ်ဖက်စလုံးတွင် လူသားချင်းစာနာမှုဆိုင်ရာ အကူအညီလိုအပ်သည့် အခြေအနေများ ဖြစ်ပေါ်လျက်ရှိကြောင်း၊ ရခိုင်ပြည်နယ်ရှိ မတူညီသောနေရာများရှိ လူထုအသိုင်းအ၀ိုင်းအားလုံးဆီသို့ သွားရောက်နိုင်ရန် နိုင်ငံတော်အစိုးရက သူမကို သွားလာခွင့်ပြုခဲ့ခြင်းကို ၀မ်းမြောက်စွာ လက်ခံကြိုဆိုကြောင်း၊ သို့သော် အာဏာပိုင်များမှ မွတ်စလင်လူထု၏ သွားလာခွင့်အား ဆက်လက်ကန့်သတ်ချက်များ ထားရှိနေခြင်းနှင့် လူသားချင်းစာနာမှုဆိုင်ရာ အကူအညီပေးရေး ၀န်ထမ်းများကန့်သတ်မှုများ ဆက်လက်ကြုံတွေ့နေရခြင်းအပေါ် သူမအနေဖြင့် စိုးရိမ်ပူပန်မိကြောင်း OCHA ၏လက်ထောက်အတွင်းရေးမှူးချုပ်က ပြောကြားခဲ့သည်ဟု သတင်းထုတ်ပြန်ချက်တွင် ပါရှိသည်။

“အကြံပြုချက်များကို မှန်ကန်စွာဖြင့် အကောင်အထည်ဖော်၊ ဖြေရှင်းဆောင်ရွက်ပါက တိုင်းရင်းသား ရခိုင်လူမျိုးများ၊ မွတ်စလင်များ သို့မဟုတ် အခြားလူနည်းစုမှလူများ၊ မည်သူပင်ဖြစ်စေ ရခိုင်ပြည်နယ်ရှိ ထိခိုက်အလွယ်ဆုံး အခြေအနေရှိသော၊ အနွမ်းပါးဆုံးသော လူထုအသိုင်းအ၀ိုင်းအားလုံးမှ လူများ၏ဘ၀များကို ကြီးမားစွာပြောင်းလဲစေပါလိမ့်မည်” ဟု OCHA ၏လက်ထောက်အတွင်းရေးမှူးချုပ်က ထပ်မံပြောကြားခဲ့သည်။

ခရီးစဉ်အစတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား မစ္စအာရ်ဆူလာမြူလာသည် သွားရောက်တွေ့ဆုံခဲ့ပြီး ၎င်းတို့အနေဖြင့် ပဋိပက္ခများအဆုံးသတ်ရေး၊ ငြိမ်းချမ်းရေးနှင့် ပြန်လည်သင့်မြတ်ရေးဆိုင်ရာ ကြိုးပမ်းမှုများ ပိုမိုအားကောင်းစေရန် ဆောင်ရွက်ချက်များ၏ အရေးပါမှုကို ဆွေးနွေးခဲ့ကြကြောင်း၊ ပဋိပက္ခနှင့် သဘာဝဘေးအန္တရာယ်များကြောင့် ထိခိုက်ခံစားရသူ အားလုံးအနေဖြင့် ၎င်းတို့လိုအပ်သော လူသားချင်းစာနာမှုဆိုင်ရာ ကာကွယ်စောင့်ရှောက်မှုနှင့် အကူအညီများရရှိစေရန်အတွက် ကုလသမဂ္ဂနှင့် ၎င်း၏လူသားချင်းစာနာမှုဆိုင်ရာ မိတ်ဖက်အဖွဲ့အစည်းများမှ ဆက်လက်ပံ့ပိုးကူညီသွားမည်ဖြစ်ကြောင်း မစ္စအာရ်ဆူလာမြူလာက ပြောကြားခဲ့ကြောင်း သိရသည်။

ထို့နောက် OCHA ၏လက်ထောက်အတွင်းရေးမှူးချုပ်အနေဖြင့် ကာကွယ်ရေးဝန်ကြီးဌာန၊ နယ်စပ်ရေးရာဝန်ကြီးဌာန၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဌာနများမှဝန်ကြီးများနှင့်လည်း တွေ့ဆုံခဲ့ပြီး ပြည်ထောင်စုအစိုးရအဖွဲ့များနှင့် တွေ့ဆုံရာတွင် ရခိုင်ပြည်နယ်၊ ကချင်ပြည်နယ်၊ ရှမ်းပြည်နယ်တို့ရှိ လူသားချင်းစာနာမှုဆိုင်ရာ အကူအညီလိုအပ်သည့်အခြေအနေ၊ စိန်ခေါ်မှုများနှင့် ဘေးအန္တရာယ် ကြိုတင်ပြင်ဆင်ရေး ကြိုးပမ်းမှုများအတွက် နိုင်ငံတော်အစိုးရနှင့် နိုင်ငံတကာအသိုင်းအ၀ိုင်းတို့ အတူတကွ ပူးပေါင်းဆောင်ရွက်မှုများကို ဆွေးနွေးခွင့်ရရှိခဲ့ကြောင်း သတင်းထုတ်ပြန်ခဲ့သည်။

OCHA ၏ လက်ထောက်အတွင်းရေးမှူးချုပ်သည် လူဦးရေ ၁၃၀,၀၀၀ ခန့် (အများစုမှာ ၎င်းတို့ကိုယ်၎င်းတို့ ရိုဟင်ဂျာဟုခေါ်ဆိုသူများ) နေထိုင်လျက်ရှိသော စခန်းများသို့လည်းကောင်း၊ မောင်တောမြို့နယ်သို့လည်းကောင်း သွားရောက်ခဲ့ပြီး ယခင်နှစ်တွင် ဖြစ်ပွားခဲ့သော အကြမ်းဖက်မှုများကြောင့် ထိခိုက်ခံစားရသော ဒေသခံလူထုများနှင့်လည်း တွေ့ဆုံခဲ့ပြီး နိုင်ငံတော်အစိုးရက ဆောက်လုပ်လျက်ရှိသော ဒုက္ခသည်များကို ပြန်လည်လက်ခံမည့်နေရာနှင့် အိမ်အသစ်များ ပြန်လည်ဆောက်လုပ်သည့် စီမံချက်များသို့ သွားရောက်ကြည့်ရှုခဲ့ပြီး မီးလောင်ပျက်စီးသွားသော သို့မဟုတ် ဘူဒိုဇာများဖြင့် ဖယ်ရှားခံရသော ရွာများကိုလည်း တွေ့မြင်ခဲ့ကြောင်း ထုတ်ပြန်ချက်အရ သိရသည်။

ဆက်လက်ပြီး ကချင်ပြည်နယ်သို့ သွားရောက်ခဲ့ပြီး စခန်းများရှိ နေရပ်စွန့်ခွာတိမ်းရှောင်သူများနှင့် တွေ့ဆုံစကားပြောခြင်း၊ ပြည်တွင်းနှင့် နိုင်ငံတကာမှ လူသားချင်းစာနာမှုဆိုင်ရာ အကူအညီပေးရေးအဖွဲ့အစည်းများ၏ ကိုယ်စားလှယ်များနှင့် တွေ့ဆုံခဲ့ကြောင်း သိရသည်။

“ပဋိပက္ခများသည် အရပ်သားများ နေထိုင်သည့်နေရာများနှင့် နေရပ်စွန့်ခွာတိမ်းရှောင်သူ စခန်းများအနီးတွင် ဖြစ်ပွားလျက်ရှိပြီး ကချင်ပြည်နယ်နှင့် ရှမ်းပြည်နယ်ရှိ လမ်းများ၊ ကွင်းပြင်များတွင် မြေမြှုပ်မိုင်းများ ချထားခြင်းကို ဆက်လက်ပြုလုပ်နေကြကာ လူများမှာ ၎င်းတို့၏အိမ်များမှ ဆက်လက်စွန့်ခွာ ထွက်ပြေးနေကြရဆဲဖြစ်ပါသည်” ဟု OCHA ၏ လက်ထောက်အတွင်းရေးမှူးချုပ်က ပြောကြားသည်။

၂၀၁၈ ခုနှစ် မြန်မာနိုင်ငံ လူသားချင်းစာနာမှုဆိုင်ရာ တုံ့ပြန်ရေးစီမံကိန်းတွင် ရခိုင်ပြည်နယ်၊ ကချင်ပြည်နယ်၊ ရှမ်းပြည်နယ်နှင့် ကရင်ပြည်နယ်များရှိ လူဦးရေ ၈၃၂,၀၀၀ တို့၏လိုအပ်ချက်များကို ဖြည့်ဆည်းနိုင်ရန် ရန်ပုံငွေ အမေရိကန်ဒေါ်လာ ၁၈၃ သန်းကို တောင်းခံထားပြီး မြန်မာနိုင်ငံရှိ လူသားချင်းစာနာမှုဆိုင်ရာ တုံ့ပြန်ဆောင်ရွက်ရေးလုပ်ငန်းများအတွက် ရန်ပုံငွေများ အပူတပြင်းလိုအပ်လျက်ရှိကြောင်း သတင်းထုတ်ပြန်ချက်တွင် ဖော်ပြပါရှိသည်။

အမျိုးသားဒီမိုကရေစီအဖွဲ့ချုပ် ပါတီအနေဖြင့် အစိုးရတာဝန်ယူပြီးနောက်ပိုင်း တခြားတိုင်းရင်းသားပါတီများနှင့် နိုင်ငံရေးအရ ပူးပေါင်းဆောင်ရွက်မှုမရှိကြောင်း UNA အဖွဲ့ဝင် ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ၏ အထွေထွေအတွင်းရေးမှူး ပြောကြား

အမျိုးသားဒီမိုကရေစီအဖွဲ့ချုပ်ပါတီ (NLD) အနေဖြင့် အစိုးရတာဝန်ယူပြီး နောက်ပိုင်းကာလများတွင် တခြားသော တိုင်းရင်းသားနိုင်ငံရေးပါတီများနှင့် နိုင်ငံရေးအရ ပူးပေါင်းဆောင်ရွက်မှုမရှိကြောင်း စည်းလုံးညီညွတ်သော တိုင်းရင်းသားလူမျိုးများမဟာမိတ် (UNA) အဖွဲ့ဝင်ဖြစ်သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ (SNLD) ၏ အထွေထွေအတွင်းရေးမှူး ဦးစိုင်းညွန့်လွင်က ပြောကြားသည်။

၂၀၁၀ အရှေ့ပိုင်းကာလများက တိုင်းရင်းသားပါတီများနှင့် NLD ပါတီတို့ အတူတကွ ပူးပေါင်းလုပ်ဆောင်ခဲ့ခြင်းမျိုးရှိခဲ့ပြီး ၂၀၁၅ နောက်ပိုင်း အစိုးရတာဝန်ယူပြီး နောက်တွင်မူ NLD အနေဖြင့် တခြားသော တိုင်းရင်းသားပါတီများနှင့် ပူးပေါင်းလုပ်ဆောင်ခြင်းမျိုး မရှိတော့ကြောင်း ဦးစိုင်းညွန့်လွင်က Eleven Media နှင့် သီးသန့်တွေ့ဆုံခဲ့သည့် အင်တာဗျူးတွင် ဖြေကြားသည်။

ဦးစိုင်းညွန့်လွင်က “တိုင်းရင်းသားပါတီတွေနဲ့လည်း ပူးပေါင်းလုပ်ဆောင်တာမျိုးမရှိပါဘူး။ ၂၀၁၀ အရှေ့ပိုင်းမှာတုန်းကတော့ရှိခဲ့တယ်။ ဒေါ်အောင်ဆန်းစုကြည် လွှတ်တော်ထဲရောက်သွားတယ်။ နေပြည်တော်မှာ UNA အနေနဲ့တစ်ခါ ကျွန်တော်တို့ သွားတွေ့ပါတယ်။ ဒီနောက်ပိုင်း ၂၀၁၅ နောက်ပိုင်းတော့ ဒါမျိုးတွေမရှိတော့ပါဘူး။ ပွင့်ပွင့်လင်းလင်းပြောရရင် ၂၀၁၅ နောက်ပိုင်း ပါတီတစ်ခုချင်းစီ တွေ့ဆုံညှိနှိုင်းပြီးတော့ အလုပ်လုပ်တာတစ်ခုမှမရှိပါဘူး။ ပါတီနဲ့ ပါတီချင်း ဆက်ဆံတာမရှိတော့ပါဘူး။ ကျွန်တော်တို့ပြောချင်တာကတော့ နိုင်ငံရေးအရ ပါတီတစ်ခုနဲ့တစ်ခု ဆွေးနွေးညှိနှိုင်း လုပ်ဆောင်တာမျိုးမရှိတော့ပါဘူး။ ဥပမာ ၂၀၁၂ နောက်ပိုင်းမှာ CRPP ရှိတယ်။ CRPP က ဒီကနေ့မှာ ဘာဖြစ်သွားမှန်းမသိဘူး။ CRPP ကဖျက်တာလည်းမဟုတ်ဘူး။ ဆက်ရှိသလားဆိုတော့လည်း ဆက်မရှိတော့ဘူး။ ဒီကိစ္စကို ဆွေးနွေးဖို့ဆိုတာလည်း တစ်ခါမှမရှိခဲ့ဘူး။ ဒီအတိုင်းပဲ ရပ်လိုက်တယ်ပေါ့။ ဒါပေမဲ့ တိုင်းရင်းသားပါတီတွေဘက်က တော်တော်လေး သည်းခံပါတယ်။ ဒီဟာကို ပြဿနာကြီးအနေနဲ့ ဘယ်သူမှမလုပ်ကြပါဘူး။ ဒါကို သတင်းသမားတွေလည်း သိပ်မသိကြဘူးလေ။ ဆက်ဆံရေးကောင်းတယ်လို့ပဲ ထင်နေကြတယ်။ တကယ့် တကယ် ၂၀၁၅ နောက်ပိုင်းမှာ နိုင်ငံရေးအရ ပါတီတစ်ခုနဲ့တစ်ခု ဆွေးနွေးညှိနှိုင်းတာမျိုး ဘာမှမရှိပါဘူး” ဟုပြောကြားသည်။

ထိုကဲ့သို့ ပူးပေါင်းဆောင်ရွက်မှုမျိုး မရှိရခြင်းမှာလည်း ပါတီအချင်းချင်းအကြား ဆက်ဆံရေးကွဲပြားခြင်းမျိုး မဟုတ်ကြောင်း၊ တိုင်းရင်းသားပါတီများအနေဖြင့် အမျိုးသားဒီမိုကရေစီအဖွဲ့ချုပ်၏ အစိုးရလုပ်ငန်းများကို ထောက်ခံစရာရှိသည့် အနေအထားတွင် ထောက်ခံခဲ့ကြပြီး၊ ကန့်ကွက်စရာရှိသည့် အနေအထားမျိုးတွင် ကန့်ကွက်မှုများရှိခဲ့ကြောင်း၊ ယင်းကဲ့သို့ထောက်ခံ၊ ကန့်ကွက်မှုများသည်လည်း အမျိုးသားဒီမိုကရေစီအဖွဲ့ချုပ်နှင့် ဆွေးနွေးညှိနှိုင်းပြီးမှ လုပ်ဆောင်ခြင်းမျိုး မဟုတ်ကြောင်း ၎င်းက ဆိုသည်။

“ကျွန်တော်တို့ သမ္မတကိုမဲပေးတာတို့ ဘာတို့ကတော့ ကျွန်တော်တို့က ၀တ္တရားအရ ထောက်ခံရမှာပဲလေ။ ဒါကတော့ရှိပါတယ်။ ဒီကဆွေးနွေးညှိနှိုင်းတဲ့ အနေအထားမျိုးတွေနဲ့ လုပ်တာတော့မဟုတ်ပါဘူး။ ကျွန်တော်တို့ရဲ့ဆန္ဒနဲ့ ကျွန်တော်တို့ရဲ့ အသိဝတ္တရားအရ မဲပေးရတာဖြစ်တယ်။ ညှိညှိနှိုင်းနှိုင်းရယ်လို့တော့ မရှိပါဘူး။ ကျွန်တော်တို့ တိုင်းရင်းသားပါတီတွေဘက်ကတော့ တိုင်းပြည်အတွက် အကျိုးရှိတယ်ဆိုရင် ထောက်ခံတာပါပဲ။ တချို့မလိုလားအပ်တဲ့ ကိစ္စမျိုးဆိုရင်တော့ ကန့်ကွက်တာမျိုးတွေရှိပါတယ်။ ဒါက ကန့်ကွက်ရမှာပဲလေ။ ဥပမာ သံလွင်တံတားတို့ ဘာတို့ဆိုရင်ပေါ့။ ဒါက နာမည်ပေးတာတွေ ဘာတွေဆိုက အငြင်းပွားဖွယ်ရာ သေးသေးလေးကအစ အဲဒီလိုမျိုးတွေဖြစ်လာတဲ့ အခါကျတော့ ကျွန်တော်တို့ တိုင်းရင်းသားပါတီတွေ UNA ကကန့်ကွက်တာပေါ့။ ဒီတံတားနာမည်မပြောင်းဖို့တို့ ဘာတို့ပေါ့။ ဒါပေမဲ့ သမ္မတရွေးတဲ့နေရာတို့ ဘာတို့မှာတော့ ကျွန်တော်တို့ UNA ကကိုယ်စားလှယ်တွေလည်း ထောက်ခံတာပဲလေ။ ဆိုတော့ သူ့အပိုင်းနဲ့သူပေါ့ အားလုံးကိုထောက်ခံတယ်။ အားလုံးကို ဆန့်ကျင်တယ်လည်းမရှိပါဘူး။ အကြောင်းအရာအလိုက်အပ်ါမှာတော့ မူတည်သေးတာပေါ့။ ကျွန်တော်တို့ဘက်ကတော့ အချိန်မရွေးအဆင်သင့်ပါပဲ။ အခုကြွေးကြော်ထားတာ စုပေါင်းအင်အားလေ။ စုပေါင်းအင်အားဆိုတော့ ဘယ်လိုစုမလဲတော့ မသိသေးဘူး” ဟု ဦးစိုင်းညွန့်လွင်က ပြောကြားသည်။

ထို့ပြင် လက်ရှိတွင်ရွေးချယ်တင်မြောက်ခြင်း ခံထားရသည့် နိုင်ငံတော်သမ္မတသည်လည်း မိမိတို့နှင့်အတူ မိုးထဲရေထဲအချိန် ကာလများကတည်းက လက်တွဲလာခဲ့သည့် မိတ်ဆွေဖြစ်ကြောင်း၊ နိုင်ငံတော်သမ္မတအနေဖြင့် ရှေ့ဆက်လုပ်ဆောင်ရမည့် လုပ်ငန်းများတွင် များစွာရုန်းကန်ရန် လိုအပ်မည်ဖြစ်ပြီး တစ်ဦးတစ်ယောက်တည်း လုပ်ဆောင်သွားခြင်းထက် စုပေါင်းအင်အားဖြင့် လုပ်ဆောင်လိမ့်မည်ဟု ထင်မြင်မိကြောင်း၊ ထို့အတွက် ရှေ့ဆက်လုပ်ဆောင်မည့် လုပ်နည်းလုပ်ဟန်၊ စနစ်များပြောင်းလဲရန် လိုအပ်မည်ဖြစ်ကြောင်း ဦးစိုင်းညွန့်လွင်က သုံးသပ်ပြောကြားသည်။

ဆက်လက်၍ “ကျွန်တော်တို့ အကြံပြုချင်တာကတော့ မိတ်ဆွေပါတီတွေရှိတယ်။ မိတ်ဆွေနိုင်ငံရေးသမားတွေရှိတယ်။ ဒီနေ့အထိ ၀န်းရံနေတုန်းပဲ။ ဒီနေ့အထိ အားပေးနေတုန်းပဲ အစိုးရအပေါ်ကို ဒီဟာတွေကို အလဟသမဖြစ်စေချင်ဘူး။ မဖြုန်းတီးပစ်လိုက်စေချင်ဘူး။ ဒီလောက်ပဲပြောချင်ပါတယ်” ဟု ဦးစိုင်းညွန့်လွင်က ဆိုသည်။

တပ်မတော်သားများအနေဖြင့် လူမှုကွန်ရက်စာမျက်နှာများ သုံးစွဲရာတွင် လုံခြုံရေးမကျိုးပေါက်စေရန်၊ မူးယစ်ဆေးဝါးနှင့် တရားမ၀င် သစ်မှောင်ခိုလုပ်ငန်းများတွင် ပါဝင်ပတ်သက်မှုမရှိစေရန် ဒုတိယတပ်မတော်ကာကွယ်ရေးဦးစီးချုပ် ပြောကြား

Photo: တပ်မတော်ကာကွယ်ရေးဦးစီးချုပ်ရုံး

တပ်မတော်သားများအနေဖြင့် လူမှုကွန်ရက်စာမျက်နှာများ သုံးစွဲရာတွင် လုံခြုံရေးမကျိုးပေါက်စေရန်၊ မူးယစ်ဆေးဝါးနှင့် တရားမ၀င် သစ်မှောင်ခိုလုပ်ငန်းများတွင် ပါဝင်ပတ်သက်မှုမရှိစေရန် ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်းမှ ပြောကြားခဲ့ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

အဆိုပါကိစ္စအား ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းသည် ဧပြီ ၇ ရက် နံနက်ပိုင်းနှင့် မွန်းလွဲပိုင်းတို့တွင် ဗထူးတပ်နယ်နှင့် လွိုင်ကော်တပ်နယ်တို့အတွင်း စိုက်ပျိုးမွေးမြူရေး ဆောင်ရွက်ထားရှိမှုများအား လှည့်လည်ကြည့်ရှုစစ်ဆေးပြီး တပ်နယ်မှအရာရှိ၊ စစ်သည်၊ မိသားစုများအား တွေ့ဆုံစဉ်ပြောကြားခဲ့ခြင်းဖြစ်သည်။

တွေ့ဆုံပွဲတွင် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) က နိုင်ငံတော်ကာကွယ်ရေးနှင့် လုံခြုံရေးဆိုင်ရာ သိသင့်သိထိုက်သော ကိစ္စရပ်များနှင့် စဉ်ဆက်မပြတ် လေ့ကျင့်ရေးဆိုင်ရာကိစ္စရပ်များ၊ စစ်သည်တော် ကျင့်ဝတ်အပါး ၆၀ အား လိုက်နာကျင့်သုံး၍ ညီညွတ်မျှတသော အုပ်ချုပ်မှုဖြင့် တပ်တွင်းစည်းလုံးညီညွှတ်မှုကို ပိုမိုကျစ်လျစ်ခိုင်မာအောင် တည်ဆောက်ရေးဆိုင်ရာကိစ္စရပ်များ၊ တပ်မတော်အား ခေတ်မီတပ်မတော် (Standard Army) တည်ဆောက်ရာတွင် လိုအပ်သည့်တိုက်စွမ်းအား၊ တိုက်စွမ်းရည်မြင့်မားစေရေး စဉ်ဆက်မပြတ် ဆောင်ရွက်နေရမည့်လုပ်ငန်းများနှင့် စစ်သည်များ၏ ပညာရည်မြှင့်တင်ရေးအတွက် ဆောင်ရွက်ရမည့်လုပ်ငန်းများ၊ ပြည်သူ့စစ်မဟာဗျူဟာကို လက်တွေ့အကောင်အထည်ဖော် ဆောင်ရွက်နိုင်ရေးအတွက် လေ့ကျင့်သားပြည့်ဝသော စစ်သည်၊ ရဲမေများဖြစ်လာစေရေး လေ့ကျင့်ရန်လိုအပ်သည့် ကိစ္စရပ်များကို ပြောကြားခဲ့သည်။

ထို့ပြင် တပ်မိသားစုများ သက်သာချောင်ချိရေးနှင့် ကုန်ဈေးနှုန်းကြီးမြှင့်မှုကို အထိုက်အလျောက် သက်သာစေမည့် တပ်ပိုင်နှင့် တစ်ပိုင်တစ်နိုင် စိုက်ပျိုးမွေးမြူရေးလုပ်ငန်းများ အောင်မြင်စွာ အကောင်အထည်ဖော် ဆောင်ရွက်နိုင်ရေးဆိုင်ရာ ကိစ္စရပ်များ၊ လူမှုကွန်ရက်စာမျက်နှာများ သုံးစွဲရာတွင် လုံခြုံရေးဆိုင်ရာ မကျိုးပေါက်စေရေး သတိပြုဆင်ခြင်စောင့်ထိန်းရမည့် ကိစ္စရပ်များ၊ မူးယစ်ဆေးဝါးနှင့် တရားမ၀င်သစ် မှောင်ခိုလုပ်ငန်းများတွင် စစ်သည်၊ မိသားစုဝင်များ ပါဝင်ပတ်သက်မှုမရှိစေရေး ဆိုင်ရာကိစ္စရပ်များအား ဒုတိယတပ်မတော်ကာကွယ်ရေးဦးစီးချုပ်က ပြောကြားခဲ့သည်။

အမျိုးသားဒီမိုကရေစီအဖွဲ့ချုပ်ပါတီ၏ ဗဟိုလူငယ်လုပ်ငန်းအဖွဲ့အား ၁၅ ဦး၊ အရန်အဖွဲ့ဝင်ငါးဦးဖြင့် ဖွဲ့စည်းခဲ့ပြီး မမိုးဆန်းစုကြည်အား တာဝန်ခံအဖြစ်ရွေးချယ်

အမျိုးသားဒီမိုကရေစီအဖွဲ့ချုပ်ပါတီ၏ ဗဟိုလူငယ်လုပ်ငန်းအဖွဲ့အား ၁၅ ဦး၊ အရန်အဖွဲ့ဝင်ငါးဦးဖြင့် ဖွဲ့စည်းခဲ့ပြီး မမိုးဆန်းစုကြည်အား တာဝန်ခံအဖြစ် ရွေးချယ်ခဲ့ကြောင်း သိရသည်။

ဧပြီ ၇ ရက်တွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန (၂) တွင် ပြုလုပ်ခဲ့သည့် အမျိုးသားဒီမိုကရေစီအဖွဲ့ချုပ်ပါတီ၏ ဒုတိယအကြိမ် နိုင်ငံလုံးဆိုင်ရာ လူငယ်ညီလာခံ (ဗဟို)အခမ်းအနားတွင် တိုင်းဒေသကြီးနှင့် ပြည်နယ်များမှ လူငယ်ခေါင်းဆောင် ၂၆၀ ကျော်အနက် မမိုးဆန်းစုကြည်အား မဲပေးရွေးချယ်ခဲ့ခြင်းဖြစ်ကြောင်း သိရသည်။

ဗဟိုလူငယ်လုပ်ငန်းအဖွဲ့တာဝန်ခံ မမိုးဆန်းစုကြည်က “ဒီနေ့ဟာ ကျွန်မတို့အမျိုးသားဒီမိုကရေစီအဖွဲ့ချုပ်က ကျင်းပတဲ့ ဒုတိယအကြိမ် ညီလာခံဖြစ်ပါတယ်။ တိုင်းနဲ့ပြည်နယ်အသီးသီးကနေ ဒီမိုကရေစီနည်းလမ်းကျကျနဲ့ ယှဉ်ပြိုင်ပြီးတော့ တက်လာခဲ့တဲ့လူငယ်တွေကိုလည်း ဂုဏ်ယူမိပါတယ်။ ကျွန်မအခုရရှိလာတဲ့ တာဝန်အပေါ်မှာလည်း ကျေပွန်စွာ ထမ်းဆောင်ပါ့မယ်လို့လည်း ကတိပေးပါတယ်။ ယုံကြည်စွာ တာဝန်ပေးအပ်တာကို အလွဲသုံးစားမလုပ်ပါဘူးလို့ ကတိပေးပါတယ်။ ကျွန်မတို့ လူငယ်လုပ်ငန်းအဖွဲ့အနေနဲ့ ရှေ့ဆက်ပြီးတော့ လုပ်ရမယ့်အလုပ်တွေမှာ အခက်အခဲတွေ၊ စိန်ခေါ်မှုတွေလည်း ရှိလာနိုင်ပါတယ်။ အဲဒီလိုရှိလာတဲ့အခါမှာလည်း ကျွန်မတို့ရဲ့ခေါင်းဆောင် ဒေါ်အောင်ဆန်းစုကြည်ပြောသလိုပဲ စုပေါင်းအင်အားနဲ့ ကျွန်မတို့ တစ်ယောက်ကိုတစ်ယောက် တိုင်တိုင်ပင်ပင်နဲ့ အားလုံးလုပ်ဆောင်သွားကြမယ်လို့ မျှော်လင့်ပါတယ်။ အဲဒီလိုပဲ လုပ်ဆောင်သွားချင်ပါတယ်။ ဘယ်လိုပဲဖြစ်ဖြစ် အဖွဲ့ထဲမှာ ကိစ္စတစ်ခုခုရှိလာခဲ့ရင် စည်းစည်းလုံးလုံးနဲ့တိုင်ပင်ပြီး လုပ်သွားတာကို လိုချင်ပါတယ်။ တစ်ယောက်နဲ့တစ်ယောက် အပြုသဘောနဲ့ဆက်ဆံပြီးတော့ မျှတတဲ့သဘောထားရှိရင် မှန်ကန်တဲ့အဖြေကိုရနိုင်မှာပါ။ စီနီယာတွေဆီက အများကြီးသင်ယူရပါဦးမယ်။ ၀ိုင်းဝန်းလုပ်ဆောင်ပေးကြပါလို့ ပြောချင်ပါတယ်။ ညီညီညွတ်ညွတ်နဲ့ ပျက်စီးသွားတာမဖြစ်အောင်လည်း ကြိုးစားသွားစေချင်ပါတယ်။ ၂၀၂၀ ပြည့်နှစ်ရွေးကောက်ပွဲကိုလည်း ကျွန်မတို့ ဗဟိုလူငယ်လုပ်ငန်းအဖွဲ့အနေနဲ့ အားသွန်ခွန်စိုက် ပါဝင်သွားနိုင်မယ်လို့လည်း မျှော်လင့်ပါတယ်။ ကိုယ်စွမ်းဥာဏ်စွမ်း ရှိသရွေ့လုပ်ဆောင်သွားချင်ပါတယ်။ ကျွန်မတို့အဖွဲ့အနေနဲ့ ရိုးရိုးသားသားနဲ့ ကိုယ့်ကိုယ်ကိုယ်ယုံကြည်မှုအပြည့်နဲ့ လုပ်ဆောင်စေချင်ပါတယ်။ သမ္မတသစ်ကြီးနဲ့အတူ ကျွန်မတို့နိုင်ငံရဲ့ ပြုပြင်ပြောင်းလဲရေးမှာ အားလုံးတက်တက်ကြွကြွနဲ့ လုပ်ဆောင်နိုင်ပါစေလို့ ပြောကြားရင်း နိဂုံးချုပ်ပါတယ်” ဟုပြောကြားသည်။

အမျိုးသားဒီမိုကရေစီအဖွဲ့၏ ဒုတိယအကြိမ် နိုင်ငံလုံးဆိုင်ရာ ဗဟိုညီလာခံမှ ဗဟိုလူငယ်လုပ်ငန်းအဖွဲ့ တာဝန်ခံအဖြစ် မမိုးဆန်းစုကြည်၊ တွဲဖက်တာဝန်ခံအဖြစ် မဇင်နီနီဝင်း (မကွေးတိုင်းဒေသကြီး)၊ စည်းရုံးရေးမှူးအဖြစ် စောအောင်နိုင်ဦး (ကရင်ပြည်နယ်)၊ အုပ်ချုပ်ရေးရာမှူးအဖြစ် ဆလိုင်းယောင် (ရခိုင်ပြည်နယ်)၊ ဘဏ္ဍာရေးရာမှူးအဖြစ် စောမော်ဒေး (မန္တလေးတိုင်းဒေသကြီး)၊ သတင်းပြန်ကြားရေးရာမှူးအဖြစ် ဦးစိုင်းအောင်အေးချမ်း (ရှမ်းပြည်နယ်မြောက်ပိုင်း)၊ လုံခြုံရေးနှင့် စည်းကမ်းထိန်းသိမ်းရေးရာမှူးအဖြစ်ကို သန့်ဇင်ထွဋ် (ရှမ်းပြည်နယ်တောင်ပိုင်း)၊ လူငယ်ဖွံ့ဖြိုးရေးလုပ်ငန်းများရေးရာမှူးအဖြစ် မသီရိထွန်း (မွန်ပြည်နယ်)၊ လူထုလူတန်းစားရေးရာမှူးအဖြစ် ကိုပိုင်ဇော်ဦး (ရှမ်းပြည်နယ်အရှေ့ပိုင်း)၊ အဖွဲ့ဝင်များအဖြစ် ကိုဖြိုးကိုကို (တနင်္သာရီတိုင်းဒေသကြီး)၊ ကိုသူရိန် (ကချင်ပြည်နယ်)၊ မနီနီမေမြင့် (ရခိုင်ပြည်နယ်) ကိုနေလင်းစိုး (ကချင်ပြည်နယ်)၊ ကိုဘုန်းကျော်ဦး (ကယားပြည်နယ်)၊ ကိုသူရစစ်နိုင် (မကွေးတိုင်းဒေသကြီး) တို့ဖြစ်ကြောင်း သိရသည်။ အရန်လူငယ်အဖွဲ့ဝင်များအဖြစ် မင်းရတ်မွန်ချမ်း (မွန်ပြည်နယ်)၊ ဘွေဟရင်းထောင် (ချင်းပြည်နယ်)၊ ဒေါက်တာမျိုးသက်လင်း (ဧရာဝတီတိုင်းဒေသကြီး)၊ မောင်သက်ပိုင်စိုး (ဧရာဝတီတိုင်းဒေသကြီး)၊ မောင်သော်ထက်ဥာဏ် (ပဲခူးတိုင်းဒေသကြီး) တို့ကို ရွေးချယ်အတည်ပြုခဲ့သည်။