ဘဏ္ဍာရေး စည်းမျဉ်းစည်းကမ်းနှင့် ညီညွတ်မှုမရှိသော အသုံးစရိတ် တင်ပြတောင်းခံမှုများ မဖြစ်ပေါ်ရန် ပြည်ထောင်စုလွှတ်တော် အနေဖြင့် ဘတ်ဂျက်စိစစ် ဖြတ်တောက်ရုံဖြင့် လုံလောက်မှုမရှိဘဲ အစိုးရအဖွဲ့အစည်း အသီးသီး အနေဖြင့် စည်းမျဉ်းစည်းကမ်းနှင့်အညီ ရေးဆွဲရမည်ဟု ပြည်သူ့လွှတ်တော်ကိုယ်စားလှယ် ပြည်ထောင်စု လွှတ်တော်၌ ဆွေးနွေး

ဖေဖော်ဝါရီ ၂၂ ရက်က နေပြည်တော်တွင် ပြုလုပ်သော ပြည်ထောင်စုလွှတ်တော် အစည်းအဝေး မစတင်မီ တက်ရောက်လာသူများကို တွေ့ရစဉ် (ဓာတ်ပုံ-စည်သူ)

ဘဏ္ဍာရေး စည်းမျဉ်းစည်းကမ်းနှင့် ညီညွတ်မှုမရှိသော အသုံးစရိတ် တင်ပြတောင်းခံမှုများ မဖြစ်ပေါ်ရန် ပြည်ထောင်စုလွှတ်တော် အနေဖြင့် ဘတ်ဂျက်စိစစ် ဖြတ်တောက်ရုံဖြင့် လုံလောက်မှုမရှိဘဲ အစိုးရအဖွဲ့အစည်း အသီးသီး အနေဖြင့် ဘတ်ဂျက်များ ပြင်ဆင်ရေးဆွဲချိန်တွင် စည်းမျဉ်းစည်းကမ်းနှင့်အညီ ရေးဆွဲရမည်ဟု ပုလဲမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြည်ထောင်စုလွှတ်တော်တွင် ဆွေးနွေးသည်။

၂၀၁၈ ခုနှစ် ဧပြီလမှ စက်တင်ဘာလအထိ ခြောက်လ အမျိုးသားစီမံကိန်း ဥပဒေကြမ်းနှင့် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းတို့၏မူနှင့် အခြေခံသဘောများ၊ စီမံကိန်းလုပ်ငန်းများ၊ ရငွေသုံးငွေများနှင့် စပ်လျဉ်း၍ နေပြည်တော်၌ ဖေဖော်ဝါရီ ၂၂ ရက်က ပြုလုပ်သည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး န၀မနေ့တွင် လွှတ်တော်ကိုယ်စားလှယ် ၂၈ ယောက်က ဆွေးနွေးရာ ဒေါ်ခင်စန်းလှိုင်က အထက်ပါအတိုင်း တင်ပြဆွေးနွေးခဲ့ခြင်းဖြစ်သည်။

“ဘဏ္ဍာရေး စည်းမျဉ်းစည်းကမ်းနဲ့ ညီညွတ်မှုမရှိတဲ့ အသုံးစရိတ် တင်ပြတောင်းခံမှုတွေကို နောင်မဖြစ်စေဖို့ဆိုရင် ကျွန်မတို့ပြည်ထောင်စု လွှတ်တော်ကြီးက ဘတ်ဂျက်စိစစ်ပြီး ဖြတ်တောက်နေရုံနဲ့ မလုံလောက်တော့ပါဘူး။ အစိုးရအဖွဲ့အစည်း အသီးသီးအနေနဲ့ ဘတ်ဂျက်ကို ပြင်ဆင်ရေးဆွဲကတည်းက ဘဏ္ဍာရေး စည်းမျဉ်းစည်းကမ်းများနဲ့အညီ  အလေးအနက်ထား အထူးဂရုပြု စိစစ်ရေးဆွဲရမှာ ဖြစ်သလို အဆင့်ဆင့် စိစစ်တဲ့ အဖွဲ့အစည်းများ အနေနဲ့လည်း တာဝန်ယူ၊ တာဝန်ခံမှုရှိဖို့ လိုအပ်ပါတယ်” ဟု ဒေါ်ခင်စန်းလှိုင်က ပြောကြားသည်။

ဘဏ္ဍာရေး စီမံခန့်ခွဲမှုနှင့် ပတ်သက်ပြီး ၁၉၈၆ ခုနှစ် ဆိုရှယ်လစ်အစိုးရ လက်ထက်တွင် ထုတ်ပြန်သည့် ၄၂/၈၆ စည်းမျဉ်းသည် ၂၀၁၇ ခုနှစ် ဧပြီ ၁ ရက်မတိုင်မီအထိ တည်ဆဲလိုက်နာရန် စည်းမျဉ်းဖြစ်ပြီး အစိုးရသစ်လက်ထက် ၂၀၁၇ ခုနှစ် ဧပြီ ၁ ရက်တွင် ပြည်သူ့ဘဏ္ဍာ စီမံခန့်ခွဲမှု အားကောင်းစေရန် မြန်မာနိုင်ငံ၏ ဘဏ္ဍာရေး စီမံခန့်ခွဲမှုဆိုင်ရာ စည်းမျဉ်း ၃၅/၂၀၁၇ ကို ထုတ်ပြန်ခဲ့ပြီး ၄၂/၈၆ ကို ပယ်ဖျက်ခဲ့ခြင်းဖြစ်ကြောင်း ဒေါ်ခင်စန်းလှိုင်က ပြောကြားသည်။

ထို့ပြင် ၂၀၁၈ ခုနှစ် ခြောက်လဘတ်ဂျက်တွင် ၃၅/၂၀၁၇ ပါ ဘဏ္ဍာရေး စည်းမျဉ်းစည်းကမ်းများနှင့် ကိုက်ညီမှု မရှိသော အသုံးစရိတ် တင်ပြတောင်းခံမှုများ ရှိနေဆဲကို လေ့လာတွေ့ရှိရပြီး နှစ်ပေါင်း ၃၀ ကြာ ၀န်ကြီးဌာနများ၊ ဦးစီးဌာနများနှင့် အစိုးရ အဖွဲ့အစည်း အသီးသီးသည် ၄၂/၈၆ ပါ စည်းမျဉ်းများကို လိုက်နာဆောင်ရွက်မှု အားနည်းခဲ့ခြင်းကြောင့် ပြည်သူ့ဘဏ္ဍာ လေလွင့်ဆုံးရှုံးမှုများ၊ အလွဲသုံးစားမှုများသည် အစဉ်အလာ အလေ့အထ တစ်ခုကဲ့သို့ အမြစ်တွယ်ခဲ့ကြောင်း ၎င်းက ပြောကြားသည်။

မြန်မာနှင့် ဘင်္ဂလားဒေ့ရ်ှနယ်စပ်ရှိ ဥပဒေအရ နေထိုင်ခွင့်မရှိသောနေရာတွင် လာရောက်နေထိုင်သည့် ဘင်္ဂါလီ ၆၅၀၀ ခန့်အား အကြမ်းဖက်သမားများပါရှိခြင်း ရှိ မရှိ စာရင်းကောက်ယူစစ်ဆေးမည်

နေရပ်စွန့်ခွာဘင်္ဂါလီများ ပြန်လည်လက်ခံရေးနှင့်ပတ်သက်၍ ဘင်္ဂလားဒေ့ရ်ှနှင့် မြန်မာနှစ်နိုင်ငံ ခရိုင်အရာရှိအဆင့် ဆွေးနွေးပွဲသို့ လာရောက်ကြသူများက No Man Land ဧရိယာရှိ ဘင်္ဂါလီများအား ဖေဖော်ဝါရီ ၂၀ ရက်က သွားရောက်တွေ့ဆုံစဉ်

မြန်မာနှင့် ဘင်္ဂလားဒေ့ရ်ှနယ်စပ်ရှိ ဥပဒေအရ နေထိုင်ခွင့်မရှိသော No Man Land ဧရိယာတွင် လာရောက်နေထိုင်သည့် ဘင်္ဂါလီ ၆၅၀၀ ခန့်အား အကြမ်းဖက်သမားများပါရှိခြင်း ရှိ မရှိ စာရင်းကောက်ယူ စစ်ဆေးမည်ဖြစ်ကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက ပြောကြားသည်။

အဆိုပါကိစ္စနှင့်ပတ်သက်ပြီး ဖေဖော်ဝါရီ ၂၀ ရက်က မြန်မာနှင့် ဘင်္ဂလားဒေ့ရှ် နှစ်ဖွဲ့ပေါင်းပြီး No Man Land ဧရိယာရှိ ဘင်္ဂါလီများကို သွားရောက်တွေ့ဆုံခဲ့ကြောင်း၊ အတည်မပြုနိုင်သေးသော သတင်းများအရ ယင်းအဖွဲ့တွင် ARSA အကြမ်းဖက်အဖွဲ့မှ ခေါင်းဆောင်များအပါအ၀င် အကြမ်းဖက်သမားများပါဝင်သည်ဟု သိရကြောင်း ဦးဇော်ဌေးက ပြောကြားသည်။

“ကျွန်တော်တို့ဘက်က ကြေညာထားတဲ့ အကြမ်းဖက်လုပ်ရပ်တွေမှာပါတဲ့ လူ ၁၃၀၀ ကျော်ရှိတယ်။ ဒီ ၁၃၀၀ ကျော်ထဲမှာ ပါမပါ။ နောက် ARSA ရဲ့ တချို့ခေါင်းဆောင်ပိုင်းက သားသမီးတွေလည်းပါတယ်။ ဦးဆောင်တဲ့တစ်ယောက်က။ အဲဒီလိုသိရတယ်။ ဒါက ရဲဘက်ကသတင်းပေါ့။ အတည်တော့မပြုနိုင်သေးဘူး။ အဲဒါကို မနေ့က ဘင်္ဂလားဒေ့ရ်ှနဲ့ မြန်မာနှစ်ဖွဲ့ပေါင်းပြီး အဲဒီအဖွဲ့တွေကို သွားတွေ့တယ်။ ဒီအဖွဲ့တွေကို စာရင်းကောက်မယ်။ သူတို့ရဲ့ ဒေတာတွေရပြီဆိုရင် ဒီအထဲမှာ အကြမ်းဖက်သမား ပါ မပါ ပထမဆုံးစိစစ်မယ်” ဟု ၎င်းကဆိုသည်။

နေပြည်တော်ရှိ ပြန်ကြားရေးဝန်ကြီးဌာနတွင် ဖေဖော်ဝါရီ ၂၁ ရက်ကပြုလုပ်သည့် မဏ္ဍိုင်ကြီးလေးရပ် အလုပ်ရုံဆွေးနွေးပွဲ ခေတ္တရပ်နားချိန်တွင် မီဒီယာများအား ၎င်းက ပြောကြားခဲ့ခြင်းဖြစ်သည်။

မြန်မာနိုင်ငံ ခြံစည်းရိုးနှင့် Zero Line အကြား ၎င်းတို့နေထိုင်နေသည့် No Man Land ဧရိယာသည် နေထိုင်ခွင့်မရှိသည့်နေရာဖြစ်၍ မြန်မာဘက်မှ ဥပဒေအရရှင်းလင်းမှုများပြုလုပ်ပါက နိုင်ငံတကာဖိအားရရှိစေရန် ရည်ရွယ်၍ ထောက်ချောက်ဆင်သည့်အနေဖြင့် လာရောက်နေထိုင်ခြင်းဖြစ်ကြောင်း ညွန်ကြားရေးမှူးချုပ် ဦးဇော်ဌေးက ပြောကြားသည်။

“ဘာကိုရည်ရွယ်လဲဆိုတော့ ကျွန်တော်တို့သုံးသပ်တာကတော့ No Man Land မှာဝင်နေတယ်။ ရေရှည်နေနိုင်အောင် နောက်ကအဖွဲ့အစည်းတွေက စားနပ်ရိက္ခာဆေးဝါးစသည်ဖြင့် ထောက်ပံ့ကူညီမှုတွေပေးနေတယ်။ အဓိကရည်ရွယ်ချက်က No Man Land မှာနေတဲ့အတွက် ကျွန်တော်တို့က လုံခြုံရေးအတွက် ဥပဒေနဲ့အညီ ရှင်းရလင်းရမယ်။ ဒီ ၆၅၀၀ ကျော်က မြန်မာနိုင်ငံဘက်က လုံခြုံရေးအရ ဒီဘက်က ဆောင်ရွက်သင့်တာကို ဆောင်ရွက်တယ်ဆိုရင် ဒီဆောင်ရွက်ချက်ကို အကြောင်းပြုပြီး နိုင်ငံတကာဖိအားတွေ ထပ်တိုးလာအောင် ထောင်ချောက်ဆင်ထားတာ။ အထူးသဖြင့် မြန်မာနိုင်ငံဘက်က မစ,စအောင် သူတို့က အဲဒီနားမှာနေတယ်။ တောင်းဆိုချက်တွေထုတ်တယ်။ ဘင်္ဂလားဒေ့ရ်ှကဘက်လာတဲ့ မီဒီယာတွေကို သတင်းအမှားတွေ မဟုတ်မမှန်တာတွေ ပြောတယ်” ဟု ၎င်းက ဆက်လက်ပြောကြားသည်။

အဆိုပါဘင်္ဂါလီများမှာ ကမ္ဘာအ၀န်းသို့ ရောက်ရှိနေသော ဘင်္ဂါလီအားလုံးကို မြန်မာနိုင်ငံက ခြွင်းချက်မရှိပြန်လည်လက်ခံပြီး နိုင်ငံသားပေးရန်အချက်များအပါအ၀င် မဖြစ်နိုင်သောတောင်းဆိုမှုများကို ပြုလုပ်ထားကြောင်းလည်း ၎င်းက ပြောကြားသည်။

No Man Land ဧရိယာမှ ဘင်္ဂါလီများ ပြန်လည်ထွက်ခွာစေရေးအတွက် မြန်မာဘက်မှ အတင်းအကျပ်ဆောင်ရွက်ပါက နိုင်ငံတကာမှ ဖိအားပေးမှုများ ရှိလာနိုင်သည့်အတွက် ယင်းသို့ပြုလုပ်မည်မဟုတ်ကြောင်း၊ ဘင်္ဂလားဒေ့ရ်ှနှင့် ပူးပေါင်းဆောင်ရွက်ခြင်းအပါအ၀င် အခြားနည်းလမ်းများဖြင့် ဖြေရှင်းနိုင်ရန် အစိုးရတာဝန်ရှိသူများမှ ဆွေးနွေးအဖြေရှာနေကြောင်းလည်း ဦးဇော်ဌေးက ပြောကြားသည်။

ယင်းတို့အနေဖြင့် မိမိသဘောဆန္ဒဖြင့် ပြန်လာလိုသည်ဆိုပါက မြန်မာနိုင်ငံနှင့် ဘင်္ဂလားဒေ့ရ်ှနိုင်ငံအကြား သဘောတူညီချက်များအရ စိစစ်လက်ခံမည်ဖြစ်ကြောင်း သိရသည်။

လူမျိုးများစာရင်းတွင် တိုင်းရင်းသားလူမျိုးများ ဖွဲ့စည်းပါဝင်မှု၊ တိုင်းရင်းသားလူမျိုးစုငယ်များ ပါဝင်မှု၊ စာလုံးပေါင်းသတ်ပုံ၊ အမည်နာမအသစ်၊ တိုင်းရင်းသားဖြစ်ခြင်း မဖြစ်ခြင်းကိစ္စရပ်များတွင် အငြင်းပွားဖွယ်ရာများရှိ၍ ညှိနှိုင်းဆွေးနွေးမှုများပြုလုပ်ပြီးမှသာ ထုတ်ပြန်သွားရန်လျာထားကြောင်း ပြည်ထောင်စုဝန်ကြီး ပြောကြား

၂၀၁၄ ခုနှစ် သန်းခေါင်စာရင်းမှ ကောက်ယူရရှိထားသော လူမျိုးများစာရင်းတွင် တိုင်းရင်းသားလူမျိုးများ ဖွဲ့စည်းပါဝင်မှု၊ တိုင်းရင်းသားလူမျိုးစုငယ်များ ပါဝင်မှု၊ စာလုံးပေါင်းသတ်ပုံ၊ အမည်နာမအသစ်၊ တိုင်းရင်းသားဖြစ်ခြင်း မဖြစ်ခြင်း ကိစ္စရပ်များတွင် အငြင်းပွားဖွယ်ရာများရှိသည့်အတွက် ညှိနှုိုင်းဆွေးနွေးမှုများပြုလုပ်ပြီးမှသာ ထုတ်ပြန်သွားရန်လျာထားကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဦးသိန်းဆွေက ပြောကြားသည်။

ဖေဖော်ဝါရီ ၂၁ ရက်ကပြုလုပ်သည့် အမျိုးသားလွှတ်တော် အစည်းအဝေးတွင် ချင်းပြည်နယ် မဲဆန္ဒနယ်အမှတ် (၂) မှ အမျိုးသားလွှတ်တော်ကိုယ်စားလှယ် ဦးရှန်အောရ်က ၂၀၁၄ ခုနှစ် သန်းခေါင်စာရင်း ကောက်ယူပြီးစီးသည်မှာ သုံးနှစ်ခွဲကျော် ကြာလာပြီဖြစ်သော်လည်း မြန်မာနိုင်ငံ၏ လူဦးရေနှင့်ပတ်သက်၍ လူမျိုးအလိုက်၊ လူမျိုးစုအလိုက် ရလဒ်ထုတ်ပြန်ခြင်းမရှိသေးသဖြင့် မည်သည့်အချိန်တွင် ထုတ်ပြန်ပေးမည်ကို သိရှိလိုကြောင်း မေးမြန်းသည်။

အဆိုပါမေးမြန်းမှုအား ပြည်ထောင်စုဝန်ကြီး ဦးသိန်းဆွေက “၂၀၁၄ ခုနှစ် သန်းခေါင်စာရင်းကနေ ကောက်ယူရရှိထားတဲ့ လူမျိုးများစာရင်းမှာ တိုင်းရင်းသားလူမျိုးများ ဖွဲ့စည်းပါဝင်မှု၊ တိုင်းရင်းသားလူမျိုးစုငယ်များ ပါဝင်မှု၊ စာလုံးပေါင်းသတ်ပုံ၊ အမည်နာမအသစ်၊ တိုင်းရင်းသားဖြစ်ခြင်း မဖြစ်ခြင်း ကိစ္စရပ်များတွင် အငြင်းပွားဖွယ်ရာများရှိသည့်အတွက် ညှိနှုိုင်းဆွေးနွေးမှုများပြုလုပ်ပြီးမှသာ ထုတ်ပြန်သွားဖို့လျာထားပါတယ်။ ဆွေးနွေးညှိနှိုင်းမှုတွေပြုလုပ်ဖို့အတွက် နိုင်ငံတော်သမ္မတရုံးနဲ့ ပြည်ထောင်စုအစိုးရအဖွဲ့သို့တင်ပြ၍ တိုင်းရင်းသားရေးရာကော်မတီဝင်များ၊ တိုင်းရင်းသားခေါင်းဆောင်များ၊ တိုင်းရင်းသားကိုယ်စားလှယ်များ၊ သမိုင်းပညာရှင်များ၊ ယဉ်ကျေးမှုပညာရှင်တွေနဲ့ လူဦးရေပညာရှင်တွေ၊ သက်ဆိုင်ရာဌာန၊ အဖွဲ့အစည်းတွေနဲ့ အဆင့်ဆင့်ညှိနှိုင်းဆွေးနွေးမှုတွေပြုလုပ်ကာ တိုင်းရင်းသားလူမျိုးအမည်များ သတ်မှတ်ပြီးမှသာ ထုတ်ပြန်သွားမှာဖြစ်ပါတယ်” ဟုပြောကြားသည်။

မြန်မာနိုင်ငံတွင်နေထိုင်သော တိုင်းရင်းသားမျိုးနွယ်စု အမည်စာရင်းများ သတ်မှတ်ပြုစုရာတွင် ၁၉၃၁ ခုနှစ်တွင်ပြုစုခဲ့သော သန်းခေါင်စာရင်းအရ လူမျိုးစုစာရင်းအပေါ် အခြေခံ၍လည်းကောင်း၊ ၁၉၅၃-၁၉၅၄ ခုနှစ် မျိုးနွယ်စု စာရင်းအရလည်းကောင်း၊ ၁၉၆၁ ခုနှစ်တွင် ယဉ်ကျေးမှုဝန်ကြီးဌာန၊ ရှေးဟောင်းစာပေနှင့်ယဉ်ကျေးမှုရုံး၏ အကြံပြုချက်နှင့် မြန်မာနိုင်ငံ သမိုင်းကော်မရှင်၏ အကြံပြုချက်များအရလည်းကောင်း၊ ၁၉၇၂ ခုနှစ် မြန်မာ့ဆိုရှယ်လစ်လမ်းစဉ်ပါတီ ဗဟိုကော်မတီဌာနချုပ် တိုင်းရင်းသားလူမျိုးစုရေးရာကော်မတီ ညှိနှိုင်းချက်အရလည်းကောင်း အခြေခံ၍ လူမျိုးစုစာရင်းကိုပြုစုပြီး ၁၉၇၃ ခုနှစ် သန်းခေါင်စာရင်းတွင် အသုံးပြုခဲ့ကြောင်း၊ ၁၉၇၃ ခုနှစ် သန်းခေါင်စာရင်းအရ လူမျိုးနွယ်စု ၁၃၅ မျိုးရှိကြောင်း၊ ၁၉၈၃ ခုနှစ် သန်းခေါင်စာရင်းတွင် အဆိုပါလူမျိုးနွယ်စု ၁၃၅ မျိုးကိုပင် အတည်ပြုအခြေခံကာ လူမျိုးစုစာရင်းကောက်ယူခဲ့ကြောင်း၊ ၂၀၁၄ ခုနှစ် မတ် ၃၀ ရက် ပြည်လုံးကျွတ်သန်းခေါင်စာရင်း ကောက်ယူရာတွင် ၁၉၇၃ ခုနှစ်က ကောက်ယူရရှိခဲ့ပြီး မှတ်တမ်းတင်ထားသော လူမျိုး ၁၃၅ မျိုးစာရင်းကို အခြေခံဆောင်ရွက်ထားခြင်းဖြစ်ကြောင်း၊ ၂၀၁၄ ခုနှစ် လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူခဲ့ရာတွင် နိုင်ငံတကာစံချိန်စံညွှန်းအရ လူမျိုးအမည် ဖြည့်သွင်းရာ၌ ဖြေဆိုသူက ပြောကြားသည့်အတိုင်းသာ ကောက်ယူခဲ့ကြောင်း ပြည်ထောင်စုဝန်ကြီးက ပြောကြားသည်။

၂၀၁၄ ခုနှစ် သန်းခေါင်စာရင်း မကောက်ယူမီနှင့် ကောက်ယူပြီးကာလများတွင် လူမျိုးအမည်၊ ဖွဲ့စည်းမှု၊ လူမျိုးအုပ်စုများနှင့်ပတ်သက်ပြီး အငြင်းပွားဖွယ်ရာကိစ္စရပ်များ၊ ပြည်ထောင်စုအစိုးရအဖွဲ့၊ လွှတ်တော်၊ ပြည်ထောင်စုရွေးကောက်ပွဲကော်မရှင်၊ သက်ဆိုင်ရာတိုင်းရင်းသားအဖွဲ့အစည်းများ၏ မေးမြန်းချက်၊ တင်ပြချက်များကို လက်ခံရရှိခဲ့ကြောင်း၊ ဥပမာအနေဖြင့် လူမျိုးမေးခွန်းများမှာ နိုင်ငံတော်မှ အသိအမှတ်ပြုထားသော လူမျိုးစာရင်းတွင် ပါဝင်ခြင်းရှိ မရှိ စိစစ်ပြန်ကြားပေးရန်ကိစ္စ၊ လူမျိုးစုတစ်မျိုးစီ ဟုတ် မဟုတ် စိစစ်ပြန်ကြားပေးရန်မေးမြန်းချက်၊ သီးခြားမျိုးနွယ်စုတစ်စုဖြစ်ပြီး မျိုးနွယ်စုကြီးတွင်မပါဝင်ပါကြောင်း တင်ပြချက်၊ လူမျိုးစု၏အမည်မှန်၊ လူမျိုးတို့၏ ကိုယ်ပိုင်အမည်ကို မူရင်းအတိုင်း မှန်ကန်စွာ ရေးသားပြောဆိုသုံးနှုန်းနိုင်ရေးအတွက် တရားဝင်အသိအမှတ်ပြု ထုတ်ပြန်ပေးပါရန် တင်ပြချက်၊ ကချင်လူမျိုးစုတွင် လူမျိုး ၁၂ မျိုးအစား ခြောက်မျိုးသာရှိကြောင်း တင်ပြချက်၊ ကရင်လူမျိုးစုတွင် လူမျိုး ၁၁ မျိုးအစား ခုနစ်မျိုးသာရှိကြောင်း တင်ပြချက်၊ ချင်းလူမျိုးစုတွင် ၅၃ မျိုးမရှိကြောင်း တင်ပြချက်များကို လက်ခံရရှိထားကြောင်း ပြည်ထောင်စုဝန်ကြီး ဦးသိန်းဆွေက ပြောကြားသည်။

အမျိုးသားအဆင့်နိုင်ငံရေးဆွေးနွေးပွဲများကျင်းပရေးနှင့် အဖွဲ့ဝင်တိုးချဲ့ရေးကိစ္စရပ်များ အဓိကဆွေးနွေးရန် UPDJC အစည်းအဝေးကို ဖေဖော်ဝါရီ ၂၇ ရက်တွင် ပြုလုပ်မည်

(၁၃) ကြိမ်မြောက် UPDJC အစည်းအဝေးကို နေပြည်တော်တွင် ၂၀၁၇ ခုနှစ် နိုဝင်ဘာ ၂၄ ရက်က ပြုလုပ်စဉ်

(၁၄) ကြိမ်မြောက် ပြည်ထောင်စုငြိမ်းချမ်းရေး ဆွေးနွေးမှုပူးတွဲကော်မတီ (UPDJC) အစည်းအဝေးကို ဖေဖော်ဝါရီ ၂၇ ရက်တွင် နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ပြုလုပ်မည်ဖြစ်ကြောင်း သတင်းရရှိသည်။

အဆိုပါအစည်းအဝေးတွင် UPDJC အဖွဲ့ဝင်တိုးချဲ့ရေးနှင့် အမျိုးသားအဆင့် နိုင်ငံရေးဆွေးနွေးပွဲများ ကျင်းပရေးတို့ကို အဓိကထား ဆွေးနွေးသွားမည်ဖြစ်ကြောင်း UPDJC အတွင်းရေးမှူးအဖွဲ့ဝင် ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) ဒုတိယဥက္ကဋ္ဌ ခွန်မြင့်ထွန်းက ဖေဖော်ဝါရီ ၂၁ ရက်တွင် ပြောကြားသည်။

UPDJC ကို အစိုးရ (အစိုးရ၊ လွှတ်တော်၊ တပ်မတော်) ၊ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများမှ ကိုယ်စားလှယ်များနှင့် တရားဝင်နိုင်ငံရေးပါတီများမှ ကိုယ်စားလှယ်များဖြင့် အချိုးတူပါဝင်ဖွဲ့စည်းသည်ဟူ၍ NCA စာချုပ်တွင် ဖော်ပြထားသည်။

သို့ဖြစ်၍ ဖေဖော်ဝါရီ ၁၃ ရက်က NCA စာချုပ်တွင် လက်မှတ်ရေးထိုးခဲ့ကြသည့် မွန်ပြည်သစ်ပါတီ (NMSP) နှင့် လားဟူဒီမိုကရက်တစ်အစည်းအရုံး (LDU) တို့မှ ကိုယ်စားလှယ်များလည်း NCA စာချုပ်ပြဋ္ဌာန်းချက်အရ UPDJC တွင် ပါဝင်ရမည်ဖြစ်သည်။

“အထူးအားဖြင့် NCA လက်မှတ်ရေးထိုးတဲ့အတွက် နိုင်ငံရေးဆွေးနွေးမှုတွေ ဆောင်ရွက်တဲ့အခါမှာ နှစ်ဖွဲ့ပါဝင်ဆောင်ရွက်ရမယ့် အဆင့်ဆင့်ပေါ့လေ။ NCA ပြဋ္ဌာန်းချက်အရ ပါဝင်ဆောင်ရွက်မှုတွေ ဘယ်အဆင့်မှာ ဘယ်လိုပါဝင်ကြမလဲ။ ဘယ်သူတွေပါဝင်ကြမလဲ စသဖြင့် အဲဒါတွေ ဆွေးနွေးညှိနှိုင်းရမှာလည်း ဖြစ်ပါတယ်။ နောက်တစ်ခုကတော့ အဓိကအချက်အနေနဲ့ ကျွန်တော်တို့ လူမျိုးအလိုက် အမျိုးသားအဆင့် နိုင်ငံရေးaဆွးနွေးပွဲတွေပေါ့။ အဓိကက ကျွန်တော်တို့ NCA လက်မှတ်ရေးထိုးတာက နိုင်ငံရေးဆွေးနွေးချင်လို့။ ဒါကြောင့်မို့လို့ ကျွန်တော်တို့ လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲတွေ ကျင်းပနိုင်ဖို့အဲဒီကိစ္စတွေကို အထူးအလေးပေးပြီး ဆွေးနွေးမှာဖြစ်ပါတယ်” ဟု UPDJC အတွင်းရေးမှူးအဖွဲ့ဝင် ခွန်မြင့်ထွန်းက ပြောကြားသည်။

ထို့ပြင် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ တတိယအကြိမ်အစည်းအဝေး ကျင်းပရေးနှင့်ပတ်သက်သည့် ကိစ္စများကိုလည်း အစည်းအဝေးတွင် ဆွေးနွေးရန်ရှိကြောင်း ခွန်မြင့်ထွန်းက ပြောကြားသည်။

NCA ရေးထိုးထားသည့် တိုင်းရင်းသားလက်နက်ကိုင် ရှစ်ဖွဲ့၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) က ၂၁ ရာစုပင်လုံ တတိယအစည်းအဝေးကို နိုင်ငံရေးဆွေးနွေးပွဲဆိုင်ရာ လုပ်ငန်းစဉ်အဆင့်ဆင့်ကို အကောင်အထည်ဖော်ဆောင်ရွက်ပြီးမှသာ ဆက်လက်ပြုလုပ်မည်ဟု ကြေညာချက်ထုတ်ပြန်ထားသည်။

ယခင် NCA ရေးထိုးထားသည့် တိုင်းရင်းသားလက်နက်ကိုင်ရှစ်ဖွဲ့အနက် ရခိုင်ပြည်လွတ်မြောက်ရေးပါတီ (ALP) မှာ လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲအား ကျင်းပခွင့်မရရှိသေးဘဲ အစိုးရဘက်ကမူ ရခိုင်ပြည်နယ်၏ လက်ရှိနိုင်ငံရေးအခြေအနေများကြောင့် ခွင့်မပြုခြင်းဖြစ်ကြောင်း ပြောဆိုထားသည်။

ထို့အတူ NCA ရေးထိုးပြီး ရှမ်းပြည်ပြန်လည်ထူထောင်ရေးကောင်စီ (RCSS/SSA) သည် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပခွင့်ရရှိထားသော်လည်း အဆိုပါဆွေးနွေးပွဲအကြို လူထုတွေ့ဆုံပွဲများကျင်းပရာတွင် တားမြစ်မှုများခံရသဖြင့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအား ပြုလုပ်ခြင်းမရှိဘဲ ယာယီရွှေ့ဆိုင်းထားသည်။

အလားတူ NCA ရေးထိုးထားသည့် ကရင်တိုင်းရင်းသားလက်နက်ကိုင်သုံးဖွဲ့က ကရင်လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲ တစ်ကြိမ်ပြုလုပ်ထားပြီး ထပ်မံပြုလုပ်ရန် ကရင်ပြည်နယ်ပြင်ပရှိ ကရင်တိုင်းရင်းသားများနေထိုင်ရာ ဒေသများတွင် အကြိုလူထုတွေ့ဆုံပွဲပြုလုပ်ရန် ခွင့်ပြုချက်တောင်းခံခဲ့သော်လည်း ခွင့်ပြုချက်မရရှိကြောင်း အမျိုးသားအဆင့် နိုင်ငံရေးဆွေးနွေးပွဲ လုပ်ငန်းစဉ်တွင်ပါဝင်သည့် ကရင်အရပ်ဘက်အဖွဲ့အစည်း တာဝန်ရှိသူအချို့၏ ပြောကြားချက်အရ သိရသည်။

‘၀’ လူမျိုးများအား ကျိုင်းတုံလမ်းကြောင်းတွင် သွားလာမှုကန့်သတ်ခြင်းသည် စစ်ရေးဆိုင်ရာ ကိစ္စရပ်များကြောင့်ဖြစ်ပြီး ညှိနှိုင်းဆွေးနွေးနေကြောင်း နိုင်ငံတော်အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ပြောကြား

‘၀’ လူမျိုးများအား ကျိုင်းတုံလမ်းကြောင်းတွင် သွားလာမှုကန့်သတ်ခြင်းသည် စစ်ရေးဆိုင်ရာကိစ္စရပ်များကြောင့်ဖြစ်ပြီး ညှိနှိုင်းဆွေးနွေးနေကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ဖေဖော်ဝါရီ ၂၁ ရက်တွင် ပြောကြားသည်။

နေပြည်တော်တွင် ဖေဖော်ဝါရီ ၂၁ ရက်ကပြုလုပ်သည့် မဏ္ဍိုင်ကြီးလေးရပ် အလုပ်ရုံဆွေးနွေးပွဲ ခေတ္တရပ်နားချိန်တွင် သတင်းထောက်တစ်ဦး၏ နိုင်ငံသားစိစစ်ရေးကတ်ပြား (မှတ်ပုံတင်) ကိုင်ဆောင်ထားသည့် ‘၀’ လူမျိုးများ ကျိုင်းတုံလမ်းကြောင်းတွင် သွားလာခွင့်မရှိသည့်ကိစ္စရပ်အပေါ် မေးမြန်းရာတွင် ၎င်းက ထိုသို့ပြောကြားခြင်းဖြစ်သည်။

“အဲဒါက ဟိုဘက်မှာ စစ်ရေးဆိုင်ရာကိစ္စရပ်တွေလည်းပါတယ်။ စစ်ရေးဆိုင်ရာကိစ္စရပ်ဆိုတာ မိုင်းလားမှာတပ်စွဲထားတဲ့ ‘၀’ တပ်ဖွဲ့ ၄၀၀ လောက်ရှိတာဟာလည်း ရှိသေးတယ်။ အဲဒါတော့ ကျွန်တော်တို့ ညှိနှိုင်းဆွေးနွေးနေတယ်ပေါ့နော်။ အဲဒီလိုပဲပြောလို့ရမယ်” ဟု ညွှန်ကြားရေးမှူးချုပ် ဦးဇော်ဌေးက ဆိုသည်။

ရှမ်းပြည်နယ်မြောက်ပိုင်းရှိ ‘၀’ ကိုယ်ပိုင်အုပ်ချုပ်ခွင့်ရတိုင်းနှင့် ရှမ်းပြည်နယ်အရှေ့ပိုင်း ကျိုင်းတုံမြို့သို့ သွားလာသည့်လမ်းကြောင်းပေါ်တွင် နိုင်ငံသားစိစစ်ရေးကတ်ပြားတွင် ‘၀’ လူမျိုးဟုရေးသားထားပါက ကန့်သတ်စိစစ်မှုများ ပြုလုပ်ခြင်းဖြစ်သည်။ ထိုသို့ကန့်သတ်မှုများသည် ‘၀’ သွေးစည်းညီညွတ်ရေးပါတီ (UWSP/UWSA) အဖွဲ့အား NCA တွင် ပါဝင်လက်မှတ်ရေးထိုးရန် တပ်မတော်ဘက်မှ ဖိအားပေးဆောင်ရွက်လာခြင်းဖြစ်နိုင်ကြောင်း တိုင်းရင်းသားအရေး လေ့လာသူအချို့က သုံးသပ်ကြသည်။

UWSP/UWSA သည် အစိုးရနှင့်အပစ်အခတ်ရပ်စဲထားသည်မှာ နှစ် ၂၀ ကျော်ကြာပြီဖြစ်ပြီး ၂၀၁၁ ခုနှစ်တွင် အစိုးရသစ်နှင့် အပစ်အခတ်ရပ်စဲရေး ထပ်မံပြုလုပ်ထားသော်လည်း NCA ရေးထိုးခြင်းမရှိသေးဘဲ NCA စာချုပ်အား လက်မခံကြောင်း ကြေညာထားသည့် မြောက်ပိုင်းတိုင်းရင်းသား လက်နက်ကိုင်အဖွဲ့များနှင့် ဖွဲ့စည်းထားသော FPNCC ကော်မတီဝင်အဖွဲ့ဝင်ဖြစ်ပြီး တရုတ်နိုင်ငံအစိုးရနှင့်လည်း ဆက်ဆံရေးကောင်းမွန်သည့်အဖွဲ့ဖြစ်သည်။

ငြိမ်းချမ်းရေးကော်မရှင်မှ ကိုယ်စားလှယ်အချို့သည် ၂၀၁၇ ခုနှစ် ဒီဇင်ဘာလအတွင်း တရုတ်နိုင်ငံ၊ ယူနန်ပြည်နယ်၊ ကူမင်းမြို့တွင် မြောက်ပိုင်းတိုင်းရင်းသားလက်နက်ကိုင်အဖွဲ့ဖြစ်သည့် ကချင်လက်နက်ကိုင်အဖွဲ့ (KIO/KIA)၊ ‘၀’ သွေးစည်းညီညွတ်ရေးပါတီ (UWSP/UWSA) တို့မှ တာဝန်ရှိသူများအား သီးခြားစီတွေ့ဆုံခဲ့သည်။

ယင်းသို့တွေ့ဆုံမှုအပြီး NCA ကိုလက်မခံသော မြောက်ပိုင်းတိုင်းရင်းသား လက်နက်ကိုင်အဖွဲ့များအနေဖြင့် NCA အား လက်ခံစဉ်းစားမည်ဖြစ်သော်လည်း ၎င်းတို့ဖွဲ့စည်းထားသော ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ (FPNCC) ကိုလက်ခံဆွေးနွေးရမည်ဟု သတင်းထွက်ပေါ်ခဲ့သော်လည်း သီးခြားအတည်ပြုနိုင်ခြင်းမရှိပေ။

“‘၀’ နဲ့ ငြိမ်းချမ်းရေးကော်မရှင်ပေါ့နော်။ ဆွေးနွေးမှုတွေ ဒီနောက်ပိုင်းမှာစိပ်လာတယ်။ ဆွေးနွေးနေတယ်။ သို့သော်လောလောဆယ်တော့ ဆွေးနွေးမှုအခြေအနေက ကောင်းမွန်တယ်။ အပြုသဘောဆောင်တယ်။ NCA လက်မှတ်ထိုးဖို့ထိ ကျွန်တော်တို့မျှော်မှန်းပြီးတော့ ဆွေးနွေးနေတယ်။ အဲဒီလောက်ထိပဲ ကျွန်တော်တို့ပြောလို့ရမယ်” ဟု ဦးဇော်ဌေးက ပြောကြားသည်။

တရုတ်နှစ်သစ်အကြို ချစ်ကြည်ရေးခရီးစဉ်အဖြစ် ပန်ဆန်းမြို့သို့ မိုင်းလားအဖွဲ့ အထွေထွေအတွင်းရေးမှူး ဦးကြည်မြင့် ဦးဆောင်သည့်ကိုယ်စားလှယ်အဖွဲ့သည် ၂၀၁၈ ခုနှစ် ဖေဖော်ဝါရီ ၈ ရက်က သွားရောက်ခဲ့ပြီး UWSP/UWSA ဒုတိယဥက္ကဋ္ဌ(၁) ဦးရှောက်မင်လျန်၊ ဒုတိယဥက္ကဋ္ဌ (၂) ကျောက်ကော်အန်နှင့် ဒုတိယဥက္ကဋ္ဌ (၃) ပေါက်ယူလျန်တို့က လက်ခံတွေ့ဆုံခဲ့ကြောင်း ထိုစဉ်အချိန်က ‘၀’ အဖွဲ့က သတင်းထုတ်ပြန်ခဲ့ပြီး ဆွေးနွေးသည့်အကြောင်းအရာများ မပါဝင်ပေ။

၂၀၁၆ ခုနှစ်ကပြုလုပ်သည့် ၂၁ ရာစုပင်လုံ ပထမအစည်းအဝေးသို့ မိုင်းလားကိုယ်စားလှယ်အဖွဲ့ တက်ရောက်ခဲ့ပြီး NCA တွင် မိုင်းလားအဖွဲ့အနေဖြင့် ပါဝင်လက်မှတ်ရေးထိုးမည့် သဘောပြောဆိုမှုများပြုလုပ်ခဲ့ပြီးနောက် မိုင်းလားဒေသသို့ ‘၀’ တပ်ဖွဲ့များ ၀င်ရောက်တပ်စွဲသည့် ကိစ္စရပ်ဖြစ်ပေါ်ခဲ့ပြီးနောက်ပိုင်းတွင် ‘၀’ တပ်ဖွဲ့အချို့ မိုင်းလားဒေသမှ ပြန်လည်ဆုတ်ခွာခဲ့သည်။

သို့ရာတွင် ထိုစဉ်အချိန်က ‘၀’ အဖွဲ့က မိုင်းလားဒေသတွင် ၀င်ရောက်တပ်စွဲသည့်ကိစ္စရပ်အား ခရီးကြမ်းချီတက်လေ့ကျင့်မှုသာဖြစ်ကြောင်း အကြောင်းပြခဲ့ပြီး အထင်လွဲမှားမှုကို မိုင်းလားအဖွဲ့နှင့်အတူ ပြေလည်စွာဖြေရှင်းမည်ဟု ‘၀’ အဖွဲ့က အစိုးရ၏ငြိမ်းချမ်းရေးကော်မရှင်သို့ အကြောင်းကြားစာပေးပို့ခဲ့သည်။ ထိုသို့ ‘၀’ အဖွဲ့နှင့် မိုင်းလားအဖွဲ့အကြား စစ်ရေးတင်းမာမှုများကြောင့် ကျိုင်းတုံနှင့် မိုင်းလားအကြားရှိ ၀မ်တာပင်းဂိတ်အပါအ၀င် ဆက်သွယ်ရေးလမ်းကြောင်းအရ အရေးပါသည့်ဂိတ်များအား တပ်မတော်ဘက်က ယာယီပိတ်ထားခဲ့သည်။

နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင် ဦးဆောင်သော အစိုးရကိုယ်စားလှယ်အဖွဲ့သည် ‘၀’ ဒေသ ပန်ဆန်းသို့ ၂၀၁၇ ခုနှစ် နိုဝင်ဘာ ၁၁ ရက်ကသွားရောက်၍ UWSP/UWSA ဥက္ကဋ္ဌ ဦးပေါက်ယူချန်း၊ ဒုတိယဥက္ကဋ္ဌ ဦးရှောက်မင်လျန်တို့ပါဝင်သည့် ကိုယ်စားလှယ်အဖွဲ့နှင့် နယ်စပ်ဒေသဖွံ့ဖြိုးတိုးတက်ရေးကိစ္စရပ်များ ဆွေးနွေးခဲ့ပြီး အဆိုပါတွေ့ဆုံမှုတွင် ၀မ်တာပင်းတံတားပိတ်ခြင်းအား နိုင်ငံတော်မှပြန်လည်ဖွင့်လှစ်ပေးရန် ‘၀’ အဖွဲ့က တင်ပြခဲ့ကြောင်း ‘၀’ အဖွဲ့ထုတ်ပြန်ချက်အရ သိရသည်။

မြန်မာနိုင်ငံဆိုင်ရာ အမေရိကန်သံအမတ်ကြီးနှင့် ကရင်နီအမျိုးသားတိုးတက်ရေးပါတီ (KNPP) လွိုင်ကော်မြို့တွင် တွေ့ဆုံဆွေးနွေး

မြန်မာနိုင်ငံဆိုင်ရာ အမေရိကန်သံအမတ်ကြီး စကော့မာစီရယ်လ်နှင့် အဖွဲ့ဝင်များသည် ဖေဖော်ဝါရီ ၂၁ ရက် နံနက်ပိုင်းက ကရင်နီအမျိုးသားတိုးတက်ရေးပါတီ (KNPP) အား ကယားပြည်နယ် လွိုင်ကော်မြို့ရှိ KNPP ဆက်ဆံရေးရုံးတွင် တွေ့ဆုံဆွေးနွေးခဲ့ကြောင်း KNPP ဗဟိုကော်မတီ အထွေထွေအတွင်းရေးမှူး ဦးရွှေမျိုးသန့်က ပြောကြားသည်။

အဆိုပါတွေ့ဆုံမှု၌ ငြိမ်းချမ်းရေးဖြစ်စဉ်နှင့် ပြီးခဲ့သည့် ၂၀၁၇ ခုနှစ် ဒီဇင်ဘာ ၂၀ ရက်က ကယားပြည်နယ် ခုနစ်မိုင်ကုန်းတွင်ဖြစ်ပွားခဲ့သော တပ်မတော်နှင့် KNPP ပဋိပက္ခဖြစ်စဉ်များအား အဓိကဆွေးနွေးခဲ့ကြသည်။

“ငြိမ်းချမ်းရေးအခြေအနေကတော့ ကျွန်တော်တို့က သူ့ကိုရှင်းပြပါတယ်။ ပြီးခဲ့တဲ့နှစ်ရက် အစည်းအဝေးကနေပြီးတော့ NCA လမ်းကြောင်းကတော့ ဆက်သွားမယ်လေ။ သို့သော်လည်းပဲ ကျွန်တော်တို့ ခုနစ်မိုင်ကုန်းကိစ္စရှိတယ်လေ။ ရှိတော့ ကျွန်တော်တို့ NCA ထိုးဖို့ ကျွန်တော်တို့ကိုအချိန်ပေးရမယ်။ တရားမျှတစွာ ဆုံးဖြတ်မှုအပေါ်ကြည့်ပြီးတော့ လက်မှတ်ထိုးဖို့က တစ်နည်းတစ်ဖုံဖြစ်လာမှာပေါ့လေ။ လက်မှတ်မထိုးနိုင်တဲ့အချိန်မှာ ကျွန်တော်တို့နဲ့ ပြီးခဲ့တဲ့အစိုးရနဲ့ကြားမှာ သဘောတူညီချက်တွေရှိတယ်။ အပစ်အခတ်ရပ်စဲရေး သဘောတူညီချက်တွေလည်းရှိတယ်။ သဘောတူညီချက်တွေကို လက်ရှိအစိုးရကော တပ်မတော်ကောက ပြန်လည်ပြီး လိုက်နာအသိအမှတ်ပြု အကောင်အထည်ဖော် ဆောင်ရွက်ဖို့ပေါ့လေ။ ဒီအပိုင်းတွေက သူ့အနေနဲ့က ချဉ်းကပ်ပြီးတော့ အစိုးရကော တပ်မတော်ကော လက်တွဲပြီးဆောင်ရွက်ဖို့ ပြောဖြစ်တယ်။ နောက်တစ်ခုက သူကလည်းမေးပါတယ်။ ပြီးခဲ့တဲ့ ခုနစ်မိုင်ကုန်းကိစ္စနဲ့ပတ်သက်ပြီးတော့မှ နောက်ဆုံးအခြေအနေ ဘယ်လိုရှိလဲဆိုတော့ ကျွန်တော်တို့ကတော့ ဒီကိစ္စတွေနဲ့ပတ်သက်ပြီး သီးသန့်ဆောင်ရွက်ပေးပါမယ်ပေါ့။ တရားမျှတခြင်းရှိ မရှိ ကျွန်တော်တို့စောင့်ကြည့်မယ်ပေါ့” ဟု ဦးရွှေမျိုးသန့်က ပြောကြားသည်။

ထို့ပြင် ပြည်နယ်တွင်းရှိ နိုင်ငံရေးအခြေအနေများနှင့်ပတ်သက်၍ ဒေသခံတိုင်းရင်းသား နိုင်ငံရေးပါတီများအနေဖြင့်လည်း ကြားဖြတ်ရွေးကောက်ပွဲတွင် နေရာတစ်နေရာသာ အနိုင်ရထားကြောင်း၊ ပြည်နယ်တွင်း နိုင်ငံရေးလှုပ်ရှားမှုများ နောက်ကျမည်ကို စိုးရိမ်သောကြောင့် လူထုသဘောထားအမြင်များ ထွက်လာရန်အတွက် KNPP အနေဖြင့် ပြင်ဆင်မှုများ ဆက်လက်လုပ်ဆောင်နေကြောင်း၊ ပြည်နယ်တွင် ဖွံ့ဖြိုးရေးကိစ္စများ လုပ်ဆောင်နေသည်များကို KNPP ဘက်က သံအမတ်ကြီးအား ပြောကြားခဲ့ကြောင်း သိရသည်။

“NCA ထိုးဖို့တော့ သူတို့ဖိအားတော့မပေးဘူး။ ဒါပေမဲ့ နိုင်ငံရေးလမ်းကြောင်းအရက လုပ်ရင်တော့ပိုကောင်းတယ်ပေါ့။ သူအဲလိုတော့ သွယ်ဝိုက်တဲ့နည်းနဲ့ပြောတာပေါ့။ နောက်သူပြောတာက တပ်မတော်က တစ်ခုတည်းပဲရှိရမယ်ပေါ့။ သူပြောသေးတယ်။ ကျွန်တော်တို့လည်း နားလည်ပါတယ်လို့။ ဘယ်နိုင်ငံမဆို ဥပမာ သူ့ပြည်နယ်နဲ့ သူ့တပ်နဲ့ဆိုတာက လက်တွေ့မှာကျတော့ဖြစ်နိုင်ဖို့ အခြေအနေကခက်ခဲတယ်ပေါ့။ သူအဲလိုပြောတယ်။ ဒါပေမဲ့ သူတို့လည်း ဖိအားပေးတာ မဟုတ်ဘူးပေါ့လေ။ ဒါပေမဲ့ သူတို့တပ်မတော်နဲ့တွေ့လည်း သူတို့အဲလိုဖျောင်းဖျပေးမှာပါတဲ့။ အဲဒီအခြေအနေက ကျွန်တော်တို့အားလုံး နှစ်ဖက်ယုံကြည်မှုဖြစ်ရမှာပေါ့။ သူအဲလိုပြောတယ်။ အဲလိုအခြေအနေမျိုးက အားလုံးက နှစ်ဖက်အကြွင်းမဲ့ ယုံကြည်ရမယ့်အခြေအနေမျိုးပါ သူပြောတာအဲလိုပါ” ဟု KNPP လွိုင်ကော်ဆက်ဆံရေးရုံးတာဝန်ခံ ခူးညေးရယ်က ပြောကြားသည်။

တပ်မတော်နှင့် KNPP ပဋိပက္ခဖြစ်စဉ်အတွင်း သေဆုံးသွားခဲ့သော အရပ်သားတစ်ဦးနှင့်ပတ်သက်၍ ကယားပြည်နယ်ဝန်ကြီးချုပ်က ကနဦးတွင် အရပ်သားတစ်ဦး သေဆုံးသည်ကို မသိရှိခဲ့သော်လည်း ယခုအခါ တရားမျှတမှုရှိစေရန်အတွက် ဖြစ်စဉ်အတွင်း လွတ်မြောက်သွားသော KNPP ရဲဘော်တစ်ဦးအား တွေ့ဆုံမေးမြန်းလိုကြောင်းနှင့် ရဲဘော်၏လုံခြုံရေးအား ၀န်ကြီးချုပ်က တာဝန်ယူပေးမည်ဟု ကတိပေးသဖြင့် မကြာမီရဲဘော်အား ခေါ်ယူတွေ့ဆုံပေးရန် KNPP ဘက်က စီစဉ်ထားကြောင်း ခူးညေးရယ်၏ပြောကြားချက်အရ သိရသည်။

၂၀၁၈ ခုနှစ် ဧပြီမှ စက်တင်ဘာအထိ ခြောက်လအတွက် အခွန်အကောက်ရငွေ ကျပ် ၂၇၉၂ ဘီလျံရရှိရန်နှင့် အခွန်ရငွေနှင့် ဂျီဒီပီအချိုးကို ၈ ဒသမ ၅ ရာခိုင်နှုန်းရှိရန် လျာထား

၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် အခွန်အကောက်ရငွေ ကျပ် ၂၇၉၂ ဘီလျံရရှိရန်နှင့် အခွန်ရငွေနှင့် ဂျီဒီပီအချိုးကို ၈ ဒသမ ၅ ရာခိုင်နှုန်းရှိရန် လျာထားကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံး ခန့်မှန်းခြေငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာ သုံးသပ်ချက်အစီရင်ခံစာတွင် ဖော်ပြထားချက်အရ သိရသည်။

အခွန်အကောက်ရငွေ လျာထားချက် ကျပ် ၂၇၉၁ ဒသမ ၈၉၇ ဘီလျံမှာ ၂၀၁၅-၂၀၁၆ မှ ၂၀၁၆-၂၀၁၇ ဘဏ္ဍာနှစ်များ၏ ပထမခြောက်လ အခွန်ကောက်ခံရရှိငွေများနှင့် နှိုင်းယှဉ်ပါက တိုးမြှင့်လျာထားကြောင်း သိရသည်။

၂၀၁၅-၂၀၁၆ ဘဏ္ဍာနှစ် (အမှန်) တွင် အခွန်ရငွေ ကျပ် ၂၃၅၈ ဘီလျံ၊ ဂျီဒီပီ ကျပ် ၂၄၈၃၃ ဘီလျံနှင့် အခွန်ရငွေနှင့် ဂျီဒီပီအချိုး ၉ ဒသမ ၅ ရာခိုင်နှုန်း၊ ၂၀၁၆-၂၀၁၇ ဘဏ္ဍာနှစ် (ရှေ့ပြေးအမှန်) တွင် အခွန်ရငွေ ကျပ် ၂၅၄၈ ဘီလျံ၊ ဂျီဒီပီ ကျပ် ၂၆၄၈၂ ဘီလျံ၊ အခွန်ရငွေနှင့် ဂျီဒီပီအချိုး ၉ ဒသမ ၆ ရာခိုင် နှုန်း၊ ၂၀၁၇-၂၀၁၈ ဘဏ္ဍာနှစ် (ယာယီ) တွင် အခွန်ရငွေ ကျပ် ၃၀၇၉ ဘီလျံ၊ ဂျီဒီပီ ကျပ်ဘီလျံ ၂၄၉၁၀၊ အခွန်ရငွေနှင့် ဂျီဒီပီအချိုး ၁၂ ဒသမ ၄ ရာခိုင်နှုန်းရှိပြီး ၂၀၁၈ ခုနှစ် (ဧပြီမှ စက်တင်ဘာလအထိ-ရည်မှန်းချက်) တွင် အခွန်ရငွေ ကျပ် ၂၇၉၂ ဘီလျံ၊ ဂျီဒီပီ ကျပ် ၃၂၈၇၃ ဘီလျံ၊ အခွန်ရငွေနှင့် ဂျီဒီပီအချိုး ၈ ဒသမ ၅ ရာခိုင်နှုန်းရှိရန် လျာထားကြောင်း သိရသည်။

ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံးခန့်မှန်းခြေငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာသုံးသပ်ချက် အစီရင်ခံစာတွင် အခွန်ကင်းလွတ်ခွင့်နှင့် ရင်းနှီးမြှုပ်နှံမှုမက်လုံးများကို ကျိုးကြောင်းဆီလျော်မှုရှိအောင် ဆောင်ရွက်ရန်၊ ပြည်ထောင်စုအဆင့်အနေဖြင့် အခွန်အတွက် အသုံးစရိတ်ကို ပိုမိုထင်သာမြင်သာသိရှိစေရန် နှစ်စဉ် အရအသုံးခန့်မှန်းခြေငွေစာရင်းတွင် ဖော်ပြသွားရန်၊ အခွန်စနစ်၏ သိက္ခာနှင့် ပုံရိပ်တို့ကို ထိန်းထားနိုင် လာဘ်ပေးလာဘ်ယူ တိုက်ဖျက်ရေးနည်းလမ်းများကို စတင်ဆောင်ရွက်ရန်၊ အခွန်ထမ်းဆိုင်ရာဝန်ဆောင်မှု စွမ်းဆောင်ရည်မြှင့်တင်နိုင်ရန် ကျွမ်းကျင်ဝန်ထမ်းများ ပိုမိုခန့်အပ်ရန်နှင့် စီးပွားရေးဖွံ့ဖြိုးတိုးတက်မှုအတွက် အခွန်၏အရေးပါမှုကို ပြည်သူလူထုအား စဉ်ဆက်မပြတ် ပညာပေးခြင်းလုပ်ငန်းများ တိုးမြှင့်ဆောင်ရွက်သွားရန် ဖော်ပြထားသည်။

ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ခိုင်မြဲရေး အပါအ၀င် ဒေသခံ ဌာနေတိုင်းရင်းသားတို့၏ အသက်အိုးအိမ် ထာဝရလုံခြုံမှုရှိသောဘ၀ ထူထောင်နိုင်ရန် ထိရောက်သော အကောင်အထည်ဖော်မှု ပြုလုပ်ပေးရန်အဆို ပြည်သူ့လွှတ်တော်တွင် အတည်ပြုရန် မဲခွဲဆုံးဖြတ်ရာ ရှုံးနိမ့်

ဖေဖော်ဝါရီ ၂၀ ရက်က ပြုလုပ်သော ပြည်သူ့လွှတ်တော် အစည်းအဝေး မစတင်မီ တက်ရောက်လာသူများကို တွေ့ရစဉ် (ဓာတ်ပုံ – စည်သူ)

ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ခိုင်မြဲရေး အပါအ၀င် ဒေသခံဌာနေ တိုင်းရင်းသားတို့၏ အသက်အိုးအိမ် ထာဝရလုံခြုံမှုရှိသော ဘ၀ကို ထူထောင်နိုင်ရန် ထိရောက်သော အကောင်အထည်ဖော်မှု ပြုလုပ်ပေးရန် အဆိုအား ပြည်သူ့လွှတ်တော်တွင် အတည်ပြုရန် မဲခွဲဆုံးဖြတ်ရာ ရှုံးနိမ့်ခဲ့ကြောင်း သိရသည်။

ဘူးသီးတောင် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက တင်သွင်းသည့် ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ ခိုင်မြဲရေးအတွက် လည်းကောင်း၊ ဒေသခံ ဌာနေတိုင်းရင်းသားတို့၏ အသက်အိုးအိမ်၊ ထာဝရလုံခြုံမှုရှိသော လူမှုဘ၀ကို ထူထောင်နိုင်ရန် ဒေသခံတိုင်းရင်းသားတို့၏ လိုအပ်ချက်များကို ရေတိုရေရှည် စီမံကိန်းများ ပွင့်လင်းမြင်သာစွာ ချမှတ်၍ ထိရောက်သော အကောင်အထည်ဖော် ဆောင်ရွက်မှုများကို ပြုလုပ်ပေးရန် နိုင်ငံတော် အစိုးရအား တိုက်တွန်းကြောင်း အဆိုကို နေပြည်တော်၌ ဖေဖော်ဝါရီ ၂၀ ရက်က ပြုလုပ်သည့် ဒုတိယအကြိမ် ပြည်သူ့လွှတ်တော် သတ္တမပုံမှန် အစည်းအဝေး ၂၀ ရက်မြောက်နေ့တွင် လွှတ်တော်ကိုယ်စားလှယ်များက ဆွေးနွေးခဲ့ပြီး မဲခွဲဆုံးဖြတ်ရာတွင် အတည်ပြုရန် ရှုံးနိမ့်ခဲ့ခြင်းဖြစ်သည်။

“ရခိုင်ပြည်နယ်အရေးကို အစိုးရအနေနဲ့ ဆောင်ရွက်ရာမှာ မီးစင်ကြည့်ကနေခြင်း မဟုတ်ဘဲ စနစ်တကျ ဆောင်ရွက်နေခြင်း ဖြစ်ကြောင်း ရှင်းလင်းတင်ပြ လိုပါတယ်။ ရခိုင်ပြည်နယ် အပါအ၀င် နိုင်ငံတစ်ဝန်းလုံးမှာ ရှိတဲ့ ဖွံ့ဖြိုးရေး၊ တရားဥပဒေ စိုးမိုးရေးတို့အတွက် လုပ်ဆောင်ရန် များစွာရှိနေပြီး အစိုးရအနေနဲ့ အလေးထား ကြိုးပမ်းဆောင်ရွက် လျက်ရှိပါတယ်။ ဒီလိုဆောင်ရွက်ရာမှာ နိုင်ငံတော် ဖွံ့ဖြိုးတိုးတက်မှု စီမံကိန်းများ၊ ရခိုင်ပြည်နယ် ဖွံ့ဖြိုးတိုးတက်မှု စီမံကိန်းများနဲ့ ဆောင်ရွက်နေပါတယ်။ ဒီဆောင်ရွက်မှုတွေဟာ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်တွေကို အကောင်အထည်ဖော် ဆောင်ရွက်နေခြင်းနဲ့လည်း ဆက်စပ်ကိုက်ညီလျက် ရှိပါတယ်။ ဒီအကြံပြုချက်တွေဟာ ရခိုင်ပြည်နယ်မှာ ခေတ်အဆက်ဆက် ဖြစ်ပွားခဲ့တဲ့ ပဋိပက္ခတွေရဲ့ အခြေခံ အကြောင်းရင်းတွေကို ဖော်ထုတ်ဖြေရှင်းခြင်းနဲ့ ရေရှည်ပဋိပက္ခ ကင်းဝေးပြီး ဖွံ့ဖြိုးတိုးတက်သော ပြည်နယ်တစ်ခု ဖြစ်လာရန် အထောက်အကူများစွာ ဖြစ်စေမှာ ဖြစ်ပါတယ်။ နောက်ဆုံး ဖြစ်ပွားခဲ့တဲ့ အကြမ်းဖက်ဖြစ်စဉ်ရဲ့ နောက်ဆက်တွဲ ဖြစ်ရပ်တွေအပေါ်အခြေခံပြီး ချမှတ်တဲ့ UEHRD ပြည်ထောင်စုစီမံကိန်းရဲ့ လုပ်ငန်းအဖွဲ့ကိုးခုက အကောင်အထည်ဖော် ဆောင်ရွက်မှုဟာလည်း ရေရှည်လူမှုစီးပွား ဖွံ့ဖြိုးတိုးတက်မှုကို ရရှိနိုင်ပြီး ဒေသခံ တိုင်းရင်းသားတွေအတွက် ထိရောက်တဲ့ ပြန်လည်ထူထောင်မှုပြုနိုင်မှာ ဖြစ်ပါတယ်” ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အဆိုနှင့် ပတ်သက်ပြီး ရှင်းလင်းဖြေကြားရာတွင် ထည့်သွင်းပြောကြားသည်။

ထို့ပြင် ရခိုင်ပြည်နယ် လုံခြုံရေးအတွက် နယ်စပ်ခြံစည်းရိုး ခိုင်ခံ့ကောင်းမွန်ရေး၊ ရေပိုင်နက် နယ်နိမိတ် လုံခြုံရေးတို့သည် အဓိကကျသော အချက်များဖြစ်သဖြင့် နယ်စပ်ခြံစည်းရိုး ကာရံခြင်းနှင့် ပတ်သက်၍ မြန်မာနိုင်ငံ အတွင်းသို့ တရားမ၀င် ၀င်ထွက်သွားလာမှု မရှိစေရေးနှင့် အကြမ်းဖက်သမားများ၏ အန္တရာယ်မှ လုံခြုံရေးတို့အတွက် ၂၀၁၆-၂၀၁၇ ဘဏ္ဍာနှစ်အတွင်း မြန်မာ-ဘင်္ဂလားဒေ့ရှ် ထိစပ်နယ်နိမိတ်တစ်လျှောက် နယ်စပ်ခြံစည်းရိုး ပျက်စီးမှုများအား ပြုပြင်ခြင်း၊ နယ်စပ်ခြံစည်းရိုး ကင်းလှည့်လမ်းပြုပြင်ခြင်း၊ ချဉ်းကပ်လမ်းများ၊ တံတားများနှင့် ကင်းစခန်းများ ပြုပြင်ခြင်းတို့ကို ဆောင်ရွက်လျက်ရှိကြောင်း၊ နယ်စပ်ခြံစည်းရိုး တည်ဆောက်ခြင်းကို ၂၀၀၉ ခုနှစ်မှ စတင်၍ သဲသောင်ပြင်ပိုင်း၊ တာပေါင်ပိုင်းနှင့် တောင်ပေါ်ပိုင်းဟူ၍ ခြံစည်းရိုး အမျိုးအစား သုံးမျိုးဖြင့် အဆင့်ဆင့် တည်ဆောက်လျက်ရှိရာ ကျန်ရှိသည့် ၃၉ ဒသမ ၂၁၇ မိုင်အား လာမည့် ပွင့်လင်းရာသီတွင် လုပ်ငန်းစတုတ္ထအဆင့်အဖြစ် ဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီးက ပြောကြားသည်။

နယ်မြေလုံခြုံရေးနှင့် ပတ်သက်၍ မြန်မာနိုင်ငံရဲတပ်ဖွဲ့မှ ရခိုင်ပြည်နယ်ရဲတပ်ဖွဲ့အပြင် အမှတ်(၁) နယ်ခြားစောင့် ရဲကွပ်ကဲမှု အဖွဲ့ကိုပါထားရှိ၍ တပ်မတော်နှင့် ပူးပေါင်းဆောင်ရွက်လျက်ရှိပြီး ရခိုင်ပြည်နယ် ရဲတပ်ဖွဲ့အနေဖြင့် မောင်တောမြို့နယ်တွင် ခရိုင်ရဲတပ်ဖွဲ့မှူးရုံး၊ မြို့နယ်ရဲတပ်ဖွဲ့မှူးရုံး၊ မြို့မရဲစခန်း၊ တောင်ပြိုလက်ဝဲ နယ်မြေရဲစခန်းနှင့် လုံခြုံရေး ရဲကင်းစခန်း ၁၀ ခု၊ ဘူးသီးတောင်မြို့နယ်တွင် မြို့နယ်ရဲတပ်ဖွဲ့မှူးရုံး၊ မြို့မရဲစခန်း၊ လုံခြုံရေး ရဲကင်းစခန်းသုံးခုနှင့် ဘူးသီးတောင် အကျဉ်းထောင် လုံခြုံရေးရဲကင်းစခန်း၊ ရသေ့တောင်မြို့နယ်တွင် မြို့နယ်ရဲတပ်ဖွဲ့မှူးရုံး၊ မြို့မရဲစခန်းနှင့် လုံခြုံရေး ရဲကင်းစခန်း နှစ်ခုဖွင့်လှစ်၍ နယ်မြေလုံခြုံရေးနှင့် တရားဥပဒေ စိုးမိုးရေး လုပ်ငန်းများကို ဆောင်ရွက်လျက်ရှိကြောင်း ဒေါက်တာဝင်းမြတ်အေးက ဆက်လက်ပြောကြားသည်။

“ရခိုင်ပြည်နယ်အရေးသည် မြန်မာနိုင်ငံရဲ့အရေး ဖြစ်ပါတယ်။ ရခိုင်ပြည်နယ်မှာ ဖြစ်ပေါ်နေတဲ့ အရေးကိစ္စဟာ မြန်မာနိုင်ငံတစ်ခုလုံး အပေါ်မှာလည်း အကျိုးသက်ရောက်မှုများစွာ ရှိနေတာကို အားလုံးအသိဖြစ်ပါတယ်။ ဒါကြောင့် ရခိုင်ပြည်နယ်ရှိ ပြည်သူတွေရဲ့ အကျိုးကို ကိုင်တွယ်ဆောင်ရွက်ရာမှာ တစ်နိုင်ငံလုံးရဲ့ အရေးကဲ့သို့ သတိကြီးစွာထားပြီး အမြင်ကျယ်ကျယ်နဲ့ ကိုင်တွယ်ဆောင်ရွက်ဖို့ များစွာလိုအပ်ပါတယ်။ အစိုးရရဲ့ လက်ရှိဆောင်ရွက်ထားမှုနဲ့ ဆက်လက်အကောင်အထည်ဖော် ဆောင်ရွက်နေမှုတွေဟာ လွှတ်တော်ကိုယ်စားလှယ်ကြီးရဲ့ ရခိုင်ဒေသခံ တိုင်းရင်းသား ပြည်သူတွေ အကျိုးအတွက် လိုလားတောင့်တမှုတွေနဲ့ ကိုက်ညီလျက်ရှိတဲ့အတွက် အဆိုကို မှတ်တမ်းအဖြစ်သာ ထားရှိရန် ဖြေကြားအပ်ပါတယ်” ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အဆိုနှင့် ပတ်သက်ပြီး မှတ်တမ်းတင်ရန် ပြောကြားသည်။

အဆိုနှင့် ပတ်သက်ပြီး တပ်မတော်သား ကိုယ်စားလှယ်နှစ်ဦး အပါအ၀င် လွှတ်တော်ကိုယ်စားလှယ် ၁၇ ဦးက ဆွေးနွေးခဲ့ပြီး အဆိုရှင် ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက အစိုးရအဖွဲ့အနေဖြင့် အကောင်အထည်ဖော် ဆောင်ရွက်နေရုံဖြင့် လုံလောက်ခြင်း မရှိသည့်အတွက် လက်တွေ့ အကောင်အထည်ဖော် ဆောင်ရွက်နိုင်ရန် အဆိုအား အတည်ပြုရန် ပြောကြားခဲ့သောကြောင့် စက်ခလုတ်နှိပ် မဲခွဲဆုံးဖြတ်ခဲ့သည်။

စက်ခလုတ်နှိပ် မဲခွဲဆုံးဖြတ်ရာတွင် ဆန္ဒမဲပေးခွင့်ရှိသူ ၃၈၃ ဦးတွင် အဆိုအား အတည်ပြုရန် ထောက်ခံသူ ၆၇ ဦး၊ မှတ်တမ်းတင်ရန် ထောက်ခံသူ ၃၀၄ ဦးနှင့် ကြားနေမဲ တစ်မဲဖြင့် အတည်ပြုရန် ရှုံးနိမ့်ခဲ့ခြင်းဖြစ်သည်။

“မီဒီယာတွေမှာလည်း ဖော်ပြနေကြတယ်။ အခုမောင်တောကနေ စစ်တွေကို ပြေးသွားကြတဲ့ နေစရာမရှိဘူး အခုထိ။ ဒီလောက် အစုလိုက်အပြုံလိုက် အသတ်ခံရတဲ့လူတွေ။ အဲဒီလို သူတို့ပြောတာနဲ့ မြေပြင် အနေအထားနဲ့ အရမ်းကွာနေတယ်။ ၀န်ကြီးပြောတဲ့စကားက သူတို့လုပ်နေပါတယ်။ ဆောင်ရွက်နေတယ်လို့ ပြောတယ်။ ဒေသခံတွေကလည်း ဖြစ်စေချင်တယ်။ သူတို့လည်း စေတနာထားတယ်ပေါ့။ ဒီဟာကို ဘာလို့ မှတ်တမ်းအဖြစ် ထားတာလဲ။ အတည်ပြုလိုက်ရင် ဘာဖြစ်လဲ” ဟု အဆိုရှင် ဦးအောင်သောင်းရွှေက ပြောကြားသည်။

ဗဟိုဦးစီးစနစ် မစွန့်လွှတ်နိုင်သမျှ မည်သည့်လုပ်ငန်းလုပ်လုပ် မအောင်မြင်နိုင်ဟု အမျိုးသားလွှတ်တော် ကိုယ်စားလှယ် ဆွေးနွေး

ဗဟိုဦးစီးစနစ် မစွန့်လွှတ်နိုင်သမျှ မည်သည့်လုပ်ငန်းလုပ်လုပ် မအောင်မြင်နိုင်ဟု အမျိုးသားလွှတ်တော် ကိုယ်စားလှယ် ဦးဖေချစ်က ဆွေးနွေးသည်။

ဖေဖော်ဝါရီ ၁၉ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် ရခိုင်ပြည်နယ် မဲဆန္ဒနယ် အမှတ် (၁၁) မှ ဒေါ်ထုမေ တင်သွင်းထားသည့် ကျေးရွာတစ်ရွာ ထုတ်ကုန်တစ်ခု One Village One Product (OVOP) ကျေးလက်ဒေသ ဖွံ့ဖြိုးရေး မဟာဗျူဟာ အစီအစဉ်ကို ဆင်းရဲသော ပြည်နယ်နှင့် တိုင်းဒေသကြီးများအား ဦးစားပေးလျက် သက်ဆိုင်ရာ ၀န်ကြီးဌာနများတွင် ဘဏ္ဍာငွေတစ်ရပ် ထည့်သွင်းရေးဆွဲကာ လက်တွေ့အကောင်အထည်ဖော် ဆောင်ရွက်ပေးပါရန် အဆိုအား ဆွေးနွေးစဉ် ရန်ကုန်တိုင်းဒေသကြီး မဲဆန္ဒနယ် အမှတ် (၉) မှ ဦးဖေချစ်က ယင်းကဲ့သို့ ပြောကြားခဲ့ခြင်းဖြစ်သည်။

အမျိုးသားလွှတ်တော် ကိုယ်စားလှယ် ဦးဖေချစ်က “လက်ရှိဆောင်ရွက်နေသည့် အသေးစား၊ အလတ်စား စီမံကိန်းကို ကြည့်ပါက ဘယ်လောက်အောင်မြင်သလဲဆိုတာ တွေ့နိုင်ပါတယ်။ ဗဟိုဦးစီးစနစ် မစွန့်လွှတ်နိုင်သမျှ ဘာလုပ်ငန်းလုပ်လုပ် မအောင်မြင်နိုင်ပါ။ စုပေါင်းသုံး အာမခံစနစ်လည်း ဖြစ်နိုင်ခြေ နည်းပါတယ်။ သမ၀ါယမစနစ်နဲ့ ဆောင်ရွက်တာ ဘယ်လောက်အောင်မြင်တယ်ဆိုတာ အားလုံးအသိပါ။ ကမ္ဘာ့ဘဏ်က ချေးထားတဲ့ ဒေါ်လာငွေတွေ အတိုးပဲ သတ်နေရပါတယ်။ အသေးစားနဲ့ အလတ်စား လုပ်ငန်းအတွက် ချေးငွေပေးအပ်ရာမှာ တန်ဖိုးသင့် အပေါင်ပစ္စည်း မပေးနိုင်ရင် ကျပ်သိန်း ၁၀၀ အောက် ငွေပမာဏပဲ ချေးခွင့်ရှိပါတယ်။ ဂျပန်ချေးငွေက ၀ ဒသမ ၀၁ ဆိုတော့ အတိုးမဲ့နီးပါးပါပဲ။ ထိုင်းနိုင်ငံက ရွာဆိုရင် ထုတ်ကုန်တစ်မျိုးတည်းကို Specialize လုပ်ကာ ထုတ်လုပ်ပါတယ်။ ကျွန်တော်တို့ မြန်မာနိုင်ငံမှာဆိုရင် စက်မှုလက်မှု ဖွံ့ဖြိုးရေးဘဏ်တို့၊ သမ၀ါယမဘဏ်တို့ကတစ်ဆင့် မတည်ရင်းနှီးငွေ ချေးပေးတဲ့ အတိုးများများ စနစ်အစား အလွန်သက်သာပြီး တွက်ခြေကိုက်မယ့် အတိုးငွေနဲ့ တစ်ရွာထုတ်ကုန်တစ်မျိုး စနစ်ကို စနစ်တကျ အကောင်အထည် ဖော်စေချင်ပါတယ်။ ရေထွက်ကုန်ဆိုရင် တနင်္သာရီတို့၊ ဧရာဝတီတိုင်းဒေသကြီးတို့က ထုတ်လုပ်၊ ကျောက်မျက်ဆိုရင် သက်ဆိုင်ရာ ပြည်နယ်ဒေသတွေက ထုတ်လုပ်ပြီး ကုန်ချောအဆင့်ကို နည်းပညာမြှင့်တင်ပြီး ထုတ်လုပ်သင့်ပါတယ်။ သူ့ဒေသနဲ့သူ တန်ဖိုးမြှင့် ထုတ်ကုန်ထုတ်လုပ်ဖို့ဆိုတာ ရင်းနှီးမတည်ငွေ လိုအပ်ပါတယ်။ ကုန်ကြမ်းက အလျှံပယ် ရှိနေပါတယ်။ အစိုးရလခစား အလုပ်မျိုးမဟုတ်ဘဲ        ကိုယ့်ကျွမ်းကျင်ရာ အသက်မွေးဝမ်းကျောင်းပညာ အနေနဲ့ အကျိုးရှိရှိ ထုတ်လုပ်မယ်ဆိုရင် ငွေအား၊ ကာယအား၊ ဥာဏအားတွေနဲ့ အခြားနိုင်ငံတွေလို ပေါင်းစပ်ဆောင်ရွက်တတ်ဖို့ လိုပါတယ်။ ပြည်ထောင်စု အစိုးရ ဘတ်ဂျက်တစ်ခုတည်းနဲ့ ဌာနဆိုင်ရာကနေ ငွေချေးပေးတဲ့ စနစ်အစား ကိုယ်ထူကိုယ်ထ စနစ်နဲ့လည်း ဆောင်ရွက်သင့်ပါတယ်” ဟု ဆွေးနွေးသည်။

ရန်ကုန်တိုင်းဒေသကြီး မဲဆန္ဒနယ်အမှတ် (၉) မှ ဦးဖေချစ်က “ဒီစီမံကိန်းမျိုးကို ၁၉၅၀ ကျော်ကာလမှာတုန်းက အစီအစဉ်ချ လုပ်ခဲ့ဖူးပါတယ်။ ၁၉၆၀ ကျော်ကာလမှာလည်း အစ္စရေးပညာရှင်တွေနဲ့ လုပ်ခဲ့ဖူးတယ်လို့ သိရပါတယ်။ ဒေသထွက်ကုန် သုံးမျိုးလေးမျိုး လုပ်ခဲ့ဖူးပါတယ်။ ပြည်နယ်တွေမှာလည်း အစေ့ထုတ်ပြောင်း၊ ဆန်၊ သစ်တောစတဲ့ သီးနှံတွေ လုပ်ခဲ့ဖူးပါတယ်။ ဆန်နဲ့ပြောင်းကို အစ္စရေးနိုင်ငံက အကုန်ယူပါတယ်။ အဓိက ဆွေးနွေးချင်တာက မူကောင်းပေမဲ့ လူမကောင်းဘူးဆိုတဲ့ အိုင်ဒီရော်လော်ဂျီပါ။ အစ္စရေးတွေရဲ့စနစ်က ဂျပန်နိုင်ငံရဲ့ စနစ်အတိုင်းပါပဲ။ အစိုးရအမှုထမ်း၊ အရာထမ်း မဟုတ်တဲ့ လယ်သမား၊ ယာသမားစစ်စစ်က ကမကထပြု ဦးဆောင်ပြီး အစိုးရဌာန သို့မဟုတ် ၀န်ကြီးဌာနရဲ့ အောက်ခြေအထိ ထဲထဲဝင်ဝင် မဆောင်ရွက်ဘဲ ပေါ်လစီအတိုင်း Stand လုပ်မယ်။ မူဝါဒအတိုင်း မတိမ်းစောင်းသွားအောင် အကြံပေးမယ် ဆိုတာပါပဲ။ ကျွန်တော်တို့နိုင်ငံ အစိုးရများ အဆက်ဆက် လုပ်ခဲ့ပုံက နိုင်ငံတကာ၊ ပြည်ပချေးငွေ သို့မဟုတ် ပြည်ထောင်စုအစိုးရရဲ့ ငွေလုံးငွေရင်းသုံးမယ့် ဘတ်ဂျက်ကျပြီဆိုတာနဲ့ အထွေထွေ အုပ်ချုပ်ရေးအဆင့်ဆင့်၊ ခရိုင်၊ မြို့နယ်၊ ရပ်ကျေး ငွေသားထုတ်ပေးလိုက်ပြီးတော့ ချေးငွေအတိုးပေးဖို့ သတ်မှတ်ရာမှာ အတိုးပွဲခ သတ်မှတ်တာက အကျိုးအမြတ်ရဲ့ ရာခိုင်နှုန်း ၅၀ လောက် ဖြစ်နေပါတယ်။ သဘာဝဘေးအန္တရာယ် ကြုံတွေ့တဲ့အခါ သစ်သီးဝလံတွေ ပျက်စီးကုန်တာမျိုးလည်း ရှိပါတယ်။ ဒါကြောင့် အရှုံးပေါ် အရှုံးဆင့်ပြီး လူလုံးမလှ ဖြစ်ခဲ့ပါတယ်” ဟု ဆက်လက်ဆွေးနွေးသည်။

ထို့ပြင် မကွေးတိုင်းဒေသကြီး မဲဆန္ဒနယ်အမှတ် (၁၀) မှ ဒေါက်တာကျော်ငွေက ထုတ်ကုန်ဆိုသည်မှာ နေ့စဉ်အသုံးပြုနေရသည့် ပစ္စည်းများကို ထုတ်လုပ်ခြင်းကိုခေါ်ကြောင်း၊ တစ်နိုင်ငံလုံးမှာရှိသည့် ကျေးရွာပေါင်း ခြောက်သောင်းကျော်က တစ်နိုင်တစ်ပိုင် ထုတ်ကုန်များကို ယခင်ကတည်းက ထုတ်လုပ်ခဲ့ကြောင်း၊ ယခုလည်း ထုတ်လုပ်နေကြောင်း၊ ယခုခေတ်မှာလည်း နာမည်ရနေသည့် ဒေသထွက်ကုန် အများကြီးရှိကြောင်း၊ ခေတ်ကာလအရ မရပ်တည်နိုင်တော့သည့် ထုတ်ကုန်လုပ်ငန်းတွေလည်း ရှိနိုင်ကြောင်း၊ မော်လမြိုင်က ကျောက်သင်ပုန်းလုပ်ငန်း၊ အင်းဝက မြေသပိတ်လုပ်ငန်း၊ ပုသိမ်က ပုသိမ်ထီးလုပ်ငန်း စသည်တို့ ဖြစ်ပါကြောင်း၊ ဒေသအလိုက် လုပ်ငန်းများကို နိုင်ငံတော်ကလည်း ငြိမ်းချမ်းရေးနှင့်တွဲပြီး အားပေးမှုများ လုပ်နေကြောင်း၊ ကျေးရွာများတွင် လျှပ်စစ်၊ လမ်းများ ကောင်းမွန်အောင် လုပ်နေသကဲ့သို့ မြစိမ်းရောင် စီမံကိန်းဖြင့်လည်း ဆောင်ရွက်နေကြောင်း၊ ၂၀၁၇-၂၀၁၈ ဘဏ္ဍာနှစ်တွင် ကျေးရွာတစ်ရွာကို ကျပ်သိန်း ၁၀၀ ဖြင့် ကျေးရွာပေါင်း ၁၀၀ ကိုလည်း နိုင်ငံတော်က လုပ်ပေးနေကြောင်း၊ ဆောက်လုပ်ရေး ၀န်ကြီးဌာနကလည်း ကျေးရွာချင်းဆက်လမ်း စသည်ဖြင့် ဆောင်ရွက်ပေးနေကြောင်း၊ အသေးစား၊ အလတ်စား လုပ်ငန်းများကိုလည်း ကျေးရွာများတွင် နိုင်ငံတော်က ဆောင်ရွက်ပေးနေကြောင်း၊ ကျေးရွာတစ်ရွာ ထုတ်ကုန်တစ်မျိုးဖြင့် ဆောင်ရွက်ပါက ကျေးရွာပေါင်း ခြောက်သောင်းကျော်က လူဦးရေ  ၃၇ သန်းကျော်သည် အလုပ်အကိုင် အခွင့်အလမ်းများ ရလာကြမည်ဖြစ်ကြောင်း ဆွေးနွေးသည်။

 

ရန်ကုန်တိုင်းအတွင်း ပစ္စည်းခွန်ဖြင့် အခွန်ကောက်ခံရာတွင်၂၀၁၇-၂၀၁၈ ဘဏ္ဍာနှစ် ယခုလအထိ ကျပ် ၁၃ ဘီလျံကျော် ကောက်ခံရရှိပြီးဖြစ်ကြောင်း သိရ

ရန်ကုန်မြို့ မြို့လယ်တစ်နေရာအား တွေ့ရစဉ် (ဓာတ်ပုံ-ကြည်နိုင်)

ရန်ကုန်တိုင်းတွင် ပစ္စည်းခွန်ဖြင့် အခွန်ကောက်ခံရာတွင် ၂၀၁၇-၂၀၁၈ ဘဏ္ဍာနှစ် ယခုလအထိ ကျပ်ငွေ ၁၃ ဘီလျံကျော် ကောက်ခံရရှိပြီးဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ဖေဖော်ဝါရီ ၂၀ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်ဆဋ္ဌမပုံမှန် အစည်းအဝေး (ဆဋ္ဌမနေ့)တွင် ပြောကြားသည်။

ဆိပ်ကြီးခနောင်တိုမြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါ်စန္ဒာမင်းက “ရာဖြတ်ဌာနမှ ကောက်ခံနေသော ပိုင်ဆိုင်မှုအခွန်၊ မကြာခင် ပြည်ထောင်စုမှ ကောက်ခံမည်ဖြစ်သော (Property Tax) ပစ္စည်းခွန်ကောက်ခံမှုစနစ် ၎င်းတို့နှစ်ခုဟာ တူညီမှုရှိပါသလား၊ ပိုင်ဆိုင်မှုအခွန် စည်းကြပ်ခြင်းသည် ငှားရမ်းထားသောသူမှ ပေးဆောင်ရမှာဖြစ်ပါသလား သို့မဟုတ် အဆောက်အအုံပိုင်ရှင်မှ ပေးဆောင်ရမှာဖြစ်ပါသလား စသည်တို့ကို သိရှိလိုကြောင်း” မေးခွန်းနှင့်ပတ်သက်ပြီး မေးမြန်းရာတွင် ၀န်ကြီးက ပြန်လည်ဖြေကြားရာ၌ ထည့်သွင်းပြောကြားခဲ့ခြင်းဖြစ်သည်။

“၂၀၁၆-၂၀၁၇ ဘဏ္ဍာနှစ်တွင် လျာထားချက် ကျပ် ၉ ဒသမ ၅ ဘီလျံအပေါ် ကျပ် ၁၃ ဒသမ၂ ဘီလျံဖြင့်လည်းကောင်း၊ ၂၀၁၇-၂၀၁၈ ဘဏ္ဍာနှစ်တွင် လျာထားချက် ကျပ် ၁၁ ဘီလျံအနက် ၂၀၁၈ ဖေဖော်ဝါရီ ၁၄ ရက်အထိ ကျပ် ၁၃ ဒသမ ၈ ဘီလျံကျော် ကောက်ခံရရှိပြီးဖြစ်ပါတယ်။ ပစ္စည်းခွန်က မြေနှင့် အဆောက်အအုံပိုင်ဆိုင်သော အခွန်ထမ်းပြည်သူများမှ ရန်ကုန်မြို့တော်ကြီးအကျိုးအလို့ငှာ မဖြစ်မနေပေးဆောင်ရန် တာဝန်ရှိသောအခွန်ဖြစ်ပါတယ်။ ပြည်သူလူထုမှ မိမိတို့အကျိုးအတွက် အသုံးပြုသော ရေဖိုး ရေခ၊ သန့်ရှင်းရေးဆောင်ရွက်ခ စသည်တို့အတွက် အသုံးပြုသည့် ၀န်ဆောင်မှုအပေါ် ပေးဆောင်ရသည့် အခများ ဖြစ်ပါတယ်” ဟု ၀န်ကြီးဦးမြင့်သောင်းက ပြောကြားသည်။

၂၀၁၃ ခုနှစ် ရန်ကုန်မြို့တော် စည်ပင်သာယာရေးဥပဒေအရ ပစ္စည်းခွန်ဆိုသည်မှာ မြေဖြစ်စေ၊ အဆောက်အအုံဖြစ်စေ၊ မြေနှင့် အဆောက်အအုံဖြစ်စေ ၎င်းတို့၏နှစ်စဉ်တန်ဖိုးအပေါ် သတ်မှတ်သောရာခိုင်နှုန်းဖြင့် ကောက်ခံသော အခွန်ဖြစ်ပါကြောင်း၊ ယင်းစကားရပ်တွင် အထွေထွေခွန်၊ မီးခွန်၊ ရေခွန်၊ အမှိုက်နှင့် အညစ်အကြေးအခွန်တို့ပါဝင်ကြောင်း၊ ကော်မတီသည် မြို့တော်နယ်နိမိတ်အတွင်းရှိ အစိုးရဌာန၊ အဖွဲ့အစည်း သို့မဟုတ် ပုဂ္ဂလိကပိုင်မြေနှင့် အဆောက်အအုံများအပေါ် ပစ္စည်းခွန်စည်းကြပ်ရမည်ဟု ပြဋ္ဌာန်းပါရှိသည့်အတိုင်း မြို့နယ် ၃၃ မြို့နယ်တွင် ၁၂ မြို့နယ်အား ရန်ကုန်တိုင်းဒေသကြီး စည်ပင်သာယာရေးအဖွဲ့မှ ကောက်ခံဆောင်ရွက်လျက်ရှိကြောင်း၊ ထိုသို့ကောက်ခံရာတွင် ပုဂ္ဂလိကပိုင် သာမန်လူနေအဆောက်အအုံများအပေါ် ခြောက်လတစ်ကြိမ် ရာဖြတ်ဌာနမှ စည်းကြပ်ပြီး Billing System ဖြင့် ပြေစာများထုတ်ယူကာ သက်ဆိုင်ရာမြို့နယ် စည်ပင်သာယာ အုပ်ချုပ်ရေးမှူးရုံးများနှင့် ငှားရမ်းထားသော အဆောက်အအုံများ၊ စီးပွားရေးအဆောက်အအုံများ၊ ဟိုတယ်၊ မိုတယ်၊ အင်းများ၊ Residence၊ Tower၊ Apartment များ၊ စက်ရုံ၊ အလုပ်ရုံများ၊ အစိုးရဌာနဆိုင်ရာ အဆောက်အအုံများအား မြန်မာ့ဆိပ်ကမ်းအာဏာပိုင်မှ အရပ်ရပ်အခွန်ဝင်ငွေအပေါ် ၅ ရာခိုင်နှုန်းဖြင့် ဌာနမှတိုက်ရိုက်ကောက်ခံလျက်ရှိကြောင်း ၀န်ကြီးဦးမြင့်သောင်းက ပြောကြားသည်။

ထို့ပြင် ပြည်ထောင်စုလွှတ်တော်တွင် ရေးဆွဲနေသည်ဟု ကြားသိရသောပိုင်ဆိုင်ခွန်ဥပဒေနှင့် နည်းစနစ်များအား ယခုအချိန်ထိ ထုတ်ပြန်ပြဋ္ဌာန်းနိုင်ခြင်းမရှိသေးသဖြင့် YCDC မှ စည်းကြပ်ကောက်ခံလျက်ရှိသော ပစ္စည်းခွန်နှင့် သဘောသဘာဝ တူညီ/မတူညီ မသိရှိရသည့်အပြင် ကောက်မတီမှ ကောက်ခံလျက်ရှိသော ပစ္စည်းခွန်မှာ ယခင်နှစ် ကာလရှည်ကြာကပင် (Property Tax) ပစ္စည်းခွန်ဟု အမည်တပ်၍ စည်းကြပ်ကောက်ခံခဲ့ခြင်းဖြစ်ကြောင်း၊ ပိုင်ဆိုင်ခွန်အမည်ဖြင့် သုံးနှုန်းကောက်ခံခဲ့သော အခွန်အမျိုးအစားမှာ ရန်ကုန်မြို့တော် စည်ပင်သာယာရေးကော်မတီတွင် မရှိကြောင်း၊ ပစ္စည်းခွန် စည်းကြပ်ခြင်းနှင့်ပတ်သက်၍ လက်တွေ့အခြေအနေတွင် ပိုင်ရှင်နှင့် ငှားရမ်းအသုံးပြုသူတို့၏ နှစ်ဦးသဘောတူစာချုပ်တွင် စည်ပင်သာယာအခွန်အခများကို ငှားရမ်းအသုံးပြုသူမှ ပေးဆောင်ရမည်ဟု လက်မှတ်ရေးထိုး စာချုပ်ချုပ်ဆိုခဲ့ကြသော်လည်း ကော်မတီမှ ပစ္စည်းခွန်ကောက်ခံရာတွင် ပိုင်ရှင်နှင့် ငှားရမ်းအသုံးပြုသူတို့အကြား ငြင်းခံရှောင်လွှဲနေကြသည့် ပြဿနာများတွေ့ရှိနေရကြောင်း၊ ထိုသို့သောအခြေအနေတွင် ရာဖြတ်ဌာနအနေဖြင့် ပိုင်ရှင်နှင့် ငှားရမ်းအသုံးပြုသူတို့အား ခေါ်ယူညှိနှိုင်း၍ ပစ္စည်းခွန်များ ကောက်ခံရရှိရေး ဆောင်ရွက်ပေးလျက်ရှိကြောင်း ၎င်းက ဆက်လက်ပြောကြားသည်။