၂၀၁၈ ခုနှစ် ဧပြီမှ စက်တင်ဘာအထိ ခြောက်လအတွက် အခွန်အကောက်ရငွေ ကျပ် ၂၇၉၂ ဘီလျံရရှိရန်နှင့် အခွန်ရငွေနှင့် ဂျီဒီပီအချိုးကို ၈ ဒသမ ၅ ရာခိုင်နှုန်းရှိရန် လျာထား

၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် အခွန်အကောက်ရငွေ ကျပ် ၂၇၉၂ ဘီလျံရရှိရန်နှင့် အခွန်ရငွေနှင့် ဂျီဒီပီအချိုးကို ၈ ဒသမ ၅ ရာခိုင်နှုန်းရှိရန် လျာထားကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံး ခန့်မှန်းခြေငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာ သုံးသပ်ချက်အစီရင်ခံစာတွင် ဖော်ပြထားချက်အရ သိရသည်။

အခွန်အကောက်ရငွေ လျာထားချက် ကျပ် ၂၇၉၁ ဒသမ ၈၉၇ ဘီလျံမှာ ၂၀၁၅-၂၀၁၆ မှ ၂၀၁၆-၂၀၁၇ ဘဏ္ဍာနှစ်များ၏ ပထမခြောက်လ အခွန်ကောက်ခံရရှိငွေများနှင့် နှိုင်းယှဉ်ပါက တိုးမြှင့်လျာထားကြောင်း သိရသည်။

၂၀၁၅-၂၀၁၆ ဘဏ္ဍာနှစ် (အမှန်) တွင် အခွန်ရငွေ ကျပ် ၂၃၅၈ ဘီလျံ၊ ဂျီဒီပီ ကျပ် ၂၄၈၃၃ ဘီလျံနှင့် အခွန်ရငွေနှင့် ဂျီဒီပီအချိုး ၉ ဒသမ ၅ ရာခိုင်နှုန်း၊ ၂၀၁၆-၂၀၁၇ ဘဏ္ဍာနှစ် (ရှေ့ပြေးအမှန်) တွင် အခွန်ရငွေ ကျပ် ၂၅၄၈ ဘီလျံ၊ ဂျီဒီပီ ကျပ် ၂၆၄၈၂ ဘီလျံ၊ အခွန်ရငွေနှင့် ဂျီဒီပီအချိုး ၉ ဒသမ ၆ ရာခိုင် နှုန်း၊ ၂၀၁၇-၂၀၁၈ ဘဏ္ဍာနှစ် (ယာယီ) တွင် အခွန်ရငွေ ကျပ် ၃၀၇၉ ဘီလျံ၊ ဂျီဒီပီ ကျပ်ဘီလျံ ၂၄၉၁၀၊ အခွန်ရငွေနှင့် ဂျီဒီပီအချိုး ၁၂ ဒသမ ၄ ရာခိုင်နှုန်းရှိပြီး ၂၀၁၈ ခုနှစ် (ဧပြီမှ စက်တင်ဘာလအထိ-ရည်မှန်းချက်) တွင် အခွန်ရငွေ ကျပ် ၂၇၉၂ ဘီလျံ၊ ဂျီဒီပီ ကျပ် ၃၂၈၇၃ ဘီလျံ၊ အခွန်ရငွေနှင့် ဂျီဒီပီအချိုး ၈ ဒသမ ၅ ရာခိုင်နှုန်းရှိရန် လျာထားကြောင်း သိရသည်။

ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံးခန့်မှန်းခြေငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာသုံးသပ်ချက် အစီရင်ခံစာတွင် အခွန်ကင်းလွတ်ခွင့်နှင့် ရင်းနှီးမြှုပ်နှံမှုမက်လုံးများကို ကျိုးကြောင်းဆီလျော်မှုရှိအောင် ဆောင်ရွက်ရန်၊ ပြည်ထောင်စုအဆင့်အနေဖြင့် အခွန်အတွက် အသုံးစရိတ်ကို ပိုမိုထင်သာမြင်သာသိရှိစေရန် နှစ်စဉ် အရအသုံးခန့်မှန်းခြေငွေစာရင်းတွင် ဖော်ပြသွားရန်၊ အခွန်စနစ်၏ သိက္ခာနှင့် ပုံရိပ်တို့ကို ထိန်းထားနိုင် လာဘ်ပေးလာဘ်ယူ တိုက်ဖျက်ရေးနည်းလမ်းများကို စတင်ဆောင်ရွက်ရန်၊ အခွန်ထမ်းဆိုင်ရာဝန်ဆောင်မှု စွမ်းဆောင်ရည်မြှင့်တင်နိုင်ရန် ကျွမ်းကျင်ဝန်ထမ်းများ ပိုမိုခန့်အပ်ရန်နှင့် စီးပွားရေးဖွံ့ဖြိုးတိုးတက်မှုအတွက် အခွန်၏အရေးပါမှုကို ပြည်သူလူထုအား စဉ်ဆက်မပြတ် ပညာပေးခြင်းလုပ်ငန်းများ တိုးမြှင့်ဆောင်ရွက်သွားရန် ဖော်ပြထားသည်။

ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ခိုင်မြဲရေး အပါအ၀င် ဒေသခံ ဌာနေတိုင်းရင်းသားတို့၏ အသက်အိုးအိမ် ထာဝရလုံခြုံမှုရှိသောဘ၀ ထူထောင်နိုင်ရန် ထိရောက်သော အကောင်အထည်ဖော်မှု ပြုလုပ်ပေးရန်အဆို ပြည်သူ့လွှတ်တော်တွင် အတည်ပြုရန် မဲခွဲဆုံးဖြတ်ရာ ရှုံးနိမ့်

ဖေဖော်ဝါရီ ၂၀ ရက်က ပြုလုပ်သော ပြည်သူ့လွှတ်တော် အစည်းအဝေး မစတင်မီ တက်ရောက်လာသူများကို တွေ့ရစဉ် (ဓာတ်ပုံ – စည်သူ)

ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ခိုင်မြဲရေး အပါအ၀င် ဒေသခံဌာနေ တိုင်းရင်းသားတို့၏ အသက်အိုးအိမ် ထာဝရလုံခြုံမှုရှိသော ဘ၀ကို ထူထောင်နိုင်ရန် ထိရောက်သော အကောင်အထည်ဖော်မှု ပြုလုပ်ပေးရန် အဆိုအား ပြည်သူ့လွှတ်တော်တွင် အတည်ပြုရန် မဲခွဲဆုံးဖြတ်ရာ ရှုံးနိမ့်ခဲ့ကြောင်း သိရသည်။

ဘူးသီးတောင် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက တင်သွင်းသည့် ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ ခိုင်မြဲရေးအတွက် လည်းကောင်း၊ ဒေသခံ ဌာနေတိုင်းရင်းသားတို့၏ အသက်အိုးအိမ်၊ ထာဝရလုံခြုံမှုရှိသော လူမှုဘ၀ကို ထူထောင်နိုင်ရန် ဒေသခံတိုင်းရင်းသားတို့၏ လိုအပ်ချက်များကို ရေတိုရေရှည် စီမံကိန်းများ ပွင့်လင်းမြင်သာစွာ ချမှတ်၍ ထိရောက်သော အကောင်အထည်ဖော် ဆောင်ရွက်မှုများကို ပြုလုပ်ပေးရန် နိုင်ငံတော် အစိုးရအား တိုက်တွန်းကြောင်း အဆိုကို နေပြည်တော်၌ ဖေဖော်ဝါရီ ၂၀ ရက်က ပြုလုပ်သည့် ဒုတိယအကြိမ် ပြည်သူ့လွှတ်တော် သတ္တမပုံမှန် အစည်းအဝေး ၂၀ ရက်မြောက်နေ့တွင် လွှတ်တော်ကိုယ်စားလှယ်များက ဆွေးနွေးခဲ့ပြီး မဲခွဲဆုံးဖြတ်ရာတွင် အတည်ပြုရန် ရှုံးနိမ့်ခဲ့ခြင်းဖြစ်သည်။

“ရခိုင်ပြည်နယ်အရေးကို အစိုးရအနေနဲ့ ဆောင်ရွက်ရာမှာ မီးစင်ကြည့်ကနေခြင်း မဟုတ်ဘဲ စနစ်တကျ ဆောင်ရွက်နေခြင်း ဖြစ်ကြောင်း ရှင်းလင်းတင်ပြ လိုပါတယ်။ ရခိုင်ပြည်နယ် အပါအ၀င် နိုင်ငံတစ်ဝန်းလုံးမှာ ရှိတဲ့ ဖွံ့ဖြိုးရေး၊ တရားဥပဒေ စိုးမိုးရေးတို့အတွက် လုပ်ဆောင်ရန် များစွာရှိနေပြီး အစိုးရအနေနဲ့ အလေးထား ကြိုးပမ်းဆောင်ရွက် လျက်ရှိပါတယ်။ ဒီလိုဆောင်ရွက်ရာမှာ နိုင်ငံတော် ဖွံ့ဖြိုးတိုးတက်မှု စီမံကိန်းများ၊ ရခိုင်ပြည်နယ် ဖွံ့ဖြိုးတိုးတက်မှု စီမံကိန်းများနဲ့ ဆောင်ရွက်နေပါတယ်။ ဒီဆောင်ရွက်မှုတွေဟာ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်တွေကို အကောင်အထည်ဖော် ဆောင်ရွက်နေခြင်းနဲ့လည်း ဆက်စပ်ကိုက်ညီလျက် ရှိပါတယ်။ ဒီအကြံပြုချက်တွေဟာ ရခိုင်ပြည်နယ်မှာ ခေတ်အဆက်ဆက် ဖြစ်ပွားခဲ့တဲ့ ပဋိပက္ခတွေရဲ့ အခြေခံ အကြောင်းရင်းတွေကို ဖော်ထုတ်ဖြေရှင်းခြင်းနဲ့ ရေရှည်ပဋိပက္ခ ကင်းဝေးပြီး ဖွံ့ဖြိုးတိုးတက်သော ပြည်နယ်တစ်ခု ဖြစ်လာရန် အထောက်အကူများစွာ ဖြစ်စေမှာ ဖြစ်ပါတယ်။ နောက်ဆုံး ဖြစ်ပွားခဲ့တဲ့ အကြမ်းဖက်ဖြစ်စဉ်ရဲ့ နောက်ဆက်တွဲ ဖြစ်ရပ်တွေအပေါ်အခြေခံပြီး ချမှတ်တဲ့ UEHRD ပြည်ထောင်စုစီမံကိန်းရဲ့ လုပ်ငန်းအဖွဲ့ကိုးခုက အကောင်အထည်ဖော် ဆောင်ရွက်မှုဟာလည်း ရေရှည်လူမှုစီးပွား ဖွံ့ဖြိုးတိုးတက်မှုကို ရရှိနိုင်ပြီး ဒေသခံ တိုင်းရင်းသားတွေအတွက် ထိရောက်တဲ့ ပြန်လည်ထူထောင်မှုပြုနိုင်မှာ ဖြစ်ပါတယ်” ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အဆိုနှင့် ပတ်သက်ပြီး ရှင်းလင်းဖြေကြားရာတွင် ထည့်သွင်းပြောကြားသည်။

ထို့ပြင် ရခိုင်ပြည်နယ် လုံခြုံရေးအတွက် နယ်စပ်ခြံစည်းရိုး ခိုင်ခံ့ကောင်းမွန်ရေး၊ ရေပိုင်နက် နယ်နိမိတ် လုံခြုံရေးတို့သည် အဓိကကျသော အချက်များဖြစ်သဖြင့် နယ်စပ်ခြံစည်းရိုး ကာရံခြင်းနှင့် ပတ်သက်၍ မြန်မာနိုင်ငံ အတွင်းသို့ တရားမ၀င် ၀င်ထွက်သွားလာမှု မရှိစေရေးနှင့် အကြမ်းဖက်သမားများ၏ အန္တရာယ်မှ လုံခြုံရေးတို့အတွက် ၂၀၁၆-၂၀၁၇ ဘဏ္ဍာနှစ်အတွင်း မြန်မာ-ဘင်္ဂလားဒေ့ရှ် ထိစပ်နယ်နိမိတ်တစ်လျှောက် နယ်စပ်ခြံစည်းရိုး ပျက်စီးမှုများအား ပြုပြင်ခြင်း၊ နယ်စပ်ခြံစည်းရိုး ကင်းလှည့်လမ်းပြုပြင်ခြင်း၊ ချဉ်းကပ်လမ်းများ၊ တံတားများနှင့် ကင်းစခန်းများ ပြုပြင်ခြင်းတို့ကို ဆောင်ရွက်လျက်ရှိကြောင်း၊ နယ်စပ်ခြံစည်းရိုး တည်ဆောက်ခြင်းကို ၂၀၀၉ ခုနှစ်မှ စတင်၍ သဲသောင်ပြင်ပိုင်း၊ တာပေါင်ပိုင်းနှင့် တောင်ပေါ်ပိုင်းဟူ၍ ခြံစည်းရိုး အမျိုးအစား သုံးမျိုးဖြင့် အဆင့်ဆင့် တည်ဆောက်လျက်ရှိရာ ကျန်ရှိသည့် ၃၉ ဒသမ ၂၁၇ မိုင်အား လာမည့် ပွင့်လင်းရာသီတွင် လုပ်ငန်းစတုတ္ထအဆင့်အဖြစ် ဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီးက ပြောကြားသည်။

နယ်မြေလုံခြုံရေးနှင့် ပတ်သက်၍ မြန်မာနိုင်ငံရဲတပ်ဖွဲ့မှ ရခိုင်ပြည်နယ်ရဲတပ်ဖွဲ့အပြင် အမှတ်(၁) နယ်ခြားစောင့် ရဲကွပ်ကဲမှု အဖွဲ့ကိုပါထားရှိ၍ တပ်မတော်နှင့် ပူးပေါင်းဆောင်ရွက်လျက်ရှိပြီး ရခိုင်ပြည်နယ် ရဲတပ်ဖွဲ့အနေဖြင့် မောင်တောမြို့နယ်တွင် ခရိုင်ရဲတပ်ဖွဲ့မှူးရုံး၊ မြို့နယ်ရဲတပ်ဖွဲ့မှူးရုံး၊ မြို့မရဲစခန်း၊ တောင်ပြိုလက်ဝဲ နယ်မြေရဲစခန်းနှင့် လုံခြုံရေး ရဲကင်းစခန်း ၁၀ ခု၊ ဘူးသီးတောင်မြို့နယ်တွင် မြို့နယ်ရဲတပ်ဖွဲ့မှူးရုံး၊ မြို့မရဲစခန်း၊ လုံခြုံရေး ရဲကင်းစခန်းသုံးခုနှင့် ဘူးသီးတောင် အကျဉ်းထောင် လုံခြုံရေးရဲကင်းစခန်း၊ ရသေ့တောင်မြို့နယ်တွင် မြို့နယ်ရဲတပ်ဖွဲ့မှူးရုံး၊ မြို့မရဲစခန်းနှင့် လုံခြုံရေး ရဲကင်းစခန်း နှစ်ခုဖွင့်လှစ်၍ နယ်မြေလုံခြုံရေးနှင့် တရားဥပဒေ စိုးမိုးရေး လုပ်ငန်းများကို ဆောင်ရွက်လျက်ရှိကြောင်း ဒေါက်တာဝင်းမြတ်အေးက ဆက်လက်ပြောကြားသည်။

“ရခိုင်ပြည်နယ်အရေးသည် မြန်မာနိုင်ငံရဲ့အရေး ဖြစ်ပါတယ်။ ရခိုင်ပြည်နယ်မှာ ဖြစ်ပေါ်နေတဲ့ အရေးကိစ္စဟာ မြန်မာနိုင်ငံတစ်ခုလုံး အပေါ်မှာလည်း အကျိုးသက်ရောက်မှုများစွာ ရှိနေတာကို အားလုံးအသိဖြစ်ပါတယ်။ ဒါကြောင့် ရခိုင်ပြည်နယ်ရှိ ပြည်သူတွေရဲ့ အကျိုးကို ကိုင်တွယ်ဆောင်ရွက်ရာမှာ တစ်နိုင်ငံလုံးရဲ့ အရေးကဲ့သို့ သတိကြီးစွာထားပြီး အမြင်ကျယ်ကျယ်နဲ့ ကိုင်တွယ်ဆောင်ရွက်ဖို့ များစွာလိုအပ်ပါတယ်။ အစိုးရရဲ့ လက်ရှိဆောင်ရွက်ထားမှုနဲ့ ဆက်လက်အကောင်အထည်ဖော် ဆောင်ရွက်နေမှုတွေဟာ လွှတ်တော်ကိုယ်စားလှယ်ကြီးရဲ့ ရခိုင်ဒေသခံ တိုင်းရင်းသား ပြည်သူတွေ အကျိုးအတွက် လိုလားတောင့်တမှုတွေနဲ့ ကိုက်ညီလျက်ရှိတဲ့အတွက် အဆိုကို မှတ်တမ်းအဖြစ်သာ ထားရှိရန် ဖြေကြားအပ်ပါတယ်” ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အဆိုနှင့် ပတ်သက်ပြီး မှတ်တမ်းတင်ရန် ပြောကြားသည်။

အဆိုနှင့် ပတ်သက်ပြီး တပ်မတော်သား ကိုယ်စားလှယ်နှစ်ဦး အပါအ၀င် လွှတ်တော်ကိုယ်စားလှယ် ၁၇ ဦးက ဆွေးနွေးခဲ့ပြီး အဆိုရှင် ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက အစိုးရအဖွဲ့အနေဖြင့် အကောင်အထည်ဖော် ဆောင်ရွက်နေရုံဖြင့် လုံလောက်ခြင်း မရှိသည့်အတွက် လက်တွေ့ အကောင်အထည်ဖော် ဆောင်ရွက်နိုင်ရန် အဆိုအား အတည်ပြုရန် ပြောကြားခဲ့သောကြောင့် စက်ခလုတ်နှိပ် မဲခွဲဆုံးဖြတ်ခဲ့သည်။

စက်ခလုတ်နှိပ် မဲခွဲဆုံးဖြတ်ရာတွင် ဆန္ဒမဲပေးခွင့်ရှိသူ ၃၈၃ ဦးတွင် အဆိုအား အတည်ပြုရန် ထောက်ခံသူ ၆၇ ဦး၊ မှတ်တမ်းတင်ရန် ထောက်ခံသူ ၃၀၄ ဦးနှင့် ကြားနေမဲ တစ်မဲဖြင့် အတည်ပြုရန် ရှုံးနိမ့်ခဲ့ခြင်းဖြစ်သည်။

“မီဒီယာတွေမှာလည်း ဖော်ပြနေကြတယ်။ အခုမောင်တောကနေ စစ်တွေကို ပြေးသွားကြတဲ့ နေစရာမရှိဘူး အခုထိ။ ဒီလောက် အစုလိုက်အပြုံလိုက် အသတ်ခံရတဲ့လူတွေ။ အဲဒီလို သူတို့ပြောတာနဲ့ မြေပြင် အနေအထားနဲ့ အရမ်းကွာနေတယ်။ ၀န်ကြီးပြောတဲ့စကားက သူတို့လုပ်နေပါတယ်။ ဆောင်ရွက်နေတယ်လို့ ပြောတယ်။ ဒေသခံတွေကလည်း ဖြစ်စေချင်တယ်။ သူတို့လည်း စေတနာထားတယ်ပေါ့။ ဒီဟာကို ဘာလို့ မှတ်တမ်းအဖြစ် ထားတာလဲ။ အတည်ပြုလိုက်ရင် ဘာဖြစ်လဲ” ဟု အဆိုရှင် ဦးအောင်သောင်းရွှေက ပြောကြားသည်။

ဗဟိုဦးစီးစနစ် မစွန့်လွှတ်နိုင်သမျှ မည်သည့်လုပ်ငန်းလုပ်လုပ် မအောင်မြင်နိုင်ဟု အမျိုးသားလွှတ်တော် ကိုယ်စားလှယ် ဆွေးနွေး

ဗဟိုဦးစီးစနစ် မစွန့်လွှတ်နိုင်သမျှ မည်သည့်လုပ်ငန်းလုပ်လုပ် မအောင်မြင်နိုင်ဟု အမျိုးသားလွှတ်တော် ကိုယ်စားလှယ် ဦးဖေချစ်က ဆွေးနွေးသည်။

ဖေဖော်ဝါရီ ၁၉ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် ရခိုင်ပြည်နယ် မဲဆန္ဒနယ် အမှတ် (၁၁) မှ ဒေါ်ထုမေ တင်သွင်းထားသည့် ကျေးရွာတစ်ရွာ ထုတ်ကုန်တစ်ခု One Village One Product (OVOP) ကျေးလက်ဒေသ ဖွံ့ဖြိုးရေး မဟာဗျူဟာ အစီအစဉ်ကို ဆင်းရဲသော ပြည်နယ်နှင့် တိုင်းဒေသကြီးများအား ဦးစားပေးလျက် သက်ဆိုင်ရာ ၀န်ကြီးဌာနများတွင် ဘဏ္ဍာငွေတစ်ရပ် ထည့်သွင်းရေးဆွဲကာ လက်တွေ့အကောင်အထည်ဖော် ဆောင်ရွက်ပေးပါရန် အဆိုအား ဆွေးနွေးစဉ် ရန်ကုန်တိုင်းဒေသကြီး မဲဆန္ဒနယ် အမှတ် (၉) မှ ဦးဖေချစ်က ယင်းကဲ့သို့ ပြောကြားခဲ့ခြင်းဖြစ်သည်။

အမျိုးသားလွှတ်တော် ကိုယ်စားလှယ် ဦးဖေချစ်က “လက်ရှိဆောင်ရွက်နေသည့် အသေးစား၊ အလတ်စား စီမံကိန်းကို ကြည့်ပါက ဘယ်လောက်အောင်မြင်သလဲဆိုတာ တွေ့နိုင်ပါတယ်။ ဗဟိုဦးစီးစနစ် မစွန့်လွှတ်နိုင်သမျှ ဘာလုပ်ငန်းလုပ်လုပ် မအောင်မြင်နိုင်ပါ။ စုပေါင်းသုံး အာမခံစနစ်လည်း ဖြစ်နိုင်ခြေ နည်းပါတယ်။ သမ၀ါယမစနစ်နဲ့ ဆောင်ရွက်တာ ဘယ်လောက်အောင်မြင်တယ်ဆိုတာ အားလုံးအသိပါ။ ကမ္ဘာ့ဘဏ်က ချေးထားတဲ့ ဒေါ်လာငွေတွေ အတိုးပဲ သတ်နေရပါတယ်။ အသေးစားနဲ့ အလတ်စား လုပ်ငန်းအတွက် ချေးငွေပေးအပ်ရာမှာ တန်ဖိုးသင့် အပေါင်ပစ္စည်း မပေးနိုင်ရင် ကျပ်သိန်း ၁၀၀ အောက် ငွေပမာဏပဲ ချေးခွင့်ရှိပါတယ်။ ဂျပန်ချေးငွေက ၀ ဒသမ ၀၁ ဆိုတော့ အတိုးမဲ့နီးပါးပါပဲ။ ထိုင်းနိုင်ငံက ရွာဆိုရင် ထုတ်ကုန်တစ်မျိုးတည်းကို Specialize လုပ်ကာ ထုတ်လုပ်ပါတယ်။ ကျွန်တော်တို့ မြန်မာနိုင်ငံမှာဆိုရင် စက်မှုလက်မှု ဖွံ့ဖြိုးရေးဘဏ်တို့၊ သမ၀ါယမဘဏ်တို့ကတစ်ဆင့် မတည်ရင်းနှီးငွေ ချေးပေးတဲ့ အတိုးများများ စနစ်အစား အလွန်သက်သာပြီး တွက်ခြေကိုက်မယ့် အတိုးငွေနဲ့ တစ်ရွာထုတ်ကုန်တစ်မျိုး စနစ်ကို စနစ်တကျ အကောင်အထည် ဖော်စေချင်ပါတယ်။ ရေထွက်ကုန်ဆိုရင် တနင်္သာရီတို့၊ ဧရာဝတီတိုင်းဒေသကြီးတို့က ထုတ်လုပ်၊ ကျောက်မျက်ဆိုရင် သက်ဆိုင်ရာ ပြည်နယ်ဒေသတွေက ထုတ်လုပ်ပြီး ကုန်ချောအဆင့်ကို နည်းပညာမြှင့်တင်ပြီး ထုတ်လုပ်သင့်ပါတယ်။ သူ့ဒေသနဲ့သူ တန်ဖိုးမြှင့် ထုတ်ကုန်ထုတ်လုပ်ဖို့ဆိုတာ ရင်းနှီးမတည်ငွေ လိုအပ်ပါတယ်။ ကုန်ကြမ်းက အလျှံပယ် ရှိနေပါတယ်။ အစိုးရလခစား အလုပ်မျိုးမဟုတ်ဘဲ        ကိုယ့်ကျွမ်းကျင်ရာ အသက်မွေးဝမ်းကျောင်းပညာ အနေနဲ့ အကျိုးရှိရှိ ထုတ်လုပ်မယ်ဆိုရင် ငွေအား၊ ကာယအား၊ ဥာဏအားတွေနဲ့ အခြားနိုင်ငံတွေလို ပေါင်းစပ်ဆောင်ရွက်တတ်ဖို့ လိုပါတယ်။ ပြည်ထောင်စု အစိုးရ ဘတ်ဂျက်တစ်ခုတည်းနဲ့ ဌာနဆိုင်ရာကနေ ငွေချေးပေးတဲ့ စနစ်အစား ကိုယ်ထူကိုယ်ထ စနစ်နဲ့လည်း ဆောင်ရွက်သင့်ပါတယ်” ဟု ဆွေးနွေးသည်။

ရန်ကုန်တိုင်းဒေသကြီး မဲဆန္ဒနယ်အမှတ် (၉) မှ ဦးဖေချစ်က “ဒီစီမံကိန်းမျိုးကို ၁၉၅၀ ကျော်ကာလမှာတုန်းက အစီအစဉ်ချ လုပ်ခဲ့ဖူးပါတယ်။ ၁၉၆၀ ကျော်ကာလမှာလည်း အစ္စရေးပညာရှင်တွေနဲ့ လုပ်ခဲ့ဖူးတယ်လို့ သိရပါတယ်။ ဒေသထွက်ကုန် သုံးမျိုးလေးမျိုး လုပ်ခဲ့ဖူးပါတယ်။ ပြည်နယ်တွေမှာလည်း အစေ့ထုတ်ပြောင်း၊ ဆန်၊ သစ်တောစတဲ့ သီးနှံတွေ လုပ်ခဲ့ဖူးပါတယ်။ ဆန်နဲ့ပြောင်းကို အစ္စရေးနိုင်ငံက အကုန်ယူပါတယ်။ အဓိက ဆွေးနွေးချင်တာက မူကောင်းပေမဲ့ လူမကောင်းဘူးဆိုတဲ့ အိုင်ဒီရော်လော်ဂျီပါ။ အစ္စရေးတွေရဲ့စနစ်က ဂျပန်နိုင်ငံရဲ့ စနစ်အတိုင်းပါပဲ။ အစိုးရအမှုထမ်း၊ အရာထမ်း မဟုတ်တဲ့ လယ်သမား၊ ယာသမားစစ်စစ်က ကမကထပြု ဦးဆောင်ပြီး အစိုးရဌာန သို့မဟုတ် ၀န်ကြီးဌာနရဲ့ အောက်ခြေအထိ ထဲထဲဝင်ဝင် မဆောင်ရွက်ဘဲ ပေါ်လစီအတိုင်း Stand လုပ်မယ်။ မူဝါဒအတိုင်း မတိမ်းစောင်းသွားအောင် အကြံပေးမယ် ဆိုတာပါပဲ။ ကျွန်တော်တို့နိုင်ငံ အစိုးရများ အဆက်ဆက် လုပ်ခဲ့ပုံက နိုင်ငံတကာ၊ ပြည်ပချေးငွေ သို့မဟုတ် ပြည်ထောင်စုအစိုးရရဲ့ ငွေလုံးငွေရင်းသုံးမယ့် ဘတ်ဂျက်ကျပြီဆိုတာနဲ့ အထွေထွေ အုပ်ချုပ်ရေးအဆင့်ဆင့်၊ ခရိုင်၊ မြို့နယ်၊ ရပ်ကျေး ငွေသားထုတ်ပေးလိုက်ပြီးတော့ ချေးငွေအတိုးပေးဖို့ သတ်မှတ်ရာမှာ အတိုးပွဲခ သတ်မှတ်တာက အကျိုးအမြတ်ရဲ့ ရာခိုင်နှုန်း ၅၀ လောက် ဖြစ်နေပါတယ်။ သဘာဝဘေးအန္တရာယ် ကြုံတွေ့တဲ့အခါ သစ်သီးဝလံတွေ ပျက်စီးကုန်တာမျိုးလည်း ရှိပါတယ်။ ဒါကြောင့် အရှုံးပေါ် အရှုံးဆင့်ပြီး လူလုံးမလှ ဖြစ်ခဲ့ပါတယ်” ဟု ဆက်လက်ဆွေးနွေးသည်။

ထို့ပြင် မကွေးတိုင်းဒေသကြီး မဲဆန္ဒနယ်အမှတ် (၁၀) မှ ဒေါက်တာကျော်ငွေက ထုတ်ကုန်ဆိုသည်မှာ နေ့စဉ်အသုံးပြုနေရသည့် ပစ္စည်းများကို ထုတ်လုပ်ခြင်းကိုခေါ်ကြောင်း၊ တစ်နိုင်ငံလုံးမှာရှိသည့် ကျေးရွာပေါင်း ခြောက်သောင်းကျော်က တစ်နိုင်တစ်ပိုင် ထုတ်ကုန်များကို ယခင်ကတည်းက ထုတ်လုပ်ခဲ့ကြောင်း၊ ယခုလည်း ထုတ်လုပ်နေကြောင်း၊ ယခုခေတ်မှာလည်း နာမည်ရနေသည့် ဒေသထွက်ကုန် အများကြီးရှိကြောင်း၊ ခေတ်ကာလအရ မရပ်တည်နိုင်တော့သည့် ထုတ်ကုန်လုပ်ငန်းတွေလည်း ရှိနိုင်ကြောင်း၊ မော်လမြိုင်က ကျောက်သင်ပုန်းလုပ်ငန်း၊ အင်းဝက မြေသပိတ်လုပ်ငန်း၊ ပုသိမ်က ပုသိမ်ထီးလုပ်ငန်း စသည်တို့ ဖြစ်ပါကြောင်း၊ ဒေသအလိုက် လုပ်ငန်းများကို နိုင်ငံတော်ကလည်း ငြိမ်းချမ်းရေးနှင့်တွဲပြီး အားပေးမှုများ လုပ်နေကြောင်း၊ ကျေးရွာများတွင် လျှပ်စစ်၊ လမ်းများ ကောင်းမွန်အောင် လုပ်နေသကဲ့သို့ မြစိမ်းရောင် စီမံကိန်းဖြင့်လည်း ဆောင်ရွက်နေကြောင်း၊ ၂၀၁၇-၂၀၁၈ ဘဏ္ဍာနှစ်တွင် ကျေးရွာတစ်ရွာကို ကျပ်သိန်း ၁၀၀ ဖြင့် ကျေးရွာပေါင်း ၁၀၀ ကိုလည်း နိုင်ငံတော်က လုပ်ပေးနေကြောင်း၊ ဆောက်လုပ်ရေး ၀န်ကြီးဌာနကလည်း ကျေးရွာချင်းဆက်လမ်း စသည်ဖြင့် ဆောင်ရွက်ပေးနေကြောင်း၊ အသေးစား၊ အလတ်စား လုပ်ငန်းများကိုလည်း ကျေးရွာများတွင် နိုင်ငံတော်က ဆောင်ရွက်ပေးနေကြောင်း၊ ကျေးရွာတစ်ရွာ ထုတ်ကုန်တစ်မျိုးဖြင့် ဆောင်ရွက်ပါက ကျေးရွာပေါင်း ခြောက်သောင်းကျော်က လူဦးရေ  ၃၇ သန်းကျော်သည် အလုပ်အကိုင် အခွင့်အလမ်းများ ရလာကြမည်ဖြစ်ကြောင်း ဆွေးနွေးသည်။

 

ရန်ကုန်တိုင်းအတွင်း ပစ္စည်းခွန်ဖြင့် အခွန်ကောက်ခံရာတွင်၂၀၁၇-၂၀၁၈ ဘဏ္ဍာနှစ် ယခုလအထိ ကျပ် ၁၃ ဘီလျံကျော် ကောက်ခံရရှိပြီးဖြစ်ကြောင်း သိရ

ရန်ကုန်မြို့ မြို့လယ်တစ်နေရာအား တွေ့ရစဉ် (ဓာတ်ပုံ-ကြည်နိုင်)

ရန်ကုန်တိုင်းတွင် ပစ္စည်းခွန်ဖြင့် အခွန်ကောက်ခံရာတွင် ၂၀၁၇-၂၀၁၈ ဘဏ္ဍာနှစ် ယခုလအထိ ကျပ်ငွေ ၁၃ ဘီလျံကျော် ကောက်ခံရရှိပြီးဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ဖေဖော်ဝါရီ ၂၀ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်ဆဋ္ဌမပုံမှန် အစည်းအဝေး (ဆဋ္ဌမနေ့)တွင် ပြောကြားသည်။

ဆိပ်ကြီးခနောင်တိုမြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါ်စန္ဒာမင်းက “ရာဖြတ်ဌာနမှ ကောက်ခံနေသော ပိုင်ဆိုင်မှုအခွန်၊ မကြာခင် ပြည်ထောင်စုမှ ကောက်ခံမည်ဖြစ်သော (Property Tax) ပစ္စည်းခွန်ကောက်ခံမှုစနစ် ၎င်းတို့နှစ်ခုဟာ တူညီမှုရှိပါသလား၊ ပိုင်ဆိုင်မှုအခွန် စည်းကြပ်ခြင်းသည် ငှားရမ်းထားသောသူမှ ပေးဆောင်ရမှာဖြစ်ပါသလား သို့မဟုတ် အဆောက်အအုံပိုင်ရှင်မှ ပေးဆောင်ရမှာဖြစ်ပါသလား စသည်တို့ကို သိရှိလိုကြောင်း” မေးခွန်းနှင့်ပတ်သက်ပြီး မေးမြန်းရာတွင် ၀န်ကြီးက ပြန်လည်ဖြေကြားရာ၌ ထည့်သွင်းပြောကြားခဲ့ခြင်းဖြစ်သည်။

“၂၀၁၆-၂၀၁၇ ဘဏ္ဍာနှစ်တွင် လျာထားချက် ကျပ် ၉ ဒသမ ၅ ဘီလျံအပေါ် ကျပ် ၁၃ ဒသမ၂ ဘီလျံဖြင့်လည်းကောင်း၊ ၂၀၁၇-၂၀၁၈ ဘဏ္ဍာနှစ်တွင် လျာထားချက် ကျပ် ၁၁ ဘီလျံအနက် ၂၀၁၈ ဖေဖော်ဝါရီ ၁၄ ရက်အထိ ကျပ် ၁၃ ဒသမ ၈ ဘီလျံကျော် ကောက်ခံရရှိပြီးဖြစ်ပါတယ်။ ပစ္စည်းခွန်က မြေနှင့် အဆောက်အအုံပိုင်ဆိုင်သော အခွန်ထမ်းပြည်သူများမှ ရန်ကုန်မြို့တော်ကြီးအကျိုးအလို့ငှာ မဖြစ်မနေပေးဆောင်ရန် တာဝန်ရှိသောအခွန်ဖြစ်ပါတယ်။ ပြည်သူလူထုမှ မိမိတို့အကျိုးအတွက် အသုံးပြုသော ရေဖိုး ရေခ၊ သန့်ရှင်းရေးဆောင်ရွက်ခ စသည်တို့အတွက် အသုံးပြုသည့် ၀န်ဆောင်မှုအပေါ် ပေးဆောင်ရသည့် အခများ ဖြစ်ပါတယ်” ဟု ၀န်ကြီးဦးမြင့်သောင်းက ပြောကြားသည်။

၂၀၁၃ ခုနှစ် ရန်ကုန်မြို့တော် စည်ပင်သာယာရေးဥပဒေအရ ပစ္စည်းခွန်ဆိုသည်မှာ မြေဖြစ်စေ၊ အဆောက်အအုံဖြစ်စေ၊ မြေနှင့် အဆောက်အအုံဖြစ်စေ ၎င်းတို့၏နှစ်စဉ်တန်ဖိုးအပေါ် သတ်မှတ်သောရာခိုင်နှုန်းဖြင့် ကောက်ခံသော အခွန်ဖြစ်ပါကြောင်း၊ ယင်းစကားရပ်တွင် အထွေထွေခွန်၊ မီးခွန်၊ ရေခွန်၊ အမှိုက်နှင့် အညစ်အကြေးအခွန်တို့ပါဝင်ကြောင်း၊ ကော်မတီသည် မြို့တော်နယ်နိမိတ်အတွင်းရှိ အစိုးရဌာန၊ အဖွဲ့အစည်း သို့မဟုတ် ပုဂ္ဂလိကပိုင်မြေနှင့် အဆောက်အအုံများအပေါ် ပစ္စည်းခွန်စည်းကြပ်ရမည်ဟု ပြဋ္ဌာန်းပါရှိသည့်အတိုင်း မြို့နယ် ၃၃ မြို့နယ်တွင် ၁၂ မြို့နယ်အား ရန်ကုန်တိုင်းဒေသကြီး စည်ပင်သာယာရေးအဖွဲ့မှ ကောက်ခံဆောင်ရွက်လျက်ရှိကြောင်း၊ ထိုသို့ကောက်ခံရာတွင် ပုဂ္ဂလိကပိုင် သာမန်လူနေအဆောက်အအုံများအပေါ် ခြောက်လတစ်ကြိမ် ရာဖြတ်ဌာနမှ စည်းကြပ်ပြီး Billing System ဖြင့် ပြေစာများထုတ်ယူကာ သက်ဆိုင်ရာမြို့နယ် စည်ပင်သာယာ အုပ်ချုပ်ရေးမှူးရုံးများနှင့် ငှားရမ်းထားသော အဆောက်အအုံများ၊ စီးပွားရေးအဆောက်အအုံများ၊ ဟိုတယ်၊ မိုတယ်၊ အင်းများ၊ Residence၊ Tower၊ Apartment များ၊ စက်ရုံ၊ အလုပ်ရုံများ၊ အစိုးရဌာနဆိုင်ရာ အဆောက်အအုံများအား မြန်မာ့ဆိပ်ကမ်းအာဏာပိုင်မှ အရပ်ရပ်အခွန်ဝင်ငွေအပေါ် ၅ ရာခိုင်နှုန်းဖြင့် ဌာနမှတိုက်ရိုက်ကောက်ခံလျက်ရှိကြောင်း ၀န်ကြီးဦးမြင့်သောင်းက ပြောကြားသည်။

ထို့ပြင် ပြည်ထောင်စုလွှတ်တော်တွင် ရေးဆွဲနေသည်ဟု ကြားသိရသောပိုင်ဆိုင်ခွန်ဥပဒေနှင့် နည်းစနစ်များအား ယခုအချိန်ထိ ထုတ်ပြန်ပြဋ္ဌာန်းနိုင်ခြင်းမရှိသေးသဖြင့် YCDC မှ စည်းကြပ်ကောက်ခံလျက်ရှိသော ပစ္စည်းခွန်နှင့် သဘောသဘာဝ တူညီ/မတူညီ မသိရှိရသည့်အပြင် ကောက်မတီမှ ကောက်ခံလျက်ရှိသော ပစ္စည်းခွန်မှာ ယခင်နှစ် ကာလရှည်ကြာကပင် (Property Tax) ပစ္စည်းခွန်ဟု အမည်တပ်၍ စည်းကြပ်ကောက်ခံခဲ့ခြင်းဖြစ်ကြောင်း၊ ပိုင်ဆိုင်ခွန်အမည်ဖြင့် သုံးနှုန်းကောက်ခံခဲ့သော အခွန်အမျိုးအစားမှာ ရန်ကုန်မြို့တော် စည်ပင်သာယာရေးကော်မတီတွင် မရှိကြောင်း၊ ပစ္စည်းခွန် စည်းကြပ်ခြင်းနှင့်ပတ်သက်၍ လက်တွေ့အခြေအနေတွင် ပိုင်ရှင်နှင့် ငှားရမ်းအသုံးပြုသူတို့၏ နှစ်ဦးသဘောတူစာချုပ်တွင် စည်ပင်သာယာအခွန်အခများကို ငှားရမ်းအသုံးပြုသူမှ ပေးဆောင်ရမည်ဟု လက်မှတ်ရေးထိုး စာချုပ်ချုပ်ဆိုခဲ့ကြသော်လည်း ကော်မတီမှ ပစ္စည်းခွန်ကောက်ခံရာတွင် ပိုင်ရှင်နှင့် ငှားရမ်းအသုံးပြုသူတို့အကြား ငြင်းခံရှောင်လွှဲနေကြသည့် ပြဿနာများတွေ့ရှိနေရကြောင်း၊ ထိုသို့သောအခြေအနေတွင် ရာဖြတ်ဌာနအနေဖြင့် ပိုင်ရှင်နှင့် ငှားရမ်းအသုံးပြုသူတို့အား ခေါ်ယူညှိနှိုင်း၍ ပစ္စည်းခွန်များ ကောက်ခံရရှိရေး ဆောင်ရွက်ပေးလျက်ရှိကြောင်း ၎င်းက ဆက်လက်ပြောကြားသည်။

 

ရန်ကုန်တိုင်းအတွင်း ဆောင်ရွက်မည့်စီမံကိန်းများနှင့် ဒေသန္တရစီမံကိန်းများကို တိုင်းဒေသကြီးလွှတ်တော်သို့တင်ပြီး သဘောတူညီချက်နှင့်သာ အကောင်အထည်ဖော် ဆောင်ရွက်မည်ဖြစ်ကြောင်း တိုင်းဒေသကြီးဝန်ကြီး ပြောကြား

ဖေဖော်ဝါရီ ၂၀ ရက်က ပြုလုပ်သည့် ရန်ကုန်တိုင်းဒေသကြီး လွှတ်တော်အစည်းအဝေးကို တွေ့ရစဉ် (ဓာတ်ပုံ- ပြည့်ဖြိုးအောင်)

ရန်ကုန်တိုင်းဒေသကြီးအတွင်း ဆောင်ရွက်မည့်စီမံကိန်းများနှင့် ဒေသန္တရစီမံကိန်းများကို တိုင်းဒေသကြီးလွှတ်တော်သို့ တင်ပြပြီး သဘောတူချက်နှင့်သာ အကောင်အထည်ဖော် ဆောင်ရွက်မည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ဖေဖော်ဝါရီ ၂၀ ရက်ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန်အစည်းအဝေး (ဆဋ္ဌမနေ့) တွင်ပြောကြားသည်။

အဆိုပါကိစ္စအား တာမွေမြို့နယ် မဲဆန္ဒနယ်အမှတ် (၂)မှ တိုင်းဒေသကြီးလွှတ်တော် ကိုယ်စားလှယ် ဦးသိန်းမြင့်က “မြန်မာနိုင်ငံ ဖွဲ့စည်းပုံအခြေခံဥပဒေပုဒ်မ ၂၅၁ အရ အစိုးရအဖွဲ့အနေဖြင့် စီမံကိန်းကြီးများ ဆောင်ရွက်ရာတွင် လွှတ်တော်သို့တင်ပြ၍ သဘောတူညီချက်ရယူပြီး အဆိုပါစီမံကိန်းကြီးများကို အကောင်အထည်ဖော်ဆောင်ရွက်ရန် အစီအစဉ်ရှိ မရှိ သိရှိလိုကြောင်း” မေးခွန်းနှင့်ပတ်သက်ပြီး ၀န်ကြီးက ပြန်လည်ဖြေကြားရာတွင် ထည့်သွင်းပြောကြားခဲ့ခြင်းဖြစ်သည်။

“၂၀၁၈ ခုနှစ် ဧပြီမှ စက်တင်ဘာအထိ ခြောက်လစီမံကိန်းကို ရေးဆွဲပြီးတော့ ရန်ကုန်တိုင်းဒေသကြီး လွှတ်တော်ကို ရက်ပိုင်းအတွင်း တင်ပြမှာဖြစ်ပါတယ်။ ၂၀၁၈-၂၀၁၉ ဘဏ္ဍာရေးနှစ် အောက်တိုဘာလကနေ စက်တင်ဘာလအထိရှိတဲ့ နှစ်စဉ်ဒေသန္တရစီမံကိန်းနဲ့ အဲဒီနှစ်အပါအ၀င် ကာလလတ်သုံးနှစ်စီမံကိန်း ၂၀၁၈-၂၀၁၉၊ ၂၀၁၉-၂၀၂၀၊ ၂၀၂၀-၂၀၂၁ အထိ ပါဝင်တဲ့ကာလပတ် သုံးနှစ်စီမံကိန်းကိုလည်း ရေးဆွဲလျက်ရှိပါတယ်။ မကြာခင်ကာလပတ် စီမံကိန်းတစ်ခု ရေးဆွဲပြီးတဲ့အခါမှာ ရန်ကုန်တိုင်းဒေသကြီး လွှတ်တော်ကိုတင်ပြသွားမှာ ဖြစ်ပါတယ်။ ရန်ကုန်တိုင်းဒေသကြီးဝန်ကြီးချုပ် ကိုယ်တိုင်လည်း ရှင်းလင်းမယ်လို့ သိရှိပြီးဖြစ်ပါတယ်။ ချမှတ်ရေးဆွဲထားတဲ့ စီမံကိန်းများ၊ ဒေသန္တရစီမံကိန်းများကို ရန်ကုန်တိုင်းဒေသကြီး လွှတ်တော်ကို တင်ပြသဘောတူညီချက်နှင့် အကောင်အထည်ဖော် ဆောင်ရွက်သွားပါမယ်” ဟု စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ပြောကြားသည်။

ထို့ပြင်ဆောင်ရွက်ရန် လျာထားသည့် စီမံကိန်းများကိုကြိုတင်ပြီး သက်ဆိုင်ရာဒေသရှိ ပြည်သူလူထုအား ပွင့်လင်းမြင်သာစွာချပြ၍ ဆောင်ရွက်လျက်ကြောင်း ဥပမာအားဖြင့် ရန်ကုန်တိုင်းဒေသကြီးအတွင်း၌ မြို့သစ်စီမံကိန်းများ ဆောင်ရွက်ရာတွင် မြေပိုင်ရှင်များ၊ တောင်သူလယ်သများ၏ ပိုင်ဆိုင်မူပစ္စည်းများ၊ မြေများ၊ အခွင့်အလမ်းများမဆုံးရှုံးရစေရန် စီမံကိန်းနှင့်ပတ်သက်ပြီး အသိပေးခြင်း၊ ကြိုတင်ညှိနှိုင်းဆွေးနွေးခြင်းများပြုလုပ်ပြီး အဘက်ဘက်မှ ခိုင်မာစွာစီမံကိန်းများ စီစဉ်ဆောင်ရွက်နိုင်ရေးအတွက် ကြိုတင်ဆောင်ရွက်လျက်ရှိကြောင်း ၀န်ကြီးက ပြောကြားသည်။

“နှစ်အလိုက် ဒေသန္တရစီမံကိန်းများအပြင် JICA/KOICA စတဲ့ နိုင်ငံခြားအဖွဲ့အစည်းများကလည်း ကာလရှည်စီမံကိန်းများကို ရေးဆွဲပြီးတော့ တိုင်းဒေသကြီးအနေနဲ့ စုစည်းပြီးတော့ ဆောင်ရွက်လျက်ရှိပါတယ်။ Master Plan များကို ရန်ကုန်တိုင်းဒေသကြီးအစိုးရအဖွဲ့ရဲ့ မြို့ပြဖွံ့ဖြိုးမှုမဟာစီမံကိန်းများကို Master Plan အဖြစ် ၂၀၁၇-၂၀၁၈ မှာရေးဆွဲခဲ့ပါတယ်။ အဲဒါကို ၂၀၁၇-၂၀၁၈ ဒေသန္တဥပဒေတင်သွင်းတဲ့အခါမှာ နောက်ဆက်တွဲအနေနဲ့ တိုင်းဒေသကြီးလွှတ်တော်ကို အသိပေးတင်ပြခဲ့ပြီးဖြစ်ပါတယ်။ ဒါကြောင့်မို့ စီမံကိန်းတစ်ရပ်အနေနဲ့ အကောင်အထည်ဖော် ဆောင်ရွက်ရတဲ့အခါမှာ နိုင်ငံတော်နဲ့ ဒေသအတွက် အဘက်ဘက်မှ ဖွံ့ဖြိုးတိုးတက်ရန် ညှိနှိုင်းဆောင်ရွက်ပြီးတော့ လုပ်ငန်းစီမံချက်များကို တိုင်းဒေသကြီးအစိုးရအဖွဲ့အနေနဲ့ ပုဒ်မ ၂၅၁ အရ လွှတ်တော်သို့ တင်ပြသဘောတူချက်ရယူပြီးတော့ ဆောင်ရွက်မှာဖြစ်ပါတယ်” ဟု ၀န်ကြီး ဦးမြင့်သောင်းက ပြောကြားသည်။

ရန်ကုန်တိုင်းဒေသကြီးအတွင်း စီမံကိန်းများကို ရေးဆွဲရာတွင် နိုင်ငံ၏ရှားပါးလှသော သယံဇာတ၊ မြေကြီး၊ ကျွမ်းကျင်အလုပ်သမား၊ ငွေကြေးဇာစ်မြစ်များသည် အင်မတန်မှအရေးကြီးကြောင်း၊ နောက်ပိုင်းတွင် နည်းပညာသည်လည်း အင်မတန်မှအရေးကြီးကြောင်း၊ ရှားပါးလှသောသယံဇာတများကို အကောင်းဆုံးရွေးချယ် အသုံးချနိုင်ရေးအတွက် စီစဉ်ဆောင်ရွက်ရခြင်းဖြစ်ကြောင်း၊ ထို့ကြောင့် စီမံကိန်းမှာ အဓိကအားဖြင့် နှစ်ပိုင်းရှိပြီး ရေးဆွဲခြင်းအပိုင်းနှင့် အကောင်အထည်ဖော်ရေးအပိုင်းတို့ဖြစ်ကြောင်း၊ စီမံကိန်းရေးဆွဲအပိုင်းနှင့်ပတ်သက်ပြီး တိုင်းဒေသကြီးအစိုးရအဖွဲ့အနေဖြင့် နိုင်ငံတော်၏ စီးပွားရေးမူဝါဒများနှင့်အညီ စီမံကိန်းများဆောင်ရွက်ရာ၌ စီးပွားရေးအရ တွက်ခြေကိုက်မှု၊ ပြည်သူများအတွက် အကျိုးရှိမရှိ၊ ဒေသဖွံ့ဖြိုးရေးကို အကျိုးပြု မပြု၊ ပတ်ဝန်းကျင်ထိခိုက်မှု ရှိ မရှိ၊ လုပ်ငန်းအောင်မြင်နိုင်မှုအခြေအနေနှင့် လုပ်ငန်းကုန်ကျစရိတ် အကျိုးအမြတ်များတွက်ခြေကိုက်မှု ရှိ မရှိ၊ ဘက်စုံလေ့လာစမ်းစစ်ပြီးမှ ဒီစီမံကိန်းများ ရွေးချယ်စိစစ်ဆောင်ရွက်လျက်ရှိကြောင်း ယင်းကဲ့သို့ဆောင်ရွက်ရာတွင်လည်း ကျွမ်းကျင်သည့်အဖွဲ့အစည်းများနှင့် ဘက်ပေါင်းစုံလေ့လာပြီးမှသာ စီမံကိန်းများကို ရွေးချယ်ဆောင်ရွက်ကြောင်း ၎င်းက ဆက်လက်ပြောကြားသည်။

 

ကျေးရွာတစ်ရွာ ထုတ်ကုန်တစ်ခု ကျေးလက်ဒေသဖွံ့ဖြိုးရေး မဟာဗျူဟာအစီအစဉ်ကို ဆင်းရဲသောပြည်နယ်နှင့် တိုင်းများအား ဦးစားပေးလျက် သက်ဆိုင်ရာဝန်ကြီးဌာနများတွင် ဘဏ္ဍာငွေတစ်ရပ် ထည့်သွင်းရေးဆွဲကာ လက်တွေ့အကောင်အထည်ဖော် ဆောင်ရွက်ပေးရန်အဆို အမျိုးသားလွှတ်တော် အတည်မပြု

ကျေးရွာတစ်ရွာ ထုတ်ကုန်တစ်ခု One Village One Product (OVOP) ကျေးလက်ဒေသ ဖွံ့ဖြိုးရေးမဟာဗျူဟာ (Rural Development Strategy) အစီအစဉ်ကို ဆင်းရဲသော ပြည်နယ်နှင့်တိုင်းများအား ဦးစားပေးလျက် သက်ဆိုင်ရာဝန်ကြီးဌာနများတွင် ဘဏ္ဍာငွေတစ်ရပ် ထည့်သွင်းရေးဆွဲကာ လက်တွေ့အကောင်အထည်ဖော် ဆောင်ရွက်ပေးပါရန်အဆိုအား အမျိုးသားလွှတ်တော်တွင် အတည်မပြုခဲ့ကြောင်း သိရသည်။

ဖေဖော်ဝါရီ ၂၀ ရက်ကပြုလုပ်သည့် အမျိုးသားလွှတ်တော် အစည်းအဝေးတွင် ယင်းအဆိုနှင့်ပတ်သက်ပြီး လွှတ်တော်ကိုယ်စားလှယ် ငါးဦးက ဆွေးနွေးခြင်း၊ ပြည်ထောင်စုအဆင့်က ပြန်လည်ရှင်းလင်းခြင်းများ ပြုလုပ်ပြီးနောက် မဲခွဲဆုံးဖြတ်ရာတွင် ကန့်ကွက်သူများသည့်အတွက် အဆိုအား အတည်မပြုခဲ့ခြင်းဖြစ်သည်။

ယင်းအဆိုနှင့်ပတ်သက်ပြီး စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယ၀န်ကြီး ဦးလှကျော်က “မိမိတို့နိုင်ငံအနေနဲ့ OVOP စီမံကိန်းကို မိမိဒေသရဲ့ထွက်ကုန်အပေါ်မှာ ကောင်းမွန်ပြီး မတူကွဲပြားတဲ့အရည်အသွေး၊ လက္ခဏာတစ်ရပ်ရရှိအောင် ဖန်တီးထုတ်လုပ်ပြီး ဒေသရဲ့လူမှုစီးပွားဖွံ့ဖြိုးမှုကို ဆောင်ရွက်နိုင်တဲ့ အလားအလာကောင်းတွေ ရှိနေပါတယ်။ သို့ရာတွင် တစ်ဖက်ကပြန်ကြည့်မယ်ဆိုရင် ကျေးရွာတွေမှာ ထုတ်ကုန်ထုတ်လုပ်ဖို့အတွက် လိုက်လျောညီထွေမှုရှိတဲ့ အခြေခံအဆောက်အအုံတွေ တည်ရှိမှု၊ ရန်ပုံငွေရရှိမှု၊ ဈေးကွက်ခိုင်မာစေမယ့် ထုတ်လုပ်မှုနည်းပညာရရှိမှု၊ ကျေးရွာသူကျေးရွာသားတွေရဲ့ စုစည်းညီညွတ်စွာ ပူးပေါင်းပါဝင်မှု၊ ၎င်းတို့ဒေသရဲ့ ထွက်ကုန်အပေါ်မှာ တီထွင်ဖန်တီးထုတ်လုပ်လိုမှုတို့ကို မြှင့်တင်ပေးနိုင်ဖို့ လိုအပ်ပါတယ်။ ဒါ့အပြင် လယ်ယာထွက်ကုန်ကို ရွေးချယ်မယ်ဆိုရင် တစ်မည်တည်းရွေးချယ်ထားမှုအပေါ်မှာ မမျှော်လင့်တဲ့ သဘာဝဘေးအန္တ ရာယ်၊ ဈေးကွက်ကျဆင်းမှုတို့ကို ကြံ့ကြံ့ခံနိုင်မယ့် အခြားရွေးချယ်မှုတစ်ရပ် ထားရှိရေး စတဲ့အချက်အလက်ပေါင်းတွေကို ထည့်သွင်းစဉ်းစားရမှာဖြစ်ပါတယ်” ဟု လွှတ်တော်တွင် ပြောကြားသည်။

၂၀၁၂-၂၀၁၃ ခုနှစ်တွင် နေပြည်တော်ကောင်စီနယ်မြေ ပုဗ္ဗသီရိမြို့နယ် သပြေကုန်းကျေးရွာတွင် OVOP ပုံစံဖြင့် ကညွတ်သီးနှံကို စမ်းသပ်ဆောင်ရွက်ခဲ့ရာ အစုအဖွဲ့အလိုက် ပူးပေါင်းဆောင်ရွက်သည့် အလေ့အကျင့်အားနည်းခဲ့သည့်အတွက် အကောင်အထည်ဖော်နိုင်မှုအပိုင်းတွင် အားနည်းခဲ့သည်ကို တွေ့ရှိရကြောင်း၊ ထို့အတွက် လက်ရှိတွင် အကောင်အထည်ဖော်လျက်ရှိသည့် ကျေးလက်ဒေသဖွံ့ဖြိုးတိုးတက်ရေး စီမံကိန်းလုပ်ငန်းများ၏ အသီးအပွင့်များကို အခြေပြုပြီး နိုင်ငံတကာမှ ဆောင်ရွက်သည့်နည်းလမ်းများအပေါ် သုံးသပ်ချက်များအရ နိုင်ငံ၏အခြေအနေ ထင်ဟပ်ဆောင်ရွက်မှသာ ခိုင်မာသည့်လုပ်ငန်းစဉ်များ ချမှတ်ဆောင်ရွက်နိုင်မည်ဖြစ်ကြောင်း၊ နိုင်ငံတော်၏ ဘဏ္ဍာငွေကြေးကိုလည်း ထိထိရောက်ရောက် အကျိုးရှိရှိ သုံးစွဲနိုင်မည်ဖြစ်သည်ကို သုံးသပ်ရရှိကြောင်း၊ ယင်းသို့ဆောင်ရွက်ခြင်းဖြင့် OVOP ၏ အခြေခံအချက်များနှင့် လိုက်လျောညီထွေပြီး ကျေးရွာ၏ လူမှုစီးပွားတစ်ရပ်လုံးကို ဖွံ့ဖြိုးတိုးတက်စေနိုင်မည်ဖြစ်ကြောင်း ဒုတိယ၀န်ကြီးက ပြောကြားသည်။

ဒုတိယ၀န်ကြီးက နိုင်ငံတော်၏ ဘဏ္ဍာငွေကြေး ရင်းနှီးမြှုပ်နှံနိုင်မှုကို ထည့်သွင်းစဉ်းစားရန် လိုအပ်မှုရှိနေသည့် အခြေအနေ၊ ရင်းနှီးမြှုပ်နှံမှုကို အကျိုးရှိထိရောက်စွာ သုံးစွဲအကောင်အထည်ဖော်ရန်အတွက် ကျေးလက်ဒေသ ဖွံ့ဖြိုးတိုးတက်ရေးစီမံကိန်းများမှ ကျေးရွာများ၏ အခြေခံအဆောက်အအုံ လိုအပ်ချက်များကို ဖြည့်ဆည်းဆောင်ရွက်ပေးလျက်ရှိဆဲဖြစ်သည့် အခြေအနေဖြစ်ကြောင်း၊ စီမံကိန်းများမှ ကျေးလက်နေပြည်သူများ၏ စွမ်းဆောင်ရည်များကို မြှင့်တင်တည်ဆောက်ပေးနိုင်ရေးအတွက် ဆောင်ရွက်ပေးလျက်ရှိဆဲဖြစ်သည့် အခြေအနေဖြစ်ခြင်း၊ အခြေခံကောင်းများအပေါ်တွင် စနစ်တကျအကောင်အထည်ဖော်နိုင်ရန်အတွက် အချိန်ယူဆောင်ရွက်ရမည့် အခြေအနေများ ရှိနေသည့်အတွက် အဆိုအား မှတ်တမ်းအဖြစ်သာ ထားရှိသင့်ကြောင်း ပြောကြားသည်။

ကျေးလက်ဒေသများအတွက် မြစိမ်းရောင်စီမံကိန်းသည် ကျေးလက်နေပြည်သူများ၏ မိသားစုဝင်ငွေတိုးပွားစေရန်အတွက် အစီအစဉ်များရေးဆွဲထားကြောင်း၊ တစ်ရွာလျှင် ကျပ်သိန်း ၃၀၀ ကို အရင်းမပျောက်လည်ပတ်ရန်ပုံငွေအဖြစ် နိုင်ငံတော်ဘဏ္ဍာမှ ထောက်ပံ့ပေးသည့် စီမံကိန်းညွှန်းကိန်းနှင့်ကိုက်ညီသည့် ကျေးရွာပေါင်း ၉၈၉၄ တွင် အကောင်အထည်ဖော်လျက်ရှိကြောင်း၊ မြစိမ်းရောင် အသားကဏ္ဍ၊ ငါးကဏ္ဍများကို သက်သာသောအတိုးနှုန်းဖြင့် ထုတ်ချေးပြီး တစ်ပိုင်တစ်နိုင် စိုက်ပျိုးရေး၊ မွေးမြူရေး၊ ရောင်းဝယ်ဖောက်ကားရေး၊ ကုန်ပစ္စည်းထုတ်လုပ်ရေးစသည့် ၀င်ငွေရလုပ်ငန်းများကို လုပ်ကိုင်နိုင်ရန် စီမံဆောင်ရွက်ပေးလျက်ရှိကြောင်း ဒုတိယ၀န်ကြီးက ပြောကြားသည်။

မြစိမ်းရောင်အသားကဏ္ဍ၊ ငါးကဏ္ဍနှင့် မြစိမ်းရောင်ကျေးရွာအပါအ၀င် ပြည်နယ်၊ တိုင်းဒေသကြီးအတွင်းတွင်ရှိသည့် ကျေးရွာများတွင် ဆင်းရဲမှုလျှော့ချရေးနှင့် အလုပ်အကိုင်ရရှိရေးအတွက် ဌာနရန်ပုံငွေဖြင့် အသက်မွေးဝမ်းကျောင်း အထောက်အကူပြုသင်တန်းများကို ဖွင့်လှစ်ပို့ချပေးလျက်ရှိကြောင်း၊ စိုက်ပျိုးမွေးမြူရေး ထုတ်ကုန်များအား ကျေးရွာများတွင် ထုတ်လုပ်ရာ၌ အပံ့အပိုးဖြစ်စေမည့် ရေရရှိရေး၊ မီးလင်းရေးများနှင့် အသက်မွေးဝမ်းကျောင်း သင်တန်းများကိုလည်း ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ အကောင်အထည်ဖော်ပေးလျက်ရှိကြောင်း၊ ကျေးရွာများတွင် အမှန်တကယ်လိုအပ်သည့် အခြေခံအဆောက်အအုံများကို ကျေးရွာလူထုကိုယ်တိုင်က အကောင်အထည်ဖော် ဆောင်ရွက်ရသည့် လူထုဗဟိုပြုစီမံကိန်းကို မြို့နယ် ၆၃ မြို့နယ်ရှိ ကျေးရွာအားလုံးတွင် အကောင်အထည်ဖော် ဆောင်ရွက်ပေးလျက်ရှိသည့်အတွက် အဆိုပါကျေးရွာများတွင် လူမှုစီးပွားအခြေခံအဆောက်အအုံများ တိုးတက်ဖွံ့ဖြိုးမှုလက္ခဏာများ ပေါ်ထွန်းပြီး ကျေးလက်ကုန်ထုတ်လုပ်ရေးကို အထောက်အကူဖြစ်စေလျက်ရှိကြောင်း ဒုတိယ၀န်ကြီးက ပြောကြားသည်။

ဒုတိယ၀န်ကြီးက မှတ်တမ်းအဖြစ်ထားရှိရန် ဖြေကြားမှုအပေါ်တွင် အဆိုရှင် ဒေါ်ထုမေက လွှတ်တော်၏ အဆုံးအဖြတ်သာခံယူမည်ဟု ပြောကြားသည့်အတွက် မဲခွဲဆုံးဖြတ်ရာတွင် ဆန္ဒမဲပေးပိုင်ခွင့်ရှိသူ ၁၉၃ ဦးအနက် ထောက်ခံသူ ၇၁ ဦး၊ ကန့်ကွက်ဆန္ဒမဲ ၁၀၆ မဲ၊ ကြားနေဆန္ဒမဲ ခုနစ်မဲ ဖြစ်သည့်အတွက် အဆိုအား အမျိုးသားလွှတ်တော်က အတည်မပြုကြောင်း ကြေညာခဲ့သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် Chief Executives Organization (CEO) မှ နိုင်ငံတကာစီးပွားရေး လုပ်ငန်းရှင်များပါဝင်သည့် ကိုယ်စားလှယ်အဖွဲ့ တွေ့ဆုံ

နိုင်ငံတော်၏အတိုင်ပင်ခံပုဂ္ဂိုလ်နှင့် နိုင်ငံတကာ စီးပွားရေးလုပ်ငန်းရှင်များပါဝင်သည့် CEO အဖွဲ့မှ ကိုယ်စားလှယ်အဖွဲ့တို့ တွေ့ဆုံစဉ် (Photo: MOFA Myanmar)

နိုင်ငံတော်၏အတိုင်ပင်ခံပုဂ္ဂိုလ် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် Chief Executives Organization (CEO) မှ နိုင်ငံတကာ စီးပွားရေးလုပ်ငန်းရှင်များပါဝင်သော ကိုယ်စားလှယ်အဖွဲ့အား ဖေဖော်ဝါရီ ၂၀ ရက်က နေပြည်တော်ရှိ နိုင်ငံခြားရေးဝန်ကြီးဌာနတွင် လက်ခံတွေ့ဆုံခဲ့ကြောင်း အဆိုပါဝန်ကြီးဌာန၏ သတင်းထုတ်ပြန်ချက်အရ သိရသည်။

ထိုသို့တွေ့ဆုံစဉ် နိုင်ငံတော်၏အတိုင်ပင်ခံပုဂ္ဂိုလ်က ကြိုဆိုနှုတ်ခွန်းဆက်စကား ပြောကြားပြီး ကိုယ်စားလှယ်အဖွဲ့ခေါင်းဆောင် CEO အဖွဲ့ဥက္ကဋ္ဌ Mr. Boysie Bollinger က ကိုယ်စားလှယ်အဖွဲ့ကိုယ်စား မိတ်ဆက်စကားနှင့် လက်ခံတွေ့ဆုံမှုအတွက် ကျေးဇူးတင်စကားပြောကြားခဲ့ကြောင်း သိရသည်။

ထို့နောက် ကိုယ်စားလှယ်အဖွဲ့ဝင်များက မြန်မာနိုင်ငံ၏ ဒီမိုကရေစီကူးပြောင်းမှုလမ်းစဉ်၊ စီးပွားရေး၊ လူမှုရေး၊ ပညာရေးနှင့် ကျန်းမာရေးကဏ္ဍများတွင် နိုင်ငံတော်အစိုးရအနေဖြင့် ဆောင်ရွက်ပေးနေသည်များနှင့် ပြည်ပမှ ပူးပေါင်းဆောင်ရွက်နိုင်မည့်ကဏ္ဍများ၊ ရခိုင်ပြည်နယ်မြောက်ပိုင်း မောင်တောဒေသ အခြေအနေနှင့်ပတ်သက်ပြီး အစိုးရအနေဖြင့် ဆောင်ရွက်ထားရှိမှုများ၊ မြန်မာနိုင်ငံနှင့် အိမ်နီးချင်းနိုင်ငံများဆက်ဆံရေး၊ သတင်းမီဒီယာများ၊ မြန်မာနိုင်ငံ၏ အနာဂတ်မျှော်မှန်းချက် စသည်တို့နှင့်ပတ်သက်ပြီး မေးမြန်းသည့်မေးခွန်းများကို နိုင်ငံတော်၏အတိုင်ပင်ခံပုဂ္ဂိုလ်က ပွင့်လင်းရင်းနှီးစွာ ပြန်လည်ဖြေကြားခဲ့ကြောင်း ထုတ်ပြန်ချက်အရ သိရသည်။

Chief Executives Organization (CEO) အဖွဲ့၏ ကိုယ်စားလှယ်အဖွဲ့တွင် အမေရိကန်၊ ကနေဒါ၊ သြစတြေးလျ၊ ပြင်သစ်၊ ဂျာမနီ၊ ဖိလစ်ပိုင်နှင့် ကိုရီးယားနိုင်ငံတို့မှ ရင်းနှီးမြှုပ်နှံမှုကဏ္ဍ၊ လူသုံးကုန်ပစ္စည်းထုတ်လုပ်ရေးကဏ္ဍ၊ အိမ်ခြံမြေ၀န်ဆောင်မှုကဏ္ဍနှင့် ဆောက်လုပ်ရေးကဏ္ဍတို့တွင် လုပ်ငန်းများဆောင်ရွက်နေသည့် CEO များနှင့် ၎င်းတို့၏ဇနီးများ လိုက်ပါလာကြောင်း သိရသည်။

အဆိုပါကိုယ်စားလှယ်အဖွဲ့သည် မြန်မာနိုင်ငံတွင် ရောက်ရှိနေစဉ်အတွင်း ရန်ကုန်၊ မန္တလေး၊ ပုဂံနှင့် အင်းလေးသို့လည်း ခရီးလှည့်လည်သွားလာခဲ့ကြောင်း သိရသည်။

တွေ့ဆုံပွဲသို့ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာန ပြည်ထောင်စုဝန်ကြီး ဦးကျော်တင်၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာန၊ ဆောက်လုပ်ရေးဝန်ကြီးဌာနတို့မှ ဒုတိယ၀န်ကြီးများ၊ နိုင်ငံခြားရေးဝန်ကြီးဌာန၊ အမြဲတမ်းအတွင်းဝန်နှင့် တာဝန်ရှိသူများ တက်ရောက်ခဲ့ကြကြောင်း သိရသည်။

JICA ထံမှ ချေးငွေရယူ၍ SME ချေးငွေ ချေးရာတွင် ရာခိုင်နှုန်း ၇၀ သော ပြည်သူများရှိရာ ကျေးရွာများကို ထည့်သွင်း စဉ်းစားသင့်ပြီး စံသတ်မှတ်ချက်များ ဖြေလျှော့စဉ်းစားသင့်ကြောင်း အမျိုးသားလွှတ်တော် ကိုယ်စားလှယ် ပြောကြား

JICA ထံမှ ချေးငွေရယူ၍ SME ချေးငွေ ချေးရာတွင် ရာခိုင်နှုန်း ၇၀ သော ပြည်သူများရှိရာ ကျေးရွာများကို ထည့်သွင်း စဉ်းစားသင့်ပြီး Criteria (စံသတ်မှတ်ချက်) များကို ဖြေလျှော့စဉ်းစားသင့်ကြောင်း ပဲခူးတိုင်းဒေသကြီး မဲဆန္ဒနယ် အမှတ် (၅) မှ အမျိုးသားလွှတ်တော် ကိုယ်စားလှယ် ဒေါက်တာတင်တင်ဝင်းက ပြည်ထောင်စုလွှတ်တော်တွင် ဆွေးနွေးသည်။

နိုင်ငံတော်သမ္မတထံမှ ပေးပို့ထားသော ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီထံမှ ချေးငွေရယူရန်ကိစ္စနှင့် စပ်လျဉ်းပြီး နေပြည်တော်၌ ဖေဖော်ဝါရီ ၁၆ ရက်က ပြုလုပ်သည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး အဋ္ဌမနေ့တွင် ဒေါက်တာ တင်တင်ဝင်းက ဆွေးနွေးရာတွင် အထက်ပါအတိုင်း ဆွေးနွေးခဲ့ခြင်း ဖြစ်သည်။

“အသေးစား အလတ်စား စီးပွားရေးလုပ်သူတွေဟာ သိန်းထောင်နဲ့ချီပြီး မလုပ်နိုင်ပါဘူး။ ထောင်နဲ့ချီပြီး လုပ်ကိုင်နေသူတွေဟာ အသေးစား အလတ်စား စီးပွားရေး မဟုတ်ပါဘူး။ အမှန်တကယ် ပြည်ထောင်စုတစ်ဝန်း စီးပွားဖွံ့ဖြိုးတိုးတက်လိုလျှင် အောက်ခြေက စရပါမယ်။ လုပ်ငန်းတစ်ခုကို တစ်နိုင်တစ်ပိုင် လုပ်နေရာမှ ငွေကြေးအဆင်မပြေလို့ လုပ်ငန်းရပ်ရခြင်းကို SME မှ ကာကွယ်ပေးရပါမယ်။ ကျွန်မ မဲဆန္ဒနယ်မှာတော့ SME နဲ့ ပတ်သက်တဲ့ ချေးငွေကိစ္စ အဆင်မပြေပါဘူး။ သူတို့ သတ်မှတ်ထားတဲ့ Criteria တချို့ဟာ ပြည်သူတွေ လက်လှမ်းမမီပါဘူး။ သိန်းပေါင်းများစွာ လည်ပတ်နေတဲ့ လုပ်ငန်းတစ်ခုဖြစ်ရမယ်ဆိုတဲ့အချက်၊ မရွှေ့ပြောင်းနိုင်သော ပစ္စည်းများကို အာမခံထားရှိရမယ့် အချက်တွေဟာ ငွေရေးကြေးရေး အဆင်မပြေပေမဲ့ စီးပွားလုပ်ကိုင် လိုသူတွေအတွက် အခက်အခဲ ဖြစ်နေပါတယ်။ SME ချေးငွေချေးရာ မှာ ၇၀ ရာခိုင်နှုန်းသော ပြည်သူတွေရှိရာ ကျေးရွာများကိုပါ ထည့်သွင်းစဉ်းစားသင့်ပြီး Criteria တွေကို ဖြေလျှော့စဉ်းစားသင့်ပါကြောင်း ဆွေးနွေးအပ်ပါတယ်” ဟု ဒေါက်တာ တင်တင်ဝင်းက ပြောကြားသည်။

ထို့ပြင် လုပ်ငန်းတစ်ခုသည် နိုင်ငံလူဦးရေ၏ အများစုကို ဦးတည်ပြီး စဉ်းစားရမည်ဖြစ်ကာ အရင်းအနှီးအတွက် အကန့်အသတ် ဖြစ်သည့် ဂရန်၊ စည်ပင်သာယာ ထောက်ခံချက်၊ လုပ်ငန်းလိုင်စင်နှင့် SME မှတ်ပုံတင်များကို ကန့်သတ်လိုက်မည် ဆိုပါက လုပ်ငန်းရှင်များအတွက် အခက်အခဲများစွာရှိကြောင်း မင်္ဂလာဒုံမြို့နယ် ပြည်သူ့လွှတ်တော် ကိုယ်စားလှယ် ဦးအောင်လှိုင်ဝင်းက ပြောကြားသည်။

“ဒီချေးငွေဟာ ဂျပန်နိုင်ငံကနေပြီးတော့ အတိုးနှုန်း ၀ ဒသမ ၀၁ ရာခိုင်နှုန်း ဖြစ်တဲ့အတွက် ပိုက်ဆံ တစ်သောင်းချေးရင် ငွေတစ်ကျပ်သာ ပြန်ပေးရတဲ့ နှစ် ၄၀ ချေးရတဲ့ ချေးငွေဖြစ်ပါတယ်။ အရပ်စကားနဲ့ လွယ်လွယ်ခေါ်ကြမယ်ဆိုရင်တော့ အတိုးမဲ့ ချေးငွေလို့တောင် ပြောလို့ရတဲ့ ချေးငွေဖြစ်ပါတယ်။ လုပ်ငန်းရှင်များ ချေးငွေယူတဲ့အခါမှာ အခက်အခဲတချို့ကို တင်ပြလိုပါတယ်။ အထူးသဖြင့်တော့ ၀န်ကြီးဌာနက သတ်မှတ်ထားတဲ့ စံချိန်စံညွှန်းတွေဟာ ဖွံ့ဖြိုးမှုနည်းတဲ့ ဒေသတွေ ကျေးလက်ဒေသမှာရှိတဲ့ စီးပွားရေး လုပ်ငန်းရှင်တွေ လုပ်ငန်းငယ် အသေးလေးတွေအတွက် အတော်လေးကို မလွယ်တဲ့ အချက်အလက်ပဲ ဖြစ်နေပါတယ်။ ဖွံ့ဖြိုးမှုနည်းတဲ့ ဒေသတွေမှာဆိုရင် လုပ်ငန်းလေးတွေ လုပ်ကြတဲ့အခါမှာ မြို့ပေါ်ဒေသမှာ ရှိသလိုမျိုး ပစ္စည်းတစ်ခု ရောင်းလိုက်တိုင်း ပိုက်ဆံပြန်ရတာ မဟုတ်ပါဘူး။ အကြွေးချရတာပါ။ အကြွေးမချရင် ဒီပစ္စည်းက မရောင်းရပါဘူး။ အကြွေးပြန်ဆပ်မယ့် ရာသီပေါ်သီးနှံတွေ ပေါ်တဲ့အချိန် အကြွေးပြန်ဆပ်ချိန်ကျရင်လည်း သီးနှံတွေနဲ့ ပြန်ဆပ်ကြတာ များပါတယ်။ အဲဒီတော့ အဲဒီက လုပ်ငန်းရှင်က ရှုံးရှုံးမြတ်မြတ် အသီးအနှံတွေ ယူထားရတာ ရှိပါတယ်။ တချို့နေရာမှာဆို ခရမ်းသီးတွေနဲ့ ပြန်ဆပ်တာ ရှိပါတယ်။ ငွေပေါ်ဖို့ဆိုတာ တော်တော်လေး ခဲယဉ်းပါတယ်။ တချို့ ဖွံ့ဖြိုးမှုနည်းတဲ့ ဒေသတွေမှာဆိုရင် ပစ္စည်းချင်းဖလှယ်တဲ့အဆင့်မှာပဲ ရှိပါသေးတယ်။ အဲဒီလိုဒေသမှာရှိတဲ့ လုပ်ငန်းငယ်လေးတွေက ငွေကြေးအရင်းအနှီး အများကြီး လိုအပ်ပါတယ်။ အဲဒီအရင်းအနှီးကို လုပ်ဖို့ အကန့်အသတ်ဖြစ်တဲ့ ဂရန်တို့၊ စည်ပင်သာယာရဲ့ ထောက်ခံချက်တို့ လုပ်ငန်းလိုင်စင်တို့ SME မှတ်ပုံတင်တို့ အဲဒါတွေက ကန့်သတ်လိုက်မယ်ဆိုရင် လုပ်ငန်းရှင်များအတွက် အခက်အခဲအများကြီး ဖြစ်သွားပါမယ်။ အဲဒီဒေသမှာရှိတဲ့ ပညာရေး အခြေအနေဟာလည်း တော်တော်လေး နိမ့်ကျနေပါတယ်။ အမြင့်ဆုံး အလယ်တန်းလောက်ပဲ သင်နိုင်တဲ့ အခြေအနေမျိုးမှာ မြို့ပြမှာရှိတဲ့ စံချိန်စံညွှန်းတွေနဲ့ ဒီဒေသက ပုဂ္ဂိုလ်တွေကို သွားပြီး ချေးငွေတွေကို ဒါတွေကိုက်ညီမှသာ ပေးမယ်ဆိုရင် အဲ့ဒီဒေသက ပုဂ္ဂိုလ်တွေကို မပေးဘူးလို့ ပြောတာနဲ့ အတူတူပါပဲ။ ဒါကြောင့် ဒီကန့်သတ်ချက်တွေကို ဖြေလျှော့ပေးဖို့ လိုပါတယ်။ ဂျပန်နိုင်ငံကနေ ပိုက်ဆံ တစ်သောင်းချေးမှ တစ်နှစ်လုံးကို တစ်ကျပ်နဲ့ သူများနိုင်ငံ သူများလူမျိုးက ကိုယ့်နိုင်ငံ တိုးတက်ရေးအတွက် အတိုးမဲ့နီးပါး ချေးနေနိုင်သေးရင် ကျွန်တော်တို့နိုင်ငံ ကျွန်တော်တို့လူမျိုးက ကျွန်တော်တို့ လူမျိုးကို ပြန်ချေးတဲ့အခါ ရှစ်ကျပ်ခွဲတို့ ၁၁ ကျပ်တို့ မချေးနိုင်ဘူးဆိုတာ လုံးဝမဖြစ်သင့်တဲ့ ကိစ္စပါ။ လေးကျပ်နဲ့ ချေးရင်လည်း အမြတ်ကျန်ပါတယ်။ သုံးကျပ်နဲ့ ချေးရင်လည်း အမြတ်ကျန်ပါတယ်။ နှစ်ကျပ်လည်း အမြတ်ကျန်တာပဲ”ဟု ဦးအောင်လှိုင်ဝင်းက ပြောကြားသည်။

အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှု စီမံကိန်းအဆင့် (၂) အတွက် JICA ထံမှ ဂျပန်ယန်း ၁၄ ဒသမ ၉၄၉ ဘီလျံ ချေးယူမည်ဖြစ်ပြီး လုပ်ငန်းရှင်တစ်ဦးလျှင် အများဆုံးအဖြစ် ကျပ်သန်း ၅၀၀ ထုတ်ချေးနိုင်မည် ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြောကြားသည်။

ဖေဖော်ဝါရီ ၁၃ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီးက ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီထံမှ ချေးငွေရယူရန်နှင့် ပတ်သက်ပြီး ပြည်ထောင်စုလွှတ်တော်သို့ ရှင်းလင်းတင်ပြခဲ့ခြင်း ဖြစ်သည်။

ဒုတိယ၀န်ကြီးက အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး စီမံကိန်းအဆင့် (၂) အတွက် ဂျပန်နိုင်ငံ JICA ထံမှ ချေးငွေ ဂျပန်ယန်း ၁၄ ဒသမ ၉၄၉ ဘီလျံ (မြန်မာကျပ်ငွေ ဘီလျံ ၁၈၀ ခန့်) ချေးယူမည် ဖြစ်ကြောင်း၊ စီမံကိန်းအဆင့် (၁) အတွက် ဂျပန်ယန်း ၅ ဒသမ ၀၃၃ ဘီလျံ (မြန်မာကျပ် ငွေ ၆၁ ဒသမ ၆၅၄ ဘီလျံခန့်) ရယူ ဆောင်ရွက်ခဲ့ကြောင်း၊ မြန်မာနိုင်ငံတွင် မှတ်ပုံတင်ထားသည့် SME လုပ်ငန်းပေါင်း ၆၀၀၀၀ ကျော် ရှိသည့်အတွက် ချေးငွေပံ့ပိုးရန် လိုအပ်မှုများ ရှိနေကြောင်း၊ ထို့အတွက် နိုင်ငံတော်က အဆင့် (၂) စီမံကိန်းအဖြစ် ဆက်လက် အကောင်အထည်ဖော်ခြင်း ဖြစ်ကြောင်း၊ ယခု ချေးငွေသည် ဆိုင်းငံ့ကာလ ၁၀ နှစ်၊ ပြန်ဆပ်ကာလ နှစ် ၃၀ ဖြစ်ကာ ချေးငွေသက်တမ်း နှစ် ၄၀ ဖြစ်ကြောင်း၊ အတိုးနှုန်းအနေဖြင့် တစ်နှစ်လျှင် ၀ ဒသမ ၀၁ ရာခိုင်နှုန်းဖြစ်ကြောင်း၊ အတိုးကျသင့်ငွေကို တစ်နှစ် နှစ်ကြိမ် ဆပ်ရမည်ဖြစ်ကြောင်း၊ အရင်းပြန်လည် ပေးဆပ်မှုအား ဆိုင်းငံ့ကာလကျော်ပါက တစ်နှစ် နှစ်ကြိမ်နှုန်း ပေးဆပ်ရမည်ဖြစ်ကြောင်း ဒုတိယ၀န်ကြီးက ပြောကြားသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ် ခုနစ်နှစ်အတွင်း နောက်ဆက်တွဲ ဘတ်ဂျက်ခွင့်ပြုငွေ ကျပ်ဘီလျံ ၁၃၀၀၀ ကျော်ရှိပြီး ဘတ်ဂျက် ပိုလျှံငွေများ အသားတင် ပြန်လည်အပ်နှံမှုမှာ ကျပ်ဘီလျံ ၁၁၀၀၀ ကျော် ရှိသည့်အတွက် ကိုယ်ဆွဲသည့် ဘတ်ဂျက်အပေါ် အလေးထားမှု အားနည်းကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဝေဖန်

ဖေဖော်ဝါရီ ၁၆ ရက်က နေပြည်တော်တွင် ပြုလုပ်သော ပြည်ထောင်စုလွှတ်တော် အစည်းအဝေး မစတင်မီ တက်ရောက်လာသူများကို တွေ့ရစဉ်

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ် ခုနစ်နှစ်အတွင်း နောက်ဆက်တွဲ ဘတ်ဂျက်ခွင့်ပြုငွေမှာ ကျပ်ဘီလျံ ၁၃၀၀၀ ကျော်ရှိပြီး ဘတ်ဂျက်ပိုလျှံငွေ အသားတင်ပြန်လည် အပ်နှံမှုမှာ ကျပ်ဘီလျံ ၁၁၀၀၀ ကျော်ရှိကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

၂၀၁၈ ခုနှစ် ဧပြီမှ စက်တင်ဘာအထိ ခြောက်လအတွက် ပြည်ထောင်စု၏ အရအသုံးခန့်မှန်းခြေ ငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာ သုံးသပ်ချက် အစီရင်ခံစာကို ပြည်သူ့ငွေစာရင်း ပူးပေါင်းကော်မတီက ပြည်ထောင်စုလွှတ်တော်သို့ တင်သွင်းခဲ့သည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ နှစ်အလိုက် နောက်ဆက်တွဲ ဘတ်ဂျက်ခွင့်ပြုငွေ စုစုပေါင်းမှာ ကျပ် ၁၃၀၇၃ ဘီလျံဖြစ်ပြီး ဘတ်ဂျက်ပိုလျှံငွေများ ပြန်လည်အပ်နှံငွေမှာ ကျပ် ၁၄၆၂၃ ဘီလျံဖြစ်ကာ အပ်နှံငွေမှ လွှဲပြောင်းသုံးငွေမှာ ကျပ် ၃၀၂၂ ဘီလျံ ဖြစ်သည့်အတွက် အသားတင် အပ်နှံငွေမှာ ကျပ် ၁၁၆၀၁ ဘီလျံ ဖြစ်ကြောင်း ကော်မတီအစီရင်ခံစာအရ သိရသည်။

“ပြောမယ်ဆိုရင်တော့ အချက်တွေက အများကြီးပေါ့။ လုပ်မယ်လို့ ယူထားပြီးတော့ မလုပ်နိုင်တဲ့ အခါကျတော့ တကယ်လိုတဲ့ နေရာတွေ မရခဲ့ဘူးပေါ့။ အမှန်တကယ်ဆိုရင် အစကတည်းက ကိုယ်မလုပ်နိုင်ဘူး။ အကောင်အထည်ဖော် ဆောင်ရွက်နိုင်မှုအခြေအနေ မရှိလို့ရှိရင် လိုအပ်သလောက်ပဲ တောင်းထားမယ် ဆိုလို့ရှိရင် တခြားလိုတဲ့နေရာတွေကို ဖြည့်ပြီး ပေးနိုင်တာပေါ့။ အဲဒါနဲ့ ပတ်သက်လို့ အရင်တုန်းက ပြည်သူ့ငွေစာရင်းကော်မတီ အတွင်းရေးမှူး ဦးမောင်တိုးလည်း ပြောဖူးတယ်။ ကျွန်တော်တို့ ဘတ်ဂျက်တောင်းတာ ဘူဖေး စားသလိုပဲတဲ့။ ကိုယ့်ပန်းကန်ထဲမှာ ထည့်ထားပြီးတော့ နောက်တော့ မကုန်နိုင်တဲ့သဘော ဖြစ်သွားတာပေါ့ဗျာ”ဟု ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဦးအောင်မင်းက The Daily Eleven သတင်းစာကို ပြောကြားသည်။

သမ္မတဟောင်း ဦးသိန်းစိန် အစိုးရလက်ထက် ၂၀၁၁-၂၀၁၂ ဘဏ္ဍာနှစ်မှ ၂၀၁၅- ၂၀၁၆ ဘဏ္ဍာနှစ်အထိ နောက်ဆက်တွဲ ဘတ်ဂျက်ခွင့်ပြုငွေ စုစုပေါင်းမှာ ကျပ် ၉၃၇၁ ဘီလျံ ဖြစ်ပြီး အသားတင် ပြန်လည်အပ်နှံငွေမှာ ကျပ် ၉၉၁၄ ဘီလျံဖြစ်ကြောင်း ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

ထို့ပြင် လက်ရှိသမ္မတ ဦးထင်ကျော် အစိုးရလက်ထက် ၂၀၁၆-၂၀၁၇ ဘဏ္ဍာနှစ်တွင် နောက်ဆက်တွဲ ဘတ်ဂျက်ခွင့်ပြုငွေမှာ ၁၂၈၄ ဘီလျံဖြစ်ပြီး အသားတင်ပြန်လည် အပ်နှံငွေမှာ ကျပ် ၁၆၈၇ ဘီလျံဖြစ်ကြောင်း ပြည်သူ့ငွေစာရင်း ပူးပေါင်းကော်မတီက ဆိုသည်။

လက်ရှိ ၂၀၁၇-၂၀၁၈ ဘဏ္ဍာနှစ် နောက်ဆက်တွဲ ဘတ်ဂျက်ခွင့်ပြုငွေမှာ ကျပ် ၂၄၁၈ ဘီလျံဖြစ်ပြီး ဘဏ္ဍာနှစ်မှာ မတ်လကုန်တွင် ကုန်ဆုံးမည် ဖြစ်သည်။

ဘတ်ဂျက်ခွင့်ပြုငွေများကို အပြည့်အ၀ သုံးစွဲနိုင်မှု မရှိခြင်းကြောင့် အထွေထွေ ပိုလျှံရန်ပုံငွေသို့ နှစ်စဉ် ကျပ်ဘီလျံ ထောင်ဂဏန်းအထိ ပြန်လည်အပ်နှံလျက်ရှိရာ ဌာနများအနေဖြင့် ဘတ်ဂျက် တိုးမြှင့်ရရှိမှုနှင့် လိုက်လျောညီထွေဖြစ်ရန် အကောင်အထည်ဖော် ဆောင်ရွက်နိုင်မှု မရှိခြင်းကို သေချာစွာ ဆန်းစစ်လေ့လာသုံးသပ်ရန် လိုအပ်နေပြီ ဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက အကြံပြုထားသည်။

“ကိုယ်က ရသမျှ တောင်းလိုက်တဲ့အခါကျတော့ တကယ်မရတဲ့ ဌာနတွေမှာ မလုပ်နိုင်တာတွေ ရှိတယ်။ နောက်တစ်ခုက လိုငွေနဲ့ ပေးရတာဖြစ်တဲ့အတွက် ဒီလိုအများကြီး မလုပ်နိုင်ဘဲနဲ့ ဘတ်ဂျက်ကြီးမှာ လျာထားလိုက်တဲ့ အခါကျတော့ လိုငွေစည်းမျဉ်းက ပေါ်သွားရော။ ပေါ်သွားတော့ အများရဲ့ အမြင်မှာဟာ နိုင်ငံတော်မှာ လိုငွေတွေ ဒီလောက်ကြီး ရှိလာတယ်။ လိုငွေဖြစ်လာပြီ ဆိုရင်တော့ ဗဟိုဘဏ်ကတော့ ငွေရိုက်ရတော့မှာပဲဆိုပြီးမှ ကုန်ဈေးနှုန်းတက်တာတို့ ငွေကြေးဖောင်းပွမှု ဖြစ်တာတို့ဆိုတာ ဒါတွေပါပဲ။ တစ်တိုင်းပြည်လုံး ခံစားရတာပါ။ ကိုယ် ကိုယ်တိုင်ရေးဆွဲပြီး လုပ်ပါမယ်လို့ Commitment လုပ်တဲ့ လုပ်ငန်းတစ်ခုကို အကောင်အထည်ဖော်နိုင်တဲ့နေရာမှာ မဖော်နိုင်ဘဲနဲ့ အကြောင်းကြောင်းကြောင့် မဖော်နိုင်တဲ့နေရာမှာတော့ ကိုယ့်ရဲ့ ဘတ်ဂျက်ပေါ်မှာ ထားတဲ့ အလေးထားမှုဟာ အားနည်းသွားတာပေါ့” ဟု ဦးအောင်မင်းက ပြောကြားသည်။

သဘာဝသယံဇာတများ ပျက်စီးဆုံးရှုံးနေခြင်းကို အမျိုးသားရေး တာဝန်တစ်ရပ်အနေဖြင့် ထိန်းသိမ်းကာကွယ် စောင့်ရှောက်ပေးရန်အဆို အမျိုးသားလွှတ်တော် အတည်ပြု

ပြည်ထောင်စုသမ္မတ မြန်မာနိုင်ငံတော်၏ သဘာဝသယံဇာတများ ပျက်စီးဆုံးရှုံးနေခြင်းကို အမျိုးသားရေးတာဝန်တစ်ရပ်အနေဖြင့် ထိန်းသိမ်းကာကွယ် စောင့်ရှောက်ပေးရန်အဆို အမျိုးသားလွှတ်တော်က အတည်ပြုခဲ့သည်။ ယင်းအဆိုနှင့် ပတ်သက်၍ ဖေဖော်ဝါရီ ၁၄ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် ကိုယ်စားလှယ်များက ဆွေးနွေးခြင်း၊ သက်ဆိုင်ရာ ပြည်ထောင်စုအဆင့် ပြန်လည် ရှင်းလင်းခြင်းများပြုလုပ်ကာ မဲခွဲဆုံးဖြတ်ရာတွင် ထောက်ခံသူများသည့်အတွက် အတည်ပြုခဲ့ခြင်းဖြစ်သည်။

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းက “သတ္တုကဏ္ဍအနေနဲ့ ဓာတ်သတ္တု သယံဇာတတွေကို သားစဉ်မြေးဆက်တူး ဖော်ထုတ်လုပ်နိုင်ရေးအတွက် ဧရိယာများ ထားရှိခြင်း၊ ဓာတ်သတ္တုသယံဇာတများကို ခေတ်မီနည်းပညာဖြင့် လေလွင့်ဆုံးရှုံးမှု အနည်းဆုံးနဲ့ ကုန်ချောအဆင့်အထိ အရည်အသွေးပြည့်မီစွာ ထုတ်လုပ်နိုင်ဖို့၊ ပတ်ဝန်းကျင်ထိခိုက်မှု အနည်းဆုံးဖြစ်ဖို့၊ သားစဉ်မြေးဆက် အကျိုးရှိစေမယ့် တာဝန်ယူ၊ တာဝန်ခံမှု အပြည့်အ၀ရှိတဲ့ သယံဇာတတူးဖော်သုံးစွဲမှုကဏ္ဍ ဖွံ့ဖြိုးတိုးတက်မှုကို ဖော်ဆောင်သွားဖို့၊ လူမှုစီးပွားဘ၀ထိခိုက်မှု၊ သဘာဝပတ်ဝန်း ကျင်ထိခိုက်မှုမရှိစေဖို့အတွက် ဓာတ်သတ္တု ကဏ္ဍစဉ်ဆက်မပြတ်ဖွံ့ဖြိုးစေဖို့ ရည်မှန်းချက် တွေချမှတ်ကာ ကျောက်မျက်ရတနာတွေနဲ့တွင်းထွက်သယံဇာတတွေကို အကန့်အသတ် နဲ့ရေရှည်စနစ်တကျ တူးဖော် ထုတ်လုပ်သွားမှာ ဖြစ်ပါတယ်”ဟု ပြောကြားသည်။

ထို့ပြင် ၀န်ကြီးဌာနအနေဖြင့် သစ်တော သယံဇာတများ အဓွန့်ရှည်ကြာစွာ တည်တံ့စေ ရန်နှင့်နောင်သားစဉ်မြေးဆက် သစ်တော သယံဇာတများ စဉ်ဆက်မပြတ် ထုတ်ယူသုံးစွဲ နိုင်ရန်အတွက် ဘက်ပေါင်းစုံမှ ထိန်းသိမ်းကာ ကွယ်စောင့်ရှောက်ရန် လိုအပ်ကြောင်း၊ ၀န် ကြီးဌာနအနေဖြင့် ထိန်းသိမ်းစောင့်ရှောက်မှု များဆောင်ရွက်လျက်ရှိကြောင်း ပြောကြားသည်။

ယင်းအဆိုနှင့်ပတ်သက်၍ ပြည်ထောင် စုဝန်ကြီးက မှတ်တမ်းတင်ရန်ပြောကြားခဲ့ သော်လည်း မဲခွဲဆုံးဖြတ်ရာတွင် ထောက်ခံသူ ဦးရေများသည့်အတွက် အဆိုအား အမျိုးသား လွှတ်တော်က အတည်ပြုခဲ့သည်။

အဆိုတင်သွင်းသူဦးဖေချစ်က “မြန်မာ နိုင်ငံမှာရှိတဲ့ သဘာဝသယံဇာတတွေ၊ သတ္တု တွင်းထွက်တွေဟာ တဖြည်းဖြည်းကုန်ဆုံး နည်းပါးလာနေတဲ့အတွက် ယနေ့ခေတ်လို အချိန်ကနေ စတင် မကာကွယ် မတားဆီးပါက နောက်လာမယ့်မျိုးဆက်တွေ သယံဇာတ ကျိန်စာသင့်နိုင်တဲ့အတွက် အဆိုကို အမျိုး သားလွှတ်တော်မှာ အတည်ပြုနိုင်ခဲ့တဲ့အတွက် ပြည်ထောင်စုအစိုးရက အဆိုအပေါ် ဆောင် ရွက်မှုတွေကို စောင့်ကြည့်သွားမှာပ” ဟု သတင်းထောက်များအား ပြောကြားသည်။